صورهم تـ تقآطر شعرا ً..!

الشاعر الراقي بحرفه / الجباري ( لحظه ) لحظه .. بوادعك قبل إنك توادعني ماني من اللي تروح ويمشي خلافك لي عزة ٍ ياوليد الناس تمنعني لوقلت .. مابيك تمزح .. خاطري عافك قد قلتها لك قبل ماكنت تسمعني واليوم فعلك هو اللي حطم أهدافك يابن الأوادم نصيحه واخذها طعني ماكل شخص ٍ يذل النفس لا شافك صحيح زينك بعض أحيان شجعني لكن زود الكرم زودت بسرافك ماهوب أنا اللي تنزلني وترفعني لو درت في نيتك كسرت مجدافك تبي الصراحه .. تصدد لا تطالعني أخاف من دمعتك ولا أنت ماخافك ماغير واحد .. ولا مخلوق ولعني الحب يجرف ولا تختار جرافك لو قلت لحدٍ تحب.. وقال لك يعني خله وبعد مادام الوقت ماطافك أصارع النفس والدنيا تصارعني والفرق واضح بمغرافي ومغرافك ياخي ترى القلب عيا لا يطاوعني يابن الأوادم توكل خاطري عافك

الشاعر / حامد زيد انتي ولا شيّ والله وصرتي تستهينين فيني وانا الذي سويت لك قدر بيديّ تدرين وش كنتي قبل تعرفيني ؟ ان قلت لك كنتي ولا حاجة شويّ انا الذي فرشت لك رمش عيني وعملت منك شي وانتي ولا شيّ جيت اعشقك ما جيتك لك تحقريني جيت اسكنك بسمة ما هو بسكنك غيّ لا صرت عامل لك قدر قدريني ترا الكرامة صفحة ما لها طيّ ما دام ما جيتي غلا لا تجيني نار الجفا عندي ولا الذل بالفيّ والله لاهجرك قبل لا تهجريني اجل تبيعيني واجيلك برجليّ يا تتركين الكبر يا تتركيني لأن المحبة شي والمهزله شيّ إن كانت الدعوة غلاي وحنيني يمكن يزول الحقد ويشعشع الضيّ لكن حكاية ينحني لك جبيني في ذمتي ما ينحني لك وانا حيّ

الشاعر المميز / عبدالعزيز الغامدي موجود ياعمري ولا اقدر احاكيك في ذمتي ... أرحم علي المقابر في ذمتي مشتاق لك حيل وابغيك اشتاق لك لو الزمان حيل غادر البعد مايرحم حبيبك ومغليك الشوق مابين المحبين كافر أعيش بك ليلي عيوني تحاكيك اقوم بك صبحي واناديك باكر أحتاج لك وأحتاج حتى لطاريك أسمك يهيضني بصدر الدفاتر وجهك ليا مني لمحته أخاويك بكل عقل وفكر وأحساس شاعر ياكثر ماطيفك سكن عين غاليك ياكثر ماغاليك شاكي وصابر خلها على الله كان طالت لياليك ليلي قضيته في هموم ومقازر الشوق يطعني وروحي تناديك في غيبتك ماعاد للروح خاطر وختامها ياحر وكرك واراضيك الحب لك في داخل الروح وافر

آلآمير آلشآعر : بدر بن عبد آلمحسن ~

انتظرتك .. عمري كله .. وانتي حلم
ومرت الايام والله .. وانتي حلم..
ليه تأخرتي علي ..
توهي مره واسالي ..
كوني في غير الزمان .. والا في غير المكان
كوني عمري .. عمري كله..
اللي باقي .. واللي كان..
انتظرتك عمري كله .. وانتي حلم ..
كل نجمه شعشعت والقلب عتمه .. كانت انتي ..
كل حرفٍ حرك شفاهي بكلمه .. عنك انتي ..
وكل حبي اللي مضى والحب قسمه .. منك انتي ..
كانوا الاحباب ظلك .. بعض احساسك ونورك ..
ما عرفتك يوم كلك .. ياللي في غيابك حضورك ..
انتظرتك عمري كله .. وانتي حلم ..
هذا إنتي .. قولي والله إنه إنتي ..
وين غبتي ؟! .. عني هذا الوقت كله ..
وين كنتي ؟! ..
شيبت عيني طيوفك .. وما أصدق إني أشوفك ..
ياللي قلبي في كفوفك .. نقش حنا ..
وفي جديلك عطر ورد ..
آتمنى .. لو تكوني في فراغ اعيوني وعنى
وفي سموم ضلوعي برد ..
ليه تأخرتي علي ..
وما طرى لك تسألي ..
ليه نأخرتي علي .. وما طرى لك تسألي ..
إنتظرتك عمري كله عمري كله .. وانتي حلم

( وش عذرك ) لا غبت عني وانا مشتاق وش عذرك يوم انت حالف بربك .. ما تخليني !! نذر على رقبتي .. ونذرا مهو نذرك انك ما حسيت في شوقي ولا فيني مسافة الشوق .. لـ المشتاق تختصرك وتوزعك في حشاي .. وفي شرايني غطت ثلوجك طبوعك واختفى جمرك ما عادك اللي ليا من غبت .. يدعيني افكر اختبرك .. واخاف لـ اختبرك اخاف باقي غلاك .. يطيح من عيني تعال بين الضلوع العوج .. شف قدرك قصر من الحب .. يبنى لك ويبنيني ما ودي اقول في بعدك .. غريب امرك ودي لو اسمع صدا ( يا من يراعيني ) اعتبرك الروح .. ولا شتبغي اعتبرك ما دمت يا اغلى الخلايق مني وفيني انا اكثر انسان .. قدرّ قلبك وطهرك وانت اكثر انسان فاهمني ومغنيني مأسور بالحب .. لكن افتخر بأسرك كبلت قلبي قبل لا تكبل ايديني فالليله المظلمه .. يكفي سنا بدرك وفالليله البارده .. قربك يدفيني قدلي وانا احاولك وآقف على نهرك ارويتني مره .. وناظرك ترويني لقاك وحكاك والجو ان خذا عطرك ثلاثة اشياء .. تقتلني وتحييني خذني من الناس .. وادخلني وسط صدرك لا تخلي البعد ياتي بينك .. وبيني تقول لي يا فديت عيونك وشعرك وقصايدي فيك .. ذكراها مشقيني ماني بهتم .. ( كم عمري , وكم عمرك ) عطني سنينك وانا بهدي لك .. سنيني كم لي وانا احتاج لك واشتاق وانتظرك واتذكر آخر لقا وايديك بايديني يا كبر تقديرك بقلبي .. وكبر اجرك لا جيتني بالوصال وشافتك عيني

على كف القدر والحب ظامي والرجا حيران
على كف الزمن ضاعت سنيني مع لياليها
تضيع بداخلي بسمه ويظهر للشقا عنوان
واذا بانت بوادرها عذاب الهجر يخفيها
واحس ان الجفا يمشي بدمي داخل الشريان
يعذبني..يسهرني..ليالي مر حاليــــــــــها
عجزت ولابقابي حيل وانفاس الوصل هجران
تعبت اسأل ليال الصمت جروحي كيف أواديها؟
تجاوبني ليال الصمت وتحرق قلبي الهيمان
تقول:شموع امالك حلفت اني لطفيها
مدام انك على دربي ابعطيك العذاب الوان
وازيد جراحك بصدرك ولا لك من يشافيها
ياليت اقوى ولو لحظه اسلي خاطري بنسيان
الم جروحي واهاتي من الدنيا وبلاويها
نخيتك ياامل ضايع نخيتك تطوي الحرمان
نخيتك ترسم الفرحه على حزني وترضيها
والا يالله يارازق عبادك يارفيع الشان
تفرح قلبي الملهوف قبل مااروح تنهيها

يمكن لو إنه مرك آلشوق حسيت*
إنك حديث آلعآم و أربع فُصوله

الأمير طلال الرشيد(الله يرحمه) (( محتاج لك )) انتي بكف وباقي الخلق في كف متعليه في وسط قلبي ولك شان في غير وصلك مالقلبي ترى شف محتاج لك يانور عيني وشفقان لا جابوا اسمك صرت انا تقل مختف مالي على نفسي الى اطروك سلطان من غير حبك غضت عيوني الطرف ياللي جمالك صار للزين عنوان اريد انا قربك ترى ياغذا الحرف وان ماحصل موتي ودنياي سيان