شي في خاطري

في خاطري شي وامسيت مغبون
..........................والقلب يحرق والمسافة طويلة
ماكني الابين المحابيس مسجون
..........................من هم مازد طاق ظهري يشيله
حسبي على الحب والي يحبون
..........................تجرعت انا من كاس مرة وويله
وهاجسي ذا اليوم والله محزون
..........................وما معي غير الشعر باليل حيله
واحسبك في بعادي من الي يحسون
...........................وكنت احسب ان قلب المفارق دليله
ليت العرب بالي في عيوني يدرون
...........................يدرون وش معنى مجنون ليله
صرت احبك لين وصلت الجنون
..........................تعديت في حبك الف ليله وليله
سالت ويش الي في حبيبي تظنون
...........................ردو وقالو روح دور بديله
كنت اقول الناس هولا يحسدون
...........................يبغو يفرقوا مابين خل وخليله
قالو بيجي يوم وتشوفه ايخون
............................ماكنت اصدق لين شفتك مليله
لين السهر حارب اهداب الجفون
..........................والقلب من همه تزايد عويله
ماني من الي يقول لناس تكفون
...........................لي عزة تفرض عليا الفضيله
ما انحني لك لوتكن من ما تكون
..........................بس فيني تجمل والجمايل جميله
كنت احسب اني لقيت خلٍ حنون
...........................ويش الذي غير فوادك ومشعل غليله
آه لوتدري كلما اغلقت العيون
...........................أشوف طيفك والعيون الكحيله
واعيش دنيتي خارج مدى الكون
............................واعيش حلمي في ثواني قليله
وافتح عيوني بالهون بالهون
...........................يمكن اشوف طيفك قبالي واجيله
واروح واسري مع الي بيسرون
.............................من بعد ماهد السهر كل حيله
وانتظرليلي لين به حل السكون
............................واسترجع افكاري وذكرى جليله
وكلما تطري على بالي اشجون
.............................ينهد صدري والضلوع النحيله
وصدري ماعاد يتحمل طعون
.........................ولاتحسب ان طعنتك حبيبي سهيله
احاول انسى بس العواذل يذكرون
............................يذكرون قصتنا ليله بليله
والله لوتدري وش معن الغبون
.............................كان شفت دموع عينك هميله
وما ودي اسرد والعواذل يسمعون
...............................بس كلما ذكرتك يفوح بني وهيله
وفي خاطري شي وامسيت مغبون
...............................والقلب يحرق والمسافه طويله




اعجبت بها فنقلتها لكم

وكلما تطري على بالي اشجون
.............................ينهد صدري والضلوع النحيله



صح لسانكـ ولسان قايلها
والله ياسراب من قريتها وضلوع صدري تباروا

طرح جميل وذائقهـ عاليهـ أخي

ربي يحفظكـ

مروري
تقديرا واحترام لشخصك الكريم

واعجابآ بطرحك الراقي

كنت هنا وسأكون دومآ


اختك

نظرة الحب

ســـــراب

صح لسانكـ ولسان شاعرها

و الله يعطيك العافيه

و تسلم يمينك يا الغالي

نقل رائع و إنتقاء أروع

و حضور كان هو الأجمل و الأروع

بإنتظار جديدكــــــــ

ماني من الي يقول لناس تكفون
...........................لي عزة تفرض عليا الفضيله
ما انحني لك لوتكن من ما تكون
..........................بس فيني تجمل والجمايل جميله

رووووووووووووعه ماطرحت سراب وتسلم يمينك على النقل الرائع وصح لسانك ولسان راعيها ...................وربي يحفظك

سلمت اناملك على النقل الرائع..

ننتظر جديدك المميز..

تقبل مروري..