&^ عذب احساسي ^&

حبيبتي فيها من الورد الوان
جتني وفي يدها من الشوق ورده
لفة يديها بين كتفي والأمتان
في يدهاغصن المحبة تمده
جتني وشوق القلب في وجههابان
والشوق لامن ثار محدن يرده
اناشهدان الوردللحب عنوان
عنوان ميعاد الوله والموده

بوحي

عيدك مبارك يابعد كل من لي
في شوفتك ياسيد البيض عيدي
لك في يدين القلب ورد وفلي
تقدمه وتقول عيدك سعيدي
تعال عانقني وارحب واهلي
محلى نهار العيد وايدك بايدي

بوحي

ياساهرالليل قل لليل يرسمني

من قبل وجه النهاريشب مصباحه

في عتمة الليل ياخذ ريشة مني

يرسم ملامح وجودي فوق الواحه

لوحة وفيهاتفاصيل التعب مضني

بروازهامن طعون الوقت واجراحه

فيهاشعورالشقى والهم ساكني

كثر الهواجيس خلتني لها ساحة

ماغيرانا والنجوم الي تسامرني

اشكي عليهاهموم القلب واتراحه

حتى القمرلابغيت انه يسامرني

مسراه بدري والا ياسرع مرواحه
بوحي

الوطن غالي

يالراية الخضراء ونخلة وسيفين
ياكلمة التوحيد فوق الغمايم
يادارنا يامنبع العز والدين
دارالسعود الي بها العدل قايم
رفرف علمهافوق كل الميادين
غصب على الحسادواهل العمايم
يالمملكة جعلك على العزتبقين
في عهد قايدنا قوي العزايم
وابوفهدسلمان حكمة وتبيين
النادرالي يتبع الحق دايم
حكامنا الي للمعادي عنيدين
في حزة فيها لزوم ولزايم
هم لحفنا عن ليلة بردهاشين
صارواذراناعن هبوب السمايم
قدقالهاعود توفى من سنين
بالله ثم الشعب نبني دعايم
واليوم ابدعي للوطن قولوا آمين
بدعي وانا لله ساجدوصايم
احفظ وطناعن جميع الحسودين
والخاين الدجال واهل النمايم
واختامهاواعداد نبت البساتين
صلوا على المختارماحام حايم









بوحي

بنيت لك يازين في خافقي دار
قصر بكل الحب والود عالي
وسطه حديقة شوق من ورد وازهار
ومزين بكل الغلا والدلالي
فيه الغرام يحيط به مثل الاسوار
والعاطفة تعطيه شكل جمالي
سوالف العشاق تلفيه زوار
تروي حكاوي حب عن كل غالي
من زار قصر الحب خلاه تذكار
ويقول زرت اليوم قصر خيالي

بوحي

الوقت ذابحني وانا منـك مذبـوح
لقيت طعناتـك مـع الوقـت ميـة
قلبي كسير وخاطري منك مجروح
وشلـون تقسـى ياحبيبـي عليـه
هين جروح الناس اوقات واتـروح
لكن من الغالـي تراهـا قويـة ؟!

بوحي

اناقصة خيالية كتبها هالزمن عني
حكاية ليل يرويها كبير السن لأحفاده
واذا نامت عيون الكون طواها واعتذر مني
يقول الليل يجمعنا على الميعاد ياساده
بوحي