رواية الزين عشقي / للكاتبة همسات حالمة

الجزء العاشــر

خلص الكورس الأول وبلشت عطلة الربيع يعني مر حوالي أسبوعين وشوي من وصول ناصر الكويت,,,,ناصر طول هالفتره ما طلع من البيت الا مرتين لان كان خايف يصادف الزين بهالشكل واهوه بعده ما استعاد شكله وصحته وما كان يبي يصادف وايد ناس ويدرون عنه ان كان مريض ولان الدكتور موصي عليه يحاول كثر ما يقدر ما يطلع وقت فيه شمس عشان مو زينه حق صحته... وقاعد يحاول يكثر أكل باليوم عشان يلحق يزيد وزنه قبل ما يداوم بالكليه الكورس الياي ورجع شعره يطلع...وفرحان انه شكله بدا يتحسن ولونه بدا يرجع ونفسيته صارت أحسن ....

ناصر: يمه يووعاااان متى الغداا؟؟

ام ناصر: اسم الله عليك ناصر توك متريق...وبعدين تو الناس الساعه 12:30

ناصر: يمه خليني اكل على رااحتي خو غداكم انحرمت منه اكثر من سنه

ام ناصر: اليوم مسويينلك أحلى مطبق زبيدي

ناصر: الاااااااااااه...شنو مشتهيييييييه

وراح ناصر طل من الدريشه يشوف الزيـن في البيت او لا!!! هذي حالته طبعا كل هالفتره بس يفكر فيها ويحاتيها ولما يطل من الدريشه ويشوف سيارتها موجوده يرتاااح نفسياااا....

الزيـن لحد الحين ما حست فيه ان وصل ولا تدري انه بالكويت واهيه اللي تعرفه أصلا ان ما راح يرجع الكويت الا بعد سنتين من وقت سفرته....

في بيت بوعادل...

الزيـن : صباااح الخيـر يمااا

ام عادل: هلا قلبي صباح النوور

الزيـن: وين عادل؟

ام عادل: والله حبيبتي شكله بعده نايم

الزين : من صجه!!! امبيه فشله عبدالرحمن ياي بعد نص ساعه واهوه بعده نايم

ام عادل: بعد ما تعرفين اخوج اذا كان عنده عطله اي ساعه يناام

الزين : خل ارووح اقعده

وراحت الزين غرفة عادل وتطق الباب وتطق الباب لما اخيرا رد عليها

عادل بعصبيه : نعمممم....يعني الواحد بهالبيت ما يعرف ينااام

الزين : عاادل يلا قوووم بعد شوي ياي عبدالرحمن

عادل: لييييش؟؟!

الزين :شنو ليش؟؟! اليوم على أساس راح يتغدا عندنا نسيييت

عادل: وييييه راح عن بااالي

الزين: يلا عفيه قوووم

عادل : اووف انزين قايم قايم

وراحت الزين ومسكت تلفونها ودقت على عبدالرحمن

الزيـن: هاااااي حمني

عبدالرحمن: هلا والله هلااا

الزيـن: ها حبيبي متى ياي؟

عبدالرحمن : على الساعه 1 اكون عندكم

الزيـن: يلا تمااام عيل ..باااي أشوووفك ان شاء الله

عبدالرحمن : بااااي يا روح عبدالرحمن

في بيت بوناصر....

ناصر: يلا عاد يمه صارت الساعه 1:10 وين الغداااا؟؟؟؟؟

ام ناصر: يلا يلا حبيبي دقايق ونحطه

ناصر: صارلج ربع ساعه تقوليلي دقااايق..يووعاااان..احسني مفجوووع من زماان مو مااكل

ام ناصر: انزين انزين يمه منك لجيتني

وراح ناصر وقف عند الدريشه جان يشوف سياره توصل وتصفط جدام البيت...كانت سياره كورفيت سوده...ناصر مستغرب السياره اول مره يشوفها اتيي عندهم...وبعدين نزل من السياره وناصر ظل يطالعه قاعد يحاول يتذكر شكله!!

ناصر يكلم نفسه: اييي عرفته هذا رفيج عادل!! شيايبه عندهم هالحزه؟!

شوي جان يشوف الباب ينفتح وتطلعله الزيـن وتضحكله وتناديه..واستوعب ناصر انه اهوه احتمال يكون خطيـب الزيـن
دمه غلى...انفعـل...هاااج...ثاااار...انفجرررر...ما كان قادر يتحكم بأعصاابه...وخذا فازه كانت على الطاوله وحذفها بالأرض

ام ناصر كانت بالمطبخ تحت ما اسمعت شي لكن نور طلعت تركض من غرفتها

نور: ناااصر شفييييييييك شصاااار؟؟

ناصر كان يتنفس بسرعه وويهه احمررر وحتى عيوونه كانت حمرره

نور: نااصر رد علي,,,شصار؟؟

ناصر: تعرفين صاحب الكورفيت السوده منو؟

نور: اممممم كنت اشوفه بين فتره وفتره اول....ااااه امممم اعتقد هذا خطيب الزيـن لان مرات اهيه واخوها يركبون معاه السياره

ناصر حاس نفسه قاعد يتقطع من الداخل...

نور: ناصر أذكر الله...شنو نسيت كلامك اول؟؟ مو كنت تقول انا ما تهمني الا سعادتها وانك فرحان انها كملت حياتها

ناصر: اييي نوور اييي ادررري ادرري

نور: يعني ناصر خلاص انسااها...مو هذا اللي كنت تبيه؟؟؟ مو كنت تقول القرار قراري وخلوني على كيفي...والحين شنو النتيجه؟؟؟ النتيجه انك تظل زعلان عليها لي اخر عمرك؟؟

ناصر: غصبن علي نور قاعد احاول اني امسك نفي بس غصبن علي مو قاادر..ما تخيلته راح يكون بهالصعوبه جذي

نور: لا ناصر انت للأسف انك كنت حاط في بالك انك ما راح تعيش وما حسبت حساب انك اذا عشت شنو راح يصير بعدين

ناصر: نوور انا كنت خاايف عليييها..ما كنت ابيي اظلمها معاااي....كنت خايف اذا صار فيني شي تضـيع البنت او يصير فيها شي...وبعدين نور تدرين اني صرت عقيم تدررييين؟؟

نور: شنوو؟؟ عقيم!!!

ناصر: ايي نور العلاج اللي كنت ااخذه سبببلي العقم...يعني الزين ما تستاهل واحد يكون لها اسره؟؟....نور تدرين في احتمال كبير يرجعلي السرطان مره ثانيه؟؟ لييي متى نووور لي متى بظل عايش بالمستشفيات...شلون اقدر اهتم بزوجتي وانا اللي دايما احتاج من يهتم فيني؟؟؟

نور انصدمت..اسكتت مره وحده..ما تدري عن كل هالأشيااء وقامت تبجي

ناصر: نور انا اسف ما كان قصدي أضايقج بكلامي بس ابيج تعرفين وجهة نظري وتعرفين ليش انا سويت جذي
وحضن نور وقاعد يحاول يخفف عنها...

مرت الأياام وناصر كل ماله يتحسن ويرجع نفس شكله اول وكان على طول يحاول يشغل نفسه بأي شي عشان لا يفكر في الزين واشترك بنادي رياضي وكان ما يطلع من البيت الا الصبح امبجر حيل او بليل متأخر حيـل عشان لا تصادفه الزيـن...واذا طلع ما يطلع بسيارته لكن ياخذ سيارة البيت....اما الزين تحس كل يوم عن يوم قامت تتعلق بعبدالرحمن اكثر.... وبقى أسبوع واحد على دوام الكورس الثاني....ناصر وابوه راحوا الكليه عشان يرجعون يقيدونه لان كان موقف قيده طول هالفتره...وسجل المواد اللي يبيهاا وارجعوا البيت...

ناصر طق على نور الباب...

نور: تفضللل

ناصر: قوووه

نور: هلا والله..الله يقويييييك

ناصر: نور ابيج تساعديني بشي

نور: أساعدك ليش لااا...قول شعندك

ناصر: في وايد ناس قلتلهم على أساس بكمل دراستي بره صح

نور: صح

ناصر: والأسبوع الياي بداوم بالكليه...بالله اذا سألوني شقولهم؟!!

نور: اي صح وهقه...امممم شتقولهم شتقولهم؟!!

ناصر: تدرين فكرت اقولهم ان صارتلي مشاكل بره ورجعت اكمل دراستي بالكويت وان عادلولي جم ماده بس.. شرايج؟؟

نور: امممم اي صح أصلا ماكو غير انك تقولهم جذي

ناصر: اي عاد اذا مشت عليهم مشت ما مشت كيفهم

نور: بس ناصر اول وتالي الناس راح تعرف انك كنت مسافر بره تتعالج

ناصر: اي ادري بس بحاول كثر ما اقدر ان ما اخلي هالخبر ينتشر عشان لا يوصل اخر شي حق الزيـن

نور: تتوقع الزيـن لحد الحين ما تدري انك ييت؟

ناصر: والله ما اعتقد لان ما صادفنا بعض ولا مره...بس يمكن شافتني وانا ما شافتها!! مادري والله

نور: اول وتالي راح تتصادفون بالكليه اكييييد

ناصر: اي ادري

نور: شنو بتسوي اذا شفتها؟

ناصر: ولا شي..شبسوي يعني!!

شوي جان يسمعون احد يطق الباب....

بوناصر: نور ناصر عندج؟

نور: اي اي تفضل يبه

بوناصر: ناصر تعال معاي

ناصر: خير يبه شنو في؟

بوناصر: وصلت

ناصر: شنو اللي وصلت؟؟

بوناصر: اللي طلبتلك اياها من بره

ناصر: اللي اهيه شنوو؟؟

بوناصر: انت بس قوم تعال معاي

وقام ناصر معاه وانزلوا تحت وطلعوا بره البيت جان يشوف ناصر سياره موزراتي كوبيه ااخر مودييل لونها سيلفر ومن داخل أحمر يعني السياره كانت شي شي

ناصر طااااح قلبـــه...مو مصدق...هذي السياره اهيه سياره أحلامه

نور: واااااااااااااااااو

ناصر بانبهار: يبه شنو هذا؟؟ حقييي؟!!

بوناصر: لا حق يدتك..اكيييد حقك

ناصر: أيبااااااااااااااا...والله صج!!!

بوناصر: اي يبه انت تستاهلها

ناصر حضن ابووه حيـــــل وباس راااسه...

ناصر: ماااني مصدق..!! مشكووور يبه

بوناصر: يلا عاد طلعنا فيها

ناصر: افا عليكم بس جذي

وركبت نور ورا وبوناصر جدام وساق فيهم ناااصر وافتروا بالمنطقه وخذوا من عصير الضاحيه وبعدين ارجعوا البيت,,,

الزيـن في غرفتها قاعده تلبس وتجهز نفسها لان بتطلع مع عبدالرحمن واخوها ....دق تلفونها ( حمني يتصل بك )

عبدالرحمن: هاا شلون قلبي اليوم؟

الزيـن: تمااام...انت تحت؟؟ ( وراحت طلت من الدريشه)

عبدالرحمن: دقيقتين واكون تحت

الزيـن شافت الموزراتي وقاعده تفكر حق منو ممكن تكون السياره

عبدالرحمن: زيــن...زيــون

الزيـن: اي هلا هلا حمني

عبدالرحمن: شفيج سكتي؟

الزيـن: لا ماكو...شنو كنت تقول؟؟

عبدالرحمن: اي اقولج يلا طلعوا بره انا قربت حيل

الزيـن: اي يلا يلا

وصكت الخط وطلعت من غرفتها وناديت اخوها

الزيـن: يلا عادل عبدالرحمن برره

عادل: يلا يلا

وطلعوا من البيت وركب عبدالرحمن جدام والزيـن ورا

عادل: السلااام عليــــكم...

عبدالرحمن: وعليــكم السـلام ..هلا والله

الزيـن: عبدالرحمن شلونك؟

عبدالرحمن: بخير دامكم بخيـر

عادل : هالموزراتي مالت منو؟؟ لا يكون هالخايس ناصر رجع وانا مادري!!

الزيـن اول ما سمعت الاسم ارتبكت شوي بس حاولت تتمالك نفسها وجنه اسم عادل ما يعنيلها اي شي

عادل: هالانسان اختفى مره وحده ما اعرف عنه شي,,,,عبدالرحمن اعتقد انت شايفه مره؟

عبدالرحمن: اي واحد ذكرني فيه؟

عادل: اللي مره ييتنا وانا قاعد معاه بالمارينا كريسنت...طويل حنطاوي عنده سكسوكه

عبدالرحمن : اي اي جنه عرفته...شخبااره؟

عادل: والله مادري على أساس راح يكمل دراسته بره ولا حس ولا خبره!! فاقده والله

( الزيـن صارت تبي تغير الموضوع بأي طريقه)

الزيـن: وين راح نروح؟

عبدالرحمن: كيـفكم وين تحبون؟

الزيـن: انا كله واحد

عادل: اممممم نروح الأفنيوز نشوفلنا مطعم هناك

عبدالرحمن: يلا عيل الأفنيوز

وصلوا الأفنيوز وادخلوه وتمشوا فيه شوي وقرروا ياكلون في نينو....عادل طول الوقت يسولف ما سكت كلش وعبدالرحمن وده يتكلم مع الزيـن شوي لكنها طول الوقت ساكته مندمجه بسوالف اخوها وتضحك...عبدالرحمن مللل وحاول يفتح اي موضوع مع الزيـن

عبدالرحمن: زيـن جم ماده ماخذه في الكورس الثاني؟

الزيـن: باخذ أربع مواد ان شاء الله

عبدالرحمن : موفقه ان شاء الله....

عادل: انا باخذ 5 مواد الله يستر

(عبدالرحمن بينه وبين نفسه: اووف انت من حاجاك الحين)

عبدالرحمن: اي ساعه تخلصين دوامج؟

الزيـن : امممم حسب في ايام اخلص الساعه 1 وفي ايام اخلص الساعه 12:15

عادل: انا تخيل عندي ماده الساعه 8 الصبح...شكلي بسحب عليها عدل

عبدالرحمن: اقول يا جماعه خلصتوا؟ شرايكم نقوم

عادل : اي يلا زهقت من القعده...خل نطلب الحساب

وقاموا افتروا شوي بالمجمع وعبدالرحمن شاف الزيـن وقفت شوي طلت على الباترينا على ساعه وايد اعجبتها بعدين كملت مشي معاهم...

عبدالرحمن: عن اذنكم شوي واييكم؟

الزيـن: وين؟؟

عبدالرحمن : شوي وراجع

عادل: يلا اوكي

ورجع التقى فيهم عبدالرحمن وخلصوا من الأفنيوز وردوا البيت بليل عالساعه 9 وقبل ما تنزل الزيـن من السياره

عبدالرحمن: زيــن...هذا لج

الزيـن استغربت

الزيـن: شنو هذا؟

عبدالرحمن: هذا شي بسيط مني

الزيـن: بس شنو المناسبه؟

عبدالرحمن: يعني لازم اذا بعطيج شي مني يكون في مناسبه؟

الزيـن: لا بس....

عبدالرحمن: يلا الحين راح تاخذينه او لا؟

الزيـن : دام منك لازم اخذه,,,مشكووور

عبدالرحمن: ولوو

وانزلت من السياره ودخلت البيت وراحت غرفتها ووطلت بالجيس وافتحت العلبه

الزيـن: يااااااااااااي

ودقت على عبدالرحمن

الزيـن: بعد قلبيييي..ِ..شلون عرفت هالساعه بالذات كانت عاجبتني؟؟؟!!!

عبدالرحمن: شفتج كنتي واقفه تطالعينها وقلت ما يصير اخلي شي بخاطرج فيه

الزيـن: واااااي حبيـــبي وحياااتي انت...

عبدالرحمن: حبيبتي انتي تستاهلين اكثر أصلا

الزيـن: حياااااتي...أحبـــــك

عبدالرحمن: ااااخ يا قلبي...قوليها بعد مره

الزيـن : لا بس

عبدالرحمن: يلا المهم سمعتها من غير ما اطلبها منج خو انا هالكلمه بالذات اطرها منج طراررره

الزيـن: ههههههههههه

عبدالرحمن: يلا حبيبتي تصبحين على خيـر

الزيـن: وانت من اهله

الزيـن واااااااااايد كانت فرحانه من اللي سواه عبدالرحمن..مو علشان الساعه..عشان كافي فكر يسويلها هالشي وييبلها اياه....

( عبدالرحمن يعشق الزيـن متيم فيــها...بجمالها...بشخصيتها...وبكل شي يخصها ومستعد يسوي المستحيل عشانها)

ثاني يوم الصبـح في بيت بوناصر.....

بوناصر: يلا جهزتوا أغراضكم؟

ناصر: اي انا جاهز

ناديه : وانا خالصه بس مادري عن امي ونور

( كانوا قاعدين يستعدون ويجهزون أغراضهم لان ناويين يقعدون في الشاليه أسبوع قبل ما يبلش الكورس الثاني)

بوناصر: ام نااصر يلا وينج؟؟ خل نمشي عاد

ام ناصر: يلا يلا خلصت

وطلعوا من البيت كلهم وناصر ونور اركبوا بالموزراتي...وبو ناصر وام ناصر وناديه اركبوا مع السايق ومشووا....

بعد حوالي ساعه وصلوا شاليهات بنيدر...

ناصر: ياااني ولهاان على البحرررر

ام ناصر: بس دير بالك تنزل بالشمس...

ناصر: اي يمه اول ما تبدا تغيب شوي الشمس بنزل البحر

سووا كل شي بالشاليه,,,تسبحوا,,اربكوا الجيتسكيات,,,تمشوا على البحر,,,اركبوا القواري,,,,يعني حس ناصر فعلا صارله فتره ما استانس هالكثر

اهوه ونور قاعدين يتمشون جدام الشاليهات,,,

نور: ناصر تشيك تشيك هالبنت اللي قاعده,,,اوف قاعده تخزك خززز

ناصر: انزين وويعني

نور: شوفها ترى حلوه

ناصر شافها وفعلا انعجب بشكلها بس ما اهتم

ناصر: اي اوكي

نور: ناصر شفيك يعني معقوله جذي بتعيش حياتك كلها من غير حب

ناصر: ومن قالج انا الحين ما احب

نور: ناصر خلاص انسى الزيـن...بتظل تحبها لي متى؟

ناصر: لي اخر يوم بعمري

نور: نويصر انت صج مسكيييين

ومر حوالي أسبوع واهمه بالشاليه وردوا البيت عشان ثاني يوم دوام...

ناديه : شفيك ناصر أحسك على أعصابك؟

ناصر: والله متوترررر

ناديه: ليش؟؟

ناصر: باجر اول يوم دوام...احس بشعور جني مستجد

ناديه: ويييي عادي طبيبعي لانك صارلك فتره مو مداوم

ناصر: اييييي ادري,,,,واللي موترني أكثر اني يمكن أصادف الزيـن باجر

ناديه: اهااا صح.....

ناصر بالغصب نااااام بليل واهوه بس يفكررر شلون راح يكون الدوام باجر وراح يصادف الزيـن او لا!!!!
ثاني يوم الصبـح الساعه 9 قام ناصر لان عنده محاضره الساعه 10 واخذ شاور ولبس بلوزه حمره مع جيـنز وشكله كان وايد حلوو وركب سيارته وطل اذا سيارة الزيـن موجوده او لا...وشافها كانت موجوده وراح الكليه

دخل الكليه حس ان صج من زمااااااان عنهاااا...وكل شوي يوقف يسلم عليه احد وحس بفرحه مو طبيعيه انه رجع الكليه وحضر محاضرة الساعه 10 وكان عنده بعد محاضره الساعه 11...ودخل القاعه وقعد جدام ثاني سطره الصوب الثاني من القاعه وكانت قاعه كبيــره حيـــل وفيها حوالي 100 طالب وطالبه ...شوي جان تدخل الزيـن القاعه مع رفيجتها حنان بس ما لاحظت ناصر ولا حتى اهوه شافهاا...ودخل الدكتور

الدكتور: السلام عليكم....انا الدكتور محمد...اتوقع اغلبكم يعرفني
طبعا مثل ما انتو شايفين القاعه مختلطه لان في نقص في هيئة التدريس لان الدكتورين اللي يعطون هالماده رايحين تفرغ علمي واضطرينا نفتح شعبه وحده....اليوم راح اعطيكم بس فكره عن الماده وباجر نبلش بالجابتر الأول...بس خل اخذ الحضور اول شي....

( الدكتور قام ينادي اسم اسم عشان يشوف منو الحاضرين)

الدكتور: مساعد جابر

مساعد: نعم

الدكتور: راشد أحمد

راشد : نعم

( الزيـن كانت قاعده تكتب مسج بس اول ما اسمعت.....

الدكتور: ناصر يوسف

ناصر: نعـم

تصروعت.....تدودهت...ارفعت ويهها قاعده تدور على الشخص اللي اسمه ناصر يوسف.....قلبها قام يطق بسرررررعه...حست جسمها كله قاعد ينتفض...وايدها بدت ترجف....وتدور وتدور ومو لايقه هالشخص

الزيـن: سمعتي الاسم اللي سمعته؟

حنان: اي سمعت...بس يمكن تشابه أسماء

الزيـن: حتى الصوووت....الصوت نفسه!!!!

حنان: مادري بس مو ملاحظته بالقاعه

الزيـن : حنااان شكله ناااصر... والله شكله ناااصر

تم الجزء العاشـــر

الجــزء الحادي عشــر

الزيـن: صدقيــني انه نااااصر

حنان: ممكن تهدين شوي شفيج اختبصتي جذي...حتى لو ناصر يعني شنو؟

الزين مو كانت مركزه بكلام حنان وقاعده تحاول وتلف ويهها يمين ويسار تحاول تلقاه

الدكتور : الزيـن بدر....الزيـن بدر

حنان واهيه تهزها: زين قولي قولي نعم...الدكتور قاعد يقول اسمج

الزيـن: ااااه نعــم

( نااصر لف ويهه ورا على طوول يدور من وين يه الصوت......ارررتبــك....انعفـــس....ويهه قلب الف لوون.... وقلبه بدا يدق يدق بسررعه... وبعدين جان يرد يلف ويهه جدام خاف يشوفها ويروووح فيــها)

حنان: بسج تدورين

الزيـن: اووف بس بعرف اذا اهوه او لا

حنان : واذا عرفتي...وبعدين؟؟

الزيـن : بعدين ولا شي...بس ابي أتأكد

الدكتور: عرفتوا الحين الفكره من الماده وان شاء الله أشوفكم المحاضره اليايه

قاموا كل الطلبه مع بعض....

الزيـن ظلت قاعده تنطر الكل يطلع من القاعه وقاعده تدور بينهم...وناصر نفس الشي ظل قاعد ينطرها تطلع قبله....وشوي شوي كانت قاعده تفضى القاعه..والزيـن طول الوقت عيونها على اللي طالعين من الباب وبعدين شافت واحد قاعد بروحه على الطرف وبعدين قام من مكانه ورفع راسه فوق....

وشااافهااا....وشافتــه.....

( ناصـر والزيـن حسوا ان الزمن كأن فجأه وقف...كانت كأنها أطول لحظه في حياتهم....اهوه تجمد بمكانه واهيه حست ان الدم في عروقها وقف....ومووووجه من الذكريااات اجتاحتهم لما طاحت عينه بعينها.....بعدين ناصر استوعب وكمل مشي....واهيه ظلت تطالعه طول ما كان ماشي لما طلع من القاعه.....)

حنان: زيـــن زيييييين

الزيـن: هلا هلا

حنان : شفيـــج؟؟؟

الزيـن: ولا شي خلاص

حنان: الزيـن شوفي عاد...ناصر خلاص انتهى وطلعتيه من حياتج

الزيـن: ادري

حنان: اذا تدرين عيل شنو توه كل هذا؟؟!

الزيـن: حنان يعني انا مو انسانه؟؟ ما تبيني أحس؟؟؟ ما صار شي بس لاني تفاجئت انه موجود

حنان: زييين ابيج اقوى من جذي

الزيـن: انتي من صجج عبالج راح أضعف جدامه؟؟ خلاااص ماما هذا كان اول..الحين كل شي تغيرر

حنان: اي وااااااضح

الزيـن: بس لحظتها لاني اول مره اشوفه وخلاص بس ماكو شي

حنان: انزيـن...ان شاء الله نطلع من القاعه

الزيـن: اي يلا قوومي امبيه ورانا محاضره

حنان: موو انا من الصبح قاااعده اقوولج قومي ورانا محاضره وانتي مشغوله تطالعينه ولا تدرين عنييييي

الزيـن: وااااااي يا كثر ما تتحلطمييين

وراحوا المحاضره اللي بعدهاا...الزين طول المحاضره كانت سرحانه تفكررر

حنان: هاا لا يكون سرحانه بحبيب القلب؟؟

الزيـن : لاا لا الشكووو...مادري عنه أصلا ولا على بالي كلش

حنان: حرام عليج...تلاقينه اهوه قاعد يفكر فيج الحين

الزيـن: تهقين؟؟

حنان: اي اكيييييد خو الريال يمووووت عليييج

الزيـن متفاجئه: وانتي شدراج؟؟

حنان: شنو شدراني؟؟!

الزيـن: لحظه انتي عن منو تتكلمين؟

حنان : انتي اللي عن منو تتكلمين؟؟؟! هاااالوووو عبدالرحمن منو غيره؟!

الزيـن: ااااه اييي حمني حبيــبي

حنان: لا والله!!!! أقول قلبي ويهج بركز بالمحاضره احسنلي

الزيـن: ركزي احد ماسكج

صارت الساعه 1 وخلص دوام الزيــن وراحوا المواقف وكل وحده ركبت سيارتها وردوا البيت....

اول ما وصلت البيت الزيـن شافت السياره الموزراتي بره

الزيـن بينها وبين نفسها : أكيد عيل هذي سيارته...وااااي لايقه عليه

وراحت غرفتها وانسدحت بالفراش تفكررر.....كانت مشاعرها متضاربه...فرحانه ان شافته وبنفس الوقت متضايقه لانها بعدها مجروحه منه....

ناصر شيايبه الكويت امبجر؟!!....مو على أساس بيكمل دراسته بره!!!.....اووف شالصدف يرجع الكليه ويطب معاي بنفس المحاضره!!!....شكله متغير!! ضعفاان...بس هم حلوووو...يا ترى لحد الحين في باله انا؟!!...غريبه شلون تجمد في مكانه وظل يطالعني وشكله كان مختبص حيـــل !!!....اممممم يمكن بعده يحبني.!!!
انا أوريـك يا نااصر....عبالك راح ارجع اطيح عند ريولك أترجاااك وأقوولك ابيييك...لا مو انا الزيــن اللي يقدر يهزها أحد...الزيـن اللي كانت ياهل كبرررت....ما اكوون الزيــن اذا ما خليــتك تتحسف انك حتى فكرت بيوم انك تتركني....ما اكون الزيـن اذا ما خليتك تندم انك في يوم حبيت علي....ما اكون الزيــن بنت بدر اذا ما يننتك وخليتك تلعن الساعه اللي قلت فيها اني غلــطه......
يــا أنااا يــا أنت يا نااصــر!!!!

في بيت بوناصر.....

ناصر قاعد في غرفته يفكررر.....اووووف اليوم قلبي مو بس وقف بس طاحت عيني بعينها الا نط من مكانه.... هالبنت راح اتيننييي....راح تهبللللني...راح تطلعني من طوووري!!! اناا مادري شلون بكمل باجي الكورس واهيه معاي بنفس المحااضرره!!!!

نور قاعده تطق باب غرفة ناصر....

ناصر: منوو؟؟

نور: اناااا

ناصر قام على طول وفتحلها البااب

نور: هااا شلوون كان اول يووم؟؟؟

ناصر: نووور ما تصدقيــن.....الزيـن في محاضره معاااي

نور: احلللف

ناصر: وقسمااا بالله

نور: اوووف شالصدفه

ناصر: شفتي شلوووون مقرووود انااا

نور: ههههههههههه اي والله

ناصر: مادري شسوي بعمري.....

نور: اشوه ان يت على محاضره وحده مو نفس جدولك

ناصر: اوووف هذا اللي كان نااقص

في بيـت بوعادل....

( الزيـن دقت على عبدالرحمن)

الزيـن: هااااااي عمرررري

عبدالرحمن: هلاا والله هلااااا

الزيـن: حبيبي شلونك؟؟

عبدالرحمن: تمام والله بخيــر وانتي؟

الزيـن: الحمدالله بخيــر....حبيبي بغيت أسألك؟

عبدالرحمن: هلا عمري سألي اللي تبينه

الزيـن: انت كل أثنين وأربعا عندك ماده بالاجتماعيه صح؟

عبدالرحمن: ايييي أصلا انا مسجل هالماده مخصوووص عشان أكون قريب منج

الزيــن: حلوووو....عيل راح أشوفك باجر في كليتنا؟؟

عبدالرحمن: اكيييييييد راح امرررج....

الزيـن: انا عندي محاضره الساعه 9:30 ومحاضره الساعه 11 واخلص 12:15 وانت؟؟

عبدالرحمن: الماده اللي بالاجتماعيه من الساعه 11 لحد 12:15 واييج بعدين على طووول

الزيـن : وااايد تمااام

عبدالرحمن: ايييي

الزيـن ( بدلع): راح اعد الدقايق لما أشوفك باجر

عبدالرحمن: يبه انا أصلا بعد الثوااني

الزيـن: هههههههههه

عبدالرحمن : قلبي انتي

الزيـن : يلا عمري تامرني على شي؟

عبدالرحمن: ابي بس سلااامتج

الزيـن : الله يسلمك حبـي...يلا باااي حمني

عبدالرحمن: بااااي يا روووح حمني

الزين راحت حق كبتها وقاعده تجهز حق هدوم بااجر...ولبقت لبس على بعض وجهزت كل شي....

بينها وبين نفسها: ان شاء الله بس أصادفه بااجر ان شاء الله

واسمعت احد يدق عليها الباب....

الزيـن : منووو؟؟

بوعادل: أبووج

الزيـن ركضت على الباب تفتحه

الزيـن: يبه حبيــبي ولهانه علييك

بوعادل: اي عشان جذي ييتيني غرفتي سلمتي علي

الزيـن: لاا والله كنت توني راح اييك

بوعادل: عن العيااره....ها قوليلي شلون دوامج اليوم؟

الزيـن: والله كان حلووو

بوعادل: زين اشوه الحمدالله

الزيـن: وانت شلون كان دوامك؟

بوعادل: والله نفس كل يوم...انا رايح الحين شوي عندي شغل..بغيتي شي؟

الزيـن: لا مشكووور يا بعد جبدي

ثاني يوم الصبـح الساعه 8....الزيـن كانت قايمه من ساعه ولبست بمزاااج واكشخت على الااااخر....لابسه نفنوف لونه لون دم الغزال وكله مدخله معاه اكسسوارات ذهبيه ولابسه تاج ذهبي ومكياجها كان اينن...وشكلها كان وايد راقي وروووعه....طلت من الدريشه شافت سيارته بعدها بره..

الساعه 9 الا عشر اركبت سيارتها وحركت....

ناصر كان قاعد يطل من الدريـشه وقتها....ويفكرر: لا يكون بس معاي بمحاضرة الساعه 11 ومحاضرة الساعه 2....الله يسترررر...اوووف تعبــت وانا أفكرر... يوم واحد دوام وتعبت جذي بعديـن شنو راح يصيــر فييني!!!!
الزيـن طول ما اهيه ماشيه بممرات الكليه تتلفت يمين ويساار...ووشافت حنان واهيه قاعده تمشي...

حنان: يـه يـه يـه شالزيـــن

الزيـن واهيه تغمزلها: اي بعد انا الزيـن كلــه

حنان: قمة التواضع انتي....هالكشخه كلها مالها علاقه بفلان؟؟

الزيـن: أبدااااااا

حنان: اي طل بعيـني أبدا

الزيـن: هههههه انتي شفيــج اليوم راح اشوف حبيبي

حنان: بس عشان لا يصير سوء تفاهم نفس ذيك المره...حبيبج حمني صح؟؟

الزيـن: اييي عيــل منوو يعني

حنان: لا بس أتأكد لانج مو على بعضج من أمس

الزيـن تكلم حنان وتتلفت يمين ويسار...

حنان: زيـن انتي مضيعه شي؟

الزيـن: هاا!! لا مع ويهج

حنان: زين قوليلي شنو اللي في بالج؟

الزيـن: ولا شي

حنان: زين خلصيني مو علي هالكلام

الزيـن: بحرررررره

حنان: هههههههههه يعني شفتي شلون قلتلج له علاقه بفلان

الزيـن: اي ابيه يعرف شنو اللي راح عليـــه

حنان: دام جذي حريه على كيف كيـفج بس مو أكثر

الزيـن: لا طبعااا...ناصر خلاص مالي له اي مشاعر

حنان: والله أشك وانتي قاعده تتعنين بس عشان تحرينه

الزيـن: لاا انا بس يحس بقيمة الشي اللي خسرره

حنان: أقول يلا امشي المحاضره لا نتأخر

ودخلوا القاعه وقعدوا وبلشت المحاضره....بعد ساعه وربع طلعوا من القاعه

حنان: متى راح تشوفينه؟؟

الزين: منو؟

حنان بنرفزه: وبعدين معاج؟؟ عبدالرحمــــــــن

الزيـن: اي ان شاء الله عقب هالمحاضره...الساعه 12:15

حنان: اهوه راح اييج اهني صح؟

الزيـن: اي يعني مثلا انا اللي بروحله

حنان: انزيـن

الزيـن : امشي خل ناخذلنا شي من ستاربكس

حنان: يلا

بعدها راحوا المحاضره وصارت الساعه 12:15 وطلعوا

الزيـن دقت على عبدالرحمن

الزيـن: ها حبيبي وينك؟

عبدالرحمن: كاني دقايق واكون عندج...قلتيلي راح تكونين بالسكوير صوب الكافتيريا صح؟

الزيـن: اي صح يلا انطررك

وراحوا الزيـن وحنان وقاعدين بالكراسي اللي في السكوير...

الزيـن : ويــنه؟؟ ويــنه؟؟!

حنان: اي واحد فيهم؟

الزيـن: قاعده تتمسخرين انتي صح,,,عبدالرحمن زييييين

حنان: انزييييين

الزيـن: اوووف

حنان: كاااهو كاااهو

الزيـن: منوو؟؟ ويــن؟؟

حنان: الأخ نااصر

الزيـن: والله...ويــن؟؟

حنان: هناك واقف مع واحد يتكم معاه

الزيـن: اي اي شفته...

( كان لابس جيـنز مع بلوزه زرقه بأبيض وشكله كان بقمة الجاذبيه)

الزيـن : شكله ما انتبهلي

حنان: مادري تبين أسأله؟

الزيـن: لا استريحي

حنان: اوقفي أحسن عشان اذا شافج يشوفج عدل

الزيـن: اي على رايج

وقامت الزيـن

الزيـن: ان شاء الله بوقف بروحي؟؟؟ تعالي قومي معاي

وقاموا وقفوا على جنب وطول الوقت الزيـن تطالعه من تحت لي تحت

جان يلاحظها ناصر وارتبك وبعدين على طول لف ويهه سوا روحه ما اهتم...وقاعد يتكلم مع الريال...بس لا شعوريا يرجع يلف ويهه بسرعه ويطالعهااا ويرجع يطالع رفيجه وقلبه يطق يطق حيــل

بينه وبين نفسها: اااخ طااالعه قمررر اليـــوم....تهبـــل واللون هذا عليها ياخذ العقـــل...حلو جذي شعرها مروفوع بالتاج...

شوي جان اييي عبدالرحمن وكان لابس بلوزه كحليه مع جيـنز...

عبدالرحمن : السلام عليـكم

الزيـن: هلا والله...وعليـكم السلام

حنان: وعليـكم السلام

عبدالرحمن: شالجماال...اليوم شكلج طالع شي غيـــــر

الزيـن: يعني شقصدك؟؟ باجي الأيام شكلي مو شي ؟

عبدالرحمن: لا حشااا... كل يوم شكلج حلو بس اليوم بالذات شكلج رووعه

الزيـن: عيونك الحلوه

( ناصر بس لف ويهه وشافها واقفه معاه تكلمه حس بدمه يغليييييي...وويهه قلب أحمررر...واختبص حيــل...وولا يدري عن رفيــجه....وده يقطع عبدالرحمن تقطع....وظل بس يخزهم خززز وعيونه حمرره تشب ناااار
والزيــن لاحظه واهوه يطالعهم وكل ما تلف ويهها تشوفه قاعد يطالع تزيد ضحكاتها مع عبدالرحمن....)

محسن: نااصر..ناصر

ناصر: هلا هلا

محسن: شفيك يا رجل؟؟ ولا كأنك معااي

ناصر: لا ولا شي,,,,اقول محسن حبيبي انا ماشي عندي شغل..تامريني على شي؟

محسن: لا تسلم....خلصت محاضراتك اليوم ولا بعد ؟

ناصر: والله عندي الساعه 2

محسن: الله يعينك...يلا نشوفك على خير

ناصر: مع السلامه

ومشى على طول ناصر ما كان متحمل يوقف بعد اكثر وشايفها مع واحد غيـره تضحك وتسولف....
وركب سيارته يبي يرجع البيت حتى صار ماله خلق يحضر محاضرة الساعه 2 وعلى طول حرررك وطاااااار بالسياااره واهو دايس على 130

الزيـن لما شافته بهالحاله حست انها انتصــرت...فابتسمت ابتسامه خبيـثه واهيه تطالعه يمشي بسرعه....شعورها ما كان ينوصف....

حنان : زيــن...زيـــن

الزيـن: اي هلا

حنان: عبدالرحمن يسألج لأي ساعه راح تظلين بالكليه؟

الزيـن: اااه ايي الحين بمشي ان شاء الله وانت؟؟

عبدالرحمن: يلا عيل انا بعد ماشي

الزيـن: تمام

ووصلهم عبدالرحمن حق المواقف وراح حق سيارته

الزيـن وحنان قاعدين يمشون حق سياراتهم

حنان: الزيـن لا تستغلين عبدالرحمن عشان تثبتين شي حق ناصر..حرام عليج

الزيـن: شلون استغله؟؟؟ ناصر خطيبي

حنان: قصدج عبدالرحمن خطيبج

الزيـن: اي اي عبدالرحمن

حنان: بس مو تغلطين وتقولين اسمه جدام عبدالرحمن

الزيـن: لا ما اسويها

حنان: ترى واضح عبدالرحمن يموت عليـج

الزيـن: ادري وانا اموت عليه

حنان: متأكده ؟

الزيـن: متأكده ونص

حنان: انا خايفه ناصر يصير هوس بالنسبه لج

الزيـن: لا لا حبيبتي لا تحاتيــن

حنان: انزين

وكل وحده اركبت سيارتها وارجعوا البيـت

الزيـن في قمة سعادتهااا....حاسه اليوم انها ارضت نفسها وغرورهااا عدل

واهيه تسوق قاعده تفكر: والله شكله بعده يحبــني....لو ما يحبني جان ما اهتم اني قاعده اكلم غيـره...بس اصبر علي يا ناصر ما شفت شي بعد....

في بيت بوناصر.....

ناصر قاعد يرقع بالأشياء في غرفته ومعصــب ومتضايق حيييييييل وكاره الدنيا

ام ناصر دخلت عليه الغرفه...

ام ناصر: يمه شفيـــك؟؟؟هدي

ناصر: ما فيــني شييي...الله يعافيج خليني برووحي

ام ناصر: لا ما راح اخليك بروحك وانت جذي

ناصر: يمه طلعي ما ابي احط حرتي فييج

ام ناصر: يمه حبيبي انت تعرف ان اذا كانت نفسيتك تعبانه ممكن يرجعلك السرطان بسرعه

ناصر: اااااااخررر همييييي..خل يرجعلي وارتاح من اللي انا فيه

ام ناصر بانفعال: يمه لا تقووول جذي..اسم الله عليك الله يكافيك الشر ...قولي شفيــك؟؟؟

ناصر: يمه انا تعبااان..مو قاادر راح انفجرررر

ام ناصر: انزين يمه قولي شفيك يمكن اقدر أساعدك؟؟

ناصر: محد يقدر يساعدني يمه محــد

ام ناصر: انزين يمه بس لا تزعل رووحك خلاص اهدى ماكو شي يسوى

ناصر: يمه انا بطلع مو قادر اقعد بالبيت

ام ناصر: لا لا وين رايح؟؟؟ خلاص اذا تبي اطلع اطلع

ناصر: يمه سامحيني بس والله محتاج اقعد بروحي

ام ناصر: على راحتك حبيبي...بس لا تعور قلبك عشاني

ناصر: ان شاء الله يمه

طلعت امه من الغرفه.....

ناصر بينه وبين نفسه: رااح تذبحيــني يا زيـــن....راح تذبحيـــني....انا اللي كنت خايف عليــج وضحيــت عشاان لا يذبحج خبر مرضي...وانتي الحين راح تقضيــن عليييي....بس اهيه شذنبها أصلا!!! اهيه ما تدري انك ضحيـت عشاانها...اهيه حاطه في بالها انك خاين نذل عديم احساس...اكيد الحين تكرهك على اللي مررتها فيــه...وما تنلام...لو انا بمكانها جان سويــت نفس اللي قاعده تسويــه...

اااخ زيـــن ارجووووج رحميـــني.....شنو هاللعبه اللي قاعده تلعبيــنها؟!!!

بس تدرين...اثنيـن يقدرون يلعبون هاللــعبـه

تم الجزء الحادي عشــر

الجـزء الـثاني عشـر

لا لا ناصر اذكر الله...انت أكبر من جذي والزيـن ما تهون عليـك...اصبـر يا ناصـر هذي نتيجة اللي انت سويـته والزيـن مالها ذنــب بأي شي...وانت كنت متوقع ان هالشي راح يصيـر وانت كنت تبيها تكمل حياتها...بأي حق تتضايق...بأي حق تعترض....المهم اهيه...المهم الزيــن تكون فرحانه ومرتاحه... الله يوفقج يا الزيـن....

في بيـت بوعادل....الزيـن منسدحه على فراشها تفكر بكل اللي سوته اليوم...

ااااخ نااصر ليــش عقب كل هذااا وعقب كل اللي سويته فيني لحد الحيـن أفكر فيــك...لحد الحيـن في بالي....ما يصيـر يا زيـن..ما يصيــــر خلاااص انسيــه...ليش مو قادره تنسيــنه!!! زيـن انتي ما تحبينه..انتي بس تحاولين تردين اعتبارج...بس لو ما احبه ليش عيل كل ما اشوفه...قلبي تزيد دقاته...ايدي ترجف...معقوله بعدج تحبينه!!! حتى لو بعدج تحبيـنه...مستحيــل ترجعيله حتى لو بعده يحبـج ويبيـج....انتي ما عندج عزة نفس!! انتي مو لعبه متى ما يبيها خذاها ومتى ما مل منها قطهاا وشاف غيـرها....لا زيــن لاااا خليـج على موقفج لا تضعفيــن....

طحت بيده وآتصـدد وآتباهـى بالجمـوح
حايره بالحيل وادري دقـة الخفاق مِيـــح

كل ماهدّيت بيتٍ عمّرت عقبـه صـروح
كل ماقوّيـت قلبـي ألمحه-فجأه-يسيـح

وين أخبي هالمشاعر والمشاعر بي تنـوح
ربكة الأيام تلفت كل مـن هـو مستريـح

خايفه أبعد وينسى خايفه أقـرب ..يـروح
خايفه أجلس ويقسى..خايفه أوقف واطيح

خايفه والله اضيع وتنهش ايدينـي جـروح
خايفه أعلن جنوني..خايفه أسكت واصيـح

وين مالدّيت ألقى للذكـا أحلـى شـروح
كل من جاني يداوي..طاح باسبابي جريح

حارت الأيام فيني حارت بهالـروح روح
وامتلى صدر الغمامه(ياهلي)باوجاع ريـح

من هنا بيت القصيد يشتكـي ودّه يبـوح
يرتجي طير المعاني في غنا لحن الفصيح

كَيفَ لي اُبدِي شُعُوراً كَانَ للصَمتِ طَمُوح
كَيفَ لي أخفِي نَحيباً هدّه الشوق طَرِيـح

ذلكَ المَجنونُ بَانت فِي خَوَافيـهِ قـرُوح
كيفَ لي اسقيهِ عُنفاً وهوَ بالحبّ ِذبيـح

قامت الزيـن وطلت من الدريـشه وشافت سيارته واقفه بره....يا ترى شقاعد يسوي الحيـن؟! قاعد يفكر فيني مثل ما انا قاعده افكر فيه؟!

فكري زيـن شنو بتسوين باجر....لازم اتيننيـــــنه!!!!


ثاني يوم الصبـح قامت الزيـن ولبست نفنوف أبيض قصيـر فوق الركبه بشوي مع كعب وشكلها كان صــج حلوووووو ويلفت حيــــل....

وصلت الكليـه حوالي الساعه 10:40 والتقت بحنان بره...

حنان: زينووو حلو لبسج بس كأنه قصيـر

الزيـن: ادرري

حنان: انزين مو عادتج تلبسين نفانيف فوق الركبه

الزيـن: عجبني وخذيته

حنان: والله شكلج متعمــده

الزيـن: انتي الحين ليش قاعده تحققين معاي!!

حنان: انزين يلا امشي ناخذلنا شي من ستاربكس قبل المحاضره

الزيـن: يلااا

وراحوا خذولهم شي يشربونه من ستاربكس وراحوا المحاضره وقعدوا ورا نفس مكان ذيك المره...اول ما قعدت قامت تدور عليه تشوفه وين قاعد...

حنان: اللي قاعده تدورين عليه مو موجود

الزيـن: شدراج؟؟

حنان: ما اشوفه قاعد بمكان

الزيـن: تتوقعين سحبها؟

حنان: والله مادري يمكن

الزيـن حست باحبااااااااط....دخل الدكتور وشوي جان يدخل وراه ناصر

الزيـن: كاهو كاهو يه

عضت على شفايفها بس شافته وكانت حييييل فرحاااانه انه ما سحبهاا...

نص الوقت بالمحاضره تطالع ناصر وسرحاانه تفكررر.....

يحليله شاد حيله وماسك القلم يكتب مع الدكتور...حلو عليه الأزرق اللي لابسه....طريقة قعدته حلوووه.... يا حلاته واهوه مركزززز....

وخلصت المحاضره وقاموا تطلعوا من الباب....وناصر شافها واهيه تطلع...

ناصر بينه وبين نفسه وكان معصـب: اوووف شاللبس اللي لابسته!! واايد قصيـــر..!!!

اهيه لفت ويهها وشافته كان قاعد يخزهاا وعافس ويهه...وارجعت لفت ويهها جدام وضحكـت...

جان ناصر يقوم يمشي بسرعه ويسبقهااا....وصار جدامهم

شيـخه: ناصر!!!

كان في بنتين واقفين على جنب ناطرين يدخلون القاعه....بس ما سمعها لان كان قاعد يمشي بسرعه وردت نادته...

شيـخه: نااصر

ناصر على طول لف ويهه ناحية الصوت...

ناصر: هلا والله....اهليـــن شيـخه وساره

شيخه: اهليـن فيـك.. انت ويــنك!! غطيت علينا مره وحده!! اشدعوه تمشي و ما تسلم!!

ناصر: والله اسف كنت مستعيل ما انتبهت...المهم شلونكم؟؟؟

شيـخه وساره: تمام بخيــر الحمدالله...

ساره: قولنا وين اختفيت مره وحده جذي؟!

ناصر: على أساس بكمل دراستي بره وصارتلي مشاكل ورجعت

شيـخه: أفاا وتروح جذي من غير ما تقول حق احد!!!

ناصر: والله سامحوني لان كل شي صار بسرعه...

ساره : يعني الحين ان شاء الله راح تتخرج معانا او لا؟

ناصر: والله شكلي بعد سنتين ان شاء الله بس بحاول اخليهم سنه ونص

شيخه : بالتوفيق ان شاء الله

ناصر:شلون المستقله والباجي كلهم؟

شيـخه: الحمدالله تمام..ما تدري صرت منسقه

ناصر: لااا حلوو والله

ساره: ما راح ترجع تشتغل معانا؟

ناصر: والله قاعدين يحاولون يقنعون فيني الربع...بس مادري مضغوط شوي هالفتره

شيخه : لا عاد حاول ترجع وبعدين احنا اذا تخرجنا انت تكون موجود تمسكها

ناصر:على راسي المسقله بس يصير خيـر ان شاء الله

( الزيـن اول ما شافته واقف يسولف مع البنات غااااارررت....وعصـبت...وحست بعوار في بطنها....وظلت طول الوقت واهيه ماشيه تخززهم...ورافعه حاجب واحد بمعنى ان موو عاجبها...ولما صارت يمه واهوه لف ويهه وعينها صارت بعيـنه...وبعدين لفت ويهها وكملت طريجها...
ناصر شاف الف تعبير وتعبير في ويهها....شاف بعيونها كلااااام...شاف حزن..شاف خوف...شاف تساؤلالت....
والنظره اللي عطته اياها هزته هزززز..أربكته...

ساره: نااصر..ناصر

ناصر: هلا والله

شيخه: بشنو سرحااان؟؟؟

ناصر: لا معاكم والله

ساره: والله ولا تدري عنااا

شيخه: يلا لازم نروح المحاضره...عاد خلنا نشوفك

ناصر: اي ان شاء الله

شيخه: اوه عندك بلاك بيري...ضيفنا عندك

ناصر: يلا اوكي عطوني الpin

شيخه وساره: يلا مع السلامه

ناصر: مع السلامه

ناصر راح محاضرته والزيـن راحت محاضرتها....

طول المحاضره يفكر بالنظره اللي عطته اياها...هزت كيااااانه...حس بتأنيب الضميييييير...حس ان ظلمها واااايد معاااااه....

بينه وبين نفسه: يمكن غلط اللي سويته....يمكن كان مفروض اقولها كل شي من البدايه....بس خفت عليــها....ما كنت راح اتحمل ان يصير فيها شي....ااااخ الزيـن شكلج بعدج تحبيــني...بس والله انا ما استاهلج...ما استاهلج....انتي تستاهلين واحد احسن مني.....

وخلصت المحاضره والتقى مع ربعه ووقف سولف معاهم شوي

حنان والزيـن رايحين مواقف السيارات...والزيـن طول ما اهيه ماشيه ساكته مالها نفس تتكلم كلش...

حنان: الزيـــن حبيبتي شفيــج؟؟؟ ليش ساكته؟

الزيـن: ما فيني شي

حنان: انتي من وقت ما شفتيه واقف مع البنات وانتي مو على بعضج

الزيـن ساكته ما ردت عليها...

حنان: زين ابيج تديرين بالج على نفسـج

الزيـن: ادري لا تحاتين

حنان: ما ودج تطلعين مكان اليوم؟

الزيـن: لا والله خليها غيـر مره

حنان: على راحتج

الزيـن: اووه تلفوني انطفى ما فيه شحن

حنان: ترى هالبلاك بيري بسرعه بطاريته تخلص حتى انا نفس الشي

الزيـن: اي بعد ما اطفيه كلـش

حنان: يلا حبيبتي مع السلامه

الزيـن: بااي قلــبي أشووفج

وركبوا سياراتهم ومشووا....

الزيـن في سيارتها رايحه البيـت....سرحانه...بالها كلش مو معاها....ضايق خلقها...تحس انها مخنووقه..مكبووته...
شوي جان تصفر سيارتها ( بمعنى ان خلاص ما فيها بانزين كلش) وشوي شوي قاعده تخف السرعه....

الزيـن: اوووووف ماا فييييييها باانزيـــن!!!!!

وخذت الزيـن حارة اليمين ووقفت على جنب,,,وقاعده تدور على تلفونها في الجنطه تبي تدق على احد

الزيـن: امبيييييييه تلفوني ما فيه بطاريه!!! شسووووويييي الحيــن....

ناصر في سيارته.....

ناصر بينه وبين نفسه: اووه هذي كأنها سيارة الزيـن؟!!! ليش واقفه؟؟!

اوقفلها ولا لا...اوقفلها ولا لا!!!! ناصر احترم نفسك واوقف يمكن تحتاج احد يساعدها!!! انت ولا يوقفلها احد غريب....

ناصر وقف سيارته ورا سيارتها ونزل....اهيه ما كانت منتبهتله كلــــش

قاعده تحاول تطلع بطارية تلفونها وترجع تحطه يمكن يرد يتشغل لوو شوي....

ناصر وقف جدام دريشتها ينطرها تشوفه...جان يطق على الدريـشه....

الزيـن تصرررروعت وارفعت راسها وشافته واقف يم باب السياره....قلبها قام يدق

بسررررررعه....تدودهت.....اختبـصت....وبعدين حاولت تمالك نفسها...وافتحت دريشة السياره...

الزيـن: نعم؟؟

ناصر: تبين أساعدج بشي؟؟؟

الزيـن ردت عليه بعصبيه: لا مشكور مابي شي منك

ناصر: السياره فيها شي؟

الزيـن: مالك شغل

ناصر: انزين قوليلي على الأقل في احد راح اييج؟؟

الزيـن خاف تقوله اي وتتوهق ويرورح....

الزيـن: ممكن استخدم بس تلفونك لان تلفوني ما فيه شحن

ناصر: اي اكيد ممكن تفضلي

الزيـن: مشكور

وخذت تلفونها وقعدت تفكر تدق على اخوها او خطيبها!!! وقررت تدق على خطيبها!!!!

ناصر كان واقف بره بالشمس ينطرها......

تلفون عبدالرحمن كان يرن ويرن ومحد شاله لان كان عنده محاضره وحاطه سايلنت....ودقت على عادل نفس الشي ما يرد لان عنده محاضره مع اخوها

الزيـن توهقت....وقالت ماكو الا ادق على سايقنا!!! بس وي مو حافظه رقمه...عيل خل ادق على امي تقوله....

ناصر ناطرها وشايف ان محد قاعد يرد عليها....

ناصر: بس لو تقوليلي شفيها السياره؟؟؟ بس لو اعرف اذا بطاريتها مخنسه او فيها بانزين او لا؟ وانا أساعدج

الزيـن: اوووف قلتلك مالك شغل

ناصر: الزيـن الحين لو احد راح اييج يمكن ياخذ وقت وايد عبال ما يوصل وبهالزحمه...خليني أساعدج

الزين اسكتت...

ناصر: شكلها ما فيها بانزين صح؟

الزيـن: صح

ناصر: انزين اشوه في محطة بانزين قريبه....انزين عيل 10 دقايق اروح اييبلج بانزين وارجع

الزيـن بنفسيه: انزين

ناصر: خلي تلفوني عندج اخاف تحتاجينه او شي

الزيـن: لا لا اخذه

ناصر: ميخالف ميخالف بس ارجع اخذه يمكن يرجعون يدقون اللي دقيتي عليهم توه

اهوه ركب سيارتها ومشى.....

اول ما مشى ناصر لاحظت الزيـن ان ايدها طول الوقت كانت ترجف....وقعدت تنطره ....

واهيه ماسكه تلفونه قعدت تطمش على المسجات

بينها وبين نفسه: ما في مسجات فيها شعر وكلام حلو!!! كلها مسجات عاديه!!! بس يمكن عنده تلفون غيره فيه كل البلاوي عشان جذي تطمن يخلي هذا معاي...!!!

وتطمش على الأسماء الموجوده... ودخلت على البلاك بيري contacts

تكلم نفسها: يا سلاااام .. شوشو و سارونه و دلول

وبعدين جان تطلع رقم ال pin ماله وتسجله عندها على ورقه...وما تدري ليش سوت جذي!!!

مر حوالي ربع ساعه وبعده ما وصــل وكل شوي كان يوقفلها احد بس تقولهم ان في احد راح ايي يساعدها....

الزيـن: امبييييييييه من صجه هذاااا!!! زرعنيييي

شوي جان اييي ناصر ومعاه البانزيـن ومشتري بطل ماي كبيـر وسجيـنه ( سكيـنه)

ناصر: اسف اسف اذا تأخرت عليـج

الزيـن: جان بعد ما ييت

ناصر: لان رحت الجمعيه بعد اييب الأغراض

الزيـن تفاجئت من البطل والسجيـنه اللي طلعهم من الجيـس ووقف على الرصيف وفضى البطل الماي كله على الزرع وحط البطل على الأرض وقام يقـصه بالنص

الزيـن بينها وبين نفسها: هذا شقاعد يسوي؟!

ناصر خلص....

ناصر: مضطر استخدم البطل لان ما لقيت الشغله اللي كنت ادورها وخفت اتأخر عليج وايد....

الزيـن: مو مشكله

وثبت راس البطل في مكان تانكي البنزين في السياره وقام يعبيــها....وخلص

ناصر: بس خلاص شغلي السياره...

الزيـن قامت شغلت السياره واشتغلت....

ناصر: يلا خووش

الزيـن: انزين دقيقه... هاك تلفونك

ناصر: اي مشكوره

الزيـن: لحظه...جم طلع البانزين؟؟

ناصر: ما طلع وايد بس ديري بالج مره ثانيه

الزيـن: لا لا قولي

وطلعت 5 دناينر من بوكها تبي تعطيه

ناصر بس شاف الفلوس عصــب...تنرررفززز

ناصر بنرفزه: بس قلتلج ماله داعي.....وركب سيارته ومشى

الزيـن تضايقت ليش نرفزته جذي وتذكرت ان المسكين حتى ما اشكرته كلش...

وشافته مشى بسيارته وتحس بروحها تصرررخ تقول: وين رايح؟؟ تعاااال...أخذني معااااااك

قلت ما أحبـه وأنا مجنون فيه
ما بـيه يـــشوف حالـه من غلاهـ

قلت ماهمني لوفكر بغيري ويبيه
ماأبي أحرق قلبي وضلوعي بهواهـ

دوووم أكذب ودقات قلبي تناديه
أكابر حتى بأشواقي وأعاني معاناه

هذا حالي لا قرب قلت:لأ ما أبيه
ولابعـًـد قلت ياويل حالى على فرقاهـ

والله أحبه وأعشقه عشق وأموت فيه
حفرت بقلبي حروفه وهو مطلبه ومناهـ

مابي أكشف له عن داخلي وأني أغليه
خلوهـ يتوهـ بعيوني يشوف الحب والااهـ

أحبه حب لويدري يقول غيره وش أبي فيه
يقول هذا مناتي ومطلب فكري ورجواهـ

أحبه بصمت وأعانـي من اللي أسويه
أتعذب حتى برقادي كل ما ألتفت ألقاهـ

صورته تسكن خيالي وبروحي أفتديه
يشهد على الله مهما أبتعدنا مستحيل أنساهـ

حسبي على طبعي كيف يأذيني وأذيه
عمركم شفتوا إنسـان جاحد بمـحتـواه

هذا أنا لا أقبل قلت: من قال اني أبيه
وإلى منه أبتعد صرخت ضلوعــي أهـوااهـ

تــم الجــزء الـثاني عشــــر

والأشعار اللي حطيتها اهيه كلها أشعار اعجبتني ونقلتها من النـت

البارت الثالث عشـــر

ناصـر وصل البيـت واهوه داخل جان يرن تلفونه.... ( عادل.... يتصل بك )

اهوه كان ناقل كل الأرقام حق خطه اليديد بس استغرب شلون عادل يعرف هالرقم لان عمره ما دق عليه منه...بعدين تذكران الزين دقت من تلفونه...وشال الخـط...

عادل: السلام عليـكم

ناصر: وعليـكم السلااام...هلا بالحبـيب

عادل باستغراب: هلا والله!!! منو معاي؟؟

ناصر: افاا ما عرفتني من صوتي؟!

عادل: امممم والله جني عرفت بس مو متأكد!! ناصر؟!

ناصر: ايووه يبتها صح....شلوونك؟؟

عادل: اووووله ناصر بشحمه ولحمه داق علي!!!

ناصر: ههههههه والله سامحني ادري اني قطعتك فجأه

عادل: زين والله فكرت تدق علي,,,,انت الحين بالكويت؟

ناصر: اي والله بالكويت

عادل: اووف من متى؟!

ناصر: من حوالي شهر وشي

عادل: أفااااا يعني يا أخي تغير خط تلفونك وتسافر فجأه تكمل دراستك بره وبعدين ترجع الكويت وولا تقولي؟!

ناصر: والله سامحني لان صارت معاي ظروف وانشغلت وايد

عادل: انت تدري ان بيتكم اقبال بيتنا على طول؟! اشدعوه مرني الدوانيه.. سلم علي مو رفيجك انا؟

ناصر: عزيز وغالي والله وصح كان مفروض اعطيك خبـر بس لاني كانت حايس هالفتره

عادل: يعني هالموزراتي مااالتك؟؟؟

ناصر: اييي شفتهاا

عادل: ايي اكيد شفتهااا...خووش سياره والله...عاد طلعني فيها مره؟

ناصر: افااا عليـك بس جذي...اذا تبي أسلفك اياها بعد

عادل: تعجبـني... ياريــت والله ودي اجربهاا!!!!

ناصر: ما عندي مانع...السياره تحت أمرك

عادل: تسلم والله ...راجع زياره انت او شنو؟

ناصر: لا ويـن...خلاص رجعت اكمل دراستي بالكويت

عادل: لا والله!! ما مشى الحال بره؟

ناصر: لا صارتلي مشاكل وجذي فسحبت اوراقي ورجعت جامعة الكويت

عادل: زين والله وجامعة الكويت ما قالوا شي؟

ناصر: لا عادي اشوه خلوني ارجع اكمل دراستي اهني بس في وايد مواد راحت علي ما احتسبوها..

عادل: وي حسافه...يلا ما عليه

ناصر: الله كريم

عادل:انزين تعال تعال الحين الدوانيه بقعد معاك أكلمك شوي

ناصر: الحين!! والله توني راجع من الكليه...شرايك نخليها بليل؟

عادل: يلا اوكي...انا من بعد الساعه 9 راح اكون بالدوانيه

ناصر: اوكي تمام

عادل: عاد مو تكشت فيـني

ناصر: لا لا ان شاء الله اكيد ياي

عادل: يلا أشوفك على خيـر

ناصر: مع السلامه

شاف ناصر امه قاعده بالصاله وراح سلم عليها وحب راسها....

ام ناصر: ها شلون كان دوامك اليوم؟

ناصر: الحمدالله بخيـر

ام ناصر: شوي وراح نحط الغدا

ناصر: لا يمه ميخالف مالي نفس اكل

وصعد ناصر غرفته وعلى طول قط نفسه على الفراش من التعب ونام....

الزيـن وصلت البيت وشافت عادل وامها قاعدين في الصاله...

الزيـن: السلام عليـكم

ام عادل وعادل: وعليـكم السلام

وعلى طول قطت نفسها على القنفه ( الكنبه) من التعب...

ام عادل: شلون الدوام؟

الزيـن: زين الحمدالله

عادل: اي يمه شكنت بقولج..شكنت بقولج!!! نستني هذي...اي عرفت..تدرين ناصر ولد ييرانا رجع من السفر واليوم يايني الدوانيه

ام عادل انعفس ويهها: اهاا وشاللي رجعه؟

( الزيـن عدلت نفسها بالقعده وطالعت عادل تنطره يرد على امه لان صج تبي تعرف ليش رد)

عادل: مادري يقول صارتله مشاكل اهناك ورجع يكمل دراسته اهني

ام عادل: اي الله ما يرضى

عادل: ليش؟! على شنو ما يرضى؟!

ام عادل: هااا!! لا لا ولا شي...يلا ما يعتوا؟!....خل احطلكم الغدا

عادل: اي يمه تكفيييين حدي يووعااان

الزيـن : انا صاعده ابدل هدومي وراده

صارت الساعه حوالي 6 المغرب وقام ناصر من النوم ولبس وطلع رايح النادي....

طول الطريج يفكر باللي صار مع الزيـن اليوم....ما كان عاجبه الطريقه اللي عاملته فيها بس ما يلومها....وبنفس الوقت فرحاااان انه خذا وعطى معاااهاا...تذكر اول واشتاق حق ذيج الأيام الحلوه لما كانوا يسهرون بالساعات بس يسولفون.....

ناصر: أحبـــــــــــج

الزيـن: شكثرر؟؟

ناصر: احبــج كثـر دوس الأرض

الزيـن: بس؟

ناصر: كثر ما ارمشت عيون الناس

الزيـن: وبعد؟

ناصر: كثـر ما تنقال الكلمه

الزيـن: أي كلمه؟؟

ناصر: أحبـج أحبج أحبج

في بيت بوعادل.....

الزيـن دقت على حنان

الزيـن: حنون خل نطلع مكان

حنان: الحين يايه تقوليلي...الساعه 6:30 عبال ما نلبس ونوصل الا صارت الساعه يمكن 8

الزيـن: ويعني؟؟

حنان: مادري عادي انا اهلي ما يقولون شي بس لا نتأخر عن الساعه 10

الزيـن: اي بس نتعشى ونرجع

حنان: اوكي...انتي تمريني ؟

الزيـن: اي انا امرج

ولبست الزيـن وكشخت وبعدين تذكرت انها ما قالت حق عبدالرحمن...ودقت عليه

الزيـن: الوو...عبدالرحمن قلبي انا بطلع الحين اوكي

عبدالرحمن: وين بتروحين؟

الزيـن: بروح بس اتعشى مع حنون وراده

عبدالرحمن: اوكي حبيبتي عاد ديري بالج على نفسج وحاولي ما تتأخرين بره

الزيـن: اي اي بس عشا ورادين

عبدالرحمن: انا بمر دوانية اخوج اليوم

الزيـن: اها صج!! الساعه جم؟

عبدالرحمن: مادري والله يمكن على 9:30 او 10

الزيـن: اها اوكي...يلا حبيبي تامريني على شي؟

عبدالرحمن: لا قلبي تسلميــــن ابي بس سلاامتج

الزيـن: مع السلامه

عبدالرحمن: مع السلامه حبي

وطلعت الزيـن من بيتها ومرت بيت حنان وخذتها....

الزيـن: ما تدرين شنو صار معاي اليوم

حنان: شنو صار؟؟؟

الزيـن: تخيلي مو صح انطفى جهازي وما فيه شحن

حنان: اي

الزيـن: وانا ماشيه بالسياره جان توقف علي فجأه ما فيها بانزين وكنت متوووهقه مو قادره ادق على احد

حنان:وييييييي,,,ومحد وقفلج؟

الزين: امبله وقفولي بس ما تتوقعين منو اللي ساعدني

حنان: منووو؟؟؟

الزيـن: ناصر

حنان: حلللفي

الزيـن: والله تخيلي

حنان: شصار قوليلي

الزيـن: اهوه اول شي ياي يبي يساعدني بس ما عطيته ويه وقلتله ما ابي منك شي وطلبت منه تلفونه ادق على احد

حنان: اي وبعدين؟

الزيـن: على حظي لا عادل ولا عبدالرحمن قاعدين يردون علي فاخر شي خليت هالحقير يساعدني

حنان: ههههه وبعدين شصار؟

الزيـن: بس ما صار شي سوالي السياره...بس كسر خاطري ما كنت قاعده اعامله زين ولا حتى شكرته

حنان: يستاهل هالحقير

الزيـن: حنان لا تقولين عنه حقير

حنان: بسم الله انتي توج قايله عنه هالكلمه

الزيـن: انا اقول عنه عادي بس انتي لو سمحتي لا تسبينه

حنان: امبييييييييه بذبــــحج....زينوووو لا يكون رجعتي تحبينه؟

الزيـن: انا متى أصلا ما حبيته

حنان: زيــن انتي من صجج؟؟!!! شفيييج انتي مخطوبه حق واحد ثاني

الزيـن: ادررري يعني بس شسوي غصبن علي

حنان: ماكو شي غصبن عليج....زين وين كلامج اول؟؟ ما قام يعنيلي وما احبه وما ابيه وخل يولي

الزيـن: زين اذا انا الحين احبه مو معانته اني ابيه وابي ارجعله

حنان: عيل شنو؟

الزيـن: احبه غصبن علي...حنان كان بينا عشره وذكريات وايد ما اقدر اتخطاها بسهوله

حنان: المهم انتي ساعدي نفسج

الزيـن: ادري حنان...مستحيل اسامحه على اللي سواه فيني...وانا مو بكيفه متى ما يبيني يبيني....وبعدين أصلا يمكن حتى ما يبيني وما قام يحبني

حنان: مادري والله على نظراته لج شكله بعده يحبج

الزيـن طالعت حنان بسرعه فرحانه من اللي قاله

الزين: والله؟؟؟ حسيتي بهالشي؟

حنان: الله يهداج شفيج تصرقعتي؟؟

الزيـن: هااا!! لا انا عادي كلش

حنان: والله انتي مشكلتج مشكله

ووصلوا المطعم وقعدوا ياكلون....

ناصر كان راجع البيت وتسبح وبدل وصارت حوالي الساعه 9:30 وطلع رايح دوانية عادل....

بينه وبين نفسه: غريبه وين سيارة الزيـن!! الساعه 9 وشي وبعدها مو في البيـت!!

ودخل الدوانيه وقامله عادل...

عادل: يا حيالله نويصر

ناصر: هلا والله هلا

وسلموا على بعض وقعدوا يسولفون....

ناصر: والله لك وحشه

عادل: وانت اكثر والله...جذي يا ناصر جذي

ناصر: شنو؟

عادل: جذي تقولي بتقدم حق اختك وانا معجب فيها وابيها وبعدين اكتشف من امي انك هونت على الزواج؟!!! صدمتني فيك
الصراحه

ناصر ارتبك شوي:لان انقبلت فجأه بالكليه عندهم وما كنت متوقع يقبولني وكل شي صار بسرعه واضطريت أسافر على طوول

عادل: انزين اشدعوه جان كلمتني..عطيتني خبر

ناصر: الصراحه ما عرفت شقولك!! كنت مفتشل

عادل: لا من صجك!!! الزواج قسمه ونصيب وما صار شي

ناصر: ميخالف سامحني

عادل: لا عادي خلاص يبه شي قديم وطااف بس وقتها تضايقت شوي منك

اعتفس ويه ناصر فجأه لما شاف عبدالرحمن داخل....

عبدالرحمن: السلام عليــكم

ناصر بينه وبين نفسه: هذا اللي بنتفه الحيــن....شيايبه!!

واضطر ناصر يقوم يسلم عليه لان شافه ياي صوبه

وقعد مع عادل وناصر....

عادل: منور منور يالعبد

عبدالرحمن: بوجودك حبيبي

عادل: شلونك؟؟ان شاء الله كل شي تمام؟

عبدالرحمن: اي الحمدالله تمام التمام

ناصر طول الوقت ساكت ماله خلق ياخذ ويعطي معاه...

عادل: ناصر تدري ان عبدالرحمن خطيب الزيـن اختي

ناصر يسوي روحه متفاجئ من الخبر: لااااه صج!! مبروووك

عبدالرحمن : الله يبارك فيــك...والله احسن شي سويته اني خطبت...عايش احلى اياام حياتي

ناصر حس بدمه يغلي من كلام عبدالرحمن....

ناصر: ومتى الزواج؟

عبدالرحمن: بعد راح نملج بعد حوالي شهرين وبعدين الزواج عقب ما اتخرج

ناصر قام يحس انه حرررااان...ومخنووق....ومو قادر يقعد بعد

ناصر: موفقين ان شاء الله....عن اذنكم حاس اني دايخ شوي

عادل: أفا يا ناصر....ما صارلك الا ثلث ساعه قاعد

ناصر: ميخالف لان وراي محاضره من صباح الله خير

عادل: على راحتك...عاد خلنا نشوفك

ناصر: اي ان شاء الله ولا يهمك

ناصر: أشوفكم على خيـر

عادل وعبدالرحمن: على خير ان شاء الله

ناصر طلع على طول من الدوانيه واهيه يمشي بسرررعه والزين قاعده تدخل سيارتها من مدخل البيت عشان توصل حق الجراج اللي صاير داخلي شوي...والدوانيه قريبه من مدخل البيت الرئيسي اللي تدخل فيه السيارات >> عاد تخيلو مو عارفه اشرح عدل خخخخ

المهم ناصر اهوه وطالع بسرعه جان على طوول اتيي بويهه السيااره وكانت دايسه وتصروع بغت تدخل فيـــه واهيه وقفت فجأه كانت على وشك تدووووسه خلاص....وقلبها يرقع يرقع حيـــل وجسمها كله ينتفض من الخوووف ونزلت من السياره
الزيـن: امبيه حشتك؟؟؟

ناصر قلبه قاعد يطق بسرعه من الخرعه وقاعد يتنفس بسرعه: اشدعوه جذي داايسه؟!!

الزيـن واهيه مخترعه عليه: مادري يعني!! ما شفتك!! اسفـه

ناصر بعصبيه: كنتي بتدوسيني خلاص

الزيـن تتكلم واهيه خايفه: يعني انت بعد ما شفتني يايه!!!

ناصر بعده معصب: والله ما توقعت في سياره راح تدخل الحين الساعه 10 بلييييييل

الزيـن انحرجت وعارفه ان اللي قاله نغزه حقها....

الزين بنرفزه : والله عاد انا أرجع البيت بكيفي وبأي وقت ابي....على العموم حصل خيـر...مت؟؟مت؟؟ لا ما مت!!!

ناصر : ان شاء الله تسوقين عدل مره ثانيه

وعطاها نظره ومشى......

واهيه دخلت البيـــت وصعدت غرفتها وقلبها بعده يدق يدق حيــــــــل

وبعدين فجأه قامت تضحك على اللي صار توه....

وفصخت هدومها وخذت شاور وخلصت...وطول الوقت في بالها الموقف...

بينها وبين نفسها: يا حلاته واهوه معصـــب....مو عاجبه بعد اني راده متأخرر...وااااي هذا ناصر نفسه ما تغيـــر...

امبيــه شلون بغيـت ادوسه توه!!! اسم الله عليــه اشوه ان ما صار فيـه شي جان والله مـت...

وانزلت تحت وراحت الصاله شافت امها....

الزيـن: قوه يمه شلوونج؟؟

ام عادل: هلا حبيـبتي...تمام..شلون طلعتج مع رفيجتج؟؟

الزيـن: تمام والله ونااسه

ام عادل: تمام الحمدالله....زين بغيت أسألج

الزيـن: هلا يمه قولي

ام عادل: شنو شعورج لما عرفتي ان ناصر رجع؟؟؟

الزيـن: امممم عادي ولا همني الموضوع

ام عادل: والله؟؟؟

الزيـن: اي يمه خلاص نسيته

ام عادل: اشوه الحمدالله حبيبتي ريحتيني

دق تلفونها ( حمني يتصل بك) وقامت من مكانها رايحه غرفتها

الزيـن: هلا حمني

عبدالرحمن: ها رجعتي البيت؟

الزيـن: اي انا بالبيت

عبدالرحمن: حسافه جان قلتيلي انج يايه جان طلعت من الدوانيه اول ما تيين عشان أشوفج,,,ولهااان عليييج

الزيـن: امبيه لا يكون اخوي يمك؟

عبدالرحمن : لا لا لاهي مع الربع...بعيد عنه انا

الزيـن: اي اشوه....مادري والله ما حبيت أزعجك انت وقاعد مع ربعك

عبدالرحمن: انتي انتي تزعجييني!!!! من صجج!! انا ما اصدق اسمع صوتج او أشوفج

الزيـن: يا بعد عمري...ميخالف باجر راح أشوفك بالكليه

عبدالرحمن: اي ان شاء الله...نفس المكان؟؟

الزيـن: نفس المكاان

عبدالرحمن: تمااام...يلا حبيبتي تصبحين على خيـــــر

الزيـن: وانت من أهله قلبي

وصكت الخط و انسدحت على الفراش.....قاعده تشوف المسجات اللي واصلتلها بالبلاك بيري ماسنجر
بعدين فجأه جان تتذكر الورقه اللي كتبت فيها رقم ال pin حق البلاك بيري ناصر...وراحت على طوول حق جنطتها تدور الورقه ولقتها وقعدت تطالعها

وتفكررر...أضيــفه عندي او لا؟!؟! أضيــفه او لا!!! خل أضيــفه ما راح يعرف أصلا منو اناا
( طبعا كلكم اعتقد تعرفون تلفون البلاك بيري وسوالف البلاك بيري ماسنجر وكل واحد عنده بلاك بيري يقدر ياخذ الpin حق بلاك بيري ثاني ويضيفه عنده بالبلاك بيري ماسنجر ويعرفون بعض بالنكات اللي حاطينها...وصاير تقريبا نفس المسن

قررت تضيـفه بس اول شي شالت الاسم اللي حاطته ( ZoOZOo)
وحطت بداله نك ثاني عشان لا يعرفها ( DaLa3 )
و تقوم تضيفه عندها وناطره الأكسبت منه....دقايق جان ينضاف عندها بال ....contacts

يطلع !!! ناصر: منو Dala3

بعدين اهيه دخلت كلمته....( طبعا الكلام كله بالانجليزي معرب) >> عشتو

Dala3: هاااااااي

NaSser: هااي

Dala3: شلونك؟؟

NaSser تمام... عفوا بس منو معاي؟

Dala3: معجبـه

NaSser: من وين خذيتي ال pin مالي؟

Dala3: من احد

NaSser:اهاا!! انزين منو معاي؟؟

Dala3: يعني ضروري تعرف؟؟؟

NaSser : اي أبي أعرف

Dala3:مابي أقول

NaSser: شوفي انا مو فاضي حق هالسوالف.. بحذفج يلا باي

Dala3 :لحظه لحظه

NaSser :نعم!! اشتبين؟؟

Dala3 : أبيــك

NaSser: اشتبين فيني؟

Dala3: أحبـــك....


تــم الجــزء الثـالث عشر

الجـزء الـرابـع عشــر

انتي مينونه؟؟ :NaSser

مينونه فيـك يا جنوني : Dala3


: الحمدالله والشكر...ترى شكلج وحده وايد فاضيه وانا مالي خلق :NaSser

انت يعني عشان حلو تشوف نفسك علينا؟ : Dala3

اي انا شايف نفسي....: NaSser

: يحقلك يا حلو Dala3

: انزين يلا ماما روحي تغطي عدل ونامي أحنسلج: NaSser:

ليش تبي تفتك مني؟؟ قاعده اقولك والله أحبك : Dala3

انزين وانا شنو المطلوب مني؟!!! بس ترى زهقتيني..يلا باي :NaSser

وحذفها ناصر من اللسته!!!

الزيـن لما شافت انها قاعده تكتبله بس مو قاعد يندزله شي عرفت ان مسحها من اللسته وفرررررررحت.....
الزيـن تكلم روحها: واااااي حبيــبي مو مال هالسوالف كللللش...يهبللل...يهبللل ولا حتى حاول يتعرف عليــهااا....ولا عطاها ويه كلـــش...فديــته

الزيـن نامت واهيه مستااانسه حيــــل وبس تفكر بكل الأحداث اللي صارت اليوم مع ناصر....


ناصر منسدح بفراشه يفكررر....

الحيـن أقل من أسبوع صادفت الزيـن مليون مره....بس ما راح اقدر اتحمل أكثررر!! وين ما اروح قاعد القااهااا!! من غيـر شي واهيه دايما في بالي وشاغلتني!!! بس كافي تعبــت...تعبـــت

ثاني يوم الظهر في الكليه الساعه 12:20

حنان: والله سويتي جذي!!!

الزيـن: اي عادي يعني ما يدري ان اناا

حنان: انزين لييييش!!! شنو استفدتي من هالحركه؟!

الزيـن: بس قاعده اتسلى

حنان: ترى شوفي بديتي تنرفزيني بتصرفاتج!! ترى بهالطريقه جنج قاعده تخونين خطيبج

الزيـن: لا الشكووو!! مو صاير بيني وبين ناصر شي

حنان: بس خلاص بطلي هالحركات

الزيـن: بس بس عبدالرحمن يه

عبدالرحمن: السلام عليكم

الزيـن وحنان: وعليكم السلام..

وكانوا واقفين يسولفون وبعدين راحوا يمشون حق مواقف السيارات...

واهمه ماشيين جان يصادفون ناصر ياي بويههم....

عبدالرحمن: هلاااا

ناصر ويهه انعفس وكان وده يغير طريجه بس شافه ما لحق!!

ناصر: هلا والله

عبدالرحمن: شالصدفه أشوفك امس واليوم

ناصر: اي والله خوش صدف >>> كلش مو قاصدهاا

( تفاجئت الزيـن ان يعرفون بعض....وما كانت مرتاحه بالوضع اللي فيه)

عبدالرحمن: نشوفك اليوم بالدوانيه عيل؟

ناصر: والله مو أكيــد

عبدالرحمن: أعرفك ناصر بخطيبتي الزيـن اللي اهيه اخت عادل

ناصر: اي اعرف انها اخت عادل...السلام عليكم

الزيـن بارتباك: وعليكم السلام

عبدالرحمن: اي صح اكيد تعرفها دام ييرانكم من سنين

ناصر: يلا عن اذنكم مضطر امشي

عبدالرحمن: اذنك معاك...مع السلامه

ناصر: مع السلامه

نااااصر من هالوقت قررر ان خلااااااااص ما راح يقدر يتحمل أكثرر من جذييي...من اول ما قال عادل ( خطيبتي الزيـن) استوعب ان خلاااااص ممكن يخسرها للأبد.....اذا تزوجت رااح تضيــع منه...و ما يقدر يتخيلها مع انسان ثاني غيـــره....
بينه وبين نفسـه: الزيــن انتي لي... بس لي اناااا
صارت الساعه 3:15 وطلع ناصر من محاضرته رايح البيـــت

وصل البيـت وصعد غرفته ومسك تلفونه قاعد يفكررر...
لازم ادق على الزيـن...لازم اكلمهااا...ما اقدر اتحمل اكثر من جذي...احبهاااا...احبهااااا..
.سامحيــني الزيـن على اللي خليتج تمرين فيه...حاولت أنسااج واخليج تعيشين حيااتج بس خلاااص ماني قااادر...ابيـــج...

طلبتك بس لو تسمح تناسى غلـــــــــطتي واسمح
ترى والله مو قصدي أكــــــــــــدّر خاطرك وأجرح

أنا أحبك أنا أغليك أنا كلـــــــــــــــــي متيم فيك
يا كيف أزعلك مني وأنا اللي همي بس أرضيك

تأكد أني مـا أقدر على بعـــــــــــدك ولا أصبر
إذا تبعد أنا بجيك وإذا تــــــــــــزعل أنا أتكدّر

أوقّع وأعترف وأبصم بأنـــــــــك في عروقي الدم
وفي كوني وتكويني حبيبي حبـــــــــــــــك الأهم

تقبّل يالغلا عذري جرحتـــــــــك دوم ما أدري
وانت تدري بقلبي غلاك كبــــــــــير يا عمري

ناصر وأخيــــرا دق على الزيـــن.....

(جنووني...يتصل بك)

الزيـن تفااجئت...اختبصت....توتررت....مو مصدقه انه داااق عليهاااا!!!! وقررت تشيله

الزيـن: نعم؟؟

ناصر: مساء الخير

الزيـن: مساء النور...منو معاي؟؟

>>> يعني ماسحه الرقم وناسيته

ناصر: زيـــن

الزيـن: هلا

ناصر: يعني ما عرفتيني؟

الزيـن: ناصر؟؟

ناصر: اي ناصر

الزيـن: ليش لحد الحين محتفظ برقمي؟؟؟

ناصر: الزيـن انا محتفظ بكل شي يخصج

الزيـن قلبها قام يدق بسررررررررعه....وايدها تررجف

الزيـن: شتقصد يعني؟

ناصر: زيـن انا أحبــج

الزين: يا سلاام....ومن متى تحبني؟؟

ناصر: احبج من وقت ما حبيتيني

الزيـن: لا حبيبي انت نسيت!!! مو على أساس انا غلطه في حياتك!!!

ناصر: الزيــن....

الزيـن قاطعته: اسمعني زييييين...انا مو على كيفك متى ما بغيتني راح ايي عليك أركض!!! انت جرحتني....جرحتني لدرجه خليتني فتره كارهه حياااتييي...صدمتني فيـــك وكلامك ذبحنيييي...وياي الحين بكل بساطه تقولي أحبج!!! أحبج!!!! شنو ناطر مني أقولك؟؟؟؟ أقولك وانا بعد أحبك؟؟؟

ناصر: زين انا اسف بس..

الزيـن: ااسف!!!! اااسف على شنووو؟؟؟؟ على العذاااب اللي عيشتني فييه!!! ياما بجيت عليك...ياما سهرت...
ناصر انت حطمتنييي...كسرتني...من غير أي سبب!!! الحييين..الحين قدرتني وعرفت قيمتي؟؟!!!وياااي بكل برود تقولي " أحبـج" عقب شنوو نااصر؟؟؟

الزيــن قااامت تبجــي وناصر بدا يبجي معاها....

ناصر: زييين سمعييني حبيبتي...انا كنت غلطان اني تركتج بس انا سويت كل هذا عشان....

الزيـن: ماااكو سبب ناااصر...مالك أي عذررر تسوي فيني اللي سويته!!!

ناصر: صديقيني يا زييين كان حق مصلحتج

الزيـن واهيه تضحك باستهزاء: مصلحتي!!! تبي تقنعني انك تركتني حق مصلحتي!! انت شقاعد تقووول؟؟!! اذا تبي تتعذر وتقص علي..قص علي عدل

ناصر واهيه يبجي: زيييين انا ماني قاادر اعيييش بدونج صدقيني...كنت أحبج ومازلت أحبببج وراح اظل طول عمري احبج

الزيـن: تدري شنو اللي يضحك ناصر؟؟ اللي يضحك انك واثق من نفسك وياي بكل جرأه تقول انك تحبيني!!! انت ما تدري اني مخطوبه؟؟! عقب ما شفتني صرت حق غيرك صرت تبيني؟؟؟ مثل الياهل ما يبي الا اللعبه اللي عند رفيجه واللي بايده عقب ما يشبع منها تطيح من عينه ويقطها

ناصر: زيييييين انتي تعرفيني انا موو جذي!!! طبعي موو جذي

الزيـن: ناصر انا نطرتك أكثر من سنه!! اكثر من سنه وانا اوهم نفسي انك راجعلي....انك ما زلت تحبني...وبيوم راح اتيي وتاخذني...لكن لي متى؟؟؟ كنت متوقع بظل أنطرك لي اخر عمري؟؟

ناصر: زييين بس بحاول أفهمج الموضوع...

الزيـن: رجاء اسكت ولا كلمه...خلاص ما في كلام بيني وبينك

ناصر: ارجووووج زيييييين سمعييينييي

الزيـن: ارجع حق اللي تركتني عشانها

ناصر: عمره ما كان في احد غييرررج صدقيني

الزيـن: ناصر ما راح يمشي على هالكلام الحين

ناصر: زيييييييييييين انتي تحبيني

الزيـن: كنت....كنت يا ناصر أحبك

ناصر: لااا زيييييين انا شايف هالشي بعيوووونج وبتصرفاتج ...انتي بعدج تحبيينييي

الزيـن: لا ما أحببببك...ما ابيييييك خلااااص كل شي بيني وبينك انتهى

ناصر: زين عطيني فرصه اتكلم

الزيـن: كانت عندك فرصه وضيعتها....الله يوفقك ناصر

وصكت الخــط.....

ناصر حس الدنيا دارت فيـــه...طاح عالأرض وقعد يبجيي ويلوم نفسه
نااصر انت شسوييييت!!!....خلاااص ضاااعت البنت من اييدك...زييين راااحت حق غيــرك...كله منك...انت السبب
ناصر تمنى الأرض تنشق وتبلعه...تمنى ان يمووووت...

الزيـن بعدها واقفه مصدومه من كل اللي قالته!!! حست ان هالكلام كله كانت كابتته في قلبها من زماااااااان وانفجرررت....وحست انها ردت اعتبااارهاااا...طلعت حرتهااا والكلام كله كان من قلبها الا....

بينها وبين نفسها:: بس انا بعدني أحبــه...بعدني أبيـــه...شلون قلتله اني ما احبه!! شلون قلتله ان كل شي بيني وبينه انتهى!!! لا لا عمره ما راح ينتهي لاني بتم أحبه لي اخر عمري....بس لازم يكسبني....مو بمكالمه وحده يرجعني!!!! زين سويتي فيه زين واذا صج على كلامه ما يقدر يعيش بدونج وبيتم لي اخر عمره يحيج!! خل يسوي المستحيل عشان يرجعج!!!

وقامت تبــجي حيـــــــل......

كل اللي جرحوني جرحهم يطيب.. إلا أنت جرحتني وجرحك للحين ماطاب آآهـ منك بس

جرح و جرح إلى أن صارت جروح..

حتى تعب القلب من الجروح..

جرح من غريب..

مو مهم..

يبرى و أنساه..

جرح من صديق..

مو مهم..

بعالجه و أكتم في قلبي..

أما جرحك يا..

كيف بنساه!!..

كيف يبرى!!..

قولي كيف؟!..

سلمتك قلبي وجرحته..

و كنت أظن أنك آخر من يجرح..

سلمتك قلبي و دمرته..

و كنت أظن أنك أطيب قلب عرفته..

سلمتك روحي بين أيديك..

آآآآهـ ما لقيت غير جروح منك لروحي..

سهرت والدمعة في عيني..

سهرت أناجي ربي أنه يرحم قلبي ..

سهرت و أنا ادعي على كل من جرحني..

أنا أدعي عليك..!!

لا وربي ما دعيت عليك..

دعيت ربي يغفر لك غلطاتك علي..

دعيت ربي يلين قلبك القاسي علي..

دعيت و دعيت..

أنا صحيح أنجرحت كثير..

بس مثل جرحك ما نجرحت..

كل جروحي تطيب..

إلا جرحك ما يطيب لو تعالج فيه سنين وسنين..

تـــم الجـزء الرابع عشــر

الجــزء الخــامــس عشــر

نـاصر حاس قلبه قاعد يتقــطع....
لازم أرجعهااا....لااازم....حياتي بدونها ما تسوى شي.... زيــن بظل وراج لما تسامحيني....لو أظل طول حياتي بس أتأسفلج....لو أترجاج وأذل عمري واكون لج مــداس...بس تسامحيني وترجعيـلي

وناصر رجع يحاول يدق عليـها لكن ما تشيـله وظل يحاول يدق ويدق ليـن صكت جهازها....

وكتبلها مســج....

حبيــبتي سامحيــني على كل شي...ادري اني قسيت عليج...ادري اني كنت غلطان بحقج...ما تتصورين شكثر كان علي صعب اللي سويته فيج...انتي تهميني أكثر من ذاتي...والله ما تهونين علي...انتي حبـي وروحي ونبضي ودنيتي كلها...
انا مستعد أعتذرلج مره...مرتين...عشر...مليوون بس تكفيـن عطيني فرصه وسمعيني...عطيني لو دقيقه من وقتج أفهمج كل شي... في سبب من ورا اللي سويـته...يمكن غلطت بس كان كله عشـانج.......قسما بالله من يوم ما تركتج احس اني قاعد أحتضر.....تذكرين حبـي لـج ؟؟؟ ترى مو نفسه الا زاااااااد

ظل ناصر سهراان مو قادر ينام لحد الساعه 7 الصبح بالغصب ناااام....

اما الزيـن من وقت ما صكت التلفون منه واهيه عايشه صراااع مع نفسهااا...ما تدري شتسوي؟؟؟ تشوف ناصر يدق عليها بس مو متحمله ترد عليه.... بهاللحظه تحس انها تحبه وما تحبه!!!! كارهته على اللي سواه فيهااا...بس تبيــه ومو متخيله حياتها بدونه...

الزيـن تفكر...: لازم اخليه يحـس بكل اللي حسيته...يحس بالمررر...بالألم...وعلى الأقل يتعذب نص العذاب اللي تعذبته....

يااااااربي حاااسه بضيااااع....شسوي؟!! بين وناصر وعبدالرحمن؟!! عبدالرحمن متعلقه فيه ويمكن أحبه....بس ناااصر...ااااخ من ناااصر...ناصر هنااي وعذاابي...حبي وجرحي....تعبي وراحتي....حزني وسعادتي....مراري ودواي... ياربي أحبه...مو بس أحبه..أعشقه...مو بس أعشقه...الا أموووووت فيـــــه
ويـــنك عني من زمااان نااصر......تأخررررت

و الزيـن نامت بالغصـــب عالساعه 5 الفير,,,,,

الخميـس الصبـح قامت الزيـن حق محاضرتها ولبست وطلعت من البيـت...كانت ما تبي تداوم بس قامت عشان تبين حق ناصر ان ما ضعفت ولا تعبت عقب أمس ولا هامها الموضوع بكبرره....

اركبت السياره جان تتذكر انها صاكه تلفونها وافتحته....وشافت المس كوولز وافتحت المسجات اللي وصلت من ناصر وقرتهم واخقتها العبرره من مسجاته وعيونها دمعواا....بس مسكت نفسها عدل وحركت السياره

وصلت الكليـه....

حنان: شفيها جذي عيونج متورمه؟؟؟

الزيـن: من البجي اللي بجيته

حنان: اووف ليش؟؟

الزيـن: اااخ ياا حنان طافج شصار أمس

حنان: شصار؟؟ قولي

الزيـن: ناصر دق علي أمس بليل

حنان: اوووووف ليش؟؟ شكان يبي

الزيـن: يقول انه يحبني ويبيني أرجعله

حنان: مالت عليييييه...صج ما يستحي على ويهه!! مو عارف انج مخطوبه!! وانتي شقلتيله؟

الزيـن: انا انفجرررت عليييه....طلعت كل اللي بقلبي...وقلتله اخر شي اني ما احبه ولا ابيه وخل يبتعد عني لان كل شي بينا انتهى

حنان: تعجبيني والله...اشوه عبالي بعد قلتي شي غير جذي

الزيـن: بس حنان انا قاعده اخدع روحي...أنا أحبــه أكثر من أي شي بالدنيا

حنان: زين اهوه لان كان حبج الأول عشان جذي صعب عليج تنسينه...بس صدقيني مع الوقت ولما تتزوجين عبدالرحمن راح تنسينه...

الزيـن: المشكله ان انا مابي انسااه...

حنان: شلون يعني الحين.؟؟؟ من صجج تبين تردينله عقب كل اللي سواه فيج؟!

الزيـن: لا مو الحين أرجعله!! بشوف صج شكثر يحبني وشنو مستعد يسوي عشان يردني

حنان: وعبدالرحمن؟؟؟ ستاند باي؟!

الزيـن ما ردت على حنان لان ضميرها قاعد يأنبها

حنان: حرام..لا تظلمين الريال معاج

الزيـن: انا ما اقولج اني ما احب عبدالرحمن بس لان ناصر بالنسبه لي شي ثاني

حنان: الزين فكري عدل قبل ما تسوين اي شي

الزيـن: والله محتاااااااااره

حنان: وااي انتي عندج يحبونج ناصر وعبدالرحمن...انا ليش جذي طااايح حظي!!!! مالت علي

الزين: هههههه صدقيني مو سهل علي...والله محتااره حيييل مو عارفه شسوي

حنان: والله اثنين أحسن من ولا شي نفس حااالتي...

الزيـن اول ما دخلت القاعه امسكت نفسها ولا دورت عليه عشان تشوف اذا موجود او لا...

الزين بينها وبين نفسها: المحاضره طافت عليها ربع ساعه وبعده ما يه!!! وقامت تحاتي شوي...

خلصت المحاضره وطلعوا...

الزيـن: ما حضر اليوم!! اخاف صارله شي

حنان: لا عادي شنو بيصيرله يعني!!!

الزيـن: ان شاء الله خير

حنان : زين والله اني خايفه عليج ياريتج تنسينه وبعدين الصراحه واحد مثل هذا ما يستاهلج

الزيـن انفعلت: حناان حاولي تفهمينيي انا أحبه غصبن علييي...شوفي مسجاته شوووفيهم...بذمتج كلام مثل هذا ما يلين قلبج؟؟؟

حنان قعدت تقرا المسجات...

حنان: شنو يقصد ان في سبب من ورا اللي سوااه؟! ما قالج؟

الزيـن: مادري عنه!! ما عطيته فرصه يتكلم من كثر ما كنت منفعله

حنان: وما راح تحاولين تسمعينه؟؟

الزيـن: لا بعد ابيه يتعذب شوي قبل ما يحاول يبررلي

حنان: اووف وأخيرا صرنا ويـك اند

الزيـن: اي والله

وراحوا حق المواقف وكل وحده اركبت سيارتها ومشت.....

ارجعت البيت وشافت سيارته واقفه بره....

ادخلت غرفتها وبدلت وصلت وعلى طول قطت روحها على الفراش وناامت....

ولما قعدت المغرب لقت بتلفونها 14 مس كول من ناصر و 2 من عبدالرحمن

الزيـن : اووف والله داق وايد ناصر...خل ادق على حمني

الزيـن: هااااي

عبدالرحمن: يا هلااا والله...وينج كنت ادق عليج ما تردين!!

الزيـن: اي كنت نايمه...شلونك؟؟

عبدالرحمن: نوم العوافي...شبتسوين اليوم؟

الزيـن: والله شكلي بقعد بالبيت..مالي خلق اطلع

عبدالرحمن: يوم الخميس وما راح تطلعين

الزيـن: والله مالي نفس كلش

عبدالرحمن: ليش قلبي؟؟ في شي مضايقج؟؟

الزيـن: عبدالرحمن انت تحبني؟؟

عبدالرحمن: أحبج ونص

الزيـن: شكثر؟

عبدالرحمن: وااايد واايد وااااااااايد

الزيـن: عمري

عبدالرحمن: هلا

الزيـن: شنو تحب فيني؟

عبدالرحمن: أحبج كلج على بعضج...

الزين: يعني ما في شي محدد؟؟

عبدالرحمن: لا احب كل شي فيــج

الزيـن: احرجتني خخخ....يلا حبيبي بروح لان اهلي ينادوني

عبدالرحمن: اوكي قلبي...مع السلامه

الزيـن: باااااي

وانسدحت على الفراش تفكر وتتذكر...

الزيـن: نصوري..

ناصر: عيوونه

الزيـن: شنو تحب فيني؟؟

ناصر: زين قولي " شنو ما تحب فيني"

الزيـن: هههه لا صج قولي شنو تحب فيني؟؟

ناصر: أحب فيج شلوون بحبج تحتويني...شلون بصوتج تتوهيني...أحب فيج شلون تحلين أيامي...أحب نظراتج لي....أحب احساسج....أحب قلبج...عقلج...وجودج...قربج...دلعج...اسمج...عيونج.. .جمالج....ضحكتج...

الزيـن: بس بس بس هههههههههه

ناصر: روحج....شطانتج....عصبيتج....برائتج

الزيـن: بـسسسسس خلااااص

ناصر: شسوي لا حبيت فيج مليون شغله وشغله

الزيـن: أحبـــــــــــك

روحي تحبك غصب عني تحبك

والمشكله حبك بروحي جرحني

و إذاشكيت تقول إش كان ذنبك

ذنبي هويتك يوم حبك ذبحني

ونيت من قلبي تلوعت عقبك

سلبت لي قلبي و جرحك سرقني

أقول قلبي تقول وش عاد قلبك

وإن جيت أبخفي الحب جرحك فضحني

أجيك أنا عاني أدور لقربك

تبعد كأن القلب ما قد عرفني

وإن رحت عنك تموج و الريح دربك

وتقول شفت اليوم قلبك تركني

يا قوتك ترضى أجاريك لعبك

ترضى أهد الحب لو كنت تبني

إن كنت تهواني فأنا اليوم جنبك

سلمت لك أمري وحبك سكني


ناصر طول اليوم حابس نفسه بغرفته ماااله خلق اي انسااااااان....واذا دخل عليه احد تهاوش معااه....

ناصر رجع دز مسج حق الزيــن....

زيــن أرجوووج ردي علي محتاااج أكلمج أرجووووج

ورجع دق عليها مره...مرتين....ثلااث وشالت الخط

الزيـن: وبعدين معاك؟؟؟

ناصر: زييين سمعيني

الزيـن: بس خلاص دوختني!!! لا تخليني أعلم اخوي عليك

ناصر: زيييين ليش مو راضيه تسمعيني؟؟ لهاالدرجه صرت بالنسبه لج ولا شي؟!

الزيـن: بأي حق تسألني هالسؤال؟!! شنو بتكون بالنسبه لي بعد اللي سويته فيني!!! اقول لا تنسى اني مخطوووبه وبعد أحب خطيبي...بس لا تدوخني

وصكت الخط....

ناصر هاااااااااج...عصـــب.....طق ايده بالمنظره وانكسرت....ايده انشقت وقام يشررر الدم بكل مكاااان....وكانت ذابحته عواااار وصررخ

يت امه تركض عليييه ودخلت.....

ام ناصر: نااااصر...نااااااااصر افتح البااااااااب...ِشفييييييك؟؟؟

ناصر راح حق الباب وفتحلها

ام ناصر: ويييييه يمه شسويت بروووحك؟؟؟!!!!

وراحت بسرعه خذت فوطه من الكبت ولفت ايده

ام ناصر: امش امش معاي المستوصف

ومسكت ايده الثانيه واسحبته معااهاا....اهوه من كثر العوار حاس انه متخدررر...دااايــخ....وطلعوا بره واركبوا السياره مع السايق ومشوااا....

ام ناصر: شصار قولي؟؟؟

ناصر: يمه بس مالي خلق اتكلم دااايخ

ام ناصر: يمه شفييييك صاير لا تاكل...وكله بغرفتك مالك أحد..مو زين حقج جذييي!! ما سمعت الدكتور لما قالك انت بحالتك لازم تهتم بصحتك زياااده وما يصير اتعب نفسيتك

ناصر: اااخر همي صحتي

ام ناصر: اسم الله عليك يمه ليش تقول جذي!!!

في بيت بوعادل.....

الزيـن : امبيييه ليش قلتله بعلم اخووي!!! أخاف الحين يقوم ما يدق كلش!!!

مسكيــن جنه زودتها معااه...بس لا لا يستااهل...أحسن خل يتمرمرررر....

ارجعوا البيت ام ناصر وناصر....

بوناصر: هااا سلااامااات!!! شصااار؟؟

ناصر: ما صار شي يبه

بوناصر: ناصر شفيك قولي؟؟

ناصر: ما فيني شي...بس خلوني بروحي

بوناصر: انزين ممكن تهدي....ترى مر أكثر من 3 أشهر لازم نروح المانيا عشان يفحصونك...

ناصر: يبه قلتلك مو الحين ما صارلنا أسبوع مداومين

بوناصر: بس ناصر لازم عشان اذا في شي لا سمح الله ما ينتشر نفس ذيك المره...ما يصير كل ما أقولك تأجل الموضوع

ناصر: اوووووه ترى دوختوووني....

( راح غرفته ناصر وصك الباب علييه)

( ناصر ما يبي يسافر لان كان خايف يقولوله انه السرطان رجعله...واللي فيه كافيه...وما يبي يعيش كل اللي عاشه قبل من أول ويديد)

يوم الأحد الصبح......

من وقت اخر مره ما دق عليها ناصر كلـــش....واهيه حاايشها احباااااااط قووووي وكل شوي كانت تطل على تلفونها تشوف مس كول...مسج...اي شي منه...ماكو!!!

بالكليه.....

حنان: ها شصار على ناصر؟

الزيـن: بطل يدق علي عقب اخر مره لما هددته بأخوي

حنان: زين أحسن

الزيـن: اووف ضااايق خلــقي...

حنان: وكلش ما صادفتيه بره بيتكم؟؟

الزيـن: لا كلش!! أصلا جنه ما طلع خير شر بالويك اند

حنان: يعني لي متى راح تظلين جذي معاه؟؟

الزيـن: مادري بس جني بديت أطخ

حنان: لا لا تطخيييين بعد تو النااااس خليه يتعذب اكثرررر

الزيـن: مادري كاسر خاطري مو قادره بعد امسك نفسي أكثر

حنان: لا والله استمرري باللي انتي فييه....خلييج أقوى من جذي بعد

الزيـن: اخاف بعدين يضيع مني وساعتها شبسوي؟!!! راح اخسره

حنان: لا حبيبتي اهوه اللي راح يكون الخسران....يا كرهه هالمليييق

الزيـن: انتي ليش تكرهينه وايد؟!!!

حنان: هاااه!! لا اكرهه عشان اللي سواه فييييج

الزيـن: مادري احسج تكرهينه كره موو طبييعييي

حنان: بعدين بعدين نكمل كلامنا

الزيـن: حنان شفيج؟

حنان: ما فيني شي.... يلا راح تبدي المحاضره....

واهمه داخلين المحاضره جان عند الباب تصادف ناصر.....كان شكله تعبااااااااان شعره معفس...لحيته طالعه صايره على ديرتي....ولابس أي كلام واهوه بالعاده يهتم بنفسه وبلبسه....وتحت عيونه سواااد....كان شكله تعيييييييس...مهمووووم...

الزيـن طالعته جذي وقلبها عورها عليييه...وده تاخذه تحضنه وتطمنه انها بعدها تحبــه وتبيـــه وما تبي أي أحد غيــره....وبس شافت ايده ملفوفه بشاش اخترررعت عليه اكثرررر.... اما ناصر طول الوقت يطالعها...تعابير ويهه كلها حزن...وعيونه فيها رجاا...اهيه ما تحملت لما صارت عيونها بعيونه وكملت طريجها ودخلت القاعه...واهوه نزل راسه بعديــن

قعدوا بالمحاضره....ناصر كان قاعد في السطره الخامسه والزين قاعده في السطره الثامنه.....طول الوقت تطالع نااصر....وتحس انها مو قادره تمسك نفسها بعد أكثررر...تبي تصرررخ بنص القاعه تناااااديه....تقوله أحبـــك ...

اهوه كان سارح طول المحاضره....ويحس انه مخنوووووق....وقام يحس انه حررااااان وبدا يعرق يعرق حيـــــــل...مو قادر يتحمل اكثررر

المحاضره ما خلصت بعدها بقالها نص ساعه وصار يبي يطلع...ما كان قادر يتحمل اكثررر....حاس بصعوبة واهوه يتنفس وقلبه يدق يدق يدق حييييييييل

قام من مكانه ونزل بالدري ( السلم)....واهوه قاعد ينزل حس بدوخه...حس الدنيا قاعده تفتررر فييييه....وطااااااااااااااح

الزيـــن بأعلى صوتها صرررخت: نااااااااااااصر

تم الجــزء الخامــس عشـــر

البـارت السادس عشـــر

الزيـن صرخت لدرجه ان عروقها طلعت: ناااااااااااااصر

وبسرعه قاموا له الطلبه والدكتور راحله وقاعدين يشوفون شفيه!!!

الدكتور يطقه شوي على ويهه: ناصر...ناصر...

بس ناصر مغمى عليـــه...مو قاعد يرد عليــهم

الدكتور: بسرعه احد يدق على الاسعااف

طالب: اي دكتور قاعد ادق عليهم

الزيـن كانت تررررتعش....وقلبهااا يدق بسرررعه ولولا ما مسكتها حنان جان ركضت عليييه

الزيـن: مو قادره لازم اروحله لااازم

حنان: لا بس ما يصير جدام كل هالنااس..فشله خليييج

الزيـن تدز ايدها: بس خليني بقوووم بروح اشوف شفييه

حنان ماسكتها: زييين قعدي...وين تدخلين بين كل هالشباب

الزيـن ميـــته خووووف...وايدها قاعده ترررجف....

الزيـن: حناان خااايفه خااايفه لازم اعرف شفيييه

الزيـن لا شعوريا دمعت عيووونهااا

الزيـن: كله منييي...كله منييي صار فيه جذي

حنان: مو انتي بعد طحتي بالمستشفى يوم اصدمج فيه

الزيـن: اييي بس عمري ما تمنيت هالشي يصيرله

حنان: خليه يمر بكل اللي خلاج تمرين فيه

الزيـن: لااا حرااام عليييج!!! بس خلاص بقوله اني أحبه.....ما راح أكابر أكثر من جذي

الشباب شالوا ناصر من الأرض وحطوه على كرسي الدكتور وقاعدين يحاولون يقعدونه بس مو قاعد يستجيب لهم...

شوي جان اييون يدخلون المسعفين القاعه....قاعدين يفحصونه ويشوفون شفيه وحطوله الأكسجين وقاموا حطوه على العربانه وطلعوه بره القاعه....

الزيـن: بقوم الحقهم

حنان: صبري صبري

وقامت الزين ومشت ولا ردت عليها....

وقامت وراها حنااان....

حنان: وين بتروحين؟؟

الزيـن: بسرررعه بروح الحقهم بسيارتي

حنان: انتي من صجج!!! تروحيله حق شنو؟!

الزيـن: شفيييج برووح اتطمن عليه!! اشووف شفيييه

حنان: تلاقين صار معاه بس هبووط نفس اللي صار فيج اول

الزيـن: انزين حتى لوو لازم اروح اتطمن عليه وأقوله اني أحبه

حنان: صبررري...صبررري

ووراحت بسرعه ووقفت جدامها...

الزيـن: شفيييج؟؟! اشتبين!! وخري بطوف

حنان: تدرين ليش انا اكرهه؟؟!

الزيـن: مو وقته حنان الحين

حنان: صبررري بقوولج...اكررهه لان مره تحررش فيني

الزيـن فجأه وقفت...اللي قالته حنان كان مثل صفعه لهااا...

الزيـن: شنوو؟؟؟

حنان: كنت بقولج هالشي من زمااان بس بعدين قلت دام كل شي بينج وبينه انتهى خلاص ماله داااعي والحين لما شفتج رايحلته تقوليله انج تحبينه قلت لازم اقولج

الزيـن: حناان انتي شقاعده تقوولين؟!؟!!

حنان: ترى عشان جذي اتركج...لاني هددته راح اقوولج كل شي وخاااف وانفصل عنج

الزيـن من الصدمه تجمدت بمكااانهاااا....مو قاادره تصدق اللي قاعده تقوله رفيجة عمرها حنان

الزيـن: لا لا ما أصدق

حنان: ما تصدقيني انا!!! انا رفيجتج ليش بقص عليج!!!

الزيـن: لا لا مو صحيح اللي قاعده تقولينه

حنان: صدقيني مو قاعده اقص عليج...عشان جذي أكرررهههه وما أبيج تردييينله

الزيـن قام قلبها يدق يدق حيييييييل وقامت تتنفس بسرعه وحست الدنيا قاعده تدور فيها

حنان: زين قعدي قعدي

الزيـن: معقووله ناصر يتجرأ يسوي جذي!!! يتحرش برفيجة عمري!!!! ما أصدق مستحييييييل

حنان: يعني شقصدج؟؟؟ انا جذااابه؟؟؟!!!

وقامت حنان من يمهااا معصــبه وقامت وراها الزيـن

الزيـن: لا حنان تعالي مو قصدي جذي بس لاني مو قادره استوعب

حنان: شلووون مو قادره تصدقيين!!! اذا اهوه مرره جررحج وقااالج ان يحب بنت خالته!!! وتبين تعرفين شي بعد ؟

الزيـن: شنووو؟؟؟

حنان: قالي انه يحبني وانه كان معاج عشان يحاول يتقربلي وسالفة جنان بنت خالته مووو صج كانت تأليييف منه

الزيــن طالعت حنان واهيه مصدووومه وساكته ولا كلمه وبعدين بطتهااا بجيييي

حنان: انا اسفه قاعده اقولج كل هالكلام بس عشان مصلحتج لاني ما ابي تهينين نفسج وترجعيله وكنت لازم الحق عليج قبل ما تروحيله

الزيـن بس تبجي تبجي مو قادره تصدق كل هالكلام اللي قاعده تقوله حناان اللي كان مثل صاااعقه لهااا

حنان: بس زين ما علييج منه.....خلييييه يووولي اشتبين فييييه...انتي عندج عبدالرحمن واايد احسن منه وتستاهلون بعض

حنان: بس زين حبيبتي بسج بجيييي....الناس قامت تطالعنا امشي خل نقووم

ومسكت ايدها وقومتها ومشوا.....

ووراحولها بناات يعرفونها

أبرار وفرح: زيين شفيييج؟؟؟

الزيـن بس تبجي ومو قاعده ترد علي احد

حنان: ميخالف عندها ظرووف

أبرار: انزين يمكن نقدر نساعدها

حنان: لا ميخالف حبيبتي...مشكورين ما تقصرون

ومشوا حق المواقف....

حنان: زين ركبي معاي سيارتي ما راح اخليج تسوقين بهالحاله

والزيـن ماشيه معاها مستسلمه....وبعدها تبجي مو قادره توووقف

حنان: زييين خلااااص ليش تبجين على احد ما يستااهل!!!

الزيـن: ليش ما قلتيلي هالشي من زمااان؟؟؟!!

حنان: قلتلج ما كنت حابه اني اتعبج أكثر ما كنتي انتي تعباانه واهوه اصدمج فيه كفاايه

الزيـن: بس شلوون قدرتي تخشين شي جذي علي كل هالفترره!!!

حنان: بعد انتي صديقتي وعشانج اسوي اي شي

الزين : ااااااااه

الزين كل ما استوعبت كلام حنان أكثررر كل ما زادت بجي لدرجه انها قامت تشهق...

في جزء من قلبهاا بعده قااعد يحااتيه وتبي تعرف شصار علييييه..لكن أغلب قلبها مجروووووح...قاعد يتقطـــع....تبي تصرررخ....حاسه انها مخنوووقه

ووصلوا بيـــت الزيــن...وحنان مسكتها ونزلتها من السياره ودخلتها البييت

ام عادل: زييين...شفيييج؟؟!

حنان: خالتي تعبانه شوي خل نصعها غرفتها أحسن

ام عادل: وي بعد قلبيي

وصعدوا الغرفه وسدحوها بالفرااش...وعلى طول الزيـن حطت راسها على المخده من كثر ما اهيه دايخه

ام عادل: قوليلي شفيها؟؟!

حنان: خالتي الحين أقولج بس خل نطلع بره نخليها ترتاح

وطلعوا من الغرفه...وقالتلها حنان كل اللي قالته حق الزيـن

ام عادل: صج انه موو متربي وقــح

حنان: اي خالتي للأسف

ام عادل: انا هذا الانسان موو مرتاحتله من زمااان

حنان: اشوه انه الزيـن الحين مع عبدالرحمن

ام عادل: اي والله الحمدالله وافتكينا منه

حنان: اي

ام عادل: بس ليش توج تقولين؟!

حنان: اممم لان ناصر اغمى عليه بالمحاضره وشفتها كانت رايحتله المستشفى واضطريت أقولها قبل ما تروحله

ام عادل: اوووف وحق شنو هالمينونه بتروحله؟!

حنان: هاا!! اممم اهيه بس كانت تبي تطمن عليه

ام عادل: خل يولي زين..شنو تطمن عليه!!!! انا اوريها

حنان: لا لا خالتي تكفييين...بعدين راح تعرف اني قلتلج وراح تزعل مني وايد..اهم شي ان الحين خلاص عرفت ناصر على حقيقته

ام عادل: بس هم ما كانت مفروض تروحله من البدايه

حنان: خلاص خالتي اهيه غير شي تعبها الكلام اللي قلتلها اياه واكييد خلاص عقب كلامي ما راح تفكر تكلمه او تروحله

ام عادل: خلاص راح اعديها هالمره بس والله يا ويلها لو تعيدها مره ثانيه

في المستشفى.....

بوناصر: ولدي ناصر يبتوه المستشفى اليوم بالاسعاف وينه؟؟

ممرضه: اي اي عرفته...موجود في غرفه 2 في الدور الثاني

ام ناصر : انزين شفيه؟؟فيه شي؟؟

ممرضه: لا الحمدالله صحى ماكو الا العافيه ان شاء الله

وراحوا ام ناصر وبو ناصر حق غرفة ناصر بسرعه....

ام ناصر: اسم الله عليك حبيبي!!! شصارلك؟!

ناصر: ماكو شي يمه

بوناصر: بس خلاص لازم من باجر احجز حق المانيا

ناصر: يبه قالولي ما فيني شي بس ياني هبوط

بوناصر: لا لا خو اهني المستشفيات يقولونلك اي شيي...لازم من باجر نروح المانيا ومن اليوم احجز

ناصر: يبه والكورس

بوناصر: بالطقاق بالكورس اهم شي صحتك

ناصر: يبه ماابي اروح المانيا الحين ماابي

بوناصر: ادري انك خايف انك تكتشف شي انت ما تبيه تكتشفه بس لازم ناصر عشان قبل ما يفوت الفوت

ناصر دمعت عيونه: يبه تعبت...تعبت

بوناصر: ادري والله ادري حاس فييك وما تنلام بس ناصر لازم اهم شي صحتك

ناصر: انزين يبه مو باجر عشان استأذن من الدكاتره عشان يمكن يطلع ما فيني شي وارجع واكمل الكورس من غير ما تنزلي انذارات

بوناصر: انا مستعد اروح بنفسي حق العماده واشرحلهم حالتك ونمشي باجر...لا تحاتي

في غرفة الزيــن....

الزيــن تهدى وترجع تبجي...تهدى وترجع تبجي...مو قادره تصدق كلام حنان!!! بس حنان صديقتهااا حييييل مو معقوله راح تقص عليييهاااا!! وليييش أصلا راح تقص عليييهاااا!!!!

بس همم موو قااادره تصدق هالشي من ناااصر!!!

وقامت تربط الاحداث كلهاا....

صح ناصر تركني فجأه من غير مقدماات....يمكن فعلا تحرش فيها واعترفلها بحبه ولما شافها صدته وهددته قام تركني....بس لحظه كان راح يتقدملي!!!!

بس أكييد قالي ان راح يتقدملي عشان يسكتنيي لاني تخرجت وكان مواعدني وبس قلتله ان ابووي واافق واكييد ما كان متوقع هالشي فوهقته وعشاان جذي تركني!!!

اااااااااخ ناااصر للهدرجه طلعت انسان واااطي نذل حقييييير!!! شلون كنت منخدعه فييييك كل هالفترررره!!!!

شلووووووووون!!! بس يكفييييني جروووح...انجرررحت منك بما فييييييه الكفااااايه....خلااااااااص بسسسس!!! وانا الخبله رايحه كنت أركضلك...لي متى يا زييين بتظلين غبيه جذي!! لي متى!!!

خلااااااص ابــتعد عنـــي!!


جرحتني جرح نساني حتى زماني

أهديتك الحب في زمن للحب خواني

وإنت اهديتني جروحي وباقي أحزاني

بديتك على نفسي وما دريت إنك أناني

بكيت الدمع لعيونك لين دمعي عصاني

مانكرت حبك لي وإللي سويته عشاني

لكن بالنهايه صرت إنسان ثاني

نسيت حبي لك وجنوني وحناني

نسيت كل الوعود إللي بيننا والأماني

تركتني اليوم بجروحي أعاني

وهذا أنـــا اكتبها بـ أشعار وأغاني

بوناصر وام ناصر وناصر طلعوا من المستشفى....

بوناصر: انت لازم تقولي شفييك!! صاير معاك شي؟!

ناصر: لا بس صاكه الدنيا بويههي

بوناصر: انزين فضفض قولنا...ليش تكبت تروحك؟!

ناصر: مادري يبه !! مشتاق حق حياتي قبل ما أمرض...كل شي تغيررر الحيين

بوناصر: شاللي تغير؟! كلنا حواليك...وعندك صحتك...ودراستك قاعد تكملها

ناصر: لا يبه...اكثر شخص ابيه مو معاي....صحتي!!
( ويضحك ضحكه قصيره باستهزاء) انا راح ارجع اطيح في يوم وهذا بعد اذا ما رجعلي المرض الحيـن...ودراستي!! يبه انا مادري متى بتخرج!! اذا شكلي كل كورس والثاني بوقف قيدي..وبعدين تدري شكثر قاعد اعاني بالدرااسه؟؟ مووو قادر اركززز واحضر المحاضره وانساااهاا

بوناصر: الدكتور قالك بس عشان توك مخلص العلاج لكن مع الوقت الذاكره عندك راح ترجع نفس ما كانت وتركيزك راح يزيد

ناصر: يبه ابي ارتاااح خلاااص ماني قادر استحمل!!! اذا اكتشفت ان فعلا المرض رجعلي مابي اتعالج خلاص

بوناصر: ناااصر انت شقااعد تقول؟؟!

ام ناصر: لا تقول هالكلام ناصر اسم الله عليك

ناصر: يبه ملييييت..زهقت من حياااااتي....والدنيا ما تسوى أكافح كل هذا عشانها

بوناصر: لا تعيد هالكلام مره ثانيه

ناصر: يبه فكر فيها!!! ليش استمر طول عمري بس اكافح المرض عشان يرجع يردلي مره ثانيه خلاااص خل مابي اعيييش حياااتي جذي!! ابييي ارتاااح

بوناصر: انت الحين ليش حاط في بالك ان المرض رجعلك؟؟!

ناصر: حتى لو ما رجعلي الحين راح يرجعلي بعدين

بوناصر: ناصر انت تعرف علم الغيب واحنا ما ندري؟!! كل شي بايد ربك والله كريم

ناصر: انزين يبه خلاص يصير خيـر

بوناصر: انت لان نفسيتك من اول ما رجعت واهيه تعباانه حيييل !!! موو قاعد تسااعد نفسك!!! واذا نفسيتك تعبااانه راح تنشط الخلايا السرطانيه اللي عندك

ناصر: غصبن علي يبه...غصبن عليييي

بوناصر: قووولي شلووون تبينا نساعدك ونسااعدك...ناصر مو سهل علينا نشوف جذي حالتك ونسكت

ناصر: محد يقدر يساااعدني...خلاااص

بو ناصر: شفيك تتكلم جذي وانت يائس من حياتك؟؟ توك صغييير وبعد ما عشت حياتك عدل وان شاء الله العمر طويل جدامك

ناصر واهوه يضحك باستهزاء: هذا اذا بقى فيني عمر

اعاني من الشقاء وكتم بصدري

همومن ساقته سود الليالي

اعاني من العناء في زهر عمري

ولاحد حسبي ولاي جرالي

اعاني حزني والامي ولاادري

درته الناس مارافت بحالي

اعاني من الظروف ليت قبري

طوى جسمي قبل ينغث بالي

اعاني وشوف الايام تجري

وتسرع لي بساعات الزوالي

اعاني وتمنا الموت بدري

يجي ويريحن طال احتمالي

اعاني ياهلي ماعا د صبري

يساعدني زماني ماصفالي

اعاني وختم ابياتي وشعري

وقول انا ردولي عزالي

تـــــم الجــزء الســادس عشـــر

رجع السرطان حق ناصر ولا لا؟؟!!

الزيــن شنو راح تسوي؟؟

شنو اللي خلى حنان تقول هالكلام كله حق الزيـــن؟؟؟!!

ترقبوا الجزء السابـع عشرررر

الجــزء السـابع عشـــر


الزيـن صارلها في غرفتها حوالي 3 ساعات منسدحه بالفراش بس تبجي....


قاعده تفكر بكلام حنان,,,,مو قادره تصدق,,,بس لازم تصدقهااا...اهيه وحنان رفيجات من أيام الابتدائي....مستحيل تقص عليها بجذي موضوع كبيـر!!!


الزيـن ودها تواجه ناصر...بس بعدين تهون...تخاف يقص عليها بجم كلمه وتطخ...وبنفس الوقت ودها تعرف شصار عليه!!! بعده تعبان!! بعده بالمستشفى!!!


قررت تدق على نور....


نور: أهليـن


الزيـن: هلا نور...شلونج؟؟


نور: بخير حبيبتي الحمدالله...وانتي شمسويه؟؟؟


الزيـن: والله ماشي الحال...نور بسألج


نور: سألي حبيبتي


الزيـن: بس بالأول قوليلي انتي تدرين شنو اللي صار في المحاضره اليوم ؟


نور: اي دريت انه اغمى عليه


الزيـن: وشلون صار؟


نور: والله اهوه بالبيت والحمدالله أحسن


(الزيـن حست ان قلبها ارتاح شوي ان قام بالسلامه)


الزيـن: ليش شنو كان فيه؟؟


نور: اممم...قالوله من قلة النوم والأكل


الزيـن: اهااا.....نور بسألج وابيج تكونين صريحه معاااي وحلفتج بالله وحلفتج وغلاة أعز الناس عندج انج تجاوبيني
وتقولين الصج


نور خافت: لا الزيـن ما يصير جذي


الزيـن: خلاص انا حلفتج....والكلام بس راح يكون بيني وبينج


نور: اممممم


الزيـن: صج ان ناصر يحب جنان؟؟ او صج كان يحبها؟؟


نور: هاااا؟!! ليش قاعده تسأليني انا السؤال؟؟!!


الزيـن: نور قوليلي


نور: الزيـن عفيه مو من حقي أقولج هالشي...سألي ناصر


الزيـن: يعني صج الكلام ان ما يحبها وعمره ما حبها ؟!!


نور استغربت: شلون عرفتي؟؟؟


الزيـن: خلاص المهم عرفت...مشكوره نور...يلا مع السلامه


نور: دقيقه زيين


وصكت الزيـن الخط,,,,,,


الزيـن تذكرت كلام حنان....


حنان: شلووون مو قادره تصدقيين!!! اذا اهوه مرره جررحج وقااالج ان يحب بنت خالته وتبين تعرفين شي بعد


الزيـن: شنووو؟؟؟


حنان: قالي انه يحبني وانه كان معاج عشان يحاول يتقربلي وسالفة جنان بنت خالته مووو صج كانت تأليييف منه


الزين بينها وبين نفسها: يعني صج كلاااام حنااان...عمره ما كان في جنان بالموضوع وهالقصه كانت كله تأليف بتأليف مننننه!!!! شلون ناصر تجرأت شلوووون؟؟!! وانت عاارف انها صديقتي حيييييل وتقولي كل شي!!!
شلون طاوعك قلبك؟!! وانااا؟؟!! انا كنت شنوو بالنسبه لك؟؟!!


وقاامت تبجيييي...تبجي على الليالي اللي سهرتها عشانه....تبجي على السنين اللي ضيعتها معاه...تبجي على عمرهااا....
في بيت بوناصر....


نور: ناااصر.... نااااصر ( قاعده تطق على غرفته الباب)


ناصر: نعممم؟؟


نور: عفيه دخلني...محتاجه اكملك ضروووري


ناصر: انزين دقيقه


وقام فتحلها الباب


ناصر: خير شنو في؟؟؟


نور: الزين شكلها تعرف عن كل شي


ناصر: شنووو؟؟


نور: توه دقت وقالتلي ان واصلها كلام ان عمرك ما حبيت جنان ولا تحبها


ناصر: والله؟؟!! شلون عرفت؟؟!!


نور: مادري.؟؟ اهيه اول شي كانت قاعده تسألني تبي تتأكد وانا خفت ما رديت عليها عشان انت كنت محلفني بس اهيه حست وقالتلي يعني ان الكلام طلع صج انك ما تحبهاا


ناصر: وبعدين؟؟؟ شصار؟؟


نور: صكت الخط ما عطتني فرصه اكلمها واعرف منها شلون عرفت وردعت دقيت عليها ما ردت علي!!!


ناصر: انزين ما قالتلج بعد شي ثاني؟؟


نور: اممم بس سألت عنك وشلون صرت


ناصر استاااااااانس......فرح فررررحه حس ان من زمااااااان ما فرح جذي


ناصر: والللللله


نور: اي والله


ناصر حس ان في أمل ان ترجعله وانها ما زالت تحبه...


ناصر: خلاص اوكي اوكي...مشكوووره يا احلى اخت بالدنيا


نور: العفوو!! اشوه يعني مو معصب؟!


ناصر: لا لا عادي


نور: اشوووه


وطلعت نور من غرفة ناصر...وناصر خذا تلفونه عشان يدق على الزيــن....


بس طلعله ( يرجى الانتظار..المشترك لديه مكالمه اخرى)


حنان: زين... انتي كارهتني؟؟


الزيـن: لا والله حنااان مستحيييل اكرهج


حنان: ما كان قصدي أجرحج بالكلام جذي بس كنتي لازم تعرفين


الزيـن: ادري حبيبتي


حنان: انتي مصدقتني؟؟؟


الزيـن: اي اكيييييد مصدقتج


حنان: اشوه عبالي بعد لحد الحين شاكه بكلامي!!!


الزيـن: اووووف


حنان: شفييييج؟؟


الزيـن: قاعد يدق علي!!!


حنان: منووو؟؟؟


الزيـن: الزفت ناصر


حنان: لا والله!!! لا تردييين عليييه لو شنوو


الزيـن: لا مابي مابي اكلمه...أصلا مو متحمله أسمع حتى صووووته


حنان: اي زيين خليه يولي


الزيـن: بس مفكره بعدين اواجهه واوهقه


حنان: لا لا...اكيييد راح ينكر ويقص عليج بجم كلمه وبعدين اخرتها تطخين واخاف يخليج تقلبين علي


الزيـن: لا لوو شنوو ما يقوول مستحيل أقلب عليييج...انتي صديقتي من سنيييين قبل ما يكون في اي شي بيني وبينه...مستحيل أصدقه اهوه وأجذبج انتي !!!خصوصا بعد اللي سواه فيني قبل ما قمت أثق فييه كللللش


حنان: بس راح ينكر صدقيييني واخرتها شنو راح تاخذين منه غير حرقة الأعصاب؟!


الزيـن: مادري والله حنان بس قااهررني قاااهرني


حنان: ادري حبيبتي اكيد ما تنلامين


الزيـن: تدرين حنان كلمت اخته نور وقالتلي ان فعلا عمره ما حب جنان نفس قلتي


حنان: هااا؟؟!! جذي قالتلج؟؟ اي شفتي شلووووون عشان تعرفين اني مو قاعده اقص علييج


الزيـن: بس انتي شلون عرفتي هالشي؟؟


حنان: لان سالفة جنان ما كنت داخله مخييي,,,وبعدين صادف ان تركج يوم ما صديته


الزيـن: بس ويين؟؟؟متى صار هالشي؟؟؟ اهوه شسوى بالضبط؟؟


حنان: لا تذكريني الزيـن تكفيييين...وبعدين شنو راح تستفيدين اذا قلتلج؟؟! خلاص المهم عرفتي شسوى


الزيـن: اااااخ يا حناااان...والله احس ان راح يذبحني بتصرفاااته!! وكل مره قاعده انصدم فيه!!!! ولا كأن نفسه ناصر اللي كنت أعرفه


حنان: الزين خلاص حبيبتي حمدي ربج ان عرفتي كل شي قبل ما تخربين اللي بينج وبين عبدالرحمن...ونفس ما قلتلج لا تعطينه فرصه ولا تكلمينه هالنااصر ولا تردين عليييه...اتفقنا؟؟؟


الزيـن: اتفقناا


ناصر كان قاعد يدق ويدق بس الزيـن مو قاعده ترد عليــه!!!


بينه وبين نفسه: ليييش مو قاعده ترد علي!!! زييين تكفييين ردييي


بس شكلها بعدها تحبنييي...لو ما تحبني جان ما تعبت نفسها ودقت على نوور تسأل علييي....ااااخ زيييين تكفيييين رحميييني وردييي


شوي جان احد يطق الباب على ناصر....


بوناصر: ناصر


ناصر: تفضل يبه تفضل


بوناصر: ها شلون صرت؟؟


ناصر: الحمدالله أحسن


بوناصر: خلاص انا حجزت وكل شي وان شاء الله راح نمشي باجر المغرب..تمام؟؟


ناصر: انزين ومتى رادين؟؟


بوناصر: ان شاء الله باذن الله لما ما يلقون فيك شي ما راح نطول أكثر من أربع او ثلاث أيام...


ناصر: والكليه؟؟؟


بوناصر: قلتلك انا باجر اروح واتفاهم معاهم وماكو الا الخير ان شاء الله


ناصر: خلاص يبه انا اداوم الصبح واكلمهم


بوناصر: لا لا اخاف تتعب بعد نفس اليوم


ناصر: لا يبه مو مشكله...انا ابي ارووح


بوناصر: على راحتك


ناصر: مشكور يبه...ادري اني تعبتك وااايد معاي وانت وراك شغل وبلاوي


بوناصر: لا يا نااصر..انت ولدي.. لا تقارن نفسك مع شغلي...انت اهم من أي شغل


ناصر: الله يخليك لي يبه ويطول بعمرك


بوناصر: والله يحفظك لنا ان شاء الله ولا يحرمنا منك


وحضن ناصر ابووه...


ناصر أصر ان يروح الكليه باجر عشان يشوف الزيـن ويحاول يكلمها....ما وده يسافر ويخلي كل شي بينه وبينها معلــق...يبي يساافر مرتاااح


بس بنفس الوقت خاايف...خايف يقولها كل شي وبعدين يكتشف ان السرطان رجعله....ساعتها ما كان له اي اي دااااااعي كل اللي سوااه اول مره....وراح يخليها تمر بكل اللي ما كان يبيها تمر فيه....!!!
واهوه ما يبي هالشي يصييرلها لو شنوو!! فقرر ان ما يكلمها باجر ويحاول يكلمها لما يرجع من السفر عشان يكون متطمن على نفسه بالاول...


ناصر بينه وبين نفسه: الزيـن شلون عرفت ان سالفة جنان مو صج؟!! معقوله من جنان نفسها؟؟! بس ما يعرفون بعض؟؟!!
يمكن تدري بعد اني كنت طايح مريض!! بس لو كانت تدري جان اعذرتني و ردت علي لما دقيت عليها...!!!


الزيـن دقت على عبدالرحمن....


الزيـن: قووه عبدالرحمن...شلوونك؟؟؟


عبدالرحمن: هلا والله بالحب كله....تمام بخيــر..وانتي قلبي شلونج؟؟؟


الزيـن: الحمدالله


عبدالرحمن: شفيج حبيبتي؟؟ احس من صوتج انج تعبانه؟!!


الزيـن: اي والله تعبانه شوي


عبدالرحمن: لاااا!! سلامات..عسى ما شر؟؟


الزيـن: والله مادري فيني صداع فضيييع واحتمال باجر ما اداوم


عبدالرحمن: بعد قلبي ما تشوفين شرر...يعني باجر ما راح اشوفج!! حسافه


الزيـن: اي والله حبيبي لان احس ما فيني حيل حق باجر كلش


عبدالرحمن: سلامات حبيبي...صح ارتاحي باجر احسن


الزيـن: اي....اممم حبيبي


عبدالرحمن: هلا والله


الزيـن: تحبني؟؟


عبدالرحمن: أمووت عليج


الزيـن: يعني ما راح تتركني بيوم؟؟


عبدالرحمن: انسييي...أصلا ماكو شي راح يفكج منيي


الزيـن: متأكد؟؟!! لان المشكله الكلام سهل واايد


عبدالرحمن: زين حبيبتي شفيج؟؟؟ ليش كل هالأسئله؟؟!


الزيـن: بس ابيك تريحني


عبدالرحمن: لا زين لا تحاتين انا أحببج وايد مستحيل أقدر أتركج بيوم


الزيـن: اوكي حبيبي


عبدالرحمن: وانتي ما تحبيني؟؟


الزيـن سكتت شوي...


الزيـن: اي أكيد أحبك


ثاني يوم الصبـح الساعه 12:20.....


يوسف: هاا نويصر سلاااماات!! يقولون طايح امس بالمحاضره؟؟


ناصر: اي والله ياخوك كنت تعبان شوي..


يوسف: خطااك السوو...يا أخي حط بالك على روحك...مادري شفيك هالأيام!! شكلك كله تعباان؟!!


ناصر: والله عندي ضغط شوي وصايرتلي ظروف بس الله كريم


يوسف: الله يعينك والله


ناصر طول ما كان يكلم يوسف قاعد يدور على الزيـن!! عادة يشوفها بالسكوير بهالوقت!! بس مو لاقيها اليوم...جان يشوف حنان قاعده مع وحده على الطاولات اللي بره وما كانت الزين معاهم وقام يحاتي....!!!


خلص من كل محاضرته وراح البيت....


ناصر: نور عفيه ابيج تدقين على الزين


نور: ليش؟؟


ناصر: سألي عنها...لانها ما داومت اليوم


نور: اممم اوكي


ودقت على الزيـن بس مو قاعده تشيل الخط....


الزيـن: ليش داقه نور علي؟!! غريبه!! صارلها فتره ما دقت علي!!! اخاف أشيله ويطلعلي ناصر لاني مو قاعده ارد عليه....مابي مابي أشيله....


نور: مو قاعده ترد علي!!


ناصر: اوووف انزين عفيه حاولي بعد شوي


نور: خلاص اهيه اذا شافت امس كول ترجع تدق


ناصر: تدرين شلون...بس دزيلها مسج سألي عنها


نور: ناصر من زمان ما في بيني وبينها مسجات واذا شافت مسجي راح تشك!!


ناصر: نور ميخالف بس كافي ترد عليج عشان أتطمن ان ما فيه شي


نور: انزييين


دزتلها نور مسج....


الزيـن شلوونج؟؟ ان شاء الله تمام حبيبتي؟؟ بغيت أسأل عنج لانج اخر مره بالتلفون صكيتي الخط على طول ولما دقت ما رديتي علي!! حبيبتي فيج شي؟


بعدين الزين عقب 10 دقايق ردت عليها....


هلا حبيبتي...لا ما فيني شي لا تحاتين واسفه ما رديت عليج بس لاني مشغوله....


نور: ارررتحت؟؟؟...ما فيها شي


ناصر: ايييي الحمدالله ارررتحت...مشكوره يا عسل


نور: العفووو....اقول ناصر خلاص باجر بتسافر؟؟


ناصر: اي والله مضطر


نور: ان شاء الله ترجع بالسلامه بأقرب وقت


ناصر: ان شاء الله


اليوم كله كانت الزيــن حابسه نفسها بغرفتها....ما تبي تطلع ولا تشوف احد!!!


ام عادل: يمه حبيبتي اكليلج شي


الزيـن: تصرخ: يممممه بسسس مااابي ااااكل...خلووووني برووووحي بس خلاااااص


ام عادل: وي وي شفييييج؟؟؟ هدي هدي


الزيـن: ذبحتووووني وانتو تحنووون علييي بس يننتووونييي


ام عادل: خلاص خلاص...كيفج عنج ما كليتي


يوم الثلاثا الصبح.....


راح الزيـن الكليه ولما دخلت المحاضره شافت الانظار كلها عليها...وتسمع الناس توشوش بس مو قادره تلقط كل الكلام....


*شفتيها شلون صرخت لما طاح ناصر؟؟؟.....


*اكيد في بينها وبينه شي؟؟!! جان ما صرخت جذي!!!...


*هذي هذي البنت اللي صرخت......


*ما شفتيها امس طلعت من المحاضره عقب ما شالوه بره وفي ناس شافوها تبجي...اكيد كانت قاعده تبجي عليه!!...


*انا شفتها بعيني بره قاعده تبجي حيييل


الزيــن واايد تضاايقت من الكلام ....كرهت نفسهاااا....تمنت الأرض تنشق وتبلعهااا...ودها تطلع من المحاضره وكانت راح ترجع تطلع لولا ما دخل الدكتور القاعه...


وراحت وقعدت...


الزيـن: شفتي اخررتها حنااان؟؟ صرت حجوه بلسان البشر...الناس قاعده تتشمت فيني


حنان: مالج شغل بأحد


الزيـن عيونها دمعت....تحس نفسها صارت مهززله....!!!


وبس الدكتور قاعد ينادي على الأسامي عشان ياخذ الحضور استوعبت ان ناصر مو حاضر....


حنان: أحسن مو حاضر...


الزيـن: اي والله ما كان ودي اشوفه اليوم


( قالت جذي وفعلا قاصدتهاااا بس هم كان عندها فضول ودها تعرف ليش ما حضر اليوم!!)


في المطار قاعدين في اللونج على القنفات بوناصر وناصر,,, وام ناصر قاعده تطمش على البوفيه....


ناصر: يبه...


بوناصر : هلا


ناصر: مادري ليش حاس اني ما راح ارجع مره ثانيه الكويت


بوناصر: رجعنا حق هالكلام اللي ماله طعم؟!! لا بأذن الله راجع


ناصر: مادري يبه بس مو متطمن كلش


بوناصر: خلاص ناصر اذكر الله وان شاء الله ماكو الا العافيه....


ناصر: ان شاء الله


بعد حوالي 6 ساعات طيران وصلوا المانيااا....واتجهوا حق المستشفى وبعد حوالي نص ساعه وصلوا المدينه....


ناصر: هالووو


الدكتور : اووه هاالو ناصر


ناصر: في قيي إس ديغ؟ ( شلونك)


الدكتور: ههههههههه زين أشوف ما نسيت الألمانيه


ناصر: خخخخ أتذكر شوي جم جمله


الدكتور: شلونك ناصر؟؟ وشلون صحتك؟؟


ناصر: تمام بس أمس دكتور حسيت بحراره وعرقت فجأه واغمى علي


الدكتور: ااااه...راح نفحصك باجر وراح تطلع النتايج بعد جم يوم ونتطمن عليك وترجع ديرتك... ولا تحاتي اذا اكتشفنا ان فيك اي شي ما راح يطول علاجك نفس ذيك المره لان راح يكن توه في بدايته


ناصر باحباط: اوكي دكتور....



بعد مرور ثلاث أيام.....


الدكتور: مبروووك نااصر طلعت سليييم وما فيك ولا شي


ناصر تفااااجئ...كان حاس ان مليووون بالميه رجعله السرطاان...مو قادر يصدق!!!


ناصر: رييلللييي؟؟؟ really


الدكتور: يس نااصر...الفحوصات كلها طلعت سلبيه والسرطان ما رجعلك وتقدر تسافر ترجع الكويت


ناصر قام باس الدكتوور ولمه,,,,,مووو قااادر يصدق....حاس الأرض موو شايلته من الفرررحه...


ناصر: دانكشن داانكشن دكتور ( مشكوور...مشكوور)


رجعله الأمل في حياااته....صار يبي يعيـــش....صار يبي ما يضيع ولا دقيقه من عمره....


ناصر : يمه ما فيني شي...ما فيني شي!! برررجع الكوييييييييت


ام ناصر واهيه تبجي: اي يمه الحمدالله الحمدالله


بوناصر: شفت شلوون؟؟؟ قلتلك ان العلم عند الله وكل شي بايد ربك بس انت كله محبط....


ناصر: الحمدالله...الحمدالله

وسجد ناصر على الأرض يشكر ربه.....



في الكويــت...بيت بوعادل


الزيـن بنفس الحاله...بس تبجي...وحابسه نفسها بغرفتهااا...وصاكه فيها الدنيااا...


الزيـن بينها وبين نفسها:: وين ناصر؟؟!! صارله 3 ايام مو مداوم!! شفيه؟؟!


وعصبببت بعدييين ليش لحد الحييين قاعد تفكر فيييه!!!


الزيـن تكلم نفسه:: انتي بعدج مااا تتوبيييين!!! لحد الحين يهمج!!! لحد الحين عقب كل هذااا تفكرييين فيييه!!! خلاااااص....بسسسس...اصحي من اللي انتي فيييييه!!! ليييي متى بتظلييين جذيييي!!! ليييي متى!!!!!


وقااامت تبجيييي تبجيييي حيييييييييل




يادمـع عيني خـفّ ..
جّرحـت .. / عيني ..
والعين تبكي .. خوف ..
تفقد بصرها ../


كفّ يادمع ..
ماودي انك تجيني ..!
بنسى ..
عسى نفسي ../ تدارى خطرها ..


ودّي الصبر .. / والوقت ..
يرحم انيني !
والنفسـ .. من ذا الصبر ..
تجني ثمرها ..


ياغير .. صبري ملّ .. والله يعيني ..
والروح تبكيـ .. / ضايقهـ من صبرها ..


هو صاحبي .. كفّــى . . ! ودمّر سنيني ..
كان الأمل .. كان لـ حياتي عمرها .. /كان الوفا والشوق ../ يموت فيني ..
هو دنيتي .. / ملهم عيوني نظرها ..


هو غايتي .. هو راحتي .. هو ضنيني .. /
هو مهجتي بالحب .. / .. نفسي غمرها


ياحيف .. وقتـ(ن) حالـ .. بينه وبيني !
وتبدلت الاحلامـ .. / لحظة سفرها !!
واللي انكتب وانصاغ ..بوسط الجبيني ..,
لابد هالايام ../ تكشف خبرها ..!


بينها وبين نفسهاا: بس ياا زيييين!! بس!! خلاااص كااااافي...كااااااافي....لازم تطلعين نفسج من اللي انتي فيييه....لازم تنسييييييينه لاااااااااازم لاااااااااازم.....


ودقت على عبدالرحمن


الزيـن: الوو


عبدالرحمن: هلا حبيبتي,,,شفيج؟؟ ليش تبجين؟؟


والزيـــن قاعده بجي حيــــل وتشهق.....


عبدالرحمن: هدي هدي زيييين..طيحتي قلبي شفييييييج؟؟؟


الزيـن: عبدالرحمن...شرايك نقرب موعد الملجه؟؟؟


عبدالرحمن:...............



تــــم الجـــزء السابــع عشـــر

البـــارت الأخيـــر

18 + 19 + 20

يوم الخميس المغرب....

عبدالرحمن: هدي هدي زيييين..طيحتي قلبي شفييييييج؟؟؟

الزيـن: عبدالرحمن...شرايك نقرب موعد الملجه؟؟؟

عبدالرحمن : هااا!! نقربها!!!

الزيـن: اي عبدالرحمن ليش ما نقربها؟؟ انا ابيك وانت تبيني..صح؟؟

عبدالرحمن: اي صح

الزيـن: خلاص ليش نضيع وقت عيل؟!

عبدالرحمن: اممم مادري بس على أساس أهلنا حاطين في بالهم بعد شهر ونص الملجه

الزيـن: اي مو مشكله نقولهم ان نبي نقرب الموعد

عبدالرحمن: اممم يعني نخليها متى؟؟

الزيـن: اممم شرايك بعد أسبوع؟

عبدالرحمن: اسبووع!! امممم ما عندي مشكله...بالعكس أبي أكون ريلج اليوم قبل باجر..انتي كلمتي أهلج بالموضوع؟؟

الزيـن: لا بعد...قلت اخذ رايك بالأول

عبدالرحمن: انزين بس قوليلي بالأول ليش قاعده تبجين؟؟؟

الزيـن: عبدالرحمن أحس نفسيتي تعبانه مادري شفيني

عبدالرحمن: من شنو حبيبتي؟؟

الزيـن: مادري.....

عبدالرحمن: يعني شايفه اذا تزوجنا نفسيتج راح تتعدل؟؟

الزيـن: اي ان شاء الله

عبدالرحمن: يا بعد قلبي...يعني طلع كل هالبجي عشااني..اي والله كلامج صحيح ليش نضيع كل هالوقت وعلى أقل لما نملج ناخذ راحتنا مع بعض أكثر

الزيـن: اي

عبدالرحمن: انا الحين الحين بروح اكلم اهلي

الزيـن: وانا بعد

عبدالرحمن: يلا قلبي لا تبجين انزين

الزيـن: انزين...يلا مع السلامه

عبدالرحمن: مع السلامه

راحت الزيـن حق أبوها....

الزيـن: يبه ممكن ادخل؟؟

بوعادل: اي حبيبتي تعالي اكيد ممكن

الزيـن: يبه بغيت اكلمك بموضوع

بوعادل: اي والله وانا بعد ابي اكلمج...صارلج جم يوم مو على بعضج وكله حابسه نفسج بالغرفه!!! شفيج بابا؟؟

الزيـن: مادري يبه نفسيتي تعبانه

بوعادل: صار شي مع عبدالرحمن؟؟

الزيـن: لا ما صار شي كلش

بوعادل: عيل شفيج؟؟

الزيـن: يبه خل نقرب موعد الملجه

بوعادل: ليش؟؟

الزيـن: بس يبه انا ماني شايفه ليش نضيع كل هالوقت وانا مقتنعه بعبدالرحمن واهوه مقتنع فيني

بوعادل: اي بس حبيبتي ما ابيج تسوين شي وتندمين عليه..وبعدين اذا ملجتي يعني هذي فيها زواج وراح تعتبيرين زوجته خلاص يعني المسأله مو لعبه

الزيـن: ادري يبه وانا مقتنعه باللي ابي اسويه

بوعادل: يعني نقربها حق أي موعد؟؟

الزين: نخليها بعد أسبوع

بوعادل: اممممممم....ويمديكم تحضرون كل شي بأسبوع واحد؟؟

الزيـن: اي عادي يبه يمدي وانا أصلا ابي الملجه تكون بسيطه

بوعادل: ليش حبيبتي؟؟؟ انتي بنتي الوحيده وابي أسويلج ملجه تستاهلينها ويصير الكل يتكلم عنها وما تكون شي بسيط

الزيـن: لا يبه ميخالف خل نخلي الملجه بسيطه والعرس ممكن تسوي اللي تبيه

بوعادل: امممم طيب... انا ما عندي مانع وابيج تسوين اللي يريحج...بس كلمي أمج بعد

الزيـن: مشكوور يبه..الله لا يحرمني منك

بوعادل: زين

الزيـن : هلا يبه

بوعادل: في شي حابه تقوليلي اياه؟؟

الزيـن: لا يبه تسلم..ماكو شي

بوعادل: اذا في شي مكدرج وحابه تقوليلي اياه!! انا موجود

الزيـن: ادري يبه..الله يخليك لي ياارب

وراحت الزين حق أمها وكلمتها عن الموضوع وامها وايد فرررحت واقتنعت ان الموعد يتقرب.....

وارجعت دقت الزيـن على عبدالرحمن...

الزيـن: ها كلمت أهلك؟؟

عبدالرحمن: حايلتهم واقتنعوا...

الزيــن: حلوو

عبدالرحمن: ياا سلاااام...يعني بعد أسبوع راح تصيرين زوجتي خلاص

الزيـن: ان شاء الله

عبدالرحمن: راح اكون اكثر شخص محظووظ في الدنيا

الزيـن: بعد قلبي وانا راح أكون أسعد انسانه

في المانيا....

ناصر: يبه يلا احجزلنااا خل نرجع الكويت باجر

بوناصر: يبه بما ان اليوم الخميس خل نظل لي السبت دام ما عندك دوام ونطلع نحتفل فيك بميونخ

ناصر: لا يبه ودي أرجع اليوم قبل باجر أصلا

بوناصر: يبه لاحق على الكويت...وكلها يومين ونرجع ان شاء الله

ام ناصر: اي نصور دام احنا اهني خل نستانس شوي

ناصر: وخواتي؟؟

ام ناصر: خالتك لطيفه عندهم في البيت لا تحاتيهم وما راح يقولون شي

ناصر: اممممم... يلا انزين ما ابي أجبر بخاطركم

ام ناصر: يلا عيل خل نحجزلنا فندق في ميونخ

( مع ان الناصر مو مقتنع كلــش ومتلهف يروح حق الزيــن يكلمها بس وافق)

في الكويـت....

الزيـن: حنوون بقولج شي

حنان: هلا عمري قولي

الزيـن: ابيج تساعديييني

حنان: بشنوو؟؟

الزيـن: احضررر حق ملجتييي

حنان: واللللله!!! صججج!!!...مبروووووووووك

الزيـن: الله يبارك فيج

حنان: فرررحتيييني واايد حبيبتي...شلون خليتوها عقب أسبوع؟!

الزيـن: بس انا قررت

حنان: والله زين تسوييين الصراااحه

الزيـن: اي

حنان: يلا متى تبين نروح السوق؟؟

الزيـن: باجر الصبح...عندج شي؟

حنان: لا أبدا ما عندي شي كلش...انا هالأسبوع كلي لج

الزيـن: تسلمين حبيبتي...الله لا يحرمني منج

حنان: ولا منج يا قلبييي

يوم السـبت....

الزيـن كانت هاليومين قاعده تلهي نفسها بتحضيرات الملجه كثر ما تقدر وكل ما يخطر في بالها ناصر تحاول تلهي نفسها بأي شي ثاني....

ناصر وأهله ارجعوا من السفر....

في بيت بوناصر...

نور: شلون شعوووورك نااصر عقب ما عرفت ان ما فيك شي؟؟

ناصر: شلون شعوري يعني بيكوون!! أحسني أسعد انسان بالدنيااا...والله كنت مرعوووب نوور..كنت خاايف يقولولي ان راح لازم أرجع أتعالج

ناديه: اشوووه الحمدالله ان مافيك شي

ناصر: حااس اني انولدت من يديد...صار ودي أعيييش حياااتي...ودي اشوف الدنياا

نور: واااي فررق انت عن أوول...كان مفروض من أول مره لما رجعت من السفر تحس بهالشي...اشمعنا هالمره غير؟؟

ناصر: مادري تصدقيين...اول مره بس رجعت كنت حاط في بالي ان المرض راجعلي راجعلي بس الحمدالله الحين حسيت ان في أمل اعيش حياتي وخصوصا لما طمني وااايد الدكتور

ناديه : ربك كبير ناصر وانت صبرت وصبرت وبالنهايه كل شي بايد الله

ناصر: الحمـدالله

ناصر راح غرفته واهوه مرتااااااح وصدره منشررررح وقرر يدق على الزيـن...

بس الزيـن مو قاعده ترد على التلفون مع ان دق حوالي 10 مرات ورا بعض...
يبي يقولها كل شي....كل اللي طافها من عمره....

الزيـن وحنان في السوق....

حنان: شوفي هالنفنوق يهبـــل

الزيـن: اممم اي حلوو بس ما ودي بهاللون

حنان: وااي منج زين انتي أصلا مو قاعد يعجبج شي كلش

الزيـن: ميخالف تحمليني....

اوووف حنوون رجع يدق....!!

حنان: منو؟؟ ناصر

الزيـن واهيه معصبه: ايييييييي

حنان: وييييه وبعدين معاه هذاا....يعني لي متى؟؟!! ما يدري ان ملجتج بعد جم يوم!!

الزيـن: مادري والله عنه!!! أصلا شفتيه صارله جم يوم مو قاعد يداوم!! مادري شفيه؟!

حنان: وانتي شعليج اهوه شفيه!!! كيـفه...عنه ما داوم....تدرين شلون؟؟ خلاص غيري خطج واشتري غيره عشان ترتاحين

الزيـن: ماكو الا أسوي جذي....بس ودييي ارد عليه اقوله ان ملجتي بعد جم يوم عشان اقهررره

حنان: لا لا وليش تبين تقهرينه!! خلاص زينووو لا يهمج

الزيـن: اممم اي صح كلامج...ماله داعي ارد عليه وبعدين اول وتالي راح يعرف اني ملجت
حنان: صح

الزيـن قلبها يقولها ردييي..سمعييه..عطيه فرصه يتكلم....بس عقلها يقوولها لااا لا تردين...كافي حرقة أعصاب...ما تسوى عليـج ترديـن...

يوم الأحد الصبـح...

ناصر كان ناطر الزيـن بالمحاضره بلهفه...وده يشووفها..ولهان علييهاا لان صارله فتره مو شايفهااا...
دخلت الزيـن القاعه مع حنان وشافته قاعد!! اهوه شافها صار وده يقوم من مكانه يروحلهاا..ابتسم غصبن عليه واهوه يطالعها...اما اهيه وقفت شوي بمكانها تجمدت وبعدين تذكرت كلام حنان عنه وطالعته بنظرة اشمئزاز وكملت طريجهاا!!
ناصر بينه وبين نفسه: هالنظره اول مره أشوفها!!! بس معذوره حبيبتي...

خلصت المحاضره وطلعوا من القاعه...اسمعت الزين احد يناديها

ناصر: زين

الزيـن لفت ويهها على طوول لان روحها مبرمجه ترد على هالصوت بالذاات اول ما ينادي عليها... شافته جان تطالعه من فوق لي تحت وترجع تتلف ويهها وتمشي

رجع نادها....

ناصر: زين....زيـن ممكن أكلمج شوي

حنان: اووه زين امشي امشي مالج شغل فيه

اهيه انكسرر خاطرها حيييل علييييه...كان ودها توقف تسمعه لو ما مسكت ايدها حنان واسحبتهااا...

ناصر: زيين أرجووج بس سمعيني!! عطيني فرصه..ما راح تخسرين شي

حنان: ترى دوختنااا!! والبنت على فكره ملجتها الخميس الياي..استح على ويهك...

ومسكت حنان ايد الزيـن ومشت...

ناصر انصدمممم...تبققت عيوونه من كثر ما تفاجئ من الخبر...حس ان لسانه انشدد مو قاادر يتكلمم...مشوا.. وبعدوا.. ولحد الحين واقف بمكانه متفاجئ بالخبر... مكسوور خاطر... مصدووم....

الزيـن واهيه تمشي قلبها طول الوقت يدق بسررعه مو مطاوعها شلون خلته جذي ومشت,,,ودها تلف ويهها بس تشوفه بعده واقف او لا!!! بس امسكت نفسهاا

ناصر عقب ما استوعب الخبر..ادمعت عينه...ومشى: قاعد يفكر شيسوي؟؟!!! يمسكها غصبن عليها ويقعدها ويكلمها ويفهمها كل شي!!!

بينه وبين نفسه: شلوون شلوون اخليج تسمعيني!! بس ليش أخليج تسمعيني وأفرض نفسي عليج دامج تحبين غيري!! خلاص زيـن ضعتي مني وانا السبب...كنت اتمنى انج تكملين حياتج ووتتزوجين غيـري,,,والحين صرت العن الساعه اللي تمنيت فيها هالشي!!
اااخ ياريت لو بس الزمن يرجع مثل ما كاان...ياريت يرجع كل شي مثل اول وما صار كل اللي صاار...تحمل ناصر نتايج غلطتك ولا تلومهااا!!!

رجع ناصر البيـت واهوه مهمووم...ضايق خلــقه...صاكه فيه الدنياا

نور: شفيك نااصر؟؟؟ بسم الله توك أمس ما فيك شي وفرحاان!!

ناصر: لا بس متضايق من شغله

نور: اووه عاد خلاص ناصر ترى الدنيا ما تسوى

ناصر: ادرري نور

نور: قولي شفيك؟؟!

ناصر: ملجة الزيـن الخميس الياي

نور: والللله!!!!! مو على أساس بعد شهر وشي؟!!

ناصر: مادري هذا اللي قالته رفيجتها

نور: اووه خلااص ناااصر لازم تقولها كل شييي...لازم تلحق عليها من الحييين قبل ما يفووت الفووت وما تقدر ترجعها كلش

ناصر: شالفايده نور؟؟! خلاص قالتلي انها تحب خطيبها وادق عليها ما ترد علييي وبعدين يمكن عبدالرحمن أخيرلها مني
نور: ناااصر بس من حقها تعرف الحين

ناصر: صدقيني لو اهيه ما تحبه ومقتنعه فيه جان ما قربوا الملجه!! وصراحه نور كل اللي ابيه من هالدنيا سعادتها

نور: انزين بس ناصر حاول أكثر معاها...عشاني

ناصر: خلاص نور كل شي نصيب والمكتوب راح يصير

نور: اوووف

لما مشى اخوها جان تقوم نور تدق على الزيـن...بس الزيـن مو قاعده ترد عليهاا!! قررت انها تروحلها البييت بس شافت سيارتها مو بره!!

في المطعم الزيـن وحنان قاعدين يتغدون...والزيـن طول الوقت سرحانه وتفكرر

حنان: الزيــن شفيييج ساااكته؟؟!!

الزيـن: هااا؟؟ لا ولا شي

حنان: عيل قوليلي شكنت أسولفلج توه؟!

الزيـن: هاا!! سامحيني حنان بس لان وايد أشياء في بالي

حنان: تحاتين الملجه؟؟

الزيـن: اييي...مادري اذا اللي قاعده اسويه صح او لا ؟!

حنان: شقصدج؟؟

الزيـن: مادري حنان بس احس اني قربت الملجة كردة فعل من اللي سواه ناصر!! حنان انا مو متأكده اذا صج أحب عبدالرحمن او لا !!!

حنان: شنو اللي فيه عبدالرحمن وما ينحب؟؟؟! مملوح وجسمه اينن وشخصيته حلوه وكافي انه يمووت عليج!! اشتبين أكثر من جذي؟!

الزيـن: ماادري حنوون ماادري شفينييي!!!

حنان: حتى حتى لو ما تحبينه الحين اكييد راح تحبينه بعد الزوااج...زينوو حمدي ربج عندج ريال على قولتهم لقطه!! لا تضيعينه من ايدج...في ناس اللي مثل حالتي طايح حظهم

الزيـن قاعده تفكر في كلام حنان وتحاول تقنع نفسها ان فعلا اذا ما حبته الحين راح تحبه عقب الزواج والعشرره...ويمكن يقدر ينسيها ناصر وترتااااح....

وصلت الزيـن حنان بيتها وارجعت البيـت ودخلت غرفتها....

نور اول ما شافت سيارتها موجوده بالجراج راحتلهم البيت وطقت الجرس...طلعلها ام عادل على السبيكر...

ام عادل: نعم...؟؟

نور: خالتي شلونج؟؟؟ انا نور..ممكن ادخل شوي؟

ام عادل: هلا نور...شبغيتي؟؟؟

نور: بغيت الزيـن..محتاجه اكلمها ضروري

ام عادل حست من نبرة نور ان في شي خطيـر وخافت ان يكون له علاقه بناصر اللي ما قامت تواطنه...


ام عادل: لا حبيبتي صعب لان الزيـن نايمه

نور: امممم انزين خالتي ممكن تقوليلنها اني مريت عليها وخل تدق علي محتاجه اكلمها ضروري

ام عادل: انزين

ام عادل بينها وبين نفسها: اوووف هذيله شكله ما راح نخلص منهم!! اشوه ان ملجتها بعد جم يوم...

الزيـن كانت في غرفتها قاعده تطالع تلفزيون....

جان تشوف تلفونها يرن...( نور يتصل بك)

الزيـن: اوووف خلاص يعني ما ابي ارد...ماا ابي!!! دوختووني انتي وأخوج!

وخذت جهازها وصكته...وحطت خطها اليديد اللي اشترته في تلفونها وافتحته ونشرت حق الكل رقمها اليديد طبعا ما عدا ناصر وأخته.. وخطها القديم حطته في تلفونها القديم....

كانت تبي تفتح صفحه يديده...صفحه مالها علاقه بنااصر...

نور كل ما تحاول تدق عليها يكون جهازها مغلق...وكل ما تروحلها البيت يقولنلها يا اما مو موجوده او نايمه او مشغوله يعني يصرفونها بأي طريقه!! فقررت تكتب لها مسج..

زيـن ترى في سرر ورا اللي سواه ناصر...لو تعرفينه راح تعذرينه ليش تركج وقتهاا...تخلى عنج عشانج...عطيني فرصه اكلمج....صدقيني ناصر يحبــج...

بس ما كان في رد....

دقت الزيـن على عبدالرحمن...

الزيـن: هااي حبيبي

عبدالرحمن : اهليـن!! زين؟

الزيـن: اي عمري هذا خطي اليديد واذا بغيت اي شي كلمني منه

عبدالرحمن: اهااا وليش غيرتيه؟

الزيـن: بس مليت من ذاك....ها شنو شعورك والملجه ما بقالها شي؟

عبدالرحمن: شعووري ما ينوصف....فرحااااااان مو قادر أصدق

الزيـن:........بعد عمري وشلون امتحانك الأربعا؟؟ قاعد تدرسله؟

عبدالرحمن: اي مع ان كلــش مالي خلــقه...هالامتحان صج مو وقته

الزيـن: ميخالف حبـيبي موفق ان شاء الله

عبدالرحمن: تسلميـن يا قلبي

يوم الأربعا المغرب...

الزيـن في سيارتها رايحه تخلص شغلها حق الملجه اللي اهيه عقب باجر

ياها تلفون....

قاعده تدور على سماعة تلفونها عشان تركبها وما تتخالف بس مو قادره تلقاها وشالت الخـط...

الزيـن: أهليــن أبراار

أبرار: هلا والله حبيبتي..شلونج؟؟

الزيـن: بخيـر..وانتي؟

أبرار: والله انا يا زيـن طايحه بالمستشفى

الزيـن: اوووف حبيبتي...لييش؟؟

أبرار: عندي فقر دم واليوم تعبت..

الزيـن: ويي بعد قلبي ما تشوفين شرر

أبرار: اي والله حبيبتي فـ داقه أقولج ما أعتقد راح أقدر ايي باجر سامحييني

الزيـن: لا حبيبتي أهم شي صحتج وان شاء الله تقومين بالسلامه

أبرار: والله كان ودي ايي بس غصبن علييي...لو تشوفيني حالتي حاله

الزيـن: اي الله يعينج والله...اكيد غصبن عليج وفقر دم ادري يتعب

أبرار: يلا الحمدالله على كل حال..على الأقل حالتي اهون من اللي طاح بالمحاضره ذاك اليوم مسكـين

الزيـن: قصدج ناصر؟

أبرار: اي ناصر

الزيـن اختررعت وما فهمت شنو قصد أبرار...

الزيـن واهيه مستغربه: ليش شفييه؟؟؟

أبرار: ما تدرين؟؟

الزيـن انفعلت: لا شنووو قووولي؟؟؟

أبرار: المسكين كان عنده سرطان بالدم بس الحمدالله تعالج منه

الزيـن بس سمعت سرطان قشعرررت...حست جسمها كله قاعد ينتفض...قلبها قام يدق بقووووه....قامت تتنفس بسرررعه....تركيـزها تشتت

أبرار: زيين؟؟ زيين فيج شي؟؟؟

الزيـن كل ما استوعبت الكلام اللي قالته أبرار أكثر قلبها دق أكثر..ايدها قامت ترجف أكثرر.

الزيـن: انتي انتي متأكده من كلامج؟؟

أبرار: اي متأكده...رفيج ناصر قال حق رفيج أخوي اللي قال حق أخوي وبعدين اخر شي اخوي قالي

الزيـن سكتت...من قوة الخبـــر ما كانت مركزه بالسياقه كلش...نست أصلا ان اهيه بالسياره قاعده تسوق...وحست ان جسمها كله مخدررر...

جان تكسر عليها سياره ما كانت منتبهتلهاا...بعدين لما استوعبت لفت السياره بسرعه تبي توخر عنهااا قبل ما تدش فيهاااا جان تدخل السياره اللي بالحاره الثانيه فيها ومن قوة الضربه فرررت سيارة الزيـن ودخلت فيها سياره ثانيه بعد......

أبرار: زيــــــن....زيـــــن

الزيــن:.....................

في بيـت بوناصر........

ناصر ما حاول بأي طريـقه ان يكلـم الزيـن لان خلاص حس ان فقدهاا...وماله داعي يسوي شي او يقولها اي شي دام كل اللي فات مات....مع ان حاس انه قلبه قاعد يعتصرررر.....قاعد يحتررق من داااخل... قاعد يموت بالبطيء

ونور مو متحمله تشوفه جذي...قاعده تحاول تسوي المستحيـل عشان تكلم الزيـن بس مو قادره توصلها!!!

نور: ناصر عشاني خلااص بس لا تضايق رووحك

ناصر: خلاص نور عادي ما فيني شي

نور: شلون ما فيك شي ناصر!!

ناصر: نور دامج لابسه... امشي تبين نطلع؟؟

نور: يلا اوووكي أحسسسن شي...وين تبي نرووح؟؟

ناصر: مادري أي مكان المهم نطلع

موقع الحادث.......

وقفت السيارات وانزلوا الناس قاعدين يحاولون يطلعونها من السياره...ويات الاسعاف والشرطه والشارع تصكررر مره وحده لان دخلوا 3 سيارات في بعض....

طلعوا الزيـن من السياره...كانت كلها جرووح ورضوض...ايدينها...ريولها...وجروح في ويهها بس كانت بسيطه...
حطوها بسيارة الاسعااف ومشوووا....

في الشارع اللي راد يعني الصوب الثاني كانوا ناصر ونور في السياره...

شاف سيارة الاسعاف يايه من ورااه وحررك عشان يوخر عنهااا....

نور: امبييه ناصر شوف شوف شلون السيارات داشين فبعض!!

ناصر: اوووف لا حول الله

( نغز قلبه لما شاف انها ريــنج وبنفس لون سيارة الزيـن وتصروع خاف ان ممكن تكون اهيه....)

نور: اوووله شوف الشارع اللي رايح شلون متصكرر عدل

ناصر سرحان قاعد يفكرر...

نور: ناصر شفيك؟؟؟

ناصر: مو جنه نفس سياره الزين؟؟

نور: اشدعوه ناصر حتى لو نفس سيارتها مو شرط تكون اهيه!!

ناصر: اي بس حتى سيارتها ما كانت موجوده بالبيت؟؟!!

نور: ناصر خلاص عاد لا تتشائم جذي وتفاول على البنت!! لا لا ما اعتقد اهيه

ناصر: مادري نور خاايف...قلبي مو متطمن كلش

نور: يعني شلون الحين؟؟!

ناصر: مادري!! حاولي تدقين عليها عشاني

نور: ناصر انا صارلي من فتره احاول ادق عليها وكله جهازها مغلق!!!

ناصر: ليش كنتي تدقين عليها؟

نور: بس بغيت اكلمها

ناصر: انزين انزين حاولي الحين عشاني

نور: انزين بحاول...

ناصر بدا يحس بخووف أكثررر....

نور: شفت يطلعلي مغلق

ناصر: ما أقدر لازم اتطمن عليها الحين لازم

نور: ناصر خلاص ان شاء الله ماكو الا العافيه

ناصر: خل نرجع البيت

نور: لاااااااا لييييش؟؟؟

ناصر بانفعال: برووح أشوف يمكن ردت البيت

نور: اوووه

في المستشفى....

الزيـن كانت في غرفه في المستشفى غايبه عن الوعي....بعدين افتحت عيونها وشافت امها وابوها وأخوها بالغرفه..

ام عادل: زيــن حبيبتي... تسمعيني؟؟

الزيـن واهيه باليالله قادره تتكلم: يمـه

ام عادل واهيه تدمع عيونها: الحمدالله على سلامتج يا قلبي

الزيـن قامت مو مستوعبه شي: انا وين؟!

بوعادل راحلها وحط ايده على شعرها: حبيبتي انتي بالمستشفى

الزيـن قاعده تحاول تتذكر شنو صارلها!! لانها مو قادره تجمع....

بوعادل: حبيبتي انتي سويتي حادث بس الحمدالله عدى على خيـر

الزيـن بعدين حست على ايدها اليمين ملفوفه بجبـس...وفي رضوض على فخوذها وكتر زنودها وبالغصب قادره تتحرك....

الزيـن تتكلم واهيه دايخه: احس ان جسمي كله يعورني

بوعادل: اي يبه ميخالف لان الحادث كان قوي بس الحمدالله اهم شي انج قمتي بالسلامه

بعدين تذكررت,,,تذكرت السببب اللي خلاها ترتبك بالسياقه وتدعم...تذكرت كلام رفيجتها أبرار عن ناصر...عقب ما تذكرت فز قلبها

الزيـن: يمه...تلفوني مو عندج ؟؟

ام عادل: ليش؟؟ لا والله ما عطوني بعد شي من أغراضج

الزيـن: انزين يمه ممكن تلفونج شوي

ام عادل: ليش حبيبتي؟؟

الزيـن: ممم ابي اكلم رفيجتي

ام عادل: حنان؟؟ كلمتها وتقول يايه

الزيـن لما عرفت ان حنان يايه قررت تستخدم تلفونها لانها مالها خلق تحقيق امها وما راح تقدر تتكلم فيه أصلا جدامهم...

الزيـن: انزين

في بيت بوناصر....

ناصر: بعدها ماا ياات!!!

نور: توه ما صارلنا ساعه وبعدين الوقت بعده امبجر توها الساعه 6:30

ناصر: ماني قادر اصبررر....بروح اشوف اذا اهيه بالمستشفى

نور: لا من صجك بتقعد تدور عليها!!! وفي احتمال كبير ان مو سيارتها بعد!! دق على عادل وشوف يمكن تقدر تحس منه اذا صاير شي او لا!

ناصر: صح...بدق عليه

في المستشفى....

عادل: عن اذنكم شوي بس اشوف التلفون

وطلع بره الغرفه...

عادل: الوو

ناصر: هلاااا والله هلاا...يا اخي وينك انت؟؟ من زمان عنك

عادل: اي والله وانت بعد مره وحده صايرين مانشوفك!!

ناصر: لك وحشه والله....موجود انت بالدوانيه الحين؟

عادل: لا والله...مو فالبيت أصلا

ناصر: حسافه كان ودي أشوفك...متى راح تقعد بالدوانيه؟

عادل: والله مو متأكد لان اختي سوت حادث والحين انا معاها بالمستشفى

ناصر اول ما سمع جذي تكهرررب بمكانه....حس برهبه مو طبيعيه وقلبه قام يدق يدق حيـــل

ناصر بانفعال: سلاااماات...شلوونها؟؟؟صار فيها شي؟؟؟

عادل: لا الحمدالله ماكو الا العافيه ان شاء الله

ناصر بعده منفعل: متأكد ان ما فيها شي؟

عادل: يا اخي شفيك قاعد اقولك الحمدالله ما فيها شي بس ايدها اليمين انكسرت ورضوض وجروح بسيطه

ناصر أخذ نفس عميــق واحس ان ارتااح بس مو هااين عليه كلش ان حبيبة قلبه وروحه متعوره وطايحه بالمستشفى!!

ناصر: خطاكم السوو..والحمدالله انها يت على جذي

عادل: اي والله

ناصر: في أي مستشفى انت؟

عادل: مستشفى الأميري

ناصر: اهاا يلا عيل أخليك انا الحين...أجر وعافيه وأشوفك على خيـر ان شاء الله

عادل: على خيــر حبيبي مشكوور

في بيت بوناصر....

ناصر: ااااااخ نووور طلعت اهيه الزين اللي مسويه الحادث

نور: اي بس قالك ان ما صارلها شي صح

ناصر: اي الحمدالله...الحمدالله

نور: مسكينه ما تشوف شر

ناصر: رااااح اموووت ابييي اروووحلهااا مووو قااادر

نور: بس ناصر تروحلها على أي أساس!!! وأهلها؟!!

ناصر: اااااخ هذي المشكله!! مادري شسويييي

نور: خلاص على الأقل تطمنت على حالتها

ناصر: ولوو..محتاج أشووفها بعيني

في المستشفى....

يات حنان تركض على غرفة الزيـن واول ما دخلت وشافتها على الفراش قامت تبجي وتبجييي بقووووه.....اما عادل وابوه لما شافوا حنان يات طلعوا من الغرفه عشان تاخذ راحتها مع رفيجتها....

الزيــن: حنان حبيبتي شفيج؟؟؟ خلاص ما فيني شي

حنان مو قادره تبطل بجييي وقامت تشهق

الزيـن: حنوون شفيييج عادي كله كسر ورضوض وبس

ام عادل لما شافت حنان جذي راحتلها...

ام عادل: يمه حنان شفيج؟؟؟ الحمدالله ان شاء الله ما فيها الا العافيه والدكاتره طمنونا عليها

حنان: خالتي ما عليج أمر ممكن تخليني مع الزين شوي

ام عادل: هاا!!! انزين حبيبتي...اخليكم على راحتكم وارجع بعد شوي

حنان: مشكوره خالتي

وطلعت ام عادل من الغرفه....

حنان بس ارجعت شافت الزيــن ارجعت تبجيي....

الزيـن: حنوونه قلبي بس

حنان: الحمدالله على سلامتج عمري

الزيـن: الله يسلمج يا قلبي

حنان: زين اناا اسفه ااااسفه سااامحييينييي

الزيـن: على شنو؟؟؟!!!

حنان: والله مادري شلون سويت جذي بس أرجووج أرجووج حاولي تعذريني

الزيـن: شنو سويتيي؟؟؟ حنان شنو في؟؟؟

حنان قامت تتنفس بسررعه وقلبها يدق حيــل حيــل....

حنان: زين انا جذبت عليج

الزيـن اخترعت وحست ان قلبها طاح في بطنها

الزيـن: بشنوو جذبتي؟؟؟

حنان: مو صحيح ان ناصر تحرش فيني ولا صحيح ان قال يحبني وكله كان جذب بجذب

وقامت تشهق حنان وكل ماله تزيد بجي

الزيـن انصدمت:: شنووو؟؟؟؟؟

حنان: سامحيني الزين بس انا سويت جذي لان كنت أغاار.....

الزيـن من الصدمه ما تكلمت ولا كلمه

حنان واهيه تبجي ومنفعله: من احنا وصغار وكله مع بعض وبعدين بالثانويه يه اهوه وخذاج مني وانشغلتي عني وكان محور كلامج كله نااصر...نااااصر...ناااصر.... فصرت أغار من العلاقه اللي تجمعكم....سوالفج وكلامج على طوول عنه لما يه اليوم اللي صرت اتمناه حق نفسي !! وبعدين لما تركتيه رجعتي الزين اللي كنت اعرفهاا اول...رجعتي الزيـن صديقتي اللي تسأل علي قبل ما أسأل عليها...رجعتي صديقتي اللي فقدتها سنيــن..وبعدين لما صرتي تبين ترجعينله خفت أخسررج!! وانتي كنتي من غير ما تتزوجينه وجذي لو صار زواج راح تنسيني مره وحده وتمحيني من حياتج!!!

الزيـن مذهوووله من كلام حنااان...مو قادره تصدق ان رفيجة عمرهااا تجذب عليها بجذي مسأله كبيـره!! مو قادره تصدق ان يطلع من حنان جذي!!! يطلع من الانسانه اللي عمرها ما توقعت ان ممكن تجرحهاا بهالطريقه!!

الزيـن بينها وبين نفسها: انتي يا حنان...معقوله انتي تسوين جذي؟؟!! انا اللي عطيتج عمري!!!بكل بساطه جذي تخدعيني!!! خيبتي ظني فيج للأسف

الزيـن صارت مو قادره تشوف حنان...مو قادره تحط ويهها بويه حنان...طاحت من عينها خلاص...

حنان: أرجووج زين ردي علييي...طالعينييي...صدقيني قاعده أتاااكل من داخل...من وقت ما جذبت عليج وانا حاسه بتأنيب الضمييير وكل ما ابي أقولج أترااجع...كنت خايفه أخسررج

الزيـن كانت طول الوقت تطالع تحت ودمعت عيوونها....

حنان: زييين أبووس ايدج تسااامحيينييي....انا ادري اني غلطت بحقج بس اعذريني

بعدين الزين قررت تتكلم...لان قامت تحس بحرقه في قلبها..تحس بقهررر

الزيـن: انتي تدرين ان ملجتي كانت على الأساس باجر؟؟؟؟

حنان طالعت تحت...كارهه رووحهااا...ما عندها شي تقوله

الزيـن: انتي تدرين اني كنت راح اتزوج عبدالرحمن كرد فعل من كلامج القوي اللي قلتيه عن ناصر....انتي تدرين اني احب نااصر اكثر من نفسي وبعته عشااانج !!....يعني لو مو الحادث جان متى قلتيلي؟؟؟ عقب ما أتزوج؟؟؟!!!

حنان ساكته ... منحرجه...حاسه نفسها انساانه وااااطيه..

الزيـن: لو سمحتي طلعي بره

حنان: لاااا زيييين حاولي تعذرييينيي....انا سويت كل هذا من كثر ما احبج ومتعلقه فيج

الزيـن: لما صديقة عمري تجرحني بهالطريـقه ما اعتقد انها تحبني

حنان: لا زين ارجووج اعذريييني ...انا ااااسفه غلطت وتعلمت من غلطتي تكفيـــن ساامحييينييي

الزيـن : حنان انتي ظلمتيييه وظلمتييينييي وكنت راح اظلم عبدالرحمن معااي..انتي ما تحسين؟؟ ما عندج قلب؟؟؟ شلون اهوون علييج تسوين فيني جذي؟؟!! خساره فيج صداقتي....

حنان: ............

الزيـن: مو قادره اطالع بويهج...خلاص صرتي مو نفسها حنان اللي كنت اعرفهااا..تغيرتي علي وصرت أشوفج بنظره ثانيه للأسف

حنان قامت تبجييي تبجييي حيـــــــل

الزيـن قامت تصرخ: حنان خليني وطلعي بره مااا ابي أشووفج طلعييي بررره بررره

ومن الخرعه قامت حنان على طوول وطلعت بره....

الزيــن قامت تبجيي بقووووه....

آه يادنيـا وشــلون انج عـجيبه
وكل شي فيج تتغير الوانه
حتى القلوب عن بعضها غريبة
وكلن فيج عايش لوحده في زمانه
الصديق يكذب والخل ينسى الحبيبة
والناس تظلم والزمن يزيد حرمانه
وهذا زماني القاسي وهذا نصيبه
وهذا حبيب خان وهذي أنا ندمانه
خلاص ياقلبي ابعد ربك حسيبه
يذوقه مرارة غدر وعيون سهرانه
بجيله يوم يلاقي بس ونـته قريبه
ويلقى كل من حوله نسى عنوانه
لافكرت فيها قلت أنا وشلي به
وليه اقضي عمري ارتجي حنانه
قال قلبي عقب مازاد فـ نحيبه
علميني الصبر وقولي وشلون نسيانه
وين الغلط فيك والا فيني المصيبه
ولا كوني ماعرفت وين الغلط مكانه
ماهي غلطتك يوم قلبي زدت تعذيبه
هذي غلطتي تعلمت الوفا والناس خوانه

ناصر: نور امشي معاي المستشفى ماني قادر أصبر لازم اشووفها

نور: بس ناصر شلوون؟!!

ناصر: انتي بس امشي معاي

نور: انزين يلاا يلا

في المستشفى....

ام عادل: حبيبتي شفت بره حنان تبجي!! شفيها؟؟؟ وشفيج بعد انتي قاعده تبجين؟؟

الزيـن: يمه لا تقولين اسمها جدامي اكرههااا

ام عادل: هاو هاو شصار؟؟

الزيـن: يمه اجرحتني...تخيلييي و بكل بساطه قدرت تخدعنيي

ام عادل: ليش شسوت؟؟؟

الزيـن: جذبت عليييي وظلمت ناصر

ام عادل: ناصر؟؟؟ ناصر الشكو!!!

جان يدخلون بوعادل وعادل الغرفه....

بو عادل: زين حبيبتي شفيج تبجين؟؟؟

ام عادل: بو عادل الله يعافيك البنت تعبانه ومحتاجه ترتاح...خلوني معاها وانتو روحوا البيت ريحواا

بوعادل: لا لا ميخالف نظل احنا

ام عادل اغمزت حق بوعادل بمعنى خلاص روحوا : ميخالف يا بو عادل باجر تعالوا

بوعادل حس ان ام عادل تبي تكون مع بنتها بروحهااا فرضى يروح البيت وسلموا على الزيـن ومشواا....

ام عادل: اي كملي!! شسالفة ناصر؟؟ شلون ظلمته!!

الزيـن: تقول ان اهوه في مره تحرش فيها وانه يحبها وطلع كله جذب بجذب

ام عادل: اوووووف حنان تقص علينا بشي كبير جذي !!

الزيـن: انتي بعد قالتلج هالكلام عن ناصر؟؟؟

ام عادل: اي قالتلي

الزيـن: مالت عليها...باطه جبدي قاااهرتنييي!! شلون حنان تسوي جذي شلوون!!!

ام عادل: اي والله ماني قادره أصدق!! وليش قالت جذي اصلا؟؟

الزيـن: تقول عشان خافت تخسرني!!! وبكل جرأه بعد تقولي لانها بعد تمنت ناصر حق نفسها!!!!

ام عادل: والله قوية عين

الزيـن : يمه بقولج بعد شي عن ناصر صدمنيييي

بس افتحت الموضوع الزيـن اخنقتها العبرره....

ام عادل: شنو بعد؟؟؟

الزيـن: أبرار رفيجتي تقول انها سمعت انه كان مريض فيه السرطان وكان يتعالج بره!!!

ام عادل انصدمت: شنوووو؟؟؟؟؟ والله؟؟!!!

الزيـن قامت تبجي: اييييي يمه!! مااااني قااادره أصدق!!!

ام عادل: معقوله!!

الزيـن: يمه لازم اعرف منه كل شي لازم

ام عادل: يمه وعبدالرحن؟!

الزيـن: يمه الحين مو وقت عبدالرحمن...

امبيييه يمه شلون الملجه على أساس بااجر!!!

ام عادل: وي وي ذكرتينيي..خل نقول حق الناس ان الملجه مو باجر

ناصر ونور وصلوا المستشفى واسألوا عن اسم الزيـن ودلوهم على غرفتها....

ناصر ونور واقفين بره باب غرفتها....

ناصر: نور يلا دخلي عليها

نور: وانت؟

ناصر: بتم واقف بره...بس شوفيها شلونها؟؟

نور: انزين

وطقت الباب نور وادخلت....

نور: السلام عليكم

الزيـن حست بفرحه مو طبيعيه بس شافت نوور..

ام عادل: وعليكم السلام

الزيـن: نووور!!!

نور: سلامات الزيــن..خرعتينا عليج واااااااايد الله يهداج

الزيـن ودها تسألها عن ناصر...تسألها اذا ياي معاها او لا!!!

الزيـن: الله يسلمج حبيبتي...يمه حبيبتي ممكن تخليني مع نور شوي؟

ام عادل: علامكم كل شوي طارديني من الغرفه!! انزين بطلع بطلع بروح اييبلي شي اشربه...بغيتوا شي؟؟

الزيـن ونور: لا مشكوره

طلعت ام عادل وشافت ناصر واقف بره....

ام عادل: ناصر؟؟!! شيايبك اهني؟!!

ناصر ارتبك: هاا خاالتي!! اممم بس يبت نور كانت تبي تطمن على الزيـن

ام عادل: اهاااا

ام عادل شافته واقف بره ينطرها وباين عليه متوتر حيـــل...انكسر خاطرها عليــه خصوصا عقب اللي قالته الزيـن عنه....

ام عادل: ناصر....تبي تدخل تشوفها؟؟

ناصر انفعل: ياريـــت

بعدين استوعب على روحه ان صرخ

ناصر: اقصد اي خالتي ياريت اتطمن عليها

ام عادل: انزين يلا عيل امش ندخل

نور: اي ناصر بره ناطرج

الزيـن: والللله!! انزين ابيه يدخل شلووون!!

نور: وي امج طلعت بره...امبيييه اكييد شافته

شوي جان يدخلون ناصر وامها....

الزيــن بس شافت نااااصر حست جنها ما كانت شايفته صارلها دهرررر...انشرح صدرهاااا....حست قلبها راح ينط من مكانه من قوة دقاااته...

اما اهوه...اهوه كان نفسه يركض عليييهااا....ياخذها بحضنه ويضمها حيييييل....حس برجفه...وجسمه قشعررر...مو هاين عليه يشوفها بهالوضع....

تموا فتره بس يطالعون بعض...لحظة صمت...نور قامت من يمها وراحت عند ام عادل اللي واقفه قريب من مدخل الغرفه...
ناصر قرب من فراش الزيــن وقعد على الكرسي يمها اللي صاير على يسارها...وطول الوقت بس يطالع فيها مو عارف شلون يبدي بالكلام....حس ان كل الكلام اللي صارله شهووور نفسه يقوله لها ضاااااع....

ناصر: سلامتج زيـن

الزيـن: الله يسلمك

ناصر: قاعده تتألمين الحين؟؟

الزيـن: انا قاعده أتألم من وقت ما خليتني ورحت

والزيـن فجأه بدت تبجي.....تبجي على كل الأيام اللي فيها كرهته...تبجي على كل الوقت اللي ضااااع واهمه بعاااد عن بعض...وبس شافته يمها ولهت على ذيــج الأيااام...اللي كانت كل ما تتضايق لو شوي بس يكفيها تسمع صوته وترتااااح....

ناصر بس شافها تبجي كان نفسه يحط ايده على ايدها بس تذكر امها واقفه تراجع...اما اهيه كل ما فيها يصررررخ يقول تكفى اخذنيييي فحضنك ولا تتركني....

ناصر وعيونه كلهاا دموووع : خطاج السوو...ياريت صار فيني ولا فيــج

الزيـن قامت تبجي أكثر: ناصر صحيح ان كان فيك سرطان بالدم؟؟؟

ناصر تفااااجئ....ما يدري شلون عرفت بهالشي

بس هز راسه بمعنى اي الكلام صحيح

الزيـن: متى يااااك هالمرض؟؟؟شلووون مااا تقووولي هالشي؟؟؟!!!!

ناصر: اليوم اللي تركتج فيه كان اليوم اللي اكتشفت فيه اني مريض....سامحيني الزيـن بس كنت خايف عليــج لو صار فيج شي بسببي جان عمري ما سامحت نفسي

الزيـن: بس....بس هذا شي كبييييير شلووون تخشه عني؟؟!!!!

ناصر: ما كنت اعرف شنو راح يصيرلي وما كانوا معطيني أمل كبير اني ممكن أتعالج منه..!!

الزيـن قلبهاا ذااابحهااا عواااار...من كثر ما كانت قاعده تبجي ما كانت قادره تتكلم...

ناصر وده يحتوي ويهها بكفوفه ويمسح دموعهااا....

ناصر: ارجوج زين بس كافي لا تبجيــن...دموعج تسوى عندي الدنيا وما فيها

واهيه تبجي ...اهوه قام يبجي معاها......

الزيـن بس شافته يبجي جدامها....حست ان قلبها قاعد يتقـــطع...اول مره تشوفه بعينها يبجي....!!!!

بعدين الزيـن تمالكت نفسها شوي وقدرت تتكلم...

الزيـن: يعني شنو ناصر؟؟؟ معقوله يعني انت كل هالفتره قاعد تتعالج بره وانا مادري عنك؟؟؟

ناصر: اي

الزيـن: يعني مو صحيح الكلام انك ما قمت تحبني وانك زهقت مني وانك تحب جنان بنت خالتك؟؟؟ كله كان موو صحييح!!!

ناصر: اي

الزيـن: ليش يااا ناااصر؟؟؟ليش تسوي جذي؟؟ لييييش؟؟؟؟ليش توهمني وتخليني أصدق كل هالكلام؟؟!! انت من وقت ما تركتني وانا تعباااانه.... بجيــت دم عليـــك لما صدمتني فيـــك...واخر شي اكتشف هالشي!! ليــش يا ناصر حرمتني اني اوقف معاك؟؟؟ ليش حرمتني منك؟؟!

ناصر: صدقيني ما كنت راح اقدر اتحمل أشوفج تتعبين عشااني...ما كنت ابيج تتعذبييين وأظلمج ويااااي!!

الزيـن: يعني انت اخترت انك تخليني اتعذب بروحي ولا أتعذب وياك؟؟!!

ناصر:......انا كنت ابيج تكملين حياتج وتعيشينها...انتي تستاهلين انسان يقدر يسعدج

الزيـن: ليش ناصر ما عطيتني فرصه أقرر عن نفسي؟؟ ليش تقرر عني؟!!! ناصر انت ما تعرف شكثر قيمتك عندي؟؟؟ انت ما تعرف شكثر أحبـــك؟؟!!! انا حتى كنت راح اخذ غيرك بس عشان يساعدني أنساك لكن قلبي وروحي من وقت ما حبيتك واهيه معاااك

ناصر: ادري زين بس كنت خايف عليــج...اذا رحت كنت ابي اروح وانا متطمن عليج

الزيـن: معقوله ناصر انت تفكر جذي؟؟؟!! يعني في أحد في الدنيا ضامن عمره؟؟؟ انا وانت ممكن نموت بأي لحظه!!! كان ممكن اروح اليووم بس اليوم ما كان يومي ومكتوبلي أعيش!! شلون تفكر بهالطريقه؟؟!! انا ما عندي ايمان بربي؟؟!

ناصر سكت ما توقع يكون تفكيرها جذي....تغيرت عن أول...كبرت...انضجت...وين الزيـن ام ال18 سنه!!!

ناصر: زيــن انا غلطت سامحيـــني....والله ندمان على كل اللي سويته فيج !!

وحط راسه على الفراش وقام يبجي...

الزيـن حطت ايدها اليسار على شعره...على كل دمعه تنزل من عيونه كانت سجاجين في قلبها....وبس رفع راسه وطالعها...حطت ايدها على خده...

الزيـن: يعني انت الحين تعالجت من المرض خلاص؟؟

ناصر هز راسه بمعنى اي

الزيـن خذت نفس عميق: الحمدالله.... سلامة عمرك ناصر( وقالتها بكل نعومه )

ناصر: ااااخ يا حلو اسمي على لسانج..... زين أحبـــج...أموووت فيـج....من وقت ما تركتج وانا حياتي ما هي حيااااة....كل شي كنت احسه ناااقص من غيـــرج...كرهت الدنياااا وما فيها....يشهد علي ربي اني عمري ما نسيتك وعمره ما تغير مكانج في قلبي

الزيـن كل المشاعر في قلبها تحرررركت....فقدت منه هالكلام الحلووو...

الزيـن: اصلا من وقت ما تركتني وانا فاقده الدنيا كلها....لو قلت أحبك ما أعطيك حقك بهالكلمه يا بعد يوفي....

بس اوعدني اوعدني ما تعيد اللي سويته فيني قبل....

ناصر: لا بس خلاص توووبه ( قالها واهوه حاط ايدينه الثنتين على أذونه مثل الطفل)

الزيـن: ههههههههههه

ناصر: بس الزيـن لازم اكون صريح معاج و بقولج كل شي من الحين

الزيـن: هلا...قول

ناصر: زين المشكله ان اللوكيميا بالذات ممكن ترجعلي بأي وقت مره ثانيه

الزيـن: اسم الله عليك..الله لا يقوله!! ان شاء الله عمرها ما ترجعلك... واذا لا سمح الله صار وارجعت... فدااك روحي...معاك خطوه بخطوه لي اخر يوم بعمري

ناصر: بس الحياه بتكون صعبه وتعب طيعيني

الزيـن: بدونك أصعب

ناصر: بس زيـن....العلاج اللي كنت اخذه احتمال سببلي عقم دائم

الزيـن سكتت شوي....

الزيـن: حياتي دام انت فيها تكفيــني

ناصر: والله خايف تندمين بعدين

الزيـن: ناصر انت متى راح تفهم ان حياتي من غيرك مالها أي معنى؟!

ناصر: اي بس....

الزيـن: أقول...شرايك نعيش كل يوم بيومه وكل لحظه بلحظتها وما نفكر ببعدين

ناصر ابتسم : يا بعدي....أحبـج >>> قالها بكل هداوه وصوت خافت ونظراته لها كانت تذبح

الزيـن عضت على شفايفها واستحت ونزلت راسها....

ام عادل: احم احم...انتو تدرون ان احنا طول المده واقفين اهني صح؟

نور: ههههههههههه

( ام عادل ونور كانوا وايد متأثرين بالموقف والعبرره كانت خانقتهم... ام عادل خذت بوعادل عن حـب وعارفه شلون احساس الحب يكون ومتفهمه)

ناصر والزيـن انحرجوا ما كانوا حاسين الا ببعض...امسحوا دموعهم وضحكوا...

ناصر: اممم زين.... وعبدالرحمن؟

الزيـن تذكرت ان عندها خطيـب اسمه عبدالرحمن...كانت ناسيه موضوعه مره وحده

الزيـن: وييييه...امبيــه صج حرام شقوله

ناصر: شتقوليله بعد؟؟! بس قوليله ما أبيك عندي حبيبي ناصر

الزيـن: حرام عليـك...مسكين يحبني

ناصر: حبته القراده...قوليله اليوم دقي عليه الحين جدامي

الزيـن: امبيه حرام على التلفون اقوله!! لازم اقعد معاه واقوله

ناصر: لا والله!!! لا طبعا ما تقعدين معاه

الزيـن: بدينا ناصر!!!

عبدالرحمن وأخيــرا وصل...كان عنده ميدتيرم من 5:30 – 7 المغرب واول ما خلص من الامتحان وقالوله راح
المستشفى...

رن تلفون ام عادل....

ام عادل: قاعد يدق علي عبدالرحمن...شكله وصل

الزيـن: وييي

ناصر: وقته هذا!!!

الزين : ناصر حبيبي بس عطيني فرصه معاه اكلمه وانهي اللي بيني وبينه

ناصر واهوه مو عاجبه: انزين...بس انهي الموضوع اليوم وانا راح اكون في الاستراحه لما يطلع من الغرفه

الزيـن واهيه تغمزله: راح اوله عليك

ناصر: وانا أكثررر...بس مووو تاخذين راحتج معاااه

الزيـن: عززز الطلــب

طلعوا ناصر ونور....

عبدالرحمن: سلامات حبيبتي ما تشوفين شر ان شاء الله

الزيـن: الشر ما اييك

عبدالرحمن: شالحظ!!! حسافه تأجلت الملجه

الزيـن: يمكن خيـره

عبدالرحمن: شلون يعني؟

الزيـن: عبدالرحمن سامحني...بس ما اعتقد ان احنا نناسب بعض وانت تستاهل وحده احسن مني

عبدالرحمن انصدم: شنوو؟؟؟ زين انتي شقاعده تقولين؟؟؟ شنو اللي تغير فجأه؟!

الزيـن: مادري عقب ما سويت الحادث قمت أفكر و حسيت ان احنا مو لبعض وما في توافق بيني وبينك....سامحني
عبدالرحمن: بس زين انا أحبج,,,,وانتي ما تحبيني؟؟

الزيـن: سامحني عبدالرحمن بس كل شي نصيب,,,وما في نصيب ناخذ بعض...

عبدالرحمن: بكل بساطه تنهين كل اللي بيني وبينج؟؟؟!!

الزيـن: عبدالرحمن انت خوش انسان والف بنت تتمناك....وانت تستاهل الانسانه اللي ممكن تسعدك...وصدقني عبدالرحمن انا مو هالانسانه

عبدالرحمن طلع من غرفتها مكسور خاطر...مجروووح...بس ما كان بايده يسوي شي غير ان يمشي ويستسلم للواقع...

بعد مرور حوالي سنتيـن....

ناصر والزين كانوا يساعدون بعض في الدراسه وكانوا يحاولون ياخذون موادهم مع بعض عشان يساعدون بعض كثر ما يقدرون......

في الكليــه....قاعدين يشوفون درجاتهم معلقه على باب الدكتور

ناصر: هيااااااااا نجحت طلعت فيها b.....وأخيــــرااا تخررررجت

الزيـن: حبيبي مبرووووووووووووك تستاااااااااهل والله

ناصر: الله يبارك فيج يا عمررري....وانتي جم طلعتي فيها؟؟

الزيـن وعيونها قاعده تدمع: عطاني b+

ناصر: انزين ميخالف حلوه ال !! أحسن منيييي b+

الزيـن: لاااا نااصر انا قاعده احاول ارفع معدلييي

ناصر: امممم تعالي تعالي خل نتفاهم مع الدكتور

الزيـن: لا ناصر مابي

ناصر: مالج شغل تعالي معاي

الزيـن: صدقني نحيس ما راح يرضى يرفعني

ناصر: يبه اقدر اقنع اللي ما يقتنع,,,ولا نسيتي سالفة بحثج في الثانويه ( يقولها واهوه يغمز)

الزيـن وناصر في مكتب الدكتور.....

( الدكتور محمود أصلـع ومكرش وعصبي بس شكله مسكين مضحك )

الدكتور: بس يا بني...ما ينفعش كده

ناصر: دكتور صدقني الزيـن تستاهل a

الدكتور: لااا لاااا مأدرش

ناصر: دكتور انا زوجها ودايما اشوفها المسكينه سهرانه على مادتك....كل ما أقولها امشي يا زين خل نطلع...تقولي لا بدرس حق مادة الدكتور محمود...أقولها امشي يا زين نتعشى ميت يوع...تقولي لا لا مادة الدكتور محمود أهم!!!

الدكتور: يا سلااام

ناصر: اي دكتور تخيل انا المسكين شلون شعوري.....

الدكتور يتمسخر: ايوه حرااام

ناصر: وبعدين دكتور اهيه حامل وهذا اللي تعبها هالكورس

الدكتور: حامل!! مش باين يعني...هيه موديه العيل فين؟

ناصر: هههههه لا دكتور لان توها في الأشهر الأولى !! وانت اكيد عارف بهالفتره شلون تكون الحامل...الهرمونات عندها هايجه وقاعده تأثر على حالتها النفسيه وااايد وتكون وايد حساسه ومو قاعده تنام عدل و معدتها المسكينه على طول تقلب وبس ترجع وترجع وترجع

الدكتور: بس يا بني أرفتني..أرفتني....خلاص خلاص الa اهيي...اررتحت؟؟ كلو تمام دلوأتي؟؟؟

ناصر: مشكوور دكتووور مشكووور...يعطييك العاافيه

الزيـن استاانست: مشكوووور دكتور ما قصررت

الدكتور: طيب طيب.... يلا يا أخي أخرج بره بأى

ناصر: دكتور....

الدكتور: اييييه تااااني؟!!!!

ناصر: وانا؟

الدكتور: انت ايه؟؟

ناصر: انا ما راح ترفعني؟

الدكتور: لييييه؟؟ ما تكونش حامل انت الاخر!!

ناصر: هههههههههههه يحليلك دكتور والله تضحكني

الدكتور: اااه ما انا فاتحلك مكتب نكت

ناصر: ههههههههه حلوه منك

الدكتور: شكرا

ناصر: صدقني دكتور بالي كان طول الوقت مشغول عليها واحاتيها

الدكتور: لا يا روح أمك؟! وانا مالي يعني

الزيـن: اي دكتور حرام والله... طول الوقت مسكين سهران معاي ويقعد يجابلني لما اتعب

ناصر: يلا دكتور عاد هذا كان اخر كورس لي وابي ارفع معدلي...وحاولت بهالماده وايد بس أغلب وقتي ضاع مع زيـن المسكينه اللي كانت بس معدتها تقلب و ترجع وترجع وترجع

الدكتور: بس بس أرفتني الله يأرفك.... اهييي نااصر وجمبها ِa- ...كويس كده؟؟

ناصر: والله دكتور انك عجيــــب ...مااا قصرررت...انت أحسن دكتور بالكليه...اذا تخرجت ما راح انسااااك...اصلا لازم أرجع أسلم عليك

الدكتور: لا متعبش نفسك..انا مش عايز أشوف وشك تاااني...يلا خلصني..ارحمني وأخرج بره ولا في حاجه تانيه؟؟ ما تكونش عايز مكتبي كمان؟؟ انا تحت أمرك

ناصر: هههههههه لا لا دكتور يعطيك الف عافيه...مع السلامه

طلعوا الزيـن وناصر من مكتب الدكتور....

ناصر: شفتي شلوووون...بذمتج مو أعجبج

الزيـن: هههههه اي تعجبني... بس لو مو فهودي جان ما رفعنا

ناصر حط ايده على بطنها: يا سلام عليك يا فهوودي...يا أحلى فهودي بالدنيااااا.. أحبــــــــــك

الزيـن: وانا؟

ناصر واهوه يغمزلها : انتي عشقي.....

ناصر والزيـن تزوجوا عقب حادث الزيـن بشهرر...ما كانوا فاقدين الأمل بموضوع الانجاب وأملهم بربهم كان كبيــــر... وفعلا بعد محاولات دامت تقريبا سنتين حملت الزيـن بفهودي...وعقب ما يابوا فهودي يابوا وراه عقب جم سنه فجوره وبعدها فروحه...والسرطان لحد الحيـن ما رجعله أبداااا....

الزيـن وناصر عايشين أسعد أيام حياتهم مع بعـض

متماسكيـن...

متفاهميـن....

هايـمين ببعض....

تـــــــــــــــمــــــــــت