أبسألك ؟ وجاوب على قد الوجع منتديات قصايد ليل

السلام عليكم ورحمة الله وبركاته












،



أبسألك ..
وجاوب على قد الوجع
.
اشتقت لي !؟
لا تستحي
طيب خلاص
حنيت لي !؟
وشفيك تتصد تعال
.
نسيتني !؟
تعال نتذكّر بعض
انا اللي أهديتك عمر
وكنت بقليلك ممتلي
وانت اللي بيوم الوداع
حلّفتك وحلفتلي
لو نفترق
بكون لك
وبتكون لي
.
.
ذكرتني !؟
انا اللي كل ما جيتلك
تهمس له بليا وعي
أهليـــــــن ياريحة هلي
.
انا اللي أهداك الشعر
لكن على هيئة حُلي
.
انا اول أحلام العمر
والقلب من قبلي خلي
.
.
عرفتني
ركز هنا ..
اترك شفاهي ترتجف
وركز هنا بين أضلعي
.
اتعرف هالقلب الغبي !؟
ركز هنا ياصاحبي
اتعرف هالقلب الغبي !؟
ياكثر ما عنك حكى
ياكثر ماحن وبكى
كم جابني عنوه عليك
وكم ردني غصبن علي
.
كم شال في نبضه حكي
وكم حد عيني للبكي
لكن دموعي تعتلي
.
ساكت !
علامك ماترد !
هالمره اول مره ألقا خطوتك
متملله
وماشوف بعيونك
وله
شخص بعيوني أعْرفَه
لكنْ قلبي
يجهله
.
اشتقت لي ..
حنيت لي ..
أحرجتك بهالاسئله !؟
.
.
الظاهر ان البعد بدّل
في عيونك منزلي
والظاهر ان الخافق اللي كان لي
ماعاد لي
.
وش بك تناظر ساعتك !
آسف
أظن إني خطيت
ضيعت وقتك بالحكي
.
أظن غيري تحتري
والوقت ذا .. ما كان لي



الشاعر / عبدالعزيز الدلح .



تصميمي المتواضع وحصري!



صوتية ( هنا )


::