ليت القدر يمهل

السلام عليكم ورحمة الله وبركاته

اسعد الله صباحكم بالخيرات والمسرات

وكيفكم جميعا طيبين ان شاءالله

اعتذر لطوال الغياب والذي طال كثير وهي ضروف مرت بي ولا زالات

مريت في هذا الصرح الشامخ ونال اعجابي بطروحاتكم وافكاركم الجميله

ومريت ع قصيدة الاخت خشف ونالت اعجابي كثيرا

وحبيت اجاريها والي الفخر في مجاراتها

وانا اعتبر قطره من بحور اشعاركم

هذي كلمات شاعره خشف

دردش وسولف من هنا لآخر الليل

بسمع انا صوتك يداعب حنيني

اكثر سوالف خاطري ريحها هيل

منبع شذاها نبض الاحساس فينى

ياكثر مالك بالحشا من مداهيل

تصّدق ولارجال مثلك بعيني

من كثر انا مشتاق واشتاق بالحيل

اتخيّلك مابين رمشي وعيني

ابختصر كل الغلا والتفاصيل

بحروف خمسه صدقها محتويني

> اغليك < لوشفت الكدر والغرابيل

ولافيه غير الموت عنك يحديني

وهذي مجاراتي لها عسى ان تنال اعجابكم

دردشت حتى القلب جته التعالليل

والهم والاحزان هي تحتويني

ليت القدر يمهل لقلبي بتمهيل

لجل ايش ابين حبك اللي دفيني

ادري الوفا في هالزمن صاير قليل

يثبت لك الواقع شهور وسنيني

وانا ما ابدل حب قلبي بتبديل

له الوفاء والعهد مني يميني

ابي عهودا موثّقه مابها ميل

اذا تمايل وقتنا ياحنيني

خل الوفاء ممدود حبله مواصيل

يا اغلى من انفاسي وقلبي وعيني

توقيع البرنس