ديوان الشاعر مساعد الرشيدي قصائد كتابية /صوتية

صبــآحكم .. \\ .. مــســآئكم .. ورد وجوري وريحــآن ..

اليوم جايبه لكم عدة قصايد مميزه للشاعرالممـيز .. مساعد الرشيدي ..

أولاً ..

نبذه بسيطه عنه ..

الاسم ..

مساعد ربيع الرشيدي ..

العمــر ..

42 سنــه .. العمر كــله يــآرب ..

دراسته ..

درس الابتدائية في مدينة أبها والمتوسطة ثم انتقل الى الرياض ..

ودرس الثانوية ..

ودخل كلية الحرس الوطني ..

لــديه من آلآبنــآء ..

3 أولاد 3 بنات .. الله يخليهم لبعض ويخليه لهــم ..


كتب الشعر ..

وعمرة 13 سنة الى الان ما شاء الله ..


اقام العديد من الامسيات في دول الخليج وفي الدول عربية ..


له ديوان معروف وهو ( سيف العشق ) ..

غنى له عدد من المغنين مثل ..

محمد عبدة - رابح صقر - عبدالمجيد عبدالله - عباس ابراهيم -

محمد المازم..محمد المسباح..احمد الجميري...محمد السليمان الخ...

عذب السجايا
للتحميل
أضغط كليك يمين (حفظ أسم الهدف)

عذب السجاياوعوده بأول الكنه

متى تزين السوالف واخذ علومه



وا سامحه عن خطات الجرح والونه



وا عاتبه لو يصد شوي والومه



واذكره بأول المسفار حتى انه



الى تذكر زمان أول نسى نومه



يوم انه اقبل خدين الروح يوم انه



واقبلت اراعيه والقومه هي القومه



من يومها والحشاء ما عادله خنه



الا لصوته وميعاده وملزومه



عفري هنف لضلوع وجالهن حنه



واستانست له فياض القلب وارجومه



لبى جبينه لا ارتج الغطا كنه



برق(ن) يصب الرفيف بكبد ديمومه



ماقول شفته وشفت البيض يتلنه



اقول شفته وشفت الشمس منجومه



ما اقول كن جديل الليل لكنه



ليل(ن) خرعه الظلام و ضيع انجومه



ياقبلت الله هاك العنقود لي منه



قام تهجا شذا عطره ويشمومه



فيه انتهاء النور لا والله بدا منه



فجر(ن) تناعس بالوريد



ونام بهدومه



ورد (ن) تـفـرعن حماره قلت با كنه



الى متى والحنايا منه مفطومه



فز وتتطرق رطيبه وقلت ماعنه



بالم شيحه ور يحانه وقيصومه



صد وتلعثم هديله في برد سنه



ياقوم ذا النور يوم انكت ياقومه



الله عطانيه والله يعطي الجنه



والى استجد الهوى كل(ن) ومقسومه
شعر/ مساعد الرشيدي

سيف العشق
للتحميل
أضغط كليك يمين (حفظ أسم الهدف)

كيف أطفي الريح بثيابك وكيف اشعلك
كيف اتنثر على جمـرك وكيـف احتويك
نقضت ليل الحرير وجيت ماانت لــ هلك
سمّيت باللي فتني بـك وقلت ابتديـك
هذا اول الدرب او هذا الطــريق اولك
جيت آتوقّا عذابات المدى 00واهتديك
شوقـي مسافـة وهمساتـك مـدار وفلك
ان ماظميتك غلى 00ياعلني ماارتويك
إية اعرفك واعرف اني من غلاك اجهلك
مرات اضمّـك واخـاف اني مشبة عليك
مـرات اشوفـك بنفس الوقت واتخيـلك
وانشد كفـوفي عن اخر سالفة من يديك
أعـنّ لك لـو تصّـب المـوت 000واتهيّلك
واجـوع لـك وآتمـنى خنجـرك واشتهيـك
ماقلـت لك عمر سيـف العشق مايقتلك
ماتشوفني حي قدامك وانا امـوت فيك
اشتقت لك قبل اجيك وجيت واشتقت لك
البارحة طول ليلي بين هذي 00وذيـك
مليت جمـر انتظارك واستحيت أسألـك
واحسبني ما بعد جيتك وفكرت اجيـك
اثرك بقلبي من البارح وانا استعجلك
واثري نسيتك من الفرحة وقمت احتريك

العنود
للتحميل
أضغط كليك يمين (حفظ أسم الهدف)



العنود اللي مساء البارح وانا سيد سهرها
اقبلت مثل البياض وودعت مثل برديـــــة
المساء ضج بسوالف عطرها واشعل سفرها
والعروق اللي روت مسيرها خضر وندية
مانشدت اخت المهاه ليامتى حزة خدرها
حد علمي يوم امد لجيدها شرهة ايديــــــــــة
عقدها المغرور تاة بعطرها ولا نحـــــــــرها
ساعة اشرة علية وساعة يشرة عليــــــــــة
كل مالدت على البال والعقد يخزرهـــــــــــــــا
قلت انا ماني خوي عادتة ينسى خويـــــــــــــة
ليتها تدري وعقد الماس لويدري عــــــــــــــذرها
اشهد ان الجمرة اللي في الحشاء منى وفـــــــــية
من سرت يمي وانا مالي خيار الا قـــــــــــــدرها
كنها كل السنين المقبلة والأوليـــــــــــــــــــــــــــة
من غدت همي وانا مالي ديار الا ديـــــــــــــــرها
جالها بين الظلوع الظامية روحة وجــــــــــــية
جادل كل الدروب المعشبة تنبت بثـــــــــــــــــــرها
جت تبي جرح وقصيد وخلت الثنتن ليــــــــــــــــــــة
من يحدثني حديث الثلج للجمر بثــــــــــــــــــــــغرها
والله اني كنت ناوي لي بهاك الجمر نيـــــــــــــــــــــة
من نشد هاك الوساع الخرس عن دنيا حــــــــــورها
وش جمع سحر الغموض بسودها والنرجسيــــــــــة
الوكاد اني بشط الكحل غنيت لبحرهـــــــــــــــــــــا
ماحلا هوسة هدبها والمساء والسامريــــــــــــــــــــة
من يعلم مستريح الريح عن فوضى شعـــــــــــــــرها
الحرير اللي كسى هاك المتون العســـــــــــــــــــــــجدية
علموة ان مازح الغرى ونشد عن قمــــــــــــــــــــــــرها
لايخاف ان شاف ظلما وشاف الشـــــــــــــــــــــمس حية

البحر

للتحميل

أضغط كليك يمين (حفظ أسم الهدف)

قالت أشبه البحر وتخافه=قلت : يتشرد سنا نجمة ولا تضما مرايا

تقربـيـن لـمـاه ؟ قالت:بينـنـا فــرق ومـسـافـة

قلت : كـم يبعـد سـواد الرمـش عـن سـود المنايـا

يــا لحبيـبـة لا تلوميـنـي عـلـى قــل الكـلافـة

مـا ذبحـت إلا الطـعـون ولا عـزمـت إلا الحنـايـا

سامحينـي لـو هزعـت الغصـن واحـزنـي جفـافـه

العـروق اللـي علـى خبـرك علـى خـبـرك ظمـايـا

يومهـا ضـاق الخيـال بيمـتـي رفــض وصـلافـه

بـاقـي مـنـك الكثـيـر ولا بـقـى مـنـي بـقـايـا

ادرج مثـل النـهـار الـلـي لـمـح ظـلـه وشـافـه

اطـرق ٍ مثـل المشيـب اللـي غشـا روس الخطـايـا

عاشـق ٍ هـزّه هـواك وشاعـر ٍ مـا اهـتـز قـافـه

قادهـا عيطـا نشـاش عضـو دهــا فــج ومـلايـا

ويـن مـا ريـع علـيـه اللـيـل والرمـظـا خـلافـه

لحّـف القمـرا طــرف بشـتـه ونجمـاتـه عـرايـا

المهـم أنــى عـبـرت الـيـم وأدمتـنـي ضفافـهـا

آه يـا قـل الخطايـا مـنـي ويــا كـثـر الـزرايـا

كـل مـا عـرّج علـى قلبـي هـاك الطـاري وحافـه

ساقنـي للمـوت طــرف وضحـكـةٍ بـيـن الثنـايـا

مـا علـى حسنـك كـلام ولا علـى جرحـي حسـافـة

مـا خلـق ربـي جـمـال الا ولــك مـنـه حـلايـا

إيـه يـا ملـح القصيـد أنتـي ويـا عـذر ارتجـافـه

لـو عذاريبـه تجـيـب بسيـرتـك صــارت مـزايـا

مـن متـى كـان الخيـار أنتـي و كـان الحلـم تافـه

يـا بعـد كـل الغيـاب ويــا بـعـد كــل الهـدايـا

بـس أنـا عنـدي سـؤال إن كـان مـا فيهـا كـلافـة

تذكريـن البحـر ؟ قالـت والمـسـه بـيـن الحنـايـا