 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
08-25-2019
|
||||||||||||||||||||||||||||||||
|
||||||||||||||||||||||||||||||||
لطالما كان الإنسان يصارع عقله وقلبه الجزء الخامس
الجزء الخــــامس
جراح يتابع ضربه وهو يصرخ : عشاااااااااان تتعلم الأدب وتعرف إن دايما فيه احد يدافع عن بنات الناسس... بناااات الناس مو لعبة عندكم تغازلونهم وتضربونهم وتعنفونهم وتسون الي تبون فيهم متى ماتبووووووون فااااااااااهم غادة وهي تبكي : خلااااص جراااااح تكفى اتركه والله هومايهمني ..(شهقت من البكاء) انت قوم عنه قوم خلاص فهم فهم جرااااااح تنظر لوجه الرجل .. لقد اصبح شاحب ازرق اللون .. انه يخنقه بيد ويضربه بأخرى انه منهار تماما يضربه بلا وعي وبدون ان ينتبه صرخت غادة : جـــــــراح وقــــــــــف بتقتله لا تدخــل الـسـجـــن مرة ثـــــــــانية!! توقف... عاد له عقله ووعيه،ينظر لما فعله بصدمة الرجل بدأ يكح بقوة ويحاول أخذ نفسه الذي قد قطعه عنه جراح جراح ينظر ليده متساءلاٌ كيف لم يستطع التحكم بها نظر إلى غادة، كان تنظر له بغضب وعيناها ممتلئتان بالدموع وهو ينظر لها نادما الرجل وهو يتنفس بسرعة تكلم بغضب: إنت حيوان شرس المفروض يكون مكانك السجن ، لكن والله فعلتك هذه مابتمر مرور الكٍرام ، والله العظيم بتشوف ، إذا ماوديتك ورائ القضبان ماكون سالم جراح لم يكترث لكلامه كان مازال مصدوماً مما فعله غادة بسرعة جلست على الأرض وهي تنظر إلى سالم بجدية : اسمعني عدل يا سالم، اللحين انتً صحيح انضربت وتألمت ، لكن وش بتستفيد إذا اشتكيت عليه تـ.. قاطعها: طبعاُ أستفيد أجل تبيني أنهان وبعدها ما يتعاقب غادة بجدية :ممكن تسمعني عدل واتقاطع كلامي؟!، ترا بعض الكلام فٌرص فلا تضيعها ناظر إليها بإستغراب رافعاً حاجبه غادة بإصرار:إنت المهم عندك نفسك ، والنفس تحتاج للترف والمال، أنا أقدر أعرض عليك مبلغ وقدره بمقابل إنك تنسى كل شي صار اليوم ، وأنت المستفيد ، أنا إذا انضربت ودخلت الا ضربني السجن وش بستفيد بس إذا انعطيت مبلغ أكيد بستفيد , فهمتني؟ 15 ألف في الجيب ولا تفلت شخص ورا القضبان ومحاكم وسالفة سالم : 18 ألف غادة رفعت حاجبها وابتسمت : تم ، لكن صدقني مو من مصلحتك إنك تخون و تشتكي عليه ، ببساطة راح أشتكي عليك بتهمة تحرش وأقدر أملي جسمي كدمات وأضيف عليك بالإعتداء، لذلك لا تختبرني سالم ابتسم: تمام ، كاش وبعدها أنا ماجيت اليوم هذا المجمع حتى جراح ينظر إليها بصدمة ، وهي تجاهلته واتجهت نحو الصرافة جالسة على على الأريكة ، ساندة رأسها بيدها كأنها تحمل ثقل همومها عيناها مرتكزتان على الكمادة التي قد رمتها على تسريحتها لأنها لا تفيد كدماتها المرسومة على جسدها منذ وقت طويل، ولا قلبها أيضاً فتح باب الغرفة بهدوء ، توقف عندما نظر إليها قليلاً ثم أغلق الباب وراءه : الحمدلله على السلامة غزل نظرت إليه وهي على نفس حالها فهد نظر إلى الكمادة التي على التسريحة: وهاذي شجيبها هنا غزل ضجت بإستهزاء وهي تمسك أظافرها : تخيل أخوك عطاني إياهاعشان شاف الكدمات إلي بذراعي فهد نظرف إليها متقرفاً: وليش انتي تضحكين اللحين غزل تنهدت : أه يا فهد ، وصلنا لمرحلة إنك تألمني والناس يرأفوا فيني ويرحموني وإنت لا ، لوين ناوي نوصل بعد؟ فهد اٌستفز: لوين ناوي (شد على الكلمة) نوصل؟ ، ليش مو لوين نواين نوصل يا سيدة غزل غزل ببرود : لأنك دايم مسبب المشكلة ، ولا تحلها ، وأنا أتغاضى فهد تنهدد وتكتف: وهذا المفروض غزل قضبت حاجبيها بصدمة : نعم ؟!، ايش الي مفروض؟ فهد ببرود: إنك تتغاضي.. إنتٍ المرأة في النهاية غزل ضحكت بعدم تصديق فهد رفع حاجبه: سلامات !! شفيك غزل وهي تحك جبهتها : هه بس ضحكتني ، اممممم فهد إنت تعرف إن أحنا وصلنا لعام 2019 ولا ماتعرف، (تغيرت ملامح وجهها بجدية) تعرف إن الزوجين مفروض يتغاضوا ولا ماتعرف، العلاقة مبنية على الرجل والمرأة ، إذا إنبنت على شخص واحد فقط ، زي ما أنت مقتنع اللحين إن مفروض المرأة هي الا دايما تتغاضى هي الي دايما تدلل هي الي دايما ترتب العلاقة في النهاية هاذي العلاقة راح تنهدم فهد : كلام فاضي، اسمعني غزل الحياة مو وردية أوكيه؟ الحياة الي كنتي تتمنيها لما كنتي في بيت أبوكِ غ ل ط ، مافيه حياة كذا غزل ببرود : صح ، لأنك إنت زوجي فهد بغضب: غزل إلتزمي حدودك وفي النهاية الرجال قوامون على النساء غزل: مو لما إنت تلتزم حدودك بالأول ، وتلتزم بواجباتك ، أقل شيء كنت تقدر تسويه اليوم وننسى كل زفت ( تغيرت ملامحها من البرود إلى البكاء) صار في علاقتنا إنك تجي لي اليوم تاخذني من بيتنا بس ، بس إنت حتى هاذي ما كلفت نفسك تسويها ، كبريائك مايسمح لك بس أنا وكبريائي طز فينا بس عشاني إنخلقت أنثى ونسيت إنك لازم ترأف بالقوارير قامت متجهة إلى الحمام وقبل أن تغلق الباب قالت : تسوون نفسكم تستدلون بكلامكم بالدين وتتجاهلون إلي ينصفنا أفحمته ، فلم يتبقً مايقوله خاصة وقد أغلقت على نفسها الباب لتفرغ مابداخلها دخل البيت مُرهقاُ ، يشعر وكأنه يتحمل سبع وسبعون مسؤولية في يوم واحد رمى بنفسه على أريكة غرفة المعيشة وهو يتنهد ، ابتسم وهو يغمض عينيه ، يشعر وكأن هذا الظهر لم يزاح عنه الثقل منذ مدة طويلة ، وهذا الرأس لم يتوقف عن التفكير منذ أمد : يامساء الورد يا مستر قيس، بنعطيك استبيان تعبيه شكلك مو عاجبتنك خدماتنا وزعلان علينا بعد تعرف إنت تعتبرنا فندق فحابين كمدراء هذا الفندق نتأكد من رأيك بخدماتنا قيس انفجر ضاحكاُ وهو يقف ليقبل رأس والدته : أنا أسف ياحبيبة قلبي بس والله مشغووول أمه وهي تجلس وتنظر إليه بإمتعاض: كل هذا عشان بتزوج قريب قافل علينا قيس: لا والله أخسى أقفل عليك ، بس انشغلت مع بنت خالي غلا أم فهد : قيس ، إنت فعلا لازم تتحمل مسؤولية فعلتك ببنت خالك بس ترا خلاص رجع أبوها من السفر ومفروض ماباقي شي وتطلع عن المستشفى وأنت ماباقي شي وتتزوج فلا تخلي شيء يشغلك عن شيء قيس تغيرت ملامحه ، بهدوء: أكيد أم فهد : أنا مادري حتى إذا شفت غادة أختك من نزلت أو لا قيس: إلا ، شفتها أم فهد : ترا أنا أبيكم تقوون علاقتكم ببعض مو كل شوي تبشعونها قيس بضيق مما قالته أمه سابقاٌ: إن شاء الله ينظر إليها بعمق ، متضايقاُ لا يعرف مايجب أن تنبس به شفته ، لا يعلم كيف قد خذل نفسه للمرة الألف وخذلها للمرة المليون : ما كان مفروض تسوي كذا تنظر له محاولة أن لا ترتدي قناع الضيق: ليش ياغبي تبي تدخل السجن مرة ثانية جراح بضيق : مو لازم ، ولا أكون مديون لك غادة ، أقدر على دخلة السجن بس ماقدر على 18 ألف غادة بغضب وضيق: إنت غبي فعلاٌ جراح ، غبي بطريقة غير طبيعية ، تبي تهدم شبابك وروحك عشانك ماتتحكم بأعصابك ، لمتى يعني هاه ؟! (وهي تشد على أسنانها’ وتنظر إليه ونار الغضب في عينيها) وش تبي تخسر بعد ؟ تبي تخسر سنين زيادة عن الي خسرتها في السجن زي ما خسرت ريان لفترة وخسرتني للأبد جراح نظر إليها بحزن غادة بحزن مماثل : جراح إنت تخوف ، ماصرت تمسك أعصابك من زمان وصرت تطلع غضبك على الي يسوي والي مايسوى ، طيب لما دخلت السجن ارتحت ؟! جراح بحزن وهو ينظر لغادة: ايه ارتحت ، انتٍ ماتفهمي كيف اتحملت طوال السنين وأنا أشوف أمي تنضرب من أبوي وتتحمله وتتألم وتبقى تحت رحمته وهو ماعنده ولا نقطة رحمة وأنا مو قادر أسوي شي ، اشتد ظهري وكبرت لمتى تبغيني أسكت ، لمتى تبغيني والله أشوف أمي تتعذب وأنطم وأكل تبن ، يعني كيف الأم تنضرب وولدها شكبره مايقدر يسوي شي ، سكت لي صرت أطلع عصبيتي على كل الناس ووصلت لين ماقدرت أشوف أبوي يضرب أمي أزيد ، أنا لما ضربت أبوي ضربته لأنه كان بيقتل أمي من شدة الضرب والله دخول السجن أبرد على قلبي وأحن من أمي تموت قدامي وأنا واقف بس أتفرج غادة: وبرد قلبك بعد لما أبوك مات وأنت داخل السجن ؟ جراح صمت بغبنة غادة : وش استفدت ، برد قلبك لما اعتديت على أبوك ودخلك السجن ، وزعلت عليه لما مات وأنت في السنة الرابعة في السجن وماشفته لمدة أربع سنين ، ولا حضرت وفاته ولا حملت جنازته وتركت أمك تعاني مع نفسها لمدة سنة لين وأخيراُ طلعت من السجن ترجع تعيلها وتبي تدخل السجن مرة ثانية صمتت تنظر لتعابير جراح الحزينة والمهمومة وهو ينظر للأرض أكملت : مابكذب عليك وبقول لك أنا ساعدتك اللحين عشان أمك لا تتعذب للمرة الثانية لما تنسجن ، أنا ساعدتك عشانك نظر إليها وعيناه تقول ألف كلمة وجملة أردفت بسرعة : مرام ماتبي تركب معاك وكلمت ريان عشان يجينا وهو في الطر... سكتت عندما توقفت سيارة ريان مقابل لهم : وهو هنا توجهت للسيارة بسرعة دون أن تنظر إليه, ولحقتها مرام بسرعة ريان فقط نظر لجراح بعتاب وتحرك بسيارته ، بينما غادة ألقت نظرة أخيرة على جراح ، خائفة منه عليه.... اليوم تالي... أستيقظ منزعجاٌ من صوت هاتفه ، جلس يبحث عن هاتفه بقلق رفعه بسرعة ووته مملوء بالنوم : ألو؟ : خيررررر مو راس هذا حجررر حجررر صار لي اربع مرات اتصل عليك وماقمت بسرعة تعال ولا مو ناوي تكمل معروفك مثل ما بليتني وصدمتني قيس تنهد: استغفرالله إنتِ متى يعني بتعرفي تتكلمين بدون صراخ يعني، الناس يصحون على زقزقة العصافير وأنا أصحى على صوت نهيقك غلا : هيييه انت يحصل لك تصحى على صوتي بعدين ايفني حمارة تقول لي نهيقك قيس: يلا بجي لك اللحين غلا : ايه ولا تنـ ... نظرت إلى هاتفها بصدمة : سكر في وجهي النذل دخل إليها وهو مبتسم وبيديه كوبان من القهوة ذات الرائحة الزكية , قيس: هيدي ئهوة كتييييررر طيبة من شانك غلا بإستغراب: شفيك مروق اليوم , من وين طالعة الشمس اليوم ؟ قيس وهو يناولها كوب من القهوة: حرام عليكِ متى جيت لك وأنا مو مروق غلا : عاد يلا ياكثر ماجيت وأنت موب مروق أو فجأة تقلب وجهك وتطلع قيس وهو يجلس على الكرسي بجانب سريرها : أستغفرالله غلا ماتفهمين إني مضغوط وفوق راسي سبعمية شغلة غلا وهي ترتشف قليلاٌ من قهوتها وتنظر للتلفاز: إلا أدري مو قريب بتصير معرس قيس أبعد الكوب من شفتيه ونظر إليها :يعني؟! غلا نظرت إليه : يعني أكيد مشغول عشان حبيبة القلب قيس : ومن قالك إني راح أخذها عن حٌب غلا : ومن قالك تتزوج مو عن حب؟ قيس رفع حاجبه: شقصدك ؟ غلا : إنت أذكى من كذا قيس (وعادت بنظرها للتلفاز) قيس : لا ترمين عليي ألغازك غلا وقول لي بصريح العبارة شتبين توصلين لي غلا نظرت إليه ووضعت كوب قهوتها على الطاولة بجانبها واعتدلت بجلستها لتصبح قريبة منه وهو بنفسه إبتعد عنها قليلاٌ غلا وهي تنظر مباشرة لعيناه: قيس وش شعورك إتجاهي ؟ قيس أحكم يديه على كوب قهوته وإبتسم متوتراٌ: وش شعوري؟ غلا : أنا أسألك قيس يبتسم لها : إنتٍ بنت خالي غلا بإصرار وتقترب قليلا له فيحاول الإبتعاد لكنها تقرب كرسيه لها فيبعد وجهه عن وجهها وهي تنظر لعينيه بجرأة وبتمعن : تحبني؟ قيس ضحك متوتراٌ وأشاح بوجهه عنها وهو يرتشف من قهوته غلا أخذت كوبه بيد وبيدها الأخرى أعادت وجهه لإتجاهها : جاوبني قيس : كنت أشرب قهوتي لا تبرد غلا قاطعته: خلها تبرد جاوبني قيس نظر إليها بجدية وصمت قليلاٌ ثم أردف: عادي زي أي شعور ولد إلى بنت خاله غلا بسرعة: أنا أحبك قيس بصدمة مسح وجهه بكفه ثم مدها للأعلى يعود بشعر رأسه للوراء لا يعرف مايقول غلا : إنت تحبني ولا لا ؟ قيس ابعد ياقته قميصه عن رقبته بتوتر غلا : أحنا كنا نحب بعض من زمان وأتوقع إن هالشعور رجع لك هالأيام مثل مارجع لي قيس نظر إليها وأخيراٌ تحدث : وش تبغيني أقول غلا غلا: أبغاك تقول الحقيقة قيس أردف: تبيني أقولك إن إيه غلا بس والله للأسف زواجي من بنت غيرك ماباقي عليه شي غلا : ويعني؟ قيس رفع حاجبه بإستفهام : وش في بالك غلا : كنسله .. شفيها يعني قيس يضحك : غلا يلا مزح تدرين كم باقي على عرسي غلا : إيه يومين قيس بغضب : إيه يومين وتبيني أكنسله ؟! غلا : إيه أحبك بس بتزوج غيرك عشان زواجي ماباقي عليه شي؟ بعدين بظلم بنت الناس لأني تزوجتها وأنا أحب غيرها مع إني حبيتها قبل العرس بس عشان ماباقي على عرسي شي؟! قيس زم شفتاه وتنهد .. غلا : قيس قرر ، قرر القرار إلي يبيه قلبك قيس: القلب مايكفي غلا غلا: قيس ، إنت إذا مافكرت بقلبك ، بتخسره وبتخسر قلبي وقلبها قيس نظر للأسفل بضيق غلا أكملت : ترا ماباقي شيء على طلعتي من هنا ، الليل أو بكره الفجر راح أطلع من هنا ، وماباق شي على عرسك ، قرر قيس نظر إليها وفي روحه صراعان صراع مابين عقله وقلبه بعد أن استيقظت ونظرت للسريروقد علمت إن فهد قد استيقظ قبلها جلست على الأريكة التي قد نامت عليها بالأمس تقرأ كتاباً ليمضي وقت فراغها قاطعها فتحه للباب ثم دخوله نظرت إليه وهي ماتزال ممسكتاٌ بالكتاب ، فأبتسم لها لكنها سرعان ماعادت بنظرها للكتاب فاجئها حينما جلس على ركبتيه عند الأريكة التي هي جالسة عليها فعادت بنظرها إليه لتراه يقدم لها وردة زهرية اللون كان يخفيها وراء ظهره إلتقطتها من بين يديه وهي تنظر له بصدمة فهد مبتسماٌ لها وهي منذ زمن طويل لم تراه يبتسم :أنا أسف ، سامحيني غزل بهدوء من الصدمة : وش صار؟ فهد : أنا أسف إني قاسي عليك ، أنا أسف وماعندي عذر أقوله لأني غلطان من البداية للنهاية غزل تنظر إليه بإستغراب: فهد يعتذر! فهد : ليه ماكنت أعتذر؟! غزل: لا والله في الماضي ماكنت تحتاج تعتذر وبعدها صرت تغلط عليي واجد وكنت ماتعتذر فــــ.. فيعني فهد : صح ، وأنا أسف إني تغيرت للأسوء غزل ابتسمت : شوف أنا مارضيت عشان الوردة ، عمرها المادة ماترضيني، رضيت لأني أحبك والي مايسامح خسران ومغرور لأن رب العباد مايسامح فمين أنا عشاني ما أسامحك فهد ابتسم بضيق : أنا ما أستاهلك أدري غزل ضحكت : وأنا صابرة عليك لأن الحب معميني يُتبع في الجزء القادم 
 
|
|
08-25-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
ماشاء الله تبارك الرحمن
ذوق في اختيارك وعافيه عليك وعلى الطرح الراقي لاحرمك الله رضاه لك كل تقديري واحترامي مجنون قصآيد
|
|
 
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
