ديوان فهد عافــت

هدوء الأرض
ــــــــــــــــــــــــــــــــــ

ســلامــي يــاهــدوء الأرض هــــذا أول الإعــصـــار

تــوحـــدت بـجــراحــي والـــمـــدى وجـــهـــي وآيـــاتـــي

تشربـت الهمـوم وبعـض حلـم فـي عـيـون صـغـار

وسمـيـت الفـضـى جـلـدي وسمـيـت الشـجـر ذاتـــي

لــذا يمـمـت وجـهـي عـكـس وجــه الـريــح والـتـيـار

نـعـم مــادام ذيـــب الـوقــت عـمــدا مطـلـبـه شـاتــي

رميـتـك ياحـطـب ذكــراي فــي بـــرد المـسـافـة نـــار

وشفـتـك ياحـطـب تخـلـص وأنـــا بـــأول مسـافـاتـي

رمـادك فـي يـدي شلتـه سـؤال وشوكـة استفـسـار

يــجـــدد بـــــي حـريــقــة وأشـتــعــل تــولـــد بـدايــاتــي

وكـمـلـت الـطـريـق بـحـلـم بـاكــر تـنـبــت الأشــجــار

عــلـــى أرض تـسـمـيـهـا احـتـضـاراتــي حــضــاراتــي

وبـاكـر أضــرب برجـلـي الصـحـاري تنـفـجـر أنـهــار

وأشــــق الـبـحــر بـعــصــا مـــــن غــصـــن آهــاتـــي

أقول مسامحك ياللي رفض يدخل معي في الغار

وأقــــول مـسـامـحــك يـاعـنـكـبـوت عـــــد خـطــواتــي

بـعـدهـا يـرجــع الـعـشـق الـقـديـم لـجـمـرة الأسـفــار

وأيـمــم وجـهـتـي ومـــن ثــانــي أفــــرش مـصـلاتــي

أنـــا وش أطـلـبــك خــــلاص مــاعــاد بــــي أعــــذار

ألا يـاســمــعــي أجــــمــــل دروبــــــــي درب زلاتــــــــي

كتبـت اللـي كتبـت ولا قصـدت ألـفـت لــي الأنـظـار

ولــكــن قــصــدت ألــفــت لــجــوع الــنــاس نـظــراتــي

وأنـا عامـد أوضـح شـي وأتـرك شـي خلـق اسـتـار

ولا أقـــعـــد لــيــلــة إلا وأغـــيـــر قــــــاع مــرســاتـــي

وأنـا شفـت الجمـال يكـون أجمـل لـو عليـه أغبـار

لـــــذا لـــــف الــغــمــوض أوراق لـفـتــهــا كـتـابــاتــي