نفســي عزيزة يا بندر ... الكاتبه ::: قلم نابض بجويتي

//‏ نفســـــــي عزيزة يا بندر //
بقلم: قلم نابض بجويتي



الشخصيات
بو بندر و بو محمد أخوان .
عايله بو بندر . .
بو بندر _ رجل أعمال و له سمعه طيبه في السوق الإقتصادي .
ام بندر _ ربه منزل
بندر _ 30 سنة و يشتغل مع ابوه في الشركة . .
عزوبي . بشرته حنطاويه و جذاب و عريض الصدر و طويل القامه .فيه غرور و عصبي يعني كبريت بس حنون
جاسم _ 26 مدرس رياضيات و متزوج بنت عمه فاطمة و له بنت اسمها حور عمرها سنتين
و حبوب و عكس مواصفات اخوه بندر . جاسم أبيض و نحيف و متوسط الطول .
عبير _ 23 سنة طالبه في الجامعه و جميلة حيل و بيضه و شعرها أحمر ناري . طولها اعلى من المتوسط بشوي . .

عايله بو محمد
بومحمد _ رجل اعمال و شريك أخوه بو بندر في الشركه
ام محمد _ ربه منزل
محمد _ 31 يشتغل مع ابوه و رفيج بندر . طبعه هادي و جميل و ابيض و خاصه عيونه جنها مكحله .متزوج بنت خالته بدور و له ولدين عمر و عثمان توأم 3 سنوات و بنت عايشه سنة ..
عذاري _ 27 سنة متزوجه واحد من جماعتهم . و لها بنت دانه ثلاث شهور و ولد طلال سنتين
فاطمه _ 25 سنة خجولة حيل و متزوجه ولد عمها جاسم و عندها حور .
جنان _ 23 سنة طالبه في الجامعه . ملكه جمال
و ناااعمه و بيضه و شعرها اسود فحم و ناعم بس مدرجات و اطول درجه يوصل كتفها . متوسطه الطول و رفيجه عبير .
سارا _17سنه طالبه في الثانوية حلوه بس دلووعه و آخر العنقود

عايلة بو أحمد ( أخو ام بندر )
بو أحمد : 52 سنة مستشار قانوني و له هيبه
ام أحمد : 49 معلمه أولى قسم لغه عربية
أحمد : 34 محامي متزوج بنت عمه صفيه و له أربع أولاد
نواف : 27 سنة ضابط و متزوج بنت عمته خزنة و له سنتين مارزقه الله بالذرية
نوف : 25 سنة مو متزوجه
جذابه و أنيقه و عيونها حاده شعرها كيرلي طبيعي لونه أشقر شخصيتها متكبره و أخلاقها صفر دايما تحتقر بنات عايلتها و تشوفهم أقل منها بالرغم انهم جميع من الطبقه الغنية بالديره لكن أبليس عمى بصيرتها و أخذتها العزه بالأثم ..



بسم الله على بركه الله . .


// الجزء الأول //


في بيت بو محمد .

جنان بقهر _ آسفه يمه شوفوله وحده غيري .
الام بضعف _ يابنيتي يا حبيبتي الي قاعده تقولينه غلط
جنان و اهي تمشي يمين و يسار و كاتمه البجيه _ حراااام عليكم شنو انا حياتي مو مهمه عندكم ماعندي راي قلت للمليون مره لا يعني لا إلا هالبندر المغرور شايف نفسه علي بشنو ؟
و تركت امها و نزلت للدور الأرضي . شافت سارا تابع توم و جيري .
و طلعت حرتها على هالمسكينه .
جنان _ الحمدلله و الشكر هالطول هاذا و آخرتها توم و جيري
سارا ببروود و مدت الأحرف بدلع
سارا _ محترراااااا
عادي حبيبتي جنو اتصدق لج و أقص لج من طولي عشان ماتفشلين بندر لي قالوا زوجته قاااازاااماااا
قامت جنان و امسكت شعر سارا البوي و قالتها و هي معصبه _ كرري كلامج و شوفي شيصير فيج يا سويروه
سارا بألم _ آآآي عورتيني يما يما يما تعاااالي

سمعوا صوت الباب الخارجي يفتح و لا ابوهم داش
بو محمد _ يا هلا ببنياتي حبيبات قلبي .
ركضت سارا يم ابوها و تحب راسه و بدلع _ هلا والله بو محمد مرحبا الساع ..
بو محمد و بضحكه خفيفه _ يا هلا فيج يا قلب بابا
سارا بغنج بتقهرر أختها _ يوبا متى عرس جوجو ؟ عشان افصل نفنوفي قبل الأختبارات
بومحمد بإبتسامه_ إن شاء الله بعد شهرين
جنان بحرقه _ بعد ! شلون يعني مالي راي !؟ لهدرجه انا رخيصه عندكم . .
اول ماخلصت كلمتها ولا تبجي .
جنان و الدموع مليانه عيونها_
يوبا مابي بندر ما بيه ما بيه
و تركض بتروح لغرفتها .
سارا بتكشيره _ يوبا والله مايصير . ارفضه حرام جذيه والله .
بو محمد و يهز راسه _ الله يهديها بس . يايمه يا سارا بندر خاطبها و هو حاجزها فخلاص هو لها و هي له بعدين أختج بتعقل بعد الزواج . لاتخافين يابنيتي .
ألتفت بو محمد للتلفزيون و ضحك .
سارا حبيبتي لي متى بتكبرين بالثانوي و تطالعين رسوووم ؟ (طبعا يقلدها بمد رسوووم )
سارا و الحلج تبرطم _ يووووباااا
و بصوت خفيف _ محترررر
بومحمد عارفها عدل _ قلتي شي سارونه ؟
سارا بضحكه _ نووووووو
بومحمد و هو يمشي بيروح لغرفته _
يالله مع السلامه
سارا _ تشاااو بابا . .
هز راسه و ابتسم و سكر باب غرفته . .

&&&&&&&&&&&&&&&&

نوف تكلم عهود رفيجتها _ ياربي يقهرني هالنواف أربع و عشرين ساعه يدق علي وينج و مع منو ؟ يوترني هالمتخلف
عهود بحقارة و بذاءه _ قلتلج وافقي على سعد و هو متعلق فيج و شاريج بس انتي عنيده و تبين هالمعقد ولد خالتج
نوف بقهر _ بااااااااااااااس ياعهود لا تزيدين الجيله الي بروحي يكفيني
عهود و تعرف شنو الي يريح نوف _ انزين متى تبيني أمرج عشان نروح للسووق
نوف وتهز رجلها و مزاجها تحسن _ أممم تعالي 7و نص
عهود_ لا يكون بتاخذين موافقه السي سيد
أضحكت نوف بتغنج و كريه جدا _ نوووف بنت جاسر تاخذ راي نوافوه خل يشيخ على مرته هالمعقده
عهود بابتسامه خبيثه _ كفو و الله يلى سي يو
نوف بمتعه وراها طلعه للسوق _ سي ياااا حبيبتي
سكرررته من رفيجتها

&&&&&&&&&&&&&&


بندر بصوت مرتفع شوي _
يوبا ليش كلمته انا كذا مرة قايل مابي بنت عمي و اصلا مابي اتزوج من الاساس ؟
بوبندر بعصبيه _ بندر ترى انا ساكت عليك من خمس سنين و أقول يمكن يعقل بس طلعت مجنون ألحين اقولك بنت عمك محجوزه لك من زمان و ابوها يرد الخطابين عشانك و يبيك تتحرك و انت ولاهامك . و ألحين خلاص البنت ماهي صغيره و انا اتفقت مع عمك العرس بعد شهرين . .
بندر و ايدينه ماسكه راسه _ ليش ليش يا يوبا ليش ؟ هاذي مثل عبير بالنسبة لي ؟
بو بندر بصوت عالي _ بندر هذي بنت عمك مو اختك و قضي الأمر خلاص لا تفشلني
و جناحك روح أثثه أنت و أمك وأختك . .
و طلع الأبو و هو يقول _ الله يصلحك يابندر ماتعرف هالجنان و الله جوهره وماتعوض
ظل بندر سرحان بالمصيبه لين ادخلت عليه امه _
السلام عليكم

و أمه تمشي لي وصلت عنده و قالت_ بندر بندر
بندر طالع بأمه و تكلم بأسى_ هلا يمه تبين شي
امه _ سلامتك عسى ماشر شفيك انت و ابوك اصواتكم عاليه في شي ياوليدي ؟
بندر بزفرة_ لا يا الغالية ما في شي .
الام بفرحة و تصب لها فنجان قهوة _ زين يمه من وين تبينا نشتري اثاثك ؟
بندر بإبتسامه مصطنعه _ على راحتج انتي و الخبله عبيروه
و لا الذيب عن طاريه
عبير وايدها على خصرها _ منو الخبله ؟ يا بعل السنيورا جنان
بندر بضحكه _ حلوه منج بس لايكثر ..
عبير بتعمد وهي تجلس عندهم _ ماما باجر جوجو بتشرفنا اهنيه فبيتنا العزيز عازمتها على مباراة ويمبلدون تنس و تعطي أخوها نظره يعني منو قدك !
ماتدري شلي بقلب أخوها . بس بندر ماحب انه يبين شعوره عند امه و أخته
بندر بضحكه عالي طويله _
ماما و جوجو و مباراة و عزيمه عز الله انج خبله و نكته بصراحه الي بياخذج راح يستانس عنده جحا فالبيت .
عبير بدت تتفلسف _ اصلا الضحك ينشط المخ و يريح الأعصاب و و .. و بعدها صوتها انخفض و عيونها تشوف بندر قام و راح لغرفة ثانية _
صج مايستحي ولدج هذا بس يبي يتكلم و غيره لا . الله يعينج يا جوجو على هالمغرور .
أم بندر بعصبية _ أستحي يابنت شلون تتكلمين جذيه عن أخوج الكبير
عبير بقهر _ أيه دافعي عنه هذا الحبيب الدلوع .

&&&&&&&&&&&

( مجمع تسوووق )

بمكان من أبغض الأماكن عند الله عزوجل مكان تجتمع فيه شياطين الأنس و الجن قلوب مريضه غرها زخرف الدنيا لهاها عن ذكر الله أصوات و مشيات تتغنج أقنعه صارخه بالألوان عباءات مزخرفه مزركشه روائح تغرد الأنفس و تحرك الشهوات .

مجموعه شباب يمشون ورى نوف و عهود و يتحرشون بكلمات بذيئة تخجل الواحد
شاب _ أنتي يا حلوووه يبا عطينا فيس كل هاذا يعني ثقل
شاب ثاني _ أمحق ثقل و لابسه هالعباية يبا عادي بس نظره من هالعيون الذباحه آآه ياقلبي
ألتفتت له نوف و عهود و عطوهم إشارة فأخذن الأرقام و بعدها أقعدن بالباسكن روبنز
و هن معروفات عند المطاعم من كثره روحاتهن لهم




بيت بو محمد و تحديدا بغرفة جنان

قاعده قدام المنظره تتمكيج
و تغني بصوت واطي .
و ألبست جنز أسود برمودا و بدي أحمر غامج . . . .

اسمعت أحد يدق بابها بيدخل .
جنان _ تفضل
أمها _ دام فضلج ها خلصتي ؟
جنان _ ايه بس ألبس عباتي و نقابي .
امها _ خلاص ابوج يبيج بمكتبه قبل لا تطلعين
جنان _ أوكي يما
ألبست جنان عبايتها و أهي تنزل للدور الأرضي و لا صوت الهاتف الثابت يرررن

شالته و قالت بصوت هادي
جنان _ نعم
..... _ يا هاني أخذ الأوراق ودها لأبوي بمكتبه شنو ..
جنان بصوت عالي _ نعاااام
.... _ إيه شقول انا من اليوم بعدييين انتبه المتصل ان أحد معاه وقال _ آلو
جنان بقهر سكرت السماعه بوجهه .
. .

و مشت بتروح لأبوها
و لا التلفون يرن مره ثانية
جنان مالها خلق . عارفه منو هالشخص الي عمرها ماراح تنساه ..
أرفعت السماعة . و بصوت عالي وبقهر كبته من خمس سنين ولا فضفضت لأحد
نعم شتبي تكلم ياولد العم .
أوووف
بندر بعصبية _ الظاهر ماتعرفين الاصول يابنت الأصول
يعني داق عشان سواد عيونج شبي فيج يلى خلصيني وين محمد ؟
جنان هالكلمة حزت فخاطرها
فردت عليه بصوت مبحوح _
محمد مو موجود دق على ...
طوط طوط طوط طوط
سكر بوجهها . .
جنان حست بالإهانة من حركته . لهدرجه شايفها مو شي

استوعبت جنان تأخيرها
أووه نسيت أبوي . ومشت بخطوات ثقيلة و كلمته تردد على أذنها شبي فيج من سواد عيونج
قويه يا بندر ليش تحب تجرحني للحين جرحك ينزف فقلبي .
ما طاب يابندر ماطاب ماطاب !!
بو محمد _ دخلي جنان
جنان و عند الباب بإبتسامه حالمه _ هلا يبا بغيتني
و بو محمد يوقف و رايح لبنته و حط أيديه فوق أكتوفها و بإبتسامه ترد الروح
بنيتي بندر عطاني مهرج و استعدي ماباقي على العرس إلا شهرين .
جنان جسدها بس ألي حاضر عند أبوها بس عقلها رجع ل 5 سنين فبيت عمها و خاصه وهي واقفه عند الدرج بتروح للمطبخ . و تسمع بندر مع عمها و مرته يتناقشون بخطبته لها و كان هذا أحلى خبر لجنان و الدنيا مو سايعتها و أخيرا تحقق حلمج ياجنان و بتاخذين الرجال إلي تتمنينه و تحلمين فيه وكانت بتركض لعبير و تزف لها هالبشاره . . بس يافرحه ماتمت
بندر بصوت عالي _ يوبا مابيها شنو انا بنت انغصب و ينفرض رايكم علي ليش معقدين حاجزينها لي من زمان قلت لا و ألف لا
ام بندر بخوف _ يا بندر قصر حسك البنت فوق عند أختك لا تسمعك
بندر بلا مبالاة _ خل تسمع بالطقاق إلي يطقها . انا زواج من جنان مااااااابي انزين
و تركهم و طلع برا البيت من قوة صكة الباب .
بندر كان رافض فكرة الزواج
بعد بنت جيرانه الي كان يحبها من كل قلبه بس أهي ماكانت تدري عن حبه فتزوجت ولد عمها و سافرت معاه خارج الكويت واستقروا برا
بعدها رفض فكره الزواج إلين يلقى إلي تجذبه و يحبها . و جنان كلش مو طايقها كزوجه جذيه بدون سبب . . ويحس تجاها كأنها أخته لانه اكبر منها بسبع سنوات
جنان تحس خنجر طعن قلبها بقوه و انزلت منها دمعه قاهره حارقه و جرت ذيول الإهانه و الحسره . .
وراحت لبنت عمها بدون ما تحسسها بشي . .

بو محمد يهز كتف بنته _ جنان ها يمه أي شي تبينه و ناقصج مايردج إلا لسانج .
جنان بأسف _ و حلجها يرتجف تبي تبجي بس تحس أنها مو قادرة
فنزلت منها دمعه . . و قالت بكل إنكسار لأبوها .
تسلم يوبا جعلك ذخر لنا .
و حضنت أبوها و تبي تنسى رفض بندر لها . و ابوها حب راسها .
دخلت عليهم سارا _ جوجو عبير دقت ع البيت تبيج ضروري . بسررررعه
جنان تركت أبوها و قالت بضحكه
يوبا انا استأذن ألحين تلقى عبير ميته قهر تأخرت عليها .
مع السلامة يوبا .
بو محمد _ مع السلامة بحفظ الله .

طلعت تركض فوق لغرفتها نست موبايلها . و لا قدامها بدور مرت أخوها محمد
بدور _ شوي شوي هدي يا حلوه
جنان ببشاشه _ بدور مالي خلقلج و خري عني
بدور سادة الطريق على جنان إذا راحت يمين سوت مثلها وإذا راحت يسار هم سوت مثلها بعد .

عصبت جنان من صج _
بدور قسم بالله لأعطيج بوكس يكسر خشمج هذا
بدور و تضحك تبي ترفع ضغط بنت خالتها _ بل بل هذا و انتي بتصيرين عروس الله يعينك يا بندر . تعال تعال شوف بنت الحسن والدلال شقاعده تسوي
جنان بقهر _ الله يعيني انا . كل الدعاوي له و انا بلي مايحفظني .
وخرت بدور لجنان بس قالت لها _ انزين وين بتروحين ؟! و الله شهالزين ؟ وين ياجنان ؟
جنان بقهر تعرف بدور ماراح تطوفها _ بروح عند عبيررر عندج مانع حضرة بدور هانم
بدور بإبتسامه خبيثه _ لعبير ولا لحبيب القلب .
جنان طنشتها و راحت تاخذ موبايلها ولا عبير حارقة جهازها من كثرة اتصالها . .




بيت بو بندر

مافي في البيت غير ام بندر و عبير و فاطمة مرة جاسم و أخت جنان
اما بوبندر و بندر في الشركة و جاسم عند ربعه .

جنان بفرحه _ هيااااا
عبير و شوي و تبجي ._ اووه خلاص ياجنان اسكتي . وبأنفعال _ هيا هيا هيا لاتفرحين واجد باقي شوط
و ام بندر تشوفهن و تقول لمرة ولدها _ لاحول ولا قوة إلا بالله
اكبروا و استخفوا الظاهر الزواج بعقلهن . .
فاطمة ابتسمت ابتسامة هادية _ الظاهر خالتي الزواج بيسنعهن تقل شباب مو بنات .

و صراخ و شد حيل و كل وحدة تتطنز على لاعبها المفضل .
و أخييييرا صرخت عبير و قعدت تبجي
ليش ليش جذيه فرحت العذال علي
جنان بفرحه عارمه نست كل جروحها بهاللحظه و قعدت تنطنط و تقول _
عبير روحي غيري هالتي شيرت مالت عالوجه
أنقهرت عبير و قعدت تركض وراها بتطقها ..
و إلا صوت التلفون . .
ويتراكضن من تشيله قبل الثانية و بعدها تركتها عبير واستسلمت بتروح تشرب ماي تعبت و راحت جنان يم التلفون .
جنان بنشوة الفرح بالفوز_ مرررررررحبا
بندر معصب _ عبير روحي لغرفتي طلعيلي دشداشة بسرعه و سكر الخط .
جنان بإحراج _ عباله انا أخته .. شكله ما انتبه ع الصوت من العصبيه
جنان صح أنجرحت من بندر و تقول لعبير انها تكره و شايف نفسه بس بالقلب غير لو تقول لنفسها انا اكره ..تدري انها تضحك على نفسها

ماحست إلا بعبير تطقها على راسها _
هيييي وين رحتي ؟
جنان طقتها بعد ع راسها _ اي آي عورتيني
عبير _ انزين منو الي دق
جنان و رافعه حاجب واحد _ أخوج المغرور
عبير بملل _ شيبي بعد هذا ؟
جنان _ يقول طلعيله دشداشه بسرعه
عبير بخوف _ حسبي الله عليج وتوج تقوليلي
جنان _ شفيج مخترعه
عبير اتركتها و راحت لغرفة أخوها و جنان ترددت أروح ولا لا .. أخاف يدخل علينا لا مااعتقد
أخر شي قررت تروح و صعدت لغرفته .

بندر منقهر من أخته يدق ع البيت و على جهاز اخته بس ماحد يرد .
يدري ان جنان عندهم عشان جذيه قاعد بالدوانية .
فور الدم عنده . و يكلم نفسه _
هاذي بارده كل هذا اطلع دشداشه
دخل البيت سمع اصوات من المطبخ عرف صوت امه .
و يصعد الدرج بخطوات متسارعه و بدرجتين

جنان أول مادخلت الغرفه غمضت عيونها و ريحه الغرفه تشرح الصدر ياحلو ريحة عطرك يا بندر .

غايب وانت بالقلب موجـــــود
ماغبت عني يا أعز غالـــــي


أذكرك لاشميت ريحة العـــــود
وأذكرك لاهبت هبوب الشمالي
وأذكرك لابانت لي أزهار وورود
وأذكرك لاشفت القمر فوق عالــي.

فتجولت في الغرفه . . و شافت صوره له عند طاولة مكتبه و اخذت تأمل ملامحه
ليش يا بندر كل هالقسوة من وين جايبها ملامحك ماتدل على قساك بعدها اتركت صورته و طالعت بعبير و عبير من الخرعه اطلع دشداشه و تطيح و تاخذها . جنان لاحظتها و عبير تقول _
ياويلي منه بيلعن خيري
جنان بإرتباك _ شفيج عبير مو على بعضج . . شنو وحش هو . ؟ خل يحمد ربه بعد البيت متروس خدم و يشغلج خدامه عنده صج أخوج ماعنده سالفه
و لا على دخلت بندر و عيونه حمر من تأخير اخته و وقاحة بنت عمه فبيته و فغرفته و تكلم فيه . .
و فتح الباب على مشراعه .
بندر بنبره سخرية _ دايما أسمع
أن في ناس وقحين بس ما عاشرتهم يا بنت العم لكن شكلي بتعايش معهاااا ؟
وألتفت لأخته _صح يا عبير و لا كلامي غلط ؟
جنان الصدمه ألجمتها وأخرستها
و فجاءة أخذ دشداشته و دخل الحمام" اكرمكم الله "
عبير انحرجت من الموقف وابتسمت بإحراج لجنان
شناطره زفه بعد ؟ خل نطلع
جنان بصدمه أول مره تشوف بندر ع الطبيعه بعد 5 سنوات و يكون بالطريقة هذي
طلعوا من الغرفه و دقت جنان على السواق يجيها ألحين و ام بندر تحاول فيها تعشى عندها بس جنان لفت الموضوع بان راسها يعورها .

الساعة 1 بالليل بندر يتقلب بفراشه النوم جفاه . يفكر بموقفه مع جنان .
بندر بداخله _ شفيك يا بندر انهديت ع البنت هاذي أول مرة تشوفها بعد ماتغطت عليك .
و تكون شرس معاها . بس احسن تستاهل فغرفتي و لسانها طويل . تو الناس يا بنت عمي ماشفتي شي . ان ماخليتج تحترميني . و تندمين ع كلامج !!
ابتسم بخبث_ بس حلووووه

قعد حوالي 10 دقايق يخلل أصابعه فشعره لي ناااااام



// الجزء الثاني //






أتصل بو بندر على اخوه بو محمد عشان يخيمون و ينتهزون فرصه المتعه بهالجو الطلق ..
بو بندر_ السلام عليكم ياخوي
بو محمد_ وعليك السلام هلا و مرحبا ببو بندر
بوبندر_ مرحبا فيك يابو محمد
شخباركم و شعلومكم ؟
بو محمد_ الحمدلله مانشكي باس انتم شخباركم ؟
بو بندر _تمام ياخوي أقول ماودك بطلعه مع الأهل جميع ؟
بو محمد_ اي والله ودنا و زاده هالجو الزين بس متى ودك نمشي ؟
بو بندر _ بعد صلاة الفجر إن شاء الله نمشي جميع و نقعد ثلاثة أيام و يمكن بو أحمد يلحقنا
بو محمد_ ابشر وانا أخوك و حياه الله بو أحمد و نبي شاعرنا يعطينا من قصايده الزينة مو يخشها عنا ترانا أهل مو عذااااااااال
بو بندر و يضحك _ هاذا هو قاعدن جنبي خذه و ابشر باللي يسرك
عطى بو بندر السماعه لبندر و بندر مايدري شسالفة
بندر بإبتسامه _ هلا هلا هلا و مليون حبه عالراس لبو محمد
بو محمد_ أقول أترك عنك هالهرج الزايد يا بوعذبي و لاتنسى تسمعنى من قصايدك الجديده وانا عمـــــك
بندر و أصبعه على خشمه _ أبشر عالخشم يا عـــــم
بو محمد بفخر_ بعدي و الله
و سلملي عالأهل ياوليدي بس لاتنسى البندقية باجر تجيبها معاك
بندر_ ان شاء الله و حنا نقدر ننساها يالله خذ الوالد يبي يكلمك
أخذ السماعة بو بندر_ أقول يابو محمد أتصل على صاحب الناطور رقمه ألي عندي ضاع و يالله شي فخاطرك
بو محمد _ سلامتك
بو بندر _ اجل فمان الله
بو محمد _ بحفظه يابو بندر
سكر بو محمد السماعه و ألتفت لأهله
ام محمد_ هذا بو بندر ؟
بو محمد_ ايه و اجهزوا بعد صلاة الفجر نمشي للمخيم و سنعوا اغراضكم عدل كلامي
جنان وسارا يصفقون بأياديهم ببعض _ ييييييس مابغوا شيابنا
ام محمد بنظره سكتتهم
بدور _ عمي انزين كم بنقعد فالمخييييم ؟
سارا بفرحه_ صح بابا جم بنقعد يااااي وناسه بنركب بانشي و باقي
بو محمد _ شنووو ! ! ! عيدي كلامج سارونه شقلتي يابابا ؟ أكررها ان ركبتن بقيات حشيت هالرجلين حش لا تعصن كلامي
جنان _ ما عاش من يعصي كلامك يبا
سارا _ يووووبا والله قهررر الشباب يركبون و احنا نووو وي عشان جنان ماتعرف تسوقه و بغت تروح فيها انزين أنا شدخلني شذنبي أتحمل اخطاء غيررري شذنبي شذنبي ؟
جنان و فاتحه عيونها عالآخر بقهررر _ شفت يبا شفت نذله نذله نذله راح اركبه و نشوف يام الخلاجين
بو محمد كاتم ضحكته دايما بناته إذا اجتمعوا يسوون شوشره و يخربون على بعض _ عييب شهالكلام هذا و احنا موجودين شلون لو مو موجودين شبتسون ؟
ام محمد _ اصلا انا غاسله ايدي من صحه عقل هالثنتين اللهم ياكافي خصوصا هالنتفه هاذي تحب تحرش بالكبيرة
بدور بضحكه ناعمه _ صاجه يا خاله سويره يبي لسانها قص
سارا زعلت كلهم عليها و بتروح لغرفتها ولا ابوها ماسك يدها و يبتسم _وانا اصبر على زعل دلوعتي ؟!
سارا _ ايه واضح !
ام محمد _ سارا اص ولا كلمه .
و التفتت على زوجها _ هذا جزى دلعك ماقول إلا الله يعيني عليها
قامت سارا و حبت خد ابوها بقوة _ آسفه بابا .. و حبت راس امها
فقعدوا يضحكون على دلعها و نتيجته ..
بعد ما تعشوا وكل واحد راح لغرفته بينام عشان يستعد لهالرحله تذكرت جنان كاميرتها الفيديو عند عبير _
أووف دايما انساها عندها خل ادق أذكرها عشان ماتنساه باجر
دقت جنان على عبير
عبير _ هلاااا
جنان _ أهلين عبور شلونج ؟ و شلون الأهل إن شاء بخييير ؟
عبير _ تمام عال العال أنتو شخباركم ؟ يا حياتي أنتي( قالتها بطريقه جنان ماتحبها )
جنان بإستغراب _ صراحه قمت اشك فيج عبور
عبير و تطق يدها بنحرها _ بل عليج و تقولينها جدامي
جنان بإستفزاز _ شوفي كلامج و تعالي حاسبيني
عبير بتقهرها _ الله يعينك ياخوي ياولد امي و ابوي بتاخذ مره بدون أنوووثه
جنان بقهر _ أقول عاد يحمد ربه بعد زين ودلال و خفه و لطافه شيبي بعد ؟
عبير _ بس بس ابسألج ليش داقه هالحزه ؟
جنان وصلت معها _ عبييييييير شفيج جذي تكلميني ؟ و بعدين تو الناس الساعه تسع و نص شهالديك الي بينام ألحين !!
أقول بس . أسمعيني عدل أعرفج غبية باجر لا تنسين الكاميرا الفيديو أوكي عبووور؟
عبير كانت بترد بس بابها يطق جنان تسمع طق باب لكنها سكتت لما سمعت عبير بصوت واطي تقول _ ياويلي بندر بيدش
عبير_ أدخل
بندر و يطالع تلفونها _ السلام عليكم .. ليش ما نمتي ؟
عبير بلعت ريقها _ وعليك السلام و رحمة الله و بركاته ( حشى بمدرسه ) كنت بنام بس جنان أزعجتني حارقه جهازي
جنان ترد _ يا حقييييره دواج بالبر
أما بندر كرهه يشوف أخته تكلم بالتلفون بعد الساعة تسع
وكذا مره يهزئها و يكسر جهازها بس مافي فايده معاها بندر بصوت جهوري_ سكري التلفون و هاذي بنت عمج ماعندها أحد يردعها من مكالمات في تالي الليل !!
جنان حاطه إيده بفمها و تسمعه و هي متوتره لهدرجه كارهني و كاره صداقتي لأخته !
عبير و تعض على شفتها السفلى و تغمز لبندر تبيه يسكت
عبير _ بندر
بندر _ عبييييييير سكري التلفون جنان ماتحملت فسكرته من ناحيتها
عبير بصوت مقهور و متفشله بعد ماسمعت صوت القطار بالتلفون _ بندر شهالحركات حرام عليك؟
بندر عطاها نظره _ جم مرة قلتلج تلفونات بنصاص الليالي مافي ..
عبير بحرقه_ بس انا قاعده اكلم بنت عمك و زوجتك مو وحدة غريبه ؟
بندر بصوت تعبان ومتهالك _ شتبي داقه هالحزه ؟
عبير بتقهره عالحركه السخيفه _ شي خاص بيني و بينها
بندر بدون مبالاة ويدخل ايده في مخابي دشداشته _ الله يديم عليكم العقل .. ومشى طالع من الغرفه

عبير و ماسكه شعرها _ آآآآخ بموت من القهر ماكأنه سوى شي ...
فجأة دخلت فاطمة على عبير_ السلام عليكم
عبير بطفش _ و عليكم السلام
فاطمة _ شفيج مالج خلق تسلمييين !
عبير تصرف_ ضايق خلقي
فاطمة_ ليش عاد باجر وراج طلعه صراااحه غريبه أنتي ؟
عبير_ جان زين بس أحنا و بيت عمي لاااا عندنا ظيوووف ثقاااال دم
فاطمة_ لا يكون نوف بنت خالج
عبير _ وفي غيرها أكرها أبغضها شايفه نفسها و نافخه بعمرها شنو السبب شنو الميزه ما في ...!!
فاطمة _ خل تاكل هواااا
لا تحرقين أعصابج على وحده ماتسوى ظفرج
عبير _ أوكي أدري انها ماتسوى ظفري بس هي حاطه حرتها بأختج جنان وانا اعرف اختج نفسيتها تتعب إذا شافت ناس حاقدين عليها بدون سبب
فاطمة _ ماعليج منها إلا أقول جهزتي اغراضج و الكاميرا
دزت لي جنان توصيني اقولج عبير و تنفخ صدرها _ افا عليج
أضحكت فاطمة و تذكرت شي _ ايه تذكرت شيبي بندر منج كنت طالعه من جناحي شفته طالع من عندج و متضايق
شفيه أحس هالأيام متغير والأخلاق عنده صفررر !
عبير _ ها لا عادي شافني اتكلم بالتلفون و عصب علي
فاطمة_ أها بس جذي
عبير _ ليته بس جذي ما تذكرين يوم كسر جهازي القديم لما شافني اتكلم فيه عالساعه 12 بالليل
فاطمة_ ما قصرتي 12 يالظالمه بس ألحين غير 9ونص
عبير بنفخه _أيه الحبيب حط قوانين ماأتكلم بالتلفون بعد 9 بالضبط و توه دش علي و الساعه 9ونص
ولا يسمعون صوت جاسم و ينادي فاطمة فاطمة
عبير تغمز لها _ روحي ياروح جسوم مايصبر على فرقاج فاطمة و هي منحرجه و بتطلع_ استحي يابنت او تصنعي ..
يلى انا رايحه تامرين على شي
عبير بإبتسامه _ سلامتج و أحلام سعيييييده
فاطمة _ وأيااااج حبيبتي
طفيت النور و أخذت جهازي وانا متفشلة من جنان الله يصلحك ياخوي و دقيت عليها بس ماترد فأرسلت لها رساله
' آسفه ياحبي و امسحيها بوجهي '
و بعدها استسلمت للنوووم
جنان ....
وانا اوصي هالمرجوجه عبور سمعت صوت بابها يطق و عبير تقولي بصوت واطي ياويلي بندر بيدش صراحه خفت عليها اعرفه أخوها عصبي و نظامي و إذا عصب مايشوف شي و مايحب البنت اتكلم بعد التسع لكن عبور غبية كان سكرته قبل لا يدش لكن المصيبه عصبيته من لاشي و انقهرت من رده فعله لما عرف ان انا المتصله
أرسلت مسج لفطووم تذكر عبور بالكاميرا و نمت

بندر قعد عالصلاة و توظأ و هو بيطلع شاف أبوه و جاسم بالحوش يسولفون
بندر_ السلام عليكم
الكل _ وعليكم السلام
بندر و يضبط شماغه _ ما أقام
بو بندر_ ألحين وانا بوك
و يحط ايده ورى ظهر بندر
بوبندر_ يلى مشينا
الله أكبر الله أكبر
لا إله إلا الله
حي على الصلاة
حي على الفلاح
قد قامت الصلاة قد قامت الصلاة
الله أكبر الله أكبر
لا إله إلا الله
دخلوا المسجد بنفوس نقيه خاشعه ذليله لرب العباد
أم بندر و فاطمه يرتبون أغراضهم و يحطونها بالحوش
فاطمه _ خاله بنتج مارضت تقعد عالصلاة حاولت فيها بس مافي فايده
ام بندر _ خليها و شوفي شلون يقعدها بندر مايعرفها عدل إلا هو
فاطمه و تخيلت شكل عبير إذا شافت بندر معصب و ابتسمت
ام بندر شافت فاطمه تبتسم
ام بندر بإبتسامه_ شفيج يمي؟
فاطمه _ تخيلت منظر عبير و بندر يقعدها و هو معصب
ام بندر بحزن _ ايه هو الله يهديه حار ما ينقرب بس ان شاء الله يتغير بعد الزواج و يرتاح
فاطمه التزمت الصمت بعد ماشفت ملامح خالتها الحزينة
بندر بصوت جهوري _ يا ولد
تغطت فاطمه
الكل _ حياااااااك

دش بندر بروحه و حب راس امه _ صباح الخير يا احلى أم
اضحكت ام بندر_ صباح النووور
ألتفتت وراه _ وين ابوك وخوك؟
بندر _ وراي ألحين يوصلون
وصل بوبندر وجاسم و طلبوا ريوق بالديوانيه ___
بالديوانية

بو بندر_ وين عبير يام بندر ؟
ام بندر _ نايمه الله يصلحها
جاسم بإبتسامه_ ياحبها للنوم قوم يابندر قعدها لاصلاة و لا نوم مثل الناس
بندر _ ألحين بخليها تكره النوم
جاسم بغمزه لاخوه_ اتحداااك
بندر و حاجبه الايسر مرفوع_ لا تتحدى طيعني
بو بندر بعصبية_ شف هذولي ياويلك ان سويت بأختك شي يابندر و انت يا جاسم قاعد بس توزه على اختك
قام بندر و هو يأشر لجاسم بالتحدي و الضحية المسكينة الي نايمه ولاتدري شالطبخة
و هو يصعد بالدرج سمع نغمة تلفون أخته و دش غرفتها و قعد يضحك على شكلها و هي نايمه أتجه لتلفونها على مكتبها و شاف أسم المتصل " جنووو "
سته مسد كول منها وبعد خمس ثواني اتصلت من جديد تردد بندر يرد ولا لا بس بالأخير الفضول أذبحه
بندر _ أحم أحم هلا جنان
جنان مرتبكه _ أهلين بندر ممكن عبير
بندر حب يحرجها _ عبير الله يسلمج نايمه من كثر ماتسهر عالمكالمات الي بتالي الليل شفتي شلون آخرتها صلاة الفجر حق الله ما أدته و السبب هالتلفونات الي تزعجها بالليل
جنان حست انه زودها شوي _ مشكووور عالحرص الأخوي
بندر بإبتسامه_ اوكي تبين منها شي ضروري
جنان _ اي بعد عمري قولها لا تنسى الكاميرا تكفى بندر
اسكتت بعد ما ولع وجهها من زله لسانها و حست بحرارة و سواد في عيونها . بندر تفاجئ بكلام جنان
و سكت جنان حست انه متفاجئ عشان جذي سكت ثواني .
جنان بتوتر _ آسفه بندر زله لسان مع السلامه !
بندر ابتسم بإنحراج _ لا عادي و يبلغ ..
سكر السماعة و طالع اخته أخذ حبه كلينكس
و قعد يدخله بشويش بإذن عبير
عبير تضايقت و قعدت تحك أذونها و بعدها أخذ الكلينكس و دخله بخشمها لفت عبير لجهه الثانية و تغطت باللحاف بندر انقهر _ هاذي مافي فايده فيها و بعدها راح للحمام عزكم الله و صب الماي بإيده و وقف فوق راسها بندر بصوت عالي _ عبير اقعدي
لاحس ولا حركه صب الماي على وجهها
عبير بخرعه _ لاااااااااااااااااااااااااا
بندر و مكتف يدينه و مسوي نفسه معصب و يقلدها _ لااااا
اقول عبيروه صليتي فرض ربج يالعاصية ؟
عبير و عيونها حمر مخترعه وتضبط شعرها _ ياويلي عاصية مرة وحده حرام عليك
يا خوووي
بندر و يشيل اللحاف_ قومي صلي و بعدين ناقشيني وجهزي عمرج كلنا تحت ننطرج يلى انجزي بسرعه
قامت عبير بكسل و تسبه بصوت واطي و هو رايح للباب بيطلع فجأة تذكر مكالمة جنان
بندر و ماسك فتحة الباب _ اي تذكرت جنان اتصلت عليج و انتي نايمه تقول لا تنسين الكاميرا
عبير بتقهره فرصتها هاذي _ ومن سمح لك ترد عليها هذا أولا و بعدين لاعت جبدي من زوجتك كل الي بالبيت قالت لهم عن الكاميرا
طالعها بندر دقيقه و هو ساكت لي حس وجهه عبير احترق من الفشيله و طلع اما عبير اكرهت عمرها _ يا فشيلتي فشيلاااااه و حطت يديها على وجهها و تذكرت نظره بندر _ يمه يخررررع شالآدمي ؟
وقامت تتوضأ للصلاة

نزل بندر من عبير و لا تلفون البيت يرررن و الخدامه رايحه بترد عليه
مرامي _ الو
ايوا لحزه دكيكه
و طالعت ببندر _ بابا هازا سارا يبي أنتي
استغرب شتبي سويروه اخذ السماعه
بندر _ يالله صباح خير .. نعم سارا
سارا بدلع _ ياهووو يا عالم يقولون انا مسلمين مش مشركين
بندر بجدية مايحب دلع سارا _ السلام عليكم انجزي علي مش فاضيلج ؟
قفط وجه سارا_ وعليك السلام أممم أمي تقول أم أحمد بتجي المخيم ؟
بندر انقهر سؤالها يقهر و سخيف و يعرف ان بو أحمد بيجي بس تقهره هالبنت _ شايفتني ألبس حجاب شيعرفني بتجي علانة ولا فلنتانة
سارا بعصبية_ هييي شفيك علي ذابحه امك و لا ذابحه زوجتك خلاص يا كلمه ردي مكانج و عطني عمتي اكلمهاااااا
بندر بصرااخ _ مرامي نادي ماما بسرررعه
سارا انتفضت من صرخته ياربي ماسويت شي شفيه علي
جت ام بندر وأخذت السماعة من بندر _ هلا
سارا _ هلا و مرحبا ومليون غلا لعمتي الحبيبه
ام بندر_ ياجعلي فدوة لج بعد عمري
سارا_ عمتي امي تسلم عليج و تقول ام احمد بتجي المخيم؟
ام بندر و هزت راسها _ اي يمي بتجي باجر ان شاء الله
سارا _ اوووكي انشوفكم الييوم ان شاء الله مع السلامه عمتي
ام بندر_ بإذنه سبحانه والله يسلمج حبيبيتي

سارا بتكشيره _ أوووف
جنان _ ها شقالتج عمتي بتجي أم أحمد
سارا _ اي بتجي و بتجي المايعه بنتهااا
جنان _ ماعليج منهااا محتره منا
سارا بقهر _ والي قاهرني زوووووود زوجج ؟! بغى ياكلني معصب علي جني مو آآآآدمي
جنان اسرحت و تذكرت أمس شلون زف أخته و ألحين بنت عمه أوف ليش جذي نفسيته قشره ؟! غريب هالإنسان طبعه
سارا و تحط فمها بإذن جنان _ جناااااااااااااااااااااااااااااااااااااان
جنان بخرعه_ يماااااااااااااه
و ألحقت سارا و هي طالعه للحوش
جنان بقهر_ وربي و ربج لأفتت عظامج يا سويروووه


تجهزوا كلهم و أركبوا السيارة
جاسم مع أهله و عبير ... بندر مع أمه و ابوه و هو سواقهم

بسيارة بندر .
بو بندر_ أقول شيكت عالموقع و التجهيزات وانا بووك
بندر_ ارتاح يبا انا و محمد أمس شيكنا و أخترنا ذاك المكان الي يحبه قلبك
بو بندر_الله يوفقكم و يحفظكم
ام بندر _ و أشوف عيالك ياوليدي و الله مندري كم باقيلنا من أيام ...
بندر تضايق _ يمه شهالكلام بعد عمرن طويل
بو بندر_ أتتركك من أمك ألحييين . نسيت لاقولك عندي تذكرتين خذها ياوليدي و شوف انت وزوجتك اي ديره تعجبكم تقعدون فيها اسبوع اسبوعين على راحتكم
بندر _ مايحتاج يبا ليش تعبت نفسك و سفر انا مانيب مسافر
ام بندر_ بندر شهالكلام بتزعلني انت ؟ حط بنت الناس بعيونك و تذكر انها بنت عمك و بعد انها عروس ولازم تفرح بزواجها
بندر بعصبية _ وانا قلت بخليها خدامه عندي بفرحها بس سفر مافي تحلم وانا مو ناقص عوار راس
ام بندر بعصبية و قهر_ بنداااارر هذا جزى التربية ما هقيتك ياولد ضبية ؟
كان بيرد على امه بس أسبقه ابوه بو بندر _ اسكتي يام بندر رجال و مرته وكيفهم يسافرون يقعدون يسوون إلي يبونه شحارج ها شحارج ؟
أم بندر و صوتها يرتجف من الحره _ هذا ولدي يابو بندر ابيه يستانس بعرسه و ابي جنان بعد تستانس و ماتحس انها غير عن كل البنات من يعرسن يسافرن برا ديرتهن . . وولدك ولا هامه أصلا بموضوع عرسه لا بيته أهتم فيه ولا هم سفره .! و تبيني ما أحترررر ؟؟
بندر بيطيب خاطر امه _ أبشري يمه بسفرهااا و من هالعين قبل هالعين تامريني على شي ثاني ؟
ام بندر_ دير بالك عالطريييق
عرف بندر انها زعلانة للحين


محمد يتأفأف _ اوف يبا السيارة ما تكفي و سيارتي بالكرااااج
بو محمد_ دق دق على بندر ولا جاسم ياخذ خوااتك
محمد _ ابشرر يبه
دق على بندر
بندر_ هلا محمد
محمد_ هلا بك . وينك ألحين ؟
بندر_ طلعت من شارعنا ألحين ليييش ؟ لا يكون وصلتوا للموقع
محمد_ لا افرح ماصلنا تونا ماحركنا بعد
بندر_ ليش عسى ماشر ؟
محمد_ الشر مايجيك . بس سيارتي اليوم الفجر عالساعة 4 تعطلت ووديتها للكراج و سيارة الوالد ماتشيل . انا و ابوي وامي و أهلي مع عيالي و خواتي .
بندر _ خلاص ألحين جايكم بس خلهن يجهزن بسرعه مالي خلق انطرهن تعرفني ماحب التنقيعه !
محمد بضحكه _ الله يعينهن منك أقشرررر
بندر حب يقهره_ اجل دور لك أحد يشيل خواتك تسبني و أسكت
محمد_ ياشين المذله اقول بس انا بحرك و اتركهن في البيت طق الباب يطلعن لك
بندر_ خلاص
سده من محمد و سأله أبوه عن محمد وش يبي وقاله السالفه


بحوووش بو محمد

محمد_ يطق الباب تطلعن بسرعه خاصه انتي ياسويروه أعرفج عدل تحبين العناد و خاصه مع ولد عمج
سارا_ أوب أوب أوب ألحين انا الي احب العناد و ولد عمك البريئ !!!!
بو محمد بعصبية _ وبعدين ؟ محمد أمش قدامي و انتي والله لو اشتكى بندر منج لتشوفين شي مو طيب يا سويروه ؟
سارا بزعل_ ألحين انتوا ليه مجهزين الدوا قبل الفلعه !
كلهم طالعوا فيها و سكتوا محد يقدر على لسانهااا
طلعوا لسيارتهم ...
جنان ألتفتت على سارا و حطت يدها على قلبها _ سارونه تعالي حطي أيدج على قلبي
سارا و بغمزه _ بعد أكيد حبيب القلب بياخذنا
جنان بخوف_ والله أحس ارجولي ما تشيلني خايفه مووت
سارا _ عادي شبيسوي الحبيب ؟ مغير نفسيته الزفت عليناااااااا
جنان بتكلم ولا الباب يطق
سارا_ يلى امشي و خليج ياجبل ما يهزك رييييييييح
جنان و ادز سارا _ اقول امشي امشي بس

: بندر :
وصلت لباب بيتهم و اسمع أصوات همس فطقيت الباب عشان يطلعن بنات عمي وقفت على يمين الباب عشان يمشن عرفت الأولى ما غيرها أم لسانييييييييين سويره بصراحه جتني فكرة شيطانية أعرجبلهاااا
بيكون منظرها يضحك ماقدرت امنع نفسي من الضحك فأطلعت مني ضحكة بالغصب
سارا _ حمدالله و الشكررررر
جنان طقتهاا على جنبهااا
بندر _ سويره ؟! يلى يلى بسرعه للسيارة
مشن الهوانم و سارا منقهره منه
: سارا :

هين يا بندر تضحك مني والطريج . أكيد شايف شي فينا ولا طقم الأسنان طالعه لييش !
ساسرت جنان و هو يمشي ورانا و اسمع تأففاته .
سارا_ أمشي عالراحه تراه مايخوف
جنان_ تراي مالي خلق للمشاكل و لاتنسين ابوي شقال ها ؟!
مشت جنان بسرعه و أركبت السيارة أما سارا قعدت تتمخطر بمشيتهااا خلاص حطته ببالهااا بندر عصب من صج عرف انها تعانده
بندر بصوت عالي _ سارا أمشي عدل لا أعرف شلون أخليج تمشين مضبووط
سارا بدلع _ لا تصررخ علي لأعلم أبوي
بندر_ آآآخ لسانج يبيله قص
ركب السيارة و ركبت بعده سارا و على طول اقرصتهااا جنان على يدهااا
سارا بصوت خفيف _ آآآي
جنان _ تستاهلين حسبي الله عليج فشلتيناا ما تكبرين انتي عن هالسوالف حاطه دوبج بدوبه ؟
سارا_ ما دريت انه موكلج محامية له
بو بندر_ يا حي الله ببنات اخوي
سارا و جنان _ الله يحيك و يبقيك يا عم
ام بندر_ شخباركن ؟ و شخبار الوالده ؟
جنان _ الحمدلله تمام ..
أنتي شخباج يا عمه ؟
ام بندر_ الحمدلله يابنتي
سارا_ عميييي نخيتك ولا نخيت الذيب
بو بندر يبتسم _ يخسى الذيب
اطلبي يابنتي
سارا_ حاول بأبوي يسمحلنا نركب بقيات
جنان تفشلت من أختهااا و ما قدرت تكلم
بندر أبتسم من طلبهااا و قال بخبث _ لاااا يا سارا البقيات
مو زينه للبنات
بو بندر_ ها . لازم ياسارا يعني تركبينه
سارا منقهره _ عميييي ولي يعافيك تكفى تكفى لا أحد يأثر عليك ( نغزه ) كلم ابوي عشان يوافق
بو بندر_ ان شاء الله وانا بوج
سكتوا بعدها وأوصلوا للمخيم

نزلوا الكل و شافوا الباقيين وصلوا .




// الجزء الثالث //


رتبوا قشهم و ضبظوا كل شي راحوا الرياجيل لخيمتهم و راحوا الحريم لخيمتهم .
جنان أمسكت يد سارا بعصبية_ حركاتج الغثيثه حاولي تتركينهااا تراج مو صغيره زين يا حلوه
سارا و اسحبت يدهاا_ امبييه والله حيل انتي متضايقه عشانه وبعدين انا حره غثيثه مو غثيثه كيفي !
و تركت أختهاا و راحت لحور بنت أختها تلعب معاها
عبير و هي جاية صوب جنان _ شفيج معصبه يادافع البلا ؟ هذا وانتي جاية مع الحبيب
جنان بقهرر_ ولي يعافيج اسكتي مالي خلقلج
و اطلعت برا الخيمه تحس بقهر و بحقارة نفسها و برخصهااا شعور مخزي و قوي بصراحه لاحست البنت انها مالها راي بالزواج و بمصيرهااا المستقبلي نفترض لو تزوجوا عيال العم و ما تأقلموا مع بعض وما صار توافق و بالأخير يتم الطلاق و بعدها ما تقصر مجتمعاتنا العربية تنظر للمطلقة نظرة محتقرة من ذنب هي ما جنته بس انها انصاعت لحكم أسمه /السمع و الطاعة للعادات والتقاليد/ .

:: جنان ::

ياربي أرحمني و أصلحني و يسر أمري . طلعت برا الخيمة و شفت اخوي محمد و بندر و جاسم يضبطون الحمام الكيربي ' أكرمكم الله ' و مشيت خلف خيمتنا بحيث ما يشوفوني و قعدت عالأرض . مادري كيف أحدد شعوري أحس انه مزيج من الألم و القهر . ابي دموعي تنزل عشان تخفف مدى الكبت الي كابته من سنين . قعدت ثواني و الرؤية ماعادت تتضح عندي . صرت ابجي بصوت مسموع من القهر الي أحس فيه حطيت ايدي على فمي أمنع الصوت .
انا اعرف ان بندر طيب و حنووون بس أحيانا أشوف له وجه ثاني حقود عصبي مغرور الزواج هذا لازم ما يتم انا مو لهدرجه رخيصه . والعرس ماباقيله شي بعدها قعدت أشاهق

: محمد :

كنت انا و بندر و جاسم نضبط هالحمام " عزكم الله " و الوالد و عمي داخل الخيمه يريحون شوي . بعد ماخلصنا التضبيط قعدت أتفحص الخيييم مادري شسبب جذي طقت براسي و عند اتجاهي لخيمه الحريم شفت ظل بنت قاعده عالأرض فطليت عليها عرفتها من شعرها الأسوود المدرج مو البوي سوير لكن الي حز بخاطري لما قربت جمبها سمعت شهاقهااا جنان حبيبتي تبجي و انا راسي يشم الهواااا
عقدت حواجبي بحسرة_ جنان حبيبتي عسى ماشر ليش هالدموع وانا اخوج ؟!
شفتها تخرعت لما شافتني يااااه عيونهاا ذبلانه من كثر البجي و تشاهق شفتهاا وقفت و اركضت لي و انا فتحت ذراعي ابيها ترتمي بحظني فحضنتهااا بقوة و هي كانت متشبثه فيني
جنان بصوت مسموع _ آهي هي هي هي
محمد بصوت هامس _ شفيييج جنو ؟ قوليلي أحد سوالج شي ؟
جنان ارفعت راسها وبتعدت عني
محمد مسح دموعهااا بأصابعه الثنتيين _ ما تبين تقولين لأخوج ؟
جنان بتردد_ محمد
محمد مبتسم_ عيون محمد
جنان بخوف_ مابي بندررررر ؟
رد محمد يعقد حواجبه و مستغرب _ ليش ؟ شنو الأسباب الي تخليج ترفضين ولد عمج !! جنان عطيني سبب واحد و ابشري مابتاخذين بندر ؟
جنان حست بفقدان الأمل _ محمد تكفى انا مابيه و مو مرتاحه تكفى يامحمد نخيتك
محمد _ جذي بدون سبب يا جنان ما يصير نرده بدون اسباب !'
جنان و بجت بحرارة _ محمد ارجووك ياخوي انا ما ابي اتزوج بندر
حط محمد يده على وجهها و كان حار حيل من كثر البجي محمد _ ابشري يالغالية بكلم الوالد بعد ما نرد للبيت مو حلوة بحقنا نتكلم هني بوسطهم صح ولا انا غلطان ؟
ابتسمت جنان ببطء حاسه بصداع فضيع و حبت راس أخوها _ الله يحفظك يا عزوتي
حب محمد جبهتها _و يحفظج يا شمعه الجلاس يلى غسلي وجهج قبل لا أحد يشوفج
و تركهااا وراح لخيمة الرياجيل
شاف الكل جالس و يسولف و طالع بندر و هو منسدح على رجل أخوه جاسم و شكله هلكان قال بنفسه _ لاحول ولا قوة إلا بالله و قعد جمبهم وطالع بجاسم و أشر براسه على بندر يعني شفيه
جاسم بصوت خفيف _ تعبان
محمد و يحط يده على جبهة بندر _ تحس بشي يابو عذبي ؟
بندر _ ايه أحس براسي مصدع و الظاهر بتجيني سخونه
محمد _ يا ستيير لا إن شاء الله بتصحصح شوية عشان الصيد ( ملاحظه كلمة يا ساتر غلط والصحيح هو يا ستير )
بندر _ افا وانا انسى
ولا جهاز جاسم يرن و شاله _ هلا .
عبير _ السلام عليكم
جاسم عرف ورى هالأدب شي _ وعليج السلام .. نعم
عبير _ أممم شخبارك بو حوور ؟
جاسم _ مو جنج قبل ساعه كنتي معاي بالسيارة !!
عبير قفط وجهها _ خخخخ الله يصلحك يا خوي بتطمن عليك فيها شي ؟
جاسم مبتسم _ ها انا بخير يا مال العافية شنو تبين بعد هالمقدمة يا عبييير
عبير _ أعرفك أخوي طالع على حبيبتك عبير
قاطعها جاسم _ اقول لا يكثر
عبير ماصبرت _ الله يخليك يا جاسم كلم ابوي و عمي نبي نركب بقيات بس عمي الله يسامحه رافض ان بناته يركبن فما يصير انا أركب و بنات عمي ما يركبن انت ترضاها إذا ترضاها كيفك هذا شي راجعلك ( صارت هوشه مو نخوه ) اما انا ما رضاها ولي يعافيك و اذا تبي حبه خشم ابشرر هوااا و اكون عندك تكفى تكفى يا جسوم
جاسم فاتح عيونه _ حسبي الله و نعم الوكيل كل هذا بنفس واااحد بل عليج بالعه راديو مو آدميه ... بعدين لحظه والله عليج ثقة يا عبير ومن قال انج بتركبين بقي ما في بنات يركبن بقي بعد طيحه جنان فااااهمة يلى انا راسي تعبان و بنام مع السلامه
عبير بقهرر _ الله يسلمك
صك التلفون . شاف الكل يطالعه . أبو بندر_ هذي عبير ياجاسم ؟
جاسم _ اي يبا عبير وفي غير هالمزعجه حشى بالعه رادو يبا ما تسكت ان تكملت
ابو بندر _ زين شتبي ؟
جاسم _ بيركبن بقيات و عمي معارض و تبيني أكلم عمي
بندر يكلم محمد _امحق يبنه عون طلع فرعوون
بو بندر _ وليش منعتهااا
جاسم _ يبا مو زين لهن الوحده ما تعرف تسوق فيتكسرن
بو بندر عصب _ اقول اسمعني زين رح أحجز لهن هن جايات يتونسن مو جايات يحجزن أعمارهن بالخيام
بو محمد _ بناتي لا تحجز لهن أعرفهن بيتكسرن
محمد _ يبا طال عمرك بالطاعه انا بحجزلهن و أعلمهن بس خل يستانسن حرام يقعدن جذي بدون بقيات
بو محمد _ و تكون معاااهن يا محمد
محمد _ ابشرر عالخشم
بو بندر_ خلاص اجل احجز لهن جميع بعد المغرب عشان بالظلام يلعبن
جاسم _ ان شاء الله
بندر بصوت تعبان _ اجل انا باخذلي غفوه و قعدوني بعد ربع ساعه


بخيمه صغيره بعيده شوي عن خيمه الرياجيل و الحريم
عبير بقهرر و تصك التلفوون _ آآخ قهرني
جنان بهدوء _ شقالج بيكلم ابوي ؟
عبير _ لااااا يقول حتى انتي ماراح تركبين البقي ابيه يساعدني طلعلي فوجهي آخ قاهرني
سارا بقهر_ مووو على كيفهم اناااااا ألحين بروح لابوي و عمي و هم عندهم خيمه خل يطقون راسهم بالعموووود جان عندهم أعترااااااض .
عبير تشيشهااا _ أتحدااااج إذا كنتي بنت ابوج ؟
سارا و هي قايمه _ بنت أبوي غصبن عنج . و كاني رايحه
جنان _ هي انتي و ياها عسى ما شر .. ؟ في أحد يعترض بشكل هذا . ! عبير عطيني جهازج ماعندي رصيد
عبير بغباء_ شتبين فيه ؟
جنان _ بصور معاه بعد تلفون شبي فيه بكلم ابوي و انتي اقعدي ' تأشر على سارا '
لا تفضحيناااا
سارا_ تكفيين جنان ترجيه انا نفسي بالبقي
جنان_ شفيج جنج مو شايفه خير خلاص قلتلج بكلمه بكلمه
عبير بسرعه _ ايه تذكرت جبتلج الكاميرا
سارا_ يلى انا برقص و انتي صفقي و جنان تسجل
جنان و عبير مع بعض _ خخخخ سخيييييفه
ثواني ولا جاسم داق بجهاز أخته
جنان _ هااج الجهاز أخوج داااق
عبير ماده بوزها ثلاث امتار _ اي وااااحد فيهم ؟
جنان_ جسوووووم
عبير اخذت تلفونها _ نعم
جاسم _ اوله السلام عليك و شخبارك و ألحييين نعم . ألعن ابووو المصلحه
عبير _ هاذي الدنيا يوم لك و يوم عليييك
جاسم بضحكه رنانة _ شكو هالمثل بكلامي عليج امثله مو محلهاااا
عبير _ اقول جسوم تر
قاطعها جاسم _ بعيييينج جسوم رجال مالي ثوبي و ابو و آخرتها جسوووم
عبير بقهر_ آسفه يا جاسم
جاسم_ والله مهان علي أخليج زعلانه علي يلى الشياب وافقوا تركبون بقيات
عبير بصراخ _ هيااااااااااااااااااااااااا
جاسم _ قصررري حسج حسبي الله عليج بس ها تركبنه بالظلام فاهمه
عبير _ ابشر مع السلامه جاسم
جاسم بدون لا يرد عليهااا صكره بوجههااا قهرته اخته كل هذا صراخ .
سارا و جنان بعلامات استفهام _شنو ؟
عبير و تنط _ بنركب بقي
من الفرحه قعدن يرقصن و جنان تطبل بصينيه الجاي و تقول _ عااااااشوااااا
تذكرت عبير الكاميرا و طلعت لخيمه الحريم ركض تجيبهااا



خيمه الرياجيل

بو محمد_ خلاص صفقه بو مشاري خلصت و انا اخذتلي اجازه اسبوع من امس
بو بندر _ اي خلصت و انا قلت للسكرتير يأجل كل مواعيدي لأربعة ايام . تصدق تعبت من الشغل ياخوي
بو محمد _ حتى انا تعبت بس شنسوي ياخوك نقعد فبيوتنا مثل الحريييم !! أقابل شغلي و أكرف ولا أقابل سوالف الحريم أعوذ بالله من هرجهن
بو بندر_ انا اشهد يابو محمد
جاسم يصحي بندر _ بندر بندر قوم يلى قوم
تحرك بندر و تمدد و يحك ذقنه_ أممم
جاسم _ يلى أخلص علي
محمد_ خله ينام
جاسم _ هو يبيني أقعده .
و قعد يهزه بكتوفه _ قوووم
قعد بندر و تلفت حولينه
بو محمد بإبتسامه _ صباح الخير
ابتسم له بندر و قااام بيطلع بيروح للحمام " أكرمكم الله "


خيمة الحريم
فاطمة تصب القهوة للحريم ..
فاطمة _ قهوة يا بدور
بدور _ تسلمين ياعمري مو مشتهية ..
فاطمة_ الله يسلمج ياحياتي
فاطمه وألتفتت لفنجان ام بندر _ عمه عطيني فنجانج
ام بندر _ بس يا بنتي صبيلي جاي
ولا عبير داشه عليهن _ السلام عليكم
الكل _ وعليج السلام
فاطمة _ تعالي تقهووي عبور
عبير _ لا سوالف العجز ما تصلح لي
فاطمة و بدور _ عبييييير
ام بندر_ عيب يا عبير شسوالف العجز هاذي .. ؟
عبير و تاخذ جنطة الكاميرا و تقلد العجايز _ اقووول استروااا على ما واجهتووااا يا عرب
ضحكوا عليهااا سبحان الله جنان و عبير رفيجات عمر بس شخصياتهن تختلف تماما ..


راحت عبير لخيمتهن الصغيره
عبير _ يلى شدوا الحيل يا بنات
سارا قعدت ترقص و جنان تصفق بيدها و تغني _
يا سارا تهني في شبابج
يا سارا تهني في شبابج
جتكم غزالن من الكويت
جتكم غزالن من الكويت
و مزينه مبانيه
ياجعل بيتك ما يهدم
و يدخل على أمه ملتحي
و يدخل على أمه ملتحي

عاااااشوااااا

سارا ما قصرت بالرقص و الردح و عبير شيشتهاااا و قعدت تشجعهاااا .


:: بندر ::

رايح ابي اغسل وجهي بس كأني اسمع طقطقه و أغاني بصراحه تلفت يمين يسار و بعد طالعت للسما تونا في عز الظهر من ويين هالطقطقه ياربي ؟ و قربت هالخيمه الصغيرة و كل مال الصوت يعلى و يقرررب و الأصوات أوضحت لي . بصراحه قعدت دقيقه اتسمع لجنان و هي تغني صوتهااا كان حلو و بغيت اطالع من الفتحات الي فالخيمه بس وعيت لنفسي و خفت احد يشوفني و فوق هذا سويروه مو من المحارم ..
صرخت عليهن _ ياولد أقصرن الصوووت درينا ان أصواتكم حلوووه و ربي حلوه ..
بعدها سمعت صوت بصراحه عندي نشااااز .
سارا _ ياااا خي حل عناااا أحنا منحاشين عشان ناخذ راحتنا أوووف وأنت ورانا ورانا .
قهرتني قلت لها _ لأني أحبكم
و بقهرهاا بعد قلت _ درب درب
نطرت دقيقه على ما يتغطن
سمعت عبير تقول _ ادخل يا بندر
بندر يبتسم _ عبير نخيتج ولا نخيت الذيب
عبير _ يهبى و يخسى العاااااووو ) تقصد الذيب )
بندر _ روحي سوي قهوه للرياجيل
عبير بضيقه _ عندكم قهوة بالخيمه سوتهااا بدور
بندر و رافع حاجب واحد و يطالع بجنان _ زين منو مطربتكم الي منساع صوتهااا واصل لبيتنااااا ؟
سارا تسوي نفسهاا غبية _ ما أحد غنااا ؟ يمكن يتهيئ لك يا ولد عمي !
عبير و راحت لأخوهاا و حطت يدهااا على جبته _ ياويلي عليك ياخوي شكلك مسخن
بندر و يطالع في جنان _ أشوف لسانج بح .. وين الي أوله منهد
جنان بإرتباك _ انا
بندر _ ايه انتي
جنان _ انا رايحه للخيمه مع السلامة
و طلعت من عندهن . و هي تغلي من الداخل _ شيبي مني يا يهاوش يا يتحرش . ؟!

طلع بعدها بندر و هي تمشي بخطوات سريعه حاول يلحقهاا
بندر بصوت خشن _ جنان جنان
جنان أستدارت له _ نعم
بندر _ زعلتي
أبتسمت بقهر_ ليش أزعل سويت شي يزعل يا بندررر ؟
بندر طالعهااا ثواني و هي نزلت راسهااا من نظراته
جنان _ تامر على شي
بندر _ سلامتج يا بنت عمي



مر الوقت بدون أحداث تذكر ماعدا بو أحمد بلغهم انه بيجي عالصبح باليوم الثاني .

ركبوا البنات البقيات و البانشي بعيد شوي عن الرياجيل بعد ماعطاهم محمد درس بالقياده .


خيمة الرياجيل .
عند الدواا الرياجيل متجمعه حول بعضهاااا . و جاسم يصب القهوة لهم ..
جاسم يمد الفنجان لبو محمد _ خذ يا عم
بو محمد _ تسلم يا كحيلااااان
بو محمد ألتفت لبندر _ بندر عطنا من القصيد الطيب وانا عمك
عدل قعدته و تنحنح .
بندر بصوته الخشن و الجهوري و قصد .


طبعي هواوي و أعشق القنص و الصيد **
و أطرب ليا فاح النفل من عباتي **
وأجلس مع القمرى بليل التساهيد **
و أشب ناري ثم ألوح عصاتي **
و أقرب دلالي على النار من حيد **
دلال أبويه دايم من سواتي ** و أترجم سامر وألعب الشعر وأعيد **
ولا حان وقت الفرض أصلي صلاتي **
وأستغفر الله و طلبه كل ما أريد ** راحت ضميري و الصبر و الثباتي **
طبعي هواوي و أعشق القنص و الصيد **
من خلقتي و هذي مسيرة حياتي **

الكل _ صح لسانك
بندر_ صح بدنكم

يوم جديد تتجدد فيه الطاعات و يزيد فيه الأعمار و تقترب من الممات ..
قال تعالى ' و لمن خاف مقام ربه جنتان '

بندر بصوت عالي يأذن لصلاة الفجر .
الله أكبر . الله أكبر . أشهد ان لا إله إلا الله .أشهد ان محمد رسول الله .
حي على الصلاة حي على الفلاح قد قامت الصلاة قد قامت الصلاة الله أكبر . الله أكبر لا إله الا الله .


قعدوا الرياجيل و بندر صار الإمام لهم . و قرأ سورتي السجدة و الإنسان كسنة للرسول صلى الله عليه و سلم في صلاة الفجر .و ماشاء الله صوته كان رجولي و يشبه صوت إمام الحرم المدني الشيخ :: عبد المحسن القاسم .::

قعدت بدور على صوت بندر و قعدت البنات و الحريم عشان يصلن و منهاا يقعدن يتريقن و يستقبلن أم أحمد و بنتهاا نوف

بدور تهز جنان _ جنان قومي
جنان تجر اللحاف _ ياااي خليني انام
بدور اسحبته بقوة_ أقول قومي صلي لا بالماي
قعدت جنان و تمغطت لا قالت بس جنان_ اصبحنا و أصبح الملك لله ولا إله إلا الله وحده لا شريك له له الملك وله الحمد و هو على كل شيئ قدير .
بعدها سحبت لحاف عبير ولحاف سارا _ قووومن صلن يا بناااات




عالساعة السابعة صباحا . . الجميع تريقن و تقهوى ..

قام بندر و محمد للصيد .. محمد _ بندر يومنك تحب الصيد ليش ما تروح للمغرب أسمح شباب يقولون الصيد هناك شي شي
بندر _ لا يبا شوراي اطق طريج عشان القنص ووين بعد للمغرب بعيده شوي ياخوك . وإذا فنفسي روحه عندنا جيرانا دول الخليج اقرب مسافه . و أفضل بعد هناك لنا معارف يدلولنا عالأماكن الزينة .
محمد _ كيفك والله انا سمعت يمدحونها قلت اقول لك .
أقول بندر تصدق انت قبل أربع سنين سمعتني ابيات كتبتهااا و للحين ما أضحك عليك أتذكر كذا بيت . سمعنيهااا ؟
بندر ما تذكر _ آي بيت ياكثر ما أبلشك بأشعاري يابو حور
محمد _لا شدعوه يا بو عذبي بس لحظه خل اتذكر البيت
ايه هذا


الوقت يمضي والليالي مشاويح*** والعين ماذاقت لذيذ المنامي .
اسامر النجمه و بث التصاريح *** أشكو لها هم به الصدر زامي .
أخايل القمرا وألف المسابيح *** واقدح من عيون المعاني مرامي .
الغيد ياما في هواهن مطاريح *** مابين مقتول و صويب العظامي ..
الحب نعمه مثل غيث المراويح *** لاصار بين اثنين و الوضع سامي .
واحيان نقمة مثل صفق الملاويح *** لاصار من واحد وزاد الهيامي ..


أما الباقي والله مو حافظهااا . بس سمعنيهااا ..
بندر تضايق _ لا السموحه يا بو حور . اسمحلي ما أقدر هالحين
محمد_ ليش ما تقدر تقولها ألحين ؟
بندر_ شنو تحقيق هوو ؟!
محمد _ شفيك بندر عصبت جذي ماله داعي هالتعصيبه !
بندر _ اسف يامحمد ماقصد جذي بس خلاص ابيات خاصه ماله داعي أقولهااا
محمد _ زين انتي سمعتنيها برضاك
بندر_ هذاك أول و ألحين غير و أقطع هالسيره
محمد مافهم بندر . شفيه عصب عشان شعر . لاحول و لا قوة إلا بالله .
أنتبه محمد للصيده _ بندر ألحق عليهاا لاطير منك
و صوب بندر رصاصته عليهااا و أصاب الهدف . ولا يشوفون جيب متجه لمخيمهم .
محمد _ هذا شكله بو احمد
بندر و ينزل البندقية _ ايه هووو




سيارة بو أحمد
بس ابو أحمد وام أحمد و نوف أما أحمد و زوجته ماقدروا يحضرون و نواف و زوجته مسافرين أمس برا الكويت يتعالجون
بو أحمد_ ما وصيج يام أحمد بيضي الوجه انتي و بنتج مابي مشاكل سامعين ؟!
أم أحمد_ هاذي بنتك موجوده كلمهااا انا والله تعبت معاهااا
نوف و لابسه عباية مخصره تحتاج تلبس فوقهاا عباية و حاطه مكياج صارخ _ أبشر يبا ..
بو أحمد _ ابعدي والله هاذي البنت الزينة .
ام أحمد _ هذاك بندر ؟!!
بو أحمد _ ايه ما شاء الله عليه رجال طلع من رجال ..
ام أحمد _ أنا أشهد يا جاسر ..

قربوا من مكان بندر و محمد . و نزل بو أحمد يسلم .. و نوف قاعده بالسيارة و عيونهاا تلاقط ..
بندر _ يا حي الله من جانا .
بوأحمد_ الله يحيك يا بو عذبي
بندر ويحب راس خاله .
بوأحمد_ شخباركم و شعلومكم و شلون الجووو وانابوك ؟
بندر_ الحمدلله الكل تمام وعافية و الجو يسأل عنكم ..
بو أحمد _و انت يامحمد شخبارك ؟
محمد _ الحمدلله نزقح ..
بو أحمد _ دووم يا بو حور
بو أحمد و يأشر على الخيمة السودا و ديزاينهااا سدووو ._ هذيك خيمه الرياجيل .؟
بندر _ ايه . حيااااك يا خال ..

حرك بو أحمد لخيمة الرياجيل .و نزلت ام احمد و نووف . لخيمه الحريم


: خيمه الحريم :


دشن الخيمه ام أحمد _ السلام عليكم و رحمة الله و بركاته .
الكل قام لهاا و رد السلام عليها يحبونها من طيبها و حسن خلقها أمرأة مثقفه وواعية .
لكنهاا فشلت في تربية بنتهااا . نسأل الله المستعان .
نوف إلي يشوفها يحسب انها غلطانه أو مضيعه . شكلها ما يناسب مكان البر . و ريحه العطر فايحه
سلمت على الكل و عند سلامها لجنان همست لها _ صج إلي سمعناه يا جنان ؟
جنان سوت نفسها مو فاهمة _ شنو سمعتي اسمحيلي ما فهمت عليج !
نوف و بحرقه _ ملجتج على بندر ولد عمتي .
جنان _ إيه صج إلي سمعتيه
وحاولت تبتعد عنهاا ما تبي تقعد معاها أكثر عشان لا تفقد أعصابهااا لأن نوف حريفه في أستفزاز الناس .
نوف و صاكه اسنانها _ ووين رايحه قعدي بسولف معاج ؟
جنان أرتبكت ماتوقعت انهاا تبيها حبا فيها لااا نوف في راسها شي و ياخوفي منها ..
جنان و تضحك ضحكه صفرا _ ماعليش يا عمري مشغووله . مع السلامه ..
نوف ورافعه حاجبها _ مع السلامه ياااا جنان ..
طلعت جنان من الخيمه بتروح للمطبخ تجهز القهوة و الجاي .
جات عبير لنوف و قعدت جنبها
عبير و تشرب عصير مانجا _ أقول نووف وين حريم اخوانج ما شوفهن ؟
نووف _ أمم مادري عنهم ..
جوا ما جوا مو هاميني ..
عبير بقلبها _ هذا أولهاااا ..
عبير بتقهرها _ حسافه والله لهم وحشه ما تتصورينها يا نوف
نوف بتعالي _ إلا تعالي انتي ليش ما قلتيلي عن ملجة أخووج ؟!
عبير و تحرك راسها يمين و يسار _ ليش شصاير عشان أعلم الي يسوى ولي ما يسوى ؟
نوف بعصبية _ شقصدج انا ما سوى ؟
عبير _ اوووف اللهم طولك ياروووح انا قلت انج ما تسوين شي ؟
نوف _ وكلامج شلون يتفسر!!
عبير _ تراج لوعتي جبدي خو تحقيق هوو رجال و ملج شفيها قالبينها ليش ماقلتوا وليش مادري شنو ؟
نوف القهر واضح بصوتها _ شمعنى جنان من زينهااا جيكرة ما تنبلع شزودها عني ها شزودها عني ؟!
عبير متفاجأة من تسلط بنت خالهااا و حقارتهاا و جرأتهاااا _ تبين الصراحه يا بنت الخال زودها عنج جمال و أخلاق و نفس و لسان .
سكتت نووف حست انها شوي و بتنفجر .. و راحت عبير لفاطمة و بدور و سارا .
ألتفتت نوف لأمهاا شافتها ماخذه راحتها مع عمتها ام بندر و ام محمد. قامت بتروح لجنان بالمطبخ للحين النار شابه بصدرها ما خمدت ..



: جنان :

اللهم أكفنيهم بما شئت قلته بعد ما شفت نظرة من نوف ما دري شنو أفسرها لكنها نظرة حسد و حقد . مسكينه يا نوف علبالها بندر هو الي فضلني من بين كل بنات الكويت .. بغيت أهز راسها و أقولهاا بندر رافضني ما يبيني زوجه له . أصحي عن هالحسد وألحقي على عمرج .. طلعت أحس اني مخنوقه لو قاعدة بالبيت ابرك لي من مقابله وجيهه حسوده
شفت قدامي أخوي محمد متجه لخيمتهم و يقول لي _ فديت الي بيسون قهوة لنا . قلت له و انا ابتسم له _ فديت روحك يالغالي ..
و راح هو وهو يطلع تلفونه من بنطلونه البيج ..و انا داخله المطبخ الكيربي و الإبتسامه شاقه الحلج أحب أخوي محمد و متعلقه فيه بدرجه ما تتصوروها . شفت بندر واقف قدامي و الجاي عالنار .
تيبست بمكاني و إبتسامتي أذبلت و هو ولا عليه يطالع فالنار و يرفع عينه صوبي .. صراحه شكله يجنن .. لابس جنز اسود و تي شيرت عنابي و مسوي الحمدانية ..
بندر _ وين عباتج و نقابج ؟ ما تدرين ان في رياجيل محرمه عليج !
قلبي بغى يطلع من مكانه . مارديت عليه بالأساس لساني انخرس فغضيت بصري و طلعت بسرعه و استوعبت شنو صار لي . والحبيب ولا عليه قعد يطالع و لا بعد يتحكم من ألحين . إن شاء الله محمد يتفاهم مع ابوي بموضوعي مع بندر ..اوف نقعني نص دقيقه برا و انا شكلي يضحك منخشه ورى سيارته الي حاطه عند المطبخ و الحمام " اكرمكم الله "
واخيرا طلع بس شكله يكسر الخاطر . شلون شايل الصينية .. و قعد يتلفت يمين يسار مادري شيبي يشوف بعد . مشيت بسرعه عشان ما يشوفني . دخلت المطبخ و قعدت اسوي القهوة ..
وقعدت أغني هالأبيات للشاعر محسن الهزاني شاعر الغزل الأول .

ألف وليف الروح قبل أمس زرناه .
غرو يسلي عن جميع المعاني ¤
البا بقلبي شيد القصر مبناه .
وأدعى مباني غيرهم مرمهاني ¤
التا تراني كل ما أوحيت طرياه .
أفز لو حلو الكرى قد غشاني ¤
و الجيم جيته ما تردى لمن جاه .
ريم الشمال في الرياض مرباه ¤

بندر بصوت هامس _ صح لسانج ..
جنان و عيونهاا بغت تطلع_ بسم الله ..
بندر _ عطيني قفشه نسيت لا أخذهااا
جنان عطته الغرض و قبل لا يطلع قال _ آخر مرة أشوفج مو لا بسه عبايتج و نقابج أوكي ؟
شافهاا ساكته قال بصوت أعلى _ سمعتيني ولا أعيد ؟!
جنان بصوت واطي _ سمعت .
طلع و جنان تلفتت حوليهااا تشوف في أحد موجود ..



: بندر :
قعدت انا و محمد بالمطبخ اسوي الجاي لنا . ضاق خلق محمد من القعدة بالمطبخ فطلع .. بدقيقه من الزمن ولا ملاك داخل علي . سبحان من صورهاا و خلقهااا لكن ما بقلبي شي تجاهها . لبسهاا كان ملفت أقهرتني لو جاسم كان بمكاني جان شافهااا . لابسه برمودا بيبي و بدي ماسك عليهاا لونه
فضي .. و شعرها الناعم طاير بالهوااا . و كانت تبتسم مادري ليش ؟ شكلها كان أحد معاها و ضحكهاا . تذكرت هالأبيات .

// برق (ن) تلالا بأمر عز الجلالا ** واثره جبين صويحبي و احسبه برق //


شفت وجهها أنصبغ أحمر و عيونهااا بغت تطلع .
نبهتهاا تلبس عبايه إذا اطلعت برى خيمة الحريم . و بعدها شردت بسرعه برى المطبخ . و نطرت لي خلص الجاي فحظرت البيالات و السكر . لكني أحس اني ناسي شغله بس مادري شني ياربي فطلعت بروح لخيمتنااا قعدت اتلفت يمكن أشوفها لا يكون الخبلة رايحه للخيمة تسويها مو رفيجة عبير خلاص كل شي جايز !
و عند وصولي للخيمة تذكرت القفشه ( الملعقه ) طقيت يدي على راسي _ آخ القفشه نسيتهاا
و رديت على دربي للمطبخ و لا جنان قاعدة تغني ماشاء الله صوتهاا حلوو وذوقها راقي . مره وحده محسن الهزاني خطيره الصراحه بنت عمي . قعدت اتسمع لها لي تخلص خلاص هي ألحين زوجتي بعد ماخلصت قلت خل أحرجهاا شويه _ صح لسانج و ذكرتها بالعباية . حسيت انها ودها تمسك رقبتي و تخنقني أعرف البنات ما يحبن الأوامر .. وخاصه باللبس بس شنسوي لاصار عقولهن صغيره ..
طلبت تعطيني القفشه و عطتنيها
و رحت للخيمة ..






خيمه الحريم
بدور _ سبحان الله مادشت قلبي أحس انهااا عقرب رمل
فاطمة_ الله يهديهاا يا بدور مانبي ناكل لحمهاا من كثر حسناتنا يوم نحش فيهااا .
بدور انحرجت _ استغفر الله مو قصدي جذي بس ورى هالبنت شي ؟! عندي أحساس .
فاطمة _ مالقت من يربيها عدل أمهاا إنسانة ناجحه في علاقاتها الإجتماعية و معلمة قديره و لها جهود جبارة بس فشلت في تربية نوف . سبحان الله يطلع من الورد شوك .. الله يهديهاا و يصلحهاااا
بدور _ اجمعيييين يا فاطمة والله انج تريحين الواحد . و صدرج وسيع . و القعده معاج ما تنمل .. مووو هاذي ( تأشر على عبير و هي جاية بتقعد معاهن )
عبير اطالع في نفسها_ شفيني ؟!
فاطمه تبتسم _ تمدحج
عبير و تعطي بدور نظرة _ طالعي في عيني
طالعت بدور فعين عبير و كاتمة الضحكة ..
عبير تعرف بدور إذا جذبت تكتم الضحكه . عبير _ أقووول يلى عااااد شكنتي تقولين ؟!
بدور _ أقول بتغيرين صبغتج بعرس أخوج ؟
عبير ومشت عليها الجذبه _ والله محتاره ودي بالصبغه الثلجية و ودي أخليه مثل ما هو بس بقصه قصه حليمه ..
فاطمة _ حلوو
بدور وتقوم _ أوكي انا بشووف عيالي وين راحوا



في المطبخ

نوف ادخلت على جنان و هي تحط الهيل و المسمار في المطارة ..
نوف بقرف _ أمبيييه شلون مستحمله القعده هنييييه
جنان بخرعه _ يمااااااااااه من وين طلعتي
نوف بحقد _ من الباب طبعا ..
جنان ماحددوا عرسج ؟!
جنان بقلبهااا _ أهوووو شكلنا ماراح نطلع من المطبخ إلا على المستشفى على طووول _ بعد شهرريين .
نووف _ شافج بالملجه ؟
جنان _ لا مو من سلمنا هالأمور هاذي ..
نوف _ ويييي معقدين ...!
جنان بتقهرها _ يا حلات التعقيد إذا كان جذيه .
جنان قعدت ترتب الصينيه و القهوة و بتطلع _ أقول نوووف وانتي للحين ماكو أحد تقدم لج ؟!
نوف _ أنا ماخذ إلا إلي في باااالي و قولي نوف بنت جاسر ما قالت ...
جنان انقبض قلبهااا _ تعالي تقهوي .


.

// الجزء الرابع //

مرت الثلاثه أيام .. على خير بالرغم من تصرفات نوف السيئة إلا ان الطلعة كانت في منتهى الروعه و الوناسه .. و كل واحد أخذ أهله و راح لبيته .



بيت بو محمد :

الساعة السادسه و النص صباحا
جنان _ السلام عليكم .
عبير _ وعليج السلام جنوو .
جنان _ عبور حبيبتي أخذيني معاج لا تنسين أوكي
عبير _ اوكي بس ليش ؟ لا يكون متهاوشه مع أم الخلاجين
جنان بقهر _ و في غيرهاا يبيله تأديب
عبير _ خلاص عشر دقايق ألقاج برى ناطرتني ولا بروح تعرفيني ما أحب اتنقع برى
جنان _ أقول مااالت بس .. طالعه على أخوهااا
عبير _ هييين أن ما خليته يطلع عيونج ماكون عبير
جنان _ أقول يلى يلى بسررعه
و سكرته من عبير . و انزلت تحت شافت ابوهاا و أمهاا و ساراا يتريقوون . حبت راس امها وابوها _ السلام على أحلى أب وأم بالدنيااا
بو محمد و يأشر على الكرسي الي جنبه _ وعليج السلام يا أحلى بنت في الدنياا تعالي حبيبتي
ساراا بغيره _ نحنووو هنااااا
جت جنان جنب أختهااا و همست بإذنهااا و تقلدها _ محترااااااااا
ضحكوا على شكل سارا و هي غيرانه من جنان و قعدوا يكملون ريوقهم .
ام محمد _ جنان عندج أختبارات هالأسبوع ؟!
جنان تتذكر _ لحظه يمه . وطلعت جهازها تشوف التقويم و قالت بنعومه _ لا يالغاليه ما عندي هالأسبوع .
بعدها سكتوا و قامت سارا بسرعه بتلحق عالمدرسه . و حبت راس امها و ابوها قالت _ مع السلامه .
الكل _ مع السلامة ..

ألتفت بو محمد لجنان _ جنان أستعديتي للعرس أقصد جهزتي يمه .
جنان بقلبها _ يعني محمد ما كلمه للحين ...
جنان _ لا يبا ما جهزت .
عصب بومحمد بس عطته زوجته نظرة يعني لا تعصب وأرحم بنتك ..
تماسك بو محمد _ ليش ياجنان ماكفتج الفلوس ؟ انا ماراح أقصر معاج يابنيتي
جنان و العبره خانقتهااا _ يبا أنت عارف رايي بهالزيجه فمالي خلق أروح أجهز !!
بو محمد _ يعني شنوو ؟! مافهمت فهميني يا جنان
جنان _ العذر و السموحه منك يبا . أبيك اطلقني من بندر ..
بو محمد مامسك أعصابه و صرخ صرخه هزت أركان البيت _ جنااااااااااااااااااان .
جنان من الخرعه القفشه طاحت على أرضية السيراميك وطلعت صوت مزعج و أرتجفت جنان من شكل أبوها المعصب ووجهها صفر من الخوف و حست بدموعها بتنزل و طالعت بأمهاا تستنجد بها لكن حكم القوي على الضعيف .. و نزلت أم محمد نظرهاا لتحت .. و قطع هالصمت جهاز جنان .. قامت بتوتر و طلعت لعبير .

أم محمد بحزن _ مو جذي نتفاهم يا بو محمد عالأقل حسس بنتك انها غالية و معززه مو تحسسها كأنها عاله و تبي الفكه منهااا .
بو محمد _ والله انها أغلى بناتي وزود بعد . وانا مطمن يومني مزوجها بندر . و بنتي مكرمه ومعززه في بيت ابوها و بيتهااا . و بتظل معززه يا ام محمد . بس هالي تسويه جنان دلع بنات و بتشوفينها بعد العرس .
ام محمد _ يا رييت يابو محمد . وأشوف السعادة بعيونها و تقر عيوني بشوفة عيالهاا
بو محمد و قايم _ آمين . و قولي لولدج إذا قعد يلحقني بسرعه بروح لبيت بوعوض نسيت لقوله أمس ..
ام محمد _ أبشر .



أركبت جنان سيارة أهل عبير و صوتهاا يهتز . و دموعها الوحده ورى الثانية تنزل .. سلمت و جلست بسكوت .. استغربت عبير هدوء جنان و أهتزاز صوتهاااا فألتزمت الصمت حست انها مو طبيعيه و أحد ضايقهاا مافي غيرها ساروه ماتجوز عن هالحركات السخيفه .. حرك السايق أتجاه الجامعه .. بعدها بخمس دقايق أنفجرت جنان بصوت عالي .. ماقدرت تكتمه ..
عبير أخترعت _ يماااه شفيج جنان تبجين .. ؟!
جنان ولا أكن أحد يكلمهاا . .
عبير و تهز كتف جنان _ تكلمي شفيج .. ماترديييين .؟!
جنان و تمسح كحلها مع دموعها_ مافيني شي ؟
عبير بعصبية _ لااا فيج شي كل هالدموع وماكو شي ؟ تضحكين على منوو ؟ أنا عبير مو سارا !!
جنان و توخر يد عبير عنهاا _ قلتلج مافيني شي .
عبير بشك و حاسه ان في شي بينهم _ بندر له شي بالموضوع ؟
تفاجأت جنان بعبير و طالعتها ثواني وكانت عيونها حمر ..
ماردت عليها جنان شتقول لأخته ..
عبير بثقه _ متى ما بغيتي تكلمين عن الي يدور في نفسج و كاتمته عني تلاقيني الصدر الرحب مهما يكون بندر مثل ما هو أخوي فأنتي بنت عمي بعد .
وأفتحت الباب بعد ما وقف السايق قدام الجامعه .. ونزلت و هي متضايقه ليش ما افتحت جنان قلبهاا لهاا ياما أسرار قلناها لبعض و حفظناها بس ليش هالشي بالذات جنان ماتبي تقوله ..
ألحقتهاا جنان و هي حاسه بصداع رهيب بعد البجي الي بجته ..



قعد محمد من النوم و هو ناوي يكلم أبوه بموضوع جنان .. و نزل مع زوجته بدور ..
شافوا أم محمد قاعدة بروحها تفرج على قناة المجد ..
محمد و بدور _ السلام عليكم .
و حبوا راسهاا .
أم محمد _ وعليكم السلام .
قامت بدور تكلم الخدامة تجيب لهم ريوق ..
محمد يتلفت _ وين أبوي ؟؟!
أم محمد _ أيه ذكرتي أبوك يقول ألحقه هو ببيت بو عوض عازمه عالقهوه . أخبر ياوليدي ان الصبح جاي الضحى للحريم ما دريت ان الرياجيل لهم قهوة الضحى ..
ضحك محمد بصوت عالي و سحب يد امه و حبهااا قعد جنبها _ فديت الي ينكتون .. بس يما عاد مانوصل مواصيلكم بهالحش و النميمه ..
عصبت امه _ وخر عني انا أحش وأنم يا قليل الحياا و قدامي تقولها ..
محمد حب راسها _ محشومه يالغالية و انا ما قلت انتي يمه انا أقصد الحريم ..
ام محمد و تحط يدها على راسها _ وانا شنوو مو حرمه .
محمد مات من الضحك و مسك بطنه الضحك آلمه _ أقصد بعض الحريم وانتي حرمه مافيها أختلاف هاذي ..

جت بدور و حطت الخدامه الريوق و قعدوا يتريقون وام محمد قعدت تشوف إعاده برنامج الجواب الكافي مع العلامة الشيخ صالح اللحيدان ..


:: بيت بو أحمد ::

نوف و هي بتطلع من البيت الساعه 10ولا قدامها أخوها الكبير أحمد ..
أحمد مستغرب _ شنو مو مداومه لدوامج ؟
نوف بإرتباك _ ايه تعبانه
احمد و يطالعها من فوق لتحت _ شهاللبس ماسترتي شي يا نوف . !! وين عالله طالعه وانتي تعبانه
نوف و عيونه متشتته مره على أخوها و مره عالباب . _ رر رايحه للطبيب .
أحمد بعصبية_ للطبيب و لبسج جذي . !
نوف حاسه الأرض تدور حولينها _ تت تبيني أأأروح أغير لبسي ..
أحمد بصراخ _ أذلفي عن وجهي يا .. أعوذ بالله و أخذي معاج الخدامه و قسمن بالله يا نوف أنشفتج معتبه درجه هالباب باللبس هذا لأحشي رجولج حش فاهمه ؟
نوف من الخرعه أركضت للدرج بتروح لغرفتها ..
و دقت على عهود _
عهووود انا هونت .
عهود متفاجأه _ لييش ؟
نوف وتلتفت لبابها_ أحمدوه الله ياخذه طاح علي و هاوشني على لبسي قلت بروح لطبيب و صرخ صرخه زين عقلي موجود للحين جان ما نجنيت حسبي الله عليهم من أخوان منكدين بعيشتي !!
عهود _ الحمدلله لاعندي أحد يتأمر علي لا اخو ولا أخت .
نوف _ بعد أمج وابوج مطلقين وكلهم ما يدرون عنج جت عالأخو ..أووووف ضايق خلفي ياعهود .
عهود بتقهرها _ حسافه طافج قاعدة أشوف بنات الكلية مهربين و جايين لهالمجمع ؟
نوف بحسرة _ مالت عليهم .
أوكي حبيبتي انا بنااااااام
عهود _ نوم العوافي .



في الشركة
كان بندر شايل الشغل على راسه لا أبوه ولا عمه و لا محمد مداومين فالحمل كله على ظهره و حيله منهد ..
طلب من السكرتير يجيب كل صفقات الشركه عنده بالمكتب . قعد على الكرسي و يدينه حاطهم تحت راسه يفكر فعرسه ما باقي له غير شهرين ألا و هو ولا كأنه معرس شعور عادي يحسه تجاه تاريخ ليله العمر ضحك بإستهزاء من كلمه ليله العمر . تمناها مع حبه الهنوف بنت جيرانه بس سبحان الله الرزق ما يندرابه لمين ولوين يرووح . قعد يلوم نفسه ليتني كلمت أبوي و أصريت عليه و سويت كل شي بس أخذ هالهنووف .. طق السكرتير باب مكتب بندر و أعتدل بندر بقعدته . و بصوت شوي عالي _ أدخـــــــــــــــــــــل ..
دخل السكرتير و حط هالصفقات على مكتب بندر ..
و قال _ تامر على شي ثاني .
بندر _ لا . و سكر الباب وراك وما أبي أشوف أحد فاهم .
السكرتير _ أبشر استاذ بندر .
و سكر الباب و غاص بندر بالصفقات . و قعد يشوفهااا ..

بو محمد و بو بندر يعتمدون حيل ببندر و محمد .لأن خبرتهم بالتجارة ممتازة و طبقوا المثل الي يقول " هذا الشبل من ذاك الأسد "


عالغــــــــــــــداء ...

سارا _ يبا تبي أحطلك مرق ..
بو محمد _ حطي ياأمي ..
و حطت لأمها و أخوها و بدور ..
محمد _ يما جنان كل محاضراتها ماتخلص إلا قبل العصر بربع ساعه ؟
ام محمد _ ايه يا محمد ماتطلع إلا قبل صلاة العصر بربع ساعة ..
بو محمد _ الله يوفقهااا .. و نزل القفشه وقام ..
وقال _ كثر الله خيركم ..
الكل _ عـــــــافيـــــــة ..
محمد و قام بعده على طول _ لحظه يبا أبيك بشغله ..
سارا واللقافه اشتغلت عندها_ شيبي من ابووووي !
ام محمد _ وانتي شكو اتركي عنج اللقافه .. والله بتعيشين براحه . أخذيها مني ..
بدور تشمت_ يادافع البلاااااااا
سارا _ أقول الخبر اليوم بفلوس باجر ببلاااااش ..


دخلوا غرفه المكتب و سكر محمد الباب عليهم ..والتوتر كاسيه من راسه لأخمص قدمه
بو محمد و يجلس على الصوفاا
_ شبغيت يا محمد . ؟
محمد ووجهه يعرق ._ يبا تعرف انا ما نرضى بدمعه تنزل على خد بنت من بناتك . و راسنا يشم الهوااا صح يبا ..
بو محمد بسرعه _ يخسى واحد ينزل دمعه من بناتي وهالكور يشم الهوا .
محمد سكت ثواني و نظره على رجله و رفعهاا بوجه أبوه ..
وتكلم بصوت رخيم _ طلــــق جنان من بنـــــــدر ..
بو محمد انصدم من طلب ولده .. وقال بصوت مرتفع _ محمد ..
محمد _ سم ..
بو محمد _ شفت شي مو طيب على بندر ؟!
محمد _ لا
بو محمد _ بندر مووو محافظ على صلاته ؟
محمد استغرب من هالأسئله _ لا ... بالله انه محافظ وكل صلواته بالمسجد ..
بو محمد _ أخلاقه فيها شك ؟
محمد _ لااا
بو محمد عصب _ أجل اطلع برى ياولد أمك .
محمد جا بيتكلم بس ابوه عصب و صرخ _ قلتلك أطلع بـــــــــــــــــــــرى ..
جا محمد لأبوه بسرعه و حب يده و راسه ..
محمد بإنكسار لأبوه _ انا آسف يبا و سامحني ما قصدت أفرض راي على رايك و لا بمشي كلمتني على كلمتك .. بس يبا جنان تغيرت مو مثل قبل ماتلاحظها يبا .. ؟ وين جنان ام المقالب ؟ وين ضحكاتها الي تملى البيت ؟ يبا احنا قاعدين نذبح روح جنان بهالزيجه .. مانبي نغصبها على شي بعدين إذا ماحصل توفيق بينهن .. تقولنا انتم السبب انتم رميتوني . حتى لو ماقالت بس بتقتلنا بنظراتهاا المكسوره ..
سكت محمد وحب راس ابوه .. بو محمد _ خلصت .
محمد _ ايه يبا
بو محمد _ لو ماهو بندر جان أخذت رايهاا . هذا بندر أعرفه مثل ما أعرفك .. رجال يعتمد عليه .. رجال قادر على تحمل المسؤولية .. رجال عنده سعه صدر وسييع .. رجال يكرم ضيفه .. رجال لا دش بالدواوين الكل يقوم له من سمعته الي مثل المسك .. رجال بأهل بيته كريم ..و أنا بعطيه أثمن ما عندي و جنان والله ثم والله وكاني أقوله لك يا محمد بعد أمك جنان أغلى بناتي و عشانها الأغلى حجزتها لبندر .. ولا سوالف البنت لولد عمها ماتمشي معي جان انا زوجتك عبير من زمان أو حجزتها لك بس لاني أعرف بندر بيحافظ على جوهرتي ..
عندك شي ألحين ؟
محمد _ سلامتك يبا ..

طلع محمد من المكتب بيروح يقيل شوي قبل صلاة العصر ..
شاف أمه و بدور و سارا يشربون جاي و يسولفون ومن سكر باب غرفة المكتب و الكل سكت بعد ما شافوا وجه محمد مصفووق . قامت أمه له وأبتسم لهااا محمد يعرف ان هالقلب الحنون مهما كبر ولدها في السن إلا أنه بنظرها صغير .. و قرب منها و حب راسهااا . قالت بهمس له _ شفيك يما وجهك ما يبشر بالخير .؟!
محمد ويطالع ببدور و سارا _ مو ألحين يما انا بقيل و بالعصاري أقولج شسالفة .. تامريني على شي يا الغالية ؟
أم محمد حبت جبهة ولدهاا _ سلامتك يما ..
حب يدها و راسها _ الله يسلمج . وصعد لجناحه ألحقته بدور و هي تقول بقلبهااا _ الله يستررر وجه يخرع لا يكوون بيتزووج علي .. يسويهاا محمد .

دخلت عليه بغرفة النوم بس كان موجود بحمامهم الخاص ' أكرمكم الله '
و قعدت على السرير تنطره يطلع و اطقطق أصابعهاااا . طلع محمد و يمسح وجهه بالمنشفه .. و ضحك بوجهه زوجته .. شافها معقده حواجبها و أطالعه . .
محمد يبتسم _ حبي ليش هالتعقيدات ؟
بدور بقهر _ قولي من آخرتهاااا
شسمهااا ؟ لا يكون نوف
محمد ما فهم _ هاااا
بدور و تهز أرجولها _ من قال ها سمع يا محمد ..
وراحت له ._ يا قسى قلبك يا محمد شلون تجيب لعمور و عثوم و عواشه مرة أبوو اتصبحهم بطراق و تمسيهم بطراق شلوون سمح لك قلبك ؟

أستوعب محمد و طلعت من عنده ابتسامه _ شكوو نوف بنت جاسر بالسالفه ؟
بدور عصبت _ زين ليش ضحكت ؟ هااا
بحركه طفوليه من محمد بسرعه حط يده على فمه _ خلاص ممم جذي تبين ما راح أضحك ..
بدور و ادور حولينه و بصوت هامس ( حرام جذبت الجذبه و صدقتها ) _ محمد انا قصرت فحقك .. قولي عالأقل أصلح أخطائي و أتفداها مو تحط علي نسرررة ..
مسك يدهااا و قال _ والله مافي مره توصلج بس انتي الله يهداج فكرج راح بعيد .. والسالفه تخص ناس .. والله يوفق هالناس لأنهم يستاهلون كل خير ..
بدور بشك _ والله
محمد يبتسم _ والله
طقت صدره بخفه _ أشوى على بالي ...
محمد حب يطينهاا _ وإذا إذا طقت في راسي بخليج أنتي تدورين لي .. الأقربون أولى بالمعروف ..
بدور بصرخه قهر _ محماااااااااااااااد
ركض محمد لفراشه بينام قبل لا تاكله .. و دخل الفراش و طلع راسه لهااا وقال _ أحبج لا عصبتي .. ويلى طفي النور و اطلعي برى ..
بدور _ عنااااد بقعد عندك و الليت ماراح يتطفى ..
محمد بتعب _ والله تعبان بدوره..
ارحمته و طفت الليت و طلعت ..و طيف ابتسامه بفمهااااا ..



@@@ الجامعه @@@


عبير و جنان في الكافتيريا يتغدون ..
عبير _ بتروحين معاي ولا بتروحين مع سواقكم ؟!
جنان _ شكلي ثقيلة و غثيثه اليوم معاج .. لا برووح مع دريولناااا .
عبير حبت تقهرها _ وفرتي علينا ..
جنان طقت راس عبير بجنطتهااا
_ صج ما تستحييين !! مالوومج أخت أخوج ماعندكم ذرة من الذووق ..
عبير معصبه _ أحنا ماعندنااا ذووق !
جنان طلعت لسانهاا لعبير _ مالت بس ..
عبير و بتحرج جنان دقت على بندر . سكتت جنان عبالهاا بدق على سواقهم .. بعد ثواني ولا عبير تكلم ..
عبير و وأطالع بجنان _ السلام عليك شلونك ؟
بندر شاف أخته تدق عليه و هو توه داش غرفته بيريح من الإرهاق والتعب الي أهلكه في الشركة ..
رد عليهاا _ وعليج السلام . انا أزقح ..
عبير _ دووم يا خوي . وينك ألحين . ؟
رفعت جنان حواجبهااا يعني الخبلة داقه على يا بندر يا جاسم .
بندر و متمدد على السرير و يحك ذقنه ماله خلق لسوالف أخته الي ما تخلص .
بندر _ والله انا ألحين متمدد عالسرير ابنااام تعبان حدي .
عبير و تمثل الصدمه _ بعيد الشر عنك . جعلهاا فعدوينك إن شاء الله ..
قهقه بندر من خبال أخته .. وقال _ يابنت مافيني إلا العافية بس ارهاق و تعب خفيف من الشغل .. انتي للحين بالجامعه؟
عبير _ ايه يابو عذبي كنت أبيك تاخذنا بس مدام انك تعبان خلاص أنروح مع السايق ..
جنان وجهها أحترق من الحرارة و دقات قلبها سريعه ..
و نزلت نظرهاا لأكلهااا . ماتبي بنت عمها تلاحظ ..


استغرب بندر من كلمة " تاخذنا " و قال _ ليش منو معاج ؟
عبير_ في غيرهااا لزقه عنزروت بنت عمك جنان .!
جنان بشهقة عالية و قالت _ أيا بنت الذيناااا
عبير و معاها بطل ماي _ قولي الذين آمنوااا قولي آمنوا لا أكت عليج الماي !
جنان أخترعت من عبير و استحت من ولد عمها أكيد سمعها .. قالت _ الذين آمنوا أرتحتي ألحين ..
عبير _ ايه جذي . ما تمشين إلا بالماي ..

سمع بندر شهقه جنان و هوشتهن مع بعض و قال لعبير _ أقول عبير انا مو ناقص عوار راس . و قولي لجنان لا تشاهق مو زين بالنسبه للصحه أوكي .. يلى مع السلااااااامه
عبير تفشلت من أخوها حتى ماقال سلميلي على جنان خلاص البنت زوجته بالثبوتات المفروض يسأل عنهاا_ إن شاء الله و الله يسلمك ..


جنان بقهر _انتي سخيييييفه و تاااافه يا عبير ..
عبير _ وويييي ليش شمسويه ؟
جنان _ داقه عليه عشان ياخذنا اصلا لو جا ماارضى أركب معاه . .
بعدها تذكرت و قالت بخوف _ زين هو شخباره شفيه تعبان شنو صاير له عسى ما شر ؟
عبير_ بل عليج شوي شوي لهالدرجه خايفه عليه ماعليج منه يزقح الحبيب .. مثل الحصان لا تخافين عليه ..
انحرجت جنان من تسرعهااا و قالت بهمس _ بعيد الشر عنه
حبت عبير تحرجها زيادة _ شقاعدة تقوولين .
وطقت جبهتهاااا _ يؤيؤيؤ نسيت .. حبيب الروح يسلم عليج ( تجذب عليها ) و يقول قولي لجنان لا تشاهق مو زين لهاا بعد من ألحين خايف عليج شعلييج يا معوووده
جنان واللون الأحمر صابغ وجهها _ الله يسلمه .
و ترفع يدها للسما _ و يرزقج يا عبير بالرجال إلي يحسن معاشرته لج و يكرمج و ترتاحين معاه ..
عبير بدفاشه _ بس هذا الي طلع منج !!
جنان بصدمه _ امبييييه زين شتبين عشان ادعيلج ..
عبير و اطالع فالسما _ ابي راكب حصان أبيض و شعره طويل شوي و اسمراني و طويل و مفتول العضلات و و و بعد شنوو شنوو ؟
جنان وصلت عندها وقامت بتطلع من الكافتيريا _ الحمدلله عالعقل ترى العقل نعمة ..أحمدي ربج عليهاا في ناس مجانين و محرومين من هالنعمة فأحمدي الخالق عليهاا و قومي يلى ريحه الكافتيريا خانقتي و جبدي لايعه ..
عبير و تشرب عصير المانجا _ لحظه بس شربه ..
جنان _ حسبي الله عليج جم عصير شاربه حشى ألي يشوفج يقول عندكم مجاعه في بيتكم .
شرقت عبير بالعصير _ كح كح كح كح كح .. قل أعوذ برب الفلق من شر ما خلق و من شر غاسق إذا وقب و من شر النفاثات في العقد و من شر حاسد إذا حسد ..
جنان ابتسم لبنت عمهااا و قالت _ أحبببببببببج
عبير _ وفري هالكم الهائل من الحب لزوجج . انا مو محتاجه له ..
جنان و تاخذ كتبها من عند الطاولة ماتبي تبين لهفتها لبندر_ اوف شهالبندر الي ذبحتيني فيه ..
عبير بتحرها _ بندر مافي أحد يوصل مثله . رجال شهم شاعر جميل ناجح في شغله حنون حبيب مرهف الأحساس وذو الأحساس بكبره ..
جنان تقاطعهاا _ بس بس وصلتيه للسما ...و آخرتها .. سكتت جنان
عبير _ شفيج سكتي ؟!
جنان تتهرب من نظرات عبير المتفحصه لملامحهاا _ مافي شي بس مو شكل السايق تأخر عليناااا ؟!
عبير تأكدت ان بجي جنان بندر له دخل فيه . بس طوفتهااا على جنان مردها بتعلمهاااا ..
عبير و تخصرت_ مو جنج بتروحين معاي !
جنان وتقلدها و تخصر _ ايه و غصب بعد عندج مانع ؟
عبير _ أكيد ماعندي مانع إذا الأرض ما شالتج عيووني أقصد عيون بندر تشيلج ..
جنان طقتها عالخفيف بكتفهااا عبير _ آي عورتيني وانا صاجه إلا عيوني أبيهم...
بعدها بثانيتين ولا السايق داق على عبير عشان تطلع .. و طلعوا بسلام من الجامعة ..

الساعة الرابعه عصرا ..

ام بندر _ تصدقين أرجولي ذبحتني من كثر ماروح من محل لمحل ..
أم محمد _ ما تقصرين يام بندر بس ليش ماتخلين عبير تساعدج ؟
ام بندر _ عبير والله انها مسكينة و ما قصرت معاي و أحيانا والله تروح بروحها ..
ام محمد _ الله يوفقهااا ياريت سوير تاخذ من عقل عبيرشوي
ام بندر ضحكت مسكينة ام محمد شكلهاا ماتعرف عبير عدل _ ليتهن كلهن ياخذ العقل من جنان يام محمد ولا عبير حالها ما يختلف عن حال سارا ..
ضحكت ام محمد و تمواا يسولفون عن أمور كثيره .


جنان قعدت من النوم و نزلت تحت لابسه برمودا قطن وسيع أبيض و بدي تفاحي أخضر و شعرها رابطه من فوق و مسويته مثل ذيل الحصان . . و هي نازله بتروح للصالة و لا محمد داش البيت و شايل معاه ملفات . . أبتسم لهااا أما هي نغزهاا قلبها صح انها تبي تطلق من بندر عشان هو يرتاح ولا تبي تنفرض عليه لكنها تحبه .
و بنفس الوقت تبيه لأنها عايشه على أمل انه بيتحسن بس كل ما تتذكر حديثه عنهاا تصر على طلبها بالطلاق و هذا طبع بني آدم ما يحب يكون غثيث و مفروض على شخص ..قعدت تفكر ليش محمد ضحك أكيد وافق أبوي على طلبي بس انا أبيه وماراح أتزوج أبد لو شيصير . ؟! هذا بندر الغاالي الي انولد حبه مع عدد عمري كل ما أكبر يكبر حبي . و هذا حبي حب عذري حب البنت لولد عمها بدون خرابيط مكالمات ولا طلعات و أشياء تغضب الرب بعد .. و حبي كتمته بصدري لا قعدت أفضح عمري و أنزل راس أبوي و أخوي بالتراب .. دخلت جنان بدوامه المتناقضات و مر طيييف نوف بشكل عالسريع و كشر وجهها . و لا محمد بصوت بعال _ جناااااااان وين وصلتي ؟
جنان برجفه _ ها ..
محمد _ لا تقولين ها قولي نعم .
جنان بنعومه _ نعم أستاذ محمد .
محمد حب يحرجها _ شفيج سرحتي .. و قعد يغمزلهااا
جنان انحرجت و كبس وجها صار إشارة مرور _ اممم ما سرحت .
محمد _ اي أمبين .
وألتفت شاف امه ماسكه التلفون و تكلم ..
محمد _ الوالدة تكلم منو ؟
جنان بتستخف دمها _ ماعندنا بالبيت وحده والده ..
محمد _ خخخخخ لا تعيدينهاا سخيفه و قديمه بعد ..
جنان بتوتر _ مادري توني نازله . أقول محمد كلمت ابوي عن موضوع بندر ؟
محمد بجديه _ ايه كلمته ...
جنان بسرعه _ زين شنو قال ابوي ؟
محمد و يمسك يد جنان و قعدوا على الصوفااا ...
محمد _ جنان الوالد عصب وقال لو مو بندر جان أخذت رايهاا بس هذا بندر تربيتي .. و انتي يا جنان صلي الأستخارة .. الله سبحانه و تعالى ما نزل شي إلا و له حكم .. و صلاة الإستخارة تبعد عنج الشر و ترشد الخير لج .. و عيشي حياتج مع زوجج بما يرضي الله فالمرأة الصالحه لها دور كبير في حياة الرجل .. و تذكري ان في حديث ان المرأة إذا رضا عنها زوجهاا تدخل من أي باب من أبواب الجنة الي تبيه ..
جت جنان بتكلم . لكن محمد حط يده على فمها بمعنى اسكتي ..
فحاولي تكسبين زوجج و بندر أعرفه ماراح يقصر معاج رجال بمعنى هالكلمه ..
جنان حاولي تطيعينه بما يرضي الإله .. فالله يرضى عليج و هم زوجج بيرضى عليج ..
عندج كلام يا جنان .. ؟!
تقدمت جنان صوبه و حبت خشمه و ضحك محمد من تصرفهاا العفوي و قالت بصوت مهزوز_ جزاك الله خير يا خوي. نتوكل على الله العلي القدير .. وقعدت تبجي .. محمد و منحرج منهاا _ والله ياجنان كلمته بس مارضى و حتى طردني حاولت فيه بس سبحان الله الزواج قسمه و نصيب و هالبندرووه بالذات طلع من نصيبج ..
و حب يضحكهااا قال _ يختي مادري ابوي شنو شايف ببندر عشانه مصر عليه ؟
جنان ضحكت بضحكة ممزوجه ببكاء _ محمد بس ..
محمد رفع راسها _ أرفعي راسج و قال الله تعالى ( و عسى أن تكرهو ا شيئا و هو خيرا لكم و عسى أن تحبوا شيئا و هو شرا لكم )
جنان _ و نعم بالله ...
فجأة سمعوا ضحكة أم محمد بصوت عالي و تقول _ بس خلاص أرحميني يامره . أقول شكلج مطوله و عيالي صارلهم نص ساعه عندي وانا أكلمج يلى مع السلامة ..

سكرته من أم بندر و قالت _ هاذي ام بندر تسلم عليكم ..
الكل _ الله يسلمها ..
ام محمد شافت وجه جنان _ جنان شفيج يمه أحد مضايقج ؟ و قامت لها و لا جنان تضحك تحاول تغير السالفه.
محمد بيلهي أمه _ شخبارها ام بندر و شخبار عبير ؟!
ولا على نزلت بدور و تخز محمد _ قلنا ام بندر مرة عمك . بس عبير ليش تسأل عنهاا ؟
الكل مات ضحك عليهاا ..
بدور _ شفيكم تضحكون وانا صاجه شكو يسأل عن بنت عمه ؟!
محمد _ لااا تخافين عبور مثل جنان يعني مثل أختي .
بدور و رافعه حاجبها _ عبووور هااا ؟!
أم محمد و تبتسم _ تعالي يا بدور شنو بتظلين واقفه عالدرج جنج حارس عمارة ..
و تأشر لها بمكان جنبهااا جنان ماتت ضحك على بدور و هي تعطي محمد نظره شر ..
بدور انتبهت لضحكة جنان و قالت بدلع _ خااااااااااااااله ..
و مشت عالسريع لخالتهااا و قعدت عندهاا . محمد فاتح عيونه بوسعهاا مستغرب ( مسكين ما سوى شي ) _ ما سويت شي يمه ؟!
أم محمد تغمز له _ خلاص أقطعواا سيرة عبير عنااا ..
جنان خف ملامح البجي عنها و قالت بدلع _ يا عيني يا عيني على ألي يغارون .. و تلتفت لأخوهاا و قالت _ أفرح أفرح يااا عم شعليك عندك مره تحبك و تغار عليك ..
انحرجت بدور قدام خالتها ..
أما محمد شاق الحلج من الأذن للأذن .. وقال _ أحم أحم أصلا هذا وجه أحد ما يغار عليه ..
ياااااشين الواحد إذا فيه طفرة من الثقه ..
كلهم ألتفتوا لها و هي واقفه عالدرج .. ورابطه عنقوصين و امبين انها توها قاعده من النوم ..
محمد يقلدها _ ياااااشين الجهال لا تكلموا عند الكبار . و خاصه عند الرياجيل ( يقولها و هو صاك على اسنانه يعني حسي على دمج و أحترميني انا أخوج الكبير )
سارا طلعت لسانهاااا له و سوت حركات بحواجبها بتقهره ..
ام محمد ما حبت حركات بنتها _ عيب يا سارا هذا أخوج الكبير .
محمد و يحك ذقنه _ لا أبشري يمه ألسانها هذا بينقص في يوم من الأيام ..
جنان تهز راسه يعني تعالي له و حبي راس أخوج نزلت سارا ووصلت عند أخوها و مدت يدها له و قالت _ كااااااااااافك
مد لها محمد يده و حطت سارا يدها فوق يده و اسحبته لها عالخفيف و حبت خشمه و جبهته و قالت _ حمودي انا اسفه ..
محمد حس بحنان خواته و حبهن له .. فأبتسم لها و حظنها عالخفيف _ مقبوله بس ما تعودينهاااا مرة ثانية ..
بدور بغيرة _ بس خلاص سارا روحي شوفي عواشه من اليوم تقول ابي سارا ..
جنان منصدمة وقالت بصوت عالي _ ياويل حظك ياخوي تراها أخته ..
سارا راحت لبدور _ محتراااااااااا
طالع محمد بدور و ضحك شكلهاا شوي و بتنفجر .. و ماشي للدرج _ مع السلامة ..
ام محمد لسارا _ يمه روحي استعجلي الخدامه عالقهوة ...ما صارت ..
سارا و تأشر على عيونهااا _ من عيوني يام محمد ..






// بيت بو أحمد //

بو أحمد يرحب الضيوف بوخالد و ولده خالد ( رفيج بو أحمد ) بديوانيته و أحمد يصب القهوة للرياجيل ..
بو أحمد _ هلا و الله ببو خالد وينك يا رجال عنا ؟
أبتسم بوخالد _ والله الدنيا لهتنا عن أحبابناا و كاهي بنفسهاا جابتنهااا لهم ....
بو احمد _ الله يحيك يابوخالد و شوفتك والله تشرح الصدر ..
بو خالد _ ماعليك زود و بيض الله وجهك ..
و يلتفت لأبو أحمد _ هذا ولدي خالد دكتور طب ..
بو أحمد _ يا هلا بالدكتور شخبارك ؟
خالد _ هلا بك يا عم ..
والله تمام .. و انا بخير بشوفتك الميمونة ..
بوأحمد _ تسلم تسلم ياولدي . إلا أنت شنو تخصصك بالطب ؟
خالد _ جراحه يا عم ..
أحمد _ شهادتك من الخارج ولا من أهنيه ؟
خالد و يعدل قعدته _ لا من بريطانيا وانا خوك ..
أحمد و يصب القهوة لأبوه_ يلى بالتوفيق ..
بو خالد بصوت جهوري _ يا بو أحمد أحنا جينا نطلب القرب منك و نسبكم يشرف و النبي صلى الله عليه وسلم قال " تنكح المرأة لأربع لمالها و لنسبها و لجمالها و لدينها فاظفر بذات الدين تربت يداك " وانا أتقدم بخطبة ولدنا خالد على بنتك نوف و إن شاء الله يطرح البركه بيناا .
بو أحمد _ هاذي الساعة المباركه يابوخالد .. بس الشور شور البنت ..
بوخالد _أكيد يابوأحمد احنا ما نرضى نجبر البنات على زواج ما يبنه .. و هذا الي أمره دينااا ..
وأن شاء الله الرد يكون أمبجر عشان نعجل العرس ..
ابو أحمد _ ابشر ابشر يابوخالد .
و بعدها بخمس دقايق طلع بوخالد وولده من ديوانية بوأحمد ..





بندر في سيارته متجه لبيت عمه عشان ياخذ الملفات حقت الشركة و هو يكلم محمد ..
بندر _ الشرهة مو عليك الشرهة علي ألي طاق طريق عشان آخذ الأوراق ولا المفروض انت تجيبهاا لي ..!
محمد _ تصدق اني أكتشفت فيك صفه ؟
بندر _ و إلي أهي ؟
محمد _ صفه مذموومه ؟
بندر نفذ صبره _ زييييين قولهااا.
محمد _انك مناااان مع مرتبه الشرف ..
صك بندر التلفون بوجه محمد ( هذي طريقه بندر لا عصب يصك التلفون بوجه الي نرفزه عشان ما يتكلم بألفاظ جارحه )
بندر بقهر_أخخ صج ما يستحي ..
و شغل شريط للشيخ ماهر المعيقلي و هو يقرأ سورة الأحقاف ( انصحكم بسماعها )
حس بإرتياح و طمأنينة و سكينة ...
لي وصل قدام باب بيت عمه و نزل ..





محمد يصعد الدرج و يقول لسارا _ ليش ما تنامين ؟ مو ابركلج من هالصور المتحركة ؟
سارا _ ما جاني النوم ..
محمد _ خلاص قولي للخادمة تسوي قهوة بندر بالديوانية ..
سارا _ إن شاااااء الله ..
و قالت للخدامه ولا جنان طالعه من صالة الضيوف كانت تكلم بالتلفون الثابت..
جنان كانت لابسه بيجامه حمرا و عليهاا قلووب و فاكه شعرها على طوله ..
جنان و خلاص عيونها بتقفل وتقول لسارا _ الساعة ألحين 10 ومانمتي ؟
سارا _ أوكي بنام بس خل يخلص هالتوم و جيري ..
جاتها فكرة جهنمية و طقت جبهتهاا _ ايييه تذكرت محمد يبيج بالديوانية ضروري ..
جنان باستغراب _ شيبي مني ؟
سارا بسرعه _ مادري بسرعه روحي له شكله مستعجل ..
جنان راحت للديوانية .. شافت ليتها منور .. و ادخلت الديوانية ( نظامها ديوانيتين داخلات ببعضها الاولى ديوانية متوسطه ثم باب يدخل على ديوانيه كبيره) جنان بخطوات خفيفه شافته مو موجود بالديوانية الأولى قالت أكيد بالكبيرة و دخلت و صرخت _ سبراااااااااايز
و لا تشوف بندر الي وقف و هو مخترع و قعد يدور حول نفسه و شكله متوهق و معصب منها
بندر و صوته يالله يطلع و يأشر لها _ نحاااااشي لالالا تعااااااااااااالي لالالا..
الأخت تنحت و فمها مفتوح و بسرعه جا صوبها و مسك يدها بعصبية و قال لها _ شمدخلج هني ؟
جنان بخرعه و إنحراج _ م م م محممم د يبيني ..
بندر و ضاغط على اسنانه _ جذاااابه شلون محمد يسوي جذي !

جنان بعوار _ آآآي اترك يدي يا بندر ..

ولا تسمع صوت رجال جاي بيدخل الديوانية الي هم فيهااا وقال بصوت جهوري _ وراك وراك يا فهد الأهل هني بالغلط دخلوااا .. بعدها سمعوه يقول _ أوكي .. انا طالع ..
جنان بألم _ بندر شفيك اقولك أترك ايدي !! عورتني ..
بندر ترك يدها بسرعه و خزها من فوق لتحت _ محمد قالج تعالي هني ؟
جنان بتوتر _ لاا بس سارا قالت محمد يبيج بالديوانية ضروري ..بندر وفهم حركات هالسويروه .. وقال_ بسرعه اطلعي قبل لا يشوفج أخوج اهنيه و ابتلش انا .. !
طبعا هالكلمة بالنسبه لبندر عادية ولا لها أعتبار عنده .. لكنهاا تطعن قلب وليف صادق الحب لكنه مجرووح ..
جنان لفت عنه و مشت كأنهااا منومه مغناطيسية و عيونها مركزه على فراغ .. لي طلعت ..
بندر تنفس بقوة و قعد على الكرسي و فك أزارير دشداشته و حذف شماغه و عقاله ..
و تنهد . _ آه شسالفتج يا جنان .. ! وسارا دواها عندي .!
و دق على رفيجهم فهد ..

جنان أدخلت الصاله شافت سارا قاعده وشكلهاا تنطرهاا وقفت سارا و راحت لجنان و أضحكت و هي تقول _ عليييييج وااااااااااحد ..
جنان فرغت طاقتهاا المكبوته في صدرها و قهرها من كلمة بندر و طريقه تعامله معها بطراق محترم على خد أختهااااااا
سارا بصدمه حطت يدها على خدها الحار تحس يشتعل نار من كثر حرارته و نزلت دموعها _ ليييش يا جنان ؟
جنان بحقد على حركتها السخيفه طنشتهااا و صعدت فوق لغرفتهاااا ..
سارا من هول الصدمه قعدت تبجي بصوت مسموع و راحت ركض لغرفتهااا ...

نزل محمد و معاه الملفات .. و مالقى سارا و راح للمطبخ شاف القهوة مجهزه و الخدامه مو موجوده .. فأخذهاا للديوانية

بندر و فهد قاعدين و ماخذين راحتهم عالآخر ..و فاصخين الشمغ و القحفيات و متمددين على الغنفات ..
دخل عليهم ولا بندر يتطنز _ الله بالخيييير جان طولت بعد !
فهد _ اي والله ..
محمد و ينزل الصينية و يقعد يصب لهم _ أعذروني عالتأخير لأن الملفات الأهل نسواا وين حاطينهااا ..
بندر و تذكر موقفه مع جنان و قعد يحك شعره عالخفيف و هو سرحان ..
محمد انتبه له و قال لفهد _ يقهرني لا سرح .. ودي أعرف شنو يفكر فيه ..
فهد و بجرأة _ بعد عرسه بعد شهرين أكيد بيفكر و بيسرح على كيف كيفه ..
محمد و الدم يغلي و ماحب يجرح رفيجه _ أقول لو انك ساكت ابرك لك .. سكت دهرا و نطق كفرا ..
فهد حس بضيقه محمد من رده _ أسف يا بو عمر ماكنت أقصد بسوء و هي بس زله لسان ..
محمد _ مقبول يا فهد .. إلا أقول منت ناوي تزوج بعد . انا و تزوجت و بندر خلاص بينظم لي و انت متى بتودع هالعزووبه ..
ضحك فهد بصوت عالي انتبه له بندر و قال مستغرب _ شسالفة ؟
محمد لا إراديا حرك يده _ اسكت انت كمل سرحانك .
انحرج بندر الظاهر طول بالسرحان .. فحك خشمه من الفشيله و ابتسم _ ما سرحت ..
فهد _ امبين يا بوعذبي .. من اليوم واحنا من سالفة لسالفه و انت بس تحك شعرك و تطالع الثريا ...
بندر و يعدل قعدته _ خلاص توووبه يا عيااااال ..
فهد و محمد مع بعض _ عياااال بعييينك ..
و استمروا بالسوالف و الضحكات ..






+++ بيت بو أحمد +++

غرفه نوف ..
ام أحمد و تمسح شعر بنتهااا _ نوف خلاص كبرنا أحنا و كبرتي معانا يا بنيتي و البنت من تكبر تروح لبيتهاا بيت زوجهاا لأنها في بيت أهلهاا تعتبر ضيفه مؤقته .
نوف و تعدل بالجلسه _ يعني السالفة سالفة خطبه ..
ام أحمد _ اي يا أمي في دكتور متقدم لج ..
طيف بندر مر قدام عيون نوف و أبتسمت ..
امها أرتاحت شكلها موافقه ..
وقفت بتطلع و قالت _ يعني أقول لابوج انج موافقه على خالد !
نوف بثقه _ لا منو قال اني موافقه ..
ام أحمد بعصبية _ نوف شوفي عمرج بالأول .. لي متى بترفضين الرياجيل و كل واحد أحسن من الثاني ..
قاطعتها نوف _ ما راح أخذه قلتلج ما راح اخذه ..
صرخت امها عليها _ زين لي متى ؟!
نوف و ترتجف من الغضب _ ألي أبيه باخذه أرتحتي ألحين
.. و لفت وجهها عن أمهااا بكل تكبر و علوا ..
أمهاا بقهر و توطي صوتها _ نوف يا حبيبتي الدكتور ما يتعوض دين و أخلاق و شهاده و جاه ومال .. كل أم و ابو يتمنون لبنتهم رجال بهاذي المواصفات ..و كاهي النعمه جايتج لباب بيتج لا ترفسينهااا يا نوف ...
نوف _ قولي لأبوي مابيه ..
أم أحمد و تزم شفايفها _ هذا آخر جواب ..؟
نوف برجفه _ ايه
أمها _ زين قعدي فكري يوم يومين ..
نوف _ قولي لأبوي مابيه ..
طلعت امها و تقول بصوت مسموع الله يهدااااج يا نوف ..







أحمد بعصبية _ على أي أساس ترفضه .. تحمد ربهاا ان واحد مثل أخلاق و دين خالد جا يفكر فيهااا ..
بو أحمد _ لا روح طقهااا بعد .. شاطر والله . الراي بالأول و الأخير لها انا أنت أمها مالنا شغل فحياتهاا الخاصه .. و الرزق جاي إن شاء الله ..
أم أحمد _ انا بعرف ليش ما تبي تتزوج كل من جا يخطبها ترفضه ..
أحمد _ يبا انت مدلعهااا بزياده أجبرهااا .. لا تخليهاا تاخذ راحتها بهالزواج . ألحين ترفض و بترفض و بترفض بعدين بطق الثلاثينات عاد شبتستفيد من هالرفض و منو الرجال الي يبي زوجه ثلاثينيه .. ماااااكو يبا .. يبا و كلام الناس ما ترحم و أغلب رياجيل فريجنا تقدموا لها و أرفضتهم وألحين بيدرون و يالله منو بيفكنا من ألسنتهم ..
بو أحمد و قايم _ مناة عيني أشوف بنتي عروس و مستانسه بس انا أجبرها لا يعني لا .. و الله ان ارادها تتزوج بتزوج لو رجال ساكن بأمريكا محد عارف وين نصيبه ..
أحمد _ يعني خلاص بترفضه ؟
بو أحمد _ أكيد البنت رافضه . و الله يرزقنه ببنت الحلال الي تسعده .
سكتوا بعدها و طلع بوأحمد و طلع معاه أحمد ..







// الجزء الخامس //


@ بيـــــت بو بنـــــدر @


بندر و أم بندر و عبير قاعدين يتريقون ولا عبير تضغط على رجل بندر .. ألتفتلها و عطاها نظره مستغرب من حركتهاا أبتسمت عبير له أهني بندر حس فيهاا شي و قال بهمس _ شفيج بغيتي تقطعين اصابعي . ؟!
عبير تفشلت منه _ أممم لك ولا للذيب ؟!
بندر _ أول قولي شنو بعدين أفكر ..
عبير أنقهرت و بزله لسان _ صج ما عندك ذوق أيه والله معها حق جنان يوم تقول انك عديم الذووق ..
بندر و عيونه بتطلع و غص بلقمته _ كح كح ..
أم بندر _ أسم الله عليك .. هاك هاك قلاص الماي ...
عبير بخوف _ أييييه ماكنت أقصد بندر ..
ام بندر وتطالعها بشرر _ أنتي شقايله لأخووج ؟
عبير _ كنت أتغشمر معاه ..
بندر وعيونه حمر و تدمع _
خلاص قولي شبغيتي ..
أم بندر _ شعندكم ؟!
عبير _ يمه ابي بندر يوصلني للجامعه .
بندر _ لا والله و السايق شفايدته ؟!
ام بندر و تذكرت _ ايه نسيت لاقولك فاطمة أخذت السايق بتروح فيه للمستشفى ..
بندر معصب _ وليش ماراحت مع زوجهاا ؟!
أم بندر _ جاسم عنده دوام .
بندر_ وانا بطالي ماعندي دوام .
أم بندر _ بندر شفيك معصب . ؟
ود أختك وبعدين جامعتهااا مو بعيده عن الشركة .. ليش مسوي من الحبه قبه ...
عبير حست مكانها بينهم غلط . و انهاا السبب فهالشوشرة .. و قالت بخوف واضح _ انا اسفه .
بندر و يتمالك نفسه _ قومي جدامي ألحين ..
ام بندر انقهرت منه _ خل أختك تريق ..
عبير قامت بسرعه _ لا يمه انا خلصت .
بندر قام و قبل لا يطلع ماهانت عليه أمه يطلع وهي زعلانه عليه فحب راسها _ سامحيني يا الغالية تعرفين بنتج ترفع الضغط ..
أم بندر لانت ملامحها _ رح الله يحفظك و لا تعصب على أختك ..
بندر _ ان شاء الله ..
عبير ودها تنحاش قبل لا تقول ان جنان بتروح معاهم _ بندر.
بندر بصبر _ اللهم طولك ياروووح نعم ..
عبير _ نعم الله عليك .. جنان ..
بندر _ شفيهاااا جنان بعد؟
عبير _ بتروح معانااا ..
بندر و الشرر يتطاير من عيونه و قال بصوت عالي _ اسبقيني عالسيارة ..
ركضت عبير و طلعت تنطره برى البيت ..
أم بندر _ لاحول ولا قوة إلا بالله .. انت ليش معصب .. أخذ أختك و زوجتك وودهم للجامعه ليش حارق أعصابك .. ؟
بندر بقهر _ تبيني اطق مشوار بعد و أروح لبيت عمي .. و جنان وين سواقهم .. انا غبي معطي بنتج وجه .
و هو بيطلع و لا صوت أمه _ بندر ياوليدي لا تعصب عليهن . ماراح تعيش إذا انت جذي .. الصبر زين و هذيل حريم ضعيفات .. أصبر و تحملهن ..
بندر و بإبتسامه بالغصب _ابشري .
طلع بندر و هو يفكر بكلام امه ( أخذ أختك و زوجتك ) زوجتك زوجتك مالها معنى .. ..
شاف عبير قاعدة في السيارة و تكلم بالتلفون .. ركب وعرف منو قاعدة تتكلم معاه .. سمعهاا تقول
_ بسرعه كلهاا ربع ساعه وواصلين عند باب بيتكم .. أوكي يلى مع السلامه ..

و سكرت التلفون ..
بندر بهدوء _ الساعه جم تبلش محاضرتكم ؟!
عبير _ 8 و نص ..
بندر _ أنتي و جنان بنفس التخصص ؟!
عبير _ ايه ..

:: عــــــبــــــيــــــر ::

صراحه أخوي فيه شي .. قلب 180 درجه .. صج مزاجه متقلب .. والله ماراح يتبهدل معاه غير جنان .. صح انه هاوشني و عطاني خوش تهزيئه بس أمووت على أخوي أبيه يرتاح و يستانس بحياته مع جنان و فرحت انها بتجي معاي و ليت بندر يحس فيهااا بس لو شوي .. عالأقل يشبع أنوثتهاا المجروحه انا حاسه فيها لكنها تكابر و ماتبي تفضفضلي .. بعدين أول مرة أدري ان في عريس ما يعرف تخصص زوجته !!!!!
خل أحرجه ..

عبير مسويه نفسها بريئه _ أقول بندر ..
بندر و ألتفت لهااا _ قووولي ..
عبير _ في زوج ما يعرف تخصص زوجته ؟!!!!
بندر يهز كتفه _ أممم في أزواج مايعرفون قبل العرس بس بعدهااا أكيد بيعرف ..
وطالعهاا _ ليش تسألين ؟!
عبير _ لا عادي شفتك تسألني عن تخصص جنان فاستغربت ..
بندر و يحط شريط _ أهااا عشان جذي اوكي مصيري عارف شنو تخصصهاا صح عبوووره ؟!!
عبير و تبتسم له _ صح يا أخي العزيز ..

بعدها سكتوا ينصتون لصوت الحق سورة يوسف بصوت القارئ محمد البراك ..



: جـــــــنــــــــان :

قعدت الفجر و صليت فرضي و رحت لغرفة سارا اللي للحين ودي أذبحهاا على حركتهاا السخيفه .. و سحبت فراشها بخشونه أبيها تقعد مخترعه و صار الي كنت أبيه ..

سارا مخترعه _ بسم الله بسم الله ..
قلتلها بحقد _ قووومي صلي قبل لا يصلى عليييج ..
شفتهاا تمدد جعلهاا استغفر الله قلبي ولساني موراضين يدعون عليهاا ..
قامت بكسل و شوي ولا تصقع بالطوفه الي جنب الباب .. ما ستحملت شكلها يضحك ..
جنان تضحك بصوت عالي ..
كشتت فيها سارا كأنها مو موجوده بغرفتها ..
للحين زعلانه المفروض انا الي أزعل مو هي !!
فطلعت من غرفتهاا و شفت ليت غرفه امي وابوي مشغله دريت انهم صلوااا ..و رحت أكمل نومتي..
عالساعه ثمان قعدت و لبست محاضرتي تبلش ثمان و نص و أتصلت على عبير تمرني ..
نزلت تحت شفت الوالده بروحها قاعده فتريقت عالسريع الهانم عبير ماتحب انقعهاا برى .. طاااالعه على أخوهاااا ..

دق تلفوني ولا عبير تقولي يلى انا برى اطلعي بسرعه .. حبيت راس أمي و قلتلها _دعواتج يمه .
أم محمد _ موفقه يابنيتي ..
جنان و عند الباب _ آآميـــــن ..


طلعت برى بيتنا بس كأني أشوف شي غلط .. عبيروه قاعده قدام .. ألتفت لجهة السايق ولا الحبيب كاشخ و يطيح الطير من السما .
بسم الله هذا بندر . ألتفت لعبير ولا الأخت تبسم .. أما هو يطالعني عادي .. مشيت و رجولي ترتجف أحس كأني بطيح هاذي أول مره أروح معاه بدون ابوي أو عمي .. رجعت لأمي و انا خايفه .
لقيتها قاعده مثل ماتركتها ..
جنان _ يما
ام محمد _ هلا جنان شرادج ؟
جنان بحيا_ يما بندر بوصلني مع عبير ! أرووح
ام محمد _ روحي يما هذا زوجج ..



طلعت لهم و فتحت الباب الخلفي الي ورى بندر و قعدت بدون سلام ولا شي .. و ريحه عطره تفوووح .. مالت كاشخ حق بنات الجامعه من ألحين أشكره يغازل الحبيب <<< بدت الغيره .

بندر حرك لجامعتهن ..

عبير بدفاشه _ و عليكم السلام و رحمة الله و بركاته ..
جنان سكبتهااا .. و لا ردت عليها .
بندر _ السلام عليكم و رحمة الله و بركاته ..
جنان شوي و تبجي شفيهم عليهااا من صباح الله خير ..
عبير شافت جنان كاشته فيهم فردت علي أخوهاا. _ وعليك السلام و رحمة الله و بركاته ..
جنان ودهاا تخنق عبير .. و بتلقائيا رفعت نظرها لمرايا السيارة و لا عينها بعين بندر بالصدفه .. تذكرت دخولهاا عليه بالديوانيه .. أضغطت على أسنانها بقوة .. أما هو طالعهاا بنظرة خاليه من مشاعر .. كأنه جامد ..

عبير بتقتل هالصمت المزعج _ جنااااان ..
جنان بعد أنقهرت شفيهم ما يسولفون خوش روحه معاهم _ نعــــــم ..
عبير _ لا بس أجرب صوتي ..
جنان بسرعه نست وجود بندر _ خخخ ما تضحك ..
عبير _ تعالي إلا صج إلا سمعناه ؟!
جنان مو فاهمه _ شنو الي سمعتيه !!
عبير _ دكتوره سهام تبي برزنتيشن مو بحوث ..
جنان _ عادي شفيها سوي برزنشين ابركلج من مطالعه فلانه و علانه ..
عبير و تلتفت لها _ انا ألي أخزخز ببنات خلق الله .
جنان منصدمه _ يييمه منج تجذبين ايه ماتركتي بنت إلا بحلقتي عيونج فيها ؟!
عبير _ انا اجذب !
جنان خلاص ماقدرت عليهاا _ أقول عبير ..
عبير _ نـــــعم ..
جنان بصوت يرتجف _ كرمينا بسكوتج ..
بندر عيونه بتطلع من أسلوب جنان و زعلها السريع فطالع بأخته وقال بإستهزاء بصوت هامس
_ خخخ مصخررره ..
عبير بقهر و مكتفه يدينها على صدرها _ أقووول سوووق و انتبه ترى أختك تحب الحياه ..
جنان حست انها زودتها شوي واخذت راحتها عالأخر ..
فالتزمت الصمت .

بندر شاف أخته الدم فور عندها فطالع بالمرايااا و قال _ أقوول بنت عمي ..
جنان رفعت عيونها للمراياا و شافته يطالعها و هو مبتسم جاها مغص ردت عليه بكل براءة _ نعم .
بندر عيونه مركزه عليهاا _ و الله منتي بهينه !!!

جنان مافهمت عليه شيهبب هذا و شقاعد يقول ؟ شنو منتي بهينه و لا عاد نظراته مرة يبتسم و مره يخزني خز .
جنان أسكتت ماردت عليه ..
و الكل سكت و حس بتوتر الجو و كهربته .. و يوم بينزلن تكلم بندر بصوت عالي و كلهن جمدن بمكانهن و حب يقهرن _ هاذي أول و آخر مره تأخرني عن الدوام فاهمااااات ؟!
سكتن كل وحده تنطر الثانية ترد عليه بالنيابه عن الساكته .. جنان تقول هاذي أخته و عبير تقول جنان زوجته و بنت عمه يمكن يحس على دمه شوي و يسكت ..
بندر شافهن ساكتات فصرخ عليهن _ أنتن تفهمن الكلام و لا ما تفهمن ؟
جنان و عبير _ فاهمااااااات ..
بندر يمثل العصبية_ أنزلن لا بارك الله في العوووبااااااات . !
جنان من الخرعه بتنزل بسرعه ولا خصرها اليمين يعورهااا . و قعدت تتلوى على نفسها
جنان و يدهااا على خصرهااا _ آآآآآآآآيـــــــــي يعورني ..
جات عبير من صوبهااا _ جنان شفي خصرج
و مسكت يد جنان و جنان تعورت و قعدت تبجي _ يعورني يا عبيــــــــــر !!
بندر ما استحمل صياحهاااا مهما كانت هذه بنت عمه بالأول و الأخير و بتكون بعد شهر زوجته . فنزل من السيارة و راح للمقعد الثاني و فتح الباب قعد يطالع فعبير بتوتر _ عبير رووحي لمحاضرتج ..
عبير بخوف كبير _ لاااا أبعقد مع جنان ..
بندر بعصبية _ أطلعي برى بنت عمج ماني بماكلهااا .. أخلصي علي بسرعه ..
دموع جنان اطلقت لنفسها العنان و حست بدوخه و تتلوى على نفسها ..
بندر بحنيه _ جنان وين مكان العوار ؟




:: جنـــــــــــــــان ::

بعد ما عصب عليناا بندر . حسيت اني بموت على ايده لو قعدت ثانيه . فتحت الباب بسرعه و انا قاعده آخذ كتبي و لا خصري يعوري . مادري كان شنو شعوري في هاللحظه أصرخ علي بندر و لا أبجي من العوار . ما حسيت بشيئ بعدها لان الألم زاد علي و قعدت أبجي بقهررر ..
بعدين حسيت بنفسي و ألتفت لعبير بس ماكانت موجوده و شفت جسم قاعد جنبي في المقعد الخلفي .. قعدت اميزه عدل بسبه عيوني الي ماشوف فيهااا من كثر الدموووع .. لي استوعبت ان الجسم الي قاعد عندي هو ما في غيره .. بندر حلم المراهقه .. دنقت راسي و العوار رد لي لكن بندر طلب يشوف مكان الألم.
بندر بحنية _ جنان وين مكان العوار ؟
هزيت راسي بــ لاااااا ..
وقلت بصوت تعبان _ أبي عبير ...
بندر _ عبير راحت لمحاضرتهاا .. خليني أشوفج يمكن دوده زايده مدامه باليمين و عشان أوديج المستشفى
جنان من اسمعت المستشفى و بجت زياده _ بندر لااااا تكفى لااااا ..
بندر يحاول يصبر نفسه الظاهر أمي داعية علي اليوم.!
بندر _ شنو لا لا . ألحين خليني أشوف أول ..
سحب يدهاا عن مكان الألم و حط ايده ..
جنان بخوف و انحراج من قرب بندر لها و حست بألم _ آآآآي ..
بندر و يحاول عشان يتأكد ..
_ زين جذي بعد يعورج ؟!
جنان تحاول تمسك نفسهاا _ لا خلاص ألحين ما أحس بألم ..
بندر بشك _ أكيـــــــــــــــد ؟!
جنان بتردد _ أكيد ..
قعد يطالعهاا شوي لانها متألمه و أكيد فيها شيئ .. بس ما حب يثقل عليها بالحنه ..و يمكن مغص عادي .. عشان جذي سكت ..

طلع بسرعه بندر قبل جنان و ركب قدام ..أما جنان حاولت بجهد كبير انها تكون طبيعية .. ما تدري شلون تغير بندر بدقايق معدوده .. أول يصارخ علينا و ألحين الحنان كله بعينه و بصوته ...
شالت كتبهاا بايدها الثانيه و هي هامه بالنزول من سيارة بندر .. رد لها الألم فقعدت و ما تحركت من مكانها غير أنها سندت راسها على المرتبه و خرجت منهااا آهه .. و حطت يدها على خصرها ..

جنان ما استحملت _ أبي أمييييي
و زاد صياحها و بجاها ...
الألم زاد عليهااا و بندر عمره ما واجهه موقف مثل هالمواقف ..
جنان بصوت يقطع القلب _ بندر ألحق علي بموووت ..
أرتبك حيل من طريقه جنان و هي قاعده تلتوي على نفسهاا و تقول بموت .. حرك السيارة و قلبه يرقع من الخووف .. و يديه تنتفض .. ما توقع هالأحداث بتصير ..

جنان _ آآه
بندر بتوتر _ خلاص خلاص المستشفى قريب .. كلها دقايق و أوصل ..
سمعهااا تئن و تبجي . ألتفتلها شافها ممده عالمقعد و يديها عالخصر اليمين .. و لا جهاز جنان يدق ..
بندر من الخوف قعد يصرخ _ هذا وقته هذا وقته ..
اما جنان بعالم ثاني .. تحس روحها بتطلع و الدنيا تدور و ظهر بندر يروح بعيد و يقرب يروح بعيد و يقرب ...
دق الجهاز أربع مرات و بندر الخوف مسيطر عليه .. حاول يسرع قبل لا توصل الإشارة حمرا .. لكن الإشارة اسرع منه .
بندر بعصبية _ الله ياخذكم هذا وقته .. استغفر الله ..

بثواني و لا جهاز بندر يرن .. شاف عبير يتصل بك ..
رد عليها عشان ما تحاتي جنان .
بندر بتوتر _ نعم
عبير _ بندر جنان وينهاا ادق عليها و ما ترد .. ؟
بندر _ عبير اسمعيني جنان معاي بوديها المستشفى و لا
قاطعته عبير بصراخ _ ليييش شنووو فيهااا ؟
بندر بصراخ أعلى فقد السيطرة على نفسه _ جاااااااااااااااب ..
عبير قلبها طاح شفيها توأمي صديقتي الصدوقه ..
بندر _ اسمعيني و انتي ساكته جنان تعبانه و انا الحين بالمستشفى . و كوني انتي جاهزه عشان أخذج لهااا فاهمه .. سكر بندر الخط بعد ما خلص كلامه ..
ثواني و الإشاره خضرا . حرك السياره بإتجاه المستشفى ...




%%%%%%%%%%%%

// بيت بو محمد //


عالساعه تسع .. رن تلفووون البيت ..
قامت بدور تشوف منو ..
بدور _ نعم ..
بندر _ السلام عليكم ..
بدور قاعده تميز الصوت _ وعليك السلام ..
بندر _ شخباركم يام عمر ؟
بدور _ تمام ولله الحمد .. منو معاي ؟
بندر أخذ نفس طويل _ معاج بندر . . و ين خالتي ؟!
بدور _ موجوده بس خل أناديها لك .. لحظه ..

بعد دقيقه و لا أم محمد رافعه السماعه ..
ام محمد _ آلووو ..
بندر _ شلونج يا خاله كيف حالج ؟
ام محمد _ يمال العافية يا وليدي بخير عساك بخير ..
بندر _ الحمدلله ..خاله اليوم الصبح وصلت بنتج و عبير لجامعتهم بس جنان بطنهااا ..
ام محمد قاطعته و ضربت نحرها _ بنتي شفيهااا .. ؟
بندر يطمنها_ ما عليها إلا العافية . بس دوده زايده و الحمدلله سوولها عملية و ألحين بصحه و عافية و لا بعد مثل الحصان ..
ام محمد أخنقتها العبره _ أبي أشوفها يا بندر ..
بندر _ خاله عالساعه ثلاث العصر أوديج لها بنفسي بس ألحين نايمه و ما تحس فيج ...
ام محمد _ الله يجزاك خير يا بندر و يوفقك ..
بندر بإحترام لخالته _ أجمعين يا خاله و هذا واجبي ياخاله .. يلى فمان الله ..
ام محمد _ بحفظه يا وليدي ..


سكرت الجهاز و قعدت تبجي أخترعت بدور من خالتها و من كلامها الغير مفهوم عن جنان .
بدور تركض لخالتها _ خاله شنو صاير ؟
ام محمد بصوت مبحوح _ جنان يا قلبي عليهااا ..
بدور بخوف _ شفيهاااا

ام محمد _ بالمستشفى مسوين لها عملية ..
بدور بخرعه _ ليش عسى ما شر ؟
ام محمد _ فيها دوده زايده ..
والحمد لله بندر يقول انها بخار ألحين ..
بدور _ الحمدلله على كل حال ..
زين شلون راحت و بندر شيعرفه . ؟!
قالت أم محمد لبدور الموضوع كله ...






££££££££££££££££££££


// في المستشفى //



بندر و هو قايم بيطلع من غرفة الدكتور و يصافح الدكتور _ يعطيك العافية دكتور
الدكتور _ الله يعافيك أخ بندر و ان شاء الله كلهاا ثلاثه أيام و جنان طالعه ...
بندر _ إن شاء الله . مع السلامه دكتور ..

راح بندر للرسبشن عشان يحجز غرفه خاصه لجنان .. و أخذ أخته الي لين ألحين تبجي ..
بندر و يحط يده و رى ظهر أخته _ خلاص عبوره ليش البجي جنان والحمدلله بصحه و عافية .. و بتشوفينها شوي العصر .. !
عبير تتكلم وهي تشاهق _ جنوو حبيبتي كانت تعبانه يا بندر ..
بندر مقدر هالحب الهائل من أخته لجنان و مسك يدها _ لكنها الحين مو تعبانه .. بتشوفينها العصر و بتستانسين بعد ..
اسكت عبير بس شهقاتهااا أذبحت بندر ..

بندر كان تعبان نفسيااا قبل جسدياا .. ما كان يقدر يسوي شي بعد كلمات جنان الي توتر الشخص تجاه صراخها و ترجاها ... غير انه يوديها للمستشفى و بأقرب لحظه .. تذكر بندر شكل جنان و هم يدخلونها الغرفه .. أبتسم بندر لما شافهااا تحاول تعض يد الممرضه ..

فصخ عقاله و غترته و قعد يحك شعره ..
بندر يبتسم لعبير _ عبير تصدقين ؟
عبير طالعت فأخوها مستغربه منه جنان في المستشفى و الحبيب يبتسم ..
و قفت بجيهاا وقالت _ شصدق ؟
بندر _ بنت عمج مو هيينه !
عبير عصبت عليه _ ليش شنو شايف عليهاا ؟
بندر و قعد يضحك بصوت عالي يوم تذكر شكلها تصرخ و تعض يد الممرضه _ الله يسلمج بنت عمج قعدت تعض يد الممرضه عشانهم دخولها الغرفه ..

عبير بصدمه _ بندر طحت من عيني !
بندر مستغرب _ ليييش عاااد ؟
عبير بغباء _ شلون تسمح لنفسك تشوف بنت عمك !و هي للحين محرمه عليك ..
بندر يتلفت كأنه يدور شريط كاسيت و أخذ له شريط _ تبيني أكفخج بهالشريط .. شنو حرام ما حرام .. خلاص انا مالج عليها يعني زوجهااا ....
عبير _ أدري والله بس شكل الصداع أثر علي و آسفه حقك علي .
بندر _ تبين بندوول ؟!
عبير_ ايه احس راسي بينفجر ..
مد ايده بندر لدرج السيارة و سحب قرص واحد بندول ..
بندر بحنان _ هااج و ماتشوفين شر يا الغالية ...
عبير _ تسلم و الشر مايجيج ..





// بيت أم بندر //

فاطمة قاعده تقهوي خالتها ام بندر و حوور تلعب بال‎ Game
Boy

أم بندر _ فصلتي للعرس .. ؟
فاطمه _ ايه يا خاله بس باقيلي أفصل للقمر هاذي .. ( تأشر على حوووور )
أم بندر و تحظن حور _ هاذي زينة البنات كلهم ..
فاطمه تضحك على حركات حور و هي مستحية ..

دخل عليهم جاسم و شكله هلكان ..
جاسم _ السلام عليكم ..
الكل _ و عليك السلام ..
جاسم بصوت عالي _ هوووب هوووب تعالي تعالي تعالي ..
أحذفت حور اللعبه و أركضت لأبوها و هي شاقه الحلج ..
شالها أبوها و جا بيقعد عند أمه و زوجته ..
ام بندر _ ها أشوفك جاي امبجر ..
جاسم و حور بحضنه و ياخذ الفنجان من فاطمه _ خلصت ماعندي حصه إلا بس الأولى و أستأذنت . والحمدلله الله منعم علينا بمدير طييب مو أقشرر ..
ام بندر _ الحمدلله ..
ألتفت جاسم لزوجته _ بشري شصار على التحاليل ؟
فاطمة _ أوكي تمام بس أسحبوا دم واجد ..
جاسم _ لا لا عادي إن شاء الله ما في شي ..
ام بندر _ ليش شنو فيج يا فاطمه ؟
فاطمه _ شكله فقر دم ..
ام بندر _ يادافع البلا .. بس كثري وانا امج من الجبد و الفواكه ..
فاطمه _ ان شاء الله خاله .. مع اني ما أشتهي اكل الجبد .
ام بندر _ اجل انتي ما ينفع معاج غير انج تحمسينه مع القلب و الجلاوي عشان يفتح شهيتج ...
جاسم _ انا بوكلها غصب مو برضاها أهم شي صحتهااا ..و غمز لفاطمه الي انحرجت و ابتسمت ..
جاسم _ انزين فطوووم متى النتيجه عشان أخذهااا .؟
فاطمه _ يوم الأحد الجاي ..
فجأة تبطل الباب و لا بندر و عبير داشين عليهم ..
جاسم بسرعه _ وراك وراك ..
لف على طوول بندر و طلع برى عند الباب ..
فاطمه اصعدت فوق تجيب عبايتهااا و ملفعهااا ..
أم بندر تطالع بنتها بإستغراب _ عبيروه شجايبج بعد لا يكون المدير رخصج .. ؟
جاسم _ بل بل جن الوالده تقط نغزه . يووه نسيت بندر . أدخل ياولد ..
بندر و هو داش _ ولد بعينك ..
أم بندر عصبت _ عبيروه شفيج تبجين تكلمي ..
بندر يكلم عبير الي تبجي _ أصعدي فوق أرتاحي و ريحي راسج من هالبجى ..
صعدت عبير بسرعه ...
أم بندر مو مستوعبه شقاعد يصير _ بندر رد علي عبير فيهاا شي . ريح قلبي ..
بندر و هو بيقعد _ لاحول ولاقوة إلا بالله .. عادي مافيها إلا العافية ..بس جنان منومه في المستشفى ..
بدور أشهقت و حطت يدها على حلجهاا و ام بندر قالت _ ياويلي عليهااا ليش شفيها ؟
جاسم _ كمل شفيهاا ؟
بندر و يطالع فاطمه _ دوده زايده و هي الحين بخار و بالعصاري زوروهاا ..
جاسم يأشر على فاطمه _ تعالي فطوم قعدي أهني ..







// المستشفى //

الساعة 2.30 ظهرااا .. بعد ما الكل درى عن حاله جنان ..



جنان اطالع سقف الغرفه و زواياهاا .. سبحان الله قاعده للدوام و فجأةأسوي عملية و أتنوم في المستشفى .. سبحان الله ما يعرف العبد شنو الله مخبي له .. تذكرت بندر و شلون كان وجهه وهو كان خايف و هي تبجي و تترجاه ..
و حنانه و ربكته و خوفه كانوا واضحين عليه .

و بحركه عفوية غطت وجهها بالشرشف و ووجها يكسوه اللون الأحمر ..



من رافقك
والله حشا
مايخليك
لو عاشرك
كل الدهر
مايملك
أنا أشهد
اني حرت مدري
شسميك
كل الخصال
النادره ينتمن لك..
الطيب كنه
شابك ايديك بإيديك
ان كان له صاحب
فهو صاحب لك





فقعدت شوي تستغفر و تسبح الله .. و لا الممرضه داشه عليها تشوف حالتهاا ..
الممرضه _ أزيك يا قمييل ؟
جنان و تحاول تقعد _ آه الحمدلله ..
الممرضه و تروح تساعدها بالقعده _ أستني حساعدك ..
قعدت جنان ..
جنان _ أهلي ماجووو ..
الممرضه و تغمز لها _ بس أهلك عوزاااهم مش عاوزه حد تاني ..
جنان مافهمت _ حد ثاني .. أبي أهلي انا ..
الممرضه _ إن شاء الله عالعصر قايين و بتنبسطي بيهم
جنان ابتسمت لهااا ..
جنان _ زين ممكن اسألج سؤال .؟
الممرضه _ خودي راحتك يا مدام ..
جنان استغربت من كلمة مدام شيعرفها اني متزوجه . !
جنان بإنحراج _ الرجال الي جابني الصبح ك
قاطعتها الممرضه _ أووه يا ستي دا الحبيب بأ يموت و يخد قلبو .. ما خرق إلا و أنتي نايمه ..
و وشو تعبان أوي أوي .. و لا البنت العروس إلا معاه دي ماتت خلاص ..
جنان بخرعه _ آي آي منو العروس الي ماااااتت ؟
ضحكت الممرضه _ لأ مايروح فكرك بعيد دي أخته دموعها ما خلصتش .. ألبي تأطع عليهااا ..
جنان بقلبها _ أشوى أخاف بعد نوف جايىه.. و هالممرضه الظاهر بالعه راديو ماراح أتخلص ...
جنان _ اوكي انا بنام ...
الممرضه _ لحظه ياحببتي بعملك فحص ..
أستسلمت جنان لهاا ..







بعدهااا بعشر دقايق .. جنان قاعده تقرأ قرآن و لا تسمع صوت بندر يتنحنح _ أحم أحم .
جنان من الركبه أحذفت ملفعها عليها و ألبست نقابها و قلبهااا يطق طبووول ..
جنان بصوت خايف _ أدخل
دخل بندر و بيده بوكيه ورد وجنان عيونها بالباب تنطر أحد يدخل وراه بس ما في أحد دخل .. ألتفتت عليه شافته يبتسم و هو يجلس ..
بندر بهدوء _ السلام عليج
لا بأس طهور إن شاء الله بنت العم .. و خطاج السوو ..
جنان و راسها بغى ينكسر من كثر ما مدنقه _ وعليك السلام ..
و خطاك اللاش ...

// الجزء السادس //



بعدهااا بربع ساعه .. جنان قاعده تقرأ قرآن و لا تسمع صوت بندر يتنحنح _ أحم أحم .
جنان من الربكه أحذفت ملفعها عليها و ألبست نقابها و قلبهااا يطق طبووول ..
جنان بصوت خايف _ أدخل
دخل بندر و بيده بوكيه ورد وجنان عيونها بالباب تنطر أحد يدخل وراه بس ما في أحد دخل .. ألتفتت عليه شافته يبتسم و هو يجلس ..
بندر بهدوء _ السلام عليج
لا بأس طهور إن شاء الله بنت العم .. و خطاج السوو ..
جنان و راسها بغى ينكسر من كثر ما مدنقه _ وعليك السلام ..
و خطاك اللاش ...
بندر حط البوكيه على الطاوله و قعد بالكرسي الي قريب للسرير ..
بندر قعد نص دقيقه و هو ساكت مايدري شيقول ..
أما جنان قلبها بيطلع من مكانه و نفسهااا زاد ... قعدت تلعب بأصابعهااا . متوتره من وجوده معها بنفس المكان و بروحهم و من قربه لهااا و مستغربه من زيارته لها .. و ليش زايرني بروحه ؟! و ين أهلي ؟ و الساعه توها ما دشت الثلاث .. ؟ و أحنا سلمنا ما يسمح انه يشوفني أو يزوري قبل العرس .
و يا عمري يا بندر جايب بوكيه !!
وقاعد قريب مني .. يا ويلي لو أحد دش من أهلي بيذبحوني .. ما قول إلا الله يخليك و يحفظك يا بندر .. تعبتك حيل معاي .. يا فشلتي باقي عالعرس شهر و العروس منومه بالمستشفى و لا المعرس هو الي مدخلهااا المستشفى ..

قطع تفكير جنان صوت بندر الجهوري ..
بندر مركز على عيونهااا _ جنان جنان جنان ..
جنان بإنحراج _ هلااا . أمم نعم
بندر بإستفهام _ عسى ما شر اكلمج و انتي كلش مو معاي !
جنان و نزلت راسها _ آسفه ما سمعتك .. شبغيت ؟
بندر و يطالع الدريشه و يرد يطالع جنان _ هاذي أول مره يعورج جنبج اليمين ؟!
جنان بتردد _ لااااا قبلها بأسابيع كنت أحس بعوار بس كان خفيف مو نفس اليوم ..
بندر بصبر _ الله يهداج ما تدرين ان الدوده إذا أهملناها تتطور حالتها و بعدين تنفجر في جسم الانسان !!
جنان حست من نبره صوته انه بهاوشها بس تماسك نفسه و ردت لوضعها الأول _ آسفه ماكان عندي خلفية عن هالشي ..
بندر قعد يطالعها و هي مدنقه راسها بعدين قال
_ الحمد لله لحقنا عليج و لا الله العالم شبيكون مصيرج ؟!

ثم سكت ثواني .. شافها متوتره من طقطقت اصابعها .. و رجفة يدهااا .. مو بس أنتي يا جنان المتوتره هم انا أعصابي مشدوده .. و نفسي زاد على المعدل الطبيعي .. قلت خل أقطع هالجو المتوتر .. سألتهااا بهمس _ شخبارج بعد العملية ؟!تحسين بآلام فمكان الخياط ؟!
جنان حست بأنفاس بندر على خدها الأيمن من كثر ما هو متوتر .. جنان أرفعت راسها لبندر وشافته يطالعها وجهه أحمر و ملامحه مرتبكه و على طول رفع نظره للسقف ..
جنان بحيااا _ عوار خفيف ..
بندر و عيونه عالسقف _ الحمدلله على كل حال ..و نزل نظهره لساعته شافها 2:55 ظهرااااا
بندر و هو بيقوم ولا جنان ترفع راسها له ..
جنان بهدوء _ بندر ..
بندر وهو واقف ويضبط شماغه _ هلااااا ..
جنان بحرج _ امي و ابوي ليش ما جووو ؟!
بندر ابتسم لهااا _ أصلااا انا الي جاي أمبجر ..
جنان بحيااا نزلت راسها و لا بندر يكمل _ السالفه و مافيها ان واحد من الربع منوم اهنيه وانا جاي ازوره فقلت مره وحده أزورج و لا الأهل بيجون شوي إن شاء الله بس ها الله الله بالصحه ديري بالج على نفسج و انا أخوو ....
سكت بندر و وجه أختبص بغى يزل لسانه و يخربط خلاص يا بندر هاذي زوجتك مو أختك .. و حاول تتأقلم مع هالوضع بس ما أقدر ما أقدر .. يبيلي وقت !
بندر _ ياالله تامريني على شي ؟!
جنان حست بألم و حسره للحين يا بندر ما تكن لي مشاعر حب أو موده غير مشاعر الأخوة .. لهدرجه زواجنا مابقاله غير شهر واحد و نكون مع بعض و ما تغيرت ..قالت بجديه_ ما يامر عليك عدوو بس لحظه بندر أبسألك سؤال ؟
بندر بقلبه _ من ألحين بدينااا بالسين و الجيم
و ابتسم لهااا _ سمي ..
جنان _ سم الله عدوك ... الغرفه هاذي منو الي حاجزهاا لي ؟!
بندر _ انا الي حاجزهااا ليش ؟!
جنان ماتدري تلطم ولا تصرخ و لا تبجي ما تدري شتسوي من الفشيله شايلني للمستشفى و هم بعد دافع فلوس الغرفه .. وين أبوي و محمد عن هالشي .
جنان بحرج _ اسمحلي عن الأزعاج بندر و ادري تعبتك معاي و إن شاء الله فلوسك الوالد بيردها لك و انا ...
قاطعهاا بندر بتهور _ شهالحجي هذا.. شنو ازعاج شنو فلوس ..؟! مدام انتي في ذمتي فأنا ولي أمرج مو أبوج و لا أخوج و لا أمج ..!
جنان انقهرت من أسلوبه في الرد مهما كان ما يرد علي بهالطريقه شنو شايفني جارية عنده ..
فقالت بصوت مرتجف _ لا مو ولي أمري ...
اذا عشت تحت سقفك ذيك الساعه أصرف علي بس مدامني تحت ولاية ابوي أعذرني ما ....
بندر هاذي ماتفهم و يقاطعهااا بهمس ووجهه بوجه جنان الي ردت لي ورى من شكله المعصب _ أنتي ما تفهمين انا ألحين زوجج رجالج وهذا واجبي فاهمه .

لف عنهاا بسرعه و طلع من الغرفه .....

جنان حاولت تسيطر على تنفسها السريع و على رجفه يديها .. بس ما قدرت نار شابه في صدرها .. وماراح تقدر تطفيهااا إلا .. و بتهور منها أخذت كرتون الكلينكس الي جنبها و أحذفته ناحية الباب و قالت بقهر و دمعه أنزلت من عينها
_ حقيييييير يا بندر و بتم حقير ..
و فصخت نقابها و ملفعها و لا خياط العملية يعورها حطت يدها بمكان الخياط ..و قعدت تئن من الألم ..


:: بندر ::

والله هالشوارب و الطول و العرض على شنو ! إذا ما صرفت على زوجتي أصرف على منوو .. اقهرتني هي و تفكيرها السخيف آخ كان ودي أعطيهاا الطراق الي يصحصحهااا من فكرها ..
طلعت من عندهاا و الضغط أرتفع عندي بس الي شفته و سمعته كان أكبر من جذي .. علبه كلينكس تنحذف علي .. انا بندر الي ينحذف علي كلينكس و انوصف بالحقييير انا انا .. انا الي عبير لي صرخت عليها تنطرم .. الرياجيل لا شافوني يحترموني و يهابوني لا حضرت عندهم ... تحذف علي مره علبه !!
ضغطت على شفاتي السفلى خلاص شكلي بأطينهاا و بأمسكها من رقبتها و أرفعهااا و أخنقها لي تقول بس ... الظاهر زيارتي لها كانت غلط بغلط و لا بالطقاق إلي يطقها أهم شي أوصلها للمستشفى تقعد بغرفه خاصه و لا عامه بلعنة الي تلعنهاااا .. انا لازم أوقفها عند حدهاا .. أنحنيت جسمي عشان أخذ العلبه و مسكتها .. دخلت عليها و الشرر بعيوني أحس كأنهاا تقول انت شنووو و لا شي ؟! أحس كأنها أطعنت رجولتي وما تشوفني رجال قدامهاااا ..
انا تحذف علي علبه . !!

شفتهااا بدون ملفع و نقاب .. و يدها على جرحهااا بس ما شفعني منظرها عن تهديدي لها .. وحذفت العلبه بإتجاه الطاوله الي صدر صوت مزعج و طاحت العلبه تحت الطاوله و انا أقول لها _ و الله و الله و الله ياجنان هالشوارب ( ومسك شاربه ) ما تطلع على رجال إن ما ربيتج يا .... !!
و طلعت من عندها و انا ما أشوف شي . الغضب أعماني و باليا الله وصلت لسيارتي و حركت لبيت عمي عشان أخذ خالتي تزور بنتها المصون ..
بالطريق وانا متوتر حدي يالله يا بندر هذي أول الغيث يا حبيبي أجل لي جبتها عندك شبتسوي لك .. يمكن تمد يدهااا مو بعيده عليها قايل انها والله مو بهينه لكن مو على بندر إن ما قطعت لها يدها قبل لا تطول ما كون بو عذبي !! قطع توعدي و تهديدي صوت مسج تلفون أخذت جهازي بشوف و لا مافي مسج جديد .. غريبه أجل من وين هالصوت ؟! كملت طريقي لبيت عمي و لا جهازي يرن بس هاذي النغمة مو نغمة جهازي .. ولييييي شسالفه ..؟! تفحصت مكان المقعد الي جنبي مالقيت شي بس صوت النغمه كان وراي بالضبط طالعت وراي ولا جنطه و كتب .. اووووو طقيت جبهتي هاذول أغراض جنان .. أوف نسيت لاعطيها عبير ترده لهااا . خلاص ما في غير أوصلها لخالتي ..
اسرعت شوي بالسرعه .. عشان أوصلهم أمبجر ..







// بيت بو محمد //

ام محمد و سارا و بدور جاهزات ينطرن بندر .. لأنه واعد خالته يوديها لجنان .. أما بو محمد و محمد مقيلييين لي صلاة العصر و بعد الصلاة بطريقهم يروحون لجنان ..

سارا _ يمه مو جن بندر تأخر علينااا .!
أم محمد و شايله عبايتها بإيدها _ لا ما تأخر بس أنتي الي لابسه بدري ...
و ألتفتت على بدور _ جهزتي القهوة ..
بدور و بتروح للمطبخ _ ايه يا خاله و ألحين بجيب سله القهوة و الدلوووعه هاذي ( تأشر على سارا ) تجيب الحلا في الثلاجه ..
سارا و تخصر _ ياااااا سلاااااااام و انا يعني لازم لازم لازم أشيل بيدي شي كل ما طلعت من هالبيت ..
ام محمد بقهر _ اجل أنطقي في البييييت ..
سارا _ يمااااااااااا
ام محمد _ يا تشيلين يا تنطقين !
سارا و تخز بدور و تجر رجولها جر للمطبخ ..



بعد خمس دقايق ولا بندر واصل لبيت عمه دق هرنات ( بوري )

قالت أم محمد لسارا _ يمه سارا شوفي هذا بندر ؟
سارا و تروح للباب الخارجي و طلت ولا بندر قاعد في السياره .
سارا بصوت عالي _ يما .. بدور يلى تعالوووا بندر برى ..

:: بندر ::
حسبي الله و نعم الوكيل على هاللسان الطويل و هالصوت الي يلالع وواصل للحدود .. والله انهن بلاء على عمي .. أقوم أكفخهاا ألحين .. حسافه لو أنهن مو خوات جان ملجت عليهن ولعنة خيرهن الخير ...
( يشوف سارا و هي تمشي شوي شوي ) هاذي وين عنها محمد جان سنعهاا عالمشية الماصخه .. ما قدرت استحمل أكثر من جذي .. هذيج تحذف علبه كلينكس و هاذي تتمخطر بمشيتهااا ..
صج قله تربية و قله توعية ... نزلت من السياره و انا ضاغط على أسناني من القهررر .. و مشيت صوبهااا أبي أربكهاا عشان تمشي مثل الأوادم و يوم وقفت جنبهاا شفتهااا أطالعني بأستفهااام صراحه حسيت راسي بينفجر من صباح الله خير و انا بالمستشفى و بعدها رحت للدوام خلصت شغلي عالسريع عشان أزور رفيجي و منهااا أشوف جنان و أتحمدلهااا و ألحين أطق مشوار و أرد بعد للمستشفى .. آه ياراسي خلاص ما أقدر استحمل و جزاي علبه كلينكس . و ألحين جا دور سويره طنشتهاا لأني ما أبي أنزل عقلي لهالأشكال و بعد ما أي أزعل خالتي .. بعدها رحت صوب خالتي و مرت ولدهاا ..
وحبيت راس خالتي _ يا هلا بأم محمد .. شلونج يا خاله ؟
ام محمد _ بخير يا بندر .. انتو شخباركم كلكم ؟ عساكم بخير .. ؟
بندر _ الحمدلله ما نشكي باس .. (وألتفت لبدور )
شلونج يام عمر ؟ و شخبار الشيوخ ؟!
بدور بحرج _ تمام يا بندر و الشيوخ بخير ..
بندر و يده بالمخبا _ الحمدلله يلى مشيناااا ..

رحنا صوب السيارة شفت سويره قاعده حمدت الله زين فيها خير .. ركبنا و سألت بدور _ أقول ام عمر ما بيجون الشيوخ يزورون عمتهم ..؟
بدور و قاعده ورى مع سارا _ لا ما نستيفد منهم غير وجع الراس و جنان تعبانه تبي الهدوء و الراحه ...
أم محمد _ ايه والله خلهم يلعبون و يستانسون احسنلهم من روحه المستشفيات ..
بندر و تذكر أغراض جنان _ خاله هاذي الجنطه و الكتب حقت جنان ... نسيتهم هنيه بعد ما دخلناها المستشفى ولا عطيتهم عبير ..
ام محمد _ يعطيك العافية يا بندر و الله ماقصرت و سامحناا ..
بندر _ شدعوة يا خاله .. لا تعب ولا شي .
ام محمد _ بتسلم يا وليدي . اقول أمك بتزور جنان اليوم و لا لأ ؟!
بندر _ امبلى بتزورها و يمكن أهم بالطريق ألحين و تهقين يا خاله عبير بتصبر لباجر؟
الكل أضحكواا على عبير ..
أم محمد _ يا حبي لهاالبنت .. حبيبه والله ..
سارا و تدخل _ سبحان الله الله خلق و فرق .. ( نغزه على بندر)
تفشلت امها و بدور من طولة لسانهااا ..
أما بندر حب يقهرها _ساااراااا ..
سارا بدلع _ نااااااااعم ..
بندر يهز راسه للأسفل كأنه يسأل _ تهقين تهقين تهقين لو أنتي مكان جنان اليوم هل راح أوديج المستشفى ؟!
الكل مات ضحك على شكل سارا و هي معصبه .. !
سارا بقهر_ الله لا يحوجني لك .
أم محمد متفشله من بنتها _ أعذرني يا وليدي سارا عقلهاا صغير و لا تاخذ بكلامهااا ..
بندر استحى من خالته _ محشومه يا الغالية وسارا مثل أختي عبير .. إذا ماتحملت خواتي منو بيتحملهن ؟!
ام محمد _ الله يحفظك ..




&&&&&&&&&&&&&&&



// بيت بو بندر //

عبير لابسه امبجر . من فرحتهاا لجنان .. الأرض مو سايعتها تحس تبي تطير و تغني .. كلها عشر دقايق و تشوفهاا .. جنان بالنسبه لها مو بنت عم لا.. و لا خوات لا .. بينهم شي كبير . كبير مثل أزدواج روحيين ببعض ... و صار جسد واحد .. جنان بالنسبه لها توأم روحهااا .. قعدت تنادي فاطمه و هي واقفه عالدرج _ فاطمة يلى ننطرج بالسيارة ...
و مشت بتطلع برى البيت و لا تشوف حور مع الخدامه تلعب غميضه .. اسرعت بمشيتها و حبت حور على خدها بقوة لي قالت حووور _ آي عولتيني يادبه ..
تركتهاا و هي تشوف الخدامه المسكينة تدور على حووور ..
عبير _ الله يعينكم يا هالخدم .. وين تلاقونهاا غسيل ولا تنظيف ولا طباخ و لا لعب ...!
ما أقول إلا الحمدلله على كل حال ..

ولا هاذي فاطمة واقفه جنبي ..و تناديني ..
عبير بخرعه _ بسم الله من وين طلعتي ؟!
فاطمه _ من القبر بعد من وين! من هالباب ( تأشر على باب الصاله)
عبير _ زين جان سلمتي مو تخرعيني ..
فاطمه _ كاج سلامة قلبج مافيج شي ..
عبير وتمسك يد فاطمه _ أقوول أمشي خل نطلع نقعنى امي برى و أكيد واقفه مو قاعده داخل السياره ...

طلعنا برى البيت .. و طالعنا ببعض و انفجرا ضحك على شكل أمي و هي معصبه و مثل ما توقعت امي واقفه عند السياره لا يمكن تقعد مع الدريول بروحهاااا ..
عبير و فاطمه _ السلام عليكم
ام بندر بعصبية _ وعليجن السلام .. كل هذا لبس و هذا وحنا بروح للمستشفى مير لو بنروح لعرس شبتسون . ؟
و قعدواا ورى جان تقول فاطمه _ الله يصلحج يا خاله جان قعدتي بالسياره أحسنلج من الوقفه ..
ام بندر _ وآكل أثم عادي عندج !
فاطمة توهقت كلش ولا خالتها تعصب _ لا العذر منج يا خاله ما أقصد جذي بس رجولج تعورج إذا طولتي وانتي واقفه .. و لا جان خليتي الدريول يطلع من السيارة ويوقف عندهااا ..
ام بندر _ و هو ما يرتاااح يمج تراهم بشر يا فاطمه ماهم حيوانات بس ينكرفوون ولا يرتاحون ..
عبير و تصفق عالخفيف _ عااااشت ام بندر .. أقول أم بندر ممكن رقمج طالبينج منظمه حقوق العمال ...
ام بندر وتطق عبير عالخفيف _ أحشميني يا بنت ..
عبير و تحب راس أمهاا _ محشومه يا الغالية .. ايه تذكرت حديث للنبي صلى الله عليه وسلم عن الإحسان للخدم أسمعي يا ام حووور و طبقي هالوصية النبوية عن إمام البشرية .. علية الصلاة و السلام
فاطمه بحرج _ صلى الله عليه و سلم ..
عبير _ قال نبي الهدى صلى الله عليه وسلم (( أخوانكم خولكم . ملككم الله رقابهم . فأطعموهم مما تأكلون . و اكسوهم مما تلبسون . فلا تكلفوهم من العمل مالا يطيقون . فإن كلفتموهم فأعينوهم )) ..

فاطمه _ الله يجزاج خير يا عبير وانا والله ماقصد اني محتقرتهم و أذلهم ذل .. بس مثل ما ياخذ راتب شهري لازم يشتغل .. و يتحمل الشغل . وهاذي سمية (خدامتها ) والله اني مريحتها ماعندها غير حور و تنظيف و غسيل و شقتي تعرفيها مو من كبرهاا على قدنا انا و جاسم .. وشايلين يدها من الطباخ .. ونسأل الله ان يغفرلنا و يرحمنا.
أم بندر _ انا أشهد .. و الله اني بعض الاحيان أقسي على خدامتي .. و اعصب عليهااا .. وبني آدم خطاء .. و نسأل الله ان يتوب علينا ..
عبير _ آمين .. يلى قربناااا باقي بس هالدوار و نوصل لجنوووو
فاطمه تستعبط _ تحبييينهاااا ؟!
عبير _ أحبها إلا أمووت فيهااااا لو تقولي قطي نفسج بالبحر أقط نفسي عشان أتسبح خخخخ 2 في 1 ..
فاطمه_ سخيييفه ..
ام بندر بصوت مرتفع شوي _ بس يا بنات أكبرن أكبرن حريم أطول مني و هاذي سوالفجن !
استحت فاطمه و اسكتت اما عبير ولا جنه امها نقدتهن على اعمارهن قالت _ يمااا نلعب .. ! و شافت محل ورد .. و قالت للدريول _ لحظه لحظه أوقف عند هالمحل .. بشتري ورد لأهل الورد ..
أضحكت فاطمه وقالت _ الله يخليكم لبعض ..
ام بندر _ يلى بسرعه مو تطولين و تنقعيناااا مالي خلق !
ضحكت عبير من سمعت طاري التنقيعه _ وانا أشوف بندر طالع على منوووو أثاريه طالع عليج
أم بندر _ انزلي انزلي بدال التفلسف الفاضي ..




:: جےــــــــنــــــــان ::


(( و الله و الله والله ياجنان هالشوارب ما تطلع على رجال إن ما ربيتج يا .... ))


قعدت تحسس الخياط و هي تبجي مو مستوعبه الموقف ..يمكن حلم يمكن كابوس إيه أكيد كابوس و لا في أحد يقولي هالتهديد !!
بس آثار الكابوس موجوده .. البوكيه و الكلينكس المحذوف تحت الطاوله .. غمضت عيونهاا بقوة ماتبي تشوف نظرة غضب بندر أو تستعيدهااا ..لكن شلون و أغلب ساعات اليوم ما شافت غير وجهه .. هزت راسهااا بخوف يمين و يسار .. جنان قعدت تنافض مثل الريشه .. و صارت توسوس يمكن يدخل عليها فهاللحظه و يكفر فيهاااا .. و منو الي بيفكها منه .. امها . ابوها . محمد .!!! نظره بندر مسيطرة على تفكيرها .. كأنه ينعاد عليها أحداث التصادم الي صار بينهم.. حاولت تبعده لكنها ما قدرت .... جنان مع تنافضهاا و بدون وعي منهاا كانت تضغط على الجرح ... هذا أول الدرب يا جنان شلون تاليه .. نزلت دموع جنان بحرقه و قهر وضغطت على الجرح بزياده لي عورت نفسهاااا ..
جنان بصوت مقطع من البجي _ و الله ما خذه و الله ما خذه ... و قامت ببطء .. و بإنكسار جريح .. و هي تصيح _ والله ما خذه ..لو على جثتي .! مشت عالخفيف لي وصلت لطاوله الي يحطون الورد فيها و بجهد ضعيف حذفت البوكيه .. و
تطاير الورد في الغرفه و تناثر على الأرض ...
بعدهااا أتكأت جنان بيدهاا على الطاوله و أجهشت بالبكاء .
كرهت حظهااا و كرهت مرضها الي وصلهاا لهالحاله .. ما كانت تدري انها بتوصل لهاالمواصيل ولا خطر على بالهاا انها بتصادم مع بندر .. ضاق عليها تنفسهااا و صارت الرؤيه عندها ضبابيه من تجمع الدموووع ..

دخلت عليها سارا و هي تمشي بسرعه و تتكلم بصوت عالي _
أشتقتلج ياااا ...
و ركضت لجنان الي متكية عالطاوله و شالت يدهاا عالخفيف _ أسم الله عليج جنوو ليش واقفه شفيج تبجين تعالي تعالي ..
جنان ما تحملت و يدها على خصرهاااا فحظنت سارا بقوة كأنها تبي تحتمي بهاا ..
سارا بخوف من شكل الغرفه الي كلها ورد محذوف على الأرض و تشوف أختها تبجي ..
قالت _ جنان حبيبتي تعالي أول عالسرير ..
جنان قعدت تبجي و تشاهق ..
و متشبثه بسارااا .. ماتبي تفكهااا ولا تتركهاا تخاف يجي بندر و يسحبها من حضن سارا ..
سارا ما تحملت منظر أختها فطوقت أختها . و قعدت تهديهاا و لا أم محمد و بدور داشين عليهم . شافوا المنظر و صوت جنان و هي تبجي .. ركضت ام محمد لهااا
و تقول _ يمه جنان ... و ألتفتت لسارا _ روحي نادي الممرضات
حاولت سارا تفك نفسها من يدين جنان إلا يد جنان ضاغطه عليها .. أشرت لأمهااا على يد جنان و فهمت عليهااا .. مدت ام محمد يدهاا ليد جنان الي ماسكه كتوف سارا بقوة .. وقعدت تفككهم عن بعض .. لقت قبول من جنان .. وخرت سارا عن أختها بشويش و بسرعه مسحت دمعه نزلت من عيونهااا دمعه حسره دمعه أسى على حال أختهاا الي في ليله و ضحاهاا روحهاااا توشك على الهلاك .. تشوفهاا في زواجهاا الي رافضته و لا في صحتهااا التعبانه .. وجههاا المصفر مو وجهه جنان الطفولي الملائكي.
جسمهااا ذبل كأنه ورده ذبلانه بحاجه من يسقيهاااا .. عيونهااا الي تشكي بدون نطق ...!!
راحت تنادي النيرس عشان تشخص على حالة جنان ...

سحبت ام محمد جنان و حاولت تقعدها على السرير على ما تجي الممرضه .. و قعدتها بحذر و راس جنان على صدر امهااا ..جنان قعدت تشم ريحه الحنان ريحه الأمان .. وامهااا صارت تقرأ عليهاا قرآن لي حست بهدوء بنتهااا و وقوفها عن البجي .. فمسحت على شعرهاااا ..
ام محمد بهمس _ أسأل الله العظيم رب العرش العظيم أن يشفيك .. ( سبع مرات تقال للمريض )

و شافت الورود الحمرا و الصفرا كاسيه الغرفه .. وكرت طايح على الأرض ..ألتفتت لبدور .. و قالت بهمس عشان ما تضايق جنان _ بدور ..

بدور الي انصدمت من الي قاعده تشوفه .. مو معقوله هاذي جنان بنت خالتي .. سبحان الله صج المرض يغير خلقة بني آدم .اسمعت خالتهاا تناديهاا .. قالت _ نعم خاله ..
ام محمد و تأشر بعيونها على الكرت المقطوط بالأرض _ شوفي من منووو هالكرت ؟!
بدور راحت صوب الكرت .. شالته وقرأت شمكتوب فيه ..
ام محمد _ من منوو ؟!!
بدور _ مو مكتوب الاسم بس الي مكتوب فيه " لا بأس طهور إن شاء الله ..."
أم محمد هزت راسها بأسى على حال بنتهااا ..
دخلت عليهم الممرضه "هندية" مع سارااا الي تركض ..
الممرضه و هي معصبه _ هازا ليش قاعد هنااا .؟
بدور والاستغراب على ملامح وجهها _ مايعرف . يجي انا يشوف هذا واقف ..
الممرضه و متجهه لجنان _ هازا مجنوون خياااط للحين مايصير زين سلون يمسي !!
جنان ودها تصرخ و اطلع قهرها و حقدها على الممرضه .. بس مالها خلق .. تبي الفراش تبي الراحه تبي حظن أمهااا تبي تنسى بندر و طوايف بندر ..

وخرت ام محمد عن جنان بهدوء .. و تقول لهاا بحنان _ يمه جنان لاتعورين قلبي و تقومين من سريرج ..
جنان هزت راسها بطاعه و جات الممرضه تساعدها بالصعود .. و لحفت جنان بعناية
بعد ما أرتاحت جنان و حست بالراحه و كأنه هم و أنزاح و الآلام خفت شوي عليهاا .. أمسكت يد أمهاا و حبتهاا و ادمعت عينها ..
جنان وبحه صوتها _ سامحيني يماااا
أم محمد قربت وجهها بوجهه بنتها و حبت جبهتها _ مسامحتج يايمه بس لا تعودينها ...
جنان بإبتسامه عذبه _ إن شاء الله ..
سبحان الله مهما واجه الإنسان ظروف و منح سيئه مدام الحظن الدافي و القلب الحنون موجود بينسى الإنسان نار الدنيا و لهيبهااا ..

دشواا عمال النظافه ينظفون الغرفه من الورد المنثور ..
و طلعوا مع الممرضه الهندية وهي تتحرطم من جناااان ..
ساراا حبت تلطف الجوو و تغيره _ أقول جنكم قلبتوها فيلم هندي .. ؟!
جنان بتعب تقولهااا _ محتراااا
سارااا و سوت نفسها معصبه _ هاا أشوف التقليد ما قريتي جملة دايما نقراها تقول حقوق الطبع محفوظه .. ؟!
بدور تكلمت بسرعه _ ياختي أتركي عنج الفتنة و قومي سلمي على أختج على طوول أخذتيها بهوشه ..
راحت بدور لجنان تسلم عليها _ حمدلله على السلامه و ماتشوفين شر ..
جنان تبتسم _ الله يسلمج و الشر ما يجيج ..
و طالعت بساراا بنظره أخويه _ وأنتي ما تبين تسلمين على !!

سارا أخنقتهااا العبرة من تفكير أختها السيئ عنهااا انا لو فكرت بس تفكير بكون حشره . و هي بمكانهاا تقول _ و ليش ما أبي اسلم عليج ؟!
و أسرعت بمشيتهاا لسرير جنان و أحضنتهاا بخفه ..
تذكرت سارا طراق جنان لها فهمست بإذنهاا _ آسفه عالحركه الي سويتهااا لج أمس .
جنان بضحكه أسى _ أنتي الي سامحيني عالعلقة الساخنة الي كليتيهاا..
سارا سكتت بعدين أبتسمت بخبث _ شسالفه الورد ؟! من بندر مووو ؟!
جنان صدت وجها عن أختها لجهة بدور _ منو قال ؟! هذا عامل نظافه جابه لي بالغلط .!
سارااا _ يا كبرهااا كبراااه يا وخيتي مشكلتج مااا تعرفين تجذبين .. !
بدور و ام محمد قاعدين يطلعون القهوة و الحلى .. و أخذت بدور القهوة من خالتهااا الي رافضه ان بدور الي تقهوي و سارا موجوده ..
بدور _ عنج عنج يا خاله ..
ام محمد منحرجه _ لا والله وسارا شفايدتهااا ؟
صاحت ام محمد على سارا _ سارا سارا ما تسمعين ..
سارا و قطعت سالفتها مع جنان _ آمري يماااا ..
ام محمد _ تعالي صبي القهوة . بسج سوالف مو زين على أختج .
بدور و هي مصره _ والله ما تاخذ القهوة .. انا يا خالة الي بصب ..
سكتت ام محمد عن بدور .. و قعدوا يتقهون و يسولفون ..و ساراا تقول سالفه ورى سالفه عن يومياتهاا في المدرسه .. أما جنان فكريا مو معاهم .. قاعده تخطط لهدف و بإذن الله هالأيام الثلاث بتصيب الهدف وبيرتاح قلب قلبها و بتلحق على شبابهاا الي يذبل يوم بعد يوم . و بتضغط على مشاعرهاا المجروحه .. و بتحافظ على كرامتهااا و بتطوي صفحه عذابهااا من حياتهااا ..
قطع تفكيرهاا ضحكة سارااا المميزة مع صفقة يديهاا .. الي يشوفها يقول مشجعه رياضية على هالصفقه ..
سارااا _ ايواااا سيبيني بالحالي عشان يأطع رأبتي سي سيدك .
بدور ببراءة _ وانا أتكلم من صجي .. شنو فيهااا .. ؟!
سارا و ماده أصابعها الخمس لبدور _ أختاري أصبع ..
بدور مو فاهمه عليهاا و أختارت أصبع السبابه .. سارا سوت بهالأصبع كأن أحد يدغدغهاااا ..سارا _ خخخ ضحكتيني وانا ماودي أضحك ..
جنان ما تحملت تمسك نفسها فضحكت على استعباط أختهااا_ مادري من وين تجيبين هالحركات !!
بدور بقهر _ أكيد من رفايجها كلهن من طقه وحده ..
ساراا و تخصرت _ هي انتي حدج إلا رفيجاتي ..
ام محمد شافت بنتهااا بطول السالفه .. _ خلاص يا سارا انا الي بنام عند بنتي ..
سارا و تمسك يد أمهاا _ و الله ما تنامين اهني يمااا و ماراح تاخذين راحتج ..
ام محمد _ اجل نامي انتي عند أختج ..
ساراا _ اوكي بس كلمي ابوي و محمد خاصه حمودي أعرفه يحب يعاندني ..
بدور أدافع عن زوجهاا _ والله محد يحب يعاند كثرج و لا تحطين كل شي على ظهر محمد ..
سارا تلتفت لأمها _ يماا بنت أختج قاعده تغلط علي .
ام محمد _ والله بنت أختي ما قالت شي غلط . !!

سمعوا أصوات قريبه من غرفه جنان .. وألتفتوا كلهم ولا ام بندر و فاطمه و عبير ..

ادخلواا و رحبواا فيهم ولا عبير توقف و هي فاتحه ذراعهااا و تقول بالفصحى _ كم أشتقت إليك يا حبيبتي ..
الكل قعد يضحك على عبير و هي جايه ركض لجنان ..
عبير و هي حاظنه جنان _ جنو خطاج السوء ..
جنان تبتسم _ خطاج اللاش يا عمري أنتي ..
جنان تمثل الزعل _ انا زعلانه منج ..
عبير بإستفهام_ مني ! لييييش ؟!
جنان _ شلون طاوعج قلبج و تركتيني بروحي ..
عبير وتغمر _ بروووحج !!
جنان الي حمر وجههااا من قصد عبير ..
جنان بحيا _ بس أنتي غير ..
و لا صوت أم بندر علااا بين الحضور .._ عبير ..
عبير و تلتفت لأمهااا _ هلااا يمااا
ام بندر _ الليلة نامي عند جنان و بندر ياخذج الصبح عشان جامعتج ..
عبير _ آوفكوووووورس . . . و هذا يبيلها تفكير ..
أم بندر وتتوعد فيهااا _ وجوزي عن السوالف بنت عمج تعبانه مو زين لهااا سامعه ؟
عبير _ آوفكوووووورس . . . و هذا يبيلها تفكير ...
أم بندر تعصب من جد _ عبيروه
عبير ببراءه _ نعم
سارا لسانها بياكلهاا لازم تقوله _ و سد باب ..
عبير بقهر _ يسد فمج ..

أم بندر و ام محمد ما عجبهن الوضع .. فتكلمت ام بندر حتى تنهي المشكلة _ عيييب يا بنات ..مادري متى تركدن و تعقلن ؟!!





@@@@@@@@@@@@


بندر بعد ما نزل أهل عمه للمستشفى سيده راح لبيته يبي يرتاح من هم جاثم على صدره
يبي يقعد مع نفسه .. يفضفض ما في جعبته .. دخل البيت و أتجه لغرفته .. فصخ شماغه و حذفه بأهمال على سريره و حذف عمره على الفراش .. حس ظهره متكسر .. من كثر ما هو مرهق و مجهد نفسه اليوم و أعصابه كانت متشنجه ..
مر عليه شريط أحداث اليووم و هوشته مع جنان تأفف بندر ما كان يحب يهدد أحد و لا يكره أحد فيه .. لكن تأتي الرياح بما لا تشتهي السفن ..
لف بندر لصوب الثاني .. و تذكر منظر جنان و هي متألمه من العملية ..
بندر بحرقه _ بس ما يشفعلهااا عن علبه الكلينكس ...!
بدون مقاومه استرخى بندر للنوم ...








// الساعة 8 مساءا //

جنان كانت تقرأ قرآن كريم .. حتى تشعر بالطمأنينة و السكينه ..
" ألا بذكر الله تطمئن القلوب " و صوتهاا كان خاشع و منصت لآيات الذكر الحكيم ..

دخلت عبير على جنان في الغرفه .. و شافتها تقرأ . فراحت صوبهاا و يدهاا على كتف جنان . أنتبهت جنان لوجود عبير فرفعت راسهاا لعبير و أبتسمت .
عبير _ حسبك (( ملحوظه : إذا بتقاطعين أحد و هو يقرأ قرآن تقولين حسبك بضم الباء و كسر الكاف للمؤنث و فتح الكاف للمذكر .. مو تقولين صدق الله العظيم لأن السنة هي حسبك قالها حبيبنا صلى الله عليه وسلم .. و لم يذكر انه و صحابته الأبرار و السلف قد قالوا صدق الله العظيم .. ))
جنان _ هلااا عبير ..
عبير _ جاسم برى بيسلم عليج .
جنان _ حياااه الله ..
جنان تستحي حيل من جاسم لأن أخلاقه مثال للرجل المسلم فتنحرج لي شافته و من كثر سوالف أختها فاطمه عنهاا تحبه محبه ولد عمها و زوج أختها ....

تغطت جنان و عطت إشارة لعبير عشان تسمح لجاسم يدخل الغرفه ..
جاسم دخل الغرفه و عيونه على الأرض وواضح عليه الإنحراج ..
جاسم _ السلام عليكم .
جنان بحيا _ وعليك السلام بو حور .
جاسم وهو واقف _ حمدلله على السلامه و ما تشوفين شر .
جنان _ الله يسلمك و الشر ما يجيك ..
جاسم و يرفع راسه لأخته _
الشيبان زاروج اليوووم . ؟
جنان تهز راسها _ ايه بعد صلاة العصر ..
و أشرت لعبير عشان تقهوي أخوهااا ..
عبير و تروح للقهوة و تأشر على الكرسي _ حياااك يا بو حور أقعد .. و هاك الفنجان ...
جاسم و يرد للورى _ تسلمين انا بطلع الحين و لا تنسين أدقين على بندر تأكدين عليه عشان ياخذج الصبح أوكي ؟
عبير _ أوكي ..
جاسم بتأكيد _ دقي مره مرتين ثلاث لي يرد عليج لأنه تعبان للحين نايم أوكي .؟
عبير تهز راسها _ أوكي ..
جنان نزلت عيونهاا تحت من طاري بندر قدام جاسم .. أكيد تعبان من كثر ما يهدد و يتوعد ! بس ما عليه بريحه الليله من تهديداته ..
جاسم _ يلى انا بطلع ألحين تامرين على شي جنان .. ؟
جنان بحرج _ سلامتك بو حور ..
جاسم _ يلى مع السلامه ..
طلع جاسم و عبير على طول أقعدت على الكرسي ..
عبير بفرح _ ما ني مصدقه اني ببات عندج ؟!
جنان اضحكت على شكل عبير و هو مستانسه _ إلا صدقي بس ها ما بي وجع راس ..
عبير عقدت حواجبها _ أفا انا وجع راس ..
جنان بحرج _ أضحك معاااج .. لا تصيرين حساسه عبور ..
عبير _ انا الحساسه و لا بعض الناس المهم ما علينا من الاحساس و خرابيطه .. أقول شرايج نلعب ..
جنان فتحت حلجها من الصدمه _ هاااااااااااا













/\/\/\/\/\/\/\/\/\/\/\/\/



// غرفه نوف الساعه 10 مساءا //



نوف بتردد _ لا ما أقدر إلا الشي هذا يا عهووود !
عهود بخبث _ زين هو مصر وانتي تعرفينه أكثر مني ..
نوف و تطق خدهااا _ أدري والله بس أخواني أخواني يا عهود تعرفينهم شكاكين ..
عهود _ قوليلهم انج معزومه على عرس رفيجتج .. عاد انتي يا نوف تعرفين تضبطين ! لحظه كاهو داق علي بسد الخط و بشوف شيبي أوكي ..
نوف بتوتر _ الله يستر .. اوكي حبيبتي ..

نوف ما توقعت هالطلب من عزوز ( رفيجها والعياذ بالله ) انهاا تطلع معاه لشقته .. صح هي تكلمه و تشوفه في مكان عام بس تروح معاه بشقه و بروحهم .. لا يمكن .. لكنها ما قرت و لا سمعت أو ربما تجاهلت او تناست قول الله تعالى " ولا تقربوا خطوات الشيطان " يعني الشيطان ما يقول لبني آدم أزنى لا بل يقول كلم فلانة .. تواعد معاها في مكان عام . لا تلمسها لا تأذينهااا .. لكن بعد ما يعزز حب الرجل في قلب المرأة .. يصب أفكار شيطانية قذره في عقل الرجل .. و آخرتها يطيح الفاس في الراس .. نوف خافت من قلب لا يكون ماسك عليهاا شي و بيهددها ..
بيطلع حقير و نذل و سافل .. قطع عليهااا صوت أمهااا و هي عند باب غرفتهااا _ نووف أفتحي الباب ..
نوف وجسمها كله يرتجف حست كأن أمهاا اسمعت كل شي و عرفت كل بلاوي بنتها .. مشت بخوف واضح . و فتحت الباب ..
أم أحمد _ نووف شفيج صارلي دهر عند الباب ليش ما تفتحين ؟
نوف بتلعثم _ ممما سمعت ..
أم أحمد ما عجبها شكل بنتها _ عمري شفيه وجهج مشحوب .؟
نوف بتلقائيا مسكت وجهها و ابتسمت ابتسامه صفرا _ ماكو شي يمه يمكن فقر دم ..
أم أحمد بتفحص _ اي والله خلاص انا باخذج باجر الصبح للمستشفى يسولج تحاليل ..
نوف بسرعه _ لا لا يمه خليه بعد باجر ..
أم أحمد _ أوكي يمه و يلى نامي لا تسهرين مو زين السهر .. شكل ما جاج الأنيميا إلا من كثر ما تسهرين ..
نوف بتنهي الحوار بسرعه _ تامرين أمر ..
بعد ما طلعت أمها .. نوف سكرت الباب و سندت ظهرها عليه ..
نوف بارتياح _ أوف أشوى ما حست ..
راحت لسريرها تفكر بهالورطه الي بطيح فيهاا .. لا لا يا نوف لا تظلمين الرجال يمكن نيته شريفه و ما يغلط .. بس يمكن نيته خبيثه ليش لأ .. ؟! يا رب ما يكون مسجل مكالماتنا ..يارب ..
بعد دقيقتين ولا جهاز نوف يدق .. شافت الشاشه طلع عنود يتصل بك ( مسميتهم بأسامي بنات )
نوف تصنع الهدوء _ هلااا
عزوز بحقارة _ هلا و غلا بالحبيبه .. شدعووه يا معووود كل هذا تغلي .. تعرفينا ما نصبر على التغلي .. شلووونج ؟!
نوف بخوف _ انا بخير انت شخبارك ؟
عزوز عرف انهاا خايفه قال خل أكملها _ تعبااان ..
نوف بسرعه _ عسى ما شر شفيك .؟
عزوز _ تعبان ودواي شوفتج ..
نوف بترجي _ تكفى عزوز ما اقدر والله ما اقدر راعني ..
عزوز ببروده أعصاب _ نوف صارلي يومين و انا انطر ردج بس الظاهر انج بتخليني أتصرف تصرف ثاني ..
نوف النذل بيسويهااا حسبي الله عليه ._ شنو بتسوي ؟
عزوز و بضحكه خبيثه _ لحظه يا قميييل ..
و شغل شريط مسجل فيه مكالماتهم و كان مشغل بالذات حوار لهم يخدش الحيا ممزوجه بكلمات العهر و الفساد ما تمت للدين و الحياء بصله ..
نوف تخيلت شكل أخوانهااا لو سمعوا هالمكالمة فما تمالكت نفسها و صاحت بقهر _ تفوووووو عليك يا نذل .. ..
عزوز ببروده _ لا لا لا لا ما أتفقنا على جذي ...
نوف الدنياا تدور حولينهااا _ حرام عليك و الله حرام ..
عزوز مستحقرها _ حرااام خو انتي تعرفين الحلال من الحرام.
المهم الساعه 8 و نص باجر أشوفج عند مجمع ( .... ) بالضبط .. و كيفج إذا ما تبين تجين عادي عندي أوصل هالأشرطه لأخوانج أوكي يا قلبي .. بس انا خايف عليج ..
و انتي تعرفين شكثر انتي غاليه على .
قاطعته نوف بحرقه و بقهر تكلمه _ الله يلعنك و يلعني يا نذل يا سافل ياأخس من الخسيس ..
عزوز بصوت جدي _ الوعد باجر يلى أحلاااااام سعيييييده ..
وسكر التلفوون ..نوف قعدت اطالع التلفون فتره قصيره .. لهدرجه انا أنغشيت !! ولا بعد كنت أبي أذله ! طلع لا يحبني و لا شي .. يبي يوصل لهالغرض و بعدهااا يرميني مثل الجيفه ..
نزلت من سريرهاا و وقفت قدام المنظرة و مر قدام عيونها صور .. أحمد .. نواف .. أبوي .. شبي يسوون فيني لو سمعوااا الشريط .. أكيد بيذبحوني أكيد ماراح يخلوني .. يارب فرجهااا .. يااارب .. وأجهشت بالبكاء .. و قعدت بمكانهااا على الأرض ما حست ببروده السيراميك تحتهاا من حرارة جسدهاا و دموعهاا مضت فتره وهي تبجي و تنعى حال مصيرها المجهوول .. !
سمعت أصوات عاليه بالدور الأرضي .. قعدت تميز هالأصوات ولا صوت أخوهاا نواف و زوجته خزنه توهم جاين من السفر ( يتعالجون )
بسرعه ركضت لباب غرفتهاا و قفلتها بالمفتاح .. جاتهاا هواجس و وساوس .. من صوت أخوهااا نواااف ..
نوف و تنتفض _ ليش جاي هالحزه .. لا يكون الخسيس سواهاااا و أرسلها لنواف عشان جذي جاي بيذبحني ..
أمسكت راسهاا بقوة و قعدت تدور _ لا لا عزوز قال باجر إذا جيت ماراح يرسلهااا ..
بس ليش هالحزه بالذات نواف جا ...!!

سبحان الله كأن نواف حاس بهلاك أهل بيته ..!






// الدور الأرضي //



من ياخذ الدمعه لعينه و يعطيه ¤¤¤
بسمه أمل وأعطيه فالناس أمي¤¤¤



أم أحمد كانت رايحه لغرفتهااا بتنام تأخرت على موعد النوم .. ولا باب البيت ينفتح ألتفتت لباب و لا نواف و زوجته .. ما تحمل نواف و هو يشوف نظر عينه قدامه . شاف المسافه بينه و بين أمه بعيده ترك الجنط و ركض لأمه ... أم أحمد شافت ضناهااا راكض لهااا أسرعت بمشيتهاا له ونبض قلبهااا زاااد ..
أم أحمد ببكاء _ نواااااااااااااف ..
نواف و دموعه على خدوده _ يماااا ..
حضن أمه بقوة و حب راسهااا و يدهااا .. أمه قعدت تبجي بصوت عالي و تقول _ طمني ياوليدي عليك .. شخبارك ؟
نواف و يبتعد عالخفيف عن امه _ تمام يالغالية ..
خزنه بانحراج واضح من وجودها بهالمشهد الحميمي _ شلونج خاله ؟!
أم أحمد و تمسح دموعها _ بخير يمال العافية سامحيني يا بنتي .. أنتي شلونج ؟ وحمدلله على السلامه ..
خزنه _ الله يسلمج و يحفظج من كل شر .. شدعوه ياخاله..
نواف و يتلفت عالصاله _ وين ابوي و الأهل ؟
أم أحمد _ الكل نايم وانا كنت بدش غرفتي و لا نور البيت يحضر يا يمه ( تهجد صوتها ..)
نواف و يحب راسها _ النور نورج يا الغالية و يلى انا برتاح و انتي ارتاحي شكلنا أخرنا عليج نومتج !!
أم أحمد وتقوم من على الكرسي _ الله يحفظكم يا عيالي .. يلى فمان الله ...
نواف و خزنه _ في حفظه ..








!!!!!!!!!!!!!!!!!!!!!!!





جنان _ عبير دقيتي على أخوج عشان ياخذج باجر للجامعه ؟
عبير وطق جبهتهاا _ أووووه أشوي انج ذكرتيني ...
جنان و ترفع يدها للسما_ الله يعين الي بياخذج ..
عبير و ترفع أصبعها لوجه جنان _ اصلا الي بياخذني يحب يده 360 يوووم .. إلي ماخذهاا عبير مو إيشي ...
جنان بإصرار _ الله يتمم عليج عقلج .. المهم دقي ألحين على أخوج ..
عبير بقهر _ طاااع هاذي بعد قولي أطلعي برااا أشوفج تبين فرقاي ..
جنان انقهرت _ شكو هذا بهذا ؟ فهميني تكفين فهميني ..
شافت عبير سكتت وماردت .. أبتسمت جنان بشطانه _ أهااااا قولي جذي لا يكون بتسحبينهااا وماراح تحضرين .. ؟!
عبير ابتسمت و هزت راسها بنعم ..
جنان _ آآآسفه .. دقي على أخوج و قوليله يجي ألحين لأني أبيه بشغله ...
عبير مستغربه _ ليش شتبين بأخوي ؟
جنان بجديه _ أولا : مو حرام انه يجي .. ثانيا : بتعرفين كل شي بس بعد ما يصير الي أبيه ..
عبير بخوف _ جنان عسى ماشر أنتي اصلا اليوم مو طبيعية كله سرحانه .. في شي جايد و انا ماعرف قوليلي من هالحين .. يمكن فهمتي شي بالغلط .. تكلمي جنان !
جنان بعزيمه _ دقي على أخوج ..
استسلمت عبير لطلب جنان الغريب بعد ما شافت أصرارهاا و جديتها بهالطلب ...

طلعت جهازها من جنطتها و دقت على رقم بندر ... بعد خمس رنات رفع الخط بندر بصوت نعسان ..
بندر _ آآآلووو ...


‏ // الجزء السابع //






بندر بصوت نعسان _ آآآلووو ..
عبير _ صح النوووووم .. بندر يا ويلك يا العاصي ما قضيت فرض الله !!
بندر قهقه بخشونه .. _ حسافه ماسويت حظر للتقليييييد ..
عبير _ ايه يا حبيبي وحده بوحده ..
سألت بتساءل _ للحين ما شبعت نووم ..( و طالعت بجنان الي أنحرجت من سوادت وجهها الي سوته فيه ..)
بندر بتعب _ والله أحس راسي بينفجر و ظهري بيتكسر .. و ألحين بعد جوووووعان حدي ..
عبير بحب _ سلامه راسك ياخوي والله لو انا عندك جان سويتلك المرقوق الي يحبه قلبك ..
بندر مستغرب _ ليش انتي وينج ؟
عبير بعفويه _ بالمستشفى عند جنان ..
بندر بسرعه قعد و طالع بالساعه الي على الكوميدينا عشان يتأكد جم الساعه ولا 11 مساءاااا ...
بندر بهدوء _ عبيير خالتي ام محمد ليش ما باتت عندهااا ؟
عبير انحرجت من سؤال أخوها و ما تقدر ترد عليه لأن جنان مندمجه مع أجوبتهااا و ماحبت تبين لهاا أنه مستغرب و مايفضل تواجدها معها ..
عبير بتهرب _ بندر جنان تقولك تعال ضروري تبيييك ..
بندر ماحب يكسر بخاطر أخته و يعرف قوة العلاقه بين اخته و جنان فطوفهااا ..
كشر وجهه من طلب جنان _ ليش شتبي مني ؟!!
عبير ببراءة _ والله مادري ..
بندر _ زين خل تكلمني ..
عبير _ لحظه بندر ..
قالت عبير لجنان عن طلب بندر .
جنان بحزم و حاجبهااا مرفوع _ الموضوع أكبر من ينقال بالتلفون و يحتاج وجه لوجه ...
عبير بإستغراب _ الوو بندر تقول أفضل أنك تجي لأنه مهم و ضروري ..
بندر بتفهم _ أوكي نص ساعه بالكثير أكون عندكم عشان أتعشى ..
عبير بحنان _ بالهنا و العافية .. و ان شاء توصلنا بالسلامه ودير بالك اربط حزام الأمان و لا تكلم بالموبايل و أنت تسوق وو بعد ياربي اممم ايه جيب معاك عصير كي دي دي مانجااا ( منتج مو دينماركي ..)
بندر ضحك بصوت عالي _ و يلومووووني فيييييييييج ...
أبشري من هالعين قبل هالعين ( سكت ثواني بعدها قال )_ زين شوفي المدام شنو تحب أجيبلها و انا بالطريق عصير كرت تعبئه كاكاو أي شي أي شي .....
عبير انتهزتها فرصه _ اي ياخوك تبي كرت ايزي جهازها مص... ماكملت كلمتها و لا يسمع بندر حذف كرتون و صراخ عبير و صوت جنان و هي تهاوش أخته على جذبتهااا ..
بندر بنفسه _ سبحان الله الفعايل و الشكل غييير و الله وطلعت جنان عربجية اجل بيوم عرسنا شبتسوي ؟!
سمع أخته توصيه لا ينسى العصير .. و سكر التلفون ..



++++++xxxxxx-------====



سارااا تكلم أختها عذاري الي ماتدري شسالفه _ أيه و زرناهاا
عذاري بخوف _ و شلون كانت صحتهااا ؟
ساراا و حطت رجل على رجل و تاكل قطعه من الجلكسي بالبندق _ زيييينه بس وجههاا متغير ما أحس انهاا جنووو الي اعرفها
عذاري مو مصدقه _ يوه منج يا سويره عاد لا تبالغين ..!
سارااا بإندفاع _ والله اني ما أبالغ جنان اعرفها عدل .. أقولج ذبلانه مصفر وجها مادري شنو أحدد لج بس متغيره ..
عذاري _ الله يقومها بالسلامه زين ليش ما علمتوني بالأول حرام عليكم ما كأني أختكم ؟
ساراا و تمشي بالصاله _ آسفين والله .. بس نسيناااج كلش و لا طريتي على بالنا بالأساس .. !
عذاري بقهر_ ايه مو انا لايقيني بالشارع و كفلتوني .. المهم أمي عندها الحين ..؟
ساراا _ أووف منج يا عذاري تاخذين السالفه بنظره ثانيه و انا مغبين عليج و مانبيج تدرين . يختي صغرها تصغر كبرها تكبر ...
عذاري بنفاذ صبر _ سويره و صمخ ..
سارااا بزله لسان نست منو قاعده تكلم _ يصمخج ..
عذاري ما تحملت وقاحه أختها _ ساااااااراااا ..
سارا بإنحراج _ آسفه آسفه عذاري ماكنت أقصد ..
عذاري بصوت مقهور _ مارديتي علي امي عند جنان ؟
سارا _ لااا ..
عذاري مستغربه _ ليش لا ؟؟!زين منو عندها إذا انتي كاج موجوده بالبيت ..؟
سارااا بدلع _ عيييندااااااهاااااا
عذاري بصرخه _ ساااااراااا ..
سارا انتفضت من صراخ أختها بغت تفجر الطبله _ عندهااا ياطويله العمر بطاعه الله عزوجل بنت عمج اللزقه عبيروه
عذاري بسخرية _ أحترمي نفسج هاذي اللزقه على قولتج فيهاا خير باتت عند أختج و لا أنتي يا أختهااا مافيج خير ...
ساراا حز بخاطرهااا كلام عذاري _ لو على كيفي جان نمت عندها بس أخوج رافض هالفكره و انتي أدرى بمحمد أكثر مني ... يلى مع السلامه بنااام ..
عذاري _ مقبووله منج .. مع السلامه ..
سارا نزلت التلفون على الطاوله و مشت بتطلع لغرفتهاا و لا تشوف غرفه أمهاا ليته والع .. راحت لغرفة أمهااا و طقت الباب .. و لا صوت أمهااا تسمح لها بالدخول ...
ساراا و هي واقفه على راس امها الي قاعده على السجاده و أمبين انها كانت تبجي من نبره صوتها
سارا _ الحلوو سهران لهالحزه ..
أم محمد بحزن و تأشر على قلبهااا _ شلون بتغفى عيوني !!!
و هذا مو موجود ..
سارا تواسي أمها _ يمه أحنا شفناهاا و ما فيها إلا العافية .. و ان شاء الله تكفير ذنوب .. و كلها جم يوم و بتجي ...
أم محمد و ترفع يدها _ يارب تحفظهم لي و تصلحهم و تعافيهم ..
سااراا _ آآمييييييين ..
أم محمد تشيل السجاده _ يلى يا حبيبتي رووحي نامي وراج مدرسه عشان تقعدين أمبجر ..
سارااا و تحب راس أمهاا _ أبشري يا الغاليه ..
و هي طالعه تقول لأمها _ تصبحين على خييير يمه ..
أم محمد تبتسم راحت أطفي الليت ثم أتجهت لفراشهااا .. و قلبهاا و لسانهاا يناجي المولى القدير أن يحفظ لها قرة عينهاا و ينعم عليهم بالصحه و الدين ..





#################

\\ عذاريے //

صح لي فتره طويله ما أزورهم بسبه هالزوج الأناني الي يبيني اربع وعشرين ساعه وجهي بوجه بس هالشي هذا ما يشفع لهم تهميشي بالنسبه لمرض أختي .. !!!!
أخذت جهازهااا بدق على أخوها محمد تلومه على حركتهم ...
بعد كذا رنة رفع محمد السماعه...
محمد _ هلاااا و الله .. بأم طلال
عذاري _ هلا بك بو عمر .. شلونك .. شخبارك .. إن شاء تمام ..؟!
محمد _ بعد هالصوت أكيد أني بخاااار و عافية ..
عذاري أنهدت عليه مره وحده _ شدعوه يا محمد جني مو أختكم و لا متبرين مني .. جنان أختي تنوم بالمستشفى و انا آخر من يعلم !! يرضيك هالتهميش هذا يا محمد يرضيك ... ؟
محمد يبتسم _ أمسحيهاا بوجهي يا الغالية .. و إذا تبين العلم الصحيح احنا ماهمشناج ! لكن بالنسبه لي والله ثم والله اني ناسيج ..
وباجر زوريهاا وبتشوفينهاا ما فيها إلا العافيه وانا اخووج ..
عذاري بحرج _ سامحني يابو عمر ادري اني زودتهاا بس تعرف غلات جنان عندي ..
محمد بضحكه _ لا لا عادي عادي .. إلا أقول خلينا من هالسوالف .. منتي جايتنا بنهاية الأسبوع هذا .. ؟!
عذاري بضيقه _ ما أظن ياخوك بس بزور جنان في المستشفى وأرد لبيتي و ما أقول إلا الله يهدي بو طلال ..
محمد _ آمييين .. و هو ما شاء الله عليه من شيم الرياجيل بس أنه أنفيسه .. وأنتي حاولي فيه بالطيب و اللين . ترى الرجال أكره ما عنده ان المرأة تفرض رايهاا على زوجهاا بنفس قشره و بالغصب و لا تقدر العشره ..
عذاري بحيا _ أبشر يا خوي و يلى تامر على شي ؟!!
محمد _ سلااامتج و ديري بالج على بيتج و زوجج و عيالج يا عذاري..
عذاري _ إن شاء الله .. يلى مع السلااامه ...
محمد _ الله يسلمج ..




؟؟؟؟؟؟؟؟؟؟؟


// بيت بو بندر //


بعد ما تسبح بندر لبس سبورت بنطلون أسود و فانيله لونها جويتي نزل للمطبخ بعد ماماتت عصافير بطنه من الجووع شاف الحراره ( تحفظ الطعام) على الطاوله وراح يفتحهااا بيشوف شنو كان عشاهم ولا الوالده غارفتله مجبوس دجاج .. أخذ صحن و غرف المجبوس في الصحن و فتح الثلاجه و صب له لبن مراعي بقلاص .. دخل غرفه مخصصه للطعام و مطله على الصاله بيتعشى .. و هو قاعد يتعشى فكر شنو تبي بنت عمي .. بصراحه فكر فيهااا بشي شين في أخلاقها بس تعوذ من الشيطان الرجيم الي يسول لبني آدم أفكار هدامه تهدم بيوت الطهر و العفاف ..
بس شنو تبي مني ؟؟!!
أخذته الأفكار يمين و يسار و بندر الفضول ذبحه ..
و لا جاسم داخل عليه بالغرفه ..
جاسم _ السلام عليكم نعييييما توك قاعد ؟!
بندر و يأشر على الأكل _ وعليك السلام . حياااااااااك
جاسم و يرفع حواجبه _ عوافي
شكلك طالع موو ؟!
بندر و يحط اللقمه بحلجه و يهز راسه بنعم ..
جاسم بيقهر أخوه _ ويييين على الله طالع بهالوقت يا ولد ؟
بندر بنظره غاضبه _ استح على وجهك و شوف من قاعد تتكلم .!!
جاسم يمثل العصبية _ شنوووو ؟
بندر و خلاص وصلت معاه _ أطلع برى لا يمين بالله أقوم لك وأعلمك أحترام الكبييير ..!
جاسم و ماسك ضحكته _ ياخي أضحك معاك شفيك ولعت على طول كل هالنفسية عشان ....
ما شفنا إلا غبرت جاسم بعد ما حذفه بندر بالقفشه ( الملعقه ) ..
بندر و يبتسم على شكل جاسم و هو منحاش ..
بندر _ الحمدلله و الشكر .. هذا وهو أبوو شلون لو كان عزوبي!!
قام بندر و هو يقول " الحمد لله الذي أطعمنيه و رزقنيه من غير حول مني و لا قوة "
شال الصحن و نزله بالمطبخ و طلع برى البيت ..

ما كان يسمع أصوات أو همس في الشارع غير أنفاسه .. دخل السويج و ركب سيارته ..
بندر في حاله سرحان ..
جنان شنو تبي منك يا بندر ؟!!
يمكن بتعتذر مني على حركتهاا ؟! لا لا ما أعتقد .. و يمكن إيه ليش لااا .. حركتها كانت استفزازيه .. و مطالبه انهاا تعتذر لي .. بندر انت شقاعد تقول شقاعد تخربط ؟!!
بس شتبي مني ؟!
صحى بندر على سرحانه و هو للحين ما حرك سيارته من مصافط بيتهم ..
سحب له شريط و حطه بالمسجل .. كان شريط للشيخ عبد المحسن القاسم يقرأ سورة الصافات >>> يحب هالقارئ حيييل و يعجبه طول نفسه .. و ترتيله الفريد بنوعه ..
حاول يتلاشى سبب روحته بسماع آيات من القرآن الكريم.
و هو ماسك الخط السريع تذكر يمر دكان إيراني عشان يشتري لعبير العصير ..



***********************

// المستشفىے //

جنان اطالع ساعه الحائط و تلتفت لعبير _ موجنه أخوج طول ؟!
عبير وتمد بوزهاا _ يمكن يعبي بانزين ؟! عذره معااااهے ..
جنان و تهز كتفهاا _ يمكن ..
سكتوا بعد هالحوار ..
رفعت عبيرراسها بشك _ جنان ..
جنان بالمثل رفعت راسهاا _ هلاااا عبير ..
عبير _ شنو تبين بأخووي ؟!!!
جنان تحاول تكون هاديه _ باااكله ..
عبير بنرفزه _ جنان من دشيت المستشفى و انتي متغيره 180 درجه ليش شنو السبب ؟! و فوق هذا تبين ببندر بشي ..
شنو وراج يا جنان هالعقل شيفكر فيه ( و أصبعها تهزه براس جنان )
جنان تبتسم _ زين انتي ليش حارقه عمرج زوجه تبي زوجها بشي .. شنو هو عاااااار .. لهدرجه عندكم عار و خزي و فضيحه ...
عبير بشك _ زين شنو هالشي الي تبينه فيه ؟
جنان تنرفزت من عبير و بعصبية قالت _ يوووووه يا عبير بصراحه غثيتيني عاد زوجي و أبيه بشغله ..
عبير حست انها بالغت حيل مع جنان لأن قلبها ناغزهااا و هي حاسه ببرود أخوهاا و حراره حب جنان لأخوهااا و فوق هذا جنان من دشت المشفى و حالتها منقلبه و زياده عليها بندر هو الي مدخلهاا المستشفى ..أكيد صاير بينهم شي !!!!
عبير بحرج _ آسفه يا جنان ان ضايقتج ..
جنان وتمسك يد عبير _ لا عادي بس خفي شوي من الحنه ..
و ابتسمت عبير لجنان و قالت _ الله يستر منج ..
جنان و سوت نفسها منصدمه _ اوووه ..
سمعوا طرق على الباب .. ألتفتوا لبعض و لا يسمعون صوت بندر يتكلم بثقه _ يا ولد ..
جنان أخذت نقابها و ملفعها و ألبستهم ..
أما عبير راحت لأخوهاا .. شافته واقف ومعطي ظهره لباب الغرفه و بيده كيس .. أبتسمت بحنان و حب لأخوها الكبير ..
عبير _ أدخل يا رجل ..
بندر على طول لف لجهتهاا و ضحك .. مسك خشمها و ضغط عليه ..
بندر _ أول سلمي مو تخرعيني !
عبير و ادز يد أخوها عن خشمها _ آآي عورتني ..
بندر و يشيل يدها _ انتي كل ما مسكت شي قلتي آآي عورتني .
عبير بدلع _ لأنيے أنثىے يا رجلے
بندر أبتسم و قال _ أدش ؟!
عبير بفرح _ دش يا معرس ..
أرتبك بندر و قلبه يتعصر بحرقه وحس ببروده بأطراف أصابعه .. كلمه معرس كأنها تذكره بأحلامه الي دفنها بقلبه الكتوم .. كان يدخل جناحه و أهله قاعدين يزفونه لهنوف .. آه يا هنوف أتعبتي قلبي من بعدج ..

من ناظري دمعي على الخد مسكوب & و من الحوادث شاب راسي و أنا شاب

لا لذ لي زاد و لا حلو مشروب & و لا لموق العين طيب الكرى طاب

لا شك ما يجري على العبد مكتوب & طول الزمان و كل شي له أسباب


ولا يسمع صوته أخته _ بندر بندر . وين رحت ؟!
بندر بوجهه كئيب _ نعم يا عبير شنو تبين ؟!!
عبير _ يلى ادخل ..
دخل بندر الغرفه .. و عينه بتلقائيه طالع الطاوله الي حط فيهااا بوكيه الورد بس ما لقى لها أثر . وين ودوهاا ؟! و قعد يطالع بالورود بتفحص يدور بوكيه بس لا وجود لهااا !!
تذكر هوشته معاها أكيد قطته شتبي فيه .. أبتسم بسخريه .. بندر بصوت واضح _ نعم يا جنان شنو تبين مني ؟!
جنان لاحظت عليه شلون قاعد يدور بوكيه .. جنان هاذي فرصتج لا تضعفين قدامه .. شبستفيد إن أخذته و قلبه و عقله مو لي . ! ! و فوق هذا يهددني و يتوعدني و بيذلني . ما عاش من يرفع أصبعه بوجه جنان بنت علي ..!!!
وعت على بندر و هو يقول _ نعم يا جنان شنو تبين مني ؟!
تنحنحت جنان بنعومه و أرفعت عيونها لعبير و قالت بثقه و جد _ عبير يا حياتي ممكن تتركينا خمس دقايق ؟!
قبل لا تكلم عبير قال بندر بتجهم _ عبير أقعدي بالكراسي الي عند الباب لا تروحين يمين و لا يسار .. أعرفج بس تشوفين وحده تسحبينها سوالف ..
أضحكت عبير بتوتر _ أبشر يا رجل ..
بندر ضحك بصوت عال من كلمه رجل الي طايحه فيها عبير اليوم ..
طلعت عبير من الغرفه ...
رفعت جنان عيونها بعيون بندر الي يضحك بعفويه .. بندر شاف نظرات جنان له فجمدت ملامحه
و ظل يطالعهاا بالمثل ..و كان الصمت هو سيد الموقف و الدقايق ..
بندر حس بتوتر أعصابه و عرق وجهه من التوتر .. دخل يديه بمخابي بنطلونه و قال لجنان الي اطالعه بصمت لي حس بالدموع تتجمع بعينهاا ..
بندر بهدوء _ بنتم جذي يا جنان ؟
جنان حست برجفه في جسدها من التوتر الي صاير بالغرفه .. كان من المفروض ما أبجي .. ليش ضعفتي يا جنان ليش ؟! . . هذا بندر و بيتم بندر القاسي المغرور و زياده رافضج كزوجه رافضج ...
بندر عاد سؤاله مره ثانيه بعد ما شاف تجاوب من جنان ..
بندر _ بنتم جذي يا جنان ؟
جنان وصوتها يتحشرج _ نخيتك يا ولد عمي ..
بطبيعه هالكلمه عند البدو كلمه كبيره و النخوه من المرجله و من شيم العرب و البدو .. و ياما صارت حروب و قتالات بسبة هالكلمه ..
طق صدره بندر و قال برجوله _ أطلبي يا بنت عمي .. و لو على قطعت رقبتي ..
جنان بصعوبه الطلب قعدت تبجي بصوت مقهور و مغلوب على أمره .. صوت بقلبهاا يصرخ لازم أبتعد عنه .. و أرتاااااح ..
و استمرت بالبجي و حطت يديها بوجههاااا ..
بندر بخوف ما قدر يتحرك شبر من مكانه شكل جنان ما يبشر بالخير .. شلون يا بندر توافق و انت ما تدري شتبي بالأساس .. يمكن ... أستغفر الله أستغفر الله أعوذ بالله منك يا شيطان ..
بندر بصوت جدي _ جنان ..
جنان برجا و عيونها مليانه دموع _ طلقني يا بندر ..
بندر كأن أحد صب ماي بارد بوجهه .. شقاعد تقول هاذي شتهبب شتقوووووول ؟؟؟؟؟؟
بندر ما وعى على نفسه إلا بيده تمسك عضد جنان بقهر و حقدجنان تحملت الإهانه بصبر ..
بندر و يرص أسنانه ببعض _ شمسويه عشان تطلبين الطلاق ؟؟؟
جنان بصدمه و عيونها توسعت بصوت مخنوق تقول _ لا لا لا لا يا بندر فكرك لا يروح بعيد انا أشرف من الشرف.. بنت عمك طاهره و عفيفه .. مو خوف منكم لااااا خوف من الواحد القهار الذي لا تخفى عليه خافيه في الأرض و لا في السماء ..
وكملت بصوت مذبوح _ بندر انا رافضتك من زمان كلمت ابوي كلمت محمد بس مافي آذان صاغية البنت لولد عمهاا و انا مابي الزواج منك .. بندر نخيتك يا بندر ..
بندر بضعف و هوان قعد بالكرسي .. و عيونه باالأرض .. قال بصوت مقهور من عادات جوفاء من الدين .. عادات جاهله _ أبشري يا بنت عمي و أنتي أشرف من الشرف و سامحيني على القصور و العذر و السموحه منج ..
حس بالإختناق ما كان للحدس مكان في مخيلة بندر بهالطلب.. و لا فكر ان جنان تبيه بهالشي .. سبحان الله كاهي جات لك يا بندر .. ! بس مو بهالطريقه .. كنت متوقع الطلاق بس بعد زواجناا مو قبل الزواج بشهر .. شلون و أهلي و أهلها و جماعتنا . ؟!
سمع جنان تكلمه _ بندر ..
ألتفت لهااا بعيون منقهوره _ نعم ..
جنان بخوف _ لا أحد يدري اني طالبتك اطلقني .
بندر بيعرف سبب خوفها _ وليش ما أقولهم ..
جنان والعبره أخنقتها _ ابوي بيذبحني يا بندر ...
قام بندر و مشى لكرتون الكلينكس و سحب حبه و مدها لها _ امسحي دموعج عبير برى و لا تدري ما بيها تدش بهالمواضيع ..
حزت راسها بنعم و يديها على فمها تكتم بجيه ..
و قالت و هي تشاهق _ وعد يا بندر .. ؟
بندر عند الباب _ وعد يا جنان و مع السلامه ..
جنان الرؤية منعدمه عندها بس تشوف جسم بندر و هو طالع .. جنان _ بحفظ الباري يا الغالي ..
و ما تمالكت نفسها و سحبت اللحاف و حطت نفسها نايمه .. و جسدهاا الناعم يهتز من شهقاتهااا و رجفتهااا ..



أول ما طلع بندر شاف عبير قاعده و تلعب بجهازها .. حاول يخفي توتر و تهيج وجهه فقرب منهاا و همس _ عبوور ..
أخترعت منه و حطت يدها على صدرها _ ياخي سلم ..
أبتسم بالغصب _ هاج الكيس لج و لجنان ..
عبير تبتسم _ تسلم يابو عذبي .. بندر حب يطول السوالف عشان جنان ترد لوضعها الطبيعي ..أقول عبير باجر ماراح تحضرين محاضرات ؟
عبير _ أمبلى .. و أنت بتمرني الصبح عشان توصلني للجامعه . .
بندر بتعب ماله خلق . يبي الراحه يبي هواء نقي .. تنفسه ضاق عليه .. قام و قالها _ أوكي
يلى مع السلامه .
عبير بغرابه _ مع السلامه ..
عبير و تشوف أخوهاا و ماشي لخارج الجناح .. أستغربت شلون وافق على طول انه يوصلني و اليوم الصبح بغى يذبحني . !
سبحان الله ..
دخلت الغرفه شافت جنان متلحفه و نايمه ..
عبير بقهر _ مسرع نامت ..
مشت لي وصلت عندهاا و قالت بهمس _ جنان جنان ..
لا مجيب .. فأيقنت أنها في سابع نومه .. قعدت تضبط لحافهاا و طفت النور و نامت ...


أما جنان الي ما نامت تفكر بأبوها كيف بيتلقى القرار .. بندر بندر شلون بيقولهم أكيد بيجرح ابوي و محمد بقراره .. يااا الله انك تسهلهاا و تهون هالمصيبه على أهلي .. تذكرت أنها من اللحظه هاذي و هي محرمه على بندر .. خلاص يا جنان هدمتي أحلامج بنفسج .. و كسرتي قلب نبض بحب بندر .
قالت جنان بخضوع و ذل لله (( اللهم أجرني في مصيبتي و أخلفني خيرا منها ))
و ناااامت و دموعها على خدهااا.


>>>>>>>>>><<<<<<<<<<


// بيت أبو بندر //


بندر نازل من الدرج و قعد يتنحنح عشان فاطمه الي قاعده مع امه يتريقن ..
بندر ببحه النوم _ السلام عليكم
الكل _ و عليك السلام ..
بندر _ وين الوالد و جاسم ماشوفهم ؟!
أم بندر _ طلعوا بدري .. تعرف جاسم حصصه الأولى .. و أبوك طلع و وصاني اني أقولك تمر شركه الساير <<< مو دعايه بس جا ببالي عالطول ...
بندر و يهز راسه بنعم _ وبعدين
أم بندر _ يقولك روحلهم بالأول و هو بيلحقك بعد ربع ساعه .. وصل ..
بندر _ وصل ...
و هو رايح يحب راس أمه قال _ تامريني على شي ؟؟!
أم بندر _ تعال وين رايح ؟!
بندر _ بروح ألحق على بنتج واجيبهاا أهنيه ثم بروح لشركه الساير ..
أم بندر _ زيين تعال أكلك لقمه و أشرب حليب بعدين روووح ..
بندر _ بالعافية ياالغاليه بس مالي نفس ..
أم بندر بترجي _ ياوليدي عشاني ..ولا مالي خاطر عندك؟؟
بندر _ و الله قدري رجلج يا الغالية بس مالي نفس و متأخر على الوالد بعد !!!!
أم بندر بحنيه _ روح يا بندر جعل أبواب الرزق تفتحلك ...
بندر أبتسم بحنان لهالمخلوقه الي عظم الله شأنهااا و أمر ببرهاااا و طاعتهااا ..
و مشى لباب البيت و قال بصوت مودع _ مع السلااااااامه ..
الكل _ مع السلامه ..

ألتفتت فاطمه لخالتهااا و قالت _ خاله ..
أم بندر رفعت راسها لفاطمه _ آمري يا بنتي ..
فاطمه بإبتسامه _ ما يامر عليج عدو ... خاله ... اليوم الثاني من عرس بندر و جنان في حفله و لا بيسافرون .. ؟!
أم بندر ماتقدر تقول إيه أو لأ .. ولدهاا مو واثقه فيه من هالناحيه .. _ و الله أني مادري و العلم عند بندر .. ليش فصلتي حق اليوم الثاني . ؟
فاطمه بفرح _ ايه فصلت عند مصممه اليوم الأول و الثاني .. خلاص ما أثق بالخياطين بعد سالفه بدلتي بعرس ولد جيرانا ..
أم بندر _ ليش شنو سوى ؟!
فاطمه بضحكه هاديه _ تصدقين يا خاله مخربهااا قلت أبي بدله تكون تفصالها برمودا و يكون مزموم من النواحي الخارجية و فستان عاري الكم يوصل لي تحت الركبه بالضبط و يكون ضيق من ناحية الصدر و الخصر بعدين يحط جوليه صغير ..
أم بندر بإندماج _ ايه و بعدين .
فاطمه و كأنهاا تذكرت شكلها أول ما شافت البرمودا و كانت عيونها مبطله حدها _ و الحبيب مسويلي سروال إيراني مو برمودا !!!!!!
أم بندر ما تحملت الموقف أنفجرت ضحك _ حسبي الله و نعم الوكيل ...
فاطمه بقهر _ قهرني يا خاله . و رحت له و انا كنت برتكب فيه جريمه بس عذاري هدأتني لي تعوذت من الشيطان الرجيم و تفاهمت معااااهے ..
أم بندر _ زييين الحمدلله .. أهم شي ضبطه ..
فاطمه _ ايه ضبطه و الحمدلله على كل حال ..
أم بندر و تقوم من طاوله الطعام _ فاطمه ولي يسلمج انا باخذلي غفوه .. عالتسع قعديني يمه .. زييين ؟
فاطمه _ إن شاء الله خالتي ..




¥؛؛؛؛؛؛؛؛؛؛؛؛؛؛؛؛؛؛؛؛¥

// المستشفى //


قعدت من النوم جنان و هي حاسه بصداع فضيع من كثر البجي في الليل .. قامت عالخفيف بتروح للحمام " عزكم الله " تغسل وجهها عشان موعد الريووق .
عبير متلحفه حيل بالبطانيه و كأن البطانيه بتنحاش منهاا من كثر البرد ..
طلعت جنان من الحمام " عزكم الله ' و راحت على طول لعبير و هي تجر البطانية
جنان بصوت تعبان _ قوومي
عبيرووه ..
عبير و تسحب البطانية _ آآآآممم
جنان بتعب تركتها و صعدت عالسرير _ كيفج . انا شعلي !! ماحد بياكلهاا غيرج و لا بعد بيطق مشوار و آخرتهاا تقولين خلاص يا بندر .. سكتت جنان ( حست بغصه و هي تذكر اسمه ليته حلم بس راح بندر يا جنان رااااح )
و لا جهاز عبير يررن .. و عبير على ماكانت عليه جثه هامده بس بنبض .. شافت جنان السالفه مطوله و الحبيبه ولا هامها أخوهاا قامت تشوف جهازهااا و لا شاعرنا يتصل بك
صاحت على عبير بخوف و هي تهز كتفهاا _ عبير عبير عبير بندر
تحت بمصافط السيارات ينطرج
عبير بلذه النوم _ آم آم نعم
جنان بتخرعها عشان تقوم لجامعتهاا و عشان بندر ما يطق طريق فاضي _ أقولج بندر معصب ينطرج تحت ..
عبير بخرعه حذفت البطانية و النوم طار من عيونها_ شنوو الساعه جم ألحين ؟
جنان بسرعه _ يابنت الحلال روحي غسلي قبل لا يدق مره ثانية و يكسر الجهاز على راسج.
عبير ركضت للحمام "عزكم الله " تغسل وجههااا و لا جهاز عبير يررن مره ثانية و شاعرنا يتصل بك ..
جنان بصوت عالي _ بسرعه يا عبير أخوووج يدق كذا مره ..
عبير و تسحب حبه كلينكس تنشف وجهها من الماي و تطلع من الحمام " عزكم الله " بتوتر قالت _ خلاص خلاص ألحين بلبس بسرعه ..
جنان و تساعدهاا أدخل التلفون بجنطه عبير _ الله يستر و سلميلي على الشله ..
عبير و تعدل نقابهاا و هي طالعه _ يووووصل ..
من الخرعه و التوتر سكرت الباب و نست جنطتها على سرير جنان ..
مشت جنان لسريرهااا تبي تريح . . ..
جنان بققت عيونها وهي تشوف جنطه عبير بعدها أضحكت حرام شكل عبير يكسر الخاطر ..
جنان _ البنت هاذي نكته !
فجأة و لا عبير بخطوات سريعه ادش عليهااا و تقول _ أشهدن النوم سلطان جنطتي نسيتهااا عندج .. وطلعت على طول بعد مارضخت الباب ..
جنان بإنحراج و حاطه يدها على خدها _ يا فشلتي ما ريقتهااا .. ( تذكرت شلون راح تكون رده فعل عبير لما بندر يقولهم .. و هي الي كانت طايره من الفرحه و كل شوي مأذيتهاا سويت جذي و شريت الشغله الفلانية و رحت لشروق سالمين الي ذبحتني فيها ماجن بالكويت غيرهاا تسوي ميك آب و تصمملي ووو )
جنان بحزن _ سبحان الله .. بعد ماكنت بنت صرت مطلقه ..يا بنت أتطلق بكرامتي و لا يطلقني و انا ذليله عنده ...








// بندر //


بندر و يمسح وجهه بكفوفه من العصبية كذا مرة أدق عليها ولا ترد !!!!
طق السكان بعصبيه تأخر على أبوه الي حرق جهازه بالأتصالات .. نزل راسه عالسكان بيريح حاس انه ثواني و بينفجر من التعب النفسي و الجسدي و اليوم عنده مشوااار طويل مع ابوه و عمه و محمد و اهله ..
ما حس إلا بفتحه باب السياره . رفع راسه شافها عبير ما قدر يصبر .. فأنفجر عليها مره وحده _ أنتي ماتستحين على وجهج قاعدلي 10 دقايق و حضرتج توج تتكرمين تنزلين.. ؟!
عبير الي جسمها انكمش و وجهها برد من الفشله .. صوت بندر كان عالي حيل .. أمبين أنه مقهور حيل منهااا .. ألتزمت الصمت أحسنلها و أفيدلها ..
بندر شافها ساكته و قلبه للحين محروق وأنفاسه من الغضب حاره... قال بقهر_ و هذا وجهي يا عبير أن خليتج تباتين مع بنت عمج .. انا الغلطان الي سكت و وافقت أخذج اليوم ..
و ماكون بندر إذا ...
جهاز بندر قطع حلفه .. أخذ الجهاز و عارف أنه أبووه .. شاف الغالي يتصل بك .. مسك الجهاز بقوة و حطه قدام عيون عبير و قال بعصبيه _ شوفي شوفي أبووي حارق جهازي و سبقني للشركه و حضرتج طاقتها سوالف ..
عبير خافت من عصبية أخوها الزايده عن حدهااا في هاليوم
و بينها و بين نفسها قعدت تدعي الله يدعي هاليوم على خير ..
ضغط عالرد و حاول يكون هادي مع أبوه ..
بندر _ هلاا يبااا . نص ساعه و أكون عندك ..
عبير سمعت صراخ ابوها على بندر .. توقعت بهاللحظه جهاز بندر يتكسر على راسهااا ..
بندر بخضوع _ أبشر ياالغالي .
يلى مع السلامه ..

بعد ما سكر من ابوه .. سكت بندر و لا تكلم بكلمه .. وزاد سرعته عشان يلحق على أبوه .
ثم يروح بدون لا أحد يدري للمحكمه عشان يطلق جنان ..






// المستشفى الساعه 10 صباحا //



جنان قاعده مع أمها يسولفن ..
أم محمد بحنيه _ يعورج يمه لي تحركت للجنب الثاني ..
جنان _ عوار خفيف مو حيل ..
أقول يمه ..
أم محمد _ قولي يا بنيتي ..
جنان _ عذاري ما عندها خبر ..
أم محمد _ أمبلى اليوم عالريوق تقولي سارا انها علمتها و زعلت ليش ماقلنالها بالأول ..
جنان تبتسم _ أووه عاد من يقدر على زعل أم طلال ..
أم محمد _ الله يصلحهااا ..
(( طحت علييييييكم ))
ألتفتواا لهاا و هي شايله البوكيه و سله القهوه و الحلى و حالتها حاله ..
أم محمد بحنان _ حي الله بأم طلال ..
جنان تبتسم _ زارتنا البركه ..
عذاري و تحط الأغراض على الطاوله .. وتقول بدلع _ ايه أمبين مو جني المنسية ..!
أم محمد و هي تسلم على بنتها _ والله منتي منسية بس ألتهينا بالعملية ..
عذاري وهي رايحه لجنان تسلم عليهااا _ خطاج السووو يا عمري ..
جنان _ خطاج اللاش ..
عذاري و تقعد على الكرسي _ ها بشري شخبار العملية ؟
جنان وتمد بوزها _ تخررع و تلوع الجبد ..
ضحكوا على شكل جنان و هي ماده بوزها كأنها بنت سنتين ..





====================



// بيت بو أحمد //

الساعه 7:35 مساءا . .


نوف بعد ما حطت مكياج أوفر و ألبست بدله تنوره قصيره لي الركبه و مخرم بنهايته و لونه آوف وايت و بدي ذهبي جبنييز و عبايتها بإيدهاا و هي نازله مع الدرج تشوف أمها في الصاله مع حريم عيالها صفيه و خزنه ..
نوف بغرور _ السلام عليكم ..
الكل ألتفت لهاا و من ريحه عطرهاا آلور المركزه الي تعلن للحضور عن وجودهاا .
رد الكل عليها بالسلام ..
أم أحمد _ حياج يا نوف تعالي تقهوي معانا ..
نوف توتر _ ها لا يمه عليكم بالعافية انا بروح لعرس رفيجتي .
أم أحمد مستغربه _ ألحين ..
نوف و زاد الأرتباك فيها _ ايه ألحين لأن الفندق بعييييد .. و انا مو مطوله بس بسلم عليها و اقعد ربع ساعه و أجي على طول .. ايه يما و انا بروح مع رفيجتي متواعدين نروح مع بعض لهااا
أم أحمد _ أوكي بس ديري بالج على نفسج ..
نوف تبتسم بتوتر _ أبشري .
يلى مع السلامه ..
الكل _ مع السلامه ..


لقت سيارة عهود صافطه عند باب بيتهااا .. ركبت نوف و رجولها تصافق .. و أصابعها بارده ..
نوف _ هااااي ..
عهود _ هلاااا و الله كاشخه حدج .. ( وغمزت لها )
نوف و تحس قلبها بيطلع _ انا خايفه يا عهود ..
عهود بخبث _ يبا ليش ما تحسين ظنج فيه .. يمكن يبي يشوفج و بس ..
نوف بخوف _ لا لا تهديده يدل على انه حقير ..
عهود _ أنتي روحي و شوفي ..
نوف و الخوف متملكهاا _ أخاف أخاف .. بس تدرين شلون .. بخليه يشوفني و بعدها باخذ منه الأشرطه .. و خلاص أفتك منه ..
عهود و تمد سيجاره _ تبين حبه ؟!
نوف بقرف _ أنتي ما توبين من هالعفن يجيبلج السرطااان يباااا
عهود _ يا معووووده يكفي يكيفلي هالمزاج .. !!
نوف _ و الله كله خرطي .. لا يكيف و لا شي ..
Toet toet sms
نوف و طلع جهازها _ الله يستر لا يكون احمد و لا نواف ..
عهود باستغراب _ نواااااااااف .
نوف _ ايه امس وصلوا و اليوم العصر واجهته و يا مرته ..
عهود _ أهااا .. زين منو الي دازلج مسج ..
نوف و تفتح الرساله و بحقد تقول _ الحقير ماكو غيره عويز مو عزوز ..
عهود _ حراااام علييج عاد يحبج
.نوف بإشمئزاز _ وااااااضح ..



بعد ما وصلوا المجمع قعدن في الكوفي شوب .. لي توصل الساعه 8 مساءا ..



عهود و تبتسم لعزوز و هو يمشي لهن .. ونوف لفت ورى بتشوف عهود تبتسم لمنو ..
نوف زادت نبضات قلبها من الخوف و التوتر و الإرتباك ..
قالت بقلبها بكره _ لو مو لويت الذراع جان وطيتك يا خسيس

عزوز بعد ماقرب من طاولتهن _ ها مشيناا .. و لف على طول عشان الناس ما تنتبه لهم ( بس رب الناس لا تخفى عليه خافيه )
قعدت نوف عشر ثواني و عيونها بعيونه .. الأولى نظره حقد و كره .. و الثانيه نظره أنتصار و نظره حيوانيه ..

قامت من الطاوله و اطلعت برى المجمع و هي مو عارفه سيارته و لا تحس بيد تمسك يدهااا .. ألتفت عليه بسرعه ولا هو يبتسم لهاا قالت بكره و اشمئزاز _ أترك يدي ..
عزوز بشماته _ جت على هاذي
نوف بقهر _ يا حقيييير ..
عزوز و يضغط على يدهااا _ أقولج أمشي معاي و انتي ساكته ..
مشت معاه لي سيارته الجاكوار و ركبت قدام بخووف وهي تشوفه يبتسم .. تذكرت أبوهاا و أخوانهاا .. يا إلهي ما أتذكرهم إلا بهالمواقف .. إن شاء الله يطلع كلام عهود صح و باخذ الأشرطه منه ابي أرتاح من هالهم الي فجأه طلعلي حسبي الله عليك يا عزوز من وين طلعتلي ..
عزوز شافها سرحانه و مو معاه نبح صوته من كثر ما يناديها .. مسك يدهااا و لا تسحبها بخشونه ..
نوف بشراسه _ مد يدك و شوف شراح يصيرلك ..
عزوز ضحك بصوت عالي ..
خافت نوف من طريقه ضحكته كأنه يستخفهاااا ..
طالعت ثواني و صدت عنه لما شافته يلتفت لها ..







// بيت بو بندر //

بو بندر بصراخ عالي _ أطلع برى سود الله وجهك مثل ما سودت وجهي .. أطلع أطلع ..
هاذي تربيتي لك يا ولد ظبية حسبي الله و نعم الوكيل ..
( عبير و فاطمه في الدور الثاني و من سمعوا صريخ أبو بندر قعدن يركضن شالمصيبه الي صايره تحت ..
فاطمه وقفت بنص الدرج أما عبير بأول الدرج ..
أما أم بندر تبجي بصمت و يديه على راسهاا من هول الصدمه يطلق زوجته قبل شهر من عرسهم .. أهلها جماعتها ..
بندر قاعد و راسه بين يديه و لا فتح فمه شيقول بنت أخوك هي الي طلبت .. مشى جاسم لأبوه و يهديه _ يبااا خلاص الي صار صار .. لا تعب روحك صحتك أهم..
بو بندر بتعب قعد على الكرسي و فك أزاريه ..
بصوت تعبان و مبحوح _ أطلع برى يا بندر اطلع برى .. أطلقها و أنت ما تسوى ظفرهااا .. اطلقها و هي مريضه طايحه بالمستشفى . اطلقها بعد مارفض ابوها الخطابين عشانك اطلقها هذا قدر عمك عندك ؟
وقف بندر و مشى لأبوه بحب راسه و لا أبوه يدزه بخشونه بو بندر _ اطلع لا بارك الله فيك .
بندر بحزن _ يباا
بو بندر بعصبية_ لاانا ابوك و لا انت بولدي أذلف عن وجهي ..
أم بندر من شافت بندر و هو ماشي بيطلع بجت بصوت عالي و حزين .. ولدها بكرها ينطرد وهي ما تقدر تسوي شي ..
ألتفت لها بندر و بلا شعوريا ركض لأمه منبع الحنان لمته أمه بحيل و قعد يشم ريحه الغالية ..و يحب يدها و راسهااا و هي تبجي ..
بندر _ سامحيني يمه ..
أم بندر _ لا تروح يا بندر وانا أمك..
بندر بتأكيد _ جاي جاي ما راح اطول ..
عبير عضت شفايفهااا و دموعها
مغرقه وجهها ما تدري حزن على جنان و لا على بندر .. ما توقعت هالمنظر بيصير ببيتهم ..
فاطمه من سمعت كلمه أطلقها . قعدت على الدرج و يدها على حلجها تكتم صوت بجيها .. لهدرجه بندر صاحب الأخلاق و الرجوله يحذف أختي بلا رحمه و لا قدر صحتهااا . و أختي جنان .. تتعذب وهي بشبابها و هي تحمل أسم المطلقه .. يا خساره يا بندر ما قدرت ثمن الجوهره .. يا خساره عليك يا ولد عمي ..

طلع بندر من البيت .. و أم بندر أقلبتها مناحه في غرفتها .. و أبو بندر دش غرفته عند زوجته .. و النفوس الثانية في حاله ذهول .. جاسم أخذ شماغه و هي منحرج من زوجته الي لاحظ وجودهااا . و طلع برى البيت ..
عبير ألتفت لفاطمه بأسى و حزن ممزوج بإنحراج ..
قامت بسرعه فاطمه و راحت لجناحهاا تاركه عبير بالصاله ..




@@@@@@@@@@@@




فلا تأتين في درب الرذيلة ..
فأن الرب من فوقي يراني ..
وليل الهم لو أحلك ظلامه ..
فشمس الغد تظهر في أماني ..
وأمشي في طريق الحق دوماا..
فنور الحق فالظلمه يباني ..
وأن الموت آتي لا محاله ..
يزورك لو بأعماق المباني ..



فتح باب الشقه و دخلها بالأول ثم دخل بعدهااا و هو يقول _ أسفرت و أنورت ..
نوف بتوتر _ بلا كلام فاضي يلى
عطني الأشرطه ..
عزوز بلمعه شيطانية في عينه _ لا بعد الضيافه يا حلوووه
نوف و صوتها يرتجف _ لا مشكور .. و انا مستعجله ..
عزوز و يمسك نقابهاا _ زين أفصخي النقاب ما أعرف أتكلم معاج جذي ..
فصخت نوف نقابهااا بإرتباك ..
عزوز ما كان يعتقد انها بهالجمال هذا .. و طالع عبايتهااا الكتف الضيقه و مسكهاا من كتفهاا _ و هم بعد العباية تسبب لي حجه ( حكه ) ما أحبهاا ..
نوف بعصبية _ عزوز لا .. وجهي و بس ..
عزوز بتهور شيطاني مسك العبايه بيدينه الثنتين و قطعها بالنص .. و نوف بصراخ و تسحب العباية لجهتهاا و عزوز يسحبها لي حذف العباية بعيد ..
!!!!!!!!!!!!!!!!!!!!!!!!!!!!!!!!!!!!!!!
.
.



// الجزء الثامن //


طلع بندر من البيت و مو متوقع طرده أبوه له .. و الشي الي قاهره و كاره عمره .. نظره الإنكسار بعيون أبوه و أمه .. ما كان يتمنى يشوف هالنظره و هو راسه يشم الهواا .. بس المصيبه انه السبب في إنكسار والدينه ..
بندر و يطق صدره بعنف _ انا السبب أنا السبب ..
قعد بسيارته دقايق .. متندم على سرعته و تهوره .. رفع نظره تجاه باب الديوانية شاف جاسم ساند ظهره عالباب و يطالع بنظرات تقتل بندر مليون مرة ..
ثواني معدوده و جاسم يعطي بندر ظهره و يدخل الديوانيه ..
بندر بألم _ لا يا جاسم لا طاعني
جذي .. لا يا جاسم ..
حرك بعدها بندر السيارة بحسره و ندامه .. خسر أبوه و أمه و أخوه و الله يستر من عمه و محمد ... الله يستر ...
تذكر فندق الشيراتون دايما ينام فيه إذا أشرف على أستقبال الوفد لعقد صفقه مع شركتهم..
أنتبه لنغمه جهازه الداله على الإتصال به . أخذ الجهاز لقى أخته عبير المتصله .. طنشها مو فاضي لها و لا لأحد موليه ..
أخذ خط الفندق بشكل سريع ..


***********************


عبير بعصبيه حذفت جهازها على سريرها _ ليش ما يرد علي ؟!
ثم اسحبته مرة ثانيه و دقت على جاسم .. و هم جاسم ما يرد عليها .. دقت مره ثانية عل و عسى يرد عليها .. بعد ثلاث رنات ضغط جاسم على زر الرد و هو منسدح على الصوفا و الشماغ مغطي وجهه .. جاسم بتعب _ نعم ..
عبير بلهفه _ جاسم وينك يا خوي ؟
جاسم _ موجود بالديوانية . ليش ؟
عبير بألم _ جاسم انا ادق على بندر و بندر ما يرد علي .. ما تعرف وين راح . ؟
جاسم _ والله علمي علمج .. من طلع برى البيت وانا مادري وين راح ..
عبير بعبره _ زين شلون يعني بيتم بعيد عنااا .. ( قعدت تبجي ) ما يصير يا جاسم هذا بندر !!!
جاسم و يضغط على أصابعه بقوة _ الله كريم يا عبير و كلها يوم أو يومين و الوالد ما يصبر على فراقه وبينادينه ..
شاف مافي رد من أخته بس صوت شهقاتها الي توحي وجودها .. جاسم بحنان _ حبيبتي عبير بسج بجى و بندر بيردلنا إن شاء الله .. خلاص عاد ..انا تعبان و انتي قاعده تزيدين علي ..
عبير تحاول تمسك عمرها _ آسفه ياخوي ..
جاسم بإبتسامه _ يلى عبور نامي و لا تحاتين بندر تلاقين الوالد ألحين متندم على طردته ..
عبير _ ياريييت ياجاسم وعشان ترتاح يلى مع السلامه
جاسم _ الله يسلمج .


عبير و على وضعيتها بالسرير مر عليها شريط أحداث زيارة بندر لجنان وشلون كان أصرار جنان لجية أخوها ..
عبير بحسره _ الله يهداج يا جنان سببتي مشكلة بين ابوي و اخوي ...
طفت الأبجورة و غطت بالشرشف راسها ..
لتستسلم لنوم خالي من التعب و الأرهاق ..



فاطمه دخلت شقتها تحس ببروده بأطراف يدها مو مصدقه ولد عمها و حماها يطلق أختها .. بندر بندر ما غيره !! شنو الشي الي شايفه على أختها !! عشان يشفع له ؟! ليش يعلقها أكثر من خمس سنين و أبوي يرفض الشباب عشانه و آخرتها يحذفها .. يا ويل حالج يا جنان .! طالعت ساعتها الفضيه " الجيفنشي " هديه بندر بمناسبه طلعتها من الأربعين قالت بحسره _ يااااه يا بندر الله يسامحك ..
كانت الساعة تشير لــــ 9:30 مساءا ...
أخذت جهازها و أضغطت على رقم (( أم الحلوين ))
بعد أربع رنات .. ردت عذاري _ هلا و مسهلا بأم حــــور ..
فاطمه بهم _ هلابج شخبارج و شخبار عيالج ؟
عذاري _ الحمدلله تمام و الكل بخير .. انتي شخبارج و شخبار أهلي و بيت عمي ؟ إن شاء الله تمام ...
فاطمه بعبره _ موو بخير يا عذاري مو بخير ..
عذاري بخرعه _ بسم الله فاطمه ! ! شفيكم تكلمي أبوي أمي فيهم شي ؟
فاطمه ببجى _ بندر طلق جنان ..
عذاري بصدمه _ شــــنــــووو ؟
فاطمه تحاول تمسك نفسها _
طلقها طلقها ..
عذاري بقهر _ حسبي الله عليك يا بندر .. مثل ما حــــ
قاطعتها فاطمه _ لا لا يا عذاري لا تتحسبين على ولد عمج مهما يكون ..
عذاري _ ليش ما أتحسب عليه ! هو هو لو عند ذره من الرجوله و المروءه جان ماطلق بنت عمه قبل زواجها بشهر و لا جان حجرها من سنين .. زين أهي عندها خبر و لا لأ ؟
فاطمه تشاهق _ لا حتى أهلي ما عندهم خبر .. و بيت عمي توهم يدرون ..
عذاري بحقد _ النذل .. محجرها 5 سنين ثم بعدين يقطهااا ..
شفيه ولد عمج فيه شي .. ؟
الناس يا فاطمه ماراح ترحم .. و أختج طايحه بالمستشفى شهالقلب الي يحمله .. !!
فاطمه بألم _ الله يسامحه مع انه رجال عاقل انا أعرفه عدل بس طلاقه صدمه لنا .. أوه يلى تامرين على شي ..
عذاري بعجله _ ايه جنان لا تدري لا تدري إلا بعد ماتطلع من المستشفى .. و أمي أمي يا فاطمه ديري بالج عليها تعرفينها ما تحمل هالمواقف و ما ترضى على جنان أوكي
فاطمه بطاعه _ أوكي يلى مع السلامه ..
عذاري _ الله يسلمج ..

أضغطت فاطمه على زر أنهاء المكالمة .. مشت بخطوات معدوده لغرفة بنتها حور .. سمعت أصوات حور مع الخدامه .. أفتحت باب الغرفه بشويش و دخلت راسهاا .. أبتسمت فاطمه بمراره .. و دموعها على خدودها .. تشوف نور عينها معقده حواجبها واطاع الخدامه بغضب و تحاول تاخذ الألوان الشينية من الخدامه ..
ردت راسها لورهاا و أسكرت الباب بنفس الهدوء .. للحين صدمتها بخبر طلاق أختها منغص عليها .. و منظر عمها و إنكساره بالرغم من موقفه مع ولده بس عيونه توضح انكساره .. راحت لغرفتها تبي تنام عالأقل يخفف عليها من التوتر .. شغلت الليت .. وطاحت عينها على بجامه جاسم معلقه على الشماعه .. زاد بجيهاا لمنظر جاسم الي ما فارق مخيلتها .. مشت لكبتها و أخذت بجامتها الحريريه البيضا و ألبستهاا ..

أسحبت كماشتها النحاسيه و أنسدل شعارها بنعومه على كتفهااا .. قعدت اطالع بشكلها بمنظره الغرفه الكلاسيكه .. عيونها ذبلانه و خشمها حمر .. ألتفتت فجأة لباب الغرفه و لا جاسم داش و شماغه محطوط على كتفه .. ضاق خلقها زياده من شكله .. كان وجهه مسود و مهموم ..
طلع صوت بجيها بقهر ما تمنت تشوف زوجها و ابو عيالها بهالمنظر .. تقدم لها جاسم بحنان .. مسك يديها بلطف و قعدوا على السرير .. قال بهمس _ أحنا مالنا شغل بلي يصير .. انا جاسم زوجج أبو بنتج و هذاك ( يأشر لباب الغرفه ) بندر ولد عمج و حماج .
رفعت يدها لتمسح دموعها ..
لكن أصابع جاسم سبقت يد فاطمه . فمسح دموعها بخفه .. و نزلت فاطمه راسها بحيا ...





@@@@@@@@@@@@

// بيت بو أحمــــــــــــــد //



دخل بو أحمد و عياله البيت لقوا أم أحمد أتابع التلفزيون بإندماج سلموا بصوت مسموع ..
أم أحمد _ و عليكم السلام .. الحمدلله أنكم جيتوا هالحزه ..
بو أحمد و هو قاعد _ ليش في شي ؟
ام احمد تبتسم _ لا ما في شي مهم بس عشان تعشون ..
بو أحمد ناقد _ ليش واحنا ما نتعشى . ! كل يوم واحنا متعشين ..
ضحكوا الشباب على وجهه امهم الكاسي بالألون الأحمر .. أم أحمد بحرج _ لا قصدي اليوم العشا خلص أمبجر ..
بو أحمد و يمسح ركبته _ آآها الله يهداج جان قلتي جذي من الأول .. آه يا راسي ذبحتني هالمحاكم ..
أحمد وقاعد عند ابوه _ الله يعينك يبه . و هذا الشغل لازم ننكرف و نطلع الفلس بذمه و ضمير ..
بو أحمد بهم _ إيه يا أحمد معاك حق بكل كلمه بس يقللون ساعات الدوام و بعدين الي باط جبدي انـــ


بنفس المكان دار حديث بين نواف و امه ..
جا نواف و قعد جنب أمه بقرب .. و عيونه تتفحص الصالات المفتوحه على البعض .. أم أحمد لاحظت أنه يدور على أحد .. سألت بتوتر _ شفيك يابوي قاعد تلفت ؟
نواف بتساؤل _ وين نوف يمه ؟
بلعت ريقها ام أحمد _ رااحت لعرس رفيجتها ..
نواف بضيق _ برووحها يمه ؟
ام أحمد _ ايه يا نواف .. مافيها شي .. كل بنات هالوقت جذي !!
نواف بقهر _ و مو ذابحنا إلا بنات هالوقت .. كل شي عادي عادي ليما يطيح الفاس بالراس .. يمه بنتج ديري بالج عليها مو كل شي تبيه تنفذيلها .. الزمن هالوقت يخوف .. فاهمه قصدي يمه ..
ام أحمد بتغير الموضوع _ أقول نواف إجازتك خلصت و لا باقيلك ؟
فهم قصدها نواف وقال بضيقه _ لا بعد باجر تخلص .. بس يمه نوف ولي يعافيج شدي الحبل عليها و انـــــا ..
قاطعهم بو أحمد _ شفيكم تساسرون ؟ خلونا نشاركم ..
ام أحمد و هي قايمه بتروح للمطبخ _ سوالف عاديه ما حبينا نزعجكم . يلى انا بنجب لكم العشا ..
أحمد و يصفق _ عااااااااشت الشيفه ..
أم أحمد تمثل العصبية _ أحترررم نفسك يا ولد عيب تقول عن أمك شيفه ..
الكل نقع من الضحك ..
طلع نواف تلفونه من مخباته و ضغط زر أتصال على ((نوف))
لكن لا مجيب .. حاول الكرة تلو الآخرى بنفس الشي لا مجيب .. بعصبية قام من الكرسي وسط أنظار أبوه وأخوه .. نواف وبوسط الدرج قال أبو أحمد _ وين رايح العشا كاهو واصل ؟
نواف و يطالع أبوه _ باخذلي شور عالسريع و جايكم إن شاء الله ..
ابو أحمد _ عجل لا تأخر وانا ابوك ..
نواف _ أبشر يا الغالي ..




#################


// المــســـتـــشـــفــــى //

جنان في دوامه من الأفكار الشينه .. بندر طلق و لا للحين يشاور عمره بس هو واعدني بالطلاق .. و لا بطلقني بعد ما أطلع من المشفى .. زين لو طلقني أكيد هاذي الي ماتتسمى بتقط عمرها عليه أعرفها لا حلال و لا حرام يردعها أصلا لا ولي عليها ناس مهيتين بنتهم ..
كأنها أنتبهت لنفسها و الكلام الي تقوله _ أستغفر الله أستغفر الله اللهم لا شماته بعدين مو هذا يا جنان الي تبينه طلاق و كاهو ولد عمج بينفذه . بيتزوج نوف و لا يتزوج اندونيسيتهم تحملين نتايج قرارج

( سرحاااااان القمر بمنووو ؟ )

جنان بخرعه _ بسم الله الرحمن الرحيم .. الله يهديك ياخوي خرعتني ..
محمد يبتسم ويحب جبهتها _ سلامة قلبج .. شخباااارج ؟
جنان _ تمام الحمدلله .. الأهل شخبارهم ؟
محمد ويقعد عالكرسي _ كلهم بخاااار يسلمون عليج ..
جنان وتقدم القهوة و سله مليانه كاكاو روشيه ..
جنان _ تفضل يا بو عمر ..
محمد ياخذ روشيه وفنجان قهوه _ دام فضلج يا الغاليه ..تصدقين منحاش من هالدلوعه النبشه بروح معاك بروح معاك .
قلتلها أوكي تزهبي وانا أنطرج بالصاله و أقضبلج الباب .. كاهي ( يطلع جهازه ) ثلاث مكالمات لم يرد عليها .. خخخ
جنان بعطف _ حرام تبي تحرمني من أختي ..
محمد توهق _ أقووول بس عاااد يامعووده أقص ايدي إذا ماقلبتوها هوشه بهالجناح .. أعرفجن خواتي ..
أضحكت جنان و الألم زاد عليها فعبست وجهها _ آآآي ..
محمد بخوف _ يعورج ..؟ أروح انادي النيرس ..
جنان ويدها عالألم _ لا لا آه لا عادي ياخوي ألم بسيط .. بس أنت أستريح ..
سألت جنان _ محمد امي ليش ماجت معاك .. ؟
محمد يحك البرنيطه الجويتيه على راسه _ الغاليه عند جيرانا ام عووض ..
جنان _ آهااا أجل ناسيتنا من زمان ..
محمد بيرد و لا جهازه يرن طالع بجنان و قال _ الله يستر ..
أبتسمت جنان من هالجمله عرفت يقصد منو ..
ضغط على الرد .. محمد _ هلا
بدور بأمر _ ليش ما رديت من أول رنه .. ؟
محمد _ ها حلوه هاذي بس أقول لا يكثر قبل ليش ما ترد على المكالمات و ألحين عشان رديت تقولين ليش ماترد من أول رنة !! ماكو شغل صح قلتي الجهال لعوزوني خل اطلع الحره بمحمد موو ؟
بدور بعصبية _ محمد لا تقلبها علي توديني باجر توديني سامع يا محمد ؟
محمد _ آه أستغفر الله أوكي وين تبيني أوديج ..؟
بدور _ماكو غيره أرض المعارض ..
محمد _ شحقه ؟
بدور تحاول تكون طبيعية _ في جناح لماركة شوبارد وانا يا محمد ماجهزت لعرس جنان من ناحية الإكسسوارات وانت عارف ..
محمد بهدوء _ بس هذا الي تبيه أبشري يا ام عمر جم عندي ام عمر و ام عثمان و أم عايشه جم عندي ماعندي إلا وحده و بطت جبدي ..
بدور _ أقول أذكر الله لا يتفنقش واحد من عيونك .. و انا ما بط الجبد .. انا يتفدى بي ..
محمد بتحرش _ ياااشين الواثقين ..
بدور بسرعه _ حمووودي مع السلامه .. ( سكر الخط )
محمد و يوجه التلفون لجنان _ مرت أخوج مصلحجية ..
جنان أبتسمت بإنحراج من هالموقف الحرج بين أخوها و زوجته ..
قام محمد وحب جبهة جنان _ يالله مع السلامه جنو ..
جنان بدلع _ حمود أخذني معاك بطلع ..
محمد _ كلها باجر و تطلعين .. شحقه العجله .؟
جنان مد بوزها بدلع ..
قال محمد _ والله لو يطيح ماكو طلعه يعني ماكو ..
مشى لي وقف عند الباب و قال _ مع السلامه ..
جنان _ مع السلامه ..




>>>>>>>>>><<<<<<<<<<



// شـــــقـــــه عـــــزوز //


سمعوا صوت نغمه موبايل فمسك عزوز شعر نوف بعنف و ريحه الخمر تفوح من حلجه بقرف .. _ شوفي الشقه تنسيها و تنسيني فاهمه ؟
شافها خاضعه راسها للأسفل و لا حراك فشد على شعرها بقوة _ سامعتني يا قذره ؟ و لا أعيد كلامي ..
نوف و جسمها يرتجف من بروده التكيف .. هزت راسها بقوة .. و دموعها جفت من البروده .. تركهاا بقرف و طلع للصاله يشوف هالجهاز الي ماسكت عن الرنين ..
أول ماطلع أركضت نوف لملابسها المحذوفه عالأرض .. ألبستها بإهمال بس تبي تحمي نفسها من عزوز و من بروده التكيف..

أخذ عزوز جهاز نوف .. شاف (( نواف يتصل بك )) أستحقرها زياده و حط عالصامت .. ورجع للغرفه لقاها واقفه و لابسه هدومها فجذبها من كتفها ..
وقرب فمه من إذنها قال بهمس _ لا أشوفج ثاني مره أوكي ياحبي يلى برى ..

بعد ما أنتهى من كلامه أركضت نوف بهلع أدور عبايتها و أغراضها لقتهم عالصوفا بالصاله .. ألبستهم عالسريع و أخذت جنطتها بخوف .. أتجهت لصوب باب الشقه حاولت تفتحه لكن الباب مسكر ألتفت لورى و بجت بحرقه تدري وراها أخوو ينطرها بالبيت وراها رجال بس ما صانت الثقه ولو ربعها .. قالت بإنهيار _ أحب يدك بس بطل الباب الله يخليك امك بس بطله بطله ..
مشى عزوز لي وصل عندها .. فتح الباب بإستحقار و مسك طرف عبايتها و دزها لبرى الشقه ..
نوف طاحت على الأرض بضعف و قله حيله .. فتحت جنطتها بسرعه و لقت جهازها طلعت .. شافت 6 مكالمات لم يرد عليها من نواف و 8 من أمها و 3 من عهود ..
قعدت اطق راسها من الخوف اكيد قالب الدنيا فوق تحت .. تمنت تموت و لا تجي للهلاك برجولها حست بعظمة فداحه الأمر .. و طريق اللذه المحرمه ما يجني غير الضنك و العذاب لصاحبه .. دقت على رفيجه الشر .. شياطين الأنس ..
عهود بهيام _ هلاااا
نوف ببجي _ لحقي علي يا عهود ..
عهود بخرعه _ شفيج تصارخين ؟
نوف _ تعالي لشقه النذل بسرعه تكفين ..
عهود _ أوكي الحين جايتج ..
سكرت نوف تلفونها و قلبها يطق طبول من مصيرها المجهول .. عفتها راحت .. منو الي يرضى يتزوج بنت غلطت هالغلطه الفادحه . ! هذا اذا ما ظهر عليها حمل بجنين غير شرعي .. يا الله ..
نوف بقهر من سذاجتها و تبجي بحرقه _ شلون شلون جيت شلون ؟ يا ويلي من نواف وابوي و أحمد .. يا ويلي ..( سبحان الله .. العبد اذا ما جعل الله نصب عينيه في تحركاته .. هان عليه فعل الموبقات لا من صغار الذنوب .. و إذا كان خائف من عبيد مثله .. جعل يفكر بهم عند أنتهاءه و يقظته من فعلته الشنعاء ..و لا يتذكر أن الله يعلم السر و أخفى و العبيد يرون العلن الظاهر فسبحان الله )
وقفت على حيلها الضعيف .. و أركبت الأسنسير بضعف و بهوان..




// بــــــــــنــــــــــدر //


فتح باب غرفته بالشيراتون .. محتاج لأحد يسمع له .. محتاج أمه بهالظروف .. محتاج زوجه بالأزمات تنتشله من مآزق هالأزمات .. تذكر الهنوف بس بسرعه استغفر ربه .. المره على ذمة رجل .. تمنى جنان قدامه ألحين ..! حرق قلوب أهله أغلى الناس عنده من أجلها .. و هي آآه و هي تقولها ما بيك .. وينج قبل خمس سنين عن ابوج و اخوج .. توج تنتخين بي ؟
أخذله شور عالسريع و ارسل مسج لمحمد ' السلام عليك بو عمر ابي اشوفك ضروري شوف المكان و علي انا الدفع '




%%%%%%%%%%%%


في سيارة عهود .. الأجواء متكهربه .. نوف بصراخ _ عهود رحت فيها خلاص انتهيت ..
عهود خايفه من ردة فعل نوف _ هونيها و تهون يا بنت الحلال ..
نوف بسرعه تلتفت لعهود _ شلون أهونها و أخواني بيشكون فيني ..
عهود بتوتر _ سوي نفسج طبيعيه .. ولا تخلين حولينج شبهات ..
نوف بقهر _ أنتي مو فاهمه شي ولا بتفهمين .. انا كل شهر جايني عريس بس أرفض عشان بندر و ألحين وين انا عن بندر ؟!
عهود تقاطعها _ ولد عمتج انسيه الرجال متزوج .. وانتي ألحيــــن مو ..( سكتت )
نوف بحسره و ندم _ قوليها مو بنت يعني مو شريفه صح هذا قصدج .. ؟!
عهود وتصفط عند بيت نوف ..
نوف لا شعوريا طالعت بشقه أخوها في الدور الثاني شافت الأنوار طافيه ..
نوف براحه _ أشوى نايم ..
عهود _ أهم شي كوني ريلاكس لا تصيرين متشنجه بعدها يشكون ..
نوف _ اوكي ..

دخلت البيت بخفه لقته ظلام تأكدت ان الكل نايم .. فأصعدت الدرج بهدوء .. لقت شقة أخوانها مظلمه .. حمدت ربها بسرها .دشت غرفتها و سكرت الباب وراها .. تبي اطهر الأرجاس عن جسدها .. أخذتلها شاور دافي ..

طلعت أكرمكم الله من الحمام شافت كذا بقع زرقاء على نحرها و عضدها و أجزاء من جسدها ..
نوف بحرقه _ حسبي الله عليك يا خسيس .. الله ياخذ حقي منك .. و أشوف أختك ومهــتــ ..
ألتفتت بخوف و ربكه .. لباب غرفتها الي يطق .. قالت برجفه _ منو عند الباب ؟
نواف بحزم _ انا نواف يا نوف ..
نوف بطبيعة المذنب يعتقد أن الكل شايفه بلحظه فحشه ..

نوف برجول مرتجفه و يد بارده وصلت لباب غرفتها و افتحت الباب .. كان نواف واقف وفاتح ذراعينه و حاطهم على جوانب الباب ..
نوف وعيونها بالارض و كأنها تنطر كف محترم من أخوها ..
نواف بجدية _ ليش ما أخذتي أمي معاج ؟
نوف و تنفس الصعداء .. أرفعت نظرها لأخوها قالت _
آسفه .. بس لاني ما بأطول قلت أرتاحي ما يحتاج ..
نواف و يكتف ذراعه وعيونه أددق على نحر أخته .. قال بإستفهام _ شنو هالكدمه ..؟
نوف بتأتأه وجهها حمر _ ههاذذي طيحه بالحمام عزك الله ..
نواف _ أهااا أوكي باجر عالــ 9 تكونين جاهزه انا بوديج المستشفى عشان يصرفولج مرهم .. أوكي ؟
نوف بتوتر _ أوكي ..
نواف _ يلى مع السلامه
نوف _ مع السلامه ..

سكرت نوف الباب ببطء .. استندت على الباب .. نوف بهمس _ أكليها يا نوف أكليها ..





====================


أنسدل ستار اليوم بالكثير من الأحداث ..
قلوب توجعت و ألمت بقرارات لوت أذراعهم .. أشخاص أنتهكت أعراض المسلمين .. وبطشت بالعقول الصغيره ..
نفوس قضت على حياتهم و أحلامهم بتسرعهم في أتخاذ قرارات متسرعه .. و ناس فرطت بإعطاء ثقه عمياء بفلذات أكبادهم حتى أنتهى في خسر العفه و الطهر ..


// شارع الخليج //


بندر قاعد على كرسي قدام شارع البلاجات .. يفكر في محمد و عمه .. و علاقته فيهم ..
السبب جهزه بس المشكله التقبل .. شلون بيتقبلون طلاق بنتهم من ولد عمها .. بندر بآهه _ آه الله يسهلها ..

لمح محمد جاي بلبس سبورت فإبتسمت شكثر هالرجال يحب السبورت و نادر ما يلبس اللبس الوطني ..
قام بندر عشان يسلم عليه ..
محمد _ هلااااا بو عذبي ..
بندر و يحبه خد _ هلا بك بو عمر ..
محمد _ شخبارك و شخبار الأهل ؟
بندر بهدوء _ الحمدلله تمام ..انت شخبارك ؟
محمد _ تمام .. ها شهالكرم الي نازل عليك .. اي نسيت ابوي يسأل ليش انت و عمي مو مداومين بالشركه .. ؟
بندر حس بتوتر الموقف و عظمته .. تمنى ما ولد و لا ينطق بالكلمات الي حضرها بالليل ..
محمد بإستغراب _ بندر ياخوك شفيك سرحان أكلمك انا .. ؟
بندر يلف وجهه ناحية البحر بهم حس كأن الدنيا على ظهره ..
محمد خاف من شكل بندر المهموم حس السالفه كبيره
هز كتف بندر بخوف _ بندر عمي فيه شي ليش ماجى الشركه تكلم .. ؟
بندر هز راسه بلا و ألتفت لمحمد و بلسان ثقيل قال _ محمد انت حبيبي و فوق على راسي و أخوي بعد .. الي بقوله لك بعد شوي لا يأثر على صداقتنا و على صلتنا ؟
قاطعه بسرعه محمد _ بندر تكلم قول شعندك ..
بندر نزل نظره للرمل ثم حطها بعيون أعز الشباب لقلبه .. قال _ طلقت جنان ..
بلا شعور و تهور قضب محمد دشداشه بندر من فوق و زخه للأعلى و عيونه حمر _ شنوو تقول يا حقيــــ .. و بصق على الأرض ..
مسك بندر يده محمد بخفه و يقول _ سامحني يا محمد بس انا مو قد المسؤولية ..
محمد بقهر و يرص اسنانه _ ألحين ألحين يا بندر تكلم .. وينك من زمان .. ؟ ليش ملجت عليها ثم اطلقها ؟ ليش تحجرها خمس سنين ثم تقول مو قد مسؤولية الزواج ؟ ..
بندر بهمس و يطق صدره _ آسف يا محمد أدري و رب الكعبه اني غلطان ..
محمد بحرقه _ لويت ذراعنا يا بندر من اليد الي توجعنا يا ولد العم ..
تقدم بندر لمحمد و حب راسه _ محمد و الله جنان غاليه .. بس الوالد مصر عالزواج وانا قلتله بس تعرف شيابنا .. سامحني يا محمد ..
نزل محمد يده و صد عن بندر و مشى من حيث ما جا ..

نزلت دمعه من بندر دمعه قهر و حزن .. هذا آخر شي تمناه ..




xxxxxxxxxxxxxxxxxxxxxx




دخلت سارا على أمها و جنطتها محذوفه على الأرض ..
سارا _ آآآآف ما بغيت أخلص ..
ام محمد _ زين شيلي جنطتج من على الأرض يا سويره ..
سارا _ يمه كتفي عورني ..
ام محمد _ زين نادي الخدامه
تشيلها لج و تصعدها فوق ..
سارا و تقعد عند امها _ يمه خليني استانس .. خلاص امتحانات بــــــــح .. يعني شنو ؟
أم محمد تاخذها على قدها _ يعني شنوو ؟
سارا _ يعني عالمغرب نرووح للشوبنق ..
ام محمد _ لا مافي روحه اليوم .. أختج بتطلع من المستشفى ..
سارا تذكرت حركه محمد _ ايه وين محمد ؟
ام محمد _ بالدوام مع ابوج ..
سارا بدلع _ يمه شفتيه امس نجلني قلته بروح معاك لجنوو و انحااش ..
ام محمد _ أحس تستاهلين كل شوي ورجلج معتبه الباب .. أركدي أركدي ..
سارا مدت بوزها _ يــــمــــه
ام محمد بعصبيه _ و صمخ ..
سارا و يده على حلجه _ سكت .


دش ابو محمد و محمد بوجيهه مهمومه و كئيبه ..قعدوا و لا نطقوا بكلمه وحده .. قامت ام محمد تخلي الخدامه تنجب الغدا .
سارا قعدت تخز محمد بنظرات مقهوره .. شافها بو محمد قال بعصبيه _ شفيج اطاعين أخوج جذي ؟
سارا بحرج _ هااا ماكو شي يبا ..
محمد بهدوء _ سارونه قومي ساعدي امي بالمطبخ ..
قامت سارا بسرعه بملابسها المدرسه .. للمطبخ تساعد امها .


قال محمد بضيقه _ ها يبا فكرت
؟!
بو محمد بهم _ أصبر لي تطلع من المستشفى و انا أقولها ..
بس تصدق يا محمد ما قاهرني و حارق قلبي أخوي ليش يغصب الرجال .. ؟
محمد بأحترام _ يبا كاهي جنان غصبناها عليه ..
بو محمد _ البنت غير عن الرجال يا محمد ..
سكت محمد ما حب يتجادل مع أبوه بمسأله عرف ..




// الجــــــ التاسع ــــــزء //


:: بيت بو بنــــــدر ::

على الغداء الكل مجتمع على المائدة .. ما عدا أم بندر الي نفسيتها تعبانه من يوم ما طلع بندر و رافضه يطب فمها أي شي ..و منسدحه على فراشها بهم و حزن .. و شعور بالمراره
قال بو بندر _ عبير نادي أمج تلاقينها بغرفتها ..
عبير بحزن _ أبشر يبه ..
راحت عبير لغرفه امها .. شافتها منسدحه عالسرير كان شكلها مؤثر .. اسرعت لها عبير بالمشيه وحبت يدها _ يمه الغدا زاهب ..
أم بندر ببكا _ ياناس أرحموني
جيبولي وليدي ..
عبير وتبجي _ يمه ولي يعافيج انتي اكلي و بندر بيجي إن شاء الله ..
ام بندر بحسره _ ضاع قلبج يا ضبيه ضاع ..
عبير _ ما بيضيع إن شاء الله اسبوع بالكثير و يرد لنا.
يلى يا الغاليه الغدا بيبرد ..
ام بندر _ روحي تغدي انا مو مشتهيه شي ..
عبير تمسح دموعها _ يمه عشان خاطري ..أكلي بس لقمه عشاني يمه ..
ام بندر و تقوم من على سريرها _ آه ياراسي .. ( تمسك راسها )
عبير بخوف _ يعورج يمه ..
ام بندر _ روحي انتي تغدي وانا باكل بندول و بلحقج ..



#################


بندر بعد مواجهته مع محمد وكيف كانت الرده الفعل قرر ياخذ إجازه أسبوع عشان يسافر لأطهر بقاع الأرض مكة المكرمه .. يستنشق هواها الطاهر .. يمتع ناظريه ببيت الملك جل جلاله .. يفضض ما في قلبه لله وحده .. فـ لله المشتكى .. بيطهر ذنوبه و آثامه بــ تعبده لخالقه .. و يطلب من الله الخير له و لأهله ..

سافر بندر على أقرب طياره توصل لمكه المكرمه ..
تذكر القلوب الحنون .. تذكر بسمتها لاشافته مرتاح .. تذكر أهتمامها و شغفها بتجهيز جناحه .. تذكر اليوم الكئيب و ضعفها كيف كان و رجاها له انه ما يتركها .. أعتصر قلب بندر حزن و حسره على طيشه و تسرعه .. بلا شعور ضرب يده بالكرسي في مقاعد الدرجه الأولى للخطوط الجويه الكويتيه
تألم بقوة الضربه .. قال بندم _ سامحيني يا مويمتي ..


:::::::::::::::::::::::::::::::::::::::::


بدور بترحيب _ يا هلا و يا مسهلا بشمعه الجلاس .. تو مانور البيت ..
جنان والتعب واضح على وجهها قالت _ بوجودج يا أم عمر ..
أم محمد تأشر على الصوفا _ جنان قعدي حبيبتي ..
فجأة سمعوا صراخ و ضجه واصلهم من الدور الثاني و لا سارا تركض من على الدرج _ مرحبا يا مرحبا يامرحبا بالطش و الرش ..
ضحكوا على روحها المرحه وهي تركض بخفه لجنان و تحبها حييل ..
جنان تحرش _ آي خوش حبه هاذي .. أخاف من الحره مو من الفرحه .. ؟
سارا _ آفااا انا مو فرحانه بشوفتج ؟ يا حيف يا حيف ..
بدور _ سويره ولي يعافيج روحي جيبي الكيكه بالثلاجه ..
سارا بدلعها الطفولي _ من عنوني يا آآآمر ..
سارا تمشي للمطبخ ألتفتت جنان بصدمه لبدور و امها _ لا لالالالا ما أصدق هاذي سارا أختي ؟!
أضحكت أم محمد و قالت _ وانا امج هاذي سارا أختج صدقي صدقي .. من فرحتها بانتهى اختباراتها صارت مطيعه 10/10 ..
بدور _لا وزيدج من الشعر بيت انا مواعدتها نروح سوا لفيلا مودا هالأسبوع عشان تجهز لها كذا شغله على قولتها شغل عطله الصيف ..
جنان بإبتسامه _ دوم ان شاء الله ..
الكل _ امــــــيــــن ..
سارا و هي جايه معاها الكيكه _ تأمنواا على شنوووو؟
ام محمد _ اقول بس دقي على ابوج و أخوج شوفيهم جم باقيلهم و يوصلون ؟
سارااا _ آبشري يا فداج عنوني كلها ..
جنان افلتت منها ضحكه محبوسه .. طالعتها سارا بإستغراب فقالت _ جنووو حبيبتي شفيج تضحكين ؟
جنان ودها تقول مو لايق عليج البنت الخدومه و المطيعه .. لكنها ماحبت تفشلها قالت _ لا بس تذكرت موقف مضحك ..
سارا كأنها حاسه انها لها دخل بهالضحكه قالت بإبتسامه متصنعه وواضحه _ آهااا عشان جذي تضحكين .. ( راحت بعدها)
ام محمد _ ياويلي على بنتي كل هالطيبه عشان هالفيلا مودااا ..
لا حول و لا قوة إلا بالله ..
بدور بضحكه _ أحس انها تمثل قدر المستطاع ..
جنان _ انتي شفتي بسمتها لي كأنها تدري اني أجذب عليها ..
ام محمد _ قل أعوذ برب الفلق . أذكري الله البنت ذكيه من وهي صغيره ..
جنان و بدور _ لا إله إلا الله ..
بدور _ جنان محمد ماقالج شي و هو رايح لعذاري ؟
جنان تحاول تتذكر _ أممم لا ليش ؟
بدور _ لا بس موصيته على شغله يجيبها من الصيدليه بس الله يصلحه شكله نسى ..
جنان تهز كتوفها _ يمكن ..!
أم محمد بصوت عالي _ ساراا ..
سارا بغرفة امها _ نعم يمه ..
ام محمد _ رد عليج أبوج ؟
سارا _ اييه يقول كاهو بالطريق ..
ام محمد مستغربه بنتها سارا بغرفتها للحين ما طلعت ..
سألتها _ وانتي شمقعدج بداري ؟ سألتي أبوج و خلاص !!
سارا و طلع راسها عليهم من باب الغرفه وتبتسم _ قاعده أرتبلج غرفتج ماما ..
بثواني أنفجرت جنان و بدور من حركات سارا و خدمتها اللا معهوده ..
أما امها خافت على سارا قامت بسرعه لغرفتها شافت سارا ترتب الشيفو نيره و هي تقول لها _ يمه أنتي فيج شي ؟ تحسين بشي ؟
سارا بعفويه _ لا بسم الله عليه مافيني إلا العافيه ..
امسكتها امها من يدها وطلعت من الدار .. لي وصلن للصاله و أم محمد تفحص وجهه سارا بدقه .. قالت _ لا أكيد فيج حراره و لا شي ..
سارا معقده حواجبها _ والله مافيني شي ..
ام محمد _ زين كل هالطيبه و الخدومه عشان فيلا مودا ( قالتها بإستنكاار )
سارا و تمط الجبنيز _ يمه انا متواعده مع رفيجاتي هناك عشان نشتري شغلات ..
ام محمد وتقعدها على الكرسي _ زين لو قتلتلج أكلملج أبوج نسافر هالصيف للنمسا ..؟
سارا بفرح _ صج يمه ؟
ام محمد _ ايه أحسنلج من فيلا مودا ..
جنان _ ايه والله أحسنلج من هالفيلا مودا .. والله هالسالفه سامعتها من وحده معاي بالكلاس تقول في بنت شرت جنطه ماركه قوتشي .. بعدين سافرت لإيطاليا و راحت لمحل يبيع جميع مستلزمات ماركه قوتشي و قعدت تسأل الحجي ( البائع ومن الأخطاء الي نقع فيها تسمية البائع بإسم محمد و هذا أكبر خطأ نفترض انه كافر نصراني او يهودي او انه بوذي مجوسي .. و حتى لو مسلم مدام اسمه مو محمد مايجوز انا نناديه بمحمد كأننا نستحقر هالاسم .. وانا سمعت هالتنبيه من الشيخ المطلق و يفترض مناداته بعبدالله بعبدالرحمن لأنه بالأساس عبد لله عزوجل ) * نرجع لـــــ القصه * و أتوريه هالجنطه الي شرتها من فيلا مودا سألته هل هالجنطه هي ماركه أصليه أو تقليد ؟ قالها هاذي مو قوتشي بالأساس ..
يعني ناس تسوي جنط و تطبع علامه الماركه ثم تقول ماركه قوتشي .. !
بدور _ بصراحه انا اول مره اسمع بهالسالفه و بعدين فيلا مودا تجيب أصحاب الماركات العالميه في الكويت عشان يعرضون جديدهم من عطورات و جنط و ميك آب .. و يبطلون لهم بعد فروع بالديره
جنان _ اوكي صح ألي تقولينه بس مو كل البضاعات أصليه او بالأحرى ماركه من الماركات . يعني في ناس تحجز زاويه او طاوله او لاين ثم تعرض بضاعتها بغش و تدليس
ام محمد تددخل _ استغفر الله عادي عندهم ياكلون مال الناس لو بالحرام استغفر الله .
بدور _ عاد النبي صلى الله عليه و سلم قال لـــــ
الكل _ عليه الصلاة و السلام .
بدور _ قال لسعد بن ابي وقاص _ يا سعد اطب مطعمك تكن مستجاب الدعوة ..
جنان _ و في بعد حديث قال الرسول صلى الله عليه وسلم عند وصف رجل اكله و مشربه و لبسه كله حرام قال ( أنا يستجاب له ) او كما قال .. أنا <<< على النون شده
سارا _ لاحول و لا قوة إلا بالله و انتي ( اطالع ببدور ) مواعدتني مع هذيل .!!
جنان _ لا يا سارا انا ما أعمم بس انتي تحري مو تشترين بعماج تأكدي عدل ..؟
سارا بثقه_ لالالا خلاص غيرت رأيي بروح للنمسا ..
بدور بغيض _ ماقول إلا ماااالت
جنان _ وانتي ليش بتروحين للنمسا يا حظي .. ؟
ألتفتت لأمها _ يمه شراايج نسافر لميلانو و باريس ؟
سارا بخشونه _ هااااااااي انتي الله بالخير شمدخلج بيناتنا ؟ حبيبتي روحي مع حبيب القلب لو تروحون لمثلث برمودا و لا تل أبيب كيفكم بس أهم شي ابعدي بعيد عناااا ..
جنان تحس كأن نار شابه بوجهها من كثر ماهي مرتبكه
ماتدري شني أسباب أرتباكها و توترها هل من طاري بندر و لا لأنهم ما يدرون ان بندر بيطلقها
مشاعر تملكت جنان بهاللحظه ..
حاولت تكون طبيعيه و ما يلاحظون تغيرها و توترها و خدمها بهالشي دخول ابوها و محمد مع عذاري ..

الكل فرح بوجود عذاري و قعدوا يسلمون عليها بحراره ..
جنان و حاظنه أختها _ أشتقت لج واجد ..
عذاري بتحرش _ أمس كنت عندج ..
جنان ببراءة _ صح بس جيتج عندنا اليوم غيــــــر ..
عذاري بنفسها تقول _ اي بالله اليوم عندج بيكون غير غير يا جنان ..
عذاري ببسمه _ بس اليوم ببات عندكم و باجر عالعصر سي سيد بياخذني ..
جنان بقهر _ آآآوووف يبط الجبد هالرجال ..
عذاري تخصر _ أشوفكم أخذتوا حريه الرأي بهالرجال بزوود ..
جنان _ اقول بس لا يكثر ..
محمد يمد كيس لبدور _ هاج كاهو الكيس ..
بدور _ شكراااا
محمد _ بس شكراااا ( يقلدها )
بدور تسوي بعيونها حركات يعني اسكت ..
أم محمد تسأل عذاري _ شلون وافق انج تجين ..
عذاري تشرب قهوه _ أمم عادي حاولت فيه و الحمدلله وافق ..
سارا تنادي طلال _ أنت ليش ما تسلم .. ! و لا على راسك ريشه ..؟
طلال أخترع و أنخش ورى أمه قالت عذاري بضيق _ يــــــوه يا سارا ترى الولد يخترع منج ..
سارا _ ليش يخترع مني شنو شايف ؟!!
عذاري _ شوفي حركاتج أول ثم تعالي حاسبيني .. !
ثواني و لا طلال يبجي بصوت مزعج .. أحضنته عذاري بحنان ..
وقالت لسارا _ ما خرعتيه ها ؟
هذا كله ما خرعتيه ؟!!!!
بو محمد ما قدر يستحمل من الضغط الي عليه قال بعصبيه _ أنتي لي متى بتكبرين ؟!
الكل سكت من صراخ بو محمد سارا من الخوف جتها العبره نزلت راسها بخوف ..
محمد حاس بأبوه و بالهم الي شايله بقلبه قال له _ استهدي بالله يا بو محمد ..
بو محمد بقهر _ قومي اصعدي فوووق ..
فزت سارا بسرعه و أركضت للدور الثاني ..
ام محمد و جنان و بدور كانوا مستغربيين من ردة فعل بو محمد الغريبه .. يا ما سارا تحرشت بالأطفال و كان بو محمد بس يضحك .. و إذا بجوا كان يقول لها بهدوء _ خلاص ..





الله أكـــبـــر .. الله أكـــبـــر ..
أشهد أن لا إله إلا الله
أشهد أن محمد رسول الله
حي على الصــــــلاة
حي على الفـــــــلاح
الله أكـــبـــر .. الله أكـــبـــر ..
لا إله إلا الله ..

بو بندر _ يلى الصلاة يا بنات ..
و طلع من البيت لمسجدهم ..
ما داوم اليوم في الشركه من فعلة ولده .. رفض انه يخبر و يعتذر لــــ أخوه عن طلاق ولده لبنته .. فــ حب يكون البلاغ من عند بندر ..

فاطمه ببملامح جامده تتقهوى مع خالتها و عبير ..
وكان الكل ماله خلق .. عبير شافت ان حاله امها ما ينصر عليها ..
عبير _ يمه
أم بندر بسرحان كبير .. ما حست ببنتها كلش .. أشرت عبير بيدها قدام وجهه أمها ..
أم بندر بضيقه _ شتبين يا عبير ؟
عبير _ يمه تبينا نتمشى عالبحر .
كانت فاطمه اتابع حوار لكن بقلب مجروح ..
أم بندر بهم _ بعد الصلاه نطلع أحس اني مخنوقه بس ابي اسمع صوته بس ..
فاطمه أبتسمت ابتسامه خفيفه
بحسره و مراره .
قالت عبير لفاطمه بحزن _ اليوم طلعت جنان ؟
فاطمه _ طلعت من العصر ..
نزلت راسها عبير شوي كأنها تفكر بشي ..




/////////////////////////



صعدت بدور لشقتها عشان تصلي صلاه المغرب .. بدون ما تحس بشي .. جيت عذاري مع خالها و زوجها ما حسستها بشي .. ربما كان لأبو طلال دور في لامبالاة بدور ..

بقى في الصاله الكل من الحريم ما عدا بدور ..

دش بو محمد و محمد _ السلام عليكم
الكل _ وعليكم السلام ..
قال بو محمد و هو واقف _ سويره أصعدي فوق ..
سارا بخوف _ والله والله يبا ما عودهااا ..
أبتسم لها وقال _ أدري انج ما بتعودينها بس ابيهم بموضوع خاص ..
سارا بغيره _ و جنان معاااااهم ؟
بو محمد _ و جنان معاهم ..
جنان بتقهرها _ ويت ويت ويت تبين كيس ؟
سارا _ سخييفه و بعدين شبي بكيس ..
جنان _ عشان تلقطين وجهج ..
كانت سارا بتكلم بس قاطعها بو محمد بعصبية _ بس عاد شهالألفاظ هاذي ؟ وانتي( يطالع بسارا) قلتلج اصعدي فوق تفهمين الكلام ؟
قامت سارا بخطوات سريعه .. لفوق ..

مشى بو محمد و قعد على غنفه .. ثم قال بخجل _ جنان تعالي يبه أهنيه ..
( يأشر على مساحه جنبه)
مشاعر و أحساسيس مختلطه غزت قلب جنان .. حست كأن وجهها يشحب .. بطنها يآلمها .. قامت و هي أطالع بأمها ثم بأخوها و آخرتها بعذاري .. .. كان فمها يبتسم بتوتر و خوف شديد .. مشت لي قعدت عند أبوها .. ونزلت راسها .. مسك ابوها يدها اليمنى و حضنها بحب و حنان بيديه الثنتين ..
أرفعت راسها جنان و عيونها بعيون أبوها .. تنطر يقولها بشكل صريح بعيد عن الإحتمالات .. بعيد عن التوقعات ..
أم محمد قلبها نغزها من شي شين بيصير .. قعدت على أعصابها .. ثم استغفرت ربها بقلبها و تعوذت من الشيطان الرجيم ..
عذاري دموعها أوشكت على السكب .. ملامح جنان ما هانت عليها .. أختها ما فرحت حتى بملجتها .. و يجي هو يطلقها يا الله صعبه صعبه عليج يا جنان ..
محمد من شاف جنان وتوترها و خوفها الواضح عليها نزل راسها .. من صغره و ما يحب يشوف خواته بهالضعف و الإنكسار .. ما يبي يشوف رده فعلها ما يبي يشوف دموعها ..

قال بو محمد بثقل و قلبه ينزف حرقه و ندم على مستقبل بنته .. _ جنان يا قلبي سامحيني و انا بوج .. ( سكت ثواني ) مالج نصيب مع بندر ..
جنان تهز راسها ببطء بإشاره لا.
قالت ام محمد بصدمه _ ششتقول يابو محمد ؟
بو محمد يحاول انه لا ينكسر قدام أهل بيته قال _ بندر طلق جنان ..
جنان بصراخ و يده حاطتهم على أذونها بتكتم صوت الحقيقه و بتكم صوتها وهي تقول هذا الي انتي تبينه ليش الحين تصرخين و تبجين .. توج تحسين بقيمته توج تندمين مافكرتي تغيرينه بعدين .. فرصه و رفستيها يا جنان ..
جنان بصراخ _ لاااااااا
ام محمد الصدمه شلتها عن الحركه و النطق .. كانت تشوف جنان و صراخها و رفضها سماع اي شي . ومكان العمليه يعورها بس تحملت بأقصى ماعندها ..
بو محمد مسك يديها و نزلها من على اذونها _ بس بس يا جنان . الزواج قسمه و نصيب .. و بندر خلاص ماضي و حاولي تنسيه .
جنان بعيون حمرا تهز راسها بلا .. قالت بتردد _ خلاص طلق ؟
أم محمد قامت من مكانها و راحت لغرفتها بهدوء ..
عذاري على طول ألحقت أمها .
جنان تلتفت لمحمد و تعيد سؤالها عليه _ محمد الله يخليك بندر طلقني .. ؟
محمد حس بحقد ناحية بندر _ أستغفرك يا رب ..
قام لي وصل عند جنان وقعد جنبها _ جنان أنتي مو كنتي ما تبينه خلاص كاهو سبحان الله الي تبينه صار ..
جنان بقلبها انتو مو فاهمين و لا راح تفهمون ابدا .. بس انتي طلبتي الطلاق منه .. فماله داعي هالندم ..!! لكن انا أبيه أبيه و بندر لي و انا له ..
قاطع أفكارها بو محمد _ كنت أتمنالج بندر لكن بندر مامنه حسوفه .. ( قالها بحسره )
قامت جنان من عندهم بتروح لغرفتها محتاجه جلسه هاديه صريحه مع مشاعرها المتلاطمه .. ابومحمد مغطي وجهه بيديه .. ما تصور ان بندر بهالشكل .. وهو الي يفتخر و يعتز إذا قالوا له هذا ولد اخوك و اشاروا به بالعنان .. طلعت آهه موجعه من بو محمد جعلت محمد يطالع ابوه بحزن ..
محمد بنفسه _ هذا ما جنته يداكم بس الله يهديكم .. أنتم تخططون و تنفذون و احنااا الي ناكلنا و فوق هذا نتحمل خطأكم .. الله يعينج يا جنان ..
جنان و هي على عتبات الدرج سمعت صرخه عذاري من غرفه والديها خلتها تنزل بسرعه و كان بومحمد و محمد يركضون ما يدرون شسالفه ..
جنان أفتحت غرفه أمها شافت الغاليه مغمي عليها على السرير
و عذاري تحاول تقعد و تصيح بخوف ..
حاولت تكلم بس ابوها و محمد امسكوها بصوب عشان يدخلون .. منظر امها كرها بنفسها أكثر و أكثر .. كل شي جميل بحياتها حست كأنه اندثر . شلون بتحس بالحياه و زينتها و امها مغمي عليها بسبة قرارها السريع ..


: : : اســــمـــعـــــوهــــــــــا : : :


لا يا يمه كل شي يصير و لا هالمنظر الي أشوفه ..
وعت على صراخ محمد يقول _ بسرعه انا بالسياره انطركم ..
شافت ابوها و عذاري يشيلونها بخفه ..
صرخت بأعلى ما عندها _ انا السبب انا السبب لو تروح امي انا القاتله .. كله مني كله مني ..
ابوها يطالعها بنظرات متسائله _ شتخربطين يا جنان مو وقته .. و امج ما فيها إلا كل بس ضغط و أرتفع ..
جنان تهز راسها بلا _ انا انا انا الي قلت لـــــ بندر يطلقني ..
بحركه مفاجئه من أبو محمد سحب شعرها بقهر .. قال بعيون مقهوره _ هذا حصاد ثمرتي يا جنان !!
ثم تركها ..
جنان بألم من شدة ابوها _ أي أي
( شفيــــــــــــــــــــكم )
طالعوا لأعلى الدرج شافوا سارا مخترعه و تنزل بسرعه .. بو محمد استعجل عذاري بلبس العباية لأمها و شالوها بسرعه و طلعوا ..
سارا شافت منظر امها قالت بتوتر _ امي شفيهااا تكلمي ؟ ليش شايلينها ؟ وين بتودونهاا ؟
سارا مسكت كتوف جنان _ جنان تكلمي ؟ امي شفيهاااا ؟
جنان تشيح وجهها عن سارا _ ودودها المستشفى ..
سارا تقاطعها _ ليــــــــــش ؟
جنان ما تحملت قالت بعصبيه _ أرتفع عليها الضغط خلاص أرتحتي ..
خلصت من كلمتها ثم اصعدت فوق لغرفتها ..




/////////////////////////

// فنــــــدق التوحيــــــد بمكه المكرمه //


أخذ بندر جهازها و ضغط على رقم البيت .. مره مرتين و الطرف الثاني ما يرفع السماعه ..
بندر بخوف _ يا الله سترك و عفوك .. شسالفه ليش ما يردون ؟
عاد الإتصال للمليون مره .. بغى يسكر إلا أن في أحد رفع السماعه .. بندر كأن الروح ردتله قال بسرعه _ السلام عليكم ..
فاطمه عرفته قالت بهدوء _ وعليك السلام ..
بندر تمنى أي أحد تمنى أبوه و لا تكون فاطمه حس كأنه صغير بفعلته قال بحرج _ شخبارج ام حور ؟
فاطمه ببرود _ الحمد لله تمام و كلنا بخير ..
فهم قصدها بــــ كلنا بخير فحب يدش باللي شاغله بسرعه _ فاطمه امي و عبير موجودين ؟
فاطمه _ لا .. رايحيين للبحر ..
بندر ضغط على شفته السفلى ماراحت إلا أكيد صدرها ضايق و نفسيتها تعبانه ..
بندر بشوق لأهله _ زين متى بيردون ؟!
فاطمه _ يمكن بعد ربع ساعه .
بندر _ اوكي يعطيج العافيه ام حور ما قصرتي ..
فاطمه _ الله يعافيك ..
سكر بندر السماعه ينطر هالربع ساعه متى تعدي بسرعه ..

فاطمه ضاق خلقها أكثر _ أوف مدام نزلت تحت خل ادق على أهلي ..
دقت فاطمه على رقم بيت أهلها .. سمعت صوت سارا و كأنها باجيه من نبرته ..
ساراا _ آلو
فاطمه بإستغراب _ ساراا شفيج حبيبتي صوته مو طبيعي ؟
ساراا قعدت تبجي زياده _ أمي .
فاطمه بخوف _ شفيهاااا ؟
سارا _ ودوها للمستشفى ..
فاطمه عرفت ان الخبر وصلهم
أخنقتها العبره _ و جنان وينها ؟
سارا _ فوق بدارها ..
فاطمه بحسره _ الله يهديك يا بندر ..
سارا باستغراب _ شكو بندر اقولج امي الضغط ارتفع عندها تقولين بندر .. تكفين لا تجيبين طاريه ..
فاطمه _ ليش ما قالولج ان بندر طلق جنان ..؟
سارا مصدومه _ هااااااا طلق جنان !!!!!!!
فاطمه _ ايه طلقها عشان جذي الضغط ارتفع عند امي يلى يلى مع السلامه خالتي و عبير جو ..
سارا بكره _ الحقيرطلق جنان !
حرام عليه و الله .. أنت تستاهل وحده قذره مثل نوف و أخس بعد ..
رفعت راسها لفوق .. فقررت تروح تواسي أختهاا المسكينه ..




%%%%%%%%%%%%


دخلت عبير و يا أمها و الضيق و الحزن بادي على وجوههم .. حبت فاطمه تفرحهم بهالخبر عل و عسى تدخل في نفس خالتها السرور و الراحه ..
فاطمه بإبتسامه متصنعه _ خاله بندر دق ..
أم بندر بفرحه _ متى و وينه ؟ و شنو قال ؟ و ليش ما خليتيه ينطر ليما اجي ..
عبير بضحكه وكأن الحياه دبت في جسمها _ يا حليلج يا يمه اشوي اشوي على البنت أكلتيها بقشورها ..
ام بندر بإبتسامه مؤثره _ سامحيني يا فاطمه تعرفيني مشتاقه له ..
فاطمه _ لا شدعوه يا خاله ما صار شي .. انا قلتله انج مو موجوده و اهو بيدق و يمكن ألحين ..
ام بندر _ آمــــــيــــــن يا بنيتي.
عبير وتمشي متجهه للدرج _ يلى يمه انا بروح أبدل و جايتــــــ
صوت التلفون قطع حديث عبير .







#################


@ بــــعــــد مرور أسبوع @

جنان منعزله عن الناس بس تقعد أداوم لجامعتها ثم تحبس روحها بدارها .. خايفه من رده فعل أخوها الي ما شافته بعد ما قاله ابوها عن طلبها للطلاق. و لا حتى محمد كان يجيها عشان تحس بإنها غلطانه بفعلتها .. جهازها في أغلب الوقت مغلق .. كانت تتحاشى من عبير بعد ما الكل درى .. لأن من صالحها ان الناس تعرف انها هي الي طالبه الطلاق .. و أرتاحت أكثر شي من علاقه أهلها مع عمها و أهله .. الي تحاول ان الطلاق مايأثر على روابطهم الأسرية .. بقدر المستطاع .


قسمت روحي بعد فرقاك روحين ..،
وحده معك .. و الثانية بإنتظارك.


جنان قاعده تشخبط بدفترها الوردي .. سمعت طرق على الباب ..
جنان _ منووو ؟
سارا _ انا ساراا الحلوه المزيونه ..
جنان تأفف _ أخلصي علي شنو تبين ؟
سارا _ صج شين و قواة عين .. بطلي الباب و أقولج ..
جنان ورايحه للباب _ لحظه ..
فتحت الباب و لا ساراا أحذفت عمرها على جنان تحضنهاا بقوة ..
جنان _ آآي شوي شوي علي ..
سارا تبعد عنها _ أشتقتلج آآوي شدعوه جنوو لهدرجه عايفتنااا و لا تشوفين امي و ابوي محتاجين شي و لا ماشيات .. ؟
جنان بألم _ أهما ما يبوني و لا جان ما طقوا الباب يسألون عني .. سارا الزواج مو غصب و انا تعرفيني عدل ما حب اكون غثيثه على احد .. عشان جذي طلبت منه يطلقني ..
سارا تحب خد جنان _ خلاص الي صار صار .. و الله يوفقج في حياتج مع الزوج الصالح .. خوش دعوه مو ؟
جنان تخصر _ مو جنج طولتي شكو جايتلي ألحين .. ؟
سارا بضجر و تكشيره _ آوووف رقيه و سبيكه تحت .. !
جنان بإستغراب _ منو رقيه و سبيكه ؟
سارا _ شفيج قمتي تنسين شكل طق الوالد اثر بالذاكره ..
جنان بعصبية _ اللهم طولك يا روح .. منو رقيه و سبيكه هذيل ؟
سارا _ بنات خالتج ام جابر تحت مع خالتج جاين يعنني صله رحم !!
جنان بضيق _ لا مو صله رحم قولي جاين حق التشمت وانتي الصاجه ..
سارا بقهر _ عاد هديل و أسيل كلش ما ينطاقن .. عوووع عليهن ..
جنان بخزه _ سويره مو جنج كثرتي غيبه ..
سارا _ بصراحه بصراحه جنو هذيل كفو هديل و أسيل .. ؟
جنان _ زين ألحين شالمطلوب مني ؟
سارا _ الوالده تقول جابليهم عشان ما تطلع علوووم ..
جنان _ مالي خلق ..
سارا _ يا بنت عشان ما يقولون انج متحسفه عليه وانج ميته عليه .. يختي كلها طقة خد وبس ..
جنان _ أوكي خلاص لوعتي جبدي ..




// بيــــت بــــو بنــــدر //


بندر بسرعه _ أوكي خلاص بس بعد شهر تروحين لهم عشان عمي و أهله ..
ام بندر _ أبشر بالي تبيه بس أشوف عياك يا وليدي ..
بندر بإبتسامه متصنعه_ بتشوفين عيال عيالي بإذن الله
ام بندر ترفع يده للأعلى _ آمين يا وليدي ..
عبير جايه لهم _ عاد بندر دعيتلي بالحرم ..
بندر يمثل انه يفكر _ لحظه خل افكر ..
عبير بقهر _ افا أختك و لا تذكرها يا حيف يا حيف على الأخوان ..
ام بندر تكلم بندر _ خلاص أقول لأبوك .. ؟
بندر بضيق _ خلاص يمه قوليله بس قلت انا لا تستعجلون ..
عبير بإستفهام _ شفيكم بينكم ألغاز ؟
ام بندر بفرحه _ أخوك بيتزوج ؟
عبير بصدمه _شنووو ؟
بندر قام بسرعه و قال _ انا بنام قعدوني عالعشا ..
عبير وتلتفت على امها _ يمه شسالفه شصاير ؟ توه مطلق بنت عمه جك بم يتزوج ..؟
و منو هاذي ست الحسن و الدلال ؟
ام بندر بعصبيه _ تعالي طقيني بعد .. شفيج رجال بيتزوج حرام ؟
و بياخذ وحده مو غريبه عليه .. نوف بنت خالج ..
عبير بصدمه أكبر _ منــــووووو



::: بيت بو محمــــــــــــد :::

// غرفه بو محمد //

أم محمد بخوف _ و هاذي السالفه كلها ..
بو محمد سرح نص دقيقه ثم طالع فيها _ خلاص انا باجر أكلمها بس اليوم شلون كانت نفسيتها ؟
ام محمد تدمع عينها _ والله تحس بحزن بعيونها مهما ضحكت او جاملت خالتها ..
بو محمد يمسح وجهه بكفوفه _ الله يصلحها وانا اني متفشل من بندر أوله جا يسلم علي و تحسين كل واحد مفتشل من الثاني ..
ام محمد تمسح دموعها _ قسمه و نصيب ..






الجـــــــ العاشر ـــــــزء



نوف بشحوب قافله عليها الغرفه الأفكار توديها و تجيبها ..
نوف بحرقه من ضياعها _ كله مني .. ليش أفكر مجرد تفكير اني أروح برجولي له ..
بقهر من غباها و سذاجتها قعدت بلا شعور اطق جبهتها بالطوفه ..
نوف ببكى محبوس من القهر _ الله ينتقم منك يا حقـــــــير ..
يا ويل حالي لو صار الي ما بيه .
( أطق راسها بقهـــــــر )


(( نوف يلى العســـــا تهت ))

وقفت نوف عن الضرب بسرعه كانت الخدامه تبيها تنزل تحت تعشى .. قامت بثقل كبير كأن الثقل على راسها .. حست بشي بارد يمشي على وجهها .. أرفعت أصبعها السبابه تلمسه ..
فتحت عيونها بوسع كأنها عادت لوضعها الطبيعي _ انا شسويت؟
قامت بتروح لحمامها " أكرمكم الله " تغسل جبهتها بماي بارد عشان يوقف النزيف .. و حطت لزقه جروح على الجرح ..
نوف تكلم نفسها و هي رايحه لليت الغرفه عشان أطفيها _ بعد لو يشوف هاللزقه بيلعن خير خيري عشان يعرف شسالفتي .. هو بس شاف الكدمات ووداني لللمستشفى أجل لو يشوف هالطقه ..
سحبت فراشها عليهااا .. و حاولت تنام بعد ما تقلبت على فراشها يمين و يسار ليما غفت عيونها ...



'''''''''''''''''''''''''،،،،،،،،،،،،،،،،،،،،،


:: بيـــــــت بو بنــــــــــــــدر ::


// الديـــــــوانـــــــيـــــــه //


جاسم يقهوي ابوه و بندر ..
بو بندر _ شوف يا بندر الزواج ما هو لعبه .. و انت تعرف انه رباط غليظ .. فعلينا تقديسه .. أنت معاي يا بندر ؟
بندر _ إيه معاك يا بو بندر ..
بو بندر بحزم _ و هالبنت بنت خالك فاهم .. و إن شاء الله الي صار مع بنت عمك ما يصير مع بنت خالك عدل كلامي ؟
بندر _ عدل بس بنت عمي هي الي طلبت الطلاق ..
بو بندر بعصبيه _ و انت ما قصرت قالت المره طلقني قلت تم .. هذيل الحريم لا تمشي وراهن إن مشيت ضعت وانا بوك ..
أبتسم جاسم و طالع ببندر .. قال بو بندر _ شفيك تبسم لأخوك ؟ تضحك على كلامي ..
جاسم ضبط نفسه _ معاذ الله اني أضحك على كلامك يبا .. و أنت صاج الحريم أن مشينا و راهن ضعنا .. انا أشهد ..
بندر بيتحرش قال لأبوه _ يبا شكل ولدك مجرب !!!
قال بو بندر _ المهم متى تبينا نروح لخالك ؟
بندر بتحرش _ يبا مالي نفس بالزواج ..
بو بندر بعصبيه قام بيطلع _ حسبي الله و نعم الوكيل ما لعب بنفسيتي غيرك يا بندر ..
ضحك بندر و قام بسرعه يلحق على أبوه .. مسك راسه و حبها _ آفا يا الغالي انا العب بنفسيتك .. أبشر بعد شهر نروح نخطب ..
بو بندر بسرعه _ وانت ضامن ما في أحد بهالشهر يخطبها غيرك ..
يا بندر خير البر عاجله ..
بندر _ و عمي و أهله ..؟ ما نفكر بمشاعرهم ..؟
جاسم _ بندر الي طلب الطلاق هم يعني عادي الأمر بالنسبه لهم .. ألحق و أخطب بنت خالك عالأقل الأهل يعرفونهاا ..
بندر بإقتناع _ خلاص يا الغالي باجر نروح نخطب ..
بو بندر براحه _ الله يوفقك يا ولدي و أشوف ضناك ..
جاسم _ شدعوه يعني حــــور
ما تكفي ؟
بو بندر بحنان يقول لجاسم _ حور عيني اليمين يا جاسم وابي أشوف عيني اليسار ..
جاسم و بندر حبوا راس أبوهم .
طلعوا من الديوانيه لـــــــ داخل
البيت ..
سمعوا صوت عبير و هي تنافخ عبير بقهر _ يمه و الله ما تصلحله ..
ام بندر بعصبيه _ عبير قلتلج مليون مره ما لج دخل بهالزيجه فاهمتني ..؟
بندر ضاق خلقه من كلام أخته و امه ..
دش بو بندر و جاسم .. شافوا عبير و أمها ساكتات. لف جاسم لي ورى و قال _ بندر دش ما في أحد ...
بندر _ السلام عليكم ..
الكل _ و عليك السلام ..
أنسدح بندر و حط راسه بحجر امه .. قال _ يمه ولي يعافيج دلكي راسي ..
أم بندر بحنان _ يعورك تحس بشي .. ؟
قطعهم صوت بو بندر يسأل عبير بحده _ عبيـــــــر ..
عبير _ آمـــــــر يبـــــــا ..
بو بندر _ شفيج على بنت خالج؟
عبيربقلبها _ آخ يا الحظ .. نوفوه الوقحه تاخذ أخوي .. !!
قالت عبير _ ما بينا شي ..
بو بندر _ وليش ما تصلح له .. ؟
البنت عوره ؟!!
عبير ودها تقول إيه عوره بأخلاقها .. لا دين و لا أخلاق .. ينشد فيهاا كلها أستغفر الله بس الله يستر علينا ..
قالت عبير _ لا مو عوره ..
بو بندر بحاجب مرفوع _ شايفه فيها شي موزين ..
عبير بحقد و قهر _ لا بس ماتصلح لأخوي كلش .. أخوي يستاهل احسن من جذي ..يستاهل جنان ..
خنقتها العبره فقامت من عندهم بسرعه و صعدت لغرفتها .. ما تدري ليش قالت جنان ..
بو بندر _ بس جذي .. بندر انا مو قايلك أن مشيت ورى الحريم بتضيع ..
بندر بهم _ الله يصلحها عبير ..
أم بندر _ ماعليك منها بنات و هاذي سوالفهن .. بتكبر بعدين ..
ألتفتت على بو بندر _ أتفقتم الخطبه بعد شهر ..؟
بو بندر _ لا باجر العصر عندهم و يقدم الله الي فيه الخير ..
أم بندر بفرحه _ آآميـــــــــن ..
بندر بتردد سأل _ يبه أتصل فيني بو علي يقول معزومين باجر الغدا عنده .. يقول ادق على ابوك جهازه مغلق ..
بو بندر _ايه كان طافي .. ليش ما قالك عن سبب الغدا ؟
بندر _ لا و الله ما سألته و لا قالي ..
أم بندر تذكرت _ أستغفر الله تذكرت بنتهم جايه مع زوجها من السفر ..
بندر حس كل الدم صعد لوجهه.
بو بندر يحك حنجه _ اهااا
جاسم بإستغراب _ منو بنته ؟
بإندفاعيه قال بندر و عيونه حمر _ و أنت شكو تسأل عن بنتهم .. ؟
جاسم استغرب من عصبيه و هجوم بندر _ عادي بنت جيراني و مره متزوجه و بعدين سؤالي مافيه شي عشان تنفض ريشك علي !!
بو بندر _ بندر شفيك على اخوك و ما قال شي غلط عشان هالنرفزه ..
بندر يتدارك نفسه _ لا بس أحنا ما نرضى لأحد يسأل عن محارمنا فحتى هم ما يحبون احد يذكر أهله سواء بالزين او بالشين .
الكل ما حب رده فعل بندر لــ جاسم .. بندر يحاول يهدي نفسه .. ضربات قلبه تزيد بقوه ..
حس كأن الكل يسمع الضربات قام من عندهم ..و كأنه مرتكب خطأ ويحاول التخفي من أهله ..
بو بندر يطالعه _ وين رايح ؟
بندر نظراته متشتته بالهوا _ بروح أشرب ماي و جاي ..
بعد ما طلع بندر من الصاله رايح المطبخ ..
قال بو بندر _ ام بندر تصدقين ان بومحمد أوله العصر داق علي يقول جابر ولد خالة جنان يبي القرب منهم ..
ام بندر _ لمنو جاي لجنان ولا سارا .. ؟
بو بندر _ الله يصلحج يا ام بندر جاي لجنان ..
ام بندر بحزن _ والله اني للحين أتمناها لبندر .. بس الزواج قسمه و نصيب ..
جاسم _ سبحان الله يمه يمكن ترتاح مع جابر و توفق و بندر يرتاح مع نوف و يتوفق ..
بو بندر _ صدقت يا جاسم ..
ام بندر بآهه _ الله كريم .. باجر بعزم ام محمد و بناتها .. إن شاء الله..
بو بندر معقد حواجبه _ ليش منتي رايحه باجر للخطبه .. ؟
ام بندر _ لا مالي شغل بالخطبه انتم يا الرياجيل تروحون اما انا لا ..
بو بندر بعصبيه _ انتي شفيج ؟ هاذي عوايد الخطبه الحريم يروحن ..
ام بندر تحاول تهدي نفسها _ لا حول و لا قوة إلا بالله .. أدري ان الحريم لا زم يروحن بس انا مابي اروح عشان البنت تستحي و توافق عشاني .. فهمت ؟
جاسم ماسك ضحكته _ والله عليج حركات يمه .. أجل انتي تبينها ترفض .. ؟
بو بندر يأشر عليها _ والله الظاهر أمك تبيها جذي ..
ام بندر و تقوم من مكانها _ الصراحه انتم ما ينقعد أحد معاكم إلا و تاكلونه .. خل أقابل مطبخي و أنجب العشا ..
بو بندر يغمز لجاسم _ سويتي خير ...
ام بندر بزعل اطالع بجاسم _ شفت ابوك يا جاسم ..
وراحت المطبخ و هي زعلانه ..
شافت بندر قاعد على كرسي و يشرب عصير ..
بندر كان يتذكر أيام مراهقته كان عمره15 سنه مع ولد جيرانه عبدالله يلعبون كرة قدم بحوش جيرانهم .. بعدها ...
عبدالله بتعب _ آه آه آه بندر بروح داخل أشرب ماي ..أجيبلك معاي ..
بندر وينحنى من التعب _ ايه تكفى أحس تعبان حدي ..
دخل عبدالله بيتهم .. و لا يسمع بندر صراخ و ضحك البنات الصغار أعمارهن حوالي 10‎_‎11 سنه و يتراكض للحوش
لكنهن وقفن بعد ما شافن بندر .. بندر أتسعت أبتسامته لما طاحت عينه على أم نفنوف وردي و بيدها باربي ..
بندر و يوقف على ركبه و يمد يديه لهااا _ هنوفي تعالي .
الهنوف معقده حواجبها و تمد أصبعها الصغير _ لا تقول تعالي مره ثانيه ..
بندر يهز راسه بنعم _ تعالي عندي لج حلااااااااوه ..
الهنوف _ جذااااااااب ..
بندر _ لا لا عيب تقولين جذاب يا بندر صح .. ؟
الهنوف تخصر _ زين وين الحلاوه ؟
بندر يطلع الحلاوه من مخباة بنطلونه _ كااااهي .. يلى تعالي ..
الهنوف بطفوله ركضت لبندر بتاخذ الحلاوه بس بندر رفع الحلاوه بيده لفوق .. بحيث ما تقدر تاخذها ..
بندر _ أول حبي راسي بعدين أعطيج الحلاوه ..
بسرعه الهنوف حبت راسه .. و قالت _ يلى عاد بندوووري ..
بندر استانس واجد من كلمه بندوري .. عطاها الحلاوه ..و ضحك بصوت عالي و لا بسرعه البرق انحاشت الهنوف حياء من بندر ..
أم بندر تمشي لي عنده _ بندر
بندر فز _ يمـــــــه ..
ام بندر تحط يدها على كتفه _ بسم الله عليك شكلك غاص بالتفكير .. ؟
ضحك بندر بصوت جهوري .. بثواني سمع ضحك ابوه و جاسم قال _ شفيهم يضحكون ؟
مدت بوزها ام بندر _ أنا دري عنهم ..
بندر بذكاء _ زين ليش البوز ممدود أكيد انهم ضايقوج صح ؟
ام بندر بهم لفت لناحيه ثانيه و عطته ظهرها .. وكتفت يديها .. قام بسرعه بندر من على الكرسي و وقف قدام امه .. كان طول بندر واضح جدا بالنسبه لطول أمه .. مسك كتفوها برقه و قال _ آفا ام بندر زعلانه ؟ وحب راسها بحنان ..
ام بندر رفعت راسها لبندر و قالت _ جنان أنخطبت يا بندر ..
بندر صح كانت جنان و لا شي بالنسبه له حتى بعد طلاقهم بس كلمة أمه ( جنان أنخطبت يا بندر ) حس كأن جنان كانت قطعه منه و راحت لغيرك ..
بندر يحاول يتماسك _ خلاص يمه الي ما يبينا ما نبيه ..
ام بندر تقاطعه _ لا يا بندر انت كنت تقدر ترفض طلبها .. جنان صغيره ما تعرف الحياه عدل ..
بس أنت الله يهداك وافقت على طلبها ..
بندر بضيقه من هالسيناريو الي كل ما لهم يعيدونه عليه _ خلاص يمه كل مالنا نعيد و نزيد .. خلاص قدر الله و ما شاء فعل .. و جنان راحت لطريق و انا بروح لطريق ..



#################


سارا وبطاقه دعوه معاها .. تنادي _ يمه يمه يمه ..
أم محمد تسكر باب غرفتها _ نعم .. شعندج ؟
سارا تأشر البطاقه _ بطاقه دعوه لج ..
ام محمد _ من منو ؟
سارا _ جارتنا ام مالك عرس بنتها الخميس هذا ..
ام محمد تاخذ البطاقه من بنتها _ خل أشوفها ..و نادي جنان لي متى حابسه روحها بالغرفه ؟!
سارا وتصعد الدرج _ أبشري ..


دخلت الصاله أم محمد .. وجلست على الصوفا .. بتفكير عميق .. بنتها جاها خطاب و هي حابسه روحها.. قالت بزفره _ يا الله أنك توفقهاا ..
دخلت بدور على خالتها _ السلام عليج خاله ..
ام محمد _ وعليج السلام يا بدور .. تعالي أقعدي عندي ...
بدور اطالع وراها _ جنان للحين معتكفه بدارها ؟
ام محمد بحزن _ ايه معتكفه للحين أجل لو تدري عن الخطبه شبتسوي ؟
بدور تبتسم _ إن شاء الله تفرح و توافق و جابر خوش رجال و
يابخت من ياخذ جنان .. زين و أخلاق و دين بعد شيبي ..؟
ام محمد بإحباط _ بس بنات أخوي عوبات يا بدور أعرفهن عدل ..
أكتفت بدور بإبتسامه صادقه من شعور خالتها ناحية بنات أختها ..
بدور بقلبها _ وانا اعرفهن بعد بنات خالتي شرهن واصل للمحاكم أعوذ بالله ..
أم محمد تغير الجو الكئيب .. قالت _ أقول جارتنا ام مالك طرشت بطاقه دعوة لعرس بنتها ..
بدور _ أي وحده فيهم خاله ؟
ام محمد _ رهف ام شعر طويل ذكرتيها الي زارتنا بالعيد مع أمها .. ذكرتيها ؟
بدور تحاول تتذكر .. بيأس قالت _ و الله ما أذكرها يا خاله .

¤¤¤¤¤¤¤¤¤¤¤¤¤¤¤¤¤¤¤¤


!! غــــرفــــه جــــــنـــــان !!


واقفه قدام المنظره تمشط شعرها .. بعد ما خلصت .. راحت لكبتها أطلع روب صغير تحت ركبها و لونه أصفر فاتح ..
خلصت جنان و مشت تبي تطلع تذكرت شي نست لا تسويه ..
راحت لـــ التواليت و سحبت عطر جنيفر لوبيز و رشت مرتين على ملابسها .. و طلعت من غرفتها ..
سارا و تنقز على الدرج و تغني بصوت واطي بس واضح ..
سارا _ بيت العطاااار .. بيت العطاااار .. بيت العطااااار ..
جنان شافت شكل أختها شلون تناقز فحبت يدها وجه و قفا _ الحمدلله على نعمه العقل ..
سارا وقفت و تخصرت _ محتراااااااااا ..
جنان بتقهرها _ على شنو أحتر على ثقالة دمج و لا على خفة عقلج ..
سارا بقهر _ أمي تبيج تحت ..
لحظه لحظه هاذي يبيلها زفه محترمه .. على طريقة أخوانا الشامين ..
سارا بصوت عالي _ آآآويــــها يا جنان يا بنت علي ..
آآآويــــها أسفرت و أنورت ..
آآآويــــها تعالي يا أختي يا الحبيبه ..
آآآلولولولوليــــــــــــــــــــش .
جنان أضحكت بنعومه على خبال أختها .. و حطت يدها على يد سارا و هم ينزلون على الدرج ..


أم محمد و بدور كان واصلهم صراخ سارا و هي تغني لجنان ..
أم محمد بخرعه تقول لبدور _ يا ويلي لا يكون سويروه سامعه شي عن الخطبه و قالت لأختها ..
بدور بإستغراب _ بس شدراها ..
محد قالها لا انا و لا انتي و اكيد محمد ماقالها ..
ام محمد قامت بسرعه تروح لدرج _ خل أشوف هالزفه على شنو ؟
قامت ام محمد و معاها بدور و هم متجهين لدرج شافوا جنان و سارا يتهامسن و نازلات ..
أخترعوا من أمهم الي قالت بصوت عالي _ سويــــــــره !!
سارا تحط يدها على صدرها _ بسم الله الرحمن الرحيم .. خرعتيــــــــــــــــــــني ..!
ام محمد تقلدها _ خرعتيــــــــــــــــــــني ..!
أقول شهالصراخ الي صجيتينا فيه ..؟
سارا اطالع جنان _ يمه جنان تكرمت و نزلت .
أم محمد تاخذها على قد عقلها _ صج و الله ..؟
سارا بطفوليه تقول _ و الله ..
ام محمد _ يا خساره عبالي من اليوم خدامه الجيران ..
جنان بزعل _ يمــــــــــــه ..
بدور _ شنو بنتم واقفين عند الدرج !!




#################


/ بو محمد و محمد في السياره /
محمد _ يبا أسمحلي جابر استعجل .. البنت ما صار لها أسبوع مطلقه يجي هذا و يخطبها ..
أبو محمد _ شنو يعني نوقف نصيب البنت .. بعدين ما يملج عليها إلا بعد 3 شهور تنتهي عدتها .. ألحين نعطيه الموافقه بعدها يحلها ألف حلال ..
محمد _ بس يبا يمكن ترفض جنان الزيجه هاذي ..
بو محمد _ انا بكلمها و أحاول اني أقنعها ..
محمد _ الله يقدملها الي فيه الخير ..
صفطت محمد السياره قدام بيتهم .. و نزلوا بيدشون البيت ..





جنان بإنصاع _ أوكي خلاص بروح .. بس بشرط ماما ..
سارا _ نفســــــها ..
أم محمد تأشر لجنان _ لحظه لحظه .. وطالع بسارا _ وانتي شنو ؟
سارا وجهها أحمر _ نفس شرط جنان ..
بدور تدخل _ هو انتي تدرين شنو شرطها عشان تقولين نفسها ..
سارا انقهرت _ خلاص سحبتها .
أم محمد _ قولي يا جنان شنو شرطج ..
جنان تربعت و قاعده على الصوفا _ تروحين معاي باجر لـــ أتيليه أشتري نفنوف جاهر ..
ام محمد _ آبشــــــري ..
سارا بغيره _ وانا بعد ..
أم محمد _ و نفنوفج مال عرس أختج توه جديد . و مو ملبوس بعد ..
سارا بدلع _ آآوووف ....
أم محمد _ جنان قولي لــــــ بنت عمج يمكن تروح .. ( و راحت لغرفتها )
جنان بصوت عالي تسمع أمها _ اكيد بتروح ما يبيلها كلام .
سارا _ أكيد لزقة عنزوووت ..
جنان بقهر _ أحسن من وجه بن فهره ..
بدور بضحك تمد يدها لــ جنان _ كــفــــــــــــــــاج ..
جنان بقهقهه مدت يدها لـ بـدور
و قعدن يتضاحكن و سارا ماده البوز 3 أمتار ..
شافتهم مطولات بالتطنــــــز .. أخذت الكوشيات و حذفتها عليهن بقهر ..
سارا بعصبيه _ سخيــــــفـــات
جنان تاخذ الكوشيه وتحذفها على سارا ..
دخل بو محمد و محمد عليهن و شافوا الصاله عفيسه ..
بدور أنتبهت لهم و استحت من عمها و قعدت ساكته .. أم جنان و سارا واقفات فوق الصوفا و يتحذفن الكوشيات على بعض .
بو محمد بصوت عالي _ يا بنات .
جنان و سارا على طول بحركه وحده قعدن و دنقن راسهن ..
بو محمد يقعد و يطالع جنان _ حي الله بالشيخه جنان تو ما نور البيت ..
جنان حست وجهها حار ما قدرت ترد على أبوها من فشيلتها بالي سوتها .. بس قامت بإنحراج ليــــــ لأبوها و حبت راسه _ أنا آسفه يبا ..
و منزله راسها أطالع رجول أبوها ..
رفع راسها بيده قال بحزم _ بنت علي راسها شامخ و مرفوع لا تنكسينه يا بنت علي ..
جنان أخنقتها العبره و حبت يد أبوها .. قام أبوها و حظنها بحنان ..
سارا بغيره قالت _ يا ســــــلام كل الحنــــــان لـــ جنـــــان !!
قال محمد بيتحرش فيها و فتح ذراعيه _ بالأحضان يا ســاراااا ..
الكل قعد يضحك على شكل سارا المنحرج .. قالت عشان تنحاش _ بروح لــــــ الماما أحسن ...
أستمر ضحكهم عليها .. و زاده ركضها من الإنحراج ..
بو محمد يبتسم _ سويره تنحرج ؟!!!
محمد يقهقه_ و الله من صجي أتكلم بنتك هاذي أول مره أشوفها تنحرج من قلب ..
جنان مستحيه من محمد ما تواجهت معاه بعد طيحة أمها ..
و حاسه انه شايل بقلبه عليهااا ..
جنان و حست بوجود محمد جنبهااا و مسك أصابعها يطقطق
فيها .. قال بهدوء _ زعلانه مني ؟
جنان شفتها السفلى أنحنت للأسفل .. لاحظها محمد قال بسرعه _ خلاص خلاص لا تبجين .. زين شفناج بس دموع لا مابي أشوف ..
قام و حب راسها و طلع لــــــ شقته فوق .. بثواني لحقته بدور ..
بو محمد _ جنان وين أمج ؟
جنان أرفعت راسها _ بدارهااا ..
ام محمد _ روحي ناديهااا ..
قامت جنان تنادي أمهاااا ..
طقت الباب ..
ساراا _ منووووووو ؟
جنان _ انا الحرامي ..
سارا تمثل انها مخترعه _ يااا يما ..
جنان خشنت صوتها _ آآآكل بونياااا ( بنيه = بنت )
سارا نفس الوتيره _ يااا يما ..
جنان و تفتح الباب _ عيني على ذيج المره ( تأشر على أمها الي طالعهم و تبتسم)
سارا بدلع توقف على السرير _ أرجع ورى أرجع ورى ..
جنان حبت تقهرها _ أقووول أقضبي أرضج أحسنلج ..
و طالع بأمها _ يما أبوي يبيج بسرعه و كاهو بالصاله ..


=+=+=+=+=+=+=+=+=+=+

!! بعــــــد صلاة العصــــــر !!


مشت عبير بتروح لغرفه بندر الي عبالها غلطانه و رايحه للقرشي مو غرفه بندر ..
عبير أطق باب الغرفه ثلاث مرات ..
بندر بصوت عالي _ دااااااااااش ..
عبير بسرعه أفتحت الباب بس ما لقت أخوهاا .. مشت لــــــ تواليت ..
قالت بقهر _ حركات يا بنييدر معمول دوسري و عود ..
ما شفته يوم ملج على جنوو سوى جذي كلها رشه عطر و طلع ما قول إلا مــــــ ..
( شتســــــويــــــــــــن ؟! )
بندر حاط الفوطه على رقبته .. عبير بحقد تكلم بصوت واطي _
و الله ما تستاهل ..
بندر يطلعها بنظرات _ تكلميني ..
عبير _ لا بس شميت ريحه بخور من دارك قلت خل أشوف المعرس قبل لا يروح ..
بندر يضحك _ مره وحده معرس
خل توافق البنت بعدين قولي معرس ..
عبير بزله لسان _ أضمن لك موافقتهاااا .. لا تحاتــــــي ..
بندر بجديه و هو يمسح ذقنه بالعود _ تبين الصراحه انا مالي نفس بالزواج بكبره ..
عبير و تتكأ على التواليت _ زين ليش تربط نفسك بوحده .. ؟
بندر _ مابي أزعل أمي مره ثانيه و لا ابيها تقول بندر يحب يخالفني .. و بعد الي شفته من طلاقي لـــ جنان أحتقرت نفسي وانا أشوف أمي تبجي ..
سكت بندر بملامح حزينه ثم كمل _ وانا ما بي أشوف هالمنظر مره ثانيه .. لو تقول أرجع و أخذ جنان بس خلاص جنان جا نصيبهاا و انا بشوف نصيبي ..
عبير كأن أحد كت عليها ماي قالت بتساؤل _ جنان أنخطبت يا بندر ؟
بندر أخذ شماغه وقعد يشخص _ ايه ليش ماعندج خبر ؟ غريبه ..
عبير بحزن _ من طلاقكم و جهازها مغلق و دوام ما أداوم .
بندر _ الله يوقفها .. تستاهل جنان كل خير ..
بندر حس كأنها مو طالعه من قلبه .. ما يدري ليش .. يمكن حس أنها قطعه من ممتلكاته الي حارسها 5 سنوات من رجال العايله و القبيله ..
عبير ضاق صدرها من حال مصير أخوها و رفيجتها بنت عمها .
تذكرت وقاحة نوف و حبها لــــــ بندر .. و جرأتها في السؤال عنه .. و كرها العميق لجنان ..
قررت انها تطلع من الغرفه عشان ما تنفجر و اطلع حقدها على اخوها ..
عبير بصوت مقهور و يرتجف _ يلى انا طالعه ..
بندر لف عليها و قال بحنان _ ما في مباركه مقدمااا .. ؟
عبير تبتسم بتصنع _ مـبــــروكـــ
ياخوي ..
و مشت تبي تسلم عليه .. قال بندر بمرح _ خشـــــــــم خشــــــم ..
حبوا خشوم و بندر يضحك على شكل عبير و هي تحك خشمها ..
سمعوا صوت بو بندر ينادي و هو واقف عند الدرج .
بو بندر _ يا بندر بسرعه عجل ..
بندر يشوف نفسه آخره مره و يطلع مع عبير و يسكر الباب ..
بندر بسرعه ينزل من الدرج _ كاني يبا قدامــــــك جاهز ..
أم بندر ماتحملت تشوفه كاشخ و ما تيبب ..
أم بندر _ كلولوليـــــــــــــــش
جا بندر و حب راسها وقال _ أشوفج شايلة عذبي يا الغاليه .
ام بندر بفرحه _ آميــــــن يا وليدي ..
بو بندر بجديه _ يلى مشينا يا بندر ..
بندر _ يلى ..
بعد ما راحوا مشت عبير و قعدت جنب فاطمه الي حست أنها غلط بينهم ..
عبير _ ليش ما قلتيلي ان جنانوه السخيفه انخطبت ..؟
فاطمه بحرج شديد _ تو الناس ماصار شي عشان أقولج وهي صاحبه الموضوع ما تدري عن شي ..
ام بندر باستغراب _ ما قالولها للحين ؟
فاطمه _ لا ما قالولها بس يمكن باجر أو بعده ..
أم بندر _ أها الله يوفقها .. و الله اني تمنيتهاا لــــــ بندر بس قدر الله و ما شاء فعــــــل ..
فاطمه _ و نعم بالله و سبحان الله كل شي بيدهـــــ ..


// بسيــــــاره بنــــــدر //

بو بندر يكلم أخوه _ أيه و هذا انا و عيالي رايحين لهم ..
بو محمد _ الله يوفقه و يرزقه الذريه الصالحه .. و سامحونا على القصور ودي أكون معاك بهالخطبه بس ما قدر ألحين ..
بو بندر _ وجهك يا خوي أبيض ..
و يلى تامرني على شي انا ألحين قدام بيت بو أحمد ..
بو محمد _ ما يامر عليك عدو و موفقين أن شاء الله ..



%%%%%%%%%%%%


// ديوانيــــه بو أحــــم ــــد //


أحمد _ زين بس قصيده ..
بندر _ آسف ..
أحمد بقهر _ تصدق أنك مغرور و شايف نفسك .. و الله أسمعها نصيحه مني الغرور مقبرة الإنسان ..
بندر فاتح عيونه حيل _ ألحين عشان قلت آسف مابي أقول أبيات شعري صرت مغرور و شايف عمري .. ( هز راسه بلا )
بو أحمد أنتبه هو و بوبندر وجاسم و نواف على أصواتهم العاليه نوعا ما ..
قال بو أحمد _ عسى ما شر شفيكم ؟
بندر بنفسه _ ولي هذا .. ألحين شلون أفتك من هالنشبه ..
أحمد أنتهز الفرصه _ يبا أبيه يسمعني آخر قصايده .. و الرجال مايبي يقول ..
قال جاسم _ شدعوه يا بو عذبي عطنا من قصايدك الزينه
بو بندر يبتسم _ يلا وانا ابوك سمعنا يا بندر ..
بندر يعدل قعدته ثم قال _ والله هاذي ما هي لي .. حافضها من ديوان الشاعر شاعر الغزل محسن الهزاني .. و هالأبيات لها
قصه و موعظه لبني آدم ..
الأمطار صار لها فتره ما تنزل على أديار قوم محسن .. فأجتمعوا رجال القوم و شبابهم و راحوا مكان عشان يصلون صلاة الاستسقاء و يدعون ربهم .. وكان محسن مشهور بأشعاره الغزليه الصريحه و الفاحش ..
يوم أنهم شافوا جاي لهم بيصلي معهم .. طردوه و قالوا أنت ما يتقبل الله منك بسبب أشعارك الفاحشه .. و أنت و أنت ..
عاد محسن إلى بيته بخفي حنين ..
و سبحان الله .. الأمطار ما نزلت .. جا من الغد .. جمع محسن الصبيان الصغار و صعد لمكان معهم ودعا ربه و قال هالأبيات الي استحضرتني ألحين .. و الي تسمى بالإستغاثه ..



دع لذيذ الكرى و انتبه ثم صل _ و استقم في الدجى و ابتهل ثم قل ..
يا مجيب الدعا يا عظيم الجلال _
يا لطيف بنا دايم لم يزل ..
واحد ماجد قابض باسط _ حاكم عادل كل ما شا فعل ..
ظاهر باطن حافظ رافع _ سامع عالم ما بحكمه ميل _ أول آخر ليس له منتهى جل ..
ماله شريك و لا له مثل _
بعد لطفك بنا يا الله أفعل بنا _
كل ما أنت له يا إلهي أهل ..



قال بندر بعد ما خلص _ و سامحونا على الإطاله ..
الكل _ صح لسانـــــك ..
بندر يطالع أحمد بنظره بشموخ _ صح بدنكم ..




دخل بو أحمد على مرته و حريم عياله _ السلام عليكم ..
الكل _ و عليك السلام ..
قعد بو أحمد _ شخبارجن يا بنات ..
الكل _ تمام يا عم ..
بو أحمد يطالع أم احمد _ ما شوف نوف .. وينها ؟
أبتسمت أم أحمد _ والله طالعه مع رفيجتها و بترد شوي ما هي مطوله ..
بو أحمد بضيقه _ وين رايحه بالضبط .. ؟
ام أحمد _ والله مادري ماقالتلي ..
بو أحمد بعصبيه _ وشلون مادري .. ليش ما سألتيها .. ؟
ام أحمد بتنهي النقاش _ عاد ما سألتها ..
قام بو أحمد بقهر من أهمال مرته تجاه هالبنت ..و دش غرفته يريح على ما تجي نوف و يفاتحها ..


نواف بعد ما راحوا زوج عمته و عيالها ..
قرر يروح السوق يطلع عبايه زوجته عند محل تفصال بمجمع



نوف و رفيجتها عهود كاشخات على الآخر و العطر يفوح من أول ما يدش الوالحد المجمع يشم الريحه .. و قاعدين في الكوفي و جنبهم طاوله فيها ثلاث شباب .. يقطون عليهن تعليقات سخيفه ..


نوف _ تصدقين اني للحين مادري شلون بيكون قراري إذا
أحد تقدم لي ؟
عهود بلا مبالاة _ عادي قولي ما أفكر بالزواج و انا توني صغيره و ابجي عندهم بيصدقونج في الاخر ..
نوف بحسره و قهر _ لي متى يا عهود برفض أخواني ماراح يخلوني أوكي أبوي ضامنته بس أخواني ما راح يستحملون اكثر من جذي ..
عهود بضيقه خلق _ انتي جايبتني أهنيه تونسيني و لا تضيقين خلقي .. تكفين غيري السالفه ..
نوف بحقد _ ايه لأنج ماوراج رياجيل عادي عندج لا أبو و لا أم يسألون عنج كلن في عالمه بس انا غير .. و الله ليكروني كر ماعندهم مشكله هذا شرف يا عهود شرف و ضاع .. و انا نفسي تعبـــــ
بعفويه نزلت نوف راسها لتحت .
و قعدت تنافض بخوف .. حست قلبها كأنه ببلعومها .. تبي تنحاش من الي قاعده تشوفه. بس رجولها ثابته في الأرض ..
نوف بخوف _ نــــــــــواف
عهود قعدت تلفت يمين و يسار لي شافته داش محل عبي .. و ما هو بيمهن ..
قالت بسرعه _ قومي قومي يلى أخوج دش محل خل نطلع ..
مسكتها من كتفها بعد ما شافت شكل نوف المصفر .. و أنتفاضت يدها .. و طلعوا من المجمع ليـــــ بيت نـــــوف ..



''''''''.......''''''''........''''''''.......'''' '

جنان _ آلـــــو ..
عبير بعياره _ نعـــــم أختي من بغيتي .. ؟
جنان مشت معاها _ و الله في ناس مدحولي خدامه عندكم .. و داقت عشان آخذها ..
عبير _ عندنا خيـــــر .. قولي شسمهااا يا ام شنو ..؟
جنان يدها على حلجها بغى يزل و تقول معاج أم عذبي ..
عبير _ آلـــــــــــــــو ..
جنان بدلع _ و الله بغيت خدامتكم أسمهاا عبيــــــــــر ..
طراااااااااااخ .. ( صوت القطار )
جنان أصبعها فأذونا _ آي صمخ يصمخ يا الخدامه ..
عبور تسكر بوجههي ..
ردت ادق مره ثانيه .. و جنان معصبه ..
رفع السماعه بندر و قبل لا يرحب بالمتصل سمع جنان تهدد
جنان بعصبيه _ انا جنان بنت علي يتسكر بوجهي التلفون ..!!!!
بندر يبتسم و يطالع بأخته الي تسمع صوت بنت تهاوش بس ما تدري انها جنان ..
بندر وأذونه تعوره من صراخها قال بهدوء _ السلام عليكم .. جنان ولا حركه و لا همس ..
قال بندر خل أحرجها _ وين صوتج يا بنت علي ..؟ توج مفجره أذوني بصراخج ..
جنان حمدت ربها انها بروحها ما عندها أحد و لا شاف وجهها المفتشل و حس بشي ..
جنان بحرج _ آســــــــــفه ..
بندر يضحك بصوت عالي حس بإنحراجها قال _ تبين عبير .. ؟
جنان بهدوء _ إذا ما عليك أمر ..
بندر عطى السماعه لأختـــــه .
و قعد يقرى مجلة نون بصمت ..
عبير _ نعم للحين تبين الخدامه و لا المعزبه .. ؟
جنان بخجل _ عبير ليش ما رفعتي السماعه قبله .. أكيد بيقول بنت عمي لسانها طويل ..
عبير و تشوفه يقرأ المجله _ يختي ماهو يمج .. الأخ مندمج مع الماقازين ..
( بندر يرفع عينه بسرعه لأخته و ثم يرد يطالع المجله )
جنان بسرعه _ مجله !!
عبير _ إيه أخوي مثقف ..
جنان _ شخبارج ؟!
عبير ودها تفاتحها ليش طلبت الطلاق من أخوهاا و هي جازمه ان جنان تحب أخوها ..
لكنها قالت ماودي أفتح جراح أهي تحاول تطيبه ..
قالت _ تمام أنتي قوليلي شعلومج ؟
جنان تاخذ زفير و شهيق _ الحمدلله بخير .. اقول عبور !
عبير _ آمــــــــــــري ..
جنان _ تذكرين رهف بنت جيرانا ..؟
عبير بعد تفكير قعدت تمثل الكحه _ كح كح كح قديمه .. شخباري ..
جنان _ عليج نور أهم شي تذكرينها .. الخميس هذا عرسها ..
عبير بلامبالاه _ و شنو يعني خل تزوج !
رفع بندر راسه و معقد حواجبه و يطالع عبير ..
جنان بنفاذ صبر _ انا بعرف أنتي شلون تفكرين ؟!
عبير بغبا _ من عقلي ليش تسألين ؟
جنان بحرقه و صراخ _ وبنروووح
يوم الخميس عرسها و ابيج تروحين معاي ..
عبير بهدوء _ بس جذي .. أوكي لما تخلصين خلاص مري علي وانا اروح معاج ..
جنان قالت بسرعه _ يلى مع السلامه و سلميلي على الأهل ..
عبير بخبث _ منو قصدج حددي ؟
جنان _ بدون تحديد .. يلى السلام عليكم ..
عبير تبتسم _ وعليج السلام ..




£££££££££££££££££££££££


دشت نوف البيت لقت أمها تمشي بسرعه لها ..
ام أحمد بعصبيه _ ليش تأخرتي ؟
نوف بخوف _ ليش أحد سأل عني ؟
ام أحمد تمسك كتفها بعصبيه _ ألحين انا أسألج و أنتي تسألين ..
ليش تأخرتي يا بنــــــــــــت ؟!
نوف _ سيارة رفيجتي بنجرت ..
ام أحمد هدت _ أها اجل ابوج يبيج بداره ..
نوف بخرعه _ ليش شيبي ؟
ام أحمد _ أبوج و يبيج .. روحيله بسرعه ..
نوف _ اوكي أبدل و أجيه ..
و صعدت الدرج بخطوات سريعه .. سمعت باب البيت يفتح .. و صوت نواف يلقي السلام ..
بعد ما غيرت و مسحت آثار المكياج .. نزلت تحت و أصواتهم شوي عاليه في دار أبوهم ..
يدها قعدت تراجف بعد ما سمعت صوت نواف و هو يقول _ غصــــــب ما هو على كيفها .. ليــــــ متى ترفض ؟ و أحنا جنه مو رياجيل نقدر نضغط عليهاا إذا شفناه كفــــو
بو احمد _ والله انك صاج بس مو بالغصب .. يا ولدي ..
تشجعت و طقت الباب .. سمعت ابوها يأذنها بالدخول ..
نوف و عيونهاا على نواف .. صوتها بدى يرتجف _ يبا آمر بغيتني بشي ..
بو أحمد بعطف شاف وجهها بدى يشحب .. _ تعالي اقعدي .. بالأول .. و ما حصل إلا كل خير .
مشت ليــــــ وصلت السرير و قعدت بالنص بين أبوها و نواف
أبو احمد _ شوفي يا بنيتي .. البنت مالها إلا بيت زوجها .. لزمن عليها تزوج .. و تسكن فيه .. طال الزمن و لا قصر ..
نوف بعد هالمقدمه الي كأنها سم تشربه .. قالت بخوف واضح للكــــــل _ لا ..
نواف بسرعه و الشرر يتطاير من عيونه قال _ شنو لا ؟
نوف تلزق جنب أبوها _ مابي أتزوج ..
نواف بصراخ _ شنو ما تبين تزوجين .. ؟ شعندج يوم كل ما جا رجال كفو رفضناه عشانج و ألحين لا لا يا نوف بتاخذين بندر غصبن عليج ..
نوف متشبثه بيد أبوها بخوف قالت _ لا لا تكفى يبا .. أبوس يديك بس قوله لااا ..
أبوها بألم يطالعها أعتقد أن خوفها خوف كل بنت مقبله على الزواج .. قال لها يهديها _ نوف يا بنتي الزواج رحمه و أنس و موده .. و أستقرار .. و بندر صح انه طلق بنت عمه .. بس هذا ما عيبه ..
نوف بذهول اطالع أبوها _ منو ؟!!!!!
ابوها _ بندر ولد عمتج ...
نوف بإستغراب _ و جنــــــان ؟
ابو أحمد _ ما كتب الله لهم نصيب مع بعض ..
نوف تأشر بيدها بــــــ لا ..
نواف يحاول يمسك نفسه _ إلا بنــــــدر .. الرجال شارينه ..
نوف دموعها تنزل و تكلم نفسها _ يااا الله وين أروح ؟ والله ما بيفهموني .. و إن فهموني بيذبحوني .. و بندر بندر بندر .. آه يا نوف كاهو جا برجلينه لج بس بعد متى بعد فوات الآوان .. !!
بو أحمد مسك يد بنته _ ها يا نوف أقول مبروك ..
نوف فجأة أنفجرت بكاء _ ما بيه ما بيه ..
ابو احمد _ يا نوف انا الرجال شاريه فهي وقت و بعدها بتتأقلمين بهالوضع ..
قامت نوف بتطلع وقفها صوت نواف _ باجر بقوله الموافقه ..
طلعت بعد كلام أخوهاا شافت امها و أحمد قاعدين بالصاله ..
أركضت بتصعد عــــــ الدرج ..




:: الحـــــــ عشر ـــــــادي ::


جنان منحرجه و تسلم على خالتها ..
جنان مستعجله _ خاله في آحد أهنيه ؟
أم بندر _ لا مو موجودين أخذي راحتج .. و لا روحيلها فوق ..
جنان و هي صاعده فوق _ إن شاء الله خاله ..

دخلت جنان و أفتحت باب الغرفه بسرعه بتخرع عبير بس البنت مو موجوده .. جنان مستغربه أجل وينها ؟! و فصخت العبايه و الملفع .. وراحت تشوف نفسها بالمنظره.
كان نفنوفها أحمر خامة ديور .. و منثور على ناحية الصدر شوار فسكي ذهبي .. على شكل مشجر .. و طويل و له فتحه ليـــــــ تحت الركبه .. و مسويه تسريحتها رومانيه .. و مكياجها ذهبي عالأحمر ..

سمعت صوت ماي بالحمام " اكرمكم الله " تأكدت انها فيه ..
جنان بمغامره طفت ليت الحمام ' أكرمكم الله ' و وقفت قدام الباب تنطر صراخ عبيـــر .. أنفتح الباب و جنان بإبتسامه شاقه الحلج .. بس الي طلع كان بندر الي على وجهه علامات أستفهام من إطفاء النور .. و من هالورده الحمرا الي واققه قدامه .. ؟!!
جنان بحركه سريعه حطت يدها على حلجها تمنع شهقتها من المنظر ألي قدامها ..
حست بقلبها انه بيطلع من المنظر .. و شعرها كأنه واقف .
جنان بصوت واطي _ يمــــــــــاهـــــ !
مدت رجلها بتنحاش و لا اليد الي قضبتها بشده ..
بندر بتساؤل مع أستغراب _ منـــــــو ؟!
جنان تحس بألم من مسكت يدها _ آآآي .. أترك يدي أتركها ..
بندر حس كأن صخره طاحت على راسه قال _ جنـــــان ؟!!
و ترك يدها بسرعه و طلع من الغرفه مثل البرق ..
جنان بلا شعور ركضت برى الغرفه بتروح لسيارة أهلها و تنطرها .. صوت كعبها أزعج أهل بيت عمها .. طلعت ام بندر من المطبخ بسرعه بتشوف مصدر الأزعاج ..
جنان العباية و الملفع بيد و يدها الثانيه ماسكه الدرج حتى ما تطيح ..
ام بندر بخرعه _ بسم الله عليج شفيج يا بنتي ؟
جنان تحس البيت أسود و ما فيه إضاءه .. و كأن ألهام غشاها حتى تنزل بدون طيحه أو إصابات ..
جنان بتأتأه _ آآآنا برى .. آآآنا بروح برى .. ( شوي و تبجي من الموقف )
أم بندر أخترعت أكيد جنان شايفه شي شكلها ألحين عكس أول ما دشت عليها .. أمسكتها بتحكم .. لاحظت أرتجاف جسم جنان .. و عيونها بغت تزغلل .. قالت _ أعوذ بالله من الشيطان الرجيم ..
جنان تأشر بيدها عالباب و طالع وراها عالدرج _ خاله بروح
بسرعه امي تنطرني ..
أم بندر تذكرت بنتها قالت بصبر _ و الأخت الكريمه وينها ؟
أرتبكت جنان وبسرعه قالت _ فوووق شكلها بطول ..
ام بندر بإستغراب _ زين أقعدي بجيبلج عصير على ما تشرفنا عبير ..
جنان بسرعه و هي تلبس عبايتها و ملفعها قالت _ يعطيج العافيه خاله بس امي مستعجله و انا .....

( يا حي الله ببنت العــــــــم )
جنان بخرعه ألتفتت لأعلى الدرج و لا بندر ينزل و الإبتسامه شاقه الوجه ..
جنان برجفه في صوتها _ الله يحييك و يبقيك يا ولد العـــم ..
أم بندر بإستغراب _ أنت موجــــــــود بالبيت !!
بندر و يقعد عالكرسي _ قبل عشر دقايق جيت بسرعه . و أخذت شور عالسريع و هالحين بروح لعشا واحد من الربع ..
أم بندر بقهر _ زين و أختك وينها ؟بيت عمك ينطرونها و كاهي جنان راحت لغرفتها و تقول انها مطوله ..
بندر عرف ان جنان ما قالت لأمه عن الي صار فوق ..
بندر _ أرسلتها لغرفتي تجيب ساعتي ..
ثم ألتفت لــ جنان الي واقفه بخوف و ماسكه يدها بألم من شده آثار مسكة يده ..
جنان حست منظرها x‏ بينهم .. و لمحت راسه أنه يطالع فيها .. بلا شعور مشت ليــــــــ باب البيت بتطلع .. وقفها صوت عبير و هي نازله بسرعه ..
عبير بدلع _ آآآهو قاااايه ..
جنان بصوت يرتجف _ انا أنطرج برى ..
سكرت الباب وراها و راحت سيده لـــ سيارتهم ..

أم محمد شافت بنتها بروحها قالت _ جان قعدتي عندها بعد !
جنان بتوتر _ آسفه يمه عالتأخير .. و كاهي جايه ..
عبير تمشي لـــ سيارة أهل عمها ..
سارااا _ ما بغـــــــت ؟!
ألكزتها جنان على خصرها ..
جنان _ أستحي على وجهج وبعدين انتي مو شايلتها على ظهرج .. عشان تعصبين .. و شفيج طايره الصاله ما بطير ؟
أم محمد بحزم _ ســــــــــارا ..
سارا _ خـــــــلاص( تسكر حلجها ) هم ...
عبير تفتح الباب _ السلام عليكم ..
ام محمد و جنان _ وعليج السلام ..
أم محمد _ شخبار الوالده و الأهل ؟ إن شاء الله تمام ..!
عبير _ الحمد لله كلهم بخير و أمي تسلم عليج يا خاله ..
أم محمد _ الله يسلمها و الحمدلله .. والله انها دقت علي امس و عزمتني بس حاشتني ظروف ما قدرت أروحلها .. بس إن شاء الأثنين كلنا عندكم و ها قوليلها لا تنسين ..
عبير بمرح _ أفا عليج يا خاله ودي حاقه تنسي ..
سارا بلقافه _ عفيه ع الشاطره.
عبير كانت بترد عليها بس جنان
قرصت يدها ..
عبير بصوت واطي _ آي هي أنتي شفيج ؟!
جنان بصوت واطي بعد _ وين كنتي يوم صعد لج بغرفتج ؟
عبير بسرعه _ صعدتي لغرفتي !
جنان تهز راسها بنعم _ إيـــــــه
عبير _ بس ما شفتج ؟!
جنان بإنحراج _ صح ما كنتي فيه بس بندر كان فيه ..
عبير تضغط على شفتها السفلى _ إمبيييه .. صح صح كان مطرشني لغرفته أجيب ملابسه و ساعته ..
جنان بتحقيق _ و هو وينه عن حمامه " أكرمكم الله "
عبير تخيلت المنظر و أضحكت بصوت مرتفع شوي ..
جنان بحرج _ مافي شي يضحك ؟
عبير مسكت ضحكتها _ مايه كان حار فراح لحمامي ..
ثم طالعتها بخبث _ ليش شافج جذي ؟!
جنان حست بحراره تشب بخدودها _ طفيت الليت عليه ..
عبير ما تحملت أكثر فضحكت ..
كشتت جنان بعبير و لا تكلمت معاها عشان أمها و سارا ما يحسون بشي من كثر مساسرتهن .. و ضحك عبير ..
بعد نصف ساعه وصلوا لصاله الأفراح .. و نزلوا يدشون لصاله .



:::::::::::::::::::::::::::::::::::::::::

// بــــــــــــــنــــــــــــــدر /:

دشيت غرفة عبير لقيتهااا تجهز أكسسواراتها .. أمرتها اطلع ملابسي و ساعتي .. و آخذلي شور دافي ..
تسبحت عالسريع .. لكن فجأة الليت طفى .. أخذت منشفتي الزرقا و لفيتها علي .. و هميت أني أطلع و أشوف شسالفه ؟! يا الله مستحيل ! ملاك بغرفه عبير !! و تبتسم لي !! قعدت أطالعها بس شفت الصدمه بعيونها و حاولت تنحاش من قدامي .. بتصرف متهور مني مسكت يدهااا بعرف هاذي منو ؟ شلون دشت الغرفه ؟ بس إجابتها علي .. كأن صخره طاحت على راسي .. ياااا الله هاذي جنان بنت عمي علي ..!! معقول .. انا شفتها قبل كذا مره بس مو بهالجمال الخلائقي ..
تذكرت أني خاطب وحده غيرها بسرعه سحبت يدي من يدها و طلعت برى الغرفه .. ما دري شالأحاسيس الي عاصرتني بهاللحظه .. شعور بلذه من جمال الخالق .. شعور تعجب و أشمئزاز من تصرفي و شكلي الشبه عاري قدام بنت عمي ..
شعور ندم وحسره .. ! لا لا يا بندر خلها لحظه عابره و فكر في خطبتك لبنت خالك .. و جنان آه يا الجمال جمال مصور سبحان الله .. حسيت أن وجهي محترق من حراره الموقف .. و قلبي زاد ضرباته .. دخلت على عبير بغرفتي شفتها عافسه كبتي عفس ..
بندر بعجله _ يلى وين ملابسي ؟
عبير رفعت راسها ثم نزلت حيا من شكل أخوهاا _ كاهي بس قاعده أدور لك الفانيله ..
بندر ياخذ ملابسه و يدش حمامه " أكرمكم الله " سمع صوت عبير عند الباب _ الفانيله و الساعه ع السرير .. و أذا بغيت شي انا بغرفتي تشـــــــاو ..
مادري ليش أبتسمت إبتسامه حالمه .. بس نفضتها على طول
بعد ما خلصت و انا نازل ليــــــ تحت كنت أسمع حشرجه بين أمي و جنان .. قلت خل أرحب فيها تستاهل بنت عمي ..
بندر _ يا حي الله ببنت العم ..
شفتها أطالعني بسرعه و يدها على مسكتي لها _ الله يحيك و يبقيك يا ولد العم ..
سألتني أمي عن عبير وانا عقلي مع الي واقفه بنص الصاله .
يا ريتني يا ريتني يا ريتني .. أطلعت آهه من بندر _ ما عاد يفيد .. أنت كنت ما تبيهاا و هي بعد ما تبيك ..
صوت تسكيرت الباب خلتني ألتفت لحولاي ما لقيت غير أمي
و معاها عصير برتقال تمد لي ..
طالعتها و انا أبتسم لها و آخذ القلاص و أشربه ..
أم بندر بحنيه _ بالعافيـــــه ..
بعد ما خلصت قمت عشان أحب راس امي و أروح للعشا ..
وانا طالع اسمع دعاوي الغاليه لي ..
همست بمد _ آآآميــــــــــــن ..



<<<<<<<<<<<>>>>>>>>>