 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
02-25-2022
|
||||||||||||||||||||||||||||||
|
||||||||||||||||||||||||||||||
رواية صغيرات على الحياه البارت الثامن
البااارت الثامن<
وافي:أحس بطفش لمن أدخل البيت وماألاقيها أعترف إني فاقدها كنت لماأدخل البيت ريحة البخور توافيني لماتجي تسلم علي وتضمني وأنا أسوي نفسي مومهتم .. سفرتها مع أنها بسيطة بس تفتح النفس.لما أقولها مابي غدا بس عشان النوم ماتتركني بحالي تسحبني بطريقة مرحة للشاور المجهز بأحلى الروائح غصب عني أسمع كلامها مع أنه ماعمره أحد تجرأ علي وخلاني أسوي شي مابيه_لمن تبي مشوار خاص سوق أوخواتها وتسلهم لي بعيونها وتتدلع ماأقدر أرفض طلبها أوووف بروح أجيبها اليوم الأثنين ولسا ماطلعت من الكلية. حنين:الحمدلله أن الموضه البلايز قصة حمل.وإلا كان الكل درا عني شفت وافي يدق توني برد وأنا طالعة من باب الكلية بس شفته وعرفت أنه بياخذني سفهت الجوال وركبت مع نقلنا. وافي: شفت أبوجابر بيمشي اعترضت طريقه وقلتله ينزل حنين. حنين:انقهرت لما شفت البنات يطلون على وافي واللي قهرني أكثر تعليقاتهم السخيفة البنات:من ذا حنين؟رجلك وإلا أخوك؟... حنين:نزلت بسرعة عشان مايقزونه أكثر بس ابتسمت بتشمت وفرح لأنه كان مثلثم بشماغه ركبت وقلت بزعل:خير ليش جاي اليوم مو الأربعاء؟ وافي:أدري بس أنا لي ثلاث أيام عزوبي ماكني متزوج محد يهتم بي وبطلباتي. حنين:ياااه طول عمرك أناني وشفيها لوقلت اشتقت لك!وحشتيني!البيت مايسوا بدونك!ومن هالكلام لومجاملة قلتله:بس هذا مو أتفاقنا! وافي:نزلنا مطعم عوائل وشفتها جلست وشالت غطاها ونثرت شعرها قربت منها وهمست بأذنها :مانسيتي شي؟ حنين:وقفت أتأكد من شنطتي أنها معي وجوالي التفت له وقلت لامانسيت شي!حتى ملازمي بالسيارة! وافي:لي يومين ماشفتك وسلامك باليد بس؟وقربت منها وضميتها حنين:أحرجني وبسرعة بعدت عنه خفت يدخل أحد بالغلط ويسحبونا للهيئة. وداد:تحسنت علاقتي بعساف كثير..أنابديت أتأقلم معه مع أن طيف أنور يزورني بعض الاحيان! عساف:من حملت وداد وأنا أحس أن الدنيا لي أنا وبس! طالعت ساعتي أووه تأخرت عليها مريت وأخذتها ورجعنا للبيت. وداد:ببدل ملابسي وأجهز الغدا عساف:كسرت خاطري راجعة من الكلية تعبانة والحمل تعبها زيادة قلت:أشرايك تذوقين طبخي اليووم؟ وداد:لااااأخاف تحوس علي المطبخ. عساف:أفا عليك نامي لين يجهز وأصحيك وداد:ماصدقت خبر طلعت أنام لأني ميتة تعب عساف:جهز الغدا جيت بصحيها لقيتها نايمة رحمتها حطيت الأكل بحافظة ونمت جنبها. وسن:الله ياخذ شيطانه هالوافي ماأمداني أتهنى بحنو جا وخذها حتى أغراضها أرسل سواقهم ياخذها. لبست مريولي وأنا أتحلطم عليه في المدرسه< ابلا تماضر:أندوري ياوسن برا هيا أندري! وسن:ليش أستاذة عشاني أظفر شعر هند!مسكينة استاذة البنت يتيمة أمها ميتة ماعندها أحد يظفرها! هند بهمس: حسبي الله عليك تفاولين على اميمتي! تماضر:يااااربي أنتي ناوية تجبي له الجلطة!! وسن:بسم عليك استاذة ان شاالله اليهود الجلطة والسكري والنقرس وحمى الوادي المتصدع وأنفلونزا الطيور وجميع الأمراض اللي مالها دوا البنات:أآآآمين تماضر:وااااه ياقلبي إن شاالله أمك حتدخل الجنة بسبب صبرها عليك_ وافي:دق جوالي طالعته واستغربت أبوجابر!أنا حاسبته وخلصت!شيبي؟نعم. أبوجابر:السلام عليكم والله ياولدي مدري شقولك! وافي:خير إن شاء الله حسابك ناقص؟وإلاشي! أبوجابر:لاوالله.السالفه ومافيها أن اليوم اللي خذت فيه حرمتك صارلنا حادث وافي بقل صبر:أفا عسى محد تضرر؟ وأنا بنفسي أقول الحمدلله أن حنين مومعهم! أبوجابر:الحمد لله محد تضرر بس فيه بنت نزفت شوي ونقلو لها دم والحمد لله الحين تمام. وافي:طيب تامرني بشي؟ أبوجابر:مايامر عليك عدو بس البنت اللي نقلو لها الدم فيها التهاب الكبد الوبائي والمستشفى طالبين تحليل لبنات النقل لايكون انتقل لهم المرض.وقلت أبلغك.فمان الله. وافي:لفت بي الدنيا وماعاد سمعت من حكي أبو جابر شي! أخذت جوالي ومفتاحي وسيده على الكلية. حنين:وافي شفيك أهلي أو أهلك فيهم شي؟قل الصدق؟ وافي:تعوذي من الشيطان مافيهم إلا العافية كلميهم إذا تبين!السالفة ومافيها أنا شوي تعبان قلت أقيس ضغطي وأسوي شوية تحاليل قلت إخذك معي. حنين:بلعت ريقي معقول شاك بحملي؟آآآه الظاهر خط الرجعة لابد منه.بس زين جت منه مقدر أغبي أكثر من كذا خلني أرتاح من الهم وافي: بعد ماخذوا عينة الدم مهدت لها الموضوع بشويش عشان ماتنصدم لو صار فيه حاجة لاقدر الله.بس قطع كلامنا النيرس وهي تنادي حنين قمت من مكاني بصعوبة أحس رجولي خانتني بلعت ريقي وقلت لها تنتظرني برا بس رفضت ودخلت معي. النيرس:مبروك مدام هامل>حامل<. وافي:نعم؟أكيد غلطانة أحنا تحليلنا عن التهاب الكبد مو عن الحمل!بعدين المدام تاكل موانع طالعت حنين أبيها تأكد كلامي! حنين:نزلت راسي لما طالعني وافي لاني عارفة أني مسوية شي غلط بالنسبة له وصح بالنسبة لي. النيرس:هادا أكيد همل روه إياده مراجأه وافي:سحبت التقرير أتأكد وطالعت حنين وهزت راسها بتأكيد وهي منزلته! جن جنوني وشياطيني قامت وماقعدت مسكتها بقوة من يدها أفرغ شحنات الغضب فيها مابي فضايح بالمستشفى مسكت نفسي بالسيارة وأنا ماتكلمت أفكر باللي صار. حنين:الله يستر شكله يخوف ياربي خايفه؟ وافي:أول ماوصلنا بيتنا وقبل لاتشيل عباتها مسكتها بقوه من كتوفها : تستغفليني!تلعبين علي!شايفتني بزر عندك!ياحيوااااااانة لمي أغراضك وأنقلعي من بيتي! حنين بانفعال وكل الخوف راح:أنا مو حيوااااانة من حقي أكون أم ولعلمك حسب كلام الدكتورة أنا حامل من ليلتها ولو كنت أخذ الموانع كان تشوه الجنين وبيتك ماني جالسة فيه أشبع فيه لحالك! تركته بالصالة وأنا أجمع أغراضي من غرفتي وأتصلت على تركي وأنا أبكي!!! وافي:طلعت من البيت حدي معصب طلعت قبل لا أقول شي أندم عليه وأغلط عليها أكثر مادري وين أروح!! ولا شعوري مسكت خط الثمامة مشيت على مهل وأنا استرجع كل اللي صار يعني لو قالت أنا رافضة وطلبت تناقشني يمكن تقنعني بس تستغفلني وتحطني أمام الامر الواقع عشان أرضى غصب لاااا ... تذكرت أني قلتلها تطلع من البيت هذي خبلة بتصدق! أرسلت لها مسج عشان تفهم بطريقة غير مباشرة إني مابيها تطلع من البيت>جهزي قهوه وشاي جاي الحين ومعي رجال< حنين:جهزت شناطي وأغراضي كلها وقبل لااتصل بتركي شفت رسالة بجوالي من وافي وجهزت له القهوة والشاي وأنا أبكي بعدها دقيت على تركي أأأأهأأأأهاأى تركي:حنين بسم الله عليك شفيك! حنين:تكفى ياخوي تعال خذني تركي:إن شاء الله بس شفيك وافي فيه شي؟ حنين:لامافيه شي تعال خذني تركي:وصلت لحنين بس مو راضية تتكلم كل اللي فهمته منها أنها ماعاد تبي تجلس مع وافي ورفضت تقول السبب! بس مو زين في حق وافي آخذ مرته من بيته بدون لااستأذنه أنا لوأحد من خوان مرتي ياخذها بدون أذني زعلت! وافي:ضاق صدري لمن شفت رقم تركي عرفت إن السالفة كبرت وطلعت من بين يديني والكل بيلومني أنا! تركي:السلام عليكم.شخبارك وافي وافي:تمام الحمدلله تركي:بغيت استأذنك حنين تبي تطلع الديرة وأناطالع على كل حال قلت أخذها معي. وافي:لا أنا جاي ألحين أنا بوديها مع السلامة تركي:احترت حنين موراضية تنزل من السيارة ووافي مو راضي يسمح لها تروح وافي:شفت سيارة تركي عند الباب نزلت بسرعة وسلمت عليه وقلت له يقلط بس حنين مارضت تنزل من السيارة حاولت فيها بس عطتني أكبر طاف وقالت لو أجلس أسبوع بالسيارة مانزلت..فقررت أسمح لها تروح عشان تريح أعصابها وأنا بعد لأنه لو أجتمعنا بعد اللي صار يمكن تصير مشاكل أكثر أحسن كل منا يبعد شوي ويراجع حساباته بعدين يرجعها تركي مثل ماأخذها! وسن:شفت حنين وهي تبكي وبكيت معها بدون لاأعرف السبب بس عرفت إن وافيوه هو السبب. جبت لها حبة باندول وموية وساندويتش رفضت تاكله بس تحت تهديدي إن ماكلته ببكي ضحكت وبكت بنفس الوقت بعدين قالت:مابشرتك بعد خمس شهور بتصيرين يالبزر خالة لعيالي. وسن:بزر بعينك بس على الأقل أضمن أنه بيكون حلو وإلا كان عطيته كف عشان يأدب أبوه. حنين:ههههه إشدراك بيكون حلو وسن:أنتي حلوه ووافيوه حلو أكيد بيطلع حلو علي!وبنشوف! وليد:شفت وسن لابسه مريولها وشنطتها جنبها وأنا طار عني النوم بعد صلاة الفجر حبيت انرفزها لأن شكلها مغصوبة على الدوام فكرت شسوي لها ولمعت بذهني فكرة،حطيت بشنطتها رضاعة بنت نورة أختي سارونة عمرها ثلاث سنوات وطلعت لغرفتي وأنا فرحان، وسن:أووف مامدانا ندخل من الطابور إلا أبلا تماضر ورانا أبلاتماضر:طلعو كتبكم وكراساتكم وافتحوا الواجب وسن:خذتها من قصيرها ووقفت أستاذة أنا كنت حاله الواجب بس نسيت الدفتر، أبلا تماضر:فرجيني شنطتك إدا لقيت كراسة الواجب راح أوريكي حاجة ماشفتيها قبل، وسن:كنت واثقة من نفسي أني تاركة دفترالواجب متعمدة بس طارت عيوني وحسيت بخجل لما شفت رضاعة سارونة معها قلت:أوه أستاذة جزاك الله خير من البارحة وأحنا قالبين البيت عليها مالقيناها بروح أبشر أمي من عند المديرة، البنات:هههههههههه أبلاتماضر:بس أنتي وهيا كسل جامد وشقاوه كمان وبعد ماضاع ربع ساعة من الحصة دقت الباب طالبة جديدة لسا ناقلة عندنا وكانت عبدة، أشرت لها تجلس جنبي أبلاتماضر:نصيحه من كل قلبي لاتجلسي جنبها الصاحب ساحب، وسن:عادي استاذه خل تسحبني إن شاء الله لبيتهم، البنات:ههههه حرام عليك استاذة وسن طيوبه ابلا تماضر:بااااااااس راحت الحصة علي، 
|
|
02-25-2022
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
تركي:دقيت على وافي بتفاهم معه مثل ماقالي أبوي،
وافي:ماصدقت تركي يدق علي تركت الشغل اللي بيدي وجيته طيران، تركي:والله ياالوافي حالكم مايسر عدو ولاصديق والبنت جتنا زعلانة وماندري شالسبب مو راضية تتكلم وماعندها سيرة غير طلقوني منه وأنت شهر لاجيت ولاسألت ورافض تدخل حمد وأحنا مايرضينا حال بنتنا كذا فإمساك بمعروف أوتسريح بإحسان وافي:بتنهيده اللي بينا ما لأحد دخل فيه وطلاق مافيه وقلها تجهز بجيها ال...وقطع كلامي جوال تركي وهو يرد عليه هلااااا إن شاءالله تامرين خلاص تجهزي عشر دقايق وأنا عندك عن أذنك وافي بجيب حنين من المستشفى وافي:أنا بجيبها هات مفتاح سيارتك جواد:لازالت وسن تسيطر على تفكيري مستحيل أخذها وفكرت بكذا طريقة أتخلص منها وطرت ببالي فكرة دام أني أعتبر زوجها وماشفتها شوفة شرعية فمو كثير هالطلب ودقيت لوليد. جواد:هلاااا أبوخالد إلك وإلا للديب وليد بتمثيل:باطل! يخسا الديب جواد:كفو والله أبي خدمة صغنونة منك. وليد:أمر ياالنسيب جواد:أبي أشوف صورة وسن وليد بخبث:تامر أمر بس كذا وافي:دق تركي عليها وقالها السيارة برا ووصف مكانها،وأنا ثلثمت بغترتي ولبست نظارتي الشمسية وعيوني تدور عليها من بين الحريم وبسرعة صديت لماشفتها، حنين:سوري تروك عطلتك عن دوامك ..وماعطيته فرصة يرد ..على فكرة عرفت نوع الجنين بس مو قايلتلك عشان تصير مفاجأة بس بقول لأمي وأبوي. وافي:طلعت من مواقف المستشفى قلت وأنا أفك غترتي وانسفها على راسي عشان يبان وجهي وبابتسامة:ولاحتى أبوه؟ حنين:كنت اتعبث بشنطتي بس رفعت راسي بصدمة يتهيأ لي سمعت صوت،،،بس قطع تفكيري صوته وهو يقول : شخبارك حنون؟ حنين:بقهر وين تركي؟ وافي:حطيت ايدي على كرشتها احسها كبرت مررره بهاالشهر اللي ماشفتها وابتسمت لما حسيت بحركة عنيفة من الجنين وكأنه يرفس يدي : هههههههه شفيه ولدي حركته كثيرة شكله بيطلع نشيط على أبوه! حنين:بعدت يده عني وقلت:وين تركي ليش ماجا ياخذني؟ وافي : شدعوه ! مافيه شخبارك ، اشتقنالك ، بعدين أنا زوجك مو تركي وكل مواعيدك أنا أوديك لها مو أخوانك ، سامعة، حنين: لا طبعا،أنت مالك دخل فيني،وطلقني لوسمحت، وافي:تعوذت من الشيطان لاأتهور وأتوطاها بكفر السيارة،بس الشرهة مو عليها على اللي ياخذ بزر،لو إني ماخذ وحدة من سني عاقلة أفكارها مقاربة لأفكاري،مو هالدلوعة!مارديت عليها لأنا قربنا من بيت...!!؟ حنين :هي هي وين موديني قلتها وأنا أمسك الدركسون وألف به. وافي بعصبية:يامجنونة بغيتي تقلبينا! حنين:رجعني لبيتنا رجعني! وافي:سفهتها وأنا أدخل السيارة مع باب الريموت واتهجت لبابها:هذا بيتك!!فاهمة. حنين:تكيت براحة عالمرتبة وقلت:هذي جلسة إن شاء الله للفجر بس ماني نازلة! وافي:انحنيت وشلتها من مرتبتها:ياثقلك صرتي دبا كسرتي ظهري هههه. حنين:نزلني وافي عند الباب وتمسكت بمساكة الباب:والله ما ادخل بيت طردت منه.. ونزلت بسرعة ماكني حامل. وافي:انقهرت وركلت الباب برجلي بكل قوتي ولحقتها وركبت السيارة. وافي:وبعدين يعني والحل معك؟ حنين:طلقني وفكني. وافي:التفت عليها وأحس عيوني بتطلع من مكانها من العصبية ومسكت يدها ولويتها بكل قوتي:خبلة أنتي لاعاد أسمع هالكلمة منك بتركك اسبوع تريحين أعصابك والخميس بجي آخذك. حنين:سفهته أخاف أعانده ومايردني لأهلي. وافي:مسكت خط الديرة كنت أبي أقضي معها وقت أطول يمكن نتفاهم وخذت لي قهوة بالطريق تروقني وخذت لها عصير جوافة اللي تحبه. وطول الطريق وهي صادة عني وشكلها سرحانة بأفكارها وأنا عيني شوي عليها وشوي على الطريق حبيت اقطع الصمت وحطيت يدي على بطنها :بنت وإلا ولد؟ حنين:بعدت ايده عني مالك دخل مو أنت ماتبيه. وافي:ركنت السيارة على جنب لأني فقدت السيطرة على التركيز وبعصبية مسكتها من أقرب شي لي كتفها:منهو اللي ماله دخل؟قسم بالله إن ما قلتيلي أن ارجع بك الرياض وماتشوفين نور الشمس لين تولدين. حنين:خفت منه هذا عصبي ومتهور وشايف نفسه عالناس ويسويها:بنت بنت! وافي : فكيتها وارتخيت عالمرتبة وبابتسامة على خوفها..حلو أنا أحب البنات بس أبيها حلوة على أمها..كم باقي وتالدين؟ حنين:أربعه شهور. وافي:أوكي..يمديني أجهز غرفة البنوتة. حنين:ماله داعي! وافي:كيف ماله داعي!وإلا بتنام معنا إن شاء الله؟ حنين:سفهته وماعاد كلمته لين وصلنا. وافي:دخلت أسلم على عمي وأم حنين وناديت حنين قبل لاأدخل عارف أنها ماراح تطلع مره ثانيه إذا دخلت! ودعتها وداع حار رغم مقاومتها بس فكها مني عمي إلي طلع لنا وأحنا بوضع محرج وبسرعة فكيتها وسلمت وأنا منحرج. أبوتركي:ها وافي بتاخذ حنين؟ وافي: ياليت ياعمي بس أصرت تقعد هاالأسبوع وبجيها الخميس وليد:فبركت صوره لوسون ولما كملت تركت الماوس وأنا مبسوووط هههههههه.وأغني) جواد:فتحت إيميلي أشيك عليه بانتظار صورة وسن وابتسمت لما شفت رسالة من وليد وبسرعة فتحتها: طيرت عيوني يممممه من ذي!مااصدق معقولة هذي وسن! وشلون وأخوانها كلهم حلوين؟ يمكن طالعة على خوالها!بسم الله تخوف حتى حواجبها الحمدلله مافيه فاصل بينها والجبهة لعنبو بليسها ساحة مطار مو جبهة وزقمها طويل كنه زقم حمار يالبيه العيون يبي لها مايكروسكوب نشوفها فيه أستغفرررر الله ياربي الحمدلله اللي أحسن خلقي. صدق لاقالو(كان اللي بالشارع قرود ترا اللي بالبيت غزلان والعكس صحيح) بس شكلها مو أختهم ولاتعرق فيهم يمكن أمها غلطانة بها بالمستشفى جايز تصير وكثير بعد بس بعذرك ياوليد يومك تكرهها شكلك حاس أنها مو أختك!سبحان الله!ربي أنقذني منها! وافي:طول ها الأسبوع وأنا أدق على حنين ومطنشتني إما تعطيني مشغول أو ماترد أو جوالها مقفل. وصلت لبيت عمي العصر بس مارضت تكلمني أو تطلع لي واللي قهرني أكثر عمي أبوتركي : والله البنت حالتها حالة مو راضية تكلمنا ولاتاكل إلا لما وعدتها تجلس عندنا لين تولد لأن نفسيتها بالمرة زفت ومو راضية تقول سبب زعلها. وافي:اسمح لي عمي ماراح اتركها لين تولد واللي بينا مشاكل عادية بس هي كبرتها وأنا بحلها بنفسي بس خلها تطلع لي نتفاهم. حنين:تنهدت وقلبي دق بقوة لما دريت أنه هنا وبعد إصرار أبوي أني اطلع اتفاهم معه قررت اواجهه...لبست فستان حمل قطن كحلي نص الساق وجزمة سبور واطي مع شرابة كحلي ورفعت خصلة من شعري بكليب فضي فيه فص كحلي وحطيت قلوز وبلاشر وشدو وردي أحب الوردي يطلعني كيووت كحلت بالسايل ومسكرت رموشي وتعطرت وطلعت. وصلني أبوي باب المجلس واستأذن وخلانا لحالنا وافي:ماتوقعتها بتطلع لي بها السهولة خاصة أنها عنيدة بس أنا أعند وماني ناوي اطلع بدون مااكلمها.. فزيت وسلمت عليها وسحبتها من يدها بجنبي وكلمتها وأنا العب بخاتمها وأصابعها...هاه شنطك جاهزه نمشي لبيتنا؟ حنين : لا طبعا سبق وقلتلك ماني راجعة وفكني! وافي : يابنت ترا تحملت من دلعك مايكفي تعوذي من الشيطان وارجعي معي! حنين:لا يعني لا وافي بعصبية:في الشيطان تبيني اترجاك خيسي ببيت أبوك وطلاق لاتحلمين به وبنتي باخذها أول ماتولدين.. حنين وهي تقاوم دموعها:ماتقدر تاخذها وطلاق بتطلق طال الزمان وإلا قصر وطلعت وافي:ركبت سيارتي ومشيت ميت من القهر. حنين:مو قادرة انسى اللي سواه بي واهانته لي رغم حبي الجارف له بس كرامتي فوق قلبي. وسن:دقيتها صداقة مع البنت الجديدة فاطمة وصرنا مع بعض على طول د فتو:سونا عندنا طق بزواج ها الخميس شرايك تخاوينا ترا فلة ووناسة. وسن:حلو تصدقين مشتهية أطق بزواج عاد أنا ماعرف أطق بس صوتي حلو يعجبك!بس ماأظن أهلي بيوافقون لي. فتو:ياهبلة قولي صديقتي عازمتني زواج أختها وسمي لك اسم عايلة يثقون فيها هلك وسن:وين زواجكم ! بعدين شلون بدخل بدون بطاقة دعوة. فتو ضربتها على راسها:شغلي هالكور شوي أنتي بتروحين على أنك تبعنا يالطقاقات والزواج بالرياض بقاعة فخمة وسن: طيب كيف وضعي!يعني شلبس؟ فتو:عادتن احنا نكشف ونكشخ بس عشانك بنتغتر! شقلتي! وسن:أوكي..بس اخاف يكشفني تروك ثم يسويني كفتة! فتو:ههههههههههههه ولايهمك اسويه لك شاورما هههههه وسن:أحب المغامرات وكسر الروتين زنيت على راس أبوي عشان يودينا للرياض على أساس أحضر زواج صديقتي ووافق رغم معارضة أخواني وجهزت برقع سارقته من أمي مع طرحة مزركشة ولبستها عند مدخل النسا بعد ماانتظرت فتو عند الباب عشان تدخلني. وكنت خايفة في البداية إني انكشف أو أحد يعرفني أو يصير أي شي بس بسرعة اندمجت مع الطق والطرب كانت المطربة أخت فتو ترفة وأنا وفتو نرد وراها بس طلبت من تروف تعطيني المايكرفون بعد مامنا على بعض وغنيت: لا لاتضايقونه**ترفي لاتضايقونه ومن الحماس قمت أهز وأرقص وأنا بمكاني. وعجبني صوتي بعد مامدحوه فتو وتروف. بس كبر راسي لما قالت أخت العروس لترفه خلي هذي البيضا تغني في أخو العروس فهد وخفت لما قالو بيدخل ومعه رجال أحنا مااتفقنا على كذا فتو! فتو:كلي تبن بس الحين بتنافسين أحلام وتقولين مااتفقنا!غني بس! وسن بحماس: قام فهد سريع وبهر الدلة**جاب صينيتن وأذناب خرفاني.. وغنيت للعريس بروقان لأني أحب أغاني أبونوره: عريسنا يابدر بادي**...ت لياليك السرور أخذتها وأنت الموفق **حوريه من بلاد النور وسهرنا بوناسة لحد الساعة ثنتين بس فتو وفرقتهم كملو سهر للفجر. وسن:وااااو صدق وناسة وجو حلو بس لو يدري تروك بيكسر رجلي عشان ماأخطي عتبة الباب. (بعد أربعه شهور) حنين:من أمس وأنا أحس بمغص ببطني بس خفيف واليوم زاد هالشهر كله وأنا بشقة أهلي بالرياض أنا وأمي ووسن اللي تطورق يوميا للديرة مع نقل معلمات بس موقادرة أتحمل رحت لغرفة أمي لقيتها نايمة وكسرت خاطري مقدرأصحيها..وأبوي في الديرة هو ووليد..عبدالعزيز بالشرقية..ومحمد وتركي أدق لهم محد يرد..وبكيت ياربي شسوي! طرا علي وافي ودقيت بسرعة يارب جواله مفتوح. وافي:من تزاعلنا أنا وحنين وحالتي مقلوبة أسهر بالليل وأطلع من الدوام سيدة أنام أصحى الساعة عشرة بالليل أكلي يعتمد عالحليب أو القهوة مع حبة شوكولا حتى أهلي أجلس أحيانا يومين ماشفتهم ارهقني التفكير بوضعي وقطع سرحاني صوت جوالي وفتحت عيوني عالأخر معقول حنين أخيرا حنت علي ودقت وإلا يمكن أحد من أخوانها؟ وبسرعة رديت؟
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
