03-26-2018
|
#2
|
طبعا فاليوم الثاني ذبحوا على سلامتهم ووزعووه من غير العزيمه عزموا يرانهم وربعهم طبعا الرياايل اما الحرمات طرشوا مايوبهم للبيت....... من ذاك اليوم منصور ما شاف وديمه ولا شياته
عقب اسبوع من السيره وديمه كانت يالسه فالخيمه اللي خاري تدرس عليها بحث فالعربي واتسوي بطايق وحاله والخيمه فوق تحت بسببها... كان الباب زجاجي.. ويالسه برووحها...
منصور كان كان ياي صوب بيتهم عشان امه مطرشتنه ونزل يسلم.. وديمه شافت راسه مربوووط.. اما ربطة ايده فجووها..
وديمه (( يالله مخيس ذاك اليوم كان خاااايس.. يا ربيييييييه... طالع شكله كيوووووت يوم رابطين راسه القصه شالينها فوق.. يالله.. احسلي اكمل هالاستاذ لعوزنيه يمكن باجر اابسن عن كلاسه ما خلصت البطايق وهو قايل باجر اخر يوم للتسليم.. صح ليش ما اتصل لفطوووم اطالعها شو سوت... اصلا المفرووض القرووب مع بعض يسلم ويمكن هيه خالصه.. اففففف مستويه مهمله ... ))
••.•°¯`•.••••.•°¯`•.••••.•°¯`•.••••.•°¯`•.••••.•°¯ `•.••
فالحفظ لو داع دار الطيبيـــــــن
يعل تسجيه المخايل والمــــزون
منهطل وبل السحاب الموشــلين
ليلتن فيها الملا مـــا يهيــــعـون
تصبح الغدران وابـــها جانــفين
العذارى يكشف الكنز المخزون
درتن فيها محب اللي ضـــــنين
عالين شانه وعندي ما يهــــون
••.•°¯`•.••••.•°¯`•.••••.•°¯`•.••••.•°¯`•.••••.•°¯ `•.••
عقب قرروا العرس ايكون في اجازة نص السنه.... وديمه انصدمت بهسرعه... يعني اخر يوم فالامتحانات في نفس اليوم بيكون العرس
خطفت الايام وديمه اتحاول اتشل فكرت انه العرس كل ما يمر يوم يجرب منصور عادي ولا همه.. حتى انه ناسي انه وحده مالج عليها..
مره كانوا يحووطون فالموول
عبادي : عنبووووووووك مالج وعرسك مقرب وانته بعدك اتغاااازل..
منصور : اووووووهوووووووووو يا خي كنا ناسين والحينه ذكرتنا..
عبادي : شو ناسي بعد هااااااه... عيييييييب عليك يا اخي
منصور : جيه وانته من شوي شو سويت
عبادي : انا غيييييير.. انته واحد مرتبط لا اتقارن عمرك بغيرك المفرووض اتكون وفي..
منصور : خييييييير..
عبادي : ان ما اصطلبت بدوس في بطنك ترانيه
منصور وقف : يالله تعال جان فيك خير >> يغاايض
عبادي : وووووالله.. >> وقام
حمد ياينهم وسعيد فياه
حمد : حوووووه بلاااكم..
عبادي : بدووس في بطنه بس محتار افكر باي وضعيه 12ب ولا 1 أ
سعيد : ههههههههههههه لا ثره عندك وضعيات.. يا حيييييك..
حمد : اسميك مفضحنا..
عبادي : انته شو فيك بضارب.. تعال
منصور : ااااااااايهاااااااااااا.. شو ياينك ما خليت حد ما بتكفخه اليوووم...
عبادي : هيه والله... >> اونه هوب حاس بعمره يستهبل...
مرت الاياااااااام ولا منصور يسمع شي عن وديمه ووديمه نفس الشي.. بس يمكن وديمه تسمع من سلامي والنير هوامها يعني سوالف اتكون منصور فيه.. لكنه ما اتشاووفوا من زماااااااااااان اخر مره كان يوم ردوا من المستشفى اذا تذكروون...
ミ♡彡 وقبل العرس بيومينミ♡彡
فاليل
منصور يالس بروحه على العرقوب... اما وديمه زايغه وهوب عارفه شو اتسوي ويالسه واتصيح جنه اخر يوم لها فهدنيا.. وهوب طايعه اتحط شي في بطنها
فطامي : ودوووم.... لييييييش اتصيحين المفروووض تفرحين.. تدرين لو مكانج جان فرحت وطرت من الفرحه... يالله اسميه يا حظج.... متى بعرس انااااااا
وديمه : جب يالله لييش اصييييح ما يخصج... اونه افرح.. انا كيفي ان فرحت ولا صحت ما ي خ ص ج ... وبعدين ذلفي عن ويهي يالماصخه صدق انج مضيعه المذهب
فطامي : يالله صدق بطرانه الله يعين منصور عليج...
وديمه : جااااااااااااااااااااااااب.. اونه الله يعينه.. ذلفي لا اكفخج الحينه واخليج خبر كان
فطامي : خبر ولا مبتدأ هاهاها هاهاهاهاي
وديمه : سخيفه ما يضحك.. جلبي ويهج احسن لج >>> بصوت عالي
فطامي : أي صفحه هاها
وديمه طالعتها بنظرة
فطامي : انزييييييييييين بلاااااااااااج معصبه هاه.. شوي شوي
وديمه : يالللللله غبيه ولا غبيه.. اضهري خاري بشوفج .. اضهري >> بصوت عالي وجان اتفر الشنطه عليها
فطامي وهي تضهر : بسم الله الرحمن الرحيم.. بضهر انزين حشى
وديمه مستويه ما ترقد الليل...
乂乂乂乂乂乂乂乂乂乂乂乂乂乂
ألا يا جفن وشـﮯ بكـﮯ ما تناااااامي...
ولا تغضــــي معـﮯ اللي يرقدونــي...
سهرتـﮯ الليلـﮯ والعالمـﮯ نيامـــي...
وانا شرواتـﮯ ياللي بهـﮯ ديونـــــي...
ألعلعـﮯ مثلـﮯ ما طير الحمـــــــامي...
واير النوح في روسـﮯ الغصونــــي...
乂乂乂乂乂乂乂乂乂乂乂乂乂乂
في بيت بو سعيد الكل مرتبش.. ونفس الشي في بيت بو محمد.... واكثرهم منصوري بن سلطان فرحاااااااان وميت فرح... تدرون كانوا مركبين ليتات واعلام على بيتهم... وهوب طايع يدخل البيت خاصه من تشتغل الليتات.. يرتبش حليله
اما في بيت بو سعيد...
ام سعيد : خييييييييييييييييبه ان شاء الله.. جاني من الصبح ازاقر.. وين ذلفتي مسودة الويه
سلامي : امايه عند النيره انعدل الزهبه عشان يوم بتعرضونها فالمكسار
ام سعيد : ما عليه وينه اخوج
سلامي : أي واحد منهم
ام سعيد : تستهبلين حضرتج.. منوه غيره
سلامي : جيه اربع شباب عندج حددي.. هب واحد عشان اعرفه على طول
ام سعيد : هبي هباج الرب.. اتشاهدي على ويهه... الله واكبر عليييييييج
سلامي : اماااااااااايه بلاااااااااااااااااااااااااااااااااااج
ام سعيد : ذلفي سويله وعطيني اياااااااااااااااااه
سلامي : انزييييييين .. بس منوووووه
ام سعيد : منصووووور
سلامي : هيه الحينه.. انزين )) وجان تتصل محد رد عليها((
ام سعيد : وينه..
سلامي : ما يرد
ام سعيد : واااااايه ردي سويله اشعنه ما يرد مسود الويه.. العرس عقب يومين وهو يهيت.. ردي سويله
سلامي : انزييييييييييين...)) وتمت تتصل ولا يرد عليها واخر شي منصور رد وقالها على طوول((
منصور : خيييييييباااااااااااااات ان شاء الله.. خيييييييير شو تبين
سلامي : بسم الله.. العرب اتقول.. الووه.. اتقول السلام عليكم..
منصور : كيفييي.. عراسج...
سلامي : انته وين
منصور : ما يخصج
سلامي : اييييه هب انا.. امايه تباك
منصور : شو تبا..
سلامي : ما ادريبها.. ومتغيضه بعد عليك
منصور : شي ثاني
سلامي : شو بعد شي ثاااني
وجان يسكر في ويهها
سلامي : خييييييييبه سكر في ويهي
ام سعيد : بلااج.. ياي ولا هوب ياي
سلامي : درانيبه.. سكر في ويهي
ام سعيد : ياكل خرى الهوووش.. واشعنه يسكر في ويهج هاه
سلامي : انزين ليش معصبه عليه... الله يعلم ليش سكر..
ام سعيد : اتصلي وعطيني اياه..
سلامي : ما بيرد عليها
ام سعيد : اقووووووووووولج اتصلي.. اتشوفون العرب مشتطه ....
|
|
|
|
|
03-26-2018
|
#3
|
وجان تتصل على اخوها لكنه ما رد عليها... عبادي بعد دق على منصور لكنه ما رد عليها.. وبعد فتره رد منصور يدق حق عبادي..
عبادي : والعثره يا الجلب... يا الحمار... سبااااااااااااااااااااااااااااااااااااال.. هررررررررررررررررررررم
منصور : اتعثرك ان شاء الله.. بلاك حاشر البقعه
عبادي : والله اللي عراسه بطحه يحسس عليها...
منصور : خيييير شو عندك..
عبادي : عندي سياره وسكان وشارع.. ليش شي تبا منهن
منصور : يوم الا ما عندك سالفه سكر سكر.. مالي بارض لك
عبادي : افااااااااااااااااااااااا
منصور : اسميك الا متفيج ولا وراك مونه اتسدك عنيه
عبادي : حووووووووووووه... هدي يا زلميييييييه
منصور : جب يالله جان ما عندك شي سكر اقولك
عبادي : بلااااااااااااااااك انته... وبعدين ليييييييييييش ما اترد ... وانته وييييييييين..
منصور : ما بلاني شي.. وتليفوني وعراحتيه ان شليته ولا لاء.. وانا وين ابليس مضيع عيااااااله ادلها ذيج البقعه
عبادي : والعثره.. منصوووووووور.. اقووووووووول انته وين صدق..
منصور : والله انا عراس عرقوب..
عبادي : لااااااااااه.. صدق >> يطنز........ غربلاااات يومك العرب مشتطه وعقب يومين العرس وانته المعرس وهناك ميلس..احيد العرب ترتبش..
منصور : هيه متفيج ثرنيه
عبادي : وين بتحديد ياينك الحينه
منصور : لاتي ولا الله قاله
عبادي : وخلى مطر على قولت عيوزيه اني ياينك
منصور : هنيه صوب عزبة خليفه بن سعيد
عبادي : دقاااااايق واكووون حذاك
منصور : يالله
ام محمد مشتطه يعدلون ويرتبون ويجهزون الميلس العود اللي بيسوون المكسار فيه وبيحطون الزهاب ويعرضونها.. كانوا مرتبين كل شي ويتريون الزهاب بس يحطونه
ام سعيد حاشره البقعه وتبا ولدها يهضل وكل ما اتسوي ما يرد
عند منصور ... عبادي توه نازل من السياره
عبادي : يا الجلب.. العرب مشتطه وانته هنيه هب جنه عرسك
منصور : والله يا عبادي ما ابا اعرس.. صدق واحس كل ما يخطف يوم بيضيج
عبادي : واشعنه حضرتك ما ترمس من قبل شو قايلك انا
منصور : يا ريال خلها على الله
عبادي : منصور.. كله ولا وديمه بنت عمك.. خاصه ليلة العرس انسى انك تكرها .. عاملها بطيب خاصه انها توها عرووس.. هذي ليله مميزه وغير تدري ولها امتيازاتها لا اتخرب عليها وعلى عمرك.. كلكم اول مره واول تجربه فالعرس عسب جيه لا اتخربون على بعض
منصور : يصير خير
ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚
ألا يا عاذلي كفـﮯ الملامــــــي...
ياللي عاذلتني زادتـﮯ شجونـي...
ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚ن¹‚
وتموا يسولفون ومنصور يخبره بشو في خاطره واللي مضيقنه
الموهيييم رد منصور البيت وهزبته امه لين طابت نفسها وزهبوا كل شي ورتبوا الشنط والصناديق والزهاب اللي بيودونه باجر فالمسيره صوب بيت العروس وكان احمد شال سيارة منصور يعدلها ويزينها وطبعا عدل سيارته بعد وعدلوا كل السيايير ورتبوهن وزينوهن وكل شي زاهب والاعلاااااام بعد اهم شي..
مƒںâ™،ه½،فاليــــــــــــــــــــ مƒںâ™،ه½،الثـــــــــــــانيمƒںâ™،ه½،ـــــــــــــ ــــــ ـوممƒںâ™،ه½،
الصبح قبل يوم مƒںâ™،ه½،العرسمƒںâ™،ه½،
في بيت بو سعيد
منصور نش من فير الله ولاول مره في حياته.. اتسبح واتعدل واتكشخ واتسوى 100% ما شاء الله عليه ولد سالم فنان وما يخرب...
والضحى اجتمعوا الرياييل وعربانهم ويرانهم وربعهم والشباب في بيت بو سعيد وكان زحمه البقعه كلها فالبيت داخل وخاري والحاره كلها فووووول...سياااااايير بليا اقياس من كثرهن ما شاء الله.. المهم... كلهم عند بو سعيد يتقهوييون اما هل البيت فكانوا يحملون الشنط والزهبه منصور حادر وضاهر مرتبش وكان شال فستان وديمه يركبه السياره طبعا هوب فستان العرس لا فستان من الزهبه...
عبادي يرمس حمد فالتليفون
عبادي : هههههههههههههههههههههههههههههه
حمد : بلااااااااك
عبادي : لو اتشوف منصور محتشر وشال ما ادري شوه لبس ما ادري فستان وشكله يضحك.. فااااتك انه هذا منصور
حمد : هههههههههههههههههه لا اتقوووووول...
عبادي : نعااااااااااااااااااام هههههههههههههههههههههههههههههههههههه
حمد : خله يا ريال بنشوفك يوم بتعرس.. واحد يرابع بليا ذهن.. وبعدين برايه عوبد الله وديمه بنت سلطان تستاهل..
عبادي : نعااااااااام انها تستاهل بنت العم...
حمد : برايك الحينه بنزل فالبيت
عبادي : ثرك هوب هنيه
حمد : توني ضاهر من عندكم وساير البيت
عبادي : هيه اتحريتك هنيه..
حمد : لا... يالله انزين برايك مشغوول
عبادي : فمان الله
عبادي عقب ما سكر عن حمد سار صوب منصور...
عبادي : لا لا لا ما انروم.. وشال فستان بعد ههههههههههه
منصور : جااااااب هوب متفيجلك انا الحينه وعلى استهبالك..
عبادي : لازم... تعال وين حطيت الاعلام
منصور : فالميلس... جيه هوب مركب..
عبادي : طبعا مركب ومن امس مشتط ومعدل السياره وطالعه احلى عن سيارتك
منصور : يالله.. اونه احلى عن سيارة المعرس يعني
عبادي : انزين... خلاااص.. بسير اشلهن حد من الشباب هوب ياييب.. وجيه كمن سياره تبا يالسين يقولون جان شي اعلام
منصور : امره يفدنهم الاعلام.. شو اتريا بعد.. سر عطهم..
عبادي : جيه اتحرانيه بشاورك لو ادلهن... ما ادلهن عشان جيه ييتك..
منصور : انزين سر.. وعط اللي يبا..
في بيت بو محمد
محد فالبيت غير ام محمد وبناتها.. والمعرس الصغيروني منصـâ™،ــوري.... حمد خاطف مستعيل يبا ينزل ..جان يسير صوب اخته يسلم عليها ويطالعهاا.. دق الباب
وديمه منسدحه عالشبريه ولاويه على المخده واطالع فوق.. : البااااااااب مبطل..
حمد فج الباب : السلاااااااااااااااااااام عليج الغاااااااليه ... وصبااااااااح الجماااااااااااااااااااااااال
وديمه يلست وابتسمت : عليكم السلام.. وصبااح النور...
حمد : شأصبحتي اليوم
وديمه : يالله عايشين
حمد : افاااا.. عروس ومضيجه.. لييييييش...؟؟؟!!!
وديمه : يالله شو هالكشخه.. ما شاء الله عليك.. لو حد شافتك بطيحه مثل ما طيحتنيه
حمد : مشكوووووووووره ختيه.. الحينه صدق طيحتج.. عيل بتلاحق اسير بقعه اطيحلي كمن مزيونه..
وديمه : ههههههههههههه عاد انته واطيّـح ما اصدق فيك.. ما شاء الله عليك ربيه يحفظك من هالسوااالف
حمد : امييييين.. اقول لا اتغيرين السالفه ليش زعلانه ومضيجه...
وديمه : هاه.. أأأ... لا... لا عادي بس لانيه محبوسه فهالحجره ولا اضهر امره منها.. اتقول في سجن.. بس عادي الحينه يوم شفتك راحت الضيجه >>> ما رامت اتقوله شو مضيجنها اصلا... وبعدين هي صدق مضيجه من هالحبسه.. وبعد للسبب الرئيسي واللي هو منصور يعني سببين لضيجتها.. واصلا ما اتروم تجذب على خوها..
حمد : راعي سمحه.. مضيجه وخوج هنيه
وديمه : شو انسوي.. تعال انته ليش هب عند الرياييل
حمد : انا من الصبح هناك لكن ييت امايه كانت تبانيه
وديمه نزلت راسها : هيييه
حمد حس انه بعدها مضيجه... وشك فالامر
حمد : ليش غندمتي
وديمه : ما شي... عادي
حمد : انتي هب فرحانه لانج بتعرسين
وديمه فخاطرها (( لا هب فرحاااااانه منوه قص عليك وقالك فرحانه ))
وديمه : هاه.. لا عادي.. بس حفوووووز
حمد بعده ما صدق اخته.. ويعرف انها من الاساس ما اداني منصور لكن مب قادر يستوعب كيف وافقت عليه
حمد : يالله قومي انزين
وديمه : وين اقول.. ما فيه .. وبعدين ما اروم انزل تحت
حمد : لا.. الحينه بتبدأ المسيره واباج اتسيرين فيايه
وديمه : بلاااك انته.. ما ارووووم.. وبعدين لو حد درى يا ويلي..
حمد : لا اتخافين محدب يدري بقرب السياره الحينه من الباب واللي ورى ... وبيبج وبنزلج بدون محد يدري حتى امايه... وبعدين امايه وفطامي وفلاح بيسيرون فيا ابويه فالمسيره يالله انقفضي
وديمه : حمد اخاااااااااف
سار حمد ومسكها من ايدها وقومها
حمد : عيل والله لتنشين.. ما عليه منح حد انا... ولا اتهونين عليه.. يالله نشي
قامت وديمه وحطت وقايتها على راسها وتمت تتريى حمد اللي سار يقرب سيارته المعدله المرتبه والمزينه حق اخته وسار فوق ونزلها وكانت لابسه عباه وشيله ونزلوا شوي شوي ولحد حس وبسرعه ركبت جدام طبعا من خوها وسار صوب بيت عمه .. بيت المعرس.. اللي عقب يوم بتكون هيه عايشه فيه..وكاااااااااااان زحمـــــــــه ويا مكثر السيااااااير المعدله وفي سيااير مركبه بس اعلااام.. اتخيلوووا الساااااااالفه صدق صدق كان المنظر روووووووووووووووووووووووعه في قمة الجمااااااااااااااااااااااااااااااااااال اتحسووون بالفرح اللي عايشينه
وديمه : ما شاء الله سياير واااااااااااااايد... ما اتوقعت هالكثر..
حمد : شو اتحريين.. واكيد اتوقعتي الا كمن سياره
وديمه : لا والله اتوقعت سيااااااير واااااااااااااااااايد وزحمه بس هب جيه ولا مسيرة المنتخب يوم فاز في خليجي 18
حمد : هيه شو اتحرينا هينين نحن لا الغاليه...
وديمه : الله ومعدلاااات بعد اسميهن رووووووووعه.. شو هذيج.. حتى الوروود...
حمد : لا وفاااتج عبادي مسوي حركه.. شوفي سيارته...
وديمه : وينها..
حمد : ابروحج بتعرفينها من اسلوب الخبااااال اللي عنده..
وديمه : وين بعرفها والسيااااير كل وحده متعدله ولا اتعرف شو هي... وين بتسير
حمد : بسير داخل بعد وين.. جيه بيلس خاري
)) ودخل داخل البيت وسط زحمه السياير ((
شوي ولانه عبادي كان نازل وجان يطالع سيارة حمد وسار صوبه
وديمه : ألحق عبادي يى
حمد : ما عليج بنزل قبل لا يوصل وقفلي الباب
وديمه : هذيج سيارته..
حمد : هههههههههه هيه قلتلج بتعرفينها
وديمه : شو مسوي.. حاط صورت منصور وصورته وصورتك.. شو هالخباااااااااااااااال
حمد : هههههههههههه قلت لج..يالله بنزل انا
وديمه : انزين
ونزل بسرعه وسار صوب عبادي.. وعقب 10 دقايق منصور في وسط الربشه وقبل لا تبدأ المسيره
سار صوب سيارة حمد يبا يرمسه.. لكن حمد كان نازل وعند عبادي.. وقف ودق الدريشه وكان يطالع صوب باب البيت.. وديمه اتروعت وخاصه يوم عرفت انه منصور تمت اتنافض.. رد مره ثانيه يدق الدريشه واستغرب منصور محد بطله حاول يفج الباب لكنه مقفول.. هنيه استغرب.. بنقول مشتغله.. ونازل.. لكن مشتغله ومقفوله ونازل..
حمد يرمس احمد.. ولف ويهه لقى منصور محتار عند سيارته.. سار صوبه بسرعه
حمد : شو عايبتنك السياره
منصور : ثرك هنيه..
حمد : لا هنااااااك
منصور : وقتك اتنكت... يالله زهب عمرك بنتحرك وخلك عداليه نفس ما اتفقنى
حمد : ما عليه.. سر احمد يدورك.. يقول ابووك محتشر سر شوفه
منصور : ما عليييه...>>> وكان مرتبش من الخاااااطر وناسي انه العروس هي ودومه الحلوه ^_* )) سار خطوتين وخلاف لف على حمد ((
حمد كان يالس يفج الباب
منصور : حمد..
حمد لف ويهه صوبه : لبييييه
منصور : لبيت حايه.. اشعنه سيارتك مشتغله ومقفوله ؟؟؟؟؟؟
حمد : هاه.. لا .. اقوووووووول احمد يزقرك الحق..
منصور طالعه وسار....
وديمه فخاطرها (( الله.. حلووووووووو.. مسيره وربببشه ... بس ليته هوب انا العرووووس.. اففففففففففف... اطالع كل هذا واحس بضيييج رغم انه حلووووووو وطر وميغا على قولتهم... اوووووووهووووووو.. حتى الواحد في عرسه ما يفرح... لا حووووول... كله بسبته مالت عليه.. بس بصرااااحه ما اروووم اجذب وكلمة الصدق اقوى.. منصور ظاهر غراااااااااااااااااااااااااااااااااااااااااااااااا اااااااااااااااام ... بس ما يهمني.. المهم انا ما اباااااااااااااااااااااااااااااااااااااااااااااااا اااااااااااااه.. يا ربييييييييييييه ))
•.•°¯`•.••
::
بين الوناسه والتفاريــــح
والفكر من الليعات خالي
وانا وقلبي في تباريــــح
يتبع وهم عسر المنالــي
::
••.•°¯`•.••
شوي حمد ركب ومرتبش
وديمه : هاه شوه
حمد : ما شي بنمشي
وديمه : الحينه
حمد : هيه .. )) حمد يحاول يعدل سيارته ((... طالع هالخبله ليش موقف هنيه..
وديمه : حمد ما اشوف سيارة راشد وينها
حمد : ما ادريبه تدرين ما شفته اليوم ومن زمان اعديبه
وديمه : والله ليكون ما يى >> لا تتحرون انه وديمه اتحب راشد بالعكس وديمه تبغضه من تصرفاته لكنه مهمى ايكووون ولد خالها وما ترضى عليه يعني ما تكرهه بس تبغض تصرفاته اللي تتمنى لو يغيرها للأحسن
حمد : ما ادريبه.. بس اخوانه وابوه هنيه..
وبدن السيارات يعدلن وضعيتنهن عسب يضهر منصور اول شي من البيت حركااااااااااااات بعد..
وووو مشت سياااااااااااارة المعرس.. اول شي.. (( الهمر >> ماخذ سياره يديده لانه بيعرس.. فلازم ايكووون متكشخ يعني فوول اوبشن.. حركااات )) والكل ضك عنه يسووله درب عشان يقدر يضهر قبل العرب كلها من البيت وتبدأ المسيره... وديمه يالسه في البورش واطالع منصور يوم يضهر وجنه ملك يمشي ويختال بين الحضوووور واللي اتصدر بكل تأأكيـــــــــــد كل الانظــــار....
وطبعا كان كل شي يتصور.. من يوم كانوا يضهرون الزهاب ويركبونه السيايير لين ما ظهر منصور وهو يتصور طبعا تصوير بالفيديو... والمصور كان راكب فيا حميد ربيع قوم منصور وحمد وعبادي اذا تذكرون شلتهم (( عبادي – حمد – منصور – حميد – محمد – سعيد ))
وخلاف ظهروا بو سعيد وبومحمد وراه... خلاف محمد – احمد – حمد – سعيد – حمدان – عبادي – سيف – وخالهم والك طبعا كل السيايير من يرانهم وربعهم واهلهم واللي وياهم طبعا فالسياره... ظهروا من بيت المعرس متوجهين لين بيت العروس
الصرااااااااااااااااااحه المنظر كااااااااااااااااااان غراااااااااااااااااااااااااااااااااااااااااااااااا اااااااااااااااااااااااااااااااااااااااااااام
يعذب من حلاااااااااااااااااااااااااااااااااااااااااااااااا اااااااااته... يا ويل حااااااااااااالي انااااا ^_^
وديمه كانت خلف الكواااليس ومحد يدريبها غير الله وخووووها.. اطالع وهي مستانسه وناسيه انه هذا كلها عشانها.. عشان بنت سلطان بن محمد ياااااااااااااا حاااااااااااااااااااافظ في ذمتيه
والسياااااااير.. لو شفتوووووهن مازرات الشااااااااااااااااااااااارع حتى باقي السياااير يعني العرب العاديه اللي ما يخصها فالمسيره ما رامت اتخطف.. وفي منهم الا جيه شارك فالمسيره ما يعرف شو السالفه بس شاف حشره والهرانااااات اللي شاله البقعه والشاااااارع من صوتها..واعلااام وزينه شارك وياهم..
والحاااااااااااااااله حاااااااااااااااااااله بس شووووو كاااااااااااااااان رووووووووووووووووووعه من الخاااااااااااااااااااااااااااااااااااااااااااااطر ... بكل ما فيها من معااااااااااااااااااااني الجمااااااااااااااااااااااااااااااااااااااااال... ووصلوا بيت العرووووس وحمد بسرعه سار ورى البيت ونزل اخته
ساروا ونزلوا الزهبه والهدايا وبعد هدايا ام العروس.. وطبعا كانوا من غير هذا يايبين مير ومركبينه فالسياره العوووده >>> يااااااااااااااااا خافظ في ذمتيه هذي سنة الاولييييين.. يودون زهاب العروووس ولا ينسون ام العروس اللي يابت هالورده ويشلون صوبهم بعد مير (( والمير عباره عن مثلا يواني عيش وشكر وطحين وكراتين من البلاليط ولقهوه والملح والحليب الرنبو يعني من هالاشيااااء فهمتوا شو يعني مير ))
ولاااا قصروا ابدا في ذمتيه ما فيهم حيله......
المووووووووووهييييييييييييم
الرياااايل ساروا صوب الخيمه طبعا يوم وصلوا بيت العرووووس.. وهالخيمه عووووووووووده معدله شرى الميلس وكراسي فنانه وليتات.. واكيد مكيفات.. وترتيييب ولفواله والقهاوي والحلااااوه والحلوى وكل ما فيه من عشيه غااااويه....وطبعا بيتقهويون العرب واكيييييييد بيتغدووون لانه ما يصير... واصلا معروف عقب ما ايوون من المسيره ويوصلون بيت العروس الريااايل يتغدون وحتى الحرمات يتغدن جنها عرس بروحه بس عالصبح ^_^
اما الحرمات... نزلن من السيايير وسارن داخل .. هل العروس والمعرس كانوا مرتبشين يصفون الزهبه فالميلس اللي مخصصينه حق العرض.. وكانوا اصلا من قبل مرتبين وعارفين طريقة العرض ومسوين ديكوووووور فنااااااااااااااااااااااااااااااان.... وكان الدق والغنى والربشه والمصور ويالس الا ويصوووور لانهم موصينه ما يخلي شي ما يصوووووووره... وكانوا اكيييييييييييد ياييبين فرقه حربيه ويوله.. واستوت الحشره في بيت بو محمد وكان الجوووووووووو في قمة الروعه هديه من رب العالمين للمعاريس... عطاهم الجووو البارد المغيييم
|
|
|
|
|
03-26-2018
|
#4
|
وسارن الحرمات كالعاده يطالعن الزهبه ويتفرجن على المعرض الفنااااااااااان اللي مستوي.. اقصد على الزهاااب والترتيب والديكووور.. ام محمد وام سعيد والبنات (( سلامي – زاهره – فطامي – ميره – حمده – اليزيه – النيره ورفيعه بعد ما قصرن وشله بنات العايله كانن مستاعدات ورتبن الزهبه كا شي في مكانه عشان جيه خلصن بسرعه وزقرن الحرمات عشان يطالعن )) وهذا كله يسمونه مكسار.. (( والمكسار يعني الزهاب.. والهدايا والصيغه وكل ما يخص العروووس اللي ماخذينه لها هل المعرس او المعرس.. والهدايا اللي تيها من الاهل او الاصدقاء او اليران...
صرااااااااااااااااااااااحه فنتك كاااااااااااااان اليووووووووم
والعصــــر الكل مرتبش ويالسين يعدلون حجرة منصور.. منصور يالس ويطالع..
سلامي : ممكن تضهر..
منصور : ليييييييييش
سلامي : لانه ما بنخليك اتحدر الحجره الا باجر فالليل وحرمتك فيااااااااااك
منصور : لا والله كيفج هوو.. ووين برقد
سلامي : عند امايه..
منصور: هاهاهاهاهاه... تستهبلين حضرتج
سلامي : لا والله صدق لانك الحينه بتغدي رياله ومعرس ومسؤول وباجر بتيب عيال.. فخذ حناااااااان سريع من امايه وابويه قبل لا اتحول من اعزب الى متزوج
منصور : اسمع.... ساحر انا بتحووول.. هبي.. لا هوب كيفج..
سلامي : منصووووووور عاد لا اتعاند سو لي شي وااااااااااحد بس.. دخييييييييييييلك...
منصور : سوووووووووووووري... مب مستعد ..
سلامي : اوووووووووهووووووووووووو... هذا وانا ابا شي يفرحك جيه اتقوليه.. مشكوووره يا ولد سالم...
منصور : وغصبن عنج ولد سالم بن محمد
النيره ظاهره من الحجره الثانيه لانها كانت اترتب العطور والميكاج والسوالف هاي على المنظره او التسريحه عشان تفهمووون...
النيره : شو هالحشره
منصور : هاااااااااي بنت عمتج.. اونها اتروغنيه من حجرتيه.. شفتي بصايرها..
النيره : شو تبينه خليه...
سلامي : شو شو اباه مسوي زحمه هنيه لا شغله ولا مشغله الا يالس ويطالع.. مزعج..
منصور : يا السباااااااااااااااااله الحينه انا مزعج.. ما علييييييييج... توج اونه تبين اتسويلي سربرايز
سلامي : بس انته ما تباها
النيره : منصور صدق اضهر انته خاري خلنا انخلص ابروحنا ورانا شغله غير عن هاي نبا انخلص من حجرتك ونظهر... تدري ما شي وقت باجر العرس.. وهبابنا.. دخليك
منصور : بس عشااااااااان خاااااااااطرج...
النيره : ما اتقصر..
وضهر من الحجره وسار تحت عند امه.. يغايضها...حركاااااااات بعد
ما استفكرتوووووووا في راااااااااااااااااااااااااااااااااااشد... !!!!!!
وينه... وشو صارله....
فريج عمير كلهم فالعين دار الزين.. الا راشد يالس في بوظبي.. هوب طايع يسير العين مضيج.. وحزين...
ودايما يسمع كلمات اغنية مالك رجـــــــــــــــــــــــا لانه يحس انها فيه وتحكي معاناته >>> لا حووووول
اتصل صالح براشد.. لكن راشد ما يرد عليه.. حابس عمره.. من الضيجه.. صالح قرر يسير صوب بيتهم يطمن على خويه.. ويوم وصل.. طرش مسج لراشد :
" ني تحت في بيتكم.. اترياك.. لا تبطي.. وماني برايح تاشوفك واكلمك "
راشد قرى المسج وابتسم.. ولاول مره نزل.. لكن نزل بوزاره وفالينته
صالح : يعله الحزن من تليفون امس شارتنه واليوم اصبح خرب...
راشد : سلام عليك
صالح : عليكم السلاااااااااااااام.. مرحبا بالقااااااااااااطع >>> واتخاشموا
صالح : واشحااااااااالك.. انته ابخير..
راشد : ما نشكي غير فراق الغالي..
صالح : افااااااا لويش..
راشد : بعد.. علومك..
صالح : طييييييييبه.. لويش ادقلك ما اترد.. عنلاه هابوك يا الكلب..
راشد : ما سمعته... شو في خاطرك
صالح : ما سمعته.. واشوفك عندي.. وكيف قريت المسج..
راشد : صالح.. والله هوب متفيج لشي امره
صالح : افاااااااا.. وش ياك..... وش لي حدث وش صار.. تمشي على خطين.. تمشي على درب الهوى عكس قانوونه
راشد : هههههههههه >> طبعا بحزن
صالح : اسمع حتى ضحكته حزينه...
راشد : شو انسوي بعد.....
صالح : لا ويش شو اتسوي بعد.. وش فيك.. ني عرفك رشووووود
راشد : ســـاليني وش الـــــــــــذي كــــــــــــــــان.... لمفــــــــــــــارج احـــــــــــــبابـــــــه وش ايكــــــون...
صالح : رااااااااااااااااعي سمحه... ثر ك الا متصووووووب
راشد : يااااااااااا ريااااااااااااال.. هذي حااااااااااااال الدنياااااااااااااااااااااااااااااااا
المهم...
المغرب حمد ومنصور ضاهرين من المسيد.. وكان حمد يرمس عن راشد...
منصور ... صح انه ما يداني راشد وااايد.. لكن ما ايهووون عليه وصح يوم يذكر المواقف اللي تستوي.. خاصه عقب ما ملج يوم ايكون راشد فيا وديمه يضييييج ... المهم.... قرر يسير بوظبي... جيه بدون محد يدريبه.. قرر يسير صوب راشد ولد خاااااله ويرمسه...
حمد : صدق الحينه بتسير بوظبي.. ومتى بترد.. وباجر عرسك.. والعرب الحينه مشتطه متى بتخلص
منصور : ما عليك... ما بتأخر
حمد : شو ما بتتاخر ليكون بتسرع.. دخييييييلك العرس باجر ومافينا يستوي شي ولا شياته.. الله فال خيييير
منصور : قل لن يصيبنا الا ما كتبه الله لنا
حمد : والنعم بالله.. لكن عن هالغراام وجان تبا اترمسه سو له تليفون..
منصور : ما ينفع.. وبعدين ما عليك انته... يالله فمان الله >> (( مشى خطوتين واشر بايده )) ... لاتخبر حد انيه ساير بوظبي ما فيه على الوالده
حمد : الله يهديك
منصور سار وركب الرنج.. وسار صوب بوظبي.. ولا يفصله شي عن اليوم الثاني الي هو يوم عرسه....
وديمه متروعه.. وكانت يالسه على الشبريه واتحني ايديها واريولها.. وفطامي يالسه عندها وسلامي اما النيره مره عندهن ومره اتسير تحت ومتحنيه
المحنيه : لو سمحتي ممكن ما تتحركي
وديمه : انزين ممكن اتخلصين بسرعه
سلامي : يا بنت الحلال بلاج عليها.. وانتي اشعنه جيه اتنافضين اتقول زاختنج كهربه.. هدي... عنبوووووه العرس باجر.. قلنا حفوووز.. لكن انتي حفووووووزج غيييييييير من سنه قبل اتحفزيييين.. هدي..
ميروه : خليها يا بنت الحلال اونج اتهدينها بهرمسه...
اما في طريق بوظبي....
منصور يمشي مسرع طبعا كالعاده ولا ما بيكونون شباب اذا ما اسرعوا.... وكله يفكر باجر العرس.. والحينه شو بسوي فيا راشد.. يحاول انه ما يجهز الكلام.. يعني يرتجل الرمسه وياه.. تدرون الارتجال ايكون نابع من القلب احسن من انك تيلس تفكر سنه باللي بتقوله.. وفي نفس الوقت حلووو انك اتفكر بالكلام اللي اتقوله.. الواحد يوم يرمس يصوون الرمسه ويفكر بها عشان ما يخسر أي شي يعني يكوون حكيم >>> متناقضه صح..
لا بس المعني انه حلووو الارتجال في نفس الوقت حلووو يكون الواحد صاين للرمسه..
••.•كــــــــــف يا طـــــــــــــــيرن على غصنك تغريـــــــد ••.•
••.•من سمعتك ولعت فالقـــــــــــــلب نــــــــــــــــــــاره ••.•
••.•والهوى البــــــــــــــارد عقلبي مـــــــــا يــــــــــبريــد ••.•
••.•لي سرت شـــــــــــــرتاه زادتنــــــــــــــي حــــــراره ••.•
وصل بوظبي... وسار صوب بيت خاله عمير........
وصل ولقى الليتات مبنده..
منصور (( ما ادريبه هنيه ولا لاء ... بشوف سيارته.. )) طالع ولانها هنيه ارتاح قال الحمد لله انه موجود عشان ارمسه.... سار واتخبر الطباخ.. قاله راشد مافي موجود... وجان يستغرب
منصور (( هذا وين سار.. سيارته وهنيه.. وهو هب موجود...وين بلحقه الحينه اخاااف لو اسويله ما يرد عليه... لا حووووول.. شو الحل الحينه ))
سبحان الله كان يالس يفكر ويدقدق فصوص تليفونه ولانها سياره حادره.. منصور طالع من المنظره...
وطبعا شاف واحد نازل من السياره.. والسياره عقب ما نزلت هالواحد سارت.. منصور عرف انه هذا اللي نازل راشد.. على طول بند سيارته ونزل.. في نفس الوقت راشد كان يطالع منوه هذا اللي داخل بيتهم.. ما شاف الرقم لانه فالليل وليتات البيت مبنده والسياره واقفه على عرض.. وجان يسير راشد صوب السياره يطالع شو السالفه.. منصور توه بينزل.. ولانه راشد في حجله..
راشد استغرب من الخاااااااااااااااااطر
منصور ابتسم : السلااااااام علييييييك بو سنيده
راشد مستغرب : عليكم السلام مرحبا..
منصور : المرحب باااااااااااااااااااجي.. واشحاالك
راشد : ما اشتكي غير من اللي انته اتعرفه
منصور : هيه ... ادري عشان جيه ياينك
راشد : لو سمحت ما بيني وبينك رمسه..
منصور : افااااااااا وانا ولد عمتك
راشد : خبر عمرك قبل لا اتخبر العرب..
منصور : جيه منوه قالك اني نسيت ولا ما اعرف.. طال عمرك يقولك العارف ما يتعرف والنذل ما ينلام..
راشد : عدل رمستك احسن لك.. >> صوته عالي طشونه
منصور : جيه انا قلت شي غلط الحينه..
راشد : وانته شو رايك..
منصور : راشد...
راشد : والعثره.. قلت لك ما بيني وبينك رمسه وانا مب مستعد اسمعك.. واذا ما عندك شي اركب موتر ودبر
منصور : تطردنيه
راشد : هيه نعم..
منصور : يزاااااااااااااك الله خيييييييييير.. لكن اليوم انا هووووووب ضااااااااهر.. لو طردتنيه... لين ما اقول االلي في خاطريه
راشد : وانا هووووب مستعد
منصور : سوووري ما يخصنيه مستعد ولا غيره..
راشد : يعني هذي ردك
منصور : نعااااااااااااااااااااااااااااااااااااااااااااام انه هذا ردي وانا ولد سااااالم.. ولا عليه منك.. اسمع يا ولد الخال.. تراه اللي بيني وبينك ما له خص في سالفة وديمه.. انته تدري وانا ادري انه نحن ما نتدانى من زماااااااااان ليش ما ادري وكل يوم اسأل عمريه هالسؤال.. لكن يا راشد.. مهمى كنت اكرهك... الشااااااااااااااهد ربيه عليه انيه احبك.. ولا اتهووووون علييييييييييه... ولا اتحرى اللي يصير بينا او اللي انته الحينه يالس اتسويه بيغيرنيه.. ابدا..والله يا راااااااااااشد.. انك غاااااااااااااااااااالي.. واول مره اظهر هالشي... ولو هب غالي..
راشد قاطعه : انزين...تتحرانيه بصدقك ويا رمستك.. هوووب عليه يا منصور...
راشد : والله لو هب غااااااااالي ما دبرت من العين في نصايف الليل صوب بوظبي وانا باجر بصبح معرس والعرب مشتطه وورانا شغله.. لكن الا من غلاااااااااااااك يا راااااااااااشد لا اتحرى انه هذي رمسه وطايره فالهوى.. لا والله يا ولد عمير.. انها من القلب.. ادري انك الحينه غضبان والسبه انيه خذت وديمه منك.. لكن يا راشد كون واقعي وفكر لو انا ما سرت اخطبها.. وسرت انته تتوقع تاخذك..
راشد متغيض : وليييييييييش لا هاه وانته في شو احسن عنيه عشان اتوافق عليك
منصور : هب في شي.. انته راشد وانا منصور.. >> بالعاده ما ايكون جيه رده بس عشان يخف النار اللي بينهم لين تنطفى ولا لو حد قاله هالشي وفي موقف غير كان رده غيييييييييييييير.. وطبعا رد فخر.. لانه يستاهل... منصور من روووووووووووووس عرب احرااااااااااااار >> والنعم بهم ^_^ ...هب من دنايا القوم
المووهم...
راشد : شرات ما وافقت عليك وهي تكرهك ولا ادانيك بتوافق عليه.. لكن انته عظم فالبلعوووم
منصور : يزااااااااااااك الله خير على هالرمسه ما اتقصر...
راشد : العفو وجان تبا الزود ترانا حاضرييييييين
منصور : لا مشكووور... بس لازم اتعرف انها ما بتوااااافق عليك.. وانته اتعرف هالشي..
راشد : وليش ما بتوافق جيه حادر قلبها.. كيف وافقت عليك انته
منصور : غصب..
راشد : عيل حتى انا بتوافق عليه غصب
منصور : مع احترامي لك ولد العم غيييير...
راشد : انته شو من الاجناس هاه.. يسد انك خذيت لبنيه مني وحرمتني ايااااااااااهاااااااااااااااا يعل الله يحرمك العافيه ...لا ولك ويهه تي لين داري..... لبنيه وخذتها شو تبا بعد
منصور : سلااااامتك... ومشكووووووور على اللي ياني منك..ولبنيه لو الود وديه ما خذتها يا غير حكم القوي عالضعييييييف.. ولو بيدي جان قلت لك ها خذها
راشد : اقووول فكني هب متفيج لرمستك
منصور : راشد انا ياينك وابا السمووحه منك وطالبنك طلبه انك اتحضر العرس واذا هب عشانيه عشان اهلك وعشان عماتك حصه وعاشه.. والاهم عشان وديمه
راشد : لا والله >>> يطنز
منصور : هذا يوابي وانته عراحتك انا ياينك استسمح منك واعق الحطب اللي بينا واباك اتحضر العرس.....وانا هوب ملزووم اشرحلك السالفه من اولها والسبب اللي خلاني انجبر اخذها.. لانه المىء من ينجب خلاص ما يرد... وهذي رمستيه لكن.. شورك في راسك.. وانته هوب ياهل ايي انا اصغر عنك واخبرك الصح من الغلط... والسموووحه مره ثانيه.. وفمان الله الحينه بركب موتريه وبدبر وبقبل طردتك (( منصور قال هالرمسه وضحك وسار صوب سيارته ويى بيبطل الباب ))
راشد سكت وما رد عليه.. منصور ركب سيارته وشغلها وفج الدريشه
منصور : اترياااااااااااااك يا خويي لا تبطي... والسموووحه منك )) ورفع ايده يأشر له يسلم عليه ((
رد منصور صوب دار الزين >>> يعلني افدى دااااااااااااااري يا ربييييييه
عقلي وروحـــــــــــي داااااااااااااخل العيـــــــــــن
والا هنــــــــــــــــا جثــــــــه بـــــــــــــــلا روووووح
مƒںه½،مƒںه½،مƒںه½،مƒںه½،مƒںه½، مƒںه½، مƒںه½،مƒںه½،مƒںه½،مƒںه½،مƒںه½،
احبـے العيـــــــــــنـے.. ولــــــــــــــيـے فالعيــــــــــــــــــــنـے .. حبـــيبنـے رابيــــنـے بحماااااااااهـے.. معـــيـے يسواااااهـے.. نظيــــــــــــر العيــــــــــــــــــــنـے.. ونور العيـــــــــــــــــنـے منـے روويــــــــــــــــــااااااااهـے
منصور يمشي فدرب العين.. ويفكر.. ما فضى راسه من التفكيييييير.......
ولانه تليفونه يصيح.. قصر على صوت الاغنية ورد
منصور : يااااااااااا مرحباااااااااااااااااا يااااااااااا ناعم الصوووووت والعوووووووووود
ام سعيد : مرحب باااااااجي.. واشحالك
منصور : طيب طاب حالج وانتي الغاليه شحالج وشامسيتي
ام سعيد : ابخير ونعمه الحمدلله.. وين.....
منصور : والله يا طويلة العمررر.. انا فالشارع >> ما رام يقولها انه راد من بوظبي
ام سعيد : عاد وين فالشارع .. البقعه اللي انته فيها مالها اسم...
منصور : هاه... ألها.. أأأأأأ... (( في خاطره : شو اقولها الحينه وين اضويلها بقعه..))... عراس عرقووووب غااااااااااوي ليتج عنديه يا الغاليه اسميه بيعيبج جماري وبراد وهدوووء
ام سعيد اتغيضت : وااااااااااااااايه شو اتسوي في البر الحينه هاه.. ومتى بتضوي.. عنبوك ويونك معرس ولا خلصت عمرك
منصور ابتسم (( انا شو سويت الحينه ما رمت اقولها الا عرقووب .. احيده يعيبها راعية البر )) : لا الغاليه بيي بس تدرين الواحد يراجع حساباته باجر انا بتغير حياتيه واريد ايلس فيا عمريه طشووونه اطالع اللي ليه واللي عليه
ام سعيد : جيه مينون تيلس فيا عمرك..
منصور : هههههههههههههه الغاليه.. ادريبج انج فاهمه.. هب مشكله.. شوي ويااي.. ابا ايلس برووحي بعيد عن رمست اي حد.. وانتي تدرين اني قلت لكم ما اباها لبنيه الا حشمه لج ولبويه ولعمي وخالتيه وهليه... خذتها وما ابا اظلمها فيايه.. دخييلكم خلووووووونيه ابروووووووحي.. حتى الواحد ممنوع ييلس بروحه وبتحكمووونه.. ما يستوي
ام سعيد : عنبوووووه.. ييييييييييه >> شهقت... برايك برايك.. ايلس بروووحك.. بسم الله... ما احيدك منصور ترمس جيه.. شو ياااااك... وبعدين العرب مشتطه وانته متفيزر اترمس عمرك..
منصور : ههههههههههه انزين.. ما يهمج انتي ان شاء الله شويه وبيي.. هاه الغاليه.. شي فخاطرج
ام سعيد : حشى.. لو في خاطريه ما بتسويه
منصور : راااعيهن.. والله لسويه اطلبي وشوفي..
ام سعيد : عيل تعال يالله اترياك
منصور : وانا قلت لج ما عليه بيي.. وفاااااااااااااااااالج طييييييييب...
ام سعيد : فالك ما يخيب.. اترياك عيل..
منصور : ان شاء الله....)) وسكر عنها ((...................
ووصل تقريبا عالساعه 2:16ص تقريبا.. البيت...
وتوه حادر الحوش
منصور (( خيبه لين الحينه واعين.. يا هاااااذي نشبه .... شو بقوووول للوالده.. بتجتلنيه وبتزعل عليه.. لا حوووول.. من وين بلقاها انا.. انحاول انراضيهم في شي يزعلون فالشي الثااااااااااني لاحوووووول ولا قوه ))
ونزل من السياره عقب ما بندها...
وتوه داخل شاف سلامي خاطفه مستعيله
منصور : السلاااااام عليكم..
سلامي وهي خاطفه وبدون ما اتلف ويهها : علييكم السلاااااام
منصور : حووووه طالعي انزين منوه هاللي سلم.. اتخيلي حد غريب
سلامي : جيه اعرف صوتك وبعدين نحن فالواقع ليش اتخيل
منصور : سباله لا اتقلدين...
طبعا سلامي خطفت منصور سار وراها يطالعها وين بتسير
منصور : وين اماااايه >> جنه يهرب شي
سلامي : فالميلس..
منصور : لا اتخبرينها اني ييت..
سلامي حطت شي على الطاوله وتبا اترد : اوووهووو يا منصور ض كهنه عنبوك تلحقنيه..
منصور : ميت عليج خويتيه الحقج... تعالي.. انا بسير فوق يوني توني ياي لا اتقوليلها شي ان قالت وين منصور قوليلها ما ادريبه..
سلامي : ما عليه.. ضك عنيه خلني اسير مشغوووله هوووووب متفيجه لرمستك..
منصور ما رد عليها ويلس يطالعها..
سلامي تتحرطم بصوت عالي : والله حاله المعرس ولا على باله ونحن الا مشتطين جنه عرسنا هووووووووب عرسه...
منصور ضحك عليها وفي خاطره (( والله انيه مشتط اكثر عنكم.... بس عالسايلنت ^_^ ))
منصور طبعا كان يالس يهرب عمره يبا يسير فوووق وما يبا امه اتشوووفه ولا بتطبخه في جدر المعارييييييس...
وعالسريع سار فوق جنه حراااااااااااااامي....... عق ثيابه وانسدح على شبريته عقب ما بند الليتات واتلحف اونه رااااقد الريااااال..
ام سعيد تتحرطم تحت لانه منصور محد..
ام سعيد : ما عليه مسود الويه بيلقاله غبر جاني حيه...
النيره : ما سويتيله وشفتيه وين
ام سعيد : ولا بسويله... لحمار... يوم سويت له قالي فالج طيب شوي وياي اشوووفه الا بيبات خاري...
النيره : انزين سويله الحينه وطالعيه
ام سعيد : لا والله.. هوووب مسويتله.. خليه لين يجنع واطيب نفسه
النيره : فديتج لا تزعلين ولا اتحرقين اعصابج
ام سعيد : وجيه ما تبينيه احرق اعصابيه والمعرس بااااااااارد.. عنبوووه لو شفتي احمد كيف محتشر كان..
النيره : ههههههههههههههههههههههههههههه احمد حاله خاااااصه...
ام سعيد : انزين ما عليه.. سعيد اللي فديته ما كان محتشر على العرس كان ممتحن من شي .. الا هذا بطراااااااان..
النيره : انزين انا بسويله وبطالعه وين
ام سعيد : ابصرج...
وسوت النيره لمنصور اللي ما رد عليها يونه رااااقد الرياااااااااااال...
سلامي : لمنوه تتصلون
النيره : منصور
سلامي : اييييييييهاااااااااا.. منصور من الصبح راقد
ام سعيد شهقت : يييييييه.. وين راقد خاري
سلامي : لا في حجرته..
ام سعيد : وينه عيل ما شفته
سلامي : ياي تعبااااان اونه يبا يرقد عشان باجر ينش مرتاح ويحافظ على جماله اونه
النيره : هيه صدق.. لازم ايكووون شكله مرتاح وشبعان نوووم لانه باجر ما بيكون عنده وقت يرقد
طبعا النيره فهمت على سلامي عشان جيه قالت هالرمسه لانه سلامي من قبل غمزت لنيره
ام سعيد : بسير اشووووفه
النيره : عمتيه لا اتوعينه خليه راقد حليله ماصبح في عثره..
ام سعيد : يعلني افدااااااااااااااااااااه الغاااااااااالي.. والله محد يسواااااااااااه عندي.. يالله يعلني اشووووووووف عيااااااااااااله يوم بيضويهم..
سلامي : توج تدعين عليه ولا تبينه
النيره : خروووون
ام سعيد : لا هذا الولد غييييييييييير عنهم كلهم.. ما ادري غلااااااه معدي.. حتى العرب اتحبه..
سلامي : ما عليييييه يعني ما اتحبيني..
ام سعيد : شو هالرمسه بعد
النيره : ما عليه عمووووه بخبر احمد وسعيد عليييييييييج
ام سعيد : لا كلهم احبهم
سلامي : كلمت الحق تسبق..
ام سعيد : اااااااااايهااااااااااااااااا.. اتشوفينيه مشتطه... لمي ثمج عنيه
سلامي : اووووونه هههههههههههههههههههههههههههههههههههه
النيره : ههههههههههههههههههههههههههههههه
اما فييي بيت بو محمد
كل شي مرتب في حجرت وديمه ..والزهبه في بيت المعرس وبتحديد في حجرته مرتبه ومسنعه..
وديمه سارت تحت اطالعهم شو يسوون وصايبنها حفووووز ورووع من اللي جدامها ما تدري شو الله كاتبلها
منصوري يحاوط تحت
منصوري : ادوووووم تعال تووووووووف
وديمه : شو حبيبي
منصوري : ليت وااااااااااااايدااااااااااااااااااات هالكثر... >> ويرفع ايديه
وديمه : عيبنك..
منصوري : هيه
وديمه : ما بنخليهم يشلونها عنك شو رايك
منصوري :الله
ودخلت الصاله...
حمد : اقووووووووول شو هالنوووووووووور
وديمه تبتسم : والله..
حمد : واااااايه بدال ما اتقول هذا نورك
وديمه : ليش اقووول وانا شفت الحجره مضلمه ويوم دخلت نورت
حمد :يا الخقه ما ادري على منوووه ضاهره
وديمه : عليك
حمد : اسكنت انا هووووب خقااااق.. وبعدين اذا خقيت من حقي هووووب انا ولد سلطان بن محمد...
وديمه : والنعم والله... >>> وسارت تيلس عداله
حمد : شو اتسوين تحت
وديمه : اودع البيييييت اللي ضمني طوووول حياتي
حمد : اهبي.. شو هالرمسه ان شاء الله بتين.. وال ثرج ناويه تقطعينا..
وديمه : حشى .. والله ما فكرت.. يا غير قصدي خلااااص بكون في بيت ثاااني حياه ثااانيه
حمد : الله يوفقج.. تدرين
وديمه : شووووه
حمد : والله ما اتخيلج اتعرسين... احس ما يناسبج
وديمه : لييييش ما يناسبنيه
حمد : لا يعني هب مثل هالبنات اللي اينج غير
وديمه : هيه اتشووفينيه حشره واضحك وسوالف واطنز وحركاااااااات وما ادري شووو
حمد : هيه وكيوووووووت بعد
وديمه : شكرا ... من طييييييييييبك والله
حمد : شو شعورج ما باقي شي عن العرس يعني بترقدين بتنشي وخلاااااااااااااااص
وديمه : اصكت قسم بالله زاااااااااااااااااااااااااااااااااااايغه...
حمد : اها عن لحفوووووز الزاااااااااااايد.....
وديمه : هوووب بايدي
حمد : يالله الله يوفقج.. اسميني بتولهه على مرابعج شرى الخبله فالبيت.. وبتولهه على وحده دووووم اخطف عليها الحجره العوزها شويه واضهر
وديمه لوت على اخوها : فديييييييييييييييتك والله... انا ما بقطعكم ودووووم بطيح عندكم وبعدين يوم بتبدأ الدراسه بيي عندكم ابااااات....
حمد : لا غيييييييير قبل.. يالله يا السنين
وديمه : حمد بقووووولك شي..
حمد : يااااااا لبييييه
وديمه : لبيت حايه... انته تدري اني اكرهه منصور ومن درجة الكرهه لو في ايدي الموت فجيته عليه وهو بالمثل صح
حمد : صح.. بس صبري.. سؤااااااااااال محيرنيه.... ليش وافقتي عليه
وديمه : حمد بالغصب واااااااااافقت عشااااااااااااان امايه.. وبعدين سمعت انه عميه حالف على منصور اذا ما خذنيه ما بيرمسه وبيتبرى منه...
حمد : هيه قالي منصور من فتره
وديمه : حمد ... منصور مغصووووب عليه
حمد : هيه
وديمه : يعني هوووو بعده يكرهنيه
حمد : ما ادرييييبه...
وديمه : حمد انا خااااااااااايفه...
حمد : لا اتخااااافين عقب العرس بتحبووووون بعض.. معرووووووفه السااااااااااالفه....
وديمه : لااااااااا حمد نحن غيييييييير..
حمد : لا غير ولا شياته هدي عمرج واتوكلي على الله كل شي بتلاقينه فيه خير... وتراه من توكل على ربه ما خاااااب
وديمه : والنعم والله... انزين بسألك.. هووو من الشباب اللي يغازلون
حمد : ليش هالسؤااال
وديمه : ابا اعرف
حمد بخبث : ليش اتغاااارين عليه
وديمه اتغيضت : لاااا والله تونيه اقوووولك ما ادانيه ولا اداني طاريه اتقووولي اتغارين عليه
حمد : عيل ليش سألتي...
وديمه : الواحد يبا يعرف
حمد : سمعي منصور انتي اتعرفينه رياااااال حشيم وراعي فزعاااااااات ومخااااااوي شما يا حاااافظ عليه والله ما سرت بقعه الا ويمدحوووونه فيه ... صح انه راعي سوووااااااااااااالف ولعب بالسياييير مثل باقي الشباب.. ومغاااازل... بس هب مثل مغاااااازل باقي الشباب
وديمه : هييييييييه يعني يغاااااااااااااازل...
حمد : هيه
وديمه : يرقم ..ويرمس ويضهر معاااهن
حمد : يضهر معااااهن لا ما سواااااهااا ولا يفكر يسووويهاااااا.. انه يرمسهن ويرقم هيه... ويلعب هيه
وديمه : هيه.. انزيييين يوم ملج عليه غااااااازل
حمد : ما بقوووولج يالله عاد سيري ودعي البيت
وديمه : ورفجه اخر سؤااااااااااااال فدييييييييتك.. حبيبي حمد
حمد : وانتي شو تبينه..
وديمه : رفجه...
حمد : انا ما فيه ابروووحكم ما تدانون بعد اززيييد اسف
وديمه : ورفجتك ما ازعل انته تدري انه ما يهمنيه...
حمد : خليه هو يقووولج.. انا والله هووووووب قااااااايل
وديمه : افاااااااااااااااااا.. وانا ختك حبيبتك..
حمد : على عيني وراسي.. يا غيييييير جاوبتج على كل اللي تبينه بعد شو اكثر عليه
وديمه : الا هالسؤاااااااااال
حمد : وانا هوووووووب مجااااااااااوب
وديمه : يعني مصر...
حمد : هيه نعم والسمووووحه منج الغاليه
وديمه : مسموووووووح خلااااااااص
حمد : يالله سيري رقدي وراج نشه باجر...
وديمه لوت على خوووها وحبته على خده وسارت.. >>> هذي حركاتها فالبيت اتحبحبهن على خدوودهم من حرمه وريااااااال
وعفكره اذا تذكروووون وديمه وااااااااااااااااايد ويا خوها حمد حتى كل اسرارها عنده وهو كل اسراره عندها....
وسارت فوق حجرتها.. الكل سار يرقد يستعد لليوم الثاااااااااااااني... الا ودوم ما ياها الرقاد ولا غضت علينا...
..ألا يا جفن وش بك ما تناامي.. ولا تغضي مع اللي يرقدووني..
ومنصور بعد ما رقد لين صلى الصبح خلااااف رقد...
وعالساعه 8:30 ص وديمه رقدت..
ويوم وصلت الساعه 9:45 ص ام محمد سارت تبا اطالع بنتها..
|
|
|
|
|
03-26-2018
|
#5
|
اقتطافة أنيقة
لاعدمنـآ هذا الجمال بالطرح..
بإنتظآرجديدك بكل شوق..
ودي وشذى الورد..
|
|
|
|
|
03-27-2018
|
#6
|
| | | | |
بالهداوه يا دوا المشتاق خذني بالهداوه الفصل الثامن عشر
العرض العادي
