 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
02-13-2023
|
||||||||||||||||||||||||||||||
|
||||||||||||||||||||||||||||||
رواية على وتر الحياة غنينا البارت الخامس
{ البارت الخامس }
الأم: بحفظ الله ياوليدي وانت انتبه لنفسك طلع من الصاله ووقف عند باب البيت يشيك ع نفسه بالمراية عدل الشماغ ولبس نظاراته وطلع من البيت وحرك سيارته للشركة ______________ بالشركة كانت نوف بمكتب ابوها بدر : اسمعيني عدل ولا تجادلين لا بالخيزران نوف بضحكه ع تهديد ابوها :ياصباح الله خير يطاوعك قلبك تطقني وانا مريضه بدر وهو ينزل كوب القهوه بعد ماشرب منه رشفه : اي بخاطري اطقج من زمان بس مالقيت فرصة نوف : هههههههههههه وهالحين لقيت؟ بدر : تقدري تقولين نوف : صاير قاسي يابدر بدر : بدري عليج ماعرفتيني زين نوف : 20 سنه ولا عرفتك زين؟ بدر: اي بدري عليج قاطع عليهم طق باب المكتب ، واسترسل بدر : ادخل عبدالعزيز : السلام علييكم نوف&بدر : وعليكم السلام ناظر عبدالعزيز نوف بصدمه: انتي وش يايبج؟ نوف وهي تبتسم وتحط رجل ع رجل: اللي يايبك ناظر بدر وهو مصدوم بدر: راسها يابس خلتني اطلعها من المستشفى امس بالليل والحين تعاند تبي تحضر معنا الأجتماع عبدالعزيز:وش هالعند؟ نوف: مافيني الا العافيه شفيكم بدر: اشك انها بنت نوف: شدخل يايبه بدر: خبري البنات يعيشون صدمة ويكرهون الاماكن اللي صارت لهم فيها حادث ومدري شنو نوف وهي تناظر عبدالعزيز: هذول يايبه الدلوعات موب انا بدر: ليه انتي طالعه منها؟ ضحك عبدالعزيز ومسك ضحكته بسرعه لما شافها لفت عليه نوف وهي تكتف ايدها بزعل:ماني دلوعه بدر وهو يشوف حركتها: واضح جداً ولف ع عبدالعزيز : تعال اجلس جلس عبدالعزيز مقابل نوف ع يسار بدر بدر : اليوم الساعة 10 بنقابلهم ابي تكونوا جهازين عبدالعزيز: تم بس بتطول الصفقه؟ بدر : على حسب بس اكثر من ساعتين ماتوقع بس بنعرض لهم المكان ومميزاته نوف: كم شخص بيكون حاضر؟ بدر : 5 الأب وولده والمترجم واثنين من الحرس نوف: حلو عبدالعزيز: امريكيين هم؟ بدر : لا اتراك لذلك مابيكم تتوترون عبدالعزيز : ابشر ومتى بيكون الأفتتاح بدر: بعد صلاة العشا عبدالعزيز: زين استاذ بدر بقولك ؟ بدر: تفضل عبدالعزيز بلعانه : من رايي ماناخذ نوف للافتتاح لانه زحمه وصحافة وهالشيء ماينفع لها ويمكن تتعب لانها تو ماطابت بالكامل نوف بغبنه: هو احد طلب رايك ؟ بدر : كلامه بمحله وانا كنت افكر بنفس الشيء نوف بزعل: ييبههه بدر بحده: كلامي ماثنيه ياانوف على مكتبج يلا طلعت نوف وهي معصبة منهم عبدالعزيز بضحكه: غريب امرها بدر : ماينفع معها الا التهديد هز عبدالعزيز راسه وسكتت شوي ثم قال : استاذ بدر بدر وهو ينزل كاس القهوه ويلتفت له ،: نعم عبدالعزيز وهو يفرك يدينه ويعدل شماغه : حاب اتكلم معك بموضوع صحيح موب وقته بس ماعندي اي الا هالفرصة بدر هز راسه بمعنى كمل وتقدم شوي للمكتب بتركيز عبدالعزيز : انت تعرف يااستاذ بدر ان مالي احد غير امي واختي ""وسكت شوي"" .. بدر : قول ياعزيز لا يردك شيء عبدالعزيز : انا للامانه ياستاذ بدر حاب اخطب بس اخاف اهل البنت يرفضوني بدر : وش عليه يرفضونك انت رجال ياعزيز والرجاال قليل بهالزمن والف من يتمناك لبنته عبدالعزيز وهو يحس بصعوبة بالكلام اللي بيقوله وبين كل كلمه وكلمه تجيه الغصه : تسلم يااستاذ بدر بس ، وبلع ريقة ، انت تعرف اني للحين ماعرف اهلي الصجيين ومتبني لذلك ماتوقع الرجل يقبل فيني زوج لبنته بدر : انت ولد حلال ياعزيز واجودي والنعم فيك ولا بك قصور ولو تبيني اروح بنفسي واخطب لك البنت من ابوها انا حاضر عبدالعزيز : ماظنتي يقبل بدر : ان ماقبل فيك فهو خسر رجال وان قبل فهو ربحان عبدالعزيز وهو يحك خشمه :احم هذا رايك فيني يابو نوف بدر ببتسامة : وقليل بحقك ياابو سعد عبدالعزيز سكت شوي ثم قام يتنحنح بدر : خذ لك ماي عبدالعزيز: لا مايحتاج بس يااستاذ بدر انا طالب يد بنتك نوف على سنة الله ورسولة تقبل فيني؟ سكت بدر وهو يناظر لعبدالعزيز ثم ناظر قهوته ورجع ظهره ع ورا ورفع عيونه من جديد لعبد العزيز ""عبد العزيز بنفسه"" الرجال تحسف ع كل مدحه لي ، جهز وضعك ياعزيز بتنطرد وخل يد نوف اللي انت طالبها توظفك "" بدر بهدوء : والله شوف ياعبدالعزيز انت رجال ماينعاب لكن نوف باقي صغيره بنظري ، ماقصد بكلامي كلمة لا ، لكن بستشيرها واشوف رايها عبدالعزيز : محد يعصي رايك ياستاذ اذا انت تشوفني مومناسب لها بالنهاية القرار لك بدر : قلت لك قبل شوي انت رجال والنعم فيك والراي الاول والاخير لنوف ، واذا انت مستحي لانك ماتعرف اهلك للحين ف يكفيني انك تربية صديقي سعد الله يرحمه حتى لو انك مومن صلبه عبدالعزيز : الله يرفع قدرك يااستاذ بدر ماعليك زود بدر باابتسامة : الله يكتب اللي فيه الخير وقف عبدالعزيز : استأذنك بروح اخلص اشغالي بدر : بالتوفيق اذنك معك طلع عبدالعزيز وقفل الباب ورا ولف ع السكرتيره عبدالعزيز :وين راحت نوف ؟ السكرتيرة: مابعرف طلعت وهي معصبه واتوقع راحت ع مكتبها عبدالعزيز : اوك وراح لمكتب نوف ودق الباب نوف : ادخل عبدالعزيز وهو يطل براسه اقدر ادخل نوف : لا اطلع برا عبدالعزيز وهو يدخل ويقفل الباب : انتي قلتي ادخل يعني ادخل نوف وهي تحط ايدها ع خصرها : شنو قايل لابوي اليوم هاه عبدالعزيز وهو يقعد ع الكنبة :قلت له ماياخذج للأفتتاح نوف بعصبية: وتعيد الكلام بعد عبدالعزيز بوجهه بريئ وهو يقوس شفايفه : انتي قلتي شنو قايل نوف : ابي افهم شنو هالدم الباارردد اللي فيك عبدالعزيز ووجهه تحول لجديه: قلت له جذي لانج توج يايه من المستشفى مستوعبة انج كنتي بوسط حريق؟ وبغيت اخسرك غير جذي الأفتتاح مليان رجال اعمال وصحفيين وغيرهم نوف : وانت شكو عبدالعزيز : انا شكو؟ نوف بعصبية: اي شدخلك فيني عبدالعزيز ببرود : انتي تهميني يانوف ومابيج تكوني بزحمة الرجال نوف لفت وراحت للشباك وطنشت كلامه عبدالعزيز وهو يريح ظهره ويحط رجل ع رجل: احم احمم عبدالعزيز : نوف ، ماردت وأردف ، نوف يازعولة نوف وهي ترفع القهوه بتشربها: لا تكلمني عبدالعزيز : خطبتج من ابوج اليوم شرغت بالقهوع وكبتها من فمها وهي تكح : يمه حار حار عبدالعزيز فزز وقام لعندها : بسم الله شفيج ، ويعطيها منديل نوف وهي تمسح بالمنديل وتناظر له : شنو قلت عبدالعزيز بفهاوه : قلت بسم الله عليج شفيج نوف : لا قبلها عبدالعزيز بضحكه : خطبتج من ابوج نوف بصدمه : هاه عبدالعزيز بضحكه على شكلها : شفيج نوف : وشنو قال عبدالعزيز : قال بيسألج ويشوف رايج نوف : يمهه عبدالعزيز : شفييج يابنت نوف بربكه: اطلع من مكتبي روح مكتبك يلا يلا عبدالعزيز : قد الطرده؟ نوف: اي اي قدها اطلع طلع عبدالعزيز وهو يضحك ع خجلها وتصرفاتها اما نوف غطت وجها بايدها وهي متفاجئة ومستحيه ___بعد ساعات وبالاجتماع ___ "الكلام اللي بيكون باللغة الانجليزية بكتبه باللغة العربية الفصحى"" بدر وهو واقف : كما اتفقنا سيتم استوراد المنتجات عن طريقكم ثم سنعرضها في مطعمنا وهكذا انتم ستكسبون الشهره ونحن سنكسب المال صاحب البضاعه "اصلان " اصلان : وكيف يمكننا الوثوق بأن منتجاتنا ستباع عبدالعزيز : اذا لم تباع فنحن الخاسرين ارتان "ولد صاحب البضاعه" وهو يناظر نوف بنظرات إعجاب : وهل الفتاة الجميلة هذه ستكون معنا بالأفتتاح بدر وهو ماسك اعصابة: كلا لن تذهب ارتان: ولماذا؟ نوف وهو تتقدم من الطاولة وتقرب بإبتسامة: لانني لست متفرغه لذلك لدي اعمال اخرى ارتان بابتسامة وهو يسوي نفس حركتها : كنت اود لو انكِ معنا اصلان وهو يوقف: حسناً دعونا لا نطيل سنكون على الموعد "ومد يده يصافح بدر بدر وهو يصافحه ويصافح ارتان والمترجم اللي جاء كانه مزهريه ولا فاد بشيء : سررنا بمجيئكم ارتان وهو يصافح نوف :سررت بمعرفتكِ عبدالعزيز سحب يده من يد نوف وصافحه بقوة وبابتسامة طالعه منه غصب: وانا كذلك سررت كثيراً إلى اللقاء نراك لاحقاً نوف بضحكه: شفيك عليه عبدالعزيز وهو يمشي بيطلع من قاعة الاجتماع بعد مالكل تقريباً طلع : لو ماقاطعتهه كان شوي ويتكي سوالف نوف تمشي جنبة وتدقه ع خفيف: تغار ؟ عبدالعزيز بغبنه: من زيينه عشان اغار نوف : ههههههه لو جينا للزين والله ياهو مزيون عبدالعزيز وقف عند الاصنصير : مزيون طل وش الزين فيه بالله نوف وهي تضغط ع الاصنصير :عيون خضر وشعر اشقر عبدالعزيز بمقاطعه :شكله يفجع انا ازين منه نوف: هههههههههههههههههههههههه عبدالعزيز وهو يدخل للاصنصير :شنو يضحكج نوف وتخش معه: ولاشيء الا وين بتروح؟ عبدالعزيز :البحر تجين ؟ نوف تناظر الساعة بيدها : قدام تراني مافطرت عبدالعزيز : توج تذكرين الفطور والناس بتتغدا نوف : شسوي ماكان لي نفس عبدالعزيز: اجل ناخذ لج فطور ع طريقنا ________________________ ""بالبحر"" نوف وهي تاكل الساندوتش وتناظر للبحر كانت تحس ان عيون عزيز عليها وارتبكت بس حاولت ماتوضح هالشيء عبدالعزيز وهو بيده القيتار ومسلط عيونه على نوف حرك اصابعه السبابه والابهام على اوتار القيتار اللي بحضنه بطريقة مايله وصار يعزف على اوتارها لحون التفتت له نوف بإعجاب واضح على عزفه اللي ياما لامس قلبها وغنى بصوته الرخيم وهو مازال يناظر بتقاسيم وجها : انت غيير الناس عندي انت عندي شيء كبيرر كيف بصبر وانا شاييف ناس من حولك كثير ، وانا احبك واقولها لك كلمة خلييها فبالك ، انا ماني اي عاشق انا لما اعشق اغير والله لما اعشق اغيير من عيون الناس والله اغار يا عمري عليك ما اتطمن وانسى خوفي الا وايديني في ايديك "ووقف وركز نظره بعيونها نوف : شفيك وقفت كمل عبدالعزيز وهو مركز بعيونها كأنها جاذبية لاهو قادر يشيل نظره عنها ولا قادر حتى يرد كأنه منوم بمنوم مغناطيسي مدت نوف يدها وضربته على خفيف بكتفه واسترسلت بضحكه : شفييك خرعتني عبدالعزيز بدون اي مقدمات مسك ايدها اللي انحطت ع كتفه وشد عليها : نوف تقبلين تتزوجيني ؟ لحظة صمت مرت بين الطرفين وماينسمع الا اصوات موجات البحر نوف وهي تسحب ايدها وتلم الاكل وتحطه بكيس بارتباك عبدالعزيز : ماتبيني ؟ نوف برد سريع : لا مين قال عبدالعزيز بابتسامة : وليه ماجاوبتيني ؟ نوف وهي تنزل راسها : انت تعرف جوابي عبدالعزيز : لا ماعرف نوف وهي تمد رجولها بعد ماكانت متربعه وترجع ايدها على ورا وتتكي عليها وعينها ع البحر : ليه ماتعرف اني احبك ؟ عبد العزيز وهو ينسدح ع رجولها بعد ماحط القيتار ع جنب ويكتف ايدينه ويغمض عيونه : لا ماقد قلتيها نوف بضحكه ع تصرفه : لهالدرجة مواضح عبدالعزيز : العبي بشعري بس نوف وهي تحط ايدها بشعره اللي كان شبهه طويل وكثييف وناعم :صدق انك ياهل عبدالعزيز : بوجودج اصير ياهل نوف :الصبح كان مودك موب بمحله شنو ضايقك ؟ تنهد عبدالعزيز وفتح عيونه يناظرها ثم رجع يغمضهم ولا رد نوف : شيخه السبب؟ عبدالعزيز : ايه نوف : شنو قايله هالمره عبدالعزيز : كالعاده سكتت نوف وجلست تلعب بشعره عبدالعزيز وهوي يفتح عيونه ويناظر السما :اقولج سر نوف : هممم عبدالعزيز : من يومني صغير قبل لا يموت ابوي ماكان ينقصني شيء حتى قبل لا اكتشف اني مولدهم كنت مدلل بالحيل بس كان بكل مره احس بنقص ، وسكت نوف بستغراب : شلون تحس بنقص عبدالعزيز وهو ياخذ شهيق وزفير : كان احس شيء ناقصني حتى باوقات وانا في قمة سعادتي احس بضيقة بصدري احس اني فاقد شخص بس ماعرف منو كل ماضحكت يجيني وخز بقلبي "وحط ايده ع قلبه ": ليين ماصار عمري 16سنة وسمعت الدكتور وهو يقول لابوي: ولدك عنده تؤام لذلك اذ تألم تؤامه هو يتألم واذا تألم هو تؤامه يتألم ، وقتها عرفت اسباب ضيقتي واسباب وجعي بهذيك السنة عرفت اشياء وايد يانوف ، عرفت ان لي تؤام وعرفت اني متبني نوف : تتمنى لو انك ماعرفت ؟ عبدالعزيز : لا ماضايقني هالشيء كثر ماتضايقت ان لي تؤام نوف : احس شيء حلو ان يكون لك تؤام وتحس فيه عبدالعزيز : هو شيء حلو بس انك تكون سعيد وتحس تؤامك يتألم هذا شيء بحد ذاته موجع نوف : تتوقع تؤامك بنت او ولد ؟ عبدالعزيز وهو يرجع يغمض : ماعرف نوف وهي تمسح ع شعره :طيب ودك تشوف اهلك الصجين ؟ عبدالعزيز :لا نوف : ليه عبدالعزيز : ليش اشوف ناس تركتني ؟ نوف : يمكن ظروفهم اجبرتهم عبدالعزيز: ظروفهم اجبرتهم يتركوني وياخذون تؤامي ؟ شنو هالظروف بالله نوف : يمكن خطفوك عبدالعزيز: سبحان الله واللي خطفني رماني نوف : خلينا من هالموضوع " وكأنها تذكرت شيء ، خلاها تشد شعر عزيز وتضربه ع خفيف ": اوهه يالنذذذلل عبدالعزيز فز منخرش من صراخها المفاجئ وضربتها: ااخ شفيج نوف وهي تحط ايدها ع خصرها : شنوو قايل لابوي اليوم هاه؟ عبدالعزيز وهو يحسس راسه مكان الضربه: قلت بتزوجج نوف : لا على موضوع اني ماروح مععكم للأفتتاح عبدالعزيز : متى قلته نوف: الصبح عبدالعزيز بهبال: ماذكر نوف : عزييززز عبدالعزيز : ضربتج فقدتني ذاكرتي ماذكر شيء نوف: سبحان الله لكن ذكرت انك مكلمه بموضوع الزواج عبد العزيز: من بعد ضربتج ماعاد بتزوجج كنسلي نوف بتسرع : موعلى كيفك ابتسم عبدالعزيز وغمز لها: ماتبين اكنسل نوف باحراج وهي تستوعب كلمتها : لا قصدي شسمه ذا اي موضوع الافتتاح يعني موبكيفك عبدالعزيز : هههههههههههههههههههههههههههههه ااي صدقت نوف بتغيير للموضوع : صدق انت خشيت لي بالحريق هز لها راسه بالأيجاب وابتسمت نوف ولا علقت زيادة ووقف عبد العزيز : خلينا نمشي بصلي الظهر ثم برد للبيت وبعدها بطلع اجهز للأفتتاح وقفت نوف معه وهي تنفض بنطلونها ومشوا راجعين للسيارة ________________________ عند الزين بعد ماجاء لهم خالد وخذاهم عند اهله بالمزرعة كانت تسلم ع بنات خالتها : كيفكم زينب : بخير وانتي كيفتس وينتس قاطعه نهى : تمام وانتي الزين وهي تجلس : الحمد لله طيبة ،وابد انشغلت بالدوام زينب : قومي قومي ماقلت لتس تعالي عشان تجلسين الزين : وين زينب : امشي بوريتس المزرعة والله تهببل الزين : يلا "والتفتت لنهى ""نهى بتجين ؟ نهى وهي تحط رجل ع رجل : لا روحوا انتوا مافيني حيل زينب تسحب الزين لبرا : الحمدلله جت منها الزين : ههههههههههههههههههههههه زينب : لا تضحكين بس جد كل ماتطلع معنا تنكد الجو الزين : امشي بس ياحبتس للحش زينب : ماحشيت اعبر لتس عن غبنتي الزين وهي تسلك : اي اي صح زينب :تعالي بوريك الخيول اللي جابهم خالد والله ان تتخرفنين الزين : مادريتي زينب : عن وش الزين: ان مهره انخطبت زينب بحماس وهي تتذكر : الا علمتني تخييلي مين اللي خطبها؟ الزين: اما علمتك مين خطبها زينب : اي ليكون رفضت تعلمتس الزين بضحكه: اي تقولي مابعلمتس لين تغديني ع حسابتس زينب :ههههههههه خبيثه ، خطبها ولد عمها فرحان الزين : امااا موعلى اساس ماتبيه زينب وهي تفتح الباب : تكابر اخرتها وافقت الزين : يلا عقبالتس زينب : اسكتي بس الزواج هم وانا توي صغيره الزين وهي تناظر حولها : وش صغيره وانتي من عمري طنشت زينب وأشرت ع الخيول: ذا خيل خالد اللي لعب فيه تذكرينه ؟ الزين : يوههه من زمااان ماشفته زينب بحماس وهي تضم يدها: تخييلي قال بيعلمني شلون اركبه الزين بضحكه: لا تكفيين بتكسرين ظهره زينب وهي تدفها ع خفيف :وخري بس الزين : ههههههههههههههههههه "وقربت من الخيل ع خفيف بتمسح ع راسه "" لكن زينب صرخت وخلت الزين ترجع ع ورا من الفجعه زينب ماسكه ع بطنها وتضحك: جباانه ههههههههههههههه الزين ويدها ع قلبها : خرشتييني زينب : ههههههههههه شكلتس ، ولا قدرت تكمل من الضحك وطلعت زين من اصطبل الخيول بزعل " وصارت تمشي بالمزرعة الواسعه وتستكشفها لحقتها زينب وهي تمسح دموعها من الضحك : زيين زعلتي الزين : خلصتي ضحكتس؟ زينب وهي تهز راسها : شكلتس كان تحففه الزين : ههههه جداً ظريفه بغيتي توقفين قلبي زينب : اسم الله ع قلبس ، تعالي بس نمشي الزين : امشي نروح للشجره هذيتس زينب : بعييده الزين : وين بعيده يالكسولة امشي زينب : هييه دقيقه تذكرت شغله الزين : وشو زينب : جبت شبسات وتشوكلت وعصير بروح اجيبهم وانتي اسبقينيي الزين : لا تتأخرين مابقى كثير ع الغروب زينب : ماعليتس طييران اجيتس "وراحت تركض لداخل " وكملت الزين مشي لين وصلت للشجره وتربعت تحتها وصارت تناظر المزرعة وتتأمل ترتيبها وتفاصيلها : والله وطلع عنده ذوق هالخالد جاها صوت من فوق الشجره :توتس تدرين انه ذويق الزين بخرشه وقفت وصارت تتلفت يمين يسار :طالعي لفوق ناظرت الزين فوق وضحكت يوم شافت بنت خالتها متعلقه بالشجره :شتسوين يالمهبوله نور :افحص المزرعة من فوق تعالي جنبي الزين: ليه قالوا لتس قرده اطلع فوق شجره نور: ماودي كان احرجتس بس انتي بطول الشجره مايحتاج تطلعين الزين وهي تضحك : اجل ليه تقولين اطلعي نور : ابد عشان نكون راعيين واجب الزين : طيب انزلي نور : ماابي ، وين راحت زينب اشوفها تركض تو لدرجة اهتزت الشجره من ركضها الزين وهي تضحك : راحت تجيب شبسات ومدري وش نور : حلو لا جت بخرشها الزين وهي تتذكر خرشت زينب لها : اي اي تكفين تو خرشتني باصطبل الخيول نور وهي تضرب ع صدرها : افاا وانا نور بنت حمدان والله لا اردها لتس يابنت الخالة الزين : كفوو نور : ارجعي اجلسي بس لا تجي وانتي تناظرين لفوق وتكشفنا الزين وهي تتربع نور : نزلي حجابتس خالد موموجود الزين : لا خليني كذا مرتاحه نور : نزلي حجابتس لا اتفل من فوق واخليتس تنزلينه غصب الزين : وعع يامقرفه نور : نزلي بناظر شلون مسوية بشعرتس الزين : مسويته ضفيره نور : زينب تقول قصيتيه من قدام الزين وهي ترسم بالأرض : اي عدلت فيها نور : زين فكي بشوف الزين : رافعتها ببنسه نور : فكي البنسه الزين :مومستشور نور : شعرتس ناعم مايبي له استشوار ولا تتعذرين عشان ماتفل الزين وهي تفك حجابها :مقررفه نور : اشوف فكي البنس وارفعي راستس سوت الزين زي ماقالت نور ورفعت راسها وعدلت القصة ع وجها نور :لفي يمين ويسار ولفت الزين يمين ويسار نور :حلو حلوو طالعه قميله االزين : انكسرت رقبتي وانا اناظرتس نور : شعرتس مع الشمس صاير اشقر موب بني الزين : لانه بني فاتح نور : كلميني وانتي تناظرين لقدام لا تثيرين الشبهات الزين :هذا هي جت لفت نور مكان ماتناظر الزين واسترسلت بضحكه : كانها ثور هايج شوفي كيف تراكض الزين وهي تكتم ضحكتها : اسسكتي لا تضحكيني جت زينب وهي تتنفس بسرعه وبكلمات مقطعه: اوهه تعبت وش يضحكك يابنت الزين : شكلتس وانتي تركضين ضحكني زينب وهي تجلس وتمد رجولها وتتكي بظهرها ع الشجره :ااخ تعبت بغى اكسجيني ينقطع الزين : بسم الله عليتس خذي مويا نور وكان معاها علبة مويا صارت تقطر من فوق ع خفيف زينب : كانها تمطر الزين : وش تمطر ماتشوفين الشمس زينب : وش شمسه شوفي بدت تغرب الزين :الجو موكانه بيجي مطر زينب : في قطرات جت ع راسي الزين : يمكن افاعي زينب : افاعي تطلع قطر مويا ؟ الزين : شدراتس انه مويا يمكن شيء ثاني زينب بقرف : وش يعني الزين : الافاعي قبل تاكل الشخص تنزل لعابها عشان تحدد وين تقرصه زينب :لا تنصبين ع راسي بس الزين : اجل الشياطين تتفلك هذا وقتها زينب : اسكتي لا تخوفيني الزين :وانا صادقه هذا وقتها واحنا تحت شجره ولا حولنا احد زينب سكتت بخوف نور وهي تغير صوتها وتخليه نفس العجايز : حححح ابتعدو عن منزلي حححح زينب تلتفتت للزين : هيه وش هالصوت الزين وتسوي كانها ماسمعت : وش من صوت زينب : كاني سامعه صوت عجيز االزين وهي تفتح كيس الشبس : يتهيأ لتس زينب تتلفت وتناظر فوق الشجره لكن ماشافت شيء الزين :وش فيك ليكون خايفه زينب : لا وش دعوة اخاف الزين وهي تاكل : اشوا نزلت نور من الشجره بس من ورا بحيث انهم مايشوفونها وقربت من زينب وبصوت فخم : بووووو زينب بصرااخ : بسسسسم الله وصارت تصارخ ونور والزين يضحكون ع شكلها يوم شافتهم يضحكون سكتت شوي والدموع بعيونها وتناظرهم بصدمه نور: ههههههههههههههههههه اااه بطننيييييي الزين :هههههههههه زينب شكلتس تحففففففهه نور :هههههههههههههه والله لو في جني وشاف شكلتس وانتي خايفه ان يشرد منتس الزين : ههههههههههههههههههه تحفه تحفه زينب : خذت علبة المويا ورشتها عليهم :يااااحييوااناات "وبكت" الزين : ههههههههههههههههههههههه تو خرشتيني وانتقمت زينب وهي تمسح دموعها : اوريكم انا الزين :هههههههههههههههههههههههه ليتني مصورتتس نور : لازم الخبر يوصل لخالد زينب : لو درى خالد ياويلتس مني نور وهي تغمز لها :نشوف زينب:والله لا انتقم منتس نور تتربع وتاكل شبس:شدي حيلتس بيدتس ورجلتس زينب :سديتوا نفسي عن الاكل نور تاكل وتغمض عيونها :امممممم يالطعممم لذييذذ سحبت زينب الشبس منها وتاكل:وخري بس نور تو تقولين سدينا نفستس زينب:سدو راستس ببير الشرهه علي اصلا كنت بقول وينهي نور ، ضحكت نور ولفت زينب على الزين بستغراب من سكوتها : شفيك هجدتي نور :خلصت بطاريتها زينب:زينه الزين بهدوء :هلا زينب: شفيتس الزين :احس صدري ضايق زينب : مغرب مغرب تعوذي من ابليس نور:قوموا مابقى كثير ع الصلاة نصلي ونرجع ____________________________ ""بالأفتتاح ع الساعة ٨ "" كان الكل موجود الصحافة والحراس وكان قدام الصحافة بدر وعلى يساره عبدالعزيز وعلى يمينه اصلان التركي وعلى يمين اصلان ولده ارتان بدر : يسرني ان نعقد هذه الصفقة ونكون شركاء للسيد اصلان ونتمنى ان ينال مشروعنا على رضاكم وتكون بداية جيده علينا جميعاً مسك بدر المقص ويده بيد اصلان ، وقطع الشريط وتقدم عبدالعزيز من الدرج وطلع ٦درجات وجاء بيفتح باب المطعم وفجئة صار انفجار خلاه يرجع على ورا ويطيح من الدرج للأرض والمطعم اشتعل نار.... ____________________________ ___عند الزين __ كانت تمشي هي والبنات بالمزرعة ويفصفصون لكن فجئة الزين وقفت وصرخت ومسكت ع صدرها زينب : زييين شفييك الزين وهي موقادره تتكلم وضاغطه ع صدرها نور:اجيب لتس مويا الزين وهي تهز راسها بلا وجلست ع ركبتها ووجها تغير لونه زينب جلست قدامها وفكت حجابها وتضربها ع خفيف بخدودها: زين زين شفيتس نور:شكلها موقادره تتنفس زينب: نادي خالد بسرعه ركضت نور تنادي خالد اما الزين فنزلت دموعها من كثر الوجع اللي جاها بصدرها وطاحت مغمي عليها 
 
|
|
02-13-2023
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
سلمت اناملك لروعة ذوقك
يسعدك ربي ويحقق أمانيك
|
|
  اللهم احفظ لي أمي حبيبتي اني أخشى عليها من ضرر يمسها فيمسني أضعافه اللهُم أني استودعك إياها في كل حين فاحفظها يارب♥ اللهم أرحم أبي وخالي رحمة تدخلهم بها جنة الفردوس بلا حساب ولا سابق عذاب واجبرنا جبراً انت وليه فالدنياء والأخره
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
