لولا ظروفي

ليت المسافة بين الأحباب ملّي
أو ليتها كل الشوارع تشابك
حبيبتي يا شمس روحي وظلي
البعد زوّد لوعتي في غيابك
جلست اقلب ذكريات مضى لي
واسامر النجمة بصفحة كتابك
مشتاق لك يا بعْد كلي ومن لي
لولا ظروفي ما تعديت بابك

ما تدري اني في بعادك كما اللي
غض الجناح اللي تعلق سحابك
ما غير اقزر دنيتي بالتسلي
وانسى جروح ذكرتني صوابك
كلما زهمت الوقت عيا يا خلي
لا طاعني وقتي ولا الشوق جابك
صار الوصل ما بين ثقل وتغلي
وضاع العمر وانا اتحرى جوابك
ابعذرك واللي حصلي حصلي
راضي بعذرك واتحمل عذابك
وان كان حبلك بالوصل ما وصلي
فا أقول لك حب بدا وانتهى بك