رواية جفاف وردة بيضاء في رُكن الذكريات /28

.
.
‏لم أبكِ، لم أصمتْ، ولم أنهضْ
ولم أرقدْ، وكلّي تاهَ في أجزائي

ففجيعتي بك أنني .. تحت الثرى
روحي، ومن فوقِ الثرى أعضائي .
"أحمد مطر"
.
.
ام انس اكملت بحُب : ارسلت روبي تصحي انس بس رفض يقوم، صاير ينام كثير .
وغمزت واضعة كفها على يده : ليكون حاس اننا بنكلمة عن الزواج ويمثل النوم .
ابو انس نطق بضيق : انس من يومة صغير وهو يعتمد على نفسة .
واكمل رافعاً كوب القهوه لثغرة : ليته يفتح لنا صدرة .
ام انس هزت راسها : الله يهدية .
فتح الجريدة وبعينان تقرا العناوين التزم الصمت .
تكلمت بعد هدوء : جوالي مدري وين ضيعتة .
قطع كلامها وهو يقف برُعب مما قرا : متاكدة ولدك حي ؟! .
ام انس ابعدت الكرسي ووقفت بخوف : بسم الله علية وش ذا الكلام ؟! .
تحرك بخطوات واسعة للاعلى : هو في الغرفة ؟! .
ام انس بخوف تبعتة : عمليتك ي عايد .
فتح الباب بقوة واقترب خائفاً : انس انس .
انس فتح عيناه بخمول وقفز جالساً وهو يرى والدية فوقة : وش صاير ؟! .
ابو انس نظر له وبعينان خائفة : انت بخير .
انس تنهد براحة : ايه بخير .
واكمل بقهر : لازم يعلمونك .
ابو انس بغضب : اجل متى تبينا ندري ؟! .
انس عض شفاهه وهو يقف : مهب لازم تدرون .
ام انس بقلق من ارتفاع صوت زوجها : وش فيكم .
ابو انس اشار له بقسوة : خلي ولدك يعلمك .
ام انس بخوف اقتربت : وش تعلمني به، وش فيك وش اللي يوجعك وجهك غادي اسود .
انس رفع نظره لوالدة : امي ماتدري بالحريق !.
ام انس شهقت واستدارت لزوجها : وش حريقة .
انحنى مُقبلاً اعلى راسها : مكتبي احترق والحمدلله انا سالم وشوفيني قدامك .
داخت من هول ماسمعت، مسكها بحركة سريعة واجلسها هاتفا بضيق : ويقولون ليش ماتعلمنا .
ابو انس بهدوء : وش سبب الحريق ؟! .
انس بلل شفاهه : التماس بالكهرب .
ابو انس هز راسه وابتعد خارجاً : ابيك بالمكتب تحت .
مسكت يده وبخوف ابرد عظامها : انس يمك قول الحقيقة ، ليش تخش عنا .
انس قبل يدها ونظر لها ببتسامة : مافيه غيرها حقيقة .
نظرت لجبينة ورفعت خُصلات شعره الاسود : هذا من وش ؟! .
وانزلت نظرها لذراعه والاحمرار المُمتد فيها واضحاً : وهذا ؟ .
تنهد وبطولت بال : يمة والله مافيني الا العافية، صار عمري 30 وللحين تحسسوني اني طفل .
وقفت بضيق من كلامة : ماراح تحس بشعوري ، انا اللي حملت بك 9 شهور .
انس رفع خُصل شعرة وتنهد بضيق : ضربت الدرج بالغلط ، اما يدي امس لمستني النار فيها .
نظرت لجبينة وبعينان غرقت بالدموع : تكذب علي ي ولد بطني .
واشارت بعيناها لجبينة : ماهيب اول مرة اشوفها .
وتحركت بخطوات ضايقة للخارج .
..
نزل بخطوات هادية اخفى شعورة بالإلم خلفها .
اقتربت الخادمة : سيد انس هل تُريد افطارك الان ف والدتك هي من قامت ب اعدادة .
انس هز راسة برفض واتجه لمكتب والدة طرق الباب ودخل .
ابو انس رفع نظره عن ملف معلومات اريان امامة واشار له بالجلوس .
ادخل كفيه في جيوب بنطالة الاسود : شي مهم؟! ,ولا لاني مشغول ولازم اطلع .
ابو انس اشار لاريكة الجلد المُنفردة : انس اجلس .
ورفع صوتة : روبي .
دخلت الخادمة ب اقل من دقيقة : هلا سيدي .
بهدوء : نادي نورة .
هزت الخادمة راسها وابتعدت كاسُرعة دخولها .
انس نظر لملامح والده التي كساها الشيب وقاراً والتجاعيد خبرة : اذا ع موضوع الحريق .
قاطعة : لا .
ونظرة له بقوة ناطقاً : والتماس الكهرب مادخل بعقلي .
انس رفع حاجبة : لية شاك ب احد ؟! .
ابو انس بتوتر ظهر لانس : كل انسان له حُساد .
انس بتإمل غريب وصوت هادي : كلام صحيح .
استدار للباب ع دخول والدته .
ام انس بضيق : عيني عينة يكذب .
ابتسم انس ضاحكاً من جملة والدتة وكتمها على صوت غضبها : ايه اضحك .
ابو انس بتوتر : نورة تعالي .
استدارت حول المكتب ووقفت جانبة وهمست : الولد تعبان خلنا نإجل الموضوع .
بحدة هامسة : لو على فراش الموت ، بيتزوجها .
ضربت صدرها تحت نظرات انس المُتسائلة : انت وش فيك تطري الموت على ولدي بسم الله علية .
انس قاطعهم : مطولين يالغالين ؟! .
تنحنح ابو انس وبصوت رخيم : متى تفكر تتزوج ؟! .
ضحك انس ورفع زاوية حاجبة بسُخرية : لاتقولون جايبين عشان الزواج .
ام انس بهدوء وهي تُمثل الضيقة منه : اية .
زادت ضحكة انس المبحوحة : لا عاد تمزحون .
ابو انس بحدة : امك صادقة، ولا حنا بموضوع مزح .
ضحك انس وضمم اصابع يديه مُصطنع الجدية : ومنهي تعيست الحظ .
ام انس بعد صمت : اريان بنت الصايل .
اتسعت عيناه وبغضب وقف صارخاً : يمة اكيد تستهبلين ، ماعرفتيها الا امس وتزوجيني اياها .
واكمل بغضب : والله .
صرخ ابوه واقفاً : لا تحلف ، ولا ترفع صوتك قدامي .
انس وانفاسة الغاضبة تُسمع : يبة البنت ذي مُستحيل اتزوجها .
ابو انس بحدة : وش في البنت ؟! .
انس سكت لبُرهه : مافيها شي .
ابو انس بقوة وجبروت : ها والله ماتعرف غيرها .
صرخ انس وعصبيتة النادرة تظهر : لاتحلف انا مابيها ، قلو بنات الدنيا .
واكمل مُشيراً للباب خلفة : بنت عمي سعد نورة .
ابو انس اقترب له ومسك قميصة الاحمر وبفحيح : ماهب على اخر عمري ي ولد عايد تكسر كلمتي ، واذا لك رغبة ببنت عمك ف تزوجها بعد اريان .
انس انزل راسه وبضيق : يمة البنت وش معجبك فيها .
ابو انس دفعه من ياقته وبحدة : انا اللي ابيها مهب امك .
انس رفع نظرة وبجراءة : اذا تبيها ف تزوجها انت .
شهقت ام انس بصدمة ، ونظر لوالدتة وبرجاء مُعتذر : يمة .
قاطعته باكية : ي عايد متاكد ذا ولدنا .
تنهد انس وغصتة من بُكاها لا يستطيع ان يبتلعها : يمة اسمعيني .
ام انس برجفة اشارت له : تقول لابوك يتزوجها وقدامي .
انس عض شفاهه وبكُره : اللي تبونة سووة ، لكن انا مو مسؤول عن اي تصرف ثاني .
ابو انس استدار عنه وتنهد ب ارتياح وهتف : كل شي بوقتة .
ام انس احتضنته وبكت على صدرة : ي جعل عيني ماتبكيك لا انت ولا اريان .
همس في اذن والدته : وش معجبك فيها ؟! .
ضربت صدره وابتعدت مُبتسمة : كل شي ، ويلا رضيت عنك .
زفر انفاسة : طيب مالها خوات .
ابو انس رفع نظرة وبعينان مُستغربة : وش تبي بخواتها ؟! .
انس بلل شفاهه بملامح قرف : اختار وحده احسن منها .
ام انس ببتسامة : مانبي غيرها .
ابو انس بهدوء : كلم ابوها نحدد موعد .
بملامح غاضبة ناوياً الخروج : ان شاء الله، عاد بتزوجوني احد ؟! .
ابو انس نظر له وبحدة : لا .
خرج واغمضت عيناها من صُراخه الغاضب خارجاً وصوت ارتطام زُجاج المزهريات ارضاً و هدوء المكان ثواني ثم صوت اغلاق الباب الضخم بقوة مُعلناً خروجة الغاضب.
فتحت عيناها وهي تمتلى من جديد بالدموع : ليتنا ماجبرناه .
ابو انس رفع راسة لها : هذا طبعة اذا عصب ماهب جديد عليك .
جلست وبتعب : يمكن ترفض البنت .
ابو انس بملامح ضيق تنهد : هذي المشكلة اذا رفضت .
..
فتحت عيناها على صدرة ، اغمضتها بسرعة من إلم جسدها ونومها الغلط ، فتحتها ب اتساع وهي تفهم مايجري .
اضطربت انفاسها حتى كادت ان تنحبس شاعرة بذراعة خلف ظهرها العاري .
اغمضت عيناها وتحركت ببُطء حتى خرجت من بين يديه، تحرك مُنقلب للجهة الاُخرى بنوم عميق .
عضت شفاهها بُكره ووقفت ، سحبت عبائتها وغطت جسدها العاري واتجهت للحمام، خرجت بعد دقائق ليست طويلة وهي تُغلق العباءة على بجامتها التي قدمت بها .
سقط نظرها على السكين ورفعتها وغرزتها بالفراش جوار راسه وخرجت تحمل خيبتها وندمها وكُرهها المُضاعف له .
..
بهدوء بدا يدور حول الطُلاب : حليتو الواجب ؟! .
محسن اخفض راسه بضيق .
اقترب علي ورفع كتابة وبعتاب بسيط : ليش ماحليت الواجب، ماتبي حلاو زي اخوياك ؟! .
محسن بكى هاتفاً : مها الدُبة عيت ، وتقول الله ياخذ استاذك .
اتسعت عينان علي وهمس : واختك الدُبة مهب عيب عليها تدعي على الناس .
محسن رفع عيناه البريئة : هي اصلاً كلبة .
ابتسم علي وقبل راسه بحنان : خلاص الواجب الجاي بنخليها تحلة .
بعد انتهاء الدرس القصير وزع الحلاو على الاطفال وابتسم وهو يُعطي محسن : لانك شاطر .
بملامح خجولة ابتسم مُغلقاً كفة على الحلاو .
بدا الطُلاب بالخروج وبهدوء نادى : محسن تعال .
اقترب الطفل، علي بهمس : اعطني كتابك الرياضيات .
اخرج الطفل الكتاب ببتسامة .
فتح علي بعض الصفحات ودسس بينها ورقة وبتشجيع :اذا رجعت خل اختك الدبة تحل الواجب .
ابتسم الطفل وهز راسه وخرج راكضاً .
..
وقف امام الصيدلية المُعتادلة له ، اخذ المُسكن وبلع حبتين ، تنهد ب ارتياح ورفع هاتفة .
..
بقهر وكُره نظرت لتقلبة الكثير ،انتفضت من رنين الهاتف واغمضت عيناها مُصطنعة النوم .
سحب الهاتف مُجيباً : هلا انس .
انس بكلمات مُبعثرة : ماجد انا الحين حسيت بشعورك ، لما ابوك غصبك .
جلس ماجد وبخوف : انس شوي شوي خلني افهم .
زفر انس غضبة : انت وينك ؟! ، بالدوام ؟! .
ماجد بهدوء : لا ماداومت اليوم .
ونطق بعد ثوني : تخيل السواق لقو بسيارتة مُخدارت ، وسعود يقول باين مدسوسة .
انس بصدمة : وليش توكم تعلومني .
ماجد وصبرة ينفذ : ماشاء الله انت اللي تعلمني ، ماكانك خاش عني التهديدات اللي تجيك قبل شهور ، وفعلاً التهديدات ذي ماكانت كذب انقتل موظف عندك بالشركة ، والبارح بغيت تروح انت .
انس قاطعة : اروح انا ولا يروح غيري .
ماجد وقف : انا جايك انت وين ! .
انس بعد صمت : بروح للمزرعة .
..
فتحت عيناها بعد ان دخل للحمام وب انفاس مُضطربة : لا مستحيل ابوي , انا اعرفه زين مايسوي شي زي كذا.
بربكة وعظامها تبرد همست بتذكر : انا اللي اشرت له على سيارة السواق وهو يبي سيارة عمي .
اغمضت عيناها على خروجة، تجمدت وهي تشعر بوقوفة فوق راسها .
انحنى وادخل كفة الايمن تحت فخذها والايسر تحت ظهرها ورفعها، انزلها في مكان نومة وهمس : ادري انك صاحية .
فتحت عيناها بُكره .
ابتسم ماجد واقترب هامساً : ترى لي دين عندك .
ابرار دفعته : انت لك وجه تتكلم مو كانك ضاربني قبل نص ساعة .
ثبت يديها بالقرب من راسها وهمس : اضربك اذبحك براحتي .
ابرار بغضب من إلم ذراعها ومن استفزازة وكانة لم يفعل شي : لية وش شايفني ؟!.
واكملت بتهديد : فك يديني ، وشغلك عند ابوك .
اقترب براسه : لا لا لا تهدديني في ابوي ؟! .
بربكة من قُربة : انا م امزح معك .
انحنى بسرعة، واستدارت براسها يميناً ، قبل زواية ثغرها هامساً : المرة الثانية بتكون بمكانها .
سحبت يداها وتقلبت حتى وصلت طرفها في السرير وبتهديد : عيدها وتشوف، والحركات ذي سووها مع زوجتك اللي تحت .
ابتسم وعدل قميصة : لية انتي مو زوجتي .
واكمل بخبث وهو يغادر : لازم اعدل بينكم .
اغلق الباب وابتسم على صُراخها : حقي متنازله عنه من زمان , تععععال .
..
استدار على نزول والدته من السلالم وبخوف : ماجد وش في انس .
واكملت بعد ان وقفت امامة : لية ماعلمتنا به .
ماجد وبالة مُنشغل ب انس : يمة مافية الا العافية .
ام ماجد بخوف : هو صدق فيه احد يبي يذبحة ؟! .
ماجد قبل اعلى راس والدتة : لا ولاتشيلين هم ، كلها اشاعات وكذب .
ونطق بتساؤل محاولاً تغير الحديث من انس : الا وين نوف ؟! .
ام ماجد حركت ثغرها بضجر : يعني انك مهتم، لو مهتم مالحقت ابرار .
ابتسم ماجد : احد قال مهتم ؟! ، بس استغربت ماهيب وراك .
ام ماجد بتافف : ابي اعرف وش غيرك على بنت خالك وانت اللي كنت تحبها .
ماجد قاطع والدتة : لاتقولين احبها .
ام ماجد بملامح ثقة : مالك غيرها ، وهي اللي بتجيب الولد .
ضحك ناطقاً من بين ضحكة : قصدك ابرار هي اللي بتجيبة .
وهتف ب اعجاب : ام سعد .
صرخت : اذلف من قدامي .
..
جلس بعينان باحثه عنها : وتين ؟!.
وقف ودخل للحمام وخرج بعد دقائق يلُف المنشفة على خصرة جففة شعرة وترك المنشفة الصغيرة على منكبية و استدار لسرير وبملامح مصدومة نظر لسكين تحرك بخطوات واسعة وبدا يبحث بالجناح ضرب الجدار بقبضتة : اوف ، وانا قلت زانت .
ارتداء ملابسة بحركة سريعة هاتفاً : ماعاد فيه جلسة في بيت عمك وبيتي موجود ي حلوة .
صعد السيارة وفتح هاتفة ، علق جهازة من كثر الاشعارات ، تصنمت ملامحة وبتساؤل ممايجري اتصل على سكرتيرة .
زفر راحتة وهو يُغلق ، اتصل على انس وتافف والرد الإلي يرد عليه ب انه مُقفل .
اعاد تكرار الاتصال لكن على ماجد ، تنهد ناطقاً بعد ان فُتح الخط : كيف انس ؟! .
ماجد ضحك : طيب ماودك تسال عن حالي .
احمد بسُخرية : ماعليك بعافية ، اخلص .
ماجد بهدوء : بخير وهو بالمزرعة .
اقفل الخط ، وهو يلف بالمقود حتى يعود لشارع خلفة . ..
قفز فوق السياج ودخل الساحة واتجه جهة الحصان بحركة سريعة اصبح فوقة ، ضرب الحصان بقدمة حتى اصبح يجري بقوة وهو يجتاز الحواجز .
وقف ماجد بعينان مصدومة ، واستدار على صوت احمد : وش في انس .
ماجد رفع منكبية : مدري ، بس لازم نوقفه المجنون بيطيح .
احمد وعيناه تُراقب حركة الحصان السريعة : اكيد فيه شي كبير ، مستحيل وضعة طبيعي .
انحنى ماجد من تحت السياج صارخاً : انس وقف .
احمد بخوف : الحصان الاسود ذا ماتروض وهو اللي طاح منه قبل اسابيع .
وقف ماجد في مُنتصف الساحة ماداً ذراعية : انس لاتذبح نفسك انزل .
تحرك احمد بخطوات سريعة دافعاً ماجد للجهة الاُخرى وسقط جانبة .
سحب لجام الحصان برُعب بعد ان قفز من فوقهم ، نزل بحركه سريعه واتجه لهم : احد يوقف قدام خيل .
وقف ماجد وسحب قميصة دفعه جهة السياج : مجنون .
انس مسك رسغة ولواء ذراعة حتى سقط وهتف بحدة : ايه مجنون وش عندك ؟! .
احمد من خلفة : حنا كنا خايفين عليك .
تحرك له انس وبعينان اشتعلت : انت وش جايبك .
احمد وهو يعلم ماينوي ان يفعل دفعه بقوة ، انس مسك رسغية وانزلها صارخاً : دامكم جيتو خلوني احط الحرة فيكم .
ماجد مسك ذراعية وسحبها وبصوت عالٍ : حنا مو اعداك اصحى .
انس استند على ساقية وب انفاس تسمع : ابوي بيذبحني .
احمد ب استغراب : اللي يشوفك مايقول امس كنت بتموت .
انس حرك راسه وبتعب : ليتني امس مت ولا جبرني .
ماجد جلس امامة وبخوف : انس وش جابرك عليه عمي .
انس رفع عيناه وعض شفاهه هاتفاً : تذكر يوم جبرك ابوك على ابرار .
ضرب صدرة بقهر : انا نفس الوضع، وليتها من وحدة ماعرفها، الا اعرفها واعرف اهلها .
احمد وماجد بملامح مصدومة .
واكمل : اول مرة يطلبني، ولما رفضت جبرني بحلفة، وكلها عشان بنت .
ماجد بتلثعم مصدوم من عمة : منهي البنت .
انس وقف وصرخ : بنت ابو راعي المزرعة .
وهتف بغصة علقت في بلعومة : مستحيل اجلس لهم دقيقة بذي المزرعة .
قاطعة ماجد : اخت راكان ؟! .
انس مسك راسه وهو يتذكر راكان والقضية ونطق والعبرة تخنقة : هذا مو وقت زواج .
تنهد ماجد وبهدوء محاولاً تخفيفة : يمكن تحبها .
انس بعينان حادة وساخرة : انت حبيتها .
ماجد ب اعتراف ولاول مرة حقاً يشعر به : ايه حبيتها .
انس حرك راسة : ماحد بيفهمني .
احمد مسك كتفة وبضيق على حالة : لاتقول ماحد بيفهمني كلنا فاهمينك .
وجلس جوارة هاتفاً ونظرة للخيول : جرب الزواج ، ترى انصحك فيها .
ماجد ببتسامة : وتراها بنت يمديك تكفخها .
انس بللت شفاهه وعيناه للبعيد : بنت عن عشر رجال .
دفعه احمد من كتفة : ماعلمتنا وين تعرفها ؟! .
وقف ومسح ماعلق في بنطالة هاتفاً بضيق : خلاص قفلو السالفة .
ماجد نظر لاحمد وبملامح سُخرية : انت تشوف ذا كيف كان حالة والحين كيف .
احمد نظر لملامحة وبتساؤل : وش رسيت عليه عشان نقفل .
انس ابتسم : اكيد هي بترفض ، اذا للحين تبي الحياة .
وقف احمد واقترب مُحتضنة : الحمدلله على سلامتك , توني دريت بحادث امس .
دفعه انس وبتهديد :لاتحضني .
ومد ذراعة باسطاً كفة : يكفي تسلم كذا .
ضحك احمد واحضتنه بقسوه : عشان احس انك للحين حي لازم اضمك .
قاطعهم ماجد بهدوء : وش سالفة التهديدات اللي خاش عني ي انس ؟!.
احمد ارتفعت حواجبة بدهشه : اما علمتة .
ماجد وقف : لحظة لحظة، لاتقول انت تدري وانا الوحيد بينكم كاني عريس ضايع بزفة .
انس ضرب جبينة : ذكرتوني مارحت للمركز عندي تحقيق .
..
تكنس السُجاد وعيناها على التلفاز الصغير من النوع القديم .
انزلت نظرها على الركلة المؤلمة لقدمها دفعته بغضب : انت ماتشوف ؟! .
محسن بإمر وتهديد : استاذ علي قال انتس بتدرسيني وغصب بعد .
ضممت كفيها على عصا المكنسة وبتسلية : ومين ذا الاستاذ اللي بيغصبني ادرسك .
محسن رمى حقيبتة وفتح السحاب مُخرجاً الكتاب : استاذ علي .
مها دفعته بقدمها واكملت الكنس : الحين ظهر مهب وقت الواجب , واصلاً بكره عطله .
بدا يبحث بين اوراق الكتاب وابتسم وهو يخرج ورقة ويمدها لها : الواجب .
بتافف رفعت العصا : بكره مافيه مدرسه , بحله لك السبت يلا قوم .
دخلت والدتها وب استغراب من صوتها العالي : وش فيتس .
محسن بضيق : كل العوال في الصف يحلون الواجب الا انا .
ام محسن جلست بتعب وب امر : اخلصي وحلي واجب اخوتس .
رمت العصا وبتذمر : ياليل الورع ذا ، ليت حظي مثل ابرار، يجيني واحد من الرياض فجاه ويخطفني .
ام محسن سحبت العصا ووقفت : عنبو ذا اللسان، انتي ماتستحين .
بملامح استياء سحبت الورقة وجلست وهي ترفعها : خلاص بحله لاتزعجوني .
فتحتها واتسعت عيناها وملامحها تتلون بالفشلة :
" الى اخت الطالب الصغير محسن ، اولاً من السيئ رفض مساعدتة بحل الواجب فهو طفل لو كان يستطيع حله ثقي انهُ لم يكن سيطلب منك ذلك، وثانياً من التربية عدم سب او التقليل من الشخص بعينة امام طفل يحفظ الكلام ويُكرره كثير، ثالثاً ارجو منك ي اُخت مها العمل بما كتبتة والاعتذار لي بما قلته ، والسلام عليكم .
الاستاذ علي الصايل " .
رفعت عيناها وبرجفة والورقة تهتز بين كفيها : انت وش قايل لمدرسك علي ؟! .
محسن بعدم فهم : بحل الواجب .
صرخت وهي تقف : لا وش قلت له عني .
ام محسن رفعت عصاها : والله ماتعودين وراتس، ان اللون جلدتس بالعصا ، انتي وش قومتس قمتي كانتس مقروصة ، وتبين تضربين اخوتس .
مسكت راسها وبصوت اختنق : ليتس والله تدرين وش مسوي راس القوطي .
سحب العصا من والدتة ووقف مهدداً : لا تعايريني، وحلي الواجب .
رمت عليه الكتاب واتجهت خارجة : ماراح احله .
محسن بكى : كلمي ابرار هي تحله لي دايم .
ام محسن مسحت على راسة : بتحلة ماعليك وبكره اجازه .
..
دخلت اريان بهدوء : السلام عليكم .
تفاوتت ردود الجالسين : وعليكم السلام .
ام علي : هاه خلص الغداء .
اريان هزت راسها : ايه طفيت علية .
فهد رفع نظره وب استغراب : ليش غايبة .
اريان بلعت غصتها هاتفة : تعبانة : انت اللي ليش ماداومت .
جلس راكان وسحب صينية القهوة امامة مُلتزماً الصمت بنُعاس ظاهر ع ملامحه .
فهد نطق بهدوء : مكتب المُدير احترق، وعطنا اجازة .
ام علي مسكت صدرها : لا حول عسى ماحد صار له شي .
فهد هز راسه : اية الحمدلله .
راكان بصوت نائم : اصلاً لو صار كان بيصير لانس، هو المستهدف الوحيد بينكم .
فهد ب اهتمام : ايه واضح انه حادث مقصود .
ام علي : من انس ذا .
راكان : اللي مستاجر المزرعة من ابوي .
ام علي بخوف : يالله سترك وش علمة .
اريان وملامحها تتغير من ذهول ماتسمع .
راكان : تجيه تهديدات له شهور واكثر ، وفجاه بدت التهديدات تصير حقيقة قتل واحد من موظفية، وهو البارح بغى ينقتل .
فهد بصدمة : وانت وش دراك .
راكان انزل فنجانة وبتعب : انا ماسك قضيتة ، وتصدق على كل ذا ماعلم اهله .
وبقهر اكمل : بس فجاة ولد عمة سعود اللي معي درا ، شكل فيه جاسوس بينا، لكن المشكلة كل اللي معي ثقة .
اريان بتوتر وضيق وهي تعلم الحقيقة : يمكن اللي علمة يبي الخير .
ام علي بضيق من حديثهم : اي خير ، والله مابي ادعي على احد، لكن الله يصلح الحال .
فهد بتفكير : لما صار الحادث له بالمكتب كان معه بنت شقراء .
واكمل بتساؤل : لكن المشكلة انها طلعت من الحادث سالمة وتقفل الباب ع انس .
راكان ب اهتمام : يشتغلون معكم حريم بالشركة ؟! .
فهد هز راسه : لا، لهم فرع .
وحرك شفاهه على نظرات اريان : بس هي تقول انها حبيبته ، وسكرتيرة يقول لا انها موظفة .
راكان وقف : زين علمتني، عشان اشوف موضوعها.
ام علي رفعت نظرها : والغداء ؟! .
راكان : مالي نفس ، ولازم اروح الدوام، الشغل لفوق راسي .
اريان وهي بعالم اخر والافكار تجول براسها .. انا ظلمتة؟! ، لا مستحيل كان معة مسدس، وامه كانت تساعدة.. بس هي ليش يوم شافتني انصرعت.. لا لا واضح ماهددوه الا هو مسوي لهم شي ؟! .
انتفضت على وكزت والدتها : دقي على ابوك شوفي وينة .
هزت راسها ووقفت بتوتر : طيب .
فهد استلقى على ذراعة وب استغراب : هي وش فيها ناحفة؟! ، وصايرة هادية .
ام علي : ماهيب من عادتها .
..
ارتدت عبائتها وبخوف : انا مابي اروح معة ، اخاف يسوي لي شي .
روان بهدوء وهي الاُخرى تلبس عبائتها : باصنا مستحيل بيوقف عند حيكم .
الجوهرة بتفكير سريع : طيب بجلس عندكم .
روان ضحكت : والله ودي ، بس تذكري وش بتسوي فيك امك .
ضربت وجنتها بتوتر : نجود مالقت تغيب الا اليوم .
روان دفعتها : شوفي العنود هناك كلميها يلا .
واكملت هامسة : ماراح يسوي شي واخته موجودة .
عضت شفاهها : بلاك ماتعرفينة سامي كثري .
سحبت نفساً قوية ثم زفرت واتجهت بتوتر للعنود : العنود ، عادي توصلوني على طريقكم ، باصنا ماراح يجي فيه عطل .
العنود ارتدت عبائتها وببتسامة : اعز من بيركب معنا .
استدارت الجوهرة لروان وهي تستجمع قوتها وشجاعتها .
غمزت لها روان وخرجت متجهة لمدرسة الثانوية التي بجوارهم قاصدة اسيل .

..
خرجت وبهدوء دارت بعيناها في السيارات الواقفة امام المدرسة .
تصنمت عيناها على من اشار لها بكفة من الشارع المُقابل بوشاح اسود يُغطي ثغرة ونظارات شمسية تُخفي عيناه خلفها ، وجكيت من الجلد الاسود .
شادن فتحت ثغرها بخوف , واستدارت بسرعة لمن وكزت كتفها : هلا .
الفتاة : شادن العايد ؟! .
شادن ابعدت نظرها وبتوتر : ايه .
الفتاة : كويس لقيتك ، زوجك اعطاني الورقة .
شادن ب استغراب : زوجي .
الفتاة اشارت للواقف امامها بعيداً : ايه ذاك .
فتحت الورقة وصرخت برعب مما كُتب وهي تعود للداخل " ووفيت بكلمتي وهذا لقانا بالرياض " .
تجاوزت الطالبات بصُراخ ارعبهم ، ودخلت الحمام بسرعة مُغلقة الباب بقوة امام انظار اسيل وروان وهم يتحدثون بجانب المغاسل .
شادن بُبكاء عالي : وش جابة ذا .
ومسكت جسدها برُعب وانفاسها تضعف : يمة وينك بيقتلني اكيد شكلة يخوف .
اسيل التفت ب استغراب ع البُكاء وبخوف طرقت الباب : حبيبتي الحمام مو زين لك .
شادن صرخت : اكيد انتي معه .
اسيل ب استغراب : مع مين ؟! .
روان بخوف وقفت خلف اسيل : امشي خلينا نطلع ، واضح مجنونة .
اسيل بغضب : حنا بوقت طلعة نخليها لحالها بالحمام حتى لو مجنونه ؟! .
شادن اتكت على باب الحمام وجسدها بدا ينتفض : يمة .
روان همست في اذن اسيل : البنات بدو يجتمعون .
اسيل بهدوء حاد : فيه شي ؟! .
فتاة بسُخرية : نبي نشوف زيكم ، ولا حلال لكم وحرام علينا .
اسيل عضت على ثغرها وبغضب اقتربت : لاتخليني اغير ملامح وجهك اللي مستانسة فيه .
واكملت مُشيره للباب : صديقتي تعبانة وواقفة انتظرها .
ابتعدت هي وصديقاتها وهم يشتمون اسيل و شادن معها .
اسيل بتوتر من بُكاها : لك خوات او صديقات اناديهم ؟! .
شادن بشهقات : دقو على اهلي يجون .
اسيل : الحين ليش ماتطلعين عشان نقدر نتفاهم ؟! .
شادن بصوت خافت وصل لاسيل : ماقدر اطلع، فيه احد يبي يذبحني .
بردت اعضاء اسيل واستدارت بعيناها وبخوف : وينه .
فتحت الباب قليلاً وسحبت ذراع اسيل واقفلت الباب بعد ان ادخلتها معها .
صرخت روان : ي بنت طلعي اختي .
اسيل رفعت صوتها : روان مافيه شي بتتكلم معي .
نظرت للفتاة امامها ذات ملامحة جذابة بعينان واسعة وحادقتين باللون الاسود ، وشعر اسود ناعم مربوط من الخلف .
اسيل مسكت يديها : وش فيك .
شادن والدموع تهطل على وجنتيها : ماراح احد يفهمني .
ومسكت تنهيدتها برجاء : انا وثقة فيك ، روحي للادارة ودقي ع اهلي .
اسيل بعد صمت ادخلت يدها بين قميصها المدرسي وصدرها واخرجت هاتف وبخبث : مفروض معك جوال لطوارئ .
ابتسمت شادن واحتضنتها بقوة : ماراح انساها لك .
اسيل ابعدتها : بلا كثرة حكي اخلصي تاخرت ع باصي .
شادن رفعت عيناها من الهاتف وب استغراب : تروحين ع باص .
اسيل بقلق : مين اللي تبكي قبل شوي .
بخجل رفعت الهاتف على اذنها ونطقت بعد ان وصل لها صوت والدها ببُكاء : يبة جاني بالمدرسة .
وقف ابو انس بخوف : منهو اللي جاك ؟! .
نطقت وجسدها بدا يرجف : اللي بلندن .
ابو انس بخوف خافت : يمكن تتوهمين ي بنتي ؟!.
..
اغلق الخط وصرخ بغضب : لا لا اللي يصير ماهب شي طبيعي .
سحب ملف اريان وادخله في الخزانة خلفة وتحرك على دخول ام انس : وش في صوتك طلع .
بتوتر عبر من جوارها : شادن داقة اجي اخذها من المدرسة .
مسكت ذراعة : لاتنسى نفسك ، وتتعبها ارتاح والسواق بياخذها .
مسك يديها محاولاً زرع القوة فيها : امس انس، واليوم شادن ، بكره ماندري مين يبون .
قاطعة كلامة وهي تفهم مايرمي له : صار لبنتي شي .
ابو انس بهدوء : هي بخير ، لكن صوتها وحالها ماعجبوني .
مسكت صدرها وبغضب : لازم تقول كل اللي صار قبل عشرين سنة اذا هدفهم ذا .
تحرك من امامها بغضب : اقوله لمين ؟! ، تهديدات ماعرف من وراها .
واستدار وبتنبية : اريان ماحد يعرف انها عايشة غيري انا وياك وسعد، والبنت لو يعرفون انها حية حياتها بتكون بخطر .
ببكاء : وعيالي تبيهم يموتون ويعيشون بخطر عشانها .
بتعب رفع صوته : اقولك البنت ماحد يدري انها حية، ولا احد بميت عشانها .
واكمل : انا قبل عشرين سنة ماسويت شي غلط ، واذا سويتة فهو اريان ولا احد يدري فيها .
نورة بتنبية ضحكت بقهر : وتقول ماحد يدري ، من اللي رمى بنت صغيرة ميتة قدام بيت الراشد وقال هذي اريان .
وبحدة : الناس كانو مشغولين بقتل منال وذبح زياد لها، وانشغلو عن البنت .
وهتفت برجفة : ولو احد من اهلها اهتم، كان بيعرف انها مهيب بنتهم .
تصنم جسد ابو انس كيف نسى هذا الموضوع ، نعم هُناك طرف رابع غيرهم ، وهمس : لو ماتدخل، كان رجعت اخذ اريان واعطيها اهل امها .
وتحرك محاولاً تناسية ، والتفكير بشادن : مستحيل يكون الشخص هذا له يد باللي يسوية بعيالنا .
..
بتوتر تجلس خلفة وعيناها على السيارات العابرة .
سامي بخبث : وانا اقول السيارة وش فيها نورت .
الجوهرة بحدة : شوف طريقك .
العنود نظرت لاخاها بمعنى اسكت .
ابتسم ووقف امام بقالة : تبون شي ؟! .
العنود بتعب اغمضت عيناها : ابي موية بس .
فتح الباب ونزل ونظر للجوهرة : صراحة ماقدر اجيب اي شي بارد ، تعرفين الجو بدا يبرد ، لكن موية تكفي .
الجوهرة بطولت بال : انا مابي شي .
سامي حرك راسه : اوك ي طفلة .
صرخت الجوهره بعد ان ابتعد : اخوك ذا مريض .
العنود تاففت : انتي عارفة انه متعود عليك ويستهبل وياخذ ويعطي ، لاتكبرين الموضوع .
عادت بظهرها بقوة وكتفت يديها محاولة ان لاتفعل شي مجنون به .
ركب حاملاً علبتان من الماء .
الجوهره تنهدت بصمت وهي تُجهز جُملة لرفض العلبة الاُخرى .
العنود رفعت الماء ومدتها للخلف : هاك الجوهره .
سحبها سامي : لا هي ماتبي انتي اشربي .
زمت شفاهها بحنق : اي مابيها .
سامي رفع الماء بعد ان فتحه وضغط على المكابح بقوة، حتى ارتطمت الجوهره بالمقعد خلفة وانسكب الماء عليها بقصد منه .
الجوهره صرخت : ي حيوان قاصد .
العنود بغضب مُمسكة جبينها : الجوهره حتى انا صدمت القزازة، لاتسوين فيها .
انفجر سامي ضاحكاً وهتف بحديث وصل للجوهره : تذكرت التراب بس .
اتسعت عيناها وصرخت وهي تندفع له وتخنقه بكفيها .
سامي صرخ ورفع يده محاولاً ابعادها : فكيني ي ورعة .
العنود صرخت : بنصدم الله ياخذك فكي اخوي .
عض كفها بقوة حتى فكت عُنقة وهي تعود للخلف .
العنود نظرت لها بعينان مُشتعلة : لو اني دارية ماخذيتك معنا .
سامي صرخ : وانتي توك تدرين ذي مجنونة .
ووقف يمين الرصيف وبغضب : انزلي .
الجوهره وانفاسها تُسمع سكتت .
صرخ : اقول انزلي، لاتخليني اسحبك بذا الشارع .
الجوهره بعقلانية لاول مرة تتملكها : انت تحاسبني ع موضوع قديم، وكان بدون قصد .
سامي وهو يمسك نفسة : ضربك لطفل كان بدون قصد .
الجوهرة برجفة ظهرت في صوتها : اهلك اغلطو بحق اريان، وانا بغلط بحقهم عشانها .
عض شفاهه وبحدة : واريان مين ؟! .
الجوهرة بغضب : اريان اُختي وخالتي وحبيبتي .
ضحك محاولاً استفزازها .
العنود بصدمة مما يحصل امامها : مقلب صح ؟! .
سامي بهدوء حرك السيارة : اي مقلب .
وبحدة : الجوهره ليتك تخلين روان تعلمك الذوق .
الجوهرة ب اشمئزاز : لاتطري اسمها ع لسانك .
ابتسم سامي واخفى ابتسامتة : طيب .
الجوهره بوعيد وهي تنظر من خلال النافذة يسارها : اذا ماقلت لتركي .
سامي بملامح مُهدده وهو يضغط على المقود : علمية واعلمة .
..
نفث دُخان السيجارة وبتوتر : وش فيهم تاخرو داخل .
احمد ونظرة على دخول وتين في تطبيق الواتساب الذي كان من يومين : ان شاء الله خير .
ورفع نظره وبحدة : ابوك لايطلع ويشوفك تدخن .
ماجد رمى عقب الدخان ودهسة بقدمة : ماطلعتك معي الا عشان ادخن .
احمد بهدوء : انس يدري ؟! .
ماجد بملامح عدم فهم : يدري بوش .
احمد نظر لسيجارة ارضاً : انك تدخن .
ماجد بتذمر : ماخبي عنه شي ، لكن هو يخبي عني كل شي .
ابتسم احمد ع تذمرة وب استغراب : وكيف سمح لك تدخن ؟! .
ماجد : غصب عنه عاد .
..
سعود يقف خلف المحقق جمال : انا قلت بمسك القضية .
جمال حرك راسة برفض : مستحيل كثيرة عليك .
واشار لراكان : الكلام اللي قلت لك قبل ساعة، لازم توصلة لانس .
واشار لسعود : الشرطة تنتظرنا يلا .
تحرك راكان ودخل الغرفة الجانبية وابتسم لانس .
تنهد انس بصمت وابتسم وهو يُبعد نظره .
راكان بهدوء همس والغرفة بدت تمتلئ : وش فيك ؟! .
انس بهدوء هتف : ب اتكلم معك بموضوع خاص ، لما نخلص .
راكان هز راسه وجلس امام انس وهو يُشير لطاقم العمل بالبداء .
تنهد راكان وفتح الملف : شكك كان بمحلة .
انس اتكى ب اكواعة على الطاولة وب اهتمام : في من ؟! .
راكان بعد صمت : راجح الرائد .
انس وقف : وش ننتظر ، خلنا نروح نفهم ؟! .
راكان نظر للكرسي الخشبي : اجلس لازم تفهم ان التحقيق والشغل يكون دقيق مو بالسهولة نسجنة او نظلمة .
واكمل : قبل شهر لما لقيت باب شقتك مكسور ومكسر حتى الاثاث فيها ، ماكان تفتيش، لان التفتيش واضح كان بشكل خفي، لكن اللي صار فيها بشكل مُتعمد وكانه تهديد زي سابقية .
انس بنفاذ صبر : اي وش دخل راجح ؟! .
راكان ببطء : كان من اللي دخلو بالشقة، ولقينا شعرة تثبت هذا .
واكمل : 90 بالمئة اتوقع ان راجح هو من قتل اخوه .
اتسعت عينان انس وبتلعثم : لا مستحيل .
راكان بثقة مُحقق اغلق كثير من قضايا القتل سابقاً : مين يقدر يطلع شريحة باسم هادي ؟! .
ورفع نظره وبثقة : اخوه طلعها ، وكتب الرسائل وارسلها الـ6 المقتولين .
وسحب صورة من الملف امامة والصور عبارة عن جسد هادي : الرصاصة ماخترقت مساحة كبيرة بجسمة، لانها لو هو قاتل نفسة كان بتكون بشكل اعمق .
انس مسك راسه وبذكاء تميز فيه : القاتل واضح شخص اعسر .
صفق راكان وعاد بظهره للخلف : ايوة عليك نور , والمُشتبه فيه اعسر .
ورفع كيس صغير تحتة واخرج قطعة فحم مرسوم عليها رسمة مُعينة : قد شفتها .
كح انس بصدمة وهو يتذكر الرسمة .
راكان بتركيز ع لغة جسده : اتوقع عرفتها ؟! .
انس هز راسه : لا .
راكان نظر لعيناه وبتكرار : تعرفها ؟! .
انس بلل شفاهه : وين لقيتها .
راكان بملامح جامدة : ام هادي جابتها .
انس زفر انفاسة : شفتها وشم ع واحد .
راكان : مين ذا ؟! .
انس بكذب : بلندن، لكن اجنبي ومن زمان الموضوع .
راكان بعدم اهتمام : الوشم لمنظمة مُعينه ومو أي احد يوشمها .
اغلق المُسجلة الصغيرة، واشار بيدة حتى يخرج الجميع .
اضطرب انفاس انس بصدمه , ورفع نظرها على همس راكان : كان تحقيق حادثة امس مع المُحقق مشاري، لكن اللي ماقدرنا نفهمة، كيف تقفل الباب عليك .
انس ضمم اصابعه : والله مدري .
راكان بتفكير : قالو معك لما كان الحادث بنت، وطلعت سليمة وبعدها تقفل الباب .
انس ابتسم : مستحيل بنت تعرض نفسها للخطر وهي تعرفه عواقبة .
وصمت فجاه مُتذكراً اريان ونطق بغموض : الا هي .
راكان بعدم فهم : منهي ؟! .
انس حرك راسه : ولا شي .
راكان بطولت بال : انس لاتخش شي، لازم نعرف كل شي .
انس نظر له بعيناه الواسعة وحادقتية السوداء تثبت في عينان راكان : وراها شي ، وانا راح اجاريها لين نعرف .
ابتسم راكان : تعجبني ياخي .
واكمل : لكن ممكن اعرف كيف تسكر الباب ؟! .
انس حرك اصبعة ع الطاولة وهو يرسم : البنت طلعت قدام عيوني وراحت جهة المصعد ، والباب تسكر من الجهه اليسار، لكذا واضح ان فيه احد قفل الباب .
راكان بدهاء : هذا الشخص يشتغل معك بالشركة ؟!.
انس ابتسم : مستحيل احد يدخل ويوصل لمكتبي، وهو ما معة بطاقة الدوام الرسمية ، حتى الكاميرات مالقطت شخص غريب .
راكان هز راسه واغلق الملفات امامة ووضعها فوق بعض وابعدها يمينة وب انصات : خلنا في المهم قلت تبيني .
انس زفر انفاسة وقبض على كفة وهو يشعر بها تعرق : بديت ابني مزرعة وراح انقل لها قريب .
راكان بضيق : لية عسى ماشر .
انس بكذبة : الخيول تبي مساحة اكبر، لكن ماراح انقل سريع يبي لي شوي وقت .
راكان ابتسم : ليش تكذب ؟! .
زفر انس انفاسه : وليش اكذب .
راكان رفع طرف ثغرة بسُخرية : انت جالس قدام مُحقق .
وابتسم مُكملاً : اعطني المُهم ، اللي تبيني فيه .
انس بملامح جامدة : صراحة الاهل يبون القرب منكم .
راكان ضحك بعدم فهم : كيف ؟! .
انس وجسده يعرق من كثر التوتر وبلعثمة : انتم من حقكم الرفض ، انا اصلاً يعني مدري لكن ودي اخطب اختك .
راكان بتلقائية ابتسم ووقف غير مُصدق : هند .
انس رفع عيناه : هند ؟! .
راكان مسك يده وببتسامة : ماراح نلقى احسن منك .
انس بخبث : اختك الكبيرة اسمها هند ؟! .
دفعه بتذمر : لو اهلك يعرفون اهلي كان بقول مالك حق تخطب وانت ماتعرف الاسماء .
واكمل : لا اريان اكبر .
انس مرر اصابعه في خُصلات شعره وهو يمحي الفكرة الخبيثة : لا خلاص نبي الاكبر .
تغيرت ملامح راكان لصدمة وبتوتر : اريان ؟! .
انس مد كفة : ادري وقتي غلط ، لكن انا قلت لك عشان توصل الكلام للاهل وتاخذ منهم الرد ، قبل نجي لكم رسمي .
هز راكان راسه وجلس بصدمة هاتفاً بعد ان خرج : كيف اقول له ان اريان مجهوله نسب ؟! .
مسك راسه : مستحيل افوت شخص مثل انس .
..
غرفة التحقيق المجاورة .
سعود يجلس امام والدة : يبة ماتشك في احد انت وياه عداوة .
ابو ماجد رفع نظره بتفكير : انا مُحامي ويمكن يكون فيه ، بس مستحيل يعرفون بيتي .
المُحقق جمال : الاتصال كان من رقم غريب ، لكن واضح له يد بوضع الكيس في السيارة .
ابو ماجد بضيق : طيب انا بكون مُحامي لسواق ، متاكد انه مظلوم .
سعود بملامح ضيق علئ والدة : يبة لاتشيل هم كل شي وله حل ، لكن الحين لازم نسال الحارس عن من دخل بيتنا بذي الايام .
جمال هز راسة : هذا اللي كنت افكر فيه .
واكمل وهو يحمل الملف من امام سعود : انت اكثر منا تعرف موضوع المُحاماة ، كيف تكون مُحامي لشخص ومافيه طرف ثاني تحامي منه .
..
صعدت معها واحتضنتها وبهمس : خلاص انا هنا .
شادن بُبكاء : ماشفتي شكله يخوف .
تنهدت ام انس بضيق ونظرت لزوجها من خلال المراءة الصغيرة اماماً .
ابو انس والتعب النفسي بدا يطغى على الجسدي : ي ابوك اذكري الله .
شادن غطت عيناها : انت تقول اني اتوهم , ليش شايفني مجنونه , مايتذكر يعني اللي صار في لندن .
ام انس بضيق : ابوك مايقصد .
شادن سحبت شهقاتها : ماسمعتيه وش يقول للحارس .
ابو انس تنفس بضيق : شادن انا مصدقك .
..
قفز بمهارة وهو يدخل من السور الضخم وهتف مُعدلاً السماعة في اذنة : مافيه حرس داخل راقبو اللي برا لاحد يمسكنا ونروح فيها .
تحرك بهدوء وثقة غطى ملامحة بشكل ذكي ودلف الباب ودخل ابتسم على هدوء المكان وجمال اثاثة وهمس : اكيد اي بيت تكون في لمسة حرمة بيكون زين .
تصنمت قدمة على صوت الخادمة : سيد انس هل عودت سريعاً .
اشغل نفسه بحذاه مُنحنياً لربطها .
حركت الخادمة راسه بتذمر وابتعدت .
تنهد ب ارتياح وبدا يبحث بعيناه عن المكتب، بعينان خبيثة اتجه للباب الخشبي الفخم بتصميمة .
وابتسم بعد ان دفع الباب وانفتح على مصرعة دخل وبكُره : الله الله وش ذا الزين ي عايد .
واستدار بعيناه ع الكتب الكثيرة باحثاً عن ادلة , تحرك بسرعة وهو يُثبت القُفازين جيداً على كفية اتسعت عيناه على اسم عائلتة .
فتح الملف وصُقع من المعلومات المدونة ورفع عيناه لتسقط ع ملف خاص بعائلة الجابر همس ب استغراب مصدوم : هذا وش يبي يوصل له .
عدل السماعة على صوت صُراخ مُساعدة : استاذ جابر، انس العايد سيارتة تدخل مع البوابة .
انحبس الهواء في رئتة وسحب كتاب ضخم وكسر النافذة الكبيرة وقفز خارجاً من خلالها وهو يجري بالملفات .
وتحرك من الخلف هاتفاً : بسرعة من الجهه الشمالية احذفو حبل .
خرجت الخادمه من المطبخ بعينان مُستغربه من الصوت العالي .
توترت وهي تعود لداخل على خطوات انس الصاعده .
رمى جسده المُتعب على السرير واغمض عيناه بنُعاس .
..
في الاسفل ..
مسكت ام انس صدرها وبرجفة : مستحيل تكمل، بعد اللي شافته اليوم .
ابو انس حرك راسه ب اسى : اللي كاتبة ربي بيصير لو بالبيت .
صرخت وهي تُشير له بيدها : تبيني انتظر لين يصير لها شي .
وتحركت صاعدة : لازم نعلم الشرطة .
نطق بصوت رخيم اوقف حركتها : لو يبي يسوي فيها شي سواه بلندن، بس واضح تهديدات وماعندهم سالفة .
رفعت عبائتها وبضيق : ع الاقل لازم نعلم انس .
صرخ : تروحين وترجعين الا نعلم، مثل ماسكتنا عشرين سنة بنسكت ، وبنتك لو تبي تجلس شهر بالبيت تجلس، لكن تترك المدرسة مستحيل .
تحركت بغضب ماسحة مانزل من عيناها .
بصوت عالٍ هتف : روبي كإس ماء .
فتح باب المكتب واتسعت عيناه مصعوق ممايرى زُجاج النافذة المكسور وانزل نظرة تلقائي للمكتب صرخ على دخول الخادمة : وين الحرس .
الخادمة بتلقائية : انهُ السيد انس .
ابو انس استدار بصدمة : وين انس .
الخادمة رفعت يدها بتلقائية للاعلى : نائم .
حرك راسه بصدمة، لا مستحيل انس يكسر الدريشة ،وش يبي بالملفات .
فتح الباب وصرخ : انس .
انس مسك قلبة من الصرخة، وتنهد بتعب وهو يجلس : لبية .
بغضب : تقول الخدامة انك داخل مكتبي .
ضحك انس وبصوت مُتعب : والله مادخلتة ، ووصل ع طريقك للخدامة اني بشوف شغلي معها .
هتف بغضب : كلمت ابو اريان ؟! .
رمى راسه للخلف واغمض عيناه : يبة والله الموضوع ذا يمرضني .
بحدة : انس اجلس زين .
تحرك ووقف واقترب بهدوء : يبة ماتلاحظ انك متغير علي .
ابو انس جلس على طرف السرير وبضيق : لو انك تسمع كلامي ماتغيرت .
انس قبل راسه وببتسامة : اي كلمتة، واتوقع بيرفضون تدري ليش ؟! .
رفع نظره وبخوف : ليش .
انس حرك ثغره بتذمر : بيقولون وش ذا اللي مانعرفه الا من كم شهر وجاي يخطب بنتنا ، وحتى اهله مانعرفهم .
ابو انس وقف : بكره بنروح لهم ونتعرف ، واذا وافقو بنملك ع طول، والزواج بنخليه مع ولد عمك ماجد .
اتسعت عيناه وب اعتراض : لا وش ذي السرعة، وليش نروح لهم بكره يمكن يرفضون .
ابو انس بثقة : واذا رفضو بنقنعهم .
انس رفع صوتة : لا والله تعقب اتزوجها بعد ماترفضني .
استدار والدة وبتهديد : كل شي ولا اريان .
اغمض عيناه على اغلاق الباب العالي تنهد وهو يرمي جسدة : والله مايخسر غيرها لو وافقت ، وتعقب مليون .
..
اسيل بحماس : قسم بالله تقولون اكشن .
هند بفضول : طيب ماعرفتو منهي بنتة .
روان حركت راسها : لا بس جذابة بشكل ماتتوقعونة .
اسيل قاطعتها : تخيلو امها دخلت وع طول بكت وهي تضمها .
وبتذمر تنهدت : مستحيل امي تجيني بالمدرسة وتضمني عشان مابكي .
تفاوتت اصوات الجميع بالضحك .
اريان بضيق : ومستانسين وانتم تعلومنا بذا الكلام وتضحكون بعد .
هاجر ضربت كتفها : خلينا نغير جو .
دخلت ريما بصُراخ : امي تقول سوو قهوه .
تاففت هند : ياليل من جاينا بعد .
ريما وهي تتجه لدُميتها بالزاوية : بس العيال .
واكملت بعد ان جلست : لاحد يروح لهم تقولة امي .
اريان مسكت ذقنها : الله وش ذا الاجتماع العائلي بدونا .
استلقت هند مُغمضة عيناها : من جيت من الجامعة وانا تعبانة ولا نمت .
وقفت اسيل هاربة : الاكشن اللي شفته بالمدرسة، مستحيل يخليني اسوي قهوه وحتى اضبطها .
روان لحقت اسيل : حتى انا .
هاجر رفعت يديها : انا ماقدر اطلع العيال كلهم بالبيت .
سحبت اريان يدها وتحركت : ماعليك ماراح يدخلون المطبخ .
وسارت وهي تجاورها : كيف الدوام بدوني .
هاجر بملامح حقد : تدرين انك سامجة .
واكملت : والمشكلة تريكان اللي جايبنا .
ضحكت اريان وهي تحمل الابريق وتضعة فوق الفُرن
: مافيه شي جديد دايم يجيبنا .
..
.
.
.. نهايه البارت الثامن والعشرون ..

يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم

سلمت يمناك
طرح جميل جدا

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

يسلمو ع المرور

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

سلمت الآكف ومَاجلبت
إبداع دآئم وتميز مُستمر
لا عدمنَاك
قوافل شكري وتقديري لك

يسلمو ع المرور

سلمت يمنآكـ على مآحملتهـ لنآ
موضوع عآلي بذوقهـ ,, رفيع بشآنه
مودتي