سكر حلاك

مدخل



مـن يـفـسـر لي خــيــوط وســادتــي
ومـن يـغـمـض لـي عـيـوني ليـن انـام


غــــادتــي ياغـادتـي . . يـاغـادتـي
والله ان الـلـي .. تـسـويـنـه حـــــــــرام


صـبـي لـسـكـر حـلاك .. زيـــــادتــــي
ياحـلـو طـعـم الـرضـا بـعـد الـخـصـام




عمق




ضاق الفضا والحكي ما عاد ياسعنـي
والجرح لامن غفيت شـوي صحانـي


ينزف وينزف وينزف ليـن يودعنـي
في قبر صمتي ولا ادري منهو الجاني


شتتني الشوق لعيونـك .. وجمعنـي
طاريك .. واحيا قصيدي فيك واحياني


يجبرنـي الحـب والتحنـان يدفعنـي
لمواصلـك واتغنـى فيـك قيفـانـي


اباتكـلـم ولـكـن لاتقاطـعـنـي
مبطي وانا ودي اكشف لك عن احزاني


صبر عيونك ولو لحظـات واسمعنـي
كلام من قلبي ووقف علـى لسانـي


انت اول احسـاس حبيتـه وولعنـي
وانت آخر الناس في قلبي ووجدانـي


وانت اصدق انسان طاوعني وطوعني
وانت اكذب لسان عشمني وممنانـي


يجرحنـي البعـد وفراقـك يلوعنـي
والشعر يشرب احاسيسـي ويروانـي


ياسيد الجـرح والذكـرى تشجعنـي
اجيك وانسى عناي وكبـر حرمانـي


لو ان عمري على وصلك ينازعنـي
بعت العمر والعمر في غيبتـك فانـي


والوقت سيفٍ بحـده جيـت تقطعنـي
وجيت ألحق اللي بقى لكـن ممدانـي


العمر راح اكثـره والصبـر ودعنـي
والريح ثارت علي وهـزت اركانـي


طعنتني في جفـاك وجازلـك طعنـي
واستسلم القلب لك يا حظرة الجانـي


طعنة غيابك لهـا عاميـن توجعنـي
وش حيلتي في جفاك ونزف شريانـي


ابعدنـي الوقـت والتذكـار رجعنـي
لعيونك وجيت اسابق دمعـة اعيانـي


والشوق في غيبتك ما عـاد ينفعنـي
والصبر عن شوفتـك مـر وتعدانـي


لاتمـوت الحلـم بعيونـي وتمنعنـي
من ابسط الامنيات واعـذب الحانـي


دليتـك العـام تكفـى لاتضيعـنـي
وان كان ضيعتني هالحـزن يلقانـي


اباتشتـت اليـن الشـوق يجمعنـي
وابكتبك شعر ليـن الوقـت يقرانـي




مخرج





يا عصافير هيّا عاد .. ولفي وأبيه !
لا عليّ وعليه ولا عليكن ملام .


وإن لقيتيه بالله عليك إسئليه :
كم مرّه وأنا أرسل له معاك السلام ؟


من سلامي عليك ليا سلامك عليه ،
[ السلام عليكم و عليه السلام ] ..




لاأرواحكم النقيه

متصفح رائع ومميز
الله يعطيك الف عافيه
ننتظر جديدك بكل شوق
لك مني ارق التحايا واعذبها

ابيات جميله ونقل مميز

سلمت

صح لسانك ولسان كاتبها

يعطيك ألف عافيه ننتظر جديدك....

،’

للطرح معَك معنى آخرَ :
فآختيآرَك لآيعرف سِوآ آلروعةَ وآلنقآء
دمت بعطَآء

فيضَ مَنَ الجَمــالْ سكبتهْ
اناملك المَاَسيَةَ هنا
طًرّحٌ مٌخملَي
يعطَيك العآفية ..دمت بخير

طرح متميز
وانتقاء زاد به التميز
دوما يحتل صفحاتك عنوان الرقي والابداع
كلنا بشغف لمزيد مما يأتي من اناملك
سلمت بحجم هدا الكون واكتر
لا حرمناك ابدا
مودتي

طرح جميل

*،




آنتقاء مميز .. مَ ننحرم من جديدك