غيم القوآفي يسقي ورود الأحلآم

ينام الضيق في حضن الوحيد وتسهر اعيانه
وتبدا للتعب قصة يسولفها ظلام الليل
على جور الزمان الي جفاه وصك بيبانه
تحمل منه مايكفي من حمول تهد الحيل
وقلب كل ماحل الظلام وزادت اشجانه
جلس يكتب من ابياته على جمر الغضى والهيل
يبي نظم القصيد الي نخاه يبدد احزانه
مادام ان الهجوس تسامره ليل الشقى تعليل

بوحي

لآتلتفت في حسآيف وقتك آلمآضي
غآمر على آلعز وآلتوفيق عند آلله !

مابقى في جعبة احلامي كلام
دامك اغتلت المنى واخرستها
كل ماجيت انده بصوت الغرام
شفة اصوات الوصال اسكتها
ماتت اللقيا قبل كف السلام
فرحة العاني بيدك اغتلتها

بوحي

يا جنوبي الهوى فيك داري
بنيته بطوب من عشقي وهيامه

قلعة(ن) عليت فيها كل اسواري
وحصنتها بدروع الفخر والكرامه

ويوم جاها الشوق كان انهياري
من عنود(ن) صاب قلبي غرامه

على جال الجمر جالس واقول البيت واعيده
عجزت القى من ابيات القصيد الي يريحني
وانا في هاجسي بيت يعيد البال ترديده
اخاف ابديه يجرحهم واخاف اخفيه يتعبني

بوحي

لا تزيد الجرح وتشب ناري
على جرح قلبي يالله السلامه

اكتم الشوق وللهوى اداري
وتبوح الآه بمكنون قلبي وكلامه

بوحي

اقلط تغضل دلة الشوق فاحت
بهرتها من صادق الحب لهفه
فيها احاسيس المحبين ساحت
فنجالها ينعشك لاخذت رشفه
في مجلس عنه الملاقيف راحت
ناخذ على مركب هل العشق لفه
اسمع عروق القلب بالحب باحت
سوالف العشاق شفه بشفه

بوحي

سأختفي
كي تعرفي
معنى اشتياقي
ومُره القاسي

بوحي

ياكيف بعت اللي بروحه يداريك
وانت مريح البال ليلك ويومك
ذاهل منامك صيحته ماتوعيك
شخصٍ على حبه يبين معلومك

لاتسأليني ليه انا عاشق الصمت
في داخلي شاعرتهاوت ركونه
يروح كل الليل سهران مانمت
قلب الشقى ماهيب تمرح عيونه
اسامر الأهات ياما تألمت
بين القصيد الي حزينة لحونه
ياما لقيت من العنى ماتكلمت
اسكت ولو روحي تموت مغبونه

بوحي