ديوان حمدان المري

وصـــاة أبــــي


يـقـول ابــي يابـيـك مـانـي بوصـيـك
نصـيـحـة لاهـــل الـعـقـول اللـبـيـبـه
بانصحك ياحمدان في فـرض واليـك
وحـظ الــذي نفـسـه مــن الله قريـبـه
اغـنـم زمـانـك قـبـل مـاعـاد يـمـديـك
ومـن يتـبـع الشيـطـان ربــه حسيـبـه
لايغـرك الشيـطـان والـمـوت قافـيـك
كـلـن ولــه يـومــه ويـاخــذ نصـيـبـه
واعلم ترى المقسوم ماهوب مخطيك
ونـفــس بـــدون ايمـانـهـا مستـريـبـه
مكتـوب وان ماجيـتـه الــزوم ياتـيـك
وقول الدعـاء جعـل الولـي يستجيبـه
والطيب لاهل الطيـب حمـدان يابيـك
ماجـوبـهـم واجـــب ولافـيــه ريـبــه
والا الـردي يابيـك مـن دون تشكـيـك
ماينـفـعـك حـتــى لـوانــك صحـيـبـه
لازم تراعـي خاطـر الـلـي يراعـيـك
ومـن لاعتنـى لرضـاك لاتعتنـي بــه
اللـي اذا شـان الدهـر مالتـفـت فـيـك
يالعنبـوهـا صحبـتـه وش تـبــي بـــه
واحـــذر ولاتـخـاويـه ولا يـخـاويـك
خلـه عسـى شيـن الزمـان يغـدي بــه
خويك الى ضقت وكثـرت طواريـك
يـبـيـن فـعـلـه والـمـواقـف صـعـيـبـه
الا درى وش حـاجـتــك مـايـمـالـيـك
ايلـيـن قـــدك تـقــول فـــك النشـيـبـه
وان طـول اجدالـك ماكـنـه يحاكـيـك
ماجوبك اوجـب قومتـه والسعـي بـه
يــدور الـلـي جـايـز لــك ويرضـيـك
وماجـابـتـه ســـود اللـيـالـي تـجـيـبـه
والـى اجتمـع هــم الليـالـي حوالـيـك
بــان ولــد الـلـي نـاشـد مــن نسيـبـه
ان جاك خيره خيـر ولاهـوب مذيـك
والـلـي يـكـف الـشـر ياطـيـب طيـبـه
خـاو الـذي يـفـرح الا مــر طـاريـك
ان كـــان مـابــه يـاولــدي مايـعـيـبـه
اللـي يبـيـك وبــدت الـنـاس شـاريـك
يبغيـك راس الـمـال مــن دون جيـبـه
عليـك بالـلـي تـذكـره فــي عـزاويـك
والا اعتـزى بـك ياولـدي تعتـزي بـه
المـوت يزيـدك غبـن والحـي يحييـك
هــذا مـثـل كــل البـشـر تقـتـدي بـــه
وان جـاك قـول يقـول بيـن مساعيـك
والا انشـبـت بـيـن الطلـيـب وطليـبـه
وثـمـن كـلامـك والـعـدو لايخـطـيـك
بعـض الحكـي يابيـك ماينحـكـي بــه
وقم في لزوم اللي من الوقت ناصيك
لايـــروح كـنــه فـاقــد لـــه ذهـيـبــه
شف حاجته بسكات من خير معطيك
من جاد بالمعـروف عيـب يحكـي بـه
ومـال بلـيـا طـيـب مـاهـوب مغنـيـك
ان مانـفـع محـتـاج وش ينبـغـي بـــه
والضيـف لاجـا مــد ماتمـلـك يـديـك
واجــب عـلـيـك وواجـبــه لاتسـيـبـه
لا جـــاك قـلــه مـرحـبـاالله يـحـيــك
الـضـيـف نـفـسـه للبـشـاشـه رقـيـبـه
واصل الرحم والوصل خيـر ينجيـك
مـن شـر بقعـا والـصـدوف الغريـبـه
واخـذ احتـرام النـاس بـاول مبـاديـك
واخــذ لكبـيـر الـسـن يـابـيـك هـيـبـه
وايـهــا امــانــه لادعــــا رد لـبـيــك
والحاجه اللي تفرحـه باللـي هـي بـه
والا شكيـت اشــك لرفـيـق يشاكـيـك
الـلـي الاثـقـل الحـمـل تنـتـخـي بـــه
والا حداك اللـي مـن الوقـت حاديـك
تـهـون الا كـبـرت علـيـك المصيـبـه
ماشفت وقتي ويش سـوى وانـا ابيـك
شـيـبــت وانــــا مـابـعـدنـي بـشـيـبـه
لاتـامــن الايـــام وابـلـيـس يـغـويــك
وتعـيـش رجــل بـيـن الـوقـت عيـبـه
عسـى الولـي لمنهـج الـحـق يهـديـك
وتـدل قـول مـن الرضـا تهـتـدي بــه
اغـنـم زمـانـك قـبـل مـاعـاد يـمـديـك
الـمـوت يـــوم لابـــدى ننـتـهـي بـــه

لا تــواجـــهــنا ولا شــفتــك


يامـحـرق قـلـب مــن حـبـك ولا نـالــك
إلـى مـتـى و الظـنـون الـسـود مكلفـتـك
اموت واعرف وش اللي يدور في بالك
حيرتنـي بـك ولا ادري ويــش سالفـتـك
تشـك فمحبتـي لـك؟؟؟ يـا بــري حـالـك
وانـا اللـي خليـت لـك قلبـي وناصفـتـك
أحب لك منك واقرب لـك مـن ضلالـك
واصدق من احساس قلبي كل ما شفتـك
حتـى القصايـد وهـي مـا تكتـب الا لـك
كنهـا عـلـى كثـرهـا ماهـيـب منصفـتـك
لو اني ما افرح إلى ((جا)) رقم جوالك
رديـت والـفـت لــك قـصـه وصرفـتـك
تـــدري بـحـبـك وتـقـديـرك ومـنـزالـك
مافـيـه داعـــي تـقـلـل قـــدر معـرفـتـك
خليـت كــل البـشـر واختـرتـك لحـالـك
وتـركـت مــن كــان يبغيـنـي ووالـفـتـك
ماهوب طول البطا اللي يقطـع وصالك
بس انـت كـف الملامـه والعتـب وافتـك
ثلاثـة سنـيـن وانــا امــوت واحـيـا لــك
عفت البشر مـن سبـب حبـك ولا عفتـك
فــي بـالـك الـشــك والـعــذر يتهـيـالـك
واثق وإلى خفت من غدر الزمن خفتـك
اختـار يـا امـا تـشـل الـشـك مــن بـالـك
والا اعـتـبـر لا تواجـهـنـا ولا شـفـتــك

الأمـــــــــاكــــــــــن



البرد لهفة شـوق والليـل ساكـن
وانا تشفقـت اللقـاء وأحتريتـك

الله عطاني اياك وأصبحت واكـن
على الله انـي لا بغيتـك لقيتـك

مؤمن بما يكتـب لـي الله ولكـن
بليت نفسي فيك عشـق وبليتـك

تغيب وعيونـي عليـك يتباكـن
لو انك تسقيني الوصل ما ارتويتك

خليت حسرات الزمـان يتراكـن
بين الرجاء والياس ليتك وليتـك

داويت جرح" من قسى الوقت ماكن
والا فتعطيني ربع مـا عطيتـك

وخليت ناقلت الهـروج يتحاكـن
ومن كثر ما اجحد أحسبني نسيتك

ما شفت قلبي والعيـون يتشاكـن
أغير منهم من كثر مـا هويتـك

سريت لك مشتاق والليـل داكـن
يستر ظلامه وقفتي عنـد بيتـك

تقول حبك بين الأضـلاع راكـن
وأقول هذا اللي ذبحنـي وجيتـك

سمعتني محمد يغنـي (الأماكـن)
وأسمعك (واحشني موت) وفديتك

الـحــــب الأول



أقول بنسى وأحسـب انـي نسيتـه
الحب الأول صعب نسيان راعيـه

عانيت في بعده كثـر مـا هويتـه
لا احتلت في قربه ولا نيب ناسيـه

لو اني أقـدر جيتـه كـان جيتـه
اللي بقوله آآآآه ويلي علـى أجيـه

بس البلا أني كلمـا جيـت بيتـه
أخذ ثلاث أيام مدري (شنـا) فيـه

ليل ونهـار وليـل واللـي قفيتـه
وأنا مابين أسمه ورقمـه وطاريـه

الله عطاني مـن غـلاه وعطيتـه
وغيره بغى مني ولانيـب معطيـه

قالوا هويتـه قلـت أأيـه هويتـه
قالوا تركتـه قلـت مانـي مخليـه

له منزل" في وسط روحـي بنيتـه
جدرانه ضلوعي وهو ساكن" فيـه

دورت له بيـن الضلـوع ولقيتـه
خلف الضلوع يبين(ماطى)خطاويه

واليوم لا أحتجت اللقـا ماأحتريتـه
حتى ثره من بين الأضلاع ما حيه

ياجعل يسقـى عادنـي لا بغيتـه
يغفى على ضلعين صدري وأصحيه

ما فيه شخص في حياتـي بكيتـه
الا الذي قد مـات مانيـب راجيـه

لكـن هـو حـي ومـع ذا رثيتـه
من قلبي اللي أحسـن الله تعازيـه

حملـت قلبـي بالهمـوم ورجيتـه
كني ما عرف الا غيابـه وأحاتيـه

أقـول بنسـى وأثرنـي مانسيتـه
الحب الأول صعب نسيان راعيـه

برج القاهرة



يامحمد أخلص لاتطولهـا وهـات المختصـر
لاتنشد الا من ميـاه النيـل وبـرج القاهـره

لاعاد تسألني وش اللي مبطي" بي في مصـر
ليت العيون النايمه سـوت سـوات الساهـره

البارحه عند العصر ما كن حن عند العصـر
غشى سواد الليل عين اللـي زمانـه قاهـره

من يوم شفت أم العيون السود ضامرة الخصر
وانا اتحاشـى شوفهـا والا عيونـي جاهـره

علي الحرام ان كنها تعصر معاليقـي عصـر
إلى استمال عويدها اللي كن ربـي صاهـره

لو ان ماهي تستاهل ان زين الملا فيها حصر
ماكان حتى عروقها من خلف يديها ضاهـره

قامت وقام الناس ومن جـاء بيتعدهـا قصـر
حسبي عليها ان كنها علـى التغنـج ماهـره

خلت جماهير الهلال اتشلشل أعـلام النصـر
نادي النصر من لبسها شهر وربـي شاهـره

لو اني معها في عريش أخير من بيت وقصر
منزالها يسمو علـى كـل البيـوت الباهـره

هذي مصر وإذا بغيت تعرف وش معنى مصر
أشرب ميـاه النيـل والا ذب بـرج القاهـره

يــالـيـتـنـي جـوالك



إن كنت إلى ذلحين في عينك طلبتـك خلنـي
الا أنا ليه أطلبك وأنا ادري أن هـذا محـال

يمكن لوأني دمعةّ فـي ناضـرك ماتهلنـي
لأنني في ناضرك مثل الجسد هو والضـلال

خليتني مثـل الـورق سـود الليـال تفلنـي
وأنا معذبني زماني من شقـى سـود الليـال

ليت الزمن قـدام يحرمنـي عليـك يحلنـي
بس البلا أن الوضع دونك لاحرام ولاحـلال

مليت من صبري وصبري من كثر ماملنـي
أصبحت أداري دمعةّ ماهي تبي طرح السؤال

(ينتابنـي بعـض الأمـل لعلنـي لعلـنـي
حين اللقاء أجـزم بأنهـا لحظـة وصـال )

تدل بيتي وتعـرف ويـن أسكنـي وتدلنـي
مابقي الا أقول لك عجل علي يابـن الحـلال

تدري وش اللي فالمحبه مـن سببـك يعلنـي
نظرات حزن تنولد وتموت (ف)عيون الرجال

ما أعتدت أجي لي في مكان يسرني ويذلنـي
معزت الرجال دامـه حـي مافيهـا جـدال

لك وحشةّ أتلنـي لا أشتقـت لـك ويتلنـي
وجدّ يحايل دمعتي لا عرضو لك في مجـال

ياليتني جوالـك اللـي فـي يـدك وتشلنـي
عشان صوتك مايفارقني مـع كـل إتصـال

لكن أخاف أنـه إذا جـاك إتصـال تملنـي
ثمّ تسكرني وأنا مالي على الصبـر إحتمـال

أما فشغلني علـى طـول الزمـان وخلنـي
والا أني أبقى فنظرك مثل الجسد هو والظلال

الـبـاص



ماننكر أن دور المره في ذا الحيـاه
كبير ونص المجتمـع كلـه مـره

لكـن مايدعـو لـشـد الانتـبـاه
أن الأمر ماهوب تحـت السيطـره

جاني رفيق وقال يبغي له وصـاه
يبغي قصيـده والبيـوت مشفـره

قـال البنـات موصلينـه منتهـاه
قلت أنتبه لي زين وخـل الدنـدره

هم نصنا الثاني ولا منهـم غنـاه
قال البلا في بعضهم قلـت أذكـره

قال الولد لا شاف ضيقـة العبـاه
أنا اعتقد ما فيـه شـي" يخسـره

أما بسجن العاصمـة يلعـن ثـواه
والا من المشفـى لبـاب المقبـره

قلت الغبي يستحمل محصل غبـاه
ورزانـت العقـال للرجـل ثمـره

ومرت وهي تمشي مثل مشي القطاه
تجهر وتضحك له وما شاف قهره

قال أنت شفت وقلت له بعد الصلاه
بذكرك فـي شـي ولازم تذكـره

وبعد ما صلينا سألتـه وش بـلاه
قال الحكي اللي قلت لي وش آخَره

قلت الشباب وبعضكم ما الله هـداه
من شاف له زولا" قضى يتبع ثره

عقب العشاء وهو مخطط من ضحاه
زودا" على أنه فالنصر طال سهره

مغلب" حاله يا جعل أمحـق حيـاه
مآبه مجمع فـي البلـد مـا متـره

وباص المدارس لا عبر قلتوا وراه
وأرقامكم فإلجام جنـب المنضـره

وراه ما تدرون وش هـو محتـواه
والمشكل أن الباص كلـه مبـزره

قال أنت تمدحهم علشـان الـرواه
قلت الرجل مدح النساء ما يشهـره

أنا طعني صاحبي وأظهـر خفـاه
يا صغره بعيني بعـد يـا مكبـره

وأنت تدري المغدور ما يلقـى دواه
لا جات من يمنى رفيقـه فظهـره

شلون أدور له عذر وأدمح خطـاه
ماهوب عاذرني الزمن لو أعـذره

لكن بسامـح شـرط يلقينـي قفـاه
دام العفو يا خـوك عنـد المقـدره

أخسر رفيق" ما رفع راسـك نبـاه
وأكسب رفيق" ما تفكـر تخسـره

راعي الردى لا بد ما يظهـر رداه
وإلا الكفو حتى المراجـل تشكـره

خل النساء والرجل يميز من ذكـاه
وأعلم ترى الدنيا عبـور وتذكـره

بختم لك ببيتين وأحسبهـا وصـاه
وحاول تشوف أسهل طريق وتعبره
ِ
أكبر مصيبه للمـره تبـع الطغـاه
إلى نزعت عن جسمها ما يستـره

وأكبر مصيبه للرجل في ذا الحيـاه
أنه ينـزل هامتـه لرضـا مـره

تــــخيل



تخيل أن الله بغى وشـاء القـدر هـو والظـروف
وقال القدر أختار أمـا فـي نظـرك أو مسمعـك

يعني اذا أخترت النظر كن الحكـي مالـه حـروف
ولا اذا اختـرت السمـع أسمـع ولاكنـي مـعـك

ماأقدر اشوفك ما أسمعك ولا أسمعك من دون اشوف
يا أسمعك وانا أشوفـك أو اشوفـك وانـا أسمعـك

النعمتيـن مكملـه فرحـه لقـاء أغلـى هـنـوف
شوفك وصوتك مطمعي قبل أعرف وش مطمعـك

وجدي وجد أللـي اخيـه بتالـي القـوم محـذوف
عليـك قبـل أوادعـك واكـف باقـي مدمـعـك

من الغلا في ذمتي أن كنك في ذا القلـب مغـروف
شفت البحر مثل البحـر ماهـوب حولـي اجمعـك

الله وهبني محبتـك سبحـان المعطـي الـرؤوف
وصارت حياتي كلها وهمي الوحيـد أبقـى معـك

واذا أراد الله وشـاء القـدر هــو والـظـروف
أبسمعك وانا اشوفـك أو اشوفـك وانـا اسمعـك

اســـتأذنك



استأذنك .. بسافـر ايـام .. وآجيـك
وان طالت ايّـام السفـر .. لاتحاتـي

حتى ولو طوّلـت .. مانـي بناسيـك
ياللي بدونك .. ويش تسـوا حياتـي؟

تامر على حاجه؟؟ .. بودّعك واليـك
عسى عوّض الايام .. في المقبلاتـي

حتى يدي .. ماودّهـا تفـارق يديـك
ساكت .. وانا اشوف البلا في سكاتي

ماشفتني لارحت منك .. التفت فيـك
بـلاي والله (( روحتـي والتفاتـي))

لكن قبل مـاروح .. ودي اوصيـك
وانت الوحيد اللـي يقـدّر وصاتـي

لاحدٍ سالك .. وقالك ((وين مغليك؟؟)
قلـه: "لـوازم لاقضاهـا بيـاتـي"

وان طروا النسيان .. مانـي بناسيـك
ياراس مالي في الحيـاه .. وغناتـي

وان طروا السلوان .. مانـي بساليـك
طيفك معي حتى وانا فـي صلاتـي

قلبي .. وهو قلبـي اذا مـرّ طاريـك
لولا ضلوعي .. كان عـزوا مماتـي

لو جض صدري .. كان يمديه ياتيك
ويبات عنـدك .. ويهنـى بالمباتـي

انا .. وقلبي .. والغلا .. ساكنٍ فيـك
وانته .. وقلبك .. والغلا .. وسط ذاتي

غلاك .. مثل الحكم عنـد المماليـك
اكبر طموحي .. لا .. كـل امنياتـي

شف في غيابـي ايّ حاجـه تسليك
لأني بعدك .. اسلى مع (( ذكرياتي))

احاول اذكـر .. اي شـيٍ يطريـك
"واقول هو سوا .. وانا ذي سواتـي "

كني مـوادع .. كـل شـيٍ حواليـك
وكني حسبت حساب ((حزة وفاتـي))

احب .. لاني مقدر انساك .. وآبيـك
ولا اقـدر اخليـك .. ياللـي تحاتـي

معنى احب .. وماقدر انسى واخليـك
((يعني بدونك ويش تسـوا حياتـي؟