الله يحييك معنآ هـنـا


 
العودة   منتديات قصايد ليل > ..✿【 قصــــــايـــد ليـــــــل 】✿.. > …»●[دواويــن الشعــراء والشاعرات المقرؤهـ المسموعهــ]●«…
 

…»●[دواويــن الشعــراء والشاعرات المقرؤهـ المسموعهــ]●«… { .. كل ماهو جديد للشعراء والشاعرات من مقروء و مسموع وتمنع الردود .. }

إنشاء موضوع جديد  إضافة رد
 
أدوات الموضوع انواع عرض الموضوع
#1  
قديم 05-27-2010
Saudi Arabia     Female
SMS ~ [ + ]
ماعلموك ؟
إنه في غيابك
يلف دنياي السكون وفي وجودك
تضحك احزاني وتهون..
لوني المفضل Aliceblue
 عضويتي » 68
 جيت فيذا » Jan 2009
 آخر حضور » منذ ساعة واحدة (08:41 PM)
آبدآعاتي » 658,048
الاعجابات المتلقاة » 930
الاعجابات المُرسلة » 349
 حاليآ في » بين قصــائــدهـ
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الاسلامي
آلعمر  » 27سنه
الحآلة آلآجتمآعية  » مرتبط
 التقييم » نظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond reputeنظرة الحب has a reputation beyond repute
مشروبك   7up
قناتك abudhabi
اشجع naser
مَزآجِي  »  استغفر الله
بيانات اضافيه [ + ]
افتراضي قصايد الدكتور الشاعر صالح الشادي



في دنيته ..
لاهي
ولاهوب يمّها.

مبلوش بهموم السنين ..
ومختنق في غمّها.

والليل من حوله سراديب وحكايا عابسه ..
والناس فوق اليابسه ..
متواصلين بلا وصول ..
وغارقين بظلمها .

واهمها محبوبته ..
لو درت عن قصته واهمها .



تقول له مرتاح ..؟
يقول إيه ..
دامك معي أكيد أنا مرتاح ..!

مرتاح لك ياللي أحب ..
وخاطري مرتاح ..!



ويسْعل ..
وينفث ما تبقى بالحنايا من سُحب..
وإن أمطرت غنّى تعب..
وان مدّت النظره عليه ..
يمرر البسمه غصب .

وإن زارت العبره جفونه زمّها ..
ثم إنكسر ..
كأن شيٍ طاح..!؟


وإن صادته بعيونها..
قام انحنى -
وقال إتركيني لحظتين..
أدوّر المفتاح.


وإن راح ..
فاح الشعر كله وأزهر التفاح ..!

شاعر ولا عُمره لقى ..
مسكون غُربه وأصدقا
وقته سِفين من شِقا ..
ومِشاعِره مَلاّح .

1990



(نشر لأول مرة )











الأخيرة

شيخة الحور وقمرهن
بيضهن واحلى سمرهن
واجمل اجمل من عرفت من العذارى
واكمل اكمل من مشت بين العذارى
والمحال الممكن والصعب والسهل
البعيد اللي وصل
وشهقة الشعر وزفيره
والاخيره
*****
ريحيني من ابو زيد الهلالي
والملوح قيس
اقلبي التاريخ في عيوني تعالي
واشرقي بلقيس .
وامنحيني في الشهر حصة غرام
درسيني في مجازات الكلام
علميني الفرق
بين المبتدا.. وبين الختام
عافوا الطلاب جهلي ، وفكري المسكون حيره
وعفت انا التدريس والحصة الاخيره .
*****
كل مهنة غير حبك يابعد عمري سخيفة
اتركيني فيك اهيّم
واتركي نبضي بكيفه .
رزقتي شوفة عيونك
والهيام اروع وظيفة !!
لاتلفيني بسكوت، ولاتذليني بصمتك
غردي يا لعنبوها خفقة ماصهللت لك
انحرى رقاب الاماني والظنون
صبّحي عيد الجنون ..
وفجري بين العواذل حسرة تعمي العيون .
خبريهم من تكوني ..خبريهم من اكون
ولاتهابين السيوف اللي من الغيره مغيره
دام باقي للامل فرصة اخيرة>
*****
كنك المنوة هملتي
في مرابيع ٍ خلية.
بك تجدد روضي الذابل ، وشال السامرية
ان طلبتك حلم صرتي ..
وان بغيتك واقعية.
بالصحاري ريم عفرا
وبالشواطي ساحليه .
عشتك بكل الحضاره ،وكل ذيك الجاهليه
في ليالي الصخب كنتي، وباليالي الشاعرية .
يابنيه.. يافضا العاشق وطيره
مانسيتك واذكر القصة الاخيره
*****
ازعلي مااقول حدّك
سافري في كل وقت لديرة عنادك وصدك
مزقيني
انزفيني
عاتبيني من يحدك??
اه يازين العتب لامن تحدر فوق خدك !!
واه ياحلو الرضى عقب اشتعالك وشّدك
لولا لحظات التغلي ، والتظلم ، والظليمه
ماعرفتك باالتجلي ولاغدى للانس قيمة
ولولا ذلك يالظما ذيك الظهيرة ..
ماعرفنا قدرها .. القطرة الأخيرة .
*****
في مساحاتك يضيع الهم يرتاع برحَبها
كنه جبال الجليد، وكنك الشمس ولهبها
تزرعي شكواي ،واطلع غنوة يصدح طربها
تمنحي ظلماي صافي نورك الاسنى والابهى
تأخذيني طفلك المطلي شقاوه
تغسليني بالدموع وتمسحيني بالتلاوه
وتبهجي حزن السريره
وابتسم لك .. وأعزف الآه الأخيرة .
******
اعذريني لو بخلت احيان واحيان بكلامي
لهفتي لك ياغرامي دوم تسرقني كلامي
ومسمعي من ثرثرة شوقي يغار
ومن لساني لاتغزل بك يغار
وداخلي ديره وشيبان ٍقدامى
ودهم بالاختصار ..!
والحكي ريح ومراكب لليتامى
ولا على ارضي بحار ..!
والمعاني لص بين الناس بارع
والحرس في كل شارع
وابتهالتي كثيرة
ارتجلها .. بس في اللحظة الاخيرة
*****
من شمال اقبلت اسابق في طموحي
احسب الدنيا طموحي
احسب القصوى طموحي
لين جيتي وابتدا فعلاً طموحي .
انغرستي بين مااشوفه وشوفي
وبين رغباتي وعزوفي
وبين جثماني وروحي .
كنك بصوتي الحروف الابجدية
والملامح والهوية
والتعابير الصغيرة و العشيره
صدقيني ..
انتي اول من عشقت من النسا وانتي الاخيرة
******
كل انثى غيرك بعيني سراب
وكل منفى غيرك إجحاف وعذاب
وكل حب غير حبك سفسطة
وكل درب غير دربك مرمطة
وكل طير ماشدى باسمك كذوب
وكل فجر مااشرق برسمك شحوب
وكل شاعر ماقصد لاجلك لعوب
وكل عين ماقرت حسنك ضريره
سيرتك اغلى كتاب ..
وبيدي الطبعة الاخيرة
******
صورتك، في كل صبح لي جريده
وهجها اسرار واشعار ونشيده
ورحلة فوق السحاب
وسلة ورود جديدة .
ياملاك جاوز ادراك البشر
من سقى الضي القمر
ومن عطى اللحن الوتر
ومن ملا وحشة حياتي
وعطر انفاس الزهر؟
ومن نثر فيني فصوله
ولمني بين الطفوله والرجولة غير طيفك
لادنت حزّة وصوله .. بالمواعيد الأخيرة .
*******
ماعرفت اني ظلالك قبل اعْرفك
مابقت فيني خليه ماتعرفك
ابتهاجاتي تعرفك
انفعالاتي تعرفك
انكساراتي وذاتي واتجاهاتي تعرفك .
ساعتي ..عطري ..مفاتيحي.. وحاجاتي تعرفك
وكل من كان وعرفت، وصار يعرفني يعرفك
ومن سمع عني قصيده لو قصيره
ومن سمع اول قصيده
ومن سمع هذي الاخيره
******
طال عمرك أو قصر .. ماهمني
مادمت أنا عمرك
مادمت أنا أمرك
مادام قلبي لك مكان ..
مادام نبضي لك زمان ..
مادام شعري جلستك .. ودلالك .. وتمرك ..
ومادمتي في عرشي الأميرة ..
كل عام وانتي بخير
وكل عام وانتي الاخيرة.

1994سبتمبر








1)

من أرض الملح واللولو

على موجة شعر جتني

وأنا فزيت أهلّي .

هلا بالملح واللولو

شياطين الشعر جتني

وتصافق بي محلي .



وقووووووف ..

أيها الشعر العمودي النحيف !

وقوف ..

ياتفاعيلي .. أنا كلي تجلي .

(قد أتت ..

كالضوء في ديجور أعمى ..)

ياضمير الحزن مهما غاب عنك الفجر ..

أعَرفه .. مايخلي !

والتخلي مو عوايدها ..

هلا برنة قلايدها

على لحن (التغلي ) .




(2)

على رغم التعب فيني بهاللحظة ...

وعلى رغم الغضب ، مسرور ...!

(فلتُحرق الغابة ..)

أناعندي مساحة طفل ، مسترخي مع ألعابه ..

وطافي من زمان النور .

لذيذ هذا الإنبعاث ..

ولذيذ ياذا الذعر من حيرة هواجسها ..

ومن ذاك الشعور ..

قل يا الصباح ...

وش غرد العصفور .. ؟

وش ماغرد العصفور

تغريدك هو الأحلى ...

هلا وسهلا .. على رغم الجفا والجور .

هلا باللي ترد ولا تولي ..

والتخلي مو عوايدها .

هلا برنة قلايدها ..

على لحن التغلي .



(3)

تحياتي ..

على آخر هنوف تكتب الشعر /الصهيل .

ضوا القنديل من ساعة ...

وأنا من أربع وعشرين شهر ، وخمسة أيام بلا قنديل .

هناك .. أوجاع ممطورة ظما ..

هناك أرض وسما .. ولا ناس !

قولي وإصدحي : يا ناس ...

يمكن يجفل الحراس ...

ويطلع سيل .

هناك حجار ...

ممكن لو رصفناها نسوي دار ..

ونسرج للأماني خيل ! ..

هجوع الخلق يا(قمرة) حياتي ..

والتعب مسحوب من (صنعا ) إلى ارض (الدردنيل ) .

وش اللي تحمل أوراقك من (البلسم) .. ؟

كفاية مانبي نحلم ...

كفاية مانبي تمثيل ..

كفاية ماحصل فيهم ...

كفاية ماحصلي من تخلي !

والتخلي موعوايدها ...

هلا برنة قلايدها ...

على لحن التغلي ..



صالح الشادي

2004





















(زمن)

يا هلا في يوم (ستة)..
في شهر (ستة) وعام ألفين و(ستة)..

وياهلا، يا آخر العنقود جيتي يا (زمن )..
يا هلا بأخت (الوطن )..
وأعذب إحساس غرسته.

(*)

طلتك والفجر (نور )..
و(رحمة) تملا مداهيلي سلام

طلتك، مسك الحبور..
وغايتي يا طربة العمر و(مرام).

إحتفلت بشوفتك يا شهد روحي
وكل ما فيني سجد لله شكرا..
يا(زمن ) أهلا وسهلاً..
طبتي، وطاب المقام .

(*)

لك عصافير الحشا سرب يتغنى..
والمعنى، يا سواد عيون (بابا)
ما كأنه قبل ميلادك تعنى ! .

إضحكي..
وغصن الحياة الأخضر المياس خليه يْتثنى .

وإشرقي،
وكوني مكان الشمس ما دمتي زمنا.

ذكرينا في براءتنا ، وفينا -
يوم كان احساسنا يلعب علينا..
(ذات صبح ) في وطنا.

عمان 6/6/2006م .

















( لا تـحـزنـي )


لا تحزني .. ؟
هذا أنا من أول أيامي كذا ..
الواحد بزحمة مدن .. !

ماهي بقلة ناس ..
لكن قلة إحساس
وضياق أنفاس وحكاية شجن .

لا تحزني ..
مثلي كثير العايشين بروحهم
وأجسادهم ..
في ذمة الله والنحول مهدهده ..
تقرا تراتيل الكفن ! .

الله ، لو شفتي مداين خاطري ..
وأنوارها ، وأخبارها ،
وذاك السكن ..!

الله لو شفتي الوطن ..
إللي تخيرته أخير.. بعد ما عز الوطن !
ما كان صابتني العيون ..
ولا كان صابك ذا الحزن.


لا تحزني …
أنا سعيد بها النوى وأيامه الصعبه
أنا هنا لا زيف يزعجني ولا كذبه !

بين الطيور اللي تغرد والنشيد ..
أنا سعيد !

أضحك ورا كوم الجليد الهش والغربة.

مالي ومال الهامش المبني من إسمنت وحديد
مالي ومال الغارقين بشبر خوف..
ولا بهم حي يشوف ..
إلا ضرير ميّت قلبه ؟!

أضحك على ذكرى جهل ..
وذكرى هَبل ..
وذكرى رجاجيل ودجل..
وما يشبه الصحبه !

وأضحك على أوهام مضت ..
وقصة قضت ..
كانت على راي (الشِعر) يا كذبتي كذبه .

لا تحزني..
خليني أضحك وانتشي.. في سكرة الغربة .


















ياغزل .

(1)
وش آتغزل ياغزل .. !
طاحت سواليفي على حظنك ..
وجفني طاح ..
وإسترخَى كسل .

وش آتغزل ياعسل ..
و(الشهد) نحل الشوق من حُسنك جنَاه ..!
ومن رحيقك..
سافر العطر ورحل .


وش آتغزل والزعل -
إليا زعلتي ،
يستعر فيني زغاريد وطفولة ..!
تزعلي ..
وآموت في (هيك ) مهبولة ..!
يعني مقبولة
ومقبولة
ومقبولة
ولا فيها .. جدل .

(2)

صمتك.. أنا أدري وش وراه ! .
مليون آه ..محاصره في آهتين .
آه .. لعيون الحبيب -
وآه .. من سطوة هواه .




هو صحيح يحبني ..؟!
هذا الجنون اللي على ها لارض يمشي ؟!
أو يساير عقلي الغايب ..
ويلعب من وراه ؟

ياترى .. كم ألف أنثى ذاقته قبلي قصيده ..؟
وكم قصيدة حب فيني صاغها..
وهو (صحيح ) و( جد ) يعنيني ؟
ويعني ماحكاه ! ؟

ياترى ..الطير هذا..
يخونني كل يوم ..؟
ولا.. كل شهر مرة.. ؟!
والله ، لو مرّة وقع بيدي بلحظة (ملعنة ) –
إني لأخرب هالسنة وألعن أبو جد الحياة ؟


يخونني ..؟!
مو على كيفه يخون .
أنا - وإذا فكر بغيري ، أفضحه..!!
أو أجرحه ..
أو أذبحه ..
طيري ، وأنا حُرة بطيري .. ولا أبي غيري معاه ؟!.

(3)
ياهوه .. ياذا الفاتك المزّا ح -
زحزحتني عن ثقل أبوي آدم ،غصِب ..
وأشغلتني ( حسبي عليك ) بحفلة التفاح .
قل : ماتبي ترتاح ؟

قلي : متى تهدا الظنون العاصفة ..؟
ومتى تصدق إن عشقي إنت وأصل السالفة .. ؟
وإنك إذا قررت مرة تحتويني ..
ممكن انك تحتويني ..
وتنفرد بالباب والمفتاح !! .
قل : ماتبي ترتاح ؟

إهدا ، أباشعل فيك صمتي .
أُطرد الوسواس ..وسوس بي ..!
وعشني ،
وروق من عصف الرياح .
وقل : ما تبي ترتاح ؟

إرتاح ياقلبي..
كفاك اللي جرالك من زمان فات ..!
خذني وبلا هذا الشتا ت .
خذني، وحن ياقلبي على روحك..
وريّح هالجناح..!
وإطفيّ المصباح .



 توقيع : نظرة الحب



رد مع اقتباس
قديم 06-14-2010   #2


الصورة الرمزية ليتني طفلة

 عضويتي » 309
 جيت فيذا » May 2009
 آخر حضور » 06-30-2010 (03:03 AM)
آبدآعاتي » 13,337
الاعجابات المتلقاة » 0
الاعجابات المُرسلة » 0
 حاليآ في »
دولتي الحبيبه » دولتي الحبيبه
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » ليتني طفلة will become famous soon enoughليتني طفلة will become famous soon enough
نظآم آلتشغيل  »
مشروبك
قناتك
اشجع
مَزآجِي  »

اصدار الفوتوشوب : My Camera:

افتراضي



تسلمين غلااااي


 توقيع : ليتني طفلة

الله يرحمك ويسكنك فسيح جناته


رد مع اقتباس
قديم 11-13-2011   #3


الصورة الرمزية جنــــون

 عضويتي » 752
 جيت فيذا » Feb 2010
 آخر حضور » منذ 2 ساعات (07:52 PM)
آبدآعاتي » 3,247,044
الاعجابات المتلقاة » 7365
الاعجابات المُرسلة » 3669
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
نظآم آلتشغيل  » Windows 2000
مشروبك   star-box
قناتك mbc
اشجع ithad
مَزآجِي  »  رايقه

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ѕмѕ ~
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
мч ммѕ ~
MMS ~

ديوان شاعر الحب/ صالح الشادي‎



ديوان الشاعر
صالح الشادي
الملقب بشاعر الحب



ما يهمك

ما يهمك ؟

ومن متى كانت سواليفي تهمك ؟

ومن متى كانت عباراتي تهمك ..

ومن متى كان الشعر ولا انا حتى انا اهمك

اكتشفت اليوم اني كنت ماضي

كنت شاعر يحترق يملا حياة انسان فاضي

واكتشفت ان الهوى ماهو بدمك

كان شي من الوهم كان افتراضي

يعني في تعبير سطحي

كان سطحي

كان ممكن ينتهي ..

او ما يهمك ؟

كان .. يعني العرش ما عاد بمحله

يعني دور لك مكان

يعني كل اللي حصل غلطة زمان

يعني شفلك تاج غير وصولجان

يعني مالك حق تشكي

يعني مالك حق تبكي

يعني غيب بهالعجاج ولا تبان

كان وعند الناس يعني كان

يعني موجود له ابعاد وحقيقه

له كيان

يعني نيران وغضب ريح حريقة

غضب وعنفوان

وعندك انتي كان

كلمه من بعض ما قال فمك

يعني من ذاك الكلام

اللي يعدي بسلام

لا يهمك عندك انتي والله اني ما ضعفت

بس عندي الحب من طبعي ضعيف

حبي ياللي فيه من قلب اعترفت وغيره

اوهام تخاف ولا تخيف

لا تقولي يا لطيف

شاعرك لو جاع يخبز من الم جوعه رغيف

شاعرك لو شاف ضيف يصير عند الضيف ضيف

شاعرك وبل ورفيف

شاعرك من وين ما رحتي وليف

شاعرك من وين ما جيتي وليف

شاعرك حريف

اقصد انه لا نوى الصعبه كسرها

واقصد ان قذيلتك يعرف شعرها

لمها ياما

ولو يبغى يلمك

بعد هذا ما يهمك ؟

استويتي وصار لك عنقود ؟

يغري الارض ويفجر ضماها

استويتي وصرتي اشهى من عروق الذكريات

ومن صباها

استويتي ؟

بس من ويت ارتويتي ؟

من سقى روحك حياه ورعاها

من وصل فيك النجوم وتباها

من هذاك اللي على صدره غفيتي

من يكون ؟

الله واكبر !!

كيف عنه ما دريتي

استويتي وبان لي وجه الحصاد

ااه يا وجه الحصاد

ااه يا ذاك الشحوب اللي تلاطم بالسواد

ااه يا ذيك الخدود اللي يصفعها الرماد

ما وفت

او ما وفيتي

ما يهمني

ومن يقول ان الوفى همي

ارحلي ماني بيمك

ارحلي كانك تبين .. لا يهمك

من متى كانت سواليفي تهمك

ومن متى كانت عباراتي تهمك ..

ومن متى كان الشعر ولا انا حتى انا اهمك




موجز النشرة

قلت بعد اذنك بتابع موجز النشرة
..كوكب الأرض بخطر والغافلين كثار
المدى من كل صوب حروب مستعرة
والمشاعر صاخبة بين الغضب والثار
امنحيني نصف ساعة صمت ياالمُهرة
نصف ساعة أو أقل ، أباسمع الأخبار !
بي وجع ماهو طبيعي بي تعب ، خدرّة
منتهي مانيب يمّ الطار والمزمار
قالت إنسى قلت لا ، أنا ولد حُرّة
ماخلقني خالق الكون العظيم (حمار)
ولو نسيت يفور دم محمّد الدُرّة
في وريدي ، وأشتعل وآصير له تذكار
صعب أصم اذني وأغض البال والنظره
النبي وصّى على الأقصى وسابع جار
قالت إقسى ، قلت كم حاولت من مرّة
وكل مرّة كنت ألين أكثر وأصير أشعار!
وش أسوي ولا بكفي غير هالزفرة
أنغبن، وآصير زفرة شجب وإستنكار
يوووه لو تدرين كم فيني من الحسرة
العيون تشوف ، لكن اليدين قصار !
كل ما كبر منادي طاحت العبرة
وكل ماكبر ضميرى قلت ياستار
إستشاطت بنت قلبي وغصّت النبرة
..وانطفت ، وأدرى تغار ولو عليْ غبار!!
قالت اختر بين قربي وبين هالنشرة
قلت ودي بالخبر،، أما البنات كثار !



شاعره

شاعره و الليل شاعر
و السهر غيمة مشاعر
و العيون عيون غيدا
ساحره و الليل ساحر
جونا صافي و دافي
و الوعد وافي و خافي
ترقص النار بلقانا
و تضحك حروف القوافي
يا حبيبه علميني
كيف أجن و جننيني
كيف أكون بدون كون
و كيف أزل و تعذريني
من عرفت الحب أغني
ألهوى فنه فتني
مفرداتي في غرامك
ياغرامي شعللني





علاقة عابرة

(1)
علاقة عابرة ..

وفتاة مكابرة ، ورجّال سهل !

وأنا ياابوجهل مليت .. من هذا الجهل !

ياليت ترحمني وتقلب وجهك الطيني ..

وتاريخ الهزل .

الروح من دنس طهارتها ، دنس ..

ثم إنكنس من سكة الصدق ، وعلى راسه نزل !

والدمع لامنّه نزل وأمسى على خد التراب ..

أصبح وحل !

مسكين ياالغافي بحضيرة عشق مافيها نخل .

ومسكين ياللي تلمس الوردة بأحاسيس النحل

ومسكين ياللي عايش ليومك ..

ولا به من يلومك ..

ولا عندك أمل !

الذل إنك تترك التاج الرفيع ..

وتلعق غبار النعل !

والذل إنك ماتشوف من الشموخ إلا الحضيض أوالسهل ..

والذل إنك ماتكون إلا (فحل ).

علاقة عابرة ..وفتاة مكابرة .. ورجّال سهل .

(2)

ياقليلين الشعور ..

تعلموا حب الزهور

تعلموا عشق الزهور

ولا تقطفوا هذا الرجا الموصول مابين المعاني والعطور!

النور لو نطفيه بإيدينا عمينا ..

وأرهبتنا دورنا ببرودها ، وفي وحشة الديجور .

والحور ..

هذا الباسق المغرور ..

دلوع الشجر ..

لو نقطع غصونه يشين .. ولا يسُر ..

ولو تمايل من طرب أومن عجب و سرور !

والتينة اللي عاث فيها الطير ..

غير التينة اللي ماوصلها غيرك إنت من الطيور !

والنفس فيها عزة لوتنتهي ..

أشرف لنا من هالحياة ، القاصيات من القبور .

ومن تاب تاب الله عليه ..

ومن غفل .. مايشبه الا الثور !

وطبيعة الدنيا تدور ..

وكلنا بالدور ! ولا فيها زعل .

الحب ماهوب العسل ..

والحب ماهو موعد وليلة دجل.

الحب انسان نبيل

يحلم ولا عمره وصل .

ماهو علاقة عابرة ..وإلا فتاة مكابرة .. ولا هو برجّال سهل ! .

(3)

يامبعدة ..

ومعربدة فيني ، خيال وطيف ‍

أنا جار الضحى والضي

وقلبي حي ..

ما له بالعتم والحيف !

وربي ماخلقني مثل زي وزي

غيمة ، أو سحابة صيف .

أحب إنك تكونيني ..

وأكونك شي ..

ماله وصف أو تعريف !

إذا زاد الجفاف الميْ

وإذا زاد الخلاف السيف !

وبلا هالظن في ربعي‍

وبلا هالطعن في طبعي

وبلا تخريف .

أحبك إيه أحبك إيه أحبك

ولو تقولي خان ..

أنا عازف عن القطعان وأهل الزيف!

ولكن لا وصلني ضيف ..

أبكرم من وصل ؟

حتى ولو ماله سوى عيني محل ..

ولو كنت ما املك من حطام العالمين إلا الغزل ..

بأسقيه نبعة من غزل

ماهي علاقة عابرة .. ولاهي فتاة مكابرة .. ولاني برجال سهل



غبي

غبي ..؟؟

أنا فعلا غبي !!

لوصرت مثلك ، من عباد الطين !!

هميّ ، هالبراقع والعبي ! .

أو كنت مثلك للجسد خادم

وللشهوة صبي !!

ياشيخ : حِل ْ .. أغرب عن عيوني وخل الشِعر لأهله ..

والقداسة للنبي !! .

ياشيخ : دوّر لك على فاضي

يقاسمْك الأراضي المجدبة ..

و البندقية والظبي !!

ياشيخ : ماني صاحبك ..

ولا تحسب إنك صاحبي ؟!

مشْربْك لو هو ياسلااااااام ..!!

حرام ، ماهو مشربي ! .

ومذهبْك في شرع الهوى متعاكسٍ مع مذهبي ! .

إنتَ .. من أتباع اللئام ..

وأنا من أتباع (إبراهيم المرحبي !!)





أفهمك

أفهمك .. وش فيك شايفني غبيّة ؟!

أو تشوف إني مثل بعض النسا عقلي شوية ؟!

لا تحاول تستفز انوثتي

ماآلين وإن لآن الحشى لك أو خضع غصبٍ عليه

ماآلين غير إن شفت دمعك

يركع ويسجد على شباك قلبي

اوعلى عسجد يِدََيه !

أفهمك .. فنان يطربك الخجل

لا شفت فجره في الخدود المستحيه .

و أفهمك .. ياالصايع المغتّر بأمجاد الغزل ..

ياأبو الغزل والنرجسية !

وأفهمك عذب النبا على السجيّة

كن روحك .. مزنة تسقي عروق المهمهية !!

مرتكي فوق السحاب

وبارد الأعصاب لكن .. فيك نار الجاذبية .

وش تبي .. كلمة أحبك ؟؟

ما أحبك

بس أموت بكل صوت تغرّده صبح وعشية !

وش تبي .. كلمة عشقتك ؟؟

ماعشقتك ..

لكن إحساسك فدع بي وإفترى باأحلى صبيّة !

أفهمك .. وأحتاج وقت أستانسك وأثقل عليك ..

قبل ما تثقل عليّ .

أفهمك ماني غبية ..!!

قلت أدري .. بس ما شاالله ذكية !!




البلد

البلد ..

يا كثر ما فيها أحزان ..

والسهر سلوة حيارى ..

والعذاب إنسان ..

إشرقي من عتمة الظلما وكوني

صبح يرتاح بعيوني

وشمس ريانه حنان

علميني أبجديات الهروب

من الغروب ولحظة الفقدان .

آه .. .. ..

يا صعب هذا الزمان !

…………

وين أولِّي ..؟

ما بقى لي غير وجهك

جيت ألوذ بنور وجهك

من عبوس أهل الزمان..!

جيت أقول إني تعبت من السفر

بين الصور !

وإني ضجرت من الضجر

ومعانق الجدران ..

وجيت أقول إني هزمني البرد

وإن الوجد كايد ، والأمل خوّان!

وجيت أقدم لك قصايد ورد لكن

نصفها حزنه يفوح ..

ونصفها ذبلان ..!

جيت ابنسى .. .. صدقيني ما بقى

فيني جلد ..

ومحد من الهم خالي ..

وكل خالي ما خلا من ها النكد !

والبلد/ يا كثر ما فيها من أحزان

اقصري صوت (المسجِّل) ..

سكتيه اللي قضى عمره يدّجل

ضحكتك ..!

ياني شغوف لجلجلتها ..جلجليها ..

واتركي الدنيا تجلل

واعزمي الفرحة

وخليها تعجّل بالوصول !

الأغاني كذبة إنسان يعاني

وشيء ثاني

لا تظنيها مواني

ولا تعديها ولا ربع الحلول !

والطرب ، أنتي طرب كلك

دخيلك موّجي ظلك

وقولي كيف أفلك ..

وإن جمعتك .. علميني وش أقول ؟

تلمذيني ..

لعنة (الأستاذ ) من حولي طفت ضوّي ..

وتوّي بأول فصول التأمل والذهول !

والخطاوي في حذر ،

تنسل بي وسط اندهاشي

والعقل مشلول ..!

………..

يل دليل اللي غدا منه الدليل ..

إقهري ها المستحيل ..

وانفضي عن كاهلي حمل المسافة

ولا تخليني كذا مثل الذليل ..

وكان في قلبك حنان ..

طالبك/ لا تتركيني في مهب الحزن

وأوجاع الزمان

إغسليني من غثا الأيام بشوية وفا

ودوّري لي في ظروفك عن مكان

وعن أمان ..

وغيبيني في تضاريس المشاعر

في مناخات الجسد ..

لو دقايق تحسبيها ، أو ثواني بالعدد

وبعدها ما أبي أحد ..

غيرك .. ولا غيرك أحبه للأبد ..

والبلد / يا كثر ما فيها من أحزان





وينك يالفرج

يوم ضاقت ..


قلت وينك يالفرج ..؟

قال : جيت ..

وشفت حولك ألف صاحب ..

وخفت أسبب لك حرج !!

إرتكيت ..

بس وين اللي يشيل الحِمل وينه ..

وين ذاك اللي ذخرته للظما قطرات .. وينه ؟

وين أبو الفزعات عني ..

ما قدرت ألقاه وينه ؟

من لمحني فوق كفّ الموج .. فضّ

كسَّر ألواح الرجا بيني وبينه !!

حزّ نفسي ..

غصّ في حلقي .. ورضّ

كل ضلعٍ لي معاه .. وغضّ عينه !!

يحسب إني مِتّ همّ ..

ولا درى إني حيّ لكن ..

مِتّ من خنقة يدينه !!

يالفرج ..

صاحبي ما شفت زوله ..

من فقدته فيوم شِدَّه ..

بس لو جاني على قلعة عيوني ..

حالف إني ما أردَّه ..

والمودَّه يالفرج .. هيِّ المودَّه ..

صاحبي .. مالي بصدَّه ..

صاحبي .. روحي عرينه ..

ولو نصاني والنواصي عشب قبري ..

والله إني غصب لآحيا .. ثم أعينه !!

إرتكيت ..

وطحت ..

والجلمود .. ناخ .

آه يا كذب الليالي البيض ..

آه يا ظلم السباخ ..

من مشاها ولا وراه زنود تبري الكبد .. داخ .

يا كثر ما خيِّبتّ .. ظنّ اللبيب ..

ويا كثر ما غيِّبتّ .. وجهٍ قريب ..

ويا كثر ما شاف منها ..

صافي النيَّه .. وشاخ .

إرتكيت ..

و أثر ظِلِّي ما يمون ..

و أثرني كومة طعون ..

من غلاة أصحابها ..

ما قدرت أقول : آآآآخ .

لي مبادي ..

وصاحبي .. لوجار منه الجور .. عادي

وصاحبي .. لو هو قتل ذكراي .. عادي

وصاحبي .. لو هو بِخل بِرضاي .. عادي

وصاحبي ..

يبقى العزيز الناصع اللي له ودادي

ودام أنا ستره وثوبه ..

صاحبي .. ما أقول : عنه أبداً ، وتوبه ..

يا هلا به ..

وبعيوبه ..

وبذنوبه ..

يا هلا .

إن وصلني .. ياهلا .

وإن قطعني .. يا هلا .

صاحبي وإلا فلا .

والغلا نعمة كريم ..

وساقها لكلّ الملا .

ويالفرج .. حاول تحبّ .

دام لآهل الأرض ربّ .

ولو تشوف .. أصحاب واجد حول قلبي ..

لا تعاندّ .

السواعدّ من سراب !

والحصايدّ من يَباب !

والشِعرّ .. كذَّاب !

خلّ فِتَّال الشوارب .. عن يمينك ..

ولا تخاف من الحرج .. لو قيل وينك ؟

كلّهم مثلي تراهم .. باالنهاية ..

طالبينك .. طالبينك

طالبينك .. يالفرج !!

ويوم ضاقت ..

قلت وينك يالفرج ؟

قال : جيت ..

وشفت حولك ألف صاحب ..

وخفت أسبب لك حرج .



الشيب

الشيب
هذا الضيف الأغبر زارني!.

والضيف له حقه وله تقدير..

وأنا على ما شفتني يا طير..

مثلك أفزّ من الصدى..

احتاج مثلك للمدى..

للبوح..للتعبير...

خذني أبي أتنفس..

خذني ما دام إن المسا عسعس!..

والدااااار صااارت غير!!

يا طير يا رفراف..

خذني ورى الأطراف..

خذني ، وأنا المسؤول عني.. ولا تخاف!

الحزن من ربعي!!

وعشقي من عرفته ما تغيِّر..

في الصبايا ...وللرغيف لحاف..

يا طير يا رفراف...خذني ورى الأطراف..!!

خذني وب أحكي بـ صمت ..

للشيح...للقيصوم...للعزّاف..

عن قصة غياب المطر...

وعن طعم هالدنيا بدون أنصاف..!!

الشيب..

من جيت أنزعه..

قالوا مردّك للبياض..

وكل شعره بـ أربعة..!!

قلت أربعة!

قالوا كثر جهلك ولا لك اعتراض..

والحقيقة موجهة..

آآآه ياااا هي موجعة!!

إنّك تخون الشمس..والبرد يسريبك!!

آآآآآه يااااااهي موجعة!!

إنك تشوف مرايتك تفرح بتعذيبك..

ي أنت يا طيبك..

أشغلت نفسك في سراب من البشر..

غابوا..

ودورت العذر لغيابهم..!!

وفي غيبتك ما دوروا إلا عذاريبك..

تعوذ من إبليس ومن هالناس ومن طيبك..

ي أنت يا طيبك!

لو لاح لك وجهٍ من الماضي ..

تشجع وأصفعه..أو أمنعه..

ما ينفعك مثلك غبي..ولا تنفعه..!!

الشيب لو زارك ،وقارك فيه..

حييه..ثم حييه..ثم حييه..

الشيب مثل أحلى القصايد..

روعته في مطلعه!!..

طفلة وطاحت من زحام..

قالت : سلام!

قلت: السلام نام ..وخليني أنام!

من بعد نوّار العمر وش فايدة كثر الكلام!!

قالت سواليفك عسل..

زدني غزل ..زدني غزل..

ومن يطلب الجنة من أمثالك وصل!!

يا شاعري قم ..واسقني نخب الغرام..

قلت : السلام نام ،، وخليني أنام!

قالت : ولا قلّ الغلا..

أبيك أنا ..وإن قلت لا.!!

ولك ما تبيه من الولا ومن الحلا..

ولا لي بديلك في الملا..ولا لي مقام..!!

قلت : الهوى عند الخفوق إذا استوى

جهل وحرام!!

والشيبتين آخر مشاوير الصبا..

وأول مشاوير الصيام..!!

ولا على شايب ملام !!

قالت : سلام ..

قلت : السلام..

ويا الله عسى حسن الختام




يتبع


 توقيع : جنــــون


مواضيع : جنــــون



رد مع اقتباس
قديم 11-13-2011   #4


الصورة الرمزية جنــــون

 عضويتي » 752
 جيت فيذا » Feb 2010
 آخر حضور » منذ 2 ساعات (07:52 PM)
آبدآعاتي » 3,247,044
الاعجابات المتلقاة » 7365
الاعجابات المُرسلة » 3669
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
نظآم آلتشغيل  » Windows 2000
مشروبك   star-box
قناتك mbc
اشجع ithad
مَزآجِي  »  رايقه

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ѕмѕ ~
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
мч ммѕ ~
MMS ~

افتراضي



دقايق صمت

دقايق صمت إن أمكن

أبـ أحكيلك عن المنجن

عن الغريد في دوح الطرب والفن

عن الإنسان والاحيان والممكن

أنا جيت لسواحل طرفك الساهي

مع أشباهي

من حدود الوطن من حدنا القاصي مع الأردن

أبـ أتعلم لغات العالم الرابع

أبـ أعرف سر ذاك المعجز السابع

أبـ أشرب كاسة الشاهي

وأبـ أقرا حسنك الباهي

أبـ أسمع وش يقول الموج بعيونك وأب أتمعن

يمكن

يمكن أتمدن

وأصير المختلف جدا

معي مسباح فضه من ثمنك أثمن

ألوح فيه قدامك

ومعي شاعر غريب وطيب المعدن

وثوب أطهر من أحلامك

ومعي ريح تشيل أهلي ونفح الشيح والسوسن

ومعي أيضا خيال أيسر وفكر أيمن

وبال بالهوى سالي

وقصيد يفضح هبالي

وقلب أميله يمك

مثل ماأميل عقالي

شمالي غير كل الناس

شمالي مختلف جدا

* * *

أنا يالمترفه من قبل أعرفك وأعرف الكهرب

ضويت الليل بإحساسي وشفت الذيب والعقرب

وزرعت بمهمهات الغيد نوري وقلت لا تغرب

وعلمت الوفا وشلون لا ينسى ولا يكذب

وخاويت الطموح وقلت لا ملجا ولا مهرب

وعانقت النجوم أيام

وعاشرت السهر وأنجب

تعلمت بسنين الصبر

كيف أشرب صميل الحبر

كيف أجمع وكيف أطرح وكيف أقسم وكيف أضرب

وقلت لخاطري غني فلا غيرك لي المطرب

وقلت لناقلات الغيم ولن بالنكد ولن

وقلت لكل عين وعين حرام الدمع لا تبكن

عرفتي ليه ؟

لأني بايع الدنيا

ولأني شاري الدنيا

ولأنك عكس ه الدنيا

ولأني مختلف جدا

* * *

على تغريدة الساعه وصوت التبغ والجمره

أعسعس في عتامي لين أنفس صبحي بفكره

أشب الريح بشراع القلم الأزرق

أجدف لين يغمرني الورق وأغرق

أسافر من سخافاتي

إلى ذاتي

إلى آخر مسافاتي

وأظل الشاعر الأصدق

أظل الخاين اللي خان زيف الحب والعشره

أظل الكاين اللي كان في رحم الزمن قطره

على الفطره

على الفطره

أخوض بغابة الدخان

أهز أغصانه العذرى

أخلي للعدم عنوان

أروض للوهم مهره

وأعزم الفارس أختبره

ولا طالت مساييري

وناخت بي تعابيري

وبددني شقا التفكير

قلت أزين

لأني للشقا مدمن

و جدا مختلف جدا

* * *

علامات التعجب ليه على وجهك بدت تكثر

كأنك تسأليني عن سماري وليه أنا أسمر

وليه إن الشجر أخضر وزهره أحمر وأصفر

وليه إن البلابل في المسا ترتاح ماتسهر

وليه إن الطفل يكبر

ليه الأرض تتفجر

ليه الصدق صار أعنف من الزلزال

أو أخطر

وليه أحب أنا العالي

وليه أموت بالمرمر

بديهيات بديهيات بديهيات

لا أكثر

* * *

أنا هذا أنا

مثل الحزن وسط العزا

عادي

مثل الزغاريد البهيجه بالفرح

عادي

مثل النفاق اللي سكن كل البشر

عادي

مثل المطر

مثل ابتهالات الخزامى والزهر

عادي

مرن ثلاثين علي وكن مامرن

هذا أنا صالح

هذا أنا الشادي

ولكن ..

مختلف جدا




ولد مجنون

قالت : ولد مجنون

قلت : و عآشق(ن) مجنون

من خلقت الدنيا و مثله ماخلق بالناس مثله

رغم قسوتهم حنون]~

أسمر سقته الشمس ماها لين فوّح في مداها و أدهش الليمون

و أبيض من اوراق السحاب و من عباب الماء و من نبع العيون

روحه غمامه من سماء

بوحه ضماء

نوحه رفيف غصوون

موزون ..

لكن لاسمع صوتك تبعثر و إنهمر و إختل فيه الكون

و محزون ..

لكنك تنسيه الحزن كل ماحضن طيبك شقاه و هدهده بالهون

و مفتون ..

لكن فتنة العاشق مرآتب و من تكوني عشقة إحساسه

طبيعي لو رفع رآسه وعآشق بمرتبة مجنون

قالت : ولد مجنون

قلت : وعآشق(ن) مجنون

تدرين وش معنى مساء الخير ؟

تدرين لا طارت من شفاهك من اللي يطير ؟

عقلي يطير

و كوكبي يفتر عكس الإعتياد من الطرب و المستحيل يصير

أمنت بالله القدير

حلّ الدفى و البرد فارقني و فلّ الزمهرير

رجعت حيّ و قلت حيّ الورد الأصفر و العبير

حيّ الصباح اللي تشابك بالمساء حيّ الحرير

حيّ الحياة اللي طعمها يشبه الجنّه كثير

قولي مساء الخير ]]آورّق و آنبعث و آكون و لآتسألي وشلون

مجنون !!

ومن قولي بربك يسأل المجنون إلآ واحد(ن) مجنون !!

قالت : ولد مجنون

قلت : وعآشق(ن) مجنون

مر(ن) ثلاثين و عليه(ن) من سنيني زود

وكان العقل موجود

لكن وش جنيت من العقل و الثقل ومن الليالي السود

وش فادني صبري و مقطان الحنين اللي سرق عطري سنين و بادني وش زادني ؟

مازادني إلا جفاف إسمه رشاف المجد

و المجد زيف إن ماعركته باليدين المجد

المجد لله في سمااه و في ثراه

ماغير حُبك مجد

ياشوق مشغلني معه

ياطربتي لافزت من أقصى الضلووع آلآشرعه

انا اتوّجد وجد و ياجعل قلبك مايذوق إلارفيف الوجد

ياعذبة العنقود ’’

إشتقت للباروود و إن كان بك مثل إشتياقي فجريني بالتلاقي و إنسفيني جود

أنا إحترآقي في عيونك كل همي و غاية المقصوود

و لآهمني هرج الملا خل الملا يحكون

مجنون !!

ومن قولي بربك يسأل المجنون إلآ واحد(ن) مجنون !!

قآلت : شاعر(ن) مجنون




ياغزل


(1)

وش آتغزل ياغزل .. !

طاحت سواليفي على حظنك ..

وجفني طاح ..

وإسترخَى كسل .

وش آتغزل ياعسل ..

و(الشهد) نحل الشوق من حُسنك جنَاه ..!

ومن رحيقك..

سافر العطر ورحل .

وش آتغزل والزعل -

إليا زعلتي ،

يستعر فيني زغاريد وطفولة ..!

تزعلي ..

وآموت في (هيك ) مهبولة ..!

يعني مقبولة

ومقبولة

ومقبولة

ولا فيها .. جدل .

(2)

صمتك.. أنا أدري وش وراه ! .

مليون آه ..محاصره في آهتين .

آه .. لعيون الحبيب -

وآه .. من سطوة هواه .

هو صحيح يحبني ..؟!

هذا الجنون اللي على ها لارض يمشي ؟!

أو يساير عقلي الغايب ..

ويلعب من وراه ؟

ياترى .. كم ألف أنثى ذاقته قبلي قصيده ..؟

وكم قصيدة حب فيني صاغها..

وهو (صحيح ) و( جد ) يعنيني ؟

ويعني ماحكاه ! ؟

ياترى ..الطير هذا..

يخونني كل يوم ..؟

ولا.. كل شهر مرة.. ؟!

والله ، لو مرّة وقع بيدي بلحظة (ملعنة ) –

إني لأخرب هالسنة وألعن أبو جد الحياة ؟

يخونني ..؟!

مو على كيفه يخون .

أنا - وإذا فكر بغيري ، أفضحه..!!

أو أجرحه ..

أو أذبحه ..

طيري ، وأنا حُرة بطيري .. ولا أبي غيري معاه ؟!.

(3)

ياهوه .. ياذا الفاتك المزّاح -

زحزحتني عن ثقل أبوي آدم ،غصِب ..

وأشغلتني ( حسبي عليك ) بحفلة التفاح .

قل : ماتبي ترتاح ؟

قلي : متى تهدا الظنون العاصفة ..؟

ومتى تصدق إن عشقي إنت وأصل السالفة .. ؟

وإنك إذا قررت مرة تحتويني ..

ممكن انك تحتويني ..

وتنفرد بالباب والمفتاح !! .

قل : ماتبي ترتاح ؟

إهدا ، أباشعل فيك صمتي .

أُطرد الوسواس ..وسوس بي ..!

وعشني ،

وروق من عصف الرياح .

وقل : ما تبي ترتاح ؟

إرتاح ياقلبي..

كفاك اللي جرالك من زمان فات ..!

خذني وبلا هذا الشتا ت .

خذني، وحن ياقلبي على روحك..

وريّح هالجناح..!

وإطفيّ المصباح .






بالفصيح


(1)

هذا قدر ..

ندري قدر ..

لكن من اللي وصل الشعب المجاهد للفقر ؟

من قطّع أوصال البدن ..

من جن ، وإغتال القمر . ؟

رب البشر ؟!

اللي خلق هذا الزهر ..

ما أظن .. يحرمه المطر .. !

ربك لطيف ٍ بالبشر .

(2)

غزة تصيح :

يامستريح إصحى ترى دورك بعد غزّة ..

وغزة تقول إحذر.. يا الشعب ..

ولاتكون في أرضك حطب ..

ولا تدعي إنك كسيح !! .

لاتستريح اليوم ..

وإغنم ماتبي من حلم باكر ، لو بغيت -

وعيش ..

لكن قبلها، اسعف ولد عمك جريح ..

الدم من همه يسيح !! .

الريح هبت ..

إنت تدري وش يبي يصير الوطن ..

لو ماطفيت الجمر بيدك ..؟!

التغاضي مايفيدك ..

إنتبه..

لاتستريح .

(3)

غزة تصيح ..

وين التباهي والقصيد اللي يهز أشنابنا ..؟!

وين الوغى وأعرابنا ، والمستحيل ؟!

وين الصهيل .. ؟!

وين السواليف الهزيله -

والحميا وينها، وين الفتيله .. ؟!

وين (ويلك ياللي تعادينا ياويلك ويل) !!.

وين الكرم ..

والجوع ذل أطفالنا ..

وأحوالنا صعبة .. مذلة

بس يا الله ..

(بالله تصبو ا هالقهوة وزيدوها هيل)

إنتبه يا المدعي ..

لا تنفضح بالحيل .

(4)

غزة تصيح ..

وتراك لو ما فكرت بأمرك ..

وفقت من سكرات خمرك ..

مثلها ، يوم بتِصيح .

يعني (كفاية ).. بالفصيح .



بعد النجوم


(1)

من صعاليك وملوك ..

ومن جنوب ومن تبوك ..

ومن نشامى تشبهك ..

أو يشبهوك .

شفت ياما .

(2)

يانديمي ..

خذ من الفنجان ما يروي حنينك للصديق ..

دامك أتعبت الطريق ..

وجيت بك شرهة ندامى .

(3)

اعتبرني ماسمعت اللي سمعت ..

ولاتلوم ..

لا تقطع نصيب الصمت -

أنا ضيفه .. وهو ملزوم.

واتركني على هذا المدى أهذي ..

وخل اللي هذى يهذي ..

وربك لانيب قاطع ،ولا راجع .. ولا محروم .

وإذا قالوا ..

وش اللي حدّه يولّي ورا حد الصخب ياهيه ..؟

قول : آظن صابه تيه ..

وراح الشاعر بحمله -على مهله -

يعد نجوم ..!



خوف عادي


(1)

مو نذالة..

مو تخاذل أو تخلي أو جفا..

لكن ظروف.

خوف، يلجم كل صناع الخطابة..

ويْتسلى بالذياب أهل المهابة..

ويحرق أعصاب الضعوف.

خوف يا لبنان ..من شر الختام

ومن غضب شيخ الجميع ،العم (سام )

ومن جنونه.

ومن عفونة شاركتنا في هوانا..

وأقلقتنا -

وأزكمت كل الأنوف.

خوف عادي..

جابه الباشا العزيز.

وكبروه الإنجليز.

خوف من صنع الأيادي -

وطنوه بكل وادي..

وجندوا حوله حتوف.

خوف لكن مو نذالة .

(2)

يوم غابت هيبة (الراعي ) تداعوا..

وقسموا كل القطيع.. !

وافتروا ..

قالوا: غنايم حرب..

قالوا: انتصار..!

وإجتمع (بيكو) و(سايكس)..

مع بُطُل (ويسكي ) ومع (..) .

وبالقلم خطوا حدود .

و خانوا أحلاف وعهود ..

وسلموا باقي (غنمهم ) لليهود !

وزان الإستعمار.

والعرب..

لا حول لا قوة..

ولا حتى مروّة..

سادرين بحفلة استقلال .

شاربين من الوهم لين الثمالة..بالنعال .

وفعلهم وقت الفعل سجات..

في ليل الخوات المومسات ،

وفي نهيق حمار.

من يد (الأتراك) طاحوا بالوراثة..

تحت كوع الغاصبين أهل الخباثة..!

وحبوا خشوم ( الفرنجة).

ومن قدم بغداد حتى راس طنجة..

أصبحوا أحرار، لكن..

عايشين بلا قرار.

عالم من الحزن،

مسلوب الإرادة..

واحد وعشرين ضيق بلا سيادة..!

والفرج مشغول عنهم بالعبادة -

وفي توالي نشرة الأخبار..!

ياوطن..

لو طال غيم الإنتظار..

بينتهي ..

مادام لاحت في المدا عقب السواد بروق .

ويا وطن..

لا بد شمسك ماتعود..

ويشرق الثوار.

(3)

من نلوم.. ؟

وكلنا مهزوم !! .

مابقى فينا على قيد الكرامة من أحد.

والأحد (عطلة ).. !

وفي (الجمعة ) نصّـف رجالنا،

ونسأل الله السلامة والمدد.

وباقي الأيام، نوم.. !

الغضب ينزل،

يزلزلنا صداعه..

والجسد ينزف..

وتنحاش الشجاعة،

ولا طبيب..!

ليش تزعل يا الحبيب ؟!

التشرد والمجاعة..

في قواميس (العرب )..

صارت فخر، موعيب !

والوهن مقسوم.

يذبحون أطفالنا ونقول: أزمة.

وينحرون آمالنا ونقول: أزمة.

ويلعنون أبو أبونا..

ونستحي..

من زود ما فينا من الحشمة ..!

نستحي ..

ونخاف لا يكسر شموخ احساسنا-

لو نطلب الرحمة.. !

وإن رفع فينا أحد راسه..

(ولو هو لاصق بكرسي الرياسة)

صفعوه بألف جزمة.

أو غدى مرحوم ! .

(4)

نصف قرن من الزمان .

وشوفوا (اليابان )،

وذكرى (هيروشيما )..!

وناظروا..

(سلة الخبز ) الشهية، ونهْرنا -

في مصر والسودان.

الفرق ماهو بالزمن..

الفرق بالإنسان.

والعيب ماهو بالوطن..

العيب في الوجدان.

وشلون نمشي بأرضنا..

ومركوبنا..

من (خُردة ) الألمان ؟!

وشلون نحمي بلادنا..

وسلاحنا..

من (صنعة ) العدوان ؟!

وشلون نلبس ثوبنا..

وقماشته.. (جوارب ) الإسبان ؟!

إلى متى هذا الترف هذا القرف والانبطاح ؟!

إلى متى هذا التأخر والتعنصر والنباح ؟!

إلى متى هذا العمى ..

و هذا الهوان ؟!

إلى متى .. ما أدري ولكن -

إسألوا ذيك الجراح-

اللي كست (وجه العرب) لبنان ..!



"دمتم في حفظ الباريء"


مواضيع : جنــــون



رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحب/, الدكتور, الشادي, الشادي‎, الشاعر, ديوان, صالح, شاعر, قصايد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ديوان الدكتور عبدالرحمن بن صالح العشماوي a7med …»●[دواويــن الشعــراء والشاعرات المقرؤهـ المسموعهــ]●«… 13 03-01-2009 05:38 PM
قصة يـاذيب أنـابـوصــيك لاتــأكـل الذيب سراب …»●[الرويات والقصص المنقوله]●«… 8 02-13-2009 12:51 AM
ديوان الشاعر الكبير خلف بن هذال العتيبي غربة الروح …»●[دواويــن الشعــراء والشاعرات المقرؤهـ المسموعهــ]●«… 2 02-12-2009 05:02 PM
موسوعه قصايد ليل المعلوماتيه ...؟ البرق النجدي …»●[لكل داء دواء ولبــدنكـ عليكـ حق]●«… 12 01-12-2009 08:18 PM
دراسة تحليلية لانشوده المطر سراب [ابكتب من قصيدي الوزن وغيرهـ من شعر منثور] 4 01-01-2009 10:45 AM

Loading...


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية