رواية مشــاعل

بندر كان مع امه وساره بالسياره
بندر: هاه سارونه قلتي لمشاعل عن الموضوع الي قلت لك
ساره: اها
بندر: طيب؟؟؟ وبعدين ايش قالت؟؟؟؟
ساره: رفضت
بندر تغيرت ملامحه: ليش؟؟؟
ساره: تقدر تسالها , بصراحه تعبت وانا اقنعها تقول ماله داعي لان ابوي راح يوديني برا
اتعالج
بندر: بس ماراح يضرها انها تكشف عنده
ساره: والله ايش اسوي لها تعبت معاها
00000000000000000000000000000000000000000000000000 00000
مشاعل كانت بغرفتها تفكر بكلام ساره ,,, واهتمام بندر المفاجئ بها,,, غريبه ايش الي خلاه
يفكر فيها ,,, كانت صاحبه ساره من كانوا صغار ايش معنى الحين يهتم فيها
مشاعل بنفسها" وين راح تفكيرك يامشاعل , اكيد الاحساس الي يحس به الشفقه ,,, انا
بالنسبه له بنت تحتاج مساعدته,, ومستحيل اسمح لاحد يشفق علي,, مستحيل,, وين راح
تفكيرك يامشاعل ؟؟؟ ممكن تتخيلي انك تنحبي او تحبي,,, مستحيل احب لاني مقدر اشوف
الانسان الي راح احبه,, ومستحيل اني انحب لاني ببساطه مقدر اقدم للانسان الي يحبني اي
شي كيف خطر على بالي انه ممكن يكون معجب فيني "
00000000000000000000000000000000000000000000000000 00000
في بيت ساره
ساره كانت في غرفتها تكلم صالح
ساره: اقول صلوحي ودي اطلب منك خدمه
صالح: يلعن ام الي مايسويها لتس ,, انتي اطلبي بس
ساره: حبيبي فيه واحد يهددني انه راح يفضحني عند اخوي
صالح عصب: وينه عطيني مكانه وانا اوريتس فيه,, اذا ماشوهت وجهه ماكون صويلح
ساره: لالا انا مابي اشوهه,, ابي ادخله السجن
سكتت تنتظر رده فعل صالح
صالح: ايش تبي القضيه بس ,,, قتل ,,, مخدرات ,,, سرقه,, اشري بس
ساره ماتوقعت انه مجرم لهدرجه علشان كذا لما فهده تجي الجامعه وجسمها ازرق اكيد من
ضربه باين عليه متوحش ومجرم زين الي ماقتلها للحين
ساره: لا ابيه يدخل السجن بقضيه مخدرات
صالح: ايش سيارته؟؟؟؟ ووين القاه
ساره: شوف انا راح اوصف لك المؤسسه حقته واقول لك السياره وعليك الباقي
صالح خاف: عنده مؤسسه
ساره خافت صالح يغير رايه: لا لا مو مؤسسته ,,, هو يشتغل فيها
صالح: وايش سيارته؟؟؟
ساره: بنتلي
صالح: ايش بنتلي ذي؟؟؟؟
ساره: نوع من انواع الروز
صالح: روز ,, من هذا الولد اذا كان ولد ناس فكينا ترى انا مو قد عيال الناس
ساره كانت تعطيه جوه : لا انت قدهم لاني اعرف انك رجال وقدها ,,, ولو عندي شك
برجولتك ماطلبت منك هالطلب,, بعدين هو مو ولد ناس ولاشي ,, اما السياره صاحب
المؤسسه هو الي عطاه هالسياره
صالح: حلو طيب وين مكان المؤسسه ,,, ومتى نبدا الشغل ووين البضاعه
ساره: صلوحي ودي انت تدبر لي البضاعه وترى ماعندي الا 2000 يعني دور لي شي على
قد المبلغ الي معاي
صالح: ولا يهمك ,, انشالله بكره بالليل ارد لك
ساره: خلاص اتفقنا لاتنسى لاني هالاسبوع ابي كل شي خالص
سكتت لما سمعت احد يطق على باب غرفتها
ساره: مين
بندر: انا بندر
ساره بهمس: اوكي صالح بكره اكلمك اخوي جاء
فتحت الباب لبندر
بندر: مانمتي
ساره: لا لسى
بندر: سارونه كنت ابي اكلمك شوي
ساره : تعال ادخل
دخل بندر وبدوا يتكلمون على موضوع السفره لايطاليا
بندر: انا ماتوقع اروح معاكم هالصيف
ساره: ليش بندر
بندر: يعني اشغال
ساره: حرام بندر والله وناسه تعال معانا
بندر: يمكن الحقكم بعدين
ساره: ياليت بندر حسافه ماتجي معانا
بندر بتردد: سارونه كنت بسالك عن مشاعل
ساره تطالعه بتفحص: ميشو ,, ايش فيها
بندر: لو .... امممم .. ماعرف شلون اقولها لك... بس ممكن اكلم صاحبتك مشاعل
ساره انصدمت من جرات اخوها : بندر ترى انت جالس تتكلم عن صاحبتي؟؟؟
بندر: لاتفهميني غلط,, انا مو قصدي ان يكون بيننا علاقه,,,انا ودي اقنعها بموضوع الدكتور
بصراحه متضايق علشانها ومو قادر انام
ساره : بس بندر ماتوقع ترضى تكلمك,, بعدين هي ماعندها موبايل,, كيف راح ادق عليها
بندر: طيب بكره كلميها وقولي لها اني ابي اكلمها حاس اني اقدر اقنعها
ساره بنظره خبث : بندر متاكد انك تبي تكلمها بس علشان الدكتور
بندر ارتبك: ساره ترى ماحب هاللهجه
كانت ساره تلبس لانها راح تطلع مع منال ووليد وماجد يتمشوا,, خافت من بندر لانه اكيد
راح ينشب لها مثل كل مره يشوفها طالعه
وحمدت ربها انه ماكان موجود,, استأذنت من امها وطلعت
وهي في الطريق لبيت منال قررت ترحم حسين وترد على مكالماته
حسين: سارونه والله انك بايخه ,, انتي عارفه اني قلقان على ميشو ولا تردي علي
ساره: ايش تبيني اسوي ماعندي الا انت؟؟؟
حسين: سارونه تكفين خليها تكلمني اليوم
ساره: ميشو اكتشفها اخوها مشعل انها تكلم طلال
حسين منصدم: شلوووووووووووون؟؟؟؟؟؟؟؟؟
ساره: كانت كاتبه لي رساله لما كانت في المستشفى ومن ظمن الرساله مذكور اسم طلال
وطبعا قراها مشعل
حسين: مسكينه وايش سوت؟؟؟؟؟؟؟؟؟؟؟
ساره: اخوها صار يشك فيها مره
حسين: طيب طلبتك سارونه روحي عندها ابي اسمع صوتها
ساره: انا مشغوله انشالله بكره امرها
حسين: وعد
ساره : انشالله
ووصلت ساره لبيت منال وشافت السياره الي ياجروها وليد وماجد داخل البيت وكانت مظلله
كلها
دخلت وقالت لسواقها يمرها 12 بالليل
لما دخلت لقت وليد ينتظرها
وليد: هلا والله بحبيبه قلبي
ساره استحت: هاي حبيبي
منال تطل على ساره وكانت لابسه ثوب وكان ماجد مشغول يرسم لها الس**وكه
ماجد: ياحماره قلت لك لاتتحركي كذا ماراح اضبطها لك
منال: طيب لاتصارخ
ساره ووليد: هههههههههههههه
وليد يبتسم : هاه حبيبتي مستعده للتنكر
ساره مستحيه: اوكي
وليد عطاها ثوب: اكيد راح يكون كبير وطويل عليك بس مشي الحال انتي ماراح تنزلي من
السياره
ساره: اوكي ثواني
دخلت غرفه وغيرت ,, وطلعت لهم وهي بالثوب بس كانت متعذبه مو عارفه تلبس الشماغ
منال : الله شكلك خطير
ماجد: اي خطيره تذكرني بالاولاد الي اول مره يلبسوا شماغ هههههههههههه
وليد: لو سمحت لاتغلط على حبيبتي
ماجد: مالت عليك انت وحبيبتك ,, زي منوله مافيه
ساره: ايه مره,,,, خاصه اني لما شفتها بذاك اليوم بغيت انجن من قبحها
منال: قبح بعينك نشوف اليوم من يرقم بنات اكثر انا او انتي
ساره: اوكي تحدي
منال: تحدي
ماجد: اسمعوا الي منكم ترقم لي بنات اكثر بعزمها ع العشاء
منال طلع من خشمها نار من التعصيب: ماااااجدوه
ماجد: امزح بسم الله
جلست ساره عشان تسمح لوليد انه يرسم لها شنب ابظاي ع قولته وس**وكه
ساره: وليد مابي س**وكه ابي تسوي لي ديرتي فيس
وليد: ههههههههههههه انشالله
كانت مرتبكه لقرب وليد منها وتمنت انه ينتهي بسرعه

مشاعل كانت في الصاله لوحدها جالسه لان ام مشعل معزومه عند وحده من الجيران ,, اما
ابوها كان طالع,,, وسعود ع قولته طالع يشوف الهنوف ,, اما مشعل كان بغرفته ,, كان
يتحاشى يجلس معاها,, تشجعت تطلع له غرفته تعتذر منه
وصلت غرفه مشعل طقت الباب
مشعل: نعم
مشاعل : مشعل ممكن تفتح ابيك شوي
مشعل فتح الباب وكان ساكت
مشاعل: مافيه تفضلي؟؟
مشعل: الباب مفتوح اذا تبي تدخلي ادخلي
مشاعل: مشعل ماعرف ايش اقول لك ولاادري من وين ابدا ,,, لكن انا ماجيت انكر الي
قريته ,,, انا جايه افسر لك واشرح لك الكلام الي فيالرساله ,, وجيتي لك وتفسيري له
سببين((وسكتت))
مشعل:..............
مشاعل: ماتبي تسالني ايش السببين؟؟؟
مشعل: انا اسمع اذا تبي تتكلمي
مشاعل عرفت انه مو رايق بس هذي فرصتها الوحيده علشان تكلمه لان مافيه احد بالبيت
مشاعل: السبب الاول اني ابي اصارحك علشان زواجك قريب ومابيك تروح وانت زعلان
مني اما السبب الثاني فلاني احبك وانت اخوي ومن حقك اني افسر لك الي صار
مشعل: ....................
مشاعل: مشعل انا فعلا كنت اعرف واحد اسمه طلال,,, بس مو بالشكل الي انت تتخيله ,,
يعني ماكان بينا شي ممكن يخليك تخجل من اني اكون اختك ,, مشعل كانت علاقتنا برئيه ,,
كانت علاقه حب ,,, بس ماتتعدى التلفون ,, صدقني يامشعل,,, حتى طلال ماكان يطلب مني
انه يشوفني,, مشعل صدقني انا ندمانه قد شعر راسي على الي سويته واظن انت تشوف
بعينك ايش صار لي وهذا سبب كافي علشان مافكر رجع لطلال
مشعل:كيف عرفتيه
مشاعل: اعطاني الرقم
مشعل : ومن متى تاخذي ارقام؟؟؟؟
مشاعل: اول مره واخر مره((كنت تبي تهدي الوضع ماتزيده سوء))
مشعل: وايش الي خلاك تاخذيه
مشاعل: مشعل يمكن كنت احس بالوحده,, يمكن احساسي بالطفش مدري يامشعل بس المهم
اني كلمته ,, بس صدقني هذي اخر مره افكر اني اكلم فيها,,وترى مو سهل علي اني اجي
لحد عندك واعترف لك,,, بس اتوقع الي صار لي يخليني افكر الف مره قبل اكلم اي واحد
مشعل: وليش حاولتي تنتحري ,, ايش سواء لك ,, ايش الشي الي سواه وخلاك تفقدي الامل
بالحياه
مشاعل: لاتخاف يامشعل ماصار شي من الي تفكر فيه,, بس انا كنت .... ((وسكتت))
مشعل: كنتي ايش؟؟؟؟؟؟
مشاعل حاولت تمنع دموعها بس كانت دمعه اقوى من ان تحبسها: مشعل .. انا كنت احبه
وانصدمت لما عرفت انه يكذب علي,,, وصدقني هذا الشي الحلو بعلاقتي فيه ,, لاني عرفت
ان مافيه شي بالدنيا اسمه حب ,, وهالشي راح يخليني مافكر اتعلق او اتعرف على احد
مشعل ابيك تتزوج وانت متطمن ان اختك مستحيل تغلط نفس الغلطه,, وانا اشكرك يامشعل
انك ماطلعت الموضوع
كانت راح تطلع من الغرفه بس قبل ماتطلع وقفت وقالت له وهي معطيته ظهرها :مشعل الله
يخليك سامحني ,, لاتحسبني مو ندمانه على الي صار ,,, انا خسرت اغلى ماعندي يامشعل
وانتم نايمين انا مايهناني النوم كل يوم اتذكر الي صار وتهوري,,, وابكي عيوني الي
خسرها كل لحظه وكل دقيقه,, لاتزيد يامشعل همي هم
وتركته واتجهت لغرفتها ,, بس كانت يد مشعل اسرع ومسكها
00000000000000000000000000000000000000000000000000 00000
كانوا مشغلين اغنيه احلام اقسم لك بربي قسم
وكانوا فالينها رقص وكان وليد هو الي يسوق ومعاه ساره قدام ,, اما ماجد كان وراء وجنبه
منال ,,, وكانت السياره مظلله ,,, اما الناس الي برا السياره كانوا يشكوا ان في السياره
حفله دي جي لانهم مايشوفوا الا السياره تهز ويسمعوا صوت الاغاني مع ان الشبابيك
مسكره ,,, شلون الي جوا السياره مستحملين الصوت
ساره كانت فالتها من جد ,, مافيه الا قوت رقص ,, كانت منهبله وحطت موبايلها ع
السايلنت علشان محد يزعجها
وليد يبي يهيضها: وراء ,, عااااشت سارونه
وهي ترقص من جد متحمسه ,,,, ومافيه الا هز بالشماغ
وليد: عااااااااااشت ,, العب العب
وعلى هالوضع لما وقفوا عند سياره جمس مليانه بنات
ماجد: يله بنات كل وحده تفتح شباكها ونشوف مين منكم راح ياخذوا رقمها
كان مع ساره معروض مكتوب فيه رقم خاص لساره((رقم الغزل))
اما منال فكان معروضها عباره عن رقم وهمي
فتحت منال شباكها الي وراء وطالعت البنات بنظره مسويه بتدوخهم,, ورفعت المعروض
وكانوا البنات يطالعوا بقرف
ساره: اقول قفلي شباكك لاتنحشي البنات وشوفي انا ايش راح اسوي
ماجد ووليد: ههههههههههههههه
فتحت ساره شباكها ,,, ومسويه انها بروس ويلس على غفله لوووووووووووووووووول
لما طالعوها البنات كانوا مشككين بوضعها ,,, كأنها بنت وكأنها ولد واخذوا رقمها ودقوا
عليها علطول وهم بالاشاره
البنات: الو
ساره: هاي
البنات ماتوا ضحك: والله كنا شاكين انك بنت
ساره: ههههههههههه هاه كيف اصلح ارقم
البنات: تجنني
الاشاره فتحت وكان واحد يضرب بوري لوليد ع شان يمشي لانه ساد عليه
سوت حركه ساره انصدموا منها وليد وماجد ومنال ماكانوا يتوقعوا انها بتصير جريئه
لهدرجه
طلعت راسها من الشباك وصرخت ع الي يضرب بوري وبصوت خشن : ياحمار لاتضرب
بوري ازعجتنا
وليد وماجد ومنال: ههههههههههههههههههههههههه ه
00000000000000000000000000000000000000000000000000 000000
مشعل: مشاعل سامحيني ,,, انا المفروض ماضغط عليك وانا عارف ضروفك,, مشاعل انا
اثق فيك وادري انك لما تقولي كلمه تكوني قدها,,, مشاعل انا راح انسى كل الي صار بس
ابيك توعديني انك ماتفكري تسوي هالشي مره ثانيه وتنسي واحد اسمه طلال
مشاعل : لو فكر او حن هذا ((اشرت على قلبها)) هذي ماراح تنسى تكره ((اشرت على عينها))
00000000000000000000000000000000000000000000000000 0000
ساره : اف خلاص شباب ملينا الساعه 11 وسواقي راح يجي 12 خلونا نرجع
منال: يوه سارونه بدري
ساره: اي بدري اخوي دق علي مليون مره واخاف الحين انجن
وليد: ماعليك منهم ثواني ونكون بالبيت
واتجه وليد للبيت وكان شارع التحليه مره زحمه
ماجد: ياغبي كان رحت مع طريق الملك عبدالعزيز اقل زحمه
وليد: ياخوي انا كنت بروح مع طريق الملك فهد,, ومالي الا هالشارع علشان اوصل له
ماجد: يووووووه ايش هالزحمه شكل الاشاره خربانه
وليد: دقيقه خلني اشوف مخرج مع الحاره
ماجد: لامافيه مخارج خلاص مافيه الا بعد الاشاره
انتظروا 10 دقايق وهم في وسط الزحمه وكانت ساره مرتبكه لانها تاخرت وخافت السواق
يوصل قبلها
وليد: الحمدلله بدت تخف الزحمه((وسكت لما شاف شي قدامه ))
وليد :يا الله تفتيش مو وقته ابد
ماجد: يالله الحين راح ينزلونا ويقولوا فكوا التضليله
ساره خافت: ليش ينزلونا,, وايش دخل التضليله
وليد: لان التضليل ممنوع
ساره: طيب ايش راح يسوي لنا؟؟
وليد: ولا شي بس بيكتب مخالفه ويقول فكوا التضليله
ساره: وانشالله هالتضليله متى تنفك
وليج: لاتخافي حبيبتي ماراح تاخذ اكثر من 10 دقايق ,, وانشالله مايقول لنا فكوها يكتفي
بالمخالفه
واخيرا وقفوا عند التفتيش,, طمرت ساره وراء وجاء ماجد قدام
الضابط: افتح الشابك
وليد: سم طال عمرك
الضابط: ليش مضلل انت ماتدري ان التضليل ممنوع
وليد: اسفين طال عمرك ,,, انشالله اليوم افكها
الضابط: انزل فكها الحين
وليد: ياطويل العمر انا مستعجل الوالد تعبان بالبيت وبروح له ,, واذا شفت السياره مره
ثانيه مضلله راح انزل افكها
الضابط: لك ساعه تدور هنا وتو ابوك يمرض,,, هات الرخصه والاستماره
ماجد تدخل: طال عمرك خلنا نمشي وانشالله راح نفكها اوعدك
الضابط يتجاهل ماجد: انت هات الرخصه والاستماره
هنا وليد طلع رخصته وعطاها الضابط
الضابط: الاستماره
وليد عطاه الاستماره
الضابط: بعد السياره مستاجره ومضللينها بعد ,, انزل فك التضليله
وليد حب يقصر الشر ونزل يفكها
الضابط يكلم ماجد: البطاقه
ماجد طلع بطاقته للضابط ولما شافها : انزل فك التضليله معه
نزل ماجد لانهم يبوا يرجعوا بسرعه عشان ساره
ساره كانت تحس دقات قلبها مثل الطبول من الخوف خاصه لما شافت راس الضابط يطل
عليها ويقول لها: انت عطني البطاقه
منال خافت ينكشفوا وحاولت تغير صوتها وكانها رجال: ياطويل العمر نسينا البطاقه بالبيت
الضابط يطالعهم بتفحص: وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره ,, اشواء مااستقعد
وفجاءه فتح الضابط باب السياره الي ورا مكان ماكانوا جالسين ساره ومنال وقال لهم شي
خلى ساره ودها تموت الحين
ايش قال لهم الضابط ؟؟؟؟ وايش راح يصير ع ساره ومنال؟؟؟ في الجزء الجاي راح نعرف ان شاء الله
ساره كانت تحس دقات قلبها مثل الطبول من الخوف خاصه لما شافت راس الضابط يطل
عليها ويقول لها: انت عطني البطاقه
منال خافت ينكشفوا وحاولت تغير صوتها وكانها رجال: ياطويل العمر نسينا البطاقه بالبيت
الضابط يطالعهم بتفحص: وايش تسوي بطاقاتكم بالبيت
منال: كنا طالعين مشوار قريب ونسينا البطاقات
الضابط طلع راسه ورجع لماجد ووليد وهنا تطمنوا منال وساره ,, اشواء مااستقعد
وفجاءه فتح الضابط باب السياره الي ورا مكان ماكانوا جالسين ساره ومنال وقال لهم شي
خلى ساره ودها تموت الحين
الضباط قال لهم: انزل انت وياه بسرعه
والتفت للضابط الي واقف جنبه وقال لهم : ياسعد خذهم للقسم
منال بصوتها الطبيعي : لو سمحت احنا مو عيال احنا بنات ممكن تخلينا نمشي
ساره انصدمت ان منال اعترفت انهم بنات بس على الاقل يمكن يغير رايه هالضابط النشبه
لما يعرف انهم بنات
الضابط: واذا انتي بنت ليش متنكره؟؟؟
منال: احنا طالعين نتمشى وعلشان محد يضايقنا لبسنا ثياب
الضابط: اكيد انتم من شبكه ارهابيه علشان كذا متنكرين
ساره ماتت خوف: ايه ارهابيين الله يهديك والله اني اخاف من ظلي,,, الله يخليك خلنا
نروح الله يوفقك
الضابط: النقيب هو الي يحدد اذا ترجعو بيتكم او تنامو في السجن
ساره حست ان بيجيها جلطه: وين النقيب اكلمه
الضابط: في قسم الشرطه,, والتفت للضابط وقال له شي ماسمعته منال وساره
فجاءه ركب الشرطي ((سعد)) بسياره ماجد ووليد بمكان السواق وقفل الابواب علشان
مايطلعوا منال وساره ,,, وحرك السياره
ساره: تكفى الله يخليك نزلنا والله راح اعطيك الي تبي
الشرطي: ..........................
ساره تصارخ: يارب تدخل الجنه نزلنا ,,, الله يخليك ,,, الله يستر عليك,, والله اخوي
راح يقتلني
منال: اسمع لو نزلتنا بعطيك الفيزا حقتي فيها 100,000
الشرطي:..........................
ساره تبكي: كله منك يامنال,, ياويلي من بندر
منال: يعني انا الي امي بتضحك وتبسط,,, ((رجعت تكلم الشرطي))طيب اسمع علي ساعه
انا وصاحبتي لو بعتهم راح تجيب لك مبلغ حلو
ساره: تخيل اخواتك هم الي صار لهم هالموقف ,, الله يخليك نزلنا ,,, تكفى
وقف الشرطي عند القسم,, ونزل وقفل عليهم السياره
منال: انشالله يجي النقيب حقهم ويرحمنا خلاص لاتبكي ياساره
ساره تبكي : يارب
التفتوا على دوريه جت ووقفت ونزل منها نفس الضابط الي مسكهم ,,, وكان مركب وراء
وليد وماجد ,,, ونزلهم هو وضابط معاه,,, واختفوا جوا القسم
منال: اقول ماتعرفي احد في الشرطه يطلعنا من هالمشكله
ساره عصبت: انتي الي طيحتينا بهالمشكله انتي الي طلعينا منها
منال: انا ماطيقتك ع يدك انك تجي معاي جيتي بكيفك

مشعل: طيب ايش رايك ميشو اعزمك ع العشاء في المطعم الي تحبيه
مشاعل: بس الوقت متاخر
مشعل: ليش راح تنامي؟؟؟؟
مشاعل: لا
مشعل: طيب ثواني اجيب لك عبايتك
مشاعل: لا خير تبيني اطلع ببيجامتي؟؟؟
مشعل: طيب لاتطولي
مشاعل طلعت غرفتها تغير ملابسها علشان يروحوا يتعشوا
00000000000000000000000000000000000000000000000000 00000
سعود كان في مطعم قلوب Globe بالفيصليه مع الهنوف
الهنوف: اسمع ترى ابي زياده كروت لزواج اخوك مشعل
سعود: اعطيتك 5 كروت ,, مين راح تعزمي بعد
الهنوف: راح اعزم نوره صاحبتي و روان
سعود: الله يعين بدبر لك من امي ,,, مع انها بغت تذبحني لما طلبت منها
الهنوف: اطلبها من مشاعل
سعود: مشاعل اكيد اعطتها صاحباتها
الهنوف: مالي شغل فيك دبر نفسك
سعود: انشالله طال عمرك,, بس تلاحظي اني عازمك على العشاء علشان اسمعك كلام حلو
واسمع منك ايش كثر تحبيني مو نتكلم بالكروت ومين راح تعزمي الهنوف خليك رومنسيه
ولو مره بحياتك
الهنوف ماهتمت ونزلت عينها تشرب العصير الي بيدها,, ولما رفعت عينها لقت سعود
يطالع بطاوله وراها ,,, وطبعا هي ماتقدر تشوف مين يطالع لان الطاوله الي يطالعها وراها
,, التفتت تبي تشوف مين يطالع
ولقت بنتين حلوااااااااااااااات وحده منهم ملامحها هنديه نعووووووووووووووومه,,,
انجنت الهنوف خاصه ان البنات كانوا ياكلوا سعود بعيونهم,,, معذورين كان سعود مملوح
وكانه عصفور
الهنوف قطعت عليه نظراته الي ماقدر ينزلها من هالبنت الحلوه: سعودوه هذا وانا معك اجل
اذا لوحدك ايش راح تسوي ؟؟؟؟؟
سعود خاف: هنوف ايش فيك ,,, لايروح تفكيرك لشي غبي,, ايش هالافكار المجنونه
الهنوف قامت: اخليك معاها احسن لك ولها,, وخذ راحتك
سعود: هنوف لاتصيري طفله
الهنوف: انقلع عن وجهي
ومشت وخلته ووقفت ع طاولة البنات وقالت لهم: صدق شفاحه كانكم ماشفتوا شباب قبل
اعصابكم اكلتوه بعيونكم جعلها العمى انشالله
كانوا البنات يطالعوها باحتقار وقالت لها وحده منهم: يااااااااااااي ,,, low class
البنت الثانيه: she is crazy
الهنوف مافهمت شي ع بالها البنات اجانب وطلعت وخلتهم
سعود كان يطلب الحساب يبي يلحق ع هالمجنونه,,, صدق الحياه معاها مستحيله عشان نظره
سوت كل هذا ,,, شلون راح يعيش معاها باقي عمره
انتظر وقت طويل لحد ماجابوا له الحساب ,, قال بنفسه اكيد انها وصل للبيت ,,, دفع
الحساب واتجه للبنات الي جالسين قدامه,, وعينه مانزلت عن البنت الي كانت ملامحها هنديه
سعود: انا اسف ع الي صار ,,, بس هي اعصابها تعبانه اعذروها
البنت: no problem ,,,, بس هي دايما كذا???
سعود: لا اعصابها تعبانه,,, وانا اعتذر بالنيابه عنها
البنت ابتسمت لسعود ابتسامه خلته ينسى شي اسمه الهنوف: really we are not angry
بس حرام واحد like you يتعرف ع بنت همجيه like her
سعود حس ان البنت صادقه مو معقوله تتهجم ع الناس بس لانه طالعها
سعود في نفسه "ايش هالاسلوب ياتتكلم عربي يا انقليش مسويه تعرف انقليش وكانها مخترعه
الذره"
سعود: اوكي عن اذنكم
البنت: اوكي معك لمو ,, واتشرف اني اتعرف عليك
سعود انصدم ايش تبي فيه وهي ملكه جمال الف واحد يتمناها: مشكوره اختي بس انا خاطب
وراح وتركها
وهو في الاصنصير نازل تحت فكر في البنت ايش كثر هي حلوه واستغرب كيف قدر
يقاومها اكيد ان الهنوف تعني له كثير ع شان يترك وحده بهالجمال
00000000000000000000000000000000000000000000000000
شافوا تقريبا خمسه ضباط طلعوا من القسم متجهين لسيارتهم ,, وواحد فتح الباب لهم
الشرطي بعصبيه : انزلي انتي وياها بسرعه
ساره تبكي : الله يوفقك,, الله يخليك اتركنا نروح والله اهلي راح يقتلوني
الشرطي: الحين الله يوفقك واهلي واهلي ,,, ليش ماتذكرتي اهلك لما فكرتي تطلعين مع
شباب هاه ,, والا بس الحين يجي الضمير
ساره كانت تقاوم ثنين كانوا يجبروها تنزل من السياره ونزلوها بالقوه,,, اما منال بعد
ماشافت الي صار لساره نزلت بكرامتها,,, دخلوا ساره بغرفه وقفلوا عليها ,,, اما منال
دخلوها بغرفه ثانيه وقفلوا عليها
كانت ساره تدعي ربها انه يستر عليها ,,, وتذكرت انها طلعت قبل صلاه العشاء وانها
ماصلت ندمت لانها ماذكرت الصلاه الا وقت الشده والا لما كنت تستهبل وكانت مبسوطه
نست موضوع الصلاه ,, تذكرت انها ماتوضت
طقت الباب عليهم لما دخل عليها ضابط: خير انشالله ايش تبي ؟؟؟
ساره: ابي اتوضى بصلي
الضابط: انثبري بس الحين ذكرتي ربك هاه
وقفل الباب ورجع لمكان ماجاء منه
اما منال كانت تكبي,, ماتدري ايش راح تكون رده فعل امها لما تعرف ,, اكيد راح تمنعها
من الطلعات ,, اكيد راح تاخذها معاها وين ماتروح
في غرفه النقيب: عطني اسماء البنات الي معاك بسرعه
وليد: ماعرف اسمائهم
النقيب: تستهبل ياحمار
وليد: صدقني ماعرف ,,, البنات يمكن كذبوا علي باسمائهم
النقيب: تعال ياسعد ارميه بالحجز لما يتكلم,, وهات ***** الثاني
لما دخل ماجد وساله الضابط عن اسماء البنات
ماجد: وحده اسمها منال الـ.... والثانيه ساره بس مدري ساره ايش ,, لانها خويه صاحبي
تكفي ياطويل العمر انا جاوبت ع كل شي سالتوني عنه خلاص طلعوني
النقيب: ع بالك انك بتطلع كذا ,, لا راح ندق ع ابوك يجي يستلمك
ماجد: ياطويل العمر انا عمري 25 يعني كبير ليش تجيب ابوي
النقيب: تعلمني بشغلي يا***,, سعد ارميه في الحجز لما بكره نشوف موضوعه
00000000000000000000000000000000000000000000000000 00000
مشاعل كانت مع مشعل بالسياره متجهين لمطعم الريف الايطالي والمفضل عند مشاعل
دق موبايل مشعل وكانت الي متصله نجود زوجه مشعل وكان مشغول بالسوالف معاها
وشغل اغنيه وائل جسار مشيت خلاص
كانت مشاعل متغطيه ,, اعجبها لحن الاغنيه ,,, والي اول مره تسمعها ماكانت تحب وائل
جسار مره ,,, بس بعد ماسمعت كلامات هالاغنيه تمنت تقول لمشعل الله يخليك سكرها
كانت كل كلمه تذكرها بطلال
كيف بهالسهوله قدر يتخلى عنها,,شلون طاوعه قلبه يسوي فيه كذا وهو عارف انها مجنونه
فيه ,,, حست بفراغ كبير تركه طلال بحياتها,,, مافكر كيف راح تكمل حياتها بدونه,,,
تذكرت كيف كانت تلعب بمشاعر الشباب وكيف جاء شخص يلعب بكل احاسيسها وكانها
لعبه سهل تحريكها بالنسبه له ,,, حست بحنين غريب له ,,, حنت لايامها معاه ,,, كانت في
اقوى مراحل الحب ,,, كانت تتجنب التفكير فيه هالايام,, وتظن ان خيال طلال اختفى,,, بس
للاسف من بعد ما شي بسيط ذكرها بايامها معاه وهالشي مجرد اغنيه ,, حست بحنين يقتلها ,
, كان نفسها تشوفه ,,, نفسها يبرر لها الي سواه,, يمكن تلقى مخرج تسامحه فيه,, تتمنى يبرر
لها اي تبرير وهي راح تسامحه ,,, تخيلت نفسها معاه من جديد,, مع انها ماتقدر تشوفه بس
احساسها انه جنبه احياء الفرحه بقلبها,,,, وتذكرت انه مافكر حتى يكلمها يتطمن عليها,,
يالله ايش كثر هالانسان حقير وممثل بارع,,, حطت راسها ع الشباك ,,, وسبحت في بحر
افكارها ,,, ونزلت دمعه محبوسه من فتره ,,, والدمعه هذي جرت وراها الاف الدموع ,,
كانت تحلم ان طلال هو الي جنبها وماسك يدها ,,ويسمعها احلى كلام الحب
صحت ع صوت مشعل: ميشو نمتي؟؟؟
مشاعل رفعت راسها: لا مشعل معاك
مشعل: لي ساعه اكلمك ,, يله حبيبتي وصلنا المطعم
بندر كان حالته مو اقل من حاله مشاعل ,, كان غرقان بالحب ,,, بس للاسف حب من طرف
واحد ع قولته ,,, كان يفكر بمشاعل ,, مشاعل الي من رجع وهو مايفكر الا فيها ,,, حتى انه
رفض يسافر مع اهله لانه يبي يتطمن عليها ويعرف ان العمليه نجحت ,,, كان خايف عليها
يبي يشوفها سعيده ,,, يمكن لما تنجح عمليتها تجيه الجراءه انه يخطبها ,,, قبل كان يخاف
من شي اسمه زواج ,,, كان يخاف من الطلاق لانه يحس انه اكيد راح يفشل,, بس لما شاف
مشاعل ت**رت كل القواعد الي بناها وكل افكاره تغيرت,,, مشاعل بالنسبه له الفرحه ,,,
نفسه يتجرء ويكلمها بس لو دق عليها اكيد ماراح تستقبله ولا تفكر تكلمه ,, يكفي انها ماقبلت
منه مساعدته لها اكيد هالبنت عندها كرامه مو طبيعيه ,,, كرامه تخليها ترفض مساعده
ممكن تسعدها,,, كل هذا علشان كرامتها ,,, اكيد مستحيل راح تقبل انه يكلمها,, حتى لو فكر
يخطبها اكيد راح ترفض,,, بس ليش مايحاول

انفتح الباب وكان شرطي ,,, رمى عليها عبايه وطرحه
الشرطي: البسيها يله ,,, النقيب يبي يشوفك
لبست عبايتها بسرعه ع امل ان النقيب يكون احن شوي من هالوحوش
دخلت عليه وكان مشغول باوراق بيده,,, بعد ماخلص,, وبدون مايرفع عينه
النقيب: ايش اسمك؟؟
ساره: ريم
النقيب : نلعب احنا ,,, اسمك الرباعي
ساره توهقت: ريم فهد خالد الـ....((عطته اسم ماتدري فيه وحده بهالاسم او لا))
كتب الاسم وعطاه الضابط الي جنبه: خذه دخله بالجهاز وشوف الاسم وتاكد اذا ماعليها
قضايا
ساره انصدمت ,, قضايا ,, ليش صارت من المجرمين : اي قضايا شايفني مجرمه
النقيب طالعه بنظره حاقده: اسكتي ياحقيره ,,, لو فيك خير ماطلعتي مع شباب,,وياويلك لو
يطلع الاسم كذب لان صديقتك الي قبل عطتنا اسم وهمي ,,, والحين بكلم لها السجانه توديها
سجن النساء
ساره انجنت معقوله يسويها ويوديها سجن النساء" لا ساره لاتكوني غبيه هو يحاول يخوفني
علشان اعطيه اسمي الحقيقي"
ساره: انا عطيتك اسمي الحقيقي وماعندي غيره
انتظرت يجي الضابط الثاني الي راح يتاكد من اسمها,, وبعد دقايق رجع
الضابط: طال عمرك مافيه اسم ع الكمبيوتر
النقيب طالع ساره بنظره تخوف كلها حقد: يعني ماتتوبين انتي وخويتك طيب دواك عندي
ساره خافت ايش راح يسوي
اخذ التلفون يكلم: الو,,, هلا ام غازي ,,, عسى ماصحيناك من النوم,,, هههههههههه
مايخالف هذا شغلك ,, اقول ابو غازي عندك؟؟,,,, حلو طيب تعالي معاه عندي بنتين
ابيك تسلميهم سجن النساء, هههههههههههههههه ,, ايش نسوي مالنا الا انتي ههههههههه
يله ننتظرك
ساره: لالالا الله يخليك والله بعلمك كل شي بس لاتسجنوني
النقيب: خلاص انا عطيتك فرصه
ساره: الله يخليك ,, خلاص والله لاقول كل شي بصدق واذا كذبت اسجني وقولها تجي,, الله
يخليك قول لها لاتجي ,, الله يخليك
00000000000000000000000000000000000000000000000000 00000
منال كانت تحاول تدق ع صاحبتها سحر ,, بس خافت يدخل عليها احد وياخذ موبايلها
منال بهمس: الو
سحر: هاي منوله
منال : الحقيني سحر انا في الشرطه,, مسكوني مع ماجد ووليد
سحر خافت: يا الله معقوله ,, وينك الحين
منال: حابسيني بغرفه,,, المهم بليز دقي ع خالد انتي تعرفي انه ولد ناس واكيد يقدر يطلعني
تكفين سحر سوي شي
سحر: اوكي خلني الحين اروح اكلمه
وقفلت ع امل ان سحر تجيب لها واسطه وتطلعها من هنا بدون ماتدري امها
00000000000000000000000000000000000000000000000000 00000
مشعل و مشاعل انتهوا من العشاء واتجهوا للبيت
وفي الطريق
مشعل: هاه ميشو كيف نفسيتك مع قرب العمليه؟؟؟
مشاعل: الله يكتب الي فيه الخير,, مشعل انا خايفه ماتنجح
مشعل:لاانشالله تفائلي بالخير ,, انشالله يرجع نظرك احسن من اول
مشاعل: لامابي احسن من اول يكفيني اني اشوف حتى لو بدون الوان
مشعل: ههههههههههههههه ,, قديمه انتي اسود وابيض
مشاعل: ههههههههههههههههههههههههه هههه
مشعل: ميشو وين موبايلك انا دقيت عليه امس ,, ولقيته ملغي
مشاعل: ايه نسيت اقول لك ,,, ضاع مني قبل فتره والغيت الشريحه
مشعل: اذا الموضوع كذا انا راح اطلع لك رقم ,,, من اي شركه تبي؟؟؟؟
مشاعل: لا يامشعل ماله داعي جد ,,, انا مااحتاجه ,,, وين اطلع
مشعل: لا بس احنا نحتاج انه يكون معاك موبايل ,, خاصه اذا طلعتي
مشاعل: تسلم مشعل بس جد ماودي اتعبك
00000000000000000000000000000000000000000000000000 00000
التلفون كان يدق ,, رد عليه الشرطي: سم ,, لحظه ,,, ((يكلم النقيب))طال عمرك فيه واحد
يبيك
اخذ التلفون النقيب : الو,, سم,,,, ايه ,,,, بنتين,,,, اها
ساره حست ان الموضوع يتعلق فيها وفي منال لانه كان يطالعها
النقيب يكلم: اسف مقدر اخدمك بهالموضوع,,,, انا ماعندي مانع اطلعهم بس يجون اهلهم
يستلمونهم,,, اسف مقدر اطلعهم ع مسئوليتي ,,, انشالله اخدمك بشي ثاني,, تامر شي ,, مع
السلامه
ساره حست انها راح تموت اكيد الي اتصل يحاول يطلعهم ,,, بس هالنقيب عنيد وراسه يابس
طالعت ساعتها ,, كانت 2 الليل ,, اكيد امها ماتت خوف وبندر انجن
انهارت وبكت وتعبت من التفكير ,, وقررت انها تعترف باسمها وتعطيهم رقم اخوها
ولما عطتهم المعلومات وتاكدوا انها صادقه,, دخلوها غرفه بعيده لما يجي اخوها يستلمها
00000000000000000000000000000000000000000000000000 00000
مشاعل كانت تستعد للنوم وشغلت سورة الرحمن بصوت الشيخ ناصر القطامي
فجأه سمعت احد يطق عليها الباب,, وقفلت المسجل
مشاعل : مين؟؟؟
سعود: انا سعود,,,, نايمه؟؟؟
مشاعل: لا تعالي سعاد ادخلي
سعود دخل: سعاد مين ؟؟؟؟
مشاعل: انت يعني مين
سعود: والله البطاقه مكتوب فيها سعود والجنس ذكر
مشاعل ضحكت: هههههههههههههههه ادري بس انا ادلعك
سعود: ههههههههههه تدلعيني سعاد لايسمعك احد يشك فيني
مشاعل:ههههههههههههه, ايش عندك جاي هالوقت ماتدري ان الليل للنوم والصباح للسوالف
سعود: يعني اطلع
مشاعل: لا ,, بس لك 10 دقايق بعدين راح تنطرد
سعود: انشالله
00000000000000000000000000000000000000000000000000 00000
بندر كان في الطريق لبيت منال صاحبه ساره ,, طبعا طلع مع السواق لانه هو الي يدل
بندر تعب من الاتصال ع ساره الي ماترد ع موبايلها ,,, وخاصه انها مواعده السواق 12
وصارت 2 وماجت,, خاف لايكون صار لها شي,,, طبعا امه نايمه لانها واثقه بساره
دق موبايل بندر :الو
النقيب: السلام عليكم
بندر :عليكم السلام
النقيب: معي بندر الـ...
بندر استغرب : ايه اخوي بغيت شي؟؟؟
النقيب: معك النقيب حزام الــ..
بندر زاد استغرابه ايش يبي منه: امر اخوي فيه شي
النقيب : ايه ,,, اختك ساره عندنا,, المشكله بسيطه بس ياليت تمرنا ,,, توقع لما كم ورقه
وتاخذ اختك
بندر مصعوووووووووووق ومصدوم اخته عند صاحبتها شلون راحت للقسم: ايش صار
قول لي اختي ايش فيها ,, ايش سوت
النقيب: تعرف الموضوع لما تجي تستلمها
وقفل
كان بندر مايدري هو بحلم والا بعلم,, معقوله اخته ساره بالشرطه,, وايش سوت؟؟؟؟
كان متجه للقسم,, وهو مثل المخدر ,, يمشي بدون عقله ,,, مو مصدق
00000000000000000000000000000000000000000000000000
سعود: هذا كل الموضوع
مشاعل: تستاهل ليش تطالع البنت ,,, لو انا مكانها كان اخذت العصير وكبيته عليك
سعود: ميشو وربي مو قصدي ,, بس هي كانت تطالعني وطاحت عيني عليها بالصدفه
وبصراحه ماقدرت انزل عيني عنها كانت مره حلوه
مشاعل : سعود ,,, انت تحب هنوف؟؟؟
سعود: اموت فيها
مشاعل: لو انت تحبها بجد كان مافكرت تطالع غيرها ,,, راح تملا عينك
سعود: ميشو والله اني اموت فيها,, ميشو تكفين ساعديني
مشاعل: اوكي راح اكلمها لك, بس توعدني انك تبطل حركاتك البايخه
سعود: ابشري بس انتي كلميها الحين
مشاعل: لا انسى اني اكلمها الحين ,, اول شي هي معصبه ,,, خلها تهدا,,, وبعدين من اصبح
افلح
سعود: ميشو مقدر انام وهي زعلانه علي
مشاعل تبي تقهره : عادي خذ بندول نايت ههههههههههههههههههه
00000000000000000000000000000000000000000000000000 00000
مو مصدق الكلام الي قاله النقيب,, ساره تطلع مع شباب ومتنكره بصوره ولد,,, ماصدق
كلامه لحد ماشاف ساره قدامه ,,, وكانت متغطيه وعليها عبايه ,, بس كان الثوب طويل
عليها وكان طالع من تحت العبايه
وقعت تعهد انها ماتطلع مع شباب ,,, وبندر وقع ع اوراق تثبت انه استلمها
وكان يمشي وهي وراه وركب السياره,,, ساره استحت تركب جنبه ,, خافت منه ,, وركبت
وراء
ساره في نفسها" يالله ياويلي عليه ,, اكيد راح يقتلني ,, ياليتني ماطلعت ,, ياليتني سامعه
كلام ميشو وتاركه منال ,, هذي عقوبتي في طلال ,,, كنت راح ادخله السجن وانا الي دخلته
,,يالله اكيد امي صار لها شي,,, ايش راح اسوي"
كان بندر هادي طول الطريق حتى لما وصلوا البيت كان هادي ودخل غرفته,, حتى ماقال لها
تعطيه موبايلها ,, ولا ضربها مثل ماتوقعت
دخلت غرفتها وقفلت ع نفسها" اكيد الحين راح يجيب المسدس علشان يقتلني,, او اكيد يبي
يقتلني بعد ماتطلع امي من البيت,, لان امي شكلها مادرت عن شي,, يمه متى راح يقتلني"
كانت تبي تدق ع مشاعل بس عارفه ان مشاعل ماعندها موبايل,, كانت طول الليل جالسه
ع اعصابها وتطالع الباب تنتظر بندر يدخل يقتلها

صحت مشاعل ع صوت مشعل وصراخه بالبيت,, طلعت تشوف ايش فيه
مشعل: ياخي مابي اسوي تنظيف مابي شايفني حرمه
سعود: ميشو تعالي شوفي اخوك المتخلف,, اقول له يسوي تنظيف لبشرته ع شان هالحبوب
تخف ,,, زواجه بعد اسبوع , لازم يهتم بنفسه ,, يقول الاهتمام بس للحريم
مشاعل ماتت ضحك ع مشعل ,,, وعلى سعود المتحمس,, وكانه حرمه تلاحق زوجها هههههه
مشاعل: مشعل ايش الفرق عندك لو شفت نجود بملابس حلوه وريحتها عطور تجنن ,,
وشكلها حلو ,, والا انها تجلس عندك شكلها معفن وريحتها شينه ؟؟؟
مشعل: مشاعل لاتقارني,,, نجود حرمه ,, وبعدين انا مو شكلي محيوس او ريحتي شينه
مشاعل: بس يامشعل مثل ما انت تبي تشوف زوجتك باحلى شكل وتحب تشوفها تهتم بنفسها
ع شانك,, هي نفس الشي تبي تشوفك مهتم بنفسك ع شانها ,, مشعل الاهتمام بالنفس مو عيب
ولا حرام
مشعل: تبيني اروح لدكتور واقول له شوف بشرتي فيها حبوب علشان يقول ايش هالخكري
سعود: هههههههههه اي خكري ,, اذا الدكتور بيقول عنك خكري لهالسبب ,, فهو خكري
اكثر منك,, لانه دارس هالتخصص
مشاعل:ههههههههههههه, والله انك صادق ياسعود
واخيرا اقتنع انه يروح لدكتور
00000000000000000000000000000000000000000000000000 00000
ساره كانت بغرفتها تبكي من الخوف ومن الندم ع الي صار ,, وكانت مقفله موبايلها,,
خافت وحست جسمها مايشيلها من الرعب لما سمعت صوت الباب
ساره: مين
بندر: انا
ماااااااااااااتت من الرعب ,, اكيد راح يقتلها بعد الي صار امس ,,, احسن شي ماتفتح له
بندر: ساره افتحي ابيك بموضوع
ساره قررت تفتح وترتاح من هالرعب الي عايشته ,, واذا راح يقتلها خليه يقتلها وترتاح من
هالخوف والعذاب
ساره فتحت الباب ,, وانصدمت لما شافت ملامح بندر هاديه
بندر: ساره فاضيه ابي اكلمك بموضوع
ساره كانت ساكته مالها وجه تتكلم
بندر: اذا مالك خلق نتكلم الحين ,, ممكن ناجل الموضوع
ساره وبدون ماترفع عيونها في بندر: تفضل
دخل وسكر الباب ,, هنا ساره حست برعب ,, ايش ناوي عليه؟؟؟
مسك يدها وسحبها للسرير وجلسها وجلس جنبها,,, كانت تطالع الارض
مسك دقنها ورفع وجهها : ساره عينك عمرها لاتطالع الارض مهما سويتي انتي اختي
ومابي عينك تنزل بالارض
ساره كانت منصدمه من اسلوب بندر معاها ,, بعد كل الي سوته جالس يكلمها بكل احترام
بندر: شوفي ياساره ,, انا مو مستغرب ليش سويتي كذا,, اكيد عندك اسبابك ,,, يمكن علشان
الحريه الي عطتك ماما ,,او يمكن فقدتي الحنان من ماما لانها دايما مشغوله عنك,,ورحتي
تدوريه برا , و حتى ما لقيتي بابا الي ممكن يكون صديق بالنسبه لك,,, وحتى انا انشغلت
عنك بالدراسه,,, انا ما الومك ,, ياساره انا كل امس كنت افكر بالموضوع ومانمت ولا دقيقه
,, ساره انا اعرف ان الانسان مو كامل ولازم يغلط,, حتى انا غلطت كثير بحياتي بس
الانسان الشاطر الي يتعلم من اخطائه,, سارونه بسالك سؤال وجاوبيني بصراحه,, صاحبتك
الي معاك فكرت فيك او اتصلت عليك
ساره: لا
بندر: على فكره ترى طلعت هي قبلك جت امها اخذتها بدري ,, بس مافكرت حتى تسال عنك
تتوقعي هذي هي الصداقه,, تتوقعي هذا هو الطريق الصح؟؟؟
ساره وهي تبكي: لا يابندر وانا اسفه ,, مدري ليش سويت كذا
بندر: سارونه مو بس انتي الي سويتي كلنا كنا مشتركين باللي سويته كل واحد منا كان لاهي
بمشاغله عنك,, بس من اليوم ياسارونه ,,, راح اكون اخوك وامك وابوك,, راح اخليك ما
تحتاجي تسوي هالاشياء ,, ولاتفكري اني راح اضربك او امنعك من الطلعه او اخذ موبايلك
, لا سارونه انا مستحيل استخدم هالاسلوب الهمجي,, انتي حياتك ماراح تتغير ,,, انتي الي
راح تتغيري لاني اتوقع انك تعلمتي درس يخليك مستحيل تفكري ترجعي للخرابيط هذي
,, اما بالنسبه لي ماراح يمر يوم الا اطلعك وامشيك
اره اول مره تعجب باخوها ,, وتحس ان عندها اخو ماكانت تعرف قيمته
00000000000000000000000000000000000000000000000000 00000
بعد اسبوع من الحادثه ,, تغيرت اشياء كثير
كانت ساره ماتروح الا لمشاعل ويوصلها بندر,, وابتعدت عن منال,, وصارت ماتكلم شباب
,,, لانها اعجبت باسلوب اخوها ,, لو كان ضربها وشتمها كانت كرد فعل طبيعي راح
تنحرف اكثر من اول,, بس اسلوب اخوها الراقي خلاها تعرف غلطتها واعجبت بثقه اخوها
فيها وماحبت تخيب امله فيها وثقته فيها,,, 20 سنه وهي عايشه مع اخوها عمرها مااعجبت
به كثر هاليومين كان حنون معاها ,, وكان حريص ع رضاها,, كان يطلعها كل يوم ,, مره
عشاء ومره غداء ومره يصحيها الصباح علشان يروحوا يفطروا ,, ومره وداها للبر تطلع
مهاراتها الفاشله بالسواقه هههههههه
اكثر من مره كانت بتصدم ,,, بس باللحظه الاخيره يتدخل بندر وينقذها
حكت لمشاعل عن كل شي سواه بندر ,, واعجبت مشاعل بشخصيه بندر,, وماتوقعت ان فيه
شاب شرقي ممكن يتصرف كذا بعد ماعرف كل هالاشياء عن اخته,, حتى اخوها مشعل لما
اكتشف انها تعرف واحد اسمه طلال ,, مجرد مكالمه زعل عليها اسبوع كامل
كل يوم يكبر بندر بنظر مشاعل ,, وكانت تنحرج لما توصل لها ساره سلام بندر
00000000000000000000000000000000000000000000000000 00000
كان اليوم يوم مشعل ونجود,,, كان الزواج بالخزامى ,,, وكان زواج مرتب ,, صح انه ماكان
فخم مره ,, بس كان حلو والف بنت تحلم تكون مكان نجود,, لان مشعل معروف بسمعته
الحلوه
كانت مشاعل بالاوتيل وعندها روز المزينه,, كانت مشغوله مع ام مشعل ,, وام مشعل
منحرجه لانها ماحطت ميك اب بحياتها حتى لما تزوجت ابو مشعل ماكانت تعرف شي اسمه
ميك اب
اما ساره ومشاعل ينتظروا دورهم
ساره: ميشو تسريحه شعرك مره تجنن
مشاعل: ههههههههه لازم تمديحها مو انتي الي مختارتها
دق موبايل ساره
ساره : هلا بندر
بندر: هاي سارونه,, هاه كيف الميك اب اكيد شكلك يجنن
ساره استحت: شكرا بندر,, بس اتوقع انا حلوه بدون ميك اب
بندر: اكيد ,,, انا متاكد انك بتغطي ع كل الموجودين,,الا ناس اتحدى تغطي عليهم
ساره: ومين هالناس؟؟؟
بندر: القمر ميشو
ساره: ههههههههه بعد تدلعها ميشو هاه
مشاعل انحرجت ,, انقهرت من ساره المفروض ماتبين قدامها
بندر: اقول ميشو عندك؟؟
ساره: ايه ,, ليش تسال تبيني اوصف لك شكلها؟؟
بندر: لا ابي اكلمها ابارك لها ع زواج مشعل
ساره: اوكي
ساره كانت متاكده لو قالت لمشاعل ان بندر يبي يكلمها ,,, راح ترفض وتقوم,, قالت احسن
شي ارمي الموبايل عليها وانحاش
ساره مسكت يد مشاعل وحطت الموبايل بيدها وقفلت يدها بالقوه: ميشو هذا موبايلي ,, اخوي
بندر يبي يبارك لك ع زواج مشعل,,, وقبل لاترفضي انا قايمه الحين ,, وترى عيب ماتكلميه
ترى كل السالفه يبارك لك بس ,, عيب ميشو كلميه
وقامت بسرعه قبل ماتتكلم مشاعل
مشاعل تحسست الموبايل
مشاعل في نفسها" مجنونه هالبنت كيف راح اكلمه ,, الله ياخذها وهقتني"
جمعت قوتها وحطت الموبايل ع اذنها
مشاعل: الو
بندر حس قلبه بيوقف: اهلين مشاعل ,, كيفك؟؟؟؟
مشاعل انحرجت: الحمدلله ,, كيفك انت؟؟؟
بندر: بخير الله يسلمك,, مشاعل الف مبروك زواج مشعل الله يوفقه
مشاعل : تسلم
بندر: عقبالك
مشاعل انحرجت: تسلم
بندر يضحك: وانتي مو حافظه الى تسلم ,, مافيه غيرها مثلا شكرا
مشاعل ابتسمت: شكرا
بندر: ههههههههههه,, كويس تسمعي الكلام مااثرت عليك اختي الجنيه
مشاعل: حرام عليك سارونه مو جنيه
بندر: ايه صح نسيت اني اكلم المحاميه الرسميه لساره
مشاعل:هههههههههههه
مشاعل سمعت ام مشعل تطلع ,, وتبي تروح بسرعه قبل لاتسبقها ساره لروز
مشاعل: اوكي بندر انا راح اقفل الحين,, مشغوله شوي
بندر: اوكي الله معك شكلي طولت عليك
مشاعل: لا بس انشغلت شوي
بندر: اوكي باي
مشاعل: باي
كان الزواج مرتب ,,, وحضروا ناس كثير ,, وام مشعل ماتدري تستقبل والا تهتم بشؤون
الزواج ,,, كانت معتمده ع الله ثم مشاعل قبل لايصير لها الي صار في,, بس الحين لقت
نفسها وحيده,,, وكانت بين وقت والثاني تروح تصلح الكحل الي كل شوي يخرب من الصياح
كل ماتذكرت ان مشعل راح يطلع من عندها ويسكن لوحده,, بس ايش تسوي هذي حال الدنيا
دخلت نجود,, والي كان شكلها مره حلو ع قوله صاحبات مشاعل ,,, وبعدها دخل مشعل
ومعاه ابوه وابو نجود,,, وبعد التصوير ,, طلع مشعل مع نجود,, واتجهوا ع المطار ,, لان
رحلتهم الساعه 3 الفجر ,, والي كانت متجهه لاسبانيا
00000000000000000000000000000000000000000000000000 00000
ام مشعل ماسكتت من الصياح بالسياره,, وتعبت مشاعل وسعود وابو مشعل يسكتوها مو
قادرين,,, وصلوا البيت ,, وطلعت ام مشعل غرفتها تكمل صياح ,, كانت ليله ام سلطان
بس ابو مشعل استغنى عن ام سلطان وكمل سهرته مع ام مشعل يحاول يهديها ,,, والي كان
مشعل عندها حبيب القلب ,, صح انها تحب سعود خاصه انه الصغير ,, بس مشعل كان له
معزه خااااااصه
سعود: هاه ميشو كيف الهنوف اكيد حلوه
مشاعل تضايقت خاصه انها ماتقدر توصف شكل الهنوف لسعود الي كان متحمس: انشالله
بعد اسبوع راح اوصف لك شكل الهنوف كويس
سعود ندم ع الي قاله ,, انقهر لانه للحين ماقدر يتأقلم مع وضع مشاعل الجديد, استغرب
القوه الي مشاعل فيها ,, كيف قدرت تتقبل وضعها الجديد: انشالله ميشو بعد اسبوع ترجعي
تشوفي احسن من اول بعد العمليه
مشاعل : امين
طلعت غرفتها وهي مبسووووووطه شويه عليها ,, اخيرا قرب موعد سفرها ,,, اول يوم من
بعد ماصارت عمياء تنام على طول وهي مرتاحه

ساره : يوووووووووووووه بندر ازعجتني ,, قلت لك ايش لابسه ميشو وايش قالت وايش
ماقالت
بندر: سارونه تتوقعي لو اتقدم لها راح توافق؟؟؟
ساره فرحانه : من جدك بندر ,, ياليت ميشو تجي عندنا
بندر: انا بكره راح اكلم ابوي يخطبها لي مقدر اتحمل اكثر من كذا ,, احسها ملكت كل
حياتي وقلبي,, سارونه من اول مره شفتها فيه وانا عارف ان ميشو راح تكون كل حياتي
ساره: ياعيني ع الحب
00000000000000000000000000000000000000000000000000 00000
صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق
والثواني وتحسها سنوات
مشاعل في نفسها" يالله متى راح اسافر متى"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟؟؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل

ايش ممكن يكون سر هالاتصال؟؟؟؟؟؟
وايش الكلمه الي قالها لمشاعل والي كانت نتيجتها انه اغمى على مشاعل مع انها بنت قويه
وماتنهز بسهووووووله؟؟؟ كل شي راح يتوضح بالجزء الجديد والي فيه تغيرات كثيره
على حياه مشاعل يمكن تكون للاسواء وممكن للافضل
صحت مشاعل بدري يمكن الفرحه خلتها ماتقدر تطول بالنوم ,,, وكانها تنتظر الدقايق والثواني وتحسها سنوات
مشاعل في نفسها" يالله متى راح اسافر متى"
نزلت بالصاله ونادت الخدامه ع شان تصلح لها فطور
سمعت صوت التلفون ,, كان اتصال خارجي,,,, قامت ترد
مشاعل: الو
: السلام عليكم
مشاعل: عليكم السلام
: لو سمحتي الاخ سعود موجود؟؟؟
مشاعل ماعجبها صوت الي متصل واسلوبه: نايم ,, دق ع موبايله
: مايرد ,, اختي ابيه ضروري ممكن تصحيه
مشاعل خافت من نبره صوته:انا اخته ممكن اعرف ايش فيه لانه نايم ومقدر اصحيه
مشاعل طاح منها التلفون واغمى عليها بعد ماسمعت الي قال لها المتصل
00000000000000000000000000000000000000000000000000 00000
فهده وعبدالمجيد كانوا في السياره راجعين من السفر,, وكان عادل اخو عبدالمجيد هو الي اخذتهم من المطار
عادل : هاه كيف ماليزيا انشالله حلوه
عبدالمجيد: والله مره حلوه ولو ان الجو حر فيها
عادل: اشوفكم طولتوا قلت اكيد الولد صار ماليزي وغير جنسيته هههههههههههههه
عبدالمجيد: ههههههههههه ايه عاد الماليزيين نفس الوجه ,,, كان ما افرق بين وجهي وجه فهده ,, اصحى الصبح
اطالع فهده احسبها انا واقف قدام المرايه ههههههههههه
فهده وعادل: ههههههههههههههههههه
عبدالمجيد: اقول كيف امي وابوي
عادل: الحمدلله امي راح تجن تبي تجي معاي على المطار
عبدالمجيد: الله يطول بعمرها
كانوا متجهين لبيت اهل عبدالمجيد لانهم راح يسكوا عندهم
بعد ماسلموا على اهل عبدالمجيد نزلوا شناطهم
فهده: اقول عبدالمجيد ابي اسلم على امي
عبدالمجيد: انشالله الحين خلينا ننام ونرتاح وانشالله اوديك
00000000000000000000000000000000000000000000000000 00000
تذكرت مشاعل المكالمه الي ردت عليها اليوم الصباح كانت من شركه ابوها وكان الموظف متصل يبلغهم ان ابوها بالمستشفى,,, وتذكرت لما اغمى عليها ,,, ولما صحت على صوت الخدامه الي تحاول تفوقها من الاغماء ,,, وتذكرت صياح ام مشعل بالسياره وهم في طريقهم للمستشفى
كانت في حاله ذهول ,, مو مصدقه ان ابوها بالمستشفى ,,, كان مثل الكابوس بالنسبه لها وتنتظر الي يصحيها منه
صحت من افكارها لما سمعت اخوها سعود يكلم الدكتور ,, عرفت ان اكيد الدكتور انتهى من العمليه
كانت تتجه لمكان الصوت
الدكتور: والله يا اخ سعود مدري ايش اقول لك ولكن انت ايمانك بالله قوي ,,, وهذا حال الدنيا ,, وكلنا ماشين بنفس الطريق
سعود بخوف: دكتور ايش تبي تقول بالضبط؟؟؟
الدكتور: سعود حاولنا بكل جهدنا اننا ننقذه ولكن اراده الله اقوى ,,, اطلب لابوك الرحمه
مشاعل : لاااااااااااااااااااااااا ااااااااااااااااااااااااا ااااااااااااااااااااااااا اااااا
صحت ماتدري كم صار لها مغمى عليها,, حاولت تتكلم لكن حست بتعب قوي بكل جسمها ,,, بكت بصوت مسموع تبي احد يجي يقول لها انك تحلمي ,, وان ابوك موجود,,, بس للاسف الكل كان حزين ويبكي ,,, وكل شخص يتمنى انه يحلم وان هذا كابوس مزعج راح ينتهي
سمعت صوت جنبها
ساره: حبيبتي هدي نفسك ,,, كل شي مكتوب لنا قبل نطلع للدنيا
مشاعل بكت من قلب: ساره الحقيني بابا راح وخلاني ,,, قولي له يرجع حرام عليه يخليني لوحدي ,,, ساره بليز قول لي اني احلم ,,, صح كل الي صار كذب؟؟؟ صح ان بابا عايش؟؟؟
ساره بكت على حال مشاعل: مشاعل حبيبتي انتي مو وحدك انا معاك واهلك ماراح يخلوك,, مشاعل ادعي له بالرحمه ,, صدقيني لا البكاء راح ينفعه ,, ولا الحزن ,, ماراح ينفعه الا الدعاء
مشاعل تصارخ : لااااااااااااااا,,, انتي كذابه بابا ما مات مستحيل يموت ويخليني لوحدي,, عارف ان امي تركتني ومستحيل هو يتركني بعد ,,, اطلعي برا انتي كذابه كذااااااااابه
ساره تبكي: هدي نفسك يامشاعل,, الله يخليك لاتسوي بنفسك كذا
مشاعل تصارخ : ادري انكم تكذبوا وين وديتوا بابا وينه ,,,ادري انكم تبوني اصير وحيده ,, بابااااااااااااا ,, باباااااااااااااا
دخلت الممرضه تعطيها ابره مهدئه ,, وناااااااااامت
00000000000000000000000000000000000000000000000000 00000
اما مشعل الي انفجع بهالخبر تعب يدور حجز مالقى الا اليوم الثاني الساعه 6 الليل
00000000000000000000000000000000000000000000000000 00000
سعود بحزن : راح نصلي عليه بكره الضهر انشالله
ابو تركي ((عم مشاعل)) : عظم الله اجرك
سعود: اجرنا واجرك
ابو تركي: ,,, الله يرحمه ويغفر له ,, شد حيلك ياولدي
((سعود حاول يكون قوي عند عمه بس ماقدر بكى غصب عنه))
00000000000000000000000000000000000000000000000000 00000
ام مشعل كانت في حاله حزن مستحيل نتخيلها ,,, حبيب عمرها وزوجها مات ,, تذكرت امس لما كان يحاول يهديها بعد مارجعت من زواج مشعل ,, وشلون كان حنون معاها
اما ام سلطان كانت حزينه بس مو كثر حزن ام مشعل ,,, كانت شايله هم عيالها الي راح يتيتمو

الهنوف تعبت تتصل على سعود والي مارد عليها من الصباح كانت خايفه عليه ماتدري ايش صار,,, واخيرا رد عليها
الهنوف : هلا حبيبي وينك قلقت عليك
سعود كان يبكي
الهنوف ماتت من الخوف: سعود حبيبي الله يخليك طيحت قلبي ليش تبكي ,, ايش صاير؟؟؟
سعود ماجاوب عليها وظل يبكي
الهنوف انهارت وبكت معاه: سعود تكفى والله راح انجن ,, ايش صاير فيك شي؟؟ سعود تكلم
سعود يحاول يتكلم: هنوف.......... بابا ((ورجع يبكي))
الهنوف: ايش فيه تعبان؟؟؟؟ سعود تكلم ايش صار لابوك؟؟؟؟
سعود: مااااااااااااااااات
الهنوف سكتت يمكن ثلاث دقايق بس تسمع صوت بكى سعود,, وكانت مصدومه امس كان بالزواج مافيه شي ,, ايش صار ,, ماكانت تعرف شلون تعزي سعود
الهنوف: عظم الله اجرك
سعود رجع يبكي
الهنوف: سعود وينك راح اجيك؟؟
سعود: لا انا في المستشفى, اختي مشاعل تعبت بعد ماعرفت وماما حالتها صعبه ,, وعماني كلهم بالمستشفى
00000000000000000000000000000000000000000000000000 00000
في بيت ام فهده
فهده: ماما مره وحشتيني
ام فهده: ايه مره ,, لو انتس مشتاقه لي كان زرتيني قبل خالتس
فهده: يمه ايش اسوي اول شي احنا ساكنين عندهم,, وبعدين صعبه اقول لعبد المجيد ودني لاهلي وهو توه ماشاف اهله
ام فهده : يال***ه ,,, صيطري على رجلتس قبل مايصيطر عليتس
فهده : يمه الله يهديك ايش يصيطر علي واصيطر عليه احنا في حرب؟؟؟
ام فهده: خليتس يال***ه وراه ,, همن تقولين امي ماقالت ,, وتالي يطلقتس وتجين عندي واحلمي احدن يخطبتس مرتن ثانيه والله ان تمشطينها شيبه
فهده: يمه المفروض تعينيني على طاعه زوجي ,, مو تحرضيني عليه
ام فهده: اقول بس ايش جبتي لي هديه من ذا الديره الي رحتي لها ,, والا انشالله جايتني ويدتس فاضيه
فهده ابتسمت لامها: وانا اقدر ,, جبت لك ياماما نفس الي جبت لخالتي ,,, مو انتي تقولي اي شي تشتريه لخالتك اشرتي لك مثله
ام فهده: ايه بالله قلته , والله لايحللتس ان شريتي لها شي ولا شريتي لي
فهده: اوكي ماما انا جبت لك بكيني يجنن
ام فهده: وش كبينه ذا ؟؟؟
فهده: ههههههههههههه ماما بكيني مو كبينه ,,, ((وقربت من اذن امها تشرح لها البكيني الي جابته لها ))
ام فهده قبصت فهده قبصه خلتها تعلم ع يدها: وجعن يمحاتس محي يالبازعه ,, انا تجيبين لي هالخلاقين ,,, هاتيه بحطها خرقه نمسح بها المطبخ
فهده ماتت ضحك ع امها: ههههههههههههههههههه لا ماما امزح معاك
وفتحت الكيس وطلعت منها عقد ذهب متواضع ع قد حاله عبدالمجيد الماديه البسيطه
ام فهده: وووووووووووع الله يغربلتس ,, ماجبتي لي الا هالصغير ,, اكيد خالتس جايبين لها هالعقد الزين
فهده : والله يمه ان عقدك وعقد خالتي بنفس السعر((فهده في نفسها : من متى يمه يعجبك شي))
00000000000000000000000000000000000000000000000000 00000
مشاعل صحت لما حست بيد تمسح على شعرها
مشاعل في نفسها" اكيد هذي ساره,,, انا غلطت عليها ,, بس ماني قادره اصدق ان ابوي مات مستحيل"
ورجعت تبكي ,, وسكتت لما حست بالشخص الي كانت تتوقعه ساره,, قرب منها وحست بانفاسه قريبه منها وانصدمت لما باسها على جبينها وطلع
حست انها كانت تتوهم من اثر الابره المهدئه الي عطتها الممرضه,, وحاولت ما تشغل بالها بالتفكير
00000000000000000000000000000000000000000000000000 000000
كان اليوم الثاني لموت ابو مشاعل وصلوا عليه الضهر ,,, ودفنوه ,,, وصار العزاء في بيت ام مشعل لانها الكبيره ,, وكل الناس جو يعزو ,,, كان ابو مشاعل محبوب,,, حتى خالاتها الي ساكنين بجده والي ماتشوفهم الا نادر جو يعزوا
اما ساره صاحبتها ماخلتها من اول مات ابوها فيه
00000000000000000000000000000000000000000000000000

وبعد اسبوع على موت ابو مشاعل
مشاعل كانت تعبانه من الكلمات الي تسمعها عظم الله اجرك واحسن الله عزاكم و.. و..
كانت تبي تجلس لوحدها تبي تبكي وتبكي وتبكي لحد ماتشفى جروحها الي صارت اكبر من انها تتحملها ,,, مشكله بعد مشكله
اما ساره اثبتت لها انها صديقه وفيه ومخلصه ,, حتى بندر الي ماترك اخوانها من اول يوم مات فيه ابوها وكان في 3 ايام العزاء
يحظر كل يوم وكان يحاول يخفف على اخوانها باي طريقه,, وكان يرسل لهم الغداء والعشاء كل يوم ,,,
مشاعل اعجبت بشهامه هالولد ,, الي وقف معاهم وقفه رجال ,,, حتى ام ساره كانت تجي كل يوم من العصر وماتطلع الا 10 بالليل
اما فهده فكانت تجي وتزيد هموم مشاعل بدون ماتقصد والى ماعندها الى هالكلمه الي تعبت مشاعل من كثر ماتسمعها من فهده
فهده وهي تبكي: ياعيني عليك يامشاعل صرتي يتيمه لا ام ولا اب ,,, ايش هالمشاكل الي تجيك وراء بعض ((وترجع تبكي))
مشاعل تدري انها تقول هالكلام ببراءه وماتدري بهالكلام شلون يأثر على مشاعل
00000000000000000000000000000000000000000000000000 00000
مشاعل كانت في غرفتها تستعد للنوم,, لما دق موبايلها,,, وبما ان مشاعل ماتقدر تشوف الارقام
ابتكرت لها ساره طريقه سهله تقدر من خلالها مشاعل تعرف الرقم الي يدق عليها
وكانت طريقه ساره هي انها تخزن كل رقم عند مشاعل بنغمه مسجله بصوت مشاعل يعني لما تدق مها تكون النغمه بصوت مشاعل والي تقول فيها مها
وبهالطريقه يسهل ع مشاعل انها تعرف مين الي يتصل,,, وحتى يسهل عليها تدق ع الي تبي مجرد انها تذكر الاسم والموبايل اتوماتيكي يدق
استغربت مشاعل مين الي يدق عليها لان الرقم اكيد غريب لان موبايلها كان يدق عادي
مشاعل: الو
بندر: السلام عليكم
مشاعل: عليكم السلام,, مين معاي؟؟؟؟
بندر: معك بندر ,, مشغوله يامشاعل؟؟؟
مشاعل استغربت اتصال بندر و خافت ع ساره : لا انا مو مسغوله ,, بس فيه شي ؟؟؟ ساره فيها شي؟؟؟
بندر: لا ساره بخير ,,, انا اسف اذا ازعجتك ,, بس حبيت اتطمن عليك
مشاعل انحرجت : تسلم
بندر: مشاعل الضروف ماكانت تسمح اني اعزيك ,,, جد مدري ايش اقول لك ,, بس الكلمات ماتعبر لك عن حزني على الي صار
مشاعل حاولت تكتم عبرتها الي خنقتها : تسلم
بندر حاول يرطب الجو: للحين تسلم ماغيرتي؟؟؟
مشاعل ماقدرت تمسك نفسها وبكت تذكرت ابوها ,, الي مانسته ولا دقيقه
بندر: خلاص مشاعل انا اسف ,, الله يخليك لاتبكي علشان خاطري
حاولت تسكت ماقدرت
بندر: طيب علشان خاطر ساره ,, مشاعل الله يخليك انا داق اخفف عليك مو اضايقك
مشاعل حاولت تمسك نفسها ,, حست انه عيب تبكي وهو معاها ع الخط ,,, لان مابينهم شي
مشاعل بصوت مخنوق: شكرا يابندر ع كل شي سويته لي ولاخواني ,, شكرا ع وقفتك معانا انت وساره وخالتي
بندر: لاتشكريني ,, هذا واجبي,, واذا ماوقفت معاكم مين راح يوقف معاكم
مشاعل: تسلم
وضحكت غصب عنها لما قالت تسلم
بندر يبتسم: تصدقين صرت احب كلمه تسلم لانها خلتك تضحكي
مشاعل: جد بندر اشكرك من كل قلبي
بندر: لاتشكرني انا ماسويت شي
مشاعل سكتت تنتظره يقفل,, وشكل بندر فهمها
بندر: اوكي مشاعل اخليك الحين ترتاحي ,,, بس توعديني انك ماتبكي
مشاعل: انشالله
مشاعل ارتاحت شوي من بعد مكالمه بندر ,, فيه الخير واقف معاهم ,,, وحتى مانام قبل يتطمن عليها
وبعد شهر من موت ابو مشاعل
في بيت مشاعل
ساره: ميشو حبيبتي الدراسه باقي عليها اقل من شهر ايش رايك تحذفي الترم هذا لما ربك يحلها
مشاعل: وليش احذف الترم وانا ماراح ادرس خلاص
ساره : ليش انشالله ماراح تدرسي اذا قصدك على شان نظرك ,, انتي انشالله راح تسوي العمليه , وراح تنجح انشالله
مشاعل : ساره انتي عارفه ان ابوي الله يرحمه كان حاجز لي عند الدكتور علشان العمليه بس بعد مامات كيف راح اسويها ,, صدقيني الحين مايهمني ,,, اغلى انسان مات ,, ليش اسويها؟؟؟
ساره: الله يرحم ابوك يامشاعل ماقلت شي ,, بس هو لو انه عايش مارضى انك تتركي نفسك كذا
مشاعل: سارونه فيه حاجه ماقلت لك عليها تخص ابوي وتخصنا
ساره :ايش هي؟؟
مشاعل: انتي عارفه ان ابوي توفى بسبب نوبه قلبيه
ساره: ايه الله يرحمه
مشاعل: كان سببها الفلوس
ساره مستغربه: الفلوس؟؟؟؟
مشاعل: ايه ,, بابا كان حاط كل فلوسنا بالاسهم,, ولما نزلت الاسهم مثل مانتي عارفه خسر اكثر من 90 بالميه من فلوسه,,, وبابا ماقدر يتحمل ,,, خاصه ان الشركه كان عليها ديون كبيره وكان معتمد على الله ثم على الفلوس الي راح ي**بها من الاسهم ,,, والحين بعد ماتوفى بابا اخواني مشعل وسعود,, يحاولوا انهم يغطوا الديون والخساير ,,, حتى الفلوس الي نملكها ماتكفي تسدد الديون كلها ,, تبيني اجي واقول لاخواني اني ابي اسوي عمليه
ساره: الله يعينكم ,, طيب ميشو تذكري الدكتور الي يعرفه بندر ,, خليني اساله يمكن يكون هنا,, خليه على الاقل يشوفك
مشاعل: لو سمحتي انا مابي اتعب بندر معاي ولا ابي اتعب اي شخص ثاني معاي ,, انا راضيه باللي ربي كتب لي
ساره: ميشو لاتصيري عنيده
مشاعل: لو سمحتي ساره قفلي ع الموضوع,, اما بالنسبه للجامعه انا ماراح احذف الترم هذا لاني ببساطه راح اترك الجامعه
ساره تعبت من مشاعل ونزلوا تحت عند ام مشعل ولي من بعد ما مات ابو مشعل وهي حزينه
ام مشعل: حبيبتي مشاعل خلي الخدامه تسوي لك شي تاكليه انتي وساره
((من بعد ماكان عندهم خدامات ,, اكتفوا بخدامه وحده علشان يوفروا شوي ,, ويقدروا يسددوا الديون))
مشاعل: اوكي ياخالتي انا مستعده اكل بس بشرط
ام مشعل: ايش هو؟؟؟
مشاعل: انك تاكلي معانا
ام مشعل: والله ياحبيبتي مااشتهي,, كلوا انتم بالعافيه
مشاعل :اوكي خالتي انا ميته جوع بس ماراح اكل لما تاكلي
ساره :يله خالتي حتى انا ميته جوع,,,, لاتحرمينا من الاكل ,, كلي معانا
مشاعل: ايه انا ماتنفتح نفسي ع الاكل الي وانتي تاكلي معاي
ساره: وانا يعني مافتح نفسك؟؟؟
مشاعل: لا انتي المقبلات ,, بس خالتي الوجبه الرئيسيه
ساره وام مشعل: ههههههههههههههههه
كانت ام مشعل نادر ماتضحك ,, مو قادره تنسى الي صار
اما ساره فهي سوت معجزه لانها ماسافرت هالصيف علشان توقف مع صاحبتها مشاعل

ام عبدالمجيد: اقول فهده ايش في وجهك اصفر ,,, حالتك مو عاجبتني هاليومين
فهده: والله ياخالتي مدري ايش فيني لي اسبوع حاسه اني تعبانه ,,, واحس معدتي ثقيله كاني ماكله خروف
ام عبدالمجيد: هههههههههه خروف عاد,, اقول فهده رحتي للدكتور؟؟؟
فهده: لا ياخالتي ,, انشالله خير,,, شويه تعب وانشالله راح اطيب
ام عبدالمجيد: اليوم انشالله راح اوديك انا وعبدالمجيد
دخل عبدالمجيد
عبدالمجيد: لايمه انا ماراح اوديها لاي مكان خليها تنطق بالبيت
ام عبدالمجيد استغربت هجوم ولدها ع فهده: سلم اول,, وبعدين عيب عليك ذي حرمتك
فهده لما دخل عبدالمجيد كشرت((مدت بوزها)) وطلعت فوق
عبدالمجيد: شفتي يمه ايش تسوي من اول ماتشوفني تطلع فوق ,, ومستحيل تجلس جنبي,, حتى النوم يمه تنام لوحدها ,, تقول مابي انام جنبك
ام عبدالمجيد استغربت: ليش ياوليدي انت مزعلها , مالكم الا شهرين معقوله لحقتوا تزعلوا
عبدالمجيد ببراءه: والله يمه مازعلتها بس هي تقول اني كرهتك وماعاد اطيقك,, وريحتك تقرفني ,,, يمه بذمتك عمرك شميتي فيني ريحه شينه
ام عبدالمجيد ماتت ضحك: ايه ياوليدي احيانا تجي ريحتك عرق هههههههههههه
عبدالمجيد : حرام عليك يمه توني شاري دهن عود ب3000 كله علشانها ,, وللحين تقول ريحتك شينه
ام عبدالمجيد فرحت: يال*** هذا الوحم
عبدالمجيد: الوحم؟؟؟
ام عبدالمجيد: اكيد ان فهده حامل , علشان كذا هي كارهتك,, لان بعض الحريم وحمها يكون كايد ,,, وبعضهم تكره رجلها
عبدالمجيد فرح: الله يبشرك بالخير يمه ,, ترى جتني حساسيه من كثر مافرك جسمي بالليفه,,, صرت امشي واشم ,, الي يشوفني يقول هذا يشم هروين
ام عبدالمجيد: خلنا اليوم نوديها نتاكد
عبدالمجيد: والله يمه لو طلع كلامك صدق وان ولي العهد بيشرف ,, والله لاشتري لك حلاوه
ام عبدالمجيد: حلاوه بعينك ,, المفروض تقول هذي امي اشتري لها ذهب مو حلاوه
عبدالمجيد: يمه انا اقصد حلاوه الي تسموها شمع علشان تدلعي عند ابوي وتلبسي قصير
ام عبدالمجيد صار وجهها احمر وحطت يدها ع فمها تحفي ابتسامتها: ياوليدي كبرت ع هالحركات
عبدالمجيد: الا انتي كل الحركات ياحركه انتي
00000000000000000000000000000000000000000000000000
في بيت مشعل كان مشعل ونجود جالسين
مشعل دق موبايله
مشعل: هلا والله بندر
بندر: هلا بالقاطع
مشعل: اهلين ومرحبتين واحد كاش وواحد دين,, واحد على الراس وواحد على العين
بندر: هههههههههه مشالله صاير شاعر
مشعل: هذا من تاثير الاشرطه الي نسمعها هههههههههههه
بندر: ههههههههههه,, اقول مشعل بغيتك بسالفه اذا فاضي اليوم ودي امرك
مشعل: حياك
بندر: امرك ببيت الوالد الله يرحمه والا ببيتك؟؟؟
مشعل: الي يريحك
بندر: اجل خلني امرك ببيت الوالد لان ودي سعود يكون موجود
مشعل استغرب ايش السالفه : حياك ننتظرك بعد صلاه المغرب
بندر: انشالله على خير
مشعل: فمان الله
بندر: فمان الكريم
مشعل بعد ماقفل:غريبه يانجود هذا بندر ,,, داق يبيني بموضوع الله يستر
نجود عادي يمكن يبي يسلم
مشعل:ماظن قال ابيك بسالفه وابي سعود يكون موجود
نجود:عادي حبيبي يمكن زياره عاديه
مشعل:لا ماظن يانجود
نجود:انشالله مافيه الا الخير انت لاتفكر بس
مشعل:راح ادق على سعود لايرتبط باحد
مشعل دق على سعود
مشعل: سعود ايش عندك اليوم؟؟
سعود: ولا شي,,, من شوي كلمني بندر يقول بيجي بعد المغرب
مشعل:ايه دق علي انا بعد ,, الله يستر ماقال لك ايش يبي
سعود: ياشيخ الرجال مايجي منه الا كل خير,,,, وعلى قوله المثل ياخبر الضهر بفلوس المغرب يبأأ ببلاش ,,, ويقول المثل الميه تكذب الغطاس ,,, ويقول بعد الي مايشتري يتفرج,,, ويقول المثل بعد خذ حبه واحصل على ثلاث مجانا ويقول بعــ..
قاطعه مشعل: بس بس وقف ازعجتني انت وامثالك المعفنه ,, اقول ماتدري عن ميشو اذا عندها خبر بالموضوع
سعود: ودي اعرف ليش مشغل نفسك؟؟تلقاه جاي يسلم ,, المهم ترى ابو سليمان ازعجني يبي فلوسه
مشعل:تبيني اسرق يعني؟؟؟
سعود:لا ماقلت نسرق بس ع الاقل خلنا نكلم عمي يمكن يسلفنا
مشعل:عمي عارف بوضعنا المادي الحين ,, ولو عنده نيه يساعدنا كان ساعدنا ,,, مانبي ياسعود نذل نفسنا لاحد
سعود: اذا انشالله صارت اخرتي انا وياك بالسجن خل كرامتك تنفعك
مشعل: فالك ماقبلناه,, انشالله ماتوصل لهدرجه ,,, المهم لاتطلع ترى الرجال راح يجي
وقفل مشعل من سعود
نجود: حبيبي ايش صار بموضوع بيتنا؟؟
مشعل: والله مدري ايش اقول لك يانجود
نجود: قول انك موافق نبيعه
مشعل: اذا كان هالشي يسعدك انا موافق
نجود: اوكي اجل بكره راح اجهز اغراضنا علشان نروح بيت خالتي
مشعل: بهالسرعه؟؟؟
نجود: ايه خلنا نطلع بسرعه علشان تلحق تلقى مشتري للبيت
00000000000000000000000000000000000000000000000000 0000
ام فهده: هاه صويلح ماتبي تعرس اخطب لك؟؟
صالح: لايمه ,, ايش ابي بالعرس ,, اجيب حرمه تغثني؟؟؟
ام فهده: ياحبيبي هذي سنه الحياه ,, وبعدين منهي هالحرمه الي راح تغثك وانا موجوده والله لعلمها السنع
صالح: ايه يمه اذا انتي راح تربيها ,, انا مستعد اتزوج
ام فهده: ولا يهمك ياوليدي ,,, انت اعرس وانا اربيها لك اخليها تمشي ع العجين ماتلخبطه
صالح: اجل يمه اخطبي لي ذيك المزيونه صديقت فهده
ام فهده: من قصدك مشاعل؟؟؟
صالح: مدري ايش اسمها يمه
ام فهده: لا ايش نبي بها ,, ماتشوف عمياء ياوليدي ,, ابي لك وحدتن تشوف
صالح انصدم: عمياء؟؟؟؟بس انا شايفها تمشي وتشوف طريقها , ,لما رحتي انتي وفهده لبيت صديقتها
ام فهده تتذكر: ايه قصدك ساره
صالح: يمه مدري ايش اسمها
ام فهده : ايه ياوليدي هذي بنيه زوينه,, اجل بدق ع فهده تعطيني رقم امها ,, واخطبها لك
صالح: ايه يمه تكفين ترى البنت حلوه مره,, بس يمه ابيك تربيها زين لان شكلها ماتربت
ام فهده: ايه لسانها طويل يبي له قص,, بس انت اصبر لما توافق ,, واتركها لي
صالح: كفو

في مجلس بيت ابو مشعل
مشعل: حيا الله بندر
بندر: الله يحييك,,, وانا اعتذر منكم ان كنت عطلتكم عن اشغالكم
مشعل: لا وش دعوى البيت بيتك
بندر: الله يطول بعمرك ,,, بصراحه الموضوع الي جاي اكلمكم فيه يخص مشاعل
سعود مستغرب: مشاعل
بندر: ايه,,, طبعا انا عرفت بالصدفه من اختي ان مشاعل ماتشوف من اثر حادث وان الدكتور قال لكم ان عمليتها نسبه نجاحها جدا ضئيله
مشعل: صح
بندر: وانا بصراحه اعتذر منكم اني تجرات واخذت تقرير الدكتور وعرضته على دكتور خبير بالمانيا ,,, والحمدلله طمني ان العمليه باذن الله سهله ,,, وبصراحه انا عز علي بنت بهالسن لها امل بعمليه وماتسويها وحبيت اساعد اذا هالشي مايضايقكم
سعود ومشعل انصدموا باهتمام بندر بمشاعل
بندر خاف انهم يرفضوا علشان الاوضاع الماليه وحب يفهمهم ان العلاج راح يكون مجانا
بندر: عموما الرجال ينتظر مني اتصال ,,, لان علاج مشاعل راح يكون ع المستشفى ,, وراح يتكفلوا بكل شي من دخولها للمستشفى لما تطلع
مشعل: بصراحه مدري ايش اقول لك انت فاجئتنا
سعود: يابندر والله انك من اصل طيب,,, انت ماتركتنا من وفاه ابوي ,,, والحين جاي تساعد مشاعل,,, بصراحه احترنا كيف نشكرك
بندر: اذا تبو تشكروني ,, وافقوا انتم وبعدين اقنعوا مشاعل تقبل((كان يبي يوهمهم ان مشاعل ماتدري علشان مايشكوا ان بينهم شي))
مشعل: والله احنا منيتنا ان مشاعل ترجع تشوف ,, بس انا خايف اننا اول شي نتعبك ونكلف عليك,,, واخاف مع هذا مشاعل تسوي العمليه وماتنجح وبعدين تتعب نفسيتها
بندر: من ناحيتي انا لاتخافوا علي ,, انا ماراح ادفع شي من جيبي ,, وانتم كمان ماراح تدفعوا شي ,,, يعني ليش مانخاطر,, اما مشاعل انشالله راح تنجح العمليه ,, وحتى لو مانجحت لاسمح الله مع ان هالشي مو وارد,, بس ع الاقل نكون حاولنا ,, والا انتم يرضيكم حالها ووضعها كذا؟؟
مشعل: لا اكيد مايرضينا,, بس انت فاجئتنا يابندر
بندر: ادري والله بس انا ماقدرت انتظر خاصه ان الفرصه جتني ,, قلت اقول لكم,,وعموما انتم فكروا وبلغوني اذا مشاعل وافقت من بعد اذنك طبعا
00000000000000000000000000000000000000000000000000 000000
مشاعل كانت في غرفتها ميته خوف ,, خافت اخوانها يشكوا فيها
دق موبايلها وكانت نغمه بندر
مشاعل: الو
بندر: هلا ميشو
مشاعل: طلعت؟؟؟
بندر: ايه الحين طلعت ,, بس اسمعي مثل ماوصيتك ,, كانك ماتعرفي شي اوكي
مشاعل: اوكي بس بندر انا مره خايفه ,, اخاف يشكوا فيني واخاف مايوافقوا
بندر: مستحيل مايوافقوا لاني حسيت انهم فرحوا بهالخبر
مشاعل : انشالله
سكتت لما سمعت صوت ع الباب
مشاعل بهمس: بندر بعدين اكلمك اخواني عندي
وقفلت
مشاعل: ادخل
مشعل وسعود: السلام عليكم
مشاعل: عليكم السلام
سعود: ممكن ياقمر ننشب لك شوي؟؟
مشاعل: ههههههه تنشبوا لي
سعود: ايه نبي نسولف معاك شوي
مشاعل: اكيد بدون ماتستاذنوا
مشعل: ميشو ايش رايك بسفره حلوه لالمانيا؟؟؟
مشاعل كانت ودها تنفجر من الضحك ع اخوانها الي يحسبوها ماتدري عن شي
مشاعل: لا مابي
وطبعا كان سعود ومشعل يحاولوا يقنعوها تسافر ,, وبعد ساعه من الاقناع اقتنعت مشاعل,,, وقرروا انهم يبلغوا بندر عن رايهم,,, وقرروا بعد ان سعود هو الي راح يروح مع مشاعل,, لان مشعل اول شي صعبه يروح ويترك زوجته ,, وثانيا الشركه ومشاكلها سعود مايقدر يتحملها
00000000000000000000000000000000000000000000000000 00000
فهده تكلم امها: هلا ماما كيفك وكيف صالح؟؟؟
ام فهده: بخير جعلتس بخير,,, وصالح يسلم عليتس سلام كثير
فهده استغربت حنيه صالح : الله يسلمه
ام فهده: ماتقولين اجي ازور امي ,, ولا اسير عليها
فهده: لا يمه انا كنت راح اجيكم انشالله اليوم ,, خاصه وان عندي خبر حلو
ام فهده: وش هالخبر الزين رجلتس شرى لتس بيت,, والى كتب لتس شين باسمتس؟؟؟
فهده: لا يمه شي احلى واكبر
ام فهده شهقت: شرى لتس قصر؟؟؟؟؟
فهده: يمه اكبر معنويا مو ماديا
ام فهده: وش تقولين انتي ,,, انتي من يوم خذتي هالرجل وانا ماعرف حتسيتس
فهده: يمه خليها مفاجاءه لما اجيكم اليوم انشالله
ام فهده بطفش: ايه طيب بس لاتبطين ,, تراني ابيتس بموضوع
فهده خافت: يمه ايش فيه؟؟؟
ام فهده: ابد يابنيتي ,,, اخوتس يبي يخطب
فهده فرحت: من جد ماما الف مبروك
ام فهده: انا قلت بيخطب ماقلت تزوج
فهده بنفسها الله يعين الي بتاخذه: طيب ماما انشالله ماراح اطول
000000000000000000
ام مشعل : انشالله ترجعي من السفر بالسلامه , وانشالله ترجعي تشوفي احسن من اول
مشاعل فرحانه: انشالله ماما
الكل انصدم مشعل وسعود وام مشعل حتى مشاعل نفسها انصدمت ,,اول مره تتجرء وتقول لاحد ماما بعد ما امها ماتت
يمكن الفرحه لخبطتها,, انحرجت وطلعت غرفتها,, وهي بنص الدرج سمعت ام مشعل تبكي,, ونزلت لها مره ثانيه
مشاعل: خالتي ايش فيك تبكي؟؟
ام مشعل تبكي: اول مره اسمع منك هالكلمه ,,, جعلك سعيده بالدنيا والاخره يابنيتي,, كنت اتمنى هالكلمه من زمان تطلع منك,, وانا استحيت اطلبك تقوليها ,,, لاني حسيت ان مافيه احد يحل مكان امك,, مع اني والله احبك ,, ولو عندي بنت ماحبيتها كثر ماحبك
مشاعل بكت من كلام ام مشعل: يشرفني ياخالتي انك تكوني ماما
سعود كان فرحان بتطور الامور ,, حس ع الاقل ان الامور بدت تتحسن
اما مشعل كانت دمعه من عينه تاخذ طريقها لخده ,, تاثر بالموقف ,,, وتاثر بالحب الي بين امه ومشاعل,, اول مره يشوفهم متاثرين لهدرجه
ام مشعل: الله عوضني بفقده ابو مشعل ,, بهالكلمه يامشاعل, لاتحرميني منها الله لايحرمك الجنه
مشاعل بكت من قلبها,, ماكانت تتوقع اثر هالكلمه كبير لهدرجه
مشاعل: صدقيني محد يهون علي موت بابا ويخفف علي احزاني الى انتي يا .. ماما
ام مشعل ضمت مشاعل بقوه وبكو الثنتين
هنا دخلت ام سلطان
ام سلطان: ياحرميه ,,, رجعوا لي فلوس عيالي
مشعل: اي فلوس ؟؟؟ايش تتكلمي عنه
مشاعل: مشعل لا تكلم هالاشكال,, وبعدين انا قلت لك روحي للمحاكم لان مالك شي عندنا
سعود: اي محاكم واي فلوس ايش القصه
ام سلطان: ماتدري ايش فيه ,,, سارقين فلوسي وتقولوا ايش صاير,,, ابي ورثي وورث عيالي الحين
مشعل عصب منها: ام سلطان تدلي الباب والى ادلعك,, وياليت اخواني يجوا عندنا لاننا راح نقدر ناكلهم ونشربهم,, اما انتي اطلعي برا وتدبري شؤنك برا بيتنا
ام مشعل: مشعل عيب عليك
مشعل: ماتسمعي ايش تقول؟؟؟؟
ام مشعل: عيب عليك ياام سلطان انتي حرمه كبيره والمفروض تكبري عقلك ,,, انتي عارفه ان ابو مشعل خسر كل فلوسه من وين نجيب لك الورث,, وبعدين المحامي راح يبين لكل واحد الي له والي عليه,, ومو معقوله احنا بس المسؤلين عن دفع ديون الشركه ,,, المفروض انتي بعد تدفعي معانا
ام سلطان : طيب انا اوريكم
وطلعت معصبه ودخلت بيتها وسكرت الباب
سلطان: ماما ايش فيك معصبه؟؟؟؟
ام سلطان: انقلع عن وجهي
فهد: ماما ابي اروح صاله التزلج مع اصحابي
ام سلطان: روح وانا ايش دخلني
فهد: ماما ابي فلوس ما معاي
ام سلطان: روح قول لاخوانك يعطوك انا ماعندي شي
قفلت ع نفسها غرفتها وطالعت نفسها بالمرايه
ام سلطان: ااااااااه يالقهر ,,, هالشايب مالقى يموت الا الحين,, كنت ناويه اسافر اسوي لي كم عمليه تجميل,, لازم اسوي شد لوجهي احسه بدا يترهل,, ولازم اسوي شفط دهون لبطني ,, من بعد ماجبت هالفيصلوه كبر بطني
يا الله قهر ,, ليته صبر شهر,, انا لازم ارفع عليهم قضيه,, بس من وين اجيب حق المحامي,, واهلي مافيه امل يعطوني ولا ريال حتى
00000000000000000000000000000000000000000000000000 00000
ام ساره : حبيبتي ساره
ساره: هلا ماما
ام ساره: اتصلت علي ام مازن تعرفيها ؟؟؟ جارت خالتك هيا
ساره: ايه ماما اتذكر شفتها ببيت خالتي
ام ساره: ايه حبيبتي متصله تخطبك لولد اختها
ساره: الله يمه,,, ولد اختها يابوي حك ظهري
ام ساره: ههههههههههههه ,,, ولد اختها ايش الي يابوي حك ضهري
ساره: طيب ماما ايش قلتي لهم
ام ساره: قلت لهم بسال البنت وبسال ابوها وارد لكم
ساره: ايه ماما خلي بابا وبندر يسالوا عنه ترى انا مابي لحط
ام ساره: وايش لحط هذي؟؟؟
ساره: يعني قراوى ,,, انا ابي ناس اول شي كاش واهلهم لبيسين ,, مابيهم يفشلوني عند الي اعرفهم اذا قالوا هذولا اهل زوجك
ام ساره: اما انك غريبه ايش دخلك باهله ,, اهم شي الولد
ساره: اووووووه يمه ,, انا ماراح تزوج ع كيفكم انا راح اتزوج الي انا ابيه
ام ساره: يعني ايش اقول لهم يجوا او لا
ساره: يجوا وين
ام ساره: امه واخته يبوا يجوا يشوفوك ,, تدرين ماعمرهم شافوك ,, يسمعون بك من خالتهم ,, وودهم يجوا يشوفوك
ساره تفكر: تدرين ماما خليهم يجوا ,, خليني اشوفهم بعيني واذا اهله قراوى ومايعرفو يلبسوا وحسيت ان حالتهم الماديه مو ذاك الزود ,,, اطردهم قبل لايخطبني
ام ساره: ايش هالثقه ,, يمكن هم الي مايبوك
ساره: بدري عليهم,, المهم ماما اتصلي عليهم وقولي لهم
ام ساره: مو قبل مانسال ابوك

بندر: هاه ميشو كيف الاوضاع ببيتكم ,,, كل شي تمام ,, اخوانك وافقوا
مشاعل : الحين اي سؤال تبيني اجاوب عليه؟؟؟
بندر: كلهم ههههههههههههههههههههه
مشاعل وهي تضحك : انشالله السؤال الاول الاوضاع ببيتنا تمام ,,, واذا على اخواني تخيل جلسوا ساعه يترجوا فيني اوافق اسافر
بندر وكانه يترجاها : ههههههههههههههههه,, بليز وافقي ميشو
مشاعل تسوي نفسها تتغلي : اممممم لا ههههههههههههههههه
بندر : ميشو ترى خلاص موعد سفرتك انشالله بعد اسبوعين ,,, اتفقنا حبيبتي
حبيبتي؟؟؟؟؟؟؟؟؟؟ تفاجات مشاعل من هالكلمه الي قالها بندر ,, صح انها هالايام تكلمه بشكل يومي ,, وصح اهتمامه فيها باين ,, بس اول مره تسمعه يقول حبيبتي
وفي الطرف الثاني بندر ماكان اقل صدمه من مشاعل ,, والي حاول يمسك هالكلمه اكثر من مره ,, بس اظن شفايفه خانته وماقدر يكتم مشاعره,, حبه لمشاعل كل يوم يكبر ,, وكان حريص مايبين لها كبر حبها بقلبه ,, خاف ترفضه وهو مايقدر يستحمل فراقها او زعلها عليه,,, بس اظاهر مشاعره اكبر من انه يكتمها بقلبه الي صار هاجس مشاعل مايفارقه ,,,كان يحلم فيها ,,, واحلامه ماكانت بالنوم بس,, بندر صار مهووس بمشاعل,, حتى وهو صاحي يحلم فيها
بندر انحرج: مشاعل اكلمك بعدين
مشاعل: اوكي باي
بندر: باي
مشاعل حست بالاحراج الي حس فيه بندر,,, كانت تخاف من هالكلمه من بعد طلال,, لكن مع بندر ع الاقل تحس بامان ,, كان صادق معاها وكان حبه واضح حتى وهو يخفيه,, معاه ماتخاف لامن مشاعرها ولا من المستقبل,,, استسلمت لمشاعرها ,,, وقررت انها تعطي نفسها فرصه تفرح,, تعيش تجربه ثانيه مع بندر,, الي انشالله تكون افضل من تجربتها مع طلال
اعجبت بقدره بندر الكبيره على سيطرته على افكارها ,, حتى ان طلال نست موضوعه ,, ونست ان مر عليها واحد اسمه طلال
00000000000000000000000000000000000000000000000000 000000
بندر من بعد ماقفل من مشاعل راح ع طول لغرفه ساره
بندر: سارونه نايمه؟؟؟
ساره:لا تعال جالسه اقراء
بندر: حركات يالمثقفه ايش تقرين؟؟؟
ساره: اقرا كتاب كيف تقول لا
بندر: لا الله يخليك الا هالكتاب
ساره: ليش؟؟
بندر: لاني ودي اقول لك شي واخاف تكونين استفدتي من هالكتاب وتقولي لي لا
ساره:هههههههههههه,, لا مكتوب بالكتاب اني اطبق كل شي اقراه الا على بندر
بندر: هههههههههههههههه,, طيب يادبا ابيك بكلمه راس
ساره تلتفت تدور احد
ساره: من متى انت تحظر جن؟؟؟؟
بندر: جن؟؟؟
ساره: ايه لاني ماشوف الا انا وانت كيف تقول كلمه راس,, الا كانك تشوف ناس انا ماشوفهم
بندر: هههههههههه ,, ايه الحين قدامي شايب منجن عليك
ساره خافت: لاااااا بندر ترى ماحب هالكلام لاتخوفني
بندر: طيب المهم ابيك بوضوع جدي
ساره: امر
بندر: شرايك فيني؟؟؟
ساره تضحك: بسم الله عليك انت ابد مو طبيعي اليوم
بندر: اسمعي انا عارف انك تحبي مشاعل مره وادري انها اغلى صاحبه عندك,,, وانا ياسارونه ودي .....
ساره تضحك: ودي بايش؟؟؟ تخطبها مثلا
بندر يبتسم: ايه اذا هالشي مايضايقك طال عمرك
ساره : والله احلى يوم بحياتي الي اشوفك مع ميشو ,, والله انكم لايقين ع بعض,, الا تعال ماقلت لها؟؟؟
بندر ارتبك: وانا متى كلمتها علشان اقول لها
ساره تغمز له: علينا ,, المهم ماعليك انا بكره اكلمها
بندر: بس سارونه ابيك ماتضغطي عليها,, ابيها تاخذ راحتها بالتفكير ,, وحتى لو كان جوابها الرفض ابيها تتاكد ان مافيه شي راح يتغير لا بينكم ,, ولا بيني وبين اخوانها ,, وموضوع العمليه منفصل تماما عن موضوع الخطبه
ساره: طيب ياتماما انت,,,طيب ليش ماتاجل الموضوع لحد ماترجع انشالله من العمليه
بندر: مااقدر لسببين
ساره: ايش هم؟؟؟
بندر: ماودي تظن اني مافكرت اخطبها الا بعد ما يرجع نظرها انا ياسارونه ابيها بكل عيوبها وحسناتها,,, والسبب الثاني مابي اتركها لوحدها هناك ولاابي اكون معاها بصفتي اخو صاحبتها , ابي اكون خطيبها
ساره : ااااااااااااه يابندر
بندر: ايش فيك؟؟؟؟
ساره حطت يدها ع خدها وطالعت بندر وابتسمت: ياحلو الحب
بندر ظربها بالمخده وطلع
000000000000000000000000000000000000000
مشاعل كانت تنتظر بندر يدق ,, ,استغربت انه اول مره من بعد ماتوفى ابوها يخليها يوم بدون ماتسمع صوته,,, حست بشوق له ,,, كانت ترتاح معاه,, وترتاح لصوته وكلامه الحنون,, وخوفه عليها ,,, في بعض الاوقات كان يذكرها بطلال وبحنيه طلال المزيفه لها ,,, كان طلال طول الوقت يخدعها , اما بندر كان صادق
حاولت تستجمع كل ذكرياتها وكل حاظرها وترتب حياتها لمستقبل جديد غامض
فكرت بعرض بندر الزواج منها ,, بدايه خافت من الفكره وحست انه شعور طبيعي لكل بنت قبل الزواج
سالت نفسها سؤال ايش معنى انها تكون خطيبه بندر, معنى هذا انها في المستقبل راح يكون زوجها وهذا معناه انها راح تشاركه حياتها بكل تفاصيلها ,, حست برعب يقتلها,, اكيد هي ترتاح لبندر وتحس بصدقه وحبه لها ,, لكن مستحيل تقدر تشاركه حياتها ,,, حست بحنين يقتلها وحست بالم في قلبها لما تذكرت طلال ,, كانت دايما تحلم انه يكون زوجها ,, ماتخيلت نفسها تكون لواحد غيره ,,, مستحيل تشارك حياتها مع غير طلال
حست انها انخلقت له وهو انخلق لها ,,, بس بالمقابل ايش قدم لها طلال ,,, ماقدم لها الا ذكريات او ان جاز التعبير ذكريات مؤلمه,, كل ماتملك يذكرها بطلال هو عماها ,, وقلبها المجروح,, وخوفها من المستقبل,,
خافت ماتقدر تستمر مع بندر لان هاجس طلال يقتلها ,, وخافت يضيع منها بندر وتكتشف بعدين انه هو الشخص المناسب لها
ايش تنتظر من طلال ,, يقتلها علشان ترتاح ,,, طلال تركها ولافكر يسال عنها,,وهو كان عارف الحب الي تحمله بقلبها له ,, مع كذا تركها بدون مايودعها,,, لكن بندر طول الوقت كان معاها ,, ويقدم لها دعمه باي وقت,,, يسمع هموما وشكواها ,, قريب منها ,,, يخاف عليها
تذكرت خوف طلال المزيف لها ,, الفرق كبير وواضح بين صدق بندر وكذب طلال ,,, كل شي واضح قدامها ومايبي له خبير ,, اما انها تعيش ع ذكرى طلال والا تعيش مع بندر الي متاكده انها يحبها
حست بقهر لانها للحين مانست طلال ,, والي من فتره قريبه كانت متاكده انه صار هامش بحياتها ,, بس بمجرد ماانفتح معاها موضوع الزواج ,, رجعت تحن له
تعبت من التفكير وقررت انها تستخير الله ,, والي الله كاتبه لها راح يصير
في اليوم الثاني,,, فهده كانت عند امها
ام فهده : وع مالت عليك حامل ,, كان يال***ه صبرتي ,, يمكن يطلقتس وتجرجرين وراتس هالعيال
فهده: يمه ايش هذا فال الله ولافالك,, حرام عليك المفروض تفرحين لي
ام فهده : ايه بس المهم ابي رقم ام ساره صديقتس
فهده مستغربه: ليش ياماما
ام فهده: ودي اخطبها لصالح
فهده انصعقت: يمه صاير لعقولكم شي,, ايش جاب ساره لولدك
ام فهده :تف عليها حامضه وهي تطول ولدي
فهده: لا ماتطوله, ترى يمه ساره مخطوبه
ام فهده: هوو,, ومتى انخطبت
فهده تكذب ع امها ع شان تصرف نظر عن هالموضوع: من شهر
ام فهده: مالت عليها, هي الخسرانه
فهده تجاري امها: صادقه هي الخسرانه
ام فهده: اجل نبيك تدوري لنا بنت زوينه نخطبها لاخوتس
فهده: انا مالي شغل فيكم ,, اخطبي له انتي
ام فهده: وهو مو اخوتس ياوسيعه الوجه