&^ عذب احساسي ^&

لاتتركـي قــصة هـوانـا في غيـابك تنتـحر
سوالـف الغيـاب للـقـلب المـولـع موجـعه
في وقت تنوين الرحيل تراحياتي في خطر
قـلب يبـي قـربك تـراه يموت يـوم تـودعه



بوحي

على رحلة شوامخ عزتي يم الفضا رحال
مدام ان الفضا واسع وصدر الكون يحويني
ابرحل والفجوج الواسعة تستهوي الرجال
ابرحل دامها ضاقت مساحات الأمل فيني
ابرحل وانت ياقلبي تعال وعانق الترحال
تعال وخلنا نبعد ولانترك عناويني
تعال نسابق الخطوة ولو ان الدروب طوال
مدام ان الثمن عزة ولاغيرك يخاويني

بوحي

يانجمة الليل يابعدك وياقربك
ابعد من البعد واقرب لي من انفاسي
اسامرك ضي واحلامي على دربك
واناظرك فوق والقى فالسما ياسي
مدري على النور اكتب سالفة حبك
والا سما البعد ماتستوعب احساسي

بوحي

على نزف المشاعروالغلا والشوق ياقلبي
تحمل بعدهم واصبر وسامحهم على الغيبه
وانا ادري كل ماغابوا لهيب الشوق يلعبي
واسلي خاطري يمكن يزين الوقت ويجبه

بوحي

وتسألني عيون اهل الهوى منهو غريب الدار ؟
واقول لي سكن جو الشموخ وعزته داره
وسط قلبه كتم حس المشاعر والمشاعر نار
يعشق الصمت عن بوح الغلا لوتحرقه ناره
تغيب الشمس ويبان الشفق والليل ابو الأسرار
وتبدا للمسا قصة غريب الدار واسراره
من كتاب الهموم الي بصدره والضلوع اسوار
يسولفها على نجم السما لاطاحت اسواره
هذاك الي لمكنونه جعل لون الظلام ستار
توشح به عن عيون العذول وحطه ستاره
بوحي

يازاير الليل لاتاقف على نومي
لاصرت حلم تبخركل ما افيقه
نشدت شيخ القناة يفسرحلومي
يقول حلمك خيال وصعب تحقيقه


بوحي

والله غريبة قصة الشوق فينا
واكثرغرابة فالهوى كيف نشتاق
لاصاروا اغلا احبابنا في يدينا
نقسى ولاكنا حبايب وعشاق
وان ابعدوا عنا عليهم بكينا
نذرف عليهم دمع الأعيان حراق
حنا كذا نبخل على الي يبينا
ونسمي انفسنا عظيمين الأشواق

بوحي

صحيح لأجل عيون تكرم مدينة
وانا لعينك بكرم الكون كله
لاجلك بلف بحور واركب سفينة
وافرد جناح الشوق فيني وافله
واشر على قلب بيدك رهينة
واقول لأهل الأرض هذا محله
بوحي

من متى والروح تشبع من هواها
مايمل القلب من شخص يبيه
الهنوف الي تملكني غلاها
طيفها بالليل شوقي يحتريه
ماسكن في ناظر عيوني سوها
قلبي بيدها وهي تامر عليه

بوحي

اقرب من الأنفاس واغلى من الروح
ياقـــلب يانبضـــات ياشـــوق واكــــثر
ياغـــيمة برقــه على الخـــافق يلــوح
ماها عــلى قـــلب الهـــواوي تــنـثــر
عســـاه يروي لاهما ضــامي البــوح
تمشــي عــروقــه بالغــلا ويتـخــثر
علــه يربع بالعــطا يابس الدوح
ربيــع قـــلب لا مـشــابـه تـعــثـر
بوحي