عيون تحـمل الغرق... الكاتبه ::: ريم الحجر

هيفاء : الووو
..... : الووو ,, فهد موجود ,, صوت بنت خليجيه ,,,
هيفاء بشموخ : من معي ,,
.....: ساره
هيفاء : طيب لحظه ,,
فتحت غرفة المكتب ,, تبي تشوف فهد مالقته ,, ومشت لغرفة جدتها ,, وتسمع صوته معاها وهو يضحك على شي بينهم ,,
دخلت واول ما شافها فهد سكت وهو يتأمل جمالها بروقااان ,,
لك تليفون ,, تقول ساره ,,
فهد : اااه :: اوكي شكرا ,,,
فهد طلع من الغرفه للصاله ومسك السماعه وهو يسولف مع ساره زميلته في الجامعه عن جدول بكره ,, كانوا مجموعة طلاب وطالبات خليجيين وكانوا مثل الجروب الواحد ,, يتغدون سوا ويقومون بنشاطات اجتماعيه مع بعض ,, ساره ما قصرت ودها تقرب من فهد بالرغم انها عارفه انه متزوج ,, بس الغربه تفرض عليك احيانا شريك ,, لكن فهد ما عطاها وجه ابدا عشان حبه الوحيد ,,,
سمعت هيفاء اخر المحادثه مع ساره وهي جايه تمشي مع ام طلال وهي تسمع فهد يقول لها اوكي بكره اشوفك في الجامعه ,,,
تنكدت منه ,, هي تأكدت انها معه بس اي اي حد الصداقه بينهم هذا اللي بتعرفه عقب ,,,
فهد طلب لهم عشاء من مطعم عربي ,, لحد ما تتقضى هيفاء من الهايبر ماركت اكل للمطبخ ,,,
تجمعوا عند القهوة وقعد فهد يسولف لجدته من اخبار المدينه ومن ربعه وما جاء ابد على ذكر ساره ,,,,
فهد : بكره بروح للجامعه ,, لكن برسل سيارة توديك للهايبر ماركت تتقضون للبيت ومنها جدتي تغير جوو ,,
فهد وهو يدقق في هيفاء وتقاسيم وجهها ومسحة الضيق اللي فيها ,,
هيفاء : ما يخالف ,,,,
قعدت ام طلال تسولف عليهم عن اول زياره لها لأوربا وذكرياتها فيها ,,,لكن فهد كل شوي يتأمل هيفاء بنظره تفحصها من جووه ,, وعارف انها مو معهم ,, اكيد كله من ساره ,,, وطرت على فهد فكره وحب يدرسها مضبوط,,,
اول ما جاء العشاء رتبته الشغاله على الطاولة وجتها هيفاء تشرف عليه ,, وهي بالفعل متنكده ,, يعني ما صدقت تخلص من عبير ومشاعل تظهر لها وحده ثانيه ,, يعني مكتوب عليها ان فهد يكون له معجبات والا صديقات ,, وكيف تتعامل معه ,, وليش يعطيهم وجه اصلا ,,,
ما كانت تأكل اول ما تجمعوا على الطاوله كانت تحرك ملعقتها وبالها مو عندها حست نفسها انسدت على انها كانت جوعانه ,,
فهد يراقبها ويشوف انها ضايقه حييييل ,,
فتعمد انه يحرجها بالسؤال : ليه ما تاكلين يا هيفاء ما عجبك الاكل ,,
هيفاء وهي تقوم من الطاوله : بالعكس طيب بس انا مو مشتهيه ,,
راحت تمشي للدرج وفهد يتبعها بنظره ,, وطلعت فوق بدون ما تقول لهم شي ,,,
ام طلال : اكيد انه من هالعله اللي كلمتك
فهد : يمه هذي زميله لا اكثر ولا اقل ,, بس اللي فرحني انها تضايقت فعلا منها واكيد اني اهمها ,,
ام طلال : هيفاء تحبك بس تكابر عشان مسالة الطلاق ,, فتره بسيطه وبتشوف ان كل شي راح ,,
طلعت هيفاء لغرفتها وهي زعلانه على نفسها مسحت المكياج وقعدت تغسل بقوه كل اثاره كنها تعاقب نفسها ,,
طيب ليه تحطين مكياج اصلا عشان تلفتين انتباه فهد ,, ليه تحبينه ,, اذا تحبينه لا تخلينه يروح من بين يدك للبنات اللي حواليه ,,
بس ليه ما يقدر اني مستحيه ومنحرجه وفي قلب جرح محد يقدر يداويه الا فهد ,,,,
لبست لها قميص ومسكت كتابها ,,, حست بتأنيب الضمير انها تاركه جدتها وما جهزت فراشها ,,, بس شكل الترتيب اليوم هدها وحبت ترتاح بالحالها ,,,,,

بعد ساعه كذا وهي تقرا في الكتاب ,, فتح فهد الباب بدون ما يدق ,, وشافها في سريرها الصغير ومندمجه في القرايه رفعت عينها له واول ما شافت انه فهد هو اللي واقف استعدلت في سريرها وقعدت شوي بدل مهي نايمه ,,,
فهد قرب لسريرها ,, ومسك الكتاب بين يديه وقرأ عنوانه وعجبه اختيارها للكتب ,, اللي يدل على مواكبتها لأحدث الاصدارات ,, ونوعية الكتب ,,,
خذ الكتاب وحطه على الطاوله ,, وطالع في عيونها المحتاره من تصرفه ,,,
مسح على خدها بهدوء : شفيك مو على بعضك الليله فيه شي مضايقك ,,,,
هيفاء : وهي تتكلم وتصد للجهة الثانية : مافي شي معين بس اشتقت لريما ولمياء ,,,
فهد : بس هذا اللي ضايقك :
هيفاء : ضاقت اكثر منه ومن قربه وحست بقدمها ترجف من توترها ,,, اي هذا اللي ضايقني ,,,
في لحظه ضمها فهد لصدره وهو يهمس في اذنها بكلمات احرجتها فعلا ,, هو عارف انها ما راح تجاريه بس شكلهم الرجال يستغلون كل ظرف يسمح لهم ,,
هيفاء : اذا ما عندك مانع ابي انام تعبانه ,,
قام فهد وهو متحسف انه جاء عندها ,, ماحب انه يقع تحت ضغطها او رغبتها بالرفض ,, بس ماكان وده ينام وهو ما شاف وش فيها ,,,
ارسل لها مسج ان السياره بتكون الساعه 12 عندهم ,, شافت المسج ونامت ,,,
اول ما قامت الصباح الساعه 9 لبست سبور ونزلت لقت الشغاله تغسل صحون الفطور حقت فهد وقالت انه طلع من نص ساعه
كان ودها انها هي اللي رتبت له الفطور بس ما عجبها البارح ,,
خذت لها كاس شاي وطلعت لغرفة فهد وهي كلها نشاط انها ترتبها
ابتدت في غرفة الملابس وخذت منها ساعه كامله وهي تصفف الملابس بترتيب دقيق
ثم غيرت مفارش السرير وابتدت بتنظيف الطاولات واول ما وصلت عند راس فهد حصلت الكتاب اللي شرته لفهد وتصفحته
لقت في ورقه مسكره من داخل افتحتها وهي مستغربه وش بيكون فيها واتفاجأت انها خاطرتها اللي قطعها من الدفتر
اجل خذيت الخاطره يافهد يا ترى وش خذيت اكثر من كذا
فتحت الدرج اللي عند راسه وانصدمت انها تشوف جوالها استغربت هل هو الجديد واذاك اللي ابتلوها فيه ,, خذت الجوال وفتحته لقته على صفحة الاستديواوبالتحديد على صورتها اللي في فندق المملكة ,,, تأثرت ان فهد محتفظ بها للحين ,,, كملت ترتيب الغرفه وخلتها شي ثاني مريح للنظر ويبعث السعاده في المكان ,,

طلعت تلبس عبايتها وتنزل تقعد جدتها عشان يطلعون ياخذون مقاضي للبيت ,,, ,,,
طلعوا للهايبر ماركت واشترت كل شي يحتاجونه ,, ورجعوا للبيت وابتدوا يطبخون ثاني للغداء
حلصوا امورهم على الساعه 6 وهو الوقت اللي بيكون فهد جاي فيه من الجامعه ,,,,,,,
دخل فهد وشافهم متجمعين عند التلفزيون لكنه شم ريحة الاكل ,, ما قاوم فهد وطلع يبدل ويجي عشان يشاركهم شوي ,,,,,

,,,,,,,,,,,,

اول ما دخل غرفته عرف ان هيفاء لها يد في تغيير كل شي
دارت عيونه وفتح الدرج وشاف انها بدت تفتح الدرج الخاص به ...,,,,
فهد بأعلى الصوت هيفااااااااااااااااااااء,,,,
(( الجزء الثالث والثلاثين ))

صاح فهد في هيفاء بصوت عالي ,, هيفااااء
سمعته هيفاء واستغربت منه ليه يصوت كذا وش صاير ,,,
طلعت له تبي تشوف وش فيه ,,, الا هو واقف في نص الغرفه وحط يده على جنبه ,,
فهد : انتي اللي رتبتي الغرفه ,,
هيفاء : ايه في شي ,,,
فهد : انا ما احب احد يشيل اغراضي من مكان للثاني ,, وهذا طبعي ,, انا الحين وانا اقدر اطلعها من بعض
هيفاء : وش يدريني ان هذا طبعك ,, واعتقد اني مسويه خير ,,
فهد : اكيد وين تعرفين طبعي وانتي هاجه بروووحك ,,,ويضرب فهد الكوشن من الكنبه في الارض ,,, عصب عليها بقووووه
لا وبعد مفتشه درجي,, ومتعبثه بأغراضي ,,,
قربت منه هيفاء ومسكت الكتاب اللي عند راسه ,,وظهرت الورقه اللي في الوسط
هيفاء : بس اظن هاذي من اغراضي ,,,
فهد وببرود شديد : انتي بكبرك من اغراضي ,,,ودفها من طريقه وطلع من الغرفه ,,, نزل تحت وطلع لسيارته وتحرك من قدام البيت ,,, قعد يدور في الحي كم مره وبعدين توقف عند محطة البترول ,,, عبأ بنزين وبعدين مشى ,, راح للكوفي اللي يمر عليه بالعاده ونزل وهو طفشاااان حده ,, ما كان وده يعصب بس هووو طبعه كذا من اول ما يحب حد يتدخل في مكانه واغراضه ,, وهي من اول يوم تزوجها ما فرضت نفسها عليه ولا حاولت تعرف خصوصياته حتى لو كان ما يبي ,, بس مجرد انه يحس انها تبي هالشي راح يرضي غروره ,,,
قعد يدخن وهو تعبان يبي يرجع للبيت يتريح شوي ,,
ام طلال تغدت مع هيفاء اللي ما ذااقت منه شي ولا حبه ,, الى متى وهي وفهد بينهم تتش , على ادنى الدون يتطاقون ,, كله منك يا هيفاء ,, المفروض انك معطيته خبر انك بترتبين اغراضه ,, حلوووه كذا يحطها براسك هالهوشه وتصيرين غلطانه ,,,
بعد ما دخلت ام طلال ,, قعدت في الصاله عندها احساس يمكن يجي فهد بعد شوي ,, بسأله اذا يبي غداء ,, على الاقل اكسر هالشي اللي بينا ,, فهد تأخر ماجاء فطلعت لغرفتها وهي متملله من وضعها مرررره ,,
اتصلت على ريما تسألها عن احوالهم وش اخر تطورات نواف ,, وقعدت تحكي لها موقف البارح
ريما : اتصل علي نواف ,, وقال انا طلبت من فيصل اني اخذك للعشاء برى في مطعم راااقي ووافق
فرديت عليه: ومن قال اني ابي اطلع اتعشى ,, انا ما ابي عشيات برى ,, اذا تزوجنا طلعني
نواف : بمر عليك الساعه 8 وكوني جاهزة ,, وسكر السماعه
كملت ريما وعقبه على طول كلمت فيصل : انت ليه توافق لنواف اطلع معه ليه ما سألتني اذا ابي والا لا ,,
فيصل " زوجك ويبي يطلع معك تتعشون ,, انا لو مكانه كان طلبت من لمياء تطلع معي ,, هما انتي زوجته عااادي يا قلبي ,,
بس عاد لا تسهرون برى ولا تروحين مكان غير المطعم ,, ونواف زوجك وبيحافظ عليك يا قلبي ,, يالله رووحي غيري جوو معه الله يسعدكم ,,,
ريما ما درت وش تسوي عقب كلام فيصل فأتصلت على لمياء تفزع لها ,, فأكدت كلام نواف وفيصل ,, عاااادي ياعمري انتي مع زوجك مو حرام


كملت ريما كلامها مع هيفاء ,, والليله يا قلبي بيمر علي وبنروح نتعشى برى ,,
ريما : مدري وشقول له يا هيفاء احس ما عرفت لنواف شكله شاااعري مررره ,, ,, ضحكت هيفاء عليها لأنها تعرف ريما وشخصيتها ,,
استانسي يا قلبي وراااح يتغير جوووك معه ,, مو هذا نواف اللي حشرتينا عليه ,,,
سكرت ريما وهيفاء ما زالت في حيرتها ,, ماتدري وين رااح فهد ,, كل هذا طفش منها ,,
مرت ثلاث ساعات ما سمعت صوت الباب ,, لامت نفسها انها تدخلت في خصوصياته ,, يمكن صحيح هو مو متعود حد يمسك اشيائه ,,
نزلت للمطبخ وحاولت تتذكر طريقة كيك حلووو كانت تحب تسويه مع نكهة الجزر ,, دخلتها الفرن وتركت الشغاله تنتبه لها ,,
جات ام طلال ,, وحصلتها متمدده على السرير ,, رجعت على ورى شوي عشان ما تحس فيها وتكمل نومتها ,,,
بعد كذا طلعت للحديقه ,, حاولت تأخذ شوي من الزهور اللي فيها وترتبها في فازا صغيره ,, يمكن تعطي البيت شكل ,,,
دخلت المطبخ ثاني وطلبت من الشغاله تجهز لها صينية القهوة وسوت لهم قهوة ولا صارت ,,, طلعت كيكتها في الصحن وزينتها في قالب مخصص لها ,, وخذتها الشغاله للصاله عشان تتقهوى منها ام طلال ,,,
طلعت هيفاء فوق وهي تمر من غرفة فهد ,, طالعتها وهي ماشيه ,, والله مو قصدي اتدخل ,,, يالله وش صار يعني ,,,
دخلت غرفتها اللي كل يوم تحبها اكثر وتحب الفتها ومكتبها الصغير ,, اللي يشاطر سهرتها كل ليله وو بتدوينها احرف منسوجه من مشاعرها المتضاربة ,,
استعدت مثل كل يوم وحاولت هالمره ما تجط مكياج ,,, اكتفت بالجلوس والماسكارا ,, لكنها غيرت روتين ملابسها ,,, ولبست لها فستان قصير له حزام من عند الخصر ,,, اظهر خبايا جمالها اكثر ,, رفعت شعرها على شكل ربطه دائريه وسوت لها بف صغير من عند الغره ونزلت خصل صغيره على الجبهة ,,, اول ما شافت شكلها في المرايه رضت مررره عليه ,, ما ناقص بس الا يجي فهد ويقدرني ربي واعتذر منه عشان اغراضه ,, وان ما رضى بالطقاق ,,
لبست لها صندل ناعم ,,, وعطرت الغرفة وحاولت تأخذ المبخره تبي تبخر البيت تحت بالعود ,,
وهي شايله المبخره في يدها ,, قابلت فهد في نص الطريق عند باب غرفته ,,
هيفاء : مساء الخير ,,
فهد : هلا وهو يبي يدخل غرفته ,,, وقفت تبي تشوف هل بيكمل كلامه معها والا بيدخل لكنها انصدمت منه وهو يسكر الباب ,, وقفت في مكانها وهي متسمره ,, نزلت البخور على الطاوله ودقت الباب بس فهد ما رد عليها ,, دقت ثاني ولا رد فتوقعت انه دخل لدورة المياة ,, حست انها اهليه شوي وتمون ,, فتحت الباب الا تشوف فهد لابس روبه ويبي يدخل ياخذ شاور ,,
فهد : الناس الذووق يدقون الباب !!! فهد ناوي يطفشها ,,
هيفاء : صدقت بس انا مو ذوووق ,,
فهد : طيب وش عندك ,,, وهو يطلع له ملابس وزهقان منها او يبين لها انه زهقان ,,,
هيفاء جت تبي تطلع الكلمات من فمها بس حست انها وقفت في حنجرتها مو راضيه تطلع ,, كنها بتصير عبره بس لا هي لازم تكون قويه ,,
لاحظت ان يدها تلعب في علبة المناديل جنبها على الطاولة وفهد يراقبها بأستكشاف ,,
تكلمت وهي تحاول ما تحط عينها في عينه ,,
هيفاء : انا كان قصدي بس اني اترك لك المكان مرتب عشان تحس براحتك فيه اذا جيت من الجامعه ,,
نزلت عيونها وهي تشبك يديها مع بعض بس جد انا اسفه ,,, ,, ورجعت على ورى تبي تطلع من الغرفه ,,,
اول ما فتحت الباب تبي تطلع سمعت فهد : بالعكس انا بعد ما شفت ترتيبك الحين ,, ودي كل يوم ترتبين ,,, التفتت له وهي طالعه شاف ابتسامتها العذبه ,,, ااااخ يا هيفاء بتجننيني ,,

في مكان ثاني بعيد جدا ,,, نواف وريما جالسين في اعلى مطعم يطل على الرياض من برج المملكة ,, الجو اقل ما يقال عنه شاعري ورومااانس كثيير ,,, نواف بيموت على ريما من اول كيف وهي قباله ,,,
نواف : تدرين لو ما جيتي كان زعلت عليك ,,
ريما وهي منزله عيونها في الصحن : ما تعودت اني اكلمك فشلون اطلع معك ,, غصب عني جاني احساس بالرفض ,,
نواف : اااه يا ريما تدرين اني اعد الليالي عشان يجمعني بك سقف واحد ,, انحرجت ريماا وخجلت منه مررره ,,,, صار وجهها الوان من الوردي والمشمش ,,
نواف : ما ابيك تستحين مني ,, ابيك تقولين لي انك تبيني مثل ما انا ابيك ,,
ريما حست بالاحراج يخنقها : نواف واللي يسلمك لا تحرجني عاد ,,,
نواف اجل لو تدرين وش في بالي ,,,
ريما وهي تقول في نفسها لا والله ما ودي اعرف ,, انت ناوي تذبحني كذاا ,, ياليتك يا نواف تدري وش كثر انحرج منك ,,,
طلب نواف العشاء ,, رفضت ريما انها تاكل غير الحلووو مع الكابتشينو ,, ونواف ما حط يده في الاكل ,,, كان شوفة ريما وعيونها الحلوة اشبعته عن كل غذاء ,,,
لما خلصت قهوتها ,, قالت له : نواف ودي ارجع البيت اذا ما عندك مانع ,,
نواف وهو يطالعها حط يده على خشمه : على خشمي ,,,
ريما : تسلم ,,,
قامت ريما وهي تحس عظامها تيبست من الكرسي اللي طول الوقت وهي شاااده نفسها عشان ما ترتبك او تغلط في اي شي كنها في اختبار ,,,
خذ نواف شنطتها وناولها لها حست ريما انه ذوووق ,,,اول ما نزلوا للسياره فتح لها نواف الباب وسكرته هي بنفسها ,, ما تدري ليش ما ودها انه يدلعها كذا لانه خافت انه يحبها اكثر مما تحبه , وهي ما في مجال تبين له اي شي الحين ,, ودها لما تكون زوجته في بيت تكشف له عن كل مشاعرها ,,,
شغل نواف السي دي ,, وترك للشعر الكلمة الاولى عشان تعبر عن اللي في قلبه لريما ,,, ومن قصيده للثانيه ,, لكن ريما ركزت انه غير طريق القصر ,,
قالت له ريما : نواف وين بتروح ,,
نواف : لا تخافين ما راح اخطفك بس بلف بك شوي ,, ما ودي اخليك تروحين ولو على كيفي اني اسهر معك للفجر ,,,
ريما متوتره وما خذت راحتها : بس انا قلت لفيصل ما راح اتأخر ,,
نواف : ممكن تنسين فيصل الحين ,, حست ريما صدق انها طفشته وما عطته على اللي يبي ,,
سكر نواف السي دي ,, وقعد يدور بالسياره في صمت توقع يمكن تقول له ,, حس منها ببرود ,,
نواف كان وده يسمع منها شي كثييير على الاقل تبين له شوقها ,
وفي الأخير دخل للقصر وخذ لفه لحد ما وصل لفيلا خاله طلال لكنه وقف على جنب الفيلا ,,
ريما التفتت له ,, نواف : ودي اشكرك على الطلعه ,, ادري تتوقع مني اكثر من كذا ,, بس ابيك تعذرني ترى ما تعودت ,,
نواف ما سمح لها تكمل وباسها في خدها وهمس في اذنها : الله يصبرني يا قلبي ,,,
نزلت ريما وهي مستحيه منه ,, مسك يدها قبل تنزل ,, لحظه ,, وفتح صندوق السياره وطلع من علبه صغيره ,,
ابيك تلبسينها في يدك ,, وفتح العلبه وتشوف سلسال يد روووعه بحرفه وحرفها في اخره ,,, وفي نصه قلوب صغيره بالالماس ,,,
ريما من عيوني
نزلت وهي تشوف ان نواف عبر لها عن شوقه بشكل ما توقعت منه ,, توقعت يستحي منها او ينحرج اذا شافها منحرجه لكن اخر شي اللي شافته ,,, واكتشفت ان نواف يملك قلب عاشق ,, وجهزت نفسها للأيام القادمه ,,, مو معقوله تبادله مشاعره بمواضيع تسد النفس ,,,
دخلت ريما وعلى طول ارسلت مسج لفيصل (( انا رجعت يا عمري )) تبي فيصل يرتاح ,, وخصوصا انه موصيها ,,
دخلت وبدلت ملابسها ,, وقعدت تتأمل السلسال في يدها ,,, هذا اللي تتمناه من اول انه يكون في نواف ,, انه يحب الاشياء اللي تعبر عن مشاعرها سواء بحرف او كلمه او هديه بسيطه المهم لها معنى عنده ,,,اول ما حطت رساها على المخده بتنام ,, جاه اتصال من نواف رفعت الخط وسمعت نواف : ما قدرت انام يا قلبي ابي اسمع صوتك ,,,,,,,,

ام طلال وهيفاء يتقاسمون صحن الكيك الصغير بينهم وهيفاء تصب قهوة على جدتها ,,,
ام طلال : وش هالزين اليوم ,, الفستان عليك يهبل ,,,
هيفاء : فديتك يمه ما احلى كلامك ,,,
ام طلال : انا اقول الصدق ,,, ما قال لك فهد شي ,, مو معقوله بيسكت ,, اخبر فهد يحب الزين ويستمتع فيه ,,,
هيفاء: لا ما قال !!!
فهد وهو داخل عليهم : اللي اشوفه ان هيفاء مانيكان حلووووه ما ودك تشيل عينك منها ,,,
هيفاء تسمع فهد وهي تحاول تضبط نفسها عشان ما يبين انها مطفوقه على كلامه صحيح : تسلم ,,,
فهد : شكلكم قضيتوا على الكيكة ونسيتوني ,,,
ام طلال : لا من جدك ,, هيفاء سوت الكيكه ذي عشانك مخصوص,,, ام طلال تزيد من عندها تبي تقرب بينهم
فهد وهو يتأملها بفستانها المغري
فهد : دامه كذا وهيفاء بنفسها طابخه عشاني امشوا بطلعكم تتعشون برى
ام طلال : الساعه 10 مافي طلعه في ذا الليل ,, خلها بكره بدري ,,,,
فهد : عادي الليله ويكند امشوا يالله بنروح مطعم مغربي ,,,
هيفاء ودها تطلع بس شافت الوقت متأخر ,,, فهد خلها وقت ثاني ,,
فهد :كيفكم ,,,
قعدوا يشوفون التلفزيون ,, ساعه تقريبا ويتخللها سوالف من ام طلال وفهد لحد الحين هيفاء ما بينها وبين فهد سالفه على بعضها ,, يا اوامر يا طلبات يا مطاق ,, ما به شي يفتح النفس عيونهم تكلم اكثر منهم ,,,
قامت ام طلال تبي تروح دارها ,, فقامت معها هيفاء لكن ام طلال نادت الشغاله ,,
ام طلال : لا خليك مع فهد انا عندي شغل داخل ,,,
هيفاء عارفه حركات جدتها احيانا ودها تشكر جدتها على الحركات ذي لانها تخفف عنها بداية الحديث مع فهد ,,
فهد وهو متعمد ينظر لها نظره متفحصه : ذوووقك حلوو في اللبس ,, من متى عندك الموهبة ذي ,,
هيفاء ابتسمت ..: مو اي شي يعجبني ,, احب البس شي اجد فيه نفسي مو تكملة عدد بس ,,
فهد : طيب ااختيارك على خط ازياء معين او مصمم واحد والا وشو ,,,
هيفاء وهي داخله جو الحديث معه : مو شرط انا اشوف القطعه سواء غاليه او متوسطه المهم لونها يعجبني وديزاينها خلاص اشتريها ,,,
فهد وهو يقوم : انا بطلع عندي بحث ,, تسمحين لي ,,,
هيفاء حست بحزن ان السالفه وقفت بينهم : اي اكيد خذ راحتك ,,,
طلع للطابق الاعلى وهو يحمد ربه انه ما تهور قدام لمياء ,, هو عزم انها تجيه بنفسها عشان تقتنع انها تبيه مو فارض نفسه عليها ,,,
قعدت هيفاء في كرسيها شوي وهي تحس انها وحيده في ذا العالم دامها ما صارحت فهد وتعاهدت معه على كل شي بتبقى بعيده منه ,,
ما تدري ليه تغيرت مشاعرها اكثر من يوم صلوا حست قلبه عليها يمكن ا تكلم كثير بس تشوفه بحركاته ,,,
اطفت النور ,, وطلعت غرفتها ,,,
بدلت ملا بسها ,, ولبست بيجاما رمادي شكلها رهيب عليها ,,, كمها طويل بس شاد شوي ,, وما فيها اي درجه ثانيه ,, دخلت في فراشها تبي تنام ومسكت لها كتاب تبي تشغل نفسها ,,,
بعد ساعه او اكثر شوي ,, لا جاها نوم وحاسه بطفش ,, نزلت للمطبخ تبي تسوي لها شاي يعدل مزاجها شوي ,, بغت تغير ملا بسها بس شافت الوقت متأخر واكيد فهد قد نام وراه جامعه ,,,
اول ما دخلت شافت فهد قاعد على طاولة المطبخ وهو يأكل توست ,, رفع عينه فيها ,,
فهد : جوعانه ,,,
هيفاء : لا بغيت شاي ,, بس خلاص ما في داعي وترجع على ورى حست بفشيله منه وهي ببجامتها وطلعت فوق بسرعه البرق ,,, دخلت في فراشها وهي قلبها يدق بسرعه ,,, متى بتعودين على فهد يا هيفاء ,,, مو بعبع هذا زوجك ,,,
بعد ربع ساعه ,,, فتح فهد الباب بدون ما يدق ,,ومعاه كاس شاي ,,

قعدت هيفاء على دخلته : ما كان في داعي تسوي شاي ,,
فهد : كم هيفاء عندي ,, بس وحده ,,, وواقفه قدامي ,, واعتقد اني راح اكون اغبى واحد اذا ,,, ما كمل
ويقرب منها شوي ويمسك يديها ,,ويطالع عيونها ... اذا ما خدمتها !!!!
هيفاء : تسلم ما قصرت ,, وهي تحاول تكون صامده قدام كلماته ,, فهد صاير اسلوبه رقيق معها مره ,, لدرجه ممكن تسقط كل اقنعتها الحصينه قدامه ,, وهي عارفه هالشي اليوم والا بكره هي بتضعف قدامه ,, بس تمنت انها عنده شجاعه تكفيها انها تقول لفهد كل اللي يضايقها منه ,,,
طلع فهد فجأه مثل ما دخل فجأه,,,وترك هيفاء مثل الورقة الخضراء اللي تصارع المطر في يوم ممطر ومتمسكه بالغصن قد ما تقدر قدام هالرياح القويه ,, وشافت هيفاء نفسها قدام حضور فهد وجاذبيته ورجولته الطاغية على حنانه ورقته معها مثل هالورقه ما تبي تسقط في احضان الشجره,,,

اما فهد قعد يشوف بحثه وهو ما يقرأ الا اول سطر ثم يرجع يعيده يتذكر شكل هيفاء اول ما دخلت المطبخ ,, فيها براءة بتذبحني ,,,
اااخ يا هيفاء لولا اني ما جرحتك مره ,, والا والله ما كان اعتقك الليله ,,, ونام وهو يتمنى من هيفاء ,, تحس به وبمشاعره تجاهها ,,,

من الصباح بدري ثاني يوم ,,, طلع فهد للجامعه ,, وهيفاء قعدت مع ام طلال في الحديقه يتمشون فيها ,, صحيح صغيره بس روووعه باشجارها وزهورها الملونه ,,
هيفاء : يمه وش رايك نطلع شوي نروح للسوق والا نطلع اي مكن نتمشى ,, فهد ما راح يجي الا اخر النهار ,, بيضيع وقتنا في الانتظار ,,
ام طلال : يالله امشي ,, توكلي على الله ,,,
طلبت لهم تاكسي ,, يوديهم للسنتر في وسط المدينه ,, قرت عنه في الدليل السياحي للمدينه ,,
ام طلال كانت لابسه قطيفه وفوقها شال وطرحتها المميزة ,, وهيفاء لابسه عبايتها ,, وحاطه نظاره ولثمه ويتمشون في السوق ,,
هيفاء تسند لجدتها بيدها وام طلال تمسك العصا بيدها الثانية ,, كان مشيهم براحتهم مجرد تقضية وقت ,,,
وهما واقفين امام فاترينا محل كبير للشوكلاته ,, طلع جروب من الشباب مع بعض من اولاد وبنات ,, وفهد كان معهم ,, اول ما شاف جدته وقف لها ورفع نظارته على شعره ,, هيفاء تشوف المجموعه اللي معاه ,, مشالله فالينها هالشباب وناسه وتمشيه ,, وانا بغبائي فكرته بالجامعه ,,, وعينها على البنات ,,
فهد : هلا متى امداكم تطلعون ,,
ام طلال : عقبك بشوي قلنا نغير جوو وهيفاء ساكته ودها تتوطى في بطنها هذا الشعور اللي جاها ,, سمعت هيفاء صوت بنت تقول : فهد اكيد هاذي جدتك اللي تحكي عنها ,,
فهد وهو يلتفت للبنت : ما شالله عليك ايوا هي ,,,
البنت وهي تصافحها : هلا بيك يمه ,, انا ساره ,,,
هيفاء كن حد صفقها هالبنت فالتها مره بالشعر والجينز الضيق وفررري ,,,
ام طلال : الله يحيك ,,
فهد وهو يتدارك : وهاذي زوجتي هيفاء ,
ساره : اهلا ,, بصراحه ما قد سمعنا فهد يطري انه متزوج بالصدفه عرفنا ,, شكلك يا فهد ودك تكون عزوبي على طول ,,,
هيفاء ما ردت عليها بحرف خلتها هي والجدار واحد ,, تحركت شوي تبي جدتها تتحرك ,,
هيفاء : ما نعطلكم حنا ورانا مشوار ,,
كملت الطريق الطويل اللي قدامها وهي ما تشوف الا وجوه ناس يتحركون مثل الريموت ,, ما تدري بهم الا انهم يتحركون وبس نست الوقت والزمن والمكان ,,, وشافت بس فهد ,, اكيد مبسوط مع شلته ,,, الله يهنيه ,,
رجعوا البيت بعد الحاح ام طلال ,, هي عارفه ان هيفاء مو معها ,, وانصدمت بشوفة الطالبات مع فهد ,, وهالعلة ام لسان ,, شكلها مطيحه الميانه مع فهد ,, وش معنى محد من الجروب جاء يمنا وكلمنا بس هي ,, وهي اللي متصله على البيت ,, وما خفي كان اعظم ,,,
دخلوا البيت ,, واستئذنت من جدتها تطلع لغرفتها ,, دخلت وهي تحس بالعجز التااام ,, رمت نفسها على السرير وهي بعابيتها وما حست ابد الا وفهد يحاول يشيل عبايتها,, تحركت تبي تشوف وش فيه ,,
فهد : انتي ليه نايمه كذا ,,,
هيفاء وهي معصبة عليه مرره ,, كيفي انام بالشكل اللي ابيه ,,
فهد ما استغرب ردة فعلها قده عارفها ,, وتحاول تفك يده منها ما تبي اي شي منه ,, خله يروح ينبسط مع صديقاته ,,,
هيفاء : روح انبسط مع صديقاتك لا ومخبي عنهم انك متزوج بعد ,,
فهد : اذا صرتي زوجه اقدر ارفع راسي عند الناس وافتخر انك زوجتي قدامهم واخاف عليك وتخافين علي ,,,قلت لهم ذيك الساعه اني متزوج
اما حياه بذا الشكل ,, في ذمتك تسمينه زواج ذا ,,
هيفاء : انا مو اللي طلقت وزعلت وبعدت وفارقت ,,,
انا يا فهد بنت يتيمه لا اخ ولا اب ,, اذا بتحفظني وبتشيل عني همي وتفتخر اني زوجتك ,, ذيك اللحظه اعرف اني رضيت من قلبي عليك ,, ولفت على جنبها وهي تصيح وتلحفت بالحافها وسط ذهول فهد من البركان اللي انفجر ,,,,,,
,,,,,,,
(( الجزء الرابع والثلاثين ))
مر اسبوع كامل وفهد ما يجي البيت الا متأخر ,, يسلم على جدته وويدخل مكتبه عشان يخلص بحوثه ,, وما يجي 11 الا هما رايحين غرفهم وهو لسى في بحثه ,,
هيفاء عرفت انه يتحاشاها بعد هذيك الليله ,, وشالت في نفسها عليه كثييير ,, المفروض بدل ماهو يجي يراضيني على اللي صار ويسلي خاطري ,, قاعد يهرب من مواجهتي ,,, خله يهرب انا وش علي ,, فصارت تلقائيا ما تحتك فيه ابدا تنزل بعد ما يطلع للجامعه ,, وما تحضر الغداء اغلب الايام واذا دخل مكتبه جات عند جدتها لين تنام ,, اول مره تحس تجاهه بجفاء ,, تزعل عليه من ورى قلبها يمكن لأنه يرفع ضغطها بأسلوبه وفرض شخصيته عليها ,, لكن هالمره تحس قلبها قاسي مررره ,,,,

فهد صار كئيب حيل ,, انغمس في بحثه عشان يهرب من وجود هيفاء ,, يشوف انه ما قصر معها ,, من يوم ردها ,, وهو يحاول يكون لطيف قدر الامكان ,, لكن هي راسها يابس ,, اذا هي تبي اقولها سامحيني انا اسف ,, فمستحيل تسمعها مني ,, انا صلحت غلطي ,, وحاولت ارجعها ,, لكن هي تبي تجيب راسي ,, بعيد عنها وعن مية حرمه زيها ,,, زين اللي صابر عليها واحاول اسايسها ,, لوغيري
كان خلاها تطيح عند رجله وهي ما تشوف الطريق ,,,
فهد طفشااان حده وهو قاعد في الكوفي ,, ويدخن بشراهه ما شاف رائد وساره وهند وهما جايين لطاولته ,,,
ساره : هلا فهد ,, وينك هاليومين ما تطلع معنا ,, ليكون تتغلى علينا والا حرمك المصون تحاول تسحبك منا ,,,,
فهد وهو يتصنع ضحكه : وانتي الصادقه بحثي المصون شاغلني من الدنيا كلها
رائد : وش دعوا فهد بالراحه والا انت ناوي تهلك نفسك دراسه ,, وهند تكمل مع رائد نفس الكلام ,,
فهد : صدقتم بس عندي فضاوة وقت وحاب اخلص ,,,
ساره : طيب ممكن اعزمك على العشاء الليله في النادي ,, الشله بيجون ,, تعال تغير جووو ,,
فهد : بشوف ,, اذا قدرت اخلص بدري ,,
ساره : لا مستحيل عشان خاطري اترك البحوث الليله وخلها وناسه ,,,
فهد : صار وهو كذلك ,,, ضحكت له ساره ضحكة اغراء ما خفت عليه وقام بيطلع على انه بيجيهم بالليل ,,,,
رجع فهد في وقته كل يوم وما حب يأكل على الغداء اي شي ,, وطلب من الشغاله تجيب قهوته في المكتب ,, استغربت ام طلال تصرفه لأنه بالعاده يدخل المكتب بالليل ,,
ام طلال تشوف انها حكم متفرج لاحول له ولا قوة ,, ما تدري كيف تقرب بينهم لأن كل المحاولات اللي تسويها توقف في جهة مسدوده ,,
بعد ماجاته ام طلال في المكتب وسكرت الباب ,,
ام طلال : والله هاذي مو حاله يا فهد ,, صرت ما تقعد معنا كلش ,, انا ما جيت هنا الا عشان سعادتك ,, لكن اذا تشوف اننا نثقل عليك ترى بنرجع واذا جيت يحلها ربك ,,
فهد قام وحب جبهتها : وش هالكلاميا زينة النساء , الله لا يحرمني منك ومن شوفتك مجرد اني احس انك معي في نفس المكان احس براحه غريبه ,,,,
ام طلال : اجل وشفيك على هيفاء صرت ما تكلمها ولا تقعد معها ,, ترى ما تستاهل هذا كله منك ,,
فهد : ااااه يمه هالبنت بتطلعني من طوري ,, عيونها تبيني ,, وافعالها تقول غير كذا ,, ولسانها شكله متبري منها ,,
ام طلال : وش صاير يمك خوفتني عليكم ,,
فهد : كالعاده مو شي جديد ,, لكن ما اكون فهد اذا ما ربيتها لك وخليتها تمشي على الصراط المستقيم ,,,
ام طلال: كلش بالهدواه يا ولدي ,, زوجتك لازم تحط لها النقط على الحروف عشان تعرف هواك وزعلك ,, تمشي في اللي تبي وتبتعد عن زعلك ,, ومو كل شي زعل وانا امك ,, جيب لها الهديه وراضيها وسع صدرها ,, بعد هيفاء ما تهنت في حياتها ,,,
فهد : الله يجيب الخير ان شالله ,, على فكره يمه انا معزوم مع ربعي ويمكن اتأخر لا تحاتيني ,,,
ام طلال : لا تتاخر كثير يا قلبي ,,,

ريما قاعده مع لمياء في فيلتها ويشوفون الكتلوجات ,, يبون يشوفون تصميم راقي لفستان الزفاف ,, جاها مسج من نواف
(( احبك واموت في عيونك واتمنى شوفك ولو ثواني ,,,انا في ساحة القصر ,, ممكن اشوفك شوي ))
ريما كانت قاعده وقامت تصرخ ,,
ريما : لا بالله نواف مو صاحي ,, وش فاكر نفسه ذا ,, يجي مثل ما يبغي ,, مره وطوفناها ,, من جده ذا ولا يستهبل ,,,
لمياء : وش عنده نواف ,, وكملت لها ريما المسج ,,
لمياء : طيب قومي دخليه للمجلس وضيفيه وش تنتظرين ,,,
ريما : اي تحسبينه فيصل انتي ,, لا يا قلبي انا ما ابي اشوفه ,, وبعدين ما استعديت ولا تهيأت لجيته ,, والاتيكيت يقول يرسل يأخذ اذن مو كذا خذوه فغلوه ,,,
ارسلت له ريما (( اسمح لي ما اقدراشوفك ))
ولما ضغطت على زر ارسال تحسفت انها تسرعت ,, كان ودها تكتب شي الطف ,,,
وعلى طول كلمت هيفاء : شوري علي تكفين وش اسوي ,,
هيفاء : نسينا ما كلينا يا ريما ,, وين اللي تغصبني اكتب مسجات وحبيبي وذا السوالف ,, ليه ما طبقتيها على زوجك ,,
ريما : اتاري اللي يده في المويه البارده ما يحس يا هيفاء ,,, توني احس بأحساسك وحياك ,, شوري علي تكفين شكله زعل لحد الحين ما ارسل رد
هيفاء : ولبكره ما راح يرسل رد ,, انتي فشلتيه ,, اسمعيني ,, اذا جاء بعد بكره ارسلي له مسج ,, وبقولك كيف تكتبينه بالنص ,, وتجي الخطوات الجايه في وقتها اوكي ,,,
ريما : اوكي ,,,,

سكرت هيفاء من ريما كان لبسها مرتب ما فيه شي ملفت يمكن لانها استهلكت اللبس اللي عنده وما فيه جديد تعيده ,,,بنطلون برمودا زيتي باهت مع توب كت بلون الاورانج الهادي ,,, عكفت شعرها على وراء ,, وطلعت تبي جدتها فهد اكيد في صومعته ,, ومو مهم يشوفها كذا ,, اصلا هو لو يهتم فيها كان سأل عنها هالاسبوع ,, ولا كلف خاطره يسأل ,,,
نزلت لطابق فهد الا هو يظهر في وجهها كاشخ حده مررره ولابس جاكيت راااقي مع اسكارف على الرقبة ,, وشكله مترتب وحالق ,, هذا غير عن ريحة دهن العود اللي فيه اللي رجعتها لذكرى قديمه اول ما شافته عند المصعد في القصر ,,,
التفت لها ما تكلم شاف شكلها عرف انها ما اهتمت في حالها ,, وحست هي انها ما تسوى عنده في الشكل يمكن جمالها يشفع لها بس تنقصها النضاره اللي تطلع من الروح ,, واللي يدفعها الحب الداخلي للأنسان سواء لنفسه او للي يحبه ويعمل المستحيل عشان يرضيه ,,,

جاء بيكمل طريقه لتحت بدون ما يكلمها شافها مو عدله كذا يمر بدون كلمه ,, وهو في طريقه قال مساء الخير ,,
ردت عليه هيفاء وهي تمشي بعد بدون ما توقف ,,, طلع فهد من االبيت وهيفاء يذبحها الفضول ,, وين بيروح ,,
دخلت على جدتها وهي في في غرفتها تدور رقم مريم تبي تكلمها وتسلم عليها ,,دخلت علىيها هيفاء وهي في حوستها ,,,
ام طلال : تعالي الله جابك دقي على عمتك مريم من جينا هالديره ما كلمناها ,,
هيفاء ان شالله يمه ولا يهمك ,,
ام طلال وهي على الخط : هلا وغلا بك يأم مروان ,, وشلون رهف وضي ,, وزوجك وشلونه
ومريم اللي عرفت انهم في لندن ,, ورا ما عطيتوني اخباركم اول بأول ,, ليش تفاجأوني ,, حرام عليكم ,,
اول ما سكرت هيفاء تحوس عند جدتها وما تبي تسأل سؤال مباشر
هيفاء: تبين اسوي لك قهوة انتي وفهد يمه على الاقل تشوفين التلفزيون معاه ,,
ام طلال : الا سويها بس لي انا وانتي ,, فهد معزوم على العشاء مع ربعه ,,,
ضرب الامبير عند هيفاء :: ليكون هالكشخه كلها وربعه بيكون معهم بنات ,, مهو في لندن الدعوى فري ,, ااااخ يافهد لو ادري بس ان هالبنات معك في العشاء ان اسوي لك سالفه ,, وقعدت ترد على نفسها ,, بردي على عمرك لوك غاليه عنده ما صار لك كذا ,, بس انتي واغراضه واحد كم مره يقولها لك ,,,,,مو غريبه انه يرددها كم مره ,,
بعد ما تعشت جدتها ودخلت تنام قعدت في الصاله تشوف التلفزيون ,,, لعل وعسى انه يجي وهي قاعده ,, خلها تواجهه مره بغلطه بس عشان يعرف اني ما ارضى على خرابيطه ,,
راحت ساعه وساعتين وثلاث وهو للحين ما جاء ,, تذكرت انهم بكره ويكند ,, اكيد راح يسهر ,, اقصري الشر ياهيفاء , اتركيه وش تبين به يعني بتسهرين معه والا بتسعدينه والا بس نكد ,,,
طفشت من التلفزيون ,, وطلعت فوق لغرفتها ,, خلت الباب مفتوح عشان تدري متى بيجي فهد ,, ما بدلت ولا جاها النوم ابد فيها شي يغلي ,, حست انها الغيره ,, فهد شاب ومزيون وفيه كل شي حلوو ,, واذا ما حصل عندها بيحصل عند غيرها ,,وش له بوجع الراس ,, من ساسه ,, اقرت بينها وبين نفسها انها لازم تكسبه ,, بس عنادها مخرب عليها الاولي والتالي ,, ومكمله عزة نفسها اللي زادت عن حدها ,,,
لما قربت الساعه 3 وهو ما جاء قلقت عليه ,, فشافت انه من واجبها تتصل تشوف وينه ,,, مو معقوله تسفهه ,, دقت على جواله ,,
وبعد رنين طويل ,, جاها صوت فهد وهوو في مكان مزعج ,, وصوت الدي جيه شغال على اغاني رقص خليجيه واصوات عالم عنده ,, وسمعت وحده قريب عليه ,, فهد ينادونك ,,,
وهو ما سمعت منه الا يقول ناموا لا تنتظروني بتأخر
حاولت هيفاء تضبط اعصابها ,, وتأكد لنفسها انه مو مهم ,, وقعدت تدور في الغرفه ,, وقعدت تتخيل الوضع الحين وهو قاعد بين هالبنات والشباب ,, والبنات يترقصون ,, وعادي عنده انه يشوفهم ,,, اااخ منك يا فهد وش هالقهر ,,,
قطعت الغرفه رايح جاي تبي توترها يخف ولا يصير اي شي ولا تحس هالاحساس اللي دمرها ,,,
هذا نتيجة كبت اسبوع كامل وفهد سافهها,, هذي النتيجه يا فهد ,,,
لما قربت الساعه على 5 سمعت صوت الباب وهو يتسكر بشويش وصوت فهد يبي يطلع على طول نزلت له في الغرفه تبي تكون قدامه قبل يدخل ,, هي بايعتها بايعتها ,,,, اول ما وصل فهد للغرفه حصل الباب مفتوح وهيفاء واقفه في نص الغرفه ,,
فهد : خير فيه شي ,,
هيفاء : وين بيجي الخير وانت سهران مع بنات الين الفجر ,,,
فهد : وش حارقك انتي ,, ليه اهمك يعني ,,
هيفاء : اذا قلت لك انك راعي بنات من اول ما صدقتني تلعب علي بكم كلمه عشان توصل اللي تبي ,,
فهد : هذا انتي عرفتي ,, وش تبين اسوي ست هيفاء ,,
ارتفع ضغط هيفاء من بروده ,,,
هيفاء : بس هذا اللي عندك ,, بصراحه شفت استهتار ,, بس مثلك ما شفت ,, مبادئك رايحه وطي وماهمك الا نفسك ,,
انا ما يشرفني اني اكون زوجتك ,, لأن السكوت عن فعايلك ,,, اكبر غلط في حقي ,,
فهد وهو يرفع يده وينزل ذاك الكف عليها ,,
هيفاء وهي تمسك خدها : مو غريبه يجي منك اكثر ,,,
وطلعت وراحت غرفتها ,,, وهي متحطمه نفسيااااا ,,

اصبحت الصبح وهي اشبه بالاموات لا فيها حياة ولا نضاره ,, حاولت تحط ميك اب يغطي عيوب السهر ,, ولبست لها لبس رياضه ناعم ,,ونزلت ,, اول مره تحس مالها مزاج مرررره لأي شي وحست ان الحبل اللي بينها وبين فهد مشدود ,, هذا اذا ما انقطع ,,

قعدت ترتب الفطور مع الشغاله وتسمع جرس الباب ,, قالت للشغاله تفتحه يمكن صاحب الجرايد ,,,
كملت الترتيب بس ما رجعت الشغاله عليها واستغربت :::
طلعت تبي تشوف وش فيه الا المفاجأه بكبرها قدامها
مريم وبصوت عالي : سبرااااايز
هيفاء تضمها بقوه وتصيح على كتفها يوم شافتها من فرحتها انها جت ,,, ومريم تضمها بقوه اكثر ,,,,

هيفاء : عمتي وش هالمفاجأه يا الغاليه صدق احلى شي وربي ,,,
مريم : صدق انكم خونه انتي ورجلك اجل كم صار لكم هنا توني ادري امس ,, اول ما كلمتني امي على طول سكرت منكم ورتبت اموري ,,,
هيفاء : يا قلبي وهي تمسك يد عمتها مو مصدقه انها قبالها ,,, فهد نزل على صوتهم عند المدخل ,,
ويصيح لها مرحب بقوووه ,, لا اليوم مبارك اللي شفناك فيه ,,, خذ عمته يضمها له وهو يرحب بها
مريم : زعلانه عليك انت وهيفاء مرررره ,,
فهد سرق نظره لهيفاء اللي ما حطت عينها في عينه ابد ,, بعد ما اختلت بنفسها ,, حرمت انها تدخل في خصوصياته وطلعاته ,, راح تقوم بواجبها في البيت وبس ,,, اما زواجهم خله كذا يمكن يطفش منها ويطلقها ما تستبعد هيفاء اي شي منه ,,,

هيفاء تاخذ عيال عمتها وتسلم عليهم ,, جت ام طلال على صوتهم عند المدخل
ام طلال : حيا الله من جانا يا قليبي ,, اجل سويتي اللي في راسك وجيتي ,,,
استانست هيفاء بوجود عمتها ,, شافت انها بتكسر الروتين الجديد,,,
طبخت هيفاء كبسه تجنن ,, عشان خاطر عيون عمتها ,, وحاولت تسوي معاها خفايف من شوربات وسلطات خفيفه ,,,
دخلت مريم في الغرفة المقابله لفهد
وطلبت من هيفاء تشوف مكان لمروان ,,, احتارت وين توديه ,, بس فهد اللي رتب له سرير متحرك في المكتب انقذها من التفكير ,,
مرت كم يوم مثل البرق مع مريم ,, من الصباح تجهز هيفاء الغداء ,, وتخلي الشغاله تشرف على الباقي ,, وبعدين يطلعون هم والبنات مع بعض ويتمشون ,, وام طلال مره تخاويهم ومره تريح في البيت ,,, استغلت هيفاء الفرضة هاذي انها تجدد لبسها وتضفي اشكال جديده ,,,
ما تدري ليه شرت بس اغراء السوق ما قدرت تقاومه ,,
وهما قاعدين يتقهون العصريه في الحديقه جاهم فهد جاي من جامعته مبكر شوي ,,,
اول ما قعد معهم سلم وسأل عن جدولهم ,, وهو يوجه الكلام لعمته ,,
مريم : ابد جدولنا تحت امرك وش تآمر عليه ,, تبي نروح الاسكيمو رحنا معك ,,,وهي تضحك
فهد : يا ذوووق انتي وهو متجاهل هيفاء تمام : لا عمتي مو الاسكيمو عاااد ,, لا بس البنات اللي معي في الكليه يوم قلت لهم انك جيتي
يبون يجون يسلمون وبالمره يسلمون على جدتي ,,, (( وهو متعمد يسقط اسم هيفاء ))
مريم : الله يحيهم يا عمري ,, خلاص وش رايك ياهيفاء متى يناسبك ,,
هيفاء كان وجهها جااامد مررره ,, اللي تشوفينه ياعمتي وقامت تشيل صينية القهوة تعيد تجديدها ,, وفهد يرفع عينه فيها ,,,
فهد : خلاص بخليهم يجونكم بكره ,,,

دخلت هيفاء المطبخ وهي تغلي ,, لا وبعد بيجون ,, والله اللي ما عندهم دم ذولا ,, لا وبنسلم على جدتك ,,
قعدت هيفاء تشيل الصحون بقوه بدون ما تحس ,, والشغاله مستغربه منها ,,
بعد شوي مسكت اعصابها وقالت للشغاله انهم الليله بيجهزون كم نوع كيكات عشان بكره بيجونهم ضيوف ,,,
كملت يومها عادي مع عمتها ,,
وبعد ما دخلت ام طلال : فاتحتها عمتها بالموضوع ,,
مريم : هيوفه ,, انتي بينك وبين فهد شي ,,
هيفاء : كيف يعني ما فهمت ,,
مريم : مو تدخل والله بس احسك شايله في قلبك عليه وما تكلمينه ,,
هيفاء وهي تأخذ نفس :: لا مو كذا بس سؤ تفاهم وبنحله ان شالله ,,,

دخلت هيفاء غرفتها وسكرت الباب ,, وقعدت على سريرها وهي تتنهد ,, شكلك يا فهد تبي تقضي علي بالموت البطئ
لا وتعزمهم بعد يجون عندنا ,, احترت بقوه منهم ,, وما حست انهم مرحب بهم منها ابدا ,, لكن مالها الا تجامل ,,,
نزلت من الصباح بدري تبي تجهز كل شي بدري عشان تشوف نفسها بعد ,, كانت لابسه جلابيه قطن ,, وحطت لها باندنا على شعرها ,,,
شكلها بدون مكياج يبين نعومتها اكثر مع الصباح ,,
بدت تشوف وش يتفقون عليه ,, وهي مشغوله مرره في المطبخ جاها اتصال من ريما ,,,
ريما : يالله سمعت كلامك ,, وش اكتب له
هيفاء : صح النوم صدق ,, ليه من زمان السالفه ما كتبتي لسى شي
ريما : استحيت والله ,, يالله علميني ترى ما اقدر افكر بالحالي
هيفاء : امممم وش تكتبين ,,, طيب , اكتبي
نواف يا حبي تقدر تتعشى عندنا في البيت الليله ,, ترى مشتاقه لسوالفك مره)) وبس فهمتي لاتزيدين
ريما : اوكي يا عسل باااي وسكرت تبي تسوي اللي هيفاء قالت لها ,,
دخل فهد وهي في المطبخ يبي يفطر ,,
قعد على الكرسي ,, من اخر مره صارت السالفة بينهم ما تكلموا مع بعض ,,
خذ علبة الكورن فليكس يبي يجهز له فطور : لا وتعرفين تنصحين الناس وش يسوون,, علمي نفسك اول ,,
هيفاء جت بتفتح فمها : اوكي
كل بدون نفس وقام وهو وده يحط حرته فيها ,,,
خلصت هيفاء كل شي في الوقت المناسب ,,
وحصلت جدتها قاعده في الحديقه تشم هواء ومريم شكلها نايمه ,, طلعت غرفتها ,,
من صارت المشكله مع فهد معد صارت تمس له شي والشغاله هي اللي تجي وترتب كل حاجه ,, وما سمعت منه اي اعتراض ,,,
خذت شاور ,, وفكرت وش تلبس ,, تبي تبط عيونهم من قلب ,, اول مره هيفاء تحتر ,, حتى مشاعل اللي سوت فيها البلاوي ما انقهرت كذا ,, هل لانها حبت فهد جاها هالاحساس ,, والا مجرد تملك لفهد وبس ,,,

طلعت الفستان اللي شرته مع عمتها من قماش الشتريش الحرير ,,, بلون الفستق يديه كت وله رقبه على فوق مع تكسير صغير في الطرف
ثم بروش بالكريستال في وسط الرقبه ,,ويشد على الجسم كامل لحد ما يجي من تحت ويكون له قصة دائريه وهي تمشي ,,, طلعت صندل حرير ,, خذته معه ورولت شعرها وحبت انها تسوي مكياج اخف من الخفيف ,, مجرد رتوش ,, بس كثفت الماسكارا ,,
رضت عن نفسها ,, وقعدت تتعطر من كل العطور اللي عندها لحد ما صارت كوكتيل عطور راقيه يمشي ,,
نزلت تحت ,, ما تدري عن فهد ابد وما تمنت انها تشوفه ,, لانها مو راضيه عليه وودها بس تقهر صاحباته وخصوصا اللي اسمها ساره ,,,

ما شافت حد في الصالة لا ام طلال ولا عمتها فطلبت البخور من الشغاله وتركت المكان يسبح في رائحه مغريه تخليك تحس بالانتعاش ,,,
قعدت على حالها نص ساعه ,, دخل عليها فهد وهي في مكانها ,, انشغلت بالجوال ما تبي تشوفه ,, وقف في مكانه منذهل من شكلها ,,
ضحك داخل قلبه وعرف انها غيرانه من البنات وتبي توريهم جمالها ,,,
بس هو عاهد نفسه انه يأدبها ,, لا لا ما اقدر امدحها الحين ,,
دخل لعمته يبي يكلمها عن الضيوف ,, وطلع وهي تسمعه يقول لها ,, خلاص اذا طلعوا كلميني ,, وصفق الباب وراه ولا كنها موجوده ,,
اثر فيها موقفه بس لازم تكون قويه ,,,
طلعت لها عمتها وهي لابسه فستان من الشيفون الملتف على الجسم وبربطه على الخصر ,,, ورافعه شعرها في ربطه كبيره ,,,
جتهم ام طلال ,, وقعدوا يعلقون على اشكال بعض ,,,
وصولوا الضيوف بعد ساعه ,, وكانوا متأنقين وكنهم في بيوتهم ولا عبايه ولا ستر ولا شي ,,
ساره كانت لابسه بنطلون جينز ومعاه توب علاق وفيه فص كريستال عند الصدر,, وشعرها مسويته كرلي كثيف ,,, وصابغته بلون البرونز الفاتح مع خصل ,,,,
كانت طريقتها في الكلام جريئه مرره ,,
وتحب تثبت للجميع انها وفهد اصدقاء من دون الباقين يعني كنها تقول فهد يخصني ,,,
وهي تسولف قالت : انتظرت فهد عند بيتي عشان يوريني البيت ,,
زين ما طفش مني اخرته ربع ساعه ,, تعرفين اذا جاء الواحد يطلع لازم ياخره شي ,,
الا صديقتها هند تلقف السالفه : طيب وش اخرك ,,
ساره : فهد طلب مني شغله ولحد ما لقيتها مر الوقت بسرعه ,,,
تسولف ولا كأن هيفاء زوجة فهد ,, وهيفاء اللي تراقب الوضع ,, تحس ان البرود غلفها تماما ,,,
لاحظت ان ساره كل شوي تشوفها وهي تقوم بواجب الضيافه ,, وطريقة التقديم ,, وكل ما انتبهت ال هي تشوف تقاطيع جسمها وتدقق فيها ,,
هند وساره يسولفون بصوت خافت
هند : ما توقعتها حلووووه كذا
ساره : عاديه ما فيها زود
هند : يا شيخه حرام عليك كل هذا اللي قدامك وتقولين عاديه ,, لكن وش اقول اكيد غيرانه منها
ساره : انا حشى علي اغار ,, ولا عشره مثلها ,,,

انتهت السهرة على خير وما بقوا يروحون كنه جبل على ظهر هيفاء حستهم مره اثقال وشايفين حالهم ,, اللي تبي توصله لهم وصلته وهي مرضيه نفسها ,, والباقي ما همها ,,
اول ما طلعوا دقت مريم على فهد : تقدر تجي ,,
هيفاء : غريبه هماهم معه في الجامعه ليش يستأذن انه يجي ,,
مريم : مدري يمكن مو حلو يقعد معهم قدامنا عادي ,, بعد هذولا زملائه ,,
مريم كل ما جات هيفاء تقوم تبي تسوي شي تقعد تلهيها بالسوالف ,, كان ودها ان فهد يشوفها بذا الشكل ,,,
لما جاء فهد على طول قعد جنب عمته وسولف معها عن السهرة وش انطباعها عنهم ,,
قامت هيفاء وهم يسولفون وراحت لغرفتها ,, حست نهارها طووووويل ,, ونفسيا تعبانه ,,بدلت ولبست لها بيجاما قطن ,, فكت شعرها
ودخلت سريرها ونامت على جنبها ,, وفكرت في حالها الى متى وهو مايل ,,, ما حست بكثر الدموع اللي نزلت لانها حست انها تغسل قلبها برفق ,,,,

ابتداء يوم جديد لكن معه مفاجأت جديده وما توقعتها هيفاء ,,
وهما جالسين في منتصف النهار في الحديقة القت عليهم مريم الخبر اللي معها وحطتهم امام الامر الواقع
مريم : شوفوا ما ابي اي اعتراض ,, امي بتسافر معي لحد ما تزهق مني ,,,
ام طلال وهي تضحك : والله ما ينشبع منك يا مريم بس استحي من زوجك عاد ,,
مريم : يمه ما علي منك دامك وصلتي اوربا خلاص بتروحين معي يعني بتروحين معي ,,,
هيفاء حست انها ضايعه في وسط زحمة القرار وحست بالوحده صدق لو تسافر جدتها
هيفاء تكلمت وتحاول ما تغص بالكلمة : حرام عليك ياعمتي ,, ما اقدر استغني من جدتي ,,
مريم : انا رتبت الحجوزات بكره ولا فيه رجعه اعذروني عاااد ابي امي شوي وهي تضحك بصوت عالي , (( الجزء الخامس والثلاثين ))


في صباح يوم باهت جدا لهيفاء ودعت جدتها وعمتها مريم عند الباب ,,, وما قدرت تعتب خطوه ثانيه ,,فهد قال الافضل انها تقعد في البيت وما تطلع معهم لمحطة القطار ,,وتعذر ان عنده محاضره الساعه الجايه ,,
سكرت الباب وراهم وهي تحس ان روحها طلعت معهم ,,, وان الدنيا بدون جدتها ما تسوى ,, اكيد ان فهد له دور كبير بأحساسها ذا ,,, صايره علاقتهم تسد النفس وجافه ومالها معنى ولا طعم ,, او بالاحرى حست ان فهد زهق منها بطريقة تجاهله لها ,, بس ياليتك تدري اني تعبانه من الوضع ذا ومو عاجبني لكن الشكوى لله ,,,
دخلت المطبخ وشافت الصحون في المغسله تبي تنظيف ,, راح وقت الراحه يا هيفاء شدي حيلك ,, ام طلال ما قدرت تستغني عن الشغاله اللي تساعدها ,, ووعدت هيفاء انها ما تتأخر عند مريم كثير ,,,
حست بالهدوء والوحده تلف المكان ,, ما تدري هالشي ريحها والا ازعجها بس الاكيد انه شعور غريب انها راح تكون مع فهد بالحالها فتره معينه ما تعرف وش كثرها ,, لكن تمنت من قلبها ان الفتره تعدي ذي على خير ,,,
طلعت فوق واستعدت نفسيا لكل شي ورمت الضيقة ذي وراها مؤقتا على الاقل ,
لبست لها بنطلون قطن مع توب قطن ورفعت شعرها على ورى ,,, ورجعت للمطبخ ,, وابتدت في تنظيفه ,, ما اخذ منها الا ساعه فقط وتتركه مثل المرايه اللي تصقل ,,, جت بتطبخ بس هي مو عارفه فهد بيجي والا لا ,, خافت تسوي شي ولا يجي ,, بغت ترسل له مسج وعقب هونت وعزمت انها تسوي غداء خفيف غير معتاد ,,, قبل ما تحضره راحت لقسم ام طلال وجهزته ثاني وقامت بتغير المفارش وسكرته ,,, ما بقى الا الصالة تحت والمكتب ,,,
حاولت تغير الزهور الموجوده وتفتح النوافذ يتهوى المكان ,, دخلت على المكتب وسكرت سرير مروان وحطته في الاستور ,,
شافت اوراق فهد ,, وجاها فضول انها تشوفها كان ودها تشوف شي كذا يفتح نفسها يمكن اسمها مثلا ,, وهو يشخبط على الاوراق ,,
هيفاء انصدمت ان اوراقه جامده مثلها ,, والله مغتره بعمرك يا هيفاء يكتب فيك شي ,,,
طلعت من مكتبه وحست انها نشيطه اكثر بعد الشغل ودخلت غرفة فهد ,, نظفتها وغيرت مفارشها ,, وقررت انها تبخرها اخر شي
رجعت لغرفة عمتها مريم وقعدت تنفض المفارش وتغيرها ,,, وهي تلم الأغراض لقت ورقه على التسريحه مسكره ,,,
خذتها وفتحتها وهي تتأمل الحروف المكتوبة ,,
(( عزيزتي وغاليتي وحبيبتي هيفاء ))
خذيت امي معي ابي جووك انتي وفهد يتغير ,, وعلى فكره
ما راح يتغير الا اذا ابتديتي انتي معه ,, حسسيه انك تبينه وانه دنيتك ,,
فهد محتاج هالشي منك ,, واذا انا اعرف هيفاء راح تسمع كلامي ,,,

سكرت هيفاء الورقه وحطتها في جيبها وقعدت على الكرسي وهي ضايقه من نفسها ,, اكيد عمتي شافت الحال اللي ما يسر احد ,,
طيب ليه ما وصته علي بدال ما تقول لي انااا ,,,
طلعت لغرفتها اخر مكان تبي ترتبه ونست الجوال فيه لما نزلت تحت ,, لقت مسج من فهد
(( لا تنتظريني على الغداء برجع متأخر )) كانت واقفه وقعدت في كرسيها من الزهق ,,, وحست ان النشاط كله اللي من شوي راح في دقيقه وجاء مكانه عجز نفسي اكثر من مما هو جسمي ,,
دخلت خذت شاور لها ,,,
يغسل تعبها وهمومها وحطت راسها تبي تنام يمكن تنسى وضعها شوي ,,
من جهة ثانيه كانت ريما مرسله لنواف مسج على اتفاقها مع هيفاء ,, لكن نواف اللي كان معزوم اجل زيارته لريما وقت ثاني وبيعطيها خبر ,,
هو شاف انه مبين لريما شوووقه بزياده فما بغى مره عاد يطيح عمره فقال يخف شوي ,,وخصوصا ان ريما تثيقل شويه ,,,

استعدت ريما عصر ذاك اليوم عشان جية نواف ,, مو عارفه وش تسوي ,, حبت انها تسوي حاجه تعلق في مخه ,,
سوت له شي خفيف شنادويتشات خفيفه مشكله ,, وحلووو التراميسو بطريقتها المميزة ,, ونوع سلطه خضراء ,, ما تبي شي اوفر ,,
بعد ما خلصت ترتيبها فهمت الشغاله على الرتوش الاخيره ,,, وطلعت لغرفتها ,, نواف بيجي بعد ساعتين وتبي تاخذ راحتها بالتجهيز ,,
اول ما دخلت تاخذ لها شاور ,, دخلت لمياء الغرفه وقعدت تحوس فيها شوي لحد ما تطلع ريما,,
طالعت نفسها في المرايه وهي تشوف بطنها الصغير اللي ما يبين حتى انها حامل ,, وتحاول تخفيه اكثر بالقمصان الواسعه شوي ,,,
كونت علاقه حميمه جدا مع بيبها الصغير ,,, كانت الدكتوره تبي تقول لها وشهو ,, بس هي رفضت تبي مفاجاه لها ولفيصل ,,,
جاها اتصال من فيصل
فيصل : قلبي وينك مو في الفيلا
لمياء : انا عند ريما يا روحي تبي اجيك ,,,
فيصل : لا يا قلبي انا ودي اطلع معك للمزرعه كم يوم ما عندي شغل ,, بس اخاف عليك تحتاجين شي ,,
لمياء طارت من الفرحه : بالعكس مو محتاجه شي ودي نغير جو عن هناا ,,,
فيصل : خلاص بنروح بكره الصباح مشتاق اقعد معك بالحالنا بعيد عن الروتين ,,,
سكرت منه وابتسامتها ماليه وجهها على جية ريما من جووووه ,,
ريما : اكيد فيصل يبيك ,,,
لمياء : تقدرين تقولين كذا ,, يالله وش بتلبسين ترى جايه اعرض خدماتي ,,,
ريما : يعلني افدا قلبك يا غاليه ,,, دوم حركاتك تونس ,,,
لمياء وهي تضم ريما لها : الله يسعدك ويوفقك مع نواف ,, شكله شاااريك مررره ,, فيصل يهذري به ,,,
ريما ترفع يديها بالحمدلله ,, يالله ساعديني ,,,

ما تدري هيفاء يوم قامت كم الوقت ,, شافت الدنيا ظلام ,, ما تدري هو جاء والا لا ,, قامت غسلت وجهها ,, ولبست لبس رياضه ناعم ,, ورفعت شعرها ,,, لبست عليه طوق ترفع غرتها ,,, نزلت تحت تبي تشوف هل له اثر ,,,
لقت باب المكتب مفتوح وفهد قاعد يكتب بحثه ,, تحركت في المكان وهي تسوي صوت في مشيها يمكن ينتبه لها انها فيه ,,
فهد التفت على ورى وشافها عند الكنب ,, رجع كمل بحثه ,, شكله مواصل تجاهله ,, خله يشبع اجل ,, رجعت للمطبخ سوت قهوة تعدل المزااج حست بصداع رهيب ,,, جوعانه بس طريقة فهد سدت نفسها وحست بتقلصات في بطنها من التوتر ,,,
شكله ما يبي ياكل ,, والا اكيد ماكل برى ,, مسجه يدل على هالشي ,,
خذت توست وحطته على الطاوله مع مربى ,,, ,,, وجابت القهوة وصبت لنفسها فنجال تبي تقعد راسها ,,,
دخل فهد وشافها سرحانه في قهوتها ,,
خذ الكرسي اللي مقابلها وفره وقعد في وجهها وحط يديه على الكرسي ,,, فهد : كل هذااا نوووم
هيفاء استغربت منه اكيد دخل وشافها نايمه : لا ماعندي شي اسويه قلت انام ,,,
فهد : طبختي شي اليوم ؟؟؟
هيفاء : شفتك ما تبي تجي ما سويت شي !!
فهد : اجل وش بتتعشين ,,,
هيفاء : تأشر على التوست ,,
فهد : خلاص سوي لي معك واحد ,,
هيفاء مسكت التوست وقعدت تمسح عليه المربى وتحط قدامه في الصحن وهي ساكته ,, فهد يشوفها شوي وتلهى في صحنه شوي ,,
مشاعره من جوووه متضاربه ,, تجاهلها فتره بس شكلها مستسلمه للوضع وما تبي تغيره ,,,
ما تكلمت حرف واحد ,,, كملت قهوتها ,,, وشافت ان الصمت طال بينهم ,, وما تبي تفتح اي سالفه ,,,
خذ فهد كوب صغير وملاه قهوه وطلع من المطبخ ,,,
اول ما طلع خذت توست تبي تسوي لها ,, اول لقمه تحطه في فمها غصت فيها بعبرتها,,,نزلت التوست ومسحت دموعها بيدها ما تبي يشوفها كذاا ,,,
قامت للمغسله وغسلت وجهها بسرعه وهي تحاول تفتح عيونها بكبرها عشان ما تدمع ,,,
خلت كل شي وطلعت لغرفتها ,,,
الله يعيني هل الوقت بيصير معه كذا ,, والله ما اقدر اصبر على الوضع ذا ,, هو ما يشوف نفسه وش يسوي ,, ليه ما يفكر اني انسانه لي مشاعر ,, انا مو طوفه يسوي اللي يبي ويبيني اسكت ,, اووووف ,, يا ربي ساعدني ,,,
ضاقت بقوووه من الوضع ومن فهد ومن نفسها ,, وقامت تصلي وترجع تنام يمكن ترتاح ,,
فهد يشرب قهوته ,, ويكمل بحثه ويفكر فيها ,, شكلها طفشانه مني بس لازم تعرف متى تمسك لسانها مني ,,
قعد ساعه كامله وهو يدرس اوراقه وطلع لغرفته يبي يرتاح عقب يوم طويل ,,,,
هيفاء بعد ما صلت دخلت في فراشها ونامت ,,,

تأنقت ريما بكامل زينتها ,, وببساطه شديده ,, لبست لها فستان حرير فرنسي ,, بلون البيج الفاتح ,,,
يجي فيه تطريز بالحرير باللون المشمش على شكل ورود في الكتف مع ريش صغير على الطرف..
ولبست مع صندل عالي مرره بسيور كلها ستراس ذهبي باهت ,,,
وما بقى الا مكياجها اللي ساعدتها لمياء في وضع الالوان الهاديه ,,
نزلت في المجلس وهي مشدوده تبي يمر الوقت بسرعه ما تحب الانتظار ,,,
بعد ما عطرت المجلس بالبخور ,, وقعدت شوي تنتظر ,, جاها اتصال من نواف انه عند الباب ,,,
قامت له ريما وفتحت الباب ,,
اول ما شافته صافحته بيدها لكن نواف ما اكتفى بكذا واول ما مدت يدها قربها عنده وباس خدها ,,
ريما انحرجت منه ,, وما تبيه يأخذ على كذا,,, بس ما تقدر ترده ,,,
دخل نواف المجلس ,, وهو يدقق في ريما وشكلها اللي كل ما شاف شي تنهد من قلبه انها قباله ,,
نواف : يا ناس ابي اتزوج ,, تلوموني في اللي قبالي ,, ابيه وربي ابيه ,,
ريما نزلت عيونها في حضنها وصارت اذنها حمراااااء من الاحراج ,,
ريما : كيفك اليوم ,, عسى ما خذت في خاطرك علي ,,
نواف : انا ازعل على الدنيا كلها الا انتي ,,, حتى لو صديتني وجفيتيني , انتي روحي ,,,,
الظاهر اني بخلي فهد يرجع في اقرب اجازة انا ابي زواجنا بسرعه ,, معد اقدر اعيش بدونك ,,,
ريما وهي مبتسمه وما فيها تقول شي احرجها بغزله العفيف ,, اللي يعبر عن صبره هالسنين انه قرب يوقف ,,
نواف : ويأشر لها انه يبي يقول لها شي ,, ارخت ريما سمعها وما شافت الا نواف يهمس لها بكلام تأثرت جدا انه يحوي كل هالمشاعر لها ,, وعزمت انها تبادله مشاعرها بهدوء والتزام وفي حدود ضيقه جدا ولا انه يفكر انها سلبيه وما تبيه ,,,

بعد ماخلص فهد برنامجه في غرفته وغير ملابسه خذ له كتاب يبي يقراه لين يدخل في النوم ,,, شاف مسج من ساره ,, انها بكره بتجي للجامعه مبكر اذا وده يفطرون مع بعض ,,
ماحب يرد له وهو مو عارف وش مزاجه بكره فرجع الجوال مكانه ,, لاحظ ان ساره بدت تتقرب له بعد ما شافت هيفاء ,, عكس اول ,, تحسب هي بتجيب راسه وانه يموت عليها ,, لكنها غيرت خطتها بعد هيفاء ,,, اكيد ان هيفاء منافس قوي لها ,,,

هيفاء شافت نفسها في سريرها وساره داخله غرفتها وقربت لها لحد السرير وهي فاتحه عيونها ويتطاير منها شرر ,, ووراها فهد وصديقتهم هند ورجال ماعرفته وساره متقدمتهم ,, وتروعت انهم داخلين في غرفتها بدون اذن وهي بقميصها وشعرها ماعليه حجاب ,,
ساره بأعلى صوتها : انتي مالك مكان هنا ,, يالله قومي والا ذبحتك
هيفاء تبي تتكلم بس صوتها ما يطلع كلش ,, تحاول تصرخ وتستغيث في فهد لكن مافي امل كنها اللي يغرق في مكانه ,,,
قربت ساره للسرير ومسكتها من رقبتها : انتي لازم تموتين ,, وتضغط عليها بقووووه

فهد اطفى النور وجاء بيحط راسه ينام الا ويسمع صرخة هيفاء تهز البيت ,,,, قام بسرعه وطلع جري لفوق ,, فتح عليها الباب ويشوفها قاعده وهي تحط يدها على رقبتها وتصيح ,,,
فهد : اسم الله عليك وشفيك يا قلبي ,,,,
هيفاء اول ما شافت فهد قدامها وان اللي شافته كان حلم انهارت على صدر فهد تبكي مثل البزر ,,, وقعدت تنشج بقوه وفهد يضمها اكثر ويحاول يهديها ويمسح على شعرها وكتوفها وظهرها وهي تهتز مثل الورقة في يوم باااارد ,,
فهد : بس يا عمري ,, انتي معي ما فيك شي ,, قعدت ربع ساعه وهي تجمع نفسها تبي تسكت وما انتبهت ان فهد قده معها في سريرها ,, اللي تحتاجه الحين الامان وماحست به الا معه قعدت متمسكه في قميصه ما تبيه يروح ,, وفهد اللي ارتاااع عليها قعد قلبه يرجف من خوفه عليها ,, قعد يقرأ عليها شوي لحد ما تطمنت نفسيا انها بخير وحط راسها على صدره وسندها جنبه عشان تنام ,,,
وهو يسمع دقات قلبها السريعه ,, حاول يمسح عليها اكثر عشان ترجع لطبيعتها ويكمل قرايه عليها ,,, كان شابك يده في يدها وكل شوي يحب جبينها ويضمها بحنان ,, حسها طفله شافت حلم مفزع كابوس ,, شي يفوق الوصف ,,,
هيفاء مع مرورالوقت ارتاحت وخذت نفس طبيعي :اسمح لي ازعجتك
فهد وبهمس شديد : ارتاحي ,,
بعد فترة صمت تتنهد بقووووه ,,
فهد : اسم الله عليك,,انتي شايفه شي يروعك ,,,
هيفاء وهي تهز راسها بأي ,,,
فهد :وشو يا عمري ,,
هيفاء .: شفت اللي اسمها ساره تذبحني,,
فهد: تخسي الا هي ,, محد يقدر يمس منك شعره وانتي معي ,, ارتاحي يا قلبي,,,
ارتاحت هيفاء ونامت نومه مريحه وهي تحس ان فهد جنبها وبيحميها ,,, بعد فتره لما استغرقت في النوم ,, قام فهد ولحفها زين ونزل لغرفته وهو يتذكر صرختها من شوي ,,, وراه يوم طويل ويبي يرتاح شوي قبل الصبح ,,,,

قام فهد من الصباح وطلع للجامعه وهو يشوف صورة ساره الكريهه ,, ما عجبه حلم هيفاء وزياده على ذلك يشوف ان ساره تحاول تتلصق فيه ,,,
راح للصراف يبي يسحب مبلغ يسلمه للجامعه لكنه تفاجأان بطاقته ما تشتغل ,, اكيد بسبب قطع ,,,وما شابه وتذكر ان هيفاء عندها ببطاقته ,, عزم انه يكلم هيفاء فيها,, ,,,

قامت هيفاء وهي متكسره مرره من البارح وفزعتها ,, ما درت متى راح فهد بس من قلبها اثنت عليه انه وقف معها ويحاول يخفف عنها وكلما تذكرت كلماته اللطيفه تنحرج وتنبسط منه ,,,
قامت تبي تسوي غداء بتحسب له جاء والا ما جاء اهم شي يعرف انها مهتمه فيه ,,,,
بعد ما خلصت كبستها ,, طلعت تبدل ملابسها من المطبخ ,,,, وبخرت بيتها ,,, وترسته عطور ,, ودها تسوي لفهد اي شي يريحه مثل ما ريحها اليوم ,,,
ماجاء فهد على العاده نفس اول فقالت يمكن يبي يتأخر شوي ,,,الغايب عذره معه ,,,
طلعت في الحديقه وقعدت على الارض وتركت الكراسي ,, وضمت رجلها لجسمها وقعدت تتذكر ايام قعدتها عند امها لطيفه,,, تذكرت الجميع فأمتلئت عيونها دموووع !!!
شافت فهد واقف قبالها ,,
فهد : مساء الخير
هيفاء : مساء النور كيفك اليوم ,,,,,,
فهد وهو يشوف الجووو مليان مشاعر ,,وقفها ,,

يبي يشوف رقبتها والا عيونها تجي في عيونه كذ يالصدفه ,, شاف الدموع المليانه ,,,
فهد : فيك شي
هيفاء : مشتاقه لريما ولمياء ,,,,
فهد : تبين ترجعين الرياض
هيفاء انصدمت من عرض فهد ,, وكملت له ,, بنتظر جدتي لين تجي وبنشوف ,,,,,
كمل فهد شغله اللي جاي عشانها)))وسألها مباشره
فهد : انا عطيتك كرت الصراف معك هالحين ,
هيفاء :|اي موجود
فهد : طيب ممكن تعطيني اياه محتاجه ,,
هيفاء : اكيد ثواني بس ,,,
فهد كان في الصالة ينتظرها ,,, رجعت له معها الكرت ,, واعتذرت منه انها نست تعطيه ااياه من زمان ,,,
فهد : متى تبين تتغدين ,,
ما توقعت هيفاء يسألها هالسؤال ,,
هيفاء : اذا رجعت بتغداء معك ,,
فهد وهو طالع غمز لها ,, وهو كذلك ,,,

فرحت هيفاء من قلبها لحركة فهد وحست وش كثر يصير حنين اذا بغى وشلون يعصب اذا بغى وشلون يتجاهل اذا بغى

ما راح تترك له فرصه لازم يكون عندي ,,,,

جهزت هيفاء الغداءوحطت كل شي في مكانه ,, وما ناقص الا انه يجي ,,,

بعد فتره بسيطه جاء فهد وهو معاه اكياس ,, لكن ما عرفت وش داخلها وماتبيه يحس انها فضوليه ,,,
نزل فهد الاغراض في المكتب ,, وطلع لها يبي يشوف وين بيتعشون ,,,

لقاها في المطبخ تحط الاكل ,,,,,
قعد على الكرسي وهم في سوالف ,,, بحاول اجيب جهدي ,,,
فهد : ما حبيتي الخاتم اللي جبته لك,,,
هيفاء بالعكس رووعه ,, بس حطيته لين تجي مناسبه والبسه ,,
فهد : ممكن اشوفه في يدك ,,
هيفاء وهي تأشر لعيونها : من عيوني ,, طلعت وجابت الخاتم ,, وحطته بين ايديها ,,,,,لبسته وهي نازله ,, قام لها فهد وشاف يدها والخاتم فيها ,,,,مسك يدها وباسها وهو يحرك الخاتم في يدها
فهد : روووعه عليك ,,,
هيفاء : عيونك الحلوه ,,,
فهد : طيب ممكن تروحين للمكتب وتأخذين الاغراض اللي فيها وتشوفينها على رووواق ,,,,
هيفاء : اكيد ,, فهد وهو يمسك يديها ,,,
فهد: انتي تعرفين قدرك وغلاتك عندي,,,,
نزلت هيفاء عيونها تحت ,, ورجع يرفعها وهو يمسح على رموشها بيده ,,,
ابيك تفكرين زين اذا تبين تكملين معي هنا والا ترجعين للرياض ,, لاني ما ابي اطين عيشتك معي ,, فاهمه يا عمري,,,
اشرت بأي وطلعت فوق ,, تبي تأخذ نفس شوي ,,, ليه ما يفهم اني احبه واغار عليه ,, ليه ما يفهم انه دنيتي وبالحاله يخليها حلووه اكثر ,,,
فتحت الاغراض اللي فهد جابها معه ,,, تفاجأت من ذوووقه جايب لها اشياء اكيد انه يبي يشوفها عليها ,,,
عزمت هيفاء على شي ,, وقررت انها تسويه والحين ,,,,
,, ((الجزء السادس والثلاثين ))


شافت هيفاء انها لازم تتخذ الخطوة االثانية ,,وتجرب اللي جابه فهد وتشكره عليه ,, لما خذت الاكياس من المكتب ما توقعت انها لها الا لما قالها فهد ,, اعجبها ذوووقه جدا ,, قريب عليها شوي بس فيه جرأه ما تعودتها في اللبس ,, تعجبها هالاشياء لما تروح للسوق بس تترد تأخذها لانها ما تشوف العلاقه مع فهد ممكن تسمح لها انها تلبس اللي تبي ,,, زاد على ذلك ان الوضع اللي صار بينها وبين فهد وجفاه لها ,ترك حاجز ما بينهم , لدرجه انها كنها تعرف فهد لاول مره ,,,
فرشت الملابس اللي شراها فهد ,, اول حاجه فستان قرمزي من الحرير االمطفي ,, قصير ,, وشاد على الصدر فقط ,, ,, حست انها بتصير جريئه فيه ,,استحت من شكلها ,, بس يالله هو شرى لي ,,, ومعاه اكسسوارته بالكامل ,, بالأضافه لقميص حريري اوف وايت مشغول بالدانتيل الحريرعلى الصدر ,,,شافت ان هذا معقول شوي ,,
خذت الكيس الثاني وكان ملفوف بورق الهدايا الشفاف ,,, حاولت تفتح جزء منه ما تبي تخرب الشكل ,,, اول ما شافت وش فيه صعقت ,,
شلون قدر فهد يشتريها ,,, حطت يديها على وجهها من الحياء ,, ورجعت سكرتها ,,,
قررت انها تسوي لفهد مفاجأه بس مو اليوم ,,,تبي تفاجئه من نفسها ,, مو عشان رد لهديته ,,,
سكرت الاغراض ,,, ونزلت تحت شافته في المكتب ,,
حاولت تكسر طابع الحياءاللي فيها ومخرب عايها كل شي ,,
هيفاء : مشغول
فهد وهو يحط القلم على اوراقه ..: افضى لك
هيفاء : لا بس بغيت اسئلك لو نقدر ننزل الويكند لندن ,,,
فهد وشوقه لهيفاء طالع من عيونه,:قام مقابلها ,, ومسك يدها وشاف الخاتم يدور في يدها من ضعفها ,,
فهد وهو مبتسم لها ويرفع صبعه لعيونه : من عيوني ,,
انحرجت هيفاء وضحكت ضحكة احرجتها شوي ونزلت يدها تبي تطلع من الغرفة
لكن فهد كان اسرع منها وشد يده على وسطها : ليه مستعجله,,
هيفاء وهي متوتره حدها من قرب فهد: لا بس ابيك تكمل دراستك,,,
فهد : انتي دراستي ,,, وضمها فهد لصدره وهو مستمتع بقربها وتنهد بقوه : عساها خاتمة الزعل يا قلبي ,,
حررت هيفاء نفسها وهي مبتسمه وطلعت من الغرفه ,, وهي تضحك على نفسها وشلون قدرت تسوي ذا كله ,, شكلك يا هيفاء بتجيبين العيد عند فهد وبيعرف انك تموتين فيه ,,,
راحت لغرفة جدتها تبي تشم ريحتها ,,,,وتحس انها قريبه منها ,,,
اااه يا جدتي كان ودي انك هنا وتشوفين فرحتي ,,, حست بارتياح عميق يتغلغل في روحها ,, وشافت ان الفتره اللي راحت صفحة كئيبة جدا من عمرها ,,,
طلعت فوق ومرت من جنب غرفة فهد ,, وحست بحنين انها تدخلها ,,ما تبي فهد يضيع منها ثاني كل ما التقوا في نقطه ويتمتعون مع بعض ساعات يتفرقون من بعدها اشهر كثيره وهكذا ,,, ما بغت تخرب اللي في راسها ,, فطلعت فوق لغرفتها وهي عندها مليون فكره وفكره عن حياتها مع فهد ,,,,,

فهد في الجامعه ووسط الجروب ,, ماصار يطيق يشوف ساره بعد حلم هيفاء وحس انها بنت ماصخه جدا مالها هويه ,, وما يدري ليه الشكل ذا تخفي من تحته لؤم وخبث ما ريحه خصوصا ضحكتها اللي ما تخفى عليه وش تحمل ,,,
كان رائد وهيثم يدردشون عن موضوع يخصهم وفهد جنبهم مستمع لهم ,, جتهم ساره وهي تتمشى بدلع ,,
ساره : هاي شباب ,, تجون معنا للباربكيو بكره ,,,
هيثم : اكييييييد ..وهي عينها على فهد اللي ما قال ولا كلمة ,,
ساره : خلاص فهد نشوفك بكره ,,,ما رد عليها وشافت انها بتفقد اعصابها فعزمت انها تروح ,,, هي ما تبي تخسره ,,
ارسلت مسج لهيثم (( لازم تجيب فهد احسه حيييل طفشان ومو قادر يتكلم ))
هيثم مبسوط ان ساره قدرت تعرف شخصية فهد ولو ما تكلم ,, ومادرى انها تحاول تتودد له عشان يقنع فهد يجي ,,,
قام فهد يبي يخلص المحاضره اللي عنده ,, وحصل اتصال من نواف ,, عزم انه يكلمه اول ما يطلع للبيت ,,

بعد ما حضرت لمياء الاشراف على الغداء دخلت تغير ملابسها لين يجي فيصل اللي من قام وهو يدرب الخيول شوي ,,
جاها اتصال من هيفاء وعلى طول رفعت الخط وبعد السلام
هيفاء : زعلانه عليك يا القاطعه
لمياء : يا قلبي تدرين بي انتظرك في كل وقت لأني ما اعرف وقت فهد متى موجود ,,
هيفاء : لالا مو عذر ,,
لمياء : هوصح انا طلعت المزرعه فيصل وانشغلت لكن اول ماعرفت ان جدتي راحت مع عمتي مريم قلت اخليك تأخذين راحتك مع فهد
هيفاء : المهم بشريني عن الحمل شخبارك معه
لمياء وهي تسولف لهيفاء عن فحوصاتها واخر مواعيدها ,,ثم انتقلوا لزواج ريما واستعدادتهم له ,,,
لما سكرت هيفاء قامت تبخر المكان قبل يجي فهد ,, هذا اذا كان بيجي في نفس وقته ,, بعد التغيير المفاجئ بعد هديته حست هيفاء كذا انه ممكن يجي بدري,, وتطلعت للويكند بعد بكره ونزولهم لندن ,, في بالها افكار كثييره لشكلها وودها تتجهز براحتها وما تحس انها مضغوطه مره ,,,


مع الجو الربيعي ونسمة الهواء اللي ترد الروح طلع فهد من الجامعه وهو في باله فكره يبي يحققها ,, اجرى اتصالته ولما خلص تذكر نواف فرجع يدق عليه ولما جاه صوت نواف وهو يرحب به ,, تذكر فهد شوقه لنواف وجلسته اللي ما يملها ابد ,,
فهد : عاش من سمع صوتك
نواف : عاشت ايامك يالغالي ,,
فهد : اخبارك وش علوم الرياض ,, ظل فهديسولف مع نواف عن اخبار ربعهم ,, لحد ماقال له نواف: فهد انت متى بتخلص ,,
فهد: اكيد تبيني اخلص عشان تتزوج مو عشان تشوفني
نواف : افاااا عليك ابيها كلها طبعا بس ودي نرتب مواعيدنا ونخلص
فهد خلاص رتبه بعد شهرين بنزل للرياض ,,
نواف انبسط من اتصال فهد وعلى طووول اتصل على ريما يبي يعطيها اخباره ,,,
هيفاء قاعده في الصالة تشوف التلفزيون ,, متمدده على الكنبة سمعت صوت المفتاح ونطت على طول واقفه ,
دخل فهد وهو رافع نظارته وابتسم اول ما شافها وقفت هيفاء وهي تقول له : مساء الخير ,,
قرب فهد صوبها وهو يمد يده لها يسلم عليها,,او ما سلمت عليه هيفاء خذها عنده وباس خدها
فهد : بعد اليوم ما ارضى ابدا الاتسلمين علي كذا اذا دخلت ,,ضحكت هيفاء ضحكتها الخجلى وهي تقول له : من عيوني ,,,
فهد : عندي اقتراح وابي اشوف رايك ,,
هيفاء : لبيه,,
فهد : انا اللي لبيه ,, وش رايك نروح لندن الليله ونقعد فيها ثلاث ايام كتغيير ,, بدل يومين ,, ويكون عندنا وقت نتفرج اكثر ,,
هيفاء :: اممم ما جهزت اغراضي بس يالله وليه لا بجهزها بسرعه ,,
فهد : اجل يالله وهو كذلك اطلعي تجهزي ,,, رتب فهد اوراقه في المكتب ,,,وطلع يرتب شنطته ,, فيما هيفاء خذت لها شنطه صغيره ,, وحطت فيها كل اللي تحتاجه حق هاليومين ,, كانت مرتبكه من سرعة الترتيب وما تبي تنسى اي شي ,,, وهي منهمكه في جوووها ما انتبهت لفهد وهو واقف عند الباب يتأملها بحب ,,من متى وهو ينتظر هاللحظه ,, انه يشوف هيفاء معاه وهي مبسوطه وفرحانه وما يكدر عليها شي ,,,
فهد : خلصتي ,,
هيفاء : ايه تأخرت عليك ,, فهد وهو يمسك شعرها بين ايديه ويحاول يشمه وياخذ نفس عميق ,, الوقت معك ماله حد ,,خذي راحتك يا قلبي ,,
ما تعودت هيفاء على غزله الصريح كذا وفهد كل ماله ويزيد في حركاته ,, امتنت له من قلبها وودها تسعده ,, بس ودها يعطيها فرصه شوي ,,
هيفاء تحركت تاخذ عبايتها وخدودها متورده من الاحراج ,, مرت من جنب فهد اللي متأملها بأعجاب كبير ,,,
هيفاء : يالله
فهد : يالله
,,, خذ فهد الشنط في سيارته وطلع ينتظر هيفاء اللي تطفي النور وتسكر الباب زين ,,
اول مادخلت السياره ,, مد فهد يده لها عشان تركب ,, والفرحه مو سايعتها ,, انها اخيرا بتكون مع فهد وهما ما يحملون لبعض اي زعل ,, مازال متعلق في نفسها شي من ناحية ان فهد عادي مع البنات ,, لكن أجلت الشي ذا لبعدين ,, ماتبيه يخرب فرحتها ,, وخصوصا ان فهد متجاوب معها ,, خطوه خطوه احسن ,,
بالرغم ان الطريق ساعتين ووصلوا على عشر المساء ..,, لكن ما حسوا به ابد ,, فهد يسولف لهيفاء عن ذكريات الدراسه وربعه ,, وعلاقته مع نواف ,, كان فهد متزعم الحديث وهيفاء مستمعه جيده مع مرتبة الشرف وتجره في السوالف اكثر ,, تبي تعرف كل شي صغير وكبير ,, ما تبي تخسر ايام اكثر من عمرها اكثر من اللي راحت وهي بعيده من فهد ,,,


وصلوا لفندق فخم في العاصمة لندن ونزل فهد وعطاهم المفتاح وجاء يم هيفاء اللي نزلت وهي متلثمه وشايلها شنطتها معها ,, مسك فهد يدها ,, انحرجت من اللي واقفين في الباركنج مع ذلك ارضى هالشي غرورها ,, يا عيني عليك ياهيفاء ما ابسط الشي اللي يسعدك ,,


انتظرت هيفاء في اللوبي وفهد عند الريسبشن يكمل الاوراق ,, ويمر عليها شباب خليجين يحاولون يكلمونها بس هي مثل الصنم لا لفت يمين ولا يسار وعينها بس على فهد ,,
فهد رجع وجهه على جنب يبي يشوف هيفاء وماطافه الشباب اللي يتميلحون ,, ترك اللي في يده كله ومشى تجاهم , الشباب اول ما شافوا فهد جاي وعلى طول قاموا من المكان ,, وفهد معصب على حركتهم ذي اول ما وصل لهيفاء : ازعجوك يا عمري ,,
هيفاء وقفت تبي تكون جنبه : خذني معك ,, مسك يدها وجاء وكمل بيانته وطلع مع هيفاء فوق ,,,,
اول ما دخل فهد الجناح سمى بالله ودخل هيفاء اللي بالفعل مرتبكه من فهد وكيف تكسر الحياء ذا وخصوصا انها تبي تفاجئه ,,
انبهرت هيفاء بالجناح وهو عباره عن مجلس كبير ملحق به غرفة نوم روووعه مع ملحقاتها ,,
قعدت هيفاء تدور في المكان بعيونها وهي واقفه ومبسوطه ان فهد استجاب لرغبتها انهم يجون هنا ومبسوطه انها تشوف الفرحه والشوق في عيون فهد ,,,



ريما تعودت ان نواف يكلمها ليلا يسولف عليها وش صار معه في يومه وهي تبادله نفس الطريقه وتعطيه اخبارها ,, كان متصل عليها وهي عند امها المغرب فما ردت عليه مستحيه انها تكلمه قدام امها فأرسلت مسج بكلمك بعدين ,,
ريما ما قدرت تكلم نواف الا وقت متأخر ,, اول ما سمع صوتها قعد يرحب بها كعادته ,,
نواف : قلبي ,, انا كلمت فهد ووافق ان الزواج بعد شهرين ,,
ريما : لا من جدك انا ما يمديني اخلص ولا اجهز شي انت تعرف الحجوزات هنا كيف ممله,,
نواف : ان شالله نسوي عرسنا في البر ,, انا مافيني انتظر اكثر من كذا
ريما تضحك على عجلته شكل نواف مافيه صبر مررره ,, طيب وش صبره هالسنين يصبره كم شهر
ريما : عشان خاطري يا قلبي ابي اجهز على رووواق ,, مافي داعي للعجله ,,
نواف : انا رتبت الحجز يا قلبي وخلصت ,, جهزي حالك ,,,

فهد ترك هيفاء تختار شي ياكلونه ودخل ياخذ شاور له ,, شافت هيفاء قائمة الطعام حقتهم واحتارت وش تتختار خصوصا انهم ما يحبون الاكل الدسم بالليل ,,
استقرت على نوعين سلطه وخضار مشويه على الفحم ,, مع شوربة المشروم ,, حست ان هالشي يناسب الوقت هذا ,,,
خذت اغراضها وحطتها في الغرفه ,, وهي تسمع فهد يدندن بأغنية وهو يجفف شعره ,, فرحت لفرحته بها وبغت تسعده قد ما تقدر ,,
جهزت الفستان اللي بتلبسه ورتبت اغراض المكياج على الطاوله ,, ودخلت الملابس للدولاب ,, تبي ترتب شنطة فهد بس بغت تأخذ منه اذن ,, هي عارفه الحين بالذات ما راح يقول لا ,, بس هي عاهدت نفسها مرره ولازم توفي ,,,

وهي ترتب جاها اتصال من ريما استغربت وقت الاتصال انه متاخر شوي عندهم في الرياض فخافت ان فيه شي
على طول رفعت الخط : هلا ريووم عسى ما فيك شي
ريما : الحقي علي يا هيفاء نواف يبي الزواج بعد شهرين ,,
هيفاء : الحمدلله والشكر وش فيها ,,
ريما : مدري خايفه وما تجهزت ولمياء حامل وانتي مو هنا ,, بعدين ليش مستعجل
هيفاء : بعذره مستعجل ما صدق جدتي خلصت العده طلعت له سفرة فهد ,, بعدين يا قلبي انتي وش بتسوين كلها كم فستان وخلصنا الحين كل شي متوفر ,,,ما سمعت فهد وهو يفتح الباب اللي بينهم ويوصل على غرفة الملابس ,,
اول ما شافته هيفاء صدت على طول كان واقف بسروال بيجامته وللحين ما كمل لبس ,, خذ ملابسه في يده وسالها اذا كانت ريما على الخط ,,, اشرت له بأي ,, وناولته السماعه
فهد : الحين ما تستحين تكلمين ناس في امان الله نايمين وتزعجينهم عشان عرسك
وهو يشوف ضحكة هيفاء المميزة ,,
ريما : وانا ابي منك العون ,, خلاص انا عارفها انها تصريفه اكلمكم بكره
هيفاء : حرام تكسر الخاطر ليه تقول لها كذا ,,
فهد : تبيني اشوفك واسكت ما سويت شي ,, لازم اصرفها ,,
استئذنت منه هيفاء تبي تبدل فطلع من الغرفه وقعد يشوف التلفزيون ,,
فهد يفكر في اليومين اللي راحوا وراحته النفسيه اللي ما كان يتخيلها وحس انها بعيده جدا ,,

هيفاء من الناحية الثانية كانت تستعد انها تفاجئ فهد وتقدم له نفسها برضى منها ورغبه في اسعاده ,, اجتهدت في انها ترتب شكلها لأحسن شي تطمح له ,, فخذ منها تجهيزها ساعه وشوي ,, كانت تسمع فهد يقول لها الاكل بيبرد ,, وهي ترد عليه بس شوي واجيك ,,,
طالعت هيفاء نفسها في المرايه ورضت تماما عنه وواقفه شامخه بفستانها القرمزي اللي شراه فهد ,, صحيح فيه عري بالنسبه لها وما تعودت تلبس كذا بس كله يهون لأجل فهد ,, مشدود على الصدر ويمسك على الجسم لحد الركبة ,, حست ان يدينها وهي عاريه انها تبي تحط شال او اي شي يغطيها احتاست وشافت انها بتخرب الشكل فحررت الرولات حق شعرها اكثر واكثر عشان تعطي شكل وتساعدها تغطي كتفها ,, مكياجها الرااااقي كان مصدر سعاده لها ,, ما نقصها الا انها تتعطر وكالعاده سوت كوكتيل عطور عشان تتميز بها ’’
لبست سلسال جدتها وعطاها شكل ثاني ,, وخاتم فهد ,, اخر شي عطرت الغرفه مررره بكثافه واطفت النور وطلعت لفهد ,,,
فهد بعد ما تعب من الانتظار قعد يشوف قناة رياضيه وما انتبه لدخلة هيفاء الا بعد دقيقه وهو يشم عطور في المكان ,,
كانت واقفه عند المدخل ومستحيه تعتب خطوه ثانيه وانتظرت في مكانها ويلتفت لها فهد
فهد وقف منذهل من شكلها حس كنها حورية بحر والا الماسه على شاطي رملي ,,, قربت يمه شوي وهي خايفه تطيح في مشيتها
ومسكها فهد من خصرها وهو منبهر بالجمال الرباني اللي فيها اضفت مكياج اولا بس فيه شي يميزها ,,
هيفاء : تأخرت عليك اكيد صرت احس اني بطيئه
فهد وعيونه بتاكل هيفاء رفع يده لشفايف هيفاء يسكتها ما يبها تكلم ,,,
شال هيفاء بخفه بين يديه وسمح لنفسه انه يعيش معها ساعات ما قد مر عليه بروعتها وجمالها ودفئها مثلها ابدا ,,

قامت هيفاء من السرير بهدوء ما تبي تزعج فهد ,, لبست روبها واتجهت للمجلس ,, تبي تستمتع بالمناظر الطبيعيه ,,
كان المطر يمطر بقوه على الزجاج وحست بالرحمه تنزل من رب العالمين على مخلوقاته ,, وشافت بعد هالتعب اللي صار لها من تزوجت فهد ان الله رحمها واسعفها ,, انها تحافظ على بيتها وما تتركه للي يبون يخربون حياتها ,,
مسك فهد خصرها وسندها على صدره ولف وجهها له ,,,
فهد : تدرين انك خذيتي قلبي من زمان بس كنت اعاند نفسي واعترف لها بذا الشي ,,,
هيفاء : من متى خذيت قلبك
فهد : اشهد بقولك متى ,, جيت مره ابي جدتي ودخلت غرفتها واشوفك مثل الملاك النايم بريئه في سريرها ,, تفاجأت من جمالك ونعومتك وانتي نايمه وتسألت اذا مو نايمه كيف بتصير ,, ومن هذاك اليوم وانتي شاغله بالي بصورة غريبه
هيفاء حست انها يمكن تكون مصارحه بس ما ودها تنقض الجروح الحين خصوصا عقب الساعات الحلوه اللي عاشوها
هيفاء :اجل انت خذيت قلبي من زمان بعد اول ما شفتك بالمصعد حق القصر وشميت ريحتك اللي ما انساها ذيك اللحظه حسيت انه بيكون لي معك موقف ,,

كالعاده ماخلى هيفاء تكمل سالفتها وضمها له يبي يرتاح معها شوي ,,,,
ما حب فهد وهيفاء انهم يطلعون من الفندق ابد ذاك اليوم وعاشوا شهر العسل اللي ما لحقوا عليه يوم عسل بكل معنى الكلمة


من ناحية ثانيه كان فيه عصافير حب مثل ما سميتوهم قاعدين في مزرعتهم ويفطرون مع بعض ,,,
لمياء حست بتقلصات في بطنها ما تعودت عليها ,,, ما بغت تقول حق فيصل ,, كلش ولا تنكد عليه,,,وقاموا من الفطور وطلع فيصل للخيول كالعاده ,, ولمياء قعدت تابع برامج التلفزيون ,, لكن التقلصات زادت وهي مو عارفه وش سببها لما قرب الظهر والالم ماخف ,, عرضت على فيصل يرجعون للرياض ,,
فيصل : تحسين بشي ياعمري,,
لمياء : مدري شي ما قد حسيت به من قبل ,, خايفه انها ولاده ,,
فيصل تروع عليها اول ما سمع كلامها وقام وخذها يرجعون للرياض ,, وطلعوا بسرعه من المزرعه ,,,كان يطوي الارض طي من
السرعه غير الطبيعيه ,,
اول ما وصلوا للعياده وشافها الدكتور تفاجئ الطبيبب بالالم لكن فيصل ما عطاه فرصه وقا لها يسعفها قدر الامكان ,,,
حاول الدكتور يعطون لمياء مهدى ثم ابتدى يعطيها مثبتتات للحمل ,,,


هيفاء وفهد ثاني يوم من الصبح وهما متجهزين لابسين بيطلعون يتمشون شوي ,,, فهد واقف عند المدخل يضبط شكله ,, رافع نظارته فوق على شعره ,, وجته هيفاء وهي لابسه عبايتها ,, شافت نفسها وهي معه اسعد انسانه في هالوجود ,,
طلعوا يسون شوبينغ ,, اصر فهد انهم يشترون عطور وملابس ثانيه ,,لكنه تذكر شي مهم
فهد : وش رايك تشوفين لك فستان لزواج ريما ,, مع اني ابصم بالعشره انك لو تلبسين اي شي عادي الناس بيتمنون انهم يلبسون نفسه ,,,
اعرف حركاتهم البنات ,,,
هيفاء تضحك من قلبها ,, ودي واالله اني ادور شي لزواج ريما,,,
دخلوا متجر كبير فيه ماركات مشكله ,,وقعدوا ينتقلون من ماركه للثاتيه لحد ما حصلوا مبتاغهم ,,,,,,,
(( الجزء السابع والثلاثين ))


دخلت هيفاء غرفة القياس تقيس الفستان ,, شي خيال طبعا وما توقعت تحصله بالسهوله ذي ,, لكن فهد عزم عليها تاخذه حتى لو مو للزواج ليوم ثاني شاف انه ما يتطوف ابد ,,, واقف فهد ينتظرها عند الباب ,,اول ما خلصت فتحت عشان يشوف شكلها
فهد : وااااااااااااو
روووعه يا قلبي وش هالزين وش هالحلاه يجنن مررره ,, راااقي وخصوصا الستراس اللي على الكتف ,,, هيفاء وهي تدور قدامه ,,
هيفاء : صحيح والله تشوفه حلووو
فهد : وانا مغمض اقولك كنك فراشه ملكيه ,, ضحكت هيفاء على تعليقه ورجعت شعرها على ورى تشوف شكلها ,,
فهد : يالله تعالي نحاسب ,, قبل اتهور هنااا
هيفاء وهي تدفه يطلع من الباب وتسكره بسرعه ما سمعت الا صوت ضحكته المجلجله ,,
وقف فهد عند الكاشير وحاسب الفستان وهيفاء واقفه جنبه وتتأمله من ورى النظاره
يالله يا فهد ما ارق قلبك ,, كل هذا فيه وتخبيه عني ,, هيفاء نعمت بأرق ايام مع فهد ولا توقعت في يوم ان علاقتهم بتأخذ هذ المنعطف ,, حست ان بدايتهم غلط فنهايتهم بعد غلط ,,,لكن الحمدلله اللي تداركت الخطأ اللي اشتركوا فيه كلهم ,,
طلع معها فهد للبحيره يبي يوريها البط ,, قعدت على كرسي وهو بجنبها ,, وقعدوا يتأملون البط في البحيرة وكلهم مستمتعين بالهدوء وصوت المويه العذب ,, مد فهد يده على الكرسي على كتف هيفاء ,, ولف وجهه لها قعد يدقق في ملامحها على جنب وجمال خشمها اللي حس انه قريب لخشم اخوه فيصل مررره ,, اول مره ينتبه لهالشي ,, لوهو رسااام كان ريشته الحين نطقت وعبرت له عن جمال هيفاء ,, اللي حاس ان روحها اجمل بكثييير ,, لكن سلبيتها في البدايه اكيد تحت الظرف اللي طاحوا فيه هم الاثنين ماخلته يتهنى فيها ,, طالعته هيفاء وشافته مركز عليها فسحب النظاره منها وبهرتها الشمس في عيونها ,,
هيفاء : شفيك ,,,
فهد : ابي اشوفك عندك مانع وهو يضحك ,,,
هيفاء وهي تضحك : لا ما عندي مانع ,, تحس بعض المرات انها ودها تتجرأ وتقول له كلام مثل اللي يقولها بس للحين مستحيه منها ,, بس لازم تعطي نفسها وقت مع كل يوم اكيد بتقدر ,,
فهد يمسك يدها ويحرك خاتمها وش رايك نشوف مطعم نتغدا فيه ,,
هيفاء وهو لازال ممسك في يدها ضغطت عليها شوي : انا من يدك ذي ليدك ذي ,,
قام ومسكها توقف ,, وقعد يتمشى معها لحد ما وصلوا للباركنج وهو وده ان الوقت ما يمشي وان اللحظه توقف عليه هو هيفاء بالحالهم وان العالم ذا لهم بس ,,,


فيصل هو والدكتور مناقشات عشان لمياء وصحة الطفل ومستوى الخطورة اللي ممكن تتعرض لها لمياء للولاده المبكره ,, سلطانه بجنبها وامها لطيفه ,,هي وريما ,,وطمنوها ان الحريم كلهم يتعرضون لهالشي يعني لا تتنكدين وخليك قويه ,,
لمياء : لاتقولون لجدتي وهيفاء ما ابيهم يدرون ,,,
سلطانه : لا تفكرين فيهم ,, اهم شي راحتك يا قلبي
الدكتور دخل عليهم وطمنهم ان لمياء وضعها لاباس فيها بس لازم تقعد في المستشفى تحت الملاحظه لحد ما يستقر وضعها ,,,
حست ريما انها وحيده في ومالها احد يساندها في وقت ازمتها ,, لمياء في المستشفى وهيفاء مسافره وعمتها مريم القلب الحنون بعيده ,,
مالي الا العنود عشان اكمل اغراضي ,, الله يهديك يا نواف يعني ما فيك تصبر ,,,


طلعت سلطانه من عند لمياء وتمت عنده امهاو ريما ,, قعدوا يسولفون شوي وما خفى على لمياء انها متنكده والسبب الرئيسي انها بتترك فيصل بالحاله ,,دخل عليهم فيصل وهم قاعدين وهو يشوف لمسة الحزن اللي في وجه لمياء ,,
قام جنب السرير ومسك لمياء ,,
ريما : احم احم نحن هنا ,, بروح للمصلى اقرا قرآن شوي ,, عن اذنكم ,
لطيفه : خذيني معك امشي شوي رجليني وجعتني من القعده ,,,
فيصل ماكان له خلق يمزح مع ريما بس نظر لها نظره يشكرها فيها ,, اول ماطلعت ريما ولطيفه مع الباب ابتدت دموع لمياء تنزل بصمت ,,
فيصل حزين منها مررره ومو عارف وشلون يصبرها ,, اول مره يتعرضون لشي جديد في حياتهم ,,
فيصل يمسح دموعها بيده : لا لا ما يصيركذا والا ازعل عليك ,,
لمياء ما تقدر ترد عليه بس تضغط بيدها على يديه عشان تحس بالامان ,,
فيصل : تبين انام معك هنا والله لانام ,, بس ما ابي اشوف هالدمعه يا قلبي ,, كلها كم يوم وتتحسنين ,, وبتقولين قال فيصل ,,
لمياء : فديت فيصل ,,
فيصل عارف ان لمياء ما تفكر في نفسها ابدا ولاهما الحين الا هو وخايفه عليه ,, وما تدري شلون بتقعد في المستشفى وبتتركه
فيصل : انا بطلع كل يوم من الشركه وبجيك هنا وبلغي كل شي عشانك ,, بس ودي اشوف بسمتك ما ابي تتنكدين يا عيوني اتفقنا ,,
لمياء تهز راسها بأن شالله وهي ما تدري هل تقدر والا لا ,,, خذ مناديل وقعد يمسح دموعها ويغسل وجهها ,,,


دخل فهد يبدل ملابسه بعد يوم ممتع مع هيفاء قضوه في تسوق ونزهة واسترخاء رائع
ترك جواله ومفاتيحه على الطاوله وخذ روبه عشان يستمتع بدفئ الجكوزي ,,, هيفاء ترتب علبة المكياج بعد ماحساتها الصبح قبل يطلعون ,,
وهي تجط اقلام الكحل في الشنطه شافت جوال فهد يولع وهو الصامت وكان المتصل ساره حست الدنيا ضباب قدامها وما تشوف اشي ابعد من كذا ,, حست بالغيره بتدمرها حاولت تاخذ نفس عشان ما ينتبه فهد اذا طلع ,, ولما وقف الهزاز جاء بعد شوي مسج ,, دفعها الفضول انها تشوف وش مرسله له اكيد هي اللي بترسل ,, وبغت تفتح الجوال من وسوسة الشيطان لكنها استعاذت بالله منه ,, والمفروض ما تفتح اشياء شخصيه ,, الا برضا فهد ,,, قعدت تكمل ترتيب ,, وطلعت القميص اللي اشتراه فهد ما بغت هالساره تنكد عليها ,, ولازم تسوي المستحيل بعد ماحست بطعم العشق مع فهد انها ما تخلي اي احد ينكد عليها ,, بس هي حساسه وكل شي يبين فيها حاولت تعطي وجهها قناع من اللامبالاه عشان ما ينتبه فهد ,,,

طلع فهد بروبه وهو مغطي شعره بفوطه صغيره ,, ومنزلها على كتفه ,, اول ما شاف هيفاء عند التسريحه قرب منها يبي يضمها شوي ,,
فهد : احس اني صار لي منك ايام ما ضميتك ,, شلون كم ساعه تبعدني منك احسها دهر,,
هيفاء وهي تحاول تضحك لكن ما قدرت : وانا بعد ,,
فهد وهو يمسح على حاجبها اللي يرتفع تلقائي وهي متضايقه : وش فيك يا قلبي ,, ازعجتك,,
هيفاء : لا لا ,, بس دخت من الطلعه ,,
فهد : اااه خلاص ارتاحي يا عمري وهو مستعجب من تغيير مزاج هيفاء السريع ,, تونا داخلين ما يمديها يصير شي ,, تمنى ان هيفاء ما تكون مزاجيه وبسرعه يتغير مزاجها ,,

خذ فهد جواله وراح للصاله ,, وفتح على التلفزيون ,, وشاف رقم ساره ومسجها ,, اتجه نظره للباب ,, وهو يسرح هل هيفاء شافت اسم ساره ,, وهذا اللي غيرها فجأه ,, طيب ليه ما قالت لي ,,
هيفاء وهي تاخذ ملابسها تجهزها نقدت على نفسها ,, المفروض قلتي له اللي في خاطرك , وشوله تكتمين ,, لمتى بتمين كذا ,, عادي قولي له اللي في خاطرك ,,
القميص عليها روووعه معطيها اناقة راااقيه ,, بس لاول مره تخلي شعرها ناعم ستريت على طبيعتها بدون ما تروله وغرتها ستريت كأنها جبانيز ,, وبالمره استهواها الشكل فحطت مكياج جبانيز خفيف ورسمت عينها بطريقتهم ,, صار شكلها تحفه ,, حطت روج احمر صريح عشان يكمل شكلها تمام ,, ولبست معاه صندل واطي جدا ,,, تعطرت بكثافه وحست الحين انها هيفاء الطبيعيه ,,,
طلعت لفهد اللي كان متمد على الكنبه وهو يشوف التلفزيون ,,, اول ما شافها جايه قعد على الكنبه وضحك لها ضحكة هاديه وشافت في عيونه اكثر من كذا ,, قعدت في الكرسي اللي جنبه ,, اشر فهد بيده على الكرسي تعالي حنبي هنا , قامت وهي تمسك قميصها وجت في جنبه ,,,, طالعت عيونه لاول مره ,,, تبيه يشوف عيونها وتشعر مره وحده على الاقل انها قدرت تجاريه في شي ,,
فهد غرق في عيونها وحس انه قرا اعماقها ,,, رفع يده لحواجبها وغرتها ومسح على خدها بهدوء
فهد : كل يوم يبهرني جمالك اكثر ,,, ودي اكتشف كل شي فيك ,, فيه لمحه في عينك تلخبطني اذا شفتها ,, ولمحه ثانيه تدفعني اشيلك واطير بك فوق السحاب ,, بس فيه لمحه الحين تقول لي انك فيك شي حتى لو خبيتي علي ممكن تقولينه وهو يلعب بيدها في يديه ,,
هيفاء على كثر ما انبسطت من غزل فهد على كثر خوفها لو تقوله وش بيصير ردة فعله ,, قد شافتها مرات سابقه ايش بيكون الفرق الحين ,,
لكنها تداركت نفسها اللي ضاعت في عيون فهد وخذت نفس
هيفاء : ساره
فهد : وش فيها
هيفاء : بدون قصد شفت اسمها يتصل في جوالك
فهد وهو ياخذ جواله ويفتحه ويفتح صندوق الوارد ويوريها مسجها (( ليش غايب عن الباربكيو ))
ويرمي الجوال على الطاوله ويمسك هيفاء من خصرها ويشيلها
فهد : لا ساره ولا مية وحده بيأخذون هالقلب منك ويحط يديها على قلبه , انتي بالحالك قدرتي عليه ,,
هيفاء تطالع عيون فهد وتنزل دمعتها غصب متأثره من كلامه لكن فهد اللي دفن وجهه في شعرها ما ترك لها مجال انها تتأثر وهي تسمع همسه : انا لك لوحدك ملكك انتي وبس ,,,


تسلل نور الفجر لجناح هيفاء وفهد في الفندق اللندني العريق ,, هيفاء اللي صاحيه اكثر من ساعه وهي ممتنه لفهد وقلبه واللي ترك لها ميدان الثقه بأكمله انها تمشي فيه بخطواتها الخجلى ,,, استمتعت بشوف فهد وهو نايم ,, ما بغت تتحرك عشان ما تصحيه ,,, اول ماشافت وقت الفجر دخل ,, هزته شوي عشان يقوم للصلاة ,,,


ريما ما تفارق لمياء الا العصر اذا جاها فيصل تروح للبيت وودها تكمل مقاضي بس محتاره مين يوديها ويشور عليها ,,
كلمت العنود تبيها تنجدها ,, كلمتها واتفقت معها انها تجي للفيلا ويطلعون من عقبها للسوق سوت اتصالها وهي في المستشفى ,,
لكن فيصل اللي تأخر عليهم غصب عنه في الزحمة اخر ريما انها تروح للبيت وخافت انها تتأخر على العنود اللي اكيد قاعده تنظرها في بيتهم ,,,
العنود جات على الوعد الساعه 4 للفيلا ,, اول ما دخلت وشافت الشغاله سألتها عن ريما قالت لها للحين في المستشفى ,, قالت لها خلاص انا بطلع غرفة ريما لين تجي ,,
اول مادخلت غرفة ريما حطت عبايتها على طول وخذت جوالها تبي تحطه في الشاحن ,, قعدت تحوس في الغرفه ما تدري وين تودي ريما اغراضها ,, العنود على ضعفها بس جسمها متناسق وشعرها طويل مره كم مره البنات يحاولون فيها تقصه مدرج او تغير شكله بس هي رافضه كل اقتراحاتهم ,,,شكلها مرتب مره بنطلون جينز ومعاه توب اخضر صريح معاه تشكيله بشرايط بنيه على الجنب ,,,
حصلت مسجل ريما شغلته يقطع عليها الوقت ,,, وشغلته وهي تسمع اسطورة العرب ميحد يصدح بصوته الرائع ,, واكثر ما عجبها لحن اغنيته المميز ,, تركته شغال وقعدت على السرير تصفح المجله في لحظه شافت اللي دخل فجأه وهو يقول : ريوووم وين .................
سعود اول ما شاف العنود قاعده وقف كلامه وقعد يشوفها دقيقه بس كنها زمن طويل
سعود : اسف مادريت انك هنا اعذريني ,, وهو يصد منها بيطلع من الغرفه ,,
العنود اللي اختبصت وتخرطفت في المفرش بتنزل من السرير يا خزيااااه وهي تمسك راسها ,, الله ياخذ بليسك يا ريووم كانك دوم موهقتني ,,,
قعدت تدور في الغرفه وهي لابسه عبايتها يا فشيله ,, يوووووه وين ودي اوجهي منه الحين وش بيقول ذي ماخذها راحتها ,, لا والمسجل يشتغل بعد وتطفيه وهي زعلانه على نفسها مررره ,,,قعدت ربع ساعه الا وتدخل عليها ريما ,,,
ريما : اوووووووو كل هذا احراج من سعود تعالي شوفي وجهك كنه طماطه
العنود : يا فشيلتي منه واااااااي يا ريووووم وهي تمسك بلوزة ريما من الاحراج تكفين بموت من الفشيله
ريما : تستاهلين وربي مبسوطه ,, تذكرين مقلبك اللي سويته في مع نواف ,, لا والله مبسوطه ,,
العنود وهي تغسل وجهها من الاحراج ,,,
ريما : عاد اللي يشوفك يقول سعود غريب ولد خالك عااادي ,,,
العنود قد لمحت سعود في المناسبات لكن من بعيد لكنها تحط عينها في عينه هاذي اول مررره
العنود : تكفين ريوم وش قال لك
ريما : لا لا ماعلم على اخوي ,,,
العنود: كذا خلاص ما فيه طلعه ,,, وقعدت العنود على الكرسي
ريما : صاحيه انتي قومي يالله تحركي نطلع مافي وقت برجع انام عند لمياء ,,, العنود وهي حاطه رجل على رجل
: سلامتك مابه طلعه يالله انا والا انتي ,,,
ريما وهي تجي تحبها في خدها : زعلتي والله ,, يعني وش بيقول ,,,
الله يسلمك قال : تغيرت العنود بس
العنود وهي قاعده وقفت : وشو يعني وشو قصده كنت عاديه واحلويت والا زينه وشنت ووضحي ,,
ريما وهي تبي ترفع ضغطها :: اممممم لا يقصد الثانيه ,,
العنود تحطمت من ريمااااا : عاااد اللي يسمعه يقول ملك جمال ,,
ريما :: وااااي منك ياعنوده ,, طيب بقولك :قال ما قصدت ادخل بدون استئذان ,, من هاذي
وقلت له العنود ابتسم ومشى لا اكثر ولا اقل ,, هاااا ارتحتي ,,
العنود وهي تدفها يالله امشي ,,,
طلعوا للسوق بعد ما العنود نشفت ريق ريما على السالفه ,, وابتدوا يلفون لحد الساعه 9,, وريما تحط عينها على اشياء تبي تتأكد انها بتحتاجها ,, اول طلعه لها من زمان ما مرت للسوق ما ودها تستعجل بشي ,,,
بعد ماحاسوا رجعت ريما ونزلت العنود في بيتهم وطلعت للمستشفى على طول ,,


هيفاء وفهد من الجهة الثانية كانوا في محل مجوهرات ,, محل صغير مرره في زوايه وهم يتمشون مروا جنبه فأصر فهد انهم يدخلونه
قعد يتفرجون على المجوهرات ,, واصر فهد انه يشتري لها خاتم اشرت هيفاء على انه حلووو,,
هيفاء : لا لا فهد انا عندي ما قصرت لا لا
فهد : اشر لها بعينه انها تسكت ,, على طول لبس هيفاء الخاتم في المحل ,,السيده الانجليزيه تعجبت من طريقتهم ,, وكانت ما تشوف من هيفاء شي لثمه ونظاره ,, فتكلمت مع فهد هل هذه زوجتك ,,,
فهد : هيفاء شيلي خلي تشوفك مافي احد في المحل ,, وهيفاء تضحك ,, سحب نظارتها ويشيل اللثمه ,, اول ما شافتها صاحبة المحل : واااااااااااو ,, جميله ,, اميره صغيره ,,
فهد انبسط على كلماتها,, وهو يبتسم لهيفاء ,, فطلعت االسيده من الدرج الماسه صغيره ,, وحطتها في يد هيفاء : هذه لك انتي الماسه صغيره ووصت فهد عليها , حافظ عليها مدى الحياة ,,,
شكرتها هيفاء وفهد من كل قلبهم وطلعوا من المحل وهما ناوين يكنسلون رجعتهم للمدينه
هيفاء: ما ودي ننكسل انت وراك جامعه ياقلبي ,,
فهد : ما شبعت منك خلينا هنا يوم بعد ,,
هيفاء : حبيبي ما...سكتت هيفاء طلعت الكلمه منها عفويه
فهد وهو يصرخ بضحكه لدرجة ان المارة في الشارع سمعوها : عيديها عيديها طالفه من فمك مثل العسل ,,
هيفاء وهي تلتفت لحد يشوفهم بيقولون استخبلوا في وسط الشارع ,,
وصلوا للفندق ,, وهما مو حاسين بأي شي في العالم الا انهم يستمتعون بوقتهم مع بعض ,,,,

مريم وام طلال قاعدين في مدينتهم اللي تحيط بها الجبال ,,, وجالسين في الحديقه اللي تحيط بالفيلا
ام طلال : احسه شهر مو اسبوع ,,
مريم : وشدعوه يمه زهقتي مني ,,
ام طلال : انتي عارفه وش قصدي ,, انا اشتقت لفهد ولمياء بس والله عارفه مكانتك عندي
مريم : تلاقينهم غارقين في العسل الله يهنيهم ,,
ام طلال : والله اللي يشوفهم بيقول عكس كذا
مريم : لا لا تخافين عليهم ,, الحين تلاقينهم مبسوطين محد معهم ,,
ام طلال : اتمنى والله ,, ربي يسعدهم بس ,,,


سعود ما فارق خيال العنود وشكلها عقله ,, ما صدق انه يشوفها ,, امه كم مره تلمح له عنها وريما بس هو انشغل بالشغل كثثير
حس انه الوقت المناسب انه يرتبط بها لكن هو متردد يمكن هي ما تبيه ,, لازم اخلي ريما تجس نبضها ,,,
رجع يشوف البرنامج اللي يتابعه ,, وقطعه تفكيره بالعنود كذا مررره ,,
شاف انها استولت على كل تفكيره ,,,,
اتصل على ريما : شخبارك في المستشفى ,,,
ريما : من زمااان ,,
سعود : شخبار العنود
ريما : ابسط يا عم من قدك ,, مهتمه تعرف رايك فيها
سعود : صحيح ,,
ريما ايووووه
سعود : اوكي تصبحين على خير ,,,
ورجع سعود في دوامته مرره ثانيه ,,,,

قامت هيفاء من الصباح وجهزت شنطهم بيرجعون لمدينتهم وفهد للحين نايم ,, كانت تمشي بخفه متناهيه في الغرفه وبدون ما يحس فيها فهد ,,طلبت فطور لهم ودخلت تبدل ملابسها ,, شافت الخاتم الجديد اللي لبسته في الناحيه الثانيه ,, شكرت فهد من قلبها وحمدت ربها انه رجع المياة لمجاريها ,,,,
لبست بنطلون تحبه مع توب ازرق خفيف ,,, ولمت شعرها على فوق ,,, ولما استعدت بالكامل وهي عند تسريحتها شافت انعكاس فهد في المرايه
فهد وهو متسند على المخده وسعيد انها قدامه التفت على ورا عشان تشوفه وجها لوجه
هيفاء : صحيتك اكيد يا قلبي ,,,
فهد وهو يهز راسه : لا لا تعالي هناااا
جته هيفاء وقعدت على جنب السرير : فهد يمسح على غرتها : ابيك تعرفين ان مافيه شي راح يفرقنا , وتتأكدين من حبي لك
ولا تخلين شي ينكد علينا ,, انا لك فاهمه
هيفاء وهي تأشر بعيونها : اي يا عمري
فهد : انا لك وبس فاهمه وش اعني بها ,,,
هيفاء ضمته لها وهي مبسوطه ان فهد يعبر لها عن حبه المخلص ,,,

قامت هيفاء وهي تسحب يده يقوم من السرير عشان يمديهم يفطرون ويطلعون للمدينه
دخل فهد يبدل ,, واشتاقت انها تسمع صوت ام طلال فدقت على جوالها : الوووو
ام طلال : هيفاء يا قلبي ما بغيتي تتصلين
هيفاء : اشتقت لك يمه ,,
ام طلال : بشريني عن فهد
هيفاء : يمه ادعي لنا تكفين ,,,
عرفت ام طلال من نبرة صوت هيفاء ان الامور تصلحت بينهم وتمت تدعي لها من قلب مخلص ان الله يوفقهم ويسعدهم ,,,

على الخط السريع رجع فهد وهيفاء وهما شايلين في قلبهم ذكريات لن تنسى عن اليومين ذي ووعدها فهد انها يكرره كل اسبوع لحد ما ترجع جدتهم ,,,
وكل فتره وفتره وهي تمد لفهد يدها تبي تمسك يده وتحس بقربه ,,,

ظلوا يسولفون عن طلعتهم ووناستهم فيها لحد ما وصلوا بيتهم ,,,

لمياء وهي تتوجع على السرير والالام تزيد من فتره لفتره ,,صحت ريما اللي كانت نايمه ,,
لمياء : ريما ساعديني ما اقدر اصبر وجع غريب ,,
ريما وهي ما تشوف من التعب دقت على الممرضه تجي ,, وتولع الاضاءه
لمياء ما صارت تأخذ نفس من الالم ,, اول ما شافتها الممرضه على طول ,, طواري طواري ,,,
(( الجزء الثامن والثلاثين ))


دخلت هيفاء البيت وهي تسمي وفهد وراها يشيل الشنط... ,, هيفاء وهي تعلق عبايتها تسال فهد
هيفاء : اكيد جوعان يا عمري ,,
فهد: لعيونك موووت ,, لغيره لا ,, هيفاء ضحكت له مبتسمه ودخلت المطبخ ,,, سمعت صوت فهد من المدخل : هيفاء لا تسوين اي شي ,, بنطلب من المطعم ,,,
هيفاء تطلع له من باب المطبخ ,,, لا تطلب ولاشي بناكل شي خفيف ,, بدل وتعال ,,,
هيفاء متحمسه تسوي شي لفهد لو خبز المهم من يديها ,, طلعت لها توست وسوت لها شاندويتشات جبن ,, وخذت خضار من الثلاجه وسوت لها صينية خضار بالجبن ودخلتها الفرن ,, وما بقى الا السلطه فنوعت لها نوعين سلطه وحده خضراء والثانية سلطه بالمشروم والبطاطس ,,,,
انبسطت هيفاء من انجازها البسيط في الوقت القياسي اللي عندها ,,, دخل عليها فهد وهي لابسه مريلة المطبخ ومشغوله حدها,,,
,,,
فهد : تبين مساعده وهو يرفع صوته شوي
هيفاء : ايه ,, ابيك تقعد بهدوء شوي لين اجيك ,,,
خلصت هيفاء كل شي ,, وما بقى الا انها تحط الصينيه على الطاولة ,,, طلعت فوق تبدل وتاخذ شاور ,,, اول ما مرت على غرفة فهد شافتها مفتوحه وشافت شنطتها فيها فعرفت ان فهد ما يبيها ترجع لغرفتها ثاني ,,,
كملت طريقها فوق وخذت شاور يريحها على السريع ,, لبست لها فستان قطن ناعم ,,, وجففت شعرها,, شافت انها تتأخر كثير على فهد ,,,,
حطت لها جلوس ونزلت ,, لقت فهد نايم على الكنبه فعرفت انه تعبان مرره من السفره ,,, دخلت المطبخ بشويش وجهزت الاكل على الطاولة ,, ووزعته بترتيب اضفى عليه الكثره ,, طلعت ثاني للصاله وقربت جنب فهد ونزلت لمستوى الكرسي ,, حركت شعر فهد وما حس فيها ,, جت بتخليه يكمل نوم بس ما هان عليها انه نايم بدون ما يتعشا,,, قعدت تمسح على وجهه بيدها بطريقة دائريه على شعره وحواجبه وخشمه ,,, فتح عيونه بثقل ,, وشاف هيفاء ما يفصله منها الاشبر ,, ضحك لها : ماحسيت بشي اكيد من التعب ,,
هيفاء : السواقة ارهقتك ,, يالله فديتك العشاء جاهز وهي تقعده من الكرسي ,, فهد سوى لها حركة خلتها تنط من المكان بكبره وتركض للمطبخ ,,
فهد : وين بتروحين مني ,,,
ضحكت هيفاء في المطبخ على حركة فهد ليه يتعمد يحرجني يااااربي والله فشيله ,, شلون اقدر اسايره ما اعرف ,,,,

لاول مره حست انها تستمتع بالأكل معه فهد ,, قعدت تاكل بطبيعتها بدون ما تنحرج منه ما تدري ليه ,, بس يمكن اليومين ذي خلتها تفك العقده شوي
فهد: متى تعلمتي تطبخين
هيفاء " من زمان وانا في الاعدادي بدايتي ,, احب سوي شي خفيف اكلات ,, حلويات ,, من الفضاوه بس والا المطبخ مو عشقي ,,
فهد : اجل شتحبين ,,,
هيفاء : امممم احب اقرأ مررره ,, احب الترتيب والدقه في كل شي في المكان والشكل
فهد : واااااضح هالشي ,, اذا دخلت جناح جدتي وشفتك تدورين فيه وترتبين حسيت من ذيك اللحظه ان لمستك لها فن معين ,,,
هيفاء : يعني عينك علي من ذاك الوقت ,,,
فهد : اوووو من زمان ,,, بس تبين اقولك وش اثر فيني ,,,
هيفاء وهي تحط الملعقة وترخي سمعها ,, ما تدري ليه دق قلبها اللي همها هاللحظه وش بيقول فهد :
فهد : يوم شفتك في المدخل وتطاقينا اول مره ,, امم وضربتك الكف ,, ما تدرين وش كثر اثر فيني هالموقف حسيت اني مو رجال صحيح
اول شي انتي قلتيها بلسانك وثاني شي تصرفي معك مو تصرف رجل ,, اقصد انتي للحين ما صرتي زوجتي واطقك حسيتها حقاره مني
هيفاء تطالعه ودموعها متجمعه في عيونها ,,
فهد قام من مكانه : لا لا وهو يحبها في خدها ,, ماكان قصدي انقض عليك جروح قديمه ,, بغيتك تعرفين احساسي بس ,,
تعلقت هيفاء في رقبته وهي تصيح اكثر وهو يمسح ظهرها يهديها ,,,
فهد: قلبي ,, شكلي بزعل عليك ,,, وهو يرفع خدها لوجهه ويتأمل عيونها ,,,
هيفاء : ما قصدي والله بس بالفعل كان ذاك موقف مؤثر لي بعد ,, اتذكر اني بكيت للصبح ,,,
فهد : اووووو خربت عليك العشاء تعالي كملي عشان ابي احلى شاي من احلى يد في الدنيا
هيفاء : من عيوني يا قلبي ,,,

دخل فهد المكتب يرتب اموره واوراقه حق الجامعه بكره ,,, واول ما خلص قعد مع هيفاء في الصالة يشوفون التلفزيون ويستمتعون بشرب الشاي ,,,,

في مستشفى خاص في الرياض لمياء تواجه مرحله جديده من حياتها ,, نزلوها لغرفة الطواري وعلى طول طاقم الاطباء ما تحملوا المخاطره بحياتها وحياة طفلها ,, فأدخلوها لغرفة العمليات ,, ريما معاها ما درت وش تسوي هل تنتظر وش بيصير او تكلم فيصل ,, شافت الوقت متأخر مرره نص الليل فكلمت على طول فيصل ,,
ريما : فيصل
فيصل : لمياء فيها شي
ريما : زاد عليها الالم ونزلنا لقسم الطواري ,,سكر فيصل وما انتظر منها كلمه زياده ,, ما عرف وشلون وصل المستشفى والخوف يملى قلبه على حبيبته اللي من عرفها ملت عليه حياته وما شاف في الكون هذا الا هي ,,, نسى اللي عرفهم وطلع معاهم وحرص عليها ,, لأنها غير عنهم كلهم ,, ولانه عارف انه بغى يخسرها مررره فلو تروح منه ثاني راح يخسرها للابد ,,,,
دخل الطواري وشماغه على كتفه ,,, وشكله على انه ملخبط جذااااب مره ,, كانوا الحريم اللي جايين مع مرضاهم في ذاك الوقت ويشوفونه عند قسم النساء يتهامسون في ما بينهم ويقولون يا بختها اللي معاه ,,,,
فيصل مو يمهم ابد ولا انتبه لنظراتهم اصلا ,, عينه على ريما وين بتكون هاللحظه هل هي جوووه مع لمياء والا وين ,,, قعد يكلم على جوالها ويحصله مقفل ,, ااااخ يا ريما وينك ,,,
وقف عند الاستعلامات وسأل عن لمياء ,, فقالت له الممرضه عنده حالة ولادة ادعوا لها ,,, وقف عند حافة الممر وهو ينتظر اي احد يطمنه على لمياء ويبشره انها طيبه ما كان همه لا طفل ولا غيره اهم شي سلامتها ,,,
بعد اقل من ساعه طلعت له اريما وهي تجري وتبشره ان لمياء جابت بيبي ولد ,,, وصحتها مستقره ,,,
فيصل حمد الله سبحانه وتعالى ,, وعلى طول كلم ابوه يبشره ان لمياء ربت ,,, ريما نفس فيصل ما توهقت قعدت تكلم خالتها لطيفه وامها ,,
شعر فيصل بأحساس جديد لكن طغى عليه شعوره بلمياء انها تكون بخير ,,,
دق على فهد عشان يبشره ,, ودق عند فهد اللي ما انتبه له كان مستغرق في سوالفه مع هيفاء ,,, تحركت هيفاء تبي تعدل قعدتها شوي ,, وتنتبه لجوال فهد ,, ناولته اياه ,, واول ما شافه: غريبه وش عنده فيصل ,,
هيفاء : ليكون لمياء فيها شي ,,
فهد : الووو
فيصل : ابشر يا فهد لمياء جابت ولد ,,
فهد كان قاعد ووقف ,, مبروووووووووك متى جابته ,, تستاهل سلامتها وما تشوف شر ,,
هيفاء تسمعه وقلبها يدف بقوه خايفه على اختها اللي مو وقتها ,,,
هيفاء : لمياء ولدت ,, قل والله
فهد : جابت ولد يا قلبي ,,,
قعدت هيفاء في مكانها تصيح على اختها اللي حست انها بعيده عنها تماما ,,,
فهد : بدال ما تفرحين تصيحين ,, اكيد هي تبيك فرحانه
هيفاء : انا حزينه اني بعيده عنها بس ,,,
فهد : مالها شر كلهم عنده لاتخافين اهم شي تقوم بالسلامه ,,,,


فيصل وهو ينتظر في استراحة الرجال ينتظر متى بتطلع لمياء لغرفتها ,,, طلع له الدكتور وبارك له واكد له ان البيبي لازم يكون في الحضانه تقريبا شهر او اكثر عشان يكتمل نمووه ,,, وان مدام لمياء طيبه وبخير بس تحتاج راحه اسبوع بعد العملية ,,,
انتظر اكثر من ثلاث ساعات بعد الفجر بشوي طلعت لمياء وهي شبه مبنجه لغرفتها ,,,
اول ما دخلوها ريما وفيصل ينتظرونها ,,, بعد ما استقرت في سريرها وشافت فيصل ,, وانها حيه ترزق للحين ضمته تبي تحس معه بالأمان ,,,,
فيصل يمسح دموعها ويحبها في عيونها وجبهتها وخدها : مبرووووك علينا يا قلبي ,, جبتي بيبي صغنون مرره بس ابشرك طالع مزيون مثلي ,,,
لمياء : شفته ياعمري .. طيب
فيصل : لا الدكتور طمني عنه وهو في الحضانه ويقول لي الدكتور يشبهني ,,,
ريما تشاركهم في الحديث : مبرررووك يا حلوووه واخير صرت عمه يا ناس ,,, باركوا لي ,,,, قعدوا يضحكون على تصرفات ريما ,,,
وهما مرتاحين انه هم وانزاح عنهم ,,,,


قامت هيفاء من الصباح ترتب فطور لفهد قبل يروح الجامعه ,,,,قامت كعادتها ما تبيه يحس بها وتطلع من الغرفة ,لكنه اول ما تتحرك يقعد يتابعها بنظره لين تطلع ,,,,وده ان الوقت ما يمر ويظلون مع بعض لكن هاذي الدنيا ,,,,
رتبت الفطور على الطاولة ,,,,وشوي الا فهد يلحقها وهو للحين ما جهز ,,,,
هيفاء : صباح الخير يا قلبي ,,,
فهد : صباح العسل ,,, احس اني تعبااان مرره ماودي اروح الجامعه ,,,
هيفاء تروعت على فهد لا يكون مريض او يحس بشي
فهد : لا لا مافيني الا العافيه ,,بس ما ابي اتركك لحظه ,,
هيفاء وهي مستحيه منه جد ,,, لا ما يصير لازم تروح بعدين انا انتظرك يا قلبي ,,,, وكلمني كل شوي وش رايك ,,,
فهد يمسك شعرها ويحركه بيده : تدرين انك لك في اليوم كذا شكل ,,
هيفاء : وش احلى شكل يعجبك
فهد : امممم همس لها في اذنها بكلمات اخجلتها ,,,
هيفاء : وش رايك تروح للجامعه ترى بتتاخر ,,,
فهد وهو يتحرك ويضحك عليها ,, متى بتخلين هالخجل عاااد ,,,, وطلع يبدل ويطلع للجامعه ,,,,


اول ما وصل فهد للجامعه الا الشله ينتظرون وحاطين عليه مرررره ,, ليش تتغيب عن حفلة ساره وزعلانه عليك وموراضيه,, ورائد يزيد من هنا وهيثم يتبله من هنا كن مافي الدنيا الا ساره
فهد : والله مو ضروري احضر ومو ملزوم اقدم اعتذار بعد ,,,
رائد : البنت ذبحت عمرها وسوت حفلة شوي في الحديقة ومخلت ولا بقت وفي الاخر تصدمها انك ما تجي ,,, فهد امتنع عن الكلام لأن ساره وهند جاييين لطرفهم ,,
ساره وهي تشوف فهد ..: من يرضيني على فهد لأني زعلانه حييييل عليك ,,,,
هيثم : ابشري انا برضيك وش تبين ؟؟؟
ساره : نطلع بكره للبحيره في القوارب ,, نبي نغير جوووو ,,,
هيثم : هااا يافهد اتفقنا
فهد : ما اعطيكم وعد لأني عندي بحث ويمكن اتاخر ,,
رائد : فهد انت بتروح معنا كفايه ما جيت للشوي ,, عااد لاتخربها
ساره : انتظرك يا فهد لا تضحكهم علي ,,,
هند : خلاص بحيب لكم شي تاكلونه الغداء علي انا ,,,
فهد تضايق من ربعه انهم يجبرونه يطلع معهم ماكان عنده مانع الايام اللي راحت وهو يشوف بينه وبين هيفاء حاجز ,, لكن الحين ,, ما يهتم لروحتهم ولا جيتهم ولا صاروا يمثلون له شي ابدا الا زمالة الجامعة,,,

احتار وشلون يطلع من هالموقف اللي انحط فيه ,, واذا ما جاء بيتكرر بكره وبعده ,, هو المفروض انه حط لهم خطوط حمراء ما يتعدونها ,, لكن هيفاء اشتركت معه في الخطا وصدت عنه ,, وهو بشر اكيد بيرفه عن نفسه بالخروج مع اصدقائه برى ,,,

مادرى هل يقول لهيفاء او يسكت منها ويحاول يسحب نفسه من الشله شوي شوي لين يقطعهم ,, في الاخير استقر على الرأي الثاني ,, هو عارف غيرة هيفاء ,,


في غرفة لمياء والاهل كلهم متجمعين عندها والفرحة تنطق على وجيهم ,,طلال عزم انه يسميه فهد ,,
فيصل : ازين ما اخترت يبا ,, وش رايك يا لمياء يكلمها عمها طلال,,
لمياء : ما اقدر اختار عليه اهم شي يكون مثل عمه ,,, لطيفه وهي تمسح دمعتها كل شوي كل ما شافت لمياء وتطمنت انها بخير ,,
سعود كان ينتظر ابوه في الاستراحه وجابت له الشغاله كاس شاي وشوكليت ,, مر عليه واحد من زملائه في الجامعه جاي لاخته وقعدوا يتطرقون لسوالف مشتركه ,,
فتح المصعد على حريم ثنتين عرف عمته هدى اللي ما لفت لناحيته ,, ومعاها العنود عرف طولها ,, كانت لا بسه نظاره وترفع طرحتها على خدها مو لثمه لكن كذا ,, انهامستحيه من الرجال ,, هي من صغيره ما تعودت تتغطى وصعبه انها تتغطى الحين لكن ما تخلي شعرها يطلع ,, اول ما شافها سعود حس بالغيره عليها وان الناس يشوفونها عادي,,
قال زميله : شفت كيف شكلها ملفت ,, تعجبني البنت اللي كذا
سعود حس الدم فار في راسه من كلام زميله وهو عارف اصلا انه ما يدري انها قريبته ,, مو ذنبه لكن ذنب العنود اللي سمحت ان الناس يحكون عليها ,,,

استئذن منه سعود ولحق عمته هدى لكن ما امداه يلحق عليهم لأنهم دخلوا الغرفة ,,,,
سعود دق على ريما وهو معصب حده
سعود: هاذي عمتي هدى اللي دخلت ,,,
ريما : ايوووه
سعود : واللي معاها اكيد ريما ,,,
ريما : ايووه وشفيك ,, سعود وهو حاس ان الشيطان سيطر عليه ,, عطيني العنود شوي بقولها حاجه ضروري
ريما ما فهمت شي لكنها مدت الجوال على العنود وهم قاعدين لسى في مدخل الغرفة ما امداها تسلم على الحريم ,,,
قربت الجوال لأذنها فكرت ان ريما تبي تسمعها شي ,,,
سعود وهو معصب : العنود تسمعيني ,,
العنود وقلبها يرقع بقوه يوم سمعت صوت سعود وهو فيه شي لا يكون سوت شي غلط وهي ما تدري بنفسها تحسبه عادي مثلا ,,,
:: اييي
سعود : اذا شفتك ظاهره كذا مررره ثانيه لا تلومين الا نفسك ,,,
العنود : وش دخلك انت وهي معصبه على طريقته وانه متحكم فيها وما دخله ,,,
سعود : دخلني اني بصير زوجك وسكر الخط في وجهها من الحره اللي فيه ,,,
العنود ما تدري تضحك ولا تبكي ,, معقوله سعود متكلم عليها وماقالوا لها اهلها والا ايش ,,, ولا تبكي من طريقته معها وزعله عليها وهي للحين ما اصارت خطبه حتى ,,, لفت طرحتها على وجهها وطلعت للاستراحه تبي تغسل وجهها من الدموع اللي تساقطت مثل حبات المطر على ارض جافه ,,,,


هيفاء خلصت شغلها من وقت وشافت ماعنده شي تسويه ,, فدقت على ريما تبي تشوف متى تقدر تكلم لمياء ,, تفاجأت ان لمياء صارت في الغرفه واصبحت في تحسن وتقدر تكلمها ,,,
ظلوا عشر دقايق يحاولن يكلمون بعض لكن دموعهم غالبتهم ,,, ماقد افترقوا الا بعد ما تزوجوا وحست كل وحده منهم ان لها فلك خاص بها ممكن انه يبعده عن اختها بشكل سلبي ,, بالرغم ان ازواجهم اخوان ,, لكن هيفاء اكدت في نفسها انها ظروف السفر هي اللي مبعدتها عن اختها ,,, ثم تناولت العايله واحد واحد تبارك لهم ولد فيصل ولمياء وهي تسمعهم يرددون عقبالك يا هيفاء ,,,


بعد ما سكرت من العايله اتصلت في جدتها تبي تطمن عليها وباركت لها بيبي لمياء اللي اخر اخباره عند جدتها
ام طلال , هيفاء يا قلبي قولي حق فهد اذا قدرتوا ترجعوني للندن والا بخلي زوج مريم يحجز لي مع شغالتي للرياض ,,
والله يمك انا ما استانس في دار الغربه اللي مو شوفتك انتي وفهد والا ما صرت انبسط يا حبيبتي هذاااك اول ,,
هيفاء : ابشري يمه لاتحاتين ,,, انا بتفق مع فهد ,,,

جاء فهد من الجامعه وهو مكسل مره اول حاجه من ضغط الدوام وتراكم البحوث ,, وثانيا من طلعة بكره اللي ما يدري كيف يصرفها ,,,,
اول ما دخل حست به هيفاء ان فيه شي شاغله ,, خذت جاكيته منه وحاولت تعطيه اخبار جدته ,, لكن فهد اكد لها انه بيفكر كيف يحل موضوع جدته ,,, طلع للغرفة فوق وهد جسمه على السرير ونام شويه وسط ذهول هيفاء مو عوايد فهد ابد انه ينام ,,,

جهزت هيفاء العشاء اللي سوته اليوم على الطريقة الايطاليه من بيتزا بالخضار لسلطة الروكيت مع باستا محشوه ,, هيفاء فاضيه طول ما فهد في الجامعه وتحط وقتها في تنويع الاكل حق فهد ,, ما عندها شي تسويه خصوصا انها ما تقدر تطلع بالحالها ,,
حبت انها تستعد لفهد وقررت انها تصارحه بكل اللي في قلبها ,, من مشاعل لعبير لسالفة طلاقهم ,, ودها تبتدي معه صفحة جديده مليئة بالحب والعشق والود والخجل والشوق منها ومن فهد ,,,
دخلت غرفتها وشافت وش عندها ,,, لقت لها بنطلون اسود شرته مع عمتها مريم ضيق ,,, ومعاه قميص باللون الرمادي المطعم بالفضة
قصته مخصره بس لحد البطن ,,, وهاي نك لكن بكت صغير مره لليد ,, كثفت مكياجها كالعاده وزينت فمها بللون البنفسجي الفاتح ,,
عطرت غرفتها بالبخور المعطر ,, ونزلت لغرفة فهد لقته متمدد على السرير ,, وهو حاط يديه وراء شعره ,, دخلت وشافته يفكر واول ما شافها : ليه تبدلين في غرفتك ,, احنا ما اتفقنا ان حنا نتقاسم المكان ذا ,,,
هيفاء : مو قصدي بس ما بغيت ازعجك ,, واخذ راحتي بس في اللبس ,,,فهد انت مو عاجبني صاير شي ,,,
فهد : لا وش بيصير يعني,, لكن زهقت من الجامعه ,,,
هيفاء : ما بقى شي يا عمري هانت كلها كم اسبوع ونرجع ,,,,
نزل معها فهد تحت عشان يتعشى ,, وسط اعجابه بتنظيمها لمائده صغيره لكنها تضاهي اجمل موائد الاكل ,,,

طول الوقت وفهد شاغله موضوع بكره وتمنى من قلبه انه لو ماعرفهم كان احسن له ,,,
هيفاء بأحساسها عرفت ان فهد فيه شي مضايقه لكن مهو راضي يفصح عنه ,, وحاولت بطريقتها انها تطلع اللي في قلبه ,, لكن شكله متكتم بزياده ,,,
خلص فهد بحثه وسط مراقبه هيفاء له وهو يكتب ,, وشافته ماله مزاج ,, جت جنبه وعرضت عليه خدماتها : تبي اطبع لك فقره عشان اخلصك من نسخها ثاني مع تدقيق املائي وكل شي ,,,,
فهد : تقدرين ,,
هيفاء : طبعا وبسرعه تناولت هيفاء الاوراق وخلصتها بسرعه في غضون ساعه وسط اعجاب فهد المنقطع النضير ,,,
حس فهد انه ارهقها اليوم من طبخ وغيره ,,, فوده انها ترتاح ,,, خذها من يدها وطلعوا ينامون لعل وعسى يقضي معها وقت لهم
في الصباح الربيعي ,, طلع فهد للجامعه واكيد ربعه بيجونه هناك ,, بعد ما خلص المحاضرة ارسل لهيفاء مسج انه راح يتأخر ,, تكدرت شوي انه ماراح يكون موجود,,

فهد في زحمة الشباب التموا البنات عندهم في الوسط ويحاولون يضيفوهم من اللي شروه من المطعم ,,, وهم مستمتعين بشكل البحيره

اندمج فهد مع المجموعه بسرعه ولاكنه ما نام البارح ,, وقعد يتسابق مع رائد في سباق القوارب ,,,
ساره تعمدت انها تركب مع فهد وبأتفاق مع هند انها تركب مع هيثم عشان ما يسمحون لفهد يسوي اللي يبيه
فهد نزل جاكيته على حرف القارب الصغير عشان ما يعيقه عن التجديف ,,, وقعد يتسابق مع قارب هيثم واصوات الضحك ماليه المكان

وقف قارب هيثم فجأه وااشر على فهد انه يجي يمهم يسوقه ويعرف علته ,, قام هيثم من مكانه ,,,,وقعد فهد محله ,, ونسى جاكيته على حرف القارب ,,,,
ساره على طول ما صدقت خبر احتفظت بالجاكيت في حضنها ,,,,حست بالجوال على الهزاز خذته من الجاكيت وشافت المتصل حبيبتي ,,,
استغلت الفرصه اللي جايتها من السماءورفعت الخط وهي تقول بدلع
ساره :الووو
هيفاء انصدمت انها تسمع صوت نسائي انه يرد عليها :وين فهد
ساره : فهد مشغول شويه عن اذنك ,,,

((الجزء التاسع والثلاثين ))


فهد لمح ساره تشيل جواله واستغرب جرئتها انها تتعبث بأغراضه فاشر على هيثم انهم يوقفون عند الرصيف ,, جاهم فهد وهو قلق من اللي شافه وخصوصا ان فكره صار شغال ,, اول ما قرب لهم خذ جاكيته وهو يقول لساره : مين تكلمين من جوالي ,,
ساره : هذه يا قلبي زوجتك متصله وقلت لها انك مشغول ,, وبرود اعصاب وهي تتكلم مع فهد ,,
لكن فهد مثل البركان اللي بينفجر : من سمح لك تمسكين الجوال ,,
ساره : مافيه حاجه ممنوعه علي اللي ابيه بسويه وبعدين سويت فيك خير لما رديت عشان ما تنشغل عليك
فهد وهو وده يعيطها كف يعدلها : بصراحه قلة ادب غير مسبوقة من زملائي ,, وانا ما اتشرف ان وحده مثلك تصير زميله لي ,,,
خذ فهد الجاكيت وطلع على سيارته وهو يشوف ساره تصيح على كتف هند والشباب يهدونها ,, وهو يمسك مقود سيارته .. تستاهل هالزفته ,, يالله وهو يضرب يده على فخذه ,, وش تسوي هيفاء الحين ,,, لا يا هيفاء ارجوووك لا تصدقينها ,,,
صارت سرعته اشبه بالجنون وهو يسوق السياره ما يفكر الا في حبيبته كيف مشاعر مشاعرها ,, اكيد متأثره ,, وتم يدعي في نفسه لحد ما وصل ,,,,


هيفاء دخلت غرفتها فوق بهدوء عاصف في نفسها ,, بعد ما سكرت ماحست انها تبي تقطر دمعه وحده على فهد ,, ومر شريط ذكرياتهم الحلوة بين عيونها ,,, معقوله فهد بذاك الحب والمشاعر الرومانسية يكون له وده ثاني يقدر يخفيه عني ,, وانا المغفله حبيته ووثقت ان مافيه اي احد يقدر يغير مشاعرنا تجاه بعض ,, لو هو صادق صحيح ليش يسمح لها ترد على جواله ,, المفروض مثل ما اتقن اللعبة واجاد التمثيل علي انه يكمل للنهايه ,, حست بقسوة شديده تضغط على قلبها معقول ,, معقول فهد تكون له حياة ثانيه مدري عنها ,,
وتذكرت البارحة وسهرتهم اللي قربت للفجر وهم ينهلون من نهر العشق ,, كرهت نفسها , انها قدمت له روحها على طبق من ذهب ,, ولاول مره من عرفته كسرت حياءها وعبرت له عن كل مشاعرها المتدفقه ,,, ااااااخ انا الغبية ,,, كلما تذكرت مشهد ودها تسوي في نفسها شي ,,
كل مشاعر الحب البارح تحولت بعد المكالمة ذي لمشاعر قاسية جدا ماحبت انها تعترف بها لنفسها لكن مامنها مفر ,, الحين والا بعد شوي ,,, النتيجة وحده ,, وش بيقول فهد ,, عذر جديد من اعذاره اللي برع في اتقانها ,,, كله مني ,, انا انا اللي سلمته نفسي وصدقت كل اللي قاله ,,,, هيفاء تروعت من تفكيرها وين وداها ,, لوهم قدامها الحين يمكن سوت فيهم جريمه وبردت خاطرها ,,,

قعدت ساهمه على مكتبها ,, اخر ما تذكرت انها جهزت اكل وحلووو تعبت وهي تسويه شوكليت على الطريقة الفرنسية
واول ما خلصت وبدلت ومابقى الا فهد يجي كلمته تبي تشوف متى بيجي ,, اخر احساسها بالأشياء يوم سمعت صوت ساره ,,,

دخل فهد وهو يرفع صوته عند المدخل هيفااااء .... هيفاااااء .... هيفااااااااء
هيفاء تسمع فهد وهو يناديها ومافيها اي ذرة احساس انها ترد فيها صدمة من الموقف ,,فهد وهو يطلع على الدرج
كل ثلاث درجات مع بعض ,, فتح غرفتهم ما حصلها,, ثم طلع لغرفتها وبطئت حركته اول ما وصل للباب المسكر ,, قلبه يرجف من ردة فعل هيفاء,,
فتح الباب بهدوء وعينه تطيح على هيفاء وهي قاعده على مكتبها,,وحاطه يديها تحت خدها وتشوف ما وراء النافذه ,,,
فهد : هيفاء
هيفاء بصوت وااطي : نعم
فهد وهو يجي جنب هيفاء ويبي يمسك يديها وهي تشيل يدها منه بحده ,,
هيفاء : عادي ارجع لها ليش جاي ,, مو اول مره تسويها يا فهد ,,,
فهد : هيفاء انتي من جدك هاذي ما تعني لي اي شي ,,
هيفاء :لا ما تعني لك وهي تشيل جوالك ,,,واضح يا فهد كل شي ,, وقفت هيفاء عند النافذه وحست انها هيفاء البنت اللي قبل تتزوج ,,,
جامده وما شي يهزها ,,
هيفاء : على العموم هاذي حياتك وانت حر في تصرفاتك وهالشي ما يعنيني ,,,

فهد : هيفاء لا تخربين كل اللي راح بشي انتي فاهمته غلط ,,ساره عندي هي والجزمة واحد ,,, فاهمه هالشي والا لا ,,,
هيفاء ساكته ,,ما ردت عليه ولا التفتت له تحاول تهرب منه ومن عيونه اللي اكيد فيها ترجي انها تعرف الحقيقة مثل ما يقولها ,,
هيفاءوهي تاخذ نفس وتتنهد بقوه تنهيده لما سمعها فهد ضيقت عليه ضلوعه ووده انها ظاهره من جوفه ولا ان هيفاء يصيدها كدر بسيط ,,
فهد : هيفاء اذا انتي تعرفين وش تعنين لي فحكمي عقلك ,, الزفته ذي شافت جوالي وردت عليك ,, والله اني قدام العيال هزئتها وقطعت علاقتي بهم ولا يربطني بهم اي شي ,,,
هيفاء :شي راجع لك ..,, هيفاء صوتها فيه لا مبالاة غير طبيعية لدرجة ان فهد ما عرف هل هي من جدها والا تحاول تتغلى عليه ,,
هيفاء تحركت من المكتب وطلعت من الغرفة ,,
فهد : اكلمك وين بتروحين ,,
هيفاء : اجهز غداءك والا تغديت معهم وخلصت ,,,
فهد وهو يقرب لها ويمسك كتوفها بين يديها ويهزها بقوه : اصحي يا هيفاء قلت لك ما تعني لي شي ,,,
هيفاء طلعت من الغرفة ولو ودها تطلع من البيت حست انها مخنوقة ,,,,,,,
طلعت في الحديقة وقعدت تحت المظلة وهي تفكر في اللي صار لها : ليه يا فهد وش سويت لك تعاملني كذا ,, هل استاهل انك ترد لي كذا
هل كلامك مع البنات عادي وبدون تحفظات ما تشوف انه يأثر في نفسي ,,,


فهد تضايق من ردة فعل هيفاء ,, تأكد انها انصدمت منه بس هو حلف لها انها ما تعني له شي ليه ما تصدقني ,,,

زفر فهد بحره وهو مو عارف وش يسوي ,, هل يروح لها ويترجاها انها تعذره والا وش يسوي ,,,
انتبه ان دفترها على الطاولة ,,
فتحه على اخر صفحة

لقى بتاريخ اليوم وبعنوان
(( عيون تحمل الغرق ))

ضاعت عيوني تبحث في متاهات الحياة ,, تبحث عن قلب يحيتويها بين دفتيه ,,
قلب صاحبه اكون محور حياته ,, نظرت له يوما ,, لم يلفت انتباهي الا برجولته التي حاولت ان اهمشها كي لا ينتزع مني اعتراف
بمقدرته على اثباتي بمدى سيطرته علي ,,,حاولت الهروب من عينيه كثيرا ,, كر وفر ,, اقبال وادبار ,, هدنة وحرب ,, صيف شديد
وربيع جميل ,, وانا اقاوم الغرق في بحر عينيه ,,,
وبعد صراع شديد في امواج قلبه سقطت في هوى عينيه ,, حملني الى شاطئ عشقه وتعاهدنا على الحب والوفاء ,,واغدق علي جميل كرمه وبعثرني في حنايا فؤاده حتى ملك قلبي ,, وهاهو اليوم يصدمني ,, بحادثة جديده ,, لم تكن الاولى فهل تكون الاخيرة
وهل استمر في صراع جديد ,,, سقط القلم ولم يتبقى لدي الا مشاعر مكبوته فهل اطلقها ام اجعلها حبيسة الوجدان لعلها يوما تجد طريقها ,,,)))


فهد يعيد قراءه الخاطره مره ومرتين وثلاث ,, تأكد ان هيفاء لا يمكن ترضى عليه بالسهولة هاذي ومو اعتراف له يمكن يبعث الثقة في نفسها فهي محتاجه للامان والاطمئنان ,,واحتوائه لها بكل ما تعنية الكلمة من معنى ,,,


ريما اتفقت تطلع مع العنود ثاني عشان يتقضون للزواج ,, خافت الوقت يروح من بين يدها وهي ما استعدت لأي شي ,,
مرت عليها العنود بس ما نزلت كانت تنتظرها في السياره خافت تشوف سعود قدامها مره ثانيه ,, كانت لابسه نقاب ,, ما تدري ليه بغت تجيهم وهي لابسه خافت يمكن سعود يهزئها ثاني ,,
وهي في السياره جت سيارة ريما في الباركنج وطلعت لها ريما من الفيلا فنزلت العنود من السياره ,,, اول ما التقوا عن باب السياره وركبوا قالت لها ريما: عنود ما ابي اصدمك سعود بيودينا ,,
العنود : مهبولة انتي ,, من قالك اني موافقة وتفتح باب السياره تبي تطلع ,,,,
ريما وهي تمسك يديها بقوه : تعالي استخبلتي وش بيقول سعود عنك ,, بيقول خبله ذي ,,
ما انتبهوا لسعود اللي فتح باب السيارة ودخل ,,
سعود : اسمع اسمي وش عندكم,,,
ريما : سلامتك يا قلبي نطريك بخير اقول حق العنود ان السواق مشغول وانك بتاخذنا للسوق ,,
سعود وهو يشوف العنود بمراية السواق وانتبه لنقابها وضحك في قلبه : عشان خاطرك والا تعبان مرره ,, بس كلموا حد يجيكم ,,
ريما : ان شالله اذا خلصنا بنشوف ,,,
العنود صاااخه ومحتره من ريما اللي ما خبرتها كلش ,,

طلع بهم سعود للمول التجاري وطول الطريق وهو يسولف مع ريما ,, حست العنود بهيبته طاغيه على المكان ,, شافت فيه من اخوها نواف السيطره وقوة الشخصية ,,,
اول ما وصل عند المدخل وبينزلون نزلت ريما من بابها وحاول يعطي مسكر لباب العنود وده يصرف ريما ,, اول ما شاف ان ريما نزلت
التفت للعنود بوجهه ,,
سعود : ما اقدر اصبر من اللي خاطري بس عجبني التزامك باللي قلت لك ,, حلووو عليك النقاب مررره ,,,,
العنود انحرجت منه ونزلت من السياره لريما اللي تطالعها ,,
ريما : وش فيك تأخرتي سعود عنده شي ,,
العنود : يقول كلمي نواف ياخذكم ,,,

ريما : لا لا انا ما ابي اروح مع نواف بنشوف حد ثاني ,, العنود ما ردت عليها وارسلت مسج لنواف ان الساعه 8 تعال خذنا من المول التجاري ,,,,


هيفاء قاعده في الحديقه تلعب بها الافكار توديها وتجيبها ,,,,نزل فهد ما لقاها في المطبخ ,, شاف بس اثار ترتيبها للغداء اللي كانت تجهزه وانا خربت عليها ,,,دورها لقاها في الحديقة تحت المظله ,,, قررب لها وقعد جنبها ,,,
مسك يدها بين ايديه ,,,
فهد : اجهزي بنروح لجدتي ناخذها وبنرجع للرياض ,, خلاص بكنسل الدراسه ,,
هيفاء ارتاحت لفكرة انهم مو مع ساره بس ماهان عليها تعب فهد يروح كله خساره كذا ,,,,,
هيفاء : ما يحتاج اتكنسل دراستك كلها شهرين وبنروح
فهد : هل توقعين اني استانس اذا شفتك كذا ,, هيفاء انا اتلخبط اخترب بالممررره لا اعرف المكان ولا الشكل ,,ولا حتى لون الشجر ذا اللي قدامك
اشوف الدنيا بدون لون اذا ما ضحكتي ,,
هيفاء ظلت ساكته ,, تبي تصدقه بس فعله يقول كلام ثاني وخافت تنجرف ورى مشاعرها ,,
استئذنت من فهد انها تعبانه وطلعت غرفتها ,, اول مادخلتها سكرت الباب وتمددت على السرير وهي تصيح على حالها ,,

فهد طلع عنده كم شغله ووده ينجزها لان تقوم عليها اشياء واااجد ,,,
قامت مكسله ,, ولبست رياضة مخمل ,, وقعدت تنظف اللي قدرت اتنظفه,,,,,
دخلت مكتب فهد ورتبت اوراقه ,,, ولقت فيه ورقه مكرره عن طلب سفره ورجوعه للامتحانات ,,, تأثرت هيفاء انها عارفه ان فهد سوى كل هذا عشانها وعشان ترتاح ومايروح كل يوم للجامعه وهي على اعصابها انه يشوف فلانه وعلانه ,,, كبر فهد بعينها وتمنت انه يقطع علاقاته مع البنات لانه اصبح شي متكرر ,,,,


اول مادخل فيصل غرفة لمياء شافها وهي تسأل اللمرضه عن ولدها
فيصل :ارتحتي الحين يا قلبي
لمياء : اذا انت معي خلاص ما ابي اي شي ,,,
فيصل : انك معك دوووم ,,
كمل فيصل شرح حالة ولدهم وانه ان شالله كم اسبوع ويجي معهم للبيت ,,,


كلم فهد جدته وهو يقولها تتجهز بيجي ياخذها ,,, سكر اوراقه وطلع لغرفته ,, شاف انه نهار طويل ويبي يرتاح ,,,
اول ما دخل للغرفة شاف الوحشه تلفها ,, طلع لغرفة هيفاء لقاها قاعده على المكتب تقرا ,,
دخل بهدوء بالغ واول ما شافها استانس انه مو وحيد في هالعالم ,,دخل فراشها وتلحف وهو يحس بالراحه النفسيه انه يسوي كل هذاوهي تشوفه هيفاء ظلت تراقب فهد ,, وش فيه يسوي كذا وليه ما نام في غرفته ,,,
فهد : حبيبتي ,, بكره بنطلع لجدتي جهزي حالك,, ما ردت هيفاء عليه

فهد وهو يطالعها : هيفاء : تعالي هنااااا
هيفاء وهي توقف تبي تشوف وش يبي : لبيه ,,
تدرين انك تذبحيني بنظره وحده بس ,,, تدرين انك تعنين لي اشياء مهمة في حياتي ,, انتي الفرح ,, وانتي العشق ,, وانتي الامل ,, انتي الطموح ,,,وانتي عمري كله وااشر لها تجيه لانه في شوووق كامل انه يضمها بعد يوم جااااف من المشاعر ,,,
هيفاء اللي شوقها اكثر من شوق فهد ما حست بنفسها الا على كتفه وتصيح من قلبها على اللي صار كله اليوم ,, ما تبغي تفقد فهد ,,, وتشوف انها تخسر عمرها ولا تخسره شي ممكن يعوضها عن فقده ,,
ما يدرون ابطالنا وش كثر قعدوا على هالحال في ضمة وحده لعلها ترويهم عن ظما هاليوم ,,,,

قبل هالكلام بشوي كان نواف لابس سبور وشكله بودي غارد ,, واقف ينتظر عند احدى المحلات لين تجيه ريما والعنود ,,,
من مر عليه وشاف شكله المميز طوله على طريقة تحليقته على شكله وهو واقف ,,, يدعوا الجميع انهم ينشدون له تلقائي ,,,
اول ما شاف ريما والعنود كان وده يتهور ويطلع مع ريما للعشاء ,, لكنها اعتذرت اانها مو مستعده الحين
نواف : خلاص ما راح اعزمك ثاني مره اذا بتفشليني ,,,
ريما : مو كذا لازم اتجهز والبس واكشخ ,,,,
نواف : من قال لك انا بروح معك مكان ما راح ينتبه لك اي احد بس يالله امشي ,,,ريما وافقت تحت الحاح نواف وطلعت معه بعد ما وصل العنود لمطعم بعيد عن اعين الفضوليين شوي ,,,,


اول ما قام فهد وحس ان هيفاء جنبه ارتاح نفسيا وحس انه افتك من الكابوس اللي شافه امس ,,,
شاف ان الدنيا ما تسوى يزعل فيها روووحه اللي يحس بعد الحب والعشق اللي بينهم انه مستحيل يستغنى عنها ,,,
مسح فهد على شعرها وهي نايمه ما تحس هيفاء ارتاحت في نومتها لأنها كانت ماررره بمرحله صعبه ومنعطف خطير ولولا صبر فهد الحين يمكن تزعل عليه ,,,,وينتهي كل شي بينهم ,,,



قام فهد وهو يحسب خطوته بشويش ,,ما وده هيفاء تصحى شكلها تعبان ,, لكنه ما وصل للباب الا هيفاء تلتفت له وهي تقول بصوت رخيم
هيفاء : فهد لاتروح فديتك ,, خايفه لا تخليني ,,,
فهد وهو يطمنها انه معها مالقى ابلغ من انه يشيلها ويوديها عنده تغير المكان شوي,,, نزلها على السرير ,, ودخل يبدل يبي يطلع ياخذ اوراقه ,,,
هيفاء وين بتروح ,,,
فهد : مفاجأة لك,, جهزي اغراضك ورانا سفر بس لازم اطلع شوي وراجع ,,,

الجزء الاربعين ))

((أ))


قامت هيفاء بنفس وهي ترتب شنطتها ,, خذت لها كم لبسه ,, وكملت تجهيزها وفتحت شنطة فهد تبي ترتب فيها الاشياء الاساسية
جاها اتصال من ريما ,, مشاعرها اليوم فوق السحاب ,, تبي تطير وتقول لكل الناس انها فرحااانه ,,,
ريما : الو يا ناس يا قاطعين ,, ما يسوى عليكم جدتي خلتكم ما تحسون بنا
هيفاء تضحك بأشراقه ملت عليها روحها : حبه حبه علي اسكر الحين واخليك تكلمين الهواء وهي تكمل ضحك
ريما : اقول هيوفه وكاد فهد ما لعب في حسبتك وخلاك تنسيني ترى خوي اعرفه ,,,
هيفاء : خليه يسوي اللي يبيه انا موافقه وبدون شروط
ريما : لاااااااا انتي مرووووقه مرررره ممكن بس تقولين لي وش سر هالسعاده ,, دخولوني جوووكم عااااد
هيفاء : احبه يا ريما ,, ااااااااحبه ,, فاهمه ,,, ريوووم وش اقولك ضحكته تخليني اضحك نظرته تدوخني ,, ريووووم تعالي شوفيه وهو يدرس ومشغول جاذبيه ما حصلت ,, لا وزعله شي ثاااني ,,,
ريما : يوووووووو هذا كله في فهد ,, ابسط يا عم ,, الله يهنيكم ,, وبعد مافيه شي ثاني ,,
هيفاء : لقولك لين بكره وانتي تسمعيني ما خصلت ,,
ريما : خلاص بخلي نواف ياخذ دروس من فهد ,, مع انه متخرج خلقه بس بعد منكم نستفيد ,,,,,
قعدوا يضحون وعقبها ظلت ريما نص ساعه وهي تشرح لهيفاء عن اغراض تبيها تجيبها لها ,,,


فهد وهو يكلم البروفيسور ويتفق مع على خطة الدراسة الجديده ,, وينهي رسالته ويرجع يناقشه بعد شهرين ,,,
طلع من المكتب وهو في الممر شاف هند وساره جايين ,, تأكد انهم جايين بطريقه متعمدين ,,,
ساره وقفت تبي تكلمه عنده امل انه يرضى عليها ويرجع يكلمها عادي
ساره : فهد ممكن ,,,
فهد : لوسمحتي ,, انا مشغول ومو فاضي ,, ويكمل طريقه للباركنج وسط ذهول ساره اللي ما توقعت ان فهد راح يعاملها كذا ابدا ,,,

ساره وهي تكلم هند خساره فيه كل الوقت اللي راح وانا ظنيت اني بقدر عليه ,,
هند : قلت لك من اول من كانت هيفاء زوجته مستحيل يشوف غيرها
ساره : اووووووه ذبحتيني كنك ما شفتي خير ,, من زينها ,,,

دخل فهد بيته وهو فرررحان من الخطوة اللي سواها ,, لقى هيفاء في المطبخ تسوي قهوة تعدل المزاج ,, ترك اوراقه على الطاوله ,, وقرب لها بيضمها ,, مسكها من وسطها ورفع غرتها من جبهتها ,,
فهد : ابيك تعرفين انه عشان خاطرك بسوي اي شي ,, ولو هو صعب يسهل لك ,, ولوهو بعيد يقرب لك ,, ولو من اخر الدنيا مطلبك اجيبه لك ,,,
هيفاء حست قلبها يرف من الفرحه فهد من البارح وهو محتويها بين ضلوعه ومحسسه بكل الأمان اللي بغته : فهد شوي شوي علي ترى ما اقدر انا كذا
فهد : انا كلي لك ,, روحي وقلبي وعيوني فدوة لك ,, ابقولك يا حبيبتي اني باخذك الحين على اول طياره المساء وبنطلع لجدتي ,, ودي انها تشوف فرحتنا ,, ودي تقاسمنا سعادتنا مثل ما شافت الله لا يرجعها ايام المشاكل والعتب ,,
هيفاء : يا ليت يا فهد بس دراستك ,, انا ما اقدر اخليك تخرب كل شي على النهاية ,,,
فهد : دراستي اصلا ما بقى الا اني اخلص كل شي واقدم الرساله عشان المناقشه ,, اتفقت مع الاستاذ وبرجع معاك بعد شهرين للمناقشه ,,,
هيفاء وهي تضمه بقوه في رقبته ,,, يا ليت يا فهد ,,,
فهد يالله خلينا نجهز انفسنا عشان نطلع ,,,,,


بعد الظهر اتصل نواف على ريما ,, في باله كم شغله بيسألها عن بيتهم ,,,
نواف : شخبارك يا دنيتي ,,
ريما : الحمدلله تمام ,,
نواف : مشتاقلك يا قلبي
ريما ودها تجاري نواف بس ما كسرت هالحاجز ولسى بدري : كيفك انت خلصت من اشغالك
نواف صار يعرف لريما اذا غيرت الموضوع لكنه يعجبه حياءها منه : انا متصل عليك عشان كذا ,, ودي تختارين اللي تبين وانا بمر اشيك عليهم ,,
ريما : انا واثقه في ذووقك وبعدين انا يادوووب اخلص اللي عندي ,,
نواف : خلاص وهو كذلك اتركي كل شي بس ابيك تهتمين في نفسك ,,,


سلطانه وطلال الثنائي الهادي قاعدين ,, في مجلسهم المطل على حديقة القصر ,, دخل عليهم سعود ,,
طلال : وينك يا سعود ما صرت اشوفك ,,,
سلطانه : لو هو متزوج على الاقل نستلى بعيالك ,,,
سعود : بس كذا خلاص ابشروا اصبروا علي شويااات واتزوج
طلال : انت حاط عينك على حد ,,,
سعود : تقدر تقول كذا بس للحين استخير ,, يبي يطلع منهم عشان ما يسألون اكثر وخصوصا ما يبي يقول عن اسمها الا اذا تأكد انها موافقه عليه ,,,


سعود طلع لريما في غرفتها ,,, واول ما دخل عليها لقاه ترتب مكتبتها ,,
سعود : ما تشبعين من كثر ما ترتبين هالمكتبة ,,,
ريما تضحك ,, بالعكس يا عمري احلى شي لما اصففها احصل شي من زمان عيني منه بس الحين انا ماعندي وقت لها لكن ادور كتاب العنود تبيه ,,
سعود : ااااه ,,, ريما جتك مسجات جديده ,,,
ريما : اااه ما اتذكر شف جوالي يمكن فيه شي ,, سعود ما صدق انها تقوله وعلى طول ياخذ الجوال يبي يشوف الاسماء
وريما بعد ما قالت له دار راسها من رساله لنواف جتها البارح ,,, يوووووو فشيله ياخوي
ريما : نواف عطني بوريك رساله حافظتها ما راح تدلها
سعود وهو يحفظ رقم العنود يعيطيها الجوال : لا خلاص بطلع تذكرت اني عندي شغل ,,,,
سعود اول ما طلع خزن رقم العنود في جواله وفي باله فكره راح يسويها الليلة ,,,,


في اخر مساء ذاك اليوم وصلوا فهد وهيفاء لمدينة عمتهم مريم ,,, اول ما طلعوا من المطار ,, توجه بهم التاكسي ,, لفندق اعتاد فهد انه يسكنه في السنوات الماضيه اذا زار عمته,,, طول الطريق وفهد ماسك يد هيفاء في يده ويسولف لها عن اخر زياره للمدينه هاذي ,,,
وقفت السياره عند فندق ظنت هيفاء من بناءه العريق انه قديم ,,, اول ما دخلته انبهرت من فخامته ,, اسرها بكثر اللوحات المرسومة من قبل فنانين عالميين ,,انتقلت بنظرها من مكان للثاني وهي تحاول ترسم في مخيلتها نبذه عن المكان هذا عشان تدونها في خاطرتها ,,,,
طلعت مع فهد للجناح اللي حاجزه من قبل وهم في مدينتهم ,,, اقل ما يقال عنه انه روووعه ,, بألوانه وستائره الشرقيه وودقة خشب الجوز القاتم,, اوحت لها بعراقة المكان مع ثمنه الباهظ ,,,
قدرت لفهد كل اللي يسويه عشانها ,, ما تدري وشلون تشكره ,, بس الاكيد ان اقرب فرصه راح تعبر له بكل اللي في نفسها ,,,
فهد : وش رايك يا قلبي
هيفاء ونظراتها ممتنه له بشكل خيالي : ما اقدر اتكلم ,, شي اعجز لك عن وصفه في نفسي ,,
فهد : هذا المكان جيته من سنتين ,, ومن كثر ما عجبني عاهدت نفسي ,, اني اذا تزوجت اجيب زوجتي هنااا ,,
هيفاء : اجل حظي انك فكرت بهالفكره ,, وسرحت بنظرها بعييييد
فهد : طلبتك يا قلبي ,, وين راح بالك
هيفاء وهي تنتبه له من سرحانها وابتسمت بخجل : اتخيل لو انا مو زوجتك ,, من هي سعيدة الحظ ,, بس
فهد باس خدها : كان برضوا بستنى لين تجيني ,, تدرين يا هيفاء انه ولا وحده قدرت تلفت انتباهي ابدا كثرك ,, خذ يدها وقعد على الكنبة وكمل لها وهي كلها مستمعه له : انا ما راح اكذب عليك انا في بدايتي عرفت بنات زي هالشباب ,, بس حسيت انهم تافهين وماعندهم هدف كثر انهم يعرفون احد عشان يصرف عليهم ,, وما تدرين تكلمك الحين وبعد شوي راح تكلم ثاني ,, فشلت نفسي من هالعالم مرررره
ووعدت نفسي اني احافظ على قلبي لحد ما تملكه صاحبته ,,
هيفاء وهي متردده بس لازم تقول اللي في خاطرها : وعبير ومشاعل وهي ترفع عينها في عين فهد تبي تشوف ردة فعله ,,,
فهد : ااه وهو يتنهد ,,, تدرين بس الله يفكنا منهم وشلون هالسوستين نكدوا علي حياتي ,, وبغبائي انا سمحت لهم ,,
فهد وهو يكمل كلامه : عببيييير عبيييير يا عمري بنت خالتي تعود اشوفها من يوم صغار ,, كنا نلعب مع بعض ونروح المزرعه وهم يجون معنا كانت مثل اخت اكثر بس هي لما كبرنا فكرت اني ممكن اتزوجها
هيفاء تقاطعه : انت لمحت لها شي
فهد : لا لا كانت تقول ليش ما نتزوج والحب بيجي بعد الزواج وكنت اقولها انا ما افكر واذا فكرت بفكر فيك كأختيار ,, عاد هي تبي اتزوجها لكن هي مو نصفي اللي اتمناه ,,, اما مشاعل ,, ترى ما قد توددت لي ابد واستغربت حركتها ذااك اليوم في المزرعة حتى فكرت انها عشان عبير ,,, اثاريها عشان نفسها وكشفتهم صديقتها ,,, حتى اعترفت لمشعل عقب ,,

هيفاء : ما تدري وش كثر حزنت من نفسي وزعلت عليك هذا اليوم في المزرعة يوم صدقتهم في الكلام اللي قالوه ,,,
فهد : هيفاء انا كنت معجب بشكلك وقوة شخصيتك بس ما عرفتك زين الا لما جينا للمزرعة مره ثانيه بالحالنا ,,, هناك اكتشفتك ,,

هيفاء : ممكن اطلب منك طلب
فهد : اطلبي عيوني ,,
هيفاء عيوني انت ,, انا ما ابي يصير عادي عندك تكلم البنات عادي ,, انت نيتك تشوفها عاديه لكنهم يستغلون ذا الشي عكس ما تفهمه انت ,,,
فهد : توووووووووبه بعد اللي ما تتسمى انه يكون عادي ,,ابشري يا قلبي باللي يسر خاطرك ,, انا ليه تركت الجامعه وبكمل البحث بنفسي ,, الا عشان هالعيون اللي ما استحمل يجيها كدر ,,, فاهمه هالكلام ,, ابيك تثقين فيني حتى لو مية وحده يبوني اعرفي اني ابيك انتي وبس
خذ فهد يد هيفاء وباسها ,, وهيفاء الدموع مثل صفحة الموية في عينها ,,,
فهد : افاااا لا انا ابيك تفرحين ,,
هيفاء وهي تضمه بقوووه : اكيد بفرح دامني معك ,,
مسح دموع هيفاء اللي تسأله هل بيرحون لجدتها ,,,
فهد : الليلة ابي اقعد معك انتي وبس ,,, ضحكت له هيفاء ضحكتها الحلوه وقامت تبي تشوف لبسها ترتبه ,,,


سعود وهو في غرفته ومتردد من اللي بيسويه ,, لكنه عزم وتوكل على الله ,,,
دق سعود على رقم العنود وبعد فتره رفعت الخط وهي تقول : نعم
قعد سعود فتره ما تكلم وهي على الخط ما عرفت هل الطرف الثاني يسمع لها والا لا : الوو مين
سعود : انا سعود , وابي اقولك كلمة بس وبعدين سكري
العنود صخت سعوووود وش فيه يكلم اخر الليل لايكون متعمد يسوي لها مقلب شي ,,
سعود : عنود انا ابيك وابي اتزوجك , اذا انتي موافقه ابي اعرف ما ابي احد يضغط عليك ,,
العنود محتره من طريقته : والله لنا باب ولي اخوان تكلمهم ,, ما تعودنا حد يدخل من الشباك
سعود عصب عليها انه فهمته غلط : لحظه لا تفهمين غلط وتعكسين الكلام / انا ما ابي احد يتدخل بينا فهمتي اذا موافقه بتقدم من بكره
العنود : اسمح لي فمان الله وسكرت التليفون في وجهه وسط ذهوله اللي ما توقع ان العنود بترد عليه كذا ابد ,, ما يدري ليه يوم حس تجاهها باللي في نفسه انه توقع انها تبادله نفس الشي قلبه يقول كذا ,,,,,


تركت هيفاء جوالها على الطاوله ,, وقعدت تبدل ملابسها تبي تستعد لفهد وما انتبهت لدخول فهد عليها وهي للحين ما تجهزت ,,
كانت عمتها مريم من الناحية الثانية اللي ياست انهم يردون عليها
ام طلال : هااا ردت عليك ,,
مريم : لا هي ردت ولا فهد يرد بس لا تقلقين ,, دامه يرن فهم بخير تلاقينهم نايمين ولا شي
ام طلال : ما ينامون هالوقت قلبي انشغل عليهم يا عمري ,,
مريم خلاص خليني اكلم الفندق اللي يجي فيه فهد دااايم ,,بعد فتهر طلعت رقمه واتصل على البداله وسئلت عن فهد ال :::::
وحولوها على الجناح ,, قعد يرن فتره ولا جاها رد
وعادت الاتصال ثاني بعد شوي :فهد وهو يرفع السماعه ببطء: يس
مريم : الحمدلله على السلامة ,, انتوا طيبين ,, كان طمنتونا عليكم ,, ما عطت فهد فرصه يحكي ,,
فهد مستمتع بشوفة هيفاء : معليش يا عمتي سامحينا كنا نتعشى وهو يغمز لهيفاء :
مريم : علينا هالكلام ,, المهم انكم طيبين ,, ننتظركم بكره على الغداء وهي تضحك لفهد ,,,
مريم : مافيهم الا العافية يتغلون علينا ,,,
ام طلال بسعاده كبيره : عسى ,, مشتااقه لهم والله ,,,
مريم كلها اسبوع اللي قعدتيه ومشتاقه لهم
ام طلال : شكلك تاكلين الايام والله احسها شهر
مريم : الله يسامحك يمه ,,,


من الصباح بدري قامت لمياء وتمشت شوي في الغرفة ,, وطلعت هي وامها يروحون لفهد الصغير في الحضانه تعطيه رضعه ,, حست بشعور الامومه تجاه ولدها ,, وانه شعور غريب لها لكنه كله حنان وحب ,,

اكد لها الدكتور انه يتحسن وفي غضون اسابيع تقدر تاخذه ,,, دخل عليهم فيصل وهم واقفين عن الحاضنه والبيبي نايم بهدوء فيها ,, كانت النظرات لها الدور الاكبر في الكلام ,,, بعد فتره من الصمت خذ فيصل لمياء وطلعوا لامهم لطيفه اللي تنتظرهم ,, وعلى طول للبيت اللي راح ترتاح فيه لمياء ,,
بعد فتره بسيطه دخلت لمياء فيلتها وقدامها ريما مجهزه كل شي للمياء ,, من استقبال للضيوف للمكان اللي بتقعد فيه ,, لكل شي يخص هالمرحلة من عمر لمياء
لمياء : عقبال ما اخدمك في عرسك قولي ااامين
ريما وهي ترفع يدينها : ااامين الله يسمع منك
لمياء : استحي شوي شكل نواف خبل بك ,,,,
ريما : اسكتي يا لمووو شقول لك ,,, صايره عنده بااارده ودي احكي واعبر وابادله كل مشاعره بس مستحيه ,, الله يعيني بعد الزواج بس ,,
لمياء : لا لا تخافين الله يجعل في قلبك لزوجك موده وبتقدرين انك تعبرين عنها في وقتها ,, بعدين الحياء زين حتى بعد ما يقول عنك خفيفه ,,
ريما : صدقتي ,,, بس هو يتصل من وقت للثاني اول كان يوميا لكن من بعد ما ولدتي وقعدت معك في المستشفى تباعد الاتصال حسب الفرصه
لمياء : احسن والمفروض ماعاد يتصل لين تتزوجون ,, هو مو حلاوه كل ساعه اتصال
ريما تضحك : وشدعوا لمووو وش هالتشبيه ,,,
لمياء تمسك ضحكتها عشان العملية مازالت تؤلمها : يا قلبي اجل وش اقول ,, المهم خفي عشان يشتاق لك شويه
ريما : حاضر يا ست لمياء ,,

تجمعوا على الغداء في فيلا فيصل طلال وسلطانه وفيصل ولطيفه وريما ,, بالاضافه للمياء ,,
كان غداء عائلي ما كان ناقصه الا فهد وهيفاء واميرة القصر ام طلال ,,دارت فيه احاديث حلوووه عن فهد الصغير وتخيلاتهم للمستقبل
بعد قام طلال وطلع فيصل ارسل للمياء على جوالها
(( مشتاق اقعد معك شوي ))
قام فيصل وطلع لغرفته وتجمعوا الحريم على شرب الشاي ,, وسلطانه تسولف للطيفه والبنات عن ولادة فهد وشلون كانت ,, في اثناء استمتاعهم بالحديث طلعت لمياء بدون ما يحسون لفيصل اللي كان ينتظرها على احر من الجمر ,, كان اخر مره ضمها بشوق لماكانوا في المزرعة ,,, ااااه يالمياء وقت طويل ,,,
دخلت عليه لمياء وهو يفرفر المحطات من وحده للثانيه على امل ان لمياء تجيه ,, واول ما شافها داخله ,, اهتزت مشاعره لها وقام بسرعه يتناول يديها ,, حس بضعفها من بعد الولاده
فيصل : فديت العيون اللي على بحر المحبة تغرقني ,,
لمياء : الله على الكلام الحلووو ,,
فيصل : فديت المبسم العذب اللي بحلو الكلام يسمعني ,,,
لمياء : لا تقول شعر من وراي وانا مدري ,,,
فيصل وهو يبي يضحكها انا اصير شاعر لعيونك يا عبله ,,,,
لمياء : من قدي ,, سكتت وسكت فيصل فجأه وكان الشوق هو سيد الموقف ,,,,


قامت هيفاء بكسل وهي تشوف فهد مستغرق في نومه ,, مافكرت تصحيه ابد لحد ما يقوم بالحاله ,,,
دخلت تبدل وتأخذ شاور عشان تجهز فطور لفهد ولو متأخر بطلب ,,
حاولت تنتقي شي يطلع عليها بشكل جديد قدام جدتها وعمتها تبي يشوفون التغيير بعد في شكلها مو في روحها بس ,,,
خذت لها تنوره من الكريب الحرير بلون الكريم الغامق ,,, مع بلوز لف من قماش الحرير الاوف وايت ,,,مشغول بالدانتيل
رولت شعرها كالعاده بشكل راقي وترتبت وقعدت تنتظر فهد اذا دخل يبدل تطلب فطور ,, جاها اتصال من جدتها
هيفاء : هلا وغلا ومرحبا بقبلة الكون \
ام طلال : الله يسعدك ,, بس لاتاكلني عقلي بهالكلام ,, زعلانه عليك
هيفاء : اهون عليك تزعلين مني ,, فهد وهو يطل عليها يشوفها وهي تتكلم وياشر لها بيده ان شكلها رووووعه
ام طلال : متى بتجون ,,,
ابد نبدل ونجيك ما راح نتأخر ,,,
دخل فهد ياخذ شاور سريع ,, انتبه ان هيفاء تكلم جدته واكيد تنتظرهم على نار ,,,
طلع وهو لابس بنطلون جينز وتوب زيتي باهت شوي ,,, جفف شعره ورفعه بنظارته وطلع لهيفاء اللي قاعده ترتب اللي طلبته وتسوي له شاي ,,
فهد يمسكها من يدها : صباح الغلا ,, صباح لا يليق الا بك انتي ,,
هيفاء : صباح الورد والغلا ,,, وقعدوا يكملون شرب الشاي عشان يطلعون لعيون مشتااااقه لهم مرررره ,,,,


كان لقاء رهيب جدا ام طلال ما صدقت انها تشوف هيفاء فرحاااانه ,, وفهد من زمان ما شافت ضحكته اللي من قلبه ,,,
فهد كل ثانيه يحب جدته على جبهتها ,,,ويدها ويطلب رضاها اما مريم فهذه حكايه بالحالها ,, بعد ما قعدوا شوي مع الجده دخلت مريم للمطبخ ونادت هيفاء معاها ,, اول ما اصروا بالحالهم هيفاء تضم عمتها وتشكرها على نصايحها الثمينه ,,,
مريم : الله يتم عليكم ويهنيكم ,, فرحانه عشانكم ,,,


بعد اسبوع كامل وفهد من الفندق لبيت عمته مريم خذ جدته وهيفاء وحجز لهم كوخ في قرية على سفح جبل من سلسلة جبال الالب ,,,
يبغي يستانس قدر الامكان مع هيفاء وفي نفس الوقت يسعد بقرب جدته ,,,
الكوخ عباره عن ثلاث غرف ومجلسها لكنها غرف ضيقه,,, مع حديقه واسعه ممتده
اول ما دخلوا للكوخ تمنى فهد انه لو فيه امكانيه انه اكبر من كذا عشان ياخذون راحتهم ,, لكنه بيكفي عددهم ,,,

ام طلال : انت ليه تجيبنا هنا وحنا بنرجع للرياض ,,,
فهد : امممممم تبين الصراحه
ام طلال ,,, دام كذا على كيفكم ,, ووناستنا بك انت وهيفاء ,,, ابيك ما تزعلها ثاني فاهم اللي بقوله لك ,,,,
فهد وهو مستمتع لجدته .,,,

نواف عرف ان ريما تتهرب من مكالمته فأرسل لها مسج ابيك تطمنيني عليك من فتره لاخرى ترى كلها كم يوم ,,,,
ريما ردت عليه 0)) من عيني))

استانست جدتهم بالمناظراللي عايشينها فأكدت على فهد انها مافيها شده تطلع برى ,, هي بتكتفي بمشاهدتها من المجلس ,,
فهد كان غارق في عيون هيفاء مثل ماهيفاء اصبحت له البلسم الشافي ,,,,

((الجزء الاربعين ))

((ب والاخير ))


فهد : ودي اني معك على السحابة ذي وتشيلنا لمكان ما يشوفك الا انا ,,,
هيفاء وهي تحط يدها على فمها ,,,انا في الغرفة محد يشوفني ,,,
فهد : ولو الاماكن الطبيعية لها رونقها ,,, تعالي بس عند شجرة الصنوبر ذيك اخذ لك صوره فهد خذ هيفاء تشوف التزلج ,, ,, خذوا التلفريك وطلعوا لقمة الجبل ,, فهد مبسوط من قلبه وهو يوري هيفاء المناظر من فوق ,, وهما يشوفون السحاب القريب منهم ,,
,,,,
وهم يتمشون وسط غابات الصنوبر الممتدة على سفح الجبل وقفت هيفاء تحت ظلال الشجر وشالت لثمتها وفهد ياخذ لها صوره ,, مرت من جنبه بنت اوربيه وناداها فهد وسألها هل بأمكانها تاخذ لهم صوره ,, واللي اهدت لهم موافقتها بسهوله ,,,
البنت وهي تقرب جنبهم وتسأل هيفاء تشيل شوي غطاها ,, رفضت هيفاء خايفه حد يجي فجأه ويشوفها ,,لكن البنت اللي تتلفت تشوف هل فيه احد فيه وهي تأشر لها انتي حلوه كثيير خليك طبيعيه ,, فهد وهو ياخذها بجنبه واصر عليها تستمتع بالتصوير شوي وقعدوا يضحكون ,,,

نزل بها فهد شويه وشرى لها كابتشينو حااار ,,, وحصلت هيفاء سيده مكسيكيه مع اطفالها يتجهزون للتزلج ,,,
سألتها السيدة : انتي عربيه
هيفاء : نعم كيف قدرتي تميزين ؟؟
السيده : عيونك العربيه شبيهه بجيادكم الاصيله ,,
استمتعت هيفاء بالتشبيه ,,, اول ما شافت فهد جاي ناحيتهم سألتها اذا كان هذا زوجك ,,, وردت عليها هيفاء بنعم
السيده : يشبه عظماء اللاتين القدماء ,, قرب لهم فهد وهو يسمعها تتكلم عنه ,, وشاركهم الحديث ,,
فهد : اشكرك على ثناؤك ,, وخذ هيفاء بيمشي ,, استوقفتهم السيده واخرجت منديل مطرز بحروف عربيه وحرفين لاتينيه ,,
وسئلت السيده هيفاء : هل ممكن تحتفظين به ,,
هيفاء سألتها هل هي لك ؟؟السيده وهي تمسح دمعه من عينها : قديمه من معجب عربي ,,
الحت على هيفاء انها تحتفظ بها كذكرى لمرورها من هنا ,,, خذتها هيفاء وحطتها في شنطتها وفي بالها انها تطرز عليها حرف فهد وحرفها بخيوط الحرير للذكرى ,,,


في نقطة بعيده جدا عن سفح الجبل سعود بخطوات بطيئة تجاه مدخل فيلا عمته هدى ,, كلم عمته هدى وطلب منها يشوفها يبيها في موضوع ,,
اول ما دخل ,, كان في استقباله عمته عند المدخل وهي مو في بالها اي شي عن ايش يبي سعود ,, وخافت ليكون عنده شي يبي يقوله مو زين عنهم ,,,

بعد الرسميات دخل في الموضوع
سعود : عمتي انا ابي العنود ,, وابيك تكلمينها اذا هي موافقه كلمت ابوي يخطبها ,, انا ما فاتحتهم ابي اعرف رأيها ما ابي احد يضغط عليها ,,
هدى فرحت من قلبها لان سعود رجال الكل يعتمد عليه : ابشر باللي يسرك وعنود ما راح تحصل احسن منك
سعود على خير يا عمتي انا طالع اسمحي لي
اول ما طلع سعود,,, جت العنود ومشاعل لامهم اللي كانت معاهم في الجلسه وتركتهم ,,
مشاعل : وش يبي سي سعود
هدى : سعود يبي يخطبك يا العنود ,, عنود كانت ماسكه مجله في يدها وطاحت من الخرعه ,,
العنود : وشو ,,
هدى : فكري وردي علي ,, ولا اسمع احد يطلع الخبر برى الغرفة ذي حتى اخوانكم ,, اذا انتي موافقه راح يجي مع خالك ويخطبونك
,, قامت العنود من الكرسي وهي مثل المبنجه وطلعت للدور اللي فوق وعلى طول دخلت وسكرت الباب وتسندت عليه ,, حطت يديها على خدها من الاحراج ,, معقوله سعود يفكر فيني ,, قعد قلبها يدق بقووه كلما تذكرت مواقف سعود معها ومكالمته الاخيره ,,, حست في نفسها مشاعر تجذبها له غصبا عنها ما تدري يمكن طريقة تحكمه فيها وهي لسى ما تعني له شي ,, المهم انه شعور ارضاها جدا ....



بعد اسبوعين في المنتجع فهد وجدته جالسين يتقهون وهما يسولفون عن بحث فهد ,, انه بعد ما يحضر زواج ريما ونواف بيرجع للمدينه اسبوع والا عشرة اليام يخلص شهادته ,,,
جتهم هيفاء وهي لابسه فستان من الكتان بحزام دقيق ,,,, وجلست جنب جدتها ,,,,
ام طلال : وينك فيه ,,,
هيفاء : وهي تطالع فهد ,, ارتب اغراض جوووه ,,,
ام طلال : ارسلت عليك فهد ما بغى يجي ,, وفي الاخر قال هي بتعلمك ,,
هيفاء وهي تفتح عيونها بقووه لفهد ,, هااااا اي كنت اجهز اغراض وصتني عليها ريما شريت شويه وباقي شويه خصوصا رحلتنا بعد بكره ,,,
ام طلال : زين قومي جهزي فراشي بريح شوي ,,, هيفاء وهي تمسك يد فهد من ورى جدته وتضغط عليها بقوه وتاشر له بتشوف ,,,
فهد غرقان ضحك وجدته اللي مستغربه من حركاتهم : شكلكم عندكم شي الله يستر منكم
فهد مازال يضحك على هيفاء اللي اختبصت مرررره ,,,,


اول ما سمع سعود موافقة العنود من عمته هدى على طول كلم امه وابوه في المساء وخبرهم برغبته بها وانه من زمان يتمناها وفوق ذا كله بنت عمته ,,,طلال اثنى عليها ونفس الكلام سلطانه ,, دخلت عليهم ريما : وش عند هيئة الامم المتحده مجتمعين ,,
سلطانه : سعود يبي يخطب العنود وش رايك ,,,
ريما وهي تصيح : والله قل والله يا سعووود عن جد تبي العنووود ,,, يا قلبي
سعود : بالراحه هذا كله فرحه ,, بشويش
ريما : يا بختك ياخوي العنود بنت مرررره اخلاق ,,, الله يحرسها ان شالله ,,,, وهذا اللي ابيه رد عليها سعود وقام من عندهم ,,,
سعود طلع لغرفته وما يدري ليه يحس بأنجذاب قوي للعنود وده يرسل لها مسج ,, يبي يحس لوشوي انها قريبه منه حتى لو ما ردت على الاقل تدري به ,,,
وعلى طول ما تردد فتح رساله جديده وكتب بين قوسين (( مبررروك ودي الساعات تنقضي ويضمني معك بيت واحد ))
ارسلها ما يدري صح غلط اللي جاه احساس خلاه يسوي كذا ,,
العنود : لابسه بيجاما قطن وتفك الشراب من رجلها تبي تتمدد في السرير جاها رنة مسج ,, استغربت من الوقت بس قالت اكيد ريما
اول ما شافت رقم سعود اقعدت وهي مو على بعضها ,, فرحت برسالته جدا وقعدت لحد نص الليل كل شوي تقراها ,,,,

لمياء صارت صحتها احسن لكنها ماصارت تقعد مع فيصل كثير ,, الصباح هو في العمل ويحس بضغط عشان غياب فهد ,, وبالعصر هي تطلع تشوف ولدها وما ترجع الا بالمساء اذا جاء فيصل يرجعها ,, كانت ما تقعد معه الا كم ساعه ,,, حست بحزن من نفسها بعد برنامجه وتمنت ترجع لمياء زمان اللي على طول في بيتها وفيصل جنبها ,, لكن هاذي الدنيا مافيه شي على حاله كل ما ثبت الانسان على جدول لازم يجي يوم ويتغير ,,,,,

في اخر ليله لهم في المنتجع حبت هيفاء انها تخليها الف ليله وليله لفهد ,,, ,, هيفاء كانت تنحرج من جدتها اول الايام وهي تغير ملابسها من فتره لفتره ,, وبعدين صار عااادي عنده خصوصا ان جدتها عارفه انهم ما قد قضوا شهر عسل بالحالهم ,, والمفروض ما يضيعون اي فرصه ,,, طلبت من الشغاله تجهز عشاء ,, لانه مافي وقت تطبخ وتجهز الشنط وتجهز حالها ,, فقسمت الوقت ذاك اليوم اول النهار على شنط جدتها ,, ومكانها وبعدين على شنطها هي وفهد ,, فهد كان طالع برى لواحد من اصدقائه لقاه في الجبل ,,, وتواعد معاه على شرب الشاي في المقهى ,,دخلت هيفاء تاخذ لها شاور ,, ولبست فستانها الاوف وايت اللي محتفظه فيه من ذاك اليوم في اغراضها الشخصيه مثل دفترها ,, ما تحب تتركه في اي مكان ,,
غسلت شعرها وشافت انها تتركه ستريت بيكون احسن ,,, حطت لها مكياج عربي ثقيل رسمت العيون بكحل اسود وحددت حواجبها المرسمومة بعناية ربانية لها بلون بني قاتم جدا وبعد المكياج الثقيل كثفت لون حبة الخال بلون اسود عشان تبين ,,, احتارت في الروج ,, واستقر بها الرأي انها تحط اللون الزهري وتحدده باغمق شويه ,,, مع صندلها طلعت شي خياااال ,, طلعت من الغرفة وهي تشيل البخور ,, وراحت لجدتها وهي تبخرها ,,,
ام طلال اول ما شافتها : اسم الله عليك ,, الله يستر عليك ,,, وجت جنبها ,,
ام طلال : ما تدرين وش كثر قلبي مرتااااح يا هيفاء ,,, تعبتوني انتي وفهد ولو تعرفون وش كثر مرت علي ايام ما انام انكم ترحمون حالي خفت اني ظالمتكم كلكم ,, ماهنتي علي,, بس فهد يا هيفاء ما ينتعوض تربية يدي ,, هيفاء تضم جدتها وتبوس راسها ,,
الله لا يحرمني منك ,, انتي اللي اخترتي لي فهد ,, وهذا يدل على حبك لي ,, يمه انا احبه وخايفه عليه ,,
ام طلال : خلي ثقتك به كبيره ولا تهتزين لما تكلمه وحده ولا تحاول تغريه ,, اذا عرفتي ان قلبه لك خلاص وش يهمك ,,,



دخل فهد وهيفاء قاعده جنب جدتها ,, وعيونه بتنطق برغبته في هيفاء ,, فهد وهو مقابلهم : شخبارك يمه وهو عينه على هيفاء .
ام طلال وعيونها تنتقل بينهم : اخباري عند هيفاء :
فهد : حلوووو : يالله يا هيفاء وش عنده جدتي ,, قامت هيفاء تبي تشوف العشاء ونظرات فهد تلحقها ,, خلاص احط العشاء واقولك وش عنده جدتي ,, اول ما طلعت لحقها للمطبخ واول ما شاف الشغاله صرفها لجدته : انتي تبين تذبحيني ,, ليش لابسه الفستان ذا ,,,
هيفاء : ذكرني بايام حلوووه وحبيت اعيدها ,,
فهد : انتي قد الكلام ذا ,,,
هيفاء وهي تحاول تخلص نفسها منه قبل تجي الشغاله ,,, لكن فهد سكر عليها الطريق عند الباب وما سمح لها فرصه تطلع ابدا ,,,

ريما قضت يوم كامل وهي تجهز مع الشغالات جناح فهد وهيفاء وجناح جدته اهتمت فيه خديجه ,,, ولطيفه اللي حاولت تشرف مع ريما على اي شي تحتاجه ,, ريما حست ان الفتره اللي راحت كانت مثل الضغط العصبي ,, من هنا لمياء وومن هنا زواجها ومن هنا غياب هيفاء اللي محد قدر يسد مكانها ,,,
استعد القصر لاستقبال اهله وكل الموجودين في شوق بالغ لهم ,,, طلال وسعود ونواف في استقبال ام طلال وفهد وهيفاء
والفرحه مرسومه على شفاهم ,, ومشاعر العوده الى الوطن فوق كل اعتبار ,, جميل ان تقضي وقتا يسعدك ويعطيك طاقه للاستمرار في اي نشاط تحبه ولكن الاجمل هو شعورك بالوطن وبترابه يضاهي اجمل الاحاسيس ,,,,


لقاء عائلي ضم جميع ساكني القصر وسط فرحتهم برجوع ام طلال وعيالها بعد هالوقت ,, وتوجته لمياء بشوفة هيفاء اللي راحت معها داخل تبي تضم اختها من قلبها ,,,

لطيفة الجندي المجهول نظراتها بعد هالعمر تنتقل من هيفاء للمياء وهي تشكر الله من كل قلبها اللي وراها اياهم والسعاده ترفرف عليهم ,, ودعت الله من اعماقها انه يحفظهم من كل شر ,,

في صباح اليوم الثاني للوصول ,, فهد نايم ومو حاس من التعب بشي ,, وهيفاء كانت عند التسريحه ترتب شعرها ,, تبي تروح لامها تقعد معها شوي ,,, صوت جوال فهد على الهزاز وهو على الطاوله واحث صوت مزعج قربت هيفاء من الجوال وتشوف اسم عبير يتصل
تضايقت شوي ورجعت للتسريحه تكمل شغلها ,,, رجع الرنين مره ثانيه وقام فهد على الصوت وكان منزعج مره وشاف الرقم وهو يطالع هيفاء اللي حس مزاجها تغير ,,,
رفع فهد الخط وهو نايم على المخده وحطه على السبيكر : انورت بقدومك الدار ياغالي
فهد : مشكوره,,, باهلها ,,
عبير : اشتقت لك يا فهد معقوله تقطعني كذا ,,,
وهيفاء ما زالت عند التسريحه وتكمل ترتيب نفسها بدون ما تلتفت لفهد وهو يراقبها في المرايه ويشوف ردة فعلها ,,,
فهد : اي معقول اقطع الدنيا كلها عشان حبيبتي هيفاء ,,,
عبيير : فهد انت ليش تبي تجرحني
فهد : اصحي ,, وشوفي حالك قبل يروح عليك الزمن ,, انا لهيفاء وبس فاهمه هالكلام ولو سمحتي لا تتصلين ثاني والا بيكون لي تصرف معك
عبير : فهد .....
ويسكر فهد في وجهها وهو يقول ناس ما تجي الا بالعين الحمراء ,, قام من السرير وقرب لهيفاء ويمسكها اكثر ويطالع في وجهها بالمرايه وهي منزله عيونها تحاول تتعبث بالمكياج ,,, لفها فهد لوجهه : احببببك ,,, قولي لي انت وش مسويه لي ,,
هيفاء مثبته عيونها في عيونه وبدت الدموع تتجمع : دفنت وجهها في صدره وقعدت تشكر ربها اللي برد خاطرها في عبير وانصفها منها ,,, قعد فهد يمسح على ظهرها ويهديها ولما حس ان نفسها هاااادي ,,, همس في اذنها بكلام كثييير خلها تتمسك في فهد اكثر واكثر ,, وهو ياخذها بين يديه ويلف بها المكان اللي هم فيه ,,,

وهم على الغداء متجمعين قال طلال الخبر اللي ينتظرهم عشانه وهو خطبة سعود ,, والجميع مبسوطين على القرار الجديد وان شالله ربي يسعدهم ,,, سعود اصر على ابوه انهم يخطبون ويملكون في نفس الاسبوع هذا قبل زواج نواف ,,, وما مانع طلال اللي وعده خير ,,,
وصلت مريم من مدينتها لحضور زواج ريما وطلبت من زوجها انها تقعد هالمره اطول من كل مره ,,


العنود اصرت على هيفاء وريما انهم يساعدونها في اختيار فستان الملكة ,,, وطلعوا معاها للسوق ولقت لها فستان حرير من الموف الهادي المطعم بالفضه ,,, قاسته في المحل وشبهوها البنات بانها بوردة التوليب الرائعه ,,,
يعد كم يوم تجهيز ,, اصرت العنود على البنات انهم يجون عنده بدري يوم الملكة تبي تشاورهم في كذا شغله
لكن هيفاء اللي ترددت تروح عشان مشاعل وما تبي تشوفها ويصير مشاكل ,, لكن ريما عزمت بها وقالت لها وش علينا منها احنا في غرفة العنود ,,,

تجهزوا البنات وكل وحده تأنقت بالشكل اللي تشوفه مناسب لها ,, خذوا معهم ورد وشوكليت للعنود كهديه بسيطه ,, اول ما وصلوا بيت عمتهم هدى ,, كانت عمتهم في المجلس تنظم للضيوف كل شي عشان ما تنسى اي حاجه ,,,
سلموا عليها البنات ورحبت فيهم ال يسمعون صوت مشاعل اللي جت ناحيتهم ,, اول ما شافت هيفاء جت يمها ومدت يدها تسلم عليها ,,, مشاعل تغيرت كثير ما تاكل ابدا لدرجة انه يمكن ما تعرفين عنها اي شي ,,,
مشاعل : كيفك يا هيفاء وهي لسى ماسكه يد هيفاء ,,,
هيفاء : ابشرك , تمام
وبحركه ما عهدتها هيفاء ضمتها مشاعل وهي تطلب منها السموحه وانه مهما صار الظفر ما يطلع من اللحم واحنا عيال اليوم ,,,, هيفاء قلبها ابيض وما مانعت الشي هذا بالعكس مع انه لو غيرها كان سنين مقاطع جماعته عشان شي تافه ,,,,


طلعوا للعروسه وهي تحت رحمة المزينه اللي تفننت لها من كل شكل ,, وتركتها لهم مثل الزهرة شذاها يصل للقلوب ,,,
اول ما خلصت العنود قد نواف جاي لها فوق يبي يشوفها ,, فدخلوا البنات لغرفة الملابس ,, عشان ما يتواجهون مع نواف ,,,دخل على اخته وهو يسمي عليها وعطاها توقع الدفتر وبعد ما خلصت ,, سمح نواف للعنود تقعد عند زوجها شوي,,, وقال لها تنزل الحين معاه ,, ا
العنود ترجف من فوق لحد تحت وتحس نفسها انها بتتخرطف في فستانها ,,

دخلت مع نواف للمجلس الداخلي ,, وهي ماسكه يدها ورجفانها وااااضح لدرجه ان سعود قعد يسمي عليها اول ما شافها ,,,
نواف واقف والعنود جنبه وعيونها في الارض ما تشوف ابعد من خشمها ,, شافت يد سعود تمتد لها ,, وهو يقول العنود في عيوني ,,,
استأذن نواف منهم وظل سعود واقف مع العنود شوي وهو يحس برجفتها ,, كان وده في اللحظه ذي بالذات انه يضمها لصدره لكن خوفه عليها انها تنصدم من حركته خلته يعدل عن قراره ,,, قربها سعود للكنبه وجلست جنبه ويدها في يده وهو يحاول يهدي من روعها لكن رجفانها ضايقها

سعود : روووووعه وربي ,, جمالك رهيب ,, العنود ..... قلبي ,, وهي منزله عيونها طالعي في شوي ابي اشوفك
العنود لا قدرت ترفع عيونها وحست برهبه اكبر مع انها كانت تشوفه عادي قبل الزواج لكن سبحان مغير الاحوال ,,,,
سعود : بقعد اكلم حالي كثييير
ابتسمت عنود شويه ,, فكمل سعود خلاص اجيب لك نكته اذا بيخف توترك شوي ,,
ما ردت بس حست انها طولت وهي قاعده ,, واخيرا قالت ,, ممكن استئذن بطلع ,,
سعود : بشرط واخليك تطلعين ,,
العنود وهي منزله عيونها : وشو
سعود : ابي اسمع صوتك الليله والعنود ترد عليه اسرع : لاااا
وقامت وسعود يمسك يدها بقوه ,, اجل خلاص جهزي نفسك بنسافر لا عرس ولا غيره
العنود تقول في نفسها شكله استخبل سعود وشو ما فيه عرس وين قاعدين ,,,
طلعت منه ولا قدر ياخذ منها حق ولا باطل لا شاف عيونها ,, ولا قدر يلمح منها الا شي بسيط اكثر ما دقق فيه جسمها وشعرها ,, اول ما طلعت تنهد بقوووه ,,


اول ما رجعت لهم العنود وهي تصيح ,, ريما انصدمت ليكون سعود قال للبنت شي ,,
ريما : وش فيك يا قلبي لا يكون سعود قال شي مو زين ترى اخوي اعرفه عليه حركات ,,,
العنود : ما يبي عرس !!!!!
ريما : لا الاخ مستعجل حده ماعليك يا قلبي كلش بترتيبه مو على كيفه ,, زين وش رايك فيه حلووو
العنود : ما لمحته عيني بس شفت ثوبه ويده بس ,,
ريما فااااطسه ضحك هي والبنات ,, حلوووه ذي يده خلاص وش رايك في يده ,,
وتموا يضحكون على العنود وقت طويل ,,,,


سعود في غرفته وهو سعيد بملكته ,, ووده بعد ما صارت العنود زوجته انه يكلمها بس شكل ردة فعلها عنيفه ,, جرب حظه واتصل ,, اول ما رفعت الخط ,,
سعود : قلبي ممكن تسمعيني ولا تقولين شي ,,,
صوت نفسها يرتفع وينزل من الخوف ,,
سعود : ماجاني نوم افكر فيك وما تركتي لي فرصه اني اعبر لك عن رأي فيك الليله فقلت يمكن تحبين تسمعينه ,,
سمع صوت نفسها يهدى شوي وما ردت
سعود : مشتاق بس اشوف عيونك والا جسمك رهيب وشعرك خيال ودي اضمه واشمه واضيع فيه
العنود بدت هنا تنحرج وما تقدر تكمل معاه
سعود : لا لا يا عمري لاتسكرين ,, انا بس ابيك تسمعيني ,,
قعد سعود يتغزل فيها وهو عارف انها ما راح تتجاوب معه ,,,

بعد ساعه كامله وسعود يسولف وما يسمع الا نفس العنود ,, حس انه طول ويمكن تبي ترتاح ,,طيب خلاص تصبحين على خير يا قلبي
العنود بصوت خافت : وانت من هل الخير ,,,
فرح سعود لحركة العنود وتأكد انها راح تنشف ريقه ,, لكن ما راح تفلت من يده ,,


لمياء وفيصل وهم يوقعون على اوراق استلام طفلهم وشهادة الميلاد ظلت لمياء تحتضن فهد الصغير بين ايديها وهي خايفه عليه من نسمة الهواء ,,
دخلوا القصر عند جدتهم عشان تشوفه ودعواتها لهم بأنه يربى في عزهم ,,,

بعد سنة طويله من احداث مهمة في عايلة ام طلال استعد القصر لزفاف ريما ونواف ,,, كان زواج اسطوري بكل ما تعنيه الكلمه من معنى ,,,
مسكت المزينه ريما وجهزتها بأجمل شكل تقدر انها تتقنه في العرايس ,, خلتها مثل الزهور المخملية راااقيه بكل شي من تسريحتها لفستانها لمسكة اليد لطرحتها المثبته بتاج رااقي من والدها ,,,

كانت تمشي في ممر في ساحة القصر على نغمات موسيقيه على تموجات عاليه في الصوت تنبئ عن دخولها ,, هيفاء وهي تحاول تماشي ريما في خطواتها سلبت الانظار بشكلها الراااقي وفستانها البرونز جوالها في يدها وهي تشوف رقم فهد يكلمها : يالله دخلوا ريما المجلس بنكون عندكم بعد شوي ,,,

قامت ريما تاخذ لفه على نفسها وتدور للمعازيم بشكل دائري وتبتسم في كل حركة وعدسات التصوير تلتقط لها من كل اتجاه
خذتها هيفاء من يدها وهي تمشيها للمجلس ,,, وسط تصفيق حااار من صديقاتها اللي بدى يستعرضون برقصاتهم تعبيرا عن فرحتهم ,

نواف شامخ في المجلس بطوله وشكله الجذااااب ,, وعينه على الباب ,, فهد يقوله هدي شوي ,
صوت الدي جي في المدخل ينبئ عن وصول ريما ,,,,,
طلع فهد وشاف ريما واعجب بشكلها لكن عيونه انشدت غصبا عنه لهيفاء بقوامها المشدود ,,, غمز لها وتكلم معها بعيونه اللي اتقنت فن الكلام مع عيون هيفاء

طلال يتقدم للمدخل ويقرب ريما لوسط المجلس ,,, كانت المهابة مع الفرحة مسيطره على الجوووو وقفت ريما جنب نواف ودقاتها تسارع من التوتر الحاصل والطبيعي في اللحظه هاذي
ظلوا تحت رحمة عدسة التصوير فتره نصف ساعه وبعد قرب سعود السياره للمدخل عشان ياخذ نواف وريما لفيلتهم الجديده ,, بيقضون فيها كم ساعه وطيارتهم بكره الصباح بدري ,,
خذت هيفاء العبايه وغطت بها ريما وطلعت مع فهد برى للسياره ,, ونواف اللي ما قدر يقول لها كلمه وحده قدام ابوها واخوانها ,,,
اول ما دخلت السياره ,, رحب بها سعود من قلبه وطلع بهم على الفيلا

نواف يتبادل مع سعود كلام عام عن الرحلة كم بتستغرق لانه مسوي مفاجأه لريما عن وجهة سفرهم
اول ما وصلوا للفيلا اللي مجهزة بالكامل , واضائتها منوره المكان كأنه ليلة عيد ,,, توقف سعود عند المدخل الرئيسي ونزل يفتح الباب لريما ,, ريما حست رجلها ما تشيلها ,, وحاولت تمسك يد سعود بقوه اكثر ,, اول ماوصلت المدخل وسعود يشيل العبايه منها مثل ما وصته هيفاء ,, باس جبهتها وتمنى لهم ليله سعيده ,,,
نواف يتمنى اللحظه هاذي من سنوات واقف ماعنده اي حرف يعبر به عن حبه اللي كتمه قي قلبه الا ان شوقه هو اللي راح يتكلم ,,,
اول ما سمعت صوت الباب يتسكر ورى سعود حست برجفة قلبها تصم اذانها ,,,
نواف : نورتي بيتك يا حبيبتي ,,,
طلع معها نواف وهو ماسك يدها البارده بين يديه لغرفتهم الرئيسيه واول مادخلت رمى نواف بشته وشماغه على الكنبه ,,, وقرب لريما لين ما يفصل بينهم شي ,, شالها بين ايديه وقعدها على حرف السرير وهو يتلمس تقاطيع وجهها بدقه
نواف : واخيرا يا ريما وتنهد بقووووه وسمح لنفسه ان يشعر بكل احساسه يتترجم في هذا اللحظة ,,,,,

اول ما طلع سعود للقصر كان مسرع بالسيارة اقصى حد وهو يدق على جوال العنود ,,
ما ردت عليه فخاف انها طلعت مافيه الا هيفاء راح تساعده ,,, دق على هيفاء اللي شالته وسط اصوات الدي جيه المرتفعه
هيفاء: بشر يا سعود ليكون صار شي ان شالله ريما مبسوطه,,,
سعود ابشرك :: بس طلبتك قولي تم
هيفاء : تم ياخوي اذا اقدر ابشر من عيوني ,,
سعود : ابي اشوف العنود شوي تكفين ,,,
هيفاء : هي بتنام عندنا اصلا ,, بس مدري شقولك لكن خلني افكر وارد عليك ,,
سعود : انتظرك لا تتأخرين ,,,

هيفاء قعدت تفكر كيف تخلي سعود يشوف العنود وخصوصا انها حلاله ومافيها شي ,,, وفي الاخير طرت عليها فكره,,
قربت من عند العنود وقالت لها : عنود تعالي شوي ,,,
العنود: سمي,,,, كان شكل العنود خياااااااال لابسه فستان علاق من الشيفون المكسر بلون العاج مع حبات لولو على حرف التكسير ويجي على شكل تموجات دائريه من تصميم مصمم عالمي ,, وتاركه شعرها يطيح على كتوفها لحد ما يصل طوله الطبيعي لحد الخصر وهو يتموج مع الفستان ,, مكياجها اللي بالطريقة الهندية اضفى عليها شكل مميز ومع عبق الشرق القديم ,,
هيفاء : ابيك تطلعين لجناح عمتي مريم ,, وتتأكدين ان بناتها نايمين ,,, وصتني ونسيت ,,
العنود ابشري ,, وفي نفس اللحظه اتصلت هيفاء على سعود وقالت له يجي من الباب الخلفي على المكان المحدد ,,
اللي ماتعرفه العنود ان عيال مريم كانوا في فيلا فيصل مع بيبي لمياء يستانسون بشوفه شوي ,,,
اول مادخلت العنود الجناح ,, دخلت للمجلس وبعد للغرفه ,, ما شافت احد رجعت تبي تطلع الا تشوف سعود قدامها وتصرخ بصوت عالي من الخرعة ,,,
سعود وهو يقرب منها : بسم الله على قلبك يا عمري ,,
وقفت العنود وهي مرتبكه جدا منه وتبي تطلع فتقدمت ,وسد عليها الطريق ,, تحركت ثاني وهو يقولها لها : انا طلبت من هيفاء تجيبك هنا
ممكن بس من وقتك دقايق ,, ماقدرت العنود تقاوم شوق سعود اللي ظل في قلبه من اول يوم تعلق قلبه بها ,,,

ظلت هيفاء تتنقل بين الضيوف من طاوله الى اخرى وهي تثير الاعجاب ,, وكل ربع ساعه تشوف مسج جديد من فهد اللي من اول ماطاحت عينه عليها وهو على طول يرسل لها مسج بأعجابه ,,,,
ظلت مريم وام طلال ولطيفه يسولفون عن العرس بعد ما مشوا الضيوف ,, وسلطانه وهدى يتكلمون عن الترتيبات القادمة لزواج سعود والعنود ,,,

فيصل ولمياء عصافيرنا ,, مهما كان الوقت والمكان فمازال في الوقت متسع لهم ,, صوت فهد الصغير خرب على فيصل
سهرته .. وما ترك لمياء بالحالها وظل معها يساعدها لحد مانام ,, وهو يشوف غلا فهد كل يوم يكبر في قلبه



بعد ليلة طويله ,, دخلت هيفاء جناحها وهي تشوف فهد قاعد ينتظرها له اكثر من ثلاث ساعات ,, وهو شبه متمدد على الكنبة
دخلت برقيها وشكلها الملفت جدا ,, فماكان من فهد الا انه يغرق وبسرعه في بحر عينيها ,,,,,,,,,

تمت بحمد الله

500