 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
06-19-2011
|
#21 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
البارت الثاني والعشرون
(( في بيت بوفهد ))..* (( صحى جـواد من النوم على صوت جوال ريان .. راح بسرعه اخذ الجوال قبل لا يصحى محمد الصغير .. شاف ان الرقم غريب حول الوضعيه للصامت ورجع كمل نومه ))..* ـــــــــــــــــ (( الدكتور كان يحاول يتصل على ريان ومافي رد .. في النهايه قرر يروح لعند يارا ))..* يارا : هاا شنو صار .. الدكتور" بتردد " : كلمته وقال انه راح يجي اليوم اذا سمحت له ظروفه .. يارا : سألته عن محمد ؟؟ الدكتور : يقول اذا جا هنا راح يقولك كل شي .. يارا : يعني محمد عنده .. الدكتور : يمكن " الدكتور في نفسه .. ربي يجيبك ياريان " ــــــــــــــــ (( خــلونا الحين نترك آجواء الدمام ونروح للأحســاء ))..* (( في المزرعه .. كوثر كانت لوحدها تتمشى في المزرعه بين النخيل والآشجار وكانت سرحااااانه وفي عالم ثاني فجئه حست بحركه بين الآشجار ودفعها الفضول تشوف شنو مصدر الحركه .. راحت باتجاه الحركه شافت قطه صغيره رفعتها ومسكتها بإيديها وتمسح عليها بكل رقه ونعومه وتحاكيها .. وفي الطرف الثاني كان احمد واقف يكلم في الجوال بعد ماخلص سمع صوت كوثر ونيته انو يلعب بأعصابها زي كل مره .. بس لما شافها تفاجئ ان ماكان عليها حجاب .. كان الهوا يلعب بشعرها الأنسيابي وكان شكلها مره رووعه ونعوومي .. احمد انبهر فيها وفي نعومتها المتخبيه ماكان يعرف كوثر فيها كل هذا .. فتح فمه وعيونه عالآخــر وجسمه تجمد في مكانه وعيونه مركزه على كوثر كوثر تركت القطه لحالها ونزلتها عالآرض وراحت داخل .. اما احمد فكاااان مبهووور بالمره باللي شافه ومو مصدق نفسه .. معقوله هذي كوثر العربجيه فيها كل هذي الرقه والنعومه .. !! وصارت كوثر شاغله فكر وذهن احمــد ))..* ـــــــــــــــ (( دخلت كوثر عند البنات ولسى ماصحوا من النوم ..قررت تسوي فيهم مقلب .. راحت للمكان اللي شافت فيه القطه آخذتها ودخلتها غرفة البنات وخلتها تلعب في الغرفه ..رغد حست بشي ناعم يلعق ايدها ووجها ..فتحت عيونها بنعاس صارت تناظر في القطه اللي تلعق في ايدها .. وكأن مويا بارده وانسكبت عليها .. قامت تصارخ بأقوى ماعندها وتحاول تبتعد عن القطه .. بس الظاهر ان القطه انعجبت برغد وصارت تلاحقها وكوثر ميته ضحك عليها .. ومن الأزعاج الحاصل جلسوا البنات ولما شافوا القطه هربوا كلهن .. ورغد مو قادره تتخلص منها.. طلعت من الغرفه وهي تركض والقطه وراها عاجبها الوضع .. محمد كان يكلم امه في المطبخ سمع صراخ البنات وطلع يشوف ايش فيهم .. الا يشوف بنت تركض وتصطدم فيه وكانت راح تطيح الا مسكها .. رغد حضنت محمد من الخوف وصارت تحتمي فيه وتبكب بقووه .. محمد استغرب من حركتها بس لما شاف القطه فهم الموضوع بعدها عنه بس هي ضلت متمسكة فيه .. ومسك القطه ))..* محمد : جود ....يا جود " جود جات تسرع بس لما شافت القطه عنده وقفت بعيد عنه ومن خوفها ما انتبهت لرغد اللي متمسكه بمحمد " محمد : مين اللي دخل القطه هنا جود : كوثر محمد : مدري اروح اتطوى في بطنها الحين .. تعالي اخذي رغد " جود انتبهت لرغد اللي بتموت من البكا .. احتارت وش تسوي ماتبغى تقرب من محمد اللي ماسك القطه بأيده .. قربت وهي ماسكه على ايديها بقووه ومسكت رغد وسحبتها عن محمد وخذتها للغرفه .. طلع محمد القطه اللي كان وده يقتلها وقابله احمد " احمد : ليه مدخل القطه هنا ؟! محمد " بعصبيه ": انا اللي مدخلها ولا الغبيه كوثر .. احمد : كوثر .. محمد : ايوه كوثر .. ولآ مره بعمري شفت وحده بسخافتها ودفاشتها .. احمد : عيب عليك تقول كذا عن البنت .. محمد : عيـب ؟! ليه هي تعرف العيب .. احمد " عصب عليه لآنه غلط على كوثر " : ليه هي شنو سوت لك علشان تقول عنها كذا .. محمد : بعد عن وجهي ازين لك .. احمد : اول شي قول لي البنت ايش سوت لك علشان تغلط عليها .. محمد : واذا ماقلت لك شنو راح تسوي .. وبعدين انت ايش دخلك .. بنت خالتي واغلط عليها بكيفي .. احمد : لآ .. مو على كيفك البنت ماسوت لك شي محمد : بعد عني " ومحمد يمشي من مكانه الآ يمسكه احمد ويدفعه علشان يرجع مكانه .. وهنا محمد عصب مره ومسك آيد احمد ولواها" محمد : اذا لمستني مره ثانيه راح يكون آخر يوم بحياتك .. احمد : مين تكون علشان ما المسك .. " ويشد احمد محمد من بلوزته .. هنا محمد ماقدر يمسك اعصابه اكثر .. ضرب احمد بوكس على وجهه وصاروا يتضاربون بوحشيه .. مع ان احمد كان اطول من محمد الا ان محمد كان اقوى وكان يضربه بقووه .. سمعوا الحريم اصواتهم وطلعوا يحاولون يفرقونهم بس مو قادرين عليهم .. احمد شوي ويموت بين ايدين محمد بس كرامته ماتسمح له انه يتراجع الحين .. طلعوا البنات يشوفون ايش صاير ... وفي هالوقت وصلوا الرجال وكانت رقبة احمد بين ايدين محمد وكان ناوي يخلص عليه وجاوا يخلصون احمد من محمد .. كوثر كانت تراقب من بعيد وودها تشجع ومستانسه على الهوشه ..مافي حد قدر يمسك محمد وكل واحد يمسكه يضربه ويرجع يمسك احمد .. وفي هالوقت محمد انتبه لوجود رغد واقفه ولما شافها ترك احمد وراح عنه " ــــــــــــــ (( في بيت بوفهد ))..* (( جلس محمد الصغير من النوم يبكي .. وصحّى جــواد وريان من النوم ))..* جــواد : لاااااا .. انا اليوم ياذابح يامذبوح .. اتركني عليه مو طفل هذا .. هذا مجرم سفاح قتال قتله .. ريان : لآ تصارخ كذا .. انت بالطريقه هذي تخليه يبكي اكثر .. جــواد : اخذه واطلع ابغى انام .. (( آخذه ريان وطلع معه وقال للخدم يحضرون له اكل يناسبه .. طبعاً بما ان ريوف بنت اخته بعمره فا صار يعامله مثلها ))..* جــواد : اليوم تاخذه لعند امه .. ريان : مو تبغى تنام ليه مانمت جــواد : طار النووم من سمعت صوته .. ريان : جــواد ليه مانروح نشتري له شي نسليه .. شوف ملابسه كيف متمزعه ..! جــواد : ليه اكد على عميان انا ! ريان : يلآ جــواد سو خير في حياتك .. جــواد : نعم نعم .. يعني انا ما اسوي خير ! ريان : لآ .. مو هذا القصد .. بس خلينا نشتري له ملابس .. جــواد : اللي يسمعك يقول حنا نعرف نشتري له ملابس ريان : نسئل .. مارح نضيع .. جــواد : اوووف .. بسرعه روح غير ملابسك لك خمس دقايق وبعدها بغيير رايي .. ـــــــــــــــــ (( في المـزرعه ))..* حسن : استغفر الله .. راح نجلس كذا .. كأن حنا من البؤساء والمساكين .. ياهوو خلآص الى متى راح تضلون كذا ماتكلمون بعض .. ترى ازعل منكم .. " معصب على احمد لأنه تجرأ ومد ايده عليه ولو انهم مابعدوه عنه كان قتله .. واللي عصبه زود كيف تتجرأ كوثر وتخلي رغد تبكي .. كل ماتذكر شكلها وهي تركض ببجامتها الطفوليه وزاد من نعومتها شعرها المسدول على جنبينها .. تذكر شكلها ودموعها تسيل على خدودها الزهريه .. لو انه شاف كوثر قدامه في ذاك الوقت كان خلص عليها .. في الجهة الثانيه كان احمد مستغرب من نفسه ليه عصب على محمد لما غلط على كوثر .. هو في العاده مايهتم لها .. بس لما شافها اليوم كانت غير عنن كل مره .. شكلها انحفر في ذهنه .. بنت طاغيه الأنوثه والنعومه .. مستحيل حد يشوفها ومايحبها .. يحبها !! لآ هو مايحبها شلون يحبها " حسن : اقول خلآص سامحتكم .. يلآ سلموا على بعض .. محمد سلمان : تراك تكلم نفسك ترى اثنينهم سرحانين .. حسن : يبه .. صارخ عليهم خلهم يتأدبون .. بوحسن : انت اسكت تراك ازعجتنا .. حسن : الحين انا الغلطان ..! الله لآ يسامحك ... بوفهد : هذا وانت رجال وتكلم ابوك كذا .. حسن : اووه النسيب هزئني .. بوفيصل : ابوك رجال كبير ولآزم تحترمه .. حسن : يبه .. قولهم يطلقون خواتي ليش يهزئوني ..؟! بوحسن : حســـــن حسن : نعم .. ايش تبغى ترى اذا صرخت علي مره ثانيه مارح اعطيك جوالي القديم .. بوحسن : لك سنه وانت تقول راح تعطيني اياه .. حسن : خساره فيك الجوال القديم .. خلآص كسرت خاطري راح اشتري لك جوال جديد .. بوحسن : الحين خساره فيني القديم تروح تشتري لي جديد !! حسن : هذي جزاتي ابغى ارزك قدام الشياب ..!! بوحسن : محمد سلمان انت الحكم .. احكم بينا .. حسن " يناظر محمد سلمان ": اقول لآ تسوي فيها فاهم محمد سلمان : كلآم جدي صح .. حسن : عقاب لك مارح اشتر لك جوال الا اذا نجحت في الآختبار ..امسك الجوال اشوف تعرف تستخدمه ؟! بوحسن : ما اعرف الا اني اضغط على الحمره والخضره .. حسن : اوكي نختبرك فيهم .. يلآ راح اتصل عليك وانت رد .. يلآ رد بوحسن : بس الجوال ما رن !! حسن : نجحت في الأختبار الآول .. يلآ الحين رد بوحسن : اي الحين رن راح اضغط على الخضره .. الوووو ... الوووو حسن : اشوف انبسطت على الوو يلآ بس خسرتنا .. سكر الجوال .. بوحسن : ايه الحين اضغط على الحمره .. حسن : صفقوا له نجح في الآختبار الآول والثاني والثالث .. بوحسن : خلآص جيب لي مثل هذا الجوال .. بس ما اعرف للرسايل ..!؟ حسن : اقول استح على وجهك .. تبغى تغازل .. مايحتاج تعرف للرسايل ولا راح ارسبك في الآختبار !! بوحسن : حاضر .. ـــــــــــــــ (( في الدمــام))..* ((جــواد وريان لفوا محلآت الآطفال اللي في الدمام كلها .. ومو عارفين شنو ياخذون ولآ شنو يخلون .. في اشياء كثيره مو عارفين لها .. ومحمد الصغير ازعج جــواد كثيييير دايم يحوس ويخرب وفوق هذا كب العصير في السياره وعلى جــواد وصار يلعب فيه .. وريان ميت ضحك عليهم ...في النهايه ماخلوا شي ماشروه ))..* ــــــــــــــ (( في المزرعــه))..* (( رغد ماوقفت من البكا منها خوف ومنها احرآج من الموقف اللي صار لها مع محمد .. والبنات يحاولون يسكتونها بس مافي فايده .. كوثر ندمت على الحركه اللي سوتها واعتذرت من رغد ))..* ـــــــــــــ (( في الدمام ))..* ((بعد ماخلصوا جــواد وريان حوسه بالسوق .. قرروا يروحون المستشفى ..لما وصلوا دخلوا لعيادة الدكتور المسؤول عن حالة يارا .. والدكتور اول ماشاف ريان رحب فيه بحراره ))..* الدكتور : اهلاً وسهلاً فيك ااستاذ ريان .. ريان : ياهلا فيك والله .. هاا وش اخبارها الحين .. الدكتور : ابشرك حالتها من حسن الى احسن .. بس لما صحت كانت تدور على طفل وتسأل عنه مثل المجنونه تعرف عنه شي ؟! ريان : ايوه هذا هو .. آخذته معي لما شفتها مرميه الدكتور : طيب تعالوا معي نروح لها لآ نها كانت خايفه عليه مره .. ريان : توكلنا على الله .. " حاول الدكتور ياخذ محمد الصغير عنده علشان يدخله على يارا بس رفض وضل متمسك بجــواد كثير ..ولما دخلوا عليها شافت يارا محمد اخذته واحضنته بحراره وصارت تبكي " الدكتور : لالالا .. ليه الدموع يا اخت يارا .. يارا : خفت اني ضيعته .. " ريان ذااااب على صوتها المبحوح الحزين .. تذكر شكلها الذابل والمريض " ريان : انا آسف ماجبته معي المستشفى امس لما وديتك .. يارا : مشكور اخوي .. لو الله ثم انت مدري شنو صار لمحمد .. ريان : ولو هذا واجبنا .. بس شنو اللي وصلك لهذي الحاله .. ووين اهلك علشان اخذ محمد عندهم .. يار " بحـزن ": ماعندي آهل وماعندي مكان اروح له .. " ريان لما سمع كلامها اخذ جــواد على جنب " جــواد : خير ايش فيك ! ريان : لآزم نساعدها .. جــواد : ياربي وانت تبغى تساعد الكل ! ريان : انت ماسمعتها ايش تقول .. ماعندها بيت يعني وين تروح بالشارع ! ترضاها على وحده من خواتك .. جــواد : طيب شرايك نجيبها معنا في البيت علشان اذا عرف ابوي انا وانت بيوم ثاني بالمقبره .! ريان : مو لآزم نوديها للبيت .. جــواد : اجل وين نوديها ياعبقري زمانك .. نأجر لها شقة مثلاً ؟؟! ريان : ليه لآ !! جــواد : احلــف بقووه .. انا مالي دخل ريان : طيب براحتك انا راح آخذها وآمن لها مكان تعيش فيه .. جــواد : لآ !! .. طيب ايش رايك تتزوجها بعد .. تكمل الجميل مثل مايقولون .. ريان : اذا اضطريت . . ليه .. لآ !! جــواد : اشهد انك مجنون ! " ريان نطش كلامه لما شاف يارا تطلع من الغرفه مع محمد " ريان : وي رايحه ؟! يارا : بروح مقدر اجلس بالمستشفى اكثر .. ريان : بس انتي لسى تعبانه ! " يارا طنشته ومشت عنه بس لما مرت جنب جــواد تعلق فيه محمد ورمى نفسه عليه واخذه جــواد ومشى عن يارا صارت تلحقه بخووف .. ريان فهم حركة جــواد فا راح للسياره وراح وراه وركبوا .. " يارا : لو سمحت عطني محمد .. جــواد : اركبي السياره .. يارا :.......... جــواد : حنا نحاول نساعدك فا اركبي .. يارا "تبكي بمراره ": لو ..... سمحت ... ابغى .... امشي ... جــواد : اوكي امشي بس محمد راح يضل معنا .. " وشغل السياره وبدأ يحركها " يارا : لآ شعورياً مسكت السياره وفتحت الباب وركبت .. " قبل ماتسكر الباب مشى جــواد علشان مايعطيها فرصه تقيير رايها " جــواد : يلآ ياسيد ريان .. قول لي شنو نسوي الحين !؟ ريان : ندور شقه .. " يارا خلآص وقف قلبها .. وودها تنط من السياره حتى لو تموت .. بس الشي اللي مانعها محمد ماتقدر تخليه وتروح خصوصاً انه امانه ولآزم ترجعه لآهله .. صارت تبكي بصمت .. بدموع وآهات تفتت الصخر " جــواد : طيب وين القى لك شقة بالهوقت ؟! ريان : ندور وان شاء الله نلقى .. يارا : الله يخليكم خلوني بحالي .. حرام عليكم اللي تسوونه فيني " سكتها صوت جوال جــواد يرن" جــواد : هلآ يبه .. بوفهد : هلآ فيك .. وينكم ليه تأخرتوا ..؟! جــواد : هااا .. ابد بس صحينا من النوم متأخر .. وخوي ريان عازمنا على العشى الليله وماقدرنا نرفض .! بوفهد : طيب ووين ريان .. عطني ايه اكلمه ... ريان : هلا يبه .. بوفهد : هلآ فيك .. صدق الكلام اللي يقوله اخوك .. ريان : ايوه يبه صدق .. انا حاولت ارفض بس هو لزم علي ..!! بوفهد : خير ان شاء الله .. بكره اشوفكم عندي بالحسا وما ابغى اي تأخير ريان : حاضر يبه .. بوفهد : مع السلامه .. جــواد : هااا .. ايش قال ريان : يقول بكره حنا لآزم نكون بالآحساء وبدون تأخير .. جــواد : انت السبب ولآ كان حنا في الطريق لهم الحين .. ـــــــــــــــ (( في المزرعه ))..* كوثر : ماودكم نقوم نقووم نسبح الحين ملينا من الجلسه كذا ََ!! جود : والله انا ودي اطلع مو اسبح .. الجوري : وانا كمان ودي اطلع .. جود : اللي يسمعك يقول انك من جيتي الأحساء وانتي جالسه مو كأنك من شوي جايه من بره .. الجوري : لآ .. الطلعه مع البنات غييير شجون : لآ يكون مليتي من قيس !! الجوري : مستحيــل أمل من قيس .. جود : ياسلآم ياليلى .. ريم : اجل مو لآزم تطلعين معنا خلك مع قيس شجون : الآ وين جوليا ؟! كوثر : ومنو جوليا بعد ؟! ريم : حبيبة روميوا كوثر : خليني اعرف جوليا علشان اعرف روميوا جود : هذي مشاعل وزوجها فارس .. الآ صحيح وينها .؟! الجوري : الخاينه طالعه مع فارسوه .. شجون : والله انك طماعه من شوي طالعه وتبغين تطلعين بعد !! كوثر : الحين اللي يسمعكم راح تطلعون .. قوموا نسبح بس " ويروحون كلهم للمسبح " ـــــــــــ (( في الدمام ))..* (( لف جــواد الدمام كلها علشان يدور شقة تناسب يارا .. في النهاية شاف شقه صغيره فيهوغرفتين نوم ومطبخ وصاله ودورة مياه ))..* جــواد : الحين أمنا الشقة ومفروشه كمان .. ريان : يلآ تعالي شوفي الشقة .. يارا : لآ ... ما ابغى جــواد : اوك .. خلها بكيفها .. يلا ريان تعال .. ريان : يلآ خلصينا نبغى نمشي تعالي ! يارا " والدموع بعينها ": حرام عليكم شنو سويت فيكم انا .. جــواد : الصبر الصبر ياارب .. يارا " زادت في بكاها ": ما ابغى ما ابغى عطوني محمد .. ريان : جــواد يلآ مشينا .. وانتي هذا هذا المطبخ وهذي الغرفه وهذي دورة المياه جــواد : يلا ريان مشينا .. ريان : طيب شنو الآغراض اللي ناقصتك قبل مانروح .. على فكره هذي الشنطه فيها كل اغراض محمد جــواد : وشووو .. آي اغراض انا مارح اشتري شي ريان : جــوووواد ادري انك طيوووب .. جــواد : لاااااا .. انا شرير انا مجرم .. حرام عليك ياخي افلستني .. ريان : ههههههههه .. خلآص خلآص .. رحمتك هالمره على حسابي جــواد : اذا كذا انا موافق .. (( يارا تسمعهم وهي مو مصدقه .. يعني هم مارح يسوون لها شي.. هم بس يبغون يساعدونها .. حست ولآول مره يالأمان والراحه .. بس خايفه انها تكون بحلم .. اخذت محمد واحضنته بدموووع حاااره من الفرح .. جــواد وريان طلعوا من الشقه بعد ما عطوها المفاتيح .. راحوا اشتروا لها اغراض كثيره كثيره .. ورجعوا للشقه عطوها الأغراض ورقمهم علشان تتصل عليهم اذا احتاجت شي ومشوا عنها ))..* ــــــــــــــــــــ (( عند مشاعل وفارس ))..* (( طالعين يتمشون مع بعض وكانوا رايحيين العثيم مول .. بالدور الثالث مكان الألعاب كانت مشاعل فالتها لعب وحركات ووناسه وفارس الله يرحم حاله .. اكتشف اللي متزوجها طفله .. مشاعل لما نزلت من اللعبه جات لعند فارس ومسكت ايده وقالت له ))..* مشاعل : حبيبي ابغى ايس كريم فارس " داخ لما سمع كلمه حبيبي": شنو عيديها مره ثانيه !! مشاعل : ابغى ايس كريم .. فارس :لالا .. الكلمه اللي قبلها .. مشاعل " ابتسمت ": حبيبي وعمري وروحي فارس :قلبي انتي ادوووخ انا على كلآم الغزل اللي يطلع من فمك العســل .. وبعدها راح اشترى لها ايس كريم .. ـــــــــــــــــ (( في اليوم الثاني ))..* (( وصلوا ريان و جــواد الأحساء بعد صلاه الظهر طبعاً حصلوا تهزيئه حلوه من الوالد على تأخيرهم .. لأن ريان رفض يرجع الا بعد ما يتطمن على يارا .. قرروا الشباب يرأفون بحال البنات ويطلعونهم ))..* احمد : بما اني دليلكم السياحي فا شرايكم آخذكم لجبل القاره طبعاً جبل القاره من اعلام الأحساء واللي تشتهر فيه .. حسن : آي دليل سياحي .. وانا وين رحت ... انا محترف تسلق الجبال .. كوثر : ياااي اذا المسأله فيها تسلق انا برووح معكم .. حسن : الكل راح يروح معنا الآ انتي ياوجه الكنغر .. كوثر : ابلع لسانك لآ اعطيك ذاك الكف اللي يوديك افغانستان .. حسن : افااا .. هذا احترام الخال ! كوثر : انت مو خال انت خلاله خخخخخخ "حسن يرفع ايده علشان يضربها بس تفاجئ بضربه من كوثر " حسن : آآآي .. طيب ياكويثر نشوف من بيخيلك تروحين الجبل .. وخلي افغانستان تنفعك .. كوثر : راح اروح وبجلس على قلبك يالبغل .. حسن : بصير طيب ولآني براد عليك .. كوثر : يو آر ستوبد حسن : شنو كوثر : يو آر ستوبد حسن : اقول تكلمي عدل " ويلف على جــواد " شنو قالت ؟ جــواد : تقول انت غبي .. خخخخخ حسن : هااا .. انا غبي تصبر علي بس .. عطني كلمتين خلني اسكتها فيهم .. جــواد : قول لها .. يو آر سو متش اجلي حسن : كويفر .. يو آر شورما جلي جــواد : ههههههههههههههههه لآلالا مو كذا " يو آر سو متش اجلي" حسن : يؤؤؤ .... يو آر سو شي اقلي ... شنو اقلي .؟ تغلي بطاطا انت ! جــواد : خخخخخخ خلك بس على ستوبد "حسن سحبها من عبايتها ورماها عند اخوها " حسن : اذا شفت اختك مره ثانيه قتلتك .. ـــــــــــــــــــــــــــــ (( عند جــواد ))..* ليان : لآ تكلميني يالخاينه جــواد : انااا ... ليه انا ايش سويت لك ؟؟!! ليان : بسم الله عليك يابريئه .. جــواد : اهااا ... اي خلاص سامحتك .. ليان : شنوو سامحتك .. المفروض انا اللي اسامحك مو انتي .. جــواد : انا وانتي واحد .. حبيبتي انتي ليان : لآ .. ثنتين .. جــواد : خلااص عمري ولآ تزعلين احنا ثنتين .. ليان : جود لآ تغيرين الموضوع .. جــواد : انا لله وانا اليه راجعون .. يعني مارح تنسين .. الموضوع راح وعدّا ليان : لآ مارح انسى جــواد : طيب انا آسفه بس اخوي قالي لا تتأخرين فا ماكان عندي فرصه اقابلك .. ليان : احلفي ... ماعندك ثانيه وحده تجين تسلمين علي وتروحين .. جــواد : ليان تبغينا نتخانق الحين !! ليان : جود حركتك مو عدله ابـد .. جــواد : طيب طيب .. وبعدين ! ليان : مدري جــواد : اوكي باي ليان : ..................... جــواد " عصب كثير ": مع السلامه " وسكر الجوال " ــــــــــــــــــــــــــــــــــ (( بعد ما سكر جــواد من ليان راح ينام ومارح مع اهله الجبل .. لأنه عصب كثير من ليان ومو محتمل يكلم او يشوف اي احد .. اما الباقي لما وصلوا لجبل القاره وصاروا يدخلون المقاره جود خافت وبدأ جسمها يرجف وما قدرت تتحرك ...وحست وكأن رجليها مثبته في الأرض .. وصارت تبكي ...)) نهاية البارت هل راح تنقطع علاقت ليان بجواد ؟؟ او انه راح يقابلها ويعترف لها بالحقيقه ؟؟ وجود شنو راح يصير لها وهي بروحه في مكان غريب ؟؟
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
