أعيد..أزيد..أزيد..وأعيد..وأزيد

أغلط ..وأكرر للغلط وأرجع أعيد!!
وأصلح الغلطه..بغلطه جديده!!
أعيد..أزيد..أزيد..وأعيد..وأزيد
وأغلط..وأعيد..أزيد..وغلط وأعيده
أحسب ويطلع ناتجي عكس ماريد
والحل يطلع عكس حلً أريده
عجزت أحدد نقطة الصح تحديد...
عجزت لا آصل للحلول السديده
وعجزت أوحد وحدة الرآي توحيد
بهدف وحيد..أطلع بجمله مفيده
مازلت واقف بين شكيً وتأكيد
ومابين قيد المحتمل والأكيده
أركض ..ولكني عجزت آصل الميد
وأنهد حيلي والمسافه تبيده
أحلم..وأهيم بعالم الحلم وأهيد
من دون شى أستثمره وأستفيده
العبء يكبر والحمل يكسر الحيد
والوقت قاسي والليالي عنيده
لاقلت زان الوضع يزداد تعقيد
ولاقلت هانت..!طال عمر الوعيده
شاخ الأمل وبانت بوجهة تجاعيد
وساع الرجاء..مليت رجوى بريده
بين الشموع الخافته والأناشيد
عايش على(ذكرى الضياع)المجيده
"العيد"."كان إني معك".جبت أنا العيد
لاتعاتب المقرود لو جاب عيده
عاتب..زمن..عاتب..حظوظ المقاريد
وفقر وأسى نصف الشعوب التليده
وعادات وسلوم العرب والتقاليد
وأحكام ماتحمل لشرع وعقيده
والعنصريه والجهل والمناقيد
ونفوس ناسً كل دورً تجيده
طبع الخريف ايجرد الغصن تجريد....
والريح تعزف من غصونه نشيده
وطبع البشر مأخوذ من قسوة البيد
وعهودهم تشبه كلام الجريده
الغلطه..اللي ماوراها مقاصيد
تنعد حاجه تافهه أوزهيده
جرح المشاعر مانفع فيه تضميد
لاصار بأقصى القلب ينزف صديده
"لافات!!..فات..الفوت"..الصوت..مايفيد..
وعذر الخطاء!!..بعد الخطاء!!..مايفيده
مابه جدى غير الجدى والتواجيد
ماعاد فيه أحلام حلوه سعيده
رسالتك شبت بجوفي مواقيد..
ومضمونها سبب ولادة قصيده

منقوووووووول

صح لسانك ولسان شاعرها

قصيده جميله

الف شكر

طرح رائع قلبي

وربي مايحرمنا من تواجدك وجديدك وابداعك الراقي

كالعادهـ انتقاء رائع
دمتم بهذا العطاء المستمر

تميز دآئما بموآضيعكَ
شكرآ لك
عَ’ـلى آلطرحَ آلآكثَرْ من روَعْه
يعطيك آلفَ عآفيه
دَمت بطَآعةَ آلرحمنَ وحَ‘ـفظهـَ
تحيآتيَ وتقٍديريَ لكَ

لاهنت على طلتك عود اليل

لاهنتي على طلتك وصووفي

لاهنتي على طلتك غرام

لاهنتي على طلتك سوسو