اشعلت بردي في دفاك وشبت الساحة حريـق ...

آسعـد آلله آوقـآتكــم ..

يلي على وجهي قريتـي كـل صفحـات الشقـى
اقري وأنا باكتب قصيدة واشعل الساحـة حريـق
.
باقي كثر ما راح واللي راح نصـف اللـي بقـى
وان ما وصلت لغايتي با موت في نصف الطريق
.
يابنت يوم امطر غلاك بقلـب ضيـدان وسقـى
تدرين وش سبة شقاه وسبة الجـرح العميـق ؟
.
شقاه من يمناه واسم الشيـخ والنفـس امحقـى
والجرح منك ياأعذب العذبات يالمـوت الرقيـق
.
يا بنت ما دام البدو تخلف هقـاوي مـن هقـى
وانابدوي مني يشيل من الزمـن مـا لا يطيـق
.
ابفتخر حنا بـدو نعشـق علـى وضـح النقـا
حنا بـدو فينـا الولـد للقمـة العليـا عشيـق
.
حنا بدو فينا الولد لو شـاف موتـه مـا أتقـى
حنا بدو فينا الولـد يرقـا ولـو مالـه رفيـق
.
حنا بـدو فينـا الولـد لا مـن رقـا رقـا رقـا
الين يوصل غايته لـو كـان فـي قمـة طويـق
.
يابنت جيتك والثمـن عمـري ابـي ليلـةٍ لقـا
يما كذا والا بـلاش مـن الصداقـة والصديـق
.
وساعة تبسمتي وشفت الجمر والثلـج اصدقـا
قلت أشهدأن الموت حق وصحت لك صيحة غريق
.
واعتقت دمعي والزعل والحزن لرضـاك أعتقـا
وأغفت عيوني في عيونك يا عساها مـا تفيـق
.
وامنت باللي سخرك تقريـن صفحـات الشقـا
واشعلت بردي في دفاك وشبت الساحة حريـق



ضيـدان بن قضـعــان

هذا انا جيتك بسولف يافهد من حر مابي
فضفضه أو بوح ما ادري المهم جيتك وانا

ضايقٍ بالي وصدري ما قوى يحمل صوابي
والأمل ما بان نوره ولا ألمحت عيني سنا

جابني يمك ثقيل الهم يوم انه دوابي
أجهده والموت كنه داخل اعروقي دنا

استفزيت المعاني والقلم وحده درى بي
يوم بيح من خفوقي كل ما جوفي كنا

والمصيبه يافهد ويشلون بشكي لك عذابي
دام صار الهم شايب وصرت بعيونه ظنا

من بعد يوم المفارق طال ليلي والتوى بي
كل حزن الكون فيني وزاد بي كثر العنا

فارقتني من تبيع الناس لجل لحظة لقا بي
والخطا ماهو خطاها وكنت أول من جنا

اعترف اني خطيت بحقها وهذا جوابي
كان ودك بالحقيقه يافهد خذها هنا

صعب تخذل من يحبك وهي أول من هقابي
اني اجمع كل بسمه وآتنصفها المنا

غرني طيشي ومشيته وإلا هو اللي مشى بي
ولا وعيت إلا وانا اهدم صرح من عشقٍ بنا

والله اني ماندمت من الطفوله لين شبابي
لين حبل الوصل شفته بأوسط يديها انثنا

ليتها تغفر خطايا يافهد باللي جرى بي
بعدها ما غط جفني لا ولا قلبي اهتنا

وليتها ترجع وتجمع ما بقى او ما بقى بي
وأحلف بربي ما ازعلها إلى يوم الفنا


فيصــل العـدواني

لا من ذكرتك يفزّ الشعر والقلب هاض
وآجر فيك القصايد وأحكم أوزانها

لعيون من خلّت الدنيا بياض إف بياض
بنت ٍ تقول الحسن والزين .. عنوانها

ما هي من أهل الكويت ولا من أهل الرياض
السر مكتوم .. في قلبي .. على شانها

قلب ٍ كتم حبّها لين الهوى منه فاض
وبين الحنايا جداولها ووديانها

يا مهرة الواقع اللي ما لمسه افتراض
يا سيرة الحب يا دنياي وأركانها

موت ٍ لقيته بعينك وانت عينك حياض
كن المنايا وسهم العشق باحضانها

برق ٍ لمع في خدودك يوم شفته وناض
كنّه يصوّر حياتي لحظة إيمانها

بإنك جميل وجمالك ما عليه اعتراض
وإن القصايد بوصفك يعجز لسانها


آلشيخ/ ناصـر بن حمـد آل خليفــة

رآقت لي