قصيدة مات الجمر فيني - حمد السعيد

مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه
فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب

سلمت يمناك
طرح جميل جدا

شكرا لك على الموضوع الجميل و المفيذ ♥ جزاك الله الف خير على كل ما تقدمه لهذا المنتدى ♥ ننتظر ابداعاتك الجميلة بفارغ الصبر

*،




آنتقاء مميز .. مَ ننحرم من جديدك

إنتقاء في قمة الجمال والفائدة

دمت وسلمت

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

يعطيك العافيه ع الاختيار
والطرح الطيب

ضاميه
لِرُوحكْ وَردْ مُخْمَلِي’..يَ عَبقِ البَسآتِين ...’♥

تاج
لِرُوحكْ وَردْ مُخْمَلِي’..يَ عَبقِ البَسآتِين ...’♥

اول اطيافي
لِرُوحكْ وَردْ مُخْمَلِي’..يَ عَبقِ البَسآتِين ...’♥