 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
07-26-2018
|
||||||||||||||||||||||||||||||||
|
||||||||||||||||||||||||||||||||
مفقودون بلا أثر.
قصة مفقودون بلا اثر.
بين أرضٍ وسماء هناك غابه وبين قمةٍ وقاع هناك جبل وبين صراخ وعويل هناك مفقودون بلا أثر..! . عند سفوح جبل فوجي المقدس،ذلك المارد الياباني المكلل بالثلوج على مدار العام،تمتد على مد البصر غابه كثيفه/مخيفه. متواريه عن اعين البشر منطقه صنفت من اشد المناطق ظلمٱ،خوفٱ،وحشه،وغرابه. منطقه منبوذه في اليابان غابة{أوكيغاهارا} بمعنى{بحر الاشجار} سميت بهذا الاسم بسبب قمم الاشجار اللتي تشكلت على هيئه مظله خضراء عملاقه حجبت نور الشمس عن القاع المبهم المخيف.. كانت مخيفه لدرجه ان اعطوها القاب كثيره واهمها غابه الموت المسكونه.. في القاع المظلم الهادئ وطئت اقدامهم غابة العفاريت،وبداخلهم حب استكشاف تولد باعماقهم،فضول عميق يستوطن قلوبهم القويه فهيا بنا معهم نغوص ببحر الغموض ونستكشف ادغال هذي الغابه. . . "محدثكم سيف" التفتُ ضاحكٱ بعد ان سمعت صرخات/تذمر اخي فياض. نطقتُ بهدوئي المعتاد: مستعد يالحلو؟ فياض بخوف/وكل ثانيه وثانيه يلتفت خلفه: والله ان فضولك ياسيف بيودينا بستين داهيه امش نرجع ونعين من الله معكم؟ آتانا صوت قريبنا الحبيب صقر من بعيد وهو يقول: يا سيف حنا جايين نريح بالنا ونصفي عقولنا من ذي الدراسه مو جايين عشان انت تعيش مغامراتك! صدح صوت ضحكتي الساخره بالمكان وبنبره حازمه: انا قاري اذكاري ومتوكل على ربي اللي يبي يجي معي الله يحييه واللي ما يبي الله معه انا ما جبرت احد يجي معي. وقف بجانبي صقر وبتنهيده من عنادي المستمر :وانت بعقلك بنخليك تدخل هنا لحالك؟ توكلنا على الله سهل الله امرنا. ولكن ان صار لنا شي والله اني مو بحل لك ليوم يبعثون! فياض: ان صار لي شي ياسيف ادفني ولاتنقذني مابي اعيش مصارعات نفسيه معاهم. قاطعت حديثهم المزعج/المؤنب: ادري انكم تقولون هالكلام لجل ارجع لكن تخسون،كلمه عطيتها انا قدها وقرار اتخذته مايردني عنه الا موتي. "اطلتُ النظر لملامحهم المنزعجه وبهدوء" متأكدين كل عدتكم معكم؟ . أخذ الأول يبحث في حقيبته والآخر في جيب قميصه وبعد مده التفت لي فياض بهدوء ماقبل العاصفه. فياض: سيف اقصر الشر وخلينا نرجع! صقر بأنفعال من خوفه: انت بأي عقل تعيش؟ بأي قلب اناني تعيش؟ ماهمك الا انك تحقق مبتغاك وطز بكل اللي حولك! هيه بابا؟ لاتفكر انك عايش لحالك؟ ضحكتُ ضحكه مجلجله ولو كانت ريح لأقتلعت كل تلك الأشجار العمالقه: انا مسكتك من يدك وجريتك وقلت لك غصب تجي؟ انا اللي حلفت اني اتبرى منك لو انك ماكملت دراستك هنا؟ "ربت بيدي على كتفه بهدوء وهمست بعد ان قربتُ شفتي لأذنه" انت الحشره الدخيله علينا لولا اني اعز عمي صالح كثير والا انك تبطي عظم تجي هنا ونعتني فيك. . دففته بسبابتي وتوغلتُ في الغابه تاركهم خلفي وجزء من الثانيه واحسست بطعم دمي يتغلغل في حلقي من قوة لكمته. صرخ فياض حتى برزت عروق عنقه: دامك انك بنعمه ليه ماتحمد الله عليها؟ ليه ماتثني وتشكر لعل الله يبارك لك فيها؟ ابي اعرف يالخسيس انت ليه شايف نفسك على ايش قولي على ايش؟ بصقت الدم بعيدٱ وبسخريتي الدائمه: موكلك محامي له هالشحاذ؟ "افلت قبضة فياض المحكمه بقوه على ياقة قميصي وهمست وانا انظر لصقر" على الأقل احترم الشنب النابت على وجهك ودافع عن نفسك. التفتُ وادرت ظهري ومشيتُ بخطوات واسعه ليستوقفني بعدها صرخة صقر المرعبه.. . "المتحدث صقر" . ارتعشت اطرافي بهلع شديد واحتقن وجهي باللون الأزرق وشفتاي تحولتا الى اللون الابيض، اشرتُ بطرف سبابتي الى كومة الاشجار اللانهائيه. وهمست وجسدي يرجف بخوفٍ وذعرٍ شديد والكلمات باتت كأحجار مرتصه آبت ان تخرج: ج..ج..ن..ي ه..نا..ويرا..قب..ني..! امسك بكتفي سيف محاولٱ التقاط انفاسه اللتي قطعت من المسافه اللتي ركضها: صقر اذكر الله وماله داعي هالخوف. صرختُ صرخه مدويه عندما لمحتُ ذات الطيف: شوفه وراك! التفت سيف بهلع وقفز للخلف عندما احس بحجره تسقطُ من فوق الشجره ليتبع صوت ارتطامها ضحكة فياض المنتصره وهو يقول: تستاهل يالتسلب ماحد قالك تتركنا وتروح هذي ضريبة تفليمك ياالقوي. . "سيف" زفرتُ الهواء المتراكم بصدري وشددت على قبضة يدي بقوه كيلا ارتكب جريمه اندم عليها نظرتُ لهم بنظرات دونيه وصرختُ قائلا: انتهيتوا يالفله؟ "نظرتُ لصقر ثم التفتُ لفياض بسخريه" خلصت مقلبك ياغارفيلد؟ ممكن نمشي الحين؟ نظر لي صقر بنظرات ودوده وهمس: ياخي انت ماعندك غير هالعناد والسخريه والتشمت؟ مافي جانب حلو لين هين فيك؟ اكمل حديثه فياض: ماتزهق من نفسك بس مكشر ومعصب اضحك لااصفقك يالنفسيه. التفتُ متجاهلٱ كلامهم الفارغ وهمست وانا امشي: الشمس بتغيب والظلام بيخيم اذا كنتوا قدها وناوين تدخلون اتبعوني بسرعه بنخيم قبل تظلم الدنيا. . صمت الجميع احترمٱ لرغبتي ومشينا بعدها لمسافه طويله جدٱ خاليه من الحديث ومن الأصوات كان كُل شيئ مظلم من حولنا وصامت ساكن لايؤرق سكونه الا اصوات خطواتنا التي تدعس على اوراق الشجر المتساقط كان كل شيئ على مايرام حتى رأينا ذلك المنظر المقرف/الشنيع.. . . "فياض" اتسعت ابتسامتي بحماس وفضول كبير رفعتُ هاتفي الجوال والتقطتُ صورة احترافيه لتلك الجثث المعلقه والمتدليه من فوق تلك الشجره العملاقه. امسكتُ بذراع سيف وهمستُ له قائلا: سيف تكفى خلنا نخيم هنا واوعدك اني ابطل سماجه. زاغت عينا صقر وقال بذعر: يولد من جدك انت؟ تبينا نخيم مع ذولي؟ "اشار بيده الى الجثث المعلقه" فياض: طبيعي بنلاقي اشياء غريبه زي كذا في ذا المكان! ماتدري ان هالغابه معدل اللي يتوفون فيها يساوي عدد الاشجار الكثيره اللي فيها. صقر: وانا وش لي فيهم؟ انتوا بعقلكم؟ تبونا ننام وفوقنا مئات الجثث! ماتخافون تطيح وحده منهم علينا؟ ولا تهجم خفافيش هالمكان علينا،او يزورنا وحش من وحوشها؟ . "سيف" انزلتُ حقيبتي من على ظهري ووضعتها بجانب الشجره لأنصب خيمتي بعد ان راقت لي الفكره لم اسمع جدالهم بل اكتفوا بالصمت وبدأ كل واحدٍ منهم ينصبُ خيمته. . بعد ان غابت الشمس وضعنا حصيره صغيره بجانب الشجره وامامها بعض الطعام وانوار صغيره تضيئ المكان من حولنا. همستُ وانا انظر لهم بهدوء: تبون تعرفون سبب اختياري لذا المكان؟ التفت الجميع بحرص وفضول وبصوت واحد: اكيد...! . . اطلتُ النظر لرسمتي المصغره عن هذه الغابه وبصوت هادئ: تعرفون اني احب المغامرات،واني كاتب مايكتب عن شي الا وهو مجربه وبمره فتحت مدونتيوشفت اقبال كبير على قصصي وطلب كثير بأني ازور ذا المكان. "اكملت بعد تنهيده" سويت بحوث كبيره عن هالمكان الا ماكتشفت هالأشياء عنها. فياض: وش اكتشفت؟ ودام انك تغامر لحالك ليه سحبتنا معك؟ سيف: كنت خايف.. صقر: الحين كمل وقول وش اكتشفت بعدين عطنا اسبابك. سيف: اطلق على هالغابه اسم غابه العفاريت مو عشان كونها غابه مظلمه ومخيفه.. فياض: اجل عشان ايش؟ سيف: اعطوها هالأسم لأن في قديم الزمان كانت عندهم عاده غريبه وهي اللي خلتهم يطلقون عليها هالاسم!. قاطعني فياض بفضول: وش هي؟ رمقته بنظره حاده اخرسته واكملت سيف:اوباساتي هي ممارسه قديمه قاسيه وعديمة الرحمه، صحيح ان اليابانين نسوها ولكن مازالت ذكرى وصرخات ضحاياها تتردد بجنبات هالغابه. صقر: تكلم بشكل واضح لو سمحت. تنهدتُ واكملتُ حديثي: هذي عاده كانوا يمارسوها وقت المجاعات والكوارث اللي يندر فيها الاكل كانوا العوائل اللي عندهم افراد كثيرين ياخذونهم وينبذونهم بهالمكان وهم يدرون انهم ما بيقدرون يطلعون منه فيتركونهم لين يموتون. قاطع حديثي فياض برعب وآرانا الصوره التي التقطها: هذي توني صورتها من قبل شوي اثناء ماكنتوا تنصبون خيامكم ولمن دققت بالصوره اكتشفت وجود رجل يأكل جثه! سيف: وانا بعد لمن سبقتكم شفت عشيرة رجال يشوون جثه من احدد الجثث المعلقه على الشجر. اكمل صقر الحديث بحماس بعد ان بحث عنها: هم يسمونها بعد جنة المنتحرين وتقريبا كل سنه ينتحرون ١٠٠شخص فيها و للآن ما حد فهم سبب انتحارهم بهالمكان. فياض: كم عدد حالات الانتحار للآن؟ سيف:على حسب الاحصائيات في كل عام ياتزيد او تنقص ولكن في عام 2004مثلا انتحروا 108 اشخاص داخل الغابه. صقر: و247 شخص حاولوا انهم ينتحرون فيها عام2010 وما نجح منهم الا 54 شخص..! . "صقر" عم الصمت على المكان لدقائق طويله جدٱ وعاد كلُ واحدٍ منا لعالمه الآخر ليقطع تأملي لعالمي ظل طويل ضحكه مجلجله قزم برأس كبير وسرعان مااختفى حينما نظرت اليه صقر: بسم الله الرحمن الرحيم اعوذ بالله منك ياشيطان. التفت سيف بهدوء وهمس: وش فيك؟. صقر: شفت ظل اسود يتحرك قدامي بسرعه والله! امسك فياض بذراعي ثم قال: ما عليك كلها اوهام لاتشغل بالك. نفضتُ يدي قوه والخوف ما زال يداعب قلبي حينما رأيته يقفُ خلف الأشجار: قلت لك انا شفته شفته بعيوني تكذبني بعد؟ شوفوه وراكم واقف ويناظرنا! . التفت الجميع لذلك المكان الذي اشرت عليه ليختفي بسرعه بين الشجيرات قبل ان يروه رمقوني بنظره حاده/مرعبه. اخرست جميع حروفي اللتي كنتُ سأنطق بها هبت نسمه بارده/لطيفه اخمدت النيران وعندها قد لمعت فكره خطيره قد تودي بحياتي للتهلكه وقفتُ سريعٱ وقلتُ بصوتٍ عالٍ: رايح اجيب لنا حطب تجون معي؟. سيف: بتجيب حطب ولا بتطارد الظل حقك؟ توسد فياض خداديته بتعب ورفع يديه بالهواء عاليٱ ليهمس: انا اعفيني من هالشي تعبان ومالي خلق. صرختُ بغضب: وانت بس متبطح؟صدق مامنك فايده. فياض ببرود: والله اللي جاب الفكره يروح ينفذها انا متدفي ومعين من الله خير ليه تحاشرني وتخرب مزاجي؟. نظر لي سيف وبهدوء: روح قبل تظلم الدنيا اكثر ولاتبعد عن المكان كثير فاهم!. صقر:ماشي ماشي. نظر لي فياض بطرف عينه وبجديه: انتبه لنفسك..! . . "صقر" مضت نصف ساعه واكثر وانا امشي متأملٱ تفاصيل تلك الأشجار غريبة الشكل متحمسٱ للقاء ذلك الوحش ولكن اقدامي توقفت حينما لمحتُ ضريحٱ خشبيٱ عتيقٱ،بجانبه منزل خشبي متصدع وحوله عُشب ذي رائحه نتنه. جرتني خطواتي لأقف بفضول امام ذلك الضريح وبالصدفه وقعت عيني على شيئٌ ضخم يتحرك بسرعه مصدرٱ انينٱ مخيفٱ،اقتربتُ له بخطوات بطيئه ولكن وبثوانٍ عديده ظهر من ذلك الضريح قزمٌ صغير بين اسنانه رأسٌ بشري ليصرخ عاليٱ في وجهي منتجٱ نداء لأخوته الأقزام الآخرين وقعتُ على الأرض من صدمتي بذلك المخلوق زحفتُ للخلف وعيناي متركزه على ذلك القزم الذي يلتهم معدة جثه كانت راقده على ذلك الضريح.. اغلقتُ عيني وحاوطت وجهي بذراعي بعد ان هوى جسدي بحفرة عملاقه حفرها احفاد ذلك القزم احسست بعظامي تتصافق وبرأسي يتحطم بعد ان استوى جسدي بالأرض دارت عيني بالمكان قبل ان يُغشى علي متفحصه تلك الأجسام الراقصه بالظلام ليحجب نور القمر عني غطاء بشري مكون من عشرة رجال التفوا حولي لم يختلفوا عن ذلك القزم ابدٱ ليكون آخر ماذكر الم تلك الأسنان التي غُرزت بفخذي ومعدتي ورأسي..! . على بُعد مئة متر من مدخل الغابه كُنت اقف مستندٱ بجسدي على سيارتي سيارة الشرطه المدنيه ليقطع تثاوبي.. صوت رئيسي الصارخ من جهاز السياره: ياسر ياياسر الحقهم بسرعه! عقدتُ حاجبي بهدوء وبهمس: عن مين تتكلم يارئيس انس؟ انس: ثلاثه من افراد دولتك دخلوا الغابه وتم التبليغ عنهم بأنهم مفقودين من قبل السفاره السعوديه ولازم يرجعون والا لنا عقاب شديد ياياسر اطلب الدعم بسرعه وادخل وابحث عنهم تراهم قريبين من منطقتك. تنهدتُ تنهيده عميقه لأدخل الغابه بعد ان اغلقت الجهاز وطلبت الدعم تنفيذٱ لأوامرهم..! . . فتح عيونه بانزعاج من الضوء الابيض الساطع تلفت حوله بستنكار من المكان ناظر للاجهزه اللي تحاوطه من كل جهه بعد جهاز التنفس من انفه. فياض بأنين: يربي وين انا؟ تقدم له ياسر وجلس على الكرسي اللي على يمينه:الحمدلله على السلامه يا فياض. فياض:الله يسلمك بس مين انت ووش اللي صار؟. ياسر:معك الضابط ياسر،اللي حصل يا فياض انك بغيبوبه من شهرين اثر الطيحه العنيفه. عقد حواجبه بحيره وبهمس:وش تقصد؟. ياسر:تذكر مغامرة الغابه!. بدت الذكريات تنهمر عليه وكأنها غيوم متراكمه بغيث. فياض:اي اذكر اني رحت مع اخوي سيف وولد عمي صقر هو وينهم فيه؟!. ياسر:انت اخر من بقى منهم شهور وحنا نبحث عنهم ولكنهم اختفوا وكأنهم رماد وانتثر قضيه اختفائهم كانت جدا غريبه ربت ع كتفه بحزن ع حاله الله يكون بعونك ويصبرك لازم تجي معنا عشان ناخذك كشاهد للي حصل. 
 
|
|
07-26-2018
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
آلله يعطيك العافيه
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.gif "3z (8)")
العرض العادي
