بعض من قصـإآئد جـإآرر القمرر ~
|| أصعب سؤآإل ||
( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :
البارحه يومه سأل : ( وش ذكـرك ذيـك الليـال ؟ )
كان الجواب بكل بساطه : ( من متى اصلا نسيـت ؟ )
ادري بان جمع ( الصعوبه والبساطه ) شي محـال !!
لكنها صارت كذا ! واللي (( اهـم )) انـي دريـت :
ان الحيـاه فبـعـد احبـابـك اذا جــف الـوصـال
اتعيشها لو تقتنع انك خـلااص اصبحـت ( ميـت !!)
يـا صاحبـي لـو كـل شـي يمـر بالخاطـر يقـال
مـا كانـت العبـره تولجنـي اليامنـك طـريـت ؟!
شفني قدرت احبس دموعي بس ( دمع القـاف ) سـال
ويا كبرها ساكـت ولكـن داخـل اوراقـي بكيـت !!
عمر الحكي مـا كـان دافـي لاابتـدى بقولـة تعـال
لجل اتجاهـل رجفـة حروفـي اليامنـي حكيـت ..
الحـال فـي بعـدك قسـم بالله مـا اسميـه حــال
انوي على الضحكه واحس كلي خطا لانـي نويـت ؟!
اتصور انك مـن رحلـت اشوفـك لجسمـي ظـلال
لا شفته امشي ببتعد واثـره معـي مهمـا مشيـت !!
مـدام يعنـي فـي بحـرك لفرحتـي مليـون جـال
وش فيه موجك ما ركد ؟ قربت اموووت وما رسيت ..
يرضيك مـا عـادت معـي تفـرق اذا جالـك مجـال
لاني اقتنعت انك نهايـه وانـي ببطـي مـا بديـت !!
صرت ( اعقد حجاجي ) اذا جابوك باطراف الجـدال
وانا قبل لاقالوا اسمـك كنـي : ميـت ثـم حييـت!؟
تعبـت اعيـش الـدور وافتـح للمعـاذيـر الخـيـال
واتخيل انـي جيـت فـي بالـك وبانـك استحيـت!!
وتردلي كلك (( وله )) وتقول : ( كن البعد طـال ؟ )
ومن الفرح ما عاتبك واقول : ( ياخـي مابغيـت !! )
حتـى وانـا تخيـل حشمتـك ! لـن قلبـي لا يـزال
يكرر اسمـك داخـل اعماقـي بنبضـه لا سهيـت..
قلي شسـوي فيـك ؟ وانـت بداخلـي اصـدق مثـال
للحب واحساس القصيد ان عانـق الليـل وسريـت..
ربـي يصبرنـي علـى الفرقـا مـدام الحـظ مـال
وانت بيجيلك يوم تعرف ليـه فـي بعـدك شكيـت !!
واذا بـلاك الله وعذبـك اشتياقـك (( بـس تعـال ))
واقرى القصايد فـي غيابـك كلبوهـا بيـت ... بيـت
بتدرى ان ( اصعب سؤال ) اللي يجي رده ( سـؤال )
لا قلتلي ( وش ذكرك ؟ ) ثم قلتلك ( متى نسيـت ؟ )
.:.
|| جروح الامـإآني ||
إستريـح شـويّ .. واسمعنـي ثوانـي
بعدها مسموح .. قول اللـي تقولـه ..
جيت لك والقلـب ماهـو بالمحانـي !
شف قبل لوصلك سابقنـي وصولـه !!
ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..
عاشقك سـوّاح !! وعيونـك موانـي :
اخذني ّ .. من الحزينه .. للخجولـه !!
أبتسم خلنـي افضفـض لـك عشانـي
الحكي غصن ٍ عجز صوتي يطولـه ..
تعقد احجاجك وتعقـد لـي لسانـي !!
المطر يـا غيـم ضميّـان لهطولـه !!
خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!
تعتبرني .. شخـص مغـرور وأنانـي
واعتبرك .. الكون في عرضه وطوله ..
آآه لـوّ تحـسّ بـجـروح الأمـانـي
كان مـا تزعـل علـي ّ بهالسهولـه !!
حط ( عمرك ) يابعد ( عمري ) مكانـي
وان لقيت قصور ؟؟ قول اللي تقولـه ..
وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..
لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!
.:.
|| بيني وبين الشقى ||
بينـي وبيـن الشقـى ســلام رديــه
يفتـل جروحـي وانـا انقضهـا بموالـي
عيـد بـي الهـم واثـر الدمـع عيديـه
ولانـي ذاخـره دام عيـونـي عيـالـي
ياعيـن هلـي دموعـك كـل عصريـه
وإن لمتك في يـوم قولـي مالـك ومالـي
محتـاج طـاروق لـه معنـى وقافـيـه
واستبشري خيـر والشعـر يتهيـى لـي
القـدح مـن فكـري يفـر راس جنـيـه
وإن حضرت بي كتبـت العالـي العالـي
ماشلتهـا عرضـه ولا هــي هجينـيـه
غنيتهـا مــدري الـطـاروق غنـالـي
بـس الوكـاد انهـا قـصـه غرامـيـه
ابطالهـا ههمـي وغـمـي وغربـالـي
وإن قالـو النـاس هـذا طبـع الهواويـه
قلت استـوى عنـدي التريـاق والحالـي
العشـق بلـوى ونفسـي فـيـه مبلـيـه
خلوني اكتـب وافضفـض لاتفضـى لـي
المسالـه اكبـر مـن احــلام ورديــه
الحزن لا مـن لفـى جيتـه علـى فالـي
حزني واعرفه واعـرف ابسـط مواريـه
ولاني لحالي كثير اللـي عـرف حالـي
ياوجـد حالـي وجـود اللـي هقـاويـه
خانتـه باغلـى رفيـق ولا لقـى والـي
وياوجـد حالـي وجـود اللـي بناخـيـه
عن عسر حالـه وضيقـه دالـه وسالـي
فـي غيبـة اللـي تـمـادى بالانانـيـه
وخلاني بوجـه حزنـي واقـف لحالـي
ياموسـع الضيـق لامـن مـر طاريـه
كن الوسيعـه تضيـق لامـر فـي بالـي
ويـن انـت ياللـي بعـادك ماثـر فيـه
غايب واحسـك معـي واشوفـك قبالـي
طيفـك اليـا مـر حـاجـه لا اراديــه
اتبـع سرابـه واجيـه اسابـق ظـلالـي
ياللـي مـن حروفـك تغـار الرومنسيـه
والله قبـل لا افقـدك فـاقـدك جـوالـي
في بحتـك شـي يشبـه حـزن مرثيـه
ومن غاب صوتك وانا اللي صدق يرثى لي
وعيونـك السـود اعـجـاز وخيالـيـه
نـادر شبههـا مثـل ماتنـدر خصـالـي
ونظرتـك تهـدم كيانـي بكـل عفـويـه
سلهم وشف كيـف يبـداء فـي زلزالـي
وعـودك اليـا مـال يالمتـرف بحنـيـه
قمت اتعـزوى واطـوح لاجلـه عقالـي
وقلبـي علـى ضمتـك يسابـق يـديـه
ويردني طيـب ابـوي ومرجلـة خالـي
تكفـون ياللـي تمرونـه عـلـى نـيـه
قولو له الموت لامـن غـاب يبـرى لـي
قوقـو لـه ان غيبتـه ماهيـب عـاديـه
وخلوه يرجـع يشـوف بعينـه احوالـي
وقولـو لـه إن صـد والصـده نهائـيـه
اشوى لي اصد لا والله وش اشـوى لـي
حيـل الله اقـوى عساهـا روحـه بجيـه
وعسـاه مايبطـي ويـرجـع يسعـالـي
قولـو لـه الله حسيبـه كـان لـه نـيـه
ماعـاد يرجـع لـي وقولـو لـه التالـي
حـرام كلـي ضمـى وايديـه وسمـيـه
وحـرام مالـي امـل مادامهـا مـالـي
.:.
|| بحة شوووق ||
تـعـال اغنيـلـك الـمـوال وغـيـابـك
للشـوق ( بحـه ) تميـز نبـرة اشعـاري
زهبـت عـذري وردي لاابتـدى عتـابـك
كم لي افكـر شقـول ان قلـت شالطـاري
بقـول مشتـاق للطعنـه مــن اهـدابـك
ومشتـاق اكثـر لقولـة باخـذ بثـاري !!
وبقـول مليـت مـدري ملـنـي بـابـك
من غبت دونه وقـف عمـري ومشـواري
مغير اسولف لـه اللـي صـار باسبابـك
وارمـي عليـه الشقـا والهـم واعـذاري
من غير لا ادري اجي وان قال وش جابك ؟
قمت اتساقط علي مـن ( غيمـة افكـاري)
ليـن اتبلـل (( ولـه )) واطيـر اسرابـك
وتـروى عصافيـر فرقانـا مـن انهـاري
وارد ميـت عـطـش واقـلـب كتـابـك
واقرى حكايـة سـراب ٍ عـذب ازهـاري
شفنـي ذبلـت وطفيـت وجيـت ابحيابـك
عمـري دفعتـه ثمـن دربـي ومسيـاري
امـا تخلينـي احـيـا فـيـك وابقـابـك
ولا تـاكـد وفـاتـي آخــر اخـبـاري
ابك انت مـره طرالـي احـرق اعصابـك
طاوعت فكري عليك وجيـت لـك سـاري
فكـرت ابيعـك وابعثـر بالمـدى اطيابـك
عقلي نواها وقلبـي قـال انـا ( شـاري )
ورديت احسك بصدري واحسـب احسابـك
انـي زرعتـك لقـا وابقطـف اثـمـاري
والـيـوم دام المـسـا تــوه تغـنـابـك
اقـررب مدامـك لحـن تشتاقـه اوتـاري
ابعـزفـك للقصـيـد الـلـي تسمـابـك
وشب لـك داخـل بحـور الشعـر نـاري
واسمعـك مـا كتبتـه لـيـن ( ينتـابـك
غرور ) واسمـع كـلام ٍ عـده اجبـاري
لاصـرت انـا والقلـم والدفتـر احبابـك
يحـق لـك لـو تقـول ان الشعـر داري
ما قلتهـا قصـدي انـي اكسـب اعجابـك
لكنـي بـهـذي ادري ويــش مـقـداري
الصعب جذاب وانـت الصعـب يزهابـك
وانا علـى الكايـده يـا عاشقـي ضـاري
وان جات للجـد لـه لـذه تـرى غيابـك
شف ( بحة الشوق ) كيف تميز اشعاري ؟؟
.:.
|| الشعر في جيّتك ||
ماتباطيت القصيد!!إلا تباطيتك
والشعر في جيتك شكل وطعم ثاني
عانك اقبلت ولمحتك في شطر بيتك
(فكره مجنونه تسلى بضيقة اوزاني)
يا أعذب أحساس ملكني علك وليتك
تفهم الشعر ان شربك بصحة لساني
يعلم الله في غيابك ما تناسيتك
بس في مره نويت انساك ممداني
قلت:ابنسى_وارتفع صوتك ولبيتك
واثر خفاقي بصوتك عنك ناداني
ويش اسوي دامني بالجوف ربيتك
طفل تسوى هالحياه بعين: شرياني
تلعب..وتكبر..وتكبر.. لين عديتك
بالغلا (آخر نماي) وكل (شيباني)
والله ان عمري بدا من يوم حبيتك
واعرف انه ينتهي لو قلت: تنساني
حط في بالك أنا من عام خبيتك
ان صحيت بخافقي وان نمت بأجفاني
مابي غيري يلمحك_حتى لا غنيتك
غرت من صوت الصدى لا ردد ألحاني
من كثر ما أشتقت لطيوفك تمنيتك
رمش عيني أو تصير الشوف لأعياني
وان تمادى هالحنين بجفني ضميتك
وقتها : ألقاك ..لكن ليه ما ألقاني ؟
والله انك من لفيت بنبضي حييتك
وكني بقولة (هلا) بينت حرماني !
هذا حالي يالغلا من يوم خليتك
وانت طمني علي فالبعد وش جاني ؟
اذكر اني بالوفا صغتك وسميتك
واذكر انك بالوفا كنت تحداني
في كلاوصرت أشكك مك لين بكيتك
وقلت:موعدنا يجي كان الله أحياني
ويوم جيت بخافقي وبخافقك جيتك
كنت انا رابح مع اني خاسر رهاني
والأكيد اني لقلبي بيدي وديتك
وعاد شوف اليوم وين الحب وداني
ياعساني صدق ولعتك و هميتك
و ياعساك بجد تعشقني وتهواني
ولو تقول اني بغيابي عنك عنيتك
أ نت همك صرت أعده ((حسبة أخواني))
.:.
|| بسـإآفرر ||
يقول المحبه ويش لوغابوا الاحباب؟
اقول الجسد..من غير نبض وشعور وروح
يقول النهار يغيب! وش موقفك لاغاب؟
اقول ان رضيت اسكت..يصير السكوت..البوح
يقول الستر..سمعه وذكر وفعل وثياب!
اقول المحب من الوله والسهر مفضوح
يقول انت قايل لي بسافر بدون عتاب؟!
اقول ايه! قبل اضيع في وجهك المملوح!
قبل تبدي الاعجاب وابادلك الاعجاب
قبل..تاخذ احساسي وقلبي عبث وتروح
قبل..ينفتح لك بين عوج الحنايا باب
ويبقى على طاريك طول العمر مفتوح
قبل..لاتوهق فيك يالصادق..الكذاب
قبل..لاتحطم منك يالمخطى..المسموح
قبل..لاتعلقني وترحل بدون اسباب
قبل..لاتعلمني اعد السنين جروح!
قبل..يتبعك وانت تمادى جفا وغياب:
قصيدي ودمع عيوني وصوتي المبحوح!
ياليت الزمن يرجع واحسب لجفاك حساب
وعد..ماتعلق فيك وانساك..قبل تروح
.:.
|| الفكرر ! ||
الفكر ضد الموت فـي كـل الاوقـات
واللـي بليّـا فكـر عايـش بتـابـوت
الصـح منـه يـدوم ويخلـد أمــوات
والاّ الغلـط مجـرد سنيـن ويـمـوت
والشعر لوما صار (ساعـي قناعـات )
يصبح حكي .. لكن على هيئة بيـوت !!
والصـدق مفتـاح الكرامـة ومنـجـاة
يكسيك من لبس الثنـاء مشلـح وكـوت
والكذب نقص عقول وفعـول واثبـات:
بـان أغلـب الياقـوت ماهـو بياقـوت
والحب (أحلى شي) .. إلاّ مـع الـذات
والدار (أغلى شـي) .. إلاّ بـلا قـوت
والدين .. عز .. وهيمنة .. وانتصارات
لاصار فعـل وقـول وإجهـاد وقنـوت
يوم المشايخ .. قبل عصـر الدويـلات
تنقل كفن وسـلاح ماتنقـل بشـوت !!
في وقتها ياهـل الخطـب والشعـارات
سالت دموع العز من (عين جالـوت)!!
وفـي وقتنـا .. ياصانعيـن القـرارات
نضحّي بغزة علـى شـان بيـروت !!
والفرق شاسع .. ياصراع الحضـارات
والقول أكيـد .. وبالأدلـة .. ومثبـوت
الماضي: أمجـاد وشمـوخ وفتوحـات
والحاضر: مهايط ومقهـى وبيلـوت !!
وأمـرّ وآدهـى .. ماهـو قـادم وآت
لاصـار واقعنـا مبهـذل وممـقـوت
يمثـل الأمـة فـي الامـة عصابـات
وعلى خراب بيـوت تتعمـر بيـوت !!
جلسات سريّـة علـى شـان جلسـات
تفوّت اللـي مستحيـل انـه يفـوت !!
واللعب واضح فـي جميـع المجـالات
بتشوت ؟! صلح لي أصلح لك اتشوت !!
والخيـر بيّـن فـي وجيـه البشـوات
والشعب مستهلـك ومتعـب ومكبـوت
حرية الراي : اختصـاص القيـادات !!
وحنا تخصص ذل وانصات وسكـوت!
ياصاحبي .. خل القصص والحكايـات
وش ميزة التوت ؟ ان فقد لذة التوت ؟!
إن مت ! من قول الحقايق .. سهـالات
على الأقل تدري على ويـش بتمـوت !
والمشكله ماهيب فـي كثـر الاصـوات
المشكله لاصار مال العقـل صـوت !
.:.
|| عسآإني الموووت ||
الحب .. طفل ٍ سكن شعري وهوجاسي
وفي ظلوعي العـوج ربيتـه وكبّرتـه
خذاني من .. الوطن والناس وانعاسي
وابـلا قناعـه .. تقبّلتـه و بـرّرتـه
سلمت أمري إليه وطحـت متواسـي
إلين ماصار شـي ٍ مـا تصوّرتـه !!
حبيبتي .. كيف اكذّب حزني وياسـي
لو العذر يعـذرك قبلـك تعذّرتـه !!
الله يسامحك .. ما قدّرتـي احساسـي
وانا على شانك .. الاحسـاس قدّرتـه
نسّاني الهم .. غالـي ربعـي وناسـي
وذكرت ربي .. وقلبي فيـك ذكّرتـه
ودوّرتي اسهل طريق .. لضيقة انفاسي
ماكن درب الفرح .. لرضاك دوّرتـه
يـا سيّـدة خافقـي ومحطمّـة باسـي
كـم مـرة ٍ لمـت خفّاقـك وحذّرتـه
صحيح احبك .. وآخاف فراقك القاسي
وخطاك .. يامـا تجاهلتـه ومرّرتـه
لكنّـي اليـوم لا ذاكـر ولا نـاسـي
ودّعتك الله .. وقلبـي عنـك صبّرتـه
عساني الموت .. كان بينحني راسـي
ويا جعلي الضيم .. لو مبداي غيّرتـه
.:.
|| شهقة بكــإآك ||
ألا انت سولف لي عن احوالك وخل عنك القصيد
يعني وش اللي فـي غيابـك راح اقولـه واكتبـه ؟
شعري .. على حطة يدك !! في غيبتك ما من جديد
البيت من قبـل اكتبـه .. افكـر انـي اشطبـه !!!
دامـك تعـرف ان الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!
ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجـبـه
ما ابيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !
ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!
هـي كلهـا هالساعتيـن وعقبهـا ببقـى وحـيـد
لا تشح بشعورك علـي ّ ولا اتمـادى !! وانتبـه :
لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه او اغصـبـه
هذه سنه ! ان ما سكنت القلب ! مسكنك الوريـد !
ونفس السنه مرت ! وحقي فيـك ضايـع واطلبـه
يـا آدمـي مـدام نظراتـك باحاسيسـي تشيـيـد
لا تترك ( اسألتي ) تموت ولا لقت بك ( أجوبـه )
ليه انت راضي بالعناد ؟ وبالرضى تصبـح عنيـد ؟
ليه اتساهـل بالجفـا ؟ ليـه الوصـل تستصعبـه ؟
وليه اتمنى الموت في بعـدك واحـس انـه بعيـد ؟
وليه اشعر ان الموت في لحظة وصولك ما اقربـه ؟
وليه اعتبر نفسي إذا ذبحني شوقـي لـك شهيـد ؟
ولا انت حتى الشـوق لا ردك علـيّ تستغربـه !!
جاوب وريحني !! أو انسى كل شي .. ولا تعيـد :
سؤالك عن شعر ٍ شطبتـه مـن قبـل لا أكتبـه !!
.:.
|| حقي علييك ! ||
يا الغايب اللي غابت سنينـي معـاك
يا جعل ما جاني من الفرقـا يجيـك
استغفر الله !! جعل ماجانـي فـداك
حتى لو ان نهايتي .. على يدييـك!
مسامحك .. واللي بقوله في قفـاك
خيرك كثير .. ويرحـم الله والديـك
ماصار شي ابلا رضاي الا رضاك
اللي ماهو فيني وابيه القـاه فيـك!
كنت السما في عيني وعيني سمـاك
كانت حياتـي كلهـا منـك واليـك
كنت بيديني مير مدري مـن خـذاك
حسبي على تقصيري وحسبي عليك
علمتني.. وش الحياه مـن الهـلاك
في موادعك هذا وفي جيّتـك ذيـك
ياكيف ابلقى شخص يسواني سـواك
كل مانويت انهيك في شخص ابتديك!
أبـدى أقـارن مستـواه بمستـواك
واخاف لاتزعل وابيعـه واشتريـك
والمشكله : رغم محبتـك وغـلاك
واني رغم كل شيّ مشتـاق وابيـك
ما هوب من حقي يضايقنـي جفـاك
ولااعشقك ولاالمحك ولااحتريـك!!
لكن ما يخفانـي ولا اظـن يخفـاك
حقي عليك .. انّك تطمنّي عليـك!!
03-29-2011
..
العرض العادي
