الله يحييك معنآ هـنـا


 
العودة   منتديات قصايد ليل > ..✿【 قصــــــايـــد ليـــــــل 】✿.. > …»●[الرويات والقصص المنقوله]●«…
 

…»●[الرويات والقصص المنقوله]●«… { .. حكاية تخطها أناملنا وتشويق مستمر .. }

إنشاء موضوع جديد  إضافة رد
 
أدوات الموضوع انواع عرض الموضوع
#1  
قديم 03-21-2019
Saudi Arabia     Female
SMS ~ [ + ]
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
لوني المفضل Azure
 عضويتي » 752
 جيت فيذا » Feb 2010
 آخر حضور » منذ 3 ساعات (07:52 PM)
آبدآعاتي » 3,247,044
الاعجابات المتلقاة » 7365
الاعجابات المُرسلة » 3669
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
مشروبك   star-box
قناتك mbc
اشجع ithad
مَزآجِي  »  رايقه
بيانات اضافيه [ + ]
افتراضي رواية جفاف وردة بيضاء في رُكن الذكريات / 21



..
..( الواحد وعشرون )..
.
.
‏و تكفى لا ترجّعني ، يا ماخذني
و هذا الصدر لا مليت : اجرح به
أنا مرتاح ، حتى و إنت تجرحني
تعب موطن و لا راحة وسط غربة !
- خلف الضيف -
.
.
نظر لها مستغرباً صمتها الغريب : تسمعين !؟ .
اتجهت للحمام ودخلت واغلقته بقوة .
اقترب للحمام رافعاً صوته : خليني ارجع وتشوفين كيف تسكرين الباب بوجهي ، وانا واقف اكلمك .
نزل بخطوات سريعة .
..
همس سعود وهو ينظر لماجد النازل بغضب : وش استفدتي يمة الحين ؟! .
ام ماجد بهمس : حية ماتعرفها .
نطق ماجد مُشيراً لاعلى : لاحد يطلع لها ، وقولي لبنتك .
ابتسمت ام ماجد : اهم شي انك قلت لها ماتنزل .
زفر بضيق وابتعد خارجاً .
سعود حرك راسه ب اسى : حرام .
نظرت له والدته بقرف : قال حرام قال ، تعالي نتقهوى بس .
سعود برفض : لا تعبان ابي انام اذا صحيت يصير خير .
ابتسمت ام ماجد : الله لايحرمني منك .
انحنى على راسها : ولا يحرمني منك يالغالية .
وابتعد صاعداً لاعلى وبضيق : كيف تبتسم امي وفيه احد مضايقته .
..
جلست بعد ان راتها لوحدها وبحدة : ترى البيت مو لابوك .
وتين ب استغراب ابعدت نظرها عن الهاتف : كيف ؟!.
تهاني وضعت ساق على ساق : والله اشوف كلامي واضح .
وتين بحدة : انا ماقلت عيدي كلامك .
تهاني بتافف : هاه وش قصدك ؟! .
وتين : وضحي كلامك .
تهاني ببرود : كلها سوا .
وتين بغضب : اقولك وضحي كلامك ، وش يعني ترى البيت مو لابوك ، اذا مو لابوي فهو لعمي .
تهاني بهمس مالت ناحيتها : زوجي موجود بذا البيت ومفروض منك تجلسين بغرفتك ولا تلبسين عباية لايشوفك بذا الشكل ، ترى مُهب من زينك .
وتين وقفت وبسُخرية ابتسمت بعد ان فهمت ماترمي له : لا بعد كلامك اكتشفت اني ملكة جمال وتغارين مني .
تهاني وقفت الاُخرى وبنرفزة : اي ملكة جمال ، عمياء واربع وعشرين ساعة وعيونك بالكتب ، مين يفكر فيك .
وبهمس اكملت : شوفي ولد عمك خطبني ولا فكر فيك وانتي اقرب مني له .
نطقت وتين بعد لحظات صمت وتامل : بالله تتكلمين من جدك انتي ؟! .
تهاني وضغطها يرتفع من برود هذه الفتاه : صار لك كم سنة بالطايف ولما جاء ابوك يموت جيتي عندنا وش معنى كلامك .
وتين بصدمة واستغراب : وش تقولين ؟! .
تهاني بغضب : كلامي واضح ، انتي عارفه ان ابوك ع فراش الموت وجاية عندنا .
سقطت وتين على ركبتيها وهي تشعر بضيق تنفس : اكيد تكذبين .
تهاني بخوف جلست بجوارها : وش فيك .
وتين مسكت ذراعها محاولة الوقوف : جيبي عبايتي .
تهاني بربكة وخوف : انتي ماتدرين ؟! .
نظرت لها وتين ثم سقطت مغشية .
صرخت تهاني بخوف : الحقوووووووو .
..
عبير تتصل وببتسامة بعد ان سمعت صوت الطرف الاخر : كم تعطيني .
ام ناصر : وش ذي البنت اللي تاخذ من خالتها .
عبير بهمس : الخبر بمليون هاه بتعطيني ولا اقفل !؟ .
ابتسمت ام ناصر : ابشري بالمليون .
عبير بحماس نطقت ببطء: والله وطلعت اختي تحب ولدك صدق .
ام ناصر بضيق : وليش ترفضه ؟! .
عبير رفعت كتفيها : مدري ، لكن من كلامها تموت ولا تزوجونه .
ام ناصر تنهدت : المشكلة ان اللي عندي رافض يتزوج .
عبير بهمس : خليه براحته .
هزت راسها : هذا اللي بيصير .
بعد دقائق اقفلت الخط ونظرها يرتفع للقادم : صح النوم .
ناصر رمى جسده على الاريكة المُنفردة يمين والدته : اخخ ي ظهري .
ام ناصر : والله من كثر النوم .
ابتسم ناصر وهو يلتفت براسة لوالدته : زين دامك عارفتني .
ام ناصر بقهر : لاتقول عارفتك ، لو اني عارفتك مارفضت تخليني افرح فيك .
وقف ناصر هارباً : ورجعنا ، انا طالع مع عبدالرحمن .
ام ناصر نظرت له بشي من الحُزن : ماراح تتغير .
ابتسم مُقبلاً اعلى راسها : قلت لك تعرفيني .
حركت شفتيها بعدم رضا : الا ماودك تعزم عبدالرحمن عندنا ، بدل المطاعم ذي .
اتجه ناحية الباب : ها الله فيه دقي عليه واعزمية .
واكمل غمازاً لوالدته : والله مافيني حيل اطلع معه خليه يجينا .
ابتسمت وهي ترفع الهاتف وتبحث عن رقمة .
..
نظر له بهدوء و هما يتكئاً على جذع نخله طويلة : لاتشك في ابوك .
هز راسه انس ناظراً امامة : هذا انا احاول ماشك .
همس احمد : الهندي ذا ليش من اليوم يناظرنا .
ابتسم انس وهو يُحدق فيه : مدري عنه .
اكمل احمد همسة : يمكن متعاون معهم .
ظهرت نصف ابتسامة على ثغر انس : مو لدرجة ذي .
واكمل بعد صمت : تصدق اني تعبان من التفكير ، ودي اطيح ع فراشي وانام نومة طويلة .
قاطعه ضارباً كتفة : انس بلغ الشرطة عشان ترتاح .
تنهد انس وهو يقف : يصير خير .
وقف احمد مُزيلاً ماعلق ببنطالة : راح اكون معك .
انس مسك كتفة وبصدق : اهم شي اهلي مايدرون بشي وبالذات ماجد .
هز راسة ونظره ينزل لاهتزاز جيبة بسبب رنين الهاتف : ابشر .
اخرج الهاتف هاتفاً ب استغراب : خالتي عايشة .
ابتعد انس بهدوء حتى يتركه براحته وهو يُشير للعامل بالقدوم .
استدار لاحمد ب استغراب من صوته العالي : وين ابو مساعد ، ومساعد ؟! .
اكمل بخوف : طيب طيب جايكم .
اقفل الخط وعيناه تشع خوفاً .
مسك ذراعه انس وبخوف عليه : احمد وش فيك ؟! .
احمد مسك راسه : يقولون وتين اغمى عليها .
ابتسم انس رامياً ذراعه بعيداً : حسبت عندك سالفة .
فتح احمد عيناه : وهي مب سالفة .
ابتسم انس مُبتعداً : روح ي مجنون زمانك .
احمد ابتعد صارخاً : جعلني اشوفك مجنون .
استدار وهو ينظراً لقفاه الخارج بخطوات سريعة : ب احلامك .
التفت ع العامل الذي وقف جانبة : What ؟! .
العامل بخوف : انا فيه اكلم ابو علي ، عشان هدا رجال يزربك .
انفجر انس ضاحكاً ، لتقف ضحكته فجاه وهو يسمع صوت احمد المرتفع وشخص اخرى معه .
تحرك راكضاً .
..
نزل بخطوات سريعة من سيارته ، ماسكاً هذا الشخص الخارج بخطوات سريعة : تحسب دخول الحمام زي خروجة .
صرخ احمد بإلم : انت ي مجنون فكني .
همس راكان : وش سويت لولد العايد ؟! .
دفعه احمد بقوة وبعينان مُشتعلة : ليكون ي الكلب من اللي يلحقونة .
انحنى راكان بحركة سريعة واخرج سلاح صغير من حذاه وصوبة اتجاهه : حلو رمي الكلام اذا تبي تطلع نفسك .
فتح احمد عيناه على اتسعاها من السلاح : تراه مب لعبة .
استدار راكان على صوت انس العالي : راكان هذا خويي .
انزل راكان السلاح بفشلة ومرر اصابعه في شعره : كلم الهندي ابوي ، وعاد جيت افزع .
نطق احمد مُبتعداً : حصل خير .
راكان بقلق : زعل ؟! .
حرك انس راسه برفض : لا زوجته تعبانه وطالع لها .
بعد السلام واخذ الاخبار : ليش كنتو تتهاوشون .
انس انفجر ضحك : مشكلة اذا الهندي بيعلم على اي شي يشوفة .
راكان ببتسامة : قولة وبيفهم .
ابتسم انس : اي والله لازم اقول له .
همس راكان : متى نقابل ام هادي ؟! .
انس بتفكير : بكره اذا جاهزين .
واكمل ب استفسار : وش صار ع سعود .
راكان ببتسامة : راح ينحل موضوعه قريب .
..
يجلسون حول العشاء بهدوء .
ام علي : بقيتي لاخوانك ي هند ؟! .
هند بهدوء وهي تمضغ لُقمتها : فهد وراكان كلمتهم ويقولون بيتاخرون ومايبون عشاء ، اما تركي بقيت له .
ابو علي ب استغراب : وين علي ؟! .
اسيل : بالمجلس ، يقول لما تخلصون جيبو عشاي .
ابو علي بغضب : وليش ماقلتو لي اكل معه .
وقفت هاجر بهدوء : انا باكل مع تركي ، نادو علي ياكل معكم .
ام علي : وش تقولين ي بنتي تعالي اكلي تركي بيتاخر .
هاجر ببتسامة : ابي اكل معه ي خالتي .
ابو علي بامر : نجود روحي ادعي علي ، والبنت خليها تاكل مع رجلها .
وقفت : ابشر .
بعد دقائق هدوء ع السفرة بجلوس علي بجوار والده .
همست الجوهره في اذن روان : انا للحين افكر في كلامك .
روان ب استغراب همست : اي كلام ؟! .
الجوهرة بهمس : مب تركي مع سامي اخاف يعلمه علي ، تراه من اول كان يحكي كل شي باذن تركي .
ابتسمت روان وبنذالة : مافية شي جديد اكيد بيقول له .
غصت الجوهره : كححح .
نجلاء وقفت بخوف وهي تسكب لها ماء : بنت تنحنحي .
ام علي بعينان مُنتقدة وغاضبة : قد قلت لكم العيشة ماعليها كلام .
وقفت الجوهرة وهي تمسد بلعومها : طيب سمي علي ي يمة ماشفتيني بغيت اموت .
سكتت ام علي وهي تضع لقمة صغيرة في ثغر ريما الجالسة بجوارها .
نجلاء بقلق : الجوهرة اجلسي اكلي .
الجوهرة بخوف لم تظهره وتفكير : لا يمة خلاص شبعت بروح اجلس مع هاجر .
هند همست : ي قلبي ع اخيتي امس تهاوشها واليوم خايفه عليها .
همست اريان : تقصدين نجلاء والجوهرة ؟ .
هزت راسها هند : ايه .
اريان : اكيد بنتها بتخاف عليها .
سكتت على صوت والدتها : من اللي تبي تغص بعد .
..
نزلت من السيارة راكضة لداخل ، وقع نظرها على الحارس وبلكنة انجليزية تعلمتها من مكوثها الطويل بلندن : وين شادن ؟ .
الحارس : في غرفتها .
سارت صاعدة ، نظرت للحارس الاخر الواقف امام باب الغرفة وبغضب صرخت وهي تفتح الباب : وش فايدتكم .
رفعت شادن نظرها وببكاء زاد وهي ترى والدتها : يمة .
ام انس احتضنتها وبخوف : شادن وش فيك ؟!.
شادن تحتضن والدتها وببكاء عالي لا يفهم ماتنطق معه : يمة شادن بسم الله عليك ، وش صاير .
اشارت شادن للوحة وبغصات من اثر البكاء : فيه احد كان بالبيت امس .
نظرت ام انس للوحة والزجاج اسفلها المسكور ، وب اختناق همست : سوا لك شي ؟.
انزلت شادن نظرها للخاتم العالق في اصبعها وعادت للبكاء من جديد .
ام انس بخوف صرخت : قولي سوا لك شي ؟ .
بخوف وهي لا تعلم فعلاً هل حصل شي اما لا : لا لا .
ام انس وقفت ونظرها يتجه لزوجها الداخل : شكل كان فيه حرامي .
صرخت شادن عندما وقعت انظارها بوالدها : لا لا مو ححححرامي .
اتسعت عينان والديها .
ونطق ابو انس بغصة وهو يشعر انهُ زاد عمراً على عمره : شادن يابوك سوا لك شي .
شادن وقفت وهي ترتجف : لا لا بس انت وش سويت لبنت قبل عشرين سنة .
بهتت ملامح ابو انس وبتلعثم : عشرين سنة ؟.
نطقت ام انس مُتذكره سؤال انس قبل عدة ايام : وش ذا الكلام ي شادن .
شادن اشارت ناحية اللوحة وبرجفة وعبرة اختنقت في بلعومها : اللوحة مكتوب عليها .
تحرك ابو انس ناحية اللوحة وبتعب بدا ينبض فيه : وش مكتوب فيها .
تجمدت اناظره وتبعها جسده حتى ارتخى ليسقط على اقدامه .
اقتربت ام انس وبخوف : فيك شي .
نطق وهو يشعر بعظامة تبرد : ماحد يعرف غيري وياك وسعد ، الموضوع وش رجعه .
رفعت ام انس اناظرها للوحة ونشف الدم في جسدها وبخفوت : ابوها مب تقول مات .
قطعت سؤالها وهي تستدير لصُراخ شادن .
وقف ابو انس بتثاقل وخرج بخطوات مُتعبة ، نطق للحارس : احجز اربع تذاكر لسعودية ، ولا يدري انس بشي .
الحارس مُبتعداً : اوك .
نزل يسير بخُطى مُتعبة ، جلس على الاريكة العريضة في منتصف الصالون همس بإلم : هذا ذنب البنت ي عايد .
بعد دقائق طويلة رفع نظره على صوت زوجته : نامت ؟ .
هزت راسها وجلست جوارة وهي تضع كفها على فخذه : كنت انتظر ذا اليوم وشوفة جاء .
نظرت له وبصوت اختنق اكملت : حنا رميناها ولا سالنا .
انحنى ابو انس براسة مُتذكراً الماضي .
..
.. قبل عشرين سنة ..
.
.
.. جمعية حقوق الطفل بالرياض ..
. خلف مكتبة الضخم وقف باحثاً عن كتاب علمي مُعين مد ذراعه بعد ان وجده وهو يسحبة ب اصابعه الطويلة عاد للجلوس على كرسيه الجلد الفاخر ذو اللون الاسود .
رفع عيناة من الكتاب على طرق الباب : ادخل .
السكرتير اقفل الباب خلفة وبهدوء بعد ان وقف امامة : فيه وحده دقت وطالبتك بالاسم ، ورافضه تقفل الخط لين تكلمها .
عايد اغلق الكتاب ب استغراب : ما قالت اسمها ؟ .
السكرتير : رافضة .
عايد ب اهتمام : حول الاتصال .
بعد دقايق ليست طويلة وصل له صوت المراة الرقيق المُتعب الباكي من خلال سماعة الهاتف : استاذ عايد اخيراً قدرت اوصل لك ، انت معي ؟.
عايد ب اهتمام : ايه معك ي اختي امري .
المراة ببكاء وكلمات لم يصل له منها الا : ساعدني .
عايد بخوف وفزعة : ابشري .
المراة برجفة همست : انا لي يومين ادق عليك ويلا قدرت اوصلك ، لا تخيب ظني .
وقف عايد وبشهامة : والله ماخيب ظنك وانا ولد العايد .
المراة بغصة وخوف : الساعة 12 الليل اقابلك في حديقة **** .
عايد بعدم راحة : ماقدر اقابل اي احد .
المراة اشهجت بالبكاء : والله ماضرك ، ابيك تساعدني .
عايد محاولاً فهمها : تبين فلوس ؟! .
المراة بضعف : قابلني بالمكان اللي قلت ، وياليت مايكون معك احد .
نظر لاختفى رقم هاتفها بعد ان اغلقت الخط .
..
.. الساعة 12 تماماً ..
ركن سيارته بحرص في مكان بعيد عن الحديقة المعنية .
نزل بعينان حذرة ، سار بخطوات بطئية ، حتى دخل الحديقة التي تجمع قليلاً من الشُبان الذين يتسامرون ويلعبون لعبة اشبة ماتكون بلوت ، ونظر للجهة البعيدة التي كانت تحوي عائلة بدت تجمع اغراض نُزهتها وتصعد سيارتها .
اتاه صوت تلك المراة بخفوت : عايد العايد ؟ .
التفت بحرص : وصلتي .
نظر لها بتفحص ، كانت تردتي عباءة ليست بالرخيصه من شكل قُماشها .
المراة بضيق من نظراته المُتفحصة : مالقيت اوثق منك بذا الموضوع وماحد يقدر يساعدني غيرك .
عايد انزل نظره وبفزعة : والله تبشرين ، امريني .
المراة بصوت تحشرج وهي تنوي البُكاء : انا توني جبت بنت وابيك تخليها عندكم بالدار .
عايد ب استفسار مُستغرب : ليش مارميتها قدام الجمعية ، ولا قدام الدار ؟ .
المراة وهي تفهم قصدة نطقت بغضب : لا يروح بالك بعيد ، بنتي بالحلال وابوها معروف .
عايد هتف مُحركاً نظره في من حولة عاداها : شكلنا غلط واقفين ، ليتك اخترتي مكان صاحي .
المراة برجفة : ماقدر اقابلك الا هنا ، لاني مراقبة .
عايد نظر لها وبسؤال يُخمد فضولة : انتي من ؟! .
المراة بعينان مُتعبة نظرت له : منال بنت هاني الجابر .
شهق عايد وهو يعود كم خطوه للخلف .
منال ارخت نظرها قارئة مايدور في ذهنه ، فكيف لبنت الجابر ان تقف امامة .
نطقت منال : دامك عرفتني ف اكيد تعرف زياد الراشد .
تغير وجه عايد لتقزز : ومن مايعرفة .
رفعت نظرها وبغصة : زوجي .
عايد مسك راسه مُحاولاً ابتلاع ماتقول : كيف وافق ابوك على راعي المخدرات ذا ؟!.
منال بتنهيدة اسى : ماكان كذا .
واكملت بخوف : ابي بنتي تدخل الدار ، وراح اهتم فيها من بعيد .
عايد ب اهتمام : ليش ؟! .
منال بضعف وإلم تحملته لايام نطقت بسر لا يعلم فيه غيرها : ******************* .
فتح عايد عيناه على اتساعها وبملامح مصدومة : متاكده هذا ابو ؟! .
منال بكت وظهر ارتجافها من تحت العباءة وهي تحاول ان لاتخرج صوتاً .
عايد ب انفاس غاضبه نطق : ي اختي غلط تدخلينها دار ، اذا ماسجلتيها ب اسم ابوها ، بيكتبون لها اسم ثاني ، لاتظلمين بنتك عشان ابوها ، عيشيها حياه زينها خليها قريبة منك ، واوعدك بفزع لك ، واخوي محامي ، وبخلي بنتك معك .
منال رفعت عيناها وببتسامة من الامل الذي دبة في قلبها : الله يجزاك خير ماراح انسى معروفك ذا .
وبصوت مُرتجف : لازم ماتكون بالبيت اليوم ولا بكره ولا لاسبوع .
عايد هز راسة بتفهم : انا ماقدر اخذها ، تبيني اوصلها لاحد مُعين ؟! .
منال بتفكير طويل هتفت : فيه واحد اسمه محمد بن علي الصايل ، ودها عنده وقوله اسبوع واخذها .
عايد ب استفسار : ومن محمد ذا ؟! .
منال بهمس وهي تجوارة وتسير خلفه : كان سواق عندنا .
استدار عايد بجسده مستغرب همسها الذي لم يسمع منه شي وذهابها وبملامح ارتسمت عليها الشفقة والرحمة بعد ان فهمه سيرها هُناك .
حملت طفلتها الصغيرة النائمة في سرير صغير في مُنتصف الكرسي الخشبي .



 توقيع : جنــــون


مواضيع : جنــــون



آخر تعديل جنــــون يوم 03-21-2019 في 09:28 PM.
رد مع اقتباس
قديم 03-21-2019   #2


الصورة الرمزية جنــــون

 عضويتي » 752
 جيت فيذا » Feb 2010
 آخر حضور » منذ 3 ساعات (07:52 PM)
آبدآعاتي » 3,247,044
الاعجابات المتلقاة » 7365
الاعجابات المُرسلة » 3669
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
نظآم آلتشغيل  » Windows 2000
مشروبك   star-box
قناتك mbc
اشجع ithad
مَزآجِي  »  رايقه

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ѕмѕ ~
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
мч ммѕ ~
MMS ~

افتراضي



..
منال حملت طفلتها وبغصة قبلت انفها : اريان ي عين امك .
اكملت ودمعتها المالحة تسقط على وجنت الطفلة : ماودك تفتحين اشوف عيونك .
تحركت الطفلة بضيق من حرارة ماسقط على وجنتها .
قبلتها قُبلة طويلة وبهمس : راح احميك منه ، راح ارجع لك ونعيش مع بعض .
انزلت الطفلة على الكرسي وبيد باردة ادخلتها في جيبها واخرجت صندوق صغير مُخملي ذا لون اسود فتحته ورفعت القلادة الصغيرة وببتسامة : الذهب لذهب .
استدارت براسها بعد ان البستها القلادة : انتبه لها .
عايد بحنان وضيق مما يحدث وسايحدث : ابشري .
وقفت وبخطوات سريعة ابتعدت .
وقف عايد دقائق طويلة وهو ينظر لطفلة النائمة في الكرسي البعيد .
نظر لارتجاف اناملة اغلق كفية بشدة محاولاً ابعاد التوتر .
تحرك بخطوات اشبة ماتكون للموت ، ' هل هذا حلم ام فعلاً حقيقة ، ف ان كان حقيقة كيف يطلق عليه اب ؟! ' .
نظر لطفلة الصغيرة التي لايتضح شكلها بسبب اضاءة الحديقة البعيدة عن هذا الكرسي .
حمل سريرها الصغير وبهدوء وثقة تحرك .
..
اوقف سيارته امام منزلة وبهمس نظر لطفلة النائمة والسرير الفخم الذي تستلقي فيه : خليني اغير ملابسي واوديك للي تقول امك ، عاد ماقدر اخليك هنا لحالك .
حملها من سريرها واغلق سيارته وتحرك راكضاً لمنزلة ، فابدا يتخيل له ان العالم كله يعلم ويراقبة .
..
عاد من ذاكرته هامساً : اي والله رميناها .
ام انس بكت بشدة : ليش ماخذيناها ذيك ليلة .
احتضنها ابو انس ونفسة يضيق : ي نورة لاتزيدين علي .
همست ببحة بعد مدة صمت : تتوقع للحين مع الرجال ذاك اللي خليتها عنده .
انتفض ابو انس وبتفكير خايف : مدري .
اكمل بعد صمت : كنت اعرف ذنبها بيلحقني .
رفعت ام انس عيناها وبغصة علقت في منتصف بلعومها : شكل امها بلغت عنك ذيك الليلة .
نظر لها ابو انس بغضب : اعوذبالله لاتظلمين الحرمة وهي ميتة ، وانا متاكد وحده خاطرت بنفسها ذيك الليلة مستحيل تعلم بشي .
وقفت ام انس هاربه بندم على مانطقت به : الله يرحمها ، بروح لشادن .
ابو انس بهدوء : خليك معها وحاولي تسحبين منها شي ، بكاها مهب عاجبني .
هزت ام انس راسها بتعب واتجهت صاعدة .
مسك ابو انس قلبة وضغط بقوة محاولاً تخفيف إلم ،' فهو يستطيع ان يتحمل خسارة اي شي الا عائلتة ، فالتهديدات هذه لاتُطمئن فهو من بدا يلعب مع عائلة الراشد وخاصة زياد ، و ان يإتي التهديد و تحديداً من غرفة ابنتها فهذا يعني تهديد كبير .
..
ام مساعد بحنان بعد ان شعرت بها تفتح عيناها : نوديك للمستشفى ؟!.
وتين بلوعة وضيق تشعر به بدا يربط قلبها : لا ابي غرفتي .
ام مساعد بخوف مسكت ذراعها : اسير واثير روحو بها لغرفتها .
تحركتا التؤام بقلق وهما يتجهون بها للاعلى .
التفتت ام مساعد وبعينان مُستفهمة : وش فيها ي تهاني ؟! .
تهاني بخوف : انا لقيتها كذا .
ام مساعد همست بحدة : يصير خير .
اتاها صوت الخادمة : السيد احمد في الخارج .
توترت ام مساعد ، وبهدوء مُتزن : روحي مع البنات فوق وانتبهو لوتين لين اجيكم .
هزت تهاني راسها وابتعدت خائفة .
..
دخل وبخطوات واسعة اقترب لخالتة مُقبلاً راسها : ودتوها المستشفى ؟! .
تنهدت ام مساعد بتعب : رفضت ي ولدي .
احمد بغضب : وهو على كيفها ترفض ، روحي ناديها بنوديها .
ام مساعد بهمس : وحظرتك من عشان تجبرها ؟! .
احمد بتوتر : يمة انتي عارفه انها زوجتي .
ام مساعد بهدوء : انا عارفه بس هي ماتعرف .
واكملت وهي تجلس : اغلطت يوم دقيت عليك .
احمد بنرفزة : ماحد مسؤول بالدنيا عن وتين غيري .
ابتسمت ام مساعد : ماعلينا ، ماودك تتعشئ معنا ؟! .
احمد بقلة صبر : يمة انا وين ، وانتي وين ؟! .
ام مساعد اشارت على الجزء الفاضي جوارها في الاريكة : تعال اجلس ، والبنت شكل ضغطها انخفض شوي ، وطلعت ترتاح فوق .
احمد بغضب محاولاً امتصاصة : مو اي احد ينخفض عنده .
واكمل : وانا ماقدر اجلس لين اشوفها .
ام مساعد وقفت واقتربت هامسة : ومن انت عشان تشوفها ؟! .
ضرب احمد جبينه بغضب وابتعد ناوياً الخروج .
وقف وهو يشعر بكف خالته على ذراعه : دامك وافقت ع شروط ابوها مالك الا تسكت لين يجي الوقت .
احمد بضيق : ومتى ذا الوقت ؟! .
ام مساعد بهدوء : البنت مافيها الا كل خير ، وراح اطمنك عليها .
احمد بهمس وصل لها : وتين ماهيب على خبري قبل سنين .
ام مساعد ب استغراب : وش تقصد ؟! .
بتر حديثها صُراخ اسير من اعلى السلم : يمة وتين قفلت عليها الحمام ورافضة تفتح .
تحرك احمد راكضاً لاعلى .
تبعته ام مساعد بخوف : ياربي سترك ، وش في البنت .
انزل نظره وهو يرى زوجة مساعد تخرج ، و اسير امام الغرفة التي فهم انها لوتين .
اسير بعينان دامعة عندما تخطاها : رافضه تفتح .
احمد بقلق : وش فيها ؟! .
اثير بصوت خايف : مدري بس قبل ساعة ماكان فيها شي .
دخل مقترباً للحمام وبغضب : وتين افتحي الباب ، بلا حركات اطفال .
..
اغمضت وتين عينيها وبدت تبكي بحُرقة ،' هل فعلاً ابي سيموت والجميع يعلم ؟! ' .
صرخت وهي ترمي الشامبو و الكريمات من امامها : مستحيل يخليني زي امي .
وقفت حركة يدها واذنها تلتقط صوتة : هذا وش يبي .
واكملت صارخة : طلعوه .
اغلقت اذنيها بكفيها : مابي اسمع صوته .
انحنت على المغسلة وبلوعة داهمتها ، حاولت ان تخرج مافي معدتها ، لكن لاجدوه .
..
نطق احمد بغضب : المغسلة وين مكانها من الباب ؟! .
ام مساعد برجفة : بعيدة بعيدة .
عاد احمد للخلف وبدا يدفع الباب بكتفة .
ثم خطى كم خطوة وعاد بكل قوة ليصطدم بالباب ، حتى انكسر قفل الباب وانفتح على مصرعة .
التفتت براسها وسقطت على قدميها ونظرها يقع في نظره .
اقترب احمد وبخوف جلس بجوارها : وتين وش فيك .
علت انفاسها الحارة وبهمس : اطلع .
احمد برفض : ماراح اطلع لين تطلعين معي ، الحمام مب زين لك .
صرخت بضعف : اطلع مابي اشوفك .
وقف احمد وانحنى وحملها بقوة ناطقاً بفحيح : تبين ولا ماتبين مهب على كيفك .
وتين عندما شعرت به يرفعها طوقت عنقة وبدت تبكي بحُرقة .
تصنم احمد من حركتها ، ورفع نظره لخالتة التي لم تعر الموقف اهمية مُمسكة صدرها بخوف : بسم الله عليها .
همست اثير ب استغراب من حركة وتين : تشوفين اللي اشوفة .
اسير بقلق : مو وقتك البنت تعبانة .
هزت اثير راسها بتإييد .
انزلها برفق على السرير هامساً : فيني ولا فيك .
تكورت وتين حول نفسها وبدت ترتجف باكية بقسوة .
اتكى احمد على ركبتة وبهمس : وتين لاتخوفيني وش فيك ؟! .
صرخت بضعف : مابي اشوفك .
ام مساعد بتوتر سحبت ذراع احمد : اطلع اطلع ، ابو مساعد كلمته وع وصول .
احمد صرخ الاخر : والله ماطلع لين اعرف وش فيها ، انتم تستهبلون اطلع وهي وراي ؟!.
اثير ب استغراب من حديثة اقتربت : طيب اقل شي وقف برا ، مايصير تشوفها كذا .
تحركت ام مساعد خارجه وهي تسحب ذراعه : احمد اطلع لايشوفك ابو مساعد .
وهمست : و البنات لايشكون.
خرج بخطوات غاضبة ناطقاً بصوت عالي : قولي ماراح اروح لين تتكلم وش فيها ، او تروح للمستشفى .
دفنت وتين راسها في الوسادة .
جلست اثير بجانبها وبحنان : وش فيك ، لاتخوفينا عليك .
جلست وتين وبعينان مُحمرة وشفاه دكن لونها من البُكاء : اكيد انتي وياها تدورن .
اسير بتوتر : وش ندري عنه ؟! .
صرخت وتين : لا اكيد تدرون دام زوجة اخوكم بعد تدري ، انا الوحيده بينكم دايم مزهرية .
اثير بحدة : وتين تكلمي بلا أللغاز .
ب انفاس حارة واضطربت : ابوي وش فيه ؟! .
شهقت اسير وهي تعود للخلف .
رفعت عيناها لاسير وبملامح حادة : شفتي انك تعرفين .
اثير بتبرير : اكيد انصدمت من سؤالك الغريب .
دفعتها من كتفها بغضب : اطلعوووو .
وقفت اثير ساحبه ذراع تؤامها : لاتكبرين الموضوع وعمي مافيه غير العافية .
رمت راسها ع الوسادة وبتمتمة وهي تنشج بوجع : يكفي مزوجني ب احمد وانا مدري ، يبي يخش مرضه عني .
..
. خلف الباب .
اسير ببكاء : ماقدر اتحمل اشوفها كذا .
اثير بغضب : وتهاني ذي ماتسكت ؟! .
تحركت اسير جهة غرفتهما ماسحة ماينزل من عيناها ، فهي لاتتحمل رؤية احد يبكي امامها .
تنهدت اثير بضيق ونزلت بخطوات مُثقلة .
نطقت وهي ترى والدتها تُقفل الخط : وين راح احمد ؟! .
ام مساعد بتعب : اجبرته يروح لبيتهم .
اثير كتفت يدها وبتسائل : وانتي مالقيتي غير احمد تدقين علية ؟! .
ام مساعد بحدة : ابوك ومشغول ، ومساعد مهب محرم لها .
سكتت فجاة لتهتف مُغيرة الموضوع : كيفها ؟! .
اثير بملامح مصدومة : حتى احمد مهب محرم لها .
ام مساعد بتافف : ومن قال اني دقيت ع احمد ؟! ، هو كان جاي يشوفني .
اثير بعينان ساخرة : يُمة انا شفتك لما دقيتي .
صرخت ام مساعد : اثير روحي شوفي بنت عمك ، لاتخليني اعصب عليك .
اثير بهدوء وهي تبتعد : تهاني قالت لوتين ان عمي مريض ، وكل هذا ردت فعل بس .
وقفت ام مساعد وبغضب : الشرهه على ولدي اللي يقول لمرة .
رفعت الهاتف الذي بدا يهتز : الو .
ابو مساعد بقلق : هاه بشري كيف صارت .
ام مساعد جلست وبملامح وصوت مُتعب : تركتها بغرفتها ، وتراها درت ان ابوها مريض .
ابو مساعد ب استغراب : مهب جديد هي عارفه ان ابوها مريض .
ام مساعد بهمس : لا انه مريض وحياته قصيرة .
ابو مساعد بغضب : وش ذا الكلام عندنا امل بالله ، ثم من قايل لها ؟! .
ام مساعد بتوتر : اذا جيت تفاهمنا .
..
اريان بملل تافف : سنابات المشاهير صارت ملل كلها اعلانات .
هاجر هتفت وهي مشغولة بالرسم في الُكراسة التي امامها : اي والله صدقتي .
نطقت اريان بتعجب : غريبة راكان منزل سنابة وهو دايم صنم .
سكتت فجاه ونظرها يقع على انس .
هاجر رفعت راسها وب استغراب من صمتها : وش فيك سكتي ؟! .
اريان بتوتر : راكان مصور مع انس .
هاجر تركت مابين يدها ووقفت مُقتربة : مين انس .
اريان رفعت عيناها وبربكة : هذا اللي استاجر المزرعة من ابوي .
هاجر جلست بجوارها وبتدقيق لشخص الواقف بجانب راكان : وش عرفك انه اسم انس .
واكملت وهي تُضيق عيناها بشك : وهذا شكلة .
دفعتها بغيض : مسوية بتحشريني ، ابوي قال اليوم العصر عن اسمة ، واذا كيف عرفته شفته امس لما كنا طالعين .
هاجر سحبت الجوال وبتإمل : هذا اللي يقولون مُدير فهد بالشغل ؟! .
اريان بضيق هتفت : ايه .
هاجر ببتسامة : توقعته شايب .
واكملت ب اعجاب ماسكة قلبها : ياخي شوفي جمالة .
سحبت اريان هاتفها وخرجت من تطبيق السناب واغلقت الهاتف ورمته جوارها : ارجعي كملي رسمك .
هاجر ب استغراب : وش فيك ؟! .
اريان بتافف : مافيني شي .
هاجر غمزت ب استهبال مازح : ليكون غيرانة يوم مدحتة ، عاد لا تفكرين فيه ي ماما .
وتنهدت بضيق : تلقينه متزوج .
صرخت اريان وهي تدفعها : تراك متزوجة اخوي لا اشوفك تتغزلين بغيرة ، وانزلي اذلفي لسرير هند ولا اطلعي من الغرفة ، ابي انام .
وقفت هاجر وبملامح مصدومة : بنت امزح .
اريان انسدت في فراشها : حتى لو تمزحين ماحب ذا المزح .
..
وقف السيارة وببتسامة : ماودكم نكمل السهره ببيتنا .
تركي فتح الباب وبضحكة : تبي ابوي يذبحني .
انفتح الباب الخلفي وترجل سيف .
سامي ب استغراب : خلني اوديك .
سيف بهدوء : هذي سيارتي شوفها .
سامي نظر لسيارة وببتسامة اخرج ظرف مادة لتركي : عطه الجوهرة من اختي .
سحبة تركي وبقرف : وش ذي الورعنة الناس بجوالات وهم للحين بظروف .
سامي بخجل لم يظهره : اختي جوالها خربان .
تركي بعينان ساخرة : وليش ماتصلحه لها ي بخيل .
سامي يُمثل الضعف : مسكين مامعي فلوس .
ركل تركي برجلة سيارتة : والسيارة ذي من وين جاتك .
صرخ سامي : ي حيوان سيارتي ، لا تخربها .
تركي ابتعد مُمثلاً التقزز : من زينها عاد ، يالله تحملت اجلس فيها .
نطق سامي لسيف الواقف وعيناه في هاتفة : ولد عمك ذا مهب صاحي حتى مافكر يودعني .
ابتسم سيف وهو يستدير براسة لتركي الواقف امام باب منزلهم ويطرقة : عاد صرنا عارفينه .
ابتسم سامي وحرك يدة مودعاً : يلا مع السلامة .
سيف بتنهيدة وهو ينظر لابتعاد سيارتة : بحفظ الرحمن .
اقترب وبهدوء : ماودك نتعشى برا .
التفت تركي : ابوي حالف علي م اتاخر ، الا تعال تعشى معي .
سيف ببتسامة فاههو يجد فرصة للهرب من العودة لمنزلة : زين تسوي فيني .
سكت بعد ان اتاه الصوت الرقيق المُحبب لقلبة .
اسيل : من .
تركي بسُخرية : الحرامي .
اسيل من خلف الباب : ومين انت يالحرامي .
صرخ تركي : اسيل بلا خبال افتحي الباب .
اسيل ببتسامة شامتة : وين مفتاحك ؟! .
تركي بملل : نسيتة .
اسيل : احسن ، نام عندك .
تركي بوجع راس بدا يُداهمه : افتحي الباب لاتخليني اكسرة فوق راسك .
اسيل ب استفزاز : اتحداك .
صرخ تركي : اسيل ي حيوانة افتحي .
اسيل بتافف ساخر : ياخي خلنا نرتاح منك يوم .
انفجر سيف ضاحكاً .
اسيل بتوتر وهي تسمع الصوت الرجولي الضاحك : من معك ؟! .
نظر تركي لسيف الواقف بجوارة : وانتي وش دخلك .
سيف ببتسامة : انا سيف ي اسيل .
مسكت قلبها الذي بدا يخفق بعُنف عندما نطق حروف اسمها .
همس تركي : بتسوي مستحية ماراح عاد نسمع صوتها .
ورفع صوته ناطقاً : افتحي الباب واذلفي داخل .
فتحت قفل الباب بفشلة وتحركت بخطوات سريعة لداخل .
دخل تركي وتبعه سيف هاتفاً : لو عارف بتفتح الباب تكلمت من اليوم .
دخل تركي المجلس واشغل الاضاءة هاتفاً بتذمر : مو وقته ينام .
ابتسم سيف وهو يرى علي ينام بعمق في فراشة الذي يتوسط المجلس : ليه ؟! .
تركي بهمس : عشان نسهر مع بعض ونلعب ورق قبل تروح .
سيف داعب خُصلات شعره بخجل ناطقاً : مايحتاج نسهر بنام عندكم .
صرخ تركي بفرحة وهو يرمي جسده عليه : وش ذي الليلة الحريقة .
ابعده سيف بتقزز : ي شين حضنك .
ابتسم تركي : ع سالفة الحضن ، بروح احضن زوجتي العزيزة واجيب العشاأ واجيك .
صرخ علي بضيق : طف اللمبة واذلفو بالحوش .
غمز تركي هامساً : شوف الفرشة بالزاوية اللي تحت السدرة ( شجرة سدرة كبيرة في زاوية فناء المنزل ).
هز راسه سيف وهو يخرج للفناء .
..
دخلت الجوهرة بعجلة : بنات شفتو شاحن جوالي ؟! .
هاجر بهدوء وضيق بان على حركات يديها في الرسم : لا .
الجوهرة ب استغراب من جو الغرفة الهادي : فيكم شي .
اريان جلست وبتبرير كاذب : اقول لها تطفي النور وتطلع لاني ابي انام ورافضة .
الجوهرة نظرت لها وبسُخرية : من جدك بتنامين ي دجاجة ؟! .
اريان رفعت حاجبها : من الدجاجة ؟!.
استدارت الجوهرة بجسدها وهي تسمع نداء تُركي : الجوهرة ؟! ، وين الجوهرة .
صرخت وهي تقفز خلف اريان : قولي ماتت .
ابتسمت اريان وبخبث : من الدجاجة ؟!.
الجوهرة احتضنتها من خلف وبخوف : انا انا .
عدلت هاجر شعرها القصير وبضيق : دامه يبيك اطلعي له ، تراني مو ناقصة اقابل وجهه .
اتاها صوت تركي الذي سمع مانطقت : عيدي ي قلبي من اللي ماتبين تقابلين وجهه .
هاجر بتوتر من نظراته : الغرفة لها باب .
تركي اقترب وانحنى وهو يتكي ب كفية على سرير هند ويظهر له نصف وجهها : قولي اني سمعت غلط وانك تبين تقابلين وجهي .
هاجر والكلام يغص في بلعومها : لا ماسمعت غلط .
ابتسم تركي واقترب مُقبلاً وجنتها بقوة .
صرخت هاجر وهي تُبعده .
عض تركي وجنتها وبهمس : ادري انك ميته شوق ، لا اشوفك تكذبين .
دفعته وبغيض : مصدق نفسك ع ايش انت .
التفت بجسده لاريان والجوهرة وببتسامة : وش رايكم فينا .
اريان ابتسمت مُحتضنه كفيها : وقسم فرحانة اني اشوف اقرب اثنين لقلبي قدامي .
استدار تركي براسة وغمز بخبث : انا كل شي ابيعة لسعادة اريان .
وانحنى هامساً : وقريب نجيب بنوتة ونسميها اريان ، عشان نسعدها اكثر .
صرخت هاجر وهي تضربة : ب احلامك .
نطقت الجوهرة بربكة : احس اني غلط يلا اشوفكم ع خير .
ضرب تركي جبينة مُتذكراً : ايه سامي قالي .
صرخت الجوهرة مُقاطعة حديثة : يكذب يكذب .
تركي ب استغراب : وش يكذب !؟ .
الجوهرة بتوتر فاركة يديها : اللي قالة .
تركي ادخل يده في جيبة واخرج رسالة : الله يعين اخيتي ع ذي المريضة .
الجوهرة بغضب وقفت امامة : مين المريضة ي مريض ؟! .
سحب تركي شحمت اذنها : ماتتوبين ؟! .
دفعته بقوة ماسكة اذنها بإلم : ماينمزح معك .
رمى تركي الظرف وبقرف : وش ذي الورعنة ترسل لك ظرف .
الجوهرة التقطته وب استفهام : منهي ؟! .
تركي بتنهيدة يُمثل فيها الاعجاب : اخت سامي .
اريان ببتسامة : شكل اخونا يحب .
نظرت له هاجر بغيض .
اقترب منها تركي وسحبها لحضنة : لا تظلمون قليبي مايحب غير هاجر .
ظهر ع ثغرها شبح ابتسامة و اخفتها وهي تدفعه هامسة : ماتستحتي من خواتك ؟! .
اعتدل وهو يبتسم هاتفاً : انا وسيف بالحوش ، جيبي لنا عشانا برا واذا بتجين ي قلبي تجلسين معنا يكون ازين .
صرخت هاجر : احلف .
ابتسم خارجاً : ليش اكذب .
تبعته بخطوات واسعه .
نطقت اريان ب استغراب من صمتها : الجوهرة وش فيك ، بتجلسين واقفة ؟ .
الجوهرة بتوتر من الرسالة التي تحملها : لا بروح للبنات ، ماراح تجين ؟! .
اريان تلحفت وحركت راسها برفض : شوي رجلي توجعني بنام ، طفي النور معك .
جلست بعد سماعها اغلاق الباب ، سحبت هاتفها ودخلت تطبيق السناب وبعينان مُتاملة بدت تتإمل انس الواقف يسار اخاها .
همست بتفكير ونظرها يستقر في عيناه : من انت ي انس ؟!
..
.. نهاية البارت الواحد والعشرون ..


مواضيع : جنــــون


التعديل الأخير تم بواسطة جنــــون ; 03-21-2019 الساعة 09:29 PM

رد مع اقتباس
قديم 03-21-2019   #3


الصورة الرمزية نجم الجدي

 عضويتي » 134
 جيت فيذا » Feb 2009
 آخر حضور » منذ 3 ساعات (07:53 PM)
آبدآعاتي » 273,447
الاعجابات المتلقاة » 2151
الاعجابات المُرسلة » 5717
 حاليآ في »
دولتي الحبيبه » دولتي الحبيبه Saudi Arabia
جنسي  »  Male
آلقسم آلمفضل  » الاسلامي
آلعمر  » 48سنه
الحآلة آلآجتمآعية  » مرتبط
 التقييم » نجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond reputeنجم الجدي has a reputation beyond repute
نظآم آلتشغيل  » Windows 2000
مشروبك   cola
قناتك mbc
اشجع naser
مَزآجِي  »  احبكم

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ммѕ ~
MMS ~

افتراضي



يسعدك الله على الموضوع
وعلى اختيااااره الا كثر من رووووعه

شكرا يعطيك العااافيه

نجمكم


 توقيع : نجم الجدي






رد مع اقتباس
قديم 03-22-2019   #4


الصورة الرمزية بوزياد

 عضويتي » 28761
 جيت فيذا » Jan 2016
 آخر حضور » 01-20-2023 (12:16 AM)
آبدآعاتي » 38,577
الاعجابات المتلقاة » 17
الاعجابات المُرسلة » 27
 حاليآ في » سعودي وافتخر
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الاسلامي
آلعمر  » 17سنه
الحآلة آلآجتمآعية  » مرتبط
 التقييم » بوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond reputeبوزياد has a reputation beyond repute
نظآم آلتشغيل  » Windows 2000
مشروبك   7up
قناتك abudhabi
اشجع ithad
مَزآجِي  »  اتسوق

اصدار الفوتوشوب : Adobe Photoshop 7,0 My Camera: Sony

My Flickr  مُتنفسي هنا تمبلري هنا My twitter

мч ммѕ ~
MMS ~

افتراضي



متصفح يحمل لنا كل
ماهو مفيد ونافع وينتقى باسلوب
مبدع لما يحويه من جوهر ودرر
لا استغناء عنها اكون مجبراً
على الانحناء لهذا المتصفح
كل التقدير والتبجيل
مودتي


 توقيع : بوزياد






كن كالصحابة في زهد وفي ورع *** القوم ما لهم في الأرض أشباه
عباد ليل إذا حل الظلام بهم *** كم عابد دمعه في الخد أجراه
وأسد غاب إذا نادى الجهاد بهم *** هبوا إلى الموت يستجدون رؤياه
يا رب فابعث لنا من مثلهم نفراً *** يشيدون لنا مجداً أضعناه


رد مع اقتباس
قديم 03-22-2019   #5


الصورة الرمزية مجنون قصايد

 عضويتي » 27626
 جيت فيذا » Jul 2014
 آخر حضور » منذ 17 ساعات (05:50 AM)
آبدآعاتي » 265,319
الاعجابات المتلقاة » 1849
الاعجابات المُرسلة » 8770
 حاليآ في »
دولتي الحبيبه » دولتي الحبيبه Saudi Arabia
جنسي  »  Male
آلقسم آلمفضل  » الاسلامي
آلعمر  » 51سنه
الحآلة آلآجتمآعية  » مرتبط
 التقييم » مجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond reputeمجنون قصايد has a reputation beyond repute
نظآم آلتشغيل  » Windows 2000
مشروبك   cola
قناتك mbc
اشجع ithad
مَزآجِي  »  احبكم

اصدار الفوتوشوب : لا استخدمه My Camera: Sony

мч ммѕ ~
MMS ~

افتراضي



ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد


 توقيع : مجنون قصايد






رد مع اقتباس
قديم 03-22-2019   #6


الصورة الرمزية نبضها حربي

 عضويتي » 28286
 جيت فيذا » Apr 2015
 آخر حضور » منذ 4 يوم (04:10 PM)
آبدآعاتي » 68,317
الاعجابات المتلقاة » 692
الاعجابات المُرسلة » 100
 حاليآ في » السعوديه
دولتي الحبيبه » دولتي الحبيبه Saudi Arabia
جنسي  »  Male
آلقسم آلمفضل  » التراث
آلعمر  » 25سنه
الحآلة آلآجتمآعية  » متزوجه
 التقييم » نبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond reputeنبضها حربي has a reputation beyond repute
نظآم آلتشغيل  » Windows 10
مشروبك   pepsi
قناتك mbc
اشجع ahli
مَزآجِي  »  اطبخ

اصدار الفوتوشوب : Adobe Photoshop 9 CS2 My Camera: Sony

мч ммѕ ~
MMS ~

افتراضي



طرح رائع
يعطيك ألف عافيه


 توقيع : نبضها حربي





رد مع اقتباس
قديم 03-22-2019   #7


الصورة الرمزية ملكة الجوري

 عضويتي » 29073
 جيت فيذا » Sep 2016
 آخر حضور » منذ 2 أسابيع (03:13 PM)
آبدآعاتي » 601,601
الاعجابات المتلقاة » 6636
الاعجابات المُرسلة » 6081
 حاليآ في » فديټ قـ❤ـڵبا اהּـآ فـيـہ
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » العام
آلعمر  » 22سنه
الحآلة آلآجتمآعية  » مرتبط
 التقييم » ملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond reputeملكة الجوري has a reputation beyond repute
نظآم آلتشغيل  » Windows 2000
مشروبك   water
قناتك mbc
اشجع hilal
مَزآجِي  »  لااله الا الله

اصدار الفوتوشوب : Adobe Photoshop 7,0 My Camera: Sony

мч ѕмѕ ~
جـميلة
محيا وسمحة خلق ،
ودقيقة عود
غزالن تقود البـيض
ماهيب تنقادي


мч ммѕ ~
MMS ~

افتراضي



يعافيك ربي على زاويتك الراقيه
وشكرا لَطـــرحك المُميز وإِختيارك الرائع
’’
عبق الجُــــــوري لـ رُوحِك..’



 توقيع : ملكة الجوري



رد مع اقتباس
قديم 03-22-2019   #8


الصورة الرمزية الغنــــــد

 عضويتي » 28230
 جيت فيذا » Mar 2015
 آخر حضور » 10-28-2020 (01:39 PM)
آبدآعاتي » 152,131
الاعجابات المتلقاة » 428
الاعجابات المُرسلة » 14
 حاليآ في »
دولتي الحبيبه » دولتي الحبيبه
جنسي  »
آلقسم آلمفضل  »
آلعمر  »
الحآلة آلآجتمآعية  »
 التقييم » الغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond reputeالغنــــــد has a reputation beyond repute
نظآم آلتشغيل  »
مشروبك
قناتك
اشجع
مَزآجِي  »

اصدار الفوتوشوب : My Camera:

افتراضي



يسعد لي مسااااااااااك

وتسلم الأناااامل على هيك

صفحة جميلة ورائعه كما تعودنااااااك


يعطيك العااافيه


وشكر لك




رد مع اقتباس
قديم 03-23-2019   #9


الصورة الرمزية جنــــون

 عضويتي » 752
 جيت فيذا » Feb 2010
 آخر حضور » منذ 3 ساعات (07:52 PM)
آبدآعاتي » 3,247,044
الاعجابات المتلقاة » 7365
الاعجابات المُرسلة » 3669
 حاليآ في » » 6ـلىآ رَصيـﭮ الـجنـﯛטּ εïз ••
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الترفيهي
آلعمر  » 17سنه
الحآلة آلآجتمآعية  » مرتبط
 التقييم » جنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond reputeجنــــون has a reputation beyond repute
نظآم آلتشغيل  » Windows 2000
مشروبك   star-box
قناتك mbc
اشجع ithad
مَزآجِي  »  رايقه

اصدار الفوتوشوب : Adobe Photoshop 7,0 My Camera: استخدم كاميرا الجوال

мч ѕмѕ ~
لا أخشى عليك

..................من نسآء الكون

بــل أخشى عليك

من #

طفلة
تشبهني

مشآكسَة ، ثرثآرة ، مجنونة ، وتحبكَ كثيراً كثيراً
мч ммѕ ~
MMS ~

افتراضي



يسلمو ع المرور


مواضيع : جنــــون



رد مع اقتباس
قديم 03-23-2019   #10


الصورة الرمزية ضامية الشوق

 عضويتي » 28589
 جيت فيذا » Oct 2015
 آخر حضور » منذ دقيقة واحدة (11:42 PM)
آبدآعاتي » 1,054,812
الاعجابات المتلقاة » 13796
الاعجابات المُرسلة » 7946
 حاليآ في » سلطنة عمان
دولتي الحبيبه » دولتي الحبيبه Oman
جنسي  »  Female
آلقسم آلمفضل  » الفنى
آلعمر  » 22سنه
الحآلة آلآجتمآعية  » عزباء
 التقييم » ضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond reputeضامية الشوق has a reputation beyond repute
نظآم آلتشغيل  » Windows 7
مشروبك   7up
قناتك mbc
اشجع ithad
مَزآجِي  »  اطبخ

اصدار الفوتوشوب : Adobe Photoshop 8 CS My Camera: استخدم كاميرا الجوال

мч ѕмѕ ~
أحبك وأنت النبض ودقات قلبي كله:066
мч ммѕ ~
MMS ~

افتراضي



سلمت يمناك
طرح جميل جدا


 توقيع : ضامية الشوق


أخي نساي
شكرا على إهداء ربي يسعدك


رد مع اقتباس
إضافة رد

مواقع النشر (المفضلة)

الكلمات الدلالية (Tags)
/, 20, الذكريات, بيضاء, جفاف, رُكن, رواية, في, وردة


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
الديوان المكتوب للشاعر / محمد بن فطيس المري "المقروءهـ" المكتوبه نادر الوجود …»●[دواويــن الشعــراء والشاعرات المقرؤهـ المسموعهــ]●«… 23 07-03-2011 11:22 PM
العين والرؤيا ... موضوع طبي شامل . البرق النجدي …»●[لكل داء دواء ولبــدنكـ عليكـ حق]●«… 6 03-16-2009 01:04 AM
ااسماء الله الحسنى ضحكة خجوله …»●[ أرواح أيمـــانيـــه ]●«… 8 01-22-2009 08:13 PM
موسوعه قصايد ليل المعلوماتيه ...؟ البرق النجدي …»●[لكل داء دواء ولبــدنكـ عليكـ حق]●«… 12 01-12-2009 08:18 PM
ღღسلـــــةفواكـــــــه والخضـــرواتღღ نادر الوجود …»●[لكل داء دواء ولبــدنكـ عليكـ حق]●«… 6 12-13-2008 01:43 AM

Loading...


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع حقوق النشر لشعارنا و كتابنا ومسميات الموقع خاصة و محفوظة لدى منتديات قصايد ليل الأدبية