الزربياني الحجازي

#1 01-03-2012

مرحبا بالحبايب

[ كل سنه وانتم بالف خير ] ....وسنه سعيده للكل

يارب تكون مليانه بالافراح

من الاول اقولكم اللي جوعانه لا تكمل ....تروح تاكل لها لقمتين وتشبع ترجع

اليوم بسوي لكم رز الزربيان اللي تعلمته من اهل جده ....تعلمته بالعين المجرده ...حضرت طريقة عمله بنفسي

والصراحه من اول مره ذقناه ...ادمناااااااه

الكل بدون استثناء ادمن نكهته وطعمه

وطبعا غني عن التعريف ان الرز من الكلات الرئيسيه عندنا

يالله طبو ...سمو بسم الله

..الان نشوف خطوات عمل الرز ...ترا سهل بس انا احب اصور الخطوات كلها بدقه

... لاجل اللي ماعندهم خبره

.. بالبدايه نطبخ اللحمه ..مويه وملح وبهارات كامله ( هيل ...قرفه ...مسمار )

.. ممكن نسويه بالدجاج

.. بس انا الا هالرز ..لااااازم لحم

.. بس تخلص اللحمه نصفيها ونحتفظ فيها على جنب

.. ونستخدم المويه

.. هذا الرز مغسول ومنقوع قبل بنص ساعه

...{ نستخدم مرقة اللحم ....ونسلقه نص استواء ....للي يحبونه نثري مثلي

.. اللي يحبونه مخبوص حبتين ...يسلقونه كامل

.. على بال ما نخلص الرز

.. نقطع بصل كثيييييير ...نقطعه شرايح

.. رزنا يعتمد على الرز ....البصل ...الزبادي

.. لذلك كمية البصل تكون كثيره

...{ نقلي البصل لحد ما يتحمر ....انتبهو لا يحترق

.. انا تحمر مضبوط بس بالتصوير مبين غامق

.. لما نشيله من الزيت ...لا تحطونه على ورق

.. هالنقطه مهمه انتبهو

..صفوه بمصفايه ...بوسط القدر اللي بنطبخ فيه رزنا

.. احنا بناخذ الزيت اللي بيتصفى ....نبي نكهة البصل اللي بالزيت

.. لذلك ركزو على هالنقطه

.. اوكي خلصنا من البصل

.. الان نحتاج ل...

.. زبادي 3 علب

.. بهارات مطحونه

.. موية الكادي ...انتبهو مو موية ورد او زهر

.. ثوم مدقوق

.. زعفران منقع بشوية لبن

.. واهم بهار ....جوزة الطيب

..نخفق الزبادي ...ونضيف له الثوم ...والبهارات ...وموية الكادي ونحركه

.. نبشر جوزة الطيب عليهم

.. هذي الة جوزة الطيب ...دورتها مالقيتها ....فوصيت اخواتي جابوها من امريكا

.. ريحتها يممممي

.. الان ناخذ البصل المحمر ...ونهرسه بشوكه او بيد الهون

.. ونضيفه للزبادي

.. ونخليه على جنب ينقع حبتين

وهذا شكل الخلطه النهائي

.. الان .. تتذكرون الزيت اللي صفينا من البصل

... اوكي نحط اللحمه على الزيت ...وتقلبها لحد ما تتشوح كويس بالزيت

.. وبعدين نحط خلطة الزبادي ...وخلو النار عاليه لحد ما يطبخ مع بعض ويتسبك

.. الان اتسبكت الخلطه مع اللحمه

.. نقصر النار

.. ونحط نص كمية الرز فوق الخلطه ....بعدين نصب اللبن مع الزعفران

.. ونكمل بقية الرز فوق ...ونضغط عليه بشويش

.. نغطي القدر بالقصدير ونكتمه زين

.. ونقصر النار ونحط الحديده اللي تفصل القدر عن الفرن

.. ونخليه ساعه كامله ....يتسبببك مضبوط

.. على بال ما يخلص ...نسوي سلطة الزبادي

.. الذ شي معاه هي هالسلطه

.. وللي يحبون الفلفل ممكن يسوون دقوس بعد

.. لما يخلص الرز ....نقلبه بملعقه كبيره ....شوي شوي

.. ونغرفه بصحن التقديم

.. واحلى طريقه لما ينغرف بصحن مدور كبييير

.. واستمتعو بالذ طريقه لطبخ الرز

.. الصراحه احنا ادمااااان وياويلنا لو نسويه وما ننادي كل اخواني وخواتي ....مجزره

.. تفضلو حياكم الله

.. زووووووم

.. يارب يارب يكون اعجبكم

.. وتسوونه لاهلكم بمناسبة السنه الجديده

... وصحتين وعافيه