حلم الوطن

يا سيدي والي لك الحب مزروع
بصدورنا والله محد(ن) يشله
شعبك جنودك بالمهمّات لك طوع
طاريك غيمٍ بالبسيطة نهلّه
يأميرنا طيبك بنا شيد ربوع
منهو يملّ العز منهو يمله؟
حبك فريضة قبل لا يكون مشروع
وأنا أشهد أن هيامنا في محله
أطفالنا و شيوخنا ، كلنا جموع
(قابوس) ساس الفخر والشاهد الله
وهذي (عمان)منوّره كلّها شْموع
وشلون ما تنّور لكم يا الموله؟
يا أرضنا تفجّري لهْ بْينبوع
من حقنا نفرح وحنّا هَللهّ.
أقولها يا أبوي وبصوت مسموع
أنت الوطن والسيف حنّا: نسلّه
عْمانيّةٍ لي راس عالي و مرفوع
مولاي شامخ والمكارم تجلّه
شموخك اللي بين الأضلاع مطبوع
يحفظك ربي ما بقى العمر كله
نحيا على شوفك ولأخبارك نْجوع
يااللي تعدّيت الأهَل والأهِلّه

الشاعرة أصيلة المعمري