فيصل العدواني

§¤,,~°~,,¤§ عــدوان §¤,,~°~,,¤§





ماقل شأن ولا ارتفع بالشعر شأن

وكلا على ماقيل يجني حصيله

بالطيب والمعروف ولا بالاحسان

ولا مروسة الحكي والرذيله

فواز انا ياخوك مانيب زعلان

بس الزعل عمر بصدري سبيله

البارحه كني على راس بركان

وهم يعن القلب واخر يشيله

بلغ من اللي قد حشمته على شان

اطلق بني عمه يطول مقيله

وقله يابلشان بايش انت بلشان

ماطاب شي في خفاك تعنيله

تمشي على السكه ومن غير ميزان

هبيل خارجتك عقول هبيله

لاتحسبني معك ياهووه بحلان

شرواك رميه ماتعدى شليله

لكن ياغلبان دام انت غلبان

وش لك تناطح شي ماتقتويله

فواز مازايد على حب عدوان

قبيلتي ويارفعها من قبيله

ينطق بها دمي قبل لغوة لسان

والمدح يزهاها وهي تزدهيله

ان قلت بجمع طيبها تعجز اوزان

ماطاب راسي ولا القلم يهتويله

لانها بعيني شي اكبر وشتان

يوصفها شعري ولو لفيت بجزيله

يشهدلها تاريخ وازمان وازمان

من عهد ذو الاصبع وقيس وليلى

يوم الوغى يطحن وروغات الاذهان

حنا مقابيس الوغى والفتيله

اليا اختلط عج الرمق قدم الاعيان

نطلق حجاج اللي تعزوا بضليله

صغيرنا يكرم على كل نقصان

وكبيرنا دايم يزم الثقيله

سمي علينا الطائف العز وديان

ورجال تذكر بالكرم والنفيله

حدينا يقضي اللازم بكل ميدان

وقليلنا يكفي ولاهي قليله

كان العدد يزهي قبايل وعربان

حنا عددنا بالفعايل نخيله

ياقوم يا بلشان بايش انت بلشان

طيح ركابك لاتعود هزيله

وفواز انا ياخوك مانيب زعلان

تو الزعل طفى بصدري سبيله

§¤,,~°~,,¤§ نـــرجــســيــه §¤,,~°~,,¤§



نرجسيه..نرجسيه..أذكـر انهـا نرجسيـه


كلمة مطلع قصيـدة راودتنـي مـن زمـان


كنت ابي اكتبها ولكن عيت ظروفـي عليـه


والزمان أيضا حداني و بهدها كان اللي كان


نرجسيه ياعلـي بنـت تمـادت بالخطيـه


أسرفت في حالي حتـى عفتهـا يابـورزان


بعثرت عمري شظايا بين ذيك و بين ذيـه


ولا قويت أجمع شتات العمر وأطراف الحنان


أذكر إني كنت اهوجس في غـلا هالأدميـه


وأحسب للحزة لقاها هالدقايـق و هالثـوان


وأذكر اني كنت اشكك في وجـود الجاذبيـه


وأتساءل ليه أطير إليا دعتنـي فـي مكـان


وكنت أظن ان النهار اليا ظهر ثم بان ضيه


إستمد النور منها ثم خـذى منهـا ضمـان


والضمان أنها تصون السر عن كل البريـه


ماتخبر به قريب ولا يسولـف بـه لسـان


جادل ربي حباهـا فـي ملامـح يوسفيـه


عنق ولإ خسـر والإ ..يادخيـل المستعـان


إن تهادت في خطاها تسلب العقـل برويـه


وإن تثنت شحت كفي وش بقى للخيـزران


وإذ انتثر مجدولها اللي حشى ماشفت زيه


فاح ريح العود وإلا هـو عبيـر القحـوان


من نظرها كنه اللي ماحسب طعنـة خويـه


ولا له إلا لابتسـم ثغرهـا عـض البنـان


لو نظرها ابن الملوح عاف ليلى العامريـه


يختلف طرقه و نهجه وتصبح العشره ثمان


يترك الشعر المقفى و الحـروف الابجديـه


او يهيجن هيجنة بدو لهـم عـزه وشـان


أشهد انها من عذابي ياعلي ماهـي بريـه


قلبها قاسـي و نـادر مـا تمايلـي و لان


عرضتني للهجير و قالـت أمشيلـك بفيـه


واتركتني للسهاد ولوعـة أصفـاد الهـوان


واستباحت كل عرق من عروقي و الضحيه


حبنا اللي من سواهـا ماصفـا مـرة وزان


عنجهيه و نرجسيه.. نرجسيه و عنجهيـه


حلها وشلون مادري!!طالبـك يابـو رزان

§¤,,~°~,,¤§ الــطـــلـــســمه §¤,,~°~,,¤§



لا إلـه الا انـت يـا رحمـن ياواحـد احـد

واهـبٍ نـور الهدايـه عـن دروبٍ مظلـمـه

باسـطٍ سبـعٍ وسبـعٍ فوقهـا بلـيـا عـمـد

فارضٍ خمـسٍ عليهـا العبـد نفسـه مسلمـه

اشهد ان وحدك إلهـي ربنـا الفـرد الصمـد

واشهـد محمـد رسولـك والكـذوب مسيلمـه

واستجيـر برحمتـك يالله مـن ضيـق اللحـد

والتجيبك من عـذاب القبـر واهـل المشئمـه

واستعيذك يا اله الكـون مـن حاسـد حسـد

ومن نفث في عقدته من بعـد ذيـك الطلسمـه

ثـم اببدابـك الهـي راجـيٍ منـك الـرشـد

الشعر يغـوي وانـا غاويـه لاجيـت انظمـه

دام بي فيـض المعانـي كثـر طفـاح الزبـد

الخطا وارد وانـا عبـدك ولا اقـدر اعصمـه

اجتهـد وادري بـإن ماكـل مـن يجهـد ورد

للمصاب اللي يبيـه مـن بعـد شـدة محزمـه


يعني لو صح المثال ان كـل مـن جـدا وجـد

كان ماخسر الفتـى وخطتـه كانـت محكمـه


وكان ماشفنا مـن اللـي فزعتـه تسـوا بلـد

نكـس ارقبتـه والا يـادوب يجتـر انسـمـه

وقتنـا فيـه التضـاد اشكـال واكثرهـم نكـد

الجلم فيه اذكيـا!! ولا الذكـي فيـه جلمـه؟؟

فوضويه عارمـه لامـا حصوهـا فـي عـدد

والحقايـق خايبـه والزيـف يرتـف علـمـه

مثل مـا شفنـا البخيـل اليـوم للعليـا صعـد

بكره انشوف الكريـم ان مـر ذكـره نشتمـه

البخـل ماهـو ببخـل المـال لاشـح المـدد

البخـل باللـي تكاثـر ضحكـةٍ مـن مبسمـه

والجبان اسوء صـوره الـذل والاسـواء بعـد

قذف عـرض المحصنـه يالله لاتبـري دمـه

والادب ماهو رزانـة القـاف للـي بـه نشـد

كـم وكـم شاعـر يخالـف مايدونـه اقلمـه

ماسلمت..ولاسلـم غيـري ولـو انـه جحـد

اغلب الشعـار تخطـي والخطـا فينـا سمـه

كن عيني عن طريـق الحـق حاديهـا الرمـد

ولـو بفكـر بالاجابـه .. الاجابـه مبهـمـه

وان تجاهلـت الحقايـق داخلـي شـيٍ وقـد

ما قوى صدري يطيقه ونفسـي عيـت تهظمـه

ان مشت رجلي تبعها..وان قعدت يمـي قعـد

مدري هو..!!باقي الضمير الحي وأزريت اكتمه

رحمتك يامن ملكت الكـون والهمنـي الرشـد

دام يغويني الشعـر واغويـه لاجيـت انظمـه

ودام بي فيض المعانـي كثـر طفـاح الزبـد

الخطا وارد وانـا عبـدك ولا اقـدر اعصمـه

§¤,,~°~,,¤§ الــــحـــداثـــه §¤,,~°~,,¤§



ياوجودي كل ماجا الليل وانسام البراد

لحظه وقف لاتكمل لاتقول ولاتعيد

الشعر هذا تخلف راح مع عصر الرماد

وانت جاي اليوم تفتح باب ملغي من جديد

انفض افكارك تطور واترك الجهل المباد

يعني افهم وش بقوله باختصار لك مفيد

تدري وش معنى الحداثه ان تكون الكاف صاد

ان يكون المعنى مبهم يخلو من شي مفيد

قلت فكره باقتنصها ببتدي في حرف ضاد

ليه مدري ضاد لكن حرف ع الساحه جديد

ضرس دفتر نار عايد كوخ اكبر من بلاد

شر وارد عود جاحد هرن مزعج له وقيد

شي مدري فوق مدري روح تخرج من جماد

شمس شارع ليل خيزه يالربع هذا قصيد

هيه ياللي تتهمني بالتخلف والعناد

والله ياتهمتك هذي كنها بشرات عيد

لعنبو غيرك تمعن وناظر بنظره حياد

والله مايقبل قصيدك لا هبيل ولا بليد

قلبوها شقلبوها عرضوها للحماد

يامسطرة الحداثه حلو عن راسي بعيد

ابعدو عني بهيجن واتوجد والقناد

ريحه ذاد توارا سلسله لاعذب نشيد

وانت ياغرو ٍ تمكن من حشاشات الفؤاد

لين صار القلب عبدك وانت له عم و سيد

هذا وانت بالعمر توك ماتجاوزت الرشاد

كيف لاكبرت سنينك والمكرعندك يزيد

من دلع حتى وبيك بس تناديله ياداد

لادمعت عينك رهن بيته ووفرلك رصيد

ولا انا من جيت للدنيا ومن بعد المهاد

صاحت عجوزي قم ياجعلك ماتفيد

ماسهرت عينك وجفنك ماعرف طعم السهاد

مترف ربي بسطلك كل مابالك يريد

ان مشى اقعد اتم تم هاد هاد هاد هاد

من غنجك حتى خطاتك كنها وسط قيد

باب بيتك لو تعبره صاحلك ارحم ياواد

والشبابيك اتهامس هو كذا طبعه عنيد

لب عينك ولب خدك ولب مزقول السواد

ولب عناب يضم الشهد وحبات الجليد

تدري ايدي لو تلامس بشرتك تدمى وكاد

لان ايدك انت ايد وايدي انا ماهي ايد

هو كذا ربي فرقنا بس جمعنا بالمراد

يعني اعشق شوف طرفك وانت مثلي ذا اكيد

طاغي فيك بصفاتك زينك رب العباد

حلم واصبحلي حقيقه دون كالعالم زهيد

كل من مر ونظرنا جالسين بانفراد

قام يشر في بنانه هاهو الشخص السعيد

اعشقك والعشق يذبح وانت بيديك الزناد

ان بغيت تدمرلي حالي وان بغيت احيا رغيد

وياوجودي كل ماجا الليل وانسام البراد

وقد من شافك ولا له غير نظره من بعيد

§¤,,~°~,,¤§ مــــســـرحـــيـــه §¤,,~°~,,¤§



مسرحيـه صـارت الدنيـا بعيونـي

وانتي اجدر من لعـب دور البطولـه

يامـلاك الحـب عفـوا .. ياجنونـي

لو سمحتي بخاطـري شـيٍ بقولـه

بسألك وشلون خابـت بـك ظنونـي

وكيف هانت عشرتي معـك بسهولـه

وليه كنـت توصفـي حالـك بدونـي

مثـل وادي ينتظـر تجـري سيولـه

هو غبا منـي تسيـر نـي شجونـي

او غبا اتبـع خفوقـي فـي ميولـه

او غبا صديت عـن نـاس نهونـي

ثم ضربت الكون في عرضه و طولـه

وانصحوني..وانصحوني ..وانصحوني

لا تجي خطـوات رجلينـك عجولـه

وكنت اكابر و احلف انـك ماتخونـي

لين جتني طعنتك فـي صـدر يولـه

فعلتـك تمحا و يبقـى يافتـونـي

شـي واحـد وان سمحتيلـي بقولـه

انتي اعلم من اكـون ومـن تكونـي

والجبـل مـا هزتـه ريـح خجولـه




§¤,,~°~,,¤§ عــــبـــث نــــكــــتــــب §¤,,~°~,,¤§



على ذكـر الـذي نـزل كتابـه للنبـي داود

ونجّا موسى من فرعون بعد ما غرق وأعوانه

اببدى والقصيـده توّهـا فـي أول العنقـود

مثل نبتٍ زهي طلعه عيون الناس بأغصانـه

وأنا رجلٍ أخاف الله واعرف العيب والمنقود

ولانى من كذب كذبه وصدقها علـى ألسانـه

غشيمٍ لاهرج جاب السوالف صِدقهـا مفقـود

وناخذهـا علـى منهـج ايـا دانـه ويادانـه

نخيتك وأن نخيتك يا قصيدي كنـك البـارود

تجيني بفزعتك ثاير وتنصاني بأخـو فلانـه

أبي لا ضاقت الدنيا بعينـي والليالـي سـود

تبدد ضيقتي بقافك وسـج بروعـة ألحانـك

وبشكي لك زمن جاحد وحنا قسمنا المجحود

زمن ضيع خطاوينا وصار الزيـف عنوانـه

زمن فيه الشجاع ايهاب ودربه بالشقى موعود

زمن فيه العزيز يذل ويكثـر فيـه حقرانـه

زمن خلا ضعيف النفس واللي ما وراهم فود

تعلوا في مراتبها وصـاروا بـأول الخانـه

جهل نرسم أمانينا حرارٍ مـا تعـرف اقيـود

وحنا ما بنا واحد سلـم مـن ظلـم سجانـه

وعبث تكتب مشاعرنا قصايد والعنى مولـود

ربى داخل محاجرنا وصرنا نعشق احزانـه

قضينا عمرنا نتعب نبي قولت لبـن مـردود

نعيش احلامنا بدنيـا بهـا الأحـلام خوانـه

حدينا ما يبات الليل وجاره يشكتـي مهبـود

يرد الظلم للظالم لـو أنـه أقـرب اخوانـه

واذا صار الأمل دايم على حبل الرجا معقود

دعينا ربنا يلطـف بحـال الوقـت سبحانـه

§¤,,~°~,,¤§ طــــلال الــــرشـــيــــد §¤,,~°~,,¤§




من لفــــى علم الجزائرامتزج لون الكأبـــــه

في عيونـي لين صار العلـــم اكثر من اكيـــــد

يرحــــم الله من توفى وافجــع الناس بغيابــــه

والحــزن في ذمتـــي ما اختص في الرشيــــد

كل نفـــس تعشق العليـــا وقولت مرحبــا بــه

تذرف دمــــوع المفـارق فيك يا اغلى فقيـــــد

والله ان الشعـــريعجـــزفي حروفه والكتابــــه

ماوصـــف هماً تزاحــم ثم جرىوسط الوريـــد

غبـــت ياسيف الطنايـــاومركزالجودونصــابه

غبـــت لا ما غبت غاب الفجر والله الشهيــــد

جعل ربي يسكنــــك جنات عــدنً والصحابـــه

بين صديق الرسالــه وبين خالدبــن الوليــــد

وجعـــل ربي يسعــدك بالقبر ويجعلـــك برحابه

وحده الغفــار والمنجي وذو العرش المجيــــد

ويالله الرحمـن عينه في سؤالـــك والاجابــــه

وطهره من كـــل ذنــبٍ مثل مولــــودٍ جديـــــد


ولا نقـــول الا رضينا بحكـــــم خـــلاقٍ نهابــــه

ومن يموت من دون نفسه صار بأذن الله شهيد


والبقــــا بنـــواف جعــل الله يخليــه لشبابـه

ومن يخلف ما يموت وهـــذا هـو العلم الاكيد

§¤,,~°~,,¤§ طــــلال الــــرشـــيــــد §¤,,~°~,,¤§




من لفــــى علم الجزائرامتزج لون الكأبـــــه

في عيونـي لين صار العلـــم اكثر من اكيـــــد

يرحــــم الله من توفى وافجــع الناس بغيابــــه

والحــزن في ذمتـــي ما اختص في الرشيــــد

كل نفـــس تعشق العليـــا وقولت مرحبــا بــه

تذرف دمــــوع المفـارق فيك يا اغلى فقيـــــد

والله ان الشعـــريعجـــزفي حروفه والكتابــــه

ماوصـــف هماً تزاحــم ثم جرىوسط الوريـــد

غبـــت ياسيف الطنايـــاومركزالجودونصــابه

غبـــت لا ما غبت غاب الفجر والله الشهيــــد

جعل ربي يسكنــــك جنات عــدنً والصحابـــه

بين صديق الرسالــه وبين خالدبــن الوليــــد

وجعـــل ربي يسعــدك بالقبر ويجعلـــك برحابه

وحده الغفــار والمنجي وذو العرش المجيــــد

ويالله الرحمـن عينه في سؤالـــك والاجابــــه

وطهره من كـــل ذنــبٍ مثل مولــــودٍ جديـــــد


ولا نقـــول الا رضينا بحكـــــم خـــلاقٍ نهابــــه

ومن يموت من دون نفسه صار بأذن الله شهيد


والبقــــا بنـــواف جعــل الله يخليــه لشبابـه

ومن يخلف ما يموت وهـــذا هـو العلم الاكيد

§¤,,~°~,,¤§ وحـــده بــــوحــــده (( الــســـفـــاح )) §¤,,~°~,,¤§



طالبك تسكت ولاتنشد يابو سفاح

ماودي يزعل كلامي واحد موالي

مالقلب طيب ولا بالي بعد منساح

والخوف اجمع غثى الاول على التالي

ياما وياما تركز بالضلوع ارماح

لكن رمح الرفاقه يزيد غربالي

مابين هرج الشماته وضحكت المزاح

شعره بسيطه وانا ماني على فالي

وحده بوحده وتصبح القلوب اصحاح

لو كان طبعي ابد ماصار ذا حالي

ولوي من اللي يناطح صياح بصياح

ماكان تعبت اركابي في وقف عالي

الله وكيلك يانايف وش بقى ماطاح

واقرب قريبٍ غدى في صف عذالي

اذكر خسرت وخسرت ولاجنيت ارباح

الله يعوض جهودي والله الوالي

واسمع عزايا في ذيب في عواه انباح

بيتٍ واحطه مع تصنيف الامثالي

الحر دايم تغشه ريشه الملواح

لكن يبقى عزيز ومنزله عالي

خلني بفضفض بشعري كني المرتاح

بكتبه مره بعقل واحيان بهبالي

بعسف امهار القصايد وارتشفها قراح

وياكثر ناس هوت قافي وموالي

بنيت نفسي بنفسي والتحفت وشاح

واخترت انا في رفيع المجد منزالي

والحاسد اللي بغاني مامعاه سلاح

ياكود هرج القفيا وجوفه الخالي

طالبك رحمه وارجه لي يابو سفاح

لايحدني واقلب الاول على التالي
..

§¤,,~°~,,¤§ فـــضـــفــــضـــه §¤,,~°~,,¤§




هذا انا جيتك بسولف يافهد من حـر مابـي

فضفضه أو بوح ما ادري المهم جيتك وانـا

ضايقٍ بالي وصدري ما قوى يحمل صوابي

والأمل ما بان نوره ولا ألمحت عيني سنـا

جابني يمك ثقيل الهـم يـوم انـه دوابـي

أجهده والموت كنه داخـل اعروقـي دنـا

استفزيت المعاني والقلـم وحـده درى بـي

يوم بيح من خفوقي كـل مـا جوفـي كنـا

والمصيبه يافهد ويشلون بشكي لك عذابـي

دام صار الهم شايب وصرت بعيونـه ظنـا

من بعد يوم المفارق طال ليلي والتوى بـي

كل حزن الكون فيني وزاد بي كثـر العنـا

فارقتني من تبيع الناس لجل لحظة لقا بـي

والخطا ماهو خطاها وكنت أول مـن جنـا

اعترف اني خطيت بحقهـا وهـذا جوابـي

كـان ودك بالحقيقـه يافهـد خذهـا هـنـا

صعب تخذل من يحبك وهي أول من هقابي

اني اجمـع كـل بسمـه وآتنصفهـا المنـا

غرني طيشي ومشيته وإلا هو اللي مشى بي

ولا وعيت إلا وانا اهدم صرح من عشقٍ بنا

والله اني ماندمت من الطفوله ليـن شبابـي

لين حبل الوصل شفته بأوسط يديهـا انثنـا

ليتها تغفر خطايا يافهد باللـي جـرى بـي

بعدها ما غـط جفنـي لا ولا قلبـي اهتنـا

وليتها ترجع وتجمع ما بقى او ما بقى بـي

وأحلف بربي ما ازعلهـا إلـى يـوم الفنـا

][][§¤°^°¤§][][يا حمود][][§¤°^°¤§][][



يا حمود ما والله كتبت الشعر كيفهمٍ لجى بي قلـت أعبـره ببيـات
شعري وانا خابره ما خلطه زيـفوما قد عصاني يوم انا قلت له هات
كنه يصرف عني الهـم تصريـفوالقى بحروفه طربةٍ لي وسجـات
وكنه ليا هاجت بصدري عواصيفيقطع بي أميال الفكـر والمسافـات
مجنون يرقى بالضلوع المهاديـفصاحي وله في عالم العقل بصمات
سهلٍ صعب به جد وانوع تخريـفلين وقاسي ولا حصل فيه ميـلات
لا ما تكلف في حروفـه تكاليـفيجيبها وتجي على كيـف ماجـات
أيه والله اني عارفه دون تعريـفخديم روحـي بالشقـا والمسـرات
كم مرةٍ زرته من الضيق و الحيفوكم زارني مره ومـره ومـرات
يا حمود ما والله كتبت الشعر كيفالشعر يكتبني ليّا قلـت لـه هـات