مدونتي هي نبرة جريح

الزله اللي جات من صوب غالي
ماشلتها لاكنها.........موجعتني
لإني بذرت الطيب بأول...وتالي
الا ياحسافه طيبتي.....ضيعتني

ان غبت عني تظلم الدار والحي ... وإن غاب غيرك ماعسرني غيابه
أنا بدونك زهره مالها ري.... بين الهشيم وتستغيث بسحابه
مصفره الاوراق مقطوعه الفي ...يبكي لها سيح الشام وهضابه
النار تكوي ضامري كي... والفكر متشتت وفاقد صوابه

((أنــــــــــا))
المجنون في حبك
وعلى حبك أنا مفطور
ولقيت الصمت يحكمني
إذا جاء للهوى طاري
يبان العشق في عيني
واحسبه داخلي مغمور
ويفضحني مع العالم
ولاينفع به إنكاري

تحبني خطوه
أحبك سفر!
تعشقني لحظه
أعشقك عمر!
تشتاق لي ساعة
شوقي لك بحر

لا أخذت في خاطري من واحـد ٍ غالـي
ماعـاد أبـي النـاس قاصيهـا ودانيهـا



ماعاد أبي اللي ينشّدنـي عـن أحوالـي
العزلـه .. أبـرك مـن الدنيـا ومافيهـا



أجلـس لحالـي وأنـادم نفسـي لحالـي
مهـمـوم وهمـومـي .. الله لايحييـهـا



أغيب عن مجتمع خلـق الله أشـوا لـي
وأدلّـه النفـس .. لـيـن الله يسويـهـا



أضحك وأنا الصـدر لادالـه ولا سالـي
مـن ضيقـة ٍ ماتجنّـب عـن حراويهـا



لا اونستها في ضلوعي كنهـا الصالـي !
النـاس مـاعـاد أناديـهـا بأساميـهـا



كنيتهـا ليـن شفـت الشـرّ فـي حالـي
عجزت لأهرج بها وازريـت لا أخفيهـا



ان جيت ابهـرج بهـا شـي ٍ ماينقالـي
وان جيت ابسكت ل( نار ٍمن يصاليها ) !



حتـى تسـاوا مـذاق المـر والحـالـي
حسبـي علـى كلمـة ٍمانـي بناسيهـا



ياليتـهـا مــن عدويـنـي وعـذالـي
والله ل( تلقى ) الجـواب اللـي يداويهـا



لكنهـا مـن حشيـم ٍ منـزلـه عـالـي
احترت فيهـاولا أدري ويـن أوديهـا !



مـردودهـا كــل مامـنّـه تهيّـالـي
شيّمـت نفسـي عـن أولهـا وتاليـهـا



تمرنـي جـعـل والله مالـهـا والــي
ماكنـي اوحيتهـا مـن فــمّ راعيـهـا



وأصـد مـن دون لا أشـاور ولا أمالـي
بضاعـةٍ بـيـن بايعـهـا وشاريـهـا



ماني ب( ناقص ) غرابيـل اول وتالـي
روحـي مـن الوقـت فيهـا مايكفيـهـا



سوالـف ٍ كـل مامـرت علـى بـالـي
سمحـت مـن خيـرة ٍ كنـت متحريهـا



ضايق وضاقت بي فجوج الخـلا الخالـي
( والنار ماتحـرق إلا رجـل واطيهـا )



مهمـا يـدور الزمـان ويأمـن الجالـي
مايجرح الرووح غيـر طعـوون غاليهـا

قصيدة رائعة من روائع الامير الشاعر بدر بن عبد المحسن

** أبعتذر **

ابعتذر.. عن كل شئ
الا الهوى .. ماللهوى عندي عذر
أبعتذر.. عن كل شئ
الا الجراح.. ما للجراح الا الصبر
ان ضايقك اني على بابك أمر
في ليلة ألم.. و اني على دربك مشيت
عمري و أنا
قلبي القدم
أبعتذر.. أبعتذر.. كلي ندم
عن كل شئ.. الا الهوى
ما للهوى عندي عذر
اتصدقي.. ما اخترت انا احبك
ما احد يحب اللي يبي
سكنتي جروحي غصب
يا حبي المر.. العذب
ليت الهوى و انتي.. كذب
كان اعتذر لك عن هواي
و ما اقول انا .. كوني معاي
ان ضايقك اني على بابك أمر
ليلة ألم
واني على دربك مشيت عمري و انا
قلبي القدم
ابعتذر.. ابعتذر.. كلي ندم
عن كل شئ .. الا الهوى
ما للهوى عندي عذر

ياباب اشـوفـك يــوم مـريـت مصـكـوك
خـابـرك عـشـر سنـيـن مفـتـوح يـابـاب

ونصف العرب من طيب راعيـك دلـوك
وتلايموا في حوشـك اصحـاب واجنـاب

امــشــرع مـاوقـفــوا بــــك وطــقــوك
ومنـصـور بالـدلـه ولايــوم قـــد غـــاب

لـو دربهـم مــن شــرق لـفـوا ومــروك
ولو دربهـم مـن غـرب ماعنـك مجنـاب

والـشــارع مـسـكـر بـنــاس تـنـصـوك
ربــع وبـنـي عــم ومسـايـيـر واحـبــاب

في مجلس فرشه من النـاس مدهـوك
الطـيـب عـمـدانـه والافـعــال الاطـنــاب

كـل الشرايـح جـاتـك اشـيـوخ ومـلـوك
ومــن زاد راعـيـك عـلـى كــل مـاطـاب

ابوخلـف عـون الخـوي مخـلـي الـبـوك
لـلـحـيــل ذبـــــاح و لـلــعــود حــطـــاب

ينفـع ولا يبـغـي مــن الخـيـر مـشـروك
ينـفـع لـوجــه المعـتـلـي رب الاربـــاب

مـاهـي بنفـعـة كــل مـشـروك مـبــروك
مزروعي ومن روس عطران الاشناب

يابـاب عـقـب الزحـمـه الـيـوم مـتـروك
امـسـكـر وخـالــي ولا لـيـتــك بــشــاب

شــدوا هـلـك مـنـك وراحــوا وخـلــوك
وفرقـاك ماهانـت لـكـن هــذي اسـبـاب

شـدوا بامـر مــن يخـلـي بـمـده ابـنـوك
ويقطـع لـك ارقـاب ويعتـق لـه ارقـاب

شـدوا بامـر شيـخ فـرج كـل مضـنـوك
الشيـخ ابـو خـالـد بــه الـضـن مـاخـاب

من جاه من جور الزمـن يبلـع الشـوك
عـود عـلـى ربـعـه لـهـم درع وحـجـاب

آ مـــر عـلــى بـيـتـه وخـــلاه مــدكــوك
وبـنـاه قـصــر وبـــدل الـبــاب بـابــواب

تـرفــع لـــه البـيـضـا ع راس مــكــوك
ويصـعـد بـهـا لـلـجـدي والـعــز هـبــاب

عوض ضيوفـك قصـر مبنـي ومسبـوك
ونـصـفـه مـجـالـس ماتـسـكـر بــبــواب

فـــي كـــل حـــزه للمسـايـيـر مـفـكــوك
وصفـر الـدلال اتفـوح والجـمـر شـبـاب

اضحك معنا

ودي بشوفك كل مااصبحت وامسيت
ممســاك فـي قلبـي وصبحـك بعينـي
:
ان قلـت احط بداخـل العين لك بيت
خـايـف يحـول الرمـش بينـك وبينـي
:
وان قلت احطـك داخـل القلب عييـت
صعبه علي اخفيك عن شـوف عينـي