غرامك صار عنواني وانا قبلك بلا عنوان...

الساعه 4:00"

" في بيت بو فيصل "

وصايف: ليه طيب ؟
اديم: احس اني تعبانه ومالي خلق
وصايف: اديم تبين تروحين المستشفى
اديم: ليش بالله مايحتاج
وصايف: براحتك بس شوفي انا االحين بروح اقعد ع النت اوكي واذا بغيتي شي قولي لي
اديم ابتسمت: اوكي

" طلعت وصايف وسكرت الباب وراها وكملت طريقها نازله تحت بتقعد مع امها وجنى .. "

ام فيصل: مانزلت
وصايف : لاوالله تقول تعبانه
ام فيصل : وش فيها
وصايف: راسها مصدع ومالها خلق
ام فيصل : اهاا اوكي اجل يلا قوموا نتغدى

" قاموا وقعدوا على الطاوله .. شوي ويدخل مشاري تشققت ام فيصل "

ام فيصل : كويس اللي جيت تعال تغدا مره وحده
مشاري ضايق خلقه : مالي نفس الحين ... وصايف تعالي لي فوق ابيك شوي
ام فيصل : هو خلها تتغدا
مشاري طنش وطلع فوق
جنى: شفييه ؟
ام فيصل: شوفي وش يبيك شكله تعبانه يمكن يبغاك تهمزينه والغدا لاحقه عليه

"وصايف نشف ريقها ماحست ان السالفه كذا وطلع "

" دخلت وصايف عليه وشافته قاعد على المكتب حقه .. اول ماحس فيها رفع راسه "

وصايف : مشاري
مشاري : ادخلي

" واشر لها تقعد .. راحت وقعدت على الكرسي اللي مقابله ."

وصايف تمتمت بهمسها : هممم
مشاري ماعرف كيف يبدا كلامه : وصايف
وصايف: نعم
مشاري غير نغمته : وش البنات ذولا اللي متعرفه عليهم

" طاح قلب وصايف على طول خطر بالها مافيا صديقتها عنود .. حست بيوم من الايام بيطلع لها وشكل هذا الوقت "

وصايف : اي بنات
مشاري ناظرها : وصايف انا اخوك ماني مسوي لك شي فا قولي لي احسن
وصايف ورييقها ناشف: وش اقول طيب
مشاري: من وين تعرفتي عليهم
وصايف: مشاري ممكن تقول لي من تقصد .. لان اللي اعرفه كل صديقاتي محترمات ولا عندهم حركات
مشاري حك دقنه : حتى شهد

وصايف ارتاحت وتنفست الصعداء " شهد بالطقاق مابينها شي "

وصايف بضحكه استهزاء لانها فهمت كل شي : من قالك عليها طلال
مشاري انصدم وش دراها : وانتي ايش دراك
وصايف لفت عليه وهي معصبه عرفت ان طلال علم عليها وقررت تقول حق اخوها كل شي قبل لا يقعد طلال يألف عليها كلام : مشاري انا مابيني وبين البنت شي كل اللي اعرفه انها صديقه صديقتي وغير كذا يوم تعرفت عليها اكتشفت انها خوية طلال .. وطلال اكيد يوم عرف اني اعرف البنت اختبص وخاف لاقول عليه وافضحه بس تعال هو وش قالك

مشاري انصدم وماعرف وش يسوي يوم شافها تتكلم بثق عمياء وكأنها تدري : هو ماقال شي غير انك تعرفين وحده سمعتها مو زينه وتعرف عيال ومن هالكلام
وصايف بأستنتاج دقيق: وهو بالله كيف عرف اكيد قالت له ولا هو عرف ولا انا وش بيني وبين طلال " ورفعت له حاجب وحسته فهم " وبعدين لو صادقتها انا معقوله بمشي بنفس طريقها ما افهم انا ولا ماعندي عقل واميز

مشاري : بس مهما كان ياوصايف انتبهي من هذول البنات .. وابتعدي عن طريقهم بأي طريقه .. طلال يعرفها بكيفه رجال وشايل عيبه بس انتي بنت .. واي شي ممكن يشكل ضرر عليك

وصايف ابتسمت وهي مقهوره من داخل : لاتخاف مشاري مو اختك اللي تسويها وبعدين انا محاسبه على كل شي اسوي " ووقفت " والحين عن اذنك " وطلعت وهي مقهوره "

" مشاري شلون يشك في وصايف وبعدين حتى لو صدق تعرفها مو معقوله وصايف تتبع طريقها بس هو اللي خوفه طريقة كلام طلال وكأن شي صاير ... وكلامها على طول اثبت انه صحيح ولا وش وصل طلال لوصايف وهو يعرف تلاعيب طلال.. اخته ماعطته مجال للتفكير اصلا هو غبي فكر هذا التفكير فيها "

" اما وصايف طلعت من غرفة مشاري وتحس الدمعه بعينها .. وتوعدت للحقير طلال .. ومن يوم ورايح راح تعرف كيف تتصرف معه وتتعامل .. حقدت عليه وكرهته .. وبنفس الوقت توعدت له "

.
.
.

" الساعه 5:15 "

" في بيت بو محمد "

" سلطان كان قاعد على الغدا مع ابوه .. كان طول الوقت متبلعم وماهو عارف وش يقول "

سلطان : احم احم يبه
بو محمد : سم يا يبه
سلطان : سم الله عدوك
بو محمد: وش عندك
سلطان تنحنح : يبه بروح الكويت
بو محمد : شعندك
سلطان: والله الشباب قالوا بيروحون دامه لونق وينكد وواحد من الشباب عنده شاليه ويبون يروحون يقعدون فيه هاليومين
بو محمد ابد ماعارض: روح وسع صدرك
سلطان تشقق ماتوقع انها تجيه بهذي السهوله : تسلم لي يالغالي ياعساي مانحرم منك

" ابتسم بو محمد وسلطان حس انه طاير ماتوقع كذا تجيه بارده مبرده .. وبنفس الوقت ضاق صدره .. اهله ماعطينه ثقه اكبر من حجمه وهو يخونها بكل لحظه بكل لحظه .. هذا الشي قاعد يذبحه كل لحظه "

" بعد ماخلص من الغدا طلع فوق ورتب ملابسه وهو متشقق .. بعد ماخلص دق على شيماء "

سلطان : هلا والله وغلالا
ام شيماء: هلا والله سلطان
سلطان انصدم : هلا عمتي شخبارك ؟
ام شيماء: الحمدالله يبه انت شلونك
سلطان: الحمدالله اجل شيماء وينها ؟؟
ام شيماء : والله شيماء تعبت اليوم علينا وهي نايمه الحين
سلطان خاف عليها : وش صار عليها
ام شيماء: اغمى عليها بس لاتخاف هذا الشي طبيعي
سلطان : طيب سلمي لي عليها وانتبهوا عليها وانا بكرا جاي
ام شيماء تشققت : صج
سلطان ابتسم : اي والله
ام شيماء: بتستانس وايد شيوم
سلطان : خلاص قولي لها ياعمه والحين انا بسكر وبرجع اتصل عليها بس تصحى
ام شيماء: الله معك يبه

" وسكر منها وهو خايف على زوجته .. وبعدها طلع بيروح السوق ياخذ لها اي شي بما انه من زمان ماشافها "

.
.
.

" في الريـــاض "

" كانت لميس وميساء قاعدات يرتبون غرفة ميساء ويضبطونها .. جايبين اشياء جديده وقاعدين يزينونها .."

ميساء: مو كذا احلى
لميس:لا مو كذا حطيها مايل شوي كذا كأنها معرض سجاد

"ضحكت ميساء وغيرتها حسب ماقالت لها لميس "

" طق طق طق "

لميس: تفضل
مازن دخل : ميساء امي تبيك ..! " وطلع "

ميساء: بروح وبرجع
لميس: اوكي

" بعد ماطلعت ميساء.. استغربت ان مازن ماكلمها ولا شي وهو اصلا صاير له فتره ماهو يكلمها وماهو على بعضه .. طلعت وراحت له دقت الباب ودخلت "

"مازن يوم شافها سوا نفسه منشغل بترتيب الرف حق الكتب ولميس مافاتت عنها هذي الحركه "

مازن سوا نفسه انتبه لها : لميس
لميس: شخبارك ؟
مازن : الحمدالله وانتي ؟
لميس:الحمدالله .. همم
مازن : بغييتي شي ؟
لميس: لا
مازن : اهاا " وسوا نفسه يكمل شغله ولميس عارفه ان ماعنده شي .."
لميس: مازن
مازن بدون اهتمام : نعم
لميس: شفيك صاير مو على بعضك
مازن لف عليها: وش فيني ..!!
لميس: حتى سلام صرت ماتسلم علي
مازن : مشغول شوي بس
لميس: علي انا يامازن
مازن لف عليها ونفسه بخشمه : يعني وش بيكون فيني
لميس: همم يعني منار مالها شغل
مازن : وش دخل منار
لميس: لابس قلت يمكن
مازن : شوفي لميس .. ماني راكض وراها كثر ماركضت طيب وبعدين منار ماعادت تهمني .. حتى لو اني طالب القمر وصلت له .. " وقف وهو قلبه محترق بعدها طلع وترك لميس "

" لميس انصدمت .. بس من حقه .. ركض وراها كثير وهي مو مهتمه .. لميس عورها قلبها على اخوها بس هي فاهمه ان مازن يقول هذا من قهره ومن الحاله اللي وصلت معه من منار ... صاارت لميس بين نارين .. كل واحد معه حق .. وش تسوي خلاص مايليقون لبعض .. وبتتركهم بيكفهم .."

" مازن طلع من هنا وهي قلبه محترق تعمد يقوول هذا الكلام قدام لميس .. لانه عارف انها بيوم من الايام بتوصله لمنار .. مازن قرر مايرمي نفسه عليها كثر مارماها اذا هي في نصيبه بياخذها واذا لا الله يسعدها .."

" لميس نزلت تشوف امها وميساء "

ميساء: لا يايمه ابي اخليه عندي مايحتاج جديد
ام مساعد: اللي يريحك بس اي شي تبينه قولي لي لان ابوك وصاني اني اخذ لك جوال جديد
لميس تبتسم : دامها متعلقه فيه تاخذ الرقم وتغير الجهاز
ميساء: ولا الجهاز
لميس تناظرها : افا بس جهازك ذا قديم اصلا فشله تشيلينه معك ولا يشوفونه من العصر الجيري
ام مساعد ضحكت : لميس
لميس تضحك : اي يمه خليها تغيره في جولات كثيره الحين حلوه وبنوتيه
ميساء: بس بخلي الرقم
لميس: اي الرقم كل ماصار قديم كل ماصار اكشخ " وغمزت لها وميساء ابتسمت "
ميساء: اجل خلاص نروح يوم ونختار جهاز
لميس: افا عليك تليفون ومازن يجيبه لك
ميساء تبتسم : اووه صدق
لميس: افا عليك كلميه
ميساء انصفق وجهها : اكلمه وش اقول
لميس: اطلبيه يجيب لك جهاز
ميساء اخترعت : لالا لمافي امل
لميس تعمدت انها تخليه ميساء تطلب من مازن مو عشان شي عشان تتعود عليه ولاتحس انها غريبه : اقول عن الدلع وكلميه
ميساء: من جدك لميس ولو هزأني
لميس: وش يهزأك يارب انك اخته
ميساء سكتت
ولميس غمزت لامها وامها استانست
ميساء : لالا لميس لو سمحتي
لميس فتحت عيونها : من جدك انتي وش بيقولك وحتى لو هزأك مو اخوك
ميساء: بس لالا ماقدر
لميس : افففففففف وبعدين معك انتي ليش كذا عنيده
ميساء: مو عن شي ب....
لميس: يلا يلا

" دقت لميس رقم مازن من جوال ميساء وكلمته وميساء جت بتقوم ومسكتها "

ميساء: لميس لالالا

" ام مساعد تناظر وهي مبتسمه "

"لميس تعض على شفايفها يعني رد ورمت الجوال عند ميساء .. ميساء بسرعه رفعته "

مازن : الووو
ميساء: الوو .. مازن
مازن ابتسم يوم سمع صوتها العذب : هلا والله وغلا
ارتاحت ميساء وبنفس الوقت توترت: هلا فيك .. شخبارك
مازن يبتسم : مو كأن توك شايفتني
ميساء : اي بس ما سألتك عن اخبارك
مازن فهم: ههه اي صح عليك الحمدالله وانتي
ميساء: انا بخير والله هممم

" لميس تأشر لها بمعنى قولي "

ميساء: اوكي خلاص اجل بخليك " وسكرت "

" لميس فتحت عيونها ومازن استغرب "

لميس: شفييك يالهبله
ميساء: ماقدر وربي ماقدر
لميس عصبت : طاايب طااايب

" سحبت جوال ميساء واخذت وكلمة مازن "

مازن استغرب: هلا ميساء
لميس: هلا مازن انا لميس
مازن استغرب : شسالفتكم
لميس: ماعندنا شي بس الاخت ميساء تبي تطلبك شي وخافتك تعصب عليها

" ميساء فتحت عيونها "

مازن استغرب: انا اعصب وعليها
لميس تضحك : وانا ادري
مازن ابتسم على برائتها : وينها وينها
لميس لميساء: خوذي خوذي يبيك " واعطتها الجوال "
ميساء بتردد : هلا مازن
مازن : افا ياميووس تبيني ازعل منك
ميساء اخترعت : لالا ليه ..
مازن : قولي متى عصبت عليك انا متى
ميساء: لابس خفت انك مشغول
مازن ابتسم: لا مو مشغول امريني
ميساء بتوتر : همم لميس تقول ان جوالي قديم ولازم اغيره
مازن ولميس ضحكوا على كلمتها
مازن ابتسم : طيب
ميساء تنهدت وجهها صار احمر : يعني مازن ممكن تجيب لي جهاز جديد
مازن ابتسم : من عيووني امري بس وش تبين
ميساء ابتسمت وارتاحت : ماتفرق معي على ذوووقك
مازن : هممم على ذوقي يعني مو حاطه شي في بالك
ميساء بسرعه: لالالا اي شي
مازن: على عيني كم ميووش عندي
ميساء ولعت نار: اوه شكرا مازن مررررره
مازن : العفوو قلبوو تبين شي ثاني
" وضحك مازن يبي يشوف الحيا وين وصل عندها "
ميساء من جد ولعت : لالا شكرا
مازن : اوكي بس مره ثانيه اذا بغيتي شي تكلميني دايركت ماله داعي لميس وزحمه
ميساء: ان شاء الله ومره يسلمو مازن
مازن: ولوو يلا مع السلامه
ميساء: باي

" سكروا "

لميس: ماقلت لك
ميساء ابتسمت ورفعت كتوفها بخجل
لميس: طيب يلا قومي رتبي غرفتك انا تعبت
ميساء: لا لميس ماعرف ابي معك
لميس: يلا روحي تعلمي
ميساء: بالله الذوق مايجي بيوم وليله يلا قوومي
لميس ضحكت : طيب يلا قومي " ولفت على امها " هاه يمه تبين شي
ام مساعد : لا يمه روحوا كملوا اشغالكم

" وطلعوا فوق وكملوا شغلهم "

.
.
.

" في امريكــا "

" كان بدر ووليد و طلال قاعدين يسولفون وفجأه وصل اتصال لطلال وقام عنهم "

طلال: هاه تكلمت معها
مشاري: طلال وصايف قالت لي كل شي
طلال اختبص: يعني ايش قالت لك كل ي
مشاري فهمه وحس انه اختبص: لا بس هي قالت انها مو صديقتها وانها بس تعرفها لانها خوية صديقتها .. ومابينهم شي ليه اتدخل انا بينهم
طلال : اها طيب كويس انا بس حبيت اتطمن عليها من وذلا البنات
مشاري: بس ماقلت لي ياطلال انت وش دراك
طلال اختبص ماتوقعه يسأله هالسؤال مع انه لازم يحط استعداده لكل سؤال راح ينسأل عنه : انا اختي قالت لي عنها بس
مشاري فهم من ارتباك طلال : خلاص اجل فيك الخير والله
طلال بسرعه: وش دعوى اجل اخليك الحين
مشاري ابتسم : اوكي انتبه على نفسك
طلال: مشكور مع السلامه

" وسكر .."

طلال " هين يا وصايف .. اكيد قالت له كل شي .. اكيد تبي تبرأ نفسها .."

" انقهر طلال انه ماطلع بشي من اللي سواه .. كان ناوي يكلم شهد .. بس مايقدر الحين اذا سمعه بدر ياويله .."

طلال : وليييييييد وليييد
وليد من داخل : نعم
طلال: تعال شوي
بدر لوليد : وين
وليد: بروح اشوف وش يبي

" قام وليد وترك بدر "

بدر " اففففف استغفر الله وش هالزهق .. ذا المراهقين عايشين جوهم مع بعض .. افف خلني اقوم ادخل النت علو وعسى القاها "

" وبالفعل اول مادخل شافها اون لاين .. وعلى طول راح لها بس اول شي سواه قرا النك نيم حقها وضاق صدره "

" سهر تأففت وصار قلبها يرجف "

B.A.D.E.R :

هلالالا والله وغلااااااااا

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

هلا فيك

" استغرب برودها "

B.A.D.E.R :

كيفك حياتوو ؟

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

الحمدالله وانت ؟

" الحين بدر شك ان فيه شي "

B.A.D.E.R :

الحمدالله بشووفتك

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:



B.A.D.E.R :

سهر ..!!

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

نعمم ؟

B.A.D.E.R :

فيك شي ؟؟ حد مزعلك او مضايقك .؟

" بدر يوم شاف ان الوضع كذا اخذ الاب توب ودخل الغرفه وسكر عليه "


Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

لا ليــه ؟؟

B.A.D.E.R :

سهر مو علي انا .. طيب..!!

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

" قالت بأستهزاء " ماشاء الله تحس فيني وانت بعيد حلو والله

B.A.D.E.R :

سهر وش قصدك ..؟ الاحساس مايفرق سوا كنت بعيد ولا قريب

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

اهااا

B.A.D.E.R :

سهر ممكن ماتكلميني بهذا الاسلوب


Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

وبأي اسلوب تبيني اكلمك

B.A.D.E.R :

اهااا يعني افهم من كلامك انك زعلانه مني

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

ليه انتي سويت لي شي ؟؟

B.A.D.E.R :

ادري عنك ..!!

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

اجل خلاص

B.A.D.E.R :

وش اللي خلاص ؟؟

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

اووووه بدر وش تبي مني بالضبط

" بدر انصدم "

B.A.D.E.R :

وش ابي منك ......!! كلام جديد هذا

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

بدر ممكن اقولك شي

B.A.D.E.R :

قولي وش باقي ماقلتيه

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

انت وين تبي توصل معي .......!!

B.A.D.E.R :

الحين انا تأكدت انك مو سهر صح ..!!

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

لا انا سهر يابدر

" انصدم زياده بدر "

B.A.D.E.R :

وبعد قمتي تضيف اسمي لكلامك

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

اوووووه بدر بتجاوب علي ولا شلون

B.A.D.E.R :

اوكي بجاوب عليك .. مابي منك شي .. زين

" انصدمت سهر وهذا اللي توقعته "

Ana Br7l w BdL wa7D b Wa7d 3'iabee ymKn Ysa3d w ta6th ra7tkakthr Ma 3ad Ahtm mthl Awal Ana Glbe Tra t7wl:

اجل خلاص ماله داعي نطولها بالكلام .. عن اذنــــــك


" وطلعت وعطته بلوك وديليت "

" بدر انصدم منها .. اكيد هذي مو سهر .. مش معقوله وش اللي بيغيرها عليه .. هو ماسوا شي غلط هذا وهو بعيد .. متأكد انه ماسوا لها شي ...."

بدر" الظاهر انها عطتني بلوك ولا شلون بتطلع كذا على طول "

" وراح يشيك بالبرنامج اللي عنده وطلع صح كلامه .. ولا وعطته ديليت كمان "

بدر " طاايب ياسهر يعني كذا "

" قام وهو مقهور وقلبه يحترق .. كان مبسوط والحين ضاقت الدنيا عليه هو وش سوا غلط عشان تعامله كذا .. قام لبس وطلع وبدون مايتكلم ولا كلمه "

بدر" قالوها قبلي ماصدقتهم .. اقول سهر غير سهر غير بس الظاهر طلعت اخس منهم ولا تزعل بدون سبب .. واذا كان فيه سبب ليه ماتقول ؟؟؟؟؟ "

" طلع بدر وراح اول بارك جنبهم وقعد يحوس ويفكر بالسبب اللي خلاها تسوي فيه كذا "

بدر " معقوله بعدي عنها خلاها تفكر بأحد غيري .. ليه لا .. سهر دايم تهرب من واقعها وهذي على ادني شي عطتني بلوك وديليت .. ماكان عندها سبب مقنع تواجهني فيه .. ولا تزعل من هنا والطريق .. لو هي محكمه عقلها وقلبها ماكان سوت اللي سوته .. بس سهر بزر من يومها وماراح تتغير ... كل شي تسويه بدون عقل ..ماتدري وش عواقبه .. ولا وش غيرها علي فجأه .. بس والله لاذبحه على يدي اللي يفكر فيها او ياخذها مني او هي تفكر فيه .. باخذها لو على قص رقبتي .. طيب ياسهر وانا اللي راح اعرف كيف امشيك وبكيفي .. معقوله بس تبي تدلع علي .. واذا تبي تدلع مو كذا الناس يتدلعون ويتغلون .. ااااااااخ بتموتيني ياسهر "

.
.
.

" بيت بو محمد "

" غرفة سهر "

" انقهرت سهر من نفسها .. طول الفتره تنتظره يدخل واول مادخل خربت كل شي على نفسها .. الحين خلاص غرورها ماراح يسمح لها ترجعه من جديد .. انقهرت من نفسها .. مشكلتها ماتعرف تعبر "

سهر" ياربي وش سوويت .. انا وش سووويت انا وحده غبيع المفروض قلت له عن كل شي .. بس لا ليش ماهو يحس على نفسه ويسال انا زعلتك .. ااااااااااخ يقهر عديم الاحساس .. اكيد شايف له شوفه .. ولا من متى يتكلم معي بهذا الاسلوب "

" تذكر سهر اسلوبه معها يوم كان هنا .. الظاهر كل شي تغير واختلف من راح هناك .. سهر قامت تتذكر المحادثه وشلون يتكلم معها .. كرهت نفسها.. وحست انها غبيه هي اللي رمت نفسها عليه .. ماعرفت وش تسوي حست انها تبي تبكي من القهر بس ماقدر تدمع بس تحس انها مخنوقه .. "

" قامت تحوس بغرفتها ماهي عارفه وش تبغى .. "

سهر" ليش ماقلتي له ليش .. بس شلووون شلون اقوله ماشتقت لي ماتحس فيني .. شلون بالله اقوله .. معقوله ارمي نفسي عليه ... لو كان مشتاق كان بين .. كل اللي تبين لي انه نفااااق .. يسوي نفسه مشتاق وهو من جنبها .. كل شي جايز يمكن بدر ماعاد يبيني .. والله بكيفه اذا مايبيني مره مابيه مليووون .. بس شلون كل شي ينتهي بهالسرعه وبهذي الطريقه .. ياربييييييييه اانا وش سويت وش سويت ............ ليش ياسهر سويتي كذا ليه ماخليتيه يتكلم ويقول اللي عنده يالله غبااااااائي غبااااااائي ,, افففف ,,"

" حست سهر انها مكتومه وطلعت من غرفتها .. بس وين تروح البيت فضى عليها اخوها منصور وراح اشتاقت له مره وسلطان طالع من العصر ومابعد يرجع ..وين تروح وهي متضايقه وماعندها حد تشكيه وماتبي تشكي لحد اصلا ولا تبي حد يعرف باللي داخلها .. طلعت برا الحديقه كان الجو ماهو شين فيه نسمات تريح الا عصاب .. راحت وقعدت عند النافوره اللي في وسط البيت وقعدت جنبها ومويتها الباره ترشرش عليها .. كتفت يدينها وقعدت وهي تبي تريح اعصابها وتحاسب خطواتها .. "

" فتحت جوالها .. وراحت وشافت الصور والمسجات .. ابتسمت وهي تشوفها "

سهر" معقوله كل شي راح يروح كذا بهذي السهوله .... لامستحيل .. اصلا كل حبيبين يتزاعلون ويتراضون .. مافيها شي .. بس انا ليش تسرعت وحذفته.. افف ياختي ماقدر اقاوم قهري من بروده .. بس كيف حكمت عليه .. ياربي انا بخسر كل شي بغبائي وتهوري .. حتى يوم حبيته ضفته بكل تهور .. والحين بلكته وبكل تهور ... ااااااخ متى بتفهمين ياسهر متى .. افففف والله انا بمووووووت ولا احد حاس فيني .. ليتني اقدر اقول حق حد ولا اشكي له .. بس لا مستحيل .. ماني ناقصه الناس تتشمت علي لو صار شي لا قدر الله .. ايه شلون اظمن اني اخذه .. أي ماله داعي حد يعرف .. ولو هو يحبني صدق بياخذني واذا ما اخذني ماني زعلانه عليه ابد .. ما اجبر نفسي على احد مايبييني .."

" ورفعت راسها بغرور وغير اتجاهه وقامت تمشي من غير هدف تبي توصل له وصار فكرها مشتت "

.
.
.

" في باريس "

" وقتها كانوا قاعدين في المطعم ويتعشوون .. صحيح غزل ماكانت ناويه تطلع بس وقت العشا طلعها بالغصب .. وغزل بعدين ماخالفت وطلعت "

غزل شهقت : منصووور
منصور لف عليها : نعــم ..!!

" ورفع يده يبي يشرب عصيره "

غزل : مارتبنا ملابسنا وبكرا بنمشي

" شرق منصور وصار يكحكح .. غزل ضحكت على شكله "

غزل: شفييك ..!!

" منصور حس ان العصير يبي يطلع من خشمه ولا رد عليها وقعد يمسح نفسه وغزل ساده فمها وتضحك عليه"

" وبعد ماخلص "

منصور: ليه تضحكين بالله ..!!
غزل : انا ماضحكت لالا بس يتهيأ لك
منصور تنرفز : وش تبين ..
غزل: نسيت اقولك ان حنا نسينا نرتب ملابسنا
منصور استغرب: ليه ..!
غزل تناظره: نسيت ان كورسك بعد بكرا بيبدا وان بكرا بنروح فيناا
منصور انصدم ونسى اصلا : اووه صح ماقلت لك الكورس تأجل بعد خمسه ايام فاطولت الفتره هنا
غزل: اهاااااا كويس وانا خفت
منصور: ليه
غزل: مايمدي نصلح اغراضنا
منصور: يمدي بس ماتسوى علي خرعتيني

"غزل ضحكت ومنصور يناظرها "

منصور يناظرها : لاتضحكين
غزل لفت عليه : ليه
منصور: ماتحمل اشوفك تضحكين
غزل رمشت بعيونها : ياشين الغيررره
منصور لف عنها: هذا اللي كان ناقص
غزل: اااخ

" وصارت تاكل وهي متلذذه .. ومنصور يناظرها ويحس يبي ياكلها .. واصلا هو مستغرب انها الى الحين مسالمه معه .. توقع تكون شي ثاني الجني اللي تعود يشوفها فيه .. حتى عصبيه ماشافها تعصب مثل ماكانت تعصب بلاول .. معقوله بدت تميل له ... الا اكيد تحبه ولا ماكان كانت كذا تتعامل معه وغير كذا مبين عليها من نظراتها له كم مره طاح عليها .. بس هو خلاص قرر يخليها تعترف اليوم ولا بكرا *_^ بس هو نو واي يعترف على كثر ماعترف لها ... "

منصور بهدوء وبنغمه : غزل
غزل رقع قلبها من نغمته رفعت راسها وهي الثانيه بهدوء قالت : نعم
منصور: انتي زعلانه اني ماسويت لك زواج
غزل قلبها صار يرجف من طريقة كلامه معها اول مره يكلمها بهذي الطريقه وحست انها متوتره : لا عادي اصلا كثير يسونها
منصور: معقوله ماحسيتي انك غير البنات وانه وانه من ذا الكلام
غزل حست عظمة شفاتها السفيله ثقيله عليها : لاعادي " وبس ماقدرت تقول كذا "

" منصور ارتاح من هذي الناحيه وفجأه قلب "

منصور بنغمة تغيرت على طول : طيب ليش مستحيه تقولين انك عشاني تتحملين كل شي " وابتسم ابتسامه كبيره "
غزل انقهرت شلون قدر يسحبها بالكلام : لاا مو عشان كذا
منصور رفع حاجب : اجل وش افهم من كلامك " وغمز لها "
غزل حست ودها تذبحه مو معقوله شلون يسيطر عليها بكل شي : هممم اصلا انا يوم وافقت عليك بس عشان خاطر ابوي .. انت ماشفته كيف رقاك للسما وماحبيت اكسر خاطره
منصور غمز لها : اي هيييييييين يالبى قلب منار بس

" تو غزل بتتكمل الا القرسون وصل عشان يشيل الاكل .. هي انقهرت تبي ترد ماقدرت ترد عليه .. وبعدين ليه يتغزل بأختها وهو وش دراه عن منار "

منصور ابتسم : بقوم ادفع انتي تجهزي

" كأنه يبي ينهي هذا الحوار .. ماترك لها مجال .. قام وتركها وهي مسحت يدها وقامت .. دايما يتغلب عليها دايما وهي ماتبي تسكت له "

.
.
.

" في بيت بو نايف "

" في هذا الوقت بسمه كانت مع نايف اخوها يطالعون التلفزيون ونايف كان سرحان وبسمه تناديه "

نايف: هاااااه
بسمه: وين سارح
نايف: عليتي قلبي من كثر ماتنادين وش تبين
بسمه: مابي شي بس سولف لي قول اي شي
نايف ابتسم : طفشانه
بسمه : اي والله حدي
نايف: همممم شخبارك ياطويلة العمر
بسمه: الحمدالله انت كيف الشغل معك
نايف: ماشي الحال
بسمه : تعب .!!
نايف: لاوالله .. احس تعودت وبعدين مافيه شي يتعب
بسمه: طيب كوويس
نايف كان وده يسأل عن اديم بس ماهو عارف وش يقول : همم امس شفت اديم بنت عمي
بسمه ابتسمت : لاااه
نايف: اييه
بسمه : عسى ماشر وش فيها
نايف: لا بس كان عندها تحليل اخذته وطلعت
بسمه: اهاا
نايف عقد حواجبه : ماجابت لكم طاري
بسمه : لا .. واصلا انا مو مره معهم
نايف: افا ليش
بسمه : مو عن شي بس ما اكلمهم كثير ويومي يعني
نايف ابتسم : اهاا
بسمه فهمت ابتسامه شي ثاني :بس حلوه صح
نايف لف وجهه عليها : مين
بسمه: هي اديم
نايف ابتسم : اقوول خلي عنك وقومي سوي لي عصير ليمون بالنعناع
بسمه ضحكت " وجت تبي تنادي الخدامه بالتليفون "
نايف: لالا قومي انتي
بسمه فتحت عيونها : ياسلام
نايف: بليز مالي خلق من يدين خدم ابي من يدك يلا عفيه قومي
بسمه ابتسمت : طاايب ولايصير خاطرك الا طيب
نايف ابتسم : بعدي والله

" قامت بسمه وخلته .. وهو سرح "

نايف " اي من جد حلوه .. بـــــــس .. ماقدر اخذك يا اديم وقلبي متعلق بوحده غيرك .. حرام اظلمك .. بس ممكن تكون املي الوحيد بعد ريم .. بس انا مستحيل افكر بوحده غير ريم .. يالله ماعرف وش صاير فيني .. احس بديت اتمادى معها ومابي هذا الشي يصير ابي اخذها مثل ماعرفتها .. بس شلون الحين ماقدر .. ومعقوله اهلي يتقبلونها اذا عرفوا انها اقل منا مستوى .. ياربي هذا اللي بيجننني ... لازم اشوف لهذي المشكله حل .. ياخي بنات العيله مليت منهم كلهم .. ومابيهم مااااااابيهم .. اااخ اللي يعيني بس .. "

نايف" بس ليش ماهي راضيه تقول حق حد .. هذي تحاليل الكبد الوبائي .. الله يستر من التحاليل يارب تطلع نيقاتيف .. بديت احاتيها .. مستحيل اسكت لو تطلع النتايج سلبيه .. الله يكون فعونها .. من جد بديت اخاف عليها .. مهما كان هذي بنت عمي ومن حقي اخاف عليها .. انا بكرا بروح اسأل عنها والله يستر "


" نايف اصبحت اماله معلقه .. ماهو عارف وش بتكون ردة فعل اهله اذا عرفوا انه يبي ياخذ وحده تشتغل معه ومن برا العيله .. مع انه مافي اي مشكله الا ان هذي صارة عاده عندهم "

.
.
.

" اما من جهة اديــم "

" كانت كل ماتتذكر وجه نايف تبتسم .. شخصيه جذابه من تشوفه تشوف البراءه والطهر فيه .. تحس ان انسان تفكيره نظيف ماله بهذي الحركات .. تشوف اتحسه انه انسان طموح ويبي يوصل لشي .. مو مثل باقي العيال .. كانت تشوفه مميز عن الكل .. وتحس ان هذا فارس احلامها .. وغير كذا مع انها رافضه ان الكل يعرف عن تحاليلها الا انها ماعرفت ليش سمحت لنايف يعرف .. شكت انه في سبب غير انه بس يشتغل بالمستشفى .. حبت المستشفى من بعده .. وغير كذا ماهمها البنت اللي كانت واقفه معه لان هذي الحياه ماشيه بالمستشفيات .. تحس ان كل شي فيها طاب .. مع انها تحاتي النتيجه الا ان نايف شاغل كل تفكيرها .. تحب ابتسامته وقبلته .. وحتى شعره اكثر شي يجذبها فيه ويخققه .. شعره مو طويل ولا بالقصير مره كان كثيف بس مو اكثق شي وماكان ناعم المره بس كان كيوت عليه .. ماتعرف ليش هو الوحيد اللي انجذبت له .. بس تتوقع ان اي حد يشوف نايف يحس بهذا الشعور .. بس الفرق انها هي الوحيده اللي تقدر توصله .. حسب ماحسته .."

.
.
.

" في بيت فيصل "

فيصل : مساااعد حرام عليك وربي الله مايرضى اللي تسويه فيها
مساعد : فيصل وانا قاصد وربي مو قاصد بس ماني قادر استوعب
فيصل: وش مانت قادر تستوعب
مساعد : شوف انت من متى وابوي واهمنا انه طلقها وهو لسا باقي عنده وعنده بنت منه وغير كذا خدعنا بسفرياته وهو تلقاه عندها
فيصل : خلاص الكل تقبل الوضع وش معنى انت وش فيك زود عنهم امك واللي هي امك تقبلته من اول يوم .. وبعدين صحيح الوضع بيختلف لو كانت البنت من زوجته الثانيه بس هذي من زوجته الاولى افهم يامساعد
مساعد : فيصل لاتضغط علي
فيصل: ليه البنت ثقيله دم .. قويه ... ماتنبلع
مساعد : لاااا مو كذا
فيصل يقاطعه : وهذا اللي اقوله خواتي منجنين عليها
مساعد : انا مو عن كذا بس مستحيل بيوم وليله اتقبل اني ادلع وحده غير لميس اختي او اشوف وحده في البيت غير اختي وامي
فيصل: لييييه طيب مساعد لا تجنني .. اكيد تلقاها حزنانه من هذا الشي حرام عليك مو كافي انها كانت عميانه طول حياتها .. واكيد يحز بخاطرها انك ماتكلمها وماتعطيها وجه مثل اختها
مساعد تنهد : خلاص خلاص فيصل لاتضغط علي لو سمحت
فيصل: انا تركتك من البدايه بس الحيين مستحيل اسكت عنك يامساعد .. حتى لو مافي قلبك رحمه
مساعد : خلاص بحاول اتقبلها وش تبي
فيصل: مابيك تتقبلها عشاني ابيك تعتبرها مثل اختك لميس واذا تقدر زياده
مساعد : ياسلام
فيصل يتنهد : مو عشااااان شي عشان وضعها يامساعد بينكم بس لو فتره
مساعد : خلاص ابشر مالك الا تبيه
فيصل : اوكي .. ننتظر الاخبار الزينه
مساعد ابتسم : طيب خلاص
فيصل: وين انت فيه الحين
مساعد : راجع البيت

"فيصل شاف عبير جايه واشر لها تجي عنده وقرر يسكر التليفون "

فيصل: اها اوكي اجل وانتتظر اخبارك
مساعد: على خير مع السلامه

" وسكروا "

عبير: هذا مساعد
فيصل ابتسم وانسدح على رجلينها : أي
عبير تلعب بشعره : باين عليكم مره مع بعض
فيصل : أي الحمدالله
عبير: غريبه مع انكم ماتقربون لبعض مره
فيصل يتنهد : حنا من اول مره شفنا فيها بعض ارتحنا لبعض وبعدين مايهم يقرب لي ولالا
عبير: أي اكييد الله يخليكم لبعض
فيصل: والله ياعبير ماتتوقعين والله انه ولد حلال
عبير ابتسمت : ماشاء الله
فيصل: والله شخصيه نادره بشكل ماتتصورين
عبير: طيب حلوو
فيصل: أي والله
عبير: طيب هو لليش للحين ماتزوج
فيصل: ماعرف مأجل كل شي لبعدين
عبير تضحك : وش ينتظر الاخ
فيصل يبتسم : مدري والله وبعدين خلينا منه " ولف راسه عليها وصار يناظرها فوق "
عبير ابتسمت: اهاا
فيصل: قولي لي ماستوى شي " ومسك بطنها
عبير ضحكت : لا لسا
فيصل : وشو لسا الله يهديك
عبير: فيصل لسا بدري مابي الحين
فيصل قام على حيله : وليش بالله خايف بطنك يشوه
عبير ضحكت: تفكير سطحي .. لا بس من له خلق يربي الحين
فيصل يضحك وقرب جنبها : بالله انتي شلون تفكرين
عبير سندت راسها على كتفه وبدلع: امزح امزح بس انا وش طالع بيدي
فيصل يضمها له : ماعليك ياروحي كل شي يتسهل
عبير ابتسمت

" قعدوا هم فتره ساكتين وفيصل يطبط عليها .. بهالوقت عبير قد امداها تنام "

فيصل ابتسم : عبير تدرين اني اموت فيك
عبير:.............

" فيصل استغرب يوم شافها ماردت عليها رفع راسها بيده وطاح راسها بيدها وهي استوعبت وفتحت عيونها "

فيصل ابتسم : حبيبي نايمه قومي قومي

" عبير وقفت وتحس راسها يلف النوم سلطن عليها .. "

" حزن عليها فيصل قام وشالها واخذها لغرفة النوم ... وبعدها نام هو الثاني "

.
.
.
" الساعه 2:00 بالليل "

" وصايف كانت سهرانه .. وقاعده ع النت وتسولف مع صديقاتها وداخله جو ومبسوطه .. وفجأه تشوف طلال دخل .. كشر بوجهها يوم شافته .. وبعدها تركت صديقاتها ووتوها بتروح له الا هو جاها .. ابتسمت يوم انها جات منه "


In California :

وصايف

….. :

نعم

In California :

اول شي شخبارك ؟

….. :

بخير

In California :

وصايف كلمك مشاري صح ؟

….. :

ايه .

In California :

وانتي طبعا قلتي له كل شي

….. :

أي قلت له فيه شي ؟؟


In California :
لا مافيه شي بس ماتوقعك كذا

….. :

وش متوقع اسوي بالله جاي تقول كلام انت مو متأكد منه .. يعني تبي اخوك يهاوشني ولا وش تبيه يسوي لي

In California :

وشو مو متأكد منه انتي الثانيه

….. :

أي انت هناك وماتدري عن شي هنا .. وبعدين كيفي طيب اتعرف على اللي ابغى انت وش دخلك


In California :

طيب واذا قلت لك مو على كيفك

….. :

هههههههه ارجع وقول حق اخوي مره ثانيه

" انقهر طلال من ضحكتها "

In California :

لا هالمره انا بتصرف بنفسي

….. :

تدري شي خليك بنفسك انت وبدراستك على وعسى تفلح مع اني ماهقيته

In California :

احس منك يالعاطله

….. :

ههههههه ياحليلك تكفى متى فكر تدرس الا يوم وليد الصغير العاقل الفاهم قرر يدرس قررت معه ولا انت مو وجه دراسه

In California :

وصايف ورا ماتحترمين نفسك دامي لسا محترمك

….. :

للأسف انا ما احترم الا اللي يحترمني وانت مو وجه احترام .. وبعدين سؤال انت ليه ضايفني بلاساس

In California :

ماني راد عليك بس للأسف كنت مفكرك شي وطلعتي شي ثاني مختلف عن الفكره الي حطيتها في بالي

….. :

شفت انك دايم متسرع ولاتعرف عواقب اللي تسويه وهذا اكبر دليل ..

In California :

أي صح عليك

" طلع وسكر النت بكبر"

" اما وصايف استانست عرفت كيف ستفزه وحط من مقامه .. على وشو يشوف نفسه .. عشان يتعلم مره ثانيه مايلعب معها "

وصايف " ويامالك ياطلال يامااااااالك "

" استانست وصايف على اللي سوته فيه يستاهل محد قاله يسوي ويقول شي مايدري عنه .... بعدها رجعت تسولف مع صديقاتها ولا كأن شي صار "

.
.
.

" في غرفة نجـــود "

" بهذا الوقت كانت نجود تكلم "

نجود: ههههههههههههه بس مو شرط... ترى بزعل .. الحين صارت ذيك احسن مني .. طاايب طاايب والله بزعل عليــك .. خلاص لاتحاول لاتكلمني ... أي كله كلام ولا انت اصلا متغير من فتره علي ماصرت مثل اول ..

" نجــــــــــــــــود "

نجود اخترعـــــــت : فوااااااااااز

...................................



الجزء الخامس عشر
الفصل الاول


" في غرفة نجـــود "

" بهذا الوقت كانت نجود تكلم "

نجود: ههههههههههههه بس مو شرط... ترى بزعل .. الحين صارت ذيك احسن مني .. طاايب طاايب والله بزعل عليــك .. خلاص لاتحاول لاتكلمني ... أي كله كلام ولا انت اصلا متغير من فتره علي ماصرت مثل اول ..

" نجــــــــــــــــود "

نجود اخترعـــــــت : فوااااااااااز

" فواز عيونه تقلبت عليها وغير كذا نايم وعيونه طالعه حمرا .. نجود نشف ريقها يوم جا فواز خرعها هي لحالها كانت خايفه وجا فواز وخرعها اكثر "

نجود: خرعتني
فواز انقلب وحش لحظتها : مين كنتي تكلمين
نجود اخترعت من شكله وش عنده قايم متهجم عليها ويكلمها بهذا الاسلوب رفعت حاجب : نعم ..!!
فواز قرب من عندها وعلى صوته : قلت لك مين تكلمين
نجود خفق قلبها " يعني شاك فيني مثلا " ولفت وجهها وهي تاخذ نفس بتشوف وش بيسوي
فواز وصل لعندها وهي على طول وقفت وجت بتمشي ومسكها فواز من ذراعها بكل قوته نجود وقتها فهمت انه شاك فيها وهذي الفكره ثارتها وتوعدت له لو انه كرر السؤال عليها
نجود : من حقك تسأل مين اكلم لكن مو من حقك تكلمني من هذا الاسلوب طيب

" وبكل قوتها بعدت يدها عنه ووقفت بوجهه"

نجود : تبي تعرف مين كنت اكلم " مدت الجوال وبسرعه رمته بالارض بكل قوتها حتى تكسر "
فواز فتح عيونه ونجود لفت تبي تروح الغرفه ولكن فواز مسكها من شعرها

نجود صرخت : ااااااااااااي
فواز قربها من عنده : تختبرين غيرتي يعني
نجود عصبت وبحركاتها الشيطانيه بعدت نفسها عن هذا المتوحش وصارت تصيح من الالم وعلى طول راحت لغرفتها وقفلت الباب وراها وهي تركض وهو لحقها ولكنه مالحق عليها

فواز وقلبه يحترق : وين بتروحين يعني وييين
نجود من داخله : اعلى مافي خيلك اركبه سامع
فواز : نجود افتحي الباب احسن لا اكسره
نجود: ماني فاتحته يعني ماني فاتحه سامع
فواز : افتحي خلينا نتفاهم
نجود: انت مو وجه حد يتفاهم معك يالسوقي

فواز ضرب برجله على الباب بقوه وراح قعد على الكنب : والله يانجود محد بيأدبك غيري والله

" فواز حس انه مشمئز منها للحظه وماقدر ينام ... نجود اهانته كثيير ومستحيل يسكت لها هالمره .. تتكلم معه ماكأنه زوجها كأنه اصغر اخوانها مو عيالها .. بعكس نجود اللي صاحت وبعدها نامت على قعدتها "

فواز " ياربي مين بتكلم رجال بهالوقت معقوله يكون اخوها نايف ... لالا نايف وين فاضي لها بهالوقت يكلمها وبكرا عنده دوام ..."

" عصر مخه حتى وسوس له الشيطان وبدت الافكار تجيبه وتوديه .. بجا يتذكر معاملة نجود له في الفتره الاخيره "

فواز " نجود استغلتني اوهمتني انها عقلت وتحبني عشان ما اشك فيها بس الله قومني عشان اكشفها هين وين بتروح مني .. "

" حس فواز انه غبي لانه عارف مافي امل نجود تحبه في يوم وتذكر يومها يوم كانوا بلندن ويوم تقوله راح تندم على أي خطوه تخطيها معي "

" فواز عمره ماكان بهذا الاسلوب الا انه كان قايم من نوم ويسمع زوجته تكلم رجال وهذا الشي اثاره .. وهذا شي طبييعي .. فواز على الساعه 6 غفت عينه لاشعوري لانه كان عارف مدامه برا ماراح تطلع من الغرفه "

.

" الساعه 6:30"

" انقلبت نجود على الجهة الثانيه وتحس راسها ثقيل رفعته وكان النور بعيونها على طول وغير كذا الانوار كانت مفتوحه فتحت عين وسكرت عين وحاولت تستوعب وش صاير وراسها يلف مو قادره تفهم وش صاير هنا وفواز وينه .. راحت وفتحت الباب واستغربت انه مسكر واول مافتحته شافت فواز نايم قعدت تناظر وبعدين على طول تذكرت ورجعت وقفلت الباب .. دخلت الحمام و شطفت نفسها وبعدين طلعت وفتحت جوالها حق الجامعه وكلمت سواقهم يجي وبعدها سكرت ولبست عباتها وانتظرت سواقهم يجي .. "

نجود قهدت تفكر باللي صار " والله لاتشوف يانجود والله لاخليك تبوس رجولي عشان تتعذر لي لانك زودتها حيل معي وبأوريك من اللي يحترم الثاني .. اجل انا يشك فيني وش قالوله ماخذني من الشارع "

" وحست الدمعه بعيونها .. وبعد عشر دقايق دق سواقهم عليها مسد كول وعلى طول قامت وفتحت الباب بشوي وشافته انقلب وعلى طول ركض فتحت الباب وفواز حس بخرشه فتح عينه الا الباب مسكر بقوه وهي نزلت تركض .. "

" فواز لف وشاف باب غرفته مفتوحه واخترع معقوله استسلمت وطار على طول وماشاف حد وطل بالحمام وماشاف حد انصدم ووقف بوسط الغرفه وقعد يستوعب "

فواز " اجل هي اللي طلعت .. ههئ وين بتروح يعني .. "

" حس راسه مصدع وراح وانسدح وعلى طول نام "

.
.
.

"الساعه 7:00 صباحا "

" كان الجو كعادته .. شمس حارقه وغبار .. ياسر من صحى وكان يحس ان مزاجه رايق على الاخير نزل تحت وفطر على رواق وبعدها طلع على شغله واول ما شاف الجو اعتفس مزاجه وانقلب فوق وتحت .. لان الجو بالمره مايأهل الواحد يمارس حياته بشكل طبيعي الا مايكون في شي يعكر .. فتح سيارته ودخل بسرعه قبل لايذوب وهو واقف والغبار كاد يدخل بعيونه .. وبعدها ضبط التكيف بالشكل اللي يناسبه .. ومشى بطريقه وهو يفكر .. هو مايتوقع ان اليوم راح يتراجع عن القرار اللي اخذه امس .. وبينه وبين نفسه مافي شي يستاهل الانتظار اكثر يحس انه مستقر وعايلته مستقره وفكر بحالة دانه من جهة ثانيه ولقى انه حتى لو تزوج ماراح يحملها لانه اوردي راح يسكن في بيتهم وراح يكون الطول في العرض .. طول الوقت يفكر وهو رايق وحس انه وقتها "

ياسر " اي ياسر مابقى شي .. سهر هي البنت اللي انت تدور عليها .. ولا ماكن لفتت انتباهك .. وهذي هي تخرجت وبسن زواج وش تنتظر الحين اكيد راح تتفرغ لي ومنها تساعد امي في دانه ودلعها طول ما انا غايب.. سهر اكيد تحب دانه مثل ماتحب سلمان يعني انا متطمن من هذي الجهة .. وماراح تكون عندي مشاكل من ناحية اهلي واهلها الحمدالله حنا متفاهمين ... اجل وش تنتظر ..انا دخلت بالتسعه وعشرين وعلى قولة عبير بكرا لوصلة الثلاثين محد بيرضى فيني .. "

" وقعد يتخيل لو انه اخذ سهر كيف راح تتغير حياته ويتغير روتينه الممل اللي مل منه .. وياسر مافكر بهذا الشي واخذ هذا القرار الا يوم شاف البيت بدون بدر ووليد .. كانت حياته كله بيزي وازعاج بس الحين يحس بهدوء تام خلاه يتملل من هذي الحياه .. والحين اتوقع صار الوقت اللي تغير فيه الجو الممل ... وتنهد وهو يحس براحه تتخلله "

" نزل ياسر واخذ المسؤول السياره وراه ووقتها كان مبتسم بعكس الوجوه اللي نادر ماتشوفها مبتمسه مع هذي الاحوال الجويه .. ودخل ومر كالعاده من الاقسام اللي يمر عليها واول مادخل مكتبه واليوم ما اعطته السكرتيره شي معناته اليوم فاضي ... فكر وقتها انه بفتره الغدا يروح حق اخته عبير احسن وقت لانه مايبي يعطلها بعد الدوام عن زوجها .. "

" طق طق طق "

ياسر رفع عينه : تفضل " شوي وفيصل يدخل عليه "

" قام وسلم عليه وبعد السلام "

فيصل: كيف الحال
ياسر: بخير الله يسلمك بشرني عنك
فيصل ابتسم : لا الحمدالله " وفع حاجب " اشوف اليوم رايق
ياسر ضحك : كم بنعيش ياخوك
فيصل يضحك : واخيرا اقتنعت
ياسر ضحك : شخبار عبير
فيصل: الحمدالله ماعليها المهم
ياسر اعطاه اهتمامه
فيصل: مشينا
ياسر عقد حواجبه : على وين
فيصل استغرب شلون ياسر ينسى : على وين بعدعلى المصنع مو على اساس ان الخام يوصل اليوم والاجتماع بيكون بالمصنع
ياسر فتح عينه : اوووه شلون نسيت

ياسر ضحك بداخله " هذي بدايتها "

فيصل ضحك : اللي ماخذ عقلك
يياسر: الله يهديك بس كويس ذكرتني انا استغربت السكرتيره مااجابت لي شي اليوم
فيصل : انا خليتها تضبط باقي الاجتماعات لان فيه كم اجتماع مع المحامي ومع شركة المقاولات اللي راح نتعامل معها

" ياسر ضاق خلقه .. كل تخطيطاته خربت فكر نفسه فاضي وطلع كل ذا فوق راسه "

ياسر: على خير فواز وصل
فيصل : لا والله كنت ناوي امرك ونروح له سوا
ياسر: لاوين مشوار اتصل عليه وخله يسبقنا بس تعال وسلطان وينه
فيصل ناظره : وش فيك سلطان اخذ اجازه اليوم لانه بيسافر
ياسر تذكر : اووه صح يلا مشينا
فيصل ضحك : اوكي مع اني شاك انك مو طبيعي بس تفضل

" وقاموا وراحوا سوا وياسر صابته خيبة امل ماقد حس فيها "

.
.
.

" في بيت فواز "

" الساعه 11:00 "

" تقلب فواز حتى فتحت عينه شوي شوي وبس شاف النور بوجهه قام على حيله ويحس بجسمه متكسر ابد ماهنا له بال طول ماهو نايم .. نوم متقطع وبال مشغول .. بلمره ماقدر يرتاح .. قام وعلى طول راح اخذ له دش ساخن وبعز الصيف بس عشان يخفف الالم والصداع اللي يحس فيه .. وبعد ماخلص طلع وتوه يستوعب ان الحمام اللي اخذه كان ممكن يغمى عليه وماحد حوله .. قعد على السرير وسرح لفتره وبعدين اخذ جواله وشاف 3 مسد كوول من عند فيصل استغغرب وخاف ليكون فيهم شي ورجع اتصل عليه "

فيصل : بدري
فواز : اعذرني فيصل بس راحت علي نومه
فيصل: وينك فيه الكل كان ينتظرك
فواز: ليه عسى ماشر وش صاير
فيصل : لا بالله انت وياسر مدري وش صار عليكم
فواز ضحك وماه خلق : وياسر وش دخله
فيصل: بالله اليوم نسيت الاجتماع اللي في المصنع
فواز ضرب راسه : اووووه يالله شلون نسيت بس صدقني ماقدرت اجي تعبان وبالموت شلت نفسي
فيصل: اعطيتنا خبر قعدنا ننتظرك
فواز: عاد فيصل امسحها بوجهي هالمره
فيصل ضحك : طيب كيفك الحين احسن
فواز: اي الحمدالله
فيصل: يعني بتجي
فواز: لالا ماتوقع برتاح اليوم
فيصل: همم اوكي اجل ماتشوف شر
فواز: الشر مايجيك

" سكر فواز وقعد يفكر ويضبط وش راح يصير معه هالمره زعلت وراحت بيت اهلها يعني الاهل راح تتدخل هالمره ولا بالعاده محد يعرف باللي يصير بينا .. تتحمل هي الللي بغت هذا الشي وتتحمل اللي بيجيها "

.
.
.

" سلطان "

" بهذا الوقت هبطت طياره سلطان في مطار الكويت .. كان المطار هالوقت زحمه كانت حول 4 طيارات واصله بنفس الوقت .. سلطان يكره الزحمه بزياده يعني تقلب مزاجه بشكل مو طبيعي ... تأخر حيل في الجوازات .. وبعد ماخل راح واخذ شنطته وبسرعه طلع وعلى طول قام يتلفت وشوي ام شيماء تناديه ابتسم يوم شافها ضايعه في الزحمه "

ام شيماء: الف الف الحمدالله على السلامه
سلطان سلم على عمته : الله يسلمك ياعمه
ام شيماء: كيف كانت رحلتك؟
سلطان: الحمدالله خفيفه بس الزحمه في المطار هنا
ام شيماء: يلا اهم شي وصلت لنا بالسلامه يلا نمشي
سلطان ابتسم : يلا

" وسحب شنطته ومشى معها حتى ركبوا السياره كان الجو شوي رطب مافرق شي عن جو السعوديه "

ام شيماء : تو مانورت الكويت
سلطان ابتسم : بوجودكم والله.. والله ياعمه مايحتاج كلفتي على نفسك كنت مرتب مع جماعه تجي وتاخذني
ام شيماء: افا وش دعوى وش كلافة ولاشي وشوله تكلمهم وحنا هني
سلطان ابتسم : تسلمين والله من طيبك
ام شيماء : شلون هلك
سلطان : والله الحمدالله بخير ماعليهم
ام شيماء تلمح: والله ودي اتعرف عليهم بس يلا
سلطان : ان شاء الله قريب ياعمه
ام شيماء ابتسمت : أي الله يسهل عليكم... شيوم بتطير من الفرحه لم تجوفك
سلطان : والله حتى انا ودي اطير
ام شيماء تضحك : يلا كا انت في الكويت وجم خطوه وتكون عندها
سلطان ابتسم : أي والله

" سكت سلطان وهو مبسوط وبنفس الوقت متوتر .. ماعرف وش يسوي في حياته .. ابد ابد ماهي منظمه ... توتر وقلق وخوف .. مع ان شخصية سلطان من النوع اللي مايهمه أي شي .. سلطان قرر يجمع قوته من جديد وبيواجه اهله اول مايرجع السعوديه .. هذي حياته وهو حر فيها .."

" قضوا الطريق سوالف عن الكويت والسعوديه واخبارهم واول ماوصل سلطان البيت صار قلبه يدق .. نزلت ام شيماء ونزل وراها وبعدها دخل البيت وكان هجوووود مافي لاصوت ولاهمس "

ام شيماء : حياك الله البيت بيتك
سلطان ابتسم : الله يحيك

" قعد سلطان"

سلطان : وينها ؟
ام شيماء تضحك : لاتستعيل الحين بجوفها لك وبرد لك

"سلطان ابتسم وسكت "

" وشوي وجت الخدامه واعطته عصير ومويه شرب مويه وما امداه حط الكاس الا شوي وينفتح الباب وصوت ضحك شيماء وصل لعنده على طول ابتسم "

شيماء: ههههههه جسوم مع ويهك اعقل
جاسم ضحك

" سلطان عقد حواجبه .. بس سلطان طنش لانه مو من النوع اللي يغار اصلا "

شيماء اول مالفت هي وجاسم اختفت ضحكتهم

شيماء نطت وهي تصرخ : سلطااااااااااان " ركضت لعنده وحضنته"
سلطان : وحشتيني
شيماء: وانت بعد " وبعدت عنه " واخيرا ييييت ليش ماقلت لي عشان اروح واييبك
سلطان : سبرايز
شيماءضحكت : فديتك والله

" سلطان رفع راسه وشاف جاسم بنظره "

شيماء انتبهت : اووه سوري اعرفكم على بعض جاسم هذا سلطان ريلي .. سلطان هذا جاسم ولد عمي

ابتسم سلطان ابتسامه صفرا وجاسم كذلك

جاسم : خلاص اجل بخليج معاه
شيماء: اقعد تغدا معنا
جاسم : لا خذي راحتج معاه وبييج وقت ثاني
شيماء: خلاص الله معك

" شوي وتوصل ام شيماء "

ام شيماء : وين كنتي ؟
شيماء : رحت مع جاسم اختار السياره خبرج عنده خبره في السيارات
ام شيماء ابتسمت : اهاا زين مابطيتي
شيماء لفت على سلطان : واخيرا سلطان
سلطان : ماقلتي لي انك ناويه تشترين سياره
شيماء تلعثمت : همم نسيت
سلطان بنظره : اهااا اجل خليكي ناسيه
شيماء: سلطان سوووري لاتزعل والله نسيت اخر مره
سلطان : خلاص اللي صار صار

" وقعدوا شوي يسولفون وبعدين راحوا يتغدوون "

.
.
.

" في بيت بو نايف "

" الساعه 2:10 "

" كانت ام نايف قاعده تتقهوى مثل كل يوم بهذي العصريه لحالها .. الكل بدوامه وماعندها حد غير ولد نجلا فيصل ..لان نجلا تشتغل وتخلي ولدها بيت نجلاء .. "

" شوي ويدق التليفون "

ام نايف: نعم
فواز: هلا والله خالتي كيفك ياعمه ؟
ام نايف : هلا فواز هلا شخبارك يبه ... حنى بخير الله يسلمك
فواز : الحمدالله كيف عمي ونايف
ام نايف: كلهم بخير والله الله يسلمك
فواز : همم ياعمه نجود عندك
ام نايف: لا والله نجود ماجتنا اليوم
فواز : الا خالتي بس اكيد هي نايمه في غرفتها وانتي مابعد تصحين
ام نايف: والله مدري جايز بروح اشوفها وبخيلها تتصل عليك
فواز: على خير ان شاء الله

" وسكر منها "

" راحت ام نايف ونادت الخدامه تروح تشوف نجود اذا هي فعلا هنا ولالا .. واذا كانت موجوده تصحيها عشان تتغدا معها ..."

" بعد لحظات نزلت الخدامه "

الخدامه :مدام نجود مافي تبين قوم
ام نايف: لا قوميها بسها نوم الساعه ثنتين
الخدامه : اوكي مدام

" وطلعت الخدامه فوق وطقت عليها الباب ودخلت "

نجود: اوووووه برليتا وبعدين معك بتحلين عني ولا شلون
برليتا : مدام قول قوم يعني قوم
نجود: اوووه ماني قايمه " ونقزت والشر بعيونها " ماني قايمه فاهمه انقلعي برا
الخدامه طنشتها : انا مايسمع انتي مدام يقول قوم واذا مافي قوم انا جيب حق انتي مويه
نجود : تهديييد يعني
الخدامه صرخت : ايييييييييه نجود يلا قومي انا واجد شغول يعني مافي شغل الا انتي
نجود: افففففف منك

" قامت نجود وبالعمد رمت كل سريرها على الارض عشان تعبها لانها عارف ماراح تتركها الا بعد ماتطفشها .. وراحت الحمام وانتم بكرامه وراحت تتحمم وبعدها نزلت وفيوزاتها ضاربه وسلمت على امها وقعدت "

ام نايف: شخبارك
نجود: بخير
ام نايف: نحط الغدا
نجود بتذمر: يايمه توي صاحيه مافيني اكل
ام نايف: طيب مت جوع وانا انتظركم
نجود: ياربي خلاص خليهم يحطون

" ام نايف راحت وقالت لهم وبعدها راحوا وجلسوا على الطاوله شوي ويدق الجرس "

ام نايف: وصلت بسمه زين نتغدا مره وحده

" نجود تاكل بالحبه ونفسيتها مره مو اوكي "

" شوي وواحد يتحنحن "

ام نايف: مين ذا صوت رجال ؟
نجود حست انه فواز
الخدامه: مدام في رجال تبين انتا
ام نايف: مين ؟
الخدامه: زوج هاذي " وتأشر على نجود "
ام نايف: قومي لزوجك كان يبيك كان متصل عليك والحين جاي

" وقامت .. نجود ماعرفت شتسوي لو تشوفه الحين عادي تضربه وقعدت مكانها تبي تعرف وش يقول وسمعته يسلم على امها وامها طلبت منه يقعد "

فواز : لاياعمه والله مستعجل باخذ نجود وراجع
ام نايف: نجود تتغدا بس تخلص غداها وتروح معك تفضل اقعد
نجود قامت : لا لايتعب نفسه ويضيع وقت لان روحه معه ماني رايحه
ام نايف فتحت عيونها

" ونجود رجعت تركض غرفتها "

ام نايف تفشلت حدها
فواز فهم موقف امها : خلاص عمتي الظاهر نجود اعصابها متوتره خلاص بس ترتاح انا جاي اخذها على المغرب اوكي
ام نايف بنظره شك بعد ماشافت وجه فواز صاير اسود : فواز صاير بينكم شي
فواز باس راس عمته : خلاف بسيط ومايستاهل ونجود شوي دلوعه ماعلييش شوي وتلين لاتحاتين
ام نايف ابتسمت : الله يسهل عليكم خلاص الله معك


" قام هالكلمتين وطلع وهو معصب وركب سيارته ولا عرف وين يروح يحس انه فاضي "

فواز " يعني يانجود ... انتي جنيتي على نفسك .. حابه انه اهلك يعرفون سواياك ... طايب واان ماعندي مانع ولاصرت استحمل حتى "

" فكر فواز وين يروح وتذكر سلطان .. وتذكر على طول انه متهاوش معه وضاقت عليه الدنيا بالقوه كل شي مقفل بوجهه .. وحس انه مو متحمل أي شي .. ترك موضوع نجود على جنب ورجع على سالفته مع سلطان .."

فواز " سلطان الحين بالكويت .. وش صار معه .. وش ناوي يسوي ..."

" فواز لااان قلبه على سلطان عارف انه محتار الحين وضايع بس غرروره ماراح يخليه يعتذر من فواز .. وفواز نفسيته اصلا مو اوكي ولكن بنفس الوقت يبي يعرف وش بيسوي مع اهله .. وانشغل على تفكيره وحس انه مشتت وحرك سيارته وراح عند اهله "

.
.
.

" في المستشفى "

" وقتها كان دوام نايف خلص .. ضبط اغراضه وملفاته وبعدها طلع .. اول ماطلع من باب المستشفى كانت اديم توها نازله من سيارتها واول مانتبه عليها نايف ماعرف يكلمها ولالا ولا كان عارف اذا هي جايه عن نتيجه التحاليل ولا جايه عشان شي ثاني .. بس اول مابتسمت له اديم لاشعوري تحرك عندها "

نايف: اديم
اديم : هلا نايف
نايف: كيفك ؟
اديم بخجل نزلت راسها : الحمدالله
نايف: سلامات جايه عشان نتايج التحاليل ولا عندك شي ثاني
اديم ماحبت تقوله فاضطرت تكذب عليه : لا جايه ازور وحده من صديقاتي
نايف ابتسم : اها الحمدالله على سلامتها محتاجه شي
اديم : لاشكرا نايف

" نايف ابتسم وهز راسه ومشى عنها .. اديم لفت وناظرته وبعد مابعد عنها دخلت داخل ومن ملامحه عرفت انه لسا مايعرف شي عن النتايج ولا كان قال لها وهي ترجف .. اليوم كان عندها موعد مع الدكتور واكيد النتايج طلعت ..بعد ماسجلت خمس دقايق وناداها الدكتور وبعدها على طول دخلت "

اديم : السلام عليكم
الدكتور : وعليكم السلام تفضلي
اديم : هاه دكتور عسى وصلت النتايج " نزلت راسها " من يوم قلت لي انها تأخرت اسبوع وانا على اعصابي دكتور انا فيني شي
الدكتور : ريحي اعصابك اديم التحاليل كلها طلعت نيقاتيف " سلبيه " حنا كنا شاكين بالكبد الوبائي بس التحاليل بينت عكس ذلك يعني الحين ارتاحي وهذي الاعراض قد تكون من ارهاق او من سوء تغذيه
اديم ارتخت اعصابها : ااه شكرا دكتور طمنتني الله يطمنك
الدكتور: لاا الحمدالله بس انا راح اعطيك دوا عشان كل ماجاك الم بكبدك تاخذينه يهدي شوي منها
اديم ارتاحت: ااوكي شكرا دكتور
الدكتور: العفوو ولو هذا واجبنا

" بعد ماصرف الدوا طلعت اديم وهي مبسووطه واخيرا مافيها شي طول الفتره عايشه بدوامه ..."

اديم " معقوله نايف يدري ولاقال لي ولا هو نسى الموضوع اصلا افف خلني اروح اصرف الدوا قبل "

" راحت صرفت الدوا وبعدها كلمت اديم تبي تطمنها بس ماحد رد عليها ومن كثر ماهي مبسوطه مو عارفه لمين تقول لو تقول حق امها تذبحها "

.
.
.


" في الكويت "

" بعد الغدا قعدت شيماء تسولف مع سلطان الا شوي يدخلون اخوانها "

لولوه : ضرووي انجب احسن لك
ضاري: انا جم مره قلت لج لاترفعين صوتج
لولوه: ويييييه بقول عليك امي تأدبك

سلطان ضحك

شيماء: ضروي لولو عيب شوفوا مين يانا
لولوه ركضت : عموو سلطان

" سلطان فتح يدينه وضمها لعنده"

لولوه: عمو انت من زمان مايتنا
سلطان ابتسم: هذاني جيت
لولوه: انت ماتيينا واييد
سلطان : خلاص هالمره ماني تاركم
لولوه: صج
سلطان ابتسم : ان شاء الله
شيماء ضحكت : ضاري تعال سلم على خالك سلطان

"ضاري جا سلم عليه وباين ماله خلقه"

ضاري قعد بقوه : يلا حطو الغدا يوعاااان
شيماء: يلا حبيبي قوم بدل ملابسك وخل جيني تحط غداكم لان حنا تغدينا
ضاري: ياسلام تتغدون وتخلونا من متى هاه

سلطان فتح عينه

شيماء تفشلت : عمو سلطان عندنا عيب توه راجع من السفر لاتصدع براسه قوم اذلف تغدا وبدل ملابسك
ضاري وقف : انا ماعندي الا عم واحد وبعدين بتغدا بملابسي كيفي هئ " ومشى"

سلطان " وش ذا الولد المو متربي "

شيماء : سلطان سوري اكيد مايقصد هو بس اكيد متخانق ويا ربعه
سلطان : لاعادي
لولوه: لا هو جذي لسانه وصخ
سلطان ضحك: طيب يلا قلبو روحي غيري ملابسك وتغدي

لولوه هزت راسها وقامت

" وطلعوا يغيرون ملابسهم وقعدت شيماء تسولف مع سلطان شوي ويسمعون هوشه فوق "

سلطان : شصاير ؟
شيماء : ها اكيد ضروي يتخانق مع لولو
سلطان : هو دايم كذا
شيماء: يعني حسب مزاجه
سلطان : اهاا

" سلطان ابد ماعجبه معامله ضاري معه "

" بعد ماتغدوا جا ضاري على التلفزيون ولولوه قاعده على الكنبه "

سلطان : شيوم قومي افتحي شنطتي وطلعي الالعاب حق ضاري ولولوه
شيماء انبسطت: لاحبيبي تعب عليك خلهم بعدين
سلطان : خلهم ينبسطون
شيماء : على راحتك

" راحت شيماء وجابت الشنطه وفتحتها وكانت فيها هدايا كثيره "

سلطان : طلعي كل هذي الاكياس

" شيماء طلعتها وقلبها مو شايلها تبي تعرف وش جاب لها اكيد ماراح يخليها "
" مسك سلطان الكيس اللي طلعته وناداهم اول شي طلع هدية ضاري لانها كبيره "

سلطان : ضاري تعال شوي

لولوه ابتسمت وقربت من عنده حتى هي تبي تشوف "

ضاري لف عليه

سلطان : جبت لك اكس بوكس
ضاري نقز : صججججججج ياهوووو رفيجي سلوم اليوم يقول ان ابوه بيييب له
سلطان ابتسم : وهذا هو صار عندك قبل صديقك
ضاري: شكراا سلطان يس يس يسس " وقعد يناقز "
لولوه: جفت ان خالو سلطان طيّب

" وطلعت شيماء هدية لولوه كانت العاب بزران جمعها وحطها له وطول فتحتها لولوه بنفس الوقت وقعدت تشوفها حتى ضاري "

ضاريي للولوه : صج قالتها امي انه خالو سلطان عنده خير وفلوس وايييد وهب مقصر علينااا

" سلطان انصــدم وشيماء انصــدمت ولولوه وضاري مانتبهوا "

لولوه : لامب جذي قالت قالت انه بيعيشنا في خيرا واااااااااايد

سلطان " معقوله يستغلوني "

شيماء عصبت : هي بس انت واياها وش هالحجي اللي تخربطونه اشوف كل واحد ياخذ اغراضه وينذلف غرفته

ضاري: اوووهوو روحي مناااك " طنشها وراح يبغى يركب الاكس بوكس على التلفزيون "

لولوه: انا بروح اودي الالعاب غرفتي

شيماء لفت على سلطان : سلطان سوري اخواني مو قصدهم ولايفهمون شي اللي صار بس

سلطان سكت : خلاص شيماء شيلي الاغراض وسكري الشنكه لاني بروح الفندق اريح شوي وبجيكم بالليل

شيماء: سلطان انت مافهمت شي
سلطان بنظره هزتها : مافي شي يبغى له فهم .. " ووقف ." ولا تدرين خذي الاغراض وخلي ملابسي بجي باليل وباخذهم " ومشى "
شيماء: سلطان وين بتروح

" قامت ولحقته ولكنه مشى عنها وراح على الشارع العام واخذ له تاكسي وراح فيه الفندق اللي كان ناوي يسكن فيه "

شيماء : اوووه زين جذي

ام شيماء جات يوم سمعت الهواش : شصاير
شيماء بعصبيه : اسألي عيالج هالملاقيف كل شي ينقلونه

" وقالت لها باللي صار "

ام شيماء شهقت : من صجج حسبي الله ونعم الوكيل بيفضحونا في الريال زين جان مسكتيه قلتي له ذول يهال مايفهون
شيماء: قلت له قلت له بس هو راح ان لله شسوي الحين بالله صج بطيح من عينه بتقول ذي طمعانه فيه

" ام شيماء راحت لعند ضاري وهاوشته وبعدها قعدوا يفكرون وشلون يحلون هذي المشكله "


.
.
.

" في امريكا "

" بدر حس بصوتها تعبان او صاير فيهم شي .. قلبه نغزه ... بدر طول الليل وغروره مانعه انه يكلمها ولكن مافهم وش اللي صار بالضبط ومستحيل يخليها تروح كذا بدون سابق انذار .. يعرفها مغروره ودلوعه واللي براسها بتسويه ويعرفها متسرعه عشان كذا هو راح يتحمل كل شي .. كان عارف ان الغرور ماراح يوصلهم لنتيجه الا انهم يتركون بعض وبعدها يندمون طول حياتهم وهو ماكان يبغى هذا الشي يصير عشان كذا تنازل عن غروره هو.. وماكان يقدر غير انه يكلمها ويوم كلمها عرف انها تعبانه صوتها كله تعب "

بدر " انا اعرفك ياسهر تحبيني لو ماتحبيني ماكان مرضتي ياقلبي عليك وش صار عليك ... بس انتي السبب في كل اللي صار ولا فجأه اعتفستي علي .. "

" بدر كان عارف مستحيل يعيش بدون سهر وعشان كذا بيتنازل بأي شي عشانها "

" بعد ماسكر منها جلس ينتظرها وينتظرها وهي لسا مادخلت "

.
.
.

" في نفس الوقت "

" في باريس"

" في هذا الوقت كانوا لسا منصور وغزل مابعد يطلعون ... ووقتها منصور كان ياخذ له دش وغزل بالصاله تكلم صديقتها "

غزل : والله للحين مدري بكلمه وبشوف
منيره: خلاص عطيني خبر عشان اروح واسوي اوراقك معي
غزل: مدري والله بس مالي خلق اتأخر سنه
منيره: طيب ليش ماترجعين وهو كل مافضى يجيك
غزل: الظاهر كذا .. بس والله مدري
منيره: طيب لو رفض
غزل: والله مدري وش بسوي بس اذا رفض بستنى وش اسوي بعد تبين امي تذبحني مخليه زوجك وانتي توك معرسه اف ماني ناقصه
منيره : يالله الله يعينك

" شوي وطلع منصور "

غزل صلحت جلستها : خلاص منوري بعدين اكلمك
منيره : خلاص انتظرك

" منصور وجا وجلس بالكنبه اللي جنبها وغزل وقتها كان خلقها ضايق على دراستها "

منصور: يالله قومي البسي
غزل بدون ماتلف عليه: لا مالي خلق اطلع اليوم
منصور: ليه وش فيك
غزل لفت عليه : منصور مشروعك متى يخلص
منصور تخربط : ماعرف حول 8 شهور
غزل تنرفزت : مش اول قلت 6 شهور
منصور تدارك الموقف وبصوت قوي: وحد يدري عن الظروف اللي يمر فيها المشروع بس حنا حطينا فتره افتراضيه وبعدين ليش وش يفرق 8 ولا 6
غزل: منصور انا وراي دراسه
منصور: المفروض تسوين وقف قيد على طول لاني صراحه مادري متى ينتهي مشروعي
غزل : اففف منصور انا ابي ارجع
منصور فتح عيونه : نعم
غزل : والله ماتخيل اقعد 8 شهور هنا لحالي هذي الايام بالموت مرت علي
منصور: وانا بالله مو عاجبك
غزل تنرفزت : اففففف انا ماقلت كذا كل شي تفسره على كيفك ...وبعدين انت بتلتهي بمشروعك اللي مدري من وين طلع لي " وقامت الغرفه "

منصور : ان للله كل ماقلنا خلاص طاح اللي براسها قام يزيد اففف والله نشبة العالمين

" قعد منصور يفكر وش يسوي ... اصلا مشروعه شهر واحد وشي ... وهو يبغى يمدد ويقعد هنا معها برا ..على الاقل بس عشان يتفاهمون وبعدين يرجعون .. وقعد يفكر بدراسه غزل .. مايعرف وش بيسوي لمن تعرف انه نصب عليها .. "

" منصور ماتحرك مكانه وسرح بأفكاره وحياته اللي بداها مع غزل وهل اللي سواه صحيح ولا استعجل زياده غن اللزوم "

" اليوم اخر يوم لهم ومن بكرا بيروحون فيينا .."

" غزل دخلت غرفتها وقعدت تبكي لاشعوري مو متحمله تعيش برا فتره اطول من كذا ومع منصور كل يوم له مود ولاتحس انها تعرف شي عنه وتحس انها مستحيل تفهمه .. ماتعرف ليش دايم تحس انها يستهزء فيها وينزل من قيمتها ... ومع انها كانت ماتتوقع انها بيوم راح تكون معه .. صحيح جاتها فكره تحب تعرف عن اخباره ووش يقول عنها و ماتنكر انها كانت تميل له بس تحس في شي ناقص .. بدت تسترجع اللي الاحداث اللي صارت لها في هذي الفتره من خطبها منصور .. حست بان الايام تركض وكل شي صار وهي مغمضه .. اهلها يوم وافقوا لمنصور اعتبروه انه واحد من العيله ولا يحتاج انهم يطولون في السالفه ... اهلها ماكانوا يدرون ان في شي بينهم او مجرد حطوا احتمال عدا غزل .. البنات تعودوا يقولون لبعض كل شي بس غزل مابينت الا انها تكرهه والكل انصدم يوم وافقت ... واللي صدمها طريقة موافقتها .. حست كلمة لا ماهي قادرة تطلع من فمها .. غزل لها كلمتها في البيت بس وقت الموافقه كل قوتها تلاشت .. حست ان الكلمه اللي قالتها اختها منار هي اللي تبيها بس مو طالعه منها والاهل فسروها خجل ومع كذا ارسلوا لها فواز وهي هزت راسها بس كا كلمه ماقدرت تطلعها .. حست ان ممكن يصير شي اعظم لو ترفض منصور .. حست ان منصور مستحيل يتركها بحالها .. وحست انها حياتها معه اشبه بالمغامرات .. صحيح تحس بالوناسه احيانا معه ولكن لسا مو متفاهمين .. بعكس اللي تسمع الزواج مايمشي الا بالتفاهم وهذا الكلام .. كانت تحس انها تعيش حياه غير اللي حلمت فيها واللي كانت تتمناه .. "

.
.
.

" الساعه 6:00 المغرب "

" في بيت بو نايف "

" هالوقت كان نايف وبسمه قاعدين يسولفون وبونايف توه طالع فوق غرفته .. شوي ونزلت نجود "

نايف ابتسم حق اخته : ياني فديت هالوجه تعالي عندي تعالي
نجود ابتسمت وراحت عند اخوها وجلست جنبه باسها على راسها وضمها قريب من عنده : ليه الحلو زعلان افاا بس
نجود ابتسمت ابتسامه صفرا : ..
بسمه : لازعلانه ولاشي بس تدلع مو صح نجود
نجود تنهدت وهي مالها خلق تتكلم
ام نايف : طيب قولي لنا وش صار بينك وبينه يانجود
نجود: ماما مو حابه اتكلم لو سمحتي
ام نايف: يعني متى بتقولين
نايف: يمه خليها على راحتها هذا حنا جنبها بس تحس انها بتتكلم بتلقانا كلنا نسمعها

" شوي والكل سكت وشوي بدق الجرس رقع قلب نجود "

نجود قامت من على نايف: اذا فواز قولوا له ماني براجعه معه
الكل سكت
نايف: حبيبتي مايصير هذا زوجك
نجود : نايف لو سمحت
نايف: يعني حبيبتي بتنامين برا بيتك
نجود: هذا بيتي " وقامت " قولوا له نجود ماتبي تشوف رقعه وجهك

بسمه انصدمت وش صاير

"نايف قام ومسكها قبل لاتهرب وتقفل الباب عليها مثل ماقفلت عليها طول اليوم"

نايف: طيب طيب خلاص انا بروح اقلطه بالمجلس وانتي خليك هنا فاهمه
الخدامه : بابا فواز مدام
نايف: خلاص انا بروح اشوفه " وجا بيمشي "
نجود مسكت يد نايف : نايف ماراح تغصبني اروح معه صح
نايف ابتسم وقرص خدها : وانا اقدر اقول لا لغلاتي
نجود ابتسمت

" وبعدها طلع نايف حق فواز وبعدها قلطه في المجلس "

نايف: حيالله النسيب
فواز ابتسم : الله يحيك .. شخبارك عساك بخير
نايف: الحمدالله بشرنا عنك
فواز ابتسم : عايشين والله شخبار عمتي وعمي ؟؟
نايف: الحمدالله والله الحين بتجي امي
فواز : وعمي وينه
نايف : والله طلع غرفته
فواز: اهااا

" شوي وسكتوا "

فواز تحنحن : نجود صاحيه
نايف سكت وشوي : أي توها صحت .. سوري فواز ماودي اتدخل بينكم بس نجود من امس وهي تكلمني بالليل سكرت بوجهي واليوم جتنا ونفسيتها زفت مو راضيه تكلم حد او تشوف حد

فواز انصدم

فواز " نجود كانت تكلم نايف "

نايف استغرب: فواز انت معي
فواز انتبه وبسرعه : لالا سوء تفاهم بسيط والحين جايه ابي اخذها ونتفاهم في البيت وبراحه
نايف نزل راسه : نجود قالت لي قبل لاجيك ان ماودها تروح معك اليوم خلها اليوم هنا عشان ترتاح وبكرا ان شاء الله تاخذها وتتفاهمون
فواز بعد ماعرف اللي صار مستحيل يخليها : نايف اسمح لي ماقدر اخليها هنا
نايف : ادري انها صعبه بس نجود مره متضايقه وانا اعرف اذا هي متضايقه او معصبه بترمي عليك كلام خلها هنا تتمالك نفسها قبل لا يتطور الموضوع اكثر
فواز : على الاقل اذا بتنام خلني اكلمها شوي

" شوي ودخلت ام نايف ونايف راح يشوف نجود "

" بعد ماسلم عليها وقعد معها يشوف احوالهم "

ام نايف : فواز وش اللي صار عشان نجود تسوي فيك كذا
فواز : ياعمه لاتحاتين سوء تفاهم بسيط وهذا شي طبيعي بس نجود تدلع شوي " وابتسم "
ام نايف: اتمنى بس نجود حالها مايطمن ابد
فواز : لاتخافين كل شي بينحل
ام نايف : ان شاء الله

" وقعدوا يسولفون سوالف بسيطه "

" في الصاله "

نايف : نجود اسمعي حبيبتي على الاقل قولي له بنام بيت اهلي وهو مو رافض بس قال لي خلها تقول لي بلسانها لايفكر ان حنا غصبناك تقعدين هنا

نجود : نايف مابي اشوف وجهه

"نايف عرف ان السالفه اكبر من سوء تفاهم بس قال الحين يهدي وبعدين يعرف كل شي"

نايف: ماعليش تحملي عشاني بس

نجود : ليش مو راضين تفهموني ياربي
نايف: عشاني نجود بس قولي له مابي اروح معك وبعدين بيروح ماهو غاصبك صدقيني
نجود : اففف طيب

" وقامت نجود وراحت المجلس "

بسمه : نايف وش تتوقع بينهم
نايف: بنعرف لاتستعجلين نجود مازعلت نجود وجات هنا الا وشوفي وش صاير بس حنا بننتظر عادة اول يوم من الخصام الواحد صعب يتفاهم بكرا الكل بيهدا وبنعرف وش صاير
بسمه : الله يستر نجود لسانها طويل
نايف: بس مهما كان مستحيل تطاول على زوجها
بسمه بصوت واطي : مااستبعدها عليها

" في المجلس "

" اول مادخلت نجود رفع فواز عينه ووقف وام نايف على طول قامت "

نجود: ماما خليك
ام نايف: لا يمه ماقدر بروح احط عشا ابوك
نجود تأففت بداخلها

" وبعد ماسكرت الباب وراها .. جت نجود وقعدت بالكنبه اللي جنب الباب "

نجود : فواز انا ببات عند اهلي اليوم
فواز قرب من عندها ونجود لمت نفسها عشان لايمسها

فواز : نجود خلينا نروح البيت ونتفاهم هناك بدون ازعاج لغيرنا
نجود رفعت عينها : فواز انسى انا ماطلعت عشان ارجع لك
فواز رفع حاجب : نعم ...!!
نجود : فواز انا مليت منك تفهم
فواز بلع كلامها : طيب خلينا نروح البيت
نجود : رجعه ماني راجعه خلني بروحي لو سمحت " وجت بتقوم "

فواز مسكها من يدها : مابعد اخلص كلامي
نجود تأففت ورجعت : خلاص اصلا مابينا كلام تبي تقول شي قوله لابوي وامي انا ماعاد لي كلام معك
فواز : يعني انتي حابه اهلك يعرفون باللي صار
نجود : يعرف مين مايعرف ماعدت اهتم .. خلهم يعرفون اني عايشه مع واحد بدوي متخلف
فواز غمض عيونه : نجود على الاقل خلي بينا احترام
نجود : طيب قل وش تي مني
فواز وقف وهو معصب : الظاهر نتفاهم بكرا ارحم من اني اسمع كلام يسم البدن عن اذنك

" وطلع بسرعه قبل لايسمع كلمه تطلعه من طوره "

نجود " اففففف ياربي وش اسوي معه ذا الانسان ماطيقه ماطيقه شلون حبيته مدري افففففف يرفع الضغط "

" بعدين دخلت داخل وهي متنرفزه "

نايف: راح
نجود : ايه
بسمه : نجود تزلين معي المرسم
نجود : لاوالله مالي خلق
بسمه : بنغير جو
نجود : بالرسم
بسمه تضحك : لسا متهزئه بالرسم ترى والله راحه نفسيه
نجود: لالا والله مالي خلق
نايف: طيب وش رايك لو نطلع نتعشى
نجود ابتسمت : والله مالي خلق اكل
بسمه : جووج اشوفك صرتي مراهقه
نجود تضحك : والله مالي خلق
نايف: افا تردين طلبي
نجود : نيووف ماعليش حبيبي بكرا نطلع وش رايك
نايف : خلاص اوكي بس بكرا بنطلع
نجود ابتسمت : اوكي " وجت بتكمل طريقها "
نايف : على وين
نجود : بطلع ارتاح
بسمه : هو توك نازله
نجود : ماعرف جسمي لسا متكسر
نايف: اقعدي معنا نجود لو شوي كل يوم انتي بتنامين عندنا
نجود ماكان لها خلق بس اضطرت تقعد: ياليت خلاص بقعد

" وقعدت وهم قعدوا يسولفون عليها وهي تجامل "

.
.
.

" في بيت بو محمد "

سهر تتأفف : ممكن خلاص ماتتكلمون عن عماتي
ام محمد : وحنا وش قلنا
سهر: خلاص بسكم حش تطفشون الواحد..اذا اجتمعتوا تسولفون وتضحكون وماكأنه فيه شي وفي البيت تحشون وكأنكم اعداء ماكنكم اهل اففففففف

" وطلعت فوووق "

ام محمد: هي ماترضى الا عماتها
ام فيصل: مثل عيالي
ام محمد : صحيح عماتهم يحبونهم بس مهما يسون تحسينهم مايصفون للواحد
ام فيصل : يلا الله يعين وذولا اهلهم بعد

" طلعت سهر وهي قرفانه من سوالف امها مع اختها .. ماتحب سوالفهم .. حست ان راسها مصدع .. ومالها خلق أي شي .. حطت يدها على راسها وانسدحت وهي تتأفف من التعب .. وتقلبت وتقلبت حتى نكش شعرها وشفط قامت على حيلها وهي تتأفف "

سهر: ياللللللللللللللللله

" ورجعت مره ثانيه وشوي وغفت "


" على الساعه 9:00 "

" قامت وراسها بجد مصدع وعلى طول ماتحملت ورجعت تنسدح شوي وموبايلها يدق ماتحملت النغمه وبسرعه ردت وصوتها تعبان وكله نوم "

سهر: الوووو

" كانت تسمع صدى صوتها "

سهر بتعب : الووووو
الطرف الثاني : سهر
سهر اول ماسمعت الصوت قامت من جديد وبسرعه وعلى طول حست ان راسها رجع عليها: ااه مين بدر
بدر: سهر فيك شي ؟؟
سهر: لالا " ورجعت عادتها " لالالا
بدر: سهر ابي اكلمك
سهر سكتت ماكانت عارف وش تقول : مو الحين
بدر: متى اجل مو كافي صاكتني بلوك
سهر حطت يدها على جبهتها : بدر خلاص خلاص بدخل باليل وبكلمك
بدر استغرب: ليش الحين كم عندكم
سهر تأففت مو ناقصه بدر يزيدها عليها : مدري مدري كم خلاص انتظرني " وسكرت الخط ورجعت انسدحت وعلى طول نامت "

.
.
.

" الساعه 9:30 "

" الكويت "

" سلطان من طلع عنهم كان خلقه ضايق .. لاشعوري عصب معقوله كان يستغلونه وهو مو داري او انه كلام اطفال او هو بالفعل قالوه ولكن بحسن نيه .... تعكر مزاج سلطان .. ومن طلع من عندهم راح الفندق ودخل غرفته ونام ولا حس بنفسه الا تو ... اول ماقام وشاف الساعه تعكر مزاجه .. واول ماصحى اخذ له دش عشان يصحصح .. "

" بعد ماخلص دش "

سلطان يمسح وجهه وشعره ورقبته بالمنشفه : وش بتسوي ياسلطان الحين ..

" مسك جواله وشاف 11 مسد كوول من شيماء .. تنهد ولاعرف وش يسوي .. بس اللي عرفه انه مو جاي هنا عشان يضيع وقت يبي ينتهي من هذي المهمه بسرعه .. قام ودق عليها "

" شيماء اول ماشافت الكوول على طول نقزت وردت "

شيمماء : سلطاااان وينك؟
سلطان بدون نفس : هلا شيماء
شمياء: سلطنا وينك كنت احاتيك
سلطان : كنت نايم
شيماء: مش ياينا في العشا
سلطان : لا واحد من ربعي هنا عازمني العشا
شيماء بزعل: يعني شلوون انت ياي لي ولا عشان ربعك
سلطان تنرفز : بقعد اليوم معه حتى هو زمان ماشفته وبكرا بجي اشوفك
شيماء حست بصوتها بيختنق : طيب عى راحتك بس بغيت اتطمن عليك
سلطان : شكرا باي

" وسكرا "

سلطان " الظاهر مافي الا كذا حتى تعرف مع مين هي عايشه .."

" سلطان نصب عليها هو لاعنده ربع هنا ولا شي بس ماكان يبي يروح لهم .. قال بيفكر اليوم وش ناوي يسوي لان المشكله لو طولت بتكبر اكثر "

" شوي ويوصله صوت مسج "

" سلطان انا اسفه بس انت فهمت السالفه غلط
وانت اتهمتني .. وش قصدك يعني انا قاعده اسرقك ولاطمعانه فيك
انا يوم اني حبيتك تدري حبيتك قبل لااعرف انت ايش ووش عندك
انت ظلمتني .. على العموم شو اللي يريحك "

سلطان انصدم " معقوله انا فهمت السالفه غلط ... معقوله شيماء مو قصدها .. لاحووول .. بس من جد شيماء حبتني قبل لا تعرف اسم ابوي حتى .. مافي الا ادق عليها "

" دق عليها وشيماء على طول ردت وصوتها حزين "

سلطان : شيماء
شيماء: نعم
سلطان : انا ماظلمت حد
شيماء: متى حسيت انت بغلطك ياسلطان
سلطان عقد حواجبه : نعم .. وش قصدك
شيماء: سلطان انت رحت وعصبت ولاتعرف شنو صاير .. يوم امي تقول جذي كانت تحاول تقنع اخواني ان في عندهم رجال بيدير باله عليهم بعد ابوي وان ماكو شي راح يتغير عليهم قالت لهم حتى خالكم سلطان ماهو مقصر عليكم بصير مثل ابوكم ... هذا جزاتها انها تبي تحببك فيهم ولايحسون بالفرق ان ابوهم راح .. ولا انت ماتبي ذجي

" سلطان عوره قلبه بععد ماسمعها تقول كذا "

سلطان : خلاص ياشيماء لاتعورين قلبي مو قصدي انا

" شيماء قررت ترضى لان عارفه سلطان مستحيل يتأسف منها او لغيرها فقررت انها ماتكبر الموضوع "

شيماء: لاحبيبي انا بس حبيت اوضح لك مابي يروح فكرك بعيد
سلطان ابتسم : لا بس انا ردة فعلي كانت مو بمحلها خبرك الطيران ينرفز الواحد
شيماء: يعني انتا مو زعلان
سلطان ابتسم : لا
شمياء تضحك : ياااااااي والله اني خفت انك تروح وانت زعلان مني
سلطان: وانا اقدر .. شيوم شخبار ولدي
شيماء استغربت : ولدك ..!!
سلطان ضحك : ليه انتي نسيتي انك حامل
شيماء تضحك واستوعبت : لااا وهذا شي ينسي بس قلت من وين لنا ولد ههههههههه لا بس توه صغير ماحس فيه .. المهم بتجينا على العشا
سلطان : بكرا اجل بجي واسلم عليه
شيماء : خلاص اجل تامر على شي
سلطان : سلامتك مع السلامه

" وسكروا "

" سلطان مستحيل يتراجع عن اللي قاله عشان كذا قرر يتعشى لحاله اليوم في الاوتيل وبكرا يروح يشوفهم .. وبعدين نسى موضوع شيماء وقعد يفكر بموضوع اهله وتقبلهم بالموضوع "

" سلطان قعد يقارن نفسه بين الثلاثه اللي تزوجوا بعايلتهم وشلون فرحتهم كانت مكتمله .. وش معنى هو اللي راح ينحرم منها ... "

سلطان " لا ياسلطان .. كلن اخذ اللي يبيه ولا حد تكلم .. وش معنى انا لا .. خلاص بروح اقول حق ابوي واذا ابوي يبي يسوي زواج لي نسوي مره ثانيه .. "

" سلطان توقع ان هذا الموضوع بفتره وبتعدي وبلاخير اهله بيرضون .. وقتنع بهذي الفكره واظنه بيمشي على اساها "

.
.
.

" في بيت بو فيصل "

وصايف: وااااااه كيوووووووت ديوم ياتبن من وراي
اديم تضحك : شوفي انتي لاتقعدين تفسرين كل شي بكيفك بس انا حسيت
وصايف: اما انتي حماس قالوها ماتحت السواهي الا الدواهي
اديم ضربتها : ياحماره وش مسويه انا كل شي صار بعفويه
وصايف تضحك : عينك بعيني
اديم تضحك وخبت وجهها
وصايف: اي هذي الحياه حنا ولا واحد بالعايله اخذ عن حب كل واحد حزر وفزر وخذ اللي تبي ماعندنا يعيشون قصه قبل لاياخذون زواجهم امحق
اديم تضحك : وصايف خلاص ترى بندم اني قلت لك
وصايف: بس لاتدرين نايف يناسبك نفس الشخصيه هادين ومالكم شغل بحد وتراه وسيم
اديم : اي مره
وصايف تضحك : لا الاخت رايحه في خرايط امها
اديم ضحكت
وصايف: طيب قولي وش صار بعد
اديم : بس هذا اللي صار
وصايف: اااخ تحمست
اديم : طيب انتي ماقدر فكرتي بحد معين او جذبك حد
وصايف: ماعرف يعني في كيوت وحلوين بس ماعرف مابعد احس ان في واحد ان هذا اللي ابيه وبموت اذا ماخذته
اديم : اهاا انا صراحه مو لدرجه بموت اذا ما ااخذته بس يعني
وصايف تبتسم : كله يجي بعدين لاتستعجلين " وتغمز "
اديم : ههههههههه

" شوي وتدخل جنى "

جنى : وش يضحكم
وصايف: ياشين اللقافه
جنى تناظرها بنظره : على بالك تخرجتي يعني كبرتي اسكتي بسس
اديم تبتسم لجنى : خلصتي مذاكره
وصايف تضحك : أي اكييد
جنى تناظرها : انثبري انتي " ولفت على اديم " لا لسا باقي لي المهم تبون نطلب
وصايف: وشو نطلب نتعشى من الحين
جنى: لامو الحين بس ناكل معجنات
اديم تضحك : والله ماتنتهي الاختبارات الا انتي منفجره
جنى : ياربيه ليه انتوا ماتحمسون
اديم تضحك : انا ماودي بروح حق عبير الحين
وصايف: وانا بعد
جنى: يووووووه سخيفات
وصايف: لا شوفي اطلبي لنا كلنا وناكله في بيت فيصل
اديم: أي والله فكره حلوه
جنى : زييين
وصايف تأشر لاديم: يلاقومي
اديم : نروح بالبجايم
وصايف عفست وجهها : وه يازينك واللله مين بنشوف غير عبير وفيصل اخونا
اديم : احراج
جنى تناظر اديم : ياااي اقول بس
اديم ضحكت : طيب يلا قومي

" وقاموا وراحوا لهم وجنى راحت تطلب لهم "

" اول مادخلوا بعد مادقوا الباب "

" كانوا عبير وفيصل قاعدين على التلفزيون وفيصل منسدح على رجل عبير اول ما الباب دق وسمع فيصل الاصوات قام وصلح جلسته اما عبير وقفت لهم "

عبير: حيالله من جانا وش الطاري
وصايف ابتسمت واديم بعد : الله يحيك

" بعد ماسلموا وقعدوا شوي "

فيصل : شخباركم .. يووه زمان ماقعدت معكم
عبير: يا انت في الدوام او هم في الدوام وباليل يالله يجونا
اديم تضحك : شنسوي قربت الامتحانات
فيصل : تقنعيني انك تدرسين
اديم تضحك : اي طبعا
فيصل ابتسم : اهاا وصايف بعد تدرس
عبير تضحك : لا وصايف اان شبعت منها
وصايف ضحكت: شفت شفت زوجت هي تتحرش مو انا وبعدين تعالي حتى انتي عطاليه مثلي
عبير تضحك وفيصل مبتسم وفاتح عينه
فيصل : هي هي شوي شوي على زوجتي تراها رقيقه
وصايف فقعت ضحك : اي هيييين بلاك ماتدري بها بس يالله توكم متزوجين بعدها ماورتك دفاشتها

عبير ضحكت

" اديم تسمع وساكته حست ان عيب تقول عليها كذا جنب زوجها "

اديم تهمس لها : عيب
عبير تضحك : فيصل ماعليك منها تصدق فييني
وصايف تضحك : يمه منكم يالحريييم وه
فيصل ضحك : الا تعالوا جنو وينها
اديم تضحك : مسكينه جاعت وجت تبي حد يطلب معها وقلنا بنجي هنا وقالت بتطلب وبتجيبه هنا
فيصل: عشا لا تعالوا تعشوا معنا عبير طابخه اكله فظيعه
وصايف تضحك : لا مو عشا خفايف معجنات
فيصل يضحك : ليش المعجنات صارت خفايف وانا اقول هالخير اللي فيها من وين

" ضحكوا عليها "

اديم : حرام مسكينه هي ماتقدر تدرس وهي جوعانه من النوع اللي ياكل ويدرس
عبير ضحكت : بس لا يمديها تنحف توها صغيره انا قبل كنت مثلها
فيصل يضحك : اي من جد عبير كانت من غزوزها ماتنشاف عيونها
اديم ضحكت

عبير بدلع : فيصـــــــــــل

فيصل ضحك

وصايف: ليه انت شايفها من اول
فيصل : هاها ضحكتيني وهي متى غطت عني الا تو
وصايف بذكاء : اهااا يعني انت حاط عينك عليها من اول

فيصل وعبير ضحكوا

"وصايف ضحكت وفهمت واديم مافهمت اصلا ولا تخيلت "

وصايف: اخسسسس والله طلعتوا
عبير تبرر موقفها : ماعليك منه هو شكله نعسان وبدا يخربط بالكلام
وصايف تغمز: علينااا علينا
فيصل ضحك: واذا كان شي صار هذا حنا الحين متزوجين والحمدالله
اديم ضحكت : الله يهنيكم
وصايف تضحك مو متخيله : فاتني صراحه " وتفكر " غريبه ماقد طحت عليكم

" ضحكوا عليها "

عبير لاديم : شوفيها شلون تفكر ومهتمه
وصايف ضحكت
اديم : وصايف شفيك خلاص الحين هم متزوجين
وصايف تضحك : طيب فضحتوني

" شوي ودخلت جنى "

جنى تتأفف : اففف امي كل يوم ماخذه السواق وتحوس
فيصل ضحك على جنى : يلا حيوو تو مانور البيت
جنى ضحكت

فيصل اشر لها بيده تجي تجلس جنبه سملت عليه وعلى عبير وقعدت بينهم جنب فيصل

فيصل : ليش معصبه القمر
جنى : ذا المطعم يتأخر وقلت بخليه يجهز الطلب ويروح السواق ياخذه وامي ماخذه السواق ومخليته ينتظرها بيت عمي سلمان
فيصل يضحك : طيب لاتعصبين انا بنفسي اقوم اجيبه وش تبين بعد
جنى تضحك : لالالا قلت له يروح يجيبه وبعدين يرجع لها
فيصل يضحك : شخبارك وينك ماتسألين ماكأن عندك اخو
جنى : خبرك الاحتبارات

" اديم ووصايف ضحكوا بنفس الوقت وجنى خزتهم وعبير من بعيد تضحك بصوت واطي "

جنى بنظره: خير ان شاء الله
وصايف: لا ولا شي
جنى تأففت : ياربي الواحد على قد مايدرس يقولون انه مايدرس
فيصل قربها من عنده وهي نزلت راسها : بس حبيبي ماعليك منهم اصلا هم مقهورين منك انك تدرسين شوي وتجيبين زين وهم يدرسون كثير ومامنهم فايده

" وجت وصايف بتضحك بس فيصل خزها "

جنى استانست على المدح : اي من جد وبالذات وصايف
فيصل يضحك : ماعليك منها لو هي فالحه ماكان شفتيها في البيت
جنى تضحك : من جد


" وقعدوا يسولفون شوي وبعدها قامت جنى "

فيصل: على وين
جنى : برجع ادرس واذا جا الاكل بجيبه هنا اوكي
فيصل: خلاص الله يوفقك

" وطلعت "

فيصل لاديم ووصايف: حرام عليكم تجرحونها بعدين ماتتحمس تدرس
وصايف تضحك : ياخي ماقدر ماضحك
اديم : والله حرام هي تصير حساسه زياده عن اللزوم ايام الاختبارات بس انا ماقدرت ماضحك
وصايف تضحك : تكسر خاطري من جد نحاول تشد حيلها بس مايلوق
عبير ضحكت
فيصل لف عليها : وانتي بعد
عبير: لالا بس حتى انا كاسره خاطري
فيصل ابتسم : حاولوا تشجعونها مو تحبطونها
وصايف: ان شاء الله

" وقعدوا يسولفون جتى وصل الاكل واكلوا مع بعض "

.
.
.

" في نفس الوقت "

" في هذا الوقت رجع فواز بيتهم وماكان فيه غير امه ومنار قاعدين "

فواز بتعب : السلام
ردوا عليه: وعليكم السلام
ام فواز : شخبارك؟
فواز: الحمدالله .. وش فيه البيت هجود
ام فواز : خبرك البيت فضى طلال ومسافر وغزل اعرست وانت طالع وزوجتك طالعه
منار ابتسمت : الاصحيح وينها اليوم بالمره ماشفتها
ام فواز: دقيت عليها وجوالها مقفل مو بعادتها تطلع ماتسلم علي
فواز حس يبي يصرخ مو ناقصهم : لا جوالها طاح عليها بالسياره بكرا بروح اجيب لها واحد بس هي بتنام عند اهلها اليوم
ام فواز استغربت : ليه وش فيكم
فواز : مافينا شي بس بسمه الحت عليها وقالت بتقعد لو يوم واحد عندها
ام فواز : اهاا " ومع كذا مو داخله بعقلها "
فواز: يلا عن اذنكم تعبان بروح انام
ام فواز : تعشيت
فواز : اي " وهو اصلا مادخل شي فمه " " وبعدها مشى "

" منار سكتت ولا قالت شي لان ماصدقت اللي قاله وفواز شكله تعبان وفي بينهم شي فقررت تلحقه "

منار قامت
ام فواز : وين
منار: بجيب جوالي وبرجع

"ام فواز هزت راسها ومنار لحقت فواز واول ماجا بيسكر غرفته وقفته منار "

منار : فواز
فواز ابتسم : هلا منار بغيتي شي
منار ابتسمت : ممكن ادخل اذا مافيه مانع
فواز نسى الزحمه والحوسه اللي داخل : تفضلي طبعا

" منار دخلت وشافت مخدات طايحه بلارض والجوال مكسور بلارض وحست ان الوضع مو اوكي "

فواز تفشل اول ماشاف المنظر : سوري منار من امس ماتنظفت الغرفه لانها مقفله
منار ابتسمت : لاعادي وش دعوى

" وقعدوا "

فواز : يلا امري قولي وش بغيتي
منار نزلت راسها : فواز شكلك تعبان ومايطمن في شي صاير بينك وبين زوجتك ؟
فواز جا بيتكلم
منار: ادري مو من خصوصياتي بس انا مارضى اشوف وجهك كذا قاعد يذبل وانا اناظر وبعدين سالفه بسمه الحت عليها مامرت علي

فواز بحزن : حصل سوء تفاهم بيني وبينها وقالت تبي تنام بيت اهلها عشان تفكر براحتها بس
منار: فواز لاتعور قلبي اتوقع اللي فيك اكبر من سوء تفاهم فواز شوف وجهك شلون صار ذابل مافيه حياه كأنه واحد وقد جار عليه الزمان
فواز رفع عيونه الحزينه لها وابتسم مابغى يزيد هموم حد غيره هو : انتي بعد دارسه علم نفس لاتطبقين علي لو سمحتي
منار ضحكت : لاتحاول ماراح تهرب مني
فواز ابتسم : حبيبي مافيني شي بس تعبان شوي
منار : يعني معقوله اسرار زوجيه مافي مجال تحكي لي فيها
فواز ابتسم وقلبه يدمع : ياحياتي انتي وش لك في المشاكل انتي الحين خليك بدراستك الامتحانات مابقى عليها شي
منار: يالله منك يافواز بتجنني .." ونزلت راسها " وتفكر اني اقدر ادرس وانت حالتك كذا .. فواز ادري نجود عصبيه وماتتحمل اي شي بس حنا قلنا لك في البدايه وانت وافقت عليها
فواز : منار مو لهذي الدرجه .. وبعدين كل حياه زوجيه ماتخلو من المشاكل الحين جت علي وعلى نجود
منار: اي لاني اعرف نجود صعب العيش معها
فواز قرص خدودها : بس مو صعبه مع اخوك
منار " مهما حاولت تتظاهر بالقوه الضعب والتعب باين بعينك " : فديتك والله .. على العموم انا مو ضاغطه عليك والله يجمع مابينكم بس
فواز ابتسم : لاتحاتين انتي بس اهتمي بدراستك وبس سامعه
منار ابتسمت : ان شاء الله

" وبعدها طلعت وتركته "

فواز انسدح على الكنبه " معقوله يافواز انت قاعد تذبل بعين اهلك .. معقوله اهلي يحسون فيني وانا اللي على بالي محد مهتم فيني .. ياربي لمتى هذي الحاله بتستمر معي .. وبعدين ليش الكل يلومني اني خذتها ... انا شايف شي يجذبني فيها هم ماهم قادرين يشوفونه ليه الكل يلومني ... انا خلاص تعبت اصلا من راحت دانه وانا عارفه ان حياتي كلها شقى في شقى "

.

" الساعه 2:00 فجرا "

" سهر بهذا الوقت كانت تتقلب وشوي حست ان مافيها نوم .. فتحت عيونها على الخفيف وشافت الغرفة ظلام .. قامت وفتحت الابجوره اللي جنبها وحاولت تشوف الساعه بس ماقدرت قامت وهي تترنح وفتحت الانوار وبعدها راحت الحمام وانتم بكرامه .. جت تبي تغسل بس حست انها تبي تاخذ دش كامل لانها ماتحس انها مصحصحه .. بعد ما اخذته وطلعت حست بأن كأن شي وطاح .. تحس ان الحياه رجعت لها بس لثواني .. واول ماشفات الساعه فتحت عينها .. الساعه صارت ثنتين وهي متنشطه ... "

سهر : يالله شلون بنام الحيين .. يووه بكيفهم بكرا خميس من حولي .. بس اكيد الحين نايم .. بروح اكل احس اني جوعانه

" بمجرد ماحست انها جوعانه نزلت تحت وكان البيت بالفعل فاضي مافي احد سلطان مسافر ومنصور مسافر ونجوى مع زوجها من ببقى حزنت على نفسها .. شلون بيتهم فضى بهذي السرعه ... حست الايام تركض .. حست بجد كل شي قاعد يمشي بسرعه وبدون ماحد يحاسب على اليوم اللي راح من عمره .. راحت المطبخ ولاكان فيه شي حتى بقايا عشا مافيه .. وش تسوي وش تاكل .. شربت لها عصير وبعدها قعدت على الطاوله تفكر وش تاكل .. اعصرت مخها كل ماخطر على بالها شي طلع فيه عيب يا مالها خللق يا يبغى له شغله يا مو موجود .."

سهر : اففففف وش اكل احس بطني بينبط من الجوع " وتذكرت شي " اييي صح منصور ثلاجته ماتخلى من الاكل بس اووه تلقاه بارد ابي شي سااخن مدري اسوي لي اندومي اففف لا استغفر الله وش اسوي معقوله في مطاعم تفتح هالوقت بس السواق تلقاه نايم ... خلني بس اسوي لي بوب كورن واقعد عليه


" بعدها سوت لها بوب كورن وتحملت مع انه مايشبع الا يعور البطن اكثر ... وبعد ماخلصت طلعت فيه وفتحت النت واول ماشغلته سرحت شوي وعلى طول نقزت "

سهر: اوووووووه بدر قال بيدخل .. بس وين الوقت متأخر اووه لالا لحظه كم الساعه عندهم

" وبعد ماحسبتها شافت ان عندهم حول7 و8 الصبح "

سهر : مدري موجود ولالا خلني اجرب بس يوم دق علي وش قلته لايكون خربطت عليه الله يستر بس

" وفتحت النت ودخلت على الام اس ان وكان ظنها مابين يكون موجود ومو موجود وشافته مو موجود "

سهر : ياللله وش الحظ .. اموت واعرف وش بيقول

" شوي الا ويطلع لها ايميل بدر .. اخترعت سهر من وين طلع لها وبعدين ليش نك نيمه ايميله "

سهر: بسم الله من وين طلع لي

" وفتحت الصفحه وعلى طول شافت انها حاذفته وتذكرت كل شي بسرعه"

سهر تضحك : صدق اني غبيه انا حذفته بس يمه وش اقول له

B.A.D.E.R :

اهــــــلاً وسهـــــــلاً

" سهر بعد فتره "

So confused :

هلا

B.A.D.E.R :

وينــك تأخرتي ؟؟

So confused :

لا بس راحت علي نومه

B.A.D.E.R :

اها المهم اسمعي انا الحين عندي دوام اوكي .. اشوفك بعدين يلا عن اذنك باااي

" سهر انقلب مودها "

So confused :

طيب الله معك

" وسكر بدر ... تشائمت سهر وبعدها حطت على طول بالخارج مالها خلق تكلم حد .. وقامت انسدحت "

سهر" وش الحظ اللي طحت فيه انا .. "

" بعد عشر دقايق "

" شوي ويدق موبايلها ."

سهر ابتسمت : كويس في حد سهران مثلي

" وقامت تشوف مين يدق الا رقع قلبها يوم شافت بدر يتصل بك "

سهر شهقت : ب..بدر صاحي ذا

" سهر سدت على السماعه ... تكلمه وش تقول .. ماتعرف تتفاهم معه على التليفون بالمسن تاخذ راحتها اكثر .. "

سهر : ياربي الله يهديك يابدر طيحت قلبي

" شوي ويسكر الخط "

سهر : اففففففف والله مصيبه .. المشكله الوضع يخوف مافي غيري وقاعده اكلم ..

" وقطع تفكيرها صوت دقة جوالها من جديد "

سهر : ارد .. اي برد

" حست سهر بنشوه انها تكلمه "

سهر بصوت واطي : الووو
بدر : ........ " وبعد السماعه وتنهد "
سهر استغربت " نلعب حنا " : الوووو
بدر: الوو هلا هلا سهر
سهر: وين رحت ؟
بدر: لا مانتبهت انك رديتي
سهر: اهااا " وسكتت "

"بدر سكت كل الكلام اللي بيقوله ضاع "

بدر : سهر شخبارك ؟
سهر: الحمدالله هممم وانت " وقلبها بيطلع من صدرها "
بدر تنهد : الحمدالله من سمعت صوتك
سهر توترت وبسرعه قالت : مو انت بتروح الدوام
بدر: اي هذا انا بالطريق
سهر: اهاا

" وسكتوا "

بدر استجمع قوته وقرر يبدا وتغيرت نغمته الى اهدى : سهر
سهر ارتجفت من سمعت نغمته : هلا
بدر: ممكن تفسرين لي اللي صار قبل يومين
سهر صار قلبها يدق وماعرفت شتقول : اي بس مو الحين .. الحين انت رايح الدوام اذا رجعت نتفاهم
بدر بأصرار : لا ماني داخل الكلاس قبل ما اسمع اللي صار .. سهر من ذاك اليوم وانا ولا محاظره سمعتها وبالي كله مشغول وهذي المحاظره مهمه ومابيها بعد تفوت علي

" بدر قرر يقول كذا عشان تقتنع وتوافق تكلمه وتفهمه "

سهر نزلت راسها : بدر اسفه اني ضيعت عليك محاظراتك بس
بدر: لا اسف ولا شي كل اللي ابيه انك تفهميني بس
سهر تنهدت وغمضت عيونها : طيب
بدر سند راسه وهو يسوق : يلا انا اسمعك
سهر جت راح تبدا : طيب بدر مايصير على المسن لاني ماقدر اخذ راحتي هنا
بدر: سهر حرام عليك ارحميني
سهر: بدر لو سمحت
بدر: ماقدر ماقدر انتظر ياسهر افهميني
سهر تنهدت وقلبها ينتفض : طيب

" بدر سكت يسمعها "

سهر: بدر انا عارفه ان اللي سويته تصرف طفولي بس ماكان بيدي .. يمكني تسرعت شوي بس يابدر انت صار لك فتره صافطني ومو مهتم ولاكأني هنا .. انت وعدتني انك ماراح تقطعني وكم صار لك ماكلمتني ولا ارسلت لي حتى مسج .. شي طبيعي بيجي في بالي مليون وسواس .. انا اصلا اول ماشفتك حطيت قهري كله فيك .. لاتلومني بس انا ماعرف اتصرف مع كذا مواقف

بدر قاطعها : قصدك ماتعرفين تعبرين يعني ...!!
سهر سكتت : شي زي كذا
بدر ابتسم وصلح جلسته : افهم يعني من كثر شوقك لك تلخبطتي واحترتي تعبرين
سهر ابتسمت هي الثانيه : يعني
بدر رفع حاجب : يعني افهم بكلامك ماكنتي قاصده بكلامك انك لقيتي لي بديل
سهر ضحكت : تؤ
بدر ارتاح وصرخ فيها : امووووووووووووووت فيك ياحماره

"سهر ضحكت وحست بفرحه غير طبيعيه "

بدر وقف السياره لانه وصل : وش اسوي فيك والله انتي اللي جبتي لي عشرين وسواس .. بس هين ياسهر لو يعطوني عطله يومين بس والله لاجي واخذك وخل يقولون مجنون

سهر ضحكت

بدر: فديت الضحكه انااا .. سهر ماتتوقعين شلون ارتحت .. ولا تقولين لي مسن صاحيه انا انتظر ساعه بعد .. والله لاجننك مثل ماجننتيني
سهر تضحك : بدر عااد خلاص
بدر : خلاص انا اوريك
سهر ضحكت : طيب مو قصدي
بدر يضحك : طاايب .. المهم انك رحتيني وبس " ونزل من السياره ومعه كتبه " شوفي الحين انا وصلت الجامعه وبس اطلع من الكلاس بكلمك

سهر اخترعت شافت الاخ اخذ على الوضع : لالا بدر خلاص بشوفك على النت
بدر: النت نصاب من اليوم ورايح بصير اكلمك
سهر تضحك : اي طيييب
بدر: يووه وش فيها خطيبين يكلمون بعض مو بس حنا بالعالم الكل يكلم خطيبته
سهر استحت : تؤ انسسسى
بدريتميلح : سهر افااا يعني شلون
سهر: لاتحااول بدر والله احس بتأنيب الضمير
بدر ابتسم : طاايب امري لله اذا طلعت برسلك مسج تدخلين النت
سهر ابتسمت : كذا اووكي يلا مع السلامه
بدر: مع السلامه .. اووه سهر لحظه
سهر: هلا
بدر: متى تنامين
سهر ابتسمت : انا توني صاحيه وماتوقع انام
بدر: كم الساعه عندكم
سهر: 2 الفجر
بدر: يؤؤؤ خلاص اجل بتصيرين اون لاين
سهر: ان شاء الله
بدر : يلا تيك كير
سهر: يو تو باي

" وسكروا "

سهر تنهدت : ااااه واخيرا سويت شي افف الساعه صارت ثنتين ونص معقوله كل ذا تليفون ااخ منك ماحد بيذبحني غيرك

" وراحت تتصفح ع النت "

.
.
.
" في باريس "

منصور : غزل غزل قومي عشى

"غزل تحركت الجهة الثانيه"

منصور تنهد : غزل قومي تعشي
غزل:............

منصور تنهد : ان للله وبعدين معها هذي شلون بتنام وهي على عصافير بطنها .. بكرا بيقولون ما يأكلها .. اففف منها شلون عنيده

غزل قامت شوي : الساعه كم ؟
منصور: 9 ونص غزل قومي كلي لك شي
غزل رجعت : ابي انااام " وغطت وجهها "

منصور: اف خلها تنام لبكرا وش اسوي ادخله بفمها

" وراح منصور وجا يبي ياكل .. اكل له لقمتين وبعدين حس نفسه مسدوده .. ترك الاكل وراح حط باقي اغراضه خافها تعاند بكرا وماتسوي اغراضه .. وبعدين راح ونام "

.
.
.



" بعد فتره "

" منصور وغزل انتقلوا من باريس لفينا .. والوصع بينهم كان ابد مو اوكي غزل طول الوقت ساكته وتسوي المطلوب منها بهدوء .. ومنصور متقبل الوضع لانه عارف كل القصه من البدايه وحاط استعداداته لمثل هذي التقلبات .."

" فواز ونجود .. فواز راح لها واصرت انها ماترجع معه الاهل اصروا يعرفون وش فيهم لكن لانجود تتكلم ولا فواز .. على اساس انه سوء تفاهم بسيط .. وابو نجود حاول معها يعرف وش صار ولكن نجود قاعده تحسب الف حساب لو اهلها عرفوا بهذا الشي .. ونايف اقنع ابوه انه يترك فواز ونجود لفتره ياخذون راحتهم في التفكير مع ان الابو اصر انه يعرف السبب اللي خلا نجود تترك بيت زوجها ولكن نايف اقنعه والام قلبها محترق على بنتها ... ولكن ام فواز عارفه ان ولدها مايغلط وان نجود هي ام المشاكل عشان كذا تركت الموضوع لهم .. واذا احتاجوها راح تكون موجوده .. فواز قلبه احترق بعد ماعرف ان نايف اللي كانت تكلمه الحين ماله وجه يكلم نجود .. وبكذا اجلوا النقاش حتى بعد الاختبارات لان نجود عندها كمان اختبارات ... ولكن اذا صار اللي في باله مضطر يعترف بكل اللي صار .. "

" سهر كانت مرتاحه وحتى بدر ... يومين مروا عليهم مثل الغمامه .. "

" سلطان .. كان مره مبسوط مع شيماء في اليومين اللس قضاهم معها ... سلطان ماكلم فواز ولا يدري عنه شي .. مع ان فواز كان محتاج له "

" منار .. حست المشاكل اللي صارت بين فواز ونجود ممكن تأثر بين العايلتين لانها شافت رد امها وخافت تصير مشاكل بينهم .. وهذا الشي معور قلبها .. منار كانت ناسيه موضوع مازن نهائيا ولاهي مهتمه له ... "

" مازن .. مازن استمر بأنه يتناسى منار لان مبين انها مو مهتمه له .. وقرر يبين لها انه ماعاد يهتم "

" اديم .. اديم بدت تحس انها سوت شي في حياتها وهو حبها لنايف .. وصايف حمستها زياده عن اللزوم ... عيشتها احلام طيرت عقل اديم فيها .. واديم عايشها احلامها مع نايف "

" نايف .. لاهي مع اخته ... ولكن ماغاب فكره عن ريم .. كل يوم يشوف فيها صفه حلوه .. مع انه اديم لفتت انتباهه في اخر صدفه بينهم الا انه صار يفكر فيهم ثنتينهم ومابعد يختار بينهم ولكن الاقرب له ريم بالنسبه له .. ا رتاح من جهة اديم يوم عرف ان مافيها اي شي ولكن لسا ماسمحت له فرصه يتحمد لها سلامتها "

" جنى .. كانت تستعد للاختبارات النهائيه ... والحين بدت الاختبارات والتهت فيها .. اديم ساعدتها شوي وحتى اخوها مشاري "

" طلال .. قرر على نهاية هذا السمستر ينقل من جامعته لعند وليد وبدر لان جامعته صعبه حيل وكان مايبي يقعد لحاله وده يكون مع وليد .. اقنع ياسر بهذا الشي وياسر يوم شاف علاماته وانه مايقدر يمشي قرر ينقله لانه يعرف طلال مايمشي الا مع وليد ولكن وصى عليه مدرس يدرسه يوميا ويرسله علاماته بأستمرار .. طلال قبل بهذا الشي بس يكون مع بدر ووليد "

" ياسر .. خطط وفكر واتعبه التفكير ولكنه عزم على اللي خطط عليه وماراح يتراجع "

"عبير وفيصل .. كانوا بعيدين عن الاجواء كلها وعايشين حياتهم بحب متبادل "

"مساعد تقبل ميساء اخت له مع انه مايضمن انه يدلعها مثل مايدلع لميس "

" مشاري فقد الامل وحياته صارت كئيبه "

.
.
.

" بعد مرور الاسبوعين "

" بهذا الوقت وصلت جنى البيت وشالت البيت صراخ ونياح ... الاجازه بدت وخلصت اختباراتها .. اخر اختبار ماتعرف كيف قدمت فيه سوت اللي سوته اهم شي تبي تطلع .. ووصايف بس شافتها وصلت شالت البيت معها لانها مبسوطه ان جنى اخيرا عطلت لان وصايف قضت السنه في البيت ولا عندها شغل وملانه حيل .. الحين فضت لها جنى ... "

جنى : وصايف وصايف وين اديم ؟
وصايف : نايمه تلقينها
جنى : هب عليها على هالازعاج ولاصحت
وصايف: روحي قوميها
جنى تضحك : تهقين اخاف تصرخ بوجهي
وصايف: هههه مابغيتي الا اديم روحي صحيها

" راحت جنى وحاولت تصحي اديم "

اديم : طيب جنى خليني للوحده على الاقل
جنى سوت نفسها زعلانه : قومي بنتغدا برا شفيك انتي ابد مو حماس
اديم قامت وهي تنفخ : اااخ منك ياجنى وقت غدا الحين
جنى تضحك : قومي لايفوتك كل البنات بيطلعون
اديم : بتطلعين مع صديقاتك
جنى : لا سمي على قلبك باخذكم معي حتى سهر ومنار بيجوون
اديم باستهزاء : عرس .. اجل انا ماني برايحه " ورجعت اللحاف "
جنى نقزت جنبها : لاحووول ليييه والله وناسه
اديم : وش دعوى كلنا بنروح والله لايطقون العيال ورانا
جنى تضحك : الله يخسك الكل طالع اليوم محد في بيتهم
اديم : جنى مابي اروح انا اذا الكل بيروح
جنى : يعني
اديم : يعني روحوا وانبسطوا
جنى : مالت عليك زين " وطلعت "

اديم : إن للللللللله

" ونزلت جنى وخلت اديم "

جنى : ماتبي تروح مع وجهها
وصايف: ليه ؟
جنى : تقول زحمه وماني عارف
وصايف: مين من صديقاتك بيروحون
جنى : بس شلتنا الخمسه
وصايف : خل نحسب انتوا خمسه وانا ووصايف وسهر ومنار واديم يعني 9 هممم والله كثار
جنى بحزن : يعني ماراح ترورحون
وصايف : عندي فكره انتي روحي مع صديقاتك قبل ونلحقكم حنا على اساس ان حنا ماندري انتوا بأي مطعم
جنى تبتسم : صدق
وصايف: اي لان اذا عرفوا البنات ماهم رايحين كلهم
جنى : هممم خلاص اوكي


" وراحت وصايف وصحت اديم وقالت لها انهم بيروحون مكان غير وقامت اديم لان النوم مارجع لها اصلا "

.
.
.

" بعد ساعه "

" في بيت بو فواز "

" كانت ام فواز ومنار وفواز قاعدين يسولفون شوي ونزلت منار مستعجله "

ام فواز : خلي سهر تمر عليك
منار: لايمه فشله اخلي البنت تتمرر لانها بتمر على نجود

" فواز نزل راسه .."

فواز " اكيد بتروح تنبسط وتستانس وانا ولا كأني هنا .. عديمة احساس من يومها "

فواز : وين السواق ؟
منار : ماخذ نجوى المستشفى
فواز : خلاص انا اوصلك
منار ابتسمت : صدق
فواز رفع عينه : اي
منار : اجل يلا قوم
فواز : بتتغدون من الحين
منار: اي الكل قال انه مشى
فواز : اووكيي يلا قومي

" وقام فواز معها .. منار طول الوقت تفكر ان البنات سبقوها وهم لساتهم ماطلعوا بس هي اخذت منهم اتفاق انهم يكونون على الساعه 2:00 هناك واول ماوصلوا دقت على سهر "

منار: هلا سهوره وصلتوا ؟
سهر : لا توني طالعه بروح الحين امر على نجود
منار فتحت عيونها : وشوو من جدك... اانا دقيقه واوصل
سهر: ادخلي واحجزي لنا طاوله
منار: ياحليلك بقعد لحالي
سهر: من جايبك
منار: فواز
سهر : خليه معك واذا حد وصل قبلي خليه يروح
منار: افف مدري بشوف عنه يلا باي

منار لفت على فواز : فواز البنات ماوصلوا
فواز : والحل
منار: تنزل معي نحجز طاوله
فواز ماله خلق : لاخليك بالسياره واذا وصلوا بنزلك عندهم
منار: لا فواز اليوم زحمه واكيد مافي طاولات
فواز : منار مالي خلق ادخل بزحمه البنات الحين
منار: لو سمحت فواز

فواز ناظر فيها " بيقولون هذي خويته ميب اخته افففف امري لله "

فواز : طيب خليني القى باركينج

" وبعد مالقى نزل بكل شموخه ونزلت منار .. مشت منار جنبه وهم ساكتين .. فواز زمان مادخل هذا المطعم يكرهه من كثر مايسمع السوالف اللي فيه وهمج الناس عليه .. اول ماوصلوا عند الباب كان في اكثر من قروبات بنات متجمعين ينتظرون الحجز "

فواز : يلا وين بتلقين
منار: خل ندخل ونشوف

" فواز تعوذ من الشيطان وكمل طريقه ومر من ذولا البنات اللي من اول ماقبلوا اغلبهم التفتوا عليهم وفواز فهم تفكير البنات وين ممكن يروح .. دخل وعلى طول الزحمه بوجهه والعوايل والناس اول مادخل قبض قلبه ابد هذي الاجواء ماتناسبه .. لاشعوري مسك يد اخته وخلاها بجنبه "

فواز قرب من عند الرجال : كم شخص
منار : 6 اشخاص
فواز : 6 بيرسون
المسئول : ok have a seat

فواز : نطلع برا احسن هنا كتمه

" جت عايله بتمر من ورا منار فقربت من اخوها شوي .. "

" شوي وتسمع وحده تعلق "

البنت : شوفي هي لاصقه فيه وهو ماله خلقها
البنت الثانيه : بس عرفت على مين تطيح

" منار ماسمعت ولكن فواز سمع وثارت عصبيته لف عليها بس شاف بنات كثير فاماعرف مين اللي علقت "

فواز : قومي نقعد برا
منار : فواز حرام عليك حر
فواز : اجل اقعدي انتي داخل هنا وانا بطلع
منار : هممم اوكي

" وراح فواز وصلها وهو ماسك يدها عناد حق البنت اللي تكلمت .. منار شافت مافي مكان فاظطرت توقف "

فواز بصوت مترفع شوي : حبيبي بس تبين شي انا برا اذا نادوا عليك ناديني طيب
منار ابتسمت : اوكي

" وراح فواز ومر من عندهم متعمد يبي يقهرهم "

" فواز طلع برا وقعد ينتظر قدام بوابه المطعم "

فواز " تقول مافي الخبر الا هذا المطعم الحمدالله والشكر .. هذا وانا مو منعم وعيونهم كذا كيف لو انا منعهم " ضحك على نفسه بعدين قال " وع هذا اللي كان ناقص اهتم برايهم .. ااه بس ياليت لو نجود تناظرني مثل ماهم يناظروني .."

" قعد فواز ينتظر ينتظر وتوقع على هذي الزحمه انهم مطولين "

" بعد مرور عشر دقايق "

" داخل عند منار "

" دق جوال منار "

منار : هلا وينكـــــــــــــــم
جنى : انتوا اللي وينكم سنه
منار: انا صار لي ربع ساعه هنا ولسا مافي طاوله
جنى : ياحظي عليك حاجزين لكم طاوله
منار صرخت : احللللللفي ومخلييني
جنى ضحكت : وينك فيه انتي
منار: استني بطلع لك


" وراحت منار تدور لها الا جنى تأشر لها "

منار: اي شفتك بقول لفواز يروح وبرجع اوكي
جنى : اووكي

" منار طلعت لفواز "

منار : فوواز
فواز فكر نادوهم وقرب من عندها: يلا

منار ضحكت وقالت له انهم ينتظرونها

فواز انقهر بعد هذا الانتظار : شسوي فيك
منار ضحكت : سووري مادري ماحد كلمني
فواز : خلاص روحي لهم بس تعالي متى تخلصين

منار: برجع مع بنات عمي
فواز : اكييد
منار: اي طبعا
فواز : خلاص وانتبهي على نفسك
منار : اوكي يلا باي

" ودخلت منار .. وفواز بعد لف يبغى يمشي وطلع مفاتيحه واول مارفع راسه كانت سياره سهر واصله واول وحده نزلت بسمه ووراها سهر وبلاخير نجود .. فواز علقت يده بالجيب حقه ... بسمه على طول وقفت "

سهر: شفيك ؟
نجود : تحركوا

" بسمه مشت ببطئ ونجود تدخل جوالها بالشنطه وسهر شافت فوزا وعضت على شفايفها خافت تقوم هوشه هنا "

" وهنا رفعت نجود راسها وطاحت عينها بعين فواز وقفت وبسرعه لفت عليهم وهم لفوا عليها "

" سهر اشرت لبسمه انهم يمشون ويتركون نجود .. مشوا عنها ونجود ماحست فيهم "

" قرب فواز من عند نجود وهو ساكت "

" نجود بعدت عينها عن عينه "

" فواز ماعرف وش يقول وبعد عينه هو الثاني "

فواز " نجود وش اللي غيرك لهذي الدرجه معقوله انا سبب بكل اللي صار لك .. نحفت زياده عن اللزوم "

نجود " فواز من وين طلعت لي انت الثاني .."

" رفعوا عينهم مع بعض وشوي وكأن جني نجود طلع .. رمته بنظره وتركته ومشت عنه .. فواز طعنته هالنظره ماقدر يلف عليها او حتى ينطق بأسمها .. رفع راسه يبي ياخذ نفس وبعدين كمل طريقه لعند سيارته شغلها ومشى "

.
.
.

" عند نجود "

" مادخلت نجود الا وشافتهم رايحين راحت دورت عليهم ويوم شافتهم سوت نفسها مافيها شي وراحت وسلمت وابتسمت وقعدت جنب بسمه "

نجود بصوت واطي : ممكن اعرف ليش تركتوني معه

سهر كانت تراقبها

بسمه لفت على سهر .. سهر فهمت عليها وقربت من عندها

سهر: مافيها شي زوجك ترى
نجود : واذا زوجي يعني كنتوا تبوني اذبحه قدام العالم
سهر ضحكت وبسمه : افا بس اسكتي لاتسمعك " واشرت بعيونها على منار "

" شوي وتعرفوا على صديقا جنى وقعدوا يسولفون وياكلون مبسوطين .."

" ماعدا نجود .. نجود بهذي الفتره حست انها عايشه ومو عايشه كل ماتحاول تنبسط تتذكر فواز وكل شي يتنكد عليها واليوم شافته خرب عليها فرحتها بالكامل .. كانت قاعده مع البنات بجسمها وعقلها مع فواز .. شافت حالته وفي خاطرها انه يستاهل عشان يعرف كيف يحترمها .. بس الحين حست ان فواز بيسوي شي بعد ماشافها ... قلبها نغزها "

.
.
.

" عند فواز "

" فواز اعترف انه غلطان بحق نجود ومن بعد ماشاف حالتها وعرف انها تحبه قرر من بكرا يروح وياخذها "

" فواز فكر الموضوع بهذي البساطه عند نجود .. فكر انها لانت او حتى نست وحنت له .. ماكان يعرف نجود كيف ماخذه الموضوع .. الظاهر لساتهم مافهموا بعض "

.
.
.


" في الريــاض "

" لميس صار لها ثلاث ايام من خلصت الاختبارات فاالفرحه الحين بردت شوي بس ماحست انها معطله الا يوم عطلوا بنات المدارس ... وفي هالوقت كانت قاعده مع ميساء وامها "

لميس: يمه حرام عليك بموت اببي اروح الشرقيه
ام مساعد : خالك تركي اذا راح خليه يوديك
لميس : يمه لاتحرقين اعصابي طفشت تلقين الحين انواع الوناسه عندهم
ام مساعد : وش لي في الشرقيه انا بقعد هنا
لميس : يمه لو سمحتي
ميساء: لميس تو العطله باديه بعدين نروح
لميس: انتي وش دراك هنا ماتحسين بعطله ولا شي هناك وناسه ومع بنات خالي واهلهم
ام مساعد : انا قلت روحه ماني رايحه
لميس: بروح انا وميساء
ام مساعد : روحي بس انا مو رايحه
لميس: مين بيوديني
ام مساعد : شوفي اخوانك
لميس : اي طيب اذا مارحتي ماراح يودوني
ام مساعد : دبري نفسك
لميس حست بتنفجر : بروح بالقطار زين

ام مساعد ضحكت

لميس: يمه والله بنفجر
ام مساعد : وش يوديني في الشرقيه .. خواتي كلهم هنا وين اروح اضيق على الناس هناك
لميس : اي تونا صرنا ضيقين والله انا مشتاقه لبنات خالتي وبروح لهم
ام مساعد : ماقلت شي روحي
لميس تأففت وسندت راسها
ميساء: صدق فشله يالميس نقط وجهنا من الحين
لميس صرخت بوجهها : لافشله ولا شي

ميساء اخترعت وسكتت

لميس ضحكت : اسفه
ميساء ابتسمت : تعودت
لميس : والحـــل مع هالام
ام مساعد : بشوف اخوك اذا وافق يوديكم والحين خليني بروح حق ام عبدالله
لميس: ان لله ماعندا غير ام عبدالله
ام مساعد : كل الجيران عندها " وقامت"

لميس: وش الجديد كل ملكعين عندها حشا فاتحه بيتها مقهى

ميساء ضحكت بصوت واطي

ميساء: لميس اذا رحتي الخبر ماني رايحه معك
لميس صلحت جلستها: ليه ان شاء الله
ميساء: لابس روحي انتي انا بقعد مع امي هنا
لميس: مو على كيفك
ميساء : لاتكفين لميس
لميس ترجع جلستها : انسي رجلك على رجلي
ميساء راحت جنبها : لميس لاتحرجيني
لميس فتحت عينها فيها : ولييييييييه
ميساء: ماعرف احس فشله
لميس بأستهزاء : من ايش بالله
ميساء: ماعرف بس انتي تعودتي عليهم اما انا لا ماقدر انام عندهم وامي ولا ابوي مو معنا
لميس: وهـ وانا اقول وش عندك عادي ذولا عيال خالي يعني عيال خالك
ميساء: بس ماعليش خليها مره ثانيه
لميس بزعل : ميساء ليش انتي كذا ؟ لسا مسويه نفسك غريبه عنا
ميساء : لميس مو قصدي بس لو سمحتي لاتضغطين علي

" وقــــــامت "


لميس : ميووووش وين رايحه

" تركتها وكملت طريقها "

لميس : وش فيها ليكون حد مزعلها بس ماتوقع

" لميس قعدت تنتظر اخوها وبعدين تروح تشوف ميساء "

" ميساء دخلت الغرفه وسكرت عليها الباب"

" ميساء من يوم تعرفت على ذيك الجماعه وهي عارفه انها مستحيل تنتمي لهم .. تحس انهم غير عنها .. في كل شي .. مع ان لميس حاولت تحسسها انها مثلهم الا انها ماقدرت تحس .. هي من تقعد معهم دايم ساكته وهذا الشي بعطيهم انطباع ثاني عنها ...تحس ان مستواها مو مثل مستواهم .. بالعكس بيت بو مساعد مره متواضع ومعقول .. بس من تروح هناك تحس انهم ناس مبالغين في كل شي .. حتى لميس يوم جت تلبسها مثل لبسها تحس اللبس مو مرتاحه فيه .. تحسه عاكس شخصيه غير شخصيتها ... لميس اجبرتها على كذا عشان لاتحس انها غير عنهم .. ولكن هي حست انها غير عنهم من اول طله .. حست انها ماتقدر تتحمل تقعد معهم .. واصلا تحس انها مو مرتاحه من هذي الروحه "

" تحت في الصاله "

لميس: كان تأخرت شوي

" مازن عرف انها طالبه حرش فا مارد عليها "

لميس: اكلمك
مازن ناظرها : شتبين
لميس: وينك تأخرت
مازن : يعني وين بالدوام
لميس : اووه فكرت الناس كلها معطله سوري
مازن : يامصلك
لميس ضحكت على نفسها : انزين مازن
مازن : نعم
لميس: ممكن طلب
مازن بدون خلق : وشو
لميس: نبي نروح الخبر
مازن لف عليها وبنظره : اسف
لميس عقدت حواجبها : ليه ؟
مازن : مشغول هالويك اند
لميس: مازن بس ودنا وارجع لو سمحت وش بتخسر
مازن : لاوالله وش الله حادني على العذاب
لميس: مازن لو سمحت البنات الحوا علي الا نروخ

" والبنات اصلا مايدرون عنها "

مازن : سوري ماقدر شوفي مساعد
لميس: شكرا زين

" وقامت "

لمييس : افف وش ذا الحاله محد في البيت يعطيك وجه وش ذا مايحسون فينا معطلين ولا كأنا معطلين

مازن سمعها وضحك وشوي " تبيني اروح واشوفها واموت .. هئ انسي انا اللي بريحها مني بالمره "

" شوي ويدق التليفون ويرفعه مازن "

مازن : الووو
الطرف الثاني : الوووو مربحا
مازن رقع قلبه بس ماعرف مين : مين
الطرف الثاني : مازن
مازن رقع قلبه محد عنده هالبحه غيرها : منار هلا
منار: هلا مازن كيفك؟

مازن " لالا مازن لاتتهور "

مازن : الحمدالله

" وتعمد مايسأل عن حالها "

" منار استغربت بس سوت نفسها عادي "

منار: لميس عندك
مازن : لاوالله
منار: ممكن تناديلي اياها
مازن : اظني عندها جوال

" منار استغربت من ردها "

منار: اي بس دقيت عليها اكثر من مره ماترد .." وشوي تشوف ان عندها اتصال ثاني " اووه خلاص دقت علي " وقفلت بوجهه"

"مازن سكر السماعه وهو ندمان انه كلمها بهذا الاسلوب بس مجبور "

مازن : وتكذب على نفسك يامازن شوف قلبك شلون بغى يروح فيها كأن ربي ماخلق غيرها

" لميس قررت تروح لميساء بعدين .. لان حتى لميس مالها خلق .. وبس دخلت غرفتها شافت 2 مسد كوول من منار وبعدين رجعت دقت عليها "

.
.
.

" في سياره فواز "

" فواز قرر يتصل على مازن وينهي هذي اللعبه اللي تأخيرها ماراح يفيدهم بشي "

فواز : الووو
نايف: ارحبوووا
فواز ضحك : هلا نايف شخبارك
نايف : ماشي الحال وانت شخبارك
فواز : نحمدووه .. هاه شكلك طالع
نايف: اي والله توي طالع من الدوام
فواز: كأنك متأخر
نايف: اي في عندي كم شغله خلصتها وطلعت
فواز : حلوو والله مابي اعطلك بس ابي اعرف عندك شي الليله
نايف: امرني
فواز : لابس ابغى اطلع انا وانت مع بعض نتعشا ولانتقهوى
نايف فهم عليه : ابشر بس انت اي وقت يناسبك
فواز : بعد صلاة العشا بكلمك وبقولك وين نلتقي
نايف: حلوو خلاص اجل تامر شي ثاني
فواز : سلامتك
نايف : الله يسلمك فمان الله
فواز : في حفظه

" ترك فواز نايف وبدا يجمع الكلام اللي بيقوله "

.
.
.

" في فيينا "

" غزل قامت من النووم وناظرت بالساعه شافتها 9 ولفت الجهة الثانيه وشافت منصور جنبها .. استغربت هذا ماراح الدوام اليووم .. راحت واخذت لها دش تصحصح فيه وبعدها طلعت ولبست وراحت لمنصور"

غزل : منصووور منصوور
منصور: همممم " ويدس وجهه داخل المخده "
غزل : منصوووور قوم تأخرت على دوامك
منصور قام معصب : ماعندي دوام فاهمه وخري عن وجهي
غزل اخترعت وقفت وهي معصبه : اخر همي

" راحت وهي مطرطعه عليه لانه فجعها "

غزل : وش الاسلوب السوقي اللي يتعامل فيه معي ماكأني زوجته جعله الماحي ان شاء الله

" راحت وطلبت لها فطور لشخص عشان اذا قام يموت من الجوع ويطلب له "

" وبعد ماوصل قعدت تاكل وهي مروقه او تحاول تروق .. وضعهم بالمره مو اوكي .. هي مو متحمله تعيش هنا ولاهي قادره تتحمل معاملته معها "

" بعد نص ساعه قام منصور وتغسل بعدين طلع "

" وقتها كانت على التلفزيون وتشرب الكوفي ومنصور استغرب ان الفطور لشخص بس "

منصور : مافي فطور
غزل : مالي خلق اطبخ قلت بطلب لي جوعان اطلب لك ولاتبيني انا الحرمه اطلب

" منصور رماها بنظره وراح يطلب له "

" وقعدوا ساكتين.. وجت بتقوم متوجهه للمطبخ "

غزل بصوت شبه مسموع : اول مره اشوف دوام يروح وقت مايبي ويغيب وقت مايبي .. من يدري جايز يكون

" منصور يسمعها وهو يطالع التلفزيون قرر يطنشها لان لو رد عليها يتقوم هوشه لانه موده اليوم مره مو اوكي "

" راحت غزل حطت الكوفي حقها وشالت اكلها وبعدها ماعرفت وش تسوي قعدت تفكر لحظه بعدين راحت الغرفه قالت على قعدتها بتقعد على النت تضيع وقت فيه "

" منصور ماعرف وين راحت عنه .. شوي ووصل فطوره وقعد يفطر يريح راسه اللي بدا يخف من اكل .. اول ماخلص ماسمح له غروره يروح يشوفها شتسوي ... فقعد على الطاوله يفكر "

منصور لف رقبته ناحية الغرفه ولا شافها ورجع لوضعه الطبيعي " وين راحت هاذي وتركتني .. استغفر الله العظيم وش اللي صار عليها .. ماكنت متوقع انها ترجع غزل الاوليه .. انا يوم شفت معاملتها لي في البدايه توقعت انها رضت على كل شي وتقبلتني بس ماشوف شي الحين .. مين يوم جبنا طاري الدراسه وهي قالبه علي .. بس انا راح اعرف كيف اتصرف معها "

" وقام وراح الغرفه .. غزل كانت منسدحه واول مادخل قامت وضلحت جلستها هو ماعطاها وجهه دخل الحمام ياخذ له دش "

غزل تاففت : ياربي وش هذي الحياه " ورجعت كملت شغلها "

" بعد ربع ساعه طلع منصور وهو بس لاف المنشفه على خصره .. هي مارفعت عينها له ولا اعطته اهتمام .. هو انقهر منها ومن تصرفاتها .. قرر يسوي شي يلفت انتباههاا "

" دخل الحمام من جديد وقفله بقووه وثانيه طلع وفتحه بقوه وهو ينفخ "

غزل استغربت رفعت عينها له

منصور بنظره : ممكن تطلعين ابي البس الحمام كله مويه

" غزل تفشلت وقامت وتركت الاب توب ماخذته معها .. منصور ابتسم بانتصار يوم شاف وجهها "

منصور : طاايب ياغزل ويامالك

" لبس منصور وبعدها اخذ جاكيته وطلع "

" غزل شافته مر عليها ولا تكلم "

غزل : منصور وين بتروح
منصور: عندي دوام " وطلع "

غزل فتحت عينها : يستهبل ذا مع وجهه وهو دوامه .. اقص شعري اذا كان عنده دوام اصلااا

" قامت غزل ورجعت على الاب توب وهي طفشانه "

.
.
.

" الســاعه 8:30 "

" اتفق فواز مع نايف انهم يطلعون بسياره وحده .. وبعد الصلاه مباشره راح فواز واخذ نايف "

نايف : وين رايحين
فواز : والله ماني عارف وين قلت اخذك ونشوف وين نروح
نايف : تبي نروح مطعم كذا حلو ومرتب
فواز : في مطعم كذا رايق وهادي لان خبري اليوم كل المطاعم زحمه الناس اجزت خلاص
نايف ابتسم : اي صح
فواز : شرايك نروح البيتش
نايف فتح عيونه : من جدك هالوقت
فواز : ايه ماحنا مطولين بنقعد ونسولف وبعدين نروح ونتعشى بأي مكان

" نايف حس من نغمته يبي فواز يفضفض ووده بدون قيود ومافي محل غير البحر "

نايف ابتسم : خلاص قدام
فواز : حلوو

" ومشى فواز وتحرك متوجهة ناحية البحر.. قعدوا يسولفون بالطريق سوالف عاديه عن الدوام وعن اوضاع العايله وعن الصيف ... "

" شوي وتجي اغنيه مو عادتي لفهد الكبيسي ولاشعوري سكتوا ثنينهم "


أنا مو عادتي أسهر إلى هالوقت من هاللـيل

ولا من عادة آهــاتي تعلَي صوتها فيــني

ولا من عادة دمــوعي تجي من فوق خدي سيــل

إليـن الله بـلاني بك وحطيتــك وسط عيني

عشقتك وإبتدى بي ليل وشفتك وإنتهى بي حيــل

ياعالم هالعشق إلى وين بعد رايح يوديــني؟؟

أحبــك من هنا للعمر وأحبــك من هنا لليــل

أحبــك لو دروب الحــب تكتبني وتمحينــي

تعـب هالقلب يتــألم تعب من كثر ماهو يشيــل

تعبــت أتنهد الآهــات مابين أحزانـــي وبيني

أنا ودي ولــو مــره عيوني يخــونها المنديــل

عشــان تشوف كيف الشوق على لقيــاك يطويني

" على مانتهت الاغنيه امداهم يوصلون ويدورون لهم باركنج بعد "

" نايف اول ماسمع الاغنيه عوره قلبه على فواز .. فواز بركنج وقف السياره وتنهد "

نايف : فواز ننزل
فواز كانت يده على الدركسون ولف وجهه ناحية الشباك تنهد ونزل : اوكي يلا

نايف " الله يعينك يافواز على مابلاك "

" نزلوا وراحوا يمشون متوجهين ناحية البحر وقعدوا قدامه حتى بدون مايحطون فرش تحتهم لان ماعندهم اصلا "

نايف: والله الناس يوميا تجي البحر ماقد جيت الا وهو زحمه
فواز : اي البحر راحه نفسيه
نايف: من جد

" شوي وسكتوا .. وماكان في غير صوت ازعاج الناس وصوت موجات البحر "

" نايف لف على فواز وقعد يناظره عرف ان فواز ماراح يتكلم او ماهو عارف كيف يدخل بالموضوع وقرر نايف يفكه من هالمسافه كلها "

نايف: فواز
فواز : هلا
نايف : اشوف ان صار على زعلك مع نجود فتره وفتره ماهي قصيره ... ولا اشوف واحد منكم تحرك وقال لنا عن السبب .. العايله كلها صارت تتكلم .. قولي وش اللي صار بينكم

فواز : نايف حياتي مع نجود ماكانت سهله في البدايه .. واتوقع الى الحين ماهي سهله .. لاني حاولت افهمها وماقدرت .. هي مو مقصره علي بشي وانا مو مقصر عليها بشي ان شاء الله .. ونجود صعب الواحد يتفاهم معها واتوقع انت عارف هذا الشي

نايف قاطعه : اي فاهمك يانايف والله انا عارف نجود يالله تتحمل نفسها وكويس منك انك حاولت تفهمها وتتحملها .. انا ادري عن نجود عصبيه وماتسمع الا كلام نفسها .. بس معقوله يكون هذا السبب

فواز بعد صمت : لا

نايف : اجــل

" فواز سكت بعدين قال "

فواز : انا شكيت فيهــا

نايف شهق : نعـــــــــــم

فواز لف عليه بسرعه : مو قصدي يانايف مو قصدي ارجوك تفهمني

نايف عصب شوي : فواز انت تعرف الكلام اللي قاعد تقوله

فواز : فاهم والله فاهم بس خلني اخلص كلام

" فواز قاله وش صار بذيك الليله "

نايف: اها عشان كذا نجود سكرت بوجهي .. بس يافواز انت مو بس هنت نجود هنتنا حنا بعد

فواز نزل راسه : عارف بس مو ذنبي يانايف انا اعترف اني واحد غيور وغيرتي كانت السبب .. نايف عمري ماضريتها بس هذا التصرف طلع مني لاشعوري اصلا نجود على طول عصبت وانا وقتها اعصابي كانت مفلوته واصلا ماخطر على بالي انها ممكن تكلمك بهذاك الوقت وانت عليك دوام .. كل المعاني والمفاهيم اعتميت عنها ماصرت افسر مكالمتها الا تفسير واحد وقتها

" نايف ماتحمل الكلام ووقف ومشى عن فواز "

" فواز توقع انه تكون ردة فعل نايف كذا لانه مايرضاها على اخته "

" فواز راح ووقف ورا نايف "

فواز : نايف من حقك تزعل وتعصب ولا تكلمني بس تفكر اني مرتاح .. كل يوم اعاتب نفسي مليون مره والومها .. رجعت كأني مراهق ماعرفت شلون انام ولاهنا لي بال وانا اتخيل موقفي وانا اقول لك ولا اقول حق عمي باللي سويته ادري اخطيت بحقكم وبحق عمي اللي مايستاهل وبحق نجود بس نجود كان المفروض تفهمني

نايف لف عليه : يعني الحين راح تحط اللوم على اختي

فواز لف وجهه جهة البحر : لا ... بس نجود كان المفروض تخلي الموضوع بينا وحنا نتفاهم وماكان له داعي يكبر.. كل العايله صارت تتكلم عنا واكيد الكل بيعرف السبب وانا ماودي الناس تدري بمشاكلنا الخاصه

نايف: اكيد اذا عرفوا الناس بيلومونك ماهم لايمين اختي ..وانت ادرى بهذا الشي .. بس انت اللي هامك كلام الناس الحين

فواز تنهد وغمض عيونه : نايف لو سمحت افهمني

نايف : وانت تفكر اختي بعد مرتاحه اختي مثل حالتك واردى وكنت الومها لاني افكر اختي ماتفهم وعصبيه واكيد هي اللي اخطت ماتوقعت هذا التصرف يبدر منك انت بالذات يافواز .. وبعد ماعرفت السبب الوم نفسي اني لمتها ..

فواز : نايف خلاص انا اسف ولاعاد اني اكررها

نايف : لاتتأسف مني روح حق ابوي وقوله وشوف اذا قبل اعتذارك لانك عارف ابوي ماراح يطلع نجود من البيت قبل لايعرف السبب

فواز : يعني شلون نجود مطوله عندكم

نايف تنهد : والله يافواز هذا الموضوع الحين صار بيد نجود هي اللي تقرر واذا كنت حاب تعجل روح وبلغ الوالد وهو يتصرف

فواز : يعني مو مساعدني يانايف

نايف ماهان عليه فواز : فواز مع انك اخطيت بحق اختي ولاني عارف وش اسوي الا اني بكلمها بس ماوعدك

فواز : نايف انا بتحمل كلام الناس و بتحمل ردة فعل عمي بس ماصرت اتحمل ارجع البيت ولا اشوف نجود يانايف افهـــم

نايف :........

فواز : يمكن انتي الحين ما راح تفهمني لانك ماعشت اللي انا عشته .. بس بكرا بتتزوج وبتشوف شلون تفرق اذا رجعت البيت وزوجتك اللي تعودت تكون جنبك ماهي فيه

نايف : خلاص يافواز بكلمها وبكلم الوالد وبشوف وش يطلع معي

فواز : نايف مشكور انك سمعتني

نايف: نقدر نمشي الحين

فواز: تفضل
" فواز عرف ان نايف زعلان بس مابين له .. مع ان توهم جايين الا ان احترم رايه ورجع فواز البيت وكانوا طول الطريق ساكتين "

.
.
.

" في الرياض "

" كان مساعد توه واصل البيت "

لميس : يلا حيهم
مساعد : الله يحييك
لميس: شخبارك
مساعد: الحمدالله .. وين الناس
لميس: امي طالعه وميساء فوق ومازن طالع
مساعد ابتسم : وحياتي قاعده لحالها
لميس ابتسمت : شفت شلوون
مساعد : تعالي عندي

" وراحت عنده وقعدت جنبه "

مساعد : هاه طلعت نتايجك
لميس: بس ماده وحده والباقي لسا
مساعد ابتسم : الله يوفقك
لميس : مساعد
مساعد: هلا
لميس : تكفى طلبتك
مساعد : امريني
لميس: هممم عندك شي بكرا ؟
مساعد : همممم مادري ماتوقع " وقعد يفكر وابتسم " ليش ؟
لميس : ابي اروح الشرقيه
مساعد ضحك : ماعندك وقت انتي قلت تبيني اطلعك ولاشي مره وحده الشرقيه
لميس ابتسمت ابتسامه كبيره: شفت شلوون
مساعد : ومازن وش عنده
لميس بقهر : مدري وش عنده مستلعن
مساعد ضحك : هممم مين بيروح
لميس: بس انا وميساء
مساعد : وامي ؟
لميس : لاماهيب رايحه على قولتها بتقعد مع خواتها هنا
مساعد ابتسم : والله مادري شقولك
لميس: مساعد تكفى البنات بيسون حفلة كبيره وابي اروح احضر
مساعد: ماشاء الله كلهم ناجحين
لميس ضحكت : لا بس عندهم وحده صغيره جنى ويبون يسون لها حفله
مساعد : اهاا همم اوكي بس على شرط
لميس تشققت : انت تاااااامر
مساعد: الساعه 10:00 حنا ماشيين
لميس استانست : بس مااااطلبت ياعسسااي ماخلا منك " وقامت تبوسه "

" شوي وتدخل ميساء .. وشافت مساعد يضحك .. يمكن اول مره تشوفه يضحك هالقد "

مساعد ابتسم لميساء : ميساء وينك فيه
ميساء استحت : كنت ارتب اغراضي
مساعد ضحك : اووه واثقين اني بوافق

لميس ضحكت

ميساء مافهمت : توافق على ايش ؟
لميس : مساعد وافق يودينا الشرقيه

" ميساء تغيرت ملامحها "

لميس لفت على مساعد : مساعد شوفها ماتبي تروح
مساعد : افاا ليه ؟
لميس : مدري اسألها
مساعد ناظرها بنظرات دافيه : ليش ياميساء روحي غيري جو هذا انتي كله في البيت

" ميساء سكتت ونزلت راسها ولميس ومساعد طالعوا بعض "

مساعد : في حد مزعلك
ميساء رفعت راسها بالقوه : لالا .. بس انا احس نفسي تعبانه هلايام وقلت اذا رحت ماراح انبسط
مساعد ابتسم : لا اذا رحتي ان شاء الله كل التعب يروح ... وش قلتي

" ميساء ماكان عندها مفر بالموت مساعد تقبلها ومستحيل تبين له عنادها عشان مايرجع يكرها "

ميساء : خلاص ان شاء الله
لميس: واخيرااااا
ميساء ضحكت
مساعد : خلاص خلكم جاهزين لو تأخرتوا عن الساعه 12 مااافي روحه " وقام " والحين تصبحون على خير " ومشى "

لميس ضحكت بصوت واطي : غريبه
ميساء ضحكت
لميس : والله اول مره اطلبه طلب مثل كذا ويوافق على طول بالعاده خلي مازن
ميساء ابتسمت
لميس: يلا قومي نحط ملابسنا
ميساء: طيب هم يدرون ان حنا بنجي؟
لميس: لا بنسوي لهم مفاجأه
ميساء كشرت : وشو مفاجئته عيب ندخل على الناس كذا
لميس : ميساااء بسسسك قومي يلا

" وقامت لميس "

ميساء : اول مره اشوف يسون مفاجئه بهذي الشغلات

" وقامت وراها "

" وطلعوا فوق يحطون لهم ملابس "

.
.
.


" في غرفة محمد "

" كانت نجوى منسدحه ومحمد جنبها يلعب بشعرها "

محمد : نجوى
نجوى : هممم
محمد : وش رايك نروح البحرين
نجوى: لا محمد مالي خلق
محمد : وش فيك كل شي مالك خلق عليه
نجوى : ماعرف بس احس اني اي خطوه امشيها اتعب فما بالك في البحرين
محمد : ماكنتي كذا بحملتك في سلمان
نجوى تضايقت : وش اسوي
محمد : خلاص خلاص براحتك
نجوى : محمد خلاص خذ سهر وروحوا حرام سهر احسها طفشانه .. محد ماعطيها وجه بالبيت
محمد : حتى انا كاسره خاطري بس ماقدر اخليك واروح
نجوى : ماعليك مني بروح بيت اهلي ولا بقعد مع عمتي مافي مشكله
محمد : مدري والله

" شوي ويدخل عليهم سلمان "

محمد : تعال حبيبي " وصلح جلسته "
سلمان جا عنده : بابا
محمد : عيونه " وشاله بحضنه "
سلمان : انا من زمان ماشفت دانه
محمد ضحك : اشتقت لها
سلمان : اي بوريها العابي ماشافتها هي
محمد ضحك : تبيها تصير زوجتك
نجوى ضحكت : لاتفتح عقله
محمد : وش فيها اضمن مستقبل بنتي
نجوى : اي ولو توه صغير
سلمان : يعني ادودها
محمد ضحك : اي حبيبي
سلمان تشقق : اي اي اي
محمد ضحك : اف هذا توه الله يعيني عليك
سلمان : ونجيبها بيتنا هنا
محمد هز راسه : اي اكيييد
سلمان : هييييا
نجوى تضحك : والله انت اللي بتخربه

" شوي وسلمان نقز من حضن ابوه "

محمد :اوه تذكرت شي حبيبي .. بس تولدين راح تشوفين مفاجاءه تاخذ العقل
نجوى : من جدك
محمد هز راسه
نجوى : وش هي عاد
محمد : تؤ تؤ انسي
نجوى بدلع : محممممممد
محمد: لاتحاولين
نجوى : اف تقهر ليه قلت لي من الحين طيب وش هي
محمد ضحك : خلاص اجل انسي اني قلت في سبرايز
نجوى بدلع : طاايب طااايب " ولفت الجهة الثانيه "

"محمد وراح لها من ورا "

محمد : افاا
نجوى : وخر عني
محمد : حامل وتدلع بعد
نجوى ضحكت : مابي
محمد : بكيفك

"باسها وبسرعه رجع مكانه وحط اللحاف عليه وسكر ابجورته "

" نجوى ضحكت وبعدين ابتسمت .. حست نجوى انها غبيه يوم انها فكرت في محمد هذاك التفكير .. صحيح الكل نقد عليها الا انها كانت تحس ان بسمه تبي محمد .. راجعت نفسها كثير ... محمد كسر عينها بتصرفاته معها يوم فكرت فيه هذا التفكير .. مع ان محمد يروح تفكيره في بسمه احيانا وخصوصا انه يقابل اللوحه حقتها يوميا "

.
.
.

" في الكوفي شوب "

" في هذا الوقت كان سلطان قاعد مع واحد من ربعه .. ويحس انه متضايق وموده مو اوكي "

فهد : سلطان ؟؟
سلطان : هلا
فهد : وش فيك ابد مو عاجبني مزاجك
سلطان : لا بس شوي متضايق من شغله
فهد : سلامات
سلطان : لاماعليك بسيطه
فهد : اكيييد
سلطان هز راسه
فهد : عائليه
سلطان : نوعا ما
فهد : اهاا .. على العموم فواز كان ناوي يجي بس بعدين هون مدري وش فيه بعد هو
سلطان : اها ليش هون ؟
فهد : مدري قلت له تعال انا وسلطان في القهموى تعال نسولف ووسع صدرك بس هو الظاهر كان عنده شغل
سلطان مابين شي : اهاا اي يمكن مشغول

سلطان " معقوله للحين مايبي يكلمني بس انا الحين محتاجه افف لمتى بيقعد معاند مدري "

سلطان : حتى اانا بمشي احس اني اليوم تعبان
فهد : افااا بس اقول اقعد وانا اخوك الناس طالعه اليوم وانت بتسري من الحين
سلطان : ماعليش نجي بكرا اليوم مافيني
فهد : اموت واعرف وش صاير عليك
سلطان ابتسم : مايحتاج انا اوووكي
فهد : خلاص روح وانا بكلم الشباب يجون عندي
سلطان : اجل عن اذنك
فهد : اذنك معك

" مشى سلطان وترك فهد ... اول ماركب السياره وحرك .. قعد يفكر انه يتصل بفواز .. وبلاخير قرر واللي فيها فيها "

" فواز اول مادق جواله وشاف سلطان فكر للحظه وبعدين وافق انه يرد "

فواز : الووو
سلطان بتردد : هلا هلا فواز
فواز : هلا سلطان
سلطان : شخبارك
فواز تنهد بداخله : الحمد والشكر لله انت بشرنا عنك
سلطان: ماعلي زود

" وسكتوا .. سلطان ماعرف وش يقول لفواز .. وفواز ماكان عارف سلطان وش بيقول "

سلطان : فواز
فواز : هلا
سلطان: بكرا بقول حق اهلي عن شيماء
فواز بلامبالاه مصطنعه : اهاا حلوو كل ماعجلت كل ماكان احسن
سلطان انصدم من رده وبنغمه : فوااز
فواز عمل نفسه ماسمع شي : وانا اليوم كلمت نايف عن زوجتي
سلطان استغرب : وش فيها بعد
فواز بضحكة استهزاء : اووه صحيح لالا مافي شي والحين عن اذنك وصلت البيت
سلطان انقهر : خلاص براحتك مع السلامه

" وسكر "

" فواز انقهر في البدايه .. لكن خله يستاهل .. خل غروره ينفعه "

" سلطان انقهر كان محتاج مساعده فواز .. لكن فواز دار ظهره لسلطان .. مثل ماسلطان دار وجهه بوجه فواز يوم كان محتاج له"

" قعد سلطان يحسب حساب بكرا وكيف وشلون راح تكون ردة فعل ابوه "
.
.
.

" في بيت بو نايف "

" دخل نايف وخلقه كان ضايق .. اول مادخل شاف امه قاعده ومعها بسمه .. دور على نجود مالقاها "

نايف: السلام عليكم
ام نايف: وعليكم السلام
بسمه : هلا فواز
نايف: هلا .. وين نجود
بسمه استغربت : ليه
ام نايف عرفت انه متضايق من يوم شافت وجهه : وش صاير بعد
نايف حاول يبتسم : مافي شي بس استغربت وينها عنكم
ام نايف : والله معوره قلبي ليتها تتكلم وتريحني
نايف: خلاص يمه اوعدك انها كم يوم بروح انا واكلمها
ام نايف: اي يبه يمكن تقدر تاخذ منها شي

" نايف ابتسم وطلع لها فوق"

" نايف راح ودق عليها الباب وكان مفتوح فتح نصه وطل براسه "

نايف : اقدر ادخل

" نجود وقتها كانت واقفه عند الشباك ولفت عليه اول مادق الباب وابتسمت له "

نجود : تفضل
نايف دخل وهو مبتسم : كيف قمورتي
نجود ابتسمت : الحمدالله وانت شخبارك
نايف: الحمدالله بشوفتك والله " وقعد على السرير وهي جت وقعدت جنبه "
نايف: انبسطتوا اليوم
نجود لفت وجهها : اي يعني
نايف : يؤ غريبه
نجود : ليه ؟
نايف: ماحسك مبسوطه مثل بسمه .. بسمه مره مبسوطه
نجود بسخريه : وحالتي مثل حالة بسمه " وسكتوا شوي " شفت فواز اليوم
نايف فهم: اهاا.. قالك شي
نجود: لا " ولفت الجهة الثانيه "

" وشوي .. سكتوا بعد "

نايف: توني راجع من عنده
نجود لفت وجهها بقوه جهته : وقالك شي؟
نايف بعد عينه من عينها : كل شي
نجود بخوف : وانت صدقت فييني
نايف لفت جهتها : اشك في الناس كلها ولا اشك فيه .. اصلا حتى هو ندمان
نجود: احسن يستاهل اصلا انا قررت
نايف بخوف : على ايش
نجود : ماني راجعه له
نايف انصدم : نعــــــــــم ..!
نجود : مستحيل اعيش معه المتخلف
نايف: نجود من عقلك تتكلمين
نجود : مدام انه شك فيني مره .. بيقعد يشك فيني طول حياته .. ماني راجعه له ماني راجعه

" وصارت تبكي "

نايف حضن اخته وهي قاعده تصارخ

نجود بجنون : انا وياه مانصلح لبعض مانصلح .. واحد متخلف وكل شي يبغاه يمشيه علي .. يامرني وكأني وحده وسخه ماعمري تربيت .. على باله بس هو وخواته اللي تربوا .. بس بس يحط شطارته ولعانته علي يروح يشوف خواته.. لايكون انتم مفكرينه ماخذني عن حب ولا عن صلة اخذني يأدبني كأن ماقد تربيت .. نايف فواز هاني كثييير كثييير

نايف يمسح على راسها وهو مشتحن من داخله : طيب طيب بسس هدي انتي

نجود : ماني راجعه له ماني راجعه

نايف يمسح عليها : كل اللي تبينه بيصير بس انتي اهدي شوي اهدي

" نايف يهديها ويمسح على راسها بحنيه وهو من داخله نار والعه .. ماعمر نجود بينت ان فيها شي او انه معيشها بذل .. نايف وقتها صار شيطان من سمع كلام اخته ... عمره ماتخيل خواته ينهانون وينذلون وهو وابوه عايشين .. حس انه حريقه تاكل قلبه .. ماعرف وشلون يرد عليها .. مع انه ناوي يهدي مابينهم الا الحين مافي راح يصير غصب عن نجود "

" نجود بعد ماهدت بعدت عن اخوها "

نجود : نايف انتوا ماراح تغصبوني علي
نايف بنظرات حنونه : ابدن يانجود الحياه مو بالغصب بس انتي ارتاحي الحين وهو بكرا بيجي وبيكلم الوالد وبنتفاهم
نجود: ما ابي اتفاهم معه ابيه يذلف عن وجهي
نايف : طيب طيب بس خلاص انتي اليوم تعبتي نامي الحين وبكرا يصير خير
" قام نايف وباس راس اخته وراح غرفته "

" نايف حس انه مافيه ينتظر لبكرا .. مقعوله كل ذا يطلع من فواز .. اللي الكل يفكره بريئ وماعنده هالسوالف والخربطه ... انقهر نايف. .. شلون ماحس بأخته شلوون .. قعد يفكر باللي راح يصير في اخته .. وقعد يحس حساب بكرا "

.
.
.

" اليوم اللي بعـــــده "

" الســاعه 2:00 "

" في بيت بو فيصل "

" كانوا اليوم صاحيين بدري .. لسا مابدوا يسهرون كالعاده .. وهالوقت كانوا يتغدون كلهم على السفره "

وصايف: اف الله يعين بدة العطله وبدا الملل
جنى : من جد مشاري ودنا البحر اليوم
مشاري: معزوم اليوم خلوها بكرا
جنى : اوووف
اديم : خلو البنات يجونا اليوم
وصايف: مين نكلم كلهم لاهين
اديم : وين بيروحون
وصايف: منار بيجونها عيال خالها
مشاري غص بالمويه
ام فيصل: اسم الله عليك شفيك
مشاري وصوته مبحوح : بس كثرت مويه

"جنى ووصايف يضحكون عليه قام هو وخزهم"

اديم : طيب كملي
وصايف: وبسمه انتي عارفه حالتها مع اختها اذا بنكلم نكلم سهر
اديم : اهاا اي خلاص كلموها وشوفوها
جنى : لا انا بروح لمنار دام بيجونها عيال خالها بروح حق هاذي نسيت اسمها
وصايف: ميساء
جنى تضحك : دايم انسى اسمها
مشاري: ميساء مغربي على غفله
وصايف: احلى منها
مشاري: اقول لايكثر
جنى تضحك : ماعليكم منه هذا ذوقه ميح
مشاري: لاتكفين يام الذووق
وصايف: تعالي انتي مالك روحه تغثينهم
جنى : لا تكفين عادي الناس عطله ومافيها مغثه
اديم ضحكت : بكرا نروح لهم مو من اليوم
جنى : اوووه انا بكلم ميسا وبشوفها انتم ماكلم دخل
وصايف: ياشين اللي يحتكون تراها لحجيه
جنى ضحكت: حرام عليك
اديم عصبت: عيب عليك انتي واياها
وصايف: استغفر الله تكسر خاطري
اديم : اي توها ماتعودت ..
ام فيصل: جنى وصايف عيب عمى بعينكم
مشاري: الله بيعاقبكم
وصايف: اووه انا ماقلت شي
اديم : تتمصخرين عليها وماقلتي شي ... وبعدين لاتتكلمون عليها قدام العيال
جنى : طيب طيب خلاص
وصايف سكتت

" مشاري طول الوقت ساكت يبي يعرف وش يقولون عنها بس اديم منعتهم .. قام من الغدا وهو يفكر يدق عليها .. بعد ماغسل طلع برا ورفع السماعه ودق "

.

" ميساء كانت هالوقت في الطريق قريب توصل الشرقيه اول ماشافت الرقم انتفضت.. ميساء كانت حذافه كل الارقام اللي بجهازها وجددتها .. وماكانت حافظه رقم مشاري اصلا .. وخافت لانه اول رقم غريب يدق عليها .. ماخطر على بالها انه بيكون مشاري اصلا نسته وكانت واثقه انه نساها.. حطته سايلنت وحطته بشنطتها بدون ما لميس ومساعد يحسوون "

.

مشاري : ردي ردي تكفين .. مدري ليه عندي احساس انه انتي .. بس شلووون راح اعرف شلوون

" مشاري فكر بطريقه يعرف اذا كانت هي بس ماجت في باله اي طريقه دام انها ماردت .. اصلا حتى لو ردت ما عنده طريقه يعرف فيها اذا هي ميساء اللي عندهم .. دخل داخل وهو يائس "

.
.
.

" في بيت بو ياسر "

" فيصل وعبير كانوا اليوم متغدين عند ام ياسر "

" بعد الغدا "

ياسر : اي كل ماخذتوا تعالوا تغدوا عندنا
ام ياسر : والله البيت بالمره صاك علي ياسر كله بشغله صرت استوحش البيت بدونكم
عبير ابتسمت وناظرت ياسر : خلاص ياسر اتوقع جا الوقت عشان تجيب اللي تونس امي
ياسر خزها
ام ياسر : مين بعد بيجيب؟
فيصل فتح عينه : ياسر نويت تعرس
ام ياسر :صــدق
ياسر : هاه لاا يمه ماعليك منها عبير
عبير تضحك : الا يمه ياسر خلاص قرر يعرس وانتي مو داريه وابشرك اختار البنت
ياسر : عبييير
عبير طنشته
ام ياسر: هذي الساعه المباركه .. ومن هذي بعد
عبير تناظره : اقووول خلاص يا ياسر خل نقول ونخلص
ياسر: عبير بذبحك
فيصل يضحك : اشوف ماهنا حد
ياسر ضحك : اجل سكتها وربط لسانها
فيصل : ليش وهي صادقه كم بقى من العمر ياياسر
عبير: من جد فيصل لو متأخر علي سنه ما اخذته

"ياسر ضحك وفيصل لف عليها وفقعت بوجهه"

ام ياسر ضحكت : عبير الله عليك تقولين من يبغى ولدي
ياسر : يمه ماعليك منها بنتك تخربط
عبير: قول انت اجل
فيصل : من جد ياسر يلا خل نفرح فيك شوف امك مسكينه الكل راح عنها على الاقل تونسها بتقعد العطله كلها لحالها
عبير: من جد واخواني احتما مايجون نفس الشي بداية العطله ولا نهايتها
ام ياسر تضحك مستانسه : يلا ياسر قول لي

" ياسر شاف مافي مجال ويحس ان من جد خلاص حان الوقت "

" سكتوا كلهم ينتظرون من بيختار عدا عبيير لانها تعرف "

ياسر اخذ نفس : يمه انا ابي بنت عمي سلمان

فيصل : .................................................. .............................

الجزء الخامس عشر
الفصل الثاني

" في بيت بو ياسر "

" فيصل وعبير كانوا اليوم متغدين عند ام ياسر "

" بعد الغدا "

ياسر : اي كل ماخذتوا تعالوا تغدوا عندنا
ام ياسر : والله البيت بالمره صاك علي ياسر كله بشغله صرت استوحش البيت بدونكم
عبير ابتسمت وناظرت ياسر : خلاص ياسر اتوقع جا الوقت عشان تجيب اللي تونس امي
ياسر خزها
ام ياسر : مين بعد بيجيب؟
فيصل فتح عينه : ياسر نويت تعرس
ام ياسر :صــدق
ياسر : هاه لاا يمه ماعليك منها عبير
عبير تضحك : الا يمه ياسر خلاص قرر يعرس وانتي مو داريه وابشرك اختار البنت
ياسر : عبييير
عبير طنشته
ام ياسر: هذي الساعه المباركه .. ومن هذي بعد
عبير تناظره : اقووول خلاص يا ياسر خل نقول ونخلص
ياسر: عبير بذبحك
فيصل يضحك : اشوف ماهنا حد
ياسر ضحك : اجل سكتها وربط لسانها
فيصل : ليش وهي صادقه كم بقى من العمر ياياسر
عبير: من جد فيصل لو متأخر علي سنه ما اخذته

"ياسر ضحك وفيصل لف عليها وفقعت بوجهه"

ام ياسر ضحكت : عبير الله عليك تقولين من يبغى ولدي
ياسر : يمه ماعليك منها بنتك تخربط
عبير: قول انت اجل
فيصل : من جد ياسر يلا خل نفرح فيك شوف امك مسكينه الكل راح عنها على الاقل تونسها بتقعد العطله كلها لحالها
عبير: من جد واخواني احتما مايجون نفس الشي بداية العطله ولا نهايتها
ام ياسر تضحك مستانسه : يلا ياسر قول لي

" ياسر شاف مافي مجال ويحس ان من جد خلاص حان الوقت "

" سكتوا كلهم ينتظرون من بيختار عدا عبيير لانها تعرف "

ياسر اخذ نفس : يمه انا ابي بنت عمي سلمان

" فيصل انقلب وجهه ولا عرف وش يقول "

ام ياسر : زين ماخترت
ياسر : بس يمه لاتجيبين طاري الحين
عبير: واخيراااااااااا الف الف مبروك
ام ياسر بفرحه : كلولولولولوش
ياسر ضحك : يمه تو ماصار شي " ولف على فيصل وانتبه لوجهه "
ياسر: فيصل
فيصل انتبه :هلا هلا على البركه الله يسهلها لك

"ياسر ابتسم واستغرب بنفس الوقت بس مافكر يسأله ايش فيك"

عبير: واخيرااا بتتزوج يا ياسر
ياسر ابتسم : كله منك
عبير تضحك ولفت على امها : يمه متى بنكلمهم

" ياسر فتح عينه يوم شاف حماس اخته "

ام ياسر ابتسمت من قلب : اليوم ان شاء الله بعد صلاة المغرب
فيصل ابتسم : بالتوفيق يا ياسر والله فرحت لك ... عبير انتي بتقعدين هنا
عبير لفت ولف شعرها معه : ايه ليه رايح ؟
فيصل ابتسم تذوبه هذي الحركه : اي عندي مشوار اخلصه وارجع اوكي
عبير: اووكي الله معك
فيصل: عن اذنكم ياجماعه " وقام "
ام ياسر : في حفظ الله انتبه على نفسك
فيصل ابتسم : ولا يهمك
ياسر وقف وطلع معه : يعني هالشغله ماتقدر تأجلها
فيصل ابتسم : اي والله ضروريه
ياسر : يعني بتخليني لحالي معهم يتوحدون فيني
فيصل يضحك : اوه تحمل عاد عمتي تغني وعبير تصفق
ياسر ضحك : يالله الله يكون بالعون مع اني احس مو مستعد
فيصل لف عليه : من جدك يا ياسر مسكينه سهر بتتوهق بشايب

"ياسر ضحك ومايعرف ليش هذي الكلمه حمسته "
ياسر : شاب راسك قل امين
فيصل ضحك : يلا تامر على شي
ياسر : سلامتك
فيصل : اجل عن اذنك

" ومشى فيصل وترك ياسر ..."

" ياسر ماحس ان وده يدخل داخل فقال انه بيروح يتمشى في الحديقه .. الجو ماكان بطال يمشي الحال .. قعد ياسر يفكر ويفكر وابتسم للحظه .. تخيل لو انه متزوج .. حس انه متحمس بزياده على الزواج .. مايعرف يحس بشعور ان سهر بتوافق عليه ... يمكن لان العيال اللي تزوجوا بعايلتهم ماتعطلوا شاف كل واحد ياشر وياخذ اللي يبي .. وش معنى بتجي عليه هو .. شاف ياسر ان هذا الوقت اللي يتزوج فيه .. اخوانه مسافرين واخته متزوجته والبيت صاير فاضي يمكن اذا جت سهر تملي البيت عليهم وتغير من الاجواء الكئيبه اللي عمت على البيت في الفتره الاخيره .. كسرت خاطره امه وشاف فرحتها يوم قالت لها عبير ... صحيح كان وده يوقف عبير يوم لمحت لامه بس حس بشعور اندفع فيه وكأنه يبي يجرب حظه ... قعد يفكر ياسر لو انه اخذ سهر بيقدر يسعدها .. بتقدر هي تسعده .. بيتفاهمون واللي هو اهم شي عند ياسر .. سهر كيف بتكون علاقتها مع امه .. كل هذي الاشياء كانت شاغله تفكير ياسر .. وللحظه فكر ياسر في نفسه .. معقوله سهر بتنعجب فيه ولالا ؟؟ ضحك على هذي الفكره واستبعدها .. وحس تفكيره بيروح بعيد وقال يدخل احسن له .."

ام ياسر : حيالله فديت هالتخمه انا

"ياسر ابتسم وقعد"

عبير: اي من قده بياخذ سهر .. والله كنت بخطبها لك بدون ماتقول لي
ياسر ضحك : اجا انا ذويق
عبير ضحكت : اانا اشهد
ام ياسر : والله انها بنتتاخذ العقل.. كل ماشوفها اقول يارب تكون من نصيب وحده من عيالي
عبير ابتسمت : والله ياياسر ماتتوقع شلون طيبه وحلييييله
ياسر ضحك : قالها فيصل وحده بتغني والثانيه تصفق

"عبير ضحكت"

عبير: صدقني ماراح تندم
ياسر ابتسم : الله يسمع منك والحين انا بطلع اريح شوي
ام ياسر: الله معك
عبير: سلام

"طلع ياسر .. وهو يفكر بكلام امه ... اهله حمسووه بزياااده .. طلع وحاول ينام .. بس ماتوقع يجيه نوم"

.
.
.

" في بيت بو محمد "

" في الصاله "

سهر: بدري كان نمت لبعد صلاة العصر
سلطان : تلايطي بس

سهر ابتسمت وراحت سلمت على اخوها

سلطان : اجل وين امي وابوي
سهر: كلهم قاعدين بالصاله انا بروح اخليهم يحطون الغدا
سلطان : اها حلوو

" راحت سهر المطبخ تامر الخدم يحطون الغدا وبعدها راحت تقعد معهم بالصاله "

سلطان : لا بس حلوو في اوقسست
سهر : لا مره بعيد عسى بنقعد طول العطله هنا
سلطان ضحك : حالك من حال غيرك
سهر ضحكت : اووه صح انت ماعندك عطله ايواا احسن جاك الموت
سلطان : اااخ لاتذكريني .. بس اذا بتسافرون في اوقست برتب اجازتي معكم
بو محمد : كلها عشره ايام الله والاجازه
سلطان ضحك : نعمه يا يبه
سهر: عشرة ايام وش تسوي فيها انثبر مكانك بس
سلطان خزها : بكرا بتتوظفين وتشوفين قيمه العشره ايام
سهر ضحكت : لاشكرا انا توني مأجزه وماني مقدمه على الوظيفه الا بعد مايطيب كيفي
بو محمد ابتسم : اي لاحقه
سلطان : لاوالله مايصير وش معنى هي تخلونها على كيفها وانا خلصت دراسه من هنا وتوظفوني من هنا
سهر ترفع حواجبها : ياخي ليش مو راضي تقتنع اني انا غير
سلطان : بالله بصراحه ظلم
سهر ضحكت : مابغيت افتك من الدراسه يجيني هم دوام خلني اتمتع
سلطان حس بالقهر من جد "وش معنى "
ام محمد : اي يا يبه انت رجال عشان تكون نفسك بدل قععدة البييت
سلطان: انا ولله الحمد مكون نفسي
سهر تضحك : عاد الحين طاح الفاس بالراس خلصنا
سلطان بنظره : يامصلك
سهر : الا اقول سلطان ورا ماتغير سكسوكتك الحين طالعه موديلات جديده احلى
سلطان بضحكه : لاوالله واي موديل تفضلين اختي اسويه
سهر تضحك وتأشر بيدها : اللي يجيك كذا بعدين كذا
سلطان ضحك : خوووش .. شفتي يايمه عن بنتك
سهر ضحكت
سلطان : لا ياماما انسي انا ماتعجبني الا هذي
سهر: ياااي وع لحجي بدوي
سلطان رفع حواجبه : مووتي حره
سهر ضحكت
ام محمد : بسكمم هرج وقوموا نتغدا صار جاهز

" وبعد شوي قاموا يتغدون "

.
.
.


" في بيت بو نايف "

" حتى عايله بو نايف كانوا متجمعين على الغدا بما انه اليوم ويك اند .. كانت العايله تتغدا بهدوء .. ماكان فيه الا صوت الملاعق والسكاكين .."

" وفجأه نايف "

نايف: احم يبه اليوم بيجي فواز يبغاك بموضوع
نجود غصت

" بسمه لفت تناظر اختها وامها عطتها مويه "

نجود بعصبيه : قوله لايتعب نفسه
بو نايف: نجود عيب هذا زوجك
نجود : اووه " وقامت ولاكملت غداها "

" بسمه حست انها محتاره ويوم شافت ملامح ابوها وامها قررت تلحق اختها "

بسمه : عن اذنكم " وقامت ركض "

بو نايف : الله يهديها الرجال اكيد استلعن من عصبيتها
ام نايف: انت اهدا واليوم بنعرف وش صاير
بو نايف: هذي بنتك وهذا لسانها غشيم فيها انا

نايف " اااخ ليتكم تدروون بس "

نايف : مافي الا الخير ان شاء الله انتوا بس اهدوا
ام نايف: الله يهديهم ويصلحهم ولا وش جاهم فجأه قلب عليهم حياتهم
نايف : يمه هذي الحياه يوم لك وعشره عليك
ابو نايف: متى بيجي فواز والله اني فشلان فيه
نايف بسرعه : يمه نجود ماغلطت
ابو نايف : وانت تدري باللي بينهم
نايف توترر: لامادري بس اكيد سوء تفاهم بسيط ان شاء الله
ابو نايف: اتمنى .. سفره دايمه " وقام "
نايف حط المعلقه وهو يتأفف
ام نايف: شفيييك معصب
نايف: ماني معصب ولا شي .. الحمدالله " وقام "
ام نايف : لاحول ولاقوة الا بالله شفيهم " وقامت هي الثانيه "

"في الدور الثاني "

" بسمه بعد مالحقت نجود ودخلت معها قامت نجود تحكي لها اللي صار بدون ماتحس بس حست ان هذا الوقت لان اوردي فواز بيجي وبيحكيها لهم خلها تعرف من الحين "

" بسمه انصدمت بس هي كانت عارفه عن علاقتهم من قبل وكيف انهم مايطيقون بعض بس يوم تزوجوا حست عكس كذا وفجأه الحين تغير كل شي "

بسمه تحضنها بخفيف : طيب انتي لاتعصبين خلاص انتي قلتي حق نايف .. نايف هو بيتصرف
نجود : ابوي ماعنده هذي السوالف بيرجعني عليه غصب عني وانا ماابيه
بسمه : لا مافي شي بالغصب انتي بس اهدي لاتعصبين كفايه انه دمك براسك خلاص انا بروح اشوف نايف
نجود : انا قلت لنايف كل شي وهو بيوصل له اني انا مابيه خلاص عفته
بسمه : طيب طيب " وقامت "
" بسمه يوم شافت اصرار اختها على انها ماترجع لفواز خافت على مستقبل اختها يضيع بسبب تهور .. حست بسمه من ناحيتها ان ممكن الرجال يشك بزوجته بيوم .. بس مو لدرجه انهم يتطلقون.. وش بتكون نظرة الناس لاختها وهو توها متزوجه .. راحت تدور نايف وقالوا لها انه طلع فوق غرفته .. اول ماراحت غرفته كان توه بيطلع لابس وباين شكله بيطلع "

بسمه : بتطلع !!
نايف وهو متضايق: ايه
بسمه : طيب ممكن اكلمك شوي
نايف تنهد واخذ نفس : اوكي .. ادخلي " دخل غرفته وهي لحقته وسكرت الباب وراه "
نايف: امري وش بغيتي
بسمه : نجود
نايف لف راسه : وش فيها نجود
بسمه : صحيح بتقول لفواز يطلقها
نايف: هذي رغبتها وهي اللي طلبت هذا الشي وانتي عارفه وش بتكون ردة فعل ابوي
بسمه : وانت وش دراك يمكن تكون ردة فعل ابوي غير
نايف: وش قصدك " وشوي " يعني يشك بتربيته لبنته
بسمه : لا بس انت ماتدري ابوي شلون يفكر
نايف: وش قصدك
بسمه : نايف انا ترى ماشك بأختي بس انا خايفه ابوي يفكر ان فواز ماشك فيها الا ان شايف شي عليها وبعدين يصير يشك في بنته
نايف عصب: نعــم .. بسمه انتي تقولين كذا
بسمه خافت : لابس انت حطها كاتوقع يعني .. انت شفت ابوي شلون واثق من فواز وشلون عنده فواز بالدنيا
نايف: بس لاتنسين ان هذي بنته ولا فواز صار اولى من بنته
بسمه: نايف اسمعني وكبر عقلك
نايف لف عليها
بسمه : كلم فواز وقوله لايقول حق ابوي السبب الحقيقي وحاول تقنع نجود تغير رايها
نايف : شلون يعني اخليه يكذب
بسمه : تراها كذبه بيضاء يعني وانت قصدك تصلح بينهم مو تخرب
بسمه : اسمع ابوي وامي لازم مايدرون بهذا الشي ماحسها حلوه بحقهم ثنينهم .. وبعدين نجود لازم تكبر عقلها المفروض ماكانت عصبت من البدايه وكسرت الجوال لو انت بمكان فواز وش تسوي .. الرجال وش دراه

" نايف هنا سكت "

بسمه : اسمح لي بس نجود تصرفها كان غلط .. كان قالت له اكلم اخوي وبعدين تعصب اذا حست انك شك فيها بس مو تروح وتخليه غصب يشك فيها .. انا صحيح واثقه منها الا انت شوف تصرفها وحط مكانك مكان فواز
نايف :.........
بسمه : انت معصب لانك عارف انك انت اللي كنت تكلمها ولا انا عارفه يانايف ان تفكيرك مستحيل يخليك تطلق اختك على سبب هي تسببت فيه

نايف ارتاح شوي من كلام بسمه : طيب كيف اقنعها
بسمه: انت كلم فواز بالبدايه قبل لايجي ويقول لابوي كل شي وبعدين نروح نكلم نجود
نايف: انا دايم اقول ان عقلك اكبر من عقلها صراحه غلبتينا " وابتسم "
بسمه ابتسمت

" رفع نايف السماعه على فواز ودق عليه "

" فواز استغرب من تليفونه توقع ان نايف مايكلمه "

فواز : هلا نايف
نايف ابتسم : هلا بك زود
فواز ارتاح جزئي يوم سمع صوته : شخبارك عساك بخير؟
نايف: الحمدالله مانسأل الا عنك ... وينك فيه شكلك بسياره
فواز : اي توي نزلت الوالده بيت عمي وراجع البيت
نايف: اهاا

" وسكتوا لحظه "

نايف: فواز
فواز : هلا
نايف: اعذرني ياخوك ماكان ودي اتصرف معك كذا بس اكيد انت فاهم موقفي
فواز : لالا افا عليك من حقك يانايف والله اني مو عارف كيف اجي واقول لعمي خلها على الله
نايف: طيب فواز بطلب منك طلب
فواز: سم
نايف: سم الله عدوك .. بس ياليت اللي صار بينك وبين نجود مايطلع لحد غيري هذا اذا انت ماقلت لحد غيري
فواز انصدم : كيف يعني ؟
نايف فهم عليه : اقصد ياليت اهلك مايدرون بااللي صار ولا اهلي حتى
فواز : يعني شلون نجود وافقت انها ترجع لي
نايف ضحك : مو بهذي السهوله بس انا بحاول اكلمها واقنعها ان الموضوع مايطلع لبرا .. جربت وحطيت نفسي بموقفك وعرفت ان الحق 70% معك
فواز ارتاح : اااخ ماتتوقع شلون ريحتني
نايف ابتسم : يعني حاول تطلع لك اي عذر غير اللي صار انا اشوفها احسن للكل ولا كيف
فواز ارتاح : طبعا يانايف .. صدقني اني خجلان منك يانايف .. ماتتوقع شلون حسيت اني بصغر بعيونكم .. صحيح اني اخطيت بحق اختك يا نايف الا اني مو معصوم من الخطا وياليت نجود تفهم هذا الشي والله اني ندمان ... عمري ماخطيت مثل ماخطيت بحقها ..
نايف : فواز اعتذرت بما فيه الكفايه لي .. بس بقى تعتذر لنجود
فواز ارتاح كلي الحين : طيب نايف ياليت تحاول تكلمها الحين عشان يكون في وقت الاقي حجه اواجه فيها عمي

نايف : خلاص انا بحاول مع اني ما اضمن بس الله يعين ..
فواز : ياليت تعطيني خبر قبل اجي ياخوفي اجي واتعذر تقوم نجود وتحكي قدامهم
نايف:لالا انا عموما بعطيك خبر قبل لاتجي
فواز : الله يعطيك الف عافيه يانايف والله ماني عارف
نايف: خلاص انتهينا الحين بروح لنجود .. الظاهر انا ماعندي شغله هالويك اند الا انتم
فواز ضحك : عقبال ماخدمك بفرحك قول امين
نايف ابتسم: اجل مطول
فواز ضحك : لاصدقني مانت ندمان
نايف ضحك : والله اللي يشوفكم يندم غصب ... اجل اخليك الحين
فواز يضحك : اجل الله معك
نايف: مع السلامه

" وسكروا .. بسمه طول الوقت تسمع الحوار وهي مبتسمه "

نايف لف عليها : والحين باقي نجود
بسمه تنهدت بقوه : اي مو البلا هنا
نايف ضحك : والله صراحه عندي احساس قوي ان نجود معنده واحس الموضوع منتهي عندها
بسمه : نايف نجود تحب فواز .. والله ماشفت وجهها اليوم يوم التقت معه بالمطعم
نايف ابتسم : بعــد
بسمه ضحكت : اي وقسم بالله بس نجود تحب تكابر وخبرك غرورها بيخليها تندم على اشياء كثيره
نايف: طيب يلا قومي معي
بسمه تنهدت : وهـ يلا قوم

" وبعدها راحوا عند نجود "

.
.
.

ام محمد : سهر قومي جيبي لنا انا وخالتك عصير ليمون هالكوفي قام يسعر في بطونا
سهر ضحكت : انتوا من قال انكم وجه كوفي وهالخرابيط
ام نايف: اي والله قومي يمه واللي يعافيك
سهر ابتسمت : ان شاء الله

" قامت سهر وراحت تطلب عصير ليمون وكان وقتها زحمه على الكاشير وقعدت تنتظر شوي والزحمه تزيد وسهر تنرفزت نزلت راسها تنتظر وتحس ان وقفتها بين العيال غلط مع انه فيه كم بنت .. وماصدقت جا دورها دفعت وراحت الجهة الثانيه تنتظر عشان تستلم العصير .. "

......: ياليموون انتا
اخترعت سهر ولفت وراها وارتاحت ابتسمت ولفت وجهها من جديد

" كان واقف وراها حاله من حال الجماعه اللي بنتظرون "

...: مو كويس اليمون حق معدتك
سهر ابتسمت : بدر وخر عني لاتفضحنا اهلنا ورا وماني ناقصه مشاكل
بدر : والله انا انتظر طلبي حالي حال الناس
سهر ابتسمت وقدمت : اي بس شكلنا غلط والمكان مليان خليج الحين بيقولون عني اغازل
بدر يضحك : خلاص بثبت لهم انك خطيبتي لاتزعلين

" راح بدر ووقف جنبها .. سهر اخترعت ولفت الجهة الثانيه وشافت اجنبي واقف ويضحك عليهم وحست انه شك بالموقف هي ابتسمت ابتسامه مجامله ورجعت ورجهها وحطت يدها على فمها "

سهر: هذا الاجنبي ويشوفنا كذا والله لو ماتروح ,, " وسكتت ماعرفت تكمل "
بدر ضحك : اي وش بتسوين
سهر اخترعت : بدرررر " شوي ويوصل طلبها وتقدمت وهو تقدم معها "
سهر تاخذ الطلب : هع احسسسن " اخذته ومشت عنه .. بدر ضحك وماقدر يلف عشان لاحد من اهله يشوف وجهه "

" في نفس الوقت اللي كان بدر يتحرش بسهر "

فيصل : اووه هذا هو بدر شكله راح يستلم الطلب مافي مجال

" شوي وانتبه على اللي قاعد يصير ... فتح عيونه ولا صدق اللي يشوفه .. "


" في سياره فيصل "

" فيصل كان يتذكر الموقف اللي من وقتها قام يراقب حركات سهر وبدر .. هو يعرف حركات بدر وانه مايفتكر في حد .. بس مع ذلك انصدم .. ماتوقع ان في غيره يكون عشقان في العايله قبل الزواج .. فيصل ماعلق ولا عصب ولاشي بالعكس ابتسم .. في خاطره خل يعيشون حياتهم ويوم فكر فيها .. شاف ان مالهم غير بعض دامهم يبون بعض "

فيصل : لاحول ولا قوة الا بالله شسوي الحين .. اسكت ولا اتكلم .. بس ياسر يبي ياخذ وحده اخوه يبيها .. ولا يمكن بدر بس معجب فيها.. تؤ لالا باين عليه يحبها وخصوصا علاقته الزايده من منصور تبين وراها شي .. ياربي والله مدري وش اسوي .. اخاف اسكت واغلط ولا اتكلم واغلط .. لالا بس بدر لو كان يبيها كان تكلم او حتى قال لامه .. والله احترت .. ايه مافي الا طريقه وحده بكلم بدر وبقيس نبضه واشوف على الاقل ارتاح من تأنيب الضمير

" فيصل كان مراقب بدر في السفره اللي سافروها جميع .. فيصل كان عشقان مثل بدر وكان يراقب تحركاته ونظراته لسهر وكيف انه يباسم اذا جابوا اخوانها طاريها .. ولكنه سكت ولا بين شي وبدر مبسوط انه محد كاشفه ..ولكن فيصل بعد ماعرف ان ياسر بيخطب حبيبه اخوه .. ماطاوعه ضميره يسكت ولايتكلم على الاقل يقيس النبض ولا تأنيب الضمير حتى لو عرف بدر ان فيصل يدري فيه "

" رفع تليفونه ودق عليه وبدر ثواني ورد عليه مع ان فيصل فكر انه يتراجع "

بدر : اووووه اوووه وش صاير
فيصل ضحك : افااا بس
بدر: لااه اكيد مادقيت الا وفي طامه
فيصل ضحك : بديير اعقل
بدر ضحك : شخبارك؟
فيصل: والله الحمدالله انت شخبارك وشخبار وليد
بدر: والله كلنا بخير مشتاقييين ماني قادر اقعد طفشت طفشت
فيصل ابتسم : يلا هونها وتهووون كلها كم سنه
بدر يتنهد : ااااخ من عمري يافيصل وشبابي
فيصل ضحك : والله انك .هههههه قولي كيف وليد مع الدراسه
بدر: والله الحمدالله هذا هو يزحف
فيصل يضحك : اي دير بالك عليه
بدر: انا اللي يبغى لي من يدير باله علي
فيصل ضحك : بدر وش صايبك
بدر بقهر: ملييييت ملييييييت
فيصل: مانت بصاحي
بدر: ايه بلاك ماجربت
فيصل يضحك: ولا ابي
بدر: الا شخبارك مشييير لا يدق ولايٍسأل ؟
فيصل عجبه سؤال بدر لانه هذا السؤال اللي كان يبيه : والله هذا هو يبي يعرس
بدر يضحك : لااااااه ههههههه شكله شاف الكل قام يخطب ويعرس وقال يالله معهم
فيصل : اي والله
بدر: ياحليلك ومنهي بنت الحلال اللي مختارها اخونا
فيصل يضحك : تطنز
بدر يضحك : لا حشا بالله
فيصل بعد لحظه : سهر بنت عمي سلمان

" بدر شهق وكأن حد صب عليه مويه ... حس كل الملامح اللي في الكون اختفت بعينه .. شلون راح عن باله ان عنده عيال عم وش كثرهم واحتمال ياخذون سهر من بين ايديه ... فيصل يوم سمع ردة فعله وناداه ومارد عليه فهم بدر على طول وبدون مايتكلم"

فيصل : بس هو مايبيها
بدر كأنه توه يستوعب : كيف كيف
فيصل : امي اختارت له سهر بعدين طلعت سهر اكبر منه
بدر ارتاح شي بسيط وبحماس: يعني الحين شلون هو اللي يبيها ولا امه
فيصل خاف على عقله : لالالا هو مايبي احد بس امي قاعده تفكر لحالها واصلا هو شكله غير رايه

"بدر مع ان كلامه شوي طمنه الا انه هو ماتطمن من ناحيه ثانيه "

.فيصل بالعمد وفيه الضحكه : اصلا مين يبيها سهر شينه عفانا الله
بدر عصب وكان وده يهاوشه الاانه فكر وقال احسن يوم انهم غاضين البصر عنها : مدري يمكن لاني ماذكر شكلها

فيصل " اي هيــــــن "

فيصل : ماعلينا منهم المهم توصي شي
بدر: صدق انك تجيب الهم لا سلامتك
فيصل ضحك لانه فهم عليه : اجل سلم على وليد
بدر: يوصل وانت سلم على الاهل
فيصل: لاتوصي

" فيصل بعد ماسكر عرف انه بدر يبيها وان هم يحبون بعض ولا كان سهر ما اعطته وجه .. وماعرف شلون يتصرف وقتها .. كان عارف ان ياسر مايدري عن اخوه .. بس الحين حس فيصل ان حياة بدر بيدينه لانه هو الوحيد اللي يعرف عن هذا السر .. واذا ماتحرك وماسوا شي.. عمره مارراح يسامح نفسه .. وصميره ماراح يخليه يرتاح "

" اما عند بدر .. صحيح راحت الفكره عن باله .. الوضع في عايلتهم مايطمن في الفتره الاخيره كثير منهم صاروا يتزوجون .. وعرف انه مايقدر يضمن سهر وخصوصا بعد كلام فيصل .. هو مجرد انهم حطوا سهر في بالهم جننته الفكره شلون لو يخطبونها .. نجن بدر وحس انه مو على بعضه وانه مختنق ووده لو يرجع السعوديه على الاقل يخطبها ويرجع .. ولكــــــــن اللي خلاه يتهاون كلمة فيصل الاخيره يوم قال له اصلا من يبيها .. بدر اخذ راي فيصل فيها عن راي الجميع .. فكر كل احد ينظر لها بهالمنظور وهذا الشي اللي خلاه يتهاون شي بسيط "

.
.
.


" في سياره فواز "

" فواز بعد مكالمه نايف له حس ان الدنيا ماهو واسعته .. ماندم انه قال لنايف بلاول .. حس ان موضوع نجود يمكن يكون سهل واكيد نجود بتقتنع وبترجع له لانه كان حاس انه اكيد بترجع له واكيد انه هي اشتاقت له بعد "

فواز : ياربي معقوله كل شي صار مثل ما ابي ... الحمدالله والله ماكنت متخيل موقفي وانا موقف قدام عمي واقوله كل السالفه اني شكيت في بنتك .. ياربي انا حمار .. شلون قدرت فيها شلوون مع انها ثبتت لي انها عكس الفكره اللي اخذتها عنها .. حتى لو وصلت السالفه انها كانت تحب سلطان .. لو كان سلطان بس يفكرر فيك كان خلتك له بس سلطان مايحس بشي تجاهها وهي فاهمته غلط .. معقوله هذا الموضوع ببساطه وانا اللي شايل عنها الفين فكره .. ياربي سامحني ان اخطيت بحقها.. مستحيل اقدر اسامح نفسي بعد اللي سويته فيها .. صدق ماتحس بقيمه الشي الا اذا فقدته .. المشكله ماصرت اقدر اقعد بدونها .. تعودت عليها .. حتى لو ان حياتنا كانت مكركبه احيانا الا اني تعودت على هذا الوضع واشتقت له بعد ... اااه عمري ماتخيلت اني بيوم بحب غير دانه .. والحين حبيت اكره انسانه كنت اشوفها على وجه الارض بنظري .. يارب تعقل وتفهمني انا واثق انها تحبني واثق

" فواز حس بالحنين اتجاه زوجته .. وحس بقيمتها بعد مافقدها مع ان حياتهم احيانا كلها هواش الا انه اشتاق حتى للهواش معها .."

" قطع حبل افكاره صوت جواله .. رفع جواله وشاف سلطان داق "

فواز : هئ ليتك نجود تعرف قيمتي مثل ماصرت تعرفها

" ورد عليه "

فواز : هلا بو سلمان
سلطان بصوت هادي : هلا فواز شخبارك
فواز برسميه: الحمدالله بخير ونعمه بشرني عنك؟
سلطان افنجر: ممكن ماتكلمني بهذي الرسميه ترى الاخلاق قافله معي
فواز ضحك بداخله وغير صوته: وش قلت انا قلت الحمدالله فيها شي
سلطان يتأفف : لا بس فواز اذا كنت فاضي ابي اتكلم معك اذا ممكن
فواز قرر يقهره : ودي والله بس انا شوي مشغول
سلطان صرخ فيه : فوااااز عاد خلاص ماحنا بزران عشان تزعل وتصادد عني
فواز : والله مصيبه اقولك مشغول تقول لي اصادد عنك انا موجود طول الوقت بس انت ماعرفت تختار الوقت المناسب
سلطان : الشرهه ميب عليك الشرهه علي انا اللي داق عليك " وقفل بوجهه "

فواز ضحك : اموت واعرف هالغرور ليش مو راضي ينزل

" فجأه فواز حس بالحزن ناحية عارف انه محتاج له وانه يمر بظروف صعبه ورجع اتصل عليه وسلطان على طول رد عليه "

سلطان : نعم
فواز ابتسم : وينك فيه الحين ؟
سلطان لان خاطره شوي : في الخيمه
فواز : ثواني وانا عندك سلام " وسكر منه "

" سلطان اخذ نفس وتنفس بأرتياح "

" غير فواز واجهته لعند الخيمه اللي تعودوا يجتمعون فيها الشباب .. وعشر دقايق ربع ساعه وهو عند سلطان .. نزل فواز وتوجهه للمدخل واول مادخل شاف سلطان منسدح ومغمض عيونه .. حزن عليه وعلى وضعه .. من جد الله يعينه "

فواز تنحنح : احــــم
سلطان فتح عينه على طول وصلح جلسته
فواز : السلام عليكم
سلطان : وعليكم السلام ياهلا

" راح فواز وسلم عليه وقعد جنبه "

فواز : طاح اللي براسك استانست
سلطان ابتسم : فواز واللي يرحم والديك والله مانت حاس فيني
فواز : مدري مين اللي مو حاس في الثاني .. مدري انت غرورك وين بيوصلك
سلطان : اوووهووو على سالفه الغرور انت الثاني تراك فضحتني كلمه والثانيه غرورك غرورك
فواز بعناد : ايوه انت مغرور
سلطان ضحك : انت جاي تستفزني ولاكيف ؟
فواز : على الاقل اطلع حرتي فيك
سلطان ضحك : خلاص اعتبرها وصلت بس فكني
فواز ضحك : شخبارك
سلطان : زفت ولله الحمد
فواز : افا ليش بس .." وشوي " قلت لهم
سلطان : بقول لهم وبتشوفني قاعد في البيت
فواز : مادري قلت يمكن...!!
سلطان : اليوم بقول لهم
فواز رقع قلبه : يعني خلاص
سلطان : لافكرت فيها ليش نطولها
فواز حس كأنه هو المذنب : مدري وش اقولك .. طيب فكرت وش بتقول وشلون بتواجهم
سلطان : بكلم ابوي بلاول صراحه اخاف على امي
فواز حزن عليه وضرب ركبته : نبهتك من الاول نبهتك
سلطان لف عليه : فواز انت عارف اهلي والعاده المتخلفه اللي عندهم
فواز : بس ولو كان اهون في فرق لمن تقول بتزوجها وتزوجتها
سلطان : فواز والله يعافيك لاتزيدها خلاص اللي صار صار
فواز : مو المشكله انه اللي صار صار طيب وش بتقول له
سلطان بعبط : بقول له يبه تزوجت انا
فواز ضحك : ترى مو وقتك
سلطان : اجل ليش مكلمك انا ابيك تساعدني
فواز : خلاص انا اقوله سلطان تزوج
سلطان لف عليه بقوه فجأه ضحك
سلطان بضحكه حلوه : وش سالفتك انت اليوم متبرع بدمك
فواز ضحك : خلني صار لي فتره ماضحكت
سلطان : اووه تراضيتم ..!
فواز : مابعد على وشك ان شاء الله
سلطان ابتسم : الله يجمع مابينكم
فواز : المهم خلك مني فكرت وش بتقول له
سلطان : بقول له كل شي بس خايف على ابوي يصير فيه شي
فواز بنظره بعيده : مو بس ابوك العايله كلها بتقوم عليك
سلطان : ماهموني اهم شي عندي ابوي يوفق ولا هم ماعلي منهم
فواز : مافكرت بزوجتك وكيف بتكون منبوذه بينهم
سلطان : ماعلي منهم اصلا ماراح اخليها تختلط فيهم
فواز : طيب لنفترض عمي ماوافق عليها وانك لازم تطلقها
سلطان : مستحيل زوجتي حامل
فواز حس المصيبه مصيبتين : لاحول ولاقوة الا بالله طيب الحين خلينا من حامل ولالا انت كلمهم عن زواجك وبعدين عن الحمل لان خالتي لو تدري والله مدري وش بيصير فيها

" سلطان سكت وقعد يفكر بهذي النقطه اللي كان حاطها عذر انه مايقدر يطلقها "

فواز: لاتجيب لهم ذا الطاري بالمره
سلطان تنهد : ليش ماتجي معي ونقوله مع بعض
فواز : ماشوفك خذتني معك يوم جيت تخطبها
سلطان ناظره بنظره : افففف انت ماتعرف الاتجرح
فواز : انا ولا انت .. شوف نفسك ياسلطان كم شخص بتجرحه امك ولا ابوك ولا اختك اللي بيموتون ويحظرون زواجك وكل واحد يتحلم وشلون بيكون زواج صغيرهم .. انت جرحتهم ولا انت حاس

سلطان حس بتأنيب الضمير وعرف انه مستحيل يسامح نفسه

سلطان : فواز اليوم موتي تدري موووتي
فواز : شوف لاتستغرب اي ردة فعل ... يصرخ بوجهك يضربك او حتى يطردك من البيت .. تحمل كل شي يجيك ياسلطان وغرورك هذا قلعه يولي مو تقول ابوي طردني شلون ارجع ومادري وشو .. تحمل اي شي يجيك واكيد انت حاط هذي الاحتمالات ولا ..؟؟
سلطان : يهاوشني يطردني بس يضربني صاحي انت
فواز : انا قلت لك هم صحيح بيقلبون الدنيا فوق راسك بس انت لازم تصبر وتتحمل وبعدين الاوضاع بتهدا

سلطان هز راسه

فواز بعد لحظات : والله مو قصدي اجرحك ياسلطان بس انت لازم تنتبه لتصرفاتك .. ولازم تحط كل شي ضمن الواقع .. والله ودي اكون معك .. بس مابي السالفه تكبر انت فهم ابوك برواق ولاتتطاول معه حاول على قد ماتقدر تمسك اعصابك
سلطان تنهد : اف اف اول مره احسس اني غبي غبي غبي

" فواز كان وده يقول اي والله بس حس جرحه بما فيه الكفايه ولكنه اللي قطع محور حديثهم مساعد كان يبغى يسأل عن مكان فواز "

فواز : هذا مساعد توه واصل الخبر .. المهم الحين قوم وقول له والله يكون معك
سلطان تنهد ويحس ان قلبه بيطلع من صدره : فواز خلاص قررت بكرا بقوله
فواز : وش يفرق ياخوي اليوم ولا بكرا .. دامه اليوم رايق توكل وقول له .. واانا الحين بروح عنك واي شي يصير دق علي
سلطان مسك نفسه : شوف اذاا مادقيت عليك ولا كلمتك اعتبرني في المقبره
فواز ضحك : وش دعوى ياشيخ ليتك خفت يوم تهورت مو الحين
سلطان صربه على كتفه : قم قم اصلا وجودك من اصله قلق
فواز بجديه : لامن جد ياسلطان والله مو داعيني قلبي اخليك بروحك بس ماقدر اتدخل بموضوع فيه عمي .. بكرا يحط اللوم علي وعليك .. وبس الله يكون معك

" فواز وقف ووقف معه سلطان "

سلطان : على خير والله يستر

" بعد كذا ودع سلطان فواز وترك سلطان يصف الكلام ويوزنه بعقله ويحط الف حساب حق اي ردة فعل "

.
.
.

" في بيت بو فواز "

منار : واااااااااااه واخيرا وصلتوا
لميس ضحكت وهي تضمها : واي واي اسكتي كنت بموووت يوم قالوا مافي لك روحه

"منار ضحكت وضربتها على ظهرها وبعدها راحت وسلمت على ميساء وبعدين راحوا وجلسوا في الصاله "

منار: تدرين كنت بموت من الطفش محد عندي لو ماجيتي كان ذبحتك
لميس تضحك : اسكتي انا اكثر الرياض تجيب المرض مالك خلق حتى تطلعين
منار: من جد بس سخافه ليه ماجا خالي وخالتي
لميس : بابا عنده شغل وامي بتقعد مع اخواني
منار شهقت : اووه اخوك برا ولا
لميس: لا اتصل على فواز والظاهر بيروح معه
منار ابتسمت : اووكي

" وبعد شوي ضيفتهم وقعدوا يسولفون على رواق وميساء طول الوقت ساكته "

منار : ميوس شعندك ساكته؟
ميساء ابتسمت بهدوء : لا ابد مافيني شي
لميس: تستحي بالموت شحبتها وجبتها
منار فتحت عينها وعضت على شفايفها : صدق وش دعوى ماعندنا عيال خذي راحتــك
ميساء بسرعه : لالا ماعليك منها
منار ضحكت: عاد جنو اول ماعرفت انكم بتجون قالت اول مايوصلون دقي علي عشان اجيكم
لميس ضحكت : ياحليلها كلميها تجي
منار: شوي وبتصل عليها .. " ولفت على ميساء " ماعندك رقمها؟
ميساء: الا عندي رقمها بس كل مادق عليها ماترد
منار تضحك : اي ماترد على ارقام غريبه... كان ارسلتيلها مسج
ميساء ابتسمت : مادري نسيت ولا خطرت في بالي بدق عليها الحين واذا ماردت برسل لها
لميس : وخواتها بعد
ميساء خزتها : استحي
لميس ضحكت : منار خذي كلميهم هذي غبيه تستحي
منار تضحك : اوكي عطيني موبايلك مافيني اطلع اجيب موبايلي

.
.
.

" في بيت بو فيصل "

" كانوا وقتها قاعدين بالصاله يتقهوون "

وصايف: ليش ماتردين؟
جنى : اوووه هذا رقم صار له فتره يدق علي
اديم : كان رديتي يمكن حد يبيك
مشاري عقد حواجبه : لا لاترد على ارقام غريبه اذا حد يبيها ضروري بيرسل لها مسج
اديم : طيب عطي مشاري يرد
وصايف: اي صدق
جنى قامت واعطته مشاري
مشاري رد بدون مايشوف الرقم : الوووو

الخط الثاني على طول قفل
0
مشاري رفع حاجبه : قفل بوجهي انا اوريه .. عطيني الرقم وانا اتصرف ولاتردين عليه سامعه
جنى : طيب ماقلت شي انا عشان تقعد تصارخ
وصايف بسرعه: مشاري مشاري دق عليه من جوالك
اديم: اي صح يمكن يرد
مشاري هز راسه

" مشاري اخذ الرقم وقبل لايضغط الزر طلع برا واتصل على الرقم وشوي يطلع له ان الاسم مسجل عنده واول ماقرا الاسم ارتجف وسكر الخط بسرعه "

" مشاري سند راسه على الجدار اللي جنب الدرج حق بيتهم وقعد يتنفس بسرعه ولف وجهه على الباب خاف احد كان يراقبه "

مشاري وهو يرجف : معقوله معقوله هذي ميساء اللي انا اعرفها نفسها اللي تعرفها جنى ..لالا اكيد يتهيأ لي

" ورفع جواله من جديد وتأكد من الاسم "

" مشاري نزل من درجات بيتهم وراح وركب سيارته بعيد عن انظار الناس يبي يصدق اللي صار معه "

" على طول رفع جواله من جديد وقعد يتأمل فيه وبعدها نزل راسه على الدركسون "

مشاري : معقوله هي قريبه مني وانا مو حاس فيها .. اي طيب ليش ماترد علي اكيد رقمي مسيف عندها معقوله تكون مسحته.. يمكن انها ندمت يوم انها تعرفت علي اكيد ندمت بس هي ليش مو راضيه تصدق اني بجد ابيها ااااااااااخ بس

" مشاري حس انه مايقدر يصبر لازم يشوفها يعني لازم يشوفها ..صحيح كان مشتاق انه يشوفها او حتى يكلمها ولكن الحين زاد شوقه وماهو قادر يصبر حتى ... حس انه قاعد يحلم لدرجه انك شك انه غلط بنقل الرقم على جهازه.... نزل من السياره ويحس انه رجع يتوه .. الحين صارت قريبه منه ومستحيل يخليها تفلت هالمره.. خطرت في باله فكره على الطاير وركض نزل "

" اول مادخل "

جنى : رد عليك
مشاري تنهد : لا

" شوي ودق جوال جنى رقع قلب مشاري "

جنى ابتسمت : هذي منور
جنى : الووو .. هلا فيك .. الحمدالله انتي شخبارك .. ياعسى دوم ... هههههههه هذاك جوال ميساء .. وانا شدراني خفت .. هي الغبيه ليش ما ارسلت لي مسج ... هههههههه طيب وينهم وصلوا .. الحمدالله على سلامتهم ... اي اي اكيد بجي افا عليك ... هممم وقفي اسألهم

جنى تكلم خواتها : بتروحون لمنار
اديم : فشله اهلها توهم اليوم وصلوا خليها بكرا
جنى رجعت تكلم منار : سمعتيها ماهي راضيه .. هههههه طيب
جنى : سمعتيها ماهي راضيه .. ههههه طيب
جنى رجعت تكلمهم : تقول لو ماتجون بتزعل عليكم وعن السخافه ولاتصيرون سخيفات ومالكم داعي
وصايف فتحت عينها وجنى تضحك
جنى لمنار: ههههه كييفي ذولا يالله يجي معهم كذا
اديم تضحك : تنصب النصابه
جنى: اي خلاص بنجي تجهزوا لنا خخخخ.. ههههه يلاباي
جنى : خلاص خلاص مشاري هذي ميساء بنت خالهم اكيد اخترعت يوم رديت عليها مسكينه
مشاري هز راسه : اجل بتطلعون؟
وصايف: لا وش فيك انتي غثه تو اهلها واصلين اليوم
جنى : عادي الناس اجازه مو مدارس بعد
ام فيصل: روحوا غيروا جو
اديم لوصايف : وش قلتي
وصايف: مدري عنكم
جنى بحماس : خل نروح نغير جو
وصايف: مدري ودي اطلع ..!!
جنى : بنطلع نتجمع هناك وبعدين نقرر وين بنطلع وبنطلع
اديم : خلاص خلاص بنروح

" وبعد ماوافقوا انهم يروحون... طول الجلسه ومشاري يستمع لهم .. ويشوفهم على ايش يخططون وبعد ماعرف الزبده طلع فوق غرفته وراح يلبس على اساس انه بيطلع ... اتصل على صديقه مشعل وتواعد معه "

.
.
.

" الساعه 5:00 العصر "

" في بيت بو نايف "

" بعد ماخلض نايف حواره مع فواز طلع هو وبسمه ... راحوا لنجود وصار لهم ساعه يكلمونها ويقنعونها وهي تعطيهم الاذن الصمخه "

نجود : نايف انسى انا اصلا ملييييييييت
نايف ياخذ انفاسه : نجود لو سمحتي افهمي .. فكري بعقلك لو مره .. نجود لاتصغرين عقلك وتخلين غرورك يغلب عليك .. نجود انتي تحبين زوجك وهو يحبك لاتكابرين .. روحي طالعي وجهك وشوفيه من فراقه وش سوى فيك
نجود بسرعه : لا اصلا كل اللي فيني من هم عشته معه ومشاكل ماتخلص
نايف: لو صحيح كلامك كان شفناه من قبل نجود انتي كل شي يبين بوجهك لاتحاولين تخبين وانا اعرفك ان مستحيل تسكتين على شي اذا كان صحيح هو زاعجك ولا متمشكل معك .. شلون تفكرين بقرار مثل كذا وانتم توكم سنه ماكملتوا حتى توكم ماتعرفتوا على بعض زين .. لازم بتاخذون وقت على ماتتفاهمون .. والله لو فواز مو شاريك ماكان جيت وكلمتك
نود نزلت راسها: غيرت رايك يانايف امس تقول انك ماراح تغصبني واليوم جاي تلح علي ارجع
بسه هنا تكلمت : لو مو خايفين عليك يانجود ماكنا غصبناك .. صحيح هذي الاشياء مو بالغصب بس انتي لازم تفهمين اللي تسوينه غلط في غلط
نجود : اصلا لو امي ولا ابوي يعرفون باللي صاير ماكان سكتوا له .. وانتم جاين تغصبوني ارجع له .. ماني راجعه انســــــــــوا

" نايف تنهد ولف على بسمه وبسمه بنظراتها قالت له لاتستسلم "

نايف يتنهد : طيب شوفي حنا بنعطيك وقت تفكرين فيه وتراجعين نفسك .. بس فواز بيجي اليوم وبيتفاهم مع ابوي .. وبنخليه يختلق له عذر غير اللي صار
نجود شهقت : نعم نعم نعم ... تخطون عليــه
بسمه : حنا مانغطي عليه بس حنا ماودنا بالمشاكل ودنا الامور تنحل بسهوله
نجود قامت وهي تتأفف : انا اللي عندي قلته لكم اذا جا اليوم بنزل وبقول حق ابوي كل شي

نايف طلع من طوره ساعه يكلمها ويترجاها وهي ماهي راضيه تستجيب لكلامهم ولا رجاهم

نايف بصوت اعلى شوي : اوووووه نجود ماصارت حاله.. ما الومه الرجال يوم طلع عن طوره .. ماقد شفت وحده عنيده مثلك ولاتفهم

نجود ناظرت فيه وبعدين عصبت : خلاص اطلعوا مابي اشوف حد .. كلكم تبون تفتكون مني مع انكم تدرون هو وش سوا فيني .. قاعد تخبي عليه لانه ولد عمك .. ماهمك اختك اهم شي علاقتك معه " وانسدحت داخل الفراش وخبت نفسها " خلاص اطلعوا اطلعوا مابي اشوف ولا احد

" نايف تحسف انه قال ناظر ببسمه بيسأس وبسمه ماكان بيدها حيله "

" نايف راح لعندها وشال اللحاف عنها "

نايف: خلاص حبيبي انا اسف مالك الا يرضيك

" نجود غطت وجهها بيدينها "

" شوي وطلع نايف ومعه بسمه "
بسمه تتنهد : والحل
نايف: باينتها مصره
بسمه تتأفف : الله يهديها بس .. صار لنا ساعه نكلمها ومافي وقت وفواز الحين راح يجي وهي لساتها معنده ..
نايف: شسوي الحين

بسمه تنهدت : شتسوي كلم فواز وقوله .. مسكين فواز الله يعينه من اللي بيجيه من امي وابوي

" وراحت عنه "

" نايف بعد ماسمع كلام اخته شكله هون ماراح يطلع بيقعد اليوم في البيت بيشوف وش المصيبه اللي بتنزل عليهم اليوم .. حس ان اليوم ماراح يعدي على خير "

.
.
.

" في باريس "

" غزل ومنصور كل واحد فيهم قاعد يعيض يومه وينتظره يعدي على خير .. ولاهم دارين عن اللي قاعد يصير هناك .. منصور في البدايه توقع ان كل العقد اللي ممكن تواجهم انحلت .. لكن اللي قاعد يصير معه عكس اللي شافه في البدايه .. رجع منصور لاحباطه من جديد وشاف ان سفرتهم تطول احسن من انهم يتهاوشون قدام اهلهم .. او بلاحرى منصور مايبغى غزل تكون جنب اهلها.. عشان لاتكبر راسها وكل يوم شايله عبايتها وعلى بيت اهلها .. هنا يمكن يقدر يصلحون الوضع بينهم وبدون مساعده اهلهم .. منصور كان شايف الموضوع قبل لاياخذها لعب عيال وممكن ينتهي .. ولكن بعد ماتزوج حس حتى نوعيه المشاكل اللي كانت بينهم قبل الزواج تغيرت ... الحين غير ولها طعم غير حتى .. "

" اما غزل .. كانت تشوف الوضع يكون بينهم كذا احسن ..لان هي كانت تكرهه ودايم تقول انه اخر انسان تقكر تاخذه .. طول الوقت تندم على اللحظه اللي عرف منصور يغلبها فيها .. وتحترق من ادخلها .. هي تحس الحين هي ماتكرهه بس اذا تذكرت الاحداث اللي صارت بينهم تحس انها لازم تكرهه .. تفكير غزل بدائي في هذا الوقت .. وكل اللي يهمها ترضي غرورها وبس .. مع ان كان عندها احساس وقوي ان كل شي بيتغير بس اهم شي عندها انه مو الحين وانها ماتستلم مو الحين .. وبنفس الوقت تحس انها طفشانه ومتملله من الوضع مع ان هذا اللي تبيه .."

" كانوا قاعدين بالصاله ومنصور كل شوي يرفع عينه لها يبيها تسوي شي عشان يكلمها ولا تقول شي بس الظاهر مافي فايده الاخت مندمجه بالتلفزيون مع انه مافي شي يستدعي للتحميس "

منصور بجديه : احم غزل ممكن كاس شاي

" غزل اول شي رفعت عينها له تبي تشوف نوع تعبيره بس شافته جدي وقامت وهي ساكته.. راحت غزل وسوت له كاسة شاي و كان فيه اكواب كبيره .. احتارت كم ليبتون تحط وفي الاخير قالت بتحط ثنين عشان يدنق راسه *_^ وبعد ماخلصت راحت وحطته جنبه "

منصور ابتسم : شكرا

" غزل ماردت وقعدت مكانها .. ومنصور كان ينتظر الشاي على مايدفى شوي كان يطالع فيها وهي حست بنظراته وتوترت .. وقامت تناظر فوق تحت ماهي قادره تتحكم بتصرفاتها .. شوي ومد منصور يده على الكوب ورشف منه وعلى طول رفضه "

غزل لفت عليه وفتحت عينها : وش فيه
منصور حس انه قرف ورجع الكوب بالقوه وشاف فيه ثنين ليبتون واخذ كلينكس ونظف نفسه
غزل فكرت انه يبي شي عشان يتمصخر عليها فيه
منصور بعصبيه : قومي جيبي مويه
غزل عصبت من طريقته : نعم ..!!
منصور وقف : استغفر الله العظيم بنت بهالطول ماعلموها اهلها شلون تسوي كوب شاي حاطت لي ثنين ليبتون " وراح المطبخ يشرب له مويه "

غزل استغربت " وش فيه ذا فيها يعني اذا حطيت ثنين ليبتون "

" منصور طول ماهو بالمطبخ وهو يتحلطم يبي يستفزها "

" رجع منصور ورمى نفسه على الكنبه بقوه "

غزل : وانا شدراني قلت عشان يدنق مخك
منصور ضحك بداخله : محد قالك اني ابي ادنق قلت ابي اشرب شاي مثل الناس
غزل تدافع عن نفسها: مشكلتك والله انا احب الشاي كذا وانا ايش عرفني انك تحبه بليبتون واحد وكوب كبير
منصور بأستهزاء : لاتضحكين على نفسك ماقد حد سواها اذا انتي صادقه قومي اشربيه عني
غزل انتفضت " من جده هذا " : وويييع هذا اللي ناقص اشرب من بعدك
منصور استانس انها تفاعلت معه : اسم الله عليك من زين شفايفك اصلا تجيب المرض استغفر الله على ايش تخافن عليها ياحظي
غزل انقهرت ولمت شفايفها وبسرعه قالت : اصلا لو انها تجيب المرض كان........ "وشهقت وسكرت فمها "

منصور مات ضحك عليها ونقز على الكنبه وينقز عليها بس عشان يغيضها : كان ايش كان ايش
غزل ضحكت غصب عنها ورمت عليه المخده : بس بس لاتكلمني
منصور لساته يضحك ورمى نفسه بالقوه سوا نفسه ميت من الضحك : اااااه ياقلبي غزل تكفين عيديها والله عجبتني
غزل عضت على شفايفها : منصووور بس " رمت المخده جنبها وجت تبي تقوم تروح الغرفه من الحيا ماعرفت شتسوي "

" منصور قام لها ومسك يدها وسحبها لعنده "

غزل : وخر عني
منصور بأبتسامه واسعه حط وجهها بين يدينها وحس بحراره وجهها وعرف انها خجلانه : شفيك ياختي عادي انتي ماقلتي شي غلط

"غزل نزلت عينها وحست بحراره تبخ جسمها كله واكتفت انها تكتف يدها وتنزل راسها .. منصور استانس على شكلهم وهم واقفين كذا حس ماوده يخترب جوهم وبعدها نزل يده من على وجهها ومسك يدها واخذها واخذها وقعدوا على الكنبه وهي تحس من الفشله ماتدري وين تودي وجهها ومنصور حده متشقق من الوضعيه اللي هم فيها وحس ماودها تقوم عنه "

منصور ويدها لسا بيده : ياحلوك وانتي مستحيه وربي احلى من هالكشره اللي حاطتها بوجهك

" منصور هنا خرب على نفسه كل شي غزل بعدت يدها ووقفت ومنصور حس بتأنيب على الي قاله "

غزل : شقصدك يعني ماستحي
منصور رمى نفسى على ظهره بالقوه: اااااخ من قال
غزل : جــدي " وراحت بتدخل الغرفه "
منصور يبي يقهرها : انا اشهد انه صدق " ولفت عليه وطلع لسانه لها "

غزل لفت شعرها بالقوه وبدلع متعمد ودخلت الغرفه

منصور: اااااااخ " وغطى وجهه بيده " وشوي ضحك على اللي صار وعرف انه حظه كذا من عرف غزل "

.
.
.

" في بيت بو محمد "

" الساعه 5:30 "

" في هذا الوقت كانت ام محمد قاعده مع محمد ونجوى وسهر يسولفون شوي ودخل عليهم سلطان وكان وقتها مرتبك حده "

سلطان : يـاولد

" محمد التفت على نجوى ونجوى حطت حجابها على راسها "

محمد : تفضل

سلطان : السلام عليكم
الكل : وعليكم السلام
ام محمد : وينك ياولدي من بعد الغدا ماشفناك
سلطان ابتسم : اعذريني يمه كان عندي مشوار مهم
ام محمد : على خير طيب اجلس وش عندك واقف
سلطان برعشه في داخله : ابوي وينه
ام محمد : بغرفته
سهر : سلطان لاتنسى انك وعدتني بأنك تطلعني
سلطان ابتسم من ورا خاطره : ابشري ولايهمك.. انا استأذن بروح اشوف ابوي
ام محمد : وش عندك؟
سهر تضحك : ياشين اللقافه
محمد ابتسم : بس يابنت
سلطان وقلبه يرجف : لابس عندي موضوع ابي اكلمه فيه
ام محمد : على خير

" سلطان وهو رايح افترت عينه على المجلس بالكامل وشاف محمد .. اول ما بعد عنهم فكر في انه ليش مايقول في البدايه لمحمد وبعدين يقول لابوه .. على الاقل يساعده شوي وبعدها رجع سلطان "

سلطان : محمد

" محمد انتبه على ملامح اخوه وهو يتكلم مبين ان الموضوع حده جدي .. حس ان لون سلطان مخطوف وانه مو على بعضه "

محمد " الله يستر من ياسلطان وش مسوي بعد "

محمد : هلا
سلطان : ياليت تجي شوي

" ام محمد وسهر التفتوا على بعض الولد باينته ماهو بطبيعي "

محمد : ان شاء الله

"سلطان سسبق محمد على فوق ومحمد لحقه وعرف ان فيه شي صاير .. دخل سلطان ودخل محمد وراه وقعدوا على الاريكه اللي بغرفة سلطان "

محمد : تفضل سلطان قول وش عندك

" سلطان مارد ونزل راسه لاشعوري ارتعش قلب محمد اول مره سلطان ينزل راسه واكيد مانزل راسه الا وراه شي ماهو بهين "

محمد : والله كنت حاس وضعك اليوم مو طبيعي وفيها بعد نزله راس تكلم سلطان وش فيك ؟

سلطان : محمد لاتربكني عاد خلني اتكلم
محمد اخذ نفس: ان شاء الله
سلطان بعد لحظه : محمد انا انا

" محمد من سمع انا انا بصم ان سلطان مسوي له سالفه اول مره يكون سلطان بهذي الحاله ومتردد بهذي الطريقه ..وبعدها اخذ نفس عميق عشان يسمع الكلمه اللي وراها وغمض عينه "

سلطان : انا تزوجت

محمد شهق وزفر كل الشهيق اللي سحبه بثانيه ووقف على حيله : نعـــــــــــــــم ..." انعقدت حواجبه وعلى صوته " انت شقاعد تقول

سلطان : اللي سمعته
محمد كان يدور شي عشان يفض غضبه فيه بس مالقى : انت فاهم الكلام اللي تقوله فاهم
سلطان : فاهم خلاص خلصني واللي يرحم والديك لاتزيدها علي انت الثاني
محمد كتف يدينه ومسك اعصابه : وشو اخلصك وشو اخلصك " وسحب نفس بالقوه عشان يريح اعصابه اللي اتلفت خلاص ورفع يدينه ونزلهم مره ثانيه مو عارف وش يسوي .. عرف كل اللي بيسويه ماراح تبرد حرقته ولا راح تسوي شي "

سلطان : شوف لاتقعد تسوي افلام ترى حدي مو ناقص
محمد يأشر بيده: ياخي انت من وشو مخلوق بكل بساطه جايني انا تزوجت وتناجر بعد
سلطان : إن لله مو ناقصني الا انت
محمد: هذا بعد ما جاك شي وتقول لي انك مو ناقصني
سلطان تأفف : محمد ترى اعصابي حدها مو اوكي واخلاقي واصله معي
محمد : سلطان لاتنسى انك ملزوم تحترمني ... هئ وانت اصلا خليت فيها احترام .. بس وش اقول حسبنا الله ونعم الوكيل وهذا اللي بتقوله لابوي .. تبي تجيب اخرته على يدك .. بالله ماتقول لي من بنته هذي اللي قبلت تاخذك وانت رايح تخطبها لحالك
سلطان عصب : ميب سعوديه

" محمد فتح عينه وقعد يناظر اخوه بحمقيه يحس عادي يذبحه بس مسك اعصابه "

محمد : اجل .... بريطانيه
سلطان بعد لحظه : لا كويتيه
محمد : اهاا عشان كذا انت رايح الكويت على اساس انك بتشوف ربعك
سلطان: ايه
محمد سكر عينه ويكتم غضبه لانه عارف ردة فعله مالها اهميه بقد ما امه وابوه اهم : سلطان تدري ان ابوي بينهي عليك
سلطان على صوته : اووه ادري انا جايبك عشان تكون معي وانا اقوله اخاف يجيه شي

محمد بنظره قويه لاخوه ومع كذا كانت تلمع : ماشوفك طلبت مني اكون معك يوم جيت تاخذها ... تدري امي في اليوم كيف كانت تحسب الف حساب لزواجك وكل يوم تنقي لك وحده .. صغيرها واخر واحد بتفرح فينا وانت ولاهمك رحت وتزوجت وانبسطت .. ولاهو هامك لا ام ولا ابو ياحسافتي عليك ياخوي .. ياحسافتي عليك

سلطان يدافع عن نفسه : محمد لاتلومني سافرت وشفتها وحبيتها ... وو ماحبيت يكون بيني وبنيها شي بالحرام مالقيت الا اني اتزوجها ..

محمد باستهزاء : سافرت برا تغربت .. كلنا سافرنا وكلنا تغربنا وتحملنا البلا اللي هناك محد فينا سواها وتزوج بدون شور اهله ... ومتى تزوجتها
سلطان : من 3 شهور

محمد ضحك ضحكة استهزاء : ماشاء الله ماحسيت انك تبي تتزوجها الا قبل لاترجع بثلاث شهور توك حسيت انك ماتبي شي بينكم بالحرام ,, تضحك علي مين يا سلطان

سلطان يتأفف من اعماقه

محمد : اذا كنت مفكر اني بكون معك وانت تذبح ابوي ... اجل انسى ياسلطان انسى
سلطان: وش دعوى لاني اول واحد ولا اخر واحد
محمد: خلاص روح وقوله يبه انا تزوج وترى ماني اول واد ولا اخر واحد برد على قلبك انت بس
سلطان تنرفز : محمد ارجوك والله لو يصير شي لابوي بسببي بذبح نفسي
محمد: وش تنتظر من ابوي وانت تقوله هذا الكلام وبعدين حنا من متى اخذنا من برا العايله
سلطان : ابوي اول واحد اخذ من برا مافيها شي .. وبعدين الله واكبر على بنات العيله اللي فاضحني عليها
محمد : احترم نفسك على الاقل اشرف من البنت اللي انت ماخذها
سلطان : محمد لو سمحت عن الغلط على الاقل خل الاحترام موجود بينا
محمد بأستهزاء : وانت خليت فيها ذره احترام

سلطان : اوووهوو شكرا مابيك تسوي لي ولا شي خلاص انا بروح اقول لابوي واللي فيها فيها

" وطلـــــــع "

" محمد قعد على الكنبه ماهو عارف كيف يتصرف .. سلطان خطى خطوه خطيره .. حس بحرقه في داخله تاكله على اخوه .. كان عارف ان اللي سواه خطأ بس اللي يعرفه اكثر ردة فعل ابوه يمكن ابوه يذبحه قدامهم عادي .. محمد كان عارف بكلام الناس اللي راح يطلع على سلطان وعلى ابوه وتربيته وابوه مستحيل يرضى بهذا الشي وكان خايف بالحيل من ردة فعل ابوه وامه .."

.
.

" سلطــان"

" سلطان اول ماطلع من غرفته ترك الباب مفتوح.. كان سلطان حده متوتر اذا كانت هذي ردة فعل اخوه فكيف راح تكون ردة فعل ابوه والاهم امه .. توجه لغرفة ابوه ... وقف لحظه قدام الباب واستجمع قواه وتعوذ من الشيطان ودق الباب "

" وصله الرد بعد ثواني وكان الصوت واطي "

" دخل سلطان الغرفه ولاشاف احد فعرف انه اكيد بالمكتب .. مشى سلطان متوجه ناحية المكتب وقلبه يتراقص من الخوف .. اول ماقبل سلطان على ابوه ابتسم له وسلطان رد الابتسامه لكن ابتسامته كانت صفرا كانت ابتسامه خوف وقلق .. "

سلطان : السلام عليكم
ابو محمد نزل نظارته وسند ظهره على الكرسي : وعليكم السلام تفضل يبه
سلطان ابتسم : زاد فضلك " وجلس "
ابو محمد : هاه شخبار ولدي سلطان ؟
سلطان ابتسم : الحمدالله ماعليه
ابو محمد : الحمدالله

" سلطان سكت والابو سكت ولكنه كان يناظر ولده وكأن يقرا شي في باله "

ابو محمد عاقد حاجب : هاااه اكييد جيتك هذي وراها شي ؟
سلطان ابتسم ورفع راسه لابوه : اي والله
ابو محمد : امر.. تدلل.. قول واسمعك وانا ابوك

" سلطان خفق قلبه.. ابو محمد فكر ان سلطان راح يطلبه شي .. او يبغى شي ومتردد .. هذا الشي اللي تعوده بومحمد من ولده .. وهذا اكثر شي حارق قلب سلطان "

" سلطان توهق شلون يفاتح ابوه بالموضوع "

سلطان : يبه بقولك شي وياليتك تقدر موقفي
ابو محمد ابتسم : طيب تكلم وانا ابوك
سلطان بتردد : يبه فيهـا شي لو حبيــت
بو محمد ابتسم من كلام سلطان وبصوت فيه ضحكه : حشا بالله..." وبعد تفكير " بس وش تبي توصل له انت بالضبط
سلطان : حلو.. انت يبه من قبلي حبيت امي
بو محمد ضحك : سلطان قول وش تبي من الاخير بدون هذي المقدمات
سلطان ياخذ نفس : طيب خلني اتكلم
بو محمد ابتسم : تفضل اسمعك ... وهذي قعده " وصلح جلسته "
سلطان : يبه انت حبيت امي وتزوجتها صح فيها شي لو حبيت انا وحده وتزوجتها

" بومحمد ضحك .. وحسب اللي فهمه ان سلطان ناوي يخطب وماهو عاارف كيف يفاتحه بالموضوع "

بو محمد يضحك : لا من قال فيها شي .. ياولدي ياسلطان هذا الشي من حقـك.. ولافيه حد يقدر يمنعك بعد

"سلطان سكت"

بو محمد ناظره وابتسم : اهاا فهمــت .. افهم من كلامك انك نويت تخطب


سلطان سكت وبسرعه و قال: لا يبه انا خطبتها وتزوجت " ونزل عينه في الارض "

" بومحمد ما استوعب الكلام اللي انقال .. فكر ان ولده يمزح معه او يلعب عليه او يمكن من التوتر قال كذا .. ماصدق الكلام اللي قاله سلطان "

بومحمد : وش قلــت ؟
سلطان رفع راسه : يبه انا حبيت وحده وتزوجتها
بو محمد ضرب يده على المكتب ومن قوتها طارت الورقه اللي كانت بوجهه : وش قلــت ياولد
سلطان : يبه والله اني اسف والله مدري شلون كل شي صار بسرعه
بو محمد وقف وسكر عينه لحظه وكتم غضبه ماقدر يطالع بوجهه سلطان وفتحها وكانت عيونه متقلبه : سلطان اذا كانت هذي مزحه من مزحاتك والله ماتلوم الا نفسك
سلطان : يبه والله من جدي اتكلم من جيت وانا ودي افاتحك بالموضوع بس ماني عارف كيف صدقــــ .........
ابو محمد : سلطان قوم اطلع برا عن وجهي
سلطان وقف : يبه لحظه خلني اشرح لك
بو محمد بأصرار واعلى صوت شوي : قوم اطلـــع برا عن وجهي مابي اشوفك قدامي

" سلطان اول ماشاف شكل ابوه استسلم وده لو بيثور ابوه عليه ولا انه يطلع بس في الاخير قام وراسه بلارض .. طلع سلطان بسرعه من الغرفه وسكر الباب وراه وكان محمد ينتظره بالصاله اول ماطلع وقف محمد "

محمد راح لسلطان : شصار.. كلمته
سلطان نزل راسه : ايه " وتنهد " ابوي قلعني من وجهه
محمد: لاحول ولاقوة الا بالله
سلطان : ماقلت له شي بس قلت له حبيت وتزوجت حتى مانتظرني اكمل كلامي
محمد : في كلام اهم من اللي قلته .. وخر خلني ادخل لايكون صار فيه شي
سلطان : لالا اصبر شوي الحين هو ثاير خله يرتاح شوي وادخل له

" راح محمد وسلطان وقعدوا بالصاله اللي فوق .. سلطان من القلق رجوله قاعده تنفض .. كان خايف على ابوه لايصير فيه شي "

محمد: والله ياسلطان ماتلوم الا نفسك لو يصير في ابوي شي
سلطان بعصبيه: محمد بس ترى مو بس انت خايف عليه حتى انا بعد

محمد ناظره وسكت

" شوي ويدق جوال سلطان .. سلطان رفعه وشاف المتصل وقام عن محمد ودخل الغرفه ومحمد يناظره "

محمد " اي روح طمنها "

سلطان بتعب : هلا فواز
فواز حس فيه : سلطان بشر قلت له
سلطان يهز رجوله : في البدايه قلت لمحمد وعصب علي لكن ابوي قلعني من وجهه وقال مايبي يشوفني
فواز : لاحول ولاقوة الا بالله بس
سلطان : اي بس ملامح ابوي ماتطمن حسيت ملامحه تشنجت من سمع الخبر احسه يفكرني امزح ولا العب
فواز : الله يستر ياسلطان
سلطان : فواز انا خايف على ابوي
فواز : طيب روح شوفه تطمن عليه
سلطان : اخاف ان شاف وجهي تجيه جلطه
فواز : الله يهديك ياسلطان ..
سلطان : ليته ياسلطان طاردني من البيت او حتى ضاربني ولا انه يكلمني بالطريقه اللي كلمني فيها
فواز حس انه هذا هدوء قبل العاصفه : استغفر الله العظيم .. طيب خل محمد يروح له
سلطان : بيروح له بس قلت له خل يهدا شوي
فواز يشوف عنده خط : شوف انا عندي خط الحين بس يصير شي كلمني على طول
سلطان : ان شاء الله

" سكر سلطان عن فواز وبعدها طلع برا وشاف محمد قاعد ومنزله راسه لعند يده ورجوله تهز .. حس بحسره بقلبه .. توهم العصر كانوا مبسوطين وجا هو وقلبها عليهم .. سلطان كان قاعد بالصاله الفوقيه والوقت يمضي وابوه لاحس ولاخبر لسا مابعد يطلع لهم "

.
.
.

" في غرفة نايف "

نايف: هلا فواز
فواز بصوت تعبان: هلا نايف
نايف: فواز شفيك ؟
فواز : لامافيني شي
نايف: اكييد
فواز يتنهد : اي اكييد
نايف بأسى : فواز نجود باينتها ماهي راضيه تتارجع عن قرارها
فواز : نعــم ...!
نايف: اعذرني ياخوي بس كلمناها وحاولنا فيها بس شكلها راكبه راسها

" فواز تنهد وسكت"

فواز " من قال انه لك حظ في الدنيا يافواز "

نايف : سامحني يافواز
فواز قاطعه : نايف انت مالك ذنب وبعدين انت ماقصرت معنا .. اللي عليك سويته وزياده بس انا ماقدر اجي اليوم اعتذر لي من عمي
نايف استغرب : ليــش ؟؟

" فواز ماعرف وش يقول عارف ان مشكلة سلطان بتطول واليوم الوضع اكيد متوتر مايبغى يزيده هو الثاني بيتحمل لبكرا على مايدرون الاهل بالخبر بعدين يتفرغ لنفسه "

فواز : لا بس " وسكت " مدري شقولك.. المهم بعدين انتم راح تعرفون
نايف: لحظه لحظه فواز شسالفه ؟؟؟؟؟
فواز تنهد : بقولك بس مابي يطلع الخبر منك.. الخبر بيوصل اليوم ولا بكرا بس ابيك تشوف طريقه تصرف فيها عمي لبكرا
نايف: فواز خرعتني شعندك
فواز تنهد : سلطان تزوج
نايف وقف على حيله : كيــــــف ؟؟
فواز : اللي سمعته والحين هو رايح يقول لعمي والله يستر عمي وش بيسوي معه واكيد العايله بتدري اليوم...
نايف ضاق خلقه : وش الاخبار اللي ماتسر وش صاير بالدنيا بيوم وليله تنقلب احوالنا 180 درجه
فواز : شفت شلون الله كريم المهم قول لعمي فواز انشغل اي شي ومن بكرا يحلها ربك
نايف حس بصوت فواز : خلاص فواز ابشر ولا يهمك

" نايف سكر من فواز وهو مصدوم .. شلون ولد عمه يتزوج من غير محد يدري به .. والمشكله ماحسس حد بهذا الشي ... سلطان ماخلى حد يشك فيه لحظه وحده .. اعتفس حال نايف اكثر .. "

نايف : وش صاير .. شلون كذا فجأه كل الاخبار تسوء ... الله يعينك ياعمي...

" نايف قعد يفكر وش ممكن تكون ردة فعل عمه ... تعب نايف من التفكير وضاقت الدنيا عليه اكثر .. نزل تحت وماكان فيه غير امه وابوه "

نايف: السلام
ام نايف: وعليكم السلام
ابو نايف: وينكم كل واحد منعزل بغرفته
نايف ابتسم من ورا خاطره : عندي شغل خلصته ونزلت اما البنات مدري عنهم
ام نايف: كالعاده نجود منعزله بغرفتها وبسمه اكيد نزلت المرسم
نايف : احم على طاري نجود يبه فواز اعتذر ماهو بجاي اليوم
ابو نايف: عسى المانع خير
نايف: لا بس صديقه واصل من السفر اليوم وراح يجيبه
ام نايف: وصديقه ماعنده اهل يجيبونه
نايف لف على امه : يمه شفيك على الرجال .. الولد ساكن بجده وجاي يزور فواز
ام نايف: مافيني شي .. بس السالفه طالت عن حدها
نايف: ماعليه يا يمه الرجال له ظروفه بعد ولا هو وده
ابو نايف: على خير بنشوف اخرتها مع لعب العيال " وقام "
نايف: ان لله وان اليه راجعون

" نايف شاف ابوه عصب وصكت عليه الدنيا .. حس ان الوضع بالمره مايطمن "

.
.
.

" في امريكــا "


" في هذا الوقت كانت الساعه حول 11 عندهم .. بدر صحى بدري ووليد لسا ماصحى .. قام بدر واخذ له دش وبعدها راح يضبط له كوفي .. طلع على البلكونه وكان وقتها قاعد بس بالشورت حقه .. وقف على البلكونه وسحب هوا وحس انه شبعان نوم .."

بدر : ااخ لو الجو بالسعوديه كذا كان حنا بخير

" الحلو بشقة بدر انه تطل على البحر من اليمين وبحيرات ومزارع من اليسار وفي الوسط العماير .. من جد موقع استراتيجي .. ولكن بدر على كل اللي يشوفه الا انه غير هوا السعوديه مايشبعه .. يحس انه قاعد ومغصوب .. بعكس وليد اخوه اللي بغاها من الله ... بدر لاعت كبده من الاجانب بس مضطر يستحمل"

بدر: عاد الحين بدا الصيف .. الحين الناس تسافر .. على الاقل الواحد يشم ريحه هله مو يقابل اربع وعشرين ساعه هالملونين .. افففف

" فكر بدر للحظه يكلم سهر"

بدر: مدري اكلمها .. بس لا الحين عندهم الساعه 6 اكيد قاعده مع اهلها لا بنتظر باليل يجي عندهم وبتصل عليها .. ياربي الحين هي وش تسوي .. مبسوطه تعبانه .. ياربي الواحد يعيش هنا كأنه بمحجر مايدري عن اللي حوله .. صحيح اني بالسعوديه ماشوفها بس على الاقل تدري باخبارها من هنا ولا هناك .. هنا بالمره لا حس ولا خبر

وليد : مين اللي لا له حس ولاخبر

بدر طاح قلبه ليكون سمعه : صحيت
وليد : ايه سمعتك تتحلطم وقمت
بدر توهق : ومن قال اني قاعد اتحلطم
وليد : تقول مالهم حس ولا خبر
بدر يبي يتأكد اذا سمع شي ثاني : بس عشان قلت كذا قلت اتحلطم
وليد : اي قلت مدري عنك
بدر: اهاا انا اقصد منصور مدري شخباره من راح ماله حس ولا خبر
وليد بأستهزاء : اووه تلقاه نايم بالعسسل
بدر بصوت واطي : ماظنيته
وليد: وشوو
بدر: ولا شي قوم افطر
وليد : لا انا بفطر بالجامعه
بدر: ااه ايييه
وليد : يلا عن اذنك
بدر: اذنك معك

" طلع وليد من عند بدر ... بدر تشقق على النصبه اللي نصب فيها على وليد لانه تذكر منصور من زمان عنه صار له فتره لايكلمه ولايدري عنه .. وشاف الوقت مناسب واتصل عليه .."

" بعد ثواني "

منصور: اهليييييييييييييين
بدر : هلالا والله وغلااااا
منصور: هلا فيييييييييك وين الناااس
بدر: ابد والله انت اللي وينك
منصور: اااااااخ لاتسالني لاني مادري
بدر ضحك : نصووور قولي شلاخبار عندك
منصور: لك عليه الله وكيلك
بدر ضحك : لااااه
منصور: اي والله
بدر: لا بكرا تتعودون
منصور: قل امييين .. انت بشرني عن دراستك
بدر: ماعليها هذي هي الدراسه وحده
منصور ضحك
بدر: ماعلينا شخبار الزواج
منصور: تقصد الزوجه ولا الزواج
بدر ضحك : لا خبري عن زوجتك اقصد الزواج
منصور ضحك : لااه هذا اوكيييييييه
بدر ضحك : يالملعوون
منصور: يلا تحرك قبل لايروحون عليك
بدر: ااخ لاتعور قلبي
منصور شهق
بدر نقز : خرعتني ووجع
منصور: تعال يالملعون من وراي
بدر استوعب وضحك : لااااا من جدك
منصور: احللللللف
بدر يضحك كأن حد يدغدغه : شفيك انت معقوله يصير شي ولا اقولك
منصور: مردي قلت يمكن
بدر يضحك : لا افا عليك
منصور: اييه اياني واياك
بدر غير الموضوع : شخبار الاهل تكلمهم
منصور: اي من فتره لفتره
بدر بصوت واطي : الا غزل درت ؟
منصور: بأيش
بدر: بمشروعك الفاشل
منصور ضحك : لااا للحين
بدر : الله يعييييييينك
منصور: وهـ اسكت واللي يرحم والديك مالي ملة مهايطها
بدر: احسسن ولا تقول لي بسرعه لايروحون وين لي انا بالهم
منصور ضحك

" وبدر قعد يسولف مع منصور حتى روقوا ثنينهم صح "

.
.
.

" في بيت بو فواز "

" البنات وقتها كانوا مجتمعين عند منار ولاهم داريين عن شي ... اديم وجنى ووصايف راحوا لمنار وكانوا حدهم مبسوطين سوالف واكل ولعب .. حتى ميساء كانت مبسوطه "

لميس من قلــب : اااخ وتبوني اقعد بالرياض
جنى تضحك : ليه في حد كان ماسكك
لميس : لا بس مافي حد يحمسك كل ماقلت لحد قال لا مابي حتى ميسوه ذي لاتغركم كانت معنده
جنى تناظر ميساء : خل الرياض تنفعها الحين
وصايف تضحك : اي من جد الرياض تنرفز
اديم : لا عاد مو لهذي الدرجه
لميس: بلام ماعشتي الزهق اللي عشته واي واي ازمه نفسيه صراحه
اديم تضحك : يمكن حنا لسا مابعد نحس بالزهق
وصايف :كلن يتكلم عن نفسه انا من ثاني يوم بديت اطفش
لميٍس: انتي عاد حاله خاصه ماورا سنه قاعده في البيت
وصايف: اف لاتسألين
اديم : ميساء وانتي ايش صار عليك ؟
ميساء مافهمت : من اي ناحيه ؟
اديم : درستي شي ولا بتدرسين
ميساء استحت : لا بس جتني مدرسه لمده اسبوعين عطتني اشياء اساسيه وبعدها ماجت
اديم بحزن: ليش؟
ميساء: صار عندها ظروف واضطرت تروح مصر
اديم : اهاا طيب الحين اجازه دوري لك على وحده ثانيه " ولفت على لميس " ولا لميس تساعدك وش عندها
جنى : وه وش لها بالهم خلها تعيش حياتها بس
ميساء بنظره مكسوره : بلاك ماعرفتي قيمه الدراسه يا جنى
جنى : انا وحده ماطلعت بشي منها ولا احس بطلع بشي .. الي تحفظينه حدك تسمعينه مره وبعدين تنسينه

ميساء سكتت

" وصايف كانت طول الوقت تناظر وساكته .. صدق الكلام اللي تقوله لانها قعدة سنه في البيت وعرفة قيمه الدراسه .. فما بالك لو عشت طول حياتك ماتعرف شي بدون دراسه ولا معرفه "

لميس: يالله تنحل
منار: المهم يلا قوموا نتعشى
البنات : يلا

" وبعدها قاموا يتعشون "

.
.
.


" بيت بو محمد "

" في نفس الوقت "

محمد : انا ماقدر بدخل اشوف ابوي صار له قريب الساعه وهو لاطلع ولا له بينه " وقام "

" سلطان كان قاعد واول ماقام محمد سكر عيونه .. قاعد يجهز نفسه لان قلبه حاس ان فيه مصيبه داخل غرفة ابوه.. قعد ينتظر محمد يناديه ولا يسمع هواش او اي شي "

سهر: هههههههه سلطان شعندك منكمش على بعضك
سلطان تخدر جسمه ورفع راسه : هاه مافيني شي
سهر: علينا هههههه قوم شوف شكلكـ ...........

محمد يصارخ : سلطااااااااااااان
سلطان على طول نقز : لااااااااا

" سلطان طار قال اكيد ابوه مات ولا صار فيه شي "

"سهر وقفت مذهوله وش صاير"

" صرخت محمد هزت البيت ام محمد اللي كانت تحت سمعتها وطلعت فوق ركض وسهر كانت لسا واقفه مكانها "

" سلطان راح ركض ودخل غرفة ابوه وشاف محمد ماسك يد ابوه "

" سلطان اول ماوصل غرفة المكتب خفف خطواته مايبي يتلقى الخبر مره وحده .. ولكن هدت اعصابه يوم سمع محمد يكلم ابوه وبعدين دخل "

محمد : يبه تكفى قم معي خلني اوديك المستشفى

" بومحمد كان منسدح على كنبة الغرفه "

بو محمد بصوت واطي : محمد لاتخاف مافيني شي
محمد: شلون مافيك شي وانت حتى موقادر تتكلم يبه واللي يرحم اولديك
بومحمد عصب رغم التعب اللي يحس فيه : قلت لك خلاااص

" محمد التفت يوم حس بسلطان "

محمد : سلطان تعال ساعدني خل ناخذه المستشفى

بو محمد يوم عرف ان سلطان موجود لف عليه بعصبيه : طلعوووه برااا

" وقتها وصلت ام محمد وشهقت يوم شافت زوجها ..."

ام محمد اخترعت : محمد وش فيه ابوك

" وراحت له "

محمد : لا يمه لاتخافين مافيه شي
ام محمد اول ماشافت بومحمد عرفت ان الضغط مرتفع عليه : شلون مافيه شي وضغطه مرتفع اكيد ما اخذ دواه

" وراحت تجيب دواه ركض "

" ام محمد مادرت عن سلطان اللي من قال ابوه طلعوه برا وهو طالع ركض ... سهر انصدمت يوم شافت سلطان طالع يركض حست في حركه في الغرفه وراحت ركض لغرفة ابوها واول ماشافته نزلت دمعتها اول مره تشوف ابوها وهو بهالمنظر طايح على الكنبه ومايحس باللي حوله رغم ان مفتح عينه "

سهر: بااااااباااااا
محمد : لاحول ولاقوة الا بالله .. سهر شفيك ؟
سهر: شفيه ابووي
محمد : مافيه الا العافيه بس نسى ياخذ دواه
ابو محمد حن على بنته : يبه مافيني شي سمعتي كلام اخوك
سهر راحت لعنده وقعدت تحته : اكيييد
محمد: سهر ترى مو وقتك
سهر لفت عليه : مالك دخل من حقي اتطمن على ابوي

" وصلت ام محمد واعطت بو محمد دواه .. بعد فتره كلهم كانوا قاعدين عند ابوهم .. بس الحين ام محمد اكتشفت ان سلطان مو موجود "

ام محمد: سلطان وينه؟

محمد سكت

ابو محمد : لاتجيبون طاريه قدامي تسمــع

سهر اخترعت " اكييد سلطان مسوي له مشكله "

ام محمد تضرب على قلبها: وهـ ليه يابومحمد وش فيه سلطان ؟
محمد: يمه مافيه شي " ويناظر ابوه "
سهر : شلون مافيه شي وهو طالع من هنا يركض
محمد: لاحول انتي ورا ماتسكتين ؟
ام محمد: سلطان مسوي شي يابو محمد عشان تشيل عليه ؟

ابو محمد سكت ووقف : خلوني لحالي

" صاروا يناظرون في بعض "

ابو محمد: كلامي واضح خلوني فحالي ..!!
محمد : ابشر طال عمرك

" اشر لهم محمد بعيونه بأنهم يقومون مع ان ام محمد اصرت انها تقعد الا محمد اقنعها تقوم .. سهر كانت مثل الاطرش بالزفه مو فاهمه شي من اللي قاعد يصير .. طلعوا عنه وقعدوا بالصاله الفوقانيه "

محمد : يمه يعني ماتشوفين حالته ماتسمح وقاعده تنازعين قدامه
ام محمد : محمد قول لي سلطان وش فيه .؟؟

" محمد صار يقلب وجهه يمين ويسار يبي يلقى مفر من امه ماعرف كيف "

محمد " وينك ياسلطان وهقتني .. سويت فعلتك وهجيت ."

محمد: مافيه شي يمه الله يهديك اقعدي واذكري الله
ام محمد : محمد انا ماني بزر عندكم عشان تخبون علي قول لي وش صاير؟؟ سلطان به شي ؟
محمد تنهد : مافي الا الخير بس انتي هدي اعصابك

" سهركانت ساكته صار قلبها يدق "

محمد : اعوذ بالله من الشيطان الرجيم
ام محمد : محمد اخلص علي
محمد تنهد من قلب ولف عينه الجهة الثانيه : يمه سلطان تزوج

" ام محمد وسهر شهقوا بنفس الوقت "

سهر: نعــــــــــــــــم ..سلطــــــــان !!

ام محمد وقفت على حيلها : انت شقاعد تقول
محمد وقف لها ومسكها : يمه هدي مايسوى عليك هو تزوج وخلص
ام محمد صابتها هستيريا : شلووون وكيف ومتى ؟؟ وليه ماقااال لي ليــــــــه ؟؟

سهر حطت يدها على فمها " لالا مستحيل سلطان اخوي يسويها " وطلع الكلام من مخها : مستحيييييييييييييل

" طلع صوتها من اعماقها وقامت تبكي وراحت غرفتها "

" ام محمد اختلطت المشاعر عندها وقتها حست شبه جنون صابها صارت تبكي... حضنها محمد وقعد يهدي منها .. تحس انهم قاعدين ينصبون عليها لان مستحيل سلطان يسويها .. كانت تتشمت على اللي يسوونها من ورا اهلهم .. والحين ربي بلاها باللي يسويها فيها .. نجوى وصلت يوم سمعت هذي الاخبار وهي جايه بالطريق حست ريقها نشف .. راحت لعمتها تهديها "

محمد لنجوى : تعالي نجوى باريها
ام محمد : وينه اسود الوجه وينه؟
نجوى: عمتي هدي
محمد : طلع وبيرجع
ام محمد : قوله لايرجع واني غضبانه عليه ليوم الدين .. ياحسافة تربيتي فيك ياسلطان .. تحرمني اني افرح فيك مثل مافرحت بأخوانك .. لييه .. وش سوينا لك عشان تسوي فينا كذا ... يافشللتك ياوضحى بين النااااس وش بيقولون عني ماعرفت اربي ...

" ام محمد قعدت تبكي وتقول كلام زاد الطين بله على محمد ونجوى .. نجوى مو عارفه شلون تتصرف مع الموق وخصوصا انها قاعده تحس بشويه تعب من الحمل .. بعد ماهدت امه شوي قامت وراحت لغرفتها وسكرت الباب عليها.. ومحمد طلع "

" بعد ما محمد طلع صار البيت سكــــــون بعد الضجه اللي هلت عليــه ,,, ماكان فيه غير نجوى بالصاله قاعده وتدعي ربها يسهل عليهم .. وتفكر شلون صار كل هذا ومحد حس بسلطان .. ولا احد كان متوقع منه هذا التصرف .. كل واحد كان بغرفته سهر بغرفتها وام محمد بغرفتها ومحمد طلع ... كانت طول الوقت تقرا وتنفخ عشان تهدا شياطين البيت .. وطلعت فوق وقعدت بالصاله الوسطيه عشان تشوف اذا حد محتاجها ولالا .. وعمها وش اصر عليه داخل غرفته .. على الاقل تغطي مكان محمد بغيابه... ماكانت عارفه شلون تتصرف بالموقف غير انها تنتظر اي شي يطمنها "

.
.
.

" في بيت بو ياسر "

" في هذا الوقت عبير وياسر وام ياسر قاعدين بالصاله ينتظرون صلاة المغرب تطلع وبعد ماخلصت الصلاه الحت عبير انهم يتصلون الحين .. راحت ام ياسر تبي تتصل على ام محمد وعبير وياسر كانوا قاعدين جنبها يبون يسمعون الحوار .. ياسر وقتها كان قلبه يطق طبول .. حس كأنه بزر في هذي اللحظه ماكان عارف انه ممكن يتحمس زياده عن اللزوم في هذا الموضوع "

ام ياسر: مايردون
عبير : استني شوي يمكن فوق وبتنزل او يمكن تصلي
ياسر ابتسم
ام ياسر : طيب طيب
نجوى : الووو
ام ياسر ابتسمت : هلا والله هلا نجوى شخبارك يمه؟
نجوى بصوت واطي : هلا هلا عمتي انا الحمدالله طمنيني عنك؟
ام ياسر: الحمدالله ماعلي زوود كيف محمد ولولي
نجوى : بخير ياخاله
ام ياسر: نجوى شفي صوتــك ؟

" عبير وياسر ناظروا في بعض "

نجوى اخترعت : هاه مافيني شي ابد سلامتك بس شوي تعب مع الحمل
ام ياسر انتبهت لهم وطمنتهم : ايي يايمه الله يعينك وتولدين ونفرح فيك
نجوى بأبتسامه تعب : الله يسمع منك
ام ياسر: اجل خالتك ام محمد فيـه ؟
نجوى تلعثمت : اي خالتي بغرفتها راحت تريح شوي
ام ياسر: اييي .. طيب ماقدر اكلمها الحين ...
نجوى : عفوا خالتي بس بغيتي اقولها شي
ام ياسر ابتسمت : بغيتها بموضوع خاص يابنتي
نجوى : اهاا فهمت بس والله مدري شقولك ياخاله....

" نجوى نجوى وين محمد "

ام ياسر اخترعت من الصوت ونجوى سدت السماعه بيدها

نجوى : سهر حبيبتي هدي محمد طلع وشوي بيرجع
" سهر طلعت فوق من جديد"

ام ياسر حسها قلبها فيه شي : نجوى يمه وش صاير عندكم وليش سهر تبكي ؟
نجوى اخترعت : لالا ماتبكي بس
ام ياسر قطعتها : تغبين علي وانا سامعتها بذوني

"نجوى توهقت تقول ولالا لكن عرفت انهم راح يعرفون الحين ولا بعدين.. وياسر وعبير ناظروا في بعض يعني اكيد في شي صاير لهم "

نجوى : ياخاله ... الوضع شوي متوتر في البيت بس يهدا انا برجع اتصل فيك
ام ياسر: ماني مقفله الا واعرف وش صاير فيكم .. انا كنت حاسه من صوتك
نجوى تنهدت : ياخاله " وسكتت مو عارفه شلون تقول لها وتفتك منها اخذت نفس وقالت " البيت متوتر " وبخوف " لان سلطان متزوج
ام ياسر شهقت : وشوووووو
نجوى بسرعه : اللي سمعتيه ياخاله وانا الحين لازم اقفل الله لايهينك

" نجوى سكرت وام ياسر علقت السماعه بيدها مذهوله "

ياسر اشر لعبير

عبير: يمه وش صاير ؟؟؟

"ام ياسر ماردت "

عبير: يمه وش صااااااير فيهم شي بيت عمي
ام ياسر لفت عليها وقالت : سلطان تزوج

" عبير وياسر شهقوا "

ياسر : سلطـــــــان
عبير كانت حاطه يدها على فمها
ام ياسر : لاحول ولاقوة الا بالله مدري شخبارها وضحى الحين ولا بومحمد
ياسر : معقوله سلطان يسوي كذا
عبير: ماصدق ماصدق
ام ياسر: هذا اخر الدلع والدلال
ياسر: يمه وش هالكلام
ام ياسر : اللي صار صار
ياسر: طيب عمي شخباره
ام ياسر: مدري اتصل على محمد يا ياسر الوضع بالمره مايطمن
ياسر يفكر : ودي اتصل بس هم مابعد يقولون لحد وين اروح اتصل عليه
ام ياسر : تطمن على عمك
عبير: انا بدق على سهر
ام ياسر : سهر حالتها لله قاعده تصارخ وتبكي انا والله كان قلبي ناغزني من سمعت صوتها

" الكل سكت والكل سرح بتفكيره "

عبير" معقوله ولد عمي يسوي كذا .. ومن اخذ .. وشلووون خطى هذي الخطوه .. ياربي الله يستر "

" حست عبير ان في مصيبه كبير بتحل فوق راسهم "

ياسر " افا ياسلطان .. ماهقيتها منك انت بالذات .. وش ذنبه عمي تسوي فيه كذا وهو كل همه يجمع شمل العايله وانت راحت وعصيته .. الله يعينك على مابلاك ياسلطان "

" ياسر كان عارف ان عمه اكثر انسان متشدد على نظام العايله وتقاليدها .. فشلون ولده الحين يجي ويعصيه وينزل راسه قدام عمانه واهله "

ام ياسر " هذا مايجي الا ورا السفر والدلع والدلال .. انا اشهد انك ربيتي محمد ومنصور ياوضحى ونسيتي سلطان .. دلعتيه وهذي اخرته .. ايييه الله يعينك بس "

ام ياسر فجأه : ياسر
ياسر : سمي يمه ؟
ام ياسر : اخوانك لازم يرجعون
ياسر : نعـــــم
ام ياسر: اي يا ياسر مابي واحد فيهم بكرا يغلط غلط سلطان ويخزيني
ياسر: يمه لالا وش هالكلام اصابعك ماهي سوا ... واذا عن وليد وبدر لاتشيلين همهم.. انا واثق فيهم مستحيل يسوون كذا
ام ياسر: اجل مين يصدق بعيال سلمان
ياسر: يمه انتي ارتاحي الحين ولاتاخذك الشياطين وتجيبك
ام ياسر: يا ياسر قلقلي عليهم كل يوم يزيد
ياسر: يمه عيالك رجال ولاتخافين انا موصي عليهم.. انتي بس هدي اعصابك
ام ياسر سكتت وشوي : وين اهدا وانا مدري وش صاير عندهم ...
ياسر: ماعليش يمه بنعرف بعدين
ام ياسر: ياولدي يا ياسر خل موضوع البنت بعد ماتهدا الاوضاع
ياسر : اي اكييد يمه

" ام ياسر بدا قلبها ياكلها ... وصارت تحاتي "

" عبير لساتها تبي تستوعب الصدمه بس ماهي قادره "

" وياسر يفكر شلون راح يحل عمه هالمشكله وبنفس الوقت مو عارف ليش حظه كذا مع البنت "

.
.
.

" في سياره محمد "

" محمد طلع ولا يدري ليش هو طلع .. بس كان مفكر يلحق سلطان وكان عارف انه ماراح يلحق عليه .. بس كان محتاج انه يطلع ويجدد الاكسجين في جسمه لان يحس ان اكسجين البيت خلص .. ماهو قادر يتنفس .. كان يحس قلبه متحسر على اللي سواه اخوه ... قعد يفكر ليش سواها وشلون قدر يسوي هذا الشي ومن دون علمهم ... كان حاسس بشعور الفشيله من اهله بكرا اذا عرفوا .. كان يحاتي الكلام اللي بيطلع على ابوه واللي ابوه ماراح يتحمله واحتمال يسوي اي شي بسلطان .. ماكان وده يسمع اي شخص يتشمت على اهله واللي سواه فيهم سلطان ... عارف كلام عمامه عن ابوه .. هذا الشي حرق قلب محمد "

محمد : وين راح اموت واعرف وين راح؟

" قام واتصل عليه ... سلطان اول ماشاف الرقم خاف ان شي صار في البيت ورد بسرعه ومحمد حس هذا الشي بصوته "

محمد : خايف .. ماشاء الله توني ادري انك تخاف من شي

" سلطان تنهد اول ماسمع صوت محمد "

سلطان : محمد واللي يرحم والديك حدي مالي خلق
محمد: وينك فيه؟
سلطان : طلعت ؟
محمد: احسدك على برود اعصابك
سلطان بعصبيه: تبيني اقعد في البيت ليش مانت سمعت ابوي وهو يطردني
محمد بأستهزاء : هذا انت بس سمعته يقولك وخر عن وجهي وماصدقت خبر شلون لو يقول اطلع برا بيتي

" سلطان حس ان محمد يبي يحسسه بتأنيب الضمير زياده عن اللزوم وانه مو عارف شلون يعبر عن غضبه وقرر سلطان يهدا "

سلطان ياخذ نفس : محمد وش تبغى مني بالضبط
محمد : ابيك تروح تاخذ بخاطر امي ... تشوف وش صار عليها .. تطمن ياخي هي بخير فيها شي مافيها .. طلعت وخليت كل شي ورا ظهرك ولاكأن شي صار
سلطان عض على شفايفه : امي درت ؟
محمد : وش رايك كل هذي الزوبعه وماراح تدري
سلطان بخوف : وش سوت ؟
محمد: ماسوت شي انبسطت لان هذا اخر تربيتها
سلطان بعصبيه : محمد وبعدين معك ؟

"محمد ارتاح يوم شاف ان ضغط سلطان ارتفع على الاقل لسا يحس"

محمد سكت
سلطان : محمد بتقول ولا شلون ؟
محمد : والله لو تبي تعرف روح البيت وشوفها
سلطان سكت
محمد : يلا سلام
سلطان : محمد لحظه ؟
محمد : نعم..!!
سلطان : سهر وش سوت يوم درت ؟
محمد بحسره : من قلت لهم الخبر امي قعدت تصيح وسهر مادري شصار عليها راحت غرفتها وقفلت الباب عليها

" سلطان عوره قلبه "

سلطان : محمد روح البيت شوفهم اذا يبون شي او اذا شي صار عليهم ؟
محمد : انا ان قعدت في البيت ساعه وحده يمكن انجلط ... عن اذنك

" وسكر "

سلطان " ياعمري عليك ياسهر سامحيني والله مافكرت فيك .. ياحياتي يا امي بكيتك.. شسويت ياسلطان شسوووويت "

.
.
.

" في بيت بو نايف "

" كان البيت هادي بسمه نزلت تحت المرسم ونايف قعد طول الوقت ساكت وكان متحرقص يبي يعرف وش قاعد يصير في البيت الثاني .. فواز ما اعطاه الا الخبر ويحس يبي يعرف وش قاعد يصير هناك ..وامه قاعده وتفكر في فواز ونجود .. "

نايف " الله يعينك يافواز بتشيل هم مين ولا مين الحين صديقك متورك وزوجتك مورطتك .. الله يعينك على مابلاك "

نايف : مسكين فواز وجه اسود
ام نايف: من فعايله
نايف استغرب: يمه
ام نايف: لو معه حق ليش مااجا اليوم الا كل يوم يلاقي له عذر .. وبنتي هناك قلبها منكسر
نايف" بلاك ماتدرين " : يمه قلت لك صديقه بيج من المطار اليوم ومافي حد يستقبله
ام نايف: من اهم زوجته ولا صديقه .. صديقه ياكثر التكاسي
نايف : بس يايمه نجود صار لها اكثر من اسبوعين هنا بتفرق على يوم واحد
ام نايف : وش يفيد الكلام لو احكي من اليوم لبكرا خلني ساكته احسن ... انا الي ابي اعرفه شلون نجود ساكته للحين ومو راضيه تتكلم الا انها ماسكه عليه شي قوي
نايف: يمه حرام تظلمينهم .. وبصراحه انتي ادرى في بنتك
ام نايف: ادري انها عصبيه واذا عصبت ماتتنحاكى بس مو العصبيه اللي تخليهم مفترقين اسبوعين ولا واحد فيهم متحرك
نايف عوره قلبه من كثر مايحكي مع امه : يمه انتي ادرى بالظروف ماكان يبي يزعجها وهي عليها اختبارات
ام نايف : خلاص خلاص ماعاد ينفع
نايف تنهد : طيب انتي ريحي اعصابك وين بسمه
ام نايف: تحت

" نايف جا بيقوم "

ام نايف: كالعاده بتروح وبتخلوني بروحي وانا اللي ماصدق تجي عطلة الاسبوع وحد يفضى اقعد معه .
نايف قام وراح لامه وحضنها : يمه فديتك انتي شفييك صايره زعوله " ويبوسها على راسها" انتي بس هونيها ..وش رايك نقوم نطلع
ام نايف: مالي نفس حتى على الطلعه
نايف: بس نتقهوى ونرجع
ام نايف: يالعيار ابوك فوق ولساته ماتعشى
نايف يغمز: طيب قومي واقعدي معه استغلي عطلة الاسبوع على قولتك
ام نايف ضحكت وقرصته : قوم ذله عند اختك
نايف ضحك وقام يبيها من الله " انا لغير بسمه ما ارتاح .. ياحلو السوالف معها "

" نزل نايف لبسمه وشافها ترسم وهي منسدحه على الارض .. استغرب اول مره يشوفها ترسم وهي منسدحه بالعاده ياواقفه ياقاعده على كرسي بس ماقد شافها ترسم على الارض "

نايف : بسووم
بسمه اخترعت ولفت عليه وقعدت على حيلها : يمه
نايف: ياي خرعتك
بسمه ابتسمت : شعندك جاي
نايف: قعدت فوق تضيق الخلق بيتنا صاير كئييب
بسمه : لابس انت خبرك كلها كم يوم وكل شي يرجع مثل ماكان
نايف: مو متعود لقعد الويك اند في البيت
بسمه تبتسم : عشان تعرف شعورنا وحنا منلطعين في البيت
نايف: والله محد ماسكم السواق وعندكم ولا بعد تبين اوديكم واجيبكم
بسمه : بس انت خبرك مانرح مع السواق الا السوق وهالخرابيط
نايف: شوفي شوفي لاتحاولين تقنعيني
بسمه تضحك: نجود لسا بغرفتها
نايف جا وقعد جنبها : اي والله ماعرف شلون ما ملت منها مع ان مو بعادتها تقعد بالغرفه هالكثر بدون ماتطلع
بسمه رفعت حاجب : كل شي صار غصب عنها
نايف: الله يصلح مابينهم
بسمه: اميين
نايف يناظر الرسمه : وانتي بي قاعده وتشخبطين الوضع متوتر داخل وانتي تشخبطين
بسمه بنظره : ماكنت تشوفها اول شخابيط
نايف لم رجوله لعنده : والله احيانا تحس انك طفشان من كل شي ولا لك خلق شي وكل شي حلو بعينك وقتها يصير قمه السخافه
بسمه رفعت حاجب : الحين الرسم صار قمة السخافه
نايف ابتسم وقرص خشمها : امزح معك مو قصدي الرسم بس الاشياء الثانيه
بسمه : من جد حتى انا احيانا ماطيق ارسم بالمره واستخسف نفسي بس احيانا احس من جد محتاجه ارسم وكأنه ادمان عندي
نايف: طيب سؤال وش تحسين وانتي ترسمين
بسمه ابتسمت ورفعت حاجب : افهم انك تسوي معي مقابله صحفيه
نايف ضحك : من زينك
بسمه ضحكت : لا شوف مو كل واحد يقدر يعبر عن مشاعره بالكلام لو جاب حروف الدنيا .. انا تقدر تقول اعبر عن مشاعري بالرسم
نايف يصفر : اووه ماشاء الله بس المفروض كل لوحه تكتبين هذي يعني انا زعلانه هذي انا فرحانه عشان لاتنسين
بسمه ضحكت : مالك شغل هذا الكلام ماتفهمه اشكالك
نايف يضحك : طااايب اشكالي اجل
بسمه ضحكت : امززح شفيك
" نايف ابتسم وبعدها سكت "

بسمه تناظره وميلت رقبتها : شفيك
نايف كان سرحان وجا بيقوم : لابس اكتشتف ان صدق هذا الكلام ماتفهمه اشكالي
بسمه ضحكت
نايف وقف وبنظره : ولاهو من برستيجي اصلا
بسمه ضحكت : طايب طايب
نايف ابتسم : يلا بخليك انا
بسمه : لا اقعد نسولف
نايف: خلصي رسمتك اقصد كلامك بعدين تعالي لي فوق انا بالحوش
بسمه : اوكيه

" طلع نايف برا الحوش وقعد ينشي فيه ويفكر "

" فجأه تغيرت موجه نايف من مشاكل اهله الا مشاكله العاطفيه .. قعد يفكر لو انه سوا مثل ماسوا سلطان واخذ اللي يبيها من دون شور

الجزء السادس عشر
الفصل الاول


" الســاعه 4:30 "

" سهــر توها تصحى بعد مااخذت لها دش نزلــت وعند اخر عتبــه درج سمعت ابوهـا ينادي "

بو محمد : ســهر
سهر لفت عليه : سم يبه
بو محمد : نادي اخوك سلطان وخليه يجيني المكتب

"سهر خفق قلبها وش فيه توها قايمه"

سهر: ان شاء الله يبه

" وتوجهت للصاله وماكان فيه غير سلطان ومحمد "

سلطان وجهه منصفق وسهر جت بتتكلم

سلطان: سمعت سمعت " واخذ نفس وزفره "

محمد بنظره تحذير : اياني واياك تستفز ابوي ياسلطان اللي يقوله لك تقول ان شاء الله

"سلطان سمع وسكت "

" ام محمد كمان سمعت بو محمد يناديه وطلعت تبي تشوف وش يبغى بسلطان "

" سلطان اول ماطلع مر من غرفة امه وابوه وشاف امه طالعه عوره قلبه على امه ماقدر يناظرها وهي تناظره بنظرات الحسره وكمل طريقه لمكتب ابوه ... طق الباب ودخل "

سلطــان والكلام يالله يطلع منه : ســم يبه ناديتني

بو محمد كان منزل راسه على المكتب : اي ادخـل

" سلطان راح وقعد على الكرسي مقابل ابوه "

" سلطان ساكت يفرك يدينه"

"بو محمد القى نظره عليه وبعدين رجع عينـه "

بو محمد : سلطـان ممكن افهم ليـش سـويت كذا .؟

"سلطان هبط قلبه كان يبغى يقول انه حبها وهذي القصه كلها لكن لسانه خانه هالمره "

بو محمد ماسمع رد : هل هو عنـاد لـنا ولا مثل مايقولون طيش منـك ؟؟

سلطان يتلعثم : يبـه انـا ... انـا

بو محمد رفع عينه : انت وشو ياسلطـان الحين .. لاتفكر انك انت سلطان الاولي اللي بنظري .. ممكن اعرف وش استفدت بعد ما عصيت كلمتي و نزلت راسي بلارض قدام الناس واهلك مافكرت لحطتها الناس وش بتقول عليـك .. كنت اسمع عن اللي يتزوجون بالسر عن اهلهم وكنت اول الشامتين عليهـم والحين بلحظه طيش منك تخلي الناس تتشمت علي

سلطان : بس يبه هذي ماكانت لحظه طيـش
بو محمد بقوه : اجل السالفه عنـاد ..
سلطان : لا وربي ولا حتى عنـاد
بو محمد : سلطـان انت حتى مافكرت تفاتحنا بالموضوع ... ولا حتى بينت شلون كنت تبيني اتقبل موضوع مثل كذا

سلطان بسرعه: يبه امي وسهر يعرفون البنت تعرفوا عليها وعجبتهم وانا كنت عارف انكم ماراح تسمحون لي اخذ وحده من برا العيله

بو محمد : وقلت مافيه الا احطهم قدام الامر الواقع

سلطان نزل راسه : هذا الحل اللي كان موجود وقتها

بو محمد: اذا كنت اني راح ارضى بلامر الواقع فاشيل الفكره من بالك

سلطان فتح عينـه : يعني شلـون يبه هي صارت زوجتي

بو محمد لف الكرسي: وزواج بالشكل هذا مايمشي بعيله "...."

سلطان : اووه عيله وعيله يبه انتم بس تفكرون بالصوره الخارجيه للعيله مايهمكم اللي داخلها

بو محمد بقوه : سلطــان ... انا طول عمري محافظ على الصوره الداخليه والخارجيه للعيله والكل راضي فيـه وماشفت حد متأذي منه غيرك وبعدين مو انت اللي تجيني على اخر عمري وتعلمني كيف احافظ على العايله وسمعتها

سلطان : اسف يبه ماكان هذا قصدي .. بس انا اشوف الزواج من خارج العيله مو عيب ولا حرام

بو محمد بقوه : صحيح مو عيب ولا حرام بس انت شفت شلون تزوجت " وبشمئزاز " استح على وجهك وانت تقول للناس هذي اللي تزوجتها من ورا اهلي

سلطان :.......

بو محمد : بنت مين هي

سلطان : هي كويتيه

بو محمد فتح عيونه : حسبنا الله ونعم الوكيل .. شكلك راح تجيب اخرتي ياسلطان

سلطان نزل راسه

بو محمد بعصبيه وبقوه : ماعلينـا .. مثل مااخذتها ترجعهـا

سلطان شهق : نعــم

بو محمد بصوت عالي : اللي سمعته

سلطان بسرعه: يبه هذي نجلا بنت عمي اخذت واحد من العيله وهي بنت ولا احد تكلم والحين بتقومون علي لاني اخذت اللي حسيتها الوحيده اللي تناسبني

بو محمد : نجلا وضعها كان غير وبعدين زوجها من قبيله معروفه ... وبعدين بنات عمك وش كثرهم مالقيت فيهم حده تناسبك .. لو وحده او ثنتين يمكن بس كل واحد ماشاء الله فينا عنده ثلاث اربع وبعدين يكون بعلمك مو ولدي اللي ياخذ وحده غصب عني ولاا ماتداخلنا بعد

سلطـان : يبه اسف طلاق ماقدر اطلق

بو محمد ضرب بيده على الطاوله : شوف ياسلطان .. ياتطلقها يا لاتخليني اشوف وجهك بعد هذي اللحظه

سلطان : بس يبه هي حامل والحامل مايطلقونها

بو محمد فتح عيــنه : سود الله وجهك ياسلطان

سلطان قام وراح لعند ابوه : يبه ابوس راسك ... قول اللي تقوله بس تكفى لاتطلب مني المستحيل

بو محمد لف راسه : وخر عنـي .. لا انت ولدي ولا هو حفيدي

سلطان : يبه واللي يرحم والديك يبه تكفى افهمني لو مره

بو محمد لف وجهه عليه بالقوه : طول عمري فاهمك ياسلطان .. سويت لك كل اللي تبي وعمري مارفضت لك طلب بس انك تطعني بظهري لا

سلطان فكر لحظه : الله يطول بعمرك يبه والله يخليك لنا بس يبه اسمعني انت قول لعماني وكلمهم وشوف وش يقولون واللي راح تتفقون عليه بسويه

بو محمد : سلـطان كلامي واضح .. تولد من هنا وتطلقها من هنا ولا لا انت ولدي ولا اعرفك والحين تقدر تروح " واشر بيده للباب "

" سلطان شاف ان مافي مجال يقنع ابوه وقرر يخليه يهدا وطلع عنه "

.
.
.

" في بيت بو نــايف "

" في غرفة نجـود "

نجود : غريبه راجعين بدري؟
نايف: لابس عمي تعبان قعدنا شوي وكلن قام لبيته
نجود : اهاا وش فيه عمي ؟؟
نايف: مدري والله بس اظن انه مانام امس بالليل
نجود : اهاا
نايف: على العموم انا نازل بس حبيت اقولك ان فواز بيجي الحين وبينهي الموضوع
نجود رقع قلبها : واخيرا
نايف ناظرها وبنظره بسيطه قال : نجود فكري بحل غير الطلاق لان طلاق انسي تطلقين " ومشى عنها "

" نجود وقفت مكانها معصبه .. "

نجود " مو على كيفهم كل شي يبونه يسوونه انا لو اقعد معلقه ولا ارجع معه وخل يسوي اللي يبي "

" قعــدت نجود تفكر من جديد بموضوع فواز وهي مصره انها تغلبه وتسوي اللي براسها "

" اما في الطـابق السفلي "

" نزل نايف وقعد مع امه وابوه ونجلا وزوجها "

نايف: حيالله باللي ماتتنزل وتكلم
نجلا ضحكت ووقفت سلمت عليــه : هلا والله هلا بدكتورنا
نايف ابتسم : هلا فيك

" سلم عليها وراح لزوجها وسلم عليه "

نايف: هاه شخبارك وين الناس ؟
نجلا تضحك بخجل : اعذرني ساخوس بس والله دايم مشغوله مع فصوولي
نايف: ماشاء الله واحد وشاغلك شلون لو تجيبين ثنين عز الله انك مو معترفه فينا
فهد يضحك : حشاك والله بس شسوي فيها اختك القاطعه عجزت وانا اقنعها نرجع الخبر ماهي راضيه
نجلا فتحت عينها : انا الحين
فهد ضحك : اي لاتسوين بريئه قدام اهلك
نايف ضحك : المهم كيف جده عسى مبسوطين
نجلا بحماس: مرررره مرره
نايف متعمد: من عذرك اجل
نجلا ضحكت : لا بس جد لاقالو جده غير في كل شي
نايف يضحك: اجل الله يعينك يابو فيصل
فهد يضحك : اووه وبس خلها على الله

نجلا تناظره وتتوعد له

نجلا : اجل وين خواتي
نايف: تلقينهم فوق
نجلا : اجل بقوم معهم
فهد : نجلا بتروحين معي بيت اهلي
ام نايف: والله تقعدون تتغدون لعنبوو طايرين
فهد يبتسم : ماعليش ياعمتي حقك علي والله بس امي ملزمه ان حنا نروح
ابو نايف: افا بس اقعدوا تغدوا معنا بما انكم واصلين
فهد يبتسم بخجل : والله اعتبره واصل بس امي تليفونات من امس
ام نايف: الله يهديك يافهد انا والوالده واحد بس انتم توكم واصلين وين فيكم تتمشورون
فهد : هي فيها فيها بنروح نسلم على الوالده وبالمره نتغدا هناك
ام نايف : شوفه يا بونايف انا ماحيله ذا الولد
نجلا ضحكت وتناظر زوجها : شفت مو بس انا
بو نايف: اتصل عليها وقولها عمتي لزمت
فهد مو عارف وش يسوي من كثر ماهو خجلان : ماعليش ياعمه العشا عندك وش تبين
ام نايف: يعنــي ملزم
فهد يبتسم : مو سالفه تلزيم بس عشان نسلم على امي وبالمره نتغدا هناك
ام نايف: خلاص اجل الله يحفظكم
نجلا: طيب انا ماشفت خواتي ولا شبعت منهم
فهد : روحي سلمي عليهم وبعد الغدا لك مني اجيبك عندهم
نجلا ميلت شفايفها بزعل : اوكي " ومشت "

نجلا وهي بطريقها تصارخ : ماما ارسلي فصول فوق

"فهد ضحك"

ابو نايف: وكيف الشغل بجده
فهد : والله الحمدالله كل شي ماشي اوكيه ياعمي
ام نايف بحسره : وبتقعدون مدى الحياه هناك
فهد ابتسم : شسوي ياعمه مجبورين
نايف: بس لاجده حلوه وقريبه كلها كم ساعه متى ماشتقتي لهم تليفون وهم عندك
ام نايف: اييه الله يعين
ابو نايف: بس مشروع ممتاز وناجح والكل يتكلم فيه
فهد: اي ماشاء الله وبسرعه صارت الناس تتفاعل معه وتقدم فيه
ابو نايف: الله يوفقكم
فهد ابتسم : الله يسمع منك

" فوق عند نجلا "

" اول ماطلعت وطلت بالصاله شافت نجلا قاعده تقرا قران ابتسمت ونطت عندها "

بسمه صرخت : نجوووووول
نجلا : بسوووم

" بسمه تبعد نجلا "

بسمه : وحشتيييييني ياتبن
نجلا: وانتي اكثر والله زمااان عنكم وعن بيتنا وحشتوني
بسمه : اي انتي مصيعه بجده ولا انتي هنا
نجلا تضحك : والله جده ماتنمل لو تروحين ماتبين ترجعين
بسمه : كلها فتره وبتملين وتقولين ودوني الخبر ابي ارجع
نجلا تضحك : لو تشوفين اسواقهم ماتشبعين منها
بسمه تضحك : المهم فصولي وينه
نجلا : خليت امي تطلعه الحين يجي الا نجود جتكم
بسمه اختفت البسمه : اي هي بغرفتها

" نجلا مالاحظت شي وقامت على طول غرفة نجود "

" وفتحت الباب بدون ماتطقه وشافت نجود منسدحه على بطنها "

نجلا: جوووووج

" نجود لفت عليها وفتحت عينها وقامت و سلمت عليها "

نجود تصرخ : ياحماره وينك
نجلا تضحك : والله هنا انتي اللي وينك
نجود تبتسم : اي بااين شخبار جده
نجلا : على كيف كيفك انتي بشريني كيف فوااز معك " وتغمز "
نجود ابتسمت مجامله : اوكي هذا حنا
نجلا : ليش تقولينها كذا مانتي مبسوطه بزواجك
نجود اخترعت: لالالا مو كذا بس ييعني وش اقول اصارخ اقولك مبسوطه
نجلا تضحك : اي مثلي شوفيني جيت الولد وانا مبسوطه بالزواج

نجود ابتسمت " اي انتي مو انا شوفي اللي عندك وشوفي اللي عندي "

نجود : الله يهنيك ويتمم عليك

" نجلا حست ان نجود نغمتها متغيره "

نجلا بنظره تشكك: انتي للحين ماحبتيه ؟
نجود : مو مره عادي

نجلا ابتسمت : بعدين تحبينه وماتقدرين تفارقينه شوفي انا اول ما اعرست كل يوم ابكي وعند اهلي نسيتي ماكنت اتخيل اني اقابله طول الوقت وشوي وشوي بديت اتعود عليه وحبيته ولاقدر افارقه لحظه يوم قال بيروح جده قلت اروح معك رجلي على رجلك اول شي ماتقبلت الفكره اني ابتعد عنكم بس يوم فكرت هذا زوجي خلاص وقدري وين مايروح بروح معه وهناك بالعكس زاد حبنا لبعض وتعلقنا في بعض اكثر بعيد عن اهلي واهله ومشاكلهم .. هناك قدرنا نتفاهم اكثر واكثر مافي حد يضغط علينا او يتحكم فينا ... نجود انا احسدك انك خذتي حد تعرفينه فواز ولد عمي اولى من الغريب عليك بيحبك وبيخاف عليك اكثر من الغريب صدقيني شوفيني اخذت واحد ما اعرفه وشلون تمشكلت معه ومع اهله والحين افتكيت وانتي توك متزوجه الحياه قدامك

نجود ابتسمت مجامله : ان شاء الله

" بسمه كانت تبي تجي تجلس معهم بس يوم قربت وسمعت كلام نجلا تركتها تكمل كلامها علو وعسى تقتنع "

نجلا : على العموم انا برجع لكم وبعرف اخباركم كلها بس الحين بروح بيت اهل زوجي عازمينا الغدا اوكي

نجود : اوووكي
نجلا: سلام
نجود وهي بمكانها : سلام

نجود " ااه ياحظك يانجلا عندك واحد يحبك .. مو انا ياحظي يبي يطلع حرته فيني .. لو بس تدرين بفواز اللي مالي عينكم اف "

" ثواني وبسمه تدخل "

بسمه : نجود نجود
نجود : هاه
بسمه : فواز وصــل
نجود اخترعت: وشو
بسمه : ايه توه واصل
نجود ترتجف: طيب واذا
بسمه : اها يعني مو نازله له
نجود : لاطبعا والحين اقلبي وجهك " وقامت وطلعت اختها وسكرت الباب عليها بقوه ولصقت اذنها بالباب يمكن تلقط شي "

" تحت بالصاله "

" نجلا وهي تلبس عبايتها وصل فواز وراحت ركبت السياره وراح زوجها يسلم عليه وبعدها مشت هي وزوجها "

" اول ماوصل فواز ورحبوا فيه قعدوا وشوي حطوا الغدا ... طبعا بسمه خلتهم ينقلون غداها فوق ونجود ماتغدت وقعدت مكانها يوم عرفت انهم قاعدين الحين يتغدون وقلبها على نار مو عارف وش قاعد يصير تحت وقفلت على نفسها عشان لاحد يغصبها تروح معه ولا يكلمها حتى سمعت بما فيه الكفايه وهي خذت قرارها .. اما بسمه مع ان الموضوع مايخصها الا انه تحس تتغدا واللقمه يالله تمر من بلعومها تحسها ثقيله وهي تمر وترتجف بنفس الوقت "

" بعـــــد الغـــــداء "

" انتقلوا من صاله الى صاله ثانيه وقعدوا فيها جوها مناسب للسوالف والقهوه... حطو القهوه وبدوا حوارهم بمواضيع خفيفه "

ابو نايف : لااا ماشفناه اليوم اجل
فواز : اي ياعمي لانه تغدا وعلى طول رجع ينام نومه متخربط خبرك
ابو نايف: ماشاء الله الحمدالله على سلامته
نايف ابتسم : ياحليله طليل والله وكبر
فواز ابتسم : شفت شلون
نايف: المهم كيفه مع الدراسه
فواز بيأس : مع الاسف يقول جامعته صعبه و لعب بعقل ابوي حتى خلاه ينقله مع بدر و وليد
نايف يضحك: طبعا مايعزي عنه
فواز ابتسم : الظاهر كذا

" ام نايف بخاطرها قول واخلص تبي تفتك "

" وبعد لحظـه "

فواز : عمــي ؟
ابو نايف: امر يافواز

" فواز ماعرف كيف يفتح موضوعه لانه نسى كل المقدمه اللي مجهزها "

ابو نايف كأنه فهمه : نجود
فواز : اي ياعمي

ابو نايف: والله يافواز اسمع وانا عمك نجود صار لها ثلاث اسابيع عندي ولا انت وهي راضين تتكلمون عن السبب اللي خلاها تقعد طول هالفتره وبنفس الوقت انت مو سائل عنها

فواز طاح وجهه : حقك علي ياعمي .. بس صدقني ان مو هذا القصد انا ماحبيت اشغلها عن اختباراتها وقلت بعد الاختبارات نتفاهم وهذا انا اليوم جيت وابغى اقولك على كل شي .. انا صبرت ياعمي صبرت كثير على نجود

" وسكت بنية انه يواصل كلامه "

" فواز كان يحس بشعور مضاد للي كان يحس فيه بدايه ما اخذ نجود وكيف كان قلبه مليان عليها بس لازم بنفس الوقت يبرر موقفه وقاعد يحاول يستجمع قواه على انه يتكلم "

" نايف وقتها يحس يبي يسكر اذونه ولا يسمع شي من اللي راح ينقال "

فواز : بس ياعمي نجود شخصياتنا متناقضه مهما حاولنا نفهم بعض .. نجود من الطبع الحار .. وهذا من الصعب اني اتحمله ... ما اقولك تغاضينا على اشياء كثيره طول هذي الفتره لكن نجود يمكن كبرتها شوي بهذي المره

ابو نايف: ماعليش نايف بقاطعك ... مهما كانت شخصايتكم متناقضه مو عذر ان البنت تهجر بيت زوجها الا و السبب مو بسيط

فواز : اي ياعمي

ابو نايف: اسمع يافواز .. انا كنت ساكت من البدايه ولاتفكر انه هاين علي وانا اشوف بنتي مرميه عندي لا ليلها ليل ولانهارها نهار .. اكيد ان السبب اكبر من ان الشخصيات متناقضه .. الكل تزوج وياما واحد خذ وحده حاره وهي بارد وتحملوا بعض ولا وصلت انه يرميها بيت اهلها ثلاث اسابيع

" فواز سحب نفس يبغى يقوله باللي صار بس ماهو قادر "

"نايف يناظره بلهفه للكلام اللي بيقوله"

فواز شبك يدينه : عفوا عمي بس اللي صار ان نجـود " وحارت عيونه "

" وش فيها نجــود "

" دخلت نجود عليهم وكانت الدمعه واقفه بيعنها نايف وقف منصدم ماتوقعها تنزل له وابو نايف طول الوقت يسمع فواز ولا اخذ من شي وام نايف استغربت بنفس الوقت "

" اما فواز فتح عيونه بعد ماشاف نجود والحاله اللي وصلت لها "

نجود : نجود عصبيه محد يستحملها الواحد مايقدر يتكلم معها مو هذا اللي تبي تقوله وعشان كذا ماعرفت اتصرف معها

ابو نايف: نجود اسكتي شوي خلي الرجال يتكلم

نجود : يبه ماله داعي كل المقدمه اللي بيقولها .. يبه السبب كان تافه ولا يستدعي اني ازعل عليه كل هذي المده وفواز حاول كم مره يكلمني وكلم اخوي عشان يقنعني اني ارجع له وانا مارضيت ... و مثل ماقال لك فواز انا واياه ماقدرنا نتفاهم ماقدرنا وانا تطاولت عليه وجيت بيت اهلي لاني توقعت حياتي مع فواز مامنها رجا ومستحيل انها تستمر

" فـــواز انصدم من كلام نجــود معقوله هي تقول هذا الكلام عنــه "

" نــايف حس انه بغيبوبه من اللي يسمعه من اخته ما كأنها ذيك اللي قبل ساعه لف على امه وابوه وتدارك الموقف بسرعه "

نايف: اي يبه هذا كل اللي صار

"فواز ماعرف وش يقول ونزل راسه "

ابو نايف عصب : انا كنت عارف ان السبب منك انتي .. بسبب عنادك ودلعك ... لكن الغلط مني زوجتك صغيره وماتفتهمين " وتركهم ومشى عنهم "

" نجود وقفت مكانها ومنزله راسها "

ام نايف: زين كذا يانجود زعلتي ابوك و زوجك وانتي بس قاعده تدلعين
نايف يهدي الوضع : افا عليك يايمه ابوي من خوفه عليها فكر اللي صار شي كايد وانحرق قلبه يوم عرفت سخافه الموقف

" فـــــواز كان ســاكت مو عارف وش يقول نجود صدمته "

ام نايف لنجود : يلا قدامي شيلي اغراضك وروحي مع زوجك ماقول غير الله يفشلك يوم انك فشلتينا بزوجك واهله وش بيقول عني بس لكن انا الخبله اللي تركتك على راحتك

" نجود ماطالعت بفواز ولكن جت امها وسحبتها معها وراحت نجود تحط اغراضها وام نايف راحت لابو نايف الي على طول راح الغرفه "

نايف راح وجلس جنب فواز وهو ياخذ نفس : صدمه صح
فواز هز راسه
نايف: والغريب اني توي نازل من عندها وهي معنده ماتبي تنزل لك وتبيك تقول لابوي كل شي
فواز : نايف كلام عمي صحيح
نايف: ياخي ماعليك من ابوي الحين بيعصب وبعدين بيرضى
فواز بغرابه : ماعرفت وش اسوي وش اقول اصلا ريقي نشف
نايف ضحك : لا الحين نجود ثبتت لي انها تحبك وماتقدر فيك ولا نجود ماكانت ترضى حد يهاوشها ولا يزفها لو ابوي يصرخ عليها شوف وش تسوي فيه والحين ولا كأن قال لها شي
فواز ابتسم : يمكن ربي هداها وحست فيني .. بس ماتدري شلون كأن وشي ثقيل طاح من على ظهري
نايف ابتسم : يلا بس هااه مو كل مره تسلم الجره
فواز يضحك : لاخلاص توبه
نايف بجديه : فواز ماعليش تحمل نجود والله نجود بس تبي اللي يكسر عينها وبعدين بتشوفها ماشيه مستقيم بس الحين تعرف توها متزوجه وتبي تدلع وتفرض شخصيتها ومن هالكلام بس بعد فتره تنكسر عينها وتصير منصاعه لك
فواز : ولايهمك

" فوق عند نجود "

بسمه بفرح : نجود بتروحين
نجود تحط اغراضها : ايه
بسمه : قولي لي وش اللي غير رايك
نجود وقفت عن اللي كانت تسويه : كلام نجلا اثر فيني حسيتها مبسوطه بيت زوجها مع ان شوفي كيف كانت حياتها اول اعسر مني واكثر والحين اللي يشوفها يقول ماخذها عن حب
بسمه ابتسمت : لو ندري كان خليتها من زمان تجي
نجود تضحك : شوفي ترى اهون
بسمه : اقوول اخلصي بس
نجود كشرت : وابوي ؟؟
بسمه : ولايهمك ابوي انا بفهمه وبكلمه هو بس لان خاف عليك ويوم عرف ان السبب سخيف عصب بس مشكلته مايعرف يعبر عن شعوره
نجود ابتسمت : اي والله الحين بروح له كملي هذا الشي وبعدين خليهم ينزلونه
بسمه بفرحه : طااايب
نجود وهي ماشيه : اي تبي الفكه
بسمه تضحك : افااا


" راحت نجود عند ابوها طقت الباب ودخلت "

نجود تطل بوجهها : ادخل
" ام نجود شافتها ولفت على بو نايف "

ام نايف راحت لها : ترى ابوك زعلان منك " وطلعت "

" نجود راحت عند ابوها "

نجود: بابا
ابو نايف : نجود ابغى اريح بغيتي شي
نجود تبتسم : بابا اانا اسفه
ابو نايف لف عليها : على ايش يانجود ووش يفيد اسفك باللي صار كله وش بيقولون عني بنتهم تاركه زوجها ورايحه عند بيت اهلها بس تدلع
نجود نزلت راسها : يبه صدقني انه غصب عني " وسكتت " وبعدين هذي مشكلتكم تزوجون الواحد الثانيه ولا تهتمون يصلحون مع بعض ولا لالا من جد يبه ماكنت محتمله حياتي مع فواز احسه مو فاهمني وبس همه يمشي كلامه علي وبعدين هذا شي طبيعي انا بعد ماقدر بيوم ليله اتعود على واحد عيشني حياه مختلفه عن الحياه اللي عشتها بيت اهلي

" ابو نايف يناظرها "

ابو نايف: نجود يا يبه هذي المره بعديها لان على قولتك توك متزوجه وتدلعين.. بس مابيها تتكرر مره ثانيه تسوى فشيلتي قدام عمانك مدلع بناته مدلع بناته ... بس يا يبه ابيك تفهمين زوجك وتخلينه يفهمك مو تفرضين عليه شخصيتك ترى الرجال مايرضى اي بنت تفرض شخصيتها عليه وخصوصا توكم متزوجين .. لاتفكرينه قاعد يمرر وبس اكيد هو ناوي خير وقاعد يحاول يفهمك وهذا فواز وانا ادري فيه ونجود يا يبه خففي من عصبيتك اللي مالها معنى

نجود ابتسمت : ان شاء الله يا احلى ابو في الدنيا

" وباست راسه "

ابو نايف: وعلى قولتك السبب تافه ممكن اعرفه
نجود توهقت وضحكت: بابا بس ادلع

" ابو نايف قرص خدها وبعدين ودعته وطلعت منه "

.
.
.

" في بيت بو ياسر "

" ياسر كان توه بينزل بيت بو محمد الا وقالوا له عن بو محمد وعلى طول شغل سيارته وراح لبيتهم ..كان طول الوقت تفكيره مشغول "

" اول ماوصل "

ام ياسر استغربت : ياسر
ياسر : سمي
ام ياسر : شفيك مارحت بيت عمك
ياسر : عمي اعتذر اليوم يقولون انه نايم
ام ياسر: نــايم وش هذا العذر
ياسر : اي يمه اكيد نفسه ضايقه على اللي سواه سلطان
ام ياسر تذكرت : ايييييه خانت حيلي هد ظهره هالولد
ياسر : الله يعينه ودي لو قعدت هناك وعرفت وش صار على عمي بس ماقدر وهم مابينوا شي لذا الحين
ام ياسر: على خير اجل بخليها تحط الغدا
ياسر : خليها

" راحت ام ياسر وكمل ياسر طريقه وقعد على الكنبه وباله مشغوول .. يحس اليوم يمر بطيئ بس والاجواء ميب طبيعيه "

ياسر " الله يصلحك ياسلطان وش اللي سويته .. الله يعينك ياعمي بتلاقيها من عماني ولا من ولدك .. الله يعينك .. ياذا وجه محمد مقلوب فوق تحت ... وسهر .. ااخ شتسوي الحين اكيد قافله على نفسها بعد مايصير هذا توامها واقرب واحد لهاا ...الله يعينك ... اااخ والله مايستاهل عمي اللي جاه من ولده "

ام ياسر : يلا يايبه
ياسر: وعبير ماهي جايه
ام ياسر : لا بتتغدا بيت اهل زوجها
ياسر: على خير

" قام على امه واخلاقه قافله من جد البيت صار ميت ماله خلق حتى يتغدا بس عشان خاطر امه المكسور ويوم فكر يحي البيت كل شي تقفل بوجهه .. بس وش يسوي مضطر يتحمل عشان امه "

ياسر: يمه ليش ماتطلعين كله حابسه نفسك
ام ياسر: وين اروح ياولدي
ياسر: بيت عماني ماكثر الله منهم
ام ياسر: لاا ماودي اضيق عليهم وبيني وبيينك انا كلمت خواتي يجونا
ياسر استانس: صدق
ام ياسر: ايه اجازه واجزوا خلهم يجون يقعدون جنبي شوي
ياسر: لااا حلووو والله .. بس خلاتي من جد من زمان عنهم مالهم بينه
ام ياسر: اي وانا ولهت عليهم بعد بس لاهين بأشغالهم
ياسر: زين مافكرتي
ام ياسر ابتسمت
ياسر: ومتى بيجون ؟
ام ياسر: اخر الاسبوع الجاي الاربعاء
ياسر: على خير ان شاء الله

" استانس ياسر ان في حد بيجي عندهم وهذا الموضوع انقضى عنده يعني يقدر الحين يأجل خطبه سهر.. بس باقي يعرف اخر تفاصيل موضوع سلطان "


.
.
.

" في سياره فواز "

" بعد ماطلعت نجود من بيتهم ماكان عندها الا اشياء بسيطه اللي اشترتهم مؤخرا .. بعد ماحط فواز اغراضها بالشنطه وراح ركب ولقاها جنبها ... حس بشعور غريب يجتاحه يحس بشي كبير قاعد جنبه رغم ان نجود حجمها وسط وخفيفه .. عرف ان نجود تسوى عنده الكثير مو بس وحده اخذها عن كره وتحول لحب بدون مايحس .. وبنفس الوقت يحس ان الجو في السياره معطر رغم انه ماعطرها قبل لا ينزل من كثر ماكان متوتر وناسي نفسه .. نجود حست ان قلبها رجع ينبض واحاسييس متخالطه بداخلها ... مو عارفه وش بتقول كأنها بأيام الخطوبه مع انها ماعاشت خطوبتها مثل الناس ... فواز رغم كل هذي الاحاسيس الا انه للحين مصدوم من تصرف نجود الغريب واللي كان متوقعه اخر شي ممكن تسويه نجود بذاتها ... فواز ماعرف هو الثاني وش يقول او كيف يتكلم وبنفس الوقت ماحب يروح البيت الحين ووضعهم متوتر كذا قرر يغير اتجاهه ونجود لاحظت هذا الشي وكانت متوقعته ... بس اللي كانت متوقعته ياخذها مطعم ولكن هذا طريق الهاف موون استغربت من جده بيوديها البحر "

نجود " كل ماقلت بيتعدل يرجع مايتوب "

نجود مشبكه يدينها وتلعب فيهم وبصوت هادي نادر يطلع منها : وين بنروح ؟

"فواز ابتسم يوم سمع صوتها ولف عليها ورماها بنظره"

نجود " يالله وش هذا السؤال الغبي يعني وين بنروح مثلا المول وهذا طريق البحر "

نجود : اقصد ليه بنروح البحر ؟
فواز لف عليها وسبل عيونه فيها وبصوت دافي قال لها : ماودك نقعد مع بعض ولحالنا ونسولف
نجود توترت : بس الجو مو جو بحر
فواز ابتسم : شوفي انا اليوم كل شي عندي غير الحر يصير برد والغبره تصير ثلج و
نجود ضحكت
فواز انبسط ولف عليها وبعيون تلمع : نجود فــديتك والله
نجود استحت وحست عيونها من الحراره بتدمع وبعد لحظه : طيب خلنا نمشي في السياره مانبي ننزل
فواز : بالعكس بنقعد شوي نسولف وبعدين نكمل في السياره
نجود نزلت راسها : مدري براحتـك

فواز ابتسم ورفع حاجب " الظاهر عقلوها او هي عقلت "

" بعد ربع ساعه في الطريق قضوها وهم شوي يتكلم فواز وشوي يسكت فواز تحمل حتى وصلوا البحر هناك يمكن يكون الجو اهدا لانهم كانوا فاتحين الشباك اللي فوق وكان مسويه ضجه يعني غير الجو عليهم واصلا فواز مو عارف يتكلم وهم بالسياره بس قعد يسولف اشياء بسيطه وبعد ماوصلوا وقف فواز السياره عند اخر المواقف وكانت الساعه على حدود الخمسه يعني الشمس قريب تغيب اي الجو كان اوكيه نزل فواز ونزلت نجود وراه انتظرها عند مقدمه السياره واول ماوصلت عنده مسك يدها ومشى معها .. ارتعشت نجود من حركته ومشت معه حتى وصلوا عند مقدمه البحر "

نجود : غريبه في هوا هنا
فواز : اي الجو هنا دايم غير ..
نجود: فواز عادي اشيل الغطا
فواز ابتسم ولف عليها : عادي بس اذا وصلنا عند البحر وقعدنا

نجود هزت راسها

" واول ماقعدوا كأنها ماصدقت على الله شالتها "

نجود: معقوله يوم الجمعه وزحمه
فواز : اي شي طبيعي الناس بعد الصلاه على طول تشيل غداها وعلى البحر
نجود ابتسمت
فواز يناظرها ونجود حست بنظراته ولفت وجهها
فواز : نجود حليانه
نجود لفت عليه : بدينا بالطنز
فواز ضحك: والله ما امزح
نجود: لا يتهيأ لك
فواز بنغمه : ليش يتهيألي مو كان عندك ثلاث اسابيع فاضيه وانا اللي اعرفه اسبوعيا في الصالون

"نجود فهمت قصده وناظرته بعيون تعبانه ونزلت راسها وقعدت تلعب بالرمل ولا ردت عليه"

فواز قعد يناظرها : نجود
نجود بدون ماترفع راسها : همم
فواز وبنظره : ليش سويتي كذا ؟
نجود رفعت عينها : وش قصدك ؟
فواز: ابي السبب اللي خلاك ترجعين لي مع انك كنتي مصره ماترجعين ؟
نجود فهمت قصده وابتسمت : عرفت اني ماقدر اعيش بدونك

" فواز ماصدق انه نجود اللي تتكلم قدامه وتقول كذا "

فواز رفع راسه و يصارخ: واخيراااااااا
نجود ضحكت : مجنون
فواز ضحك : فيــك

نجود تضحك

فواز : كنت عارف لاني شفت العذاب بعيونك يوم شفتك في تشيلز وكيف كنتي ذبلانه
نجود بنظره جانبيه : مو توك تقول اني حليانه
فواز ضحك : لانك بس تضحكين كل شي بعيني يصير حلو
نجود تضحك وتعبس بعينها : عياااار
فواز ضحك : افاا بس قومي نمشي
نجود : يلا

" قام فواز ومد يده لنجود ضحكت نجود وهزت راسها وحطت يدها بيده وقامت "

فواز : نجود انا اسف حياتي .. عارف اني غلطت بحقك

"نجود حست انها مبسوطه وماودها تجيب هذا الطاري الحين "

نجود تسكته : خل الاسف بعدين لاني لو فتحت الموضوع الحين بصير نجود

فواز ضحك وهي ضحكت

فواز : وانا اقول اكيد هذي مو نجود اللي اعرفها
نجود تبتسم : لا امزح بس ماودي اضيق خلقي لان حدي مبسوطه
فواز ابتسم ورص على يدها وبصوت فيه تنهيده : ياعسى دووووم قولي امين
نجود ضحكت: امين

" شوي ويدق جوال فواز ووقفوا وقابل فواز نجود "

"فواز اول ماشاف الاسم صكت الدنيا عليه شلون نسى سلطان "

نجود عقدت حواجبها

فواز : هذا سلطان.. هلا سلطان
سلطان بصوت مبحوح : فواز بمووت تعرف شلون بموووت
فواز اخترع : سلطان شصااار
سلطان وهو يرص على اسنانه: ابوي خيرني
فواز فتح عينك وصارخ : سلطان وش صوته هذا
سلطان يزمر : اوووووووووه هذا واحد ملعون كان بيدخل علي
فواز : سلطان سلطان وينك فيه ؟
سلطان وهو قرفان حياته : مادري مادري
فواز بخوف ونجود مستغربه : قولي وينك فيه
سلطان : انا توي طالع من البيت
فواز : خلك مكانك " وتأفف " كم مره قايلك اذا عصبت لاتسوق ولا كأنك تسمع
سلطان : ماني موقف احس الدنيا ضايقه علي يافواز ماتفهم انت يعني ابوي لاعب فيني وتبيني اقعد في البيت
فواز : كلمني على الاقل .. المهم ثانيتين وانا عندك لاني قريب من بيتكم " وغمز لنجود"
سلطان تأفف : شوف تعال لي القهوه
فواز : قلت لك ثانيتين ماتفهم
سلطان بصوت ضايق: يلا

" فواز سكر التليفون "

نجود : وش صاير؟
فواز : ماعليش حبيبتي بس تعالي وبالسياره اقولك كل شي

" راحت نجود مع فواز وركبت السياره وفواز حده متوتر .. ونجود ضاق خلقها لان جوها اخترب عليها وكانت عارفه ان هذي سالفه فواز حياه الناس اهم من حياته .. "

فواز : مو انا قلت لك ان سلطان تزوج
نجود عبست بعينها : اي
فواز: اي والحين عمي عرف بالموضوع وسلطان ضايق خلقه
نجود : عمي وش سوا
فواز : مادري من قاله وهو ساكت واليوم الظاهر كلمه

"نجود تنهدت .. فواز لف عليها بلمحه سريعه يشوف ردة فعلها"

نجود : مادريت ان السالفه صدق
فواز : ماعلينا .. بس نجود من جد اسف ماكان ودي يخترب الجو علينا بس
نجود: لالا عادي

" نجود ماحست الموضوع مره مهم بالنسبه لها لان سلطان ماصار يعني لها شي ولا تفرق معها وش يسوي الحين "

" فواز كان وده يعرف شعور نجود الحين وخصوصا مازالت في بقايا من ماضيها مع سلطان بس مايقدر يعرف شي الحين وهو بهالحاله "

فواز يضرب على الدركسون
نجود : وش فيييك
فواز : سلطان مجنون ممكن يسوي اي شي وعارف انه ماهو منتظرني وعادي عنده يرمي بنفسه اذا كان متضايق
نجود : طيب شوي شوي وانت تسوق سلطان يروح يعني كلنا نروح

" فواز حس ردها برد على قلبه مع ان ماكان وده تقول عنه كذا الا انه لا شعوري برد على قلبه "

" فواز سكت وقرر يودي نجود وبعدين يروح لسلطان بس قلبه قاعد ياكله على سلطان "

.
.
.