 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
06-19-2011
|
#11 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
البارت الثاني عشر
((في بيت بوفهد)) ...* (((خلص جواد تغيير ملابسه ونزل علشان يشوف نجود وشوق لما وصل الحديقه سمع نجود تبكي وراح يسرع يشوفها)))..* جـــواد : حبيبتي نجود ايش فيكي تبكين ..؟؟ ((نجود زاد بكائها .. وانتبه لــمي جالسه )).. * جـــواد : مي ..نجود ايش فيها تبكي ..ضربتيها ؟؟ مي : لآ .. جـــواد "يكلم نجود ": مي هي اللي ضربتك صــح .. مي : قلت لك ماضربتها .. نجود : ضربتني .. مي : اسكتي انتي ولا كلمه .. يالكذابه .. نجود : انا ما اكذب ..انتي الكذابه شوق "تحضن نجود ": الآ ..ضربتها على راسها .. جـــواد "راح عند مي وضربها على راسها " : كذا ضربتك ..؟؟ نجود : ايوه جـــواد : خلاص ..انا ضربتها عنك ..لآ تبكين حبيبي ..يلآ وريني اللي عطتك الآبــله .. ((وراحوا يطلعون دفاترهم ورسوماتهم وهو يمدح فيهم ))..* مي: ويـــع ..شنو هذي الرسمه مو حلوه ابـــــد .. نجود : حلوووووه مي : ويع ماتعرفين ترسمين .. جـــواد : نجود ماعليكي منها ..اهي تغار منك .. نجود : انا مارح اكلمـــــك ..بصير اكبر منك ولاني معطيتك وجـــه .. مي : نـــعم .. نعــــم ...نعم شنو قلتي ((تلف راسها عن مي وتغمض عيونها وكأنها ماتشوف مي)).. * جـــواد : ههههههههههههه احلــــى ياقويه .. مي : شكلك تبين كف معتوقه نجود : شكلك تبين كف حلاقه جـــواد : هههههههههههههههههههه مي: شكلي راح اقص لسانك اليوم .. نجود : ماتقدرين ..جـــواد يضربك .. جـــواد : ياربي هالبنت تجنن طالعه علي .. ((جود اللي كانت واقفه من اول الموقف))..* جود : اكيييد طالعه عليك مو هي تربيتك .. جـــواد : مو احلـــى مافيها انها تربيتي .. جود : الآ .. شنو سويت بالمدرسه ..؟؟ جـــواد : عادي جود : يآآآربي راح تجنني من كثر ماتقول عادي .. غيرها ياشيخ جـــواد : ههههه ماسويت شي .. جود : اكيـــد انت ومحمد في نفس الفصل جـــواد : اكيد ..وازيدك من الشعر بيت .. ريان معنا جود : لآاااا ..نجحتوا السنه .. جـــواد : ابشرك ..مو راح ننجح وبس ..الا راح يحطون اسمائنا في لوحه الشرف ,, على انّ ماخذين صفر اس عدد افوجادرو جود : هههههههه جـــواد مو تلعب مثل كل سنه ..جد وخلص وريح نفسك من المدرسه وبلآويها .. جـــواد : ودي بس الهوا ضدي .. صح شوق ؟؟ شوق "ماتدري وش السالفه ": صـــــــح جـــواد +جود : ههههههههههههههه جود : شوق منو تحبين اكثر انا ولآ جواد .. شوق "احتارت منو تختار ": امممم احبكم كلكم .. بس ما احب مي لآنها تضربني وتصرخ علي .. جـــواد : جواب دبلوماسي ..شوق قولي انك تحبيني اكثر واعطيكي حاجه حلووه نجود "تنط بفرح": انا احبك ياجواد .. جود : صدق من قال .. الناس مصالح .. بعدين حنا قلنا شوق مهوب نجود نجود : انا قلت احب جواد مو جود جود : محد قالك حبيني نجود : ايوه .. لآني ما احبك "وتروح لجواد " جواد عطني الحاجه الحلوه .. جـــواد : من عيوني الثنتين "جـــواد ينتبه لدانه " دانه بلاك واقفه بعيد تعالي دانه : ابغي اكلم الخاله جود .. جـــواد : يعني ماتبغين تكلميني دانه : الآ .. بس جود : دانه حبيبتي تكلمي تبغين شي ..؟؟ محتاجه لشي ..؟؟ دانه "بتردد ": جدتي قالت لي اقولك اذا عندك دفاتر ماتحتاجينهم علشان تعطيني اياهم .. جـــواد : لآ ماعندها .. دانه : طيب " وتلف علشان تروح " جـــواد : لآني راح آخذك اليوم للمكتبه وتاخذين كل اللي نفسك فيه .. دانه "بفـــرح": صحيـــح ..شكراَ ...بروح لجدتي اقولها تعطيني فلوس .. جـــواد : دانه .. دانه : نعم خالي .. جـــواد : انا اتوقع قلت بوديك .. يعني انا اللي ادفع اوووكي دانه : ان شاء الله جـــواد : قولي لعبدالرحمن وعبدالله اذا يبغون شي علشان يروحون معنا .. مي : انا ابغى .. جـــواد : اووف ..جود حد منكم كلم المتطفلين ..؟؟ جود : لآ مي : ليه دايم تصرخون علي ..اكيد غيرانين من جمالي .. ياربي انا شنو ذنبي اذا الله خلقني احـــلى منكم .. جـــواد : خلوها تروح عني لآ أرتكب فيها جريمه : ايش تسوون جـــواد : نرقص سامري جود : هههههههههههههههههههه بندر : امي تقول لك ودني للمكتـــبه .. جـــواد : احلف انّ امي قالت لك هذا الكلام .. بندر : ايوه قالت لي .. جـــواد : اروح اسألها ...؟؟ بندر: ................ جـــواد : ياكــــــــذاب .. بندر : طيب انت راح توديهم ودني معك .. جـــواد : لآنك كذبت مارح آخذك معنا ... ((في المطبــــخ ))...* ام محمد : خير ايش فيكي الخدامه "ميري" : مدام هذا في غساله ملابس خراب ام محمد : ايش خربّها ..؟؟ ميري : هذا في يدور مافي وقف انا في يفتح بس هو مايوقف الا بعد دقيقه .. ام محمد : مين خربّها ..؟؟ ميري : انا مافي يعرف ام محمد : يمى منكم ..انتي اللي خربتيها محد يلمسها غيرك .. ميري : لآ مدام انا مافي يخرب غساله ملابس .. ام محمد : بس خلاص عن الهرج ..انا في يكلم بابا بعدين .. ــــــــــــــــــــــــــــ ((في بيـــت بوسعد ))..* يارا : يبه ..محتاجه شويه اغراض للمدرسه .. ام سعد : حنا ماعندنا فلوس نصرف على انفسنا علشان نصرف على مدارس .. يارا : يمـــــه .. ام سعد : قلت لك مافي اذا تبين تدرسين بكيفك .. بس لآتحلمين نشتري لك شي .. يارا : الحين لو سعد يبغي حاجه كان عطيتوه .. بوسعد : خلاص .. صيري مثل سعد واشتغلي واصرفي علينا ونعطيك اللي تبغين .. يارا : بس سعد مايعطيكم ولآ ريال ..ولآ حتى يساعدكم في مصروف البيت .. ام سعد : سعد وليدي يجمع راتبه علشان يتزوج .. واذا تزوج ابوك مافيه حيل على الشغل والتعب وارح يساعدنا مو انتي اذا تزوجتي راح تنسين انّ عندك ام واب ربوك وتعبوا عليك .. يارا : طيب محمد الصغير يحتاج لأغراض .. ام سعد : لآحول ولا قوه الا بالله ..شنو اغراضه بعد .. يارا : الولد كبر ومحتاج لملابس .. بوسعد : خلاص اقول لآهله يزيدون مصروفه .. يارا : حرام عليكم ..والله هم يعطونكم كثير وانتوا ماتصرفون الا القليل والباقي تعطونه لولدكم سعد .. ام سعد : حرمت عليك عيشتك ..وبعدين انتي قلتيها ولدنا مو حد غريب .. يارا : بس هذي الفلوس عطوكم اياها اهل محمد علشان تصرفون على ولدهم مو تصرفون على ولدكم .. بوسعد : اقول اذلفي عن وجهي يارا : حتى كلمه الحق ماتبون تسمعونها .. ام سعد : اقول يا ام حق انتي .. روحي نظفي البيت وانتي ساكته .. ((تقوم عنهم يارا والحزن في قلبها زاد ..تروح لمحمد وتحضنه بكل حب وحنان ودمعه حآآره نزلت على خدها ))..* يارا : آآآه حالك مثل حالي ..انت اهلك تخلوا عنك .. وانا موجوده مع اهلي ولآ كأني موجوده , حنا الأثنين انكتب علينا الوحده والغربه مع وجود آهلنا " تناظر وجه محمد اللي ابتسم لها ابتسامه مثل البسلم لجروحها " لآ تخاف انا مستحيل اتخلى عنك مهما كان ..واذا اهلك مايبغونك انا اصير لك الأم والأب وكل حاجه ... ((في بيـــت ام عبدالله ))..* ليــــان : يمه تامريني على شي ..؟؟ ام عبدالله : لآ يمه سلامتك .. بس اجلسي معي شوي ..دائماً جالسه لوحدك ليــــان : ابغاك ترتاحين يالغاليه .. ام عبدالله : راحتي بوجودكم جنبي انتي واخوانكم .. ليـــــان : الله يخليك ويطول بعمرك يمه .. ام عبدالله : ويخليكم لي ..واشوفك عروس واشوف عيالك وعيال عيالك .. ليـــــان "بخجل ": امين ((وجلست تسولف مع امها لمن نامت امها ..وطلعت ليان من الغرفه وراحت تكلم جود عالجوال ))..* جـــواد : هلآ وغلآ .. ليــــان : اهلين فيك ياقلبي .. وينك ..؟؟ جـــواد : رايحه المكتبه مع عيال اختي وجواد .. ليـــــان: اجل راح اجي للمكتبه .. ماقلتي لي اي مكتبه ..؟؟ جـــواد : ليه راح تجين ليـــــان: علسان اشوفك جـــواد : اممم اجل مو لآزم تعرفين اي مكتبه .. ليــــان : ليه .. لآ يكون ماتبغيني اشوفك .. جـــواد : ايوه ما ابغى اشوفك ليــــان "انصدمت قالت بمزح ": على الآقل جاملي جـــواد : للآسف ما اعرف آجامل ..يلا انا استأذن ..بااااااي ليـــــان: بااااي جـــواد "يلف على دانه " : هآ .. دانه اخذتي اللي تبغين "ينتبه انّ ما اخذت شي " دانه قلت لك اخذي كل اللي تبغينه ولآ تبغيني ازعل منك دانه : مدري شنو آخذ ! جـــواد : اممم هذي مشكله .. دقيقه اروح اشوف جود تجي تساعدك "ويروح عند جود" شنو هذا كل هذا راح تاخذونه ؟! جود : هههههههههه هذي غلطتك .. انت اللي قلت ياخذون كل اللي يبغونه .. جـــواد : طيب وعبدالرحمن آخذ له اغراض ..؟؟ جود : ايوه آخذ ..وآخذ اغراض لشوق ونجود .. ومرام هناك تختار لها الوان .. جـــواد : اوووكي انتي روحي مع دانه خليها تاخذ اللي تبغاه ..وخلي الشعب السعودي عندي جود : طيب ..الله يعينك عليهم جننوني .. جـــواد : هههههه .. طيب آخذي اغراض لبندر ومي .. جود : ان شاء الله .. ـــــــــــــــــــــــــــــ ((في بيت بوفهد ))..* ((ام محمد مع ام فهد في الصاله يتقهوون الا يدخل عليهم بندر))..* بندر: يمى .. وين بنطلوني الجينز اللي فيه رسم باللون الأسود ..؟؟ ام محمد : في الغسيــــل .. بندر : يووه ابغى البسه الحين .. ام محمد : وسخ .. روح البس غيره بندر : لآ .. مأبغى البس غيره ام فهد : خلاص روح البس غيره مشاء الله عندك كثير وبكره ان شاء الله تلقاه نظيف .. بندر : لآ ..ابغاه الحين .. يمه روحي قولي للخدامه تغسله ام محمد : روح قول لها انت .. بندر : اصلآ انتوا ماتحبوني .. عيالك راحوا للمكتبه ولآ خذوني معهم .. وانتي ماتبغين تقولين للخدامه تغسل ملابسي آروح انا اغسله ازيـــن لي .. (( ويروح لغرفه الغسيل ويطلع بنطلونه ويحطه في الغساله وبعد ماطلعه من الغسيل ونشفه فتح غطا النشافه ودخل ايده من دون ما ينتظرها توقف وهي خربانه .. ومسكت بإيده وتعلق اصبعه في البنطلون حاول يطلعه بس ماقدر وصرخ بأعلــــى صوته ))..* انتهى البارت ... البارت الثالث عشر ((في الصاله ))*..* (( ام محمد سمعت صوت وقامت تركض تشوف شنو فيه .. لما دخلت غرفه الغسيل انصدمت من منظر الدم في كل مكان وبندر يصارخ بإعلى صوته والخدم ماسكين ايده يحاولون يوقفون الدم راحت وضمت ولدها ودخلت ام فهد وراحت تدور حد يوديهم للمستشفى الا على دخول محمد ))..* ام فهد : محمد آلحق على بندر .. الآ على نزول ريان : خير بلاه بندر يصارخ .. تطلع ام محمد وهي ماسكه بندر وهي تبكي معاه وتتألم معه محمد : يمه بلاه بندر ..؟؟ ام محمد " تبكي ": ايده انقطعت محمد " آخذ بندر من امه " : ريان تعال معي بسرعه ... ام محمد " مسكت ايد محمد ": يمه خذني معك .. محمد : يمه خليني اروح بسرعه .. يمه ام فهد امسكي الوالده الله يخليك ((ويطلع مع ريان للمستشفى .. وبعد ربع ساعه رجع جواد مع خواته وعيال اخته ويصدمه منظر ام محمد وام فهد الل كانوا يبكون))..* جـــواد : يمه .. خيـــــر شصاير ..؟؟!! ام فهد : بنــــدر جود "بخووف ": بـــلاه بندر ام فهد : ايده انقطعت .. جـــواد : شنوو ..؟؟ اهو وينـــه الحين ؟؟ ام فهد : آخذه محمد قبل شوي للمستشفى .. جـــواد : لآي مستشفى آخذه ..؟؟ ام فهد : مدري .. جـــواد : طيب انا راح اتصل عليهم واشوف اي مستشفى واروح لهم .. ام فهد : جود روحي شوفي خواتك وكلمي ابوك وخبريه باللي صار .. جود : ان شاء الله .. يلا بنات تعالوا معي .. (( وتصعد فوق تشوف خواتها نايمين ))..* جود : قوموا بسكم نوم .. شجون : يووه ماتخلون الواحد يرتاح .. جود : انتوا نايمين واخوكم في المستشفى .. شجون "فتحت عيونها عالآخر ": مين اللي في المستشفى ..؟؟! جود : بنـــدر .. ريم "صحت من النوم ": خير .. ليه ماخذينه للمستشفى ؟؟ جود : محمد وداه .. شجون : طيب ماقلوا لك ايش فيه .. جود : تقول امي ام فهد ايده انقطعت ريم : هاااااا .. انقطعت...؟؟ شلووووون ..؟؟ جود : والله مدري .. المهم الصغار خايفين قوموا اجلسوا عندهم .. ريم : انا بروح عندهم وانتي شوفي شنو السالفه "وتطلع " جود : شجون روحي صحي مي واجلسي مع ريم .. ما اعتقد تقدر على الصغار لوحدها .. وانا بكلم ابوي اقول له .. شجون : ان شاء الله بس طمنينا على بندر .. ــــــــــــــــــــــــــــــــ ((عند جواد كان جالس يتصل على محمد ومايرد عليه .. واتصل على ريان ))..* ريان : آلوو جـــواد : محمد انت في آي مستشفى ريان : في مستشفى "..................." جـــواد : طيب كيف بندر الحين ..؟؟ ريان : الحين عند الدكتور جـــواد : طيب دقايق وانا عندكم .. ــــــــــــــــــــــــــــــــــــــ ((في المســـتشفى))...* جـــواد : وين محمد ريان : تعال معي نروح لهم.. ((يروحون ويشوفون محمد ماسك الدكتور بعصبيه ))* محـــمد : انت مجنووون الدكتور : اقول لك لآزم نقطع اصبعه .. محمــــد: مستحـــــل .. الدكتور : اصبعه متضرر بالمره ..وكله كسور ومانقدر نركبه من جديد .. محمــــد : شوف لو تقطع اصبعه اقطع خبرك من الدنيا .. فاهـــم ..؟؟ (( يجي جـــواد يركض ويمسك محمد قبل لا يقتل الدكتور ))..* جـــواد : محمد هدي اعصابك الآمور ماتنحل بالعصبيه .. محمد "بعصبيه " : انت تسمع شنو يقول .. جـــواد : طيب اتركه وخليني اتفاهم معه .. محمد "يترك الدكتور ": انا ابغى دكتور غيرك .. الدكتور: على راحتكم ..بس كل الدكاتره راح يقولون لكم نفس الكلام ..ومو من صالح بندر التأخير .. ياليت توقعون على الأوراق بسرعه يكون افضل .. محمد : اقول بس روح ناد لنا دكتور ثاني .. (( بعد كذا جا دكتور ثاني))..* الدكتور: انا شفت حاله اخوكم محمد : لآ تقول راح تقطع اصبعه .. قطع مارح نقطع فاهم .. الدكتور : انا ما راح اقطعه .. بحاول اركبه وكل شي على الله سبحانه .. بس احذركم احتمال كبير انه مايقدر يستخدمه .. محمد : المهم ماتقطعونه .. الدكتور: يصير خير ان شاء الله .. ((ويدخل الدكتور علشان يسوي العمليه ..الآ ويدخل بوفهد وفهد ))..* بوفهد : وين بندر جـــواد : في غرفه العمليات .. فهد : شنو قال لكم الدكتور ..؟؟ جـــواد : في البدايه قالوا انهم راح يقطعون اصبعه لآنه كله كسور وبعدين جا دكتور ثاني وقال بيحاول يوصله .. ((بعد ساعتين طلع الدكتور))..* بوفهد : بشر يادكتور .. الدكتور : انت ابوه ..؟؟ بوفهد : ايوه انا ابوه .. الدكتور : الحمدلله قدرنا نركب اصبعه .. بس مثل ماقلت لكم مارح يقدر يحركه .. بوفهد "براحه " : اهم شي انكم ركبتوه .. فهد : متى راح يطلع من المستشفى ..؟؟ الدكتور : بندر محتاج لمراقبه حالته 24 ساعه ..وبعدها نقرر .. جواد : نقدر نشوفه الحين ..؟؟ الدكتور : ايوه تقدرون .. بوفهد : مشكور يادكتور .. يعطيك العافيه .. الدكتور : العفوو لآ شكر على واجب .. لآزم نشكر الأخ اللي هناك "ويأشر على محمد اللي واقف بعيد عنهم" لولاه كان صبع بندر انقطع ..ولما شفت اصراره قررت اني اوصله و مهما يكون .. ((لف بوفهد على محمد اللي كان سرحااان وفي حاله صدمه متأخره لازال مو مستوعب الآمر اللي صار ))..* بوفهد : محمد ... محمد : .......... بوفهد : خلاص بندر بخير .. محمد : بخيــــر ؟ بوفهد : ايوه بخير تطمن .. جـــواد خذ اخوك وخليه يرتاح .. محمد : لآ .. خليني ابغى اتطمن على بندر .. بوفهد : بندر بخير .. انت روح ارتاح الحين .. جواد ماتسمع خذ اخوك وروح .. ((جواد ياخذ محمد ويمشون ..وبوفهد وفهد يدخلون يتطمنون على بندر))..* ((في بيـــت بوفهد ))..* ((كـــان الكل مجتمع في الصاله ..حتىّ زوجة فهد وعياله كانوا موجودين ..كلهم ينتظرون خبر يطمنهم عن بندر الا على دخله جواد ومحمد ))..* ام محمد : بشروني عن اخوكم شنو صار له ..؟؟ جـــواد : تطمنوا مافيه الا العافيه .. ام محمد : طيب وايده شنو صار فيها ...؟؟ جـــواد : ايده انرضت شوي ماعدا صبع واحد متضرر وفيه كسور .. ام محمد : طيب هو وينه ليه ماجبتوه معكم ..؟؟ جـــواد : راح ينام في المستشفى اليوم .. ام محمد : ليه ينام في المستشفى مادام فيه كسر بس ..؟؟ جـــواد : لآن صبعه متضرر كثير وسوو له عمليه .. ام محمد : شنوو عمليــه ..؟؟؟ محمد : اما استأذن الحين .. جـــواد : جاي معك .. محمد : مايحتاج انا رايح انام شوي .. جـــواد : بس محمد .... محمد : قلت لك مايحتاج .. جـــواد : طيب براحتك .. ((ويصعد محمد لغرفته))* جـــواد : يمه .. قولي لحرمه فهد ..انّ فهد راح ينام مع بندر اليوم ..فإذا تبغاني اوصلها بيتهم ولآ تنام عندنا اليوم ام محمد : ان شاء الله.. جـــواد : طيب انا رايح اغير ملابس اذا تبغى تروح عطوني خبر .. ((تروح ام محمد لعند نوره زوجه فهد ))* ام محمد : نوره يابنيتي ..فهد راح ينام مع بندر اليوم في المستشفى ..ويقولك اذا تبغين تروحين بيتك هذا جواد راح يوصلك او نامي معنا الليله .. ام فهد : اكييد بتنامين معنا .. نوره : اخاف يزعجونكم العيال .. ام محمد : لآ بالعكس راح يونسونا .. شجون : يلآ عاد نامي الليله بس .. نوره : بس العيال وراهم مدارس .. ام فهد : ولآ يهمك الحين اقول لجواد يروح يجيب اغراضهم للمدرسه .. نوره : آخاف نتعبه معنا .. ام محمد : لآ .. لا تعب ولا شي نوره : خلآص ..خلي عبدالعزيز يروح معه لآنه يعرف وين اغراضهم .. ام محمد : ريم روحي قولي لآخوك ياخذ عبدالعزيز معه .. ريم : ان شاء الله مي: ونآآآسه .. اليوم اجل سهر للصبح .. ام محمد : لآ .. مافي سهر .. مي : ليــــــه .. ام محمد : من غيـــر ليه .. وتدرين انّ بكره عندكم مدرسه .. مي : يوووه نسيـــــت انّ المدارس بدأت .. حسافه .. ــــــــــــــــــــــــــــــــ ((عند جواد كان يكلم ليان على الماسنجر بس ماترد عليه ))..* جـــواد : اوووف شكلها مو موجوده .. ((الا يندق باب غرفته ))..* ريم : جواد تقولك امي روح مع عبدالعزيز بيت فهد وجيب لهم اغراض .. جـــواد : دقايق بس .. (( وتروح ريم .. وياخذ جواله ويتصل على ليــــان بس ماترد عليه ))..* جـــواد : غريــــبه .. مدري ليه اتصل عليها وماترد .. خليني اروح لهم قبل ما أتأخر وبعدين اتصل عليها ... ـــــــــــــــــــــــــ ((في غرفه محــــمد ))..* (( في الظلآم الدامس .. بين احزان الماضي ..وصدمات الحاضر .. وسراب المستقبل .. كان محمد نايم على سريره .. السرير الآسود اللي يشبه افكاره ..مايدري كيف وصلته مصيبة اليوم .. مع انّ مافي وجه شبه بين بين الليصار اليوم وبين بشاعة ماضيــه .. جلس يتذكر ابشع واقسى يوم مرّ فيه .. هذا اليوم غيّر كل حياته ..كان يحاول انه يمسح هذي الذكره من خياله ..بس مستحيل ينسى .. كان يشوف آلم اخوه الصغير .. وماحب هذا الآلم يطول ..كان مستعد انه يتبرع بإيده لآخوه .. كان يتمنى يرجع الزمن للورى واللي صار لآخوه يصير له هو .. بس هذا قدر ومكتوب ))..* ــــــــــــــــــــــ ((جواد وصل عند بيــــت فهد ))..* جـــواد : يلا عبدالعزيز .. انزل جيب الآغراض وانا انتظرك في السياره ... عبدالعزيز: ان شاء الله جـــواد : لا تتأخر .. (( يدخل عبدالعزيز بيتهم ..وجـــواد يحاول يتصل على ليان بس ماترد عليــــه رسل لها رساله يقول فيها "ليان حبيبتي ليه ماتردين علي لآتخوفيني عليك .. تراكي وحشتيني مووت " ويرجع يتصل عليها وماردت .. واتصل عليها فوق العشرين مره وفي النهايه ردت ...))..* ليـــان : نـــعم .. جـــواد : ليان ..ايش فيكي خوفتيني عليك ياشيخه ليـــــان : مافيني شي .. خير ايش بغيتي انا مشغوله الحين .. جـــواد : ليان فيكي شي ..؟؟ انا سويت لك شي علشان تكلميني كذا ...؟؟ ليــــان : أسألي نفسك انتي ايش سويتي .. جـــواد : والله ماسويت شي ليــــان : لآ تحلفين جـــواد "انتبه بجية عبدالعزيز ": ليـــان اكلمك بعدين ليــــان : لآ تتعبين نفسك وتتصلين على ناس مستواهم اقل من مستواك العالي .. جـــواد "عصـــب كثير ": طيب اكلمك بعدين ..مع السلامه ـــــــــــــــــــــــــــــــــــــــــــ ((في بيـــت بوفهد ))..* ((شوق تلعب مع نجود في الحديقه وكان فيه قفص فيه عصافير وحده من العصافير جالسه على بيضها ))..* شوق : حلوه هذي العصفوره نجود : هذي عصفورتي احلى منها .. بابا جاب لي اياها علشان تجيب لي عصافير صغيورين .. شوق : تعرفين شلون العصفوره تجيب البيض ..؟؟؟ نجود : شلوون ..؟؟ شوق : اول شي العصفوره تتزوج حبيبها وبعدين تسافر معاه ولآزم يصير عندهم بيت ينامون فيه ويروحون السما ياخذون نجمه وتصير بيضـــه .. نجود : لآ .. ياغبيه مو كذا .. شوفي العصفور يضرب العصفوره على راسها ويطلع بيض .. شوق : يعني بابا ضرب ماما على راسها وجينا .. نجود : ايووه ((تجي لهم لجين بنت فهد وتضرب نجود على راسها اللي كانت تسمع لهم ))..* نجود : آآآآي .. رااااسي لجين : علشان تجيبين لنا بيضه مثل العصفوره .. شوق : يلآ نلعب لجين : عندي لعبه .. نروح رحله .. نجود : يلآ ((ويروحون يلبسون شنطهم وياخذون لهم سله ويحطون العابهم فيها .. ويجلسون يمثلون انهم رايحين رحله الى حديقه الحيوانات))..* تجي لهم مي : شنو تسوون ..؟؟ لجين : نلعب انو حنا في حديقه الحيوان .. نجود : العبي معنا على انك حصان وحنا نركب عليك .. مي : هآآآآ .. انا حصـــــاااااااااان ..؟؟؟ ((وتروح تلاحق فيها وتصدم في عبدالله اللي كان مع سمر ودانه ))...* عبدالله : آآآآي مي : ماتشوووف انت ووجهك .. عبدالله : انتي اللي صدمتي فيني .. مي : اقول لآ تطول لسانك .. سمـــر : انتي ياخبله لآ تصرخين على عبدالله .. ((عبدالله يناظر سمر بعيون حب واعجاب ... سمر نزلت راسها بالآرض ومي تتفرج عليهم ))..* (( عند جواد .. كان يحاول يكلم ليــان يكلم ليـــان على الجوال وبعد جهداً جهيد ردت عليه ))..* ليـــان : نعم جـــواد "بعصبـــيه ": لا ياشيخه بدري على الرد .. ليـــــان : انا مهوب اصغر عيالك تصرخين على آلزمي حدودك زين .. ((جـــواد تفاجئ من رد ليـــان وحس ان المشكله اكبر مماتوقعها ))..* جـــواد : طيب ادخلى على الماسنجر ابغى اكلمك مايك ليـــــان : ما اعتقد في بينا شي ينقال .. جـــواد : الآ .. بيـــنا آشياء ارجوك ادخلي .. ليـــان "بلآ مباله " : طيب ((ويدخلون عالمايك ))..* جـــواد : حبيبتي ممكن اعرف وش اللي غيرك علي فجأه كذا ..؟؟ ليــــان : ان كنت تعلم فإنها مصيبه وإن كنت لا تعلم فالمصيبة أعظم .. جـــواد : لــــيان اقلقتيني وضحي أكثــــر واللي يرحم والديك ليـــــان : ليه تتهربين مني لما اقولك ابغى اشوفك ..؟؟ ((جـــواد تذكر لما قالت له انها راح تجي للمكتبه علشان تشوفه))..* جـــواد : ظروفي ماتسمح لي .. ليــــان : اي ظروف اللي تتكلمين عنها .. جـــواد : قلت لك من قبل انا جود عبدالعزيز وانا مشغوله كثيـــــر .. ليـــــان : اووه تراكي طفشتيني .. درينا انك جود عبدالعزيز .. بس تذكري غرورك هذا هو اللي راح يضيعك وراح تخسريني .. هذا اذا كان عندك لي مكانه .. ((جـــواد مافكر في يوم من الآيام انه يخسر ليـــان وقام يبرر لها موقفه ))..* جـــواد : صدقيني ياليـــان عندي ظروف تمنعني اني اشوفك .. ولا انا كله الوله فيني على شوفتك ..كافي اللي صار اليوم ليـــــان "باستغراب ": خيـــر ايش صار اليوم ..؟ جـــواد : ابد .. بس اخوي بندر انقطع صبعه .. ليــــان : شنووو .. انقطع صبعه ..؟؟ جـــواد : بس الحمدلله عدت على خيـــر وركبوه .. ليـــــان : الحمدلله .. ومايشوف شر ان شاء الله جـــواد : الشر مايجيك ياقلبي .. هآآآ سامحتيني الحين ..؟؟ ليـــــان : اووكي راح اسامحك بس بشرط !! جـــواد : اشرطي ياعيون جـود .. ليــــان : شرطي اني اشووفك .. جـــواد : اووكي ..بس ما اوعدك تشوفيني الحين ..موافقه ..؟؟ ليـــــان : آمري لله موآفقه .. جـــواد : طيب انا عندي شرط كمان ..!! ليـــــان : ياســــلآم ..مزعلتني وتتشرط ..طيب قولي شرطك جـــواد : هههههههههه شرطي انك ماتجيبين لي سيره اللقاء بيـــنا في هذي الفتـــره .. ليـــــان : طيب إلى متى ..؟؟ جـــواد : قلت لك لما تتعدل ظروفي ليـــــان : طيب جـــواد : صافـــيه لبن ليــــان : حليـــب يا أشطى .. ___________________ انتهى البارت
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
