رواية / سأنتقم لكن بهدوء/البارت الثامن

8





تلتفت شوي شوي ... خايفة إلا ترجف من الخوف
يارب أنه زوجي ولا أحد الثاني ... لا يكون جني يمه لالا ... لتفت ما شافت أحد خافت ... يمه ...من الخوف الصحن اللي في يدها طح ...انكسر.. لالا ما يصلح أجلس في المطبخ ... لالا شقة هذي فيها شيء ... ركضت طلعه من المطبخ ... دخلت الغرفة ... النوم بسرعه ... وتلحفت ...وهي تحت البطانية ترجف دموعها ع خدها يارب لازم أتكلم معه ولا هلـ الحالة شقة مسكونه...

وانا متأكدة من هـ الشيء ... يارب وش سالفه ...هل شقة هذي مسكونه من قبل هل يدري عنها زوجي العزيز هل يسمع مثلي هـ الأصوات من الخوف جلست تقرأ آيات من القران وأيه الكرسي كانه بيجي يلحقها ...
تحضن نفسها من الخوف ...
^
^

أبو فيصل
طلع من الحمام وانتم بكرامة أخذ له شاور سريع ....... وهو يغني مبسوط ... ي زين شاور بس...
تحرك متجه ....الغرفة تبديل الملابس ... اخذ بلوزه ....بنطلون ...جيز اسود لبس ملابسه ... لازم اروح لـ اهلي من زمان عنهم اشتقت لهم ... وخاصة الغلا ... طلع من الغرفة أنتبه اللي ترجف تحت الفرش وش سالفة قرب منها.... فتح البطانية .... شافها حاضنها نفسها ... بقوة ودموعها ع خدها جلس جنبها ع السرير ... بهمس : ي بنت وش فيك.... ليه خايفة كذا صار معك شيء... حكي قولي لي
نجلا تخاف تفتح عيونها ويطلع مو موجود جنبها خافت من هـ الشيء :أنت صدق جنبي ولا خيال
أبو فيصل مسك يدها بطنزه بهمس : لا خيال
نجلا تأكدت انه اهو فتحت عيونها بشوي شافته قدامه : انا خايفة في شيء هنا...قبل شوي كنت في المطبخ وحسيت احد وراي
أبو فيصل يناظرها بدون اهتمام اللي قلته له بهمس : تمزحين أنت ... ما في شيء هنا يتخيل لك
نجلا تبغى تصرخ عليه لأنه يكذبها :إلا انا متأكدة حتى أني اسمع أصوات تسال انت ما تسمع هـ الأصوات
أبو فيصل بطفش منها: لا بس .. تبغين تتأكدين انه ما فيه شيء تعالي معي المطبخ ... ارويك انه ما فيه شيء
نجلا خايفة بالحيل .... وانصدمت بس هي اللي تسمع هـ الاشياء ... مستحيل يمكن يكذب عليتس جايز شافت يده ممدود لها ... مدت يدها له ... قامت معه راحوا المطبخ أبو فيصل بهمس : شوفي ما فيه شيء ... يمكن أنت يتخيل لك لأنك خايفة..
نجلا حست بالراحة لوجوده معها : يمكن ...طيب ممكن اسألتس سؤال
أبو فيصل بهمس : ايه عادي اسالي أسمعك
نجلا تكلم بحذر لأنه خايفة يعصب عليها : شقة هذي فيها شيء ... عندي إحساس انه مسكونه
أبو فيصل يضحك بهمس : لا بس أنتِ يتخيل لك .. و عشانك خايفة تصورين أشياء مو موجوده ..
نجلا تنهدت أكيد ما راح يصدقتس ياربي كوني معي : طيب ... تحركت متجه المطبخ .... تكنس الزجاج ...
رتبت المطبخ وطالعت بسرعه ... اتجهت الغرفة ... شافته جالس يضبط حاله يمسح ع للحية بالعطر أكيد بـ يطلع بس هي خايفة يجلس معها شوي ع اقل ليه هو تسذا معي ... بس ليله لا يطلع يحس فيني شوي ...
أبو فيصل كان بـ يطلع بس حس فيها مرعوبة كنسل طالعه ... اخذ جواله ودق ع امه جلس ع كنبه بعد رنة رددت عليه : وينك يمه ما جيت أنت و زوجتك
أبو فيصل ابتسم له : هلا وغلا حبيبتي كنت بجي بس ما قدر، عندي شغل ... خليك ي الغالية بكر اجي عندك
حصة بحزن حاسة ولدها يتهرب :طيب ... بس يمه لا تقطعني انا مشتاقة لك
أبو فيصل : ان شاء الله والله كنت بجي بس حصل معي ظرف ... الحين اخليك تامرني ع شيء
حصه : لا يمة روح الله يحفظك أنت و زوجتك ..
أبو فيصل : ان شاء الله ...انتظر لما تسكر منه ... حط جوال في جيبه لازم يشتغل ع مناقصه دامه ما راح يطلع وهو فاضي ... يقرأ الاورق عدل و منها بعد ... يشوف تلفزيون ...اتجه دولاب فتحه اخذ شنطة .. طلع برا .. الصالة حطها ع طاوله اتجه المطبخ يصلح له شاي ... عارف متأكد انها للحين خايفة .. لحظت هـ الشيء في عيونها ... عشان كذا قلت خليني اجلس اليوم في شقة ...اخذ الغلاية ... صب فيها مويه شغلها ...
فتح دولاب ...اخذ صحن ...حط له شبس ومكسرات يأكلها مع شاي ... حط له كاس ...جلس ع كرسي ينتظر الى ان يغلي شاي ... لبى قلبك يمه ... ع اللي سويته سامحتني ... بس انا ... مو متقبلها ي الغالية عشان اجيبها معي ... الله صبرني بس هذ اللي أقوله
-
-
-
-
البيت أبو اياد
جالسين ع الطاولة طعام... اياد وجده وجدته ابوه
أبو اياد استغرب ليه أمل من جات عندهم ما شافها لا ع فطور ولا غداء ولا عشى يمكن كرهت بالحيل وحاقده عليه وهو صح اللي سواه معها غلط ... كل خوف ع ضياع ولد ولده وينه الحين ... الحمد لله ع كل حال ... لتفت لـ ام اياد : ي ام اياد ... وين أمل ما شوفها ... جات تتعشى معنا ... للحين شايله علي
زياد انتبه ع كلام ابوه ليه صاير بينهم شيء وانا
ما دري لالا ما توقع أمل تحترم ابوي ... مستحيل تغلط عليه أصلا ي ويلها مني ...
ام اياد : لا مو شايله عليك ولا شيء بس أنت تتخيل .. انا لحظت عليها قليل ما تأكل ... بس الحين ... راح تناديها الخدامة ... بـ تجي ..
أبو اياد : طيب .... عند أمل جالسه ع الاب ... ترتب مواعيدها مع المرضى ... لازم يكون كل شيء مرتب ... ما بغى ... يخترب كل شيء بسب الاجازة يومين تلخبط كل شيء ... وهي منهمك بشغل .تسوي مساج لـ يدها. الا الباب يدق ..
أمل يارب لا يكون أستاذ زياد بسخرية قالته: نعم
الخدامة : ماما يبغى انتِ يقول يلا تعال كُولي ...
أمل ماله خلق تشوف زياد ولا ولده ولا ابوه بعد : روحي قولي لهم ما يبغى
الخدامة : انا ما يقدر هز ماما يقول لازم انتِ يجي
أمل مسحت ع وجها من تعب : طيب ... خلاص روحي وانا لحقك ...
أمل قامت ... تمغط تعبت وهي جالسه ع لاب ... تحركت متجه دولاب ... تغير بجامتها ... لبست بنطلون واسع ... بلوزة ..طويله ... تحت الركبة .. اتجهت ... المرايا اخذت ربطت شعر ورفعت شعرها ذيل الحصان تناظر وجها كان فيه ايش من المكياج .. مسحت بقايا المكياج ما تبغى ... تحط شيء قدامهم ..
خلني بس اروح لهم ... لا يقومون علي ... تحركت طالعه من الغرفة ... اتجهت الغرفة الطعام : السلام عليكم
الكل :وعليكم السلام ورحمة الله وبركاته قربت من أبو اياد مع انها ما ودها تسلم عليه بس احترام .. له لأنه كبير في السن باست راسه وقربت من ام ياد وباست راسها جلست جنب اياد مقابل زياد تجلس معهم مجامله ... هي شبعانة قبل شوي طلبت لها من هقرستيشن
حطت لها سلطة ... وجلست تأكل وتنظر في الصحن اللي قدامها ... سرحت وهي تأكل راحت في العالم اخر ... تفكر في جدتها ... لو جدتي تحبني كان ما صار اللي صار ... كان ما تزوجت زياد ... ي ليت هـ الشيء يصير ...بس جدتي تكرهني ... لو أني عندها المفضلة مستحيل هـ الشيء يصير لنفترض ي أمل انها تحبك ... كان ما تزوجتي اياد كان ما عرفتي ... الله يرحمك ي اياد ليتك معي ... تدرين أني اشتقت لك بالحيل
ام اياد تنادي ع أمل بس البنت سرحانه ... وما انتبهت عليها ..
اياد بنذاله داس ع رجولها تعورت: اه لتفت له وش تبغى مني وترك عنك هـ نذاله
اياد : جدتي لها ساعه وهي تناديك وش سرحانه فيه ي حظي
أمل هزت راسها ... من هـ الولد راح يطلع شيب في راسي لتفت لـ ام اياد :نعم يمه وش بغيتي ...
ام اياد تراقب تصرفات امل حاسة فيها حزينة يمكن ... عشان انها تزوجت بـهـ الطريقة ...

...يمكن عشان اللي سوتها جدتها : يمه ما شوفك تأكلين الا هـ سلطة ليه ما اعجبك أكلي
أمل ابتسمت لها بهدوء : افا عليك ي يمه لذيذ أكلك احد يعافه ... بس انا شبعانة ... لأني أكلت قبل شوي ...
زياد يناظرها هـ البنت تتصرف ع كيفها ولا تفكر في احد معها في البيت تقول له ما بغى عشى لا تحسبين معك ع اقل تقدر تعب أمي عشانها : يمه خليها ع كيفها .. هي مو بزره عشان نغصبها ع الاكل ..
أمل بحقد مالت عليك بس هذا الي أقوله قامت : ما عليه يمه مرة الثانية ان شاء الله بس أن الحين شبعانة الله يعطيك الف عافية
اياد ينظرها بنص عين ويمد لها لسانه
أمل تنزل ....لـ مستواه تهمس له : أنت فيك خلل في عقلك
اياد بنفس الهمس : لا
زياد بـ امر : جهزي نفسك بعد شوي لازم نروح السوق ما فيه أي المجال النقاش في هالموضوع منتهي
أمل تنهدت تنهيدة حار ... لا منك ولا من ولدك كلكم خبلان ...تحركت متوجهه لـ غرفتها ما تبغى تروح ولا لها خاطر هـ الحلفة ماله أمها داعي بس أمي شكلها تبغى تحتفل فينا ... ياربي و زفت زياد حاصل هالفرصة ... يفرض رايه علي الحين ينشب لي الحين اذا رفضت بقول أنتِ ما يهمك كلام أمي أصلا فديتها خالتي هي تامر بس ... خلني اروح معه عشان خالتي وبس ولا انا ما ودي بهـ شيء
امل اتجهت دولاب ... اخذت عبايتها ... وشنطة ... وش بقي ايه بطاقة البنك عشان اشتري من عندي ... وجوالي بعد لا نساه ...
%
%
%

دخل غرفته يأخذ اغراضه ...زياد عارف متأكد انها ما تبغى تروح معي ....واكيد راح تجيب لي أي اعذر عشان ترفض هـ الطلعة... بس مو على كيفها .....
انا ولا هي اللي تمشي كلمتها علي ... ما دري وش تبغى توصل له خلاص حنا صارنا زوجين من حقي اني طلب منها تسمع كلامي شكلك ي زياد راح تتعب معها ... خلك هادي ولا تخليها ... تحاول تستفزك ... اخذ المحفظة ....ومفتاح السيارة ... جواله والعصى...تحراك طالع من غرفته ... شاف اياد بنزل تحت ...ناد عليه : اياد ...يبه روح قول لـ امل يلا ابوي ينتظرك برا
اياد ابتسم له: طيب ... تصدق ما ودي تروح معها خلها تولي عنك بس
زياد بجديه : ي ولد ترها زوجتي احترمها زين ... خل هـ شيطانه عنك بس
اياد : أي معليه ... افكر في هـ الشيء يمكن ... شاف ابوه بـ يلحقه انحاش
زياد جلس يضحك عليه : هـ ولد ما يعرف له الا ابوي ...شقي الله يهدي ... نزل تحت .. وهو يعكز بعصاته ...طالع برا ... ينتظرها في السيارة ..
*
*

اياد ... راح متجه الغرفة ... امل طق الباب ... وفتح بدون لا تسمح له ... شافها جالسه ع الاب : أقول وش اسمك اممممم يسوي حاله يفكر أحس اسمك صعب مره
أمل بطفش منه : فيه شيء اسمه استأذن اذا ما تعرفه مو مشكله انا علمك اذا لـ بابا ما علمك
اياد بطنزه : ليه شافتني بزر ... تعلميني ... علمين نفسك
بـالاول اسمعي يقلدها بطنزها لـ بابا يبغاك برا يلا لبسي عباتك روحي مد لها لسانه ....
أمل تهز براسها ع خبال هـ الولد : الله يكملك بعقلك بس ... خلني بعد اروح لـ خبل الثاني ... جلست تضحك هـ العائلة ...المجانين ... لبست عبايتها.... اخذت شنطة ... طلعت من الغرفة بخطوات واسعه.. طلعت من البيت .. شافته واقف مسند جسمه ع السيارة ويتكلم بجواله .. انتبه لها ... اشر لها تركب السيارة ... ركبت ...
زياد : اوك .. اسمع انتبه يحس بشيء ... نفذ الخطة مثل ... ما قلت لك ... ابتسم ... راح تنجح دامك ع حق .. حياك ي هلا ... لا بحفظ الله ورعايته ... سكر من طلال ... تحرك ... فتح الباب وركب ...لتفت لها قبل لا نمشي ... اخذي رقمي ...يمكن تبتعدين عني ... ادق عليك بجوال
أمل بملل : طيب قوله ...
زياد عد لها رقمه : سجلتيه ... شوفي انا ابغى نخلص نرجع بسرعه ترى انا ما حب السوق
أمل بفرحة : اجل ماله داعي خلينا ننزل ... أفضل شيء
زياد : قول انثبري مكانك ... عشان الغالية اسوي أي شيء ...
أمل سكتت ... معه حق... بس انا ما بغى ايش يربطني بـ زياد ... ابغى أكون زوجه ل اياد وبس
زياد انتبه لرنين جواله لإنه حاطه ع الصامت ...: هلا اياد وش تبغى ...
اياد بطفش : شوف اليوم الخميس انا ابغى استأنس شوف انا جالس اشوفك من النافذة انك للحين ما مشيت بجي معكم
زياد كان بقول له مشيت الله يعين الحين هي وهو نار وشرار ههههههههه: تعال حياك أنتظرك
اياد فرح : طيران وانا عندك ... سكر من ابوه ... نزل شاف جدته وجده في الصالة ... ايه جدي انا بطلع مع ابوي يلا سلام .... طلع وهو يمشي بخطوات سريعة
ركب السيارة وهو مستأنس سكر الباب تحرك زياد مبتعد عن المكان
أمل في نفسها الله يعني عليكم بس ويصبرني
اياد بخبث عشان يقهر أمل :أصلا ما تقدر تفرقني ولا لحظه
زياد يناظره بنص عين : مشكله اللي واثق من نفسه ... بزياده ي الحبيب ...
اياد ضحك : هههههههههههه تذكر سالفة ...سمير ايه يبه ترى فيه سالفة صارت لي في مدرسه .. تدري عنها
زياد استغرب : أي سالفة ليه وش مسوي يالله تكلم
اياد توهق يعني ما كان يدري : لا يبه ما فيه شيء سالفة صارت و انتهت
زياد بجدية : أقول أنت الحين قلت صارت لك سالفة قولها لا تلف وتدور يلا تكلم
اياد بندم كل مني زل لساني تورطت : شوف هي صارت وانتهت بس انا دايما افضح نفسي عندك ما دري كيف المهم انا ضربت سمير بو ضرس بدون سبب
زياد بقهر من تصرفات ولده: أنت بأي حق تضربه وليه تشوف نفسك ع الناس
اياد شاف ابوه جدي معه ما يمزح: اجل خلاص ما رح اكمل لك سالفة
زياد : أقول بس قول وش صار بعد ... أي غلطان ويتكلم بعد ...عينك قوية
أمل طفشت من سوالفهم .... تبغى ترجع البيت بسرعة ...تناظرهم بنص عين .. مالت عليكم ... يارب متى بس ارجع
اياد : لا تخاف ما صار شيء ما يعجبك ...امم جدي خلاني اعتذر ... غصب عني انا اياد الرعدان اعتذر من تبن سمير والله فيني حره منه
زياد يبتسم : تستاهل ...والله محد يعرف لك الا جدك
اياد بقهر : والله حلال فيه اللي سويته أصلا ما كنت
بـ اعتذر بس جدي الله يسامحك يجدي
زياد يضحك : ههههههههههههه تستاهل ... لالا لازم اجي اليوم المدرسة و سأل أستاذك
اياد يغير سالفة : ترى وصلنا يلا ... خلينا ننزل ..
زياد ابتسم فاهم عليه ... ما عليه راح أمشيه لك ...
هـ المره .. ركن السيارة ... ونزلوا سكر الباب
أمل لتفت له : ندخل محل وحد بس ...بعدها نرجع البيت ترى مالي خلق اجلس افرفر في هـ محلات
زياد ابتسم يسلك لها : أي معليه ... خلينا بس الحين ... ندخل داخل ويصير خير
اياد يمسك يد ابوه و يتدلع ويناظر أمل : بابا لا تتركي يدي...
زياد مسك يده وهو يبتسم ع تصرفاته جالس يضغط أمل ويقهرها هههه خبيث هـ الولد
أمل تناظره وهي تبتسم ع خباله قربت منه وهمست في اذانه : أشبع فيه حلال عليك ... دخلوا المول ... تناظر المحلات بطفش... الله يعين ع ما احصل لي فستان .. بس المشاكل ... فيه فساتين ما تعجبك
اياد انصدم من كلامها يعني ما تفكر في ابوي ... خبله ما عندها سالفه احد يعاف هـ الزين معليه راح طلع لك عيونك ما كون اياد ..
زياد واياد يلحقون أمل شافوها واقفت عند محل ...
اياد : يبه انا بروح العب تكفى ... بس ها بلعب الى انا أقول بس ... زين
زياد ابتسم بخبث : ع كيفك سوى اللي تبغاه ...
اياد : طيب مد يده اعطني ... ي الحبيب ...
زياد ضحك عليه مد له فلوس : اذا خلصت كلمني زين عشان نجي عندك
اياد يركض وهو فرحان بـيفل أمها: طيب ..... اتجه العاب
زياد قرب من أمل شافها تدخل المحل دخل وراءها ... يراقبها وهي محتار بين هـ الفساتين ابتسم كلهم زي بعض ... والله هـ البنات غريبات ...
أمل اعجبها فستان لونه ابيض يجنن ... بالحيل قلت شكلي بأخذه هذا.. اخذته توها بـ تروح للحرمة عشان تحاسبها الا زياد وقف في طريقها أمل شافته وقف قريب منها بالحيل
زياد : عسى هذا اعجبك والله ما عندك وذق لا تأخذينه
أمل بطفش منه : ما اخذت رايك اعجبني وبأخذه
زيا خذه من يدها ورجعه :مو حلو انا بدور لك تعالي في محل الثاني حلو ... طلع قبلها ... وهي طنشته راحت عند المحاسبة : لو سمحتي ممكن تحطينه لي في كيس وكم الحساب
المحاسبة ضربت ع الحاسبة : حسابك 1000 ريال ملبوس العافية
امل ابتسمت لها : الله يعافيك... طلعت من المحل .. الحين بقي اكسسوارات طلعت من المحل شافته واقف عند المحل اللي مقابله اتجهت له
زياد انتبه لكيس اللي في يدها : وش الكيس .. وش فيه
أمل بملل : بجامة شفتها واعجبتني ..
زياد ما اهتم : شوفي هـ الفستان يجنن
أمل كشرت من شكله و لونه وع قديم من سنة يمكن في هـ المحل ...: والله ما اشتري حتى لو من فلوسك لي عشان ينرمي زباله ... انتم بكرامة
زياد بطفش: يلا اخلصي واخذ لك أي فستان وبسرعه غير لـ ابيض ... ما عجبني
أمل حمد لله وشكر ذوقك خايس زي وجهك امل تحركت بـ اتجه الفساتين وسحبت لها فستان بدون لا تشوفه حتى لونه اخضر
بملل: بأخذ هذا
زياد : الحين هذا أحسن من ذاك يأشر ع الفستان اللي اختاره لها.. نفس الشيء
أمل بسخرية : تصدق نفس التصميم ...
زياد : ايه والله
أمل انصدمت ....ما فيه أي تشابه بينهم ... يختلفون في اللون والتصميم صدق اللي يطاوعه بيأخذ فستان من سنة جدي وحطبه هههههههه
زياد : مو مشكله خلاص اخذيه ... توه بيروح يحاسب ... الا اياد دق عليه ... طلع برا يتكلم ... معه هلا الدب وش تبغى
اياد بطفش : ما خلصتوا ترى انا جوعان حدي ابغى أكل
زياد : ي الدب توك متعشي انت وش تسوي في هـ الاكل وين يروح ... جسمك ضعيف بالحيل ...
أمل استغلت الوضع ورجعت الفستان محل ... أممممممممم ي أمل واذا سالك وش تقولين له ايه راح أقول له يحتاج تعديلات عشان كذا م اخذته شطوره وهو مسكين بصدق الكلام .... تحركت طالعه من المحل .... راحت تشتري له اكسسوارات ... اتجهت لمحل جنب محل الفساتين ... اختارت لها اكسسوارات المناسبة وطلعت شافته يدور عليها هههههههه احسن ودي اخليك تنجن بعد يدق ع جوالها ما ترد .. قربت منه
: انا هنا ... وش فيك تدور ع احد ضايع بسخرية ليكون ولدك
زياد بقهر : الا قولي ادور ع حرمة ضايعه ... انتِ ما تفهمين وش جالس أقول لك مساعه في السيارة اذا رحتي محل .. دقي علي او اذا دقيت عليك ردي ...
أمل برود العالم فيها : عادي حصل خير .. وين بروح يعني ...بـ اختفي من هـ العالم والله سويتها سالفه مالها داعي
اياد يناظرها بـ أحتقار: انتِ وش نوعك .... بضبط ي اخي حسي ع دمك ع اقل احترميني.
أمل طنشته مالها خلق ترد ع أي احد : أي اسمع ... رجعني البيت ... خلصت مابغى اجلس هنا
زياد يأخذ نفس عارف ومتأكد ما تبغى تجلس معه ولا دقيقة وحده لازم يتعامل معها بنفس اسلوبها : أي ي دكتوره ... أنتِ جيتي معنا فـ تحملي ما راح نرجع الحين البيت....راح نروح المطعم ... يلا ي اياد
أمل اصبري ...كلها ساعات فقط وتفرقينهم ... من زينهم عشان أجلس معهم ... شافتهم يطلعون من المول لحقتهم : ليش ما تأكل هنا ...أقرب من انك تركب السيارة تدور ع المطعم
زياد : ما احب المطاعم اللي هنا ... يلا تحركي
أمل مالت عليك .. ما دري وش شايف نفسك عليه ي حظي ...
#
#
#
#
البيت أبو سعد قبل ساعات
الجوهره خافت وش هـ الصوت ... تركت اللي في يدها ... تحس بطنها مغصها بالحيل .... التفتت لعنود : روحي شوفي وش صاير تحت ...
العنود بكسل تنسدح ع السرير جويج النوم يدعبها : ما قدر بنام ي زين غرفتك... لها ريحة حلوه ... المهم ..
وش فيك خايفة تطلعها بنص عين ... وحاطه يدك ع بطنك .... ليكون خايفة منه ههه
الجوهره بتموت من ألم : يخسي الا هو ...مدري شكلي لأني شربت الكولا ... ع الجوع ... عشان كذا جاني المغص
العنود : تستأهلين ..... أحد قال لك .... تشربينه .. ع الجوع كم مره أمي تهاوشك ... لو تدري بالكولا اللي في ثلاجتك ... كان اخذته منك بقول لـ أمي
الجوهره بطفش : وش اسوي احبه ... بس الحين ... أحس خلاص السكين تقطع في جنبي ....روحي قولي أنتِ لسانك دايما ينفلت منك ههههه
العنود ... ارتاعت لما سمعت صوت سعد معصب : وش سالفته هذا ... أكيد درى بسالفة الخطبة ههههههههه خبل ... الحين يحسبك زوجته
الجوهره : صدق خبل ... المهم انا خلاص اجيكم ...في وقت ثاني وانتِ ي هبله ... لا عاد تقولين لـ اخوك أني هنا ... ترى ما عنده عقل سامعه
العنود بأسف : وش اسوي .... اليوم صاير طيب معي بـ زياده
الجوهره تهز راسها من غباء هـ البنت اخوها يأخذها بكلام وهي تصدقه ما منها فايدة لازم اجي هنا وهي ما تدري ما في الا كذا : خليك كذا كلمه توديك وكلمه تجيبك ... المهم يلا انا بمشي ... قامت العنود توبس خدها
العنود : عاد لا تطولين علينا ...
الجوهره : ع حسب ... ظروف بقد ما اقدر بجي هنا
...سحبت شنطتها من ع السرير ... ونزلتها ... دقيقه بلبس عبايتي ... لبست عبايتها .. قربت عند المرايا تضبط النقاب حقها .... التفتت لعنود شكل اخوك اليوم بـ يروح فيه صوته هههههههههه
العنود تضحك : ههههههههههه شكله صدق ...تسمعينه جالس يصرخ وانتِ هنا ولا عندك فيه
اخذت شنطة اليد ,, اتجهت الشنطة الكبيرة وسحبتها من دراجاتها ... واتجهت المصعد لحقتها العنود ودخلوا المصعد وضغطت ع دور الاول... والله لحرق قلبك ... صرخ لين تقول بس ... مالك أي حق عندي ... ماكذب واقول مو خايفة الا ارجف من الخوف ... الله يستر منه .... يارب باقي ثواني واطلع من المصعد خليك ي بنت قويه ولا توضحين له انك ضعيفة بالحيل ...
العنود : جويج ... شكله ... راعي طويله .. حاولي انك ... تكونين قويه ... خليه يعرف بنت خالد ... ماهي خايفة منه
الجوهره : اسمع مين يتكلم .... عنيّده خههههه ان شاء الله عمتي
العنود : غصبن عنك عمتك .... فتح الباب وطلعوا من المصعد متجهين الصالة ... شافوا سعد ... واقف في وجه ابوه ...
العنود بهمس : شكله ابوي توه جاي واضح عليه العصبية ... يمه خفت ... كيف هـ الرجاجيل يحبون المشاكل
الجوهره نفس الهمس: ولا بذات اخوك اهو ساس البلاء ...
أبو سعد بعصبية : انقلع ... والله ما تصعد فوق ... انت مالك ...اي حق عليها ... أي والله هذا اللي ناقص بعد
سعد بحد : والله ما تاخذه لو ع جثتي ... واذا طريت اشوه سمعتها عادي عندي
أبو سعد انقهر من كلامه وضربه كف ع وجه : تخسي وتعقب الا انت هذا اللي ناقص .... والله الى يومك هذا انا متحسف ع قد شعر راسي أني اعطيتك إياها وجبرتها تتزوجك ..
سعد انتبه لوجودها وبحقد يبغى يروح يقرب منها الا ابوه دفع : تقلع ... من هنا يلا
سعد : والله ي جويج ... وان وافقتي ..راح تشوفين شيء ما شفتيه . تعرفين وش اقصد ... ي الزفت ...
الجوهره بكل ثقه مطنشه وجوده : ي يبه ... انا لازم امشي الحين ... تامرني ع الشيء ... ولا كأنها تشوفه
أبو سعد : لا ي بنتي .... لا تقطعين ... خلينا نشوفك
طلع من الصالة وهو مقهور بالحيل وده يضربها الى أن يشفي غليله .... صبرك علي ما شفتي شيء ... لأنه ابوي ... واقف معك ...انتِ الحين ...واقفه خلف ابوي ... يعني تتوقعين ما أوصل لك ... مسكينة انا سعد راح اوريك ... شغلك معي ... تحرك ... طلع من البيت
ركب السيارة منقهر ...فتح درج السيارة طلع باكيت دخان ولعها ... وجالس يدخن يبغى ... يطلع القهر اللي فيه في هـ سيجاره ... وده... يحطمها من الداخل ...
ايه ليش ما استناها هنا .... اشوف شجاعتها.... قبل شوي وش تسوي ... يحس براحة ... لما وصل تفكير الى هنا ... طيب .... راح انتظرها هنا ... طيب ي حلوه ... نشوف وش تسوي من دون ابوي
@
@
أبو سعد
جلس ع كرسي يحس حاله تعبان وسبب هـ الولد اللي فشله مع بنت اخوه ... والله راح يموتني ناقص عمر ...
ليت .. ما زوجتك إياه ... يمكن تكون حياتها افضل مع غيرك ... منزل راسه ما وده يرفعه يشوف دموع الجوهره او ضيقتها وهو سبب في هـ الشيء ما دري متى يعقل هـ الولد طلاق وطلقها ولا بعد عينه قويه ... يبغى يحرمها من الزواج من انت ... انت مو زوجها عشان تحكم فيها يمسح ع وجهه تنهد تنهيدة حاره : سامحيني ي بنتي ... امسحي في وجهي
ماعرفت اربي هـ الولد
الجوهره تجلس ع ركبتها تبوس يده : مسموح ي الغالي... ولا تفكر في اللي صار من شوي أنسى وحقي ما راح يضيع دام ربي معي ....
أبو سعد يمسح ع راسها: ونعم بالله .... والله انه ما يستأهل ظفر من اظافرك
ام سعد بضيقة من تصرفات ولدها وهو من ماتت المها انقلب حاله 180 درجة وش اللي صار ... لك ي ولدي ... وهو الى هـ درجة حاقد وللحين يتهم الجوهره بموت المها .. الله يهديك بس ..: الجوهره ... يلا يمه روحي بيتك .. عشان يمدك تسوقين ... تعرفين اذا تأخر الوقت .. راح تتطرين تنامين هنا
الجوهره قامت كل شيء ولا تنام هنا تشوف وجه سعد : طيب ... اتجهت لشنطة .... يلا عايشة .... استودعكن الله .... تحركوا طالعين من البيت طلعت بخطوات واسعه ... فتح الباب ... ضغطت ع مفتاح السيارة ... فتح الباب السيت اللي وراء .. حطت الشنطة ...... عايشه ركبت السيت قدام .. الجوهره اركبت سيارة ... وقفلتها توها بتحرك الا اعترضها سعد بسيارة نزل ركب السيارة من قدام وتربع بجلسته ... بخبث : يلا رويني كيف تقدرين تفلتين مني
الجوهره خافت ... الحمد لله أني قفلت الباب مجنون هـ الرجال وربي ... طيب اعلمك ... مو انت بس شاطر
بـ السواقه...... رجعت وراء بسيارة ... سحقت بريك دقت له تحيه ....وهي ميته ضحك ههههههه شافت القهر بعيونه ...
نزل من السيارة وحذف الحجر برجوله من القهر صرخ بـ اعلى صوته : والله ما راح ارحمك بس امسكك
)
)
)
)


زياد
خلصنا من تسوق ... طلعوا ... من المول .. ع المطعم ع طول .. وخاصه انه الدب اياد جوعان... وانا عارف متأكدة انه ما تبغى تكون معنا ... خلاص تنسى انه كانت بـ حالها ... الحين عندها عائلة ولازم ترضى بـ الامر الواقع ..
الحين هي زوجه لـ زياد اياد مات الله يرحمه ... اليوم رحت زرت قبره الله يرحمك ي سندي ... والله من بعدك ... ولا شيء يمكن أمل تكرهني ... بالحيل ..
وانا مو مثلك في هـ الشيء صعب تتقبلني ..بسب الم رجولي ...وبعد هي حاقده علي ... انا راح تعامل معها .. بـ احترام الا اذا طلعتني من طوري .. وصل المطعم نزل: يلا اياد ليكون نمت يلا انزل وانتِ بعد انزلي ليكون بـ تنامين في السيارة ما فيه راح تنزيل معنا .....
أمل بطفش : واذا قلت مابغى رجعني البيت
أياد بطفش منها: يبه حبيبي ... خلها تخيس في السيارة ... انا ابغى اعبي بطني وبس
زياد ضحك ع كلامه : سمعتي ولدي وش قال راح نتركك هنا
أمل نزلت من السيارة وهي مغصوبة .... يلا تحملي كلها ساعات معدودة وترجعين البيت
زياد واياد تحركوا ... متجهين المطعم وهي تلحقهم ..
دخلوا ..قسم العوائل ... جلسوا ... طلب لهم زياد اكل وجلسوا ينتظرونه ..
اياد : يبه متى يجبونه حدي جوعان بالحيل ... وابغى أكل
زياد يبتسم : انت شكلك مفجوع ي ولد اصبر ..
أمل جالسه ع جوالها... تسولف مع رايف... و مطنشتهم بالحيل ...مالها خلق لـ سوالفهم
زياد جالس يناظر فيها ... ولا كان جالسين معها ابد ع اقل شويت احترام ما فيه تنهد الله يعينك عليها بس
بعد عشر دقايق وصل الاكل .... أمل حست بجوع سكرت جوالها ..سموا بالله و كلوا
اياد وزياد يسالفون ...ويأكلون ... الا أمل تأكل وهي ساكته
اياد جالس جنبها لـحظ انها ساكته يبغى يطفشها: انتِ ي نكديه وش فيك ساكته
أمل ولا كأنها تسمعه ... شربت رشفة كولا ... تناظره بنص عين
أياد : ايه انتِ نكديه بـ الحيل بعد... الناس تطلع تستأنس ... مو تنكد ع غيرها
أمل بهدوء : ممكن تسكت ترى مالي خلق أسولف معك
اياد : لا ما راح اسكت مو على كيفك ... أنتِ ليش كذا شايفه حالك
أمل ابتسمت بسخرية ... ولا ردت عليه ... عارفه جالس يطفشها ... وهي بعد راح تطفشه بسكوتها
زياد جالس يأكل بصمت ويراقب الوضع بينهم محد يعرف لك غيره
اياد : ايه بسالك... انتِ تحبين الكورة ... واي نادي تشجعي
أمل تناظره بممل هذا ما يتعب وهو يتكلم خليه عنك بس
التفتت لزياد : لو سمحت خلينا نرجع البيت ترى طفشت وابغى ارجع ... واذا بـ تجلسون هنا .. عادي اكلم خويتي تجي تأخذني ..
اياد صدق طفش منها وهو يكلمها ولا تعطيه وجه : أقول يبه خلها ترجع بـ حالها تصدق انه غثة بالحيل
زياد : لا ما فيه اجلسي إلى نخلص اكل بعدين نمشي
أمل ... لازم تصبر ... وش تسوي جالسه تناظرهم وهم يأكلون... وهي سرحانه ... رجعت بذكرته وراء ... لما اياد ... كان يعزمها في مطعم ... كنت تستأنس ... بطالعة معه... أتمنى لو ارجع وراء بـ الماضي راح اتمسك فيه .... لو بكفي ما مات استغفر الله لعلي العظيم ربي له حكمه ... طيب انتِ وش رايك في زياد كـ زواج لا ..... من سابع المستحيلات .... كـ اخ ايه ... وهو نعم الأخ ... حتى لو كان في الماضي ... كل هواش معي بس كان خدوم .... انا ما فكرت فيه زوجي لي واصلا ودي ... يطلقني ... بس صعبه شوي ... وين اروح ... وخاصه جدتي ما تبغاني ... ولا بعد بـ يتكلمون فيني ... لا يهمونك محد ينفع احد غير نفسه وبس صح وهذا اللي جالسه اسويه انا ، صحت من سرحانه ... صوت ... اياد وهو ينادي عليها ..
أمل انتبهت له : خير ... وش تبغى مني تراك ازعجتني بسولفك
اياد بدون اهتمام : اخليك جالسه هنا سرحانه .... ترى بنمشي ... توك من شوي مسويه لنا ازعاج ...تبغين ترجعين
أمل حست بـ احراج لما شافتهم واقفين بـ يطلعون .اخذت شنطتها قامت لحقتهم ... بدون صوت ...
زياد ما يدري وش يسوي ... معها .. لو فتحتها بالموضوع ... أني ابغاها زوجي لي .. بتعصب بتثور علي ... انا .. ما فكرت ف الزواج .. خلاص مرة ... وانتهت سالفتي مع الزواج بس أمي خلتني غصب اتزوج صارت أمل زوجتي .. خلاص لازم ترضى اني زوجها تنسى اخوي ... مات الله يرحمه ... ي زياد مشوارك معها طويل اصبر عليها ... بس مو كيفها ... انها تبعدني انا و ولدي .. عن محور حياتها ... هي جزء منا ...

~
~
~
~
اليوم الثاني
نجلا ...جلست ... نشيطه لأنه أمس كنت مرعوبة بالحيل وخايفة ... هي ما تدري ليه هي بس تسمع هـ الأصوات زوجي العزيز يقول لا ما سمع شيء وانتِ تتخيلين يمكن ... بس راح اشوف هـ اليومين اذا ما طلع في صوت .. يكون هو ..صدز ولالا لأنه مو معقوله ما تكون شقة مسكونه . ... التفت ... ع جهة الثانية من السرير ... ما حصلته وين فيه.... وهو أمس قال لي... بيجلس معي أسبوع كامل ... وراح يرويني .. انه ما فيه شيء وانه انا اتخيل هـ الأشياء
... نزلت من السرير ... لبست ..حذيان.. ..شكله بس كلام ... ي نجلا أصلا هو .. بس ما يعرفك الا وقت ... احتياجاته ... انتِ ولا شيء عنده..
خليتس منه ي بنت ... روحي اخذ لتس شاور وريحي ... عمرتس لا تفكرين ... تسثير ... اخذت ملابسها ....
دخلت الحمام وانتم بكرامة .... اخذت شاور سريع وطلعت من الحمام وهي تفتح الباب ... شافت قطوه لونها اسود بالحيل
تناظرها .... بنظرات تخوف .... تسيف جات هـ القطوه لالا شكلي اتخيل سكرت الباب الحمام بسرعه
يمه ..ياربي وش اسوي ... أجلس في الحمام ساعات طويله ... لالا يمكن خيال مو صدز .. يارب انا ما قدر ا جلس في هـ شقة اخاف عقلي يطير من محله ... الحين وش سواه لالا يمكن اتخيل من تسثر انا خايفة ضحكت ع نفسها سمت بسم في دخلها وفتحت الباب ما حصلت احد
شفتي ... انه خوفك خلك تتخيلين أي يشيء طلعت من الحمام تلتفت يمين ويسار ... تتأكد كان اللي شافته خيال ولا صدز ... الحمد لله ما فيه شيء ... دخلت ... الغرفة ...تشف شعرها ... اممممم يبغى استشوار بس مالي خلق حذفت المنشفة ع الكرسي ... خليني اروح اسوي لي اكل
تركت شعرها مفتوح ... عشان ينشف ... شعرها نص الظهر ... لون بني من الحناء .... دخلت المطبخ ... وهي تشتغل بـ استمعت الى درجة ... انه أبو فيصل دخل ما حست عليه التفتت ارتاعت لما شفته حطت يدها ع صدرها .. من روعه صدرها يترفع وينخفض : يمه بسم الله ليه تدخل بدون لا تتكلم
أبو فيصل يبتسم لها: ليه شايفه جني ... امسكي حطيه مع الفطور حدي جوعان يلا
نجلا: ... طيب
أبو فيصل : ايه شربي مويه سمي ع نفسك ..أنتِ صرتي تخافين ... من أي شيء ...
نجلا تنهدت : ما دري بس ... شقتك هذي مسكونه ... صدقني ... بغت تقول له أنها شافت قطة هنا بس عارفة ماراح يصدقها
أبو فيصل ... وتوه بـ يطلع ... الا سمعه تناديه : هلا وش بغيتي
نجلا بشجاعة أكثر : ممكن اسالتس سؤال ...
أبو فيصل : أي عادي وش عندك ... اسالي اسمعك
نجلا : انت كنت ساكن في هـ الشقة من قبل مين حقته هـ الشقة
أبو فيصل : شكلك بـ الحيل بديتي تهلوسين من الخوف اوك راح أجوب عليك هـ الشقة حقتي ملك لي ... انا كنت اجي بين فتر وفتر هنا ايه بعد ... عندي البيت .. بس فضلت اسكن هنا ..
نجلا : ايه .... طيب ابغى ارتاح اكثر واصدق ... انه هـ الشقة .. ماهي مسكونه
أبو فيصل بملل: اوك حقك ... راح ننزل عند حارس العمارة وتسالين بنفسك بعد
نجلا : طيب مشكور....
أبو فيصل : في شيء الثاني بعد تبغين تعرفين ... ولا اروح شوف شغلي .. تكفين خلصي الفطور بسرعه
نجلا ابتسمت له: لا .. الحين اخلص بسرعه ثواني ودها تساله ليه أنت تكرهني ...اشوف الكره بعيونك ... بس فيك طيبه ... انك جلست معي في شقة ... وقلت بـ تجلس أسبوع
أبو فيصل ... طلع الصالة ... يحس بملل ... وده يطلع يتمشى .... الحين الله يعيني ... ع الدعثه ... نيشان وراكان ...ما راح اسلم من تعليقاتهم ... جلس عند زوجته هذا اللي ما يبغاها ياربي ...تحمل كلها أسبوع وترجع ....بس خليهم يولون ... عنك انت مو فاضي ... لهم ... : ي نجلا وينك ترى ميت جوع
نجلا : طيب دقايق وجي
أبو فيصل : شكلك تطبخين ذبيحه ...توه بـ يقوم مو قادر يصبر ... من الجوع ... الا هي تدخل الصالة
بصحن حطته قدامه ... : تفضل عليك بـ العافية ...توها بتمشي
أبو فيصل : وين بـ تروحين فيها تعالي افطري معي ...يمكن... تشوفين شيء وتخافين بعد قالها بسخرية بس مالحظته هـ الشيء
نجلا ابتسامة : طيب .. بس بجيب الكاس حقي ... تحركت متجهة المطبخ .... تحس هـ الرجال تصرفاته تصرفات بزر مره ما بغى اكل معك والحين يدور الحاجة عشان اجلس معه مادري وش يفكر فيه استغفر الله مابغى ادخل بـ نيات ياربي ... غير احوالي ... الى احسن حال ... ايه صح جوالي من يومين فاقدته ما دري وين رميته ... اوف طفشت ...
أبو فيصل ... ي الغبي ليه تناديها خليتها تولي من زين الاكل معها استغفر الله صدق ما عندك سالفة ...
تقوم تناديها ... انا الحين طفشان اني جالس في البيت وهي سبب حتى ابوي ... قال لي تعال ابغاك ... ما رحت له وهي سبب .. يلا كلمه وقلتها خليها تأكل معك ... يعني الحين بــ تنسد نفسك ع الاكل اسكت بس من تكذب عليه انت
نجلا جات وبيدها كاس شاي .... تحس بـ راهبه من حضوره وشلون تأكل معه جلست بجهة مقابله له ...
تحس يراقب تصرفاتها ... ما عليتس منه أكلي ولا تفكرين فيه ...




#
#
#
#
البيت أبو اياد
جالسه في غرفتها متوترة متضايقة ما تبغى هـ الحفلة ورفضتها وبقوة بس مين يسمع لها ...
خلاص ... كل شيء صار بسرعه ... جالسه ... تناظر في الخاتم اللي في صبعه ... تحس ... بالحزن و ضيقة ... تحس انها خاينة .. مو قادره تفكر مجرد تفكير انها ... صارت لغيره ... صعب هـ الشعور ... الغصة واقفه فـ حلقي كيف ي أمل ... قدرتي .. بس انك توفقين ع هـ الزواج ... ضحكت بسخرية
كأنك تقدرين ترفضين ولك حرية الاختيار ... برافض او الموافقة .. كل شي ء في حياتي .. صار غصب عني ... فرض رايهم ...
رايف ... طلعت من غرفة تبديل ... شافت خويتها زعلانه وسرحانه ... شوي وتبكي : لالا كل شيء ولا تبكين تبغين تعدمين المكياج وش فيك ... توك وش زينك ... ما سرع ما تغير المود
أمل خلاص مالها أي طاقة ... تتحمل هـ الشيء ... هي خاينة لـ اياد كنت تكذب ع نفسها ... طوال هـ الأيام وهي تقول مجرد الزواج ع الورق انتِ خاينة ..ترد ع رايف وصوتها فيه البكي : خلاص مو قادره ... اتحمل هـ الشيء تكفين قولي لـ خالتي ماله داعي هـ الحفلة من الأساس
رايف تضايقت ع أمل : ما ينفع ... أنت ما شفتي وش مسويه ما خلت شيء ما سوته ... الحريم ... بعد .. موجودين برا ... تخيلي بس تطردهم مو حلوه في حقها ...
أمل لبس فستان الأبيض اللي شرتها جاي ع جسمها .واقفت .... متوترة رايحة وجايه الدموع في عيونها ... مو قادره ... تضغط ع نفسها
رايف واقفت قدامها مسكتها من كتوفها : خلاص ي بنت ... كل شيء صار و مكتوب بعد ....ما تقدرين تغيرين شيء وتغمز لها وش هـ الجمال كله لالا أتوقع ... زيادوه المهبول ما راح يخليك اليوم ... ابتسامه الا بعد جمال سوريا وسعودية ... اخ ي قلبي
أمل تخزها بعيونها : تعرفين تسكري فمك ... انا الحين ... منقهره من كل شيء صار معي الا بعد صارت زوجة لزياد اخ ي قلبي
رايف : يمه وش هـ النظرات تخوفين ... أقول بس ارضي بنصيبك ...
أمل ... تنهدت جلست ع كرسي ... : انا ما قلت شيء بس ... ودي يسمع لي ويفهم شعوري بس ... نظراته لي تقول شيء الثاني
رايف تغمز لها: لا لالا بعد في تطورات صارتي تعرفين تقرين نظراته
أمل بعصبيه : رايف ... ما تفهميني ... طلعي برا ... انا مابغاه ... ولا افكر ارتبط فيه
رايف ... مقدرها الوضع اللي هي فيها : طيب .. بخليك ... شوي ترتاحين ... بس هـ ترى فيه زفه ي حلوه تغمز لها .... شافت أمل تدور ع شيء تحذف عليها ... احطت ارجولها وانحاشت وهي تضحك
^
^
رايف ... عارفه وفاهمه ... خويتها ... ما تبغى أي شيء يربطها مع زياد ... طيب ... ليه ما تعطيه فرصة ... أصلا ... ما يصلح اللي جالسه ... تسوي فيه ... وترى هي ما تعتبر خاينة لـ اياد ... هي خاينة ... لزياد هو زوجها ... ام اياد مات الله يرحمه
...لازم تفكر في حياتها ... بس وش نسوي في هل عاشقة ...لـ اياد ... هل ي ترى تحبين ... زياد ولا
ما دري ... بس ي صديقتي ... كل شيء يتغير حتى القلب ... شافت ... ام اياد ... واللي حولها يرقصون ... العاملات .يقهون الجالسين ... ما شاء الله
وقفت شيلة ... وقفوا الحريم من ضمنهم ام اياد
ام اياد شافت رايف اتجهت لها : ها حبيبتي أمل جهزت
رايف: تقريبا .. والله ما دري وش اقولك ي خالتي
ام اياد : قولي لي ...يمه انا راح اتفهم الوضع عادي ... انا أمل بنتي قبل لا تكون زوجته ولدي
رايف ابتسمت لها: طيب ... روحي ... اقنعيها ... تنزف ... رافضها ... هـ الشيء ... يمكن من الخوف
ام اياد : مسكي جوالي خليه عندك طيب بروح لها وأنتِ يمه كملي عني استقبل الحريم وضيافة ..
رايف : طيب حاولي فيها ... الله يهديها ... الحين هي زوجته زياد ... سكتت
فهمت عليها : الله يرحمه ويغفر له ... ويسكن فسيح جناته ... تحركت ... متجه ... الدرج ... اتجهت الغرفة ... أمل ... طقت الباب .. دخلت عليها ...
شافتها .. قامت تسمي عليها : الله اكبر ما شاء الله يحظ ولدي فيك
أمل مستحية من توتر أكيد رايف قالت لها: تسلمين يمه ... رايف قالت لك.. أني مابغى انزل
ام اياد : وضحت لي أشياء كنت غافلة عنها... يمه أنتِ الحين زوجة زياد ... بالحزن قلتها لها اياد مات الله يرحمه ... أنتِ ربي عوضك بولدي زياد
أمل بحزن حتى أنتِ يمة تقولين كذا ... يارب .. أنا ما بغى أكون زوجه الا اياد وبس : يمه طيب مو مشكلة بس ما انزف قالت هـ كلام بدون اقتنع ما تبغى ام اياد تفكر فيها كيف تكون حياتها مع زياد
ام اياد : لا ي حبيبتي ... ابغى افرح فيك اليوم لازم تسمعين كلامي بدون كلمة لا
أمل امرها لله ... لازم تصبر هي انجبرت تمشي في هـ الطريق لازم تكمله تضغط ع نفسها لـ اجل عيونها تكرم مدينه : طيب لك اللي تبينه
ام اياد ابتسمت لها: تسلمين يمه هذي بنتي امل اللي اعرفها ... يلا الحين تنزفين .... راح اخلي رايف تجيك ...
أمل تهز راسها : طيب .... ام اياد طلعت تركت وراها قلب محطم بالحيل ... محد حاس فيها ولا يدرون وش يحمل هـ القلب ... من حزن وضيقه تصبري ي امل ... كل شيء راح ينحل الحمد لله ع كل حال
$
$
نزلت ام اياد اتجهت ... لـ رايف : حبيبتي رايف ... روحي لـ أمل الحين .. بتنزف
رايف مدت جوال لـ ام اياد :ان شاء الله الحمد لله زين رضت ... لي ساعة وانا أحاول معها خالــــــــتي وهي تغمز لها وش قلتي لها وافقت ..
ام اياد اضحكت ع طريقة كلام رايف معها: ما قلت شيء بس اقنعتها بس
رايف ابتسامه: لالا شكله لك معزة خاصة ... عند أمل يلا الحين ... بقول لها ... اتجهت لـ أموله
ام اياد ... ابتسمت لها ما شاء الله ع رايف ...أحمد صبر ونال ... بنت طيبه ... وهو بعد طيب ...
تحركت ام اياد عند ... صاحبة ديجية ... طلبت منها تحط زفة لـ أمل انتبهت لجوالها ... رايف تدق عليها
ردت عليها: ايه يلا خليها تنزل .....
صاحبة ديجية ... شغلت زفة ... العروس نزلت ع كلمات ... زفة ... وراها ... رايف الكل يزغرد واللي يكبر الله ع جمالها... واللي يقول ولدها محظوظ اخذ هـ الجمال الكل ...وصلت عند الكوشة ...جلست الكل جاء يسلم عليها ويبارك لها .. الا ام محمد عمته .... قربت منها وبحقد بهمس :أنتِ ليش ما تطلعين من حياة عيال اخوي ... اخذتي الكبير ولفيتي ع الثاني ... شكلك داخله ع الطماع
أمل طنشتها مالها خلق ترد عليها ... ولا تبغى تسوي شوشره ...لخالتها ... انا ادري انتِ تبغينه لبنتك ... كان عرضتيها عليه ... انا أصلا ما بغى ...
ام محمد افتشلت انها ما ردت عليها ... رجعت جلست مكانها ... من فشيله ...جنبها بنتها تحلطم ع حظها نحاس وهـ ارمله ... عليها حظ طايح من السماء
أمل يارب ... متى يمشي هـ اليوم ... بعد دقايق .. جات ام اياد بهمس : يلا حبيبتي ... تعالي معي شوي ..أمل ابتسمت ... وأخيرا جاء الفرج ... ما بغيت ..
ام اياد وهي ماسك يد أمل : حياكم الله تفضلوا ع العشى ... شوي و ارجع لكم .... اخذت أمل ... الغرفة الثانية .. يمه خليك هنا انا بجيك ...شوي بس بروح خليهم يتعشون .. رجع لك..... سكرت الباب عليها راحت الحريم .. يلا حياكم الله ع العشاء ... تفضلوا ... دخلتهم ... الصالة ... كبيره فيه بوفيه ..
. ام اياد نادت ع رايف : حبيبتي ... ممكن اطلب منك طلب ..
رايف : افا بس ... يعني انا مو من الاهل ...لك عيوني ي خالتي
ام اياد : تسلم عيونك ...شوفي الحريم ... وتأكدي ... انهم ...يتعشون ما بغى احد يطلع ما تعشى
رايف : من عيوني ..خلاص انتِ روحي لشغلك ... وانا بشوفهم ..
ام اياد ابتسمت ... لها اتجهت لغرفة .... اللي فيها أمل الا ام محمد تنادي عليها ...: وين ي ام ياد..
ام اياد لازم تقول لها : ولدي بـ يدخل ع عروسته ...
ام محمد بضيقة : ايه ... يلا بدخل معك ... وبنتي بعد بتدخل
ام اياد : ايه معليه ... بس خليها تتغطى ...ادخلت الغرفة ... أمل جالسه ع الكرسي فردي
ام ياد : حبيبتي ... اموله ... زياد بـ يدخل ... الحين
أمل بـ تعترض بس شافت ... عمته وبنتها زفت سكتت : طيب
دخلت رايف جات تركض تحسب فاتها شيء ههههههههههه لبست عبايتها بسرعه : الحمد لله وصلت في الوقت أي خالتي ... داخلت ضيوفك ...
وهم يتعشون الحين ... تأكدت من الكل شيء وصيت العاملات ..
ام اياد ابتسمت لها : الله يعطيك العافية يلا البسوا عبايتكم ..
لبست رايف عبايتها... وضبطت حالها قربت من امل وهمست لها : تعالي اجلسي ... ع الكنب عشان يجلس جنبك ..
أمل خزتها : انتِ اليوم وش فيك علي .... ي أخي
ما بغى ...
رايف تأشر :شوفي ... الحبايب الحلوين .ينظرون فيك شوي يأكلونك .. انا الحمد لله بعيده عنهم
أمل :امر الله ... قامت وجلست ع الكنب ..يكفي شخصين ..
ام اياد كلمت زياد : يلا يمه لا ما فيه احد .. تعال .. بس عمتك .. أطرت تكذب عارفة ولدها مستحيل يدخل وفيه الحريم ..
زياد : يمه انا عند الباب افتحي لي ... يلا ...
ام اياد تنظرهم تأكدت من عبايتهم الله يعيني عليك زياد ...اكيد بعصب ..فتحت الباب
زياد تفاجا بوجود هـ الحريم بهمس لـ امه وهو متضايق : ليه هـ الحريم هنا ... ما بغى احد انا تكفين خليهم يروحون
ام اياد : يمه خل لليلة تعدي لا تدقق ع كل شيء انت تعرف عمتك
زياد بقهر من عمته بس بـ يطنشها بهمس :طيب
قرب من أمل ونغبن اكثر لبس فستان اللي قال لها لا تأخذه ما عندها فيك وانت ولا شيء أصلا عندها هي فاكر انك للحين حماها مسك اعصابه ... باس راسها .. وهمس في اذنها: مو انا قلت لك رجعي هـ الفستان ...ما بغى اشوفه عليك ... الوعد بعدين ...
أمل ابتسمت انها قهرته ... واضح القهر من صوته ... توك ما شفت شيء ... مني ...بهمس : افا ليه شين مو حلو علي...حتى لو شين انا احليه صح هههه
ناظرها ... بنص عين عارف كل هـ ـالكلام عشان تقهر عمته وبنتها
ام أياد تبغى يخلصون عشان تطلع عمته : يلا يمه لبسها ... شبكة ...
زياد : ان شاء الله يمه ....
ام محمد تبغى تقهر أمل : وانا عمتك ... كان قلت لي ادور لك عروس احسن من هـ ارمله ...ما فيها حتى ... الجمال عشان يشفع لها .. تكون عندك
زياد : من قال اني ابغاك تدوري لي عروس خبل انا ... عشان اخليك تدوري لي من زود المحبة... واذا زوجتي ...قالها وهو يشدد ع الكلمة شينه تصير بعيوني حلوه
ام محمد .... سكتت بعد لـ فشيلة ... تحاول تحفظ ماء وجهها
زياد انتبه اللي لتقطت صوره لهم رفع راسه لها وناظرها بحده ... رايف خافت نزلت جوالها ...
ام اياد قربت منه بهمس : يلا يمه ... خلينا نخلص وترتاح امل تعبت
زياد بهمس : يمه قولي اللي صورت تحذف صوره
ام اياد نفس الهمس : ما صورت ... البنت خافت من عيونك
زياد: جد يمه ... ترى ... والله ان عرفت انه مصوره ي ويلها
ام اياد: ي زياد ... خلينا نخلص .. يلا لبس ... الا بسالك ... اياد وينه
زياد تنهد : عند ابوي في مجلس رفض يدخل ...يمه .. اعطيني ...الطقم ...
ام اياد ... فتحته مدت له الخاتم اخذه منها
زياد : اعطيني ... يدك ... خليني ادخل الخاتم
أمل بهمس : دخل الخاتم ... في الوسط ... ما بغى فصخ الخاتم اللي في البنصر
زياد بنفسه الهمس..: لا فصخي ... انتِ كل تعانديني وبس
أمل ما تبغى هذا خاتم اياد ... كيف تشيله من يدها
زياد ... مسك يدها وسحب الخاتم من أصبعها ... انتبه ع الاسم الموجود في الخاتم ... اياد & أمل ... اليوم بـ ينفجر من الغضب سبب أمل هو ماسك اعصابه دخل الخاتم جيبه ...: يلا... ساعدني البسك الخاتم
أمل الدمـوع تجمعوا في عينها : وين الخاتم جيبه مو من حقك تأخذه
زياد لبسها لخاتم : رميت ع الأرض .... بهمس انتِ كلك لي ... فاهمه واللي ابغاه اسويه .رفع نظره لـ امه.. يمه .. ممكن ..طريق ابغى ادخل انا وعروستي ...الجناح ... حقي
أمل انقهرت .... تبغى تبكي ... مو عارفة ... وش يسوي ... معها هـ المجنون ... تكرهه بالحيل


'
'
'
'

بعد أسبوع
الجوهره
وهي تسوق السيارة شافت الساعة اوف الحين 11:30 لو يدري ابوي بزعل مني بس مو مشكله معي عايشة ما حسيت بالوقت وصلت البيت صارت تقضي معظم وقتها ... في البوتيك ....بعد ما تركت ... الشركة تحس شيء نقصها ضغطت ع مفتاح الكرج ... دخلت بالسيارة سكرت الكرج و نزلوا ... من السيارة ... دخلوا البيت : روحي نامي ي عايشه خلاص تعبتي معي
عايشة: اوكيه ماما ... خلاص ما يبغى شيء مني
هزت راسها بـ لا .... تحركت عايشة متجهه لـ غرفتها
الجوهره جلست ع اقرب كنبه ... تحس هـ الأيام حالتها مو طبيعي ... دورن ومغص في بطنها ... اليوم زادت دقات قلبي كأنه بـ يوقف عن نبض ... ياربي غفرانك ...
: ياربي كتمه بموت ...فصخت عبايتها ... بروح غرفتي ارتاح مو قادره تتحمل هـ الألم .زادت عليها الألم ما تقدر تتحمل اكثر من كذا .. يمه بموت
دخلت الحمام انتوا بكرامة تغسل وجها يمكن ترتاح من العرق اللي يتصبب منها بـ تموت من الم .. تحس روحها بتطلع ... شافت شيء طاح منها خافت ... طلعت من الحمام انتم بكرامة طلعت وهي تبكي بصوت بدون الدموع وحالتها حاله ملابسها كل الدم يعني الكلب كان ما يكذب ... يمه الحقيني ..
قربت من الكنب اسحبت شنطتها طلعت جوالها ... تحاول تدق ع منى من تعب مو قادرة تشوف شيء ... تحس بدوخة طاحت اغمى عليها مطلعها صوت قوي الدرجة عايشه كنت في غرفتها طلعت بسرعه تحسب حرامي ... شاف الجوهره مرميها ع الأرض ملابسها كلها الدم خافت تحسبه احد ضربها ... ع طول فكرت تكلم سعد لازم يجي يشوف الجوهره
عايشه ... طلع جوالها من جيبها ... دقت ع الرقم سعد ... من الخوف مو عارفة مين تكلم : الو بابا هذا ماما الجوهره كلوه الدم ...يمكن في موت
*
*
سعد
له أسبوع كامل ينام برا البيت ... وسبب الزفت جويج ... ما دري وش صار بسالفة الخطبة ... اهم شيء .. انها .. ما تتزوج ... راح خليها كذا راح أوقف في طريقها ... ما راح اخليها ... تتهني ولا لحظة ... معليه ي حلوه راح تتمني الموت .. بس أوقف انتقامي لك راح ترتحين .. تمد ع السرير يدور النوم يبغى يرتاح ...يحس انه منقهر منها بالحيل ... اخذ له الغرفة في الفندق ... ارتاع من الصوت الجوال مين ...يدق عليه الحين ... قام ... متجه الجوال افصله من شاحن... شاف الرقم عايشة وش صاير ... رد عليها بسرعه، بملل: هلا عايشة .... أيش فيه
عايشة تبكي : بابا هز ماما الجوهره كلوه الدم يمكن هو موت
سعد خاف وش تقول هذي: ايش ... وش اللي صاير ... شوفي اخليك ... عندها انا بجي افتحي لي الباب زين ... سكر منها ...لازم يروح لها وشوف وش صاير انتبه لـ ملابس .. اوف قميص النوم ... ماله ادعي اغير يمكن البنت تموت ... وانت جلس تفكر ... خلها تموت وش يصير يعني ... اذا ماتت الله يرحمها ... تحرك اتجه المفتاح السيارة ... اخذه طلع من الفندق ... وهو يمشي خطوات بطئيه ... ولا حرك فيه شيء ... هي مو عندي اذا صار فيها شيء ... المفروض عايشة كلمت ابوي ... اتجه السيارة برود ... شغلها وحرك متجه البيت .. الجوهره .. بعد خمس الثواني وصل البيت ... طق الجرس ... يتمنى محد يشوفه من الجيران... يجلسون يسون له سالفة ... فتحت له عايشه الباب ... شاف الخوف وجهها كأنها شايفها الشبح : وينها فيها
عايشه : يلا بابا تعال بسرعه انا خاف ... ماما موت
سعد يتمغط : زين ... والله ... أشغلتيني ... بـ السالفة ماما موت الله يرحمها تحرك وراءها ... دخل الصالة ... شافها مرميها ع الأرض ... صدق كأنها ماتت .. الدم مغطيها ملابسها وش اللي صار معها ... تحرك ... لبسها العباية .. وشلها : يلا احلقيني ي عايشة ... وسكر أبواب البيت
عايشة : زين بابا ... تحركت تجيب عبايتها .... طلعت وراءها ... سكرت الباب البيت ....
حطها ... وراء ... وعايشه جلست جنبها ... وراسها في حضن عايشه ...
سعد .. ساق بسرعة . خاف ...يمكن ماتت صدق ... لسى ما انتقم منها ... ما اخذ حق المها ... خايف ...تموت .... وترتاح ... ما يبغى هـ الشيء يبغى يشوفها متعذبها ... مو مرتاحة وصل المستشفى ...
نزل من السيارة ... تحرك ... شالها ... و عايشة وراءه ... ينادي ... ع طوراي يصرخ بـ اعلى صوته: بسرعه لو سمحتوا ... السرير
تحركت الممرضة ... تجيب السرير المريضة ...
رايف كنت واقف مع أمل في الاستقبال ... يشوفون ... الوضع سعد ...
رايف : تشوفين هـ الرجال ... شكله بحيل ... خايف ع اللي معه
أمل لحظت الخوف : ايه واضح ... بس حنا وش علينا منه ... يلا تحركي ... خلينا نروح نشوف شغلنا
رايف بخبث : اتخيلك انتِ وزياد ...
أمل بنظرات حاقده عليها بقوة : وش رايك اليوم تنومين في المستشفى
رايف ... خافت منها : يمه .... انحاشت المكتبه ..
أمل تضحك عليها هبله صدق تحركت تشوف شغلها
الممرضة ... جات بالسرير ... بسرعه حطوها
سعد يدف السرير معها ... وهو يبغى يعرف وش فيها وش اللي صار بضبط لها ... وهو بعد ..
ما راقبها هـ الأيام كان مشغول بـ الحيل بشركتها وشركته ... ما دري وش يسوي ...
الدكتورة ... دخلت تكشف عليها بعد ثواني طلعت : ممكن اخوي توقع ... عملية ... تنظيف ...
سعد انصدم : وش هـ العلمية ما فهمت عليك
الدكتورة : المدام كنت حامل وسقطت ... وكان الحمل ... خارج الرحم عشان كذا ماراح يستمر هـ الحمل
سعد بحقد عليها والله ... لـ ارويها شغلها مو على كيفها ... تطرح ...شكلها متفقها مع الدكتورة
الدكتورة : لو سمحت ... لازم توقع ولا المدم ... راح تموت ...
سعد ودها يخليها تموت وش عليه تتسمم ... بطقاق .. بس لالا انا ارويها ... هي موتت المها مو صعب عليها تطرح جنين ... : طيب ... وين أوقع
الدكتورة : اعطته الورق هنا وقع ....
سعد وقع هو مقهور ... بعد الدكتورة ... دخلت ... تسوي لها ... عملية ... بعد الساعات ...
الجوهره ... نايمة مو حاس باللي ... حولها
.... بعد دقايق جلست من النوم .... تحس حلقها ناشف تبغى مويه وش صار معها .... تذكرت اخر شيء انها بتكلم منى الا غمى عليها ... تذكرت انها
كنت حامل سقطت .... الحمد لله هذ من لطف ربي فيني .... الحيوان ....الدموع تجمعت في عيونها تبغى دموعها تنزل تعبت من كثر ماهي واقفه في عيونها
الى أي درجة .... وهو كرهني الى درجة يشوه سمعتي انا بنت عمه وخالته .... ياربي انا ما سلمت منه وانا زوجته بسلم منه وانا بعيد عنه تعب خلاص ... مو قادرة اتحمل اكثر ... ياربي صبرني ... يارب طلبتك ابعده عني انا مين جابني هنا مو فاكره أي شيء يمكن منى.... استغفر الله ... خليني الحين اكلم منى ... مو قادره اكلم ابوي امي اكيد بـ رجعوني له

وانا فتكيت منه ما بغى ارجع له التفتت شافت عايشة نايمة ع كنب رحمتها... خليني اضرب الجرس ... تجي لي الممرضة بعد دقايق جات لها الممرضة : امرني اختي
الجوهره تكلم وهي تتألم بصوت مبحوح : ممكن مويه ..
الممرضة : أي مو مشكله ... دقيقه ... طلعت... شافت الرجال اللي واقف عند الباب ينتظرها متى تصحى.. اخوي المدام جلست ... اذا تبغى تدخل ... لها
سعد تحرك داخل الغرفة بدون لا يرد عليها ...
الممرضة وش ذه شكله مغرور بالحيل الله يعينها عليه
سعد ينظرها بحقد قرب منها بصراخ: ليش سويتي كذا ... مو على كيفك ... تطيحين ولدي
الجوهره مالها أي خلق انها ترد عليه هذا واحد واقح يحلل على كيفه كيف يفكر هـ الشيء حرام ... صراحة اشك بعقله أحيانا انا مو زوجته وش اللي فكر فيه
سعد مسك يدها وضغط عليها بقوة وبهمس : ليتك انتِ لي ميته مو اهو .... قالها بكره
الجوهره بـ الم بصوت مبحوح : اتركني ... ترى كسرت لي يدي

؛
؛
؛
؛
راكان


نيشان


اليوم الثاني
بعد الصلاة العصر الشباب مجتمعين في الاستراحة ... راكان جالس في الزاوية يبث انستقرام .. يسولف مع المتابعين لتفت ع نيشان وهو يتابع برنامج من الإعادة ...امسية الشعرية : نيشان بسالك رد عليك الدب أبو فيصل له أسبوع مختفي
نيشان يبتسم : ي الحبيب تلقطها وهي طائرة ... يحرك حواجبه مع الحب هههههههه
الا في هـ الحظة يدخل أبو فيصل طفشان حده متضايق ... من اللي اسمها نجلا .... تترجي يجلس معها اليوم ... تقول بعد الصلاة الظهر كنت جالسه في الصالة شافته يمر جنب الشبك الصالة ... يحلف له... انه مو هو ... بس مو مصدقه تقول برجع لـ اهلي بطقاق اللي يطقك .... رجعي عاد ان اللي ميت عليك .... اذا كنت شقة مسكونه فعلا ان شاء الله يدخلون فيك ... جلس وهو مو حوالهم ابد ... يفكر وش بالها كل تشوف أشياء وهو ما يشوفه شكلها بتنجن قريب
نيشان يغمز لـ راكان : ركوني حبيبي شوفي الحبيب غارق في تفكير
راكان يكلم متابعينه " حبايبي ... راح ارجع لكم في وقت الثاني سكر البث : ايه صدقت نيشاني اخ هذا اللي يقول خلها تولي ... ما احبها هي أحرمتني من حبيبتي .... كل هذا كذب
أبو فيصل انتبه لهم وهو ماله أي خلق يسوالف معهم طنشهم ... قام من مكان .انا ارويكم الحين.. اتجه المطبخ ... رجع لهم وفي يده ...كوبين .... قرب منهم وهم منشغلين بـ سوالف الا زيت عدمهم ملابسهم .... كلها زبت
نيشان شعره لاصق...في جبهته.. قام بعصبية : ي الحمار ي تبن ... والله لـ ارويك شغلك ..
أبو فيصل جلس يضحك عليهم ... اشكلهم تضحك ...
راكان بحده : والله ... لرويك .... تمزح معنا علبة الزيت كلها بشعرك ... هـ خايس عش العصافير ع قولت انمار
أبو فيصل ... ميت اضحك انتبه لهم ... انهم
بـ يلحقونة. اركضوا وراءه بس ما قدور عليه رياضي.. حط ارجوله وانحاش ركب السيارة وهو طلع راسه من النافذة : كان غيركم اشطر هههههههههه ... سحق بريك .... خلهم ميتين قهر
نيشان : امشى خلينا نرجع ... داخل ... خليه يولي عنك ... يشم لبلوزة وع هـ الزيت ريحته خايس والله لرويك فيه
راكان : ايه صدق يلا خلينا نتروش ... سكر الاستراحة .... أتوقع يبغى يرجع بس يحلم ...ههه
نيشان : اسمع مو هو طلب .... اكل لنا ... تعرف ما تغدينا للحين جوعانين ... خلينا ناكل ونسحب عليه ..
دخلوا .... داخل كل واحد فيهم راح يأخذ شاور ...
بعد ثواني معدودة ... جلسوا في الصالة ... يشوفون تلفزيون ع برنامج ... الشعراء
راكان لفت انتبه هـ شاعر: تصدق انا مستغرب من هـ شاعر وش سالفته بضبط ليه لبس هـ قناع ...
نيشان بسخرية : ما دري يمكن له أسباب خاص فيه
راكان ابتسم : يمكن ... تدري ... انه البوم الجديد عندي ... لا بعد أشعاره حافظه من كثر ما رددها
نيشان : يمكن انت معجب فيه ...يسمع طق الباب الاستراحة .. بشوف منه هو اذا الدب أب فيصل ... راح نضربه ... ما راح نرحمه ههههههههههه
راكان يطنز عليه : لا وش رايك بعد نرمي ع الكلاب يأكلونه الله يهديك بس متأثر بـ الانمي

نيشان يضحك ... تحرك طلع من الصالة متجه البوابة : مين
الرجال : هذا توصيل ... المطعم
نيشان : طيب ... فتح له الباب .... كم الحساب
الرجال : خلاص اندفع الحساب عليكم بالعافية ...
نيشان اخذ الاكل منه ... وخل الباب مفتوح ... عارف انه اب فيصل راح ... يجي ... يبغى يقهر
دخل نيشان داخل معه الاكل ... حط ع الأرض : يلا راكان .... جات الوجبة ..
راكان اخذ وجبته وجلس يأكل: ي زين الاكل ي الناس ... شرب رشفة من كولا ... جلس يكح
نيشان ينظره : أقول اصبر لا تموت علي من شاحفة هههههههه
!
!
أبو فيصل
روق بعد ما كان معصب .... مو قادر يتحمل هـ اسمها .... نجلا ... يحس بضيقة ... خلاص ..
خلها تروح اعتقها لوجه الله...لا ... انا للحين ما انتقمت منها... طلعتني من طوري الا شقة مسكونه ما بقي الا جيب شيخ يقرا ع الشقة خبله صدق
رجع الاستراحة ركن السيارة ... نزل دخل وهو يتلفت يمين ويسار ارتاح ما شاف احد هنا ... دخل داخل شافهم ياكلون : ي نذلين ... جعله ما يخرج من بطونكم ... الا بستين غرز
راكان بحقد : تستاهل ... يحرك له حواجبه يلا أطلب لك الثاني .. ولا اقول روح الحب حقك
أبو فيصل انصدم : لالا جد ي ركون اختربت اخلاقك من جلست مع نيشان وانا غاسل يدي منك
نيشان : نعم ي الحبيب هو صادق انت مختفي عنا أسبوع ... يعني جالس مع الحب ...
أبو فيصل : والله انا ما سكتوا لا اوريكم شغلكم .... يلا تقومون الحين تسون لي اكل ... ولا تقلعوا من الاستراحة حقتي ...
$
$
$
$
في مكان اخر
جالس ع كرسي ... متضايق محبوس هنا يبغى يروح يشوف اهله .. اشتاق لهم ... ما دري ليه ... هو مسجون عندهم .. أي ذنب ارتكب عشان يعقبونه كذا . صحيح ... هو جالس في غرفة ... موجود حمام انتم بكرامة .. بس مسكرين عليه هـ الغرفة ... يبغى يطلع خلاص وهو وش سوى عشان ينحبس عن العالم .... حسبي الله ونعم الوكيل ... يحس حاله ....بينجن وش يبغون مني لي أيام اسالهم ما يردون قام من مكانه قرب عند الباب وهو يصرخ بأعلى صوته : ي الكلاب ... ي الحمير طلعوني من هنا ... انا ما سويت لكم شيء الله يأخذكم
وحد من الحراس : ازعجنا هـ السجين .... متى بس ... ي امرنا الزعيم ونتخلص منه ...

انتهى البارت

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

سلمت أناملك لروعة ذوقك
يسعدك ربي ويحقق أمانيك

*،




آنتقاء مميز .. مَ ننحرم من جديدك

تسلم يمينك
ودام عطائك العذب
پآقة ورد

صفحة رائعة
وجمااال راااقي

سلمت أناااملك وما طرحت هووون

يعطيك العاااافيه

وشكرا لا ينتهي

طرررحك رووووعه للموضوووع
والله انك ذوووق

يعطيك العاااافيه

طرح رائع
يعطيك العافيه

تسسلم يمينك على رووعه طرحك~
الله يعطيك الف عاآآآآآآفيه ...
ولاتحرمنا من جديدك وفيض ابداعاااك ..
دمت بخير..~
..:ღ:..

المشاركة الأصلية كتبت بواسطة عـــودالليل

100
أناقة طرح وجاذبيه
إهتمام و..

اجتهاد واضح في الطرح
وذائقة عالية المستوى

استمعت النفس بما مرت عليه هنا،،،
فبهذا العطاء سنرقي

من أعماق القلب أشكرك

اخوك
محمد الحريري

كل الشكر لكـِ ولهذا المرور الجميل الله يعطيكـِ العافيه يارب خالص مودتى لكـِ وتقبلي ودي واحترامي