 |
 |
 |
 |
|
 |
||||||||
 |
 |
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
 |
|
|
أدوات الموضوع | انواع عرض الموضوع |
|
|
|
|
|
|
|
|
|
||||||||
|
|
|
| …»●[الرويات والقصص المنقوله]●«… { .. حكاية تخطها أناملنا وتشويق مستمر .. } |
|
|
|
|
أدوات الموضوع | انواع عرض الموضوع |
|
#1
02-14-2019
|
||||||||||||||||||||||||||||||||
|
||||||||||||||||||||||||||||||||
رواية غضب وإنتقام طفلة/ 8
*كُـلهم ْ يرحلُون ...*
*الصباح الساعه 8* لتين:بنااات اصحن يلاا ميس بقهر:لتين ليش قومتينا الحين زياد تبدأ محاظراته متاخر شوق:لتين خمس دقايق بس لتين:مخابيل صار لي نص ساعه ادور بالبيت وانتن بسابع نومه وزياد راح من زمان البنات نقزن ميس:لتين يلا لتين:لحظه بروح لغرفه زياد شوق:بروح معك لتين:يلا بسرعه وراحن يتسحبن لغرفه اياد واخذن لهن ثوبين وشماغين وراحت ركض لغرفه ريان واخذن كمان ثوبين وشماغين ونزلن يتسحبن لين وصلن لغرفه لتين ودخلن لتين رمت عليهن الاثواب:البسنهن بسرعه ميس:بس انا ابي تيشيرت وبنطلون لتين بسخريه:علشان يكشفونا بسرعه اقول البسن يلا البنات لبسن الاثواب وضبطن الشماغات الا لتين ماعرفت تضبطه ميس سحبتها وعدلت لها شماغها:شماغ ماتعرفين تضبطينه زي الناس انتي اول وحده بتكشفينا لتين ناظرتهن:الاثواب كبيره عليكن بس ايش معنا انا بس اللي يسحب علي كانه فستان زفاف شوق:هههههههه لانك اقصر وحده فينا لتين بقهر:حشى عمالقه مو بنات ميس:وازيدك من الشعر بيت شكلك كانك واحد خكري لتين:لاااحول ولاقوة الا بالله ترا اتوطى ببطنك لا تقولي خركري شوق سحبتها:تعالي بس بسوي لك سكسوكه لتين:تمام شوق رسمت للتين السكسوكه ورسمت لباقي البنات وميس رسمت لشوق لتين:بنات يلا وراي ميس:هيه لو شافنا احد بهالاشكال ايش بيقول لتين:لا تخافين المكان فاضي اياد وامير وخالتي كلهم نايمين وزياد وريان بالجامعه ميس:ماشاءالله استكشفتي المكان رنيم:اقول امشو والله حدي متحمسه غزل:يلااا قدام البنات نزلن وهن يتسحبن وطبعاً مالقن احد على قوله لتين ووصلن للسياره ميس فتحت البوابه ولتين ساقت لين خرجت السياره من الحديقه والبنات نزلن وصكرن البوابه وركبن لتين تسوق وميس جنبها والبنات ورا لتين:مين تدل الجامعه ميس:ايش اسمها شوق:جامعه ال. ...... ميس:اي اعرفها بس بعيده شويه من هنا لتين:ماعليه دليني ميس صارت تدل لتين الين وصلو للجامعه لتين بحماس:بناات انزلو اعتبرو الجامعه جامعتكم نزلن وراحن للبوابه *طبعاً لانه جامعه مايصكرون البوابه واللي،يجي واللي،يروح* ميس:بناات تفضلو حياكم لتين:زاااد فضلك ودخلو شوق:لتين والحين ايش،نسوي لتين:نروح للكفتيريا البنات:يلاا ميس:اي صح لتين جبتي اللي قلت لك عليه لتين:افااا عليك جبته مارح انسى ميس:اجل يلا وراحو للكافتيريا ماكانت زحمه كثير لتين:ايش طلباتكم ميس:نبي 4 برست لتين:انا بعد ابي ميس:دلخه مو انتي اللي بتروحين تشتري لتين:اي صح تذكرت ميس:يلا بسرعه ترا حدي جوعانه لتين راحت وماكان احد موجود طلبت برست ووقفت تنتظر ماحست الا احد حط،يده على كتف لتين وسحبها بقوه لتين بعصبيه:خيييير الشاب:ابعد ابي اشتري لتين تخصرت:انا قبلك الشاب:انا مستحيل اوقف ورا خكري لتين:تبي تشوف ايش بيسوي فيك الخكري الشاب بابتسامه استهزاء:ايش يقدر يسوي لتين سمعت البايع:خذ طلبك لتين اخذت طلبها الشاب:ماوريتني ايش بتسوي لتين:جوعانه مو فاضيه لك و دعست على رجله بقوووووه وانحاشت لتين وصلت لعندهن وهي تتنفس بقوه شوق:لتين ايش،فيك لتين:لا ولا شي. ..خذو طلبكم وحطته على الطاوله وجلسن ياكلن كملن اكل وقالت لهن ميس ايش ناويات عليه هي ولتين وتحمسن وراحن لاول قاعه صادفنها بوجههن ولتين جلست عند الباب من حسن حضهن ان الدكتور لسى مادخل ودخلن بالقاعه وجلسن باخر المدرجات ودخل الدكتور بعدهم مباشره اما لتين راحت بمكان خالي مافيه اي طلاب وقريب من القاعات ميس:ايش رايكن نبلتث شوق:حلووو ميس فتحت بلوتوث لقيت امير الغرام ونادر في زماني ميس شبكت مع نادر في زماني:هلوووو نادر في زماني:هلووووات. ...مين انت وفي اي مدرج جالس ميس:شويه شويه علي نادر في زماني:ههههه ماعليه بس طفشان وماصدقت احد شبك ميس:اعرفك انا مريم نادر في زماني:تستهبل علي الحين هذي الجامعه للشباب بس ولا فيها اي بنت العب غيرها ميس:لا والله انا بنت و انامضيعه ودخلت جامعتكم نادر في زماني:طيب انتي جالسه باي مدرج ميس:انا مختبيه تحت المدرج ولا اقولك نادر في زماني:قولي ميس:انزل من القاعه بدون ماترد على الدكتور وانا بعد ماتنزل بنزل وراك ابيك تساعدني وعلشان اعرفك نادر في زماني:اوك الشاب قام ونزل الدكتور:نواف على وين نواف طنشه ومشى الدكتور:نووواف قلت لك على وين نواف ما اهتم له الدكتور:والله تحمل الماده وبسجلك غياب نواف ماسمعه ايش يقول وكمل طريقه شوق بصدمه:طلع نواف ميس:تعرفونه غزل:هههههههههههه اكبر مغازلجي بالشرقيه مافيه بنت مارقمها رنيم:يستاهل اللي يجيه ميس:ماعلينا. منه بنسوي اللي جينا علشانه *عند اياد* غيث:يعني هذي البنت هي اللي جابت الاوراق من الشركه المنافسه اياد:اي ساعدتنا فيهن كثير غيث:طيب ايش مصلحتها من هذا اياد:شكلها كانت ملانه وقالت يلا اسرق شركه علشان اياد غيث:مو معقوله مجنونه لهدرجه اياد بضحكه:مجنونه اكثر من كذا غيث:بس تدري انا استنتجت شي واحد اياد:استنتجت ايش غيث:ان لتين مو خطيبتك اياد:وانت ايش دراك غيث:دريت من كلامها معك اياد تنهد:اللي قلته كله صح غيث:طيب ليش تكذب علينا وتقول خطيبتك اياد:لاني مابيكم تناظرونها غيث:تغار عليها اياد بارتباك:لا مين قال غيث:ادريبك تغار عليها وتحبها اياد:لا انا ما احبها غيث:لا تنكرر انا اعرفك اياد تنهد:والله مدري *عند رغد* كانت بغرفتها جالسه وتفكر:والله اوريك يالتين اما انا واما انتي والله رح تندمين على كل اللي سويتيه خطرت ببالها فكره اخذت جوالها ودقت على واحد من اشكالها .......:الو حبي رغد سوت نفسها تبكي:الو ......بخوف:حبي ايش فيك ليش تبكين رغد:اليوم فيه بنت تطاقيت انا وياها وعطتني كف ......:مين هذي الحقيره اللي تتجراء عليك رغد: اهي اهيي انا ماسويت لها شي بس اهي كفتلي بوجهي اهييي .......:لو شفتها برد اللي سوته فيك رغد:لا انا ابيك تسوي خدمه لي .......:تم حبي اممري وانا تحت امرك رغد:ابيك ........... ........:غلط البنت مايستاهل هالعقاب حرام اسوي كذا رغد:رح اخرج معك اذا سويت اللي ابيه .......بفرح:اوك رح تندم على اللي سوته فيك رغد:اي حبي واثقه فيك .......:وانا عند ثقتك وصارو يسولفو من هالسوالف الماصخه *عند شلتنا المحبوبه* ميس جلست ورا الكراسي اللي قدامها والبنات جلسن عندها واخذت فراقيع(قراريح . العاب ناريه) واعطت كل وحده من البنات ثلاث كل وحده شغلتها ورمنها من تحت الكراسي وبسرعه جلسن باماكنهن شوق صرحت ميس ضربتها وبهمس:لساتها ما تفجرت ليش مستعجله كلهم لفو لشوق بس سمهو طاااااااااخ طيييخ واللي قدام البنات نطو من مكانهم واخترعو وميس رنت على لتين الدكتور بصراخ وعصبيه:مين سوا كذا ماسمعو الا اصوات طلق نار والصوت مررره عالي باين انه من ورا القاعه اكثر من عشر طلقاتك الدكتور انحاش واحد من الشباب:اول مايصير اي مشاكل الدكاتره اول المنحاشين ميس بصراخ:انحااااااشو شفت رجال ملثمين ورا القاعه شوق تفرك عيونها:اووووه غبره عيوني توجعني ميس:ههههههههههه الكل انحاش صدق انهم خوافين البنات نزلو ووقفو عند باب القاعه شويه وسمعو جرس التنبيه عن الحريق غزل:انحاااااشو حريق ميس مسكتها:يادلخا لتين اللي شغلت الجرس شوق:ايش دراك هذا مو من اتفاق الخطه ميس:اعرف لتين انذل نذله بالعالم صوت جا من وراهم:يعني انتم ورا كل اللي صار البنات اخترعن ولفن:لقن وراهن ثلاثه شباب ميس:بنااااات انحاشن رنيم وغزل وشوق ماصدقن خبر معاد تشوف الا غبرتهن واحد من الشباب بصراخ:الحقوهن هذولا بنات وصارت زي مطارده تووم وجيري شويه وشافن لتين تركض لجهتهن ميس:لتين لفييي واركضي معنا لتين:لييش لساتني ابي اخرب بالقاعه ميس سحبتها:يكفي اللي سويتيه فيه شباب ورانا وعرفو اننا بنات لتين بحماس:خلينا نفرش فيهم الارض ميس وهي تركض والبنات معها ولتين بجنبها:اقول اركضي وانتي ساكته احنا الحين بارضهم وفي ساحتهم سمعو صراخ شااب:هييييه وقفوو مارح ناذيكم لتين بدت تغني:يااالكذاب يااالكذاب ميس تجاريها:اركض اركض اركض لتين تحمست ومن سرعتها تعدتهن شوق:اركضن نبي نظيعهم البنات اسرعن وحسبن انهم ضيعوهم لتين:بنات للساحه البنات يتبعن لتين لين وصلن عند البوابه لقنها زحمه لتين:اقول تعالن نتسلق قبل مايجو المهبلين ويمسكونا بين الزحمه شوق:هيا بسرعه وصلن للسور ماكان عالي كثير لتين تسلقت ورنيم وغزل وراها تسلقو شويه وهي فوق السور شافت ثلاثه شباب واحد يحاول يمسك شوق واثنين يحاولو يمسكو ميس لتين بصراخ:سانقذكم ونطت فوق واحد منهم من فوق السور>>>اسفهه على مشهد العنف الشاب طاح على الارض ولتين فوقه لتين:لحضه قبل ماتموت ردد وراي:فرش التراب يضمني وهو غطائي حولي الرمال تلفني ميس:{يا ايتها النفس المطمئنه ارجعي الى ربكي راضيتاً مرضيه} شوق تشجع:لتتتتين طقيه لتين:مايحتاج اطقه الولد اغمي عليه مدري مات قامت من فوقه وهي تنفض ثوبها لتين:مين التالي الشاب1:حشى وحوش مو بنات لتين:خذو صديقكم وانقلعو من قدامي الشاب2:واذا ما انقلعنا لتين:تقدم اذا تبي تعرف الشاب1:عماد اتركهم بالاخير احنا شعلينا منهم عماد:بس هذولا بيعجبون الرائيس خصوصاً البنت اللي كلمتنا الحين الشاب1:اي صح لو اخذناهن للرائيس بيرضى عنا عماد:سلمو نفسكم بالطيب ناظر مالقى احد الشاب1 ابتسم:انحاشو عماد:حشا مو بنات جن والعياذ بالله *عند البنات* لتين:ههههههه كان يحسب انه بيقدر لنا ميس:انا وانتي نقدر نادبهم لتين ناظرت ميس وميس ولتين بنفس اللحضه يوم تذكرو سرقه الشركه:هههههههههههههههههههههههههه لتين بكذب:تذكرنا يوم تهاوشنا مع رغد وريناد شوق:اووووف مسحتن فيهن الارض زين ماسويتن لتين:مو هي تقرب لكن ليش ماتحبنها غزل:مانحبها لانها مغروره شوق:ومتكبره رنيم:وشايفه نفسها مدري على ايش الشيفه لتين:اقولك بس بس نبي حسناتنا والله البنات:هههههههههههههه اي والله لتين:بنااات انا نعسانه ميس:وانا بعد شوق:والله كلنا نعسنات قايمات من بدري غزل:لتين وصليني للبيت شوق بروح انام عندها رنيم:وانا بعد شوق:وانا ابي بيتنا لتين:من عيوني ميس:الساعه كم لتين:11 ميس:اوووه ماحسينا بالوقت لتين:اي من الحماس شوق:يلا بنات ترا بنام على الرصيف لتين:لالا اخاف يحسبونك شحاذه شوق:اقول امشن بسرعه البنات مشن وركبن السياره لتين تسوق وميس بجنبها والبنات ورا طبعاً البنات جابن عباياتهن معهن وصارت هوسه وكل وحده تلبس العبايه والطرحه ميس:ارمن عبايتي البنات اعطنها عبايتها وميس لبستها ولبست الطرحه لتين:بنات تلثمن ولا تبغن تجيبن العيد بشنبكن البنات بسرعه تلثمن اما لتين وصلتهن لبيت شوق ووصلت ميس لبيتها ووصلت لين عند بيت ام اياد وقفت السياره ولبست عبايتها وطرحتها ونزلت الشماغ وتلثمت وقفت السياره عند البيت ونزلت دخلت للحديقه وهي تتسحب مالقت احد وراحت للقصر اول مادخلت شافت ام اياد جالسه بالصاله ام اياد:لتين من وين جيتي لتين:مشيت البنات ورجعت كل وحده لبيتها ورجعت ام اياد:طيب فطرتي لتين:اي فطرنا بمطعم ام اياد:تمام لتين:اجل وين امير واياد ام اياد:لساته نايم واياد راح للشغل لتين:انا تعبانه بروح انام ام اياد:ماتبي غداء لتين:لا مابي شي تعبانه بس ابي انام ام اياد:براحتك لتين راحت لغرفتها بدلت ولبست برموده لون اسود وفيه رسمه دب وردي عليها وانسدحت على السرير وراحت بسابع نومه اما زياد دخل غرفه لتين وهو يتسحب واخذ الشريط ونزل من الغرفه وصكر الباب ريان:هاه جبته زياد:اي جبته من زمان والفضول قاتلني ابي اعرف ايش فيه ريان:بس مايصير نشوفه بدون مانقول للتين زياد:عادي بنشوفه وبنرده ريان:اوك وراحو لغرفه زياد جاب اللابتوب ودخل الشريط (السيدي) فيه واشتغل يوم كانت لتين تكلم امها ريان:شكله مافيه شي مهم زياد:لحظه احسه الحين بيدا كانو يناظرون وفيهم الفضول سمعو طق الباب بقوووووه واتفاجاو من اللي يشوفونه ريان وزياد فاتحين فمهم على الاخر ويناظرون زياد بحزن:مسكينه لتين ريان:اي والله عانت كثير ضلو يناظرون لين وصلو عند لقطه يوم هشام يدعس على رقبه ابو لتين وهو يوصي لتين على نفسها زياد وريان دمعت عيونهم ريان:والله ماعندهم قلب زياد:اااااه والله حرام يسوون كل هذا علشان فلوس ريان:زياد مو كاني اعرف هذا الرجال واللي معه زياد دقق فيهم:اي هذا مو كانه هشام ابو فارس ريان:اي وهذاك مازن ابو رائد زياد بقهر:حسبي الله عليهم ريان:الله ينتقم منهم كملو المقطع وهم يتحسرون على لتين ريان:زياد خلاص شفته رده للتين زياد:لا لازم اشوفه مره ثانيه علشان اعرف الاشخاص كلهم اللي شاركو بالجريمه البشعه ريان:ماعرفنا غير اثنين والباقين متلثمين اقول رده للتين زياد:اوك نزل الشريط واخذه وراح لغرفه لتين فتح الباب ولتين حست فيه وزياد دخل لتين جلست على السرير وناظرته بنظرات خاليه من المشاعر:شفته زياد تلعثم:هاه شفت ايش لتين:اصلاً حسيت فيك يوم اخذت السيدي زياد:اسف لتين ابتسمت ببرود:اصلاً لو كنت ابي اوقف كان وقفتك بالبدايه بس انا كنت ابيك تعرف لاني وعدتك تعرف كلشي يوم اخذتني للاستراحه زياد توسعت عيونه بخوف:يعني تتعلمين القنص علشان. ..... لتين قاطعته:اي علشان انتقم وابشرك صرت حريفه زياد:لتين لا تقابلينهم بنفس اللي سووه انتي كوني اعقل منهم وافضل منهم لتين ابتسمت ببرود:بنهيهم من الوجود بسببهم انحرمت من حضن امي وابوي وماعشت زي الناس رح انتقم ومارح يقدر احد يمنعني زياد تنهد:طيب وري الشريط الشرطه وهم يتكفلو بالموضوع لتين بحده:لا انا بنتقم بنفسي مو محتاجه احد زياد يوم تذكر اللي شافه:لو احتجتي لشي رح تلقيني بجنبك لتين ماردت وقامت ومشت من عنده:لو احتجت لمساعده مارح اتردد لانك اكثر انسان اوثق فيه ومشت وخرجت من غرفتها وتركته متجمد مكانه راحت لاخر الحديقه وجلست على الكرسي وحطت راسها على الطاوله وصارت تبكي بصمت عند البنات كانن مجتمعات ببيت شوق وكذبن على لتين انهن بيروحن ينامن شوق:بنات بكره عيد ميلاد لتين نبي نسوي لها حفله رنيم:طيب ايش دراك شوق:انا سالتها قبل كم يوم عن اليوم والشهر اللي ولدت فيه وقالت لي غزل:طيب متى نسوي الحفله مافيه وقت شوق:بنكلم خالتي تصرف لتين وبنجلس اليوم كله نرتب للحفله وبنتفاهم مع خالتي ولازم العصر نروح للسوق نشتري الاشياء غزل:طيب مين بياخذنا شوق:نكلم رعد وزياد غزل:تمام انتي روحي كلمي رعد واحنا بنكلم خالتي وزياد شوق:اوك وراحت وغزل دقت على ام اياد ام اياد:الوو غزل:الو شلونك خالتي ام اياد:تمام وانتي غزل:تمام ..خالتي ابي اقولك بشي ام اياد:قولي غزل:بكره عيد ميلاد لتين ونبيك تصرفي لتين لان بنجي الليل وبنرتب كلشي ونبي يجي بكره وكلشي جاهز ام اياد:توني ادري انه بكره عيد ميلاد لتين بس ماعليه لتين قالت لي انها تبي تروح الليل عند صديقتها ميس ورح تبيت عندها غزل:والله سهلت الموضوع المهم زياد عندك نبي نكلمه ام اياد:اي بغرفته غزل:اعطيه الجوال ام اياد:طيب وراحت ام اياد واعطت زياد الجوال زياد:مين ام. اياد:غزل تبي تكلمك زياد:الوو غزل باندفاع:زياد بكره عيد ميلاد لتين ونبيك تجي معنا انت ورعد للسوق اليوم علشان ناخذ اغراض الحفله زياد:والله ماكنت ادري طيب ولتين اشلون رح تصرفونها غزل:رح تروح تبيت عند ميس واحنا بنجي بنزين البيت علشان الحفله زياد:اوك تمام العصر رح اجي انا وريان وامير غزل:ليش هذولا كلهم زياد:علشان اكيد بياخذو هديه للتين وافضل نكون كثير علشان نخلص بسرعه غزل:اوك يلا مع السلامه زياد:مع السلامه شوق:بنات رعد وافق يجي معنا رنيم:خلينا نقول لرغد وريناد كمان علشان يجن غزل:لا لا مانبيهن شوق:مافيه شي رح نقول للعايله كلها علشان يجون وتصير حفله عائليه حلوه وتحس لتين انهم كلهم مهتمين فيها غزل:اوك ودقن على كل العايله *عند ام اياد* اياد دخل ولقاهم جالسين بالصاله اياد:وين لتين ام اياد:يمكن ببيت صديقتها ميس اياد:ماشاءالله ومن الساعه 2 راحت ام اياد:مايهم ابي اقولك بكره عيد ميلاد لتين وبنسوي لها حفله وابغاك تاخذني للسوق ابي اشتري لها هديه اياد:صدق وليش ماقلتو لي ام اياد:تونا ندري اياد:اوك بروحبك وانا كمان بروح معك واشتري للتين هديه ام اياد:تمام مر الوقت وصارت الساعه 4 العصر راحو للسوق اخذو كل شي يبونه وكل واحد اخذ هديه للتين ورجعو الساعه 8 بعد ما اشترو كلشي وحطوه بمجلس الضيوف ميس جات للبيت تدور لتين لقت البوابه مفتوحه ودخلت وراحت للقصر دقت الباب فتحت لها ام اياد ميس:خالتي وين لتين ام اياد بصدمه:لتين مو معك ميس:لا وينها ام اياد انهبلت:زياااااااد ايااااد ودخلت البيت وتركت وراها الباب مفتوح ميس دخلت زياد:ايش فيك يمه تنادين كذا ام اياد:وين لتين زياد راح ركض لغرفتها وفتحها مالقى احد ورجع لهم:مو موجوده بغرفتها ام اياد:روحو دورو لها وين اياد *عند لتين* كانت نايمه وماحست باللي جاء لعندها ناظرها وهي نايمه شكلها مرره بريئ قرب منها وطبع بوسه على جبينها والابتسامه انرسمت على ثغره قرب اكثر حط يد تحت رجلها ويد تحت رقبتها وحملها اياد:من متى وهي هنا بتمرض المجنونه ناظر خشمها الصغير والاحمر من البرد ابتسم على شكلها وباس خشمها بهدوء مشى فيها ودخل للبيت وهوحاملها ام اياد ركضت له:وين لقيتها اياد ابتسم:كانت نايمه بالحديقه حس لتين تتحرك بين يدينه ناظرها لقاها فتحت عيونها ظل يناظر بعيونها وقلبه يدقق بقووووه لتين حست على نفسها وفزت وطاحت على الارض لتين:اخخخ ظهري اياد بسرعه جلس عندها:انتي بخير لتين: ليش كنت حاملني اياد:لقيتك نايمه بالحديقه خفت تمرضي ميس:ياااهوه احنا هنا لتين ناظرتها:بسم الله ايش،جابك ميس:جيت علشان اخذك معي لتين:اي نسيت والله بروح بتجهز. ...وراحت تركض ام اياد:ميس تعالي معي البنات بالمجلس يبغنك ميس باستغراب:اوك وراحت مع ام اياد ودخلت المجلس ميس:ايش،فيه شوق:بكره عيد ميلاد لتين ونبي نسوي لها حفله نبيك تاخرينها عندك للعصر وتخلينها تلبس وتكشخ وهي ماتدري بشي ميس اتسعت ابتسامتها:لا تشيلن هم شوق:نعتمد عليك ميس:اوك والحين بروح للتين البنات:تمام راحت ميس لغرفه لتين واستعجلتها لتين:ايش رايك ننام هنا واخبرك بكلشي ميس باندفاع:لا لا نبي بيتنا افضل وبعدين انا نمت عندك من قبل والحين دورك لتين:اوك كانت لابسه بنطلون اسود سترتش بلوزه رماديه اكمامها للكتف وفيها رسمه جمجمه بالاسود ولابسه سلسله طويله واصل لين صدرها ومتدليه منها جمجمه ولابسه حلق على شكل جمجمه ورفعت شعرها الاشقر ذيل حصان ونزلت خصلات على وجهها ميس منهبله:ناويه تخليني احلم بكوابيس طول الليل لتين:ههههههههه بس اعترفي طالعه اجنن ميس:صراحه طالعه خيااال لتين بخجل:اخجلتي تواضعي المتواضع ميس:اقول امشي بس بنتاخر لتين لبست العبايه وخلت الازرار مفتوحه وحطت الطرحه على رقبتها وراحت اخذت شنطتها:امشي ميس نزلت ولتين نزلت وراها وصكرت الغرفه وراحن للصاله لتين:خااالتي انا رايحه ام اياد:تمام انتبهي لنفسك اياد قام من مكانه وراح للتين اياد:على وين رايحه لتين:ابي اروح بيت ميس اياد:بتروحين بيتهم طيب واخوانها ميس بملل:الحين بتنام عندي ولا عند اخواني وبعدين اصلاً مافيه احد بالبيت الا انا وامي والشغالات اياد مااهتم لميس وقرب من لتين وصار يصكر ازرار البالطو واخذ الطرحه وحطها على راس لتين اياد:اذا بتنزلي انزلي كذا لتين مدت فمها:اصلاً كنت بصلحها بالحديقه اياد:وبعدين ليش لابسه جماجم وكذا لتين ملت:انا احب كذا زياد:اياد اترك لتين بحالها ترا بتاخرهم اياد ابتسم وبهمس:طالعه تجنني،كذا. .... ومشى لغرفته ريان:ايش قالك لتين ابتسمت:سرر ميس:يلا لتين بنتاخر لتين:يلا بروح مع السلامه ام اياد وزياد وريان وامير:مع سلامه وراحت لتين وميس ميس:باين اياد مهتم فيك لتين:اي يعتبرني مثل اخته ميس ابتسمت:ما اعتقد لتين:ايش قصدك ميس:ولا شي وصلنا اركبي يلا لتين لزمت الصمت وركبت وميس ركبت وساقت السياره *ببيت ام اياد* زياد:بنات ابدن راحت لتين شوق:تعال انت كمان ساعدنا زياد:من عيوني ياعيوني شوق استحت:زيااااااد خلاص رنيم وغزل يصفرن زياد:اقول يلاااا نشتغل بس شوق:اي دق يقول بيجي يساعدنا رنيم:اجل يلا نبدا نبي بكره يجي وكلشي جاهز واحنا بس نلبس الكل:يلاا وبدو يرتبو *في مكان بعيد* صالح:محمد امشي بسرعه محمد:ليش مستعجل صالح:اقولك ايش رايك نرضي الرائيس محمد:كيف صالح:ندور مصيده جديده محمد:والله دامنا فاضين وماشي ورانا بندور صالح:اجل ادخل هذا الزقاق محمد لف ودخل بالزقاق ماحسو بالسياره اللي لحقتهم محمد صار يسوق السياره بالحي الفقير لقو ولد وبنت جالسين يلعبون عند بيت صغير وقدديم وقفو السياره ونزلو محمد راح للبنت وحط منديل مخدر على فمها بسرعه وصالح نفس الشي خدر الولد حملوهم وحطوهم بالسياره وركبو والسيارة الثانيه لساتهم يلاحقونهم محمد كان يمشي بسرعه ماحس الا بسياره توقف قدام سيارته وعلى جنب محمد وقف بسرعه قبل مايصطدم بالسياره اللي قدامه لتين وميس نزلن من السياره لتين بصراخ:انزلوووو اذا انتو رجال محمد وصالح نزلو *نرجع لقبل نص ساعه* لتين:ميس ناظري هذيك السياره السودا كاني اعرفها ميس:اي مو كانها تشبه سيارتك لاحضو ان السياره دخلت لحي فقير وباين عليها سياره فخمه لتين:ميس الحقيهم ميس:ليش لتين:الحقيهم شاكه بشي ولحقت ميس السيارة *نرجع للحاضر* محمد:مين انتو وايش تبو لتين بابتسامه سخريه:انت اللي ايش تبي محمد بهمس لصالح:شكل وحده من البنات اهي اللي الرئيس كان يبحث عنها صالح:طيب دق على الرئيس وقوله لقينا البنت اللي يبيها وخليه يرسل رجال بعد وانا بتكفل بالبنات محمد دق على الرئيس لتين بصراخ:هيييه سلمونا البزارين بسرعه صالح:مارح اسلمك اياهم اذا تبينهم تعالي لهم لتين راحت تمشي لهم ببطى وميس بجنبها اما محمد فكان يكلم الرائيس محمد بهمس:طال عمرك نبيك ترسل لنا رجال باسرع وقت لقينا البنت اللي تبحث عنها الرائيس:زين بس انتم وين الحين محمد:احناا في ....... الرائيس:المكان قريب 10 دقايق ويوصلون محمد بخوف وهمس:بسرررعه ما اضن صالح يصمد قدامها اكثر ماحس محمد الا باللي سحبه وطاح الجوال من يده ميس بنظرات ناريه:شلون تبي تموت محمد ارتعب حسها جنيه مو بنت محمد:ايش تبي مني انا واحد بكبر ابوك ميس:هه بكبر ابوي وتسوي كذا رجل بالدنيا ورجل بالقبر ووراك مصايب محمد:مالي دخل ميس مسكت يده ولوتها نزلت طرحتها وشقتها نصين ميس:الحين بخنقك بهذي محمد خاف واغمي عليه ميس:هههههههه مابذلت اي مجهود ناظرت للتين لقتها طايحه ضرب بصالح لين خشمه نزف ونزل الدم من القناع وصالح مغمى عليه ميس:لتين يكفيه جيبيه بربطه مع هذا الدلخ لتين سحبته وصالح ماقدر يتحرك من ضرب لتين جلسته عند محمد وميس سندت محمد على،ضهر صالح وربطوهم وربطو رجولهم ببعض لتين:انتي مجنونه الحين تنزلي طرحتك لا وبعد مو متلثمه ميس:بروح الحين بجيب طرحتي من السياره. ..وراحت لبست طرحتها وتلثمت لتين:ماشاءالله فاتحه محل بالسياره ميس:ههههههههههه اهم شي عندي الاحتياط لتين:خلينا ننزل قناعهم ميس:يلا نزلو القناعات لتين وقفت مصدومه ميس:ايش فيك تناظرينهم كذا لتين وهي لساتها مصدومه:هذا صالح خال اياد وزياد ميس فتحت عيونها على الاخر:لايكون عرفك لتين بخوف:لا لا كنت متلثمه ما اعتقد يعرفني ميس:ان شاءالله لتين:يلا ناخذ البزارين ونردهم لبيتهم ونروح ناظرو وماحسو الا وهم محاصرين ميس برعب:لتين رحنا فيها لتين ناظرتها وابتسمت بثقه:كلهم 6 رجال نقدر لهم ميس بتردد:بس نحن ثنتين بس لتين:ولو ثنتين توكلي على الله ترا الله معنا دامنا على حق ميس رجعت لها ثقتها:ونعم بالله واحد من الرجال:والحين انتم بتظلون تتهانسون ولا بتسلمون نفسكم ميس:لحظه شويه بنتشاور نسلم نفسنا الرجال ضحكو باستهزاء لتين:اقول ميس اركبي السياره اللي فيها البزارين ولصرخت باسمك انطلقي ولا تهتمين بشي ورجعي البزارين لاهلهم ميس:بس لتين بحده:ميس قلت اللي عندي يلا ماعندنا وقت اركبي ميس تسحبت وركبت السياره ولتين غطت عليها لتين:تقدمو واحد من الرجال:الحقو البنت ركبت بالسياره لتين بصراخ:ميييييييس ميس بسرعه جنونيه مشت بالسياره لورا لين وصلت على جنب الطريق ولفت للاتجاه اللي جات منه ومشت بسرعه جنونيه والرجال متجمدين مكانهم مو مستوعبين اللي صار واحد من الرجال بصراخ:اتبعوهااا لتين:انا اللي تبون مارح تمرون من هنا الا لين تواجهوني الرجال تقدمو من لتين وصارو محاوطينها لتين:تقدمو كلهم مره وحده ركضو للتين ولتين وطت ونزلت من بينهم والرجال تصادمو ببعض اما لتين ركضت لسياره ميس ودخلت بسررررعه صكرت الباب وبسرعه شغلت السياره وحررررركت باقصى سرعه لطريق الثاني واحد من الرجال:انحااااشت اركبو السيارات والحقوها الرائيس نزل من سيارته:خلاص لا تلحقوهم اتركوهم الرجال:بس ماتبيهم الرئيس:مايهم تمسكوهم اهم شي اني عرفتهم ورح اصدهم متى ما ابغا الرجال لف لهم:خلاص لا تلحقوهم *عند ميس* وصلت لبيت البنت والولد دقت الباب فتح لها رجال كبير بالسن وباين الحزن بعيونها والدموع مبلله لحيته ميس:عمي فقدتو بزرين اليوم او لا الرجال:اي يابنتي بنت وولد كانو يلعبون عند الباب يوم نادتهم امهم مالقتهم ميس:تراهم بالسياره الرجال بخوف:وين كانو ميس:واحنا مارين من الحي لقينا انا واخوي اثنين رجال خدروهم واخذوهم معهم ولحقناهم ودقينا على الشرطه والحين اخوي مع الشرطه وانا جبت البزارين الرجال بامتنان:شكراً شكراً يابنتي ربي يحفظك ميس ابتسمت بلطف وراحت للسياره نزلت الولد واعطته الرجال ودخله للبيت ورجع للبنت وحملها ودخلها للبيت وحطهم على فراشهم ونزل شكراً ميس وعزمها على العشاء ميس:اسفه عمي بس انا مشغوله واخوي ينتظرناً الرجال:تمام ميس ابتسمت له ولفت وراحت كانت تبي تطلع السياره نزلت دمعه من عينها ومسحتها جلست على الارض تبكي وتشاهق حست باحد حط يده على كتفها ارتعبت بقوه لتين:هههههههههههه ماتوقعتك ام دميعه ميس ناظرت لتين:لتين انتي هنا لتين:اي شفتي قلت لك انا قدها لتين ناحست الا بالجسم اللي انرمى عليها ابتسمت وضمتها ومسحت على ضهرها لتين:والحين يلا نروح ميس:والسياره ايش نسوي فيها لتين اتسعت ابتسامتها لين اذنونها:باخذها لي اعجبتني كثير ميس:انهبلتي انتي طيب ولو سالونا من وين السياره بنقول ايش لتين:لا لا بتركها عندك وانتي صرفي اخوانك وقولي لهم انها حق صديقتك ميس:ايش تبين فيها كلك سيارات لتين:هههههههههه مين يدري خاف افتح معرض سيارات من وراهم ميس:هههههه اقول خذي السياره وبيعيها افضل لتين:فكره مو شينه ميس:يلا اركبي سيارتك بنروح لتين:اوك وركبت لتين سياره محمد وصالح وميس ركبت سيارتها ولتين صارت تتبعها لين وصلو لبيت ميس نزلت ميس ولتين نزلت وراها صكرن السيارات ودخلن للبيت وراحن بسرعه لغرفه ميس كانت غرفه ميس حلوووه وكبيره ولون الجدران اسود والبلاط لون ابيض وسرير كبير بوسط الغرفه يوسع لاربعه لون فرشته ابيض وحوافه اسود وعلى جنب الغرفه دولاب ابيض واسود والجنب الثاني مكتبه وطاوله وكرسي لتين جلست على،السرير اما ميس اخذت ملابسها وراحت الحمام تغسلت ونزلت لابسه بنطلون جنز ازرق وبلوزه بيضاء صافيه وطويله الاكمام دخلت لغرفتها وناظرت لتين لقتها مسدوحه على السرير وتناظر السقف ميس:لتون ايش رايك بغرفتي لتين:تجنن عليك ذوق ميس:قولي ماشاءالله لا تصكيني بعين لتين:مالت مالقيت اصكك عين الا على غرفتك ميس بغرور:اي لاني صاحبه ذوق عالي لتين:اقول بس بس صدعتي راسي ميس:لتين بقولك شي لتين:قولي ميس بنذاله:بكره فيه حفله تنكريه ببيت خالتك ام اياد لتين فزت ونطت عند ميس:وليش مافيه احد قالي ميس:قالو لي اقولك يبغونها مفاجاه لك لتين بحماس:واااااو طيب الساعه كم الحفله ميس:بالعصر الساعه 4 لتين:اجل معنا وقت بكره بنروح بنشتري ملابس تنكريه ميس:اي وبنروح عندهم العصر لتين ابتسمت:زين انك سحبتي عليهم وقلتي لي علشان اتجهز ميس:اي زين وانا عندي ملابس تنكريه تجنن لتين:شورك وهدايه الله ميس ابتسمت:طيب والحين ممكن تقوليلي قصتك لتين ابتسمت وقامت من على السرير واخذت شنطتها طلعت سيدي واعطته ميس لتين:هذا بيفهمك كلشي ميس اخذت السيدي وجابت لابتوب حقها وحطت السيدي داخله واشتغل السيدي لتين ماكانت تبي تشوفه:ميس وين الحمام ميس وهي مركزه مع الفديو:بجنب غرفتي على اللفه اللي بتشوفيها قدامك لتين:اوك وفتحت لتين الغرفه ونزلت راحت للحمام كانت تبي تفتح الباب بس حست انه الحمام انفتح من نفسه تجمدت مكانها ووجهها حمررر من الخجل يوم شافت واحد خارج من الحمام ولاف الفوطه حول خصره وصدره عاري لتين تراجعت للورا وقلبها يدق بقوووه من الخوف رائد ناظوها بتفحص وهو منهبل عليها لتين تراجعت اكثر واصطدمت بالجدار كانت رح تهرب بس رائد حاصرها وماخلاها تنحاش لتين بخوف:ايش تبي رائد:مين انتي وايش تسوي هنا لتين بتلعثم:انا صديقه ميس رائد ابتسم:انتي لتين لتين بخوف:اي رائد ابتسم بخبث وهو يناظرها ويقرب منها:طالعه تجنني لتونه *عند ميس* كانت تناظر المقطع وعيونها تنطق بالشر ومنتظره بس تجي لتين وباقي لها شويه وتكمل المقطع ميس بخبث:بدايه موفقه *.🌸نهايه البارت🌸.* 
 
|
|
02-15-2019
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
طرح جميل
|
|
 احُب كل شي كان رحمه لي من الله .gif "3z (8)")
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
العرض العادي
