 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
03-09-2023
|
||||||||||||||||||||||||||||||
|
||||||||||||||||||||||||||||||
رواية على وتر الحياة غنينا البارت السابع
{ البارت السابع } وصارو يمشون بالهداوة لين دخلوا غرفة فواز اللي كانت مظلمه بالكامل ولا فيها الا نور الستارة الخفيف وقفت ريناد قريب من السرير وسلمان بالجهة الثانية من السرير وصارو يخبطون ع الكوميدينه فتح فواز عيونه والتفتت لسلمان اللي كان مايبان منه الا شعره ومغطي خشمه وفمه بطرحة ريناد ولابس شرشف الصلاة الأبيض نفس ريناد فواز: بسم الله الرحمن الرحيم اعوذ بكلمات الله التامة من شر ماخلق ضربت ريناد ع الكومدينه لجل يلتفت لها ناظر فواز الجهة الثانية بخرشه واول ماشاف شعرها صررخ باعلى صووته : يييمممممهههه اللحقووووننييي وفز واقف وطاح من السرير وريناد تقترب منه بدون اي صوت ،،ناظرها ثم ناظر سلمان اللي جالس بالارض ووقف يفتح الباب ونزل من الدرج يصارخ :جنن يمهه جنن جننن يمهه يمممههه سلمان ماقدر يمسك نفسه وانسدح بالارض يضحك وريناد جلست مكان ماطاح فواز ورجعت شعرها ع ورا وماسكه بطنها تضحك طلعت ام جواد وام ناصر لغرفة فواز اللي نزل لهم يصارخ جن جن وشافوا ريناد وسلمان يضحكون وشافوا اشكالهم ام جواد بعصبية: وش هالمبزرة انتي وياه هاه لو كان توقف قلب اخوك وش بتفيدك هالظرافة ام ناصر وهي كاتمه ضحكتها وتحاول تصطنع العصبية: خرشتوا قلب الولد ،،وماقدرت تمسك نفسها وضحكت: وش مسويين ياحيوانات ريناد وسلمان ماقدرو يردون كل مايتذكرون شكله ام ناصر : هالحين نقول انت الكبير العاقل تقوم تسوي هالحركات سلمان وهو ماسك بطنه : والله هههههههههههههه كن ههههههههههههههه كنا هههههههههههههههههه نمزح هههههههههههه بس ههههههه شكله هههههه اااه بطنني موب قادر هههههههههههههه ام جواد:الله يخلف عليكم بس الولد بغى قلبه يوقف وانتم متقطعين ضحك ريناد : وهي تضرب ع الارض تبي توقف ضحك ماهي قادره ام جواد:حسبي الله ع ابليسكم بس ام ناصر وهي تنزل من الدرج : لا تشرهين عليهم مجانين وتجمعوا ، ونزلوا بالصاله تحت _______________________ بالمستشفى العصر عند عبدالعزيز كانت امه جالسة جنبه و بعيد عنهم شوي ومقابلتهم بالجهة الثانية شيخه حاطه رجل ع رجل ام عبدالعزيز: متاكد يايمه مايوجعك شيء عبدالعزيز وهو يبوس يد امه:مافيني الا العافيه يايمه دق الباب وانفتح ع طول عبدالعزيز التفت للباب وهو يشوف باقة ورد بس على طول عرف مين شايل هالباقة ابتسمت نوف وهي تتحرك والباقة مغطي ع وجها وشايلتها ثم وقفت قدام عبدالعزيز : سلام عليكم ردو السلام ماعاد شيخه اللي ردت بهمس ومن غير نفس ام عبدالعزيز: نزليها يايمه ثقيله عليج نوف وهي تنزلها ع الكومدينه وتناظر امه ببتسامة: الثقل اي والله ثقيلة بس ماعليه وسلمت ع راس امه وجلست مقابلها بالطرف الثاني ع نفس السرير : الحمدلله ع السلامة مره ثانية عبدالعزيز ببتسامة : الله يسلمك "وميل راسه وبهمس "وشلون ورد يشيل ورد نوف من خجلها نست نفسها وضربته ع كتفه عبدالعزيز بصرخه : اااه نوف بسرعه حطت ايدها مكان الضربه : اسسفه نسييت ام عبدالعزيز: يوجعك شيء عبدالعزيز وهو مقرب حواجبه من بعض: لا ماصار شيء ام عبدالعزيز وقفت :زين بروح دورت المياة وبرجع لا تتحرك كثير عبدالعزيز هز راسه وناظر باقة الورد شيخه : نحن هنا ولا ماننشاف نوف التفتت لورا وهي شايفه شيخه من اول مانزلت باقة الورد لكن سفهتها ،حركت ايدها كسلام بتسليك وببتسامة مصطنعه :هاي شيخه وهي ترد نفس الابتسامة الاصطناعة وبهمس، ماكان ناقصني الا هالمليقه نوف بهمس مايسمعه الا عزيز : ويع عبدالعزيز :شفيج نوف بنفس الهمس: ماطيقها عبدالعزيز بانزعاج من هالكلمة وهو عارف قد ايش اخته غثيثه: بس بالنهاية اختي نوف بدون اهتمام : امحق اخت شيخه وهي تميل فمها ع جنب وتتكي براسها: اذا بتتهامسون كذا قولوا لي اطلعي عادي نوف حركت عيونها للسقف بطفش منها وتأففت شد عبدالعزيز ع يدها وبنفس الهمس : انا تعبان يانوف بلاها هالحركات والتفت لشيخه وببتسامة: ليه ماتجين جنبي شيخه :مرتاحه بمكاني مايحتاج اضيق ع نفسي نوف باندفاع وهي موب قادره تمسك نفسها: دام القرب يضيق عليج وش يايبك ؟ شيخه وهي تحرك فمها ع جنب وتوقف : حكم القوي ع الضعيف ولا لو بيدي ماييت وجابلتكم نوف: الباب ياسع جمل شيخه وهي تمشي للباب :ازين من القعده وياكم وطلعت وصفقت الباب بقوة نوف بقهر: وصمخ يصمخ ابليسج عبدالعزيز بتنهيده: ماكان له داعي يانوف نوف بنفس القهر : ماشفت تصرفاتها انت ولا يالسه باخر الغرفة تقل مزهريه ماكانها اختك عبدالعزيز: توها صغيره لا تاخذين بتصرفاتها وايد نوف : ويعوه شنو صغيره بتصك ال١٧ سنه وتقولي صغيره عبدالعزيز بملل : بس بالنهاية اختي يانوف نوف بقهر : لا صارت تعتبرك اخوها قل لي اختي انت شايف تصرفاتها معك عبدالعزيز بتعب : بس امانة ابوي حتى لو كانت ماتعتبرني اخوها بالنهاية اختي ولي واجب اتجاها نوف لفت راسها وكتفتت ايدينها وسكتت عبدالعزيز :لا تزعلين انتي الثانية انا تعبان والله نوف وهي مازالت ع نفس الحركة: مازعلت عبدالعزيز: زين ناظريني نوف وهي تلف وتناظره عبدالعزيز وهو يمسك ايدها: تدرين اني..ممداها يكمل الكلمة الا ودخلت امه وهي تستغفر نوف سحبت ايدها بسرعه وبربكة صارت تمسح ع يدها ام عبدالعزيز وهي تجلس : وين راحت هالبنية ياعزيز عبدالعزيز بضيق: مدري ام عبدالعزيز وهي تهز راسها: الله يصبرني عليها بس نوف وهي توقف : ماطول عليكم وحبيت اقولك اني سالت الدكتور وقال بكرا بتطلع ان شاء الله عبدالعزيز هز راسه وسكت ام عبدالعزيز: ايلسي يايمه توج يايه نوف وعينها ع عبدالعزيز: ابوي ينطرني وعزيز لازم يرتاح ام عبدالعزيز بتفهم التفتت لولدها : تبي اييب لك شيء يايمه؟ عبدالعزيز هز راسه بلا وناظر نوف: شوفي وين راحت شيخه نوف ناظرته شوي وهزت راسها ببتسامة وطلعت عبدالعزيز التفت لامه: يمه انتي اجبرتي شيخه تيي معج ؟ ام عبدالعزيز وهي تعدل حجابها من جديد وتلفه ع راسها: اي يايمه مابخليها تيلس بالبيت لحالها ولازم تيي تطمن عليك عبدالعزيز وهو يمسح وجهه بيده :المفروض ماتجبرينها يايمه وانتي تعرفين شيخه ام عبدالعزيز بحده :هالبنت لو مشيتها ع هواها ياعزيز بتفلت وتطلع فوق راسك وانت مدلعها وشوف تعاملها معك عبدالعزيز بتنهيده انسدح وغمض عينه: ماعليه يايمه توها صغيره ام عبدالعزيز وهي تمسح ع شعره :الصغير يتعلم يايمه ولازم تعرف ان مالها سند غيرك بالدنيا ذي وانك اخوها غصبن عليها __________________ ام جواد : هالحين رجال وشنبك خاط وجهك وتصارخ لي جن جن ؟ فواز وهو يشرب مويا : شدخل الرجولة بالجن لو انك شايفه اشكالهم يايمه مابتلوميني ريناد وهي جالسة جنب عمتها ورافعه شعرها ذيل حصان وهو متلون ودافنه وجها بكتف عمتها وتضحك :تكفى اسكت مابي اسمع صوتك كل ماسمعه ماقدر اوقف ضحك سلمان وهو منزل راسه وياخذ نفس ويمسح وجه بيده: لا اله الا الله ،استغفر الله العظيم واتوب اليه فواز: اي اي استغفر والله لا اردها لكم وماكون فواز سلمان:هههههههههههههههههههههههه جن جن ييمهه ريناد : ههههههههههههههههههههههههه بموت تكفى اسكت سلمان :هههههههههههههههههههههههه تيما وهي تنط عند ريناد: ابي الون شعري مثثلكم ام ناصر تمسح ع راس بنتها : لا تقلدينهم مهبل ذولي الله يخلف عليهم فواز بضحكه وهو يتذكر الموقف : الله ياخذكم والله قلبي بغى يوقف يومني اناظر سلمان بالأرض قلت بس بدا يزحف لي سلمان وهو يمسح دموعه: والله ماقدرت اوقف من الضحك بالذات يوم اشوفك تطيح ههههههههههههههه ريناد : هههههههههههه انا بغيت اهرج ماقدرت دخلت حور: ماتعبتوا ضحك انتي وياه ريناد هزت راسها بلا وهي تضحك حور: بس خلاص قوموا الغدا جاهز ام جواد:لا والله مايتغدون معنا واشكالهم كذا فواز بقهر :يتغدون بلحالهم زي الكلاب ريناد : هو هو يمهه هو هو سلمان:ههههههههههههههههه انطمي ابتسمت ام ناصر ووقفت سلمان: انا بروح اخذ لي شاور بالعافية عليكم ريناد: حتى انا سلمان: لا تغسلين شعرك شكله حلو ريناد بضحكه: اخاف بعض الناس تصارخ هههههههههههه فواز رمى عليها الخدادية وطلع من الصاله ريناد:هههههههههههههههههههه مريض ________________ بالكافتيريا تحت نزلت وهي تتلفت يمين يسار :وينها هالغثيثه قال وش قال بزره وين بزره وهي لو اوقف معها ظنوا انها اكبر مني شافتها تطلب من الكافتيريا ومعطيتها ظهرها وتكلم تقدمت منها ووقفت بستغراب من الكلام اللي تسمعه.. شيخه:لا حبيبي مايصلح الحين لاني بالمستشفى عزيزوه تعب سكتت شوي تسمع للطرف الثاني ثم ردت :امممممم زين حبيبي بشوف اذا ماما وافقت بقولها اني بطلع باجر عند صديقتي افراح ثم اجابلك سكتت شوي .. :وين بتاخذني ؟ :زين حبيبي بس نلفلف بالسيارة ماتاخدني مكان ثانية : هههههههههههه تمام حبيبي يلا باي التفتت لورا وطاح جوالها وبربكه نزلت تاخذه شيخه بلعثمه: من متى انتي هني نوف بصدمه من اللي سمعته : توي ييت امج تبيج تقولج طلعي ومشت وهي مصدومه شيخه بنفسها: ماتوقع سمعت شيء لو انها سامعه مابتسكت جذي : حطت يدها ع قلبها"" ويعوه بغت توقف قلبي ""لفت تاخذ طلبها ومشت راجعه لامها _________________ نور وهي تفسخ عبايتها وتجلس جنب الزين :مدي رجيلاتس الزين: ليه عجيز انا والله مافيني الا العافييية شفيكم علي ام الزين :ارتاحي بس يايمه وانا شوي واجيتس زينب وهي تقرب من الزين ومعها صحن القهوه: وجبنا اللي يروق مزيونتنا الزين بضحكه : هلا هلا والله زينب وهي تقرب من الزين وبهمس: والله وطلعتي تشتغلين مع مزز رفعت الزين حاجب وناظرتها بستغراب :مزز نور وهي تقرب وتهمس نفس زينب :اي والله شفنا مزز بالكافتيريا لما نزلنا زينب : واحد معه سكسوكه عذااب ورموشه مصففه بعيونه ولا خشمه اشي من خشم نور بنص عين : من زين خشمه مايل خليتس منها في مزه معه شنب ابيضاني ماهو زي ابوسكسوكه اسمر وشنبه كثييف اكثر من شعر زينب وعيونه عسلي فاتح الزين:ابو شنب الدكتور مؤيد خاطب اما الثاني وليد العله زينب بشهقه: خيير عله نور تسوي نفسها دايخه وتنسدح: طلع مزيوني خاطب الزين وهي تدف نور بضحك: اعقلي زينب تتصنع العصبية :خير حبيبتي عله ، لا تغلطين ع ابوعيالي الزين بنص عين :ابوعيالتس؟ ذا اللي حكيت لكم عنه مطفشني زينب :ويعوهه اصلا من شفته قلت خايس نور والزين يناظرونها بتسغراب:؟؟؟ زينب تطنش نظراتهم وهي تقرب التمر وتصب قهوة نور تناظر الزين وحركة يدها يعنني مجنونة ___________________ والعصر ، ببيت هند ، وداخل بالمجلس تحديداً دخلت ام تركي وهي لابسة جلابية بلون احمر مطرز بأسود ورافعه شعرها بمساكة للشعر بلون اسود : ياهلا ومسهلا تو مانور البيت والله ام جواد: منور باهله ام ناصر هلا فيكم ام تركي :شخباركم عساكم طيبات ام ناصر: الحمدلله طيبين انتوا شخباركم ام تركي :ولله الحمد بخير وعافية ام جواد :العذره والسموحه منكم من جيتوا هنا ماتعرفنا عليكم ولا زرناكم لان مالنا كثير بهالديرة ام تركي :مسموحين والله وحياكم في اي وقت ،الا كم صار لكم ام جواد: تقريبا ثلاث سنوات ام تركي:ماشاء الله ، "وببتسامة"ماعرفتوني عليكم ام جواد: انا ام جواد وهذي ام ناصر عمة عيالي وبنت عمي وهي تاشر ،على هيفاء ،وذي مرت ولدي جواد واللي جنبها بنتي ريناد ام تركي:ماشاء الله "التفتت لريناد صف كم ياحلوة " ريناد بصوت هادي : متخرجه من الثانوي ام تركي: ماشاء الله الله يوفقكك يارب ،الحين بنادي لكم البنات وطلعت ريناد بهمس لهيفاء : يمه منها يازينها شايفه نعومة شعرها؟ ولا لونه البني والله ذي من حريم البدو صدق اللي يمدحونهم بالبراري هيفاء بضحكه ع تعليق ريناد : اي والله بس وش زين امي ام جواد تهبل ريناد: شفتي عمتي كيف تناظر ملابسها شوي وتقولها فسخيها ابيها هيفاء:اسكتي اسكتي جو دخلت هنا وهي لابسه تنورة سودا نص الساق وقميص احمر نص البطن وداخله بدي اسود ومسويه شعرها ذيل حصان كان شعرها لونه اسود كثيف ونااعم يوصل لاكتافها وجسمها نحييف سلمت ع الكل ثم طلعت ريناد بصوت مايسمعه الا هيفاء وامها وعمتها :وش ذا عرض ازياء ام جواد بعصبية:اسكتي لا تفضحينا ام ناصر بضحكه: وهي صادقه هههههههه هيفاء وهي تكش ع وجها : يمه يانحفها موب اجسامنا ريناد: يوم جت تسلم علي ماحبيت اشد ع يدها خفت اكسرها هيفاء:عاد انتي دفشه بالسلام تعلمي كيف تسلمين ام جواد: وانا اشهد دخلت هند ووراها امها وهنا كانت هند لابسه فستان نااعم يوصل نص الساق بدون اكمام علاقي وظافره شعرها اللي كان يوصل لصدرها بنعومة ونفس لون شعر امها سلمت عليهم وجلست قدام ريناد وهيفاء وعلى يمينها ام جواد وناصر وامها وهنا جلست جنب هيفاء ام تركي:هذول بناتي هند وهنا والكبيره هند ام ناصر:ماشاء الله ام جواد ببتسامة: شخباركم هند بصوت ناعم وهي تحط رجل ع رجل وترجع شعرها ورا اذنها: الحمدلله ياخالة وانتوا شخباركم ام جواد:الحمدلله طيبين ام تركي:ماعندك غير ريناد ياام جواد؟ ام جواد:الا عندي بنت اكبر منها و٤ اولاد ام تركي:وانتي ياام منصور ام ناصر ببتسامة:ام ناصر موب ام منصور وماعندي الا ولدين كبار وبنت توها رايحه اولى ابتدائي ام تركي: ماشاء الله والتفتت لهيفاء :وانتي هيفاء بحياء:عندي اثنين ولد بعمر ٥ سنوات وبنت ٣ سنوات ام تركي:الله يحفظهم لك ام ناصر:عندك عيال متزوجين ام تركي ابتسمت : عندي ولدي تركي متزوج بنت عمه والثاني كان متزوج برضو بنت عمه لكن ماكتب الله نصيب ريناد بهمس لهيفاء: كل اخبار حور مضروبة اجل تقولي ولدها تركي اللي مطلق اخرتها موب هو هيفاء تدقها بكوعها وهي مبتسمه للبنات: انطمي بتفضحينا ام ناصر : الحمدلله ع كل حال الواحد ماياخذ الا نصيبه ومرده يلقى بنت الحلال اللي تسعده ام تركي: الحمدلله ،الولد حالف مايتزوج وكرس حياته بذي الدراسات ام جواد: ليه كم عمره ام تركي : بالثلاثينات ام جواد : ماشاء الله بعمر ولدي جواد ام تركي :ماشاء الله وانتي يام ناصر عيالك متزوجين ام ناصر : لا والله باقي ولدي الكبير ان شاء الله قريب نخطب له واما الثاني بعمر رنوده توه صغير ريناد بهمس لهيفاء :الله يخلف علي وش بعمري اكبر مني بسنه هيفاء: يابنتي اسكتي ابتسمت ريناد بوجه البنات وسكتت هند بصوت نااعم : مين فيكم ريناد ريناد بهمس : عشتوا تسال عني مخصوص شكل اخونا بالله معلمها وابتسمت :انا ريناد وهذي مرت اخوي هيفاء هيفاء بهمس لريناد: تدور سالفة تفتحها ولا لقت الا تسال مين ريناد موكان امها تو تقولي معك عياال ريناد مسكت ضحكتها غصب وهي توها تنتبه لهالشيء هند :تشرفت بمعرفتكم ريناد وهيفاء: الشرف لنا هنا: كم اعماركم ريناد: انا ١٨ بخش ال١٩ قريب هيفاء ببتسامة:وانا ٢٦وانتوا هنا: نفس عمري ياريناد هند: انا عمري ٢٣ هيفاء: العمر كله يارب هند: ليه ماتفسخون عباياتكم ريناد: لا مرتاحه كذا هنا: لا افسخوا تاخذون راحتكم اكثر هيفاء وقفت وفسخت عبايتها كانت لابسة تنورة سودا طويلة وقميص علاقي بلون سكري ولافه شعرها بطريقة شعوائية ومثبتته ببنص ومنزله قصتها من قدام بلونه الأشقر وجسمها كان مليان شوي ،، وفسخت ريناد اللي كانت لابسة بنطلون ابيض وبلوزه ماسكه ع جسمها بلون ازرق وشعرها ظافرته بنفس طريقة هند الفرق ان شعر ريناد طويل واسود هند وهنا وام تركي يوم شافوا شعرها لا شعورياً ذكرو الله ام تركي:جيبوا القهوة يابنات طلعوا البنات من المجلس وهم فاتحين فمهم هنا: شفتي اللي شفته ؟ هند وهي تضربها ع راسها:اذكري الله هنا:ماشاء الله ،والله مابي احسدها بس ماشاء الله ياطوله هند: اي والله ياطوله هنا:شفتي جسمها؟ يمه متنااسق لاهي سمينه ولا نحيفه هند بإعجاب: شفتي عيونها؟ هنا : اتوقع عدسات هند : لا والله ماتوقع ماشاء الله وش هالعيون ووش هالشعر هنا: النوعيات ذي تخليني اقلب بوية هند وهي تضربها ع راسها: استغفري الله ياقليلة الادب هنا:والله جميلة ذي انسانه؟ هند: اذكري الله هنا:ماشاء الله مئة مره ""بالمجلس"" هيفاء: ماشاء الله حلوات البنات ريناد :خليك من حلوات شفيهم انخرعوا يوم فكيت عباتي ؟ هيفاء:اتوقع عشان شعرك ريناد بخرعه:يمه ليكون معفوس ؟ هيفاء : لا ضابط بس قصدي عشان طوله طلعت ام تركي من المجلس وعلى طول ام جواد ناظرت ريناد بحده: بنت حصنتي نفسك ؟ ريناد : ااي لييه ام ناصر بعصبية : لييه مسوية شعرك كذا؟ ريناد بخرعه: شفيكم علي ام جواد: كم مره قلت لك شعرك ترفعينه ماتفكينه لا رحنا عند ناس مانعرفهم ام ناصر وهي تحاول تمسك اعصابها لانها خافت ع ريناد : الله يهديك بس زين انهم ذكرو الله لو غيرهم والله مايذكرونه ام جواد: والله انخرعت يوم قعدوا يناظرونها ريناد: حسستوني انه شيء كبير بالنهاية شعر وطويل بس حتى مومشطه ماتشوفون شعيرات طايره ام جواد : والله ذي اللي تبيني اخذ الطاولة واصمخها فيها هيفاء : هههههههههه عضلتي زي جهاد يايمه ام ناصر: ههههههههههههههههه ريناد : امي لا عصبت تصير اندر تيكر ام جواد : لا اسمع صوتك انتي ريناد وهي تهز راسها : ابشري طال عمرك . ""بالمطبخ"" ام تركي: سنه تجيبون القهوة؟ هنا: يمه يمه شفتي ام شعر ام تركي : اي ماشاء الله تبارك الرحمن الله يحفظها هند وهي شايلة صينية القهوة: والله جمييلة البنت ام تركي : اي والله هنا بعباطه: انتبهي لا يشوفها شايبنا ويسحب عليك يايمه ام تركي وهي تضرب راس هنا: بلا قلة ادب هنا بوجع: ااح شفييكم ع راسي انتي وبنتك ام تركي : لانك قليلة ادب خذي الحلا وامشي قدامي يلا مشت هنا وهند تضحك عليها __________________ عند عبدالله كان جالس مع الشباب ومسوين دائرة وماسك العود ماجد: بالله ياعبدالله غني لنا شيء محمد: اي بالله اطربنا عبدالله بصوته المبحوح: وش اغني لكم محمد : نبي لعبادي اطربنا فيه سكت عبدالله شوي وابتسمت لما تذكر ريناد وبدا يدق العود على خفيف ونطق بصوته المبحوح اللي كل الحارة واخوياه يشهدون له لا غنا " ""عيونك آخر آمالي"" سكت شوي وتذكر عيونها وابتسم وكمل عيونك اخر امالي وليلي اطول من اليم كيف ألقى كلام عذب يوصف دافي احساسي عشقتك قبل ماشوفك وشفتك صرتي كلي حلم ابي رمشك يغطيني وابيك اقرب من انفاسي يهمك تعرفين انك قتلتي في سنيني الهم قتلني ضحكك وجدك قتلني لينك القاسي رميت اقداري في دربك وصرتي في عروقي الدم احبك كثر ماسالت دموعي ومانسى ناسي يجول الحزن في ضلوعي تردي وزاد فيني العضم كثير من الحطب حولي وعندك انكسر فاسي سألتك بلذي زانك تحبي فيني حتى الظلم تحبي عيوبي وغدري تحبي المر في كاسي انا من كثر ماحبك ابيكي كثر رمل اليم وابيكي تكوني فوق الناس وابي ماينحني راسي عيووونك تحمسوا الشباب معه وصارو يردوون عيونك اخر امالي وليلي اطول من اليم وكيف القى كلامً عذب يوصف دافي احساسي ، ووقف عزف وصفقوا له الشباب واللي يصفر ويصارخ عمر : ياشييييخ ايش الحلاوة دي محمد: ينصرر دينك حسيت اني احب وقعدت اتخيلها وانا مابحياتي احد عبدالله: هههههههههههه والله من الجفاف ماجد:والله اني صورتك فيديو لا ابي انطرب سمعته عبدالله : ارسله لي محمد: عطني اياه بعد عبدالله: لا تنشرونه ماجد:ماعليك مابننشره عبدالله مسك جواله وشاف مقطعه وسوا له تحويل وارسله لريناد وكتب تحت الفيديو ""حتى بوسط الناس تسرقيني مني ولا صرتي يمي اضيع مني شسويتي فيني يااول من سكني ؟ خذيتي عقلي حتى يومني اغني كل الاغاني توصفك مدري هي عشانك مدري هي تقصدك مدري البعد يبعثرك مدري قلبي جمعك سكنتي وريدي وسلبتي الروح مني ياللي ببعادك احسك عندي وياللي بقربك احسك فيني ياانا وينك عني ؟ وشلون حبيتك فهميني ؟ ياللي سرقتي كل حروفي ياللي عني بعثرني متى بس تجمعني ؟ من كتاباتي _ ____________________ عند نوف بالصاله نوف:يبه شاك بأحد بدر: اللي محيرني الحين صاحب هالرسايل نوف: وش ارسل لك اخر شيء ؟ بدر: بحريق المستودع ارسل هذي الضربة الأولى وبالمطعم ارسل لي ،هذي الثانية يابدر واتمنى انك فطنت الثال...وسكت شوي وكأنه تذكر شيء نوف:شنو يبه كمل بدر رجع انحنى بظهره وحط ايده ع راسه وبهمس:لا ياابراهيم لااا نوف:منو ابراهيم يبه وقف بسرعه وطلع لمكتبه وفتح الباب وراح للمكتب يدور بين الاوراق ولحقته نوف وهي واقفه قدام الباب وتشوف ابوها يحوس نوف بستغراب:يبه شتسوي بدر: تعالي دوري معي ع دفتر لونه اسود حاط به الأرقام مشت نوف لداخل وصارت تدور معه صارت تدور بين الرفوف ولقت دفتر جلد بلون اسود رفعته ولفت لابوها وهي رافعه الدفتر : يبه ذا رفع راسه بدر وناظر ليدها المرفوعه وشاف الدفتر قفل الدرج اللي كان فاتحه بسرعه وتقدم منها وسحبه من يدها وجلس ع اقرب كنبه وسحب النظارة المعلقه بجيب الثوب ولبسها وصار يدور بين الأرقام بتركييز ليين لقاه ابتسم وبسرعه طلع جواله من جيبه نوف: يبه شنو في بدر وهو ينقل الرقم للجوال:بعدين افهمج يايبه اطلعي وقفلي الباب مشت نوف بستغراب وسوت نفس ماأمرها وراحت لغرفتها وقفلت الباب واتجهت لسريرها وجلست فوقه ثم سحبت جوالها من جيبها وفتحته وارسلت رسالة للرقم اللي مخزن عندها باسم عزيز.. وجاها الرد عزيز:هلا نوف: بقولك شيء عزيز: ايوة؟ نوف : شوف مابيك تنفعل مرره بس انتبه وانا مابقولك هالحجي الا لاني اعرفك ماتسوي شيء الا وانت منتبه حيل ولا تتسرع عزيز: مقدمة حلوة ..ادخلي بالمووضوع شنو؟ ""نوف ياربي اقوله ولا ماقوله بس لازم اقوله لا تضيع البنت "" عزيز: مطولة تتحجين؟ نوف : لما نزلت للكافتيريا سمعت .. . . بغرفة ريناد بعد مارجعوا من عند الجيران فتحت الرسالة وشافت الكلام وفتحت المقطع وهي الأبتسامة شاقة وجها دخلت هيفاء وشافتها منسجمه تناظر بالجواال والسماعات باذنها جلست جنبها وسمعت وحده من السماعات ولما خلص المقطع التفتت هيفاء لريناد بستفسار: موكأنه عبدالله؟ ريناد تهز راسها ببتسامة وتوريها القصيده اللي ارسلها تحت المقطع هيفاء بضحكه: ياعيني ييالحب ريناد بخقة تحط ايدها تحت خدها : اموت ولا اموت؟ هيفاء :ههههههههههههههههه مجنونه ريناد: لا تلوميني هيفاء : بس موكأنه نحفان ريناد وهي تفتح المقطع من جديد:الا والله هيفاء: بس ماشاء الله مزيون ريناد: اي والله كان شكل عبدالله بالمقطع متربع والعود بحضنه حواجبه كثيفه وعيونه حجمها وسط ناعسات بلون عسلي فاتح وخشمه طويل وحاد ومخفف عوارضه ومكثف الشنب وشعره لين رقبته ومتمايل ع وجهه بفوضويه لكن معطيه شكل حلو ولاف الشماغ حول رقبته ولابس ثوب اسود ضيق ع جسمه وكان مشدود من اكتافة وهو يدق العود تنهدت ريناد وهي تناظره هيفاء تمسح ع راسها :الله يجعله نصيبك ريناد وهي تناظر بعيون هيفاء :احبه هيفاء ببتسامة: الله يلوم اللي يلومك ""ووقفت وسحبتها "" :يلا انزلي معنا تحت متجمعين وقفت ريناد معها ونزلوا تحت للصالة وكانت حور وعمتها وامهم جالسين وبالارض تيما ورهف بنت هيفاء جالسين يلعبون ريناد وهي تجلس جنب حور وبهمس: اجل تقولين ولدها تركي مطلق ومدري وشو حور: اي ليه ريناد: طلع ولدها الثاني اللي مطلق وهاج مدري وين يدرس ويمكن صاك الثلاثينات قده شايب حور: اما هم قالوا اخو هند عاد شدراني كم اخو عندها فكرته الكبير ريناد وهي تضرب كفينها ببعض: الله يثبت عقلك بس ووقفت وراحت تشيل رهف وتبوسها :وقلبووسسس حبيبة عمتها انا وقلبوسسي وتبوس فيها تيما: اتركيها بتقتلينها ريناد تنزل رهف وتمسك خدود تيما وتبوسها بقوة لين صارخت:اتركيني وجع ريناد بضحكه:حظك رايقه اليوم هيفاء بضحكه: مانلومك ام جواد:وين رايحه ريناد:بسلم على جواد وجاية ام جواد: لا تقعدين عند العيال كثير ريناد:ماعليك يمه بسلم بس وراجعه وطلعت لديوانية الرجال برا حور : هذا وجهي ان رجعت ام جواد: من تشوف سلمان تنهبل هالبنت ام ناصر: على اساس هو يبقى به عقل ام جواد: الله يهديهم بس ام ناصر وهي تشرب القهوه : اميين . بالديوانية دخلت ريناد مدرعمه باست راس جواد اللي كان ولده جالس جنبه وجلست جنب سلمان ورفعت يدها : السلام عليكم يالشباب فارس وهو يرفع حاجب : خير يابو الشباب شعندك ريناد وهي تتربع وتدف سلمان شوي اللي ابتعد عشان تاخذ راحتها بالجلسه :ابد حبينا نسلم فواز: سلمتي خلاص اذلفي جواد: خلوها شفيكم ريناد : ابد حاقدين علي اثنينهم واجتمعوا فارس بحده : لسانك ذا بقطعه سلمان بمداخله يخاف تكبر بينهم: لقيتي لي عروس ؟ ريناد اول ماتذكرت البنات ناظرت فارس وضحكت فارس رفع حواجبه وهو بمعنى خير ريناد : اي لقيت لك وحده لؤطه مزه الف بس المشكلة كبيره عليك فارس بحدة: موعيب توصفين بنات الناس ؟ ريناد بوجهه بريئ:ماوصفت جواد برزانه وثقل: خلاص بس ياريناد ريناد وهي تحط ايدها ع خشمها : ابشر جواد: متى تنزل نسبتك ريناد: فتحت الموقع مالقيت شيء سألت ابلة نعيمة قالت بكرا جواد وهو يهز راسه ويحرك مسبحته: الله يوفقك فارس : خلاص يلا روحي عند الحريم ريناد تناظره :ليه ان شاء الله ؟ مضيقه عليك فارس بنرفزه : ريناد لا تحديني اقوم اكوفنك اقولك توكلي تتوكلين فاهمه؟ سلمان وهو يوقف ويسحب ريناد معه : امشي بقولك شيء ريناد تسحب ايدها من سلمان وتناظر فارس : انت شفيك علي كل ماتشوفني كانك تشوف الجن قدامك؟ فارس : كلمة زايدة اقوم اكسر راسك جواد بحده: فاارس فارس بنرفزه: خلها تنقلع برا عشان ماكسرها صدق سلمان سحب ريناد وطلع : اقصري الشر يابنت ريناد وهي تحاول تمسك نفسها ماتبكي : سويت شيء غلط؟ كل مايشوفني كانه بياكلني وش مسويه له انا ؟ والله لو جهاد هنا مايرفع صوته سلمان وهو يمسك شعرها ويلعب به : ماعليه طنشيه اعتبريه مريض ريناد بقهر: والمريض يتعالج طلع فواز وجاء لهم : رنوده ريناد : خير انت الثاني فواز بفجعه: بسم الله شفيك بتاكلليني خويكم انا ريناد وهي تلف لفواز وشعرها مازال بيد سلمان يلعب به ويناظرهم : خوينا وانت اول مادخلت كرشتني معه وهي تقلد صوته :""سلمتي خلاص اذلفي "" سلمان ضحك ع تقليدها فواز وهو يسوي حزين: والله اني امزح لا تهاوشين سلمان يناظر ريناد وفواز اللي مقابلين بعض وهو واقف ع يمين ريناد وبطقطقه: بالله وش شعورك ووحده اقصر منك تنافخ عليك ريناد لفت عليه وسحبت شعرها : اقصر منه لكن اكبر منه اذا مانسيت فواز وهو يحط يده بجيبه : سنتين ونص ذلت ام امي عليها ريناد بعصبية: والله لو يومين المهم اكبر منك ومشت عنهم فواز: ياشينها لا عصبت سلمان: ليتها صفقتك كان بساعدها فواز وهو يحط يده فوق كتف سلمان: خلك منها امش دخلنا سلمان: ماني بداخل لو دخلت بتلاسن مع فارس لانه غابنتني حركة مع ريناد فواز وهو يحط يده تحت شفته : والله حتى انا مستغرب شفيه مشتط عليها سلمان يبعد عن فواز ويحرك يده بلا مبالاة: مريض الله يشفيه ،تعال نتمشى بالشارع بس من جيت وانا بالبيت فواز ببتسامة شقت حلقة : نلعب كورة؟ سلمان : قدام . . . نوف : لما نزلت للكافتيريا سمعت شيخه تحجى ويا واحد وتقوله بكرا بنتقابل انت تعرف شيخه توها صغيره واخاف احد لاعب بمخها بجذي كلمة وتروح فيها البنيه عزيز:؟؟؟؟ عزيز:شنو تقولين انتي؟ نوف :تكفى عزيز لا تسوي شيء خلينا نتاكد اول ثم نتصرف عزيز: شنو قالت بالضبط؟ولا اقولج انا بدق وفهميني صوت وثواني الا ويدق وفتحت الخط وجلست عزيز بصوت خشن وهادي:شنو تقولين انتي نوف: سمعتها تقول بتتقابل وياه بكرا وبتقول لخالتي انها بتروح عند رفيجتها مدري شنو اسمها نسيت عبدالعزيز وهو يحك خده من فوق عوارضه المحدده بلونها البني وكأنه يحاول يتذكر ثم اخذ نفس وطلعه بهدوء : افراح؟ نوف وهي تحاول تتذكر:اتوقع اي عبدالعزيز بهدوء : زين ماسمعتي متى بتروح؟ نوف : لا بس اتوقع لما انت ترد للبيت عبدالعزيز وهو يهز راسه :نشوف نوف: عزيز عبدالعزيز وهو ينسدح ويريح راسه ويغمض عيونه: همممم نوف: خلاص ولاشيء عبدالعزيز فتح عيونه ورفع حاجب :انطقي شنو نوف :اذا طلع حجيي صج لا تعصب عليها عبدالعزيز: انتي تعرفيني زين يانوف ماسوي شيء الا لما اتأكد واذا هالشيء صج او موصج بنشوف بكرا نوف: انزين بتنام؟ عبدالعزيز :اي نعسان نوف :نوم العواافي عبدالعزيز: يعافيج وانتي نامي بعد نوف:انزين مع السلامه عبدالعزيز :الله معج . . . اليوم الثاني الساعة ١٠ بالضبط كان الجو بالكويت حلو السماء مغيمة وهوا يشرح النفس ومافي شمس طلع عبدالعزيز من المستشفى وراح لبيته وبالصاله جالس وامه تحاول فيه يرتاح بغرفته لكن اصر يقعد بالصاله شاف شيخه طالعه ومتكشخه عبدالعزيز بهدوء:على وين ان شاء الله؟ شيخه وهي تلتفتت له وتحط ايدها ع خصرها: وانت شكو عبدالعزيز وهو يحاول يمسك اعصابة ولا يفلت عليها وبهدوء:كلامي ماراح اعيده ..على وين ؟ شيخه طنشته وجت بتمشي بس وقفتها صرخته عبدالعزيز بحده: شييخووهه شيخه بخوف تحاول ماتظهره : وانت شكوو قولي شكو منت اخوي ولا ابوي عيل لييه تتدخل فيني عبدالعزيز وهو يوقف ويقرب منها على جيت امهم وهي تسمع الصراخ : شنو فيه ليه الصراخ عبدالعزيز بحده وهو يناظرها من فوق لتحت كانت متزينه بالكامل : اسالها على وين تقولي انت شكو ام عبدالعزيز تناظر شيخه بنظره حاده وتلتفتت لعزيز: تقول بتروح لرفيجتها افراح عبدالعزيز وهو يتكتف : عيل انا بوديج وبييبج شيخه بتلعثم وتوتر لاحظه عبدالعزيز: مايصير مايصير ام عبدالعزيز : شنو اللي مايصير وناظرت عزيز ،وبعدين توك ياي من المستشفى شنو لك حيله بالسواقة ياوليدي عبدالعزيز وهو مازال يناظر شيخه : مافيني الا العافية انا بوديج جدامي اذا تبين تروحي شيخه تهز راسها بالنفي وبصوت عالي : ماحتاج منك مساعده انا بودي نفسي عبدالعزيز رفع حاجب وتكتف : اذا ماودج اوصلج انا جدامي على غرفتج ولا اشوفج عتبانه الباب ،الهياته بلحالج انسيها تسمعين؟ ام عبدالعزيز بحده :وشنو عندج ماتبينه يوديج هاه؟ شيخه بقههر : زين زين يوديني عبدالعزيز راح مكان ماكان جالس وخذا مفتاح السيارة : يلا جدامي اشوف طلعت وهي تتحلطم وركبت السيارة وقفلتها بقوة طنشها عبدالعزيز وهو من طبعه هادي جداً ونادر مايعصب على اشياء قوية تستاهل التعصيب وهم بالطريق كانت تهز رجلها بتوتر التفتت لها عزيز وناظر الطريق:ليه ماتبيني اوديج شيخه: شنو اقول لرفيجتي ؟ لا سالتني منو يابج؟ اللقيط اللي فضلته امي علي ولا اللي مسوي روحه اخوي ومادري شنو اصله عبدالعزيز شد بايده على الدركسون لين ماوضحت عروق ايده وشد على اسنانه وهو مايبي يرد عليها "بنفسه" تجاهلها ياعززيز توها ياهل ولا تدري شنو تقول تحمل وطنشها تحمل هدى نفسه بهالكلمات ثم رسم على وجه ابتسامة لكن بسرعه تلاشت لانه موقادر يمثلها ابداً يحس بكلامها مثل السكاكين بصدره اخته او اللي اعتبرها اخته تتفشل منه ؟ تتفشل بشيء ماهو بيده ولا له فيه يد وصل بيت صديقتها وبصوت حد :انزلي نزلت شيخه وقفلت الباب بقوة غمض عيونه وهو يستغفر ويهلل ويصبر نفسه لا ينزل ويصفقها وقفت هي تناظره ونزل القزاز : ليه ماتخشين؟ شيخه: خلاص امشي انا بخش الحين مابي رفيجتي تشوفك وتسالني عبدالعزيزز وهو مقطب حواجبه : اذا سالتج قولي لها سواقنا يلا خشي ماني بمتحرك لين تخشين توترت شيخه ومشت خطوة وخطوة توقف دقت الجرس وهي تدعي يفتحون بسرعة واخيراً فتحت الشغالة الشغالة :اهلين مدام ؟ شيخه بتوتر: ااا شسمه افراح موجوده؟ الشغالة : نو مدام افراح فيه روح مع بابا كبير وماما كبير يجي باكر شيخه وهي تدف الشغالة وتخش وتسكر الباب : ااا انزين ممكن تييبين لي ماي الشغالة بستغراب من تصرفها لكن سكتت وراحت تجيب مويا وعزيز لما شافها دخلت وسكرت الباب حرك السيارة وحطها بمكان مايمديها تشوفه ووقف بينهي شكوكه . . . عند سديم صحت من نومها على ازعاج اخوها الصغير وهو يدق الباب قامت وشعرها محتاس حول وجهها بنعومه والبجامه محتاسه فوقها فتحت الباب وشافته مطلق: سديييم ابوي يقول انزلي افطري معنا سديم هزت راسها ودخلت الحمام وقفت عند المغسله ورفعت شعرها بربطة الشعر اللي بيدها ومسحت وجها ناظرت عيونها المنتفخه من تحت من كثر البكا ثم فرشت اسنانها وطلعت مرت من عند المرايا اللي بغرفتها والقت نظرة ع بجامتها السودا الطويلة وبلوزته بكم طويل نزلت تحت وشافتهم ينتظرونها سديم بصوت ثقيل :سلام صباح الخير الكل :وعليكم السلام ،صباح النور عزام: وهو يناظر الاكل ويمد يده يحط بصحنه: طولتي بالنوم ياست سديم سديم وهي تجلس جنب اخوها مطلق ولا ردت جمانه وهي تناظر تعابير وجهها وعيونها : سدوم تعبانه ياماما؟ سديم هزت راسها بالنفي وصبت لها بكاسه حليب عزام رفع راسه يناظرها ثم التفت بسرعه لجمانه اللي فهمته من نظراته ونزلت راسها للصحن ونادى:سديم رفعت راسها تناظر ابوها جلس يتأمل وجها فتره : افطري زين استغربت نبرة صوته لكن سكتت وصارت تحط بصحنها تاكل جميلة:ماما ابي اقص شعري جمانه: من طول شعرك عاد جميلة: بقصه لحد هنا "وهي تأشر فوق رقبتها بشوي " عزام: عشان اقص لك رقبتك جمانه بدلع : لييه بابا عزام: بدون ليه وافطري ساكت ضحك مطلق وهمس لسديم: ياهو قصفها ابتسمت سديم لاخوها وكملت شرب الحليب . . . . عند الزين كانت تناظر من الشباك لحوشهم حطت ايدها ع صدرها وبهمس: وش مشكلتك الجديده ياتؤامي ليه احس بيصير لك شيء يالله تيسر ولا تعسر وتحميه ان كان او كانت بمشكلة تنهدت وكملت شرب القهوة اللي بيدها رن جوالها ورفعته وشافت زينب المتصلة فكت الخط وحطته ع اذنها : ياهلا زينب بدفاشه: صباح الخير والنوير ضحكت الزين : صباح النور والانوار وش هالحماس اليوم زينب: فيني طاقة فياضه ابي اطلعها الزين: اركضي زينب : لا تكفيين مالي حييل الزين: وش لتس حيل له زينب: اكل الزين: خففي خففي سوي رياضه زينب بستعباط: وش يعني رياضه ضحكت الزين وسمعت صراخ نور من بعييد: ننههىىىىىى لييششش لبسستي بلووزتتتيييييي الخضرااا نهى بنفس الصراخ : مالبسستها شوفي زيينب زينب بهمس لزين: خليني انفذ بجلدي اكلمتس بعدين الزين : هههههههههههههه موفقه زينب دعواتتس انتصر بالمعركة باي الزين:هههههههههههههههههه باي قفلت الخط ووقفت تدور امها من اخر كلام لها بالمستشفى ماصار بينهم كلام كثير فقط كلمة ورد غطاها . . . . عند عزيز مرت دقيقتين الا وهي طالعه وقفت عند الباب بحدود الربع ساعة شوي جاتها سيارة وطلعت فيها وهو الحين يلحق السيارة جاه اتصال وشاف انها نوف رد وحطه سبيكر عزيز وهو مركز بالطريق :نعم يانوف نوف: صباح الخير عزيز وعينه ع الطريق : صباح النور نوف : وينك في عزيز: ورا شيخه نوف : شنو صار عبدالعزيز: وصلتها لرفيجتها وانتظرت ربع ساعة ثم ياتها سيارة وطلعت معها نوف بخوف عليها: الله يحميها وسكتت شوي ثم كملت ، ماشفت مع منو طلعت؟ عبدالعزيز: لا بس بمشي وراهم لين اشوف وين يروحون نوف وهي خايفه على شيخه وعلى عزيز لا يتورط: بتقفل ؟ عبدالعزيز وهو يشوف السيارة تنحرف لمكان بر : اي شويات واكلمج نوف بخوف : انتبه ع نفسك عبدالعزيز وهو يراقب السيارة اللي تتمايل يمين ويسار : طيب طيب وقفل الخط واسرع ورا هالسيارة لما شافها وقفت ونزل بسرعه وراح يضرب القزاز ""بالسيارة"" شيخة ببتسامة : وين بنروح ابتسم ابتسامة خبيثه ولف يناظرها وغمز: مكان بيعجبج ياروحي ومد يده يمسك يدها شيخة انبسطت اكثر وصارت تناظر الطريق شافته يمشي بمكان صحراء وبخوف بدا يخش بقلبها : بسام وين بنروح بسام بضحكه شيطانية: قلت لج مكان بيعجبج ورفع ايدها بيبوسها سحبت شيخه ايدها بخوف وحطتها بحضنها بسام : له له له له شنو فيج ياروحي شيخه بتوتر: خلاص نزلني برد بيتنا مابي اروح بسام ضحك بصوت عالي: بدري يااروحي تو الناس شيخه بصراخ:اقولك نزلني بسام: موقبل ماخذ اللي ابي شيخة بخوف : ش ش شنو شنو تبي بسام ببتسامة: الحين تشوفين شيخه جت بتفتح الباب سحبها بسام بسرعة وأمن الابواب شيخة وهي تضربه وتصارخ: وقف اقولك وقف وقف وققف وقف بسام وسحبها :لو تصارخين لين باجر محد سامعج يالغبية شيخة بصراخ: وخخررر وخرر وخرر بسام : شنو حسبالج بتزوجج يالياهل مينون انا اتزوج وحده طلعت معي لا وتدز لي صورها شيخه بصراخ وهي تضربه : اتركني اتركني ياحيوان بسام :بتركج لا تخافين بس موالحي..... 
 
|
|
03-09-2023
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
بيض الله وجهك
طرح واختيار روعه للموضوع لاحرمك الله رضاه لك كل تقديري واحترامي مجنون قصآيد
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
