خلاص ~أرجوك لوتسمح تراك بدنيتي منفي ... الكاتبه ::: العين غرآمي

عند هادف ..

هادف كان ساير المول هو ومنصور .. منصور لابس كندووره سوده وسفره حمره .. وشكله غرااام .. يتمشى ويا هادف ويسووولف,,عاااد منصوور يوم يسووولف صوته يوصل اخر الدنيا.. ولازم يحرك يدينه ههه ..وهادف ناقع ضحك ع سوالف منصور ..

هادف: منصوور طاع هاييج شقايل تطالعك ..
منصور : خلها تولي شو ابالها..
هادف: هههه اندوكم الذرب..زين شوفها..
منصور: هههه يالخايس.. مابغي خلها تولي..

هادف يحاول يغري منصور ..يطفربه

هادف: بس تصدق حلوه ؟
منصور يتمصخر : احلللللللف؟
هادف: ههههههه والله..
منصور يحرك حياته فوق وتحت : عيل مابشووفها هههه ..
هادف: هههههههههه والله انك ..

يلسو يكملون سوالفهم .. وهم ماشين هادف مره وحده نقع ضحك :هههههههههههههههههههههههه

منصور : بسم الله شفيك انت ؟
هادف : طااالع طالع هاييج شقايل تطالعك هههههههه ..
منصور: ههههههه انت ماوراك شغله ؟؟
هادف: منصور دخيلك لا تكشخ روحك ماشالله غرشوب..هههه
منصور بتواضع: هههه لا هب زود ..
هادف : والله انك غرام .. خاصتن بهالكندووره .. وهاللووك تف تف عن عيون الحسود ..هههه
منصور : مالت هههه ..
هادف : حلفتك الله تشووف دخيييييلك .. ههه
منصور يصد صوب البنيه .. وفططططس ضحك :وووووووووكككككككككككككككككككككك

البنيه كانت متسنده ع الطاوله وحاطه يدينها ع خدها وتطالع منصور .. ههههه ذايبه ..
منصور إيود هادف .. وسحبه يمشون .. وهو ناقع ضحك ..

هادف: اسميك معذبنهن البنات .. ههه
منصور : ههههه هن مفلعات شسوي انا ..
هادف:عيل صيدلي وحده ..
منصور يطالع هادف بعين : اقوووول امش امش احسن ..
هادف : ههههههههههه

منصور يطالع اثنين بتااان .. وضحك ويت فكره فباله ..

منصور يرمس هادف: أخبرك تعال شوي .
هادف: ع ويييييين ..؟؟
منصور: صوب هالبتان ..تعال وبتعرف
هادف: هههههه تخبلت انت ؟؟..
منصور:تعال وانت ساكت ..
هادف : هههههههه الله يستر ..اوك ..


منصور يرمس البتاني: سلاممي عليكم والله..
البتاني: أليكم السلام ..
منصور: انته غرشوب تدري؟
البتاني يطالع بعبط هب فاهم .. وهادف ناقع ضحك ..ههههه

البتاني:شو يقول انته ..؟؟
منصور: هههه انا بفهمك .. اسمع يا ريال .. انت يريد فلووس؟
البتاني: لازم انا يريد .. هزا فلوووس..
هادف : هههههههههه عنلاته.,
منصور: حااضرين لأعطيك انت وربيعك 500 .لكل واحد بس بشررط ..
هادف: يالبطرااان 500 ههههههه
منصور:جب جب من كثرهن ...هههه
البتاني: شو هزا شرط؟
منصور هب عارف شو يقوله : اسمع بنتبادل بالملابس.. بس ربع ساعه .. ويساسر هادف:الله يعينا ع ريحة الخياس.. هههههه

هادف:ههههههههه يالهرم..

البتاني: اوكي مافي مشكله .. انته يريد ملابس مال انا فدوه حق انته ..
منصور يساسر هادف: فدوه بعد !! شكله مغازلجي ههههههه
هادف: اما بهاي صدقت ..هههههههههه

منصور يرمس البتاني: فديت خشمك هالهيس .. يلا عيل .. احين ..
البتاني :اوكي يلا..

راحو الشباب ويا البتان وتبادلو بالملابس.. واتفقوا عقب وين يتلاقون..

هادف: هههههههه الله يغربلك شو ها مابغي..تسدك الريحه
منصور: ههههههه خلنا نستانس.. تعال بنتمصخر ع العرب..
هادف : الله يخسك .يلا..هههه

منصور ظهر وشكله هو وهادف يفطس ضحك ... شافو شيبه ..ساروا صوبه ..

منصور: السلام عليكم بابا..
الشيبه : وعليكم السلام ..
منصور: بابا هذا اخو مال انا.. واااااجد مسكين .. بس مافي كفيل.. انا يريد انته سوي كفاله حق اخو مال انا..
الشيبه : وانت شعنه يايبنه هني وابويه عليك..
منصور: بابا والله انا محتاج واخو مال انا محتاج ..
الشيبه وحليله طيب: انزين خلاص..عطني رقمك ..
منصور اونه يحب يدين الشيبه :مشكورر بابا مشكور ..
الشيبه : استغفر الله ..ماعليك انت ..

منصور يطالع البنيه لي حذال الشيبه .. ويبا يطفر بالشيبه ..عاد اونه يساسر الشيبه : بابا ..
الشيبه : لبيه
منصور:انا مافي زواج ..
الشيبه : انزين والمطلوب..اشوفلك حرمه ؟
منصور: لالا بابا..انا مافي تعب انته زياده ..هذاا حرمه موجود..
الشيبه : عيل سير اخطبها..
منصور: بابا أنا يريد بننت مال انته .
هادف نقع ضحك : هههههههههههههههه ..

الشيبه ماشي تفاهم عنده ـ شخط منصور بالعصا ههههههه . ومنصور طاح ع الارض وناقع ضحك ..
هادف شررد ماقدر يزخ عمره .. وإلا منصور يربع وراه ..والشيبه يزاعق...طاحبهم طيحه .. هههه ..

الشيبه : تعااال تعااال يالهرم برااااويك .. انننننف عليك


هادف : هههههههههه يالهرم مقواك ..
منصور: ههههههههههههه وحليلك يالشيبه ..
هادف:قوم قوم سرنا فضحتنا علنيه بلاك .. هههه ..
منصور وهادف عقب ماخلصو خبالهم ظهروو ..وهادف متوعد لمنصور هههه


عند بو حامد


بو حامد يسرع . وغيث وراه..غيث دق حق فلاح عسبة يخبره بالسالفه.. فلاح أصر انه ايي.. ماطاع يخلي غيث روحه .. .. وصل بو حامد شركة بو ظاعن .. يدخل بسرررعه وخط ع مكتب المدير .. دش شاف السكرتيره ..صرخ فويهها : ووووين بو ظاعن؟

السكرتيره تروعت ..نشت : امممم .. مابعرف انته شو بتريد؟
بو حامد محررج :قلت لج وووينه؟
السكرتيره : هووون هوون .. بس هلى هوه عندووو اجتماع ..

بوحامد طنشها وسار صوب مكتب بو ظاعن ..

السكرتيره تربع وراه : يا أخ ما بيصير المدير عندووو اجتمااع ..

بو حامد يصرخ فويهها :جــــــــــــــــب خوزي عن ويهيه..

السكرتيره وقفت مكانها وهي متروعه .. بو حامد دش مكتب بو ظاعن ..ويلس يطالعه بغيظ وقهرر وهو ميوود الباب..بو ظاعن استغرب.. الموظفين لي عنده تموو يطالعون بوحامد وساكتين ..

بو ظاعن يرمس الموظفين : ماعليه انتوو روحوا احين .. عقب بنكمل الاجتماع ..
الموظفين ترخصوا وظهروا .. أول ماظهروا بو حامد بند الباب بقووو ساير صوب بو ظاعن ..

بو ظاعن وهو يالس فمكانه : أظن يا محترم لي يدخل مكان يستأذن..
بوحامد يطالع بو ظااعن وهو ساكت .. يطالعه بقهرر..وهب شايف شي جدامه .. غير الثأر..

بو حامد : انت السبب .. انت السبب ..
بو ظاعن : انا السبب في شووو ..؟؟
بو حامد :انت السبب في موت بوغيث .. ويتدفع الثمن غالي..
بو ظاعن يضحك باستهزاء: ههههههه لا تنسى يا شاطر انك ويايه باللعبه !!
بوحامد : انا الغبي .!! انا الغبي لي تبعت شورك وشور الشيطان ..
بو ظاعن : محدن ظربك ع يديك ..

بو حاااامد يلس يطالع بو ظاعن ..وبهالوقت دخل غيييث ..

بو حااامد صررخ وهو يطالع بوظاااعن : انت حقييييييييييييييير جبااااااااااااااااااان!!!

بو حامد توه يظهرر المسدس من مخباه..

غيث إيي صوب بو حامد .. لآآآآ لاآآآآ يا بوحامد ..

بو ظاعن هب عارف شيسوي واقف مكانه .. بو حااامد هب شايف شي جدامه .. همه انه يجتل بو ظاعن ويثأر لبوغيث ربيعه .. بو حااامد توه بيضرب بو ظاعن إلا وفلاااح داااش ..فلاح أول ماشاف المسدس بيدين بوحامد ..يا يربع ووقف جداام بوحامد.. صررخ :لااااااااا يا بوحاامد !ّ!!


لكن للأسف بو حامد ضررب الرصاصه .. ودخلت فصدر فلاح .. فلاح يطالع بو حامد بعيونه اللي حمرت من شدة الالم .... وينزف!! بو حااامد يدينه ترتعش.. يطااالع فلاح وهو ينزف ويطالع المسدس لي بين يدينه .. غيث صرخ :لاآآآآآآآآآآآ ...

ويربع صوب فلاح : فلاااح ..فلااااااح دخيلك نش...فلااااااااح دخيلك ..

بوظاعن ع طول يطلب الاسعاف .. وبوحااامد يلس ع ركبه وحاط يدينه ع الارض وساكت .. هب عارف شو يقووول.. عيوونه تذرف..غيث يطالع ربيعه .. وولد خاله .. وهب عارف شيسوي.. حط يدينه ع صدر فلاح .. والدم خرس يدينه وكندورته ... وهو يصيح ويصارخ : دخيييلك .. دخيلللك يافلاح اصبر !! فلاح ارجوووك لا تخليني روحي..انا خويك يا فلاح.. دخيلك .. !!

فلاح هب قادر يرمس من شدة الالم .. مغمض عيوونه .. هب قادر يتحمل .. الضربه يت صوب قلبه .. فلاح حط يدينه على ايد غيث لي كانت ع صدر فلاح .. وضغط عليها بقووو .. ودمعت عينه !!

غيث يطالع فلاااح .. ودمووعه بللت محجره ... فلاح يحاول يرمس وهب قادر..

غيث صرررررخ : دخيييييييلكم ييييبوو الاسعاف .. .. بسررررررعه تحركوووو !!

فلاح يرص على ايد غيث ويرمس بصعووبه : غ ... غيث ياخوي.. مايحتااي..غيث هلي اماانه.. امانه بين يدينك !!

غيث يصيح بحراره : فلاااااح لا ..لا تقول جيه .. دخييييييييلك لا تقول جيه !!

فلاح يطالع غيث ويبتسم: .. غ .. غييث.. انت أغلى انس.. إنسان عليه !! ومافي حد أقدر أأمنه ع هليه غيرك بعد وفاة ابويه.. رجيتك.. اوعدني!!

غيث يطالع فلاح ويصيح :فلاااح دخيلك اسكت .. اسكت ..

فلاح: اوعدني؟

غيث :اوووعدك .. اوووعدك ...

فلاح ابتسم .... ودمه صبغ البقعه !! غمض فلاح عيونه وهو مبتسم !! وساد المكان الصمت .. غيث يطالع ربيعه .. مبطل عيوونه !! دمووعه وقفن !! هب مصدق .. يهز فلااح ..

فلالالاح نش.. دخيلك يا فلاح نش.. فلاآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآح !!


ليه تبعد ليه ترحل ليه تتركني وحيد
،،،،، ليه ترحل من حياتي وليه عن عيني تغيب

ليه عذبت الخفوق وليه نشفت الوريد
،،،،، وليه ترضالي اعيش بجرح لا يمكن يطيب


البارت _ 14_

فلاح ابتسم .... ودمه صبغ البقعه !! غمض فلاح عيونه وهو مبتسم !! وساد المكان الصمت ..
غيث يطالع ربيعه .. مبطل عيوونه !! دمووعه وقفن !! هب مصدق .. يهز فلااح ..

فلالالاح نش.. دخيلك يا فلاح نش.. فلاآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآح !!

ليه تبعد ليه ترحل ليه تتركني وحيد
،،،،، ليه ترحل من حياتي وليه عن عيني تغيب

ليه عذبت الخفوق وليه نشفت الوريد
،،،،، وليه ترضالي اعيش بجرح لا يمكن يطيب

غيث بحالة انهيار. هب قادر يشووف ربيع عمره بهالحال.. كان معاني من ضغط نفسي بعد وفاة ابووه .. والمسؤوليه لي عليه .. وأحين انفجر ..وفجر كل ما به !!

رياييل الاسعاف توهم داشين .. بسرررعه صوب فلاح ... يبون يشلوونه .. وغيث هب طايع يتحرك يبا يتم حذال فلاح ..

الريال: يا أخي إذكر الله .. وخلينا نشوف شغلنا ..

غيث هب طايع يهد فلاح .. ويصيح .. يو الشباب شلوه بالغصب ع ينب..رياييل الاسعاف شلو فلاح .. وغيث ركب وياهم ..

الشرطه يت وقبضوا ع بوحامد .. و بو ظاعن لي حاول يهرب بس ماقدر !! والتحقيق بدى وياهم !!



[ سيارة الاسعاف ]

الريال يجيس نبض فلاح ..يرمس ربيعه : فيه نبض لكن نبضه وايد ضعيف. . لازم نسررع ع المستشفى..

الريال يركب أكسجين لفلاح .. ويحاولون يسعفونه .. أول ماوصلو المستشفى نزلووه و ع طول دخلوه الانعاش ...

غيث منهار تماما .. متسند ع اليدار ويصيح .. عمره ما صاح هالصياح !! واليوم فجر كل آلامه !! ي

دق غيث حق حمدان : حمدااااااااان !!
حمدان تروع .. بلاه غيث: غيث بلاك شصاير..؟؟
غيث وصوته متقطع : حمداان فلاح..فلاح فالمستشفى صابته رصااصه!!
حمداااان: شوووووووووه !! فأي مستشفى انتو؟
غيث: تواام.. لا تتأخر دخيلك يا حمدان دخيييلك..
حمدان: دقايق وانا عندك..فداعة الله ..



غرفة الانعــاش

الدكتور يحاول يرجع النبضات الطبيعيه لفلاح ..

النيرس: دكتووور نبضاااته بدت تضعف زياده !!
الدكتور يتحرك بسرعه : ييب جهاز الصعقات الكهربائيه .. !!

المساعد إييبه .. نبضات قلب فلاح تزيد وتضعف !! حالته جدا خطيره !!

الدكتور : نحن لازم نسوي له عمليه جراحيه احين !! حد من هله هني ؟
المساعد : هيه هني واحد يقربله ..
الدكتور: دقايق عيل..
الدكتور ظاهر صوب غيث..

غيث ربع صوبه: ها دكتور بشررر!!
الدكتور: نحن لازم نسوي له عمليه !!
غيث: ليييييييش؟
الدكتور: ياخوي هالشي ضروري.نبضات قلبه وايد ضعيفه وحالته حرجه. بس بعد لازم موافقتك !! خلنا نخلص الاجراءات ..

غيث هب قادر يقرر.. لكن بنفس الوقت العمليه لازم تصير.. فلاح فحاله حررجه !!


غيث: خلاص يادكتور .. سوو اللي عليكم ..
الدكتور : تعال ويايه ..

غيث راح ويا الدكتور .. الدكتور خلى غيث يوقع على اجراءات العمليه ..

الدكتور يكلم النيرس:جهزوا غرفة العمليات ..
ع طول راحو جهزوا غرفة العمليات .. بكامل معداتها ..


[ غرفة العمليات ]

الدكتور : لازم نظهر الرصاصه .. بس مكانها وايد حرج ..
الدكتور الثاني يهز راسه : هيه ..
الدكتور : يلا توكلنا على الله ..

بدو الدكاتره بالجراحه .. وحمدان توه واصل.. شاف غيث متسند ع اليدار وحاط يدينه ع راسه ويصيح ..

حمدان : غيث شخباار فلاح .. شو اللي صار؟
غيث: مااعرف..ماعرف..احين دخلوه الجراحه .. العمليه صعبه يااحمداان آآآخ ..
حمدان : وشو اللي صار شووه؟
غيث: بو حااامد ..بوحااامد راح يبغي يجتل بو ظاعن .. وفالوقت لي بغى يضرب به بو ظاعن بالمسدس .. دخل فلاح ووقف جدام بو حامد عسب يوقفه!! آآآخ بس ليته ماوقف..
حمدان يطالع غيث وكله قهر والم : والله ليدفعوووون الثمن غالي..
غيث وهو منهار: انا السبب .. انا السبب.. ليتني مادقيت لفلاح .. ليتني ماخبرته !! لييييت


حمدان يلوي ع غيث ودموعه بعينه يحاول يكتمها : خلاص يا غيث اذكر الله .. هالشي مقدر .. لا تقول جيه .. ادعيله ادعيله يا غيث..
غيث: يآآآرب .. يآآآرب قومه لنا بالسلامه .. يآآآرب...

حمدان حاس عمره تعبان .. يلس ع الكرسي وحط يدينه ع راسه .. آآخ فلاح .. دخيلك خلك قوي .. لا تروح عنا.. نحن محتاجينك يا فلاح .. محتاجينك كلناا ...!!!

حمدان دق حق منصور اخوه لي كان ويا هادف وخبره .. منصور وهادف ع طول يو المستشفى ويابوا أم فلاح والريم وياهم ..

أم فلاح اول ما عرفت بالموضوع انهارت صياح .. والريم نفس الشي ويو ع طول المستشفى.. الكل واقف جداام غرفة العمليات .. الثواني تمر بعيونهم دهر !! كل واحد حالته هب احسن عن الثاني ..

غيث .. مابين حزنه وخوفه ع ربيعه وما بين ندمه !!

حممدان .. تولفت فقلبه كل الاحزان .. من كل جهه حزن!

منصور .. اللي البسمه عمرها مافارقت محياه .. حتى لو هو متضايج .. يبتسم عشان هله وناسه !! الحزن كسى معالمه وغطى كونه !!

أم فلاح لاويه ع الريم وتدعي الله يقوم ولدها بالسلامه .. والريم تصيح والتعب هد حيلها.. تظهر من حزن وتدخل في غيره .. !!

هادف .. يالس حذال حمدان يهديه .. والحزن امبين فعيونه .. يحاول يصبر ويصبر هله .. يطالع الريم من بعيد .. هب قادر يتحمل شكلها وهي بهالحاله .. آآآخ يارب فرج همنا يميع !!

الريم تصيح .. وحاطه راسها ع حضن امها .. يت عينها بعين هادف .. وبدون ما تحس حطت يدينها ع خدها وصاحت زوود .. هادف تذكر الموقف لي صار له ويا الريم ..!! آآآآخ ليييش!!

هادف يأشر للريم تمسح دموعها .. وابتسم غصب.. الريم استغربت من حركة هادف.. ابتسمت له غصب وهي تحرك راسها بمعنى ان شاء الله .. الريم مسحت دموعها .. حاولت تكتم ألمها.. يلست تدعي لأخوها والحزن كساها.. هادف ابتسم للريم يوم شافها تمسح دموعها.. طرشلها مسج بدون مايحس .. بدون مايفكر .. طرش للرقم لي ترسخ فذاته !!

غريب الوقـت في طبعـه يعـانـدّ .. ابيـه يطـوِيه ولكنْه طـوانيّ
حبيبي فـارق عيـونّي ولا جـا .. تقلـب صـورته فيني مواجِـعِِ

وكاتب تحت ..

الريم خلج قوويه !! لا توقفين جدام هالعقبه !! خلج شرى ماعرفتج قويه .. وابتسمي
هادف

الريم أول ماوصلها المسج .. ماكانت بتفجه .. طالعت الفون وردت تصيح فحضن امها.. تحاتي اخوها .. هادف يطالعها يترياها تقراه .. يحاول يخفف عنها مايعرف كيف!!

مادري يالريم ليش احسج تحبيني !! بس انا بإذني سمعتج تقولين أحبه !! آآآخ بس!!

الريم صدت صوب هادف من ألمها.. شافته يأشر ع الفون!! الريم مافهمت شو يبا .. لا يكون هو صاحب المسج !! بس من وين ياب رقميه !!

الريم تفج المسج أول ماقرته .. طاحت دمعتها.. وبنفس الوقت استغربت ..
ماتعرف شو اللي خلاها ترد عليه بمسج !!

عظمـ الله اجر قلب[ن] ذبحتهـ ..
جوني على موتهـ هموم [ن] يعزون ..!!

هادف أول ما قرى المسج فج عيونه !! استغرب .. ليش الريم طرشتله جذا .. لا يكون!!!
ضيعتيني يالريم وماقدرت أفهمج !! ليش كل ماقرب تبعدين ليييييش؟؟

الريم غمضت عيونها وهي ترمس أمها : إميه ..فلاح بيعيش!!
ام فلاح : إن شاء الله يا اميه ان شاء الله ..
الريم : اميييه هذا ابوويه .. امييه مابغي افقده يا اميييه مابغي ..وتصيييح
أم فلاح نزلت دمعتها غصب : آآخ يا بنيتي ربيه يقومه بالسلامه ..
الريم : آآمين آآمين يا اميه ..



بيت بو غيث

أم غيث اول مادرت بالخبر يلست تصيح .. وتدعي لفلاح انه يقوم بالسلامه .. وطبعا ماقدرت تظهر صوبهم لانها فالعده .. ومن صوب اسوم ... فهي منهاره تمااماا.. اول مادرت بالخبر ربعت فوق وقفلت ع عمرها الباب وتصيح ..

فلاآآآح..فلاااح دخيلك لا تروووح عني فلااااح .. يآآآرب .. يآآرب اشفي نظر عيني ياارب.. يا رب رجييتك لا تحرمنيه منه..

اسوم يالسه وتتذكر كل لحظه وموقف مرت بحياتها ويا فلاح من هم صغار !! صح ان فلاح ما يكن لأسوم أي مشاعر ويعتبرها شرى اخته .. ولكن اسوم وايد تحب فلاح .. من هي صغيره!!
يلست اسوم تصيح ولاويه ع دبدوها.. تدعي الله ان يقومه بالسلامه . وحالتها لا يحسد عليها.!!

مستشفى توام

شوي إلا والدكتور ظاهر .. الشباب سارو صوبه بسررعه ..

الدكتور مبتسم: الحمدلله العمليه نجحت .. !!
غيث هب مصدق : الحمدلله .. ألف الحمدلله والشكر .. ويلوي ع حمدان ...
حمدان : الحمدلله يارب الحمدلله ..

الشباب مستانسين .. والريم تضحك وتصيح من الفرحه .. هب عارفه شو استوالها.. تلوي على امها .. امييييه اميييه فلاح حي يا امييييه .. فلاح حي !!
ام فلاح تصيح : الحمدلله ..الحمدلله يارب..
منصور ياي صوب أمه والريم : تستاهلوون سلامته يا امييه<< ويحب راسها..
ام فلاح :الله يسلمك ياولديه ..
منصور: ياربي .. انتو بلاكم تصيحون ... يعني زعلانين لانه بخير أفاا هههه ..
أم فلاح : علنيه فدااه .. هاي دموع الفرح ياوليدي..
منصور مبتسم :يلا يا اميه ما نبغيها الدموع ..


غيث يرمس الدكتور: دكتور نقدر نشوفه ؟
الدكتور: أحين لا .. لان المريض تعبان ومحتاج لراحه .. ان شاء الله عقب ساعتين بنسمح لكم تشوفونه !!
غيث: دخيلك يا دكتور لو من بعيد دخيلك ..
الدكتور: اممم .. تعال ويايه ..

راح غيث ويا الدكتور .. يلس يطالع فلاح من بعيد ...ودمعت عينه يوم شافه : سامحني يا فلاح سامحني !!

حمدان ياي صوب غيث .. غيث صد صوب حمدان ..

حمدان يرمس غيث: لا تقول جيه يا غيث.. فلاح الحمدلله بخير.. لا تلوم بعمرك وان مالك دخل ..
غيث: ان شاء الله يا حمدان ..
حمدان ابتسم :يلا سرنا صوب الاهل..
غيث : ان شاء الله . بس بطمن اميه ..
حمدان : اوك ..

غيث يدق حق امه ماترد .. دق حق اسوم .. أسوم اول ماشافت رقم غيث فزززت: الوو
غيث: مرحبا اسوم
حمدان اول ماسمع اسم اسوم ... انقبض قلبه .. ابتسم بحزن ويرمس غيث: غيث انا ارقبك هناك ..

أسوم أول ما سمعت حس حمدان .. عرفته !! حست بألم بس أبدا ما كانت تدري ليش؟

غيث: اوك عيل..
اسوم : ها بشر شخباره ولد خالي؟
غيث: ابشررج .. فلاح نش بالسلامه ..
اسوم مستانسه : احللف..!!!!
غيث استغرب >< : والله ..
اسوم : علنيه فداك ..يلا بسيرابشر اميه ..
غيث يضحك :ههه اوك فداعة الله..
اسوم : الله وياك ..

بندت اسوم عن غيث. وركييييض صوب امها تبشرها : اميييييه اميييييييييه...
ام غيث صدت صوب اسوم : بلااااج يا اميه شصار؟
اسوم : اميه فلاح نجحت عمليته . نجحت يا امييييييه !!
ام غيث مستانسه تلوي ع بنتها : الحمدلله الحمدلله ..




مستشفى توام

حمدان يرمس امه : اميه شرايج تردون البيت ترتاحون .. ان شاء الله عقب بنييبكم تشوفون فلاح ..
أم فلاح : لا يا وليدي خلنا .. نبغي نتطمن عليه وانا امك ..
حمدان : بس يا اميه احين الزياره ممنوعه ويلستكم ما منها فايده..
ام فلاح : ماعله ياوليدي خلنا ..
الريم : هيه دخيلك حمدان خلنا... والله مابنقر لو رحنا البيت .. بنيلس نتحرقص..
حمدان مبتسم : اووك ع راحتكم .. عناااد هههه ..
الريم: هههه حرام عليك ..

يلسو الشباب يسولفون .. والريم وامها يالسات ع ينب ..وعقب الدكتور سمحلهم بالزياره .. بس انهم ما يطولون .. عشان صحة المريض...


أم فلاح دشت ودمعتها ع خدها : علنيه فداك يا ولديه .. ماتشوف شر..
فلاح يرمس بصعوبه : الشر ما اييج يا اميه..

وتصيييح...!!

حمدان : بس يا اميه لا تصيحين .. ترى الدكتور قال هب زين ع شان صحة فلاح ..
ام فلاح : ان شاء الله .. ان شاء الله ..
الريم يايه تسلم على فلاح : علنيه فداك ياخوي..ماتشوف شر..
فلاح مبتسم : فديتج الريم .. الشر ما اييج ..

حمدان : إميه هادف وغيث يبون يسلمون ع فلاح ..
أم فلاح :وي دي ..خلهم يدشون ماعليهم ..

الريم راحت ع صوب.. ودشو غيث وهادف..

غيث ساير صوب فلاح : تستاهل السلامه يا فلاح .. ماتشوف الشر..
فلاح مبتسم : الله يسلمك ياخوي..
هادف يسلم ع فلاح : سلامات سلامااات فلاااح ..
فلاح: حييييييك والله .. الله يسلمك..
هادف: يلا خل عنك الدلع شد حيلك هههه ..
فلاح : ههه ان شاء الله أبويه..

الريم كانت تلعب بالفون .. وهادف انتبه بس ماقال شي.. مع انها ماكانت تسوي شي بس تطالع لكن بسبب شكه فكر بأفكار خايسه ..الريم أول ما سمعت اسم أبويه .من قالها فلاح .. حست بألم .. تذكرت ابوها.. وتخيلت لو فلاح رحل عنهم شو بتكون حياتهم..ظهررت ع طول ودموعها ع خدها..محد انتبه إلا هادف لي كان يناظرها من بعيد لبعيد ..!!

ظهرت الريم .. وهي تصيح .. وحاطه يدينها ع ويهها وتمشي بسرعه .. وهي ظاهره بسررعه دعمت ريااال ووكانت بتطيح فهو يودها عسب ماتطيح بس ماقصد شي..

وبهاللحظه هادف كان ظاهر من الغرفه .. ترخص منهم بحجة انه عنده شغل.. وهو كان يبا يشوف الريم بلاها!!

أول ماشاف الريال وهو زاخنها !! تيمعت كل الشياطين بين عيونه !! صوتها وهي تقول أحبه أحبه بس هو مايحس !!! صورتها وهي تصيح !! وقفتها وهي تلعب بالفون وفجأه صاحت !! ليش صاحت !! أكيد هو قالها شي .. أكيد راحت تلاقيه مواعدتنه !! هادف ماخلى فكره مايابها فباله !!


هادف يسير صوب الريم ويزخها من ايدينها ..

الريم : وودرني ووودرني شو تبغي انت !!
الريال تحرى انه مايقربلها : ايييييه انت شو تبغي حق لبنيه .. هدهااااااا !!
هادف يطالع الريال بعين : انت لو تستحي ما رغت بنات الناس..
الريال استغرب من رمسة هادف.. والريم فجت عيونها: تشششك فيني ؟؟
هااااااادف: هيييييييييييييييه أشـــ .... !!

وقبل لا يكمل إنطبعت كف الريم ع خد هادف .. !!

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

البارت _ 15_

هادف يسير صوب الريم ويزخها من ايدينها .. الريم : وودرني ووودرني شو تبغي انت !!
الريال تحرى انه مايقربلها : ايييييه انت شو تبغي حق البنيه .. هدهااااااا !!
هادف يطالع الريال بعين : انت لو تستحي ما رغت بنات الناس..
الريال استغرب من رمسة هادف.. والريم فجت عيونها: تشششك فيني ؟؟
هااااااادف: هيييييييييييييييه أشـــ .... !!

وقبل لا يكمل إنطبعت كف الريم ع خد هادف .. !!

لي الله صرت لطعوني ( هَدَفْ ) ولطيبتي الرامـي
أنا [ لا طاعني هذا الزمـان ] ولا بعـد طعتـه !!

حبيبي صَعبه أتحَمَّـل جُروحـي وعظَّـة إبهامـي
قضى صبري وكل حَـلٍ عشـان الحُـب ؟ جرَّبتـه

هادف اتفاجأ من حركة الريم .. حط يدينه ع خده ويطالعها وهو منصدم !! والريال مستغرب.. وقف يطالع وويهه قافط .. الريم ما عرفت شتسوي.. تمت تطالع هادف تحاول تكتم دموعها وربعت صوب التواليت !!

الريال هب عارف شيقول : اممم .. اسمحليه الشيخ . .فداعة الله ..
روح الريال.. وهادف مارد عليه .. بعده ع هيئته !!
هادف ع طول شل عمره وهو منقهر .. ركب سيارته وظهرر محرررج !!

الريم يالسه وتصيح .. تطالع يدينهاا.. آآآخ انا كيف قدرت اسوي هالشي كيف كييييف !!
بس هو يستاهل !! يعني يشك فيني .. ليييييش!! كل شي إلا الاهانه يا هادف..
يمووت الحب وتظل الكرامه !! اسمحليه ياهادف بس انت .. انت لي جبرتنيه !!

وَدّعـْتـَهْ .. / وأَخـّفـِـيْت عـَنّه دُمُوعِـيْ ..!
خـَايــِفْ يـِْحسْ بـِحَسْرتٍـي واِلْــتٍـياعِـي ..
وَدّعـْتـَهْ ../ والـْقَـلبْ مـِنّيْ جـَزُوع ِ .!
جـًزَعْ مـِنْ الـْفُرقـَا قـَلِـيلْ الـْمًساعِـيْ ..


الريم غسلت ويهها .. وظهرت سايره صوب هلها.. دخلت غرفة فلاح وهي مبتسمه ..
تحاول تبين ان مافيها شي !!

أم فلاح: وين سرتي يا بنيتي ..؟؟
الريم : لالا ماشي هني إلا ..لي مايظهرون عيال عموه ..
حمدان : هههه والله ماتعرفين تخرطين..
الريم: ليش؟
حمدان ابتسم لها يعرف انها متضايجه من شي وامبين عليها : فديتج ماشي..
الريم ابتسمت له وسارت حذال فلاح : شحالك حبيبي احين ؟
فلاح مبتسم: الحمدلله ريماني .. أحسن لا تحاتين ..
الريم ودمعتها ع خدها : فديتك يا.. يآ أبويه ..
فلاح ابتسم : فديتج يابنيتي.. ليش الدموع ..أبوج بخير..
الريم تحبه ع راسه : ان شاء الله تقوم بالسلامه ..
الكل : ان شاء الله ..

يدش الدكتور وعقب ماسلم ..يرمس فلاح : شحالك فلاح احين ؟
فلاح: الحمدلله يا دكتور أحسن .. بس احس بألم بسيط ..
الدكتور : االحمدلله .. ومن ناحية الالم .. لا تخاف ها شي طبيعي .. ان شاء الله بيزول عنك .. لا تنسى هاي رصاصه!!
فلاح اول ما تذكر تضايج .. ابتسم للدكتور ..

شوي إلا ويندق الباب ..
حمدان راح يشوف منو .. لقى الشرطه ..

الشرطي : مرحبا اخويه شحالك ؟
حمدان : الحمدلله ومن جداك..؟؟
الشرطي : الحمدلله بخير ونعمه ..
حمدان : آآمر ياخوي..
الشرطي :والله ياخوي نحن يايين نحقق ويا فلاح .
حمدان: اممم .. اوك هب مشكله..تفضل ..
حمداان : درررب ..درررب..

الريم و ام فلاح راحو ع صوب .. ودش الشرطي عند فلاح ..
عقب ظهرن الحريم .. وحمدان والدكتور..
وتم فلاح رووحه ويا الشرطي يحققون وياه ..

وحمدان استدعووه للمركز عسب يحققون وياه ..
شل هله وداهم البيت عقب سار المركز..

الشرطه حققوا بالقضيه .. وحولوها للنيابه ..
وبعد التحقيق.. المحكمه أصدرت قرار بحبس بو ظاعن وبو حامد .. عشر سنين ... بالاضافه انهم وقفوا التداول لشركة بو ظاعن وقفلوها بالشمع الاحمر ..

""

""
مرن أسبوعين من الحادثه .. فلاح قام بالسلامه ورخصوه من المستشفى .. مرت هالاياام .. كانت كلها بين المستشفى والمحاكم .. والطفره والضيج والعذاب ><

يوم الاحد [ بيت بو فلاح ]

حمدان نازل الصاله ع الساعه12 . . امبين ع ويهه التعب .. من امس مارقد لويه الفير..
حمدان يحب امه ع راسها :شحالج اميه؟
ام فلاح:الحمدالله ياولديه انت شحالك..بلاك توك ناش عاد ظهر..
حمدان ابتسم ويسلم ع خوانه ..

منصور يطفر بحمدان : طااعو انتوو شكله تقول ويه عيووز باعو بوشها هههه ..
الريم نااقعه ضحك ..وحمدان مبتسم وساكت .. توه ناش مافيه حيل.. ويسده التعب

أم فلاح : حوووه انتوو هب ع ولديه .. عاده كله ولا حمدان ...
فلاح : دخييييييييلج انتي .. من زينه هههه ..
الريم اونها زعلانه : مامايه وانا ؟
ام فلاح : وي دي..شو انتي بعد ؟
الريم : شو كله ولا حمدان .. وانا شو بنت البطه السووده ؟..

حمدااااااان وفلااح ومنصور ناقعين ضحككككك كااااااااااااااااااااااااااااك

أم فلاح : ها يالهرمه شقلتي .. منو البطه السوده ؟
الريم توها انتبهت : هههههه فديتج ماماتي والله أسووولف انا..
أم فلاح يونه زعلانه : هيه هيه حتى انتي وياهم ..
الريم تنش تلوي ع امها : فدييييييييتج مامايه والله ..احببببج موووووووت ..
ام فلاح مبتسمه : فديتج يالريم ..
منصور: أقولك وين الكيمره ؟
فلاح : شعنه ؟
منصور : صووور صووور فلم هندي ماتشوف.. ماناقص إلا شاروخان هههه ..
فلاح : صدقك والله ههههههههه
الريم : مالت عليييييكم داااااادوبين ..
منصور : دادوووبين = جمع دادووه .. ههههههههه
الريم : ملييييييييييييييييييييييق والله
فلاح : رسمي ها ههههههههه
الكل يضحك ..هههههههههههههه

أم فلاح : يلا يافلاح شد حيلك بتعرس..
حمدان تضايج .. والريم فجت عيوونها : لالا تقولييييين !!
فلاح يطالعها بعين: ليش هب ريال يعني ويا راسج ..؟؟
الريم :هههه محشوم .. إلا شيخ الرياييل ..بس انت اخر واحد اتوقعه يعرس من متى معارض..
فلاح : هههه الله يخلي الوالده .. خلاص ان شاء الله عزمت ..
منصور : ومنووو سعيدة الحظ ..؟؟

حمدان ساكت اونه يلعب بالفون وماعلق ع شي..حاس بألم كبير..

فلاح: هههه والله ماعرف لي احين ..بعدنيه ماقررت منو ..بس اميه حاطه في بالها وحده ..
الريم : منووووووووووووووووو ؟
أم فلاح : أسما بنت سلطان .. بنت عمتكم ..
الريم ومنصور فاجين عيونهم وبإحباط : هاااااااااااا !!
أم فلاح : هيه نعم .. البنيه امررره ماتنعاب .. بنت حمووله .. وعليها جمال واخلاق..

حمدان ساكت .. مقهور هب عارف شيقول ..

فلاح : بس يا اميه !!
أم فلاح : بس شو يا ولديه ؟
فلاح : ماعرف ماعرف اميه .. بس يوم اني فكرت بالسالفه حسيت اسوم صغيره عليه !!
أم فلاح : وي دي .. شو بعد صغيره عليك ..؟؟

حمدان هد التلفون من يدينه ووصد صوبهم يسمعهم بإهتمام ..

فلاح يرم بجديه : يا اميه .. اسما امرره ماتنعاب وماعليها شي.. بس أنا اعتبرها شرى الريم .. من هن صغار وانا الاعبهن واوديهن واييبهن .. ماتخيل عقب تكون حرمتيه . والله هب شي..
الريم : هيه والله يا اميه ..حتى انا استغربت من قلتي اسما حق فلاح ..ههههه ..
أم فلاح : والله مادريبكم .. وانت يا حمدان شرايك ..؟؟
حمدان : هااا ؟؟
أم فلاح : شو ها بعد ؟
حمدان : لالا ماشي.. براحتكم سوو لي تبونه .. والبنيه ماتنعاب..
أم فلاح : هيه والله ياولديه ماتنعاب.. قولهم فههم ..
حمدان ويكتم مابه من الم : هيه يافلاح خذها مافيها شي..شو يعني شرات ختك ؟ عقب كل شي بيتغير ..

حمدان يقول هالرمسه وقلبه يتقطع .. بس ماهانت عليه امه وهي خاطرها إن ولدها ياخذ اسما.. !!

فلاح حس بوجود شي فخاطر حمدان ناحية اسما : لالا يا اميه .. انا فكرت بالسالفه وما ارتحت لهالشي.. وماعليج انتي دوريلي حرمه .. انا معزم اعرس..
الريم : هههههههه علنيه فداك مابغيت ..
ام فلاح : ماعليه ياوليدي اللي تشوفه .. وان شاء الله بدورلك ع العروس لي تملي عينك وتسعدك ..
فلاح مبتسم : ان شاء الله يا اميه ..

الريم نقزت : اممممممم اميييه تعرفين ربيعتيه رووويض؟
ام فلاح : هيه ادريبها ..ماشالله عليها هي واهلها ناس طيبين .. وماينعابون ..
الريم : هيه والله يا اميه .. الصراحه هالناس اوك..اخلاق وجمال .. ماعليهم رمسه .. ورويض عندها اخت أكبر عنيه بسنتين .. يعني كبر حمدان ..
فلاح : هاا ام خماس.. غاديه خطابه.. شقصدج ههههه ..
الريم :هههه ويا ويهك .. الصراحه البنت اوك .. ووتتمناها انت اصلن ..
فلاح : علنيه فداج .. عاد ان شاء الله تكوون شي شي..
الريم : حووه انت رايحين السوق نحن ههه ..
ام فلاح : أخبرج .. نحن بنسير صوبهم وبنشووفها البنيه وهلها..
الريم : هيه والله يا اميه .. يبالنا..عاد روحي ولهانه ع روييض بسير وانتي ويايه شوفي العرب وشوفي عليا اخت رويض مره وحده ..
فلاح : هييييييه لقيتي سبه تروحين صوب ربعج .. ولو انه منقود .. بس عشان حرم فلاح ههههه ..
الريم: ههه من احين هاا..
فلاح: تصدقون والله حفزتونيه ع العرس .. حمدان يلا شد حيلك ..هههه
حمدان مبتسم : بعييييييد بعييييييييد ..
منصور : احم احم لنا الله
فلاح : انت خلك بعيييد خل النادي ينفعك ههههه
منصور: ههه وياويهك .. جيه بعرس بكوره انا هههه
حمدان : هب بعيده هههه
منصور: ههههه وياويهك ..
حمدان : ويهك ابيض هههه

فلاح : اوك عيل خلكم انتو يالخطابات ..منصور ماوصيك بهم.. حمدان تعال ابغيك ..
حمدان : ان شاء الله .. عن اذنكم ..

راح حمدان ويا فلاح يتمشون فالحوي ..

فلاح : امممم حمدان !!
حمدان : آآمر ياخوي؟
فلاح بدون مقدمات: انت تبغي أسما بنت عمتيه ؟
حمدان استغرب من سوال فلاح:هااا ؟؟
فلاح : حمدان انا اخوك .. واعرفك عدل..حسيت انها فخاطرك .. صح ولا؟
حمدان مرتبك: والله مادري شقولك ياخوي.. هيه والله البنيه فخاطريه من زمان ..
فلاح : هههه علنيه فداك والله .. وشعنه مارمست .. لو انا خذتها احين ..
حمدان : والله ياخوي ماعرف.. بس من دريت انك تبغي تاخذها صح تضايجت وايد.. بس مابغي حرمه تفرق بينيه وبين اخووويه ..
فلاح : علنيه فداك يا حمدان .. مابغي شي يتم فخاطرك مره ثانيه .. وانا الصراحه امبوني ماعرف انك تبغيها.. بس مارتحت اخذها.. واليوم يوم كنا نرمس وانت ساكت .. حسيت بك شي.. حتى وانت تقولي البنيه ماتنعاب وجيه .. حسيت بك نبرة الم .. وانت اخوويه وادريبك ..
حمدان ويهه قافط : هههه
فلاح : ان شاء الله أسما تكون حليلتك يا خوي..
حمدان مبتسم : ان شاء الله يارب..اممم فلاح ؟
فلاح : يا لبيه ..
حمدان : لبيت في منى .. بس بغيت اخبرك ان انا وهادف بنرد لندن عقب يومين .. تدري مابقى شي ع السنه ..
فلاح : هيه والله زين تسوون ... الظروف يت مره وحده وضدنا...
حمدان : هيه والله .. عسب جيه بغينا نسافر احين ونخلص امورنا..
فلاح : زين ما سويتو .. يلا ربيه يوفجكم
حمدان : آمين يآآرب ..

عند هادف..

هادف يالس برويحاته فالحجره .. حاس بضيج والم .. مايبغي يظهر .. شوي إلا وحمدان يدق له ..

هادف: مرحبا..
حمدان : مراحب شحالك ؟
هادف:الحمدلله ومن جداك؟
حمدان : بخير ونعمه ربيه يعافيك ..وين ديارك ما تنشاف..؟؟
هادف:والله موجود ..بس ماليه خاطر أظهر مكان ..
حمدان : أفا ليش؟
هادف:ماعرف بس جيه ماليه خاطر..
حمدان : ربيه يهدي سرك .. انزين اخبرك ..
هادف:خبرني؟
حمدان : انا رمست فلاح عن السفر.. وافضل انا نحجز اليوم ..
هادف: زين تسوي..خلاص بنسير اليوم ..ولو تحصل حجز باجر زين ..
حمدان:بااجر ههه ..
هادف:هيه باجر مصخناها..
حمدان : اوك خلاص بشوف..
هادف : بارك الله فيك ..
حمدان :تعرف شو تحسسني..
هادف:شوو؟
حمدان : جني ارمس شيبه حبتين والقبر ههههههههه
هادف:هههه حرام عليك .. هرم انت ..
حمدان : ايوا جيه اضحك ..شرايك تيي صوبنا..؟؟
هادف: لالالا انت تعال مافيني..
حمدان : اوك خلاص يالشيبه ياينك..
هادف: أرقبك عيل..
حمدان: فداعة الله ...
هادف: الرب حافظ..

هادف انسدح ع الشبريه وحاس بصداع وتعب.. وشوق للريم .. بس بنفس الوقت يتألم كل ما يتذكر الريال لي زاخنها .. واللحظه لي انطبعت كفها ع خده .. آآآآخ ع كثر ما انا مشتاقلج يالريم .. مستحيل أسامحج مستحييييييل !! محتاجلج.. ولكن مستحيل اخضعلج .. وبتدفعين ثمن هالكف غالي..!!


عند الريم

الريم رقدت ع العصر.. وحاسه بتعب وحراره .. يت امها صوبها.. لقت حرارتها وايد مرتفعه ..
وي دي يا بنيتي بلاج .. غاديه نار ..ضووو ... واعليه عنج ..

الريم : لا تحاتين يا اميه .. حراره وبتخف..
ام فلاح بخوف: لا يا اميه .. لازم نسير العياده .. بشوف فلاح احيده هني..

الريم هب قادره ترمس حاسه عمرها تعبانه ..

أم فلاح راحت زقرت فلاح .. ووداها العياده ع طول..لقو حرارتها وايد مرتفعه .. وبلاعيمها طايحات من الالتهاب..

ردت من العياده وهي امرره مدوخه .. حاسه عمرها بتموت.. يت امها عطتها الدوى وخلتها ترتاح ..
فلاح داش عندها: ها الريم شحالج احين؟؟ ..
الريم بتعب: الحمدلله يا خوي..
فلاح: شدي حيلج لا تخلين اخوج يسافر وهو يحاتي..عاد تعرفينه كله ولا انتي..؟؟
الريم:هاا؟؟ حمدان بيسافر..؟؟
إلا ومنصور داش: هيه بيسافر. بتسافرين وياه؟؟ هههههه ..
الريم بحزن: ما قال لي عيل..
منصور يتمصخر:هههه هيه تراج حرمته ..
الريم محرجه صدق: منصور عن السخافه هب متفيجتلك ..
منصور: آآآي ويههي هههه .. ان شاء الله بصخ .. دلللللللع مشكله ..
الريم : كيييييييفي..
منصور : ماالت ..
الريم مسويه له طاف وترمس فلاح : متى بيسافر؟
فلاح : والله قالي عقب يومين .. وتوه مرمسني يقول باجر الساعه 12 فالليل ..
الريم : بااااااااااااااجر عااد بهالسرعه !!!
منصور: هيه يالريم هم وايد تأخروا..
فلاح : هيه والله مابقى شي وتبدأ السنه ..
الريم بضيج : ربيه يوفجه ..
فلاح : آمين ..
منصور:حوه انت عيبتك اليلسه خل نظهر خلها ترتاح ..
الريم مبتسمه بحزن : عادي خلكم هب مشكله ..
منصور:لالا لازم ترتاحين .. يلا فلاح ..
فلاح ينش: يلا الريم تبين شي؟
الريم :سلامتك ياخوي..
فلاح : الله يسلمج ...

ظهروا فلاح ومنصور.. والريم منقهرره وحاسه بضيج .. تضرب بيدينها ع الشبريه بقو وتصيح.. آآخ يا حمدان.. دخيلك خلك هب لازم تسافر.. وهادف !! آآخ ياهادف ماقدر أخبي وانكر اني اموت بهواك .. أحبك أحبك .. بس انت لي سويته فيني هب شوي..أبغيك يا هادف أبغييييييييك .. وتصيييييح !!

في عز ماكنت محتاجك تخليني
هذا جزاء الطيب والمعروف يالغالي

تدري في قربك تموتني وتحييني
اليوم بالذات تكفى لا تجافيني

محتاجك اكثر واكثر من نظر عيني
الله يعلم وش اللي صاير فيني

ابيك تجمع حطام اللي انهدم فيني
انا دخيلك علي ضاقت احوالي

""

""
بيت يو غيث

هادف ساير صوب امه يخبرها بسالفة السفر وجيه..

أم غيث: يلا ياوليدي ربيه يوفجكم ..
هادف: امين يا اميه .. اممم اميه حمدان احين بيي ..
ام غيث: حياه الله .. عيل يابوي خبر اسوم تشوف الميلس وتبخره ..
هادف: ان شاء الله يا اميه .. انا بسير اتسبح ..
ام غيث: سير ياوليدي ..ماعليك ..

هادف سار خبر اسوم .. وراح فوق يتسبح ..
وقبل لا يتسبح دق حق حمدان وخبره يدش الميلس ع طول .. لانه بيتأخر شوي لين ما يتسبح ..
اسوم رتبت الميلس وخبرتهم يحطون القهاوي.. وعقب راحت تبخر الميلس.. وهي تبخره يالسه تغني :

كل منا قلبه على الثاني ..
لو ضحك واحد .. " فرح وتبسم الثاني "
ولو انجرح وحزن واحد مننا صرخ ..
آآآه يعلني فدى نصفي الثاني ..
احنا ترى غير البشر !!!
احنا ترى " تومين "
الواحد مننا روحه وحياته رهن للثاني

وبهالوقت حمدان كان توه واصل.. راح صوب الميلس .. أول مادخل شاف أسما.. ماعرف شيسوي .. أسمااا؟؟


أسوم حست انه حد دخل صخت ع طول وصدت صوب الباب إلا وتشوف حمدان ..
اسوم متروعه: ح.. حمدآآآآآان؟!!


¨•¨.¸¸.[ أبي تعلمني ].¸¸.¨•¨

أبـي تعلمنــي حبـنا ويـن يـوديـنا
أبــي تكلمنــي عـن أحـلى أمـانـيـنـا
حبـيـبـي قـول تـكلـمـ لا تخلـيني
يـا خوفـي الدنيــا تـضحكـ لـي و تبكـيـني
أنا ودي معـاكـ العمـر بـس يبـقى
انا مـا قدر مثــل حبـكـ بعـد ألقـى
و لا ظـن مثـلكـ أحـد يستـاهـل أشـواقي
و لا قبـلكـ و لا بعـدكـ أحـد باقـي .

البارت _16_

وبهالوقت حمدان كان توه واصل.. راح صوب الميلس .. أول مادخل شاف أسما.. ماعرف شيسوي .. أسمااا؟؟
أسوم حست انه حد دخل صخت ع طول وصدت صوب الباب إلا وتشوف حمدان ..

اسوم متروعه: ح حمدآآآآآان؟!!


¨•¨.¸¸.[ أبي تعلمني ].¸¸.¨•¨

أبـي تعلمنــي حبـنا ويـن يـوديـنا
أبــي تكلمنــي عـن أحـلى أمـانـيـنـا
حبـيـبـي قـول تـكلـمـ لا تخلـيني
يـا خوفـي الدنيــا تـضحكـ لـي و تبكـيـني
أنا ودي معـاكـ العمـر بـس يبـقى
انا مـا قدر مثــل حبـكـ بعـد ألقـى
و لا ظـن مثـلكـ أحـد يستـاهـل أشـواقي
و لا قبـلكـ و لا بعـدكـ أحـد باقـي


حمدان ما رمس .. روحه منصدم !! وويهه قافط !! يلس يطالعها وهو ساكت ما قال شي.

.آآآآخ من متى ماشفتج يا أسوم .. ليت ربيه يجمعني بج ع الخير ليت وتكونين حليلتيه !! واسوم نفس الشي ما عرفت شقايل تتصرف.. عقب انتبهت !! وراحت تربع حجرتها.. وهي فالدرب شافت هادف توه ظاهر

هادف يرمسها : حمدان وصل؟
أسوم : ها؟؟
هادف:اوهوو انا منو أسأل بسير أشوفه روحي ..
أسوم : هيه هيه هني..سمعت البشكاره تقول لإميه .
هادف:آها زين عيل..

نزل هادف واسوم ربعت حجرتها ويلست تصيح.. يآآربي !! أحين لو هادف درى بيذبحني .. يارب يارب ما يخبره !! لالا اكيد مابيخبره .. شو بيقوله انا دخلت ع اختك الميالس.؟. لالا ماتوقع .. يآآربييييي ..اف اف ..

اسوم راحت غسلت ويهها .. وعقب عقت عمرها ع الشبريه !! يلست تتذكر الموقف لي استوالها!! صوره حمدان وهو يطالعها ما خازت عن بالها .. نظرات عيونه غير.. تذبح !! حسيت نظرته لي هب عاديه !! اوووهوو انا بلاني أفكر فيه حشا .. بقوم اسويلي أي شغله أبرك !!

اسوم سارت فجت سدتها جان تشوف صوره جماعيه لها هي وخوانها وعيال خالها لي هم الريم واخوانها.. اول ماشافتها نقعت ضحك .. كان فلاح حاط ذراع وحده ع إرقبة اسوم وذراعه الثانيه ع رقبة الريم .. يونه يخنقهم .. وحمدان ورى اسوم يسوي حركات عبط .. وهادف ومنصور رافعين ريولهم فوق .. جان تنقع ضحك !! هههههههه والله أشكالنا تحف !! وبدون ما تحس يلست تطالع صورة حمدان وتبتسم .. فجأه حست بعمرها!!


وي بلاني انا .. لا يكون أحبه .. لالا انا احب فلاح شخصه حمدان بالسالفه.. ههه شكله عشان الموقف لي صار اليوم ... ولا الحب ماشي منه .بعيييد بعيييد ..

خل أدق حق ريموه أتطمش أحسن .. وتدق اسوم حق الريم..

الريم وامبين عليها التعب : ألوووو..
اسوم : ياويل حااااااااليه لو ريلج سمعج ذاب ههههههههه ..
الريم مبتسمه : دبه انتي مايخصج تغارين ..
اسوم:ههه فديتج لا ماغار .. شحالج؟
الريم : الحمدلله .. انتي شحالج؟
اسوم : ويت ويت ويت .. متأكده انج بخير؟؟
الريم : شعنه ؟
اسووم :صوتج امررره ميته ..تعبانه ؟
الريم: فديتج هب تعبانه بس شوي..
أسوم : بسم الله عليج شياج ؟
الريم : والله مادري طاحتبيه حمه ودق بي العوق في البلاعيم ؟.عاده فلاح ودانيه العياده .. والحمدلله احين أحسن .. الحمه تروح وترد ..بس أحسن عن قبل لا تحاتين ..
اسوم : فديتج ريماني ماتشوفين شر..
الريم مبتسمه : الشر ما اييج دبوه ..
اسوم : شو يالسه برويحاتج ؟
الريم : هيه توهم خوانيه كانو هني وظهروا ولا حمدان مادريبه وين ..
اسوم : خخخخخ حمدان مطيح الميانه هني عندنا..
الريم يونه زعلانه :هيه لازم بيطيح عندكم .. ثرى السفر باجر ..

اسوم منصدمه بعدها هب مستوعبه لان محد طرالها قبل وكل شي صار بسرعه ..

اسوم : هييييي انتي اي سفر؟؟؟.. شكلهاا الحمه طاحتبج طيحه ..
الريم : لا حبيبتي هب الحمه ..توه فلاح ظاهر من عنديه ومخبرنيه .. قال كل شي صار بسرعه . والسفر الساعه 12 باجر ..
اسوم بعبط: ليلا ولا صباحا..؟؟
الريم : ههههههههههه علنيه بلاج ذكرتينيه بأبلة العربي.. ليلا ليلا مادل بس هم يقولون الساعه 12 عباره صباحا ولا؟
اسوم :اخبرج انتي هب لاقيه حد تسئلينه ؟
الريم : هههههههه هيه والله .. ولا انا منو قالي اخبرج انتي ..
اسوم ببراءه :ريمووووووووووووه ماخبرتج؟
الريم تروعت : علنيه بلاج .. شعندج تصارخين انتي.. اف منج ..
اسوم : ريماني يا ويلي اليوم استوالي موقف غبي غبي ..
الريم اشتغل عندها الفضوول : شوووووو قووولي؟

أسوم تبا تقول إلا وأمها تزقرها..

أم غيث: أسوم تعالي أبغيج تساعدينيه أرتب لاخوج بيسافر..
اسوم لاويه بوزها : اميييييه احين احين ؟
ام غيث: هيه احين وابويه عليج انا..يلا انقفضي..
اسوم تتحرطم : انزين فشلتينيه تهزبينيه جدام هالهيسه ..
ام غيث: ها شقلتي منو فشلآج ؟
اسوم : لالالا ماشي..تامرين امر..دقايق ويايه .
ام غيث: ماشي دقايق احين تبندين يلا اشوف..

والريم ناقعه ضحك ..هههههههه

اسوم : انزين بيي امايه بيي..
ام غيث: ماشي احين يلا اشوف..
اسوم يونه محرجه : انززززين ..حوه انتي عقب برمسج ..
الريم : هههههه لا تكفخينا.. عاد انتي ماترومين تخشين سالفه ..
اسوم : هب منج مني انا اللي ماروم اخش شي عنج بالهرمه ..

ام غيث: مطووووله انتي شووه ؟

اسوم : ها خلاص والله خلاص..يلا انتي يالثوره بآآي..
الريم : انا ثوره يالعنز .. بآآيآآآت

أم غيث: انتي يالخبله يلا نشي..
الريم : وووووووووووكككككككككككك
اسوم : ماعليه ضحكي بتشوفين .. وتبند الخط ع ويه الريم .. والريييم ناقعه ضحك ..هههههههه

اسوم راحت صوب أمها ولاويه بوزها : هاا ييت ..
أم غيث: وابويه .. وشعندج لاويه برطمج ؟
اسوم : اميييه انتي تهزبيني جدام ريموه عاد هاي تدور سبب تزخه عليه ..
ام غيث: تراج قلتيها ريموه .. وريموه بنيتيه امرره ماستحي منها ..
اسوم : حراام كله تهزبيني كله تهزبيني زعلت ..
أم غيث: زعله بلا رضوه ..صه صه .. قطعيها الرمسه اشوووف..
اسوم منقهره تتحرطم : حشا هالعيوز ماشي عندها مجامله ..دلع ..شي ..
أم غيث تزخها من اذنها : ها شقلتي ؟
اسوم تضحك: ههههههههه ولا شي ولا شي..
ام غيث: عيز حيلج يالهرمه احينه انا عيووز ..؟؟
اسوم تحب امها ع راسها: علنيه فداااج يا اميه .. زينة الحريم انتي..ههه
ام غيث: هيه توج حرمه ..
اسوم تتحرطم :ليش شو امبوني؟ ههه
ام غيث تطالع اسوم بعين .. اسوم تروعت :اسفه اسفه .. وتربع ورى امها ههههه ..

عند هادف وحمدان [ ميلس بوغيث ]


هادف : والله مادري شقولك ؟ بس متضايج من سالفه..
حمدان : هادف تراني ادريبك انك متضايج ولا ما سئلتك ..
هادف يبتسم: حمدان علنيه فداك يوم اني بستعد اخبرك تراني بخبرك .. والسالفه ماتسوى..
حمدان : إن شاء الله .. بصبر عليك .. ياصبر ايوب..
هادف يضحك ع شكل حمدان : ههههههههههههه تحفه انت ..
حمدان : جب جب ههههههههه ..
هادف : حيك والله ..
حمدان : أقول دام ان السفر باجر.. قوم افترينا فالعين .. والله بتوله عليها..
هادف: آآخ لا تتخبر.. وين فيني عنها العين انا..
حمدان : ههه عقب عد القصيد ..قوم سرينا.؟
هادف: ههه سرينا .. لحظه بخبر اميه إنا ظاهرين عن تحاتي.
حمدان : اوك ارقبك فالسياره ..
هادف:اوك ..

هادف سآر صوب أمه وحمدان شل عمره وركب سيارته .. يلس يرقب هادف .. حمدان كان وايد مستانس .. ماتوقع إنه يشوف أسوم ! صح إنه انحرج من الموقف لي صار !! بس المهم إنه شافها قبل لا يسآفر!! آآخ يآ اسوم لو تحسين بيه بس !! ليت تحسين بيه !!

حمدان شغل أغنية ميحد \ أحبك يا نظر عيني..


احب يا نظر عيني غناتي...وأحب للأرض لي تمشي عليها..

وأحبك حتى أكثر من حياتي..وأسوم الروح لأجلك وأشتريها..


معي ذكراك له ذوق وحلاتي..يشافي القلب و الروح يحييها..

اداوي به جروح مخفياتي..فلا يقدر طبيب يعتنيها ..



لأطبعها بعاصوف الشراتي...وخلي مويها يطمي عليها...

وخلي يكون لي في الكايناتي..ويقول الناس هذا مدعيها...


حمدان داش فيلنج ويا الاغنيه .. يطالع بآب الميلس ويبتسم !! يتذكر اللحظات اللي مرت بسرعه بشوف الانسانه لي حبها .. أسوم !! آآخ يا أسوم ربيه يصبرنيه ع فرقاج ويجمعنا بأقرب وقت ع خير !!

حمدان سرحان وعايش الجو ويا ميحد .. ولا يدري بالدنيا .. هادف يا ويرمس حمدان .. وحمدان طااااااااف . هب وياه موول ههه .. هادف فجأه صرخ : حمداااااااااااااااااااااااااااااااااان

حمدان تروووع نقز : بسم الله شو صاير .. شو بلاك ؟
هادف: هههههههههههههههههههه عاشق الاخ شو .. من متى أزقرك ؟
حمدان : ههه فعينك .. متى زقرتنيه .. ماسمعتك ..
هادف يحرك حياته بنذاله : معلوووم ما سمعتنيه هههه ..
حمدان فيه ضحكه ويحاول يخشها يونه محرج : أأقول اركب اركب احسلك..لا أشخطها واروح عنك..
هادف: هيه هيه معلوووم القلب يخليك تشخطها وتشخط ابوو يدها هههه ..
هني حمدان مارام إيود ضحكته زوود : وووووووووووووووووووووكككككككك

هادف: هههههههه والله مشكله لي يحبوون ..
حمدان : بتركب هدوووف ولا شووه؟
هادف: ولا شوووه هههه ..

حمدان يرد ريوس ,, وهادف ناقع ضحك هههههههه.. شل نعالته فيده ويصفق بها .. يربع ورى السياره : حمداااااااانوووه عاشق حمداااااااانوووه عااشق ..

أسوم سمعت هادف يوم يقول جيه .. ع طول راحت توايج من الدريشه .. حست بألم .. بس ليش ماتعرف!! اووهوو انا ليش تضايجت .. عادي هو ما يعنيلي شي ! افف

حمدان وييهه قافط .. نزل من السياره وربط كندوورته وعق سفرته ويربع ورى هادف .. وهادف نااقع ضحك .. هب قادر يرمس..طاح ع الأرض وووووووووووككككك ..

حمدان إيي ويدوسه فبطنه .. حمدان كان حنطاوي .. وعيونه كبار وخشمه سيف !! كان مطول شعره شوي !! وهو يداغش هادف طاحت خصلتين من شعره ع يبهته .. وكان شكله غراام !
اسوم اول مره تدقق فملامح حمدان وتسمع صوته !!
حست باحساس غريب بس شو هو ماتعرف؟؟!!

هادف ينش وهو ناقع ضحك .. يروح صوب المغاسل لي برع .. جان يلاقي غرشة ماي.. عباها ماي ويربع صوووب حمدان يبغي يرشه .. وحمدان ناقع ضحك .هههههه. يشرد عن هادف وهادف وراه ..

حمدان : هاادف هاادف..دخيلك لا ترش لا ترش هب احين بنظهر ههههه ..
هادف ما سواله سالفه ويررررررررررررش..

حمدان كندوورته وشعره وويهه !! كله تخررس ماي وشكله غدى تحفه صدق ههه ..
شاف ان الغرشه فيها شوي ماي..يربع صوب هادف ويمجعها من ايده ويرش هادف ههه ..

أسوم ناقعه ضحك عليهم .. شوي إلا وام غيث ظاهره من سمعت صريخهم ..
أول ماظهرت فجت عيونها : وابويه شو مستويلكم ؟

هادف وحمدان واقفين حذال بعض وكل واحد يطالع الثاني ومظهرهم حدث ولاحرج ..!!ولا اليهال ههه

ام غيث: منو مسوبكم جذا؟
هادف: هههه اميه رواحنا .
حمدان : والله عمووه هو .. محد قال له يداغشنيه هههه ..

أم غيث: ما عليه يالرغود انتوو .. انا بعلمكم شقا تتداغشون ..
حمدان وهادف ناقعين ضحك : وووووووووووككككك ..
هادف : إميه خلي البشكاره تظهرلنا ملابس لي ولحمدان الفقير ههه .. نبغي نظهر ..
حمدان : هيه والله عموه .. فشله نظهر جيه ..
أم غيث: والله والله .. أدبن لك انت وياه يا تظهرون جذا..
هادف وحمدان فجو عيونهم : هااااااا؟؟؟

أم غيث: ماشي ها .. يلا ظهرووا اشووف..
حمدان :خلاص عموه مابنظهر بنيلس هني ..طابت النفس هههه ..
أم غيث: لالا ماشي.. تظهرون يلا اشوف.. صبروا صبروا ..

حمدان وهادف يطالعون أم غيث يبون يشوفون شو بتسوي؟

أم غيث تدق حق أسوم ..

أم غيث: مرحبا إميه ..
اسوم : ههههه مراحب..شكلج طحتيبهم ..
أم غيث: هيه نعم . اخبرج ..
أسوم :آمري؟
أم غيث: انتي ماتبغين تخلصين امورج حق الجامعه ؟
اسوم : امبلا بس منوه بيوديني غيث عنده شغل والاخ باجر مسافر..
أم غيث: عيل غايته .. دقي حق الريم وقوليلها تخبر امها وخطفو عليها وسيروا المول خلصو اموركم ..
اسوم مستاانسه : اللآآآآآآآآآي صدق اميه ؟
أم غيث: هيه نعم صدق.. ها اخوج هادف بيوديج احينه ووياه حمدان ..
أسوم : هاا..؟؟

هادف وحمدان يطالعون بعض,,يحاولون يستوعبون !!

ام غيث: يلا انقفضي بسررعه .
اسوم : ههه اوك اوك .. بس اميه استحي حمدان ويانا..
أم غيث: عيل ماشي انتي يوم تستحين من هاليعري حمدان ..

حمدان قفط .. يقول فخاطره ..الله يسامحج عموه مالقيتي إلا اسوم تفشلينيه جدامها..

أسوم مبتسمه : حليله .. يلا عيل أحين بدق حق الريم ..
ام غيث: يلا الدهديه ..

وتبند ام غيث عن اسوم وتطالع هادف وحمدان ..
هادف: امييه احين من صدقج؟
ام غيث: هيه نعم من صدقيه عيل من جذبيه .. يلا اشوف .. انقفضو ..

حمدان : آمنت بالله ورسوله ..
هادف: هيه والله ياخوي..حكم القوي ع الضعيف..ههههههه

أسوم دقت حق الريم وقالتلها انهم بيخطفون عليها.. الريم امها وافقت بس قالت دام حمدان وياكم مالي حايه انا اسير هب قادره .. سوالف عيايز ههه ..

اسوم نازله ومستحيه .. أمها جدامها سايره صوبهم ..

أم غيث: يلا أشوف ركبو شو تتريون ..
حمدان : ان شاء الله ان شاء الله ..

حمدان ركب وهو قافط وهادف ركب حذاله .. مفتشل بالقووو ..
اسوم ركبت ورى.. وظهرووا ..

حمدان : شحالج اسما :؟
اسوم : الحمدلله ومن جداك ؟
حمدان : الحمدلله ..

هادف : كله منك يا حمداان كله منك..
حمدان : ههه مني انا خل المداغش ينفعك ؟
هادف: ههههه تووبه يالعاشق ..
حمدان : حرمتك العاشقه .. ههههه ..
هادف : عليه بالطلاق لــ ...!!
حمدان :حوووه حووه اقص عليك هب عاشقه .. ههههه
هادف ناقع ضحك : هههه هيه اتحرى ..

اسوم ناقعه ضحك ع سوالفهم العبيطه !!

وصلوا بيت بو فلاح .. الريم توها تركب السياره : السلام عليكم ..
الكل : وعليكم السلام ورحمة الله ..

حمدان شغل السياره وروح ..

أسوم تساسر الريم : الصراحه هالاثنين مفلع الله يعينا..
الريم : هههه ادريبهم يابوج ..

حمدان : احم احم لا يتناجى اثنان دون الثالث ..صح هادف ؟
هادف يلعب بفونه : هيه والله يالعاشق هههههههه ..
الريم فجت عيونها وبدون ماتحس : هآآآآ عاشق؟؟
حمدان : ههه كله منك ياهادف.لالا هب عاشق..
الريم صخت .. وهادف من سمع صوتها صخ ومارمس ..

هادف: حمدان وين سي دي ميحد؟
حمدان : مادل .. إلا بتلقاه فالسده شووف ..
هادف : اوك ..

البنات ورى صاخات هب عارفات يسولفن .. وناقعات ضحك ع سوالف حمدان وهادف ..

هادف يشغل السي دي .. ويحطي أغنية ميحد ..القلب !!


القلب ماهو لعبتن في يدينك ..ياللي المشاعر كلهـــا عنــــدك اوهام


الفرق واضح صار بيني و بينك..مثل اليقين و مثــل طــــريات الاحلام


ما عاد ينفع لو يردك حنينك .. خطاك هاك اكبر من اســف حبــر الاقلام


حتى الرسايل في هــوانا تدينك.. عنوانـــها كـــــذب و خـــيانات و الام

بنساك بنسا كل زينك و شينك.. جرحن جديد و زاد على جروحن قدايم


سدد من ايام الشقا بعض دينك.. واللـي يسوم النـــــاس لا بد ينســام


كنــــا علــى كــــل الخطا عاذرينـــك .. لا نستمــــع باللي فيــك لوام

واليـــــوم قلبي و الفكر رافضينك .. هيهات يرجع حبن ميت من العـــام


هادف يوم انه حطه كان قاصد به الريم .. ومتعمد هالشي.. يعرف انها بتفهم !!
الريم ع طول حست بهالشي.. صدت صوب الجامه .. وحاسه بغيظ والم !!

أسوم زقرتها .. وهي تصد صوب أسوم .. كان هادف يطالعها من المنظره .. ويت عينها بعينه !! الريم طالعته بنظره فيها تحدي !! وبنفس الوقت ألم كبير !! وصدت عنه ..
هادف حس بهالشي !! أنا براويج يالريم .. بتدفعين الثمن غالي !!

الريم ترمس اسوم : آمري؟
اسوم : ماشي..بلاج صاده .. فيج شي؟
الريم : ههه لا ماشي.. بس جيه سرحت !!
اسوم : بشوو ها ههه ..
الريم : مليييييقه ولا شي..فيج تصدقين ..
اسوم : احم احم استحي .. هههه
الريم : ههه فديتج والله ,,

وصلوا عربانا العين مول .. وكان وايد زحمه ..


حمدان : الله يغربل عدوك يا هادف .. زحمه ونحن خرسانين ماي..
هادف: هههههههههههه الله لو نلاقي ربعنا هني..
حمدان : الله يستر .. سرينا يلا..

دخلو الشباب وويههم قافط .. يحسون كل العربان يطالعونهم هههه لا حول ولا قوه هالقدر

حمدان : أحين وين تبون تسيرون !!
الريم : بنسير نشتري نعوول وشنط وجيه .. هالسوالف..

هادف : يلا عيل ..

راحوا الريم واسوم ووياهم هادف وحمدان .. خذولهم كم نعال وشنط وجيه .. وطول الوقت حمدان وهادف يعلقون عليهم .. كل مايشترون شي.. وهن امررره متفتفات .. ههه ..

يوم خلصوا ساروا يشترون تنانير وقمصان .. عاد هني الريم عووقها.. تحووس ساعه عشان تحصل شي اوك.. ماتبغي أي شي !! أسوم خذت لها كم بدله .. والريم بعدها تحوس..

حمدان : ريموه حشا كل ها ماعيبج ؟
الريم : افف عيبتنيه هالتنوره .. بس ماشي قميص اوك .. وهالقميص عيبنيه بس ماشي تنوره اوك ..
هادف: سمحيلهم مايعرفون ان الشيخه الريم بتي..
حمدان : ههههههه زين يلا اختاري..

الريم حرجت وراحت عنهم وهي منقهره .. ماعليه والله يأتأخر حتى لو لقيت ..

الريم لقت تنووره لونها عينااوي بس شوي غريب .. حلو لونه .. وعليه شك وايد نعووم ذهبي.. ولقت له قميص وايد حلو بعد عيناوي وذهبي !!

حمدان : اوووب اووووب ع العيناويه ... الصرااحه غرااام ..
الريم : احم احم الريم طال عمرك ما آخذليه أي شي ههه ..
حمدان : خقاااقه هههه ..منصور اخوج؟
الريم : هيه وافتخر هههه ..

حمدان يرمس هادف يتمصخر عليه : هادف ماتبغي بدله .. شي؟
هادف: ههههههههه تتمصخر حضرتك ..لا تخلني ألبسك تنوره وقميص صدق ههه ..
حمدان : لالا آآسف..يسد اشكالنا قسم بالله ويهيه قافط ..هههههه
هادف: هههه شنسوي بعد ..

الريم ترمس الريم : اسووم شو احلى هالتنوره ولا هاي؟
اسوم : اممم ماعرف والله كلهن حلوات ..
الريم : اسوووم .. انزين شو احلى؟
اسوم : هاي البنيه ..
الريم : امممم وايد حلوه بس كلهن عايباتنيه هب عارفه اختار..
اسوم : انتي بطرانه احين كم وحده خذتي ههه ..
الريم : مايخصنيه .. هالمفلع بدفعهم طيب غصب ..اف منهم ..
اسوم : هههههههه عنيده ..

الريم ماخلت شي ماخذته .. ومن خلصن سارن صوب الشباب .. دفعوا وظهرو..

حمدان : ها تبون شي بعد ..
الريم تساسر حمدان : انا يوووعاانه ...
حمداان : لازم بتيوعين ههههههه من هالحوامه ..
الريم: دااادووه ماحبك .. هههه

هادف يسمع صوت الريم وهي تدلع .. آآخ يالريم والله احبج !! بس بس شسوي !!

حمدان يرمس هادف: يلا سرنا المطعم؟
هادف:يلا ههه بيموتون علينا عقب هاليواعه ..
حمدان : هيه والله ..
الريم تتحرطم وتطالع هادف: افف مليق ..

هادف سمعها .. واونه يرمس حمدان : حمدان يقولون اني مليق صدق؟
حمدان : هههههههه إلا ..منو قالك ؟
هادف : ناس أكرههم ..

هني الريم حز فخاطرها بغت تصيح ..

حمدان :اوووب اوووب تكرههم مره وحده هههه ..

الريم ترمس حمدان : حمدان يلا نروح البيت ..
اسوم تساسرها : حووه لا انا يوعانه ..
الريم محرجه : يعني البيت مافيه اكل.. اف منج ..

حمدان سمع رمسة اسوم : انزين الريم بنسير بس بنتعشا وبنظهر ..
الريم لاويه بوزها: زييين ..

راحو الشباب المطعم ..

هادف : خلهم هم رواحهم ونحن رواحنا.. عسب ياخذون راحتهم ..
حمدان : هيه جيه اوك ..

يلسو البنات فطاوله .. والشباب في الطاوله المجابله !!
وكان حمدان مجابل أسوم ... يعني يقدر يطالعها ..

طلبولهم ويلسو يتعشون ..

اسوم : انتي بلاج حرجتي فجأه شو صار؟
الريم : ماشي ماشي بس جيه ..
اسوم لاويه بوزها : انزين ليش تحرجين عليه ؟
الريم تبتسم بالغصب: فديتج والله اسامي.. سمحيليه ماقصد ..
اسوم مبتسمه : عادي حبيبتي..
الريم : تعاالي ماخبرتيني شو استوى اليوم؟
اسوم : هييييييييييييييييه ههههههههه ..
الريم: ههه شو ..؟؟
اسوم : والله ان ويههي قافط من حمدان ..
الريم : حمدان ؟ وشخصه ؟
اسوم : اممم اليوم وهو ياي صوب هادف.. كنت أبخر الميلس. ووو .. !!
الريم مندمجه: وووشووو ؟ دش عليج .؟؟.
اسوم : امممم هيه .. والله ويهي قفط ..<<<وتخش ويهها بيدينها هههه
الريم : هههههههه اونه .. طافني عيل..
اسوم : ويهج يالدبه ههههه ...
الريم : انزين وعقب شصار؟
اسوم : ماشي انا الخبله يلست اطالعه وهو بعد .. عقب انتبهت جان اربع حتى ماسلمت ماقلت شي..ههههههه
الريم : ههههههههههه فلم هندي الصراحه ..
اسوم : جب جب اونه فلم هندي ..ولا طاحه .. ههه
الريم : حركات والله انتوو ههه مبرووك مبروووك ..
اسوم : هههه مالت عليج ..


اسوم وهي ترمس الريم .. حست حد يطالعها.. يوم رفعت عيونها لقت حمدان يطالعها .. وكانت تشرب عصير جاان تغص .. هني حمدان مارام يمسك عمره ههههههههههههههههههههههههههه

اسوم قفط ويهها

الريم : بسم الله عليج شفيج ؟
اسوم :ماشي ماشي.. <<وويهها غدى احمر ..

رفعت راسها شافت حمدان يسولف ويا هادف بس كل شوي يطالعها .. جان يبتسم لها .. هني اسوم ماقدرت .. استحت ع طول ويهها غدى طماطه ><..

اسوم : ريموه يلا سرينا..
الريم : وين ماكلتي .. وحاشرتنا باكل وباكل..
اسوم ابتسمت : بش شبعت ..
الريم : هههه غريبه ..
اسوم : ويهج ههه ..

اسوم تدق حق هادف : ألوو ..
هادف : مرحبا ..
اسوم : يلا هادف سرينا..
هادف: خلصتو اكل ؟
اسوم : هيه الحمدلله ..
هادف : يلا عيل .. انقفضو ..

هادف بند عن اسوم .. يلا يبون نروح ..

حمدان تلوم حس ان اسوم ماكلت .. بس غصبن عنه ..هههه

المهم عربانا شلو عمارهم وراحو .. راحوا بيت بوغيث يخطفون هادف واسوم ..
هادف : حمدان لا تروح بييب لك الفايل لي فيه اوراقنا عسب تطرشهم ع البريد فدربك ..
حمدان : ان شاء الله ..خلاص برقبك ..
نزل هادف.. والريم نزلت عسب تيلس جدام .. واسوم توها بتنزل..
هادف زقرها : أسمـــآآآ !!


من كثر خوفي عليك الخوف يمحني
وأفقد شعوري واشوفك غاية مرادي

ان غاب صوتك انادي الليل واوني
واتخيلك واتذكر هامة بلادي

مديون لك بالغلا والحب مشكلني
يا مستحل الفؤاد العاشق الغادي

من يشبهك في البشر ياذوقي وفني
ياراحتي وبسمتي موتي وميلادي



البارت_17_

نزل هادف.. والريم نزلت عسب تيلس جدام .. واسوم توها بتنزل..
هادف زقرها : أسمـــآآآ !!


من كثر خوفي عليك الخوف يمحني
وأفقد شعوري واشوفك غاية مرادي

ان غاب صوتك انادي الليل واوني
واتخيلك واتذكر هامة بلادي

مديون لك بالغلا والحب مشكلني
يا مستحل الفؤاد العاشق الغادي

من يشبهك في البشر ياذوقي وفني
ياراحتي وبسمتي موتي وميلادي

أسوم ع طول صدت صوبه بس بدون ما ترمس !! حمدان ما عرف شو يقول !! أصلا هو ما يعرف ليش زقرها !!


حمدان : سمحيليه ع اللي صار اليوم .. وهله هله بعمرج !!

أسوم تمت ساكته ما تعرف شو تقول ..وبهالوقت الريم ركبت السياره !! حست إن فيهم شي ..

أسوم : عن اذنكم .. فداعة الله ..

حمدان والريم : الرب حافظ ..

أسوم راحت بسرعه حجرتها.. هادف نزل عطا حمدان الفايل .. وروحوا !!

الريم ترمس حمدان وهي مترردده : امممم حمدان شي صاير؟
حمدان : ها؟ لالا ..
الريم : حمدان أنا اعرفك .. واسوم خبرتنيه باللي صار اليوم ..

حمدان ويهه قافط ..ابتسم وماقال شي ..

الريم : انت تبا أسوم صح ؟
حمدان : ماعرف ريموه ماعرف..
الريم : شو ماتعرف .. قول تباها ولا لا..
حمدان : تبين الصدق؟
الريم : لالا الجذب دخيلك ..
حمدان : ههههههههههه سخيفه ..
الريم : ههه طالعه عليك .. يلا قول ..
حمدان ابتسم وهز راسه بمعنى هيه ..

الريم صرخت : اللآآآآآآآآآآآي يعني أسوومي بتي بيتناا..كشخه هههه ..
حمدان : حوووه انتي .. صباح الليل شحالج شخبارج !! بابا ترى ماصار شي..
الريم : هههههههههههه ويا ويهك..
حمدان : بصراحه هي من زماان فخاطريه .. بس انا مارمست لان توني ماكونت نفسي ولا اشتغلت ..
الريم مبتسمه: علنيه فداك .. حسيت فيك اليوم ..
حمدان : ههه اونه ..
الريم : هييييي يا بو حركات .. عيب عيب استح شوي واثقل..هههه
حمدان : ههه حرام عليج ما سويت شي..
الريم : مووووول بريء ههههههه ..
حمدان : ههه ،، انا اليوم رمست فلاح !!
الريم : يآآ لبييييييييييه .. وناسه صدق صدق..
حمدان :امممم تتوقعين توافق تاخذنيه !!؟
الريم : هآآآ؟؟ قصووورها بعد ترفض شيخها حمدان ..
حمدان : احم احم والله ظهرت شي.. هههه
الريم : أكيييد أفا عليك .. مب انت اختك الريم هههههههه..
حمدان : والله انتي خقاقه مادل طالعه ع منووه ..
الريم: فديتنيه والله ههه ..
حمدان : انزين جب ترى محد يعرف..لا تخبرين حد ..
الريم : أفاا عليك .. ما بخبر بس اسوم حراام هههههه ..
حمدان: طاااع هالخبله .. يلا مناااك .. ههه ..
الريم : فديتك والله ..احين عزمتو باجر تسافرون ؟
حمدان : هيه نعم ..وقصينا التذاكر تبين تشوفينهم ههه ..
الريم : لا مابغي حق شو حق الغيظ والقهر
حمدان : ههههه طاعي شكلج ..

الريم فيها ضحكه وتطلع لسانها ع اخوها ..

حمدان : ههههههههههههههههه عبيطه انتي..
الريم : ويهك يالدادووه .. هههه ..
حمدان : اقووول يلا وصلنا نزلي اشووف..
الريم : لآآآآآآآآآآآآ والله .. ع وين ان شاء الله ..
حمدان : بسير صوب اسوم ههههههههه ..
الريم : هههههه من احين ..
حمدان : بنزل وياج شو بعد ..
الريم : هيه تووك .. اتحرى بعد .. ههه

الريم وحمدان نزلو وكل واحد فيهم راح حجرته ..

عند أسووووــمـ

أسوم تتجلب ع فراشها .. تحاول ترقد هب قادره !! حمدان مول ما راح عن بالها !! كل شي صار اليوم !! تحاول تنساه !! تحاول ما تفكر فيه بس ماقدرت !!

يآآرب .. يآآرب بلانيه انا اليوم !! هالانسان مول ما راح عن باليه !! ماعرف ليش !! في شي فيه جذبنيه بس والله ما عرف شوه !! حسيت بنظراته حب !! بس !! بس أانا ليش افكر فيه !! لا يكون أحبه ؟؟ لالا مستحيل .. انا عمريه مافكرت بحمدان .. ولا بفكر فيه !! اففففف افف خلاص ..


وتعق اللحاف وتنش صوب الدريشه ,, تطالع القمر وتتذكر كلمات حمدان ونظرته : هله هله بعمرج .!!

اسوم تضايجت من تفكيرها .. تبا تنسى تبا تسوي أي شي !! فجت اللآب وحدرت المسن .. ما لقت حد حادر .


. اف شوها .. خل ألعب بالنك .. من سنة يدي ما غيرته ههه ..
امممم .. شو أحط شو أحط .. يت فبآلها ابيات وحطتها نك .. ما تعرف ليش ؟
أسوم غيرت نكها وحطته :

[ كذآ من ربي حبيته صدفه يوم لآقيته ]

هههه أنا بلاني حطيت هالنك.. والله اني خبله .. يلا هب مشكله تراه إلا نك .. شوي إلا ريموه حااادره ..
اسوم استاانست : ريماااني حدرررت فديتها والله .. وع طوول ترمسها


[ كذآ من ربي حبيته صدفه يوم لاقيته ] say :


مرررررحبا الساااااع

[ مآ عآد في قلبنآ ذكرى نسينآكم ] say :

وبج مليآآآآآآآآآآآآر .. عصقووولتيه شحالج ؟؟ هههههه

[ كذآ من ربي حبيته صدفه يوم لاقيته ] say :

هههههههههه ويا ويهج .. الحمدلله .. انتي شحالج دبوووتي ؟

[ مآ عآد في قلبنآ ذكرى نسينآكم ] say :

دامج بخير ترانيه بخير. هههه يآآ لبييييييه ع النك .. حبينا هاا هههههه

[ كذآ من ربي حبيته صدفه يوم لاقيته ] say :

هههه لآ والله .. لالا بعييييد بعييييد ..

[ مآ عآد في قلبنآ ذكرى نسينآكم ] say :

هههههه لالا .. واضح واضح .. طاعي النك انتي...لالا والحب فررش بعد .. ههه

[ كذآ من ربي حبيته صدفه يوم لاقيته ] say :

هههههههه نذله .. شو بعد تراه إلا نك ...

[ مآ عآد في قلبنآ ذكرى نسينآكم ] say :

هههههههه فديت اللي تحب انا ..

[ كذآ من ربي حبيته صدفه يوم لاقيته ] say :

ماعليه يالخايسه .. اكرهج .. زولي عني ..


أسوم ماتعرف ليش حرجت .. ظهرت ع طول بدون ما تتريا الريم ترمس !!
افف شو أحب !! والله يا ريموه بتتصفعين !! انا ما أحب ما أحب !!
اففف شو ها .. لحظه انا ليش حرجت هي تسولف ! أويييييه لا يكون !!

شوي إلا ريموه داقه ..أسووم اول ماشافت الرقم عقت الفون وماردت .. محررجه ع ريموه .. والريم معانده . تدق وتدق ولا عليها ..ماتروم ع زعل أسووم وتوأم روحها..

أسوم آخر شي ماقدرت جان ترد .. ويونه زعلانه : ألوو
الريم : ما بغيتي تردين .. بلاج ظهرتي ؟
اسوم : انتي تطفريني ..اونه تحبين وما تحبين ..
الريم : ههههههههههههههههههههههههههههههه
اسوم فجت عيونها : بلاج تضحكيييييييين ؟
الريم: ههه اسوم حياتي.. يعني لو كنتي ما تحبين ما كنتي بتحرجين صح ولا لا..
اسوم : هآآآ ؟؟؟
الريم : ههه فديتج اسوم .. انتي يوم ظهرتي أكدتيليه انج تحبين ..

أسوم مستحيه ماقدرت ترمس ..

الريم : الوووو .. ها وين وصلتو هههه ..
اسوم : انزين شو يعني.. انتي بعد تحبين هادف !!
الريم : هههه انزين تراني قتلج اني احبه .. يلا انتي قوليلي منو تحبين؟؟ههههه ..
اسوم: هآآآ أنا احب ؟؟
الريم : ههه اسوم لا تعوريلي راسي.. يلا ..

اسوم ماتعرف.. هي تحبه ولا لا .. أبد ما تعرف. في بالها فلاح لي هي تحبه من هي صغيره .. وايام المراهقه وحمدان لي ظهرلها احين !!

الريم تبا تطفرها : يلا بسررعه قووولي...
اسوم : شوووو ماعرف..
الريم اونها ترمس بسرعه : يلا يلا ماشي وقت .. منوو منوو ..؟؟
اسوم بسرعه شوي وبتصيح: ماعرف ريموووه..
الريم : هيه صح هو هذا.. منووه منوووه .. يلا وراااج جلب اسووووم ..
أسوم من الروع والربكه : حممممممدان ..
الريم فجت عيونها ..: هآآآ؟ ؟؟
أسوم هب مستوعبه شي موول: هآآآآ؟؟
الريم : حمداان ؟؟
اسوم : حمداان ؟
الريم : منوو حمداان ؟
اسوم بغباء هب مستوعبه شي: منوو حمداان ؟
الريم : أسووووووووووم عن المصاخه ؟
اسوم توها تستوعب : هآآ شوو ؟
الريم : عيدي عيدي منو تحبين ؟
اسوم : منو قالج أحب ؟
الريم : اسووووووم هب وقت استيعابج البطيء احين .. ركزي شوي ..
اسوم تفج عيونها: اوك اوك بركز .. يلا..
الريم : انتي تحبين ؟
اسوم بعبط : هيه ..
الريم : منوو ؟
اسوم : حمدان ..
الريم : منو حمدان ..؟؟
أسوم : ريلج.. اووه اقصد اخوج ..
الريم صرخت : هآآآآ..!!
أسوم و الروع : هآآآآآآآآ !!
الريم نقعت ضحك : هههههههههههههههههههههههه
أسوم حرجت بتصيح: ليييييييش تضحكين ..
الريم : ههههه فديتج والله ثرج تحبين حمدان وانا ماعرف..
أسوم مستحيه : جب جب ههههه ..
الريم : فديتج انا .. حتى هو !!
أسوم : هآآآ؟؟
ألريم تذكرت ان حمدان ما يباها تعرف: ها؟ ماشي ماشي ..
أسوم نزلت راسها تحاول تخفي نظراتها ودموع تيمعت فعينها: قوليله لا يسافر!!
الريم بحزن : فديتج اسوم .. ان شاء الله كلها سنتين وبيردون .. ربيه يصبرنا..
اسوم وفيها صيحه : آآمين يارب..

شوي إلا يأذن الفير !!

الريم : انزين اسوم برايج احين .. خل نسير نصلي ونرقد .. هب راقدين .. وورانا سيره المطار عقب..
اسوم : هيه والله .. يلا عيل.. تقبل الله ..
الريم : منا ومنكم صالح الاعمال .. فداعة الله ..
اسوم :آميـــن .. الرب حافظ ..

أسوم بندت عن الريم وقلبها يعورها !! ما توقعت انها تحب حمدان !! حاسه انها ضايعه هب عارفه قلبها وين وداها !! هب متأكده تحبه ولا لا !! بس كل شي يقول انها تحبه !!
بعدين ريموه شو تقصد حتى هو ! لا يكوون يحبنيه !! اففف بس خلاص !!

أسوم راحت تمسحت .. وصلت .. عقب عقت عمرها ع الشبريه ورقدت بدون ما تحس .. والريم نفس الشي راحت ترقد ..




بيت بو فلاح \الساعه 12 الظهر ..

أم فلاح وفلاح ومنصور يالسين فالصاله ..

أم فلاح : وينهم عيل حمدان والريم . لي احين مانشو ؟
منصور: هيييهاا هاا.. بعدهم مطولين .. مادل متى ضاوين البارحه ..
أم فلاح : وابوويه عليهم .. سير صوبهم خل ينشون ..
منصور : إن شاء الله ..

منصور طالع الدري وحمدان نازل ..

منصوور : مرحبا والله تو الناس..

حمدان ابتسم هب متفيج يرمس توه ناش..

منصور: هههههه الله يعينك .. سير سير اميه تترياك ..

حمدان نزل صوب أمه ومنصور راح يوعي ريموه ..

منصور يدق الباب ع ريموه .. ريمووه نومها خفيف ع طول نشت ..فجت الباب : همممم؟
منصور : حووووووه انتي شو هالرقاد . عاد ظهر احينه ..
الريم : منصووور خلني ياخي ارقد عن المصاخه..
منصووور : مااااااشي رقااااد يلا اشوف.. ويهج جنه طماطه خايسه هههههه ..
الريم : مللللللللللليق يلا برررع ..
منصووور : ههههههههه طاعوو تطرد بعد ..
الريم : هههه يلا يلا..
منصووور : انتي بتردين ترقدين ؟
الريم : هيه عيل..!!
منصور : اوك بخليج ترقدين بس تريي ..
الريم : انزين يلا فكنا ..

الريم مسطله حطت راسها ع الباب وغمضت عيونها .. منصور شاف فالصاله لي فوق غرشة ماي.. يآآبها وسار صوب الريم يحاول يمسك ضحكته .. أول ما وصل حذالها : ررررررررررررش..

الريم ترووعت .. تحاول تفج عيوونها.. تخررست ماي من فوق لي تحت !!

منصور : ههههههههه يلا ردي رقدي ..
الريم شوي وبتصيح : والله بتشووف عند امييه. منصور شو هالحركات والله انك ماصخ ..
منصور:هههههههههههه يلا يلا نزلي الصاله ..
الريم تصيح : والله بتشووف والله ..

وتربع وراه ..

وهو ينزل من ع الدري وناقع ضحك وهي ورااه .. كانت لابسه بجامه مرسوم عليها دباديب.. ورابطه شعرها مسويه ذيل حصان .. وشكلها ياهل بالقوو ..

منصوور يضحك ساير صوب أمه ..
حمدان وفلاح أول ما شافو شكل الريم فطسوو ضحك .. صدق امبين انها ياهل ..ههههه

أم فلاح : بلاكم انتووو تترابعون جنكم صغاريه ..؟؟
منصور: ههههه اميه هاي بنتج وعيتها جان تحررج وتستوي ثور هائج هههه ..
الريم وهي تصيح : والله اميييه جذاب.. رشنيه بالماي.. طاعي تخرست ماي.. والله بيشوف..
منصوور: هههههههههههه

أم فلاح : وابوي عليك .. انا قلت لك توعيها ولا تضاربها يالهرم ..
منصور: عاد انا جيه اسلوبي هههه ..
حمدان ساير صوب الريم : فديتج والله خلاص سكتي انا براويج فيه ..
الريم وهي تمش دموعها : انت لا تسافر ها بيذبحنيه بحركاته الخايسه ..
فلاح : افاا وانا وين سررت ..
الريم : ههههه ..
فلاح : زعلت زعلت انا ..
الريم : لالالالالالا انت باباتيه لا تزلع حراام ..
فلاح : ههه فديتج والله ..
الريم تطالع منصور بعين ..

منصور يرد لها نفس النظره : شوي شوي ع عيونج ..
الريم : جب انت ما يخصك .. دب
منصور بحنيه : خلاص ريمووتي لا تزعلين ما كان قصديه ..
الريم امبوزه: مابا ماحبك لا ترمسنيه ..

منصور يطالعها بنظره وشكله ناوي ع شي ..

الريم : شفيك جيه تطالع ؟

منصور يربع صوب الريم .. شلهاا ويربع بها فوق.. والريم تصارخ نزلني نزلني .. ومنصور يضحك .. وحمدان وفلاح وام فلاح ناقعين ضحك عليهم ..ههههههه.

منصور عقها فوق شبريتها : يلا رقدي هههههه ..
الريم : ههه سخيف خلاص طار الرقاد ..
منصور: هههه فديتج والله . منو قال بخليج ترقدين .. رديتج توصيل مجاني.. عسب تبدلين ..وتغسلين هالويه .. ههه
الريم تطالع عمرها فالمنظره : ههههههههه اويييه فشله .. كله منك ..
منصور: ههههههههههه
الريم: ههه زين يلا اظهر ببدل...
منصور: عادي ما بشوف. هههه ..
الريم: هههه مالت ..
منصور: عليج ... هههههه ..

ظهر منصور والريم يلست تطالع شكلها وناقعه ضحك .. عقب بدلت ونزلت تحت تيلس ويا هلها ..

اليوم مر بسرعه .. وماحسو فيه .. ويا وقت السفر!!

"
"

مـا كان ودي بالسفر لكن ظروف
تحكم على الانسان بأول وتالي

"
"

حمدان وهادف جهزوا عمارهم .. وظهروا .. ووياهم هلهم .. لكن أم غيث تمت فالبيت لان بعدها فالعده !!

وصلو المطار وخلصو كل الاجراءات .. سلمو ع بعضهم وكلن في قلبه شايلن حزنه !!

حمدان يزقر الريم: الريم تعالي شوي ؟
الريم: آآمر !!
حمدان : امممم .. سلمي ع اسوم .. وقوليلها تهتم بعمرها !!
الريم مبتسمه : ان شاء الله .. لا توصي ..اممم حمدان..
حمدان : يا لبيه ؟
الريم : البارحه رمست اسوم .. اممم اكتشفت انها تحبك .. وقالتليه اقولك لا تسافر !!

حمدان قلبه عوره ..ع طول صد صوب اسوم ويت عينه بعينها !! جان تصيح وراحت صوب التواليت ..

حمدان : فديتج ريماني.. يلا عيل وهله هله بعماركم ..
الريم: ان شاء الله وانتو بعد..شدو حيلكم ..
حمدان : ان شاء الله ..

حمدان ماعرف شو يسوي .. سار صوب التواليت ومحد انتبه !! .. دخل لقاها تصيح .. حست ان حد دخل .. ع طول صدت صوب الباب وانصدمت !!

حمدان وهو يبتسم ابتسامه عذبه : اممم سمحيلي بس ماقدرت اسافر بدون ما اسلم عليج ..

اسوم دمعت عينها ..

حمدان خلاص هب متحمل: اسوم دموعج غاليه لا تصيحين دخيلج ..

أسوم ودموعها الحاره ذرافه ع خدها :

ادعي علي بالموت ولا سمني .. بس لا تفارقني دخيل الله واموت
طاري السفر يا عمري همني .. ..!!!

وما قدرت تكمل يلست تصيح !!

حمدان ما قدر يتحمل قالها هله هله بعمرج وظهر ع طول !!


الريم يدون ما تحس طالعت هادف .. وبنفس الوقت هو طالعها .. الريم حست بألم كبير .. آخر مره تشوفه !! بتسافر يا هادف وبتخليني !! وقساوتك بها تجرحني !! ربيه يحفظك وين ماكنت !!

هادف ماعرف شو يسوي .. كان خاطره يسلم عليها بس ما باليد حيله !! ونفسه ما تسمحله يخضع لها. طالعها بنظره قاسيه وصد عنها !!

الريم راحت صوب خوانها وبداخلها ألم ..

راحو حمدان وهادف .. ولوحت ألأيادي مودعه !!

الشباب شلو اهلهم وردو العين .. الريم طول الدرب ساكته .. تفكر بهادف .. آآخ لي متى بنتم ع هالحاله لي متى !!

خلاص يا هادف انا مليت ... مليت مليت . ودمعت عيونها !!

حزين ومامعي شمعه
تعال وشوف
هو باقي على رمشي اثر دمعه.؟
تعبت احن واشتاقك
تعبت ازرع لك اشواقي ولا تزهر بي اشواقك
تعب اكذب احساسي
اقول انه

يبي يرجع
يبي يرجع
يبي يرجع


نهاية البارت _17_

ترقبوا البارت _18_









البارت _18_

الريم طول الدرب ساكته .. تفكر بهادف .. آآخ لي متى بنتم ع هالحاله لي متى !!

خلاص يا هادف انا مليت ... مليت مليت . ودمعت عيونها !!

حزين ومامعي شمعه
تعال وشوف
هو باقي على رمشي اثر دمعه.؟
تعبت احن واشتاقك
تعبت ازرع لك اشواقي ولا تزهر بي اشواقك
تعب اكذب احساسي
اقول انه

يبي يرجع
يبي يرجع
يبي يرجع

الريم بين نارين !! ترضي قلبها لي حب هادف بصدق !! و وفى له ولا فكر يخونه !! ولا عقلها وكرامتها لي ما تسمحلها تخضع لهادف!! آآخ يا هادف مابقى عنديه أمل برجوعك !!


عند أسوم

أسوم وخوانها توهم كانوا واصلين البيت .. كل واحد راح حجرته يرتاح !! أسوم دشت حجرتها وحاسه بضيج !! بخنقه !! خاطرها تصيح بس هب قادره !! يلست تطالع هدية هادف اخوها وصورته .. آآخ يا هادف ربيه يصبرنا ع بعادك .. أشهد إن الكون عقبك خلي !!

مرت في بالها صورة حمدان وهو يودعها !! علنيه فداك يا حمدان !! عمريه ماتوقعت إني أحبك !! وأحين حبيتك !! آآخ ليتنيه ما حبيتك ولا تعذبت بفرقاك ..

أسوم ماقدرت تسيطر ع عمرها.. عقت عمرها ع الشبريه ولوت ع المخده ويلست تصيح !! لين ما تعبت ورقدت !!



الأبآآم تمر تمر ولا حدن حاس بها !! الكل مشغول بأموره ودنياه !!

أم غيث ظهرت من العده الحمدلله .. الريم واسوم هب ملحقات يحاولن يخلصن أمور الجامعه وهالسوالف !! غيث قدر يرد أوضاع شركة بوغيث شرى ما كانت وأحسن !! وفلاح مول ماقصر وياه .. كلن سعى واجتهد !!
منصور كالعاده يجهز عمره للمعسكر !! وأم فلاح زاخه فلاح زخه من رقبته ههه :

فلاح : ههههه إميه رحميني..
أم فلاح : ماشي ماشي. أنا باجر بخطب لك بخطب لك ..
فلاح : انزين وحمدان محد.. شقايل بخطب واخويه محد ..؟؟
أم فلاح : لالا امرره ما عليك انا رمسته حمدان ..مووول ما قال شي .. مرخصنك ,,
فلاح: هههه ثرج هب هينه يا اميه ..
أم فلاح مبتسمه : هيه عشان تعرف بس.. باجر إن شاء الله بنسير نخطب..

الريم نازله من فوق : اووه اوووه أسمع صوت دق ههههههههه
فلاح : ويا ويهج لحقتي هههه ..
الريم : هيه والله حفزانه ابغي ارقص ههههههه ..
أم فلاح : ولا يهمج .. بترقصين وبتشبعين رقص بعد
فلاح : هههه وانا مابرقص؟
الريم : هههههههههههههههههه اتخيل..
أم فلاح : تعال تعال براويك شقايل ترقص يالهرم..
فلاح: هههههههه أسولف إميه ..
أم فلاح مبتسمه: أدريبك .. ها شقلت أحين ؟
فلاح مبتسم : ااممممم توكلووو على الله .
أم فلاح مستانسه : ربيه يوفقك يا وليديه ان شاء الله ..
الكل : آمين يآ رب ..


عند هادف وحمدان [ لندن ]

حمدان وهادف توهم ظاهرين ..سايرين الجامعه ..

حمدان : والله هالدكتور غلس ماداني كلاسه ..
هادف : هيه والله .. مادل شقآيل يشررح .. خاطريه ألعنه بكس ع عينه ..
حمدان : ههههههههههههه أتخيلك ..
هادف: ههههههههههههه لالا .. لا اتعب عمرك وتتخيل... بعطيه اليوم بكس ع عينه وانت شوف هههه .
حمدان :حفزان ههههههه

شو إلا يآي صوبهم مشعل ربيعهم من الكويت .!!

مشعل : قووه شباب..
حمدان وهادف: الله يقويك ..
مشعل : شلونكم ؟
حمدان : لونيه أخضر ولا هادف ماعرف شو لونه هههههههههه ...
هادف: هههههههههههههه أما إنت ..
مشعل: هههههههههههههههه انا بوريك ..شنو تبيني أقول ؟
حمدان : اممممم قول شحالك؟
مشعل : هههههههههه مافي غيرها..؟
هادف: عاد احين من صعوبتها هههه ..
مشعل: شحالك ؟
حمدان : ههههههههههههه حيهم بدووو حضر غجرر
مشعل هب مستوعب : هآآآ ؟؟
هادف: ههههههههههههههههه ابتلشت

حمدان يطووف : الحمدلله بخير انت شحالك ؟
مشعل: الحمدلله زين ..
هادف: يلا عيل سرينا تأخرنا ع الكلاس..
حمدان : أووووووبس والله ما انتبهت ع الساعه .. ها بيسويلنا سالفه ..
مشعل : أدري فيه .. آبسنت وخلاص.. ما يتفاهم ..
هادف: لالالالالالالا نحن هب ناقصين .. يلا ربعووا باجي عشر دقايق يبالنا لي ما نوصل ..
حمدان : يلآ عليها ..هههههههههه

ووووووووووووووووركييييييييييييض !!

أول ما وصلو الشباب مالقوا حد فالكلاس ..كل واحد فج عينه ويطالع الثاني!!

هادف: وينهم هااييل حتى هالحمر محد !!
حمدان : لحووووووووووول لا يكون شي تدريب عملي..؟
مشعل: لالا ما اعتقد .. كااهوو مصطفى خلنا نسأله ..

هذا مصطفى وياهم فالكلاس .. مصري.. بس غلس وخقه بالقووو ..

حمدان : اووووووهووو هاللي قاصر مالقيتوا إلا مصطفى !!
هادف: افف..خلنا نسأله شنسوي بعد !!

مشعل والشباب سايرين صوبه ..

مشعل: قوووه !!
مصطفى: الله يقويك ..
مشعل بدون نفس : أقولك وين السير والشباب؟
مصطفى طالعهم بنظرة احتقار: ههه شكلكو ما بتعرفو همه فين لانكو ما شيكتوش ع الايميل كالعاده ..
حمدان محرج : حووووووه انت..لا تيلس تتمنن علينا لانا سئلناك ... جاوب ع قد السوال..
هادف: خلاص حمدان هد أعصابك ..
حمدان : هو خلى فينا اعصاب ولد الـ .. !! ولا اقول اسكت احسن لي <<ويطالع مصطفى من فوق لتحت ,,
مصطفى متروع هب عارف شيقول ..

هادف يرمس مصطفى : انت بعد ارمس خلصنا ..

مصطفى : أ أ .. أصلو السير مش جاي النهار ده .. عندو أشغال..
مشعل: طاح الذهب.. يلا انجلع .. خقه ع شو ماعرف..
هادف: خلاص خلوه يولي.. مشكور الشيخ ..

مصطفى طالعهم بنظره ولا رد عليهم رووح ..

حمدان : أصفعه ها أحين؟ . علنيه بلاه ..
هادف: ههههههههه خلاص خله يولي..
حمدان : والله إذا ما إتأدب أنا بأدبه ..
هادف: إن شاء الله يدي ههههه ..
حمداان : هههههههههههه يدوووك خلال يالهرم
الشباب : ههههههههههههههه

مشعل: خل نروح الكوفي..
حمدان : هيه والله زين ..
هادف: عيل سرينا ..

راحوا الشباب الكوفي .. يلسوو ضحك وسوالف ولعب ..

حمدان : أما صدق موووقف لا يحسد عليه هههههههههههه
هادف : هيه والله .. عاد لو شفت شكل الدكتور يوم تبند عليه بآب الكلاس.. بغى يمووت هههههههههههه
مشعل: والله ما في أحد قال له .. يستاهل ههههههههه
حمدان : هيه والله .. بس الصراحه غمضنيه .. هههههه

شوي إلا تيهم وحده .. لابسه بنطلون وقميص وفاجه شعرها ..عيونها كبار .. وبشكل عام وايد حلوه ..

البنيه : مرحبا !!
الشباب : وبج مليار..
البنيه : ما عرفتونيه ؟
مشعل : امبلا انتي شوق .. اللي معانا فالكلاس..
شوق مبتسمه وتطالع هادف : هيه نعم ..
حمدان : من الامارات شكلج ؟
شوق : هيه وانتو بعد صح ؟
مشعل ابتسم : إلا انا من الكويت ..
شوق:مرحبابك والله .. <<

وتطالع هادف : شحالك هادف ؟

هادف استغرب أصلن ماكان معطنها ويه .. ويطالع فونه : هاا؟ الحمدلله بخير انتي شحالج؟
شوق : الحمدلله انا بخير..
هادف مبتسم : عسى دوم .. <<ويرد يطالع فونه .. هني شوق انقهرت تبا ترمسه ماتعرف كيف..
شوق: امممم هادف ؟

الشباب استغربوا بلاها هاي؟ حتى هادف استغرب..

هادف: لبيه ؟
شوق: لبيت في منى..امممم ماتذكر انك شايفني قبل؟
هادف: اممم ماعرف أحيد بس شفتج فالكلاس؟
شوق تضايجت :اممم لالا قبل..
هادف: لا والله ما ذكر ..
شوق: اممم أنا مره شفتك فالمطعم صدفه ... تداعمنا انا وياك عند الباب.. يومها انت كنت ياي مسرع . .. وو !!
هادف يقاطعهايباها تصخ: هيه هيه ذكرت ..
شوق استانست : حيك والله ههه
هادف : الله يحييج ..بغيتي شي الشيخه؟

شوق قفطط ويهها .. حست ان مكانها غلط : آسفه ازعجتكم .. يلا باي..
الشباب: فداعة الله ..

شوق روحت وهي متضايجه .. حرام عليك يا هادف ليش انت جاف جذا .. ليييييييش ؟؟ انا احبك والله احبك ..


وعند الشباب ..

حمدان ومشعل يطالعوون هادف ويضحكون .

هادف : حووووه انتوو بلاكم ..
حمدان حرك حياته : بلاكم هااا ؟؟ ههههه
هادف فيه ضحكه وخاشنها: حمدااانوه اصطلب شو عنندكم ؟
مشعل: شكلها تحبك ههههههههه
هادف: حبتهاا يااعده قووول آمين
حمدان: هههههههههه ياعده مره وحده ..
هادف محرج : انا بظهر شوي ..
حمدان:وين وين بلاك نسولف..
مشعل : يا ريال اقعد..

هادف مبتسم : لالا ادريبكم تسولفون ..بس انا فخاطريه اسير البحر !!
حمدان : زين عيل بنرابعك ..
هادف: حياكم ..

الشباب شلو عمارهم وراحوا .. أول ما وصلوا هادف نزل .. مشعل ياي بينزل .. حمدان زخ يدينه

مشعل :إشبلاك؟
حمدان : شكله متضايج خله شوي بروحه ..
مشعل مبتسم : خلاص اوك .. بس لازم نعرف شوفيه ..
حمدان : ان شاء الله عقب..بس احين اعرفه هادف ما بيرمس..
مشعل : خلاص عيل..
حمدان : قم بنتمشى..
مشعل: اوك يلا..

نزلو الشباب يتمشون .. وهادف واقف روحه وحاس بألم .. عمره ما حس فيه !! ألم .. قهر .. غربه .. شوق .!! كل شي مثور براكين في صدره !! هادف تضايج يوم كانوا ربعه يرمسون عن البنيه !! لانه عمره ما فكر يخون الريم ولو من بعيد !! آآخ يالريم .. انا اتعذب يالريم .. ليتج حذاليه !! ليت اشوفج لو من بعيد !! إقسي عليه سوي اللي تبين !! رديلي الكف ألف .. بس خليني أشوفج !! هادف ماقدر يتحمل همومه .. حبس دمعته فعينه وتنهد !!

يلس هادف يشل يإحساس .. أول مره يشل هالشكل !!

طال انتظاري والوله يحرق الجوف..
والصبر ما يطفي من البعد ناري ..

اكتم شعور الشوق واصارع الخوف..
وفي داخلي نهر من الهم جاري..

اضحك ولحن الحزن بالصدر معزوف..
ودمعي حبسته لا يبين انهياري..

سكت هادف .. حس إنه لو رمس زياده بينهار !! آآآخ لي متى بتم اكتم !! ليتنيه صارحتها باللي فخاطريه !! ليتنيه قلتلها لش سويج جيه !! ليش خنتيني !! انا حبيتج من صغري .. انا وفيت لج !! ليييييييييييت قلت لها هالكلام ليت !!

هادف حالته أبدن ما تسر !! ومول هب قادر يتحمل !!


عند الريم [ العين ]

الريم كانت يالسه تسولف ويا اسوم وفجأه قلبها عورها ..حست بضيج !!

أسوم : بلاج ريماني؟
الريم : هآآ ؟؟ لالا ماشي..بس حسيت بضيج !!
اسوم : ريماني صار شي؟
الريم : لالا .. بس مادل ليش هادف يا فبالي ..
أسوم : اشتقتيله ..؟
الريم بحزن: آآخ يا اسوم .. أجذب ان قلت ما اشتقت له .. بس انا هب قادره اسامحه !!
أسوم : والله يالريم انا روحي هب فاهمه شي .. بس انا متأكده إنه في سبب خلاه يسوي كل اللي سواه .. هادف اخويه واعرفه .. دوم لي تضايج من شي .. يحررج عليج وما يواجهج .. وها عيبه !!
الريم : انزين يا اسوم . حتى لو .. هالشي هب زين !! وبعدين انا شسويت غلط .. ماحيدنيه غلطت عليه !! ليش يسويبي جذا لييش؟؟
أسوم : ريموه حبيبتي.. مصيرج بتعرفين .. لا تضيجين بعمرج !!
ألريم : اسوم بس الايام تفوت !!

أسوم حز فخاطرها حال اخوها وبنت خالها : ربيه يفرجها عليكم ويصبرج ريماني..
الريم تبتسم بالغصب : إن شالله ..

أسوم تحاول تغير السالفه : تعرفين ريمووه ههه .. هب مصدقه ان هالاسبوع بنداوم فالجامعه ..
الريم : هههه هيه والله مفلع نحن ..هب ويه جامعات ..
أسوم : ههههههه الله يستر ..
الريم : ما خبرتتتتتتتتج !!
أسوم : شوووووووه ؟
الريم : فلاحووووه اخويه ..
اسوم : ههه بلاه فلاحووووه اخوج؟
الريم : بيخطب.!!
أسوم : هآآ؟؟
الريم : شو هاا بعد ..
أسوم : هههههههه ماشي كنت أبرمج المعلومه .. مبروووك منو يبا ياخذ..؟؟
الريم : عليوووه اخت رويض..
اسووووم : اوووووونه .. هههه وايد يناسبون بعض.. مفلع ع رزين هههههه
الريم: هيه والله .. ههههههه
أسوم : متى بيخطبون ..؟
الريم : مادل سمعتهم يقولون باجر.. واميه كانت ترمس امج .. تشاورها..
اسوم : هييييه وانا اقول شعنه العيوز طردتنيه هههههه ..
الريم : هههههههههه توه وصل الارسال ..
اسوم : ههه حرام عليج ..

يلسن البنات سوالف وضحك ومر الوقت ..


يوم الخميس بيت بو فلاح

فلاح مرتبش .. جنه أول واحد فالدنيا يخطب .. وغيث مبتلش به !!

فلاح : انزين شو ألبس أي كندوره .!!
غيث: فلاااح إالبس كندوره بيضا شو بعد ..
فلاح : انزين اي وحده هاي ولا هاي..
غيث: هههه أسميك .. البس العربيه .. وين تبا انت ...
فلاح : انزين أي سفره ألبس ومن أي عطر اتعطر !!
غيث: هههههههههههه والله انك مبتلش وانا ابتلشت فيك ..
فلاح شوي وبيكفخ غيث: اوووهووو منك .. غياثي لا اتم تتمصخر..
غيث: هههه اوك اوك ..

غيث تم يشوف العطور والسفر وظهر لفلاح .. وفلاح امررره هب عايبنه شي . .. آخر شي اقتنع ..
غيث ظهر عن فلاح .. روح بيتهم عسب يتجهز .. فلاح شل عمره صوب الحلاق ..

عقب رد البيت كشخ وظهر صوب هله ..

فلاح : ها إميه خلصتو ؟
ام فلاح : هيه يا ولديه بس يشلون القهاوي السياره !!
فلاح : يلا امييييييه تأخرنا ع الجماعه ..
أم فلاح : ههههه بلاك انت حفزان . اصبر!!
فلاح : وينها ريموه ؟
ام فلاح : هاي بعدها ..
فلاح : لحوووووووووول ..

راح فلاح صوب الدري ويزاعق من قمة راسه : ريموووووووووووووووووووووووه خلصي تاخرنا..

الريم نازله : هههه بلاك انت .. ها خلصت ..حشا محد خطب غيرك ..
فلاح :هههه بصفعج تراه ..
الريم تطالع اخووه باعجاب : يه يه يه .. شهالزين ههههه
فلاح مختق: احم احم
الريم : يا لبييييييييه خقاق .. ههههه
ام فلاح : تعال يا ولديه اقرى عليك ..

فلاح نافش ريشه ويطالع ريموه يونه يقهرها ..ساير صوب امه .

الريم : ههههههههه مالت ع الخقه ..
فلاح : وعليج هههه ..
منصور : يلا انتو بعدكم ..
فلاح : يلا احين ظاهرين .. يلا اميه ..

ظهر فلاح وشل هله .. وتلاقو ويا قم عمتهم وراحو صوب الجماعه ..

فلاح كان وايد مرتبك .. وحاس عمره طاير من الفرحه .. ههههه يا لبيه انا بعرس .. الصراحه شي شي ..


الخطبه تمت ع خير ..الكل كان مستانس .. وقالولهم بيردون عليهم عقب أسبوع !!


في السياره فلاح محتشر : اميييه متى بيردون لازم أسبوع يعني !!
ام فلاح : هيه يا ولديه لازم يشاورون البنيه ..
منصور :هههههه طاعو اللي ما يبا يعرس شو سوى .. عيل انا شو بسوي ههههه ..
الريم : انت اخافك تخطف البنيه وتربع هههههههه
فلاح : هيه والله تسويها ههههههههههه
منصور : ويا ويهكم ههههه

شوي إلا حمدان داق فلاح رد وحط سبيكر : مرررحبا الساع بالمعرس..
فلاح : مرحباابك زووود والله
حمدان : مبروووووووووك مبرووووووووك ..
فلاح : ع شو .. عنلاتها بعدها ما ردت هههههههه ..
حمدان : ههههههههه حفزان ومن احين يسب ههه
فلاح : ههههههههههههه ويا ويهك ..

أم فلاح : عطني عطني أرمسه ..

فلاح : هاك اميه بترمسك ..
حمدان :عطني اياها ..

فلاح يعطي أمه الفون ..

أم فلاح : مرحبا مرحبا براعي لندن..
حمدان : هههه وبج مليار..شحالج؟
أم فلاح : بخير علنيه فداك .. انت شحالك وشحال هادف؟
حمدان : والله كلنا بخير تنقصنا روياكم ..
أم فلاح : علنيه فداكم .. يلا إن شاء الله الايام بتمضي.. وتردون البلاد رافعين روسنا..
حمدان : ان شاء الله يارب..

أم فلاح ترمس فلاح : عنبو صمني هالتلفون .. بلاك محطي سبيكر..
فلاح: هههههههه اوووه تعرف السبيكر ..

حمدان : هيه اكيد عيالها يدرسون فلندن ههههه ..
أم فلاح : وابوي عليكم .. صه صه قطعوها الرمسه ..وانت اسمعني لا اتم تطالع هالحمر .. زخ عمرك ها..
حمدان : هههههههه أفا عليج مابا غير بنت البلاد ..

الريم : حمداااااااااااني ولهت عليك..
حمدان اول ما سمع صوتها استانس : علنيه فدى هالصوت ..
منصور: وانا بعد هني ..هههههههه
حمدان : ههههههه اتحراك حذاليه ههه ..

أم فلاح : عطني أرمس هادف أبويه..

حمدان : اممم اميه هادف تعبان شوي راح يرتاح ..

الريم تروعت .. تحرت فيه شي !!

أم فلاح : واعليه عنه شو بلاه ؟
حمدان: مابلاه شي .. بس تعبنا اليوم من هالدوام ..
أم فلاح : واعليه عنكم .. ربيه يعينكم ..يلا عيل ياوليدي..وماوصيكم ع عماركم .. وسلم ع ولد عمتك..
حمدان : ان شاء الله يا اميه ..
أم فلاح : يلا عيل .. فداعة الله ..
حمدان :الرب حافظ اميه ..

حمدان راح يرقد .. وراهم دوام الصبح وهادف بعد .. مرت الليله .. الشباب من أصبحوا .. غبشو عقب ما صلوا ..تريقوا وراحو الجامعه .. مايبون يتأخرون!!عقب ما خلص الكلاس حمدان ومشعل راحوا عند الدكتور فالأوفيس .. وهادف قال بيترياهم فالكوفي ماله بارض يسير صوب السير!!



وهادف كان روحه يالس ع طاوله فالكوفي .. تعبان ومنهد حيله .. يالس ويفكر بحاله !! والله انيه حنيت للدار وهلها !! يآالله تصبرنيه ..وتمر هالسنتن بسرعه !!

هادف غرقان بتفكيره لديار ما يعلمها غير الرب ّ!! إلا ويقطع حبل أفكاره صوت يناديه !!!!!

اول ماصد لقى شوق !! لحووول هاي شو تبا لاحقتنيه لي هني !!

شوق مبتسمه : هادف بلاك يالس برويحاتك ؟
هادف:بس جيه انا احب ..
شوق: اممم ممكن أيلس وياك ؟
هادف وفباله الريم رد وهو محرج: ع أي أساس ان شاء الله ؟
شوق ودموعها فعينها : ليش جيه ترمسنيه ..؟؟

هادف حس انه غلط وابتسم : آسف هب قصدي بس انا متضايج شوي !!
شوق بحزن : شو مضيجبك؟
هادف مبتسم : اممم ماشي ..سالفه ..
شوق: انزين قولي إياها ؟
هادف: هب وقته احين..
شوق: عيل متى وقته ؟
هادف مستغرب من جراتها:اممم انتي تبين شي ؟
شوق ويهها قافط : لا بس!!
هادف: بس شوو؟
شوق: ماعرف ماعرف..

هادف:اممم انتي روحج هني؟
شوق: اممم تقريبا..إميه متوفيه وأبويه يشتغل هني بس بعيد شوي..اشوفه فالويكند يعني..
هادف: آها .. وماعندج ربيعات؟
شوق: اممم في بنات عربيات ويايه وبنات من داريه بس ما ارتاحلهن .. بس انت ارتحتلك..
هادف: هيه بس انا ريال..

شوق ماعرفت شتقول خاطرها تقوله انها تحبه اف ها مايحس..
هادف يطالعها يرقبها ترمس ..

شوق وهي متردده وبصوت مبحوح : هادف!!


غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه
غالي وتبخـل علـي وتطّـول الصـدّه
الله يسامح غـلاك ويلعـن الحاجـة




::


::



البارت _19 _


شوق ماعرفت شتقول خاطرها تقوله انها تحبه اف ها مايحس..
هادف يطالعها يرقبها ترمس ..

شوق وهي متردده وبصوت مبحوح : هادف!!


غيبتك لو هـي دقيقـه تعتبـر صـدّه
الوقت دونك سجن وغيابـك اسياجـه
غالي وتبخـل علـي وتطّـول الصـدّه
الله يسامح غـلاك ويلعـن الحاجـة


هادف يناظرها .. يرقبها ترمس .. هادف: لبيه ؟
شوق : لبيت في منى .. اممم !!
هادف يهز راسه بمعنى شوه ؟

شوق فخاطرها .. اف انا بقوله اني احبه واللي يصير يصير !!

شوق توها بترمس : هآدف أنا ... !!

ويقاطعهم مشعل توه ياي هو و حمدان من الاوفيس ..

مشعل : قوووه شباب ..
شوق وهادف : الله يقويك ..
حمدان : شو متيلسين اشوفكم ..
هادف : هيه والله ماشي شغله ..

حمدان : شحالج شوق؟
شوق: الحمدلله بخير .. ومن جداك ؟
حمدان : بخير ونعمه ربيه يعافيج ..
شوق مبتسمه : دوم يارب..
حمدان : يميع ان شاء الله ..
مشعل بنذاله : سمحولنا خربنا عليكم .. برايكم عيل نحن بنسير..
حمدان يقهر هادف: هيه والله .. يلا سرينا..
هادف مقهور : لا انا ياي وياكم ..
حمدان : يلا عيل..

هادف يرمس شوق: يلا الشيخه عن اذنج ..
شوق: اممم بشوفك عقب..؟؟
هادف مبتسم : ان شاء الله .. فداعة الله ..
شوق طايره من الوناسه : إن شا الله .. ربيه يحفظك ..

الشباب روحووا ... وطوول الوقت حمدان ومشعل يطفرون بهادف وهادف هب معطنهم ويه ..

حمدان : ماشالله بدينا نلعب بذيلنا ها هههه ..
هادف: ههه ويا ويهك .. والله العظيم ماشي منه .. بس هي مادل شو تبغي..
مشعل: والله انك ماتحس.. واضحه ما يبيلها البنت تحبك ..هههههه
هادف: لالا ماظنتيه ..
حمدان :تبغي الصراحه .. هيه تحبك امبين ..
هادف: اممم انا مالاحظت الصراحه .. وبعدين حتى لو ..ها شي راجعلها..
مشعل: هههه حرام عليك ..
هادف:دخيلك يا الرحوم .. هب كل من حبك ربعت وراه ..
حمدان : وانا اشهد ههههههه ..
مشعل: انتوو تشوتون النعمه ههههه ..
هادف: ههه ربيه يرزقك عيل..
حمدان: آآآآآآمين هههه ..
مشعل يطالعهم بعبط : اقول خل نروح احسن هههه ..
الشباب : يلا..



العين [ كلية التقنيه ] طلاب ..

منصور : عنبوو مله متى بنخلص من هالتقنيه ...
سيف: ياريال مابقى شي.. كلها سنه سنتين ونخلص..
منصور : ربيه يصبرنا والله هلكت ..
سيف: هههه هيه امبونك انت بس فالح فالنادي..
منصور : آآآخ ع العوق ههههههههه
سيف: انزين دام عندنا بريك خل نظهر مالي خاطر اتم..
منصور: ومنو قص عليك قال ما بنظهر ههههه .
سيف: ههه اوه نسيت ان منصور لي ويايه ..
منصور: ههه وياويهك ..
سيف : يلا عيل ظهرنا..
منصور :يلا..

راحوا الشباب المول .. يلسو يتمشون .. وكالعاده منصور شال المول شل بسوالفه وضحكه ههه ..وهم يمشون منصور شاف بنيه صغيره تصيح !!

منصور : سواف طاع هاييج البنيه ..وين هلها عنها؟
سواف: مادل والله شكلهم مضيعينها ..
منصور: تعال بنشوفها ..
سيف: يلا سرينا..

منصور ساير صوب البنيه .. يلس حذالها وهي تصيح ..

منصور يود يدينها : بلاج باباه ليش تصيحين ؟
البنيه : هاي حواري حلتني ولووحت ماعلف وين .. <<وتصييح,,
منصور: خلاص حبيبتي احين بدور حواري لج .. لا تصيحين ..
البنيه تصيح : هاي كل يوم تخليني ماحبها .. اضربها انزين ..
منصور وفيه ضحكه : انزين افا عليج بكفخها انا ..هههه
البنيه مستانسه : ههه أحسن ..
منصور: يلا تعالي بشتريلج حلاوه وبندور حواري ..
البنيه : اللآآآآي حلاوه ..
منصور: هيه حلاوه ههه .. انتي شو اسمج ؟
البنيه : انا إثمي حصوووه الحلوه ..

منصور وسواف يضحكون ههههه ..

سواف: انزين حصوه الحلوه نرووح احين ؟
حصوه : انت ثااااااب محد رمثك ..(جاب )
منصور: هههههههه إلقط ويهك ...
سواف: هههه ملسونه ماشالله عليها..يلا يالرحوم شلها ..
منصور: ههه...يلا حصوه الحلوه روحنا..

حصوه تيود ايد منصور: يلا حبيبي..
منصور وسواف: ههههههههههههههههههههههههههههه
سواف: يلا يا حبيبها..هههه ..
حصوه : هيييييييييه انته لا تضحك ع حبيبي..
سواف: هههه ان شالله ان شالله ..
حصوه : احين انته شاطر.. يلا حبيبي نروح ...
منصور وميود ضحكته : يلا حبيبي..

منصور شل حصوه واشترالها حلاوه .. عقب تمو يتمشون يدورون اهل حصوه .. شوي إلا اتي بنيه .. وايد هاديه وحلوه .. بيضا وعيونها كبار .. وطويله شوي..

حور يايه تربع صوب حصوه .. خايفه عليها.. نست ان غشوتها طايحه .. كل همها تلاقي اختها..

حور بخوف: حصوووه !!

منصور أول ما سمع الصوت ع طول صد صوبه بدون مايحس.. ماعرف شو ياه .. يلس يطالعها وعقب انتبه جان يغض بصره ..

حصوه ماده بوزها: روحي عني ماحبج ..
وترمس منصور: حبيبي هاي حواري اضربها..

منصور : ههه فديتج ..سيريلها يلا..
حور توها انتبهت جان تتغشى: مشكور اخويه تعبناك ..
منصور مبتسم : لا أفا ..ماسوينا شي ها واجبنا..

حور تمت تطالع منصور وهو مبتسم وساكته ..

عقب انتبهت : يلا حصوه بنسير..
حصوه : لالا أنا بتم عند حبيبي .. <<وميوده يدينه ..
منصور: حبيبتي بشوفج مره ثانيه انزين ..
حصوه ببراءه : انت تعرف بيتنا؟
منصور: ههه لا ماعرفه ..
حصوه وهي تأشر بعيد : نحن بيتنا هنااك ..
منصور: ههه هناك .. هي عرفته ..
حصوه: يلا وين ؟

حور: حصوه حبيبتي خلي الريال فحاله..يلا روحنا..
حصوه : انتي ثاااااااااب<<جب..

حور ويهها قفط ..

حصوه : يلا حبيبي قول وين بيتكم ..
منصور: بيتنا في فلي هزاع..
حصوووه صرخت : هاااااااااااااااااااااااا؟؟
منصور: بلاج ؟
حصوه : نحن بعد في فلي هجاع ..
منصور: الله عيل بيي أشلج بوديج الحديقه انزين ..ههه
حصوه : انزين .. ترى انت وعدتني لا تجذب..

سواف: ههه توهقت منصور..
منصور: ههه ان شالله ..
حور: يلا اسمحلنا الشيخ .. فداعة الله ..
وتيود ايد حصوه ..

منصور: بالحل الشيخه .. فداعة الله ..
حصوه شوي وبتصيح :حبيبي تعال لا تنسى انزين ..
منصور: ههه ان شالله ..
حصوه تضحك مستانسه : بآآآآي حبيبي ..
منصور مبتسم : بآآآي

سواف: ههه عايش الدور ها..
منصور: علنيه فداها والله ليت عندنا ياهل فالبيت ههه ..
سواف: لا تنسى وعدتها ههه ..
منصور: ههه وانا شدراني فبيتهم .. بس ان شالله بوفي بوعديه شو تتحراني خراط هه ..
سواف: مني والدرب بتدش بيت الناس..هههه
منصور: ههه ربك بعد .. يمكن أشوفهم صدفه مره ثانيه ..
سواف: هيه تراه كل يوم العيد هههه ..
منصور: هيه كل يوم ههه .. يلا سرينا..

الشباب تمشوو شوي .. عقب تغدو وردو الكليه ..

عند الريم واسوم [ جامعة الامارات ]

الريم : اسوووم تعبت حشا.. شهالجامعه طفرره ونكد ..
اسوم : هههه توج اول اسبوع وجذا ..
الريم : هههه وين فيني انا ع الحوامه ...
أسوم : فديتج ريماني .. ههه ..

شوي إلا فون الريم يدق..

الريم صرخت : حمدااااااااااني..

وترد : ألو..
حمدان : مرحبا الساع والله ..
الريم : مرحبابك زوود .. شحالك حمدااني..؟؟
حمدان : بخير ونعمه .. انتي شحالج وشحال الاهل..؟؟
الريم : الحمدلله كلنا بخير..اشتقنالك والله ..
حمدان : وانا بعد اشتقتلكم.. ها وين ديارج ..؟؟
الريم : افف لا تتخبر..
حمدان : ههه ليش وينج ؟
الريم : فالجامعه علنيه بلاها ..
حمدان : ههه وامبونج حفزانه عليها..من متى مداومين؟
الريم: امممم صارلنا اسبوع .. ههه ..
حمدان : اللي يشوفج يقول من دهور وانتي مداومه ههه ..
الريم : هههه ربك بعد ..
حمدان يتحمحم: احم احم اممم شحالهم ؟

الريم وتطالع اسوم وتستهبل ع حمدان : منوو هم ؟
حمدان : هههههه ريموه بصفعج..
الريم : هكم حذاليه شوي وعيونهم بتطلع ههههه ...
حمدان : هههه حليلها..سلمي ..
الريم ترمس اسوم : يا عبله يسلم عليج عنتره هههه ..

اسوم تقرصها.. مستحيه ..

الريم: آآآآآآآآآي..
حمدان : ههه بلاج ؟
الريم : منو غيرها هالشريه قرصتنيه هههه ...
حمدان : فديتها احم احم
الريم : شوووووووووووووووه؟؟ ههههههه
حمدان :ها ماشي ههههه ..
الريم تبا تقهر اسوم : لو تسمعك احين ههههه

اسوم تأشر حق الريم بمعنى شو يقول ..؟

الريم: ههههههههه يونه يبون يعرفون شو تقول..
حمدان : ههه اسميج مفضوحه ..
الريم : هههه فديتنيه ..
حمدان : يلا عيل سلمي ع الاهل كلهم ..
الريم مبتسمه : ان شالله سلامن يبلغ ..
حمدان : فداعة الله ..
الريم : الرب حافظ ..

الريم اول ما بندت أسوم طاحتبها: يالخايسه والله انج ماتستحين ..
الريم: ههههههههههههههه شسويت .؟؟.
اسوم : حليييييييلج انتي بريئه مووول ماسويتي شي..
الريم:ههههه حياتي انا حاسه بشعوركم خليني أفرحكم ..
اسوم : ههههه مالت عليج ..
الريم :تعرفين شو قال؟
اسوم : لا
الريم : هههه عيل هب قايله ..
اسوم : هههههه نذله انتي..
الريم :عاد احين صدق مابقول..
اسوم : لالا خلاص التوبه ..يلا قولي ..فديتج والله ههه ..
الريم : قااال.. قااااااااااال..أقول؟
اسوم : يلا خلصينا..
الريم :احم احم كم تدفعين ههههههههه
اسوم :خلاص مابغي اعرف..
الريم: ههههه خلاص بقول..

اسوم تطالع الريم بعين ..

الريم: ههه قال ياطويلة العمر فديتها..
اسوم فاجه عينها: هآآآ؟؟
الريم: هههه يلا يلا الكلاس بيبدا أحين ..
اسوم مستحيه: ههههه يلا ...


البنات راحن الكلاس .. عقب ما خلصن دقن حق الدريول وردهن البيت ..




بيت بو فلاح


فلاح توه داخل البيت .. لقاهم كلهم يالسين في الصاله ..

الريم : امييه امييه دخيلج لا ترمسين .. انا بخبره ..
أم فلاح : هههه الله يستر منج..
الريم : بس خلاص خلكم حزينين ههه ..
منصور: انزين فكينا ..


فلاح: السلام عليكم ..
الكل : وعليكم السلام ورحمة الله ..
فلاح : بسم الله بلاكم جيه تقول حد ميت عليكم ههه ..
أم فلاح : والله يا فلاح العرب ردو علينا ..
فلاح حفزان : ها بشرووا.. شو قالو؟
الريم : فلاح ترى كل شي قسمه ونصيب..
فلاح :يعني رفضوا .. !!

الكل تم ساكت .. ويطالعون بعض ...

فلاح : عن اذنكم انا رايح حجرتيه ..

فلاح توه يقووم إلا الريم تربع ورااه تلوي عليه .: مبروووك فلاح البنيه وافقت ..

فلاح هب مصدق: حلفيي؟
الريم : هههه والله ..
فلاح مستانس: وشعنه مخليني ع اعصابي ههه ..

أم فلاح تنش تسلم ع ولدها : يلا بالبركه ان شالله ..
فلاح : الله يبارك فيج يا اميه ..
منصور : له له اخوويه معرس.. <<ويوايهه ..
فلاح : ههه شفت عاد ..
أم فلاح : يلا مابقى إلا تحددون يوم الملجه ..
فلاح : هالخميس مررره ..
منصوور: هههههه حشا ماشي تفاهم ..
الريم : وين تبا انت البنيه يبالها لي ما تتزهب ههه ..
فلاح:ههه مشكلتها مايخصنيه ..
أم فلاح : خلاص عيل بخبرهم وان شالله ربك يتمم ع خير ..
فلاح : هي بس بشوف حمدان و هادف قبل..
أم فلاح : هيه زين تسوي.
فلاح : ويت بدق له احين ..
الريم:هههههه حشا ..
فلاح : هههه جب انتي..

فلاح يدق حق حمدان .. حمدان كان راقد عندهم ليل ..وفلاح يدق ويدق.. آخر شي حمدان رد وهو دهمان : همممم..

فلاح : حوووووه راقد شووه ..؟؟
حمدان فز من سمع صوت اخوه: هههه ها نشيت بسبتك ..
فلاح :هههه اتحرى بعد ..شحالكم ..؟؟
حمدان : الحمدلله مانشكي باس ولا لوعة ياس.. ومن جداك؟
فلاح : انا عااااااااال العال هههه ..
حمدان : ها اشوفك مستانس شعندك؟
فلاح : احم احم الحرمه وافقت ههه
حمدان: له له هههههههه مبرووووك ..
فلاح : الله يبارك فيك ..ههه ..انزين اخبرك..
حمدان : آآمرني يالمعرس..؟؟
فلاح : الصراحه انا حفزان .. وابغي املج ههه .. اممم نفكر نملج هالخميس شرايك ..؟
حمدان : والله شي طيب.. توكلو على الله .. ومن صوبنا لا تحاتون .. ماعليكم .. تدري نحن هالفتره مشغولين نستعد حق الامتحانات .. يعني ماظن نقدر نيي الامارات ..
فلاح: يلا ربيه يعينكم .. مرخصنيه يعني..؟
حمدان: ههه مينون انا مارخصك..اخاف تموت علينا..
فلاح: ههه وياويهك ..
حمدان: يلا عيل بالبركه ..
فلاح: الله يبارك فحياتك ..عقبالك .. احم احم ..
حمدان:ههه علنيه بلى فضايحك .. استر يا ريال ههه .
فلاح: هههه ان شالله ..يلا عيل كمل رقادك ..فداعة الله ..
حمدان : ههه اوك ..الرب حافظ ..

بند فلاح عن حمدان وهو مستانس..

فلاح : مرخصنا..يلا اميه دقي حق العرب.. ههه ..
ام فلاح : اسميك ياوليدي ههه ..باجر ان شالله ..
فلاح : شو يصبرنيه انا..؟؟
الريم : ربك ههه ..
فلاح : ههه يلا الرب يصبرنيه ..
الكل يضحك ع فلاح ..

منصور ينش : انا بسير حجرتيه عن اذنكم ..
الكل : اذنك معاك ..

منصور روح حجرته .. يلس يتذكر حور.. ماشالله عليها هالبنيه ذربه .. آخ لو تكون من نصيبي.. ههه ولا حصوه بتبناها انا هههه ..
منصور يالس يحوس بأفكاره .. عقب يلس ع النت يسولف ويا ربعه ..



يوم اليمعه [ بيت بو فلاح ]

ام فلاح محتشره .. عازمه يارتها وعيالها ع الغدا .. توهم منتقلين فلي هزاع ..

أم فلاح : الريم سيري شوفيهم خل ينظفون الميلس ويحطون القهاوي والفواله ..
الريم : ان شالله يا اميه ..

فلاح سار السوق يشتري ذبايح وباجي الامور .. وأم فلاح تعابل فالطبخ .. عقب صلاة اليمعه كل شي جاهز .. الريم راحت فوق عسب تبدل وتتسبح ..

الريم : خل ادق حق اسوم قبل..

تدق الريم حق اسوم :الوو ..
اسوم : مرحبا شحالج ؟
الريم : الحمدلله ومن جداج ؟
اسوم : الحمدلله بخير ونعمه ..
الريم : اسوم يلا متى بتون..؟؟
اسوم: ههه احين بطرش عباتيه صوب البشكاره تكويها ..ذلتنيه بارده ..
الريم: ههه امبونها بشكارتكم عبيطه ههه ..يلا انزين لا تتأخرون ..
اسوم : ههه ان شالله ..ادريبج لانج تستحين تدخلين روحج..
الريم: ههه محد فاهمني غيرج ..
اسوم: احم احم ههه ..
الريم: ههه يلا عيل فداعة الله ..
اسوم :الرب حافظ ..

الريم راحت تسبحت وكشخت .. وطالعه غراام .. شوي إلا أسوم تييها .. يلسو يسولفون عقب يت البشكاره تزقرهم لان العرب يو ..

الريم واسوم نازلات .. راحن الصاله يسلمن ..

الريم واسوم :السلام عليكم
الكل : وعليكم السلام ورحمة الله وبركاته ..
أم هزاع تسلم ع الريم : مرحبا مرحبا بنتيه شحالج ؟
الريم : الحمدلله ..انتي شحالج خالوه ؟
ام هزاع : الحمدلله بخير ونعمه علنيه فداج ..

أسوم تسلم ع أم هزاع وعقب سلمن ع بنتها ويلسن ..

أم هزاع ترمس أم فلاح : عيل هاي بنتج ؟
أم فلاح : هيه نعم هاي بنتيه الوحيده الريم ..
أم هزاع : ماشالله عليها ربيه يحفظها..وهاي بنتج أم غيث؟
أم غيث: هيه هاي بنتي أسما.
أم هزاع : ماشالله عليهن ..<<وترمس البنات .. : صف كم انتن ؟

الريم مبتسمه : خالوه نحن هالسنه مخلصين .. احين نحن اول سنه فالجامعه ..
ام هزاع : ماشالله عليكن عيل شرى حور بنتيه ..

حور مبتسمه ..

الريم ترمس حور: اوونه عيل ماشوفج ..
حور مبتسمه : هيه حتى انا اول مره اشوفكم ..
اسوم : عيل خلاص بنتلاقى فالجامعه دوم ان شالله ..
حور: ههه ان شالله ..

الريم : منو هالبنوته الحلوه ..
حصوه : اناا حصوووه الحلوه ..
الريم: ههه فديتج والله .. تعالي عنديه ..
حصوه : بتعطيني حلاوه بيي..
الريم: ههه تعالي بعطيج..

حصوه مستانسه وسايره صوب الريم..

الريم تشلها وتحطها ع ثبانها : يلا حبيني ..
حصوه تحب ريموه ع خدها..

الريم: ههه فديتج والله ..
حصوه : انتي شو اسمج ؟
الريم : اسمي الريم ..
حصوه : انتي حلوه احلى عن حوواري ..

الكل يضحك عليها ههههه

الريم : لا حتى حواري حلوه . ههه
حصوه : لالا .. هب حلوه ..
الريم : ههه فديتج ..

أم فلاح : يلا عيل قربو تغدوو ..

الحريم شلو عمارهم وراحو يتغدون ... عقب الغدا يلسو فالصاله سوالف وضحك ..
حصوه : ماماتي ابغي مااي..
أم فلاح : الريم سيري خليهم اييبون ماي..
أم هزاع : لا ماعليه .. حور بتسير .. قومي يا اميه ..
حور : ان شالله ..
ام فلاح : الله يهديج يا ام هزاع .. هناك المطبخ يا اميه [وتأشر ] هاك الصوب..
حور مبتسمه : هيه خلاص عرفته ..

حور سايره المطبخ ..وكانت متحجبه بس .. دخلت المطبخ وما انتبهت انه حد موجود .. وفجأه بطلت عيونها منصدمه .. منصور حس بحركه وراه صد : حووووووووووور ؟؟؟

طويلــهـ قصــهـ عيونــكـ وانا عمريـ بها موجــود
تعيشنـــي الأمل " لحظــــه " وتكسر حاجز الواقع
يقولون من قديم الوقت (( من سافر مصيرهـ يعود ))
وانا سافرت بــ عيونــكـ ولا ادري متى راجــــــــع

البارت _20_

حور سايره المطبخ ..وكانت متحجبه بس .. دخلت المطبخ وما انتبهت انه حد موجود .. وفجأه بطلت عيونها منصدمه .. منصور حس بحركه وراه صد : حووووووووووور ؟؟؟

طويلــهـ قصــهـ عيونــكـ وانا عمريـ بها موجــود
تعيشنـــي الأمل " لحظــــه " وتكسر حاجز الواقع
يقولون من قديم الوقت (( من سافر مصيرهـ يعود ))
وانا سافرت بــ عيونــكـ ولا ادري متى راجــــــــع

حور ما عرفت شو استوالها .. يلست تطالع منصور !! ومنصور يناظر فعيونها وهو ساكت ..!!

منصور : سمحيليه الشيخه .. فداعة الله ...

منصور ظهر من المطبخ وحور شوي وبتصيح ويهها قافط .. يآآالله شو السالفه وين ما روح اشوفه !! يآآربي ليش يستويلي جيه لييييييش !!

حور خذت ماي وشلت عمرها وراحت صوب الحريم .. عقب الريم واسوم شلوها وياهم فوق ويلسو يسولفون فحجرة الريم ..وخطف الوقت وماحسوبه

منصور ظهر سار صوب الرياييل .. يالس وياهم بس فكره مول هب وياه .!!

عقب ماروحوا العرب منصور دش الصاله لقى الريم روحها يالسه تطالع التلفزيون..

منصور : شو الاخت اشوف ماشي عندج شغله هههه
الريم: ههه والله ماشي شغله .. عاد اليوم منهد حيليه .. بس الصراحه استانسنا..
منصور : حلوو والله ..
الريم : ماشالله عليهم صدق ينحبون .. تصدق بنتهم ظهرت كبريه اول سنه فالجامعه ..
منصور: ماشالله ..شي طيب والله .. الله يعينها عليج ههه ..
الريم: هههه وياويهك... هاي يزاتيه اني فكرت أخطبها لك ..
منصور: ههههه زخي عمرج عن تخطبين لي..
الريم : هههه هيه والله ..البنيه ظهرت مخطوبه وهالاسبوع ملجتها..


منصور: شووووه؟؟
الريم: بلاك منصور..؟

منصور ساكت هب عارف شيقول..

الريم: منصور شفيك انت .؟
منصور: لالا ماشي..
الريم:منصور عن الخريط انا اعرفك عدل..
منصور: تبين الصدق يالريم ؟
الريم:هيه..
منصور: انا الصراحه شفتها قبل..كنا سايرين المول انا وسواف جان نشوف بنتهم الصغيره ضايعه .. شليناها وعقب يت اختها تاخذها .. ومن يومها وهي داشه خاطريه .. حسيتها وايد ذربه ومحترمه ..

الريم فاجه عيونها هب مصدقه : علنيه فداك ياخوي ان شالله مليون غيرها..ولو ان البنيه ماتتعوض..
منصور: هيه والله عمريه ماشفت بنيه جيه شراتها أدب واخلاق ورزانه ..مع انيه ماشفتها قبل بس امبين عليها ..
الريم:هيه والله حتى انا وايد ارتحتلها. يلا ماعليه يامنصور..لا تضيج بعمرك..
منصور مبتسم : ان شالله .. يلا مب مشكله انا توني بأول الدرب.. وزين انج قلتيليه من احين ..
الريم : علنيه فداك .. انا بخطبلك رووويض ههههههه ..
منصور: هههههه لا دخيلج إلا هااي..
الريم : حرام عليك والله ههه..
منصور:حرام فالدرام .. ههه ..انزين انا بظهر احين ..
الريم: ههه اوك عيل.. هله هله بعمرك.
منصور: ان شالله اميه ههه ..فداعة الله..

الريم يلست تضحك ع اخوها .. عقب ظهرت تتمشى فالحوي تغير جو ..





لندن [ غرفة حمدان]


حمدان يالس هو وهادف يسولفون .. شوي إلا يدق رقم غريب ع فون هادف..

هادف: رقم منوه ها.. ؟
حمدان:انزين رد وشوف..
هادف: اوك ويت ..


هادف يرد: مرحبا..
البنيه : مراحب..
هادف: منوو ويايه؟
البنيه : هااادف؟
هادف: لبيه ؟
البنيه : اممم ماعرفتنيه ؟
هادف: لا الشيخه منو .؟
البنيه : أفأأ .. انا شوق..
هادف : آهاا.. حي الله شوق..
شوق : الله يحييك ..شحالك؟
هادف: الحمدلله بخير ونعمه .. ومن جداكم ؟
شوق: الحمدلله ..
هادف:دوم..

هادف سكت وشوق تمت ساكته ..

هادف: بغيتي شي الشيخه ؟
شوق: اممم بس حبيت اسلم عليك..
هادف: تسلمين الشيخه..

شوق اف ليش جيه جاف: الله يسلمك ..هادف؟
هادف: نعم!
شوق: اممم ممكن اشوفك اليوم ..؟
هادف بعبط: أوك متى؟
شوق مستانسه : اممممم أي وقت براحتك..
هادف: اممم .. اليوم انا وحمدان ظاهرين المول لي حذالنا..جان بتين انتي وربعج حياج ؟
شوق: امممم مايصير روحك؟
هادف: اممم ماعرف والله..في شي ضروري؟
شوق:امممم تقريبا..
هادف: اوك خلاص وين تحبين نتلاقا؟
شوق: اممم المطعم لي حذال الجامعه .. اوك ؟
هادف: خلاص عيل اشوفج عقب ساعه ..
شوق: ان شالله .. متولهه ع هاييج اللحظه بالقو ..

هادف سكت ..وشوق تمت ساكته ..

هادف:انزين عيل الشيخه فداعة الله..
شوق: اممم .. اوك الرب حافظ..

هادف بند عن شوق ويطالع حمدان بعبط .. وحمدان ناقع ضحك..هههههههههه

هادف: انت بعد بلاك تضحك؟
حمدان : ههههه سلامتك ..
هادف: هههه يالهرم ..
حمدان:سير اكشخ باجي ساعه ..
هادف: هههههههه جيه ساير اخطب..بتسير ويايه تراك..
حمدان: لالالالا بتاكلني بعيونها هههه ..
هادف: ههه اوك عيل..خلك .. انا ساير..
حمدان: موووفق خيووو هههه ..
هادف: هههه زول..

هادف بدل ملابسه وروح خطف ع السوبرماركت .. ووداهم الشقه .. وتداغش شوي ويا حمدان وظهر ساير المطعم ..

أول مادخل شاف شوق يالسه ع الطاوله ترقبه .. ع طول شافته وأشرلتله ..

هادف سار صوبها : مرحبا الساع ..
شوق كانت متضايجه ..ابتسمت من سمعت صوته : وبك زود ..
هادف ييلس : شحالج ؟
شوق: الحمدلله انت شحالك؟
هادف: الحمدلله بخير ونعمه ..
شوق: دوم يارب..
هادف : اممم أطلبلج شي؟
شوق: اممم لا مشكور..
هادف:لا مايصير .. عالاقل تشربين شي ؟
شوق: اممم ماعرف شراتك..
هادف:ههه شو شراتيه انتي تعرفين شو ابغي؟
شوق: هههه لا ماعرف.. بس انت اطلبلي شراتك وخلاص..
هادف: ههه اوك ..

هادف يأشر للجرسون ..

هادف: اكس كيوزمي 2 اورنج جوز ..
الجرسون :اوك ..

هادف: كيفج ابتلشتي انا ماحب غير الفرش ههه ..
شوق: حلاته والله ههه ..

هادف مبتسم ..

شوق: اممم هادف .. في شي مضايجنيه..
هادف: خير ان شالله .. عسى ماشر؟
شوق شوي وبتصيح : هادف أبويه !!
هادف:بلاه ابوج؟
شوق: أبويه من يوم عرفته عمريه ماحسيت بحنانه كأب.. كل همه الشغل وبس.. وكل ما قلتله شي طرشليه فلوس وقال سوي فيهن لي تبينه ..همه الفلوس وشغله وبس..ماعرف شسوي بعمريه والله ماعرف..
هادف: شوق لا تضيجين بعمرج .. ان شالله كل الامور بتتصلح .. حاولي ترمسينه ..تتفاهمين وياه!!
شوق: هاادف انا ياما حاولت .. اناقشه بهالموضوع..اتقرب منه .. وهو يتقرب بالفلوس بس..انا مابغي فلوس ابغيه هو .. ابغيه هو ..<<وتصيح

هادف هب عارف شيسوي : خلاص يا شوق لا تصيحين ..
شوق: أبوويه يبغي يبيعنيه لفلوسه يا هادف لفلوسه !!
هادف مستغرب: كيف يعني جيه ؟
شوق: يبغي إيوزنيه ربيعه ..
هادف: ربيعه ؟
شوق: هيه يا هادف ربيعه .. ربيعه شايب ويبغيني آخذه عشان الفلوس وعشان مستقبل شركته .. كل شي لجل الفلوس كل شي كل شي.. عمره مافكر فيني..

هادف ماعرف شيسوي وبدون مايحس حط يدينه ع يدين شوق لي كانت ع الطاوله : خلاص يا شوق لا تصيحين ..

شوق استغربت من حركة هادف.. طالعت يدينه لي بعدها ع ايده .. وتصيح ..

هادف: شوق دخيلج خلاص لا تصيحين ..
شوق تمسح دموعها وتهز راسها بمعنى ان شالله ..

هادف مبتسم : لكل مشكله حل .. وان شالله بنلقى حل لهالمشكله ..
شوق ترد له الابتسامه وترمس بالغصب: إن شالله ..
هادف: يلا يا آنسه شوق ممكن أحين تشربين العصير .. ولا تخسرينيه ع الفاضي هههه ..
شوق: ههه لالا بشربه ..
هادف : هيه جيه ابغيج ..ضحكي.. لا تستسلمين بسهوله .. انتي قويه يا شوق..

شوق تهز راسها بمعنى ان شالله وتبتسم .. هادف انتبه ع ايده ع طول شلها .. يآآرب انا شسويت .. والله ماقصد شي ..

هادف: يلا عيل ظهرنا؟
شوق: بتروح ؟
هادف: امممم انا لازم اروح احين شوق..وان شالله برمسج عقب..
شوق: وعد؟
هادف مبتسم:وعد ..بتمين ولا؟
شوق: اممم هيه بتم ..حابه ايلس روحي..
هادف: اللي يريحج ..يلا عيل شي فخاطرج ؟
شوق: سلامتك هادف..
هادف يدفع الحساب..وينش: الله يسلمج ...فداعة الله ..
شوق: فداعة الكريم ..

هادف توه بيروح ..شوق تزقره : هااادف!!
هادف صد صوبها : لبيه ..!!
شوق: هالله هالله بعمرك ..
هادف ابتسم : ان شالله ..

روح هادف وشوق يلست تفكر بهادف.. تفكر بحالها وشو بيستويلها.. تحاول تدور حل لهالمشكله لي ظهرتلها.!! آآخ ماعرف شسوي .. لو لا هادف انا ميته ميته !!

جامعة الامارات

اسوم : يالله وين ريموه تأخرت نبغي نخلص البروجكت ..
حور: والله ماعرف .. خل ندقلها ..
اسوم : اوك ويت ..

اسوم تدق حق الريم وكله يعطيها مغلق..

اسوم : شهالحاله لا يكون صارلها شي..
حور: لا ان شالله لا تفاولين عليها..ان شالله ماعليها شر..

شوي إلا ريموه يايه تربع : آسفه تأخرت عليكم ..
أسوم شوي بتصيح : ريموه انتي وينج ؟
حور:يلسنا نحاتيج ..
الريم يالله يالله تتنفس : آسفه .. آسفه والله بس منصور بنجرن عليه التواير. . وتأخرنا..

حور قلبها عورها ..

أسوم : آها.. سلامتكم عيل..
الريم تمت تصيح : الله يسلمكم ..
اسوم وحور تروعن : ريموه بلاج تصيحين ..؟
الريم : ماشي ماشي ..
اسوم : ريموه شو ماشي وانتي تصيحين ..
الريم تمسح دموعها : ماشي بس تروعت ع منصور ..وكنا بندعم .. وخليتكم تحاتون ..
حور تلوي ع الريم : خلاص ريماني حبيبتي ما صار شي..
اسوم : يلا فديتج سرنا..خل عنج ..الحمدلله ماستوى شي..
الريم : فديتكن..يلا سرينا...

البنات سارن يخلصن البروجكتات ماليلهن عسب يسلمونهن ..

الريم : اف اخيرا خلصنا ..
اسوم : هيه والله مابغينا..
حور كانت مضايجه وابتسمت ..

اسوم: غيث احين ياي بترابعنيه ؟
الريم : لا انا قايله حق اخويه اييني ..برايج ..
حور: والله انا من الصبح ادق محد يرد .. برايكن سيرن بدق بعدنيه ..
الريم : لا والله ما ادقين..ترى بيتكم حذال بيتنا تعالي ويايه ..
حور: ريموه .. !!
الريم: خل عنج ريموه .. بتسيرين .. جب ولا كلمه هههه ..
حور: ريموه استحي اركب ويا اخوج ..
الريم: جيه تستحين ترانيه وياكم ..
حور: ماعرف والله ..خلاص اللي تشوفينه..
اسوم:اوك عيل هذا غيث يدق شكله وصل .. تامرونيه ع شي..
الريم وحور : سلامتج ..
اسوم : فداعة الله ..
البنات: الرب حافظ ..

راحت اسوم .. والريم وحور يلسن فالريسيبشن يرقبن منصور اييهن ..
الريم : حواري تجهزتي حق الملجه ؟
حور: امممم يعني..
الريم : ههه شو يعني..باجر الملجه
حور: ماعرف والله ماعرف..
الريم :حواري فيج شي..من يومين وانا احسج موول هب ويانا ومضايجه ..
حور دمعت عينها: ماشي ريموه ..
الريم :حواري بلاج ؟
حور: ريموه انا مابغي هالريال لي خاطبنيه ؟
الريم : ماتبغينه ؟
حور: هيه مابغيه ..
الريم : عيل شعنه توافقين ..
حور: ريموه انا مول مارتحتله .. ولد عمي واعرفه.. عمري مارتحتله ..مغازلجي بالقو .. ويوم اني رفضت أبوويه حرج عليه .. وقالي انتي ما بتيلسين تتنقين فالرياييل ..
الريم : هيه بس انتي ماتبينه .. ليش جيه ..؟
حور تصيح : ماعرف ريموه ابويه امبونه شديد ..ولي حط شي فباله خلاص..
الريم : فديتج حواري لا تضيجين بعمرج ..ان شالله ما بيستوي إلا الخير..

شوي إلا منصور يدق..
الريم : هلا..
منصور:اهلين ..يلا ظهري انا برع ..
الريم .اوك يايين ..

الريم: يلا حواري ظهرنا..ولا تضيجين بعمرج غناتي..
حور مبتسمه : ان شالله ريماني..

الريم ظهرت ووياها حور..

حور ركبت وهي مووول مستحيه : السلام عليكم ..
منصور: وعليكم السلام ورحمة الله ..شحالج ؟
حور: الحمدلله ومن جداك ؟
منصور :الحمدلله بخير ونعمه ..

تمو عربانا طول الدرب ساكتين ومنصور كان يحاول يكابر ويبين انه خلاص نسى البنيه !!!.. عقب خطفوا حور بيتهم وروحوا ..

حور أول ما دخلت البيت لقت ابوها وامها واخوها هزاع ..

بوهزاع : مرحبا مرحبا ببنيتيه !!
حور توايه ابوها: وبك زود ..شحالك ابويه ؟
بوهزاع :بخير يعلج بخير..وشحال عروستنا ثرها باجر الملجه ..
حور ودموعها فعينها: أبويه !!
بوهزاع : آمري يا بنيتي؟
حور: ابويه انا مابغي الريال..
بو هزاع محرج: هب كيفج .. ولد عمج وأولابج من الغريب..
هزاع : يابوي دامها ماتبغيه خلاص.. ترى ها مستقبل هب لعبه ..
بوهزاع : انت اسكت ومالك خص..
هزاع :لا يا بوي..هاي اختيه وليه خص ..
بوهزاع وهو محررج : جب ولا كلمه .. اقطعها الرمسه اشوف..

هزاع ظهر محررج من البيت ..

بوهزاع : وانتي باجر ملجتج طيب غصب بتاخذينه بتاخذينه !!
حور تصيح : ابوييه مابغييه ماابغيييه !!

بو هزاع ينش وويطبع كفه ع خد حور لي كساه الدمع والقهر !!

سقى الله يوم انآ طفله !!
أنام ولاحدن قدي !!
ولا أحاكي هموم اليوم ولا انطر امل بكره !!
تداعب امي شعراتي وتمسح يدها خدي !!
ونومي هادي وساكن رعانا الرب في ستره !!
تداعب يدي الدميه وعندي هالزمن وردي
همومي لعبتي ضاعت وعندي همي شكبره
كبرت وزادت همومي واحس ان الزمن ضدي
كبرت ونظرت الطفله تعيش بداخلي فطره !!


البارت _21_

حور تصيح : ابوييه مابغييه ماابغيييه !!

بو هزاع ينش وويطبع كفه ع خد حور لي كساه الدمع والقهر !!

سقى الله يوم انآ طفله !!
أنام ولاحدن قدي !!
ولا أحاكي هموم اليوم ولا انطر امل بكره !!
تداعب امي شعراتي وتمسح يدها خدي !!
ونومي هادي وساكن رعانا الرب في ستره !!
تداعب يدي الدميه وعندي هالزمن وردي
همومي لعبتي ضاعت وعندي همي شكبره
كبرت وزادت همومي واحس ان الزمن ضدي
كبرت ونظرت الطفله تعيش بداخلي فطره !!

أم هزاع تنش صوب بو هزاع : لآ يا بو هزاع لا !!
حور منصدمه .. حاطه يدينها ع خدها وتطالع الأرض.. بوهزاع راص ع يدينه ويطالع حور !!
حور ما قدرت تتحمل الموقف ربعت حجرتها ويلست تصيح من الخاطر !!
آآخ يابوي ليش انت قاسي جيه ؟ ليش يابوي !! انا شسويت يا بوي .. شسويت !!

حور بحال لا يحسد عليه !! تحس عمرها مخنوقه .. وصورة أبوها فهاييج اللحظه لين احين تمر امبين عيونها !!
حور زخت دفتر مذكراتها ويلست تشخبط عليه بقهر .. ودموعها خرست الأوراق وتخالط الدمع ويا الحبر !!!

حور ع طول دقت حق الريم وهي تصيح ..

الريم : حواري بلاج .. ليش تصيحين ؟
حور : الريم ابوويه .. ابوويه بيذبحنيه .. مابغي اعرس مابغي..ماااااابغي يا ريم
الريم : فديتج حواري.. انا بسير اخبر اميه جان بتخليني أيي صوبكم أوك ؟
حور: ليت يالريم ليت .. آسفه ضيجتبج ..
الريم : أفا ياحور .. لا تقولين جيه نحن ربع ..
حور: فديتج ريمان..
الريم: خلاص حور انتي هدي وانا احين يايه ..فداعة الله..
حور: ان شالله.. الرب حافظ ..

الريم بندت عن حور .. وراحت صوب امها تخبرها..

الريم : إميه !
أم فلاح : ها يا إميه ؟
الريم : اممم اميه ابغي اسير صوب حور ..
ام فلاح : وشو عندج هناك ؟
الريم : ماشي اميه بس حليلها حور مضايجه قلت بسيرصوبها..
أم فلاح : واعليه عنها هالبنيه .. خبرتنيه امها عن السالفه .. سيري يا اميه زين تسوين ..
الريم : حد هني يوصلنيه ..

فلاح توه نازل : هيه انا هني وين إبها؟؟
الريم : صوب حواري بنت ييرانا..
فلاح : اوك عيل انا ظاهر بخطفج فدربي بس بسرعه انقفضي ..
الريم : علنيه فداك .. اوك دقايق..

فلاح يلس حذال امه يسولف وياها ..

أم فلاح : فلاح !!
فلاح : يالبيه!!
أم فلاح : لبيت في منى يا ولديه .. ترانيه رمست العرب..
فلاح مستانس : ها بشري..!
أم فلاح مبتسمه : امررره موافقين .. هالخميس ان شالله بتملج ..
فلاح مستانس يحب امه ع راسها : بشررج ربيه بالينه يا اميه ..
أم فلاح : علنيه فداك .. يلا عاد شد حيلك .. لازم تخلصون اموركم بسرعه ..متى فاضي نسير ناخذ الشبكه وهالسوالف !
فلاح : امررره اليوم ان شالله .. ع المغرب لان تدرين عنديه دوام ..
أم فلاح : هيه .. يلا عيل ان شالله المغرب نسير ..ونخلص امورنا..
فلاح : ان شالله يا اميه ..

الريم نازله : يلا فلاح انا خلصت ..
فلاح : يلا عيل اميه شي فخاطرج ؟
ام فلاح : هله هله بعماركم .
فلاح والريم : ان شالله .. مع السلامه ..
أم فلاح : ربي يحفظكم يا عياليه ..


لندن [ الجامعه ]

الشباب توهم مخلصين دوامهم وبيظهرون من الجامعه .. يالسين يتمشون وضحك وسوالف!!شوي إلا اتيي شوق!!

شوق: مرحبا شباب..
الشباب يصدون صوبها : مراحب ..
شوق وهي تطالع هادف : شحالكم ..؟
الشباب : الحمدلله بخير ونعمه ..
شوق: عسى دوم ..
هادف: شحالج شوق..؟
شوق مبتسمه : الحمدلله بخير.. شو ظاهرين ؟
حمدان : هيه والله .. تونا مخلصين ..
شوق وهي تطالع هادف جنه شي فخاطرها: حيكم .. انا احين عنديه كلاس.. عن اذنكم ..
هادف: شوق متى تخلصين ؟
شوق: امممم 12 ونص..
هادف: آها.. عيل أرقبج فالكوفي..
شوق طايره من الوناسه : امممم اوك خلاص..
هادف مبتسم ..
شوق: يلا عيل فداعة الله ..
الشباب : ربي يحفظج..

شوق روحت عن الشباب وهي مستانسه .. والشباب ظهروا يتمشون !


[شركة بو غيث الله يرحمه ]

فلاح قبل لا يروح دوامه قال بيخطف ع غيث يسلم ويشوف امور الشغل وياه ..

فلاح توه يدش المكتب : السلام عليكم ..
غيث رفع راسه .. اول ما شاف فلاح نش يوايهه : وعليكم السلام ورحمة الله .. مرحبا مرحبا..
فلاح : وبك زوود .. شحالك ربك إلا بخير ؟
غيث: الحمدلله بخير وسهاله .. انت شحالك ؟
فلاح : بخير و نعمه ربيه يعافيك..
غيث: عساه حالن مديم .. اقرب اقرب ..
فلاح : جريب طال عمرك ..ها شو الشغل وياك ؟
غيث: والله تمام .. الحمدلله الاوضاع وايد اوك احين..
فلاح : الحمدلله .. يلا ربيه يوفجك ان شالله ..
غيث: ان شالله .. اشتشرب؟.
فلاح : لالا طولي بعمرك انا رايح بس خطفت اسلم ..
غيث: لا مايصير يا ريال..
فلاح : حلفت عليك والله رايح انا مستعيل..وصح اخبرك ..الملجه هالخميس ان شالله ..
غيث: مبروووك مبروووك هههه اخيرا..
فلاح: الله يبارك فيك ههه ..
غيث: حيك والله ثرني بلحقك غرت ههه ..
فلاح : ههههه ارقبك عيل..زين عيل غيث.. تامرني ع شي؟..
غيث:سلامة راسك شيخي..
فلاح : الله يسلمك .. فداعة الله .
غيث: الرب حافظ..


[ بيت بو هزاع ]

الريم توها وصلت ظهرت لها البشكاره .. ودخلتها.. الريم لقت أم هزاع روحها فالصاله .. راحت صوبها تسلم ..

الريم : السلام عليكم ..
ام هزاع : وعليكم السلام .. مرحبا بالريم ..
الريم : شحالج خالوه ؟
أم هزاع : الحمدلله بخيروسهاله .. ومن جداج ؟
الريم : والله الحمدلله ما نشكي باس..
أم هزاع : عساه حالن مديم .. يايه صوب حور ..
الريم : ههه هيه والله خالوه .. وينها عيل راقده ؟
أم هزاع : والله مادريبها احيدها فحجرتها.. بسير ازقرلج اياها..
الريم : ماعليه خالوه لا اتعبين عمرج انا بسيرلها.
أم هزاع : برايج عيل يا بنيتي سيريلها ..
الريم مبتسمه : ان شالله ..

الريم سارت صوب حور فحجرتها .. دقت الباب ..

حور : تفضل..
الريم فجت الباب وابتسمت : زاد فضلج ..
حور نقزت تلوي ع الريم : رييماني فديتج .. شحالج ؟
الريم : ههه الحمدلله .. انتي شحالج ؟
حور مبتسمه : احمدالله ع كل حال..قربي ريموه..
الريم : جريب..
حور: والله استانست بييتج ..
الريم : فديتج والله ..خير حور شصاير خليتيني احاتيج .؟
حور : أبويه جبرنيه آخذ الريال .. وباجر الملجه يالريم باجر !!
الريم ماعرفت شتقول : واخوج وامج مارمسو؟
حور: إميه حليلها ما بيدها شي.. أبويه حالف عليها بالطلاق لو تدخلت .. وهزاع رمس وابويه حرج عليه وظهر من البيت .. آآآخ يالريم احس عمريه ضايعه ضايعه <<<وتصيح..
الريم : فديتج حواري خلاص لا تتضايجين ان شالله ما يتسوي إلأا الخير..
حور: خلاص يالريم انا باخذه مابغي اخسر هليه عشان ريال خلاص خلاص..

الريم تلوي ع حور وحور تصيح .. الريم يلست تهديها لين ما هدت حور ورقدت من زود التعب والصياح !!

وتحت فالصاله هزاع توه داخل .. سار صوب امه : مرحبا اميه ..
ام هزاع : هلا يا اميه .. وين سرت يلست احاتيك..؟
هزاع : هالبيت ضيج سرت افتر بالسياره ابرك ..

أم هزاع حز فخاطرها وسكتت ..
هزاع : شصاير يا اميه ؟
أم هزاع : والله ياولديه ابوك معند .. وامرره هب معطي البنيه فرصه .. حور اللي عمرها ما انضربت .. طبع كفه اليوم ع خدها واعليه عنها..
هزاع محرج : شووووووووووه !!
أم هزاع : خلاص ياوليدي هدي.. مهما كان ها ابوها..
هزاع : الابو عمره ما كان بالهقساوه .. انا ظاهر صوب حور..

أم هزاع تبغي توقفه ما قدرت .. يلست تصيح ع حالها وحال عيالها ..

هزاع سار صوب اخته وامره هب شايف شي.. هزاع الولد الوحيد ووايد يحب خواته حور وحصه .. أول ما وصل الحجره .. دخل ع طول بدون ما يدق الباب !!

هزاع انصدم .. ماتوقع ان حد عند حور.. مايحيد ان حد ايي عندها.. شاف الريم يالسه ع الشبريه وحور راقده ..الريم ع طول صدت صوب الباب ..

هزاع : آآ .. آآآسف سمحيليه ..
وظهر هزاع .. والريم منصدمه هب مستوعبه شي !!

هزاع ماعرف شيسوي ويهه قافط .. دخل حجرته وهو محرج وبند الباب !!



لندن [ الجامعه \ الكوفي ]

شوق من خلصت ع طول راحت الكوفي .. لقت هادف يرقبها .. ابتسمت وسارت صوبه !

شوق: تأخرت عليك؟
هادف مبتسم : لا عادي..

شوق يلست وتمت ساكته ..

هادف : ها شو سويتي اليوم ..؟؟
شوق: والله ماشي هالدكتور غلس هههه .. ماصدقت خلص..
هادف: ههههه .. حيج والله ..شوق!!
شوق: آمر؟
هادف: شستوى بالسالفه !!سويتي لي قتلج عليه ؟
شوق: هيه أمس عقب ما بندت عنك ع طول دقيت لأبوي وتفاهمت وياه ..
هادف مبتسم : ها بشري..!!
شوق: الحمدلله .. اقتنع .. والله يا هادف انا مادري شو كنت سويت بدونك..
هادف: أفا ها واجبنا ..كلنا عندنا مشاكل .. ونحتاج دوم لحد يوقف ويانا..
شوق: هادف .. متى بتخبرني انت شفيك؟
هادف: اممم ماعرف والله ..
شوق: دخيلك قولي احين .. والله من متى وانا احاتيك..
هادف: امممم بقول بس بشرط ؟
شوق: هههه بعد يتشرط ..
هادف: هيه شو تتحرين هههه ..
شوق: آمر انت..
هادف: امممم خبريني..من فتره كنتي تبين تقوليلي شي عقب قلتي عقب.. شو كان هالشي ؟
شوق ارتبكت ..يلست تطالع حولها ..

شوي إلا فون هادف يرن ..

هادف: سمحيلي شوي شوق..
شوق: بالحل شيخي.
هادف يبتسم لها ويرد ع الفون : مرحبا مشعل..
مشعل: هادف انت وينك .؟
هادف: هني فالكوفي ليش؟
مشعل: تعال ياخي حمدان طاح عليه حرارته وايد مرتفعه ونحن احين فالمستشفى..
هادف بخوف :خلاص انا ياي احين ..

ويبند عن مشعل : سمحيلي شوق انا بسير احين ..
شوق: خير هادف شصاير.؟
هادف: ماشي بس حمدان تعب مادل شفيه .. حراره ظنتيه ..
شوق: آها سلامته ان شالله ..
هادف: الله يسلمج .. أشوفج باجر اوك؟
شوق: اممم خلاص..
هادف: فداعة الله..
شوق : الرب حافظ ..

هادف ع طول دقها سلف ورايح صوب حمدان .. كانت حرارته وايد مرتفعه .. ركبوله مغذي كم ساعه عقب ردو الفندق.. وكانت صحته احسن عن قبل الحمدلله ..وطاحوبه الشباب طيحه الدلوع والدلوع هههه ..



[ يوم الخميس ]

اليوم الخميس .. بيت بوهزاع ربشه وبيت بو فلاح بعد !! اليوم ملجة حور ع ولد عمها محمد وملجة فلاح ع عليا .. المناسبه فرح !! والنفوس حيرانه !!

هل فلاح ماشالله عليهم الكل مستانس بملجة ولدهم !! وبيت بوهزاع مخيم عليه الحزن ..

أم فلاح وعياالها ناشين من الصبح .. يرتبون امورهم يالله يالله يلحقون ..
الريم من أذن الظهر قالت بتخطف تشوف حور هي واسما عقب بيسيرن الصالون ..

أسوم : حليلها حواري والله إنها غامضتنيه ..
الريم : هيه فديتها .. يلا ان شالله الريال يظهر اوك .. وترتاح فحياتها ..
أسوم : ان شالله يارب ..

الريم واسوم توهن واصلات بيت بوهزاع .. نزلن سلمن ع أم هزاع وسارن صوب حور ..
دشن عليها الحجره يونه يخوفنها : بووووووووووو
حور كانت منسدحه ع الشبريه وسرحانه : بسم الله الرحمن الرحيم ..

اسوم والريم نقزن صوبها ع الشبريه ويضحكن ع شكلها ..

الريم : جيه شايفه ينيات ههههه
اسوم: شكلها.. يلا روحنا.. هههه
حور: هههه فديتكن والله .. استانست وين تروحون ..بس روعتونيه ههههه ..
الريم : فديتج والله .. شحالها العروس..؟

حور واختفت ملامح الفرح فويهها وبابتسامه حزينه : الحمدلله ..
اسوم : حواري حبيبتي لا تتضايجين .. ان شالله ربي مكتب لج الخير فهالشي..
حور : ان شالله يارب..

الريم تغير الجو : ها متى بتخربطين ع و يهج .. ولا تبين نخربطلج .. ههههه
حور: هههههه اتخيل..
اسوم : افا عليج .. بنخليج احلى عروس هههه ..
حور: فديتكن والله .. بتيني حرمه تعدلنيه عقب شوي..
الريم : حيج والله .. انا كنت ابغي حرمه تيني بس هالعنز اسوم ماطاعت تبا تسير الصالون هههه ..
اسوم : منو العنز يالبقر هههههههه ..
حور: ههههه والله انكن .. مووول ماتعقلن ..
الريم : خووزو عنها العاقل تراج الا شراتنا ولا بتعرسين خلاص.. هههه
حور: ههههه يمكن ..

اسوم والريم يلسن ويا حور شوي .. سوالف وضحك .. حور حست شوي براحه .. واستانست .. عقب ترخصن عنها وراحن الصالون ..



[ ملجة فلاح ]

الريم كانت وآيد حلوه وكيوت .. كانت لابسه مخصر وردي هادي.. وفاله شعرها ومسويه بف خفيف من فوق .. ومكياجها وايد هادي بعد .. واسوم لابسه مخصر عنآبي وعليه كرستال صوب الخصر. ومسويه تسريحه ع فوق شوي.. ماشالله عليهن كانن وايد حلوات .. ومشتغلات رقص ماشي شغل هههه .. وحليلهن مستانسات ..

الريم : ههه بس اسوم تعبت ..
اسوم : ماشي يلا .. صبري بزقر رويض العبيطه هههه ..
الريم : هيه والله مشغلتنا من الصبح وهي متيلسه يونه هههه ...
اسوم تزقر رويض: رووووووويض تعالي..
روضه : هههه شو عندج؟
اسوم : يلا اشتغلي..
روضه : ههههه شوه ؟
اسوم :يلا رقصي واقفه جيه جنج لوح .. ههههه
روضه : هههه مابا استحي...
اسوم : والله ترقصين <<< وتسحبها ترقص غصب..

تمن البنات رقص وجيه مستانسات .. شوي إلا يدخلون العروس ..ماشالله عليها كانت وايد حلوه .. يلست شوي .. صوروها وجيه .. عقب قالو بيدخلون المعرس

أم فلاح : بنات المعرس بيدخل ..

البنات والحريم تسترن ودخل المعرس..

عليوه من النوع اللي وايد يستحي.. اول ما دخل المعرس..يدينها ترجف .. فلاح دخل حبها ع يبينها .. وقف حذالها .. لبسها الدبله .. ويلسو تصوير وما تصوير .. وفلاح كل شوي يصد يطالع عليوه .. وعليووه مووول مستحيه هب عارفه وين تودي عيونها ..

فلاح : أقوووول..
عليوه فخاطرها من اولها يتحراني واحد من الربع : لبيه ..
فلاح : آآآخ .. هههه طالعيني!

عليوه مستحيه وتطالع الارض...

فلاح : لالا انا بظهر ..
عليوه ع طول صدت صوبه ..وفجت عينها..

فلاح ناقع ضحك : ههههه اخيرا.. لو ادري من زمان قتلج بظهر هههه .. فديتج والله .
.
عليووه استحت ع طول صدت يونه تلعب بالدبله ..



[ملجة حور]

اللي تعدل حور متلعوزه .. كل ما تحطي الجحال حور تصيح وتخربه .. آخر شي حور استحت وزخت عمرها .. لين ماخلصتها الحرمه .. وأحين الوقت لي بينزلون حور فيه !!

الصاله ممزوره حريم .. حور متروعه .. أمها يايه عندها: يلا يا بنيتي يرقبونج ..
حور تطالع امها والدموع فعيونها : اميه مابغي مابغي..
ام هزاع : فديتج يا اميه لا تعذبيني زود ..
حور تحب امها ع راسها : يلا يا اميه .. .نزلنا..
أم هزاع : علنيه فداج يا بنتي.. ربيه يهنيج ..
حور مبتسمه : آمين ..

حور تنزل من ع الدري.. والحريم من اول ما نزلت وهن يذكرن ربهن ع جمال حور !! صدق ماشالله عليها اسم ع مسمى !! نزلت حور والحيا مغطيها .. يلست بهدوء.. شوي إلا المعرس داخل ..

حور حست بألم .. هب قادره تشوفه حتى .. وهو ولا ع البال !! دش سلم عليها ووقف .. عقب لبسها الدبله .. ويلسو يصورون .. محمد كان يحاول يرمسها بس هي ترد بكلمتين وتسكت .. هب قادره ترمس ولا تطالعه ..


خلصت الملجه ع خير!! الكل بارك لهله وعياله ... فلاح مستانس ولا حدن قده .. وعليوووه ميته من المستحى بسبته !! وحور حاسه انها بسجن مؤبد مستحيل تظهر منه .. أول ما خلصت الملجه .. سلمت ع خوها وابوها ولا قدرت تحط عينها بعينه وهو ولا ع البال !! راحت ع طول الحجره ويلست تصيح !!

لندن [ عند هادف وحمدان ]

هادف توه مبند عن شوق ، ظاهر يرمس حمدان لي كان متسدح يطالع التلفزيون : حمدان انا ظاهر؟
حمدان : ها وين؟
هادف: ماشي الكورنيش لي حذالنا شوق بتي..
حمدان : أشوف كثرن طلعاتك ويا هالشوق..
هادف: هههه وياويهك .. لا تخاف ما امبينا شي..
حمدان : ههههه ادري انزين .تعال شصار بسالفة ابوها..؟
هادف: الحمدلله حلو المشكله ..
حمدان : زين والله لو انا دفنت ابوها هههه ..
هادف: وياويهك ههه .. يلا انزين انا ظاهر..
حمدان : الله وياك سلم ..
هادف: يبلغ..

ظهر هادف الكورنيش ولقى شوق ترقبه .. سار صوبها سلم ويلسو تمشون !!

هادف: صح يسلم عليج حمدان الطفس..هههه
شوق: هههه الله يسلمه .. شخبار صحته احين ؟
هادف : الحمدلله بس شوي بلاعيمه ..
شوق: الحمدلله ..
هادف : يلا ما قلتيلي...
شوق :شو ماقلتلك..؟؟
هادف: مشكله العيايز ههههه ..
شوق : وياويهك منو العيوز ها ههههه ..
هادف: يدوه هههه يلا نسيتي الشرط .. ولا ها مابقول؟
شوق: لالالالالا خلاص خلاص بقول..
هادف: هيه توج حرمه ههههه ..
شوق: لا والله .. عيل شو كنت هههه ..
هادف: هههه رياله ..
شوق: مابا زعلت لا ترمسني..
هادف: ههههه لالا خلاص التوبه ..
شوق : هيه احين انت اوك..هههه
هادف: ههه .. يلا عيل شواقي قولي شو فخاطرج ؟

شوق استحت اول مره يقولها شواقي: امممم ماعرف..
هادف: لحوول.. يلا صدق قولي..
شوق: هادف !!
هادف: لبيه !!
شوق وهي مستحيه ومتردده : هادف أنآ.. أنآآ .. أحبك !!

اي والله ~ احبك ..
وحبي لك شريف / !
ماهو{ بحب اهل ..
المصالح والكلام ،
انا نظيف ~ ولا احب ..
إلا النظيف .. !
عز الله / ان له قلبي .. }واسمى احترام .. !
ياما { تقاسمنا على ’,
قطعة رغيف ..
وياما / تقاسمنا الهوى ~ !
قطعة غرام / !
بس ان وضع الحظ ..
بيدينا / ضعيف ..
ماعاد " باقي منه "
ياكود العظام !

البارت _22_



شوق: هادف !!
هادف: لبيه !!
شوق وهي مستحيه ومتردده : هادف أنآ..أنا,,, أحبك !!

اي والله ~ احبك ..
وحبي لك شريف / !
ماهو{ بحب اهل ..
المصالح والكلام ،
انا نظيف ~ ولا احب ..
إلا النظيف .. !
عز الله / ان له قلبي .. }واسمى احترام .. !
ياما { تقاسمنا على ’,
قطعة رغيف ..
وياما / تقاسمنا الهوى ~ !
قطعة غرام / !
بس ان وضع الحظ ..
بيدينا / ضعيف ..
ماعاد " باقي منه "
ياكود العظام !

هادف هب مستوعب .. يطالع شوق .. مايعرف شيقول !! شوق ارتبكت .. ما عرفت هي شقايل ظهرت هالكلمه !! يآآآرب انا كيف قلتها كيف !!

الكل ساكت !! والصمت مخيم عليهم !!

شوق: آسفه هادف ..
هادف طالعها وابتسم : آسفه ع شو؟
شوق ودمعتها ع خدها: ماعرف ماعرف..
هادف : بس ياشوق !!

شوق تطالعه وهب قادره ترمس.. تطالعه بنظره تقوله فيها بس شوو !!

هادف: شوووق انا اعتبرتج اخت لي مب اكثر !!

شوق نزلت راسها ما عرفت شتقول..

عقب طالعته وابتسمت : هادف خلاص انسى لي قلتلك اياه .. انت وعدتني تخبرني انت شوفيك؟
هادف: امممم بصراحه يا شوق ماعرف شقولج ..
شوق: امبلا بتقول.. انت وعدتنيه !!
هادف: ماعرف ماعرف شوق.. انتي جيه صعبتي عليه ..
شوق: صعبت عليك شو؟
هادف: خلاص شوق انسي السالفه !!
شوق: هادف لا.. انت وعدتنيه !
هادف: شوق!!
شوق: خلاص شكلك ما تبا تقول عن اذنك ..

شوق توها تنش .. هادف زخها من يدينها : شوق خلج !!

شوق يلست بهدوء وهي تطالع الارض..

هادف: شوق انا بخبرج السالفه !
شوق: وانا ارقبك ترمس يا هادف..
هادف: شوق أنا .. أنا احب يا شوق !!

شوق مب عارفه شتقول .. يلست تطالع هادف.. تطالعه ودموعها تتراقص بعيونها.. تحاول تزخ شي ماتبغي تفقده !!

شوق بصوت مبحوح ومتقطع : انت تحب؟
هادف وهو يطالع يدينه : هيه يا شوق أحب ..
شوق: تحب منو؟
هادف: أحب بنت خالي..

شوق مبتسمه بالغصب: ربي يهنيك ان شالله .. والله اني اتمنالك السعاده .. وان شالله ربي إيمع امبينكم ولا يفرقكم ..
هادف بحزن: الامور امبينا موول هب اوك ..
شوق بحزن اكبر : أفاا ليِش؟

هادف: انا هالمشكله لي كنت أبغي ارمسج عنها.. الريم يا شوق اخت حمدان .. عسب جيه انا ماقدر اصارح حمدان بمشكلتيه مع انه هو ربيعيه الروح بالروح .. بس بصارحه بشوه.. يساعدنيه بشووه ؟.. أقوله انا احب اختك !! حتى لو حبي لها بصمت هب حلوه !

شوق: كلامك صح .. بس انا لي اعرفه ان انتو ماتشوفون بنات العايله ولا ترمسونهم..
هادف: هيه يا شوق.. ماغلطتي .. بتيج السالفه ..
شوق تطالعه بلهفه تبغي تعرف السالفه: قول يا هادف.!!

هادف يلس يخبر شوق بمشكلته ويا الريم !! الحب اللي يموت مليون مره ولحدن درابه !! حب يذوق الحيا والمووووت فنفس الوقت !! حب ما عرف غير التعاسه !!


[ عند الريم ]

الريم يالسه روحها فحجرتها !! تحس عمرها مخنوقه !! هب عارفه ليش !! وكل ما تتذكر هادف تضيج زود !! لي متى بكابر لي متى .. وانا ادري اني اموت بثراه .. لكن آآآخ مشكلتيه يهون كل شي عنديه إلا الاهانه !! إلا الاهانه !! آآآخ ياهادف!!

الريم يالسه وتشخبط ع الأوراق .. حاسه بألم كبير ودمعها ع خدها همال ..الريم سرحت بأفكارها.. وهب حاسه بعمرها .. عقب طالعت الورقه لي تشخبط عليها انتبهت ان الورقه كلها امتلت بإسم [ هادف ] !!

اف اف خلاص انا كرهت عمريه كرهت عمريه .. الريم يلست تقطع الاوراق لي فيدها .. تقطعها وهي منفعله وتصيح ..زخت الورده الذابله لي يابها لها هادف .. وودموعها تزيد وتزيد .. يلست تردد بصوت مبحووح ..متقطع !!

تَعَالْ شفني ..
كُتله من الأحزان بغيابك . .
تَعَال شِفْني
شف وش اللي صار بأسبابك .!
ولاّ تدري .. !
لاتجي !
عادتي لغير " حزني " ما التجي . . !

الريم سكتت .. ويلست تطالع الورده.. وتتذكر كل لحظه مرت بها ويا هادف !! والالم يعصر قليبها وشوقها لهادف ذبحها !!




عند شوق وهادف [ لندن ]

شوق: يا هادف بس انت لي سويته غلط ؟
هادف: ادري..ادري يا شوق .. بس غصبن عني ماقدرت اتحمل !!
شوق: انت كان لازم تواجهها هب تسولها جيه وهي هب فاهمه السالفه !! انت جرحتها ..جرحتها يا هادف!!

هادف مضايج .. هب عارف شيسوي .. نش وربع صوب البحر .. وشوق تلحقه : هاادف ..هادف وين ساير ...؟؟

هادف يمشي ع البحر .. والماي غطا نص جسمه .. وهو هب حاس بعمره ودموعه ع خده من الالم ! الوقت كان ليل .. وهادف استغل الليل لجل يخبي معالم حزنه ودمعه !!

شوق تطالع هادف من بعيد وهب عارفه شتسوي .. الحمدلله اني عرفت انه يحب من احين .. لكن هادف ياما وقف ويايه .. انا لازم اساعده واوقف وياه لازم !!

شوق تطالع هادف .. هادف فعالم محد يدريبه !! آآآخ ليتج يالريم حذاالي لييييييييييت .. ليت يالريم !!

حَآوْلتَ أكَونْ أقوىّ مِنْ الليَ تَشوفه ,,
حآولْتَ أسَويْ كَلّ شيً أقولّــه ..
" لـكَـنْ " فـرقآكـَ ْ هدّ بـ الْقِلبَ ركْنينَ
واللّـه سترَ .. ماطاحَ قَلْبّيَ بـ طولـَهْ !



"
"
"


الأيام مضت بسرعه .. يا وقت الجد !! الامتحانات ع الأبواب !! الريم واسما وحور هالكات عمارهن بهالدراسه !! هادف وحمدان نفس الشي !! الكل يالس يستعد للامتحانات .. فلاح يجهز لعرسه .. خلاص مابقى شي ع العرس !! وعليووه مرتبشه فلاح وايد مستعيل ع العرس ومطفربها .. عاد هو وحركاته لي ما تخلص وانتي يا عليوه موتي من الحيا هههه .. غيث طبعا غيران من فلاح ربيعه .. غيث خطب رويض اخت عليووه وملج عليها .. والعرس ان شالله بيكون فنفس اليوم !!

الريم : اسووم والله اني متروعه من هالامتحانات ..
اسوم : هيه والله حتى انا ههه .. احس عمريه موووول مابييب غير f
الريم : هههه لا ان شالله .. بنييب A نحن قدها .. ولو مايبنا نييب B+ هههههه
اسوم : هههه انتي ماينخاف عليج الخوف عليه انا..
الريم : جب جب انتي ماشالله عليج شطوره بس اونج عاد ..
اسوم : هههههه فديتني والله .
الريم : طااعووو تتفدى عمرها ..
اسوم : ههههه تغارين ؟
الريم : لا حشا.. هب شراتج هب لاقيه من يتفداني قمت اتفدى عمريه هههههههه
اسوم : ويا ويهج .. درسي درسي احسن ..هههه
الريم : هههه يونه ادرس.. والله قاصات ع عمارنا يونه ندرس ... منو يولفنا نحن ..
اسوم : هههه صدق ريموه خلاص انطمي بندرس.
الريم : هيه والله جب .. يلا بندرس ماعرفج ..

اسوم سكتت يونه تدرس .. والريم بعد .. ما مرت إلا خمس دقايق إلأا وترفع الريم عيونها وتطالع اسوم .. وبنفس الوقت اسوم رفعت عيونها وطالعت الريم .. وو ينقعن ضحك .. هههههههههههههههههههههههههههه ..

اسوم : آآآخ بطني بطني.. ههههههههههه
الريم : هههههههههههه والله هب لايق علينا يونه ذربات ..
اسوم : اقولج ريموه ظهري ظهري درسي مكان ثاني..
الريم : ههه ويهج.. ها بيتكم .. انتي سيري اي مكان ..
اسوم : والله ماسير انتي سيري ..
الريم : اففف وين اسير؟
اسوم : سيري حجرة ريلج مسافر مابيي ههههههههههه ..
الريم: هههههه وياويهج يونه ريلج .. اوك بسير يلا بآآآي ..
اسوم:بآآآآيآآآت ..

اسوم ماصدقت ريم ظهرت يت بتدرس إلا وتفج ريمووه الباب : اسووومي درسي عدل هههههه ..

اسوم : هههه علنيه بلا خبالج اوك يلا زولي..

الريم راحت وناقعه ضحك واسوم نفس الحاله .. الريم اول مادشت حجرة هادف.. يلست تطالع كل زاويه فيها .. جان تلقى دفتر ع الطاوله .. مكتوب عليه عنوان بخط اليد : [ غرآمــــي ]

الريم ياها فضول إلا تقراه ..راحت صوبه توها بتقراه إلا تدش عليها اسوم ..
الريم تروعت ع طول عقت الدفتر ..وصدت صوب الباب ..

اسوم : هاااا شتسويييييييين اعترفي؟
الريم : هااا؟؟ لالا ماشي..
اسوم وتحرك حياتها : عليناا هاا ههههه
الريم : نذله ماحبج .. قومي ظهرنا..
اسوم : ههه فديتج والله .. يلا حاطين العشا..
الريم: امممممممم يوعانه والله هههه ..
اسوم : امبونج يالمصريه .. من يقولون امتحانات .. قلتي اللهم لك صمت ..
الريم: ههه استغفر الله .. احين انا جيه ..
اسوم : ههههه عيل شوتسمينه ها.. مووول ماتاكلين ..
الريم: هههه شسوي من الروع ..
اسوم : مالت ههه ..
الريم تدز اسوم برع : يلا يلا ظهرنا..

نزلن البنات تحت .. راحن يتعشن .. عقب يلسن شوي يسولفن ويا أم غيث.. وردن فوق يدرسن .. عقب دق فلاح حق الريم يخبرها إنه ياي.. عاد الريم ترخصت عنهم وروحت ..

فلاح : ها درستو ؟
الريم : هيييييييه امرررررره .. ههههه
فلاح : هههه والله انكن ... احيده باجر الامتحان ..
الريم : ههههه لا افا عليك درسنا..
فلاح : حيكن خلكن شرات عليوه علنيه فداها..
الريم : طاااع ها.. نحن احسن عن عليووه . ههه ...

فلاح يتمصخر ع الريم .. وقف السياره عينب : يلا نزلي..
الريم بعبط : ووووين ؟؟
فلاح : عيل تتمصخرين ع حرمتيه .. يلا يلا نزلي اشوف.. يلا..
الريم شوي وبتصيح : حووه انت بفش توايرك ترااه ..
فلاح : هههههههه فديتج والله اسولف.. بس ترا مارضى ع الحرمه ..
الريم : هههههههه فديتها عليووه ..
فلاح : وانا ..؟؟
الريم: وانت كله وانا ههههه
فلاح : الغيره يابوج .. ههههه ...
الريم : حيك والله هههه

فلاح والريم يلسو يسولفون فالدرب لي ما وصلو . ومن وصلو كلن راح حجرته ودقها رقاد !!




لندن [ الجامعه ]

هادف وحمدان ومشعل توهم ظاهرين من الامتحان ..

مشعل: افف بصراحه الامتحان صعب ..
حمدان : هب وايد صعب عادي..
هادف : ها انت يالدحيح هههه ..
حمدان : حرام عليكم .. ههه
مشعل: افف والله اني متفتف..
هادف: يلا خير ان شالله .. المهم خلصنا الامتحانات .. افف مابغينا ..
حمدان : هيه والله .. عاد هالسنه الصراحه بسررعه مرت ولا حسينابها..
هادف: صدقك.. سبحانه تونا إلا يايين لندن ههه ..
حمدان : آآآآخ ياني متووووله ع الدار ..
هادف: موووول لاتتخبر..
مشعل: هههههه عيل شنو تقولون عني انا اللي من كم سنه خايس هني..
حمدان : هههههههه يوم انت فاشل مشكلتك هههه ..
مشعل: هههههه حرام عليك .. وياويهك ...
هادف: هالاجازه بتردون البلاد ولا بتاخذون كوورس ..؟
حمدان: لالالالالا ماباخذ .. بعدين لا تنسى عرس غيث و فلاح ..
هادف: هيه والله .. يسد إنا ماحضرنا الملجه .. وانت مشعل بترد الكويت؟
مشعل : اممم ماعتقد ..
هادف: تعرف خاطريه تسافر ويانا أعرفك ع هلنا..
مشعل: ههه والله من كثر ما تتحجون عنهم ودي أشوفهم ..
حمدان : يا ريال انت معزوم ع العرس.. ودامك ما بتسير صوب هلك مالك عذر ..
مشعل: والله مادري شنو أقول لكم ..
حمدان : لم ثمك .. وبترابعنا هههههه
هادف: ههههه ما ايي الا بالعين الحمره ..
مشعل : هههههههههه علنيه بلاكم ..
هادف: ههههههههههه له له قام يرمس مواطن هههه
حمدان : خله يرمس.. يلا كمل كمل ..
مشعل : لا والله .. شنو تبيني اقول ؟
هادف: ههههههه خلاص ماشي .. لا تحوسلي لسانك تخرب اللهجه هههه ..
مشعل يكفخ هادف: انا بوريك هههههه ..
الشباب ناقعين ضحك ..





[ جامعة الامارات ]

البنات ظاهرات من قاعة الامتحان وهن متفتفات ..

الريم : اف شو ها والله صعب صعب..
اسوم : ههههههه والله سهل..
حور: هههههههه انا عادي حسيته نص نص..
الريم شوي وبتصيح : انا بروح فلاح يرقبنيه باي..
اسوم : ريموووووه تعالي .. حبيبتي لا تضيجين بعمرج .. ان شالله ناجحين ..
الريم : ان شالله بس ماعتقد ..
حور: لا تقولين جيه ريموه ..

الريم مبتسمه بالغصب..شوي إلا يدق محمد حق حور ..حور اول ماشافت الرقم عفست ويهها ..

اسوم :بلاج حورووه ..؟
حور: محمد!!
الريم : انزين ردي.. ولا تبينا نسير هههههه ..
حور : لا عادي.. بس مالي خاطر ارمسه ..
الريم : حواري لازم ترضين بهالشي وتحاولين تتقبلينه وتحسنين علاقتج وياه .. لمصلحتج حواري..
حور : ماعرف ريموه ماعرف.. والله موول مارتاحله ..

الريم واسوم سكتن ماعرفن شو يقولن .. آخر شي حور ردت : ألو
محمد : مرحبا مليوووون ..
حور: مراحب..
محمد : شحالج غناتي؟
حور: الحمدلله وانت ؟
محمد : الحمدلله دام الحور بخير..

حور تمت ساكته ...

محمد : شو الامتحان .؟
حور: زين ..
محمد : زين ولا نحوول ... ههههه ..

حور شوي وبتبند الخط ع ويهه ..

محمد :انتي بعدج فالجامعه ؟
حور: هيه ..وانت ؟
محمد : والله ماشي.. فالمول اغازل ههههههه ..
حور محرجه : اوك انا ببند احين ..
محمد : أفا ما تبين تسمعين صوتي مليتي..؟؟
حور: لا محمد بس ممنوع نرمس هني.. يوم بظهر برمسك ...
محمد : انزين حور أخبرج ..
حور: لبيه ؟
محمد : بخبرج منوو محمد راعي البقاله ؟
حور: لا..
محمد : عيل رمسيني عدل.. يونه محمد ..
حور: انزين شو تبغيني اقول ترى اسمك محمد ..
محمد : قولي حبيبي .. غناتي.. شي جيه ..
حور: ان شالله .. يلا عيل برايك ..
محمد : اوك يلا زولي..

حور ماقدرت تتحمل بندت وع طول يلست تصيح .. والريم واسوم يحاولون يهدونها وهب عارفين السالفه !! وحور غرقانه بدموعها !!

صَرْت مآ أحْسَ بــ عيْوني ..
مِنْ كَثٍر مآ أنَا بكَيْت !!
ومِنْ كَثّرَ مآدَسْتِ شَوكِكَ
صرْتَ مآ أحِسْ بـ ألَمْ !~

"
"

"
"



[ بيت بوعليا .. ]

عليا ورويض مرتبشات بالقووو .. خلاص ما بقى شي ع العرس.. يالله يالله يخلصن امورهن ..
توهن داشات البيت يايات من السوق ..

عليا : السلام عليج اميه ..
أم عليا : وعليكم السلام ورحمة الله ..
رويض: آآآخ يا اميه ضلوعيه تكسررت .. مايخلصنا هالعرس هههه ..
عليا : لو يسمعج غيث احين ههههههههه ..
أم عليا : فديتكن يا بناتي.. مالي غيركن فهالدنيا ويوم انكن ظهرتن وعرستن .. ظهرتن عنيه ويا بعض مره وحده .. وخليتونا انا وابوكم رواحنا ..
عليا : علنيه فداج يا اميه .. نحن مالنا غنى عنكم وان شالله بنزورج دوم وبتملين منا بعد ..
رويض: ههههه هيه حتى بنبات عندج هههههه ..
ام عليا : هههه فديتكن يا بناتي..ربيه يسعدكن ان شالله ..
البنات مبتسمات : آمين ويحفظكم لنا ان شالله ..
أم عليا: يلا عيل يا بناتي.. سيرن بدلن ونزلن الدهديه .. أبوكم توه ياي من الدوام تعبان .. انا بسير اغرف الغدا..
رويض : ان شالله يا اميه ..

راحن البنات حجرهن يبدلن .. وعقب نزلن سلمن ع ابوهن ويلسن يتغدن ..رويض من خلصت شلت عمرها وراحت حجرتها بترقد .. توها تحط راسها ع المخده إلا يدق غيث..

رويض نقزت مستانسه و ترد : ألوو ..
غيث: مرحبا مليااار والله ..
رويض مستحيه : وبك زووود شيخي ..
غيث: علنيه فداج .. شحالج ؟
رويض : الحمدلله بخير ونعمه ومن جداك ؟
غيث: دامنيه أسمع هالصوت عاااااال العال ..

رويض سااكته مستحيه ..

غيث: ألوووو يا قوم نحن هناا ههههههههه
رويض تضحك .: ههههه
غيث: هههه بلاج صخيتي ؟
رويض : ها؟ ماشي..
غيث: هههه فديت لي يستحون .. خلاص عيل بخليج ترتاحين توج يايه من السوق..
رويض لا اراديا: عادي حبيبي..
غيث: هآآآ ؟؟؟

رويض من المستحى بندت الخط ع ويهه .,, ياربي انا شوقلت .. ههههه ..
غيث يدق ويدق وهي مستحيه ترد . . آخر شي طرشلها مسج ..

رووووويض ردي احسلج ولا ازعل انا ..

روووويض ع طول دقتله .. وتمت ساكته ..وغيث عناد ساكت ..

رويض بهدوو : ألووو ..
غيث : ..................................
رويض : غيآآثي شعنه ماترمس ؟
غيث : ....................................
رويض : غيث يلا عاد ارمس .. لا تعذبني ...
غيث يونه زعلان : عيل تبندين الخط فويهيه ؟
رويض: فديتك غياثي.. آسفه ..
غيث: لا تحاولين انا زعلان .
رويض: غياثي خلاص عاد .. انزين شو يرضيك .. ؟
غيث: امممم أبغي اسمعها ؟
رويض مستحيه : شوووه ؟
غيث: مايخصنيه تعيدينها لي .. ولا مارضى..
رويض: هههه انزين عقب عقب.. بطرشلك مسج ..
غيث: لا والله .. مابغي مسج .. عادي المسج تعودت تقوليلي بس بصوتج غير..
رويض بدلع : غيااثي عاااد ..
غيث: مآآبآآآ ..
رويض : حبيبي انته ..
غيث: آآآخ هههههههههه .
.
رويض ساكته مووول ما رمست ووويههها غادي طماطه ..
غيث: فديتج خلاص عيل شكلج انتهيتي .. ههه
رويض: يالدب هههه ..
غيث: لا تخليني احين ايي بيتكم ؟
رويض : ههههه جان زين ..
غيث: لالا ماروم انا هههه .. يلا عيل غناتي.. فداعة الله .
رويض : ربيه يحفظك حبيبي ..

رويض بندت عن غيث وهي مستاااانسه بالقو .. يلست تفكر برمست غيث وطيبة قلبه .. وعقب رقدت ..

عند الريم واسوم ..

أسوم : جربي دشي مره ثانيه يمكن نزلووهن .؟
الريم : اافف اسوم والله طفرت مابغي خلاص اخااف..
اسوم : هاتي انا بجرب ..

اسوم تدخل الموقع وتدخل رقمها عسب تشوف النتيجه .. فجأه صرخت : رييييييييييييموووووووووه !!
الريم تروعت يت صوبها : شوووووو ؟
اسوم : نجحت ريمووووه نجحت .. يبت B+
الريم : حللللللللفي ..
اسوم : والله .. الحمدلله يارب..
الريم : مبروووك يالدبه وتقولين صعب .. خل نشوف مالي والله متروعه ..
اسوم تفج حق ريموووه : يالزلممممممممممه يبتي A
الريم تناقز : ههههههههههههه اوووووووووووف كيف جيه .. الللآلآي اهم شي ماينقص معدلنا هههه ..الحمدلله ..
اسوم : خل ندق حق حور نتخبرها..
الريم : هيه والله دقيلها..
اسوم تدق حق حووور .. : ألووو
حور : مرحبا أسوم .. شحالج ؟
اسوم : الحمدلله .. ها دبووه طمنينا عن نتيجتج ؟
حور : ليش نزلووووهن؟
اسوم : هيييييه توووه ..
حور : اووووونه .. عيل شوفوو درجتيه ..

حور عطتهم رقمها .. دخلووه ..

اسوم : مبرووووووووووووك حوووروووه ؟
حور: هااا ؟؟
اسوم : يبتي B+ شراتيه هههه ..
حور : الحمدلله هههههه
اسوم : زين عيل دبووه برايج احين ...
حور: هه اوك .. يلا فمان الله ..

حور بندت عن اسوم .. إلا ويدقلها محمد ..

حور : مرحبا..
محمد : مراحب ..شحالج ؟
حور: الحمدلله ..
محمد : شتسوين ؟
حور: ماشي والله يالسه فالحجره برويحاتيه ..
محمد : حيج .. عيل تلفونج كان مشغول ..؟
حور: هيييه من شوي ربيعتيه كانت داقه ؟
محمد : منووو ربيعتج ؟
حور: أسما ..
محمد : أسماا ولا ؟
حور : ولا شوو شتقصد ؟
محمد : والله مايندرابج يمكن ترمسين واحد مني مني..
حور بقهر: انت حقييييييير ..

وتبند حور الخط ع ويهه وتصيح .. آآآآآخ لي متى بصبر عليك يا محمد لي متى .. هذا ونحن بعدنا ما عرسنا .. ومابقى ع العرس غير شهر .. آآآخ يا أبوووويه شوف وين عقيتني شوووف ..

حور خلاص هب قااادره تتحمل محمد أكثر .. تحس انهااا وحييييده بهالكوون .. والحزن كساها !!والدمع بلل محاجرها !!

تعبت أحمل من الذكرى على المتن النحيل حمول ,,
وأنا نفسي وهي نفسي وربي ما تحملهـــــــــــــــا ..
لأني كل ما أقرب أشوف أن الطريق يطــــــــول ,,
وهو صعب علي أرجع والأصعب كيف أكمّلهـــا ..
أخاف أرجع والاقيني على هاك الــ ( هنا) مقتول ,,
وأخاف أمشي لأخرها وأشوفه يشبه أولهـــــــــــا ..

البارت _23_

حور خلاص هب قااادره تتحمل محمد أكثر .. تحس انهااا وحييييده بهالكوون .. والحزن كساها !!والدمع بلل محاجرها !!

تعبت أحمل من الذكرى على المتن النحيل حمول ,,
وأنا نفسي وهي نفسي وربي ما تحملهـــــــــــــــا ..
لأني كل ما أقرب أشوف أن الطريق يطــــــــول ,,
وهو صعب علي أرجع والأصعب كيف أكمّلهـــا ..
أخاف أرجع والاقيني على هاك الــ ( هنا) مقتول ,,
وأخاف أمشي لأخرها وأشوفه يشبه أولهـــــــــــا ..

حور ما قدرت تزخ عمرها يلست تصيح بصوت عالي .. ما قدرت تمسك عمرها ..

هزاع اخوها توه طالع فوق !! يوم انه خطف حذال حجرتها سمع صوت حد يصيح !! ترووع ع طول دق الباب ودخل .. لقى حور يالسه ع الارض حذال الشبريه ولاويه ع ريولها وتصيح ..ربع صوبها وهو متروع ..

هزاع بخوف: حور بلاج ؟ ليش تصيحين ؟

حور أول ما شافت اخوها لوت عليه ويلست تصيح بحراره ..

هزاع : حور دخيلج هدي ... فهميني شو صاير؟؟ حد زعلج حد قالج شي؟
حور بصوت متقطع يملاه الالم : محمد محمد يا هزاع محمد..آآآخ
هزاع : حور حبيبتي هدي .. فهميني بلاه محمد ؟

هزاع يلس يهدي اخته .. لين ما هدت وقالت له شو لي مضيجبها !!

هزاع حرج !! ما عرف شيسوي !! ظهر صوب أبوه وامه فالصاله .. وحور تلحقه وتصيح ..

حور: هزاع دخيلك هدي.. دخيلك هزاع ..دخييييييييلك
هزاع : حور هديني .. خل أراوي أبووويه نتايج تفكيره الرجعي..
حور تصيح : دخيلك هزاع .. دخيلك انا خلاص راضيه راضيه خل كل حد بحاله..
هزاع : شو اللي راضيه به !! راضيه تعيشين بذل عشان ما تعذبينا وتعذبين أبوويه !! لا يا حور !!اذا انتي ترضين انا مارضى هالحقير جيه يسوي.. انا من الاساس رافض هالزواج ..

حور تصيح ومنهاره .. هزاع سحب يدينه عنها وربع .. حور واقفه عند الدري وتصيح ..

هزاع ساير صوب ابوه : كله منك كله منك ...
بوهزاع ينش : شو اللي كله مني !!
هزاع : يابوي انت غصبت حور ع العرس .. وشوف النتيجه !! محمد النذل معيشنها بذل وحقاره وهي صاخه عشانك .. كيف ترضى لبنتك يا بوي كيف؟؟
بو هزاع : شوووووووووو ..محمد جيه يسوي؟؟
هزاع : هيه نعم يابوي ..

بوهزاع وام هزاع يطالعون هزاع ومستغربين !! حور تطالعهم من فوق ومنهاره !!

فجأه صرخت : دخيييييييييلكم خلاص ..


وطااحت !!

هزاع يربع صوب اخته ... وام هزاع وراه !! بو هزاع واقف مكانه !! يحس ان هو السبب فكل شي !! هزاع ربع شل اخته وركبها السياره .. وبو هزاع شل حرمته وحصه خلوها عند البشكاره .. وع طوول راحو المستشفى !!




[ مستشفى توام ]

حور عند الدكتور .. أم هزاع وبوهزاع وهزاع برع يرقبون الدكتور يظهر !!

بو هزاع: والله لو استوى لحور شي مابسامح عمريه .. والله ما سامح عمريه آآخ ..
هزاع : خلاص يا بوي هالرمسه ماتفيد احين .. المفروض نفكر شو بنسوي بهالمشكله !

الدكتور توه ظاهر .. بوهزاع صوبه : ها دكتور طمنا دخيلك ؟
الدكتور : والله يا أخي البنت .. عندها انهيار عصبي !
بو هزاع :شوووووووووو؟؟
الدكتور : ما تخافوش.. دي الوقت صحتها كويسه ومافيهاش حاجه .. بس اللي عليكو انكو ما تزعلوهاش لان دي الحاجه بتضرها ..
هزاع : ان شالله يا دكتور.. مشكور ماتقصر..
بو هزاع : دكتور نقدر نشوفها ؟
الدكتور: أكيد يا أخي.. تقدرو تشووفووها ..
بو هزاع : عن اذنكم عيل ..

بو هزاع ع طول دش عند بنته ووياه أم هزاع ... بو هزاع يمشي صوب بنته والندم امبين ع ويهه .. حور هب قادره تحط عينها بعين أبوها .. حاسه بألم كبير !!

بوهزاع يحب بنته ع راسها وييلس حذالها : الحمدلله ع سلامتج يا بنيتي..
حور مبتسمه :الله يسلمك يابوي..
بو هزاع : ساامحيني. .سامحيني يا بنيتي .. انا ماستاهل أكون أبووو !
حور : لا يا بوي .. لا تقول جيه .. انت ابووويه .. وأغلى ابو فالدنيا.. دخيلك لا تقول جيه !!
بو هزاع : علنيه فداج يا بنيتي .. اوعدج كل شي بيتصلح ..
حور وايد استانست : فديتك يا أبويه .

أم هزاع : ماتشوفين شر يا بنيتي..
حور : الشر ما ايييج إميه ..

هزاع : شو صحتج احين ؟
حور: الحمدلله احسن لا تحاتون ..
هزاع : الدكتور قال بيخليج اليوم هني.. عسب يراقبون صحتج وان شالله باجر يرخصونج ..
حور: لاآآ..ماله داعي حق شوه ..انا بخير..

بو هزاع : احسن يا بنيتي عسب نتطمن عليج ..
أم هزاع : هيه يا بنيتي وان شالله باجر بيرخصونج ..
حور مبتسمه : ان شالله ..




[ عند فلاح ..]

فلاح قبل لا يرقد يلس يرمس عليوه ..

فلاح : شو النفسيه مستعده للعرس ههه ..
عليا: ههه والله ماعرف.. مستانسه وبعد متروعه ..
فلاح : هههه فديتج انا ..ما أصدق إن باجي ع العرس أسبووع .. يآآرب متى بيي يوم عرسنا ههه ..
عليا: هههه باجي أسبوع خلاص اصبر حبيبي..
فلاح : شو يصبرني ههههههه ..

عليا مستحيه وساكته ..

فلاح: باجر بتسيرين السوق؟
عليا: هيه حبيبي باجيلي كم غرض واخلص..
فلاح : أخيرا افتكيتي هههه ..
عليا: هيه والله مابغيت هههه ..حبيبي؟
فلاح : عيونه؟
عليا: انا يوم قلتلك هالشهر ما بشوفك ماطعت .. عسب جيه هالاسبوع مابرمسك لين العرس..
فلاح : لاآآآآآآآآآآآآآآآ ليييييييييش ؟
عليا: حبيبي عسب تشتاقلي..
فلاح : غناتي انا جيه ومشتاقلج .. ماشي ماشي آسف طلبج مرفووض..
عليا : مآآبآآ خلاص مابتسمع صوتي مآآبآآ..

فلاح بدلع: علآيه حبي عاد ..
عليآآ : آآآآآآآسفه ..
فلاح يونه زعل :اوك اوك الله يسامحج .. يلا انا ببند عنج ..
عليا:حبيبي لا تزعل ..
فلاح : ههه وانا اقدر..
عليا : أحبك ..
فلاح : أموت فيج.. يلا تصبحين ع خير..
عليا : وانت من هله حبيبي..
فلاح : فداعة الله ..
عليا: الرب حافظ ..

فلاح بند عن عليا وهو مستانس وبنفس الوقت منقهر لانه مابيسمع صوتها لين العرس... والله حركات هالبنات ..




الريم واسما مرتبشات .. يزهبن عمارهن حق العرس .. خلاص ما بقى شي .. من متى وهن فالمول منصور مودنهن ومبتلش وياهن ههه !!

الريم : اففف مابغينا نخلص..
أسوم : هيه والله هلكت خلاص ..
الريم: اهم شي خلصنا هههه والله ماتوقعت نخلص ..
أسوم : هيه والله صدقتي.. ههه .. ريمووووه والله اني ماتحمل لباجر ؟
الريم : لييش؟
أسوم : شو نسيتي باجر بيون هادف وحمدان ..
الريم : هيه والله .. ولهت عليهم مووت ..
أسوم : هيه والله .. شكليه مابرقد اليوم برقب هادف هههه ..
الريم : ههههه شكلنا والله ..

منصور : حووه انتن امشن يلا ماترومن تسكتن ..
الريم : هههه بلاك انت خلنا نعبر
منصور: هههه زين انا الفقير سولفو ويايه حتى ماسمع شتقولن تتساسرن ..
الريم : مشكله الفضول هههههه
منصور: ههه يلا يلا ..

منصور شل البنات وركبو السياره رايحين البيت .. ومنصور رابشنهم ربشه !! شوي إلا يرن تلفون الريم ..

الريم : الو ..
حور : مرحبا الساع ..
الريم : وبج زووود .. شحالج حوااري..؟؟

منصور من سمع اسم حور عوره قلبه ..

حور: والله نحمد الله ع كل حال..
الريم : بلاه صوتج؟
حور : امممم انا فالمستشفى..
الريم :شوووه ؟؟
حور: فديتج ريماني لا تحاتين .. بس تعبت وان شالله باجر بيرخصونيه ..
الريم : نحن ظاهرين ..بشوف اميه وبنخطف عليج المستشفى ..
حور: برايكن ريموه والله مافيني شي..
الريم : جب جب مانروم لازم نتطمن عليج ..
حور: فديتكن والله .. خلاص ارقبكن ..
الريم : يلا حور ربيه يحفظج..
حور: الرب حافظ ..

الريم أول ما بندت عن حور صدت صوب اسوم وعقب طالعت منصور : اممم حور فالمستشفى..
أسوم : بسم الله عليها ..شفيها؟
الريم : والله مادل تعبت عليهم وودوها ..
منصور: بتسيرون لها؟
الريم : هيه اكيد .. بس بخبر اميه ..
منصور : اوك خبريها..

الريم دقت حق امها وترخصت منها وعقب راحن المستشفى يشوفن حور .. منصور كان وايد خايف ع حور بس كاتم هالشي ومسوي عمره طبيعي مافيه شي !!

وصلو المستشفى .. منصور يلس ويا هزاع وبوهزاع والبنات دخلن عند حور ..

الريم واسما : السلام عليكم ..
أم هزاع : وعليكم السلام ورحمة الله.. مرحبا مرحبا بناتي قربن ..
الريم : جرييب خالووو ..

البنات سلمن ع أم هزاع .. عقب سارن صوب حور..

الريم : سلامات حواري ماتشوفين شر..
حور: الله يسلمج ريماني.. الشر ما اييج ..
أسوم : يلا دبووه شدي حيلج هههه ..
حور: ان شالله هههه ..
الريم : شصارلج حور؟
حور ارتبكت ماعرفت شتقول : امممم ماشي بس تعبت شوي..
الريم : آها .. يلا اجر وعوافي ان شالله ..
حور : ويآآآكم يارب ..

شوي إلا أم غيث وام فلاح يايات المستشفى يشوفن حور.. يلسن الحريم ويا بعض وحور يلست ويا البنات وخبرتهن السالفه ..

الريم محرجه : الله يغربل عدووه .. شو ها مايحس.. والله مايستاهلج ..
حور: شو بسوي يالريم بس أول مره اشوف ابويه هالشكل..شكله والله ناوي ع محمد ..
اسوم : والله جان زين . .وتفتكين منه ..
حور بحزن : هيه بس .. أحس انا وايد سببت مشاكل لهلي..
الريم :حواري فديتج انتي ماسويتي شي.. ومحمد مول مايصلح ريل.. وها مستقبلج ..وربيه يعوضج بغيره ..ويسعدج ..
حور: آمين يارب..


أسوم يونه تغير الجو: اخبرررج حوااري .. محلوووه هههههههه
حور: ماعليه يالهرمه تنغزين بعد ههههه ..
الريم :فديتها والله حواري امبونها حلوه هههه ..

اسوم بدلع: ريماني يعني انا هب حلوه ؟
الريم:هههه بدينا بغيرة اسوم اللي ماتخلص..فديتج والله حلوه هههه ..
اسوم : هيه ادري ههههه
حور: خقاااقه والله ههههه
اسوم : لا تلومينيه دام هالعنز ريمووه بنت خالي ههههه
الريم :دبووه ماحبج ههههه..

يلسن البنات سوالف وضحك .. غيرن الجدو لي كانت فيه ع حور .. وصارت وايد أحسن وردت البسمه لشفاتها !!

عقب الريم واسوم وهلهم روحوو .. وبو هزاع وهزاع ترخصو وراحو يونه عندهم شغل ..

هزاع : ع شو ناوي يا أبويه ؟
بوهزاع: ياولديه يا هزاع انا ندمان ع اللي سويته .. ولازم اصلح هالغلط..احين بنسير صوب عمك وبنتفاهم وياه ..
هزاع مبتسم : ها احسن شي تسويه يا أبويه ..

هزاع وبو هزاع سارو صوب العم .. ولقو محمد وياه .. محمد وايد انفعل يوم درى بالسالفه ..

بوهزاع : محمد انت لازم تطلق حور دامكم فبداية الدرب..
محمد: عمي انا هب مطلقنها .. حرمتيه ومتى مابا باخذها...
بومحمد: محمد .. انت موووول هب ويه عرس.. وانا الغلطان يوم انيه رضيت انك تاخذ بنت اخوويه وانت ما تستاهلها.. بتطلقها رضيت ولا مارضيت ..

محمد يطالع ابووه وهو منقهر ..

هزاع : محمد نحن يوم إنا عطيناك حور .. عطينااك اياها وهي معززه مكرمه .. هب عشان تذلها وهي بنت عمك يا محمد .. والله وخيبت الظن ..
بو هزاع : خلاص يا محمد .. نحن مانبغي نخسر بعض..البنيه ما تبغيك .. والطلاق أحسن حل.. وربيه يعوضكم خير..
محمد محرج: خلاص اللي تبغوونه بيصير عن اذنكم ..

محمد ظهر محررج ..ع طوول راح المحكمه وطلق حور .. وطرشلهم ورقة الطلاق !! حور حزنت انها استوت مطلقه لكن فنفس الوقت تدري ان هالشي خير لها ان شالله .. وهم بعدهم فبداية الدرب والعمر جدامهم .. وأخيرا راح الهم لي ركب حور من ساسها لراسها .. وردت حور ببسمتها المعهوده !!




لندن [ المطار ]

حمدان وهادف ووياهم مشعل فالمطار .. شوق كانت يايه وياهم تودعهم ..

حمدان : يلا عيل شوق.. نشوفج ع خير ان شالله ..
شوق : ان شالله يارب..
مشعل : سلمي ع أبووج .. ولا تخافين اسبوعين وناقز عندج هههه ...
شوق: هههه ارقبكم انا ..

حمدان ومشعل يالسين يجيكوون ع الجوازات .. وهادف كان ويا شوق..

هادف : ها شوق تامرينا ع شي؟
شوق مبتسمه بحزن : سلامتك شيخي..تروح وترد بالسلامه ..
هادف : الله يسلمج يارب..
شوق : هادف حاول تصلح الامور بينك وبين الريم ماوصيك ..
هادف: إن شا الله شوق..

حمدان يزقر هادف من بعيد : هادف يلا تأخرنا..
هادف: اوك ياي ياي..

ويرمس شوق: يلا عيل شوق..
شوق تطالع هادف ودمعت عينها : هله هله بعمرك ..
هادف: لالا مابغي دموع اوك ..يلا اشوف اابتسامه بصور ههه
شوق تبتسم ودمعها ع خدها : ان شالله ..

هادف: يلا عيل شوق .. هله هله بعمرج وبأبوج ..
شوق: ان شالله هادف..
هادف: يلا ربيه يحفظج ..
شوق : و يحفظك من كل شر ..

هادف راح !! وشوق ترقب خطواته وفي قلبها حزن ! تعودت هادف دوم يكون وياها.. تعودت ع سوالف مشعل وحمدان لي ماتخلص.. وايد تعودت عليهم ..كانو شرى خوانها وعمرهم ماضروها !!






يوم الثلاثا [ بيت يو هزاع ]


حور اليوم رخصوها .. توها هي وأمها وأبوها واصلين البيت ... أول ما دخلووو حصووه يت تربع صوب حور ..

حصوووه : حوااااااااااااااري حبيبي ..
حور :حصووووه هههه

حور تشل حصوه فوق .. وحصوه مستانسه تضحك ..

حصوه : حوااري انتي صحيتي ؟
حور: هيه حبيبتي صحيت شوفي انا قويه ..
حصوه : لا انتي هب قووويه انتي طاحيتي انا ما طاحيت ..

أم هزاع وبوهزاع يضحكون ع بنتهم ..

حور: ههههههه طاح كرتيه خلاص..
حصوه : حواااري حوااري .. اذا صاحيتي مره ثانيه بخبر عمي الشرطي ..
حور: هههه لالا دخيلج .. مابصيح بس لا تخبرين عمج الشرطي..
حصوه : هيه هيه.. . خلاص حواري مابتصيح .. مابخبر عليها عمي الشرطي ..
حواري: هههه شطوره انتي ..

حور شلت ختها وراحت حجرتها ترتاح .. وماشالله حصوه قبضتها وماخلت سالفه ما خبرتها .. هههه وكله عن العابها وحيواناتها وعمها الشرطي هههه ..



[ مطار دبي ]

غيث وهله وفلاح وهله كلهم سايرين المطار عسب يستقبلون هادف وحمدان ومشعل .. كانوو وايد حفزاانين لشوفتهم وولهانين عليهم ..

الريم : يآآربي أسوووم مترووعه ما أصدق اني بشوفهم ههه ..
اسوم : هيه والله حتى انا.. من سنه ما شفناهم والله هب شوي هههه ..
الريم : هيه والله ..

شوي إلا وتوصل طيارتهم .. لي ما خلصو الاجراءات وجيه .. دشوو .. كان المطااار وايد زحمه .. تموو يمشوون ويتلفتون حواليهم يدوروون هلهم وين !!

حمدان : هكووو غيث..
هادف مستانس : وينه ؟
حمدان : هنااك قم سرنالهم ..

هادف وحمدان ومشعل سايرين صوب اهلهم .. أم غيث وام فلاح أول ما شافن عيالهن من بعيد يلسن يصيحن وحليلهن ..

حمدان ع طول ربع صوب أمه ويلوي عليها : إميييييييييه حبيبتي ولهت عليج .. <<ويبوسها ع راسها ويرد يلوي عليها ..

أم فلاح ودمعتها ع خدها : حمدان ظنايه .. وانا بعد ولهت عليك يا اميه ..
حمدان : فديتج يا اميه .. لا خليت منج ان شالله ..

حمدان يشووف فلاح ويلوي عليه : أبوووووويه هههه شحااالك ؟
فلاح : ههه علنيه فداك .. بخير ونعمه من ريتكم .. انت شحالك شو صحتك ؟
حمدان : والله اني مستانس وعال العال بشوفتكم ياخوي..

منصور ينقز من ورى حمدان ويلوي عليه : حمدااااااااني هههه
حمدان : اوووه منصووور .. هههه شحالك ؟
منصور: بخير وسهاله انت شحالك تعال بداغشك هههه ..
حمدان : ههههههههه ع طول ماشي تفاهم .. علنيه فداك .
.
حمدان يصد إلا ويطالع الريم تطالعه وتصيح .. فج ذراعه يونه بيلوي عليها : رييييمااااني تعالي..

الريم راحت صوبه لاويه عليه وتصيح ..

حمدان : ريمااني خلاص بس من الدموع خرستي قميصيه هههه ..
الريم تصيح وتضحك : يالداااادووه لا تروح عني مره ثانيه .. ههه
حمدان يحبها ع يبينها : فديتج والله ريماني .. ولهان عليج ..
الريم : والله انا بعد حمداني ولهانه عليك ..


وعند هادف ..

هادف سلم ع أمه ودمعت عينه .. وتم لاوي عليها .. عقب صد صوب غيث : اووه المعرس. ههه
غيث: ههههه هادف شحالك ؟
هادف: الحمدلله بخيير ونعمه مشتاقلكم وللدار والله ..
غيث: نحن بعد ولهانين عليكم ..

هادف: اسوووووووووووووووم ..
اسوم تيي تلوي عليه : هدووفي ...
هادف: ههه فديتج شحالج ؟
اسوم : والله من ريتك وانا بخير .. علنيه فداك والله
هادف: وانا بعد من ريتكم بخير..

هادف صد وراه إلا يشوف مشعل .. وينقع ضحك هههههههههههههه

مشعل : لالا خلووني بعد هني هههه ..

حمدان : حياك مشعل تعال ..شباب ها مشعل ربيعنا..
فلاح يوايهه : حي الله مشعل .. سمعنا عنك وايد هههه ..
مشعل : الله يحييك ههه شلونك ؟
فلاح : بخير ونعمه انت شحالك ؟
مشعل : الحمدلله زين ..

مشعل يسلم ع غيث ومنصور .. وكلهم كانو مستانسين بييته .. ووايد ارتاحلهم مشعل .. لانهم وايد طيبين وجنه يعرفهم من زمان ..

حمدان شاف الريم واسوم واقفات ما قدر يمسك عمره ولهان ع اسوم ..
راح اونه صوب الريم يتعذر .. أول ما وصل عندهم ..

حمدان يضحك ويغمز للريم: أسوووم !
أسوم بحيا :الحمدلله ع سلامتك شيخي ..
حمدان : الله يسلمج يارب..احم ...ولهان عليج ..

أسوم مستحيه ما قالت شي..

الريم : حوووه انت وين تبا يلا مناك ههه ..
حمدان : حرام عليج ما قلت شي بس اسلم ... يلا برايكم عيل.. آخ فديتكم ..

ويشششششرد ..هههههه

أسوم ويهها قافط : آآخ علنيه فداك ..
الريم : لا والله عايشين حياتكم هههه ..
أسوم : ههه انا ماقلت شي غير يوم روح ... هو اخوج بايعنها هههه ..
الريم : صبري بخبره ههههه حمد.,,,,!!
اسوم تقاطعها : حوووووووه انتي مفضووحه انجبي ههههه
الريم : ههه انزين اسولف ..

الريم يلست تطالع هادف من بعيد وصخت .. وحست بحزن..أسوم حست بالريم ..

أسوم : اممم بلاها الحلوه ..؟؟
الريم مبتسمه : ها؟؟ لالا ماشي..
أسوم : فديتج ريماني ربيه يصبرج ويجمع امبينكم ..

الريم ابتسمت وما قالت شي ..

الشباب خلصو الاجراءات ويو بيظهرون .. هادف ماقدر يمسك عمره .. سار صوب أسوم وهو قصده يكون قريب من الريم .. يمكن ترمسه ..يشوفها : يلا أسوم سرينا ..

الريم ساكته ولا قالت شي .. هادف حس بجرح الريم وكان متاكد إنها ما بترمس !!

هادف ماعرف شيسوي .. اكتفى بالصمت والريم بعد نفس الشي محد فيهم قادر ينسى ويسامح الثاني .. كلن حاط فباله إنه جرحه أكبر من الثاني !! والجفا امبينهم كلماله يزيد ولو إن قلبهم عذاب فعذاب !!



عربانا راحوو ديارهم .. وهم مستانسين .. إلا قلبين ملاهم الحزن والالم !! قلب هادف اللي يحس انه مجرووح لكن بدون دليل ولا إثبات!! وقلب الريم اللي ياما انجرح وانجرح لذنب حب صادق ووفي !! قلب ما ملاه غير الهم والحزن !!

تعبـتْ / وٍمـآإ صِـدَقْ حَظـي وٍفوٍق آلهـم أشيـل آلهــم
................صـغيـرٍ فـي آلعمـر آنــآإ وٍكبيـرٍه حيـل مأسآإتـي *~
محـــدْ يـدرٍي عـن أخبـآإرٍي محـد فـي دنيتـي مـهتـم
....... وٍحيـدْ أمشـي مـع همِّي وٍكبيرْ " الحـزْن " فـي ذاتـي *~
سِمَـعْ قلبي عَـنْ آلرآإحَـه{ وٍآإهيَّه مِنْ آلوٍهم أوهــم
....... أعيـشْ آنـآإ بوٍسـط وٍآإقــعْ نهآ‘يـآإتـي فـي بدآ‘يـآإتـي *~

البارت _24_

عربانا راحوو ديارهم .. وهم مستانسين .. إلا قلبين ملاهم الحزن والالم !! قلب هادف اللي يحس انه مجرووح لكن بدون دليل ولا إثبات!! وقلب الريم اللي ياما انجرح وانجرح لذنب حب صادق ووفي !! قلب ما ملاه غير الهم والحزن !!

تعبـتْ / وٍمـآإ صِـدَقْ حَظـي وٍفوٍق آلهـم أشيـل آلهــم
................صـغيـرٍ فـي آلعمـر آنــآإ وٍكبيـرٍه حيـل مأسآإتـي *~
محـــدْ يـدرٍي عـن أخبـآإرٍي محـد فـي دنيتـي مـهتـم
....... وٍحيـدْ أمشـي مـع همِّي وٍكبيرْ " الحـزْن " فـي ذاتـي *~
سِمَـعْ قلبي عَـنْ آلرآإحَـه{ وٍآإهيَّه مِنْ آلوٍهم أوهــم
....... أعيـشْ آنـآإ بوٍسـط وٍآإقــعْ نهآ‘يـآإتـي فـي بدآ‘يـآإتـي *~

الريم حاسه بألم !! بغصه فصدرها ودها تفجرها !! تحس خلاص كل شي انتهى .. كل شي انتهى !! وهادف مستحيل يرجع لها!! مستحيل يرجع لها !!

عربانا وصلو العين متأخر جريب الفير !! كل واحد دخل حجرته وراح يرتاح !! الريم حاولت وحاولت ترقد لكن الرقاد وين وهي وين !! مووول ما غظى لها جفن .. يلست تكتب فدفتر مذكراتها وغرقانه بأفكارها !!

وهادف !! يحاول إنه يواجه الريم !! يسامحها !! ما يظلمها ويتأكد !! لكن هب قادر هب قادر !! يود الفون يبغي يدق لها .. لالا هب حلوووه ! شو أدقلها ع أي أساس !! بس لا أنا لازم أصلح اللي امبينا !! بدون ما أغلط !! هادف يود الفون بيدق.. يوده كم مره يدق ع الرقم ويبند قبل لا يشبك !! اففف خلاص خلاص ماقدر !! هادف عق الفون ع الارض بالقو .. وحط راسه ورقد وهو مقهور !!



بيت بو هزاع

هزاع توه ناش .. نزل الصاله سلم ع هله .. ويلس يسولف وياهم ..
هزاع : هو العرس بيكون الخميس ولا ؟
ام هزاع : هيه ان شالله .. يلا ياوليدي شد حيلك أبغي أشوفك معرس..
بو هزاع : احم احم خبرها..
هزاع : ههههه الله يهديك يابوي ..
أم هزاع : شو يخبرنيه هااا..شو خاشين عنيه ؟
هزاع : اممم ما شي يا اميه .. بس أنا الصراحه .. أبغي أعرس..
أم هزاع : وهاي الساعه المباركه .. يالله فرحتنيه ياوليدي.. والعروس زاهبه ..
هزاع ارتبك هو كان فخاطره الريم: ها؟؟ وامنو العروس؟
أم هزاع : بصراحه ياولديه .. الريم بنت بو فلاح ..
هزاع استانس موول هب مصدق : الريم !!
بو هزاع : ونعم البنات في ذمتيه ..
أم هزاع : ها شرايك يا ولديه ..؟
هزاع مبتسم : ان شالله ربي يكتب لي فيه الخير.. والبنيه ما عليها رمسه ..
أم هزاع : عيل اليوم نخطب..
هزاع : هآآآ ؟
بو هزاع : ههه يا ام هزاع بهالسرعه ..
ام هزاع : هيه نعم .. اليوم تخبر الريال ونحن سايرين صوبهم ان شالله ..
بو هزاع : ربيه يكتب لي فيه الخير..

هزاع مستاانس بالقو..هو ما كان يحبها يحبها لكن البنيه عيبته : ان شالله يارب..

أم هزاع مصممه تخطب اليوم .. يو هزاع دق حق فلاح وخبره إنهم يايين صوبهم الليله .. وهزاع هب مصدق إنه بيعرس وايد مستانس ..

بيت بو فلاح

الريم يالسه ويا أمها فالصاله .. وفلاح كان يتمشى برع فالحوي .. شوي إلا وهو داخل
يلس حذال أمه ويسولف وياهم ..

فلاح : أقول الوالده!!
أم فلاح : ها يا إميه ؟
فلاح : توه داق بو هزاع .. يونه اليوم بيون صوبنا عقب المغرب..
أم فلاح : حيها الساعه .. مرحبابهم .

شوي إلا منصور وحمدان نازلين ويا بعض..

سلمو ع هلهم ويلسو .. وطبعا مالهم خاطر يرمسون هالاثنين توهم ناشين .. الريم نشت ويلست حذال حمدان ..

الريم : علنيه فداك يالداادووه مشتاقتلك ..
حمدان : ههه فديتج وانا بعد ..
الريم : ماخبرتنا شو سويت هنااك ..
فلاح : هههه ريماني ما تشوفينه توه ناش.. يعني سكتي احسن ..
حمدان : ههه لا عشان الريم كل شي يهون .
الريم : احم احم جان اختق هههه ..
منصور : ههه تعيش تعيش تعيش ختيه الخقاقه
فلاح : هههههه أما بهاي صدقت..
أم فلاح : يلا يا عياليه نشو تريقوو ..
حمدان : يلا عيل.. ريموه عقب بخبرج ها ..
الريم : هيه غصبن عنك هههه .
حمدان : هههه عيل هب مخبرنج ..
الريم : لالا تووووووبه هههه ..
حمدان :هههه يلا عيل..
.
ساروا العيال تريقو عقب ظهروا فالحوي كلهم .. منصور دوامه فالكليه الظهر .. وفلاح ماخذ اجازه عشان العرس وتجهيزاته .. وحمدان طبعا يدرس برع ..

حمدان : آآآآخ لا خليت منج يالعين ..
منصور: هههههههههه متعذب..
حمدان : هيه انت متعود .. ولا انا مول ماتحملها الغربه ..
منصور: دخيلك ..يوم نسير المعسكر صح اكون مستانس ويا الشباب والسفر وجيه لكن أتم أحيان مضايج ومالي خاطر حد أبغي أرد ..
حمدان : هيه والله .. عاد انت حيك شهر شهرين وترد .. انا سنه ماييت .. افففف هههه
فلاح : يلا مابقى شي إن شالله وتخلصون .. اممم حمدان ؟
حمدان : لبيه ؟
فلاح : لبيت في منى .. الصراحه نحن محتايين محامي للشركه .. وتشاورنا انا وغيث ولقينا إنه ماشي أنسب عنك انت وهادف.. انتو عندكم الشهاده الجامعيه لي خذتوها هني.. وان شالله عقب يوم بتاخذون شهادة لندن نرفع رتبتكم بإذنه .. شرايك ؟
حمدان : امممم والله شي طيب.. ونحن نفتخر بهالشي..
فلاح : بارك الله فيكم ..

منصور : هييي انت وانا ههه ..
فلاح : انت بنخليك تلعب كووره جدام الشركه ههههههههه
الريم : ووووووويووو القط ويهك هههههههه
منصور: ويا ويهك صدق ماعندك سالفه ههههههههه ..
حمدان :أقووول .. شرايكم نتسابق؟
الريم : اللآآآآآي ونااسه ..
منصور يطالع الريم : نعم نعم ..ختيه انتي منو رمسج هههههههه
الريم يونه زعلانه : حرام عليك انا أبغي وياكم ..
حمدان : فديتج والله .. ماعليج منه بتلعبين ويانا ههه ...
منصور: هيه بس خلها جدام شوي لانها بطيييييييئه موووت ههههههه
الريم : ماعليه انا براويك يالدااادووه ..
فلاح : ههه زين يلا .. بنتسابق من هني لين هاييج الشيره ..
حمدان : اوك يلا ..

الشباب والريم وقفوا كلهم خط واحد .. وفلاح يعد : وآآآآآآآآآآآآآحد اثنيييييييين ثلاآآآآآُثه ...

ووووووووووركيض..

منصووور متعود ع الركييض ويربع بسرعه ماشالله عليه .. والريم شاده حيلها يونه تنافس منصور .. وحمداان يربع إلا يتخرطف فلاح جدااامه .. ومنصور والريم ما يدروووبه .. وحمدان نااقع ضحك : خخخخخخخخخخخخخخخخ

فلاح طالع حمدان بعين : مااعلييييييييه بتشوووف ..

حمدان يربع ويضحك هب قادر .. وفلاح نش ويرررربع .. وحمدان خلاص كل ما يتذكر شكل فلاح يوم انه يندبق ينطررر ضحك .. آآخر شي مارام ويطييييح ع الارض : ووووووووكككككككككككككككككككككككككككك

الريم ومنصور ع طول خافوا صدوا وراهم إلا يشوفون حمدان طايح ع الارض وميوود بطنه .. خافوا يتحروون فيه شي.. راحوا يربعون صوبه .. وفلاح يعرفها السالفه .. ياب قوطي بيبسي كان فسيارته وحاار بالقوو ..

الريم : حمدااني..حمداني حبيبي شفيك ؟

وحمدااان من زووود الضحك هب قادر يرمس.. عاد ضحكته ع السايلنت والهزاز هههه ..

منصور: وابوووكم أشوووفه يختض ها .. لا يكون ياه الصرع هههههههههههههههههه
الريم بخوف: حرام عليكم شووفووه ..

الريم شوي وبتصيح .. فلاح إيي دبيييييج ويجب العصير ع شعر حمدان .. حمدان نش ودموعه ع خده من الضحك .. هههههههههههههه ومنصور يضحك وفلاح ويااه..والريم تووها استوعبت ان حمدان كان يضحك ههههههههههه..

حمدان نش يهدد فلاح ويضحك : هههههه والله براويك ماعليه ..ههههههه
منصور: هههههههههه طاع شعرك شقا تيبس تقوول قنفذ ميت ههههههههههههههههههه
فلاح : تستااهل يالهرم عيل تضحك عليه .. هههههههههههه
الريم : هههههههه ليش شو بلاك انت بعد ؟

حمدان توه بيقول للريم .. فلاح فج عيوونه .. حمدان مارام ويضحك ههههههههههههه
منصور : والله تقول شو استواله ؟
حمدان : هههههههههههههههههههههههه كان كان هههههههههه كان يربع ويندبق ع خشمه ههههههههههه
منصور: هههههههههههههههههههههه أفا فاتنا ..
الريم : هههههههههههههههههههههههههههههههههه آآآخ لو الكيمره بيدي ههههههههه
فلاح : ههههههههه انا معرس لا تضحكووون عليه ..
الريم : ماااعليه عيل عند الحرمه ههههههه
فلاح : ياويلج وتخبرينها هههههههههههههههههه ..
الريم : اووك اوك مابخبر هههه ..

حمدان وفلاح ومنصور يضحكوون ويتطنزون عبعض.. ريموه ع طول طرشت مسج حق عليووه كاتبه لها :

لحقي كنا نتسابق و ريلج اندبق ع خشمه هههههههههه

عليوه كانت يالسه ويا رويض.. أول ما قرت المسج تروووعت وفجأه تمت تضحك ..ههههه
رويض : بلآج انتي ؟
عليوه : ريمووه تقول كانو يتسابقون وفلاح اندبق ههههههه
رويض : ههههههه وييييييييوو
عليوه : لحظه بدق له ..
رويض : دخييلج حطي سبيكر .. ههه
عليوه : اوك اوك ..

حمدان شاف سيارة غيث تدخل الفيلا .. ع طول قال حق الريم والريم راحت تربع داخل ..
غيث نزل وسلم عقب شافهم مرتبشين .. من خبرووه السالفه نقع ضحك ويلس يعلق ع فلاح ..

عليوه دقت .. فلاح كان منقهر لانهم بعدهم يعلقون عليه .. أول ما شاف رقم عليووه .. ع طول رد .. لانه تقريبا بيكمل اسبوع ومارمسها .. يوونه مابترمسه لين العرس.. لكن الحايه بنت حرام هههه ..

فلاح : الووو ..
علياا : ههههههههههههههههههههههههههه سلامات ..
فلاح : خبرتج ريمووووووه .؟
عليوه: هههههههههههه هيه .. بمسج ..
فلاح : ههه ماعليه ..

غيث : ووووووووووووووووووووووييييييوووو اندبق ريلج ع خشمه هههههههههه ..
رويض اول ما سمعت صوت غيث ع طول طرشتله مسج كاتبه فيه

[ وآآي فديت هالصوت وهالضحكه هههه ]

غيث اول ما قرى المسج عرف ان عليووه حاطه سبيكر ..
غيث : أقووول انا بهدي عرب هالاأغنيه ..
فلاح : أي عرب .. ؟

عليوه تطالع رويض.. ورويض تبتسم ببراءه .. غيث أشر حق فلاح وفلاح فهم السالفه ..
فلاح : ههه اوك يلا..
منصور : آآآخ ويلي ههههههههه
غيث : أحبك لو بعيد الدار عني !! جداك يحن قلبي للرجووعي .. يلو عنك الليالي أبعدني غلاك بخافقي تحت الضلووعي .. أحبك أحبك ..
منصور : تصفييييييييق تصفييييييييق ههههههههه

الشباب يصفقوون .. روووويض مووول مستحيه ظهرت عن اختها راحت حجرتها ..

عليوه : الله يهديه البنيه استحت روحت ههه ..
فلاح : هههه ترى ويهه لوح ههه .
عليوه : يلا بس ببند عنك حبيبي ..
فلاح : لالا حرااااااام ..
عليوه : لالا ماشي ههههه ..
فلاح : هههههه عيل زين يوم اندبقت سمعت صوتج ههه .
عليوه : فديتك والله .. دخيلك مره ثانيه انتبه ع عمرك ..
فلاح : من عيوني غناتي ..
منصور: احم احم نحن هنا ههههههههه
فلاح : ههههههه مشكلتكم ..
حمدان: قم منصور .. وانت غيث يلا روحنا ..
منصور :يلا يلا ..
غيث : انا بدق حق الحرمه روحو انتوو ..
منصور: والله حاله .. ههههه

غيث راح يتمشى فالحوش ويرمس حرمته .. ومنصور وحمدان شلو عمارهم ودشو البيت ..

غيث دق حق رويض: مرحبا الساع ..
رويض مووول مستحيه : احم مراحب..
غيث: علنييييييييه فدى هالاحم ..هههه
رويض: غياثي عاد ههه ..
غيث : ههه آسف خلاص..
رويض : هههه ..
غيث:شحالج انزين ؟
رويض: عال العال ..
غيث : انا بخير ..
رويض : هههههههههه فديتك والله تعرف تنغز ...
غيث : هيه عيل ههههه ..
رويض: انزين حبيبي يلا برايك .. ورى باجر العرس ..ههه
غيث :ويعني..؟
رويض: هاي عليووه حالفه عليه ابند احين ..
غيث :خليها تولي هاي ..
رويض: ههه هكي فوق راسيه ..
غيث : هههه ماعليه بتشووف..يلا عيل حبي هله هله بعمرج ..
رويض: ان شالله وانت بعد .. فداعة الله..
غيث : الرب حافظ ..



ع المغرب بيت بو فلاح ..

أم فلاح والريم فالمطبخ يشوفن البشاكير ويرتبن القهاوي .. ومرتبشات ..
وأم غيث وعيالها كانو عندهم بعد .. عزموهم يتعشون وياهم .. عقب ماخلصن راحن الحريم بدلن وكشخن ونزلن تحت ..

شوي إلا بو هزاع وهله واصلين ..الحريم دشن الصاله .. وأم هزاع يالسه وتسولف ويا الريم .. والريم وحليها هب عارفه السالفه ..


عند الرياييل .. يلسو وتقهوو .. عقب بو هزاع رمس..

بو هزاع : ولدي فلاح !
فلاح : لبيه يابوهزاع ؟
بوهزاع : والله يا عيالي انا اليوم ياي طالبكم النسب..
فلاح استغرب وخوانه وعيال عمته بعد : هاي الساعه المباركه ..

بو هزاع : انا طالب إيد ختكم الريم لولديه هزاع ..

هادف فالهوقت جن حد صب عليه ماي بارد !! حس عمره هب قادر يرمس !! ولا بقادر يتحرك !!

فلاح : والله يا بوهزاع نحن نفتخر .. وانتوو امرره ماعليكم رمسه .. وهزاع ريال والنعم فيه .. لكن نحن لازم نشاور الوالده والبنيه ..
بوهزاع : نعم هالشي لازم يصير .. ونحن ان شالله نرقب ردكم .. وربيه يكتب لي فيه الخير..
فلاح مبتسم : ان شالله يارب..

عربانا تعشوو ويلسو يسولفوون ووايد كانو مستانسين . . هادف عقب العشا ترخص ع طول مايلس وياهم ..

هادف يسوق سيارته وحاس بألم !! معقووله ؟؟ معقوله الريم بتضيع عنيه بهالسهووله .. لالالا .. لالالا انا ماقدر اتخيل هالشي ماقدر.. لاآآآآآآآآآآآآآآآآآآآآآآآآآآآ !!

هادف راح البدع .. يلس رووحه .. بوسط هالظلام .. حاس بألم وبقهر .. هب قادر يفكر بشي موول !!
يلس هادف وهو يشل بصوت حزين يمليه الالم :

ماودي أتخيّل حياتي / بليّـاك
يا أغلى من أقرب شخص لي بحياتي

ومن كثر ما احبك وأبي ساعة رضاك
شفني على خنجرك / كاتب وصاتي !

دامك تبي الفرقا .. فـ أنا اروح وياك
ما ابغى أقابل لين أموت .. امنياتي !

خذني وعذبني على كيفك هناك !
وان مت .. رجعني على ذكرياتي !!

ماودي أتخيل حياتي بلياك !!
عذبني بس دخيلك لا تعلن وفاتي !!




بيت بو فلاح ..

من راحو العرب .. حمدان ومنصور وفلاح وايد كانو مستانسين وغيث بعد رحب بهالشي !! محد كان مفكر من خوان الريم إن هادف كان يبغي الريم .. وبعدين فلاح قال لعيال عمته إذا مرخصينها وهم رخصوها وهادف ماكان قادر يرمس وكان يحس جرحه بقلبه مامات .. فما رمس.. فالكل كان مرتاح من هالناحيه ان عيال عمتهم هب مفكرين بهالشي!

فلاح راح صوب أمه : إميه أبغيج شوي ..

الريم استغربت .. ومنصور وحمدان يتصرفون عادي ويضحكون ويسولفون لان مايبون يخبرونها جيه .. لازم فلاح أوالوالده تخبرها..

فلاح : اممم إميه بو هزاع ..
أم فلاح : بلاه بو هزا ع ؟
فلاح : بو هزاع طالب إيد الريم لولده هزاع ..
ام فلاح استانست : هاي الساعه المباركه . والنعم بهزاع والله ..ريال ماعليه رمسه .. بس لازم ناخذ راي الريم ..
فلاح :هيه أكيد .. دامج راضيه مابقى غير الريم .. انتي بترمسينها ولا انا..
ام فلاح : لا يا أبويه . انت رمسها.. تدري الريم هب بس تعتبرك اخوها إلا أبوها بعد ..
فلاح مبتسم : خلاص ان شالله يا إميه سيري زقريها ماعليج امر..

أم فلاح راحت وزقرت الريم .. الريم استغربت .. وسارت صوب أخوها .

الريم : هآ فلاح بغيتني؟
فلاح : اممم هيه يالريم تعالي يلسي حذاليه ..
الريم : خير ياخوي عسى ماشر..
فلاح : الريم تعرفين انتي أحين هب صغيره .. وكل حرمه مصيرها بيت ريلها يالريم .. الريم حبيبتي .. بوهزاع طالب قربنا ..
الريم منصدمه : هآآ؟؟
فلاح : هيه نعم يالريم .. ونحن ما بنغصبج ع شي تدريبنا .. كلنا موافقين بس نرقب رايج .. ونحن خبرنا عيال عموه وكلهم مرخصينج ..

الريم ع طول يا فبالها هادف.. آآخ يعني هادف خلاص...!! الريم حست بألم كبير يعصر قليبها ..

فلاح : ها يالريم ؟
الريم : ماعرف والله ياخوي.. انت صدمتنيه ..
فلاح : ههه فديتج والله .. ع العموم انا مابغي رد منج احين .. فكري ومن تقررين خبرينيه ع طول.. لانهم مستعيلين . وترى الريال يالريم مول مايتعوض..
الريم : ان شالله ياخوي.. بفكر وبرد عليك خبر ..


الريم ظهرت من عند أخوها وهي موول مستحيه كانت .. وبنفس الوقت داخلها ألم كبير.. دشت الحجره ويلست تصيح .. ع طول دقت حق أسوم وخبرتها ..

أسوم : الريم حبيبتي خلاص لا تصيحين ..
الريم : اسوم انتي تعرفين انا شكثر أحب هادف.. اسوم انا أحبه .. أحبه يالريم وما تخيل حياتيه بدونه .. آآخ
اسوم : الريم حبيبتي صدقيني لو ربيه مكتبلكم نصيب ترى نصيبج تاخذينه .. الريم دخيلج هدي ولا تصيحين .. انتي احين شرايج ؟
الريم : ماعرف والله ماعرف يا اسوم . . هزاع ماشالله عليه ريال ماينعاب.. بس بنفس الوقت انا هب قادره أنسى هادف هب قادره ..
اسوم : الريم حبيبتي .. ترى ها زواج .. أبغيج تفكرين عدل قبل لا تعطينهم قرارج .. واعرفي ان الدنيا ماتوقف عند هادف .. حتى لو قلبج حبه ووفاله ..
الريم بحزن:آآآخ ان شالله يا اسوم ان شالله ..
اسوم :يلا فديتج سيري رقدي وارتاحي..
الريم : أي رقاد ها أي رقاد ..
اسوم : الريم عااد.
الريم : خلاص اسوم .. انا بسير ارقد لا تحاتينيه .. وان شالله بفكر بالسالفه عدل عقب .. أوعدج ..
اسوم : فديتج ريماني يلا عيل .. فداعة الله ..
الريم :الرب حافظ ...

الريم يلست تتجلب ع فراشها ودموعها خرست مخدتها لين ما تعبت ورقدت .
.


يوم الخميس [ عـرس غيث وفلاح ]


فلاح غابش من الفير .. ما ياه رقاد !! خل أدق حق عليووه .. اووووووه نسيت مابترد عليه الله يسامحها من أسبوع مارمستها والله ولهان عليها .. ههه ماعليه يا عليوه دواج اليوم هه .. خل أدق حق غياثي أكيد ناش شراتيه ..

فلاح يدق حق غيث.. غيث ع طول رد : مرحبا ..
فلاح : مراحب ..صباح العرس والافراح ..هههه
غيث: صباح السهر وشوق القلب هههههه
فلاح:كلن بكى ع شقى الليله ههههه ..
غيث: هيه والله هههه .. شحالك ؟
فلاح : الحمدلله بخير ونعمه ومن جداك ..؟
غيث: امررره لا تتخبر حفزان هههه ..
فلاح : اشووفك ناش هههه ..
غيث: دخيلك انت .. الحال من بعضه لا تنسى هههه ..
فلاح : هيه والله ههه ..
غيث: يلا عيل برايك بسير أتريق .. وبخلص امووريه ..
فلاح : هيه وانا بعد.. يلا يالمعرس نشوفك ع خير ..
غيث: ههه ان شالله..فداعة الله..
فلاح : الرب حافظ ..

فلاح بند عن غيث ونزل الصاله .. لقى الريم يالسه هيه وام فلاح .. فلاح سلم ع أمه وجبل صوب الريم ..
فلاح : له له له الريم ناشه غريييييييييييبه ..
الريم : ههه ماغريب إلا الشيطان ..
فلاح : علنيه فداج .. بلاه ويهج هالشكل.. هب راقده شو؟
الريم ارتبكت: ها؟ لالا راقده بس ناشه من وقت مايانيه رقاد ..
فلاح : ههه هيه والله حتى انا ..
الريم : هههه فديتك يالمعرس..
فلاح : احم احم ههههه ..
ام فلاح : لا تشحنينه روووحه هب قابض عمره ههه ..
فلاح : أفاا يالوالده ماستاهل ههه ...
أم فلاح : إلا .. علنيه فداك يعله زواج راحه وسعاده وبركه يارب..
الكل : آمين يارب..


شوي إلا حمدان نازل وعقب منصور نزل..ساروا العيال تريقوو.. وعقب كلن ظهر يخلص أموووره .. تدروون بعد اليوم العرس ومرتبشين !! وبيت بو غيث نفس الحاله .. !!

الريم راحت بتدق حق أسوم . . تدق وتدق وأسوم ماترد .. آخر شي الريم عقت الفون وراحت تساعد أمها ..

أسوم كانت تحت .. يوم راحت الحجره لقت عشر طعش مس كوول من عند الريم .. اوووووهووو احين ريماني بتحرج عليه ههه .. يلا بدقلها ..

اسوم دقت حق الريم .. الريم ع طول ردت : ألووو هااا
اسوم : ههههه حشا بتاكلينيه ..
الريم : هيه باكلج وزوود .. طفره انتي يوم ادق ماتردين ..
اسوم : ههه فديتج والله كنت تحت والفون فحجرتيه ..
الريم : ايوووا..وانتي دووم عاقتنه ..
اسوم : آسفه ريموتي ..
الريم : قووولي آخر مره !!
أسوم : اممممممممم آخر مره .. والله آخر مره ..
الريم : هههههه هيه احين سامحتج .. شحالج ؟
اسوم : هههه الحمدلله ومن صوبج ؟
الريم : بخير دامج بخير يالعنز ..
اسوم : دوووم يالبقره ..
الريم : هههه لا والله ..
اسوم : ههههههههه شنسوي بعد .. وحده بوحده ..
الريم : هههه . انزين اخبرج .. متى بتسيرين الصالون ؟
اسوم : ماعرف والله .. نسير عقب الغدا ولا شرايج ؟
الريم : امممم هيه أحسن .. بنتغدا وبنسير ..
اسوم : زين عيل بخطف عليج .بس هادف قال بيوصلنيه ..
الريم : لالالالالالا استريحي .. خلاص انا بخطف عليج ..
أسوم : جب جب ماشي..
الريم : خلي عنج هادف يمكن مشغول .. منصور ماوراه شي هو بيوصلنا ..
اسوم : هههه اسميه منصور مبتلش فينا وحليله ماخلى مكان إلا ودانا ..
الريم : هيه فديته .. يلا عيل ان شالله بخطف عليج عقب..
اسوم : ان شالله .. يلا عيل.. فداعة الرب..
الريم: الرب حافظ ..

الريم توها تبند عن أسوم إلا منصور يدق الباب ..
الريم : تفضل..
منصور يدش: زااد فضلج ..
الريم : منصوووووووووري ييت ولله يابك ..
منصور:ها شو .. يلا باي هههه ..
الريم : تعاااااااااال تعاااااااااااااااااااال ههه
منصور : هههه آمري شو بغيتي؟
الريم : اامممم مايامر عليك عدو ولا ظالم .. أنا واسوم عقب الغدا نبغي حد يوصلنا الصالون ..
منصور : أيوووووووووا والدريول منصور يعني بيودي الشيخات الريم واسما ههه ..
الريم : محشووم محشوووم... بس انت تدري خوي شمه وراعي فزعه هههه ..
منصور : هيه امبونيه هههه .. اوك تامرين امر ..
الريم : فدييييييييتك والله ..
منصور :يلا عيل أنا ظاهر .. عقب الغدا ان شالله بوديكم ..
الريم : ان شالله ..

منصور توه يظهر .. تذكر حور..ع طول صد صوب الريم : الريم !!
الريم :يالبيه !
منصور : لبيتي في منى .. امممم شخبار حور احين ؟
الريم مبتسمه : الحمدلله .. صح ان الطلاق تعبها شوي.. بس اهم شي هي احين مستانسه انها افتكت من هالدعله وصحتها احسن ..
منصور مستانس: الحمدلله يارب..
الريم : امممم منصور .. أدعي الله انها تكون من نصيبك ..

منصور ابتسم والريم ردتله الابتسامه وظهر عنها ..

منصور مايبغي يتعلق بأمل شرى قبل .. بس نوى إنه يحاول قد ما يقدر إنه ما يضيعها من يدينه مره ثانيه !!
راح منصور خلص كم شغله بيده .. عقب رد البيت وحمدان وياه ..

حمدان ومنصور : السلام عليكم ..
أم فلاح : وعليكم السلام .. وينه فلاح عيل.؟
حمدان : اميه فلاح راح هو وغيث يشوفون ترتيبات الصاله وجيه .. قالو يمكن يتأخرون ..
أم فلاح : واعليه عنهم .. ربيه يسعدهم ان شالله ..
حمدان : آمين يآرب..
أم فلاح : يلا يا عياليه انقفضوو عسب تتغدون ..من متى تعابلون العرب والغدا وانتو ما كلتو شي..
حمدان : ههه ماعليه يا اميه ..عن اذنج عيل.. . .
أ م فلاح : إذنكم وياكم .. بارك الله فيكم ..

منصور وحمدان راحو بدلو .. وزقروا الريم فدربهم وراحو يتغدون . عقب الغدا منصور شل الريم عسب يوديها الصالون ..

منصور : دقي حق اسوم عسب تظهر ..
الريم :اوك يلا..

الريم تدق حق اسوم : مرحبا..
اسوم : مراحب ..
الريم : ها جهزتي؟
اسوم : هيه .. ريماني نحن بنرد البيت ولا بنسير القاعه ع طول ؟
الريم : امممم ماظن أسامي نرد البيت .. ظنتيه بنسير القاعه ..
أسوم : اوك خلاص بشل أغراضيه ويايه .
الريم : هيه احسن ماينداربنا بعد متى نخلص.. زين ظهري نحن احين بنوصل بيتكم ..
اسوم : اوك خلاص انا ظاهره ارقبكم ..

الريم بندت عن اسوم .. شوي إلأا وهم واصلين بيت عمتهم .. شلو اسوم وراحوو .. عقب منصور حطهم فالصالون وراح عنهم صوب هله يساعدهم وجيه ..




عند عليا ورويض

عليا ورويض يايتنهن حرمه لبنانيه تعدلهن .. من خلصت دشت أمهم ..

أم عليا : ماشالله عليكن يا بنياتي .. ربيه يحفظكن من عين الحسوود ..
عليا : ويحفظج لنا يا إميه ..

أم عليا دمعت عينها ..

رويض: إمييه دخيلج ما نبغي دمووع .. والله دموعيه فعينيه لا تصيحينيه .ههه.
أم عليا : فديتج يا بنيتي .. وربي بتوله عليكن .. البيت بلاكن خلي ..
عليوه : فديتج ماماتي..
ام عليا : يلا انا سايره القاعه .. أشووف الحريم هنااك وأرتب الامور ..
رويض: اوك ماماتي.. لا اتعبين عمرج ..
أم عليا : ان شالله .. يلا يابنياتي .. وماصيكن اقرن ع عماركن ..
رويض: ههه من زينا .. ان شالله ..

ام عليا راحت عنهن.. وهن يلسن يكملن شغلهن ..



عند الريم واسوم ..

الريم واسوم توهن مخلصات .. إلا تدق أم غيث..

أم غيث: ألو مرحبا..
أسوم : مرحبتين شحالج اميه ؟
ام غيث: الحمدلله يا بنيتي .. خلصتو ؟
اسوم : هيه اميه بس احين نرقب منصور ياينا..
ام غيث: يلا يا بنيتي انقفضو .. عن تتأخرون العرب وصلو ..
اسوم : ان شالله اميه خلاص نحن مخلصين ..
ام غيث: انزين يا بنيتي قبل لا اتيين خطفي ع البيت .. بتحصلين ذهبيه حاطتنه فوق التسريحه فالمندوس.. نسيته من الربشه ..
اسوم : ههه اوك اميه .. زين ذكرتينيه بييب الكيمره مره وحده ...
ام غيث: زين يابنيتي .. يلا عيل ..فداعة الله .
اسوم :الرب حافظ..

اسوم بندت عن امها إلا ومنصور واصل ..

الريم : منصور فديتك خطفنا بيت عموه ناسين اغراض..
منصور: اوك هب مشكله ..
الريم : يالدااادوووه ماشالله عليك غرشوووب ههه ..
منصور: هههه لا ادقينيه بعين ..
الريم : ههه بسم الله عليه عينيه هب حاره
منصور : ههه زين عيل ..عقي شوي الغشوه بشوفج ؟
الريم : هههههه لا والله
منصور: صدق يلا ..

الريم عقت الغشوه ..

منصور: تففففف تفففففف ماشالله عليج تغرمين هههه ..
الريم استحت : ههههه علنيه فداك .. شحنت غروريه اووه اقصد اخجلت تواضعيه ..
منصور : هههه خقاقه ....زين وصلنا.. يلا نزلو بسرعه مانبغي نتاخر !!
الريم : اووك ..

أسوم والريم نزلوا .. ودخلن البيت ..

أسوم :ريماني انا بسير حجرة اميه وانتي سيري ييبي الكيمره بتحصلينها فسدتيه لي فوق..
الريم :اووك يلا عسب ما نتأخر..

اسوم راحت تييب الذهب والريم راحت فوق تييب الكيمره .. دخلت حجرة أسوم فجت السده عسب اتييب الكيمره .. وفهالوقت هادف كان فحجرته رد البيت عسب يبدل .. بس الريم واسوم مايعرفون انه حد فالبيت .. لانه هدووء واليوم العرس ما توقعوا حد يكون هني ..هادف سمع حس فحجرة أسوم .. ظهر ساير صوب حجرتها .. شاف وحده كاشخه وعاقه شيلتها ع جتفها .. ورافعه يدينها اتييب الكيمره من السده لي فوق .. هادف ابتسم اتحراها اسوم ... لانهن تقريبن نفس الطول والجسم .. راح صوبها يبغي يروعها .. حط يدينه ع عينها .

الريم تروووعت وصرخت بصووت عالي .. الريم تحرت أسوم .. حطت يدينها ع يدينه

الريم بخوف: أسووووم يالدبه روووووووووعتيني..

عقب حست ان الايد هب إيد حرمه .. هادف ع طول سحب يدينه !! عرف انها الريم !! الريم صدت صوبه !! وهي منصدمه !!! وهو نفس الحاله .. !! كل واحد عينه ع الثاني .. والريم دموعها تلالي بعيونها !!

وش آخر هالجروح اللي ألمها يحتضر عقدين ..
من سنين العذاب اللّي تبعثرني وتقراني . . !

أحاول : أنتصر / أجمع شتاتي / أنشطر نصفين !
أعيش بنصف مايقوى و أرهن نصفي الثاني .. !

تعبت من الحياه : اللا حياه ولعبة التخمين
تعب صدقي يساير هالزمان وتضحك أحزاني . !

أنا : ياأنتِ قصّه من تعب مهما تُدان تبين
على وجه الشحوب اللي سكنّي ليــــن غطّاني

حياتي.. وش حياتي ؟ غير جرح وأنتظار وعين :
توطّنها السهر في عالم غيابِك وألغاني .... !





البارت _25_



الريم صدت صوبه !! وهي منصدمه !!! وهو نفس الحاله .. !! كل واحد عينه ع الثاني .. والريم دموعها تلالي بعيونها !!

وش آخر هالجروح اللي ألمها يحتضر عقدين ..
من سنين العذاب اللّي تبعثرني وتقراني . . !

أحاول : أنتصر / أجمع شتاتي / أنشطر نصفين !
أعيش بنصف مايقوى و أرهن نصفي الثاني .. !

تعبت من الحياه : اللا حياه ولعبة التخمين
تعب صدقي يساير هالزمان وتضحك أحزاني . !

أنا : ياأنتِ قصّه من تعب مهما تُدان تبين
على وجه الشحوب اللي سكنّي ليــــن غطّاني

حياتي.. وش حياتي ؟ غير جرح وأنتظار وعين :
توطّنها السهر في عالم غيابِك وألغاني .... !


الريم تطالع هادف وهي منصدمه .. هب عارفه شتسوي.. هب مصدقه إن لي جدامها هادف .. آآآخ من سنه ما شفتك .. غير فالمطار من بعيد !! حتى سلام ماسلمت!!
وأحين ما تفصل بينا أي مسافه .. !!


هادف كان وايد قريب من الريم !! هادف حالته هب أحسن !! هادف يطالع الريم ويحس إن دموعه بتخونه !! تذكر إن الريم ممكن تكون لغيره !! هب قادر يتخيل إن الريم اللي جدامه .. الريم اللي حبها فيوم بتكون لغيره !!



هادف بصوت متقطع والعبره خانقتنه : الريـــم !!


الريم تطالعه وهب قادره ترمس .. هب قادره تهرب من عيونه !! وهادف نفس الشي !! هادف أول مره يشوف الريم جيه .. !!

هادف بتردد : الريم .. الريم أنا..

الريم ساكته .. تهز راسها بمعنى انت شوه ؟؟ والدمع يتراقص بعيونها

هادف: أنا!! ماعرف ماعرف..
الريم وهي تصيح : انت شوو ؟ انت شو يا هادف ..؟

هادف: الريم أنا .. أنآآ اكررهج .. اكررهج يالريم ..


هادف ما قدر يتحمل .. ع طول شل عمره ودخل حجرته ..

الريم واقفه وهب مستوعبه شي !!

تكرهني !! تكرهني يا هادف !! عذبني سو لي تبغيه !! بس تكرهني ليش!!لييش؟؟
! آآآآخ يا هادف !! ما ينجبر قلب على قلب ولا يستوي العاشق اناني !! انا انجرحت منك زوود يا هادف .. خلاص انا ماقدر اتحمل !! مااااقدر !!



الريم شلت الكيمره ومسحت دموعها وراحت تربع تحت .. تبا تهرب من هالمكان .. تبغي تنسى كل اللي صار .. تربع جنها تحاول تشرد من أي شي يجمعها ويا هادف !!



الريم أول ما نزلت تحت .. شافت أسوم ترقبها ..


أسوم : ريماني ليش تأخرتي..؟

الريم ما قدرت تتحمل .. راحت صوب أسوم تلوي عليها وتصيح بحراره ..

اسوم تروعت : ريم حبيبتي شفيج ... لا تخوفيني .. قولي شفيج .؟؟.
الريم هب قادره ترمس.. : خلاص اسوم عقب منصور يرقبنا.. يلا اسووم
اسوم : مابغي .. ريموه قولي احسلج ..
الريم يزيد صياحها وصارخت ع اسوم : اسوووووم يلآ دخيلج ..

اسوم ماعرفت شتسوي .. يودت الريم من ايدينها وراحن ..


ركبن السياره ..

منصور: ما بغيتن حشا شو تسوون ؟

الريم ماقدرت ترمس..

أسوم : ماشي نجرج الكيمره ..

منصور استغرب ان اسوم رمست ..وحس ان الريم فيها شي .. بس سكت وماقال شي..
المهم منصور وصلهم القاعه .. نزلن وع طول راحن صوب التواليت .. أسوم عدلت مكياج الريم .. وعقن عبيهن وظهرن ..

اسوم : ريماني لا تضايجين بعمرج .. وعقب خبريني السالفه ..
الريم مبتسمه بالغصب : ان شالله أسآآمي..
اسوم مبتسمه : فديتج .. والله طالعه قمر .. تعالي بقرا عليج ..
الريم : هههه بهالعيون عاد..
اسوم : يه .. فديييت عيون الريم انا هههه ..
الريم : ههه يلا عيل ظهرنا..

أسوم والريم ظهرن صوب الحريم .. وماشالله عليهن كانن يغرمن .. سارن يوبن الحريم .. ويشوفن امهاتهن ..

أسوم : ريموه يلا يا شغلنا .. ههه
الريم : ههه سيري انتي وحواري..
أسوم:مووتي... مايخصنيه بتين ويايه وبترقصين..
الريم بقلة حيله: ههه اوك يلا..


الريم واسوم سارن فوق الكوشه .. ويلسن يرقصن ويا بعض.. ماشالله عليهن اللي يشوفهن يقول توم .. كانن لابسات نفس الشي.. والتسريحه بعد .. يعني كانن غرام صدق..وفساتينهن وايد كيوت..والحريم ما يحتاي نرمس.. خطابات ههه ..

شوي إلا إيي الوقت لي بيدخلون فيه العرايس ..



انطفت الأضواء ..


وصوت موسيقى هاديه وصرخة بحر !!

وتبدى الزفه بقصيدة بصوت علي الخوار!!


الليله الدنيا فرح .. والليل يحلى بالسهر !!
يوم الثريا تبتهج وسهيل غنى للقمر !!

ما بيننا إلا حبيب إلا صديق وله مكان
واما الحسود امبيننا ماله مكان ولا مكان

وهذي عليا وروضه اللي بهن يحلى وجود الطيبين
بنات الكرام وزينهن غطى على نور القمر !!

يزهى بهن ثوب الفرح يزهى بهن حتى المكان
من شافهن صلى على خير البشر !!

من شافهن صلى على خير البشر !!


ويدخلن العرايس روضه وعليا.. وميودات يدين بعض ع فوق .. وجدامهن بنتين يهال ميودات مدخن .. والحمام يتطاير جدامهن !!


وتبدأ الزفه بصوت هزاع ..

الليله الدنيا فرح .. والليل يحلى بالسهر !!
يوم الثريا تبتهج وسهيل غنى للقمر !!

ما بيننا إلا حبيب إلا صديق وله مكان
واما الحسود امبيننا ماله مكان ولا مكان

وهذي عليا وروضه اللي بهن يحلى وجود الطيبين
بنات الكرام وزينهن غطى على نور القمر !!

يزهى بهن ثوب الفرح يزهى بها حتى المكان
من شافهن صلى على خير البشر !!

خطواتهن مثل الملوك فيها دلال وناعمه
والطيب فيهن صورته من طيبهن طاب السمر

هذي روضه وعليا بهن يحلى وجود الطيبين
بنات الكرام وزينهن غطى على زين القمر!!

يزهى بهن ثوب الفرح يزهى بهن حتى المكان ..
من شاف عليا وروضه صلى على طيب البشر !!


العرايس ماشالله عليهن غرام .. الكل يناظرهن ويذكر الله ع جمالهن .. والحيى لي كاسي معالمهن !! زادهن حلى !!


العرس كان وايد حلو .. المعاريس شلو عررايسهم .. والكل كان مستانس..

المعاريس راحو يباتون فدبي [ برج العرب ]
لان اليوم الثاني وراهم سفره سويسرا ..ولازم يرتاحون ..



[ بيت بوفلاح ]

حمدان وخوانه توهم داشين البيت ..

أم فلاح : ربيه يسعدهم ان شالله ..
حمدان :آمين يارب..

الريم كانت وايد تعبانه .. : يلا عيل انا بسير ارقد..
أم فلاح : سيري يا بنيتي .. اليوم ماقريتي..
الريم مبتسمه : يلا تصبحون ع خير..
الكل : وانتي من هله ..

الريم دخلت حجرتها.. كانت وايد مستانسه لأخوها وولد عمتها .. وبنفس الوقت تذكرت هادف.. حست بألم كبير.. الريم بدلت وحطت راسها بترقد .. لكن ماياها رقاد من زود تفكيرها..
آآخ يا هادف يعني انتهى كل شي .. ومات حبي !! وكالعاده ريم استسلمت لرقآدهآ والتعب هاد حيلها !!




[ عند هادف]

آآآخ انا غبي غبي .. ليش عقدت الاموور ليش .. ليش كل مابغي أصلح الامور أجرح الريم زياده .. آآآخ أخاف أكون ظالمنها !!

بس أظلمها بشوو ؟؟ بشووو أظلمها وانا سمعتها تبوح بحبها بإذني.. بشوو أعذرج يالريم مالج عذر مالج عذر.. آآخ بدق لشوق وبشوفها !! لالا مستحيل.. شوق بتصر على اني أتأكد والامر ما يباله تأكيد .. كل شي واضح .. آآآآخ يالريم خلاص مب قادر اتحمل اكثر.. روووحي خلاص مابغي حبج وعذابج ..

ايه انتهيتي ولاعدتي تهميني
وحبك اشوفه يموت اليوم بعيوني

عزالله انك تغيرتي وخسرتيني
وعزالله انك قتلتي حلم من دوني

الله يااول كنتي كبيره بعيني
لو توقف الناس عنك مايردوني




يوم اليمعه [بيت بو غيث..]

أم غيث يالسه ويا هادف في الصاله ..

أم غيث : وشحالك ياولديه .. عساك مرتاح هناك ؟
هادف: والله الحمدلله يا إميه .. بس عاد تدريبها الغربه هههه ..
أم غيث: هييها يالغربه .. موول ماتريح انسان .. يلا مابقى شي وتخلص ونشوفك معرس..

هادف تضايج : ان شالله بخلص.. ع قولتج مابقى شي..
أم غيث: ولديه يا هادف..
هادف: آمريني إميه .
أم غيث: مايامر عليك عدو ولا ظالم ... انت تدري ان الريم بنت عمتك انخطبت .. يا ولديه البنيه ماكانت في خاطرك ؟
هادف: لا يا إميه .. وانا مرخصنها ..
أم غيث: والله يا هادف ماكان وديه إلا تكون الريم حرمه لولديه .. بس يآالله كل شي قسمه ونصيب.. وربيه يرزقك ببنت الحلال لي تسعدك..
هادف مبتسم بالغصب : ان شالله يارب..

أم غيث: عيل متى بتردون عند هالحمر؟
هادف: ههههه والله يا إميه .. مشعل بيرد الاسبوع الياي.. ونحن بنكمل الشهر عندكم ان شالله ..
أم غيث: هيه واعليه عنكم .. زين تسوون .. خل خويك يتم وياكم شو وراه هناك؟
هادف: ههه ما دله

شوي إلا اسوم نازله..

اسوم : صبآآح الخير..
أم غيث: صباح النور والسروور يابنيتي..
هادف: صباح النور ومهند هههههههه
اسوم : ههههههههه مالت عليك..
أم غيث: وي دي منو بعد النور ومهند ؟
هادف: هيهااا يا اميه لو تدريبهم .. طايحين العرب فيهم طيحه احين..مادل ع ..شو سخافه..
أم غيث: وابوي وشو قصتهم هاييل..؟؟

اسوم : يا إميه لو تشوفين مهند يغرررم لو يخطبني بس ههههه
أم غيث: اندوووكم .. وانتي بلاج فاصخه الحيا.. هيها يابنات هالزمن قمتن تخطبن لعماركن ..
هادف: هههههه شفتي عاد..
أسوم : اميييه لحظه براويج صورته هني فالمجله ..هههه
ام غيث: هيه هيه راويني عيل..
اسوم : هاج شوفي ..
أم غيث: ماشالله عليه هالحمر.. ثره غرشوب.. فأي بقعه ساكن .. في شعبيتنا؟
هادف: هههههههه هيهااا يا اميه جان تبين هالحمر في شعبيتنا هههه

شوي إلأا أم فلاح داشه :السلام عليكم ..
أم غيث: وعليكم السلام حي الله ام فلاح ..
أم فلاح : وبج حي.. شحالج ياوخيتي؟
أم غيث: بخير وسهاله ربيه يعافيكم..

العيال يسلمون ع أم فلاح ويلسو ..

أم غيث:تعالي يا ام فلاح إتطالعي هالحمر..
أم فلاح تشوف: يآآآآالله ما أبغضه .. شهالشيفه؟
أم غيث: وابويه يا ام فلاح.. ماشالله عنه غرشوب..
أم فلاح : هيهاا ولا طاحه .. حلاته هاك البدوي الاسمر هب هاا الحمر ..
هادف: ههههههههه تعلمي يا اميه .. عاشت خالوو هههه..

اسوم : لالا خالوه والله غرشوب إتطالعي عدل..هههه
أم فلاح : لالا امررره هب شي.. علنيه بلاه ..
ام غيث: عيل هاي أسوم يايه تخطبه سواد ويهها
هادف: هههههههههه طاحوبج اسوم..
أم فلاح : وابويه ع البنات .. احين نحن ما صدقنا افتكينا من الريم والجسمي لي فالصندوق الاسود يظهرلنا هالحمر..

اسوم وهادف: ووووووووووكككككككككككككككككككككككككككككككككككك يضحكون

أم غيث:ثرهن البنات احين ماشي..
هادف: لالا عاد هالصندووق الاسود هههههههههههه ..
ام فلاح : صه صه .. اقطعها الرمسه اشوف.. نسيت اخبرك .. حمدان ومشعل يرقبونك برع ..
هادف: هههههههه وانتي داقه سوالف ما خبرتينيه ..
أم فلاح : ههه وي دي يا وليدي تراني نسيت ..
هادف: هههه ماعليه .. يلا عيل بترخص عنكم ..
أم غيث: هله هله بعماركم يا وليدي عن المكر..
هادف: ههههههههههه ان شالله ..

روح هادف ولقى حمدان ومشعل فالسياره ومتفتفين بالقو..سلم عليهم وركب..

حمدان : حشى انت وينك؟
مشعل : شنو تسوي كل هالوقت؟ خسنا إحنا..
هادف: ههههه آسف والله .. بس هالعيايز علنيه فداهم يالسات يسولفن .. وامك توها تذكرت تخبرنيه هههه ..
حمدان : هههه علنيه فداهن امبونهن سوالف..
هادف: هيه والله ..وين المسير؟
حمدان :والله بنسير نحووط مشعل فالعين .. ناوي عليه هههه ..
مشعل: ههههه الله يعيني..
هادف: والله لنحوطك حواطه ماتنساها .. بنخليك هني تقر فالعين هههه ..
حمدان:هههه يلا عيل سرينا..



الشباب ع طول ماشي تفاهم راحو العين مول.. وحليلهم ماعندهم غيره هو و الجيمي مول ههه ..
راحوا يلعبوون بولينج .. واللعب صدق كان حار.. وايد استانسوو .. وناقعين ضحك ع مشعل وهو يلعب .. وكل مايرمس كويتي يعلقون عليه .. بتفشلنا وبتفشلنا هههه يوونه خلك عيناوي ..

الشباب من خلصو لعب راحو يتمشون عقب تغدوو وظهروو راحو الهيلي.. طبعا الدنيا حر .. قالو بنسير السكيت لين العصر عقب بنظهر ..

هادف : هههه حمدان انا ماعرف بالسكيت وايد ..فاصطلب وعن الخياس ههه ..
حمدان بمكر : افا عليك ماطلبت .ههه.
مشعل: هههه شكلك ناوي عليه ..
حمدان :لالا أفا الظلم حرام ههه ..

راحو الشباب .. حمدان ومشعل ماشالله عليهم يسكتون .. عاد حمدان اللي يشوفه يقول خلاص هذا هو المبدع الفذ هههه ..

ولا هادف يووونه يبغي يقلد حمدان ومشعل بحركاتهم يدور ومادل شوه .. وكل مايحاول يطيح والشباب ناقعين عليه ضحك ههههه

مشعل: يا ريال شنو هذا.. قم اطلع فشلتنا هههههههه
حمدان:هيه والله هادف دخيلك اظهر مانعرفك ههههه ...
هادف متفشل : هههههههه والله بتشوفون ماعليه ..

تمو الشباب يونه يعلمون هادف وهو مووول ميح ههههه ..
من خلصوو راحو الالعاب وعاد هناك المصخره صدق ههه ...


وعقب ع المغرب ظهروا راحو المبزره وطلعو حفيت ..




[ عند أسوم ]



أسوم راحت حجرتها قالت بتدق حق الريم تتطمن عليها.. أسوم تدق وتدق والريم ماترد .. الريم كانت راقده صارلها كم يوم هب راقده عدل..

أسوم عقت الفون ويلست ع اللآب تضيع وقت .. عقب شوي دقتلها ريموه ..

أسوم : مرحبا الريم ..
الريم : مراحب ..شحالج؟
أسوم : الحمدلله ومن جداج ؟
الريم : أحمدالله .. سمحيلي كنت راقده..
أسوم مبتسمه : زين يوم رقدتي.. عوافي إن شالله .
الريم: الله يعافيج ..
أسوم : أمج عندنا..كان خاطريه لو ييتي وياها..
الريم:والله مادريبها انا رقدت الفير وعاد احين نشيت..
اسوم: ههه فديتج والله .. زين محد هناك إييبج ؟
الريم : مادل .. اسوم شرايج اتيين ويا إميه يوم بترد؟
اسوم : اممم والله ماعرف..
الريم برجا : اسوووم رفجه تعااااالي..
أسوم : ههه اوك خلاص بقول حق إميه ..
الريم : فدييييييت أسومي والله ..ههه
أسوم :هههه انزين عيل تريقتي مادري تغديتي؟
الريم :ههه أحين بسير..
أسوم : ماحبج..يلا سيري..
الريم: ههه اوك يلا.. فداعة الرب..
اسوم مبتسمه : فديتج .. ربيه يحفظج ..

الريم بندت عن أسوم وراحت تحت تشوفلها شي تاكله .. عقب يلست فالصاله تشوف التلفزيون .. تذكرت حور .. جان تدق لها ..

الريم: مرررحبا الساع..
حور: ريمااااااااني..مرحبابج زود ..
الريم: شحالج؟
حور: الحمدلله بخير ونعمه ومن جداج.؟
الريم : الحمدلله ..
حور: دوم يارب..
الريم : وينج انتي لا حس ولا خبر؟
حور: فديتج.. والله موجوده ..
الريم: يوونه موجوده ولا تسئلين ولا تتخبرين ماحبج ..
حور: هههه آسفه خلاص..
الريم: هيه توج هههه ..
حور: شخبار أهلج ؟
الريم : والله كلهم بخير..
حور خاطرها تسأل عن منصور: اممم انتي اخوج فالكليه ؟
الريم : أي اخو فيهم ؟
حور: هب لي مسافر ولا اللي عرس.. هههه
الريم: هييييييه منصور هههههههه
حور: ههه هيه هذا هوو ..
الريم : هيه فالكليه ..
حور: حلوو .. حتى هزاع دارس فالكليه it
الريم: هيه حلوو . حتى منصور ..
حور : هيه .. والله حيهم مفتكين .. هب نحن ويا هالجامعه ..
الريم :ههههه صدقج والله ..
حور: شو تسوين؟
الريم : ماشي كنت اطالع التلفزيون .. ههه أصلا توني ناشه..
حور: هههه اونه .. يالكسووووله ...
الريم : ههههه ويا ويهج ..

هزاع توه داخل ويرمس حور ..

حور: لحظه شوي ريموه ارمس هزاع ..
الريم : اوك

حور: ها شو بغيت ؟
هزاع : اخبررج منو ريموه هاي؟
حور: ههه وانت شخصك؟
هزاع : حوااري عاد ..

شوي إلا اتيي حصوه : هادي نييمووه اخت حبيبي منصوور..؟
هزاع : هههههههه حبيبج هاا..
حور: ههه يلا خلصنا برمس البنيه ..
هزاع : انزين سلمي عليها..
حور تطالعه بنظره : ان شالله يبلغ..
هزاع:لالا احين ههه ..
حور : اف انزين .. ريمووه!!
الريم: ههه هلا؟
حور: هالدعله هزاع يسلم عليج ..
الريم استحت : هههه الله يسلمج وياه من النار.
حور ترمس هزاع : يلا قلتلها روح ..
هزاع : انزين شو قالت ..؟
حور: افف منك .. شو بتقول.. قالت الله يسلمج وياه من النار..
هزااع : أفااا ..بس!!

والريم ناقعه ضحك هههه ..

حور: شو تباها تقول بعد يلا زول ههه ..
هزاع : انزييين يعني ردو علينا السلام هههه ..فقير حليلي..
حور: هههه اسميك ..
الريم: ههه خلاص ردي عليه السلام ..
حور: ههه اوك..هزاع ترد عليك السلام ..
هزاع : حيهاا والله .. قوليلها شحالج ؟
حور: لا والله ..احلف انت بس ههههه ..
هزاع : والله صدق ههه انا راعي واجب..
حور: يلا منااك ههه .انزين ريموه شو بعد ..
الريم : هههه والله ماشي..
هزاع : ماعليه تسويلي طاف.. قومي حصوه نروح عنها..
حصوه : هيه والله نلووح عنها ماحبها
هزاع : ماالت عليها هههه ..

هزاع وحصوه راحو.. والريم وحور ناقعات ضحك ..