تدرون متى الانسان يشوف الحقيقه ..ومتى ينولد الاحساس عندنا

#1 09-06-2014

سم الله الرحمن الرحيم

السلام عليكم ورحمة الله وركاتة

اخواني يقول رسول الله صلى الله عليه وسلم احب لاخيك ماتحب لنفسك00 وانا من منطلق هذا الحديث حبيت اني اعمل شي يرضي وجه ربي وصدقوني ان الموضوع له اهميه اقروه وبعون الله ماتخلصون منه الا وانتم مرتاحين

يمكن يتصور الانسان ان الحقيقه انه يشوف شي بعينه وهذا نوع من الحقيقه لكنها مو الحقيقه لان لو كانت الحقيقه ترا بالعين كان الاعمى مايشوف الحقيقه ولا يعرفها

الحقيقه احساس وشعور يلامس الاعمي والبصير

عندما ترا الحقيقة راح تحس انك فهمت الحياة علي حقيقتها

حقيقة الشي معناته فهمك لشي وكلمة (فهمك) تعني ادراك واحساس

شلون عرفنا ان الله هو خالق الارض والسموات وكلمة (عرفنا) تعني تحققنا من شي وعرفناه معناتها اننا شفنا الحقيقة

اخواني انا توني قلت شفنا الحقيقة بس ابي اسالكم في احد منكم شاف شي؟ او شاف الحقيقة بعينة؟ اجل مثل ماقلت لكم الحقيقة شعور واحساس

تدرون ليش العاصى يتوب وشنو السبب لانه حس بالحقيقة واكيد ان الهدايه اهم الاسباب ولكن الهدايه تجي اذا الانسان طلب الهدايه او حس بذنوبه او ندم علي شي اما العاصى اللي مايحس بكل اللي ذكرت كيف الله يهديه؟

صدقوني حتى الانسان لما يظلم ويحس انه ظلم هذا الانسان وانه مخطي بحقه ويحاول انه يرد حقه راح يهديه ربه لانه حس بظلمه وخاف من ربه لكن اللي يظلم ويتفاخر بظلمه يكيف ربه يحبه ويهديه؟

لازم اننا نندم حتى يهدينا الله او نحس بالله عز وجل حتى لو كنا نعصى ولكن حاسين بالله وعندنا شعور بالندم والخوف من الله اهون من اللي مايحس بالله

والحين عرفنا ان الاحساس له علاقه بالحقيقه

اجل لازم نحس علشان نشوف الحقيقة ولازم نحس علشان نشوف اشياء ماكنا نشوفها ولازم نحس علشان نعرف حنا ليش انخلقنا ولازم نحس علشان نعرف اللي يدور حولنا ولازم نحس علشان نعرف ليش حنا وصلنا الي هذا الحال ولازم نحس علشان تصفا قلوبنا ولازم نحس علشان نميز في عقولنا ولازم نحس علشان نفهم الحياة علي حقيقتها اجل لازم نحس ونحس مادام الاحساس هو الحقيقه اللي يخلينا نشوف الاشياء اللي تدور حولنا ولا نشعر بها

المسرحيات؟؟ والناس اللي جالسه بس تضحك؟؟ على الممثلين قبل لانحس بالحقيقة كنا من رواد المسرحيات لكن بعد ماحسينا فيها راح تغير الصورة وراح نقول في نفسنا شنو هالسخافات ناس جالسه وبشر واقفه علي المسرح والعالم تضحك قمة المصخرة والصلاة يروح وقتها وحنا نضحك انا وين كنت وشلون غابت غني هالاشياء هذي؟ هذا الكلام راح يقوله الانسان اللي حس بالحقيقة

اجل كلكم حسوا في نفسكم وحسوا في باللي قاعدين حولكم وحسوا في اهلكم وابوكم وامكم اذا جاء منا بعض العقوق حسوا علشان تحييون حياة هنيئة وحسوا علشان نعرف نفسنا اخواني الاحساس هذا اهم شي بالانسان لان الانسان اسلم يوم حس ان في خالق راح يحاسبه وماشافه بعينة اخواني الاحساس هو الانسان والانسان هو الاحساس اذا نام الانسان عن صلاة مكتوبه مايحاسبه ربه لين يصحى ويصليها اجل ربنا ماحاسبنا اذا نمنا لان عند النوم يتوقف الاحساس اجل الاحساس اهم شي بالانسان بعد الاحساس هذا والخوف من الله راح تدخل في قلوبكم الهدايه وبعد ماتدخل الهدايه راح تحسون بشي اسمه(الحقيقة) وبعد مانحس بالحقيقة راح نشوف الاشياء اللي تدور من حولنا علي حقيقتها00 اخواني اللي ابي اقوله ماراح نوصل للحقيقة بدون الاحساس وراح اشرح شرح مختصر كيف نحس شنو اللي نسويه اذا نبي يتولد عندنا الاحساس صدقوني بسيط حيل حيل حيل

الاحساس يجي اذا الانسان خاف ربه بس ... في شي صعب؟

خاف ربك بكل شي راح يتولد عندك شي اسمه( احساس) ويكبر هالاحساس كل ما خفت ربك ساعتها راح تشوف نفسك تعرف اشياء كثيرة شي من ربك هديه من رب السموات والارض بس خافه يعطيك ربك اشياء كثيره انت تشوفها وتحس فيها وغيرك من العاصين مايشوفها ولا يحس فيها وانا قلت توني تشوفها وتحس فيها واقصد بكلمة تشوفها تشوف ربك وسع في رزقك وتشوف تحولات بحياتك ملموسه وقلت تحس فيها واقصد بكلمة تحس فيها انك راح تحس بالسعادة والسعادة هذي شي جميل حيل محد يحس فيها الا اللي جربها وانا قبل شرحت لكم معنى السعادة ولي موضوع تكلمت فيه اللي يبي يقراه يبحث عنه ومابي منه الا الدعاء عنوان الموضوع اللي يتكلم عن السعادة بعنوان00
((( مالقيت عنوان لشي هذا لكن اقروها وحسو فيها لانها بدون عنوان)))
وتالقونه بالمنتدى العام
شغله بسيطه ابي اقولها للي يقرا كلامي اذا كانت عندك معصيه ومنت قادر تتركها بس قول وانت تتذكرها يارب اهديني خلك متذكر معصيتك وانت تقول يارب اهديني وكل ماتذكرها ادع راح تحس براحه انشاء الله