أنا آسف .. نسيت أعلّمك وشلون تنساني ..!

أكيد إنك على غفلة نسيت وجبت لي سيره..

أو إني ما عرفت أعلمّك وشلون تنساني !

كثر ما كنت أشوف إن المفارق ضيقه.. وحيره

كثر ما كنت أحس إنك ولهت.. وجاك ما جاني

أعرف الحب الأول ما يموت.. وما يجي غيره

وأعرفك كل ما يطري عليك القرب.. تلقاني

أجل ما قلت لك: ساعة معك تسوا لها ديره

علامك تزرع الغيبة قصيد وتحصد أحزاني ؟!

تغيب وما تبيني أطوي الدرب ومشاويره

وأنا لولاك ما كان القصيد يحرّك اشجاني

إذا ما كل شاعر يكتب إلهامه وتفكيره

تعال اكتبني في دفتر حياتك.. واعزف ألحاني

حبيبي والطعون اللي تجي من خنجرك.. خيره

لأن الجرح يأخذ هيبته من هيبة الجاني

تعبت وكل ذنب بغيبتك ماتت معاذيره

مثل ما كنت مسرف بالعطايا.. وانت حرماني

تخيل حتى لو قلبي بديت أشعر بتقصيره

أدوّر لك بداله قلب يعطي والعمر فاني

لو إنك تفهم إحساس الغلا وشلون تقصيره

أدوّر لك بداله قلب يعطي والعمر فاني

لو إنك تفهم إحساس الغلا وشلون تأثيره

فهمت شلون ما شوفك.. واجيب اسمك على لساني

تصدِّق عاد.. أنا والشوق والإحساس والغيرة

جلسنا كل واحد يشكي غيابك على الثاني

أقولك شيء.. وما تزعل علي.. ونفضَّها سيره

أنا آسف.. نسيت أعلّمك وشلون تنساني !!

ذائقة / غيم

سلمت يمنــآك
طرح جميل جدا

عطيك العافيه على المجهود الرائع
لاعدمتك

*،




آنتقاء مميز .. مَ ننحرم من جديدك

شكراً لحضوركم الانيق ..
ممتنة واكثر لكريم حرفكم ..
تحياتي وتقديري ..

صح لسانك ولسان شاعرها
اختيار جميل غيم

شكراً لثنائك ..
ممتنة لحضورك الالق ..
تحياتي /

طرح متميز
وانتقاء زاد به التميز
دوما يحتل صفحاتك عنوان الرقي والابداع
كلنا بشغف لمزيد مما يأتي من اناملك
سلمت بحجم هدا الكون واكتر
لا حرمناك ابدا
مودتي

ابيات رائععه
صح لسانك

قصيدة أكثر من رائعة
دام أبداعك وعطائك الراقي
لك مني جزيل الشكر والتقدير...
ودي وعبق وردي