 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
01-05-2019
|
||||||||||||||||||||||||||||||||
|
||||||||||||||||||||||||||||||||
وانك بداخلي رغم الحواجز والمُدن/ 7
كان ياي من الباب الخلفي حسب ما وصته سلمى اخته عشان تعطيه دوا ابوه شافها اول شي عرفها من صوتها وبعدين يوم حرك الهوا شعرها وبان ويها، تسارعت دقات قلبه وهو يشوفها جيه وهي يالسه بهدوء ما ينكر جمالها وألحين وهي في هالمنظر زاد جمالها، حس أنه مصخها ورد للواقع: أحمم
عاليه لفت بخوف شافته، قامت بسرعه ، صح لبسها ساتر لكن شعرها كله برا نشت بتقوم ومع طول القفطان والكعب والجو المتوتر انعوت رجلها وكانت بطيح راح مسكها : سلمتي عاليه تجمعت الدموع في عيونها وتشنجت ايدها من الفشله ، واذكرت اللي استوى العصر، يت بتشل ايدها منه انفتح باب البيت وطلعت منه سلمى سلمى بصدمه: سيف! عاليه ماعرفت شو تسوي وحاولت تبين أن الموضوع عادي حتى ما تزيد شربكة الموضوع وراحت داخل بدون ما تتكلم سيف بعصبيه مصطنعه: ساعة تيبين الدوا! سلمى: ما كنت أعرف وينه عطته الدوا وقالت له: سيف تراها بنت حرمة ابوك ، صح تربت ويانا بس تراها مب اختك سيف عطاها ظهره ومشى عنها ما رد عليها دخلت داخل وتمت أدور عاليه ما لقتها، راحت لصاله الداخلية بما أنها مسكرا فبتكون خاليه من الضيوف في طريقها لقت الخدامه شاله صحن فيه ثلج وفوطه استغربت ومشت وراها أول ما دخلت لقت عاليه قاعده على الكنبه ورافعه ريولها فوق، وريولها كانت في حضن يدتها تهمزها سلمى: عسى ما شر؟ عاليه: ماشي بس ألتوت ريولي ويدوه الله يهديها مكبره الموضوع الجده: أنا مكبره الموضوع ولا انتي حتى مب قادره تمشين عليها سلمى: سلامتج ما تشوفين شر -وبمزح- حسدوج عين ما صلت على النبي عاليه ضحكت بإحراج: بيحسدوني على شو ! الجده: تبارك الرحمن كامله والكامل الله عاليه: لانج تحبيني جيه تشوفيني الجده: وأنتي منو ما يحبج عاليه نزلت راسها وتجمعت الدموع في عينهها وفي خاطرها "وايد يدوه وايد" عـنـد الرجـال بعد العشاء ودلال القهوه والمباخر تدور على الضيوف وبدت الزحمه تخف دخل رجل وتوجه على طول إلى ألي جالس في صدر المجلس: الحمدلله على السلامه وخطاك السوء أبو سيف: الله يسلمك ما تقصرتفضل حياك فيصل: الله يحيك ويبقيك وجلس بجانبه تقدم منه صبي القهوه وعطاه فنجال من القهوه وبعد الانتهاء فيصل: أحمم أبو سيف بصبر: شي في خاطرك؟ فيصل بصوت واطي عشان محد يسمعهم: ياعمي أنت عارف أن في شو بكلمك أكيد الأهل خبروك أبو سيف وهو يطالع قدامه بدون ما يلف: الاهل خبروني، بس أنت أهلك ما خبروك كيف هالمواضيع تتم! فيصل باحراج: أنا ما حبيت الموضوع يكبر لان ممكن يكون في رفض فليش اسبب الاحراج لاهلي أبو سيف: يوم بتخطب البنيه نفس الريايل ذيك الساعه يصير خير ولا لانها يتيمه عبالك ما وراها ريايل! فيصل تنرفز فهو متعود أن المجالس تنفتح له ويرحب به دائماً فما بال هذا الرجل يعامله هكذا فيصل: لا والله ما قصدت والحشيمه لك قبلها وأنت تآمر بالوقت اللي أباه بني أنا والوالد أبو سيف حاول ما يمشي الموضوع هالمره: ما يحتاج خلنا نسأل عنك ونسأل البنت أول بعدين يصير خير فيصل بفرحه قام باس راسه: ما تقصر يا أبو سيف، ألا على طاري سيف وينه بغيت أسلم عليه؟ أبو سيف ما حب يبين شي فهو من عطاه الدوا وقت ما كانوا الضيوف يتعشون راح: عنده تلفون مهم فيصل: أها! بعد انتهاء العزيمه في الصاله تجمعت العائلة من دون عاليه اللي تحس وجودها غلط من بينهم وسيف الغاضب ومريم التي تشرف علي التنظيف من بعد رحيل الضيوف سعيد بعصبيه وبجانبه علي يحاول يهديه: ولدي الوحيد يهدني بعد العشا ويروح حتى ما تريا الضيوف تروح! يبا يفشلني قدام ناس! في حياتي ما طلبت منه شي هالولد وسواه كامل لازم يسوي شي ينرفزني علي: أفا يا عمي وانا وين رحت مب حسبة ولدك سعيد: أنت تعرف أنك فحسبت ولديه وأغلى منه بعد بس الناس ما عليهم من هذا أحلام: عمي ألحين أنت معصب عشان الناس تلاقي أصلا محد منهم انتبه وانت هني حارق عمرك سعيد: صدق انه مافيه مذهب ولا مستحى سلمى راحت جلست عدال أبوها: ابويه عشان خاطري لا تعصب واذا تباني اكلم سيف بكلمه علي: لو تباني آلحين اروح امطه من كشته تراني حاضر ! سعيد بعصبيه لكنها اضحكتهمم: أصلا هو فيه شي عدل غير كشته فـي نـادي دبـي لسيـدات أمام البحر والمكان يغلب عليه الهدوء وهدوء الذي بجانبها زادها ملل لفت عليها لقتها ماسكه كتاب بايدها اليمين تقراه بتركيز وبالايد الأخرى ماسكه موهيتو تشرب منه قامت ومطت الكتاب من ايدها: ألحين أنتي يايبتني هني عشان تقرين كتاب جان قريتيه في بيتكم! عدلت قعدتها وبانزعاج رفعت النظاره الشمسيه من على عيونها: قلت لج نفسيتي تعبانه! ساره: نفسيتج تعبانه تكلمي! -تنهدت- عاليه لين متى تكتمين في نفسج نحن عيل ليش اربيعات؟ خبريني شو مضايقنج عاليه: خبرتج وبعدين ! ساره: بترتاحين بعد شو، تراني بديت أخاف عليج صدق صارلج أسبوع مأجزه وأنتي مستحيل تسوينها، ماتاخذين إجازه الا عشان إذا بتسافرين ولا شي بسم الله عليكم مستوي! عاليه تنهدت وعدلت قعدتها ولفت صوبها: ما أعرف شو فيني بس اللي أعرفه أني مابا أشوف ماما ولا عمي سعيد ولا يدوه ولا حد منهم ساره بمزح: هالله هالله يعني انا اللي طلعت سبيشال بينهم عاليه: شفتي عاد! ساره: أنزين وهذيل شو مسوين لج عشان جيه تشردين عنهم؟ عاليه: أول شي يدوه كل ما تشوفني تعيد وتزيد في سالفه سالم ساره: انزين وامج؟ عاليه: أمي! أمي فجأه مب عايبنها شغلي وكل يومين ضرابه على هالموضوع ونفس الشي ندور في سالفه الزواج وجابرتني اختار بين فيصل وسالم. سالم مستحيل أصلا أفكر فيه وفيصل ما أبا أتسرع أوافق عليه عناد في بعض الناس ولاهم معطيني المجال أني أفكر صح ساره: أنزين ليش ما تفكرين جدياً في موضوع فيصل أنتي الأسبوع اللي طاف قلتي لي انه خطبج من عمج معناه الريال جدي يباج عاليه: كل ما افكر في الموضوع جدياً واحاول اقيس الموضوع يطلع لي سيف، وتهديدات سيف، ومقهوره من نفسي اني خايفه منه، تعرفين أن يوم العزيمه هددني عطاني مهله شهرين أو لين بعد رمضان أدور لي شغل ثاني لا بشوف شي ما شفته! ساره: نعم!!!!! وليش إن شاء الله هو منو عشان جيه يقولج تراه وايد مصدق عمره عاليه: واللي يقهرني أن تهديده كان على عوق ماما ساره: أنزين الهروب مب حل! عاليه: أنا ما هربت منهم أنا هربت عشاني ساره: وأنا ما أشوفج سويتي شي عشانج! من الاحد أنتي يا عندي، ولا مطاعم وسينما، واليوم بحر وتقرين كتاب بروحه أيب الهم وين نفسج في هالموضوع! بعدين أكبر هروب سويتيه أنج أعتذرتي لفيصل أنج ما بتصممين مكاتب إدارة المعرض ماله عاليه: يمكن خطتي هي أني ليش اخسره فلوس استشاره وتصميم وانا بعدين بكون في بيته اصمم له اللي يباه ساره فجت عيونها باستغراب: تستهبلين! عاليه: هههههههه خلني استهبل شو وراي ساره: انزين قومي خلنا نروح محمد حشرني عاليه: يلا يا حرم محمد قاموا وشلوا أغراضهم ... في السياره ساره بخوف: عاليه ممكن تخلين التلفون من ايدج! عاليه بعصبيه: تعرفين هالتافهه شو مطرش لي ساره بذهول من عصبية ساره حتى ما سألتها من التافهه: شو مطرش؟ عاليه: مطرش لي مسج ان هو وفر علي موضوع اني ادور وظيفه وان الأسبوع الياي اروح اقابل شخص في قطاع التخطيط! هذا عباله يوم سكت عنه هذاك اليوم أني موافقه ترا مصخها وايد وصلت ساره بيتها، ووصلت البيت بس ما نزلت من السيارة، طلعت تلفونها رداً على المسج اللي وصلها منه كتبت له "ما أظن طلبت وظيفه منك!" وصلها الرد منه "شكلج نسيتي شو استوى يوم السبت" ردت عليه "ما أذكر أني شكيت لك من وظيفتي وقلت أبا بديل حقها!! " سيف"بس أمج شكت من وظيفتج" "أنت قلتها (أمي) يعني ما يخصك، أنا وأمي كيفنا" " لا يخصني ومب كيفج" طنشته ما ردت عليه وفي خاطرها تقول أصلا ما اعرف ليش آخذ وأعطي وياه وصلها مسج مره ثانيه" بتمين وايد قاعده في السياره؟" لفت ما حصلت سياره غيرها موجوده، وسيارة سعيد والبيت، عيل هذا شدراه! شلت شنطتها ونزلت، ودخلت البيت ما سمعت صوت حد! رفعت تلفونها أدق على أمها تسألها: ألو ماما أنتو وين؟ ... في المجلس! ... أوك يايه راحت المجلس عدلت شيلتها احتياط يمكن حد هناك، دخلت سلمت وقعدت فهي لو تكلمت بوجوده يمكن تتلفظ عليه مب متحمله وجوده، رفعت راسها حست حد يطالعها لقته هو رفعت إحدى حواحبها بمعنى "نعم؟" مريم: عاليه في موضوع مهم أبا أكلمج فيه عاليه: شو مستوي؟ مريم: ..... 
 
|
|
01-05-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
يسعد لي رووووحك
ما أجملك وما أجمل ماشاااهدنا سعدت بمصااافحتك هوووووون يعطيك العااافيه شاكره لك
|
|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
