الزمن طبعــهـ كــذا

سالي :جنــى وجع أنا جالسـه قدامك ماله داعـي كل هالصــراخ ..!!
بعــد عشــر دقايق ...
لبنــى :يالله خالتــي تلبسين الفستــان ..
سالي بأنفعــال :بليــز شيلي هاللهجــه الأمــره من صوتك لأني مأحب أحد يأمرنـي أذا تعـدل ميزاجــي أنا بقــوم وألبســه بالنفسي ...
وهج بعصبيــه :سالي بليز مو حاله هذي صايرت لنا طفلــه مايكفــي أنك رفضتــي تتزينيــن فجناحك بالفنــدق اللحيــن بالله عليك قولــي كيف بتلبسين الفستــان وتروحــين للقـاعه ...
سالي:كل اللي أسويــه من الحــره اللي فينــي مسوين لي عــرس وهيصــه وكل اللي حـولي مبسوطيــن بس أنااللي مفروض اكــون عــروس وهذا اسعــد أيام عمــري مقهــوره واحــس بالنار تحرقني داخــل قلبــي ماني قادره أتحمـــل أنا مأدري كيف وصلت لهـالمــرحله وماجنيــت ...
جنــى بالدهشــه :سالي حبيبتــي وش قاعـــده تقوليــن لاتكـوني خايفـه ..!!!
لبنــى :عادي شي طبيعــي بتوتر وتخاف ...
سالي اللي يأست أحد يفهمهـــا :هذاك أنتي مو انا .. واللحيــن اطلــعوا بلبــس ...
لبنــى :كنت بقول بساعـدك بس داريــه ماراح ترضيــن والأفضــل وهج تبقى معك تساعــدك كبــدايــه ...
سالي :خلصتــي يالله برى وأذا احتجناك بناديك ...
وبعــد ماطلعــوا ...
سالي :أقول وهج وش رايك تلبسينــه بدالي ...
وهج :سخيفــه وربي سخيفــه ...
سالي :طيب لاتبكيــن ماني غاصبتك تلبسينـــه ...
وهج :مارح ارد عليك لأني مأبغى فأخــر يوم اشوفك فيــه نتخانق ...
سالي :من قالك أنه اخــر يوم راجعــه لكــم ياحبيبتــي وبأسـرع مماتتــوقعيــن ...
وهج :طيب يالواثقه أرفعي راسك فوق ...
سالي بأستهبــال:أنا دايم رافـعه راســي ...
وهج بقهــر :سالي والله لأعفس لك شعــرك أنا ماتعــدلتي ...
سالي :طيب بس بشويش ... أحس فروة رأسي تحكنــي ...
وهج :شي عادي كم مره استشــورت لك شعـرك اليوم ...
سالي :كثير ماعديتهـــن ...هاه خلصتــي ...
وهج :لاباقي الطبقــه الثانيــه لازم يدخــلون البنــات يساعـدوني ..
سالي :طيب بسرعه ترى أذا فقدت اعصابي بخـرب عليكم كــل شي ...
وبعـد ساعتيــن كانــوا فالقــاعـه واقفيــن عند المــدخل اللي بتدخــل منــه سالي ومصـورتيــن قدامــهم ...
سالي : أسمعــوا مأبي احد يقرب منــي ...
لبنــى :ماكان كذا اتفــاقنــا لازم أحــد يكــون معك فستانك مــره طــويل من قــدام كيف بتقـدرين تعاملين معه بدون مسـاعده ...
سالي :لاتخافين ماراح اطيــح وافشلكــم بس لأحــد يقرب منــي لين اجلــس على الكــوشه ...
وهج :على الأقــل هديل تكــون معك ...
سالي بأصــرار :قلت لا يعنــي لا ومأبي احــد يمشــي وراي بعــد ...
جنــى بصرخة أحتجــاج :لااااا عاد قويــه هذي ...
سالي :بليز أدخلــوا وجلسـوا بمكــان استراتيجـي عشـان تشوفني كـويس ولاترى برجع من مكـان ماجيــت ...
وهج :سالي خلينا معك ...
ويوم شافت سالي مطنشتـها وقاعــده تعدل عقــدها لحقت بى جنــى ولبنى اللي كانوا سابقاتها للقـاعه ...
سمعت صوت المــوسيقى يبدأ هـادي وكل مالــه يعلى ...
تحــركت بعد ماعطتها المصـوره اشاره ...
مالقت أي صعـوبه فالتعامــل مع فستــانها وكانت تمشــي بكل سهــوله وعيونها على الموجـوديــن وتوزع على اللي تعرفهم ابتســامات واثقــه شافت كم بنت تعرفهم من الجامعــه ومعهم عبيـــر يأشــرون لهــا بحمــاس ويصفـرون ... رفعت راسها لهم واشرت بالمسكـــه ولا همــها اللي بيقــولونه الناس عنهــا ,, كملت طريقها للكـوشه وأول ماجلست جتها امهــا وأم ناصـــر وحــريم كثير يسلمــون عليهــا ... توها بتجلـس جوها جنــى ولبنى وهج ومعهــم أبتهــال ...
وجلســوا يهذرون علــى راسهـا ويصورون معهــا ...
وسألت هي أبتهال بخبث :ويــن أمك يأبتهــال ..؟؟!!!
أبتهــال :أتوقع أنتي ادرى ...
ضحكــت سالي بميــوعه وقالت :ترى امزح مأقصــد شي ...
وقطــع كلامـهم صديقاتها اللي من الجامـعه جايين يسلمــون عليهــا ...
وجــت بعــدهم فطـــوم وبسمــه وخــوات فطــوم وبنــاتهــن ...
جنــى بهمــس لوهج :ووووعععععع وش هالجيــاكر ...
وهج بضحكـه مكتــومـه :شوفي كيف عيونهن شوي وتأكــل سالي ..
جنــى بمزح :لاتكــون أم مطلق معهـن بس متنكــره ...
وهج :ماتضحك اسمعــي المدح والله من النفاق ... لابسوم مجمعــه كل بنات الجامعــه ..على بالها جايين علشـانها كلهم جايين بيشوفون سالي صـالح الـ... عروس ...
جنــى :اللحيــن هم جايين لسالي أنتي ليش معتــده بروحــك ... أقول أنتــي بس روحــي ترززي قــدام أم سلطــان شوفيها لاصقــه بأمي مأتركتهــا ...
وبهالوقت دق جـوال وهج ..
جنــى بلقافــه :ميــن ..؟!!
وهج بخــوف :أمي لاتكــون تبينــي أسلم على أم سلطــان ..
جنــى بخبث :لو بس تبيك تسلميــن على أم سلطــان هينـــه البلوه لاتكـون تبيك تسلميــن على سلطــان ...
وهج ووجها ألف لــون :قليلة ادب يازينك ساكتـــه ...
جنــى :طيب ردي على امي أو أختصري الوقت وروحــي لها ...
وهج بعد تردد ردت على أمها وفعلاً تبيها تجــي تسلم علــى حريم عنـدها على قد قولهــا ...
وهج :تعالي معي ..
جنــى :والله صدق .. أجل أمشـــي ...
وهج :ووووووول ماعنــدها مانع ...
جنــى :وليش يكــون عنـدي مانع مني حلـوه وأخبــل خل أتباهى بجمالي ...
راحــو ورجعــوا والشلــه للحيـن عنــد سالي ...
وبعــد ماراحــوا قالت لبنــى :ماشاءالله هذا العرس العائلي والبطاقات الخاصــه ماخليتونا نعزم احــد ..
سالي :لأول مره تقولين كــلام مفيد يابنت سعــد والله هذي وحـده من حركات فطــوم مادري وش قصــد فيها ...
وهج :أيــه الموجــوديــن كثير مـرره اكثــر من العدد اللي كانوا محــدديــن ...
سالي :ورى ماترقصـون ولاتبــوني اجي معكــم ....
الكــل بصرخــة أحتجاج :لاااااااااااااااااااااااااااا ... يدرون سالي خبلــه تسويهــا ...
سالي :والله فكــره بسوي عمــري فرحانه وأرقص يالله عاد من يرقص معي ...
وهج :أمرنا لله نرقــص لك وش تبين بعــد ...
سالي :ولاشي يالله ورونــي شطارتكــن واحلـى وحده بالرقص بزوجهـا لولدي ....
جنــى بضحكــه :سالي قسم بالله مأنتي بصاحيــه أي ولــد هــذا ....
سالي :الا صدق ويــن هدول أبيها ترقص عنــي ...
وهج: ثواني بدق عليهــا ... وجت هــديل وجلست ترقــص قدام سالي وبكــل أحتــراف ...
سالي لوهج اللي كانت واقفــه :جلسوها بتذبحنــي هذي ...
وهج :خليها ترقص ..
سالي :لااااا أغار هذي بتأخذ ولــدي منــي ...
وهج بالدهشــه :أنتي وش قاعــده تهذيـن به ...
سالي براءه :لابــس جالسه أسلي نفســي .. أقول يالله عـاد بطلـــع ..
وهج :لاويــن تو النـاس ... الناس للحيــن ماشافوك زيـن بعدين وش مستعجلــه عليــه
يســور ماراح يطيـــر ...
سالي :ايه صح دقي على العيـال خليهــم يدخلـون يصورون معي ويرقصـون ...
وهج :فاضيــه أنتي ..
سالي :وهج عاد لاتكـونين تبينــي أترجاك أنا واعــدتهم ...
وهج :ماشاءالله هم أيه وياســـر لا ...
سالي :بتدخلينهــم ولا أيـــش ...
وفعــلاً دخلــوا سامي وعادل بس سعــود وناصـر رفضــوا ...
رقصــوا شوي وصورا معهـا وطلعــوا ...
جنـــى بخبث :فاتكم نص عمــركم قبل شــوي بعض ناس راحــوا وسلمــوا على عمتهــم

وهج بحيــاء بيذبحهــا :احد سألك أنتي ...
جنــى كملت بتطنيش :المــره تمدح وبعض ناس ذايبيـــن ...
سالي :والله وفاتتنــا سوالف بس كيف تجرأتي وهجــووووه ...
جنى بضحكــه :وين تجرأت أخذتني درع واقي معها .. ولايوم قالت أم سلطــان لوهــج سلطــان عتبــان عليك ليش ماترديــن الله لايوريكــم شوي وتبكــي ...
سالي بالضحكــه :خيبه قويــه أم سليطيــن ماهي هينــه أهم شي ماشفتــوا احــد من حريم أخوانه السوس ...
جنــى :لاماجــوا عارفيـن أنهم ماهــم قدهــا ...
وقطــع كلامهم هــديل اللي جايــه ومعها بنت من سنهــا ...
سالي أول ماشافتهــا عرفتهــا :أثير ...
أثير وهي تسلم عليهـا :طالعـه حلووووووووه قمرررررر مو مثل سالي حقت المزرعه ...
سالي ضربتها على راسهــا :أنا طول عمــري حلــوه ,, تعالوا أجلسوا هنا صوروا معــي ...
هديــل :خالتـوووو سمعت أمي تقول كلهــم جايين أنا ماعرفت من تقصــد بس بعديـن هي قالت لجدة أثير زوجــة ماجد وزوجــة أحمــد من ذولااا ..؟؟!!
جنــى بضحكـه وعدم تصديق :خيبه سالي مروعه الناس جايين يتأكــدون أنك صدق تزوجتـــي ,,, والله اللي ماسويتي بضعيفات شــي مع هالجمــال ...
لبنــى :أحسن ليش يجــون خاصـه مرة مجــود ذابحتنا ليل نهار لاصقــه فبيتنا وماتسأل ألا عن خالتي ومتى بتزوج ..؟؟!!
وهج :من حقها ولا زوجها العاشق المتيــم خاطب بعض ناس أربع مأدري خمــس مرات ...
سالي :ليتني ماوافقــه عليــه أرحم لي من ولــد أمـــه ...
لبنى بالصــرخه :حرااام عليك تقارنين ياســر بمجـود وش جاب لجاب ...
جنــى بالنص عيــن :وأنتي وين شايفه ولــد عمـــي ...
لبنــى :وفيه أحد بقى ماشافــه يوم الملكـــه .. كل اللي بيت جدي جاي متجمعيــن بيشوفــون من اللي رضت فيــه الأميــره سالي بعــد كل اللي رفضتهــم ...
جنــى :وش ردت فعلهم يوم شافــوه ..
لبنى :كأنا على رؤسهم الطيـــر ...
سالـــي :يالله عاد مـاهومن زينــه أنا أحلــى منه بمليــون مرررره ...
جنــى :وش جاب لجاب انتي بنت وهــو رجــال ...
سالي بقهــر :سعــود أخوي أوســم وأرز وأرجــل منــه ...
جنــى :اليــوم عرسك وجالسـه تذميــن زوجك وتمدحيــن اخـوك ... وكملــت بخبث :اخاف يجــي اليوم اللي تذوبي بداديبــه ...

ومــر بالوقت بالســـرعه ليـن جتهــم أم ناصــر :يالله سالي حبيبتــي بنطلعك أبوي وأخواني بيسلمــون عليك قبل ماتنزفيــن لزوجك ...
سالي شرقت بالهـواء ...
وهج وهي تمد لها عصيــر :سالي وش فيك ...
سالي بعد ماشربت :ماتشوفيــن أمك وش تقــول تبــي كل هالعالم تشوفيــن وشوفي لبـسي كيف ...
أم ناصــر بمــزح:مسويه فيها مستحيــه يالله بس ... اللحيــن بيطفــون الأنــوار وبتطلعيـن بهدوء مثــل مادخلتــي لاتســرعيــن ...
هزت سالي براسهــا أيه ...
بعــد ساعتيــن كانت سالي جالســه مع ياســــر فجناحهـــم بالفنــدق ....
نص ساعــه لهم جالسين مع بعض ولا واحــد منهم تكلــم سالي سرحــانه بأهلــها وتذكــر نظرت الفرح بعيــونهم يعنــي هم فرحانيــن مايدرون أنهــا تعيســـه على الأقـل يراعـون مشـاعرها ومايوضحــون لهــا كيف كانت هــم وأرتاحــوا منه ,, النــاس تبكــي وتزعل لاتزوجــت بناتهــا وأبوها وأخــوانها الفرحــه مو سايعتهــم ولا أمهــا طلعت حتـى قبل ماتسلم عليهـا ,, بس اللي واساها دمــوع البنات اللي ذرفوها على فراقهـا بس هي ماقدرت تبكــي لو حتــى على نفسهــا ,,, أنتبهــت على فستــانها وكيف صار مبقــع بلون الأحمــر من الورد اللي بدون حاسيــه قطعتــه عليــه والمسكــه صايره خاليــه على عروشهــا ...
ياســر كان سرحـــان يفكــر بالســالي من يوم عرفهـا ليــن اليوم مو مصــدق أنه الليلـــه زفافــه على الأنســانه اللي يحبهــا وبيجمعهــم بيت واحــد للأخــر العمـــرسالي عمــره حيــاته وكــل شي حلــو فحيـاته تذكــر كيف كان عايش قبل مايعرفهــا كانت حياته قاسيــه جافه يومه مثــل أمســه بس من أول ماطحـت عينـه عليها أنقلبت عيشتــه وصارت كــل لحضـه بحيـاته مهمـه لها طعــم حلــو اومـــر شي له مذاقــه يتعذب فجفاها له بكــرها له ويتلذذ فحبــه لها متــى بتبادلــه هالشعــور وتصير تحبــه مثل مايحبهــا ... وصحــى على ورطـــه كبيــره طاح فيهـا ماحجــز لشهـر العســل لأنه كان عنــده تخطيط غيــر وبعــد طيحت سالي مايقــدر يكمــل هالمخطط وفاتــه يحجز عشـان يسافرون بــس وين أصلاً يسافرون اووووف وش هالوهقـــه اللحيــن وش يقــول لأهلــه ... معــه يوميــن يقدر يحجز فيهــم بس ويــن ليش مايسأل سالي ويريح عمــره ...
رفع راســه بيكلمها وتوه تذكــر أنه من بعــد ماطلــع الكــل ماتكلــم معها بس غريبــه ليش هي ماتكلمــت شافها أتطالعه وعلى وجها أبتســامه ساخــره .. بدينـــاا ...
ياســر بداخلــه :الله يستر وش ورى هالأبتســامه ...
بادلهـا الأبتســامه بوحــده أحلــى ...
سالي توسعت أبتســامتها...
ياســر بلع ريقــه هذي مو ناويــه على خير الليلــه تدري أنها حلــوه وتذبح وهي مكشـره تجي توزع أبتســامات ومسويــه نفسهـا وديعــه ألأخــت ....
ياســر قرر يتكلــم :وش فيك هاديـــه مبدلينك ...
سالي :لاياشيخ أنت اللي صاير حيـوي اليوم قلت أشجعك على الكــلام ...
ياســـر :وين تبينــا نسافــر ...
سالي :وليش نســافر أن الصراحـه تعبـانه ومالي خلق سفر وتعب وبعــدين على ميــن نلعبها خلنا صريحيــن مع بعض أكثــر وشل هالقناع عــن وجهــك ...
ياســر :أحســن بعــد ,,, وطنش تعليقها الأخيــر .. ماتبغين تعشيــن ...
سالي :أكيــد أبغى لاتــوقع بأستحـي وأقول لا ..
ياســر بأبتســامـه:وأنا أقدر أتجــرأ...
سالي وقفت :طيب بدخل اغيـر ملابسي ...
ياســر بعدم أهتمــام :خذي راحتك ....
بعد مادخلت سالي تبــدل بعشـر دقايق جاء العشــاء ...
ياســر دخل بالغرفــه بس مالاقاها شاف شنطتها مفتــوحه على الســرير
وصوت ماي جااي من الحمــام ... نزلها من على السرير وتمــدد مكانـها وماحــس بنفسـه انــه غفــى ...
سالي :ياســرررررر يسـوووور ياســـرررررر ياســــروووووه اوووووووف وأخرتها معك يعنــي ....
حس فيهــا من ثاني كلمــه بس ماتحــرك من مكـانه وبقى مقفل عيــونه بيشوف وش بتســوي قربت منه وجلست علــى السرير وبدت تهزه بقــوووه ... كان كاتم ضحكتــه حاول يكــون ثقيل ... وفجأه سكتت ووقفت هزه ...
فتح عيــونه بطأ ولقى وجها بوجـهه ...
سالي بقهــر :صدق دب ان حنجرتي ألتهبت وأنا أنادي عليك ...
ياســر بملل :وش تبيــن ..
سالي :وش ابي يعنـي اصور معك يالله قوم تعشى ولامــاتبي ...
ياســر :ليش تصحينـي يمكــن مأبي ...
سالي بزلة لسـان : أحســن بعد خلاص أرجع نـام ..
ياســر بخبث :لابعــد أيش لازم أتعشى ...
سالي :اوووووووف .. وطلعت لصاله ...
لحقها ياســر اللي مأنتبــه على لبسهــا بس يوم طلــع شافها وهي جالســه على طاولــه وبدت تأكـــل ...
جلس وهو يكتــم غيضــه بس مأقدر لازم يعلق : ماقلتي لي بكــم مأشتريــه هالجنز شكلــه أصلي ..
سالي اللي فاهمتـه:والله أعجبك بس للأسف مأعرف سعـره جاني هـديــه اذا تبغــاه مايغلى عليك ... كان فيها ضحكــه بس كتمتــها ..
وجلست تأكــل بهدوء ... بس لاحظت انه مايأكل ...
سالي براءه وهي ترجــع شعرها المبلل اللي نزل على جبينها :ليش ماتأكــل مأعجبك الأكــل ...
ياســر مسك الملعقــه وقعــد يأكــل :لاحلـــووو ..
سالي بخبث :ايه مره حلــو حتى ذوق السلطــه هذي ... وأشرت على طبق معيــن ...
ياســر أخذ منها شي بسيط بملعقتـه عشان يذوقــه ...
بس سالي سبقته وملت ملعقتــها ومدتها له ...
ياســر بالدهشــه فتح فمــه .. وجلس يبلع الأكــل بدون مايتذوقــه .. كان حار مالح حامض يحـــرق .... بس ماتذمــر وفتح فمـه للقمـه الثانيــه والثالثـــه ...
بس سالي مأقدرت تتحمــل رمت الملعقــه وأنفجــرت ضحـــك ...
ياســر بكل بساطــه شرب ماي وجلس يراقبهـا وهي تضحك ...
ياســر :وأنا أقول وش الحنيــه اللي نزلت عليها جالسه تقومنـــي عشـان أتعشى ,,, تدرين أني أقدر أقلب ضحكك اللحيــن لصياح ... >> كان يتكلم بجــديه خلت سالي توقف ضحــك ..
سالي بتحدي :ماتقدر ..
ياســر :لا أقدر وشفتي هالطبق اللي ملغمتــه أقدر أخليك تأكلينه كــله ...
سالي بعنــاد :عادي اصلاً أنا بأكلــه بطيبت نفس ... وملت ملعقتهــا وأكلتهـا بس اللقمــه وقفت بزورهــا ..
شرقت وركضت للحمــام ورجعت كل اللي أكلتــه ...
ياســر اللي كان واقف على الباب الحمــام :وش فيك ...
سالي بقرف :معه بيض ...
ياســر :وأنتي ماتحبين البيض ...
سالي :لااااا وععع مقرف ..
ياسـر بتأنيب :حرام تقوليــن لنعمــه مقرفــه ,, تعالي تعشــي ..
سالي :مأبـــي خلاص انسـدت نفسي ..
ياســر وهو يطلــع من الغرفــه :طيب أشربي عصيــر ..
جلس ياســر يكمــل أكلــه وسالي أخذت كأس عصيــر وجلست على الكنبــهه تشربــه وتابع التلفزيــون وبعـد ماخلص نزلتــه وانسدحت على الكنبــه وهي تلعب بشعرها وتابع ...
ياســر ترك الأكــل وجلس يراقبهــا تلف خصله من شعرها على أصبعها وبعــدين تفكها وترجـع من أول وجديد تلفها على أصبعها كانت تابع التلفزيــون بجديه وكأنها صدق مهتمـه باللي يعرض فيــه ... شعرها قصيــر مره أقصر من شعــره حتى بس ناعــم بعكـس شعره الخشــن ... ولاحــواجبـها مرسومــه طبيعيــه مليون فالميــه ... والعيــون مايحتـاج يقول عنهـا شي حتى وهي مغمضمتها اللحيــن روعــه ,,ولا خشمها فمهـا خدودها كل شــي فيها يجنننن ...

سالي :ياســـر ..!!!
ياســر(ياعيــون ياقلب ياروح ياســـر ) :هاه ..؟!!
سالي لفت وجها عليه :وش هاه قول هلا,, سمــي ,,أمــري ..
ياســر(ياليت أقدر أقولها بس لازم تحترمينــي قبل) بعبط :صدق والله مأكنت أدري ...
وجاء يجلـــس جنبهـا وهي عــدلت جلستهــا ...
سالي بقهــر:دب ضاقت علــيك الكـراسي جاي تجلس جنبــي ...
ياســـر :طيب أنا عاجبنــي هنا ... وش كنتــي بتقــولين قبل شــوي ..
سالي :كنت بسألك ليش تزوجتنـــي ..؟!!!
ياســـر :وأنا كنت بسألك ليش وافقتـــي ...
سالي بقهــرالدنيــا كلـــه :ماوافقت لاتكذب الكــذبه وتصــدقها رفضتك ولو طلبتنــي مليون مره غير ذيك المــره كنت برفضك ...
ماوافقت ,,,برفضك
ماوافقت,,,برفضك
ماوافقت ,,,برفضك
ماوافقت ,,,برفضك
طعنت ياســر فالصميم أهدرت كرامتــه قويــه بحق الرجـــال لاومــن ميـن من زوجتـــه ..؟!! وش تحتـــري يا ياســـر أكثــر من كــذا خايف عليها مــريضــه يعلهــا المــووووووت ...
ياســـراللي قدر يتحكــم بأعصــابه وماوضح لها ولو واحــد فالميـــه بالآآمــه وصدمتـــه :للأسف جــت متأخـــره ياسالي متأخــره كثيـــررر أنتي خلاص زوجتـــي تعــرفين وش معنــى أنتي زوجتـــي وأنا زوجـــك ..!!!
_______________

(..صبــاحيه مبــاركــه ياعــرسان ..)
احــم احـــم أنا أبارك لهــم بس ترى هــم مو معطينــي وجـــه ... مسويــه بلطف الأجــواء بينهـــم ...
اللحيــن هــم فالسيــاره الســاعه ثلاث الظهــر اليــوم معــزوميــن على الغــداء عنــد أبـو ياســـر الجــو فالسيــاره مكهــرب على اللآخـــررر ... من صحــوا الصبح محــد منهم تكلــم مع الثانـــي ... طلع سيجــاره بيدخـــن بس طاحــت من يده من صرخــة سااللي ..
سالي بسخريــه وقهــر :على مأعتقــد أمس متزوجنــي لحقت تمــل وتبي تقتلنـــي ..
ياســـر رمــي السيجــاره ومارد عليهــا الحقــران يقطــع المصــران ...
وصــلوا للبيــت وقبل ماتنزل مسكها مع يدهــا ...
ياســـر :أسمــعي كلمــه وحـده من كلماتك اللي زي الســم أو تصـرف من تصــرفاتك اللي تدل على أخــلاقك الفاضلــه والله ثــم والله ثــم والله لأطقك طق مأنطقيتيــه بعمــرك كلـــه ... وصدقينــي ياســـر لاقال فعـــل ...
سالي ماردت عليــه لين تركهـا ونزلت من السياره :للأسف الضرب مايخــوفني ...
دخلت مع مدخــل البيت وهو دخــل بعدهــا بيسلــم على أمــه وخواتـــه ... سالي مأنتبهــت عليــه فأول مادخلــت شافت بسمـــه بس طنشتهـا ماراحـت تسلم عليهــا وجلست تعــدل عمــرها بمــرايــه ..
بسمــه بالصوت عالــي :هلا والله ياســـر الف الف مبــرررروك ...
ياســر :الله يبارك فيـــك ... وبالضحكـه :عقبالك ..
بسمــه بحيــاء :لا وش تــووو الناس ...
سالي اللي أنتبهــت على ياســر خافت لينفذ تهديده فقالت أسوي عمــري مأنتبهــت لبسمــه
وبالتمثيــل :يووه بسمــه أنتي هنا سوري حبيبتــي مأنتبهت لك ...
بسمــه بأستغراب وبداخلــها (الشمــس من وين طالعــه اليوم ):لاعادي من عذرك عروس لازم تخافين على كشختك ... وجت تسلم عليهــا ...
سالي :أهلى جــوو ..
بسمــه :أيه وين كــل الناس جايــه بس أنتو اللي متأخــرين .. اذا للحيــن بتعدليــن اطلعي لجناحكــم فوق ...
ياســر :امشي أوصلك له ...
سالي (وليــه لزقــه يأخي أفهم أنا ابي الفكــه منك ):لا مايحتاج تعب عمــرك أن أدل الطريق ...
بسمــه :لامو غرفته هذا جنــاح خاص ..
ياســر :بسمــه وينها أمي ..
بسمــه :هي عنـد الحريم أنت وصل سالي وأنا أخبرها عنــك ...
وطلعــوا سالي وياســر للجنــاحهــم ...
سالي أول مادخلت رمت شنطــة يدها بقــوه وجلست تضــرب برجلها على الأرض ...
ياســر بالسخريه :حاسبي لاتكســرين صندلك بس وتســوينها لنا قضيــه ..
جت بتـرد بس دخــول فطــوم قطعهــا ..
فطــوم بالدمــوع الفــرح :هـلا ياســر هلايمــه ألف مبــروك ياحبيبــي الف مبروك ..
ياســر وهي يحب على راسهــا وبالضحكــه :الله يبارك بحيـاتك بس ليش البكـاء اللحيــن ..
سالي وهي تشــاهد الموقف (ياحليله دلــوع الماما ياربــيه عليــه صغيرون دادا ...
مالت عليك أنت وأمــك )
ياســر :سالي سالي ..
سالي اللي توها تنتبــه :هاه ..
ياســر :وش فيك ماودك تسلميــن على أمــي ..
سالي بغبـاء :أسلـــم ..
وبعــد ماشافت نظــرت التوعد من ياســر ..
سالي :يوه سوري كنت سرحـانه ...
وقربت تسلــم عليهـــا ..
سالي :وش أخبــارك أم ياســـر ... ونغزها ياســر بكــوعه مع جنبهــا ..
سالي بألم :خالتي فاطمــه ...
فاطمــه اللي مأنتبهت على حركة ياســـر(ياحليلهـا شكــل العرس عقلها بس بعــد بزوج ولدي وحده من بنات خواتي ):بخير كيفكم أنتـــم ...
وقعــد يسولفــون شوي أو بالأصح ياســر وامه يسولفــون وسالي ودها بس فطــوووم تطلــع ماتبغى تظهـر ألمها قدامـها ..
وأول ماطلعت صرخت عليــه :غبي أنت وش هذا كــوع ولامرزبـــه ... ومسكت جنبـها ورمت نفسها على السرير ..
ياســر بنــدم :تعورتـــي ماكنت اقصد بس أنتي استفزيتينــي وجلس جنبهـا على السريروحط يده فوق يدها اللي ماسكــه فيها جنبهــا :توجعك مــرره ..
سالي :لاتراني أمثل عليك .. وخر عنــي بالنام دقايق وأصير زينــه ..
ياســـر :وش تناميــن يالله عاد الناس من صباح الله خيــر ينتظــرونك ...
وفجأه وبدون سابق انذار أنفتح الباب ودخلــوا جنــى و وهــج وصوت ضحكــهم سابقهم وأول شي طاحــت عليه عيونــهم ياســـر ويده علــى جنب سالي ....
فطلعــوا بسرعه واصقعــوا الباب وراهـــم ...
سالي وجها أحمــر من الأحــراج :يوووووه اللحيــن وش بيقولون عنـــي ...
ياســـر:خل يقولون اللي يبون محد قالهم يدخلــون بهالطريقــه ...؟ ومسك يدها اللي كانت تحت يده وباسهــا ...
سالي بقهــر جرتها منه :وش قصدك بهالحركه ...
ياســر بالضحكــه :أكمــل عليك ...
وراح لتسريحــه وقعــد يختـار من العطـور اللي عليــه بطولة بال ...
سالي اللي عدلت جلستها: ماودك تطلع البنات بيدخلــون ...
ياســـر(ول عليهــا تبي الفكــه مني طيب ليه أنا مأشبع من مقابلهــا) :وليــه يدخلون أنتي اطلعيلهــم ...
سالي وقفت بتطلــع :أحسن بعــد ...
ياســـر بالسرعه يوم شافها بتفتح الباب وتطلع:هييي وين بتروحين عدلي كشتك اللي طايره بالأول ..
سالي براءه :والله طايره ..وجت توقف جنبه طالع بنفسه بالمرايــه :والله أنك صادق بس وخــر عشان أشوف زيــن ..
ياســر(قمــر ياعمــري قمــر حتى لوشعرك واقف ) :المرايه قدامك انا ليش أوخـــر ...
سالي (مسوي روحــه مايدري ):وش اسوي لك أنت طويل وحاجب النور عنــي ...
ياســـر :طيب أنا بطلــع وأفكك منــي بس لتأخــرين عليهم تحــت ماهي حلــوه ....مع الســلامه ...
وطلــع بدون مايسمع منها أي رد حتــى مستخسـره فيه كلمة مع الســلامه قاسيــه ياســالي قاسيـــه ..
سالي ماصدقت أنه طلع دقت على جوال وهج يجــونها ...
جنـــى بالضحكــه :مبرووووووووك خالتــي ألف مبـــرووووك ...
بعــد ماسلمــت ..:يأرضي أحفظـــي ماعليكـــي أحلـــى خالتي عروس صدقيــه ...
سالي :لاياشيــخه أحد قايلك أني مزوره ...
وهج :خالتي خليك منها الغبيــه ذي ... وحمـر وجها وهي تقول :أسفين على دخولنا من غير استئذان بس الغبيـــه بسمه ماقالت لنا أنه موجــود ...
سالي :عادي ماصار شــي يالله ننزل ...
جنــى بخبث :لاوين ننزل تونا ماسألناك وش سويتي أمـــس ...
وهج بالدهشــه :جنـــىىى ...
سالي بالسخـريه:أفا عليك حبيبتــي جنى ولايهمــك من عيونــي الثنتيــن انتي تأمــرين امـــر ...
جنــى:تراني غبيــه مأفهم قصي علي ...
بعــد صلاة العصـــر رجع كــلاً للبيت ومابقى غيــر أهل البيت طبعاً والعــروس الجديده ساااااالـــــي .... ياســـر وأبوه ادخــلوا للبيت بعــد ماطلــعوا كل الرجال من عنــدهم وفصالة الأستقبال كانوا فاطمــه وبسمـــه اللي كانوا يسولفــون وسالي اللي ماسكــه جوالها وترسـل مسجــات على أي رقم مسجــل عندها أهم شي تشغــل نفسهــا ...
وانصدمت يوم دخــل ياسر ومعــه رجال كبير بالسن بس مــو واضح عليــه ..
ياســـر :سالي هذا أبــوي ...
سالي بدون أي حيــاء قامت تسلــم عليـــه وهذا اللي خلى أبو ياســـر يعجب فيهــا وجلس يمدح بأبوها بالرياء واضـــح ... وأثناء حديثهــم صدمهم ياســر يوم قال أنه مو مسـافرين شهــر عسل أبوه تقبل المــوضوع وشجعــه على رأيه عشــان لو احتاجــوه بالشــركه ...
فاطمــه :لاعاااد هذي اللي ماهي داخلــه مخي كيف تبغاه يشتغل وهو للحيـن بالشهـر العسل خل ولدي يرتاح شــوي ولا هالشغل وراه وين ماراح ...
أبوياســر :أنا مأقلت بالشغلــه قلت لو أحتجناه ...
فاطــمه :نفس المعنـــى أنا أبــي ولــدي يستــانس مأبي أي شــي يخرب عليـــه ...

سالي (كانت مقهــوره تحســد ياســـر على حــب أمه وأبــوه الواضح له وأبوه بايــن عليه أنه يحتــرمه بقـوه وأكيــد انه ولده المفضــل ,,ياســر أنسـان محبــوب من اهله بعكسها هي عاشت نص عمــرها مشرده بين أمها وأبوها وماعمــرها حست بأنهم يحبــونها ولايهتمــون بشعـورها من كانت صغيــره ماتذكــر امها مره ضمتهـا ولا أبــوها طبطب عليهــا ليش هي البنت تعيــش هالعيشــه التعيســه وهي اللي بحاجــه لحنان والحــب وهو الولــد يعيــش وحوله هالــه من الحـــب ... ليــش ياربــي ليش ...)
وبسبب ســرحانــها مأنتبهت على ياســر اللي استئذن من أهلــه وقام عشان يرجعــون للفنــدق لين سمعت بسمــه تخافتها :هي أنتي وين وصلتي زوجك طلع .. وبخبث كملت :لاتكــون الجلســه معنا عاجبتك ...
طنشتها سالي وقامت اخذت عباتها وشنطتها اللي جابتهم لها الشغاله مــن فوق ... وسلمــت على فطــوم وأبوياســر وهي تصنع الأحتــرام لهــم ...
وفالسيــاره ...
قالت لياســـر :شكــل أهلك يحبــونك مــره ...
ياســـر اللي تفاجأ من سؤالهــا (كان وده يقولهــا وأنا أمــوووووت فيك )بــس قال :كل الأهــل يحبــون عيالهــم ...
سالي(أيه كــل الأهل يحبــون عيالهــم بس أنا لا أنا أهلي مايحبوني ) :موشـــرط فيه أباء كثير مايحــبون عيالهــم ..
ياســر :صدقينــي مافيــه أنســان فهالدنيــا مايحب ضنــاه ... وبخبث كمــل :وبتفهميــن قصدي لاجبنــا عيال وبتحبينهم حتــى اكثر من نفسك ....
سالي (هــذا اللي ناقصنـــي )بهستــريا :بس أنا مااااااأبي ...
ياســر بالصدمــه وغضب:ماتبين عيــال ...
سالي بأرتباك :عــلى الأقل مو اللحيــن وأنا أدرس ...
ياســر بقهــر :يعنــي تبغيني أنحــرم من العيال لين حضرتك تخــرجيــن بعــد سنتيــن وزياده ...
سالي (وبتنتظــر عمــرك كلــه)بنرفــزه :أولاً موقتــه بعدين هذا مو المــكان المناسب اللي أناقش فيــه موضوع مثـــل هذا ....
وكملــوا المشــوار للفنــدق بالصمــت ياســر يحاول يهــدي أعصــابه لأن المــوضوع هذا قهــره من قلب هو فاهــم قصدها زيــن ماتبغــى شي يربطها فيــه لأنها للحيــن تفكــر بالطــلاق وهو بعكسهــا يبغى أي شــي يربطه فيهــا ...



نهـاية الفصــل الأول
من الجــزاء التاســع عشـــر

الجــزاء التاســع عشـــر
الفصل الثانـــي

دخلت سالي لصالة الجنــاح ورمت شنطتها وعباتها بعصبيــه ..
ياســر :وش الحـركات هذي جاهل أنتـــي ..
سالي بعصبيـــه :وأنت شكــو بليز حل عنــي مختنقــه منك بكــل مكان وراي ..
ياســـر:والله ويــن تقتــرحيـن حضـرتك أروح عشـان أحل عنـــك ..
سالي :أي مكــان أن شــاءالله جهنـــم ماهو مهــم عنــدي ..
ياســر بأعصـاب بارده :عاد أنا لو رحت جهنم مأقدر أستغني عنك لازم أخذك معــي ...
سالي :والله لو تقــول بأخذك معــي الجنــه مارحـت معك
ياســـر... (أحــم أحــم بدينـا بالغلط ) بالتسليــه : طيب ليش بدال ماتأخذينــي بالشـراع مجـداف وبتطــردينــي ليـه ماتجلسيــن ونسولف بالطريقه راقيــه ...
سالي طنشتــه وجلست على كرسي بعيد عنــه(هــذا بأحــلامك بــس والله هذا اللي ناقصنــي بعــد )
ياســر (ول وش فيهــا تطالعنــي كذا طيب لاتسولفيــن خليك كذا وش حلاتك )
(اذا ماطفشتك مأكــون سالي بس صبــرك علــي بس لو يهــدأ الصداع هذا اللي بيفجـر راســي )
(ليــش تغيــر لون وجهـا أكيــد تعبــانه وأكيـد وجـودي تاعبهـا أكثــر اطلـع وأريحها حتــى لو بشتـاق لهـا )
(فكـه وقف اكيــد بيطلــع )
سالي :ويــن بتـروح .؟؟!!
ياســر (فيه تقـدم بعد تهتم تسأل ويــن رايح ):جهنـــم موكذا تبيــن ..
سالي (ياشينك لخففت دمـك) :تكفــى لاتـرجع ..
طلــع ياســر وهو متنكــد ومايدري ويــن يروح أخذ سيـارته وجلس يلف بدون هدف وبالأخيــر قرر يروح للشقـه يشوف وين وصلــوا العمال بشغلهم قبــل مايصرفهــم .. سالي ماصدقت على الله طلــع ياســر دخلت تنــام لأنهـا مصدعــه وهلكــانه بس قبل ماتنــام كلمت سعــود اللي سألها عن ياســر ويوم قالت طلع جلس يعلق عليهـا وكرها بعيشتها .. وبعد ماقفلت منــه حطت راسهـا ونامت وماهي حاملــه من الهــم شـــي ...
رجــع ياســر للفنـدق وتصادف دخـوله لجنـاحه مع اذان المغــرب وصــوت صـراخ جاي من غــرفة النـــوم
راح يركض لغرفة النــوم كانت سالي نايمــه وتصارخ ...
عـور قلبــه منظــرها كانت تصرخ من قلب وذكـره المــوقف هذا باللي صار فيهـا يوم صابتها العيـــن ماتحمــل يشوفهـا كذا تتعـذب قرب منهـا يصحيهــا بس لمس كفتهــا صرخت ..
سالــي :لاااااااااااااااااااااااااااااااااااااااااااااااا ...
ياســر يهزها برقـه :سالي سالي ...
بس سالي كانت بعالم ثانـــي :لا سعـــود لااااا تعـــال سعـووووووود ...
ياســر هزها بقوه أكبــــر لين بدت تصحـــي ...
صحت سالي وهي للحيـن تصـارخ بأسم سعـــود ياســر كان يكلمهـا بس ماتسمـــعه جلس فتـره يكلمـها يحـاول يرجعها للواقــع وأخذت فتره حتــى
أستوعبت أن كــل اللي شافتــه حلــم وجلست تبكــي وهي ترتجف من الخــوف وتهذي بكــلام غير مفهـــوم ..
ياســر بأستغراب من حالتها :سالي حبيبتــي وش فيك اهدي كل اللي شفتيــه حلم ...
سالي اللي للحيــن تحت تأثير الحلــم بعتب قالت له :كان يناظـر فيك تسـاعده بس أنت واقف تطالع فيــه ...
ياســـر :مــن اللي ماساعـدته ..
سالي :سعــود ليه ماساعــدته ..
ياســر بحنان وهو يمسح على شعـرها:سالي حبيبتــي أرجعي نامـــي كل اللي شفتيــه حلــم ...
سالي دفعت يده عنهـا:أدري أنــه حلم بس تعبـت كل يوم أشـوفه كل يوم ...
وأنهمـرت دمــوعها بالضعف ..
ياســر :طيب وش هو الحلــم عشـان أقوله لشيخ يفســره ..
سالي :لا أذا قلته يتحــقق ...
ياســر :لاحــول ولاقوة الا بالله .. أجــل وش تبينـــي أسوي ..
سالي بقســوه:اطلــع من حيـاتي وحيـاة أخــوي وبنرتاح ...
ياســـر (قاسيــه حتــى بلحظات ضعفـك قاسيــه طيب أنتــي ترتاحيــن وأنا أشقــى ):أنا طالع اصلـــي ..
سالي :أي صــلاه ..
ياســر :المغــرب ..
سالي اللي تمالكت نفسهـا:طيب أطلع الله معك وش تنتظــر ..
وبعد ماطلــع ياسـر تهالكت على السرير وش سويتي ياسالي بكيتــي قدامـه فلحظـة ضعف ... بس اوريك أذا ماقلبت الوضـع عليك ..
رجـع ياســر بعد نصف ســاعــه وسمــع صوت ضحكـة سالـي جاي من الغرفــه .. أنبســط الله لايحــرمه من هالضحكـــه ..!!!
أول مافتح باب الغرفــه كانت سالي بوجـهه توه بيتكلــم أشرت له يسكـت فأنتبـه على السمـاعات اللي حاطتها بأذنهـا ..
سالي بالضحكــه:ايه معك كملــي ...
أشـر لها تسكـر بيكلمهـا بس هي صدت عنــه وكملت مكالمتها عشـردقايق,, عشـرين,, ثلاثيــن ,, ساعــه,, ساعـه ونـص ,,واللحيــن بيصير لهـا ساعتيــن وهي تكلــم والله أعلم أذا فعــلاً فيــه طرف ثانــي تكلمــه أو هذي وحده من حركـاتها الشي الوحــيد اللي مخليــه يحافظ علـى أعصـابه أبتســامتها اللي مــرسومـه اللحيــن على وجهـا و تفقــدها بكــلامـها معه لهدرجــه حــزينـه بالزواجهـا منــه ,, آآآه ياسالــي متــى بتفهميــن عمــق شعـوري لك .. دخــل ياســر للحمــام يسبــح وبهالأثنــاء ..
سالي :تسلميــن عبوره تمت المهمــه بالنجـاح ..
عبيــر :والله مأنتي بالصـاحيــه ولا وحـده باول شهــر عسلها متصلـه على خبلــه مثلي وتبغاها تنكــت عليهـا عشـان تنكد على زوجهــا ... على فكـره النكت اللي قلتها حقـوقها محفوطــه لاتقولينها لأحـد من البنات قبلــي أما اذا بتقولينهـا لبعلك المصـون عشـان تطلعيــن نفسك قدامــه خفيفة دم تمـونين ولك كل الصلاحيـات ...
سالي بملل :خلصتــي دكتوره عبيــر ...
عبيـر باحـراج :ايه ..
سالي :أجل ضفي وجهــك ,, باااي وقفلت الخط بوجهــا ..
وش اللحيــن بعـد ياسالـــي ..؟!!
أيــه بطلــع أتعشــى بمطعــم مأبــي بالفنـدق لابـــرى انا ماتزوجــت عشـان أنحكـــر بيـن الجدران ...
طلــع ياسـر من الحمـام وهو يجفف شعـره بمنشفـــه شاف سالي اللي كانت متربعــه على السرير ويديهـا الثنتيـن على خدودهـا وبحـالة تفكيـر عميق ..
ناداهـا ماردت عليــه فرمــى المنشفــه على وجهــا ...
سالي سمعتــه وطنشتـه بس ماتوقعت هالحـركه الحقيــره على حسب رأيهــا تبدر منـــه ..
سالي بنرفزه :هييييي اصحــى ياحبيبــي ترى أنا موبسمــه ترمــي منشفتك أبوجهــي أوتسيخف علــي ...
ياســـر وقف مبهـت يطالعهـا كلمـه وحده بس اللي سمعهـا وأكفتـــه حبيبــي وش حلــوها من فمهــا لو المقصــود منهـا السخــريه والأستهــزاء لوطالعــه من غيـر قصد يكفــي سمعها منهــا ..
سالي :هييي وش فيك ,,ياربي وش فيه الرجــال لايكــون تحنط محلـــه ...
ياســر :لاتحنطت ولاشـي وش كنتــي تبين ...
سالي :أبي أتعشــى .. وكملــت :بررررى .. (بتشديد الراء ) ..
ياســـر (كنت اكــره كلمــة برررى من ايام الدراسـه يوم يطــردنـي المعلم من الصف بــس من هالحظـه بديت أحبهـا ):طيب بــس انجـزي بالســرعه اذا اذن العشــاء وأنتــي ماجهزتــي بنتعشـى هنـا ..
سالي :ويــه طرار ويتشــرط أنت تطــول سالـــي صالح تطلب منك طلب ...
ياســر بالسخــريه :أيه طلت اليوم بــس طلبتــي مني فوق العشـر طلبات ..
سالي لوت فمهـا :ول وعادهـا بعــد خيبــه بخيــل ..
ياســروعيـنه على ساعة الحائط :مرت خمــس دقايق ..
سالي :تهدد نــي يقالك حتــى لوماطلعتنــي أنت أدق على أخــوي سعـودي الله يخليــه لن ولايحــرمن منــه ويودينــي على مكـان مأبـــي ..
ياسـر :طيب ليه مأتصلتــي فيـه من البدايـه ليه متعبــه نفسك ومتنازلـه تطلبين منــي ..
سالي بقهــر :خـلاص مشكــور مابــي اثقل عليك وبالنــام بدون عشــاء لوسمحــت طف النور .. ودخلت تحــت الغطاء وتظاهرت بالنــوم
ياســر للحيــن واقف بمحلــه وش الحـركه الطفـوليـه هذي بعــد ...
جلس علــى طرف السرير وحـاول يرفع الغطـاء عن وجهـا بس هي كانت ماسكتــه بقوه ..
ياســر ترك الغطاء بعد مايأس انها تفكــه :يالله عاد عن الحـركات الطفوليــه هذي وقومــي بنتعشـى برى ..
سالي :تعشـى لحالك عشيتنــي نكــد ..
ياســر :سالي من صدقك بتنامــين كنت أمزح عليك .. ولامتقبليـن المـزح ...
سالي :أحتفظ بمزحك لنفسك لوكان من غيرك قبلتــه بس منك زي الســم على قلبـــي ,, واللحيــن بتطلع وتتركنــي انام ولاكيف ..
الخــص لكــم شعــور ياســـر فهالبيت
بعـض الجروح لاجــت من أحبــاب عادي بس الجــرح مــوت الجـرح لاجاء من أحبـــاب ..

صعــب تحـب أنســـان مايحبــك لاا وليتــه بس مايحبك مصيبــه لوكان يكــرهك ,, الوضـع صعب أنك بــس أتصوره كيف لوكنت أنت ..
ياســـر يفكــر كيف بيقدر يعيش معها بقيـة حيـاته وهذي نظـرتها له أنــه أجبرها على الزواج منــه وانها ضحيـة أهلها اللي باعوها لــه الحيـاه بهالطريقــه مستحيــل تستمــر بس بنفس الوقت هو مستحيــل يتخلــى عنهــا خذو روحــه منــه وخلــوا له سالي تكفيـــه ...!!!.. أفكــاره المجنــونه وصلتــه لهالنتيجــه ..
.. ليـــش ماكان حظـه أحــسن من كذا ..؟!
ليــش رفضتــه سالي لوكانت راضيــه فيــه ماكنت كل هالعقبـات ... ليش ماطاحـت فحبــه من أول لقاء كان بينهــم ليــه ماعشقت الغضب اللي كان بعيــونه مثل ماعشق غضب عيونهـا فأول مره عانقت فيها عيــونــه!!!...
ليــه ماشافت مستقبلهـا بعيونــه مثل ماشاف هــو مستقبلـه وحلمــه بعيــونها النجــلاء ... أو ليش ماكـانت هي اللي تحبــه وتمــووت فحبــه وهو يتعزز ويتغــلى ..؟!! ..لااا مايبــي كل هذا كل اللي يبيــه تحـس فيــه وتحتــرم شعــوره اللي مــوقادر يظهــره ,,كــل هالعذاب وهــي ماتدري أنه يحبهـا أجــل لودرت وش بتســوي فيـــه ..
بــس لوكـان الله عطــاه وسـامه ماتقدر سالي تقــاومهـــا ,, بــس سالي ماهــي من هالنــوع كـل هذا مايهمهــا ... أجــل وش اللي يهمهـا صح فكــره ايجـابيــه وش اللي تبيـــه هــي ..؟! .. ضروري يفهمهــا لأنه أذا فهمهـا بيقدر يرسم طريقـــه لقلبهــا ويمتلكـــه .. بس كيف ..؟! سالــي مستحيــل تبوح له بالـي بنفسهــا هو للحين مو عارف شـي عنهـا وهو اللي حسب نفسـه فاهمهـا أكثـر من اهلـها حتــى ..؟!!..
_______________________

وهج وجنــى وبغــرفة ألأخيــره ..
جنــى :اوووف ياربيــه منك ترى طفشتينــي ماعندك غرفـه تجلسين فيهــا ..
وهج :الغرفــه بعد سالي مــوشي كئيبــه ...
جنــى :أجل بتجلسيــن طول عمــرك على قلبـــي ...
وهج :لا أن شــاءالله اصلاً سالي تقــول راجعــه قريب ...
جنــى رمتها بعلبـة الكلينكــس :غبيــه أنتي وش هالكــلام ذا صايرتلــي مثل هديــل كيف ترجــع يعنــي تطلق..
وهج :عادي هــذا اللي تبيــه أنا اهم شــي عنـدي ترجـــع ...
جنــى :قسم بالله أنك ترفعيــن الضغط ياربي متى تخلص الاجازه وتبدأ الجامعه وافتك منــك ...
وهج :يارب متــى تبدأ بـــس عشـان أشــوف سالي ...
جنــى :كيف تشوفينها وهي أسبــوعين ماهي مداومــه ..
وهج :اوووف أجل ليت الأجازه ماتقضـي والملك عبــدالله يعطينــا مكــرمـه شهـر اجازه ...
جنــى مسكت راسهــا بين يديهـا :شهر ياكبرها عنــد ربي اسبــوع وبلعنـاها اللحيـن شهــر ياغبيك يابنتـــي ..
وهج :المـوضوع ماهو ذكاء وغبـاء هـو مجرد امنيـــه اللي يسمعك صدق بيمددون لنا الأجازه ....
جنـى :الله عاد والأجازه احلــى مافيها زواج سالي والباقــي أنواع المــلل ...
وهج :أيـه والله طفــش وش رايــك نروح لســوق ..
جنــى :فكره مش بطاله بس أمـــي من يقنعهـا ...
وهج :والله وهقــه لوسالي فيــه ماحملنــا هم اقناعهــا ..
جنــى :وش رايك ندق عليهــا عشـان تقنعهــا ...
وهج بسذاجــه:وبالمــره تجــي معنــا ...
جنــى :يازينك ساكتــه بس اللحيــن يسور بيخليهــا تجي معنــا الصراحـه عليك أفكــار ...
وهج بأحباط :اجل لطلعنــا ندق عليهــا ونقهــرها ...
جنــى :اللحيـن فكري كيف نقنع أمــي نطلع لحالنــا ..
وهج :وليش نطلع لحالنا نأخذ كل الحبـايب معنا هديــل وسامـي وعادل ...
جنــى بعـد تفكيــر:يالله نأخذهــم معنـا وأمــرنا لله ...
وبعــد ساعــه وفواحــد من المجمعـات التجـاريــه
جنــى :وليــه شوفــي الفضيحـه جلسوا يتخانقــون ...
وهج وهي تطالع بالبلوزه اللي بيـن يديهــا :ميــن ..
جنــى سحبـت البلوزه منهـا :سامــي وهديــل ,, من صدقك أنتي بتأخذينهـا ..
وهج :أيـه بأخذهـا بس مولــي لسالــي بتعجبهـا صح ...
جنــى :والله مأدري عنك انتوا أدرى بأذواق بعــض ...
وهج :أجــل بأخذها لهــا وبطقم لها الصندل والشنطــه عشـان تكشخ فيهـا بعيـد الحب ...
جنـــى :ماتدريــن ان هذا مسـاعده على المنكــر الحمدالله يارب أن عقلــي أكبــر من أني أحتفــل بهالسخـافات ..
وهج :أنتــي تعرفيـن أني مأحتفل بس سالي تحــب هالحـركات وش اســوي لهـا ..
جنــى :وأنتي بحركتك هذي تشـاركينهـا ...
وهج :اوووف حل عنــي زين وأطلعي شوفيهم تخانقــوا من جديد ...
جنــى :الله يفظحهم وهـديل جالسه تصــارخ ...
طلعت لهــم جنــى ...
هديل بالصراخ :جنــى شوفيــه بس يطقنــي ..
جنـى بقهــر :وجع لاتصـارخيـن يحمــاره وأنا عايشـه أنتي ...
هديل :اووف طيب شوفيـه خليــه يتركنــي بحالـي ...
جنــى :وخر عنها انت مو ناقصتكم صدق همج فضحتــونا ... وأنت تقصــد عادل اللي جالس يرسل بلوتوثات :ورى ماتهجدهــم اترك هــذا وكلمنــي .. ويوم ماعطاها وجــه سحبت جــواله ودخلت المحــل ...
عادل :وجع ياحمــاره ..
سامــي :اخخخخ أحــسن ..
هديــل :وجع ملقوف ..
ورجعـوا يتخانقــون من جديد ..
هديـل :طالعــوا ذيك تشبــه خالتــي سالي ...
عادل وسامــي التفتــوا على المكــان اللي تطالع فيـه :ويــن ..؟!!
هديـل وهي تأشـر بصبعهـا :هناك شوفــوا ..
عادل ضربها مع يدهـا :لاتأشـرين عيب ..
سامـي :ياغبيــه كل النـاس تطالع فينا بسبتك ...
هديل :شوفوا مصــريه ..
عادل :ياحجـــه ..
سامــي :ياويلك شوف كيف تطالعك ..
هديل :تحسبك تغازلها ..
عادل :وش تغازلها ذي بعــد عيب الكلمــات ذي ...
هديل :عادي وش فيهـا كل الناس تقــولها ..
وطلعن جنــى ووهج من المحــل والشلـه يمشــون وراهــن ودخل محــل ثانــي ...
سامــي :هذا عـاشر محـل يدخلـنه متــى بنتعشــى ..
هديــل :ايه والله أول مره تقول شــي سنـع عادل جبلي ايسكــريم ...
عادل بتصريفـه :لا مووقتــه بعد العشـاء ..
سامــي :لاا نبيـه للحيــن واذا بتجيب لنا بعـد العشـاء بعــد زيــن ..
عادل :امري لله بروح أجيبلكم بي ياويلكم لوتخانقتـوا ..
هديـل :لاخلاص بنجلس عاقليــن ..
وأول مأبتعــد عنهــم عادل ..
هديــل :أنا بروح لذيك اللي تشبـه خالتي يمكــن هي انت لاتحـرك من محلك ...
سامــي :ياحبيبــي خالتك وش يجيبهـا اللحيــن أنثبري محلك بــس ...
ودق جــوال سامــي بس كلم فيه دقيقتـين رفع راســه لهديـل لقاها مختفيــه ..
دخل للمحـل عنـد جنـى ووهـج ..
سامــي :بنات شفتـوا هديل ...
جنــى :لااا هـي مو بمعكــم ...
سامـي :كانت معي بس دق جوالي رفعتــه لقيتها مختفيـه ...
وهج اللي كانت فالركــن ثاني من المحــل جاتهم :خير وش فيكم ..
سامـي :الغبيـه هديل مأدري وين راحـت ...
وهج :كيف ماتدري وين راحــت ..
جنـى :وعادل وينـه..
سامـي :عادل راح يأخذلنا ايسكـريم ..
وهج :اجل راحت معــه ..
سامــي :عادل من زمان رايح وهي كانت معـي .. وشوفي عادل جاء وهي مو معــه ..
وهج بهلــع :مستحيــل هديل تضيـع ...
طلعــوا من المحــل وجلسوا يدورونهـا فالمحــلات القريبــه بس مالقوها كنهـا فص ملح وذاب ...
وهج وهي تبكــي :ياويلــي عليك ياهــديل وين رحتــي حرام عليك أرجعــي وين رحتـي طمنينـا عليك ...
عادل بعصبيــه :اوووهو علينـا لاتجلسن تبكــين كنك عجـوز صياحك مو مرجعها ...
سامــي :غبيــه وين راحـت اووف بس لو تطيح بيدي بنتف شعـرها ..
جنــى :عادل وش تنتظـر دق علــى ناصر قوله ..
عادل :لابندورهـا يمكـن نلقاها ..
سامـي :وين نلقاها بيـن العالم هـذي كلهــا ..
ناصر كان مع سلطــان بمجلس واحد من معارفهـم يوم دق عليـه عادل وقاله أنهم ضيعــوا هديــل ...
طلع ناصـر بعد ماستئذن بالسـرعه ..
سلطـان لحقــه عند سيارتــه ..
سلطـان :ناصـر لحضـه وش فيك ..
ناصـر :مستعجل ياسلطـان بعديــن نتكلــم ..
بس سلطـان ركب معــه ..
ناصـر :الأهــل طالعيــن لسـوق وضيعـوا هـديل ..
سلطـان :هديـل ..؟!!
ناصـر :ايه أختــي صغيـره ..
وأول ماوصلــوا للمجمــع أتصـل ناصـر على عادل اللي علمـه بمحلـهم ..
ناصــر كان مره معصب أولاً ليــه يطلعـون بدون مايخبــرونه لاومافيـهم أحد يعتمـد عليــه ...
سلطــان وقف بعيــد عنهــم ...
وهج ماتدري وش اللي صار تحــس نفسهـا بغيوبــه موحاس باللي قاعـد يصير حولها كل اللي تذكــره ان هـديل ضاعت وبعدين لقت نفسهــا مع رجال غريب هــي وجنــى جلست تأمــل الرجال اللي جالس يســوق وهي جالســه على الكرســي اللي جبنــه لاهذا مــو غريب هذا سلطــان اللي المفروض يكــون زوجهـا بس كيف جت هنــا كيف رضــت تخلــي هديل ضايعــه وترجـع بدونها وش تقــول لأمهــا اللي تاركتها معها أمـانه ...
صرخت وهج بهستريا :ووووووووووووقف ..
سلطـان أخذ بريك قــوي والتف علـى وهج بحده :وش فيك ..؟؟!
وهج كانت تبكـي بهستــريه :مأبــي رجعنــي بدور هـديل ماني راجعــه وش أقول لأمــي ضيعت بنتك ...
حرك سلطـان السياره وهو يستغفر بالصوت واطــي ...
وهج زاد بكاهــا ...
جنــى بدون اهتمـام بوجود سلطـان :اوووف اللحيــن أنتي وش مستفيده من الصياح هذا ماهــو مرجعها ,, ياخوفي بس تنهبليــن علينا ولاوصلنا البيت لقينـا أم سبـع ارواح تحتــرينا..
سطلــان بعصبيــه :اللحيــن ماتشوفيــن حالة اختك كيف وأختك الثانيــه ضايعــه ولك خلق تستهبليــن صدق ناس ماعندهـا دم ..
جنــى فتحت عيونها على الآخــر ماتوقعت هالهجــوم من سليطيــن بس مو وقتــه أوريك بس وقت ثانــي ..
وعنــد الدوار اللي قبل بيتهم دق ناصــر يقـولهم أنهــم لقوهــا ...
وهج ماصدقت مستحيــل كيف بعد ماضاعت ترجــع شوي وتجــن بس هالمــره من الفرحــه ...
جنــى :موقايلــه لك هذي أم سبــع أرواح الناس تضيع يوم يوميــن أسبوع شهـر هي كل اللي ضاعتــه ساعتيــن ..
سلطـان أنقهــر كان وده ينزلها ويخليهـا تطقها مشي لبيت أهلها صدق ملسونــه الله يعيــن اللي بيأخذهـا ...
سلطـان مأنتبــه على أنه قال الكلمــه الأخيــره بصوت مسمـوع الــى يوم قالت جنــى بقهــر وبجـرأه منقطعت النظير:اذا كان كــل الرجال مثلك يالشايب مأبيهــم ...
سلطـان كرر كلمتها بذهــول :أنا شايب .. والتفت علــى وهج :وأنتي بعد مثل أختك تشوفينــي شايب ..
وهج اللي انصدمت بالسؤال فبراءه ردت :أنا ماقلت ..
كانــوا واصلين البيت يوم قالت جنــى :ياشينك ماتعرفين تكذبيـــن موأنتي اللي كل يوم تصيحيـن عنـدي وتقوليــن خدعوني وزوجـوني شايب ..
ونزلت من السياره بالسـرعه وصقعت الباب وراهـا...
سلطـان ماصدق نزلت حرك السياره بالسـرعه ...
وهج وعينها على بيتهم وبخــوف:بيتنــا ..
سلطــان بعد مأفتك من وجــود جنــى :لاهذا ماعاد بيتكم ..
وهج بسذاجتها المعتاده :كيف يعنــي ناصر باعــه ..
سلطـان بالغصب كتم ضحكتــه :لاياعمـري أنتي اللي غيرتــي سكنك وصار بيتك هنا وأشــر على قلبــه ..
وهج حمـدت ربها أنهـا متغطيــه (ياربي هذا وش يقــول أكيــد سكـران موصاحــي ):أبي بيتنا رجعنـي بيتنا ..
سلطـان :لاحبيبتــي انا لازم القنك درس قبل مارجعك بيتكــم ...
وهج بخــوف :انا ماسويــت شــي ..
سلطــان بقهـر الأيـام اللي راحـت كلهـا :لامسكينــه أنتــي ماسويتــي شـي بس أنك ماترديـن على أتصــالاتـي ..
وهج جلست تلوم حظها السيء اللي حطهـا بهالمــوقف وبالضعف قالت :أنا مأقدر ..
سلطــان قلبه حـن عليهـا :وش اللي ماتقـدريــن .. ماتقدريـن تفتحيـن الخط وتسمعينــي موضروري تكلميــن أنا أكفيك هالمهمـــه ... وبالرقــه كمــل :وهج ماتبغيــن نتعرف على بعض أكثر عشــان بعد الزواج ان كــون عارفيـن بعض زيــن ومتعوديــن على طبـاع بعــض .. صدقينــي أنا مأطلب شــي صعب أنتــي بس حاولي وبتشوفيـن الموضوع كيف سهــل ..(.. وش دراك أنــه سهــل مجــرب قبـــل هههههه ..)
وهج سكتت ماعندهـا رد على سؤالـــه وكل اللي تبيــه انها تغمض عين وتفتح عيـن وتلقى نفسهـا بغرفتها فبيتهــم ..
سلطــان يوم ماردت عليــه سألها :تبغيــن ارجعك بيتهـــم ..؟!!
وهج بالســرعه :أيــه ..
سلطــان بخبث:اكشفــي وجهك بشوفك بعديــن أرجعك بيتهــم ..
وهج جمـدت بمكــانها وماصدرت منها أي ردت فعــل ...
سلطــان :ماني مرجعك بيتكم ليــن تكشفين لــي وجهــك ...
وهج وجميـع ألوان الطيف تشوفونها بوجهـــا .. وبهمس قالت :لازم يعنــي تراك شايفنــي قبل ...
سلطــان بالضحكـــه أحرجت وهج زياده :ادري شفتك مرتيــن .. وكنتــي وهج أخت صديقــي بس اللحيــن انتي وهج قلبــي وحيـاته ونوره زوجتـي العزيزه ..
وهج طلعت منها الكلمــه عفويــه :احــووول ...
سلطــان مااات عليهــا ياربـــي وش هالنعــومــه والدلــع لااامستحيــل مايقدر يصبر ينتظــر أكثر بيقـول لأمــه بيتزوجهـا بأجازة الحج ولى لايلــومـونه لوأستخـــف ..
والله صدق بيستخف اللحيــن لوماشافهــا ..
سلطـان بثق :مطــوله اللحيــن على هالحــال ترى ماقلت لنــاصر أنا بأخذك يحسبنــي خاطفك اللحيـن ...

وهج (لاناصــر وش بيقول عنــي لاياربـــي والله أنـه مصادق نذل )
وبتردد وبعــد ماجمـدت اصابعهـاعلى الطـرحه الساعــه أكشفت وجهــا ...
سلطــان جالس يتأمهـا وهي تكشف الطــرحـه بالنعــومــه وحابس انفــاسه
ويوم شاف وجهــا اللي للحيـن عليه اثار الدمــوع ,, زفر بقــوه وحــرك السياره وبجديه قالهـا :خلاص غطــي وجهك ..
وبالثوانـــي كانـوا عنــد بيتهــم ووهج نزلت بالســرعه وسمعت سلطـان يقولهـا :لاتنســين اذا أتصلت ردي والا ..... وتركها جملــة تهديد بفــراغ ..
دخلت للبيت وهــي تتنافض وبالصالــه كانــوا كلهــم موجوديــن اول مادخلـت سكتــوا .. مأنتظــرت تعليق علــى طول ركضت فوق وهي مغطيه وجهـا ودمـوعها تنزل بعفــويه ..
هديـل بالندم وبراءه :يووه وهج زعلانــه منـي تبكـــي ...
ناصــر كاتم ضحكتــه :لاهي ماتبكــي منك هـي تبكــي من نفسهـا ..
هديـل :بس هي ماسوت شـــي خطأ .. انا اللي غلطت وأبتعدت عنهــم ..
ورحت لذيك الغبيــه حسبتها تشبــه خالتـي طلعت جيكـره ...
سعــود :بعد ولك وجــه تمصخـرين ولاكأنك كنتي بتجيبين لأنا مصيبـه قبل شــوي ...
هديـل :خالو أنت مالك دخـل المفروض ماتكلم انت مادورت معهم علــي ...
سعــود :لاياشيخــه بتسكتيــني بعد الصراحـه كرهت البنات منــك ..
هديــل :اصلاً احلــى شي بالدنيـا البنات حلــوين ومن حلاهــم تحلــو الحيـاه ...
سعــود :ماشاءالله من اللحيــن أجل بكـره لاكبرتي وش بتقــولين ...
هديــل :بقول مثل ماتقــول خالتــي سالي ...
سعــود قام واقف :لاجاء طاري سالي بطلـــع ...
أم ناصــر :على ويــن ..
سعـــود :بمــر على اختـي العزيزه ..
أم ناصــر :سلم لنا عليهــا وقولها بكــره ضروري تمــرنا ولاتنســى تقولهم عن العزيمه اللي بيسويهـا أبوي يوم الخميــس ...
سعــود بتأفف:أنا ودي أفهــم متى بتتركــون عنكـم هالعدات لازم يعنـــي هالمناسبات طيب لوبيسافرون وش يســون ..
أم ناصــر :عادي الدنيـا موطايره لارجعـوا نسوي الحفلــه .. بعديــن انت وش حارك بتدفع شي من جيبك ..
سعــود :خلاص كيفكم انا رايح لهـا أحد بيجــي معي ...
هديــل :ايه انا بجــي ..
سعـود :انا قلت أحــد ماقلت احــده ... مع الســلامـــه ..
الكــل :الله معك ...
بعد ماطلــع سعود التفتت ام ناصـر عليــه :وأنت متـى قررت تقدم لبنت عمتك رسمـــي ...
ناصــر بضيق :أنا كلمت أبوها بس هو مارد علـــي ..
أم ناصــر :كيف مارد انت أتصل عليــه وسأله ولاتبيــه يكلمـك هوبالنفســه ..
ناصــر بالتصـريفه:طيب أن شاءالله أذا فضيت ...
هديــل :ماما بأخذ جـوالك ..
ام ناصــر هزت بالراسها يعنــي اخذيـه .. هديـل سحبت الجـوال وطلعت بالحـوش واتصلت على سالي اللي موصيتها اذا انفتح هالمـوضوع تكلمهـا وتعلمها لأنها عارفـه جنــى ووهــج يمكـون يخبون علــيها ولاشــي ...
هديل بتوتر وهي تضرب رجلها وبالأرض :ردي خالتووو ردي ...اوووووف ..
ياســر كان جالس بكــل ملل ويقلب بالمحطــات يوم سمـع جوال سالي يدق ... دخل الغرفــه وشافــه على التسريحــه وكتم الصوت وطلــع فيه للصـاله وكان للحيــن يدق طالع بالشـاشته (ام ناصـر يتصـل بك ) ياســر تردد يرد أو لا أنقطـــع وأرتاح رماه على الطاولــه عنده ورجــع لتفلزيــون بس أندمج شوي رجــع يدق وكانت ام ناصــر بعد .. قرر يــرد ..
أول مافتحــه وقبل مايتكلم وصلــه صوت هديــل الطفــولي :أخيراً
مابغيتــي ترديـــن ,, لاتكــونين تحسبيــني ماما عشـان كذا ماتبيــن ترديــن ...
ياســر :انتي هديــل ..
هديـل بالتلعثــم :هاه .. من انت ..؟!!
ياســر :أنا اللي تبغيـــن أكــون ...
هديــل :اووووف وين خالتــي بالســرعه عطنيهـا قبل متأخذ مني امي الجــوال ...
ياســـر بالتسليــه :سارقــه جـوال أمك ماتدريـن أن السرقه حــرام ..
هديـل :هي عطتنيــه بس انا مأبيها تدري اني بكلــم خالتي بالسرعه اللي يخليك ...
ياســر رحمهـا :خالتك نايمــه ...
هديل بخيبـة أمل :نايمــه فيه أحد ينام هالوقت تو النــاس دجاجــه هي,, بعديــن كيف تنــام وخالي سعــود بيجيكــم اللحيــن ...
ياســر (سعــود بيجــي والله الوهقـه والحمــاره هذي كيف بصحيهـا اللحيـن بروح أجــرب يمكــن لوقلت لها ان بنت أختها متصله يمكــن تصحــى ):طيب هديل انتظـري شوي بصحيهـا لك ...
ترك ياســر الجــوال بالصاله عشــان مايأصل هديل الصوت المعــركه اللي بتحصـل لوصحـاها ...