العمر يمضي والتجارب له احزام

بعد القلوب اشدّ من بعد الاجسام
مادام غصن الودّ طارت رفوفه

كم واحد نشوفه من العام للعام
اقرب من الّلي كل يومٍ نشوفه

الادمي تقوده ظروف واحكام
وما كل واحد يخدمنّه ظروفه

نطرد ورى سرب الاماني والاحلام
ويالله عسى بعض الامور مخلوفه

لو يكشف الواحد صناديق الايام
ما كان خضّب بالأماني كفوفه

العمر يمضي والتجارب له احزام
والشيب يضرب للنواصي دفوفه

كم واحدٍ غافل وهو يلبس احرام
مايدري احرامه لموته (بروفه)

طول الأمل كفّه تلوّح لقدام
والنفس لمعانق هواها شغوفه

والضيق يتسلّل على روس الأقدام
لـ إحساس من شعره على اسوار جوفه

يا صدري اصبر وانت في بهوك اقسام
من المواجع غير نفسك عيوفه

لا تنحني لو كانت عروقك حيام
وعذوق لينة ما بذرت مخروفه

صدر السما ما ثقّله كثر الأجرام
واللي تهاوت ما عليها حسوفه

ضيوف قلبي تغرف عدوده الالام
وعلى الزمن يا كبر شرهة ضيوفه

مابين قام الحظ والحظ ماقام
الحزن رتب بالحنايا صفوفه

يحطبني بفاسه ويتركني حطام
باسباب معروفه وغير معروفه

وانا ماغير اهيم واتشجّر هيام
واثمر قصيدٍ يانعاتٍ حروفه


عطا الله ممدوح

سلمت يمناك
طرح جميل جدا

*،




آنتقاء مميز .. مَ ننحرم من جديدك

تسسلم يمينك على رووعه طرحك~
الله يعطيك الف عاآآآآآآفيه ...
ولاتحرمنا من جديدك وفيض ابداعاااك ..
دمت بخير..~
..:ღ:..

يسلمو ع المرور

طرح رائع
يعطيك العافيه

يسلمو ع المرور

راقني انتقائك الماسي
تسلم يمينك
ودام عطائك العذب
پآقة ورد

ماشاء الله تبارك الرحمن
ذوق في اختيارك
وعافيه عليك وعلى الطرح الراقي
لاحرمك الله رضاه
‏لك كل
تقديري واحترامي
مجنون قصآيد

طرح رائع قلبي