يمّه يقولون

وللصّورة حكاية ...




يمّـــه يقولـــون البكــا يغتــال سَمْــع المـرهفين
وأنا الجريح وصرختي ما هـزّت قلوب العبــاد

وأنــا الغـرير الّلي على خبرك كبـر قبل السّنين
شابـــت ملامِحْه ونسى عمـره تحت ذاك المهاد

لـــدّي وشـــوفي فــي عيونك كان يمّـه تسمعين
وشلـــون عــرّوني لجـــل تلبسني هـدوم الحداد

وشلـــون ماتـــت ضحكتـي واستبدلوها بالونين
وشلـــون أنــا فعيــن الوجع طفـلٍ يناغيه الزّناد

وشلـــون هـــدّوا بيتنا وآخـــر محطـات الحنين
وأشيائــي الحلــوة تشبّـــع لـــونها بالاســـــوداد

مـا بـــاقي إلّا بعضي المنثور في بعضي رهين
للحســرة الّلـــي عقّبتني مـــن مـواسيم الحصاد

يمّـــه أخيلك مـــن هنـــا ما بيـــن ليل ونجمتين
وأرسِمْك في عين الوجود المتعب أوطان وبلاد

مـــن غــربتي لي في بقايا عطرك الزّاكي يقين
لا هفهــف المـــوت ونساني بيـن شكّي والرّماد

يمّـــه يقـــولون القلــــوب القاسيــة بـــاكر تلين
تـــوّي عـــرفت ان الجماد يظل باحساسه جماد

يامـا نــدهت ولا سمعـــت إلّا شعـــار الـزّايفين
خضر السّوالف مـــا توّرق غيـر بعيون الجراد

وهـــج

تنبيه . ختم

كلمات جميله جدا
يا وهج
صح لسانك
وعلا شأنك

صح لسانك وعلا شانك
ابدعتي وهج نص شعري ينطق بالابداع
سلم لنا نزف قلمك ونبض احساسك
يسعدك ربي ويحقق أمانيك

مـــن غــربتي لي في بقايا عطرك الزّاكي يقين
لا هفهــف المـــوت ونساني بيـن شكّي والرّماد

يمّـــه يقـــولون القلــــوب القاسيــة بـــاكر تلين
تـــوّي عـــرفت ان الجماد يظل باحساسه جماد


لوو اقووول صح لسااانك من هناا لبكرره ماتووفيك حقك
قصيدة كلهاااا جزااله ومعنى
وفيهااا احساااس مبكي للعين
وهج ياعموووو
انتي شاااعره فرريدة من نوووعك ولااهي مجااامله
اصنفك من الشاااعرااات الكبااار
اللي مااخذتي حقك ولااخدمك الحظ
الا حرااام مثل هالقصيده اوو غيرهاااا ماتكووون
مشههوووره
فنااانه

صح لساانك ياابنتي
ختمتيهاا خير ختاام واختصرتي كل شي
بيض الله وجهك
وابيااتك واسلووبك مدرسه ياابنتي

احساس عالي
صح احساسك و البنان
لك تحياتي

أجمل التحااايا
أقدمها لك

لمرووري بصفحه جميله بمستوى رااقي

يعطيك العااافيه

شكرا لك

صح بوووووووح