ياصاحبي ماني على الهرج مجبور

.......... يالله يالي فالج الظلما بالنور
... يامن كسيت اللحم فوق المشاشي
........ أكتب لنا يارب في جنة الحور
... منزال بين أخيار صحب الورى شي
..... فأنا خليل الصبر من دهر وأشهور
....... ياما رويت اتسبود بعد العطاشي
....... والصاحب الي دائم الدوم عيور
.......... هرجه مثير وثأر فيه أندهاشي
...... ياصاحبي ماني على الهرج مجبور
..... ولاني على هرج القفا جيت واشي
....... أصبر على زلات ربعن ورا الجور
..... وأضمد على كسرٍ كساه الهشاشي
... أن زاد هرجك قلت بالصوت مشكور
...... لايسمعك بعض الحسد بالنقاشي
........ والله لو يوقف معك صف طابور
...... لاأقطع يدي من معصمي بالبلاشي
........... لايأخذك طيبي وبتصير مغرور
........... ترى الوفا رأسي وعيني فراشي
....... أزهب مع أرجال النواميس والشور
.......... وفي يديني طيب غيمُ ورشاشي
........ مير أذكر الله في تساهيل وأعثور
....... ترى الدهر لو مال جاك انكماشي





بقلم / رياض
حصريه لعيون قصايد الليل ورواده