رواية صغيرات على الحياه البارت الثالث عشر

‏)‏)الباااارت الثاااالث عشر((





•
•




جواد : مع إني مانمت إلابعد صلاة الفجر ..
.. إلا إني طمرت الساعه سبع أخاف تفوتني قهوة الشيبان ..





‏> على القهوه <



أبو حمد : ها ياابو تراك .. جواد مابقى على سفره الإ ثلاث اسابيع ومايبي يرجع إلا بمرته ..



أبو تركي : والله ياابوحمد انا جاني غير هالحكي ..



أم تركي كلمتها أم حمد البارحه تقول نبي نهون عقب حنين ووافي ..



احمد .. اللي مواصل مانام نط بالسالفه *:
.. أنا ياخال أبي وسن عقب ما يخليها جواد ..




جواد والدم يفور براسه :
.. نزلت فنجالي وقلت علي حرام شرب الفنجال بين الرجاجيل كان خليت بنت عمي لأحد ..
.. ووالله يامن قرب لها لأخليه جسد بلاروح ..


وكلام الحريم مالنا دخل فيه ..
.. كنه ماكان والحكي بينا ياالرجال ..
.. وهي مرتي على سنة الله ورسوله ..



أبوحمد أستانس .. هوصادق ..


أبوتركي : بس حتى لو ..
.. البنت توها صغيره .. ومابيها تسافر لحالها في بلاد غربه ..
.. وأنت توك بعد صغير ..
.. خلها لين ترجع من السفر تكون كبرت شوي تصير أم تسع طعش وأنت أبوخمس وعشرين ..


.. يعني زينت العرس ..
.. بعدين حتى لو وافقنا مايمديها تجهز ..




جواد وهو مقهور : ياسلام هذا وافي وحمد ماخذين حنين ونوره وهن أم سبع طعش وش معنى أنا؟



تركي : سبع طعش تفرق عن خمس طعش وزود عليها سفر وغربه ..



جواد : قسم بالله لين مازوجتوني إياها لآخذ أجنبيه ومسيحيه بعد ..
.. ولاعاد تشوفون وجهي ولأهاجر بلندن وأخلي وسن معلقه ..




أبو تركي *:هد أعصابك جواد بشاورهم البنت وأمها ونشوف ..




جواد : ماني متحرك من مكاني لين تحددون موعد العرس ..



أبوحمد : ها ياأبو تركي طلبناك لاتردنا ..
.. وجواد تراه رجال وقد المسؤليه خلها تواسيه في غربته ..
.. وأن مامشى الحال رجعها لأهلها لين يرجع ..





أبو تركي : والزواج مايبي له قومه وجهازها ماجهزت ولاشي ؟


جواد :ي اعم الزواج أرقد عنه بسنع كل شي أنا ..
.. وجهازها تجهز من برا تراه أزين بعدين أنا أبيها بثيابها بس ..



حمد يكلم تركي بهمس : ول عليه الرجال أنهبل والله مايخلي الشيبان لين ياخذ اللي يبيه ..




أبوحمد : تكفى ياخوي لاتردنا ..
أبوتركي استحي من أخوه وبضيقه : توكلنا على الله شف لك موعد آخر اسبوع والله يعين ..




جواد : نطيت وحبيت راس عمي سعد ..
..انا ضغطت عليه عشاني عارف عمي سعد حبوب ومايحب أحد يزعل منه ..
.. وهوخايف إن أبوي يزعل عليه إذا رفض ..



وطيران فصلت جوالي من الشاحن وأرسلت لوسون :
‏ - حبي بدا العد التنازلي أنا رايح أحجز قاعه ادعي ربك إني ألقى حجز عشان ماأخذك سكيتي سيده من الكوشه للمطار -





وأنارايح العصر أشتري الشبكه استعدي بجي الأحد أشبكك ..





وداد : أنبسطت لماشفت عساف شايل بنته ..
.. بس وجهه ماعجبني شكله تعبان مدها لي عشان أرضعها ..



عساف : الحمدلله يارب ..
.. قربت من وداد وهي ترضع بنتنا غصب عني جلست جنبها وضميتها ..
.. وحطيت يدي على بنتي أمسح على راسها ..



نسيت ان مكان الغذايه بيدي لسا ماشلته ..
.. ومسكتني وداد بيدي وهي تشاهق بالبكي ..



وداد تبكي : عساف حلفتك بالله شفيك لك فتره تعبان ..
عساف : مابي إلا العافيه أنتي توهمين ..



وداد : نورررره ....
.. جتها نوره بسرعه شفيكم ؟



وداد : مافي شي خوذي بنتي وديها الحضانه ..




عساف : عرفت أنها بتستفرد بي عشان تحقق معي ..
.. خليها بالقلب تجرح ولاتطلع وتفضح ..
.. بس تفاجأت بها قطت نفسها على وبكت بقووووه ..




خلاص دودي لايوسوس لك الشيطان ..
وداد : أمااااانه أمااااانه تقولي شفيك ؟
عساف : ضعفت قدامها حيل ونزلت راسي وأنا أقول :



*
فيني الخبيث وبيبدون جلسات الكيماوي السبت الجاي ..
وداد:لااااااا لاأااااا كذااابين كذاااابين ..








عساف : شفتها انهارت بين يديني وتبكي ..
.. وتتكلم بهستيريا ناديت النيرس وعطوها إبره مهدئه ..






وافي : صحيت من النوووم الساعه وحده الظهر ..
.. بعد ماوصلت حنين ورجعت الاستراحه بس كدر علي جوادوه ..
.. وهو يقولي قم عندي لك خبر حلو ..




.. ماكنت منتبه إني مبتسم قبل لا أفتح عيووني لاني استرجعت سهرتي البارح مع حنين ..
.. *لو إنها ماطولت بس ردت لي شوي من روحي ..





جواد : الحمد لله تضحك وأنت نايم ؟
.. أول مره بحياتي أشوفك صاحي من النوم مبتسم .
.. العاده ساعه على بال ماتروق ..




وافي : مارديت عليه وأنا أقول بخاطري فيه أحد يصبح بوجه الحنين ومايروق ؟




جواد : دوم هالبسمه ان شاالله من زمان عن هالترويقه شكل أم جسار طالعت لك بأحلامك ..




وافي : ههههههه> وبخاطري أجل لوتدري ويني فيه البارحه !



حنين : أحس إني ضايعه مشتته أمي ونوره وعنود ..
.. يزنون علي أرجع لوافي ..
.. وابوي سلبي يقول براحتك ومانع أخواني يدخلوون بالسالفه ..
.. وأنا لمن وصلنا وافي بسيارته وطلع معنا شايل ولده هزني هالموقف حيل ..
.. وأثر فيني ليش أحرم عيالي من هالنعمه غيرهم يتمنون الأبو مايحصلونه وأنا أحرمهم منه وهوحي !
صدق إني أنانيه !




غير كذا أنا قاعده أعذب نفسي وأعاقبها قبل لا أعذبه وأعاقبه إيه أنا أحبه، أموت فيه ..




مستحيل أعيش بدونه أنا كنت بقوله وأحنا بالسياره برجع معك بس تراجعت بآخر لحظه ..




وداد : جلست بالمستشفى اسبوع مع أن ولادتي طبيعيه عشان سوء تغذيتي ..
.. وعساف أذا جاني أنهار أكثر
يااارب سترك بكره السبت موعد جلسته مو قادره أمسك نفسي ..
.. حتى بنتي أهملتها وما أدري وش سموها ..





طلبت أشوف عساف لأنه ماعاد يجيني كثير لما شافني أنهار إذا شفته ..



عساف : أنا خايف على ودادي ماتوقعتها بتكون بها الحاله توقعتها ..
.. *فرح بستانس حتى لو حاولت تغطي مشاعرها بس إطلاقا ماتوقعت ردت فعلها بهاالشكل..

وطالبه تشوفني يااارب افرجهااا علي ولكل من صاقت عليه ..









وسن : صحيت الساعه أثنين الظهر ..
.. وكالعاده بعد ماصليت وخذت تهزيئه من أمي على تأخيري للصلاه ..


.. طرت لجوالي المقفل وفتحته لقيت رساله وااو أكيد فتوو ياحبي لها ..


.. من انتهت السنه ماعاد شفتها وأمها مهاوشتها تقول اتركي رفيقة السوء هذي اللي من صادقتيها رسبتي لأول مره بحياتك ..





صح فتو لعااابه بس دافوره ..
.. وهالسنه جابت العيد رسبت بماده أبلا تماضر أصلا هي واعدتنا ترسبنا وفعلا قول وفعل ..
رسالة فتو :



‏> وسون لايفوتك عندنا طق بزواج واحد أظنه من جماعتكم العروس من التركي والعريس من الفواز .. ردي لي خبر<





وسن : رديت عليها قبل لا أفتح الرساله الثانيه ..



إيه عرفتهم هذي خالة جوادوه الزفت أصغر خالاته عاد تصدقين ماكنت ناويه أحضره بس عشانك بحضره وراح نتفق قبل ماندخل القاعه ..




وفتحت الرساله الثانيه فيما ترد علي فتو ..




جواد : أستانست وأنا اقرا رسالتها ..
.. عرفت إنهام قهوره ع الإخر بالرغم من انها مسويه واثقه وأنا داري إنها خايفه مني :




‏> جوادوه فكني من شرك ..
.. بلا حركات بزارين وتحدي وعناد ..
.. ياأخي ماأبيك تفهم عربي وألا أقولها لك بالهندي مو مستوى فهمك الهنود ..



جواد:هههههههههههههه
‏> حبي وسونتي الله أعلم من اللي مستواه أنزل من الهنود ..
.. الحمد لله حاملين ست توائم مرره وحده خخخخ وترا شري مايضر وش رايك نروح مع بعض نختار الشبكه ؟





عساف : خذو مني تحليل قبل مايعطوني الجرعه ..
.. ووداد صورتها هي وبنتي مافارقت عيني وكلامها اللي قطع قلبي للحين صداه باذني ..



عساف : ودادي ..
.. أنا جلستي الصباح .. وترا محد درا إلا أنتي ..
.. محد يدري متى تطوى صفحته بس بوصيك ببنتي خير ..
.. تراها أمااانه برقبتك ..
.. وأن بغيتي تزوجين بعدي خوذي رجال يخاف الله فيك وفي بنتي ..
.. وأن رفض تعيش معك خليها عند أمك .. إمك حنونه وما راح تأذيها لابفعل ولاقول ..


تنهدت وكملت ودموعي على خدي
أمي أحيانا قاسيه ..
.. وماتنتبه لكلامها أدري إنها بتحبها .. بس أخاف تجرحها بكلمه .. وأي شي تحتاجونه أنا عندي الفيلا اللي بالروضه .. وأرض بالشمال قيمتها بحدود أربع ميه ألف .. وسيوله بالبنك مية ألف وأسهم أوراقها كلها مع وافي ..

كانت تسمعني بهدوء ورفعت راسها بعد ماأنتهيت ..
.. وقطعت قلبي دموعها كل شي أتحمله إلا دموعها ..




وداد : والله ثم والله ثم والله ..
.. وعهد علي بيني وبين ربي .. ماأعرف أحد من الرجال بعدك ..
.. مايملى عيني أحد بعدك يا أبو الريم ..



عساف : دودي أنتي صغيره ..
.. وبنت وحده ماتكفي ..
.. تزوجي وجيبي لها أخوان وسند .. وهذي سنة الحياه والحي أبقى من الميت ..





وداد : وتشاهق بالبكي جعلني ماأقوم من مكاني أن جبت للريم أبو غيرك ..
.. وان شاالله بيشفيك ربي ويعافيك وترجع لنا ونربي الريم سوا ونجيب لها إخوان ..




عساف : ضميتها وأنا أودعها ..
.. حبها قطع قلبي وكلامها عذبني وريحني بنفس الوقت ..*



صحيت من أفكاري على صوت الدكتور وهو ويقول..
.. *بنأجل الجلسه وبناخذ تحليل مررره ثانيه ..



آه ياقلبي ذبحوني وأنا حي ..




جواد : رحت أنا وحمد ندور قاعه فاضيه ..
.. من العصر لحد أحدى عشر بالليل ومالقينا ..
.. لأنا بالصيف ومتأخرين بالحجز ..
.. حسيت باليأس ونمت بسرعه من التعب .. وطلعت الساعه سبع الصباح أدور ..*



وكنت ناوي أذا مالقيت أحط زواجنا باستراحه وبس ..
.. ومريت قاعه قلت هذي آخر وحده أن ما لقيتها فاضيه خذت استراحه ..




والحمد لله لقيت ..
.. لان العريس طلق عروسه قبل لايدخل عليها الله يكفينا شر هالقاعه ..


.. وبسرعه دفعت العربون وأكدت الحجز قبل سفري بثلاث أيام ..
.. أحس جبل انزاح من ظهري.
وسيده رحت لصحارى وإخذت الشبكه وطلعت ..




بشرت أبوي وعمي وكل هذا ووسونه مو مصدقه ..



*.. بخلي شبكتي بعد زواج خالتي ..
وقلت لنوره مرت أخوي عن موعد الشبكه وحجزالقاعه ..





‏> زواج خالة جواد <





وسن : استغربت أمي إني وافقت أروح معها لزواج أخت مرت عمي ..
.. بعد ماكنت رافضه بشده ..
.. لإني ناويه أعزم فتو وأسهر معها..



خذت لوازم الطق : بنطلون جنز وتي شيرت أصفر ..
.. وعبايه مزركشه ..
.. ومن براقع أمي ..
.. *لمادخلنا قلت لأمي بطلع فوق أشيك على لبسي وبسرعه دقيت لفتو أشوف وينها !




فتو : وسون حنا على وصول بدلي لين نجي ..



وسن : هااا بس لين الساعه أثنا عشر وبس ..
.. خاف تفقدني أمي ..
.. وترا بجلس وراكم مو معك أنتي وتروف في المقدمه ..




فتو *: أوكيك ..
.. بس ترا بتغنين برجع لك المايك ورا لين أتقهوى وأتحلى ..


وسن : وحله ببطنك .. *بطق بس أخاف تعرفني أمي وإلاخواتي !


فتو : لاا ياقلبوو محد عارفك والأصوات تشابه ..





*
جواد : شفت العريس يتلفت ويدور حمد أو أحد من خوالي ونطيت معهم ..
.. عارف إنه بيدخل وبيبلشني خالي فيصل أصب القهوه ..
.. لأن حمد ووافي بيدخلون ..
.. وموصيني أشرف ع القهوجيه ..
.. بس معصي بسبقهم للقاعه ..






وسن : شهقت وجع فتو ليش ماقلتي إنه بيدخلون رجال ..


فتو : ماسألتيني ..
وسن : لأن خواتها اللي قبل ماسوولهم زفه ..
.. فاماتوقعت يحطون لهذي بعد ..


فتو : خلك من الهرج الفاضي بس ..
.. قولي لي بأيش نرحب بالمعرس ..
.. أمه داسمتن شاربي عشان أطق فيه زين ..



وسن : شاسم المعرس :
فتو : فهد ..



وسن : أش رايك يامرحبا بالمقبلين ..
فتو : حلوو خوذي المايك ..


وسن : نااااااعم أنا حامض على بوزك والله لوتحبين راسي ورجلي ..


فتو تخبطها : وجع !
.. لسانك هذا مايفتر مايرتاح بالعه راديو ؟

وسن : تف تف قل أعوذ برب الفلق ..


وعطتني الخبله المايك وأنا ورا ..
.. عارفتها تبي تقز بالرجال وتفنجل ..




شفت مشالح وثياب بيض والفرقه بدت تطق بحماس
وأنا أغني بحماس :
.. يامررحبااااا بالمقبلين .. يامررحبااااا بالمقبلين ..

فهد وربعه ساااالمين .. فهد وربعه ساااالمين ..




*
.. وطارت عيوووني ورميت المايك على تروف ..
.. وقلبي كنه طبل من طبول فتوو ..


فتو : وجع ان شاالله خربتي الطق أنطقي غني ..



وسن : فتو تكفين بطلت جوادوه والله أن يعلم تروك علي ويمصع رقبتي ..


فتو : ألا ياعارفك أصلن مو متوقع وجودك ولا بالأحلام ..


جواد : وجع الله ان شاءالله وش بلاهن وقربت بهاوشهن ..


.. هي أنتي وياها وش هالطق
ياالله حطن شوط خاص بجواد أبي مدح يهز هزز ..


وتوني بروح لمحت معهن طقاقه بيضا قلت بخبث :


.. أبي البيضا ..
.. وهزت راسها بالنفي ..
.. أنا مدري من أي عائله هي بس كان هدفي أفشلها لأن هذا مو كارهاااا ..



.. وتوني بروح لاحظت إنها منزله راسها وعجبتني اللعبه ..
.. وحسيت بالمتعه واضح إنها من عائله ..



قالت اللي قدام ..

فتو : أنا أغني لك ولايهمك ..

جواد : تكتفت لاااا أبي هذي
وأشرت عليها ..


فتو : هذي طرما ..


جواد : مدري ليش مر ببالي موقف السوق ..
.. نفس الموقف ينعاد*
ماانتظرو ردي وغنو ..



جواد راعي الأوله...



.. ماتحركت من مكاني وجت سلطانه وسحبتي ..


سلطانه : خير وش عندك مسنتر معجب ..
.. قلت وأنا أقز البيضا ..
.. مدري قلبي قارصني ..

.. فجأه مدري ليش طرت علي ..


وسن : قلت سلوط وين وسن أبيها !
سلطانه : مدري سلمت عليها اول مادخلنا وماعاد شفتها !


جواد : لما وقف الشوط وهدا الجو شوي دقيت على جوال وسن وأنا واقف عند الطقاقات ..



وشفت شاشة جوالها تأشر ..
تخطيتهم وخذت الجوال بسكات اللي كان مقعد على طبل بجنبها ..



وصدددددددمه
*.. حصاني يتصل بك ...





.. دقيت من جوالها لرقمي طلع لي سووووني ..



.. التفت بالعن خيرها ..
.. بس أنسحبت بدون ماأحس ..
.. وسحبتني سلطانه بعد ماقامن الطقاقات يسبن فيني ويتهمني أتحرش فيهن ..




سلطانه : جواد أشفيك أنهبلت تبي تمشكلنا مع الناس ..


جواد : آه مو حاس باللي حوالي من القهر ..
.. أوريها الكلبه تبي تفضحنا لكن هين إن ما أدبتك ..



وسن : يالهوي يالهوي يالهوي .....
.. والله إن يلعن خيري تركي ..
.. حتى جوالي خذه ..
.. وش السوات كله من هالفتو ..
.. كنت حاسه أن أجلي قريب ..
.. بس أحسن شي أسوي نفسي عادي وأكمل الزواج عادي ..



.. وان قال لتركي شي .. قلت :
.. كذااااب وأمي شاهده ..
.. وبترزز بوجه العنود عشان تشهد معي ..




شلت العبايه وزدت الميك أب .. *طلعت علكه من شنطتي ونزلت أدور العنود ..
.. ورقصت عشان الكل يشوفني ومحد مصدق جوادوه الزفت ..







عساف *:فتحت غرفة وداد ..
.. وقربت منها شفتها نايمه وعاقده حواجبها شكلها تشوف كوابيس باحلامها ..

.. قربت منها وبوست يدها
وجبينها ..
.. تحركت منزعجه
وفتحت عيونها شوي شوي
وابتسمت لها ..
.. دودي دودو قلبي صحيتي ؟


وداد : يارب رحمتك أنا أحلم للحين وإلا صدق ؟
مسكت يده ونزلت دموعي لا إرادي ..



عساف : قلبي ليش هالدموع ..
وداد : شسوو فيك ؟


عساف : ماسوو شي شوفيني عندك .. مابي إلا العافيه ..
.. مريتك المغرب قالو لسا معطينك مهدي من ساعتين ..
.. وماراح تصحين ألحين ..
.. رحت لزواج خالتي ورجعت لك ألحين ..*
شخبارك ليش تاعبه نفسك ؟

حتى ريومه زعلانه عليك تقول أبي ماماا ..*



وداد : حطيت يدي على خده ودموعي تنزل ..
*
عسى الله يخليك لريومه .. وأم ريومه ..
عساف : سحبت يدها وبوستها أن شاءالله ..







جواد : آه ياالقهر زين بكره بالشبكه تشوفين ..
.. طيب ياوسن طيب ..






وافي : كنت جالس جنب عيال عمي .. محمد عن يميني وتركي يساري ..


دق جوال تركي وقطع سالفتنا ..


تركي : يابنت الحلال أقعدي وسعي صدرك ..
.. توك بدري وعيالك مابهم إلا العافيه ..



حنين : لااا المربيه تقول تركي عليه حراره ..
.. وماعندها خاف .. .تكفى بسرعه ..



تركي: *خلاص بارسل لك محمد آذا لبستي دقي عليه ..


محمد : قل لوليد وإلاعبدالعزيز أنا أبي أقعد ..


تركي : قم بس أنا أمرتك أنت مهوب عزيز ولاوليد ..




وافي : حنين اللي تبي الروحه ..

تركي : إيه ...


وافي : خلاص قلها تطلع بوديها ..
طالعوني أخوانها باستغراب ..

.. خير تراها مرتي .. وأم عيالي .. وإلا جلستها عندكم نستكم هالشي ..



تركي : لاياخوك حقك وأحنا مالنا كلمه عليها ..



وافي : عن أذنكم ..


شفتها طالعه تتلفت وعرفتها أخذتها من يدها ..

وركبتها سيارتي بدون لانتكلم ..



حنين : وافي بسرعه تكفى توتو عليه حراره ..
.. وماعنده خافض أخاف يتشنج ..



وافي : مسكت يدها وشبكت أصابعي بأصابعها ..
.. لا أن شاءالله مهوب جايه إلا العافيه ..







وسن : رجعنا من الزواج وعرفت أن حنوو مع تروك بالمستشفى ..‏

*
وااااي تعبانه ..
.. حذفت جزمتي كل وحده بجهه ..
.. بعد ماشوتها برجلي ورميت شنطتي ع التسريحه فصخت عبايتي ..

وبدلت فستاني ببجامة وداد ..
.. الله يشفيها أول مره اسمع عن إكتئاب النفاس سبحان الله !


تمددت على سريري وتذكرت جوالي ..
*> آه ربنا يجازي اللي كان السبب <

ضامية الشوق ,إرتواء نبض معجبون بهذا

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

بيض الله وجهك
طرح واختيار روعه للموضوع
لاحرمك الله رضاه

‏لك كل
تقديري واحترامي


مجنون قصآيد

‏

الله يعطيك العافيه على الطرح
اللي كله ابداااااااع

حضوري شكر وتقدير لك
ولاهتمامك في مواضيعك

اخوك
نجم الجدي

انتقـآءْ رآئــع, وطرح جميــل كجمآل روحك

طرح رائع
يعطيك العافيه

قلائد أمتنان لهذة
الذائقة العذبة في الانتقاء
لروحك الجوري

المشاركة الأصلية كتبت بواسطة عـــودالليل

امتناني وشكري لك على هذا الطرح
محتواه جميل
ونال الاستحسان

وهذا دليل ذائقه راقيه جدا أدت
لظهوره بهذا الشكل

لك كل احترامي وتقديري



اخوك
محمد الحريري

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’

المشاركة الأصلية كتبت بواسطة دلع

كـــ العادة إبـداع رائـع
وطرح يـسـتـحـق المتـابـعـة
بـــــ انتظار الجديد القادم


:
مع التحية والتقدير ..

شكراً من القلب على جمال حضورك
اسعدني تواجدك الرائع بمتصفحي
لا حرمني الله روعة وصالك
كل الود وباقة ورد’