إذا المراجل لبسة شماغ وعقال~ًٍٍَِِِ~

إذا المراجل لبسة شماغ وعقال 0 قل للعذارى يلبسنّ العمايم


ما عاد يفرق زول حرمه ورجال 0 دام الفعايل تشبه البعض دايم


المرجله ما هيب كلمه وتنقال0 وتروح ما راحت هبوب النسايم


وإلا خشونة صوت أو رفع الأثقال0 أو رزة صدور وفعل الزلايم


ولا هي بعد مفتاح موتر وجوال 0وإلا ردى لسانن حديثه شتايم


المرجله شيمه عن القيل والقال0 رفيع نفس (ن) حر بالجو حايم


المرجله عقلٍ وزن وزنه جبال0 ودون العقل وش فرقنا والبهايم


يا مسندي لو مايل الوقت بي مال0 يا ولد أبويه يا عظيم العزايم


يا معرب الجدين من العم والخال0 يا نخوة المفزوع وقت الهزايم


المرجله يا خوي هي طولة البال0 هي العزم هي الصبر فالظلايم


فيها الكرم عزه دله وفنجال0 فيها الكرامه عن ردى الطبع شايم


والدين لامنه خذا القلب منزال0 مشى طريق الحق وابليس نايم


ومن لا عرف ربه في طيب الحال 0 لابد وقت الضيق بالهم هايم


حتى صلاتك مع جماعات ورجال 0في خيرها يا خوي نعم الغنايم


ولامن نصف ليلك قم صفي البال 0يا عظم أجرك بين ساجد وقايم


ولا من رفع ربي له كل الأعمال0 حسن الذكر لا قالو فلان صايم


وخلك شريف القصد يا طيب الفال0 سوء المقاصد فالبيوت الهدايم


واحذر تبيع النفس في دب الأنذال0 وتتبع خوي إبليس راع النمايم


النفس خيل لك إذا كنت خيّال 0ومن لا قوى نفسه قوته الهزايم


ولا صرت ما تدري لو يش أنت رجال0 والله خسارة فيك ذبح التمايم

مماراق لي .

يعطيك العافيه على النقـــل
ارق تحيـــه

تسلم اخي قمراي ولك مني صادق الود ولاحترام

ابيآت جدآ رائعــه
.
الف شكــر لنقلـك الرآئــــ ع

صح لسانك ولسان الشاعر
ألف شكر لك على الاختيار المميز
لاخلا ولاعدم

الله يعطيك االعافيه
طرح موفق وراقي

ساكون دوما على متصفحك

لك مني الاهتمام والتقدير والاحترام

يسلمووووووووو اخي المسافر على المرور ولاهنت

يسلمووووووووووو نادر الوجود على المرور ولاهنت اخي

يسلموووووووووو عود الليل على المرور ولاهنت اخي

تسلمين ياقلبي .!!

ننتظر جديدك