12-07-2010
|
#21
|
المدعو : إرهابي ..!!!
خطاك السو .. يابيتي الكبير .. وموطن الأحباب
فداك العمر .. ياآخر مداي ... / وضحكة أحبابي
دخيلك ! كم بكى مسلم .. وغصت بالدموع اهداب !
دخيلك .. كم ضحك .. حاسد حقير .. لجرم إرهابي
تشوف الناس / بعيوني غلاك ../ ولهفة الإعجاب
واشوف الناس / واتأمل غلاهم ! / وانثر اعجابي
واسولف عنك للغيمة / تساقط لي رطب .. واعناب !
واغني فيك ... تتباهى بيوت الشعر ...... بكتابي
واسولف فيك يتغنى السحاب ...... وتنتثر أطياب
وأشكي للولي باسك .. يأن بحزن ! .. محرابي !
مدام لربنا تسجد ..... جباه وتنحني ..../ أرقاب !؟
أجل حييت ! ياوجه المنايا ! ... واحسب احسابي !
أحبك ياوطن / حاجه .. معاها .. تنتفي الاسباب
لأنك ياوطن ..... بيتي / حياتي / أهلي / أصحابي
إجنودك لادعى الداعي .. ونادى : ياأولو الألباب !
نجي لك صيحة ! يسمع صداها .. اخر اعرابي !
وإذا هي وصلت يعني ......اعناد وفتل للأشناب !؟
ورب البيت .. مايمدي .. حديهم يلمس ... ترابي !
فديتك بس لاتزعل ! ... ولاتغضب ! ... ولاترتاب
فديتك والذي .. سكن غلاك ... ف سجن أهدابي !
مدام إنا على سنة محمد .. وف يدينا ... / كتاب
برئ الدين .. من فعلة يدين ... المدعو : إرهابي !
|
|
|
|
|
12-07-2010
|
#22
|
رسالة إلى سعاد ...
مادريتي شنهو صار ..؟
أنبنى فيني
إنكسار !
والنتيجة : لاجديد
طفل ( آيل ) لإنهيار !
علميني الصبح .. وينه ؟
علميني الحب .. وين ؟
وليه لاشفتك.. حزينه
ينقلب كوني ... حزين ؟
والمدينه ... مو مدينه
حتى ورد .. الياسمين :
صار باهت .. ياسمينه !
وصار يشبهني .. حنين !
الهوى .. ديني ودينه ..!
دامك أنتي .. ترحلين !
ياخطاوينا ... الحزينه ..!
علمينا الحب ... وين !؟
لاتروحي !
باقي .. ماجفت جروحي !؟
لسه باقي بي .. تعب
لسه باقي بي ..
ألم
اي نعم !
ذي عيوني .. بس دخيلك !
وش تشوفي ..؟
مالمحتي فيها خوفي ؟
مالمحتيني هناك ..!؟
يوم تكتبني ..
حروفي !؟
ليه اخاف الحب .. وانتي تسكنيني !؟
ودام أنا أسكنك .. ( أصلا ) /... ليه أخاف ..!؟
كلنا نشبه بعض /... ياللي تبيني :
أشبهك .. حب و هجر / ... وبل ( و ) وجفاف !!
يازماني ..
علم الدنيا حناني ..
وانثر احساسي / أماني ..
وارسم اشواقي .. مساحه !
شاعرك ..
ماذاق راحه !
ذي جراحة ..!
سوها شعر / وأغاني ..!
سعاد ..!!
قمت أنادي ياسعاد ..!!
ياسعاد ..!!
ياقمر .. مامرت الليلة سعاد ... !!؟
بنت تاخذ .. شنهو تاخذ !!
أنت تاخذ منها نور ..!!
بنت يكفي لاتثنت ..
تنحني كل الزهور ..!!
غادة حسنا
../ حسينه ...
جوهرة ..
/ ياهي ثمينه ...
بنت ماغابت عن عيوني...
../ .. ولامره .. ياهذا ..!!
ماتخيلها .. بدوني ../..
بس لاتسأل .. لماذا ..!!؟
عاد علمني وقول ..
أختصر أرجوك .. عاد !!!
لاتفرح بي .. عذول ..!!
هنا ... مامرت سعاد ..!!
ياقمر .. وش فيك ضايق ..
ياقمر بالله ............ قول ..؟
ياقمر .. ماني بطايق ..
شوفتك ../ وانت بأفول ؟
ياقمر .. هو ليه غابت ../ عن عيوني ..
ليه ماقالت ... ترى يمكن .........../ أغيب ...
ليه تتركني ..أنا ../ وحدي ../ بدوني ..
ليه ماحست .. بتحنان .../ ... الحبيب ...
(( ماتت سعاد )) ..!!
لا ..
لا ..
لا ..
لا وش // ماتت سعاد ..
تكفا .. قلي ../ غير هاذي ..
يعني راحت ../ للبعاد ..
كيف ؟ ورموشه ... ملاذي ..
كل معنى للأحاسيس .. بعيوني اندفن ..
يوم شالوا جسمها الطاهر ..
وحطوه بكفن ..
يوم راحت ..!! .. يوم راحت ..!!
دمعه طاحت ...
ونه صاحت ...
ورقا ناحت ..
من يعزي هالمدينه ..!!
والعصافير الحزينه ...؟
من يعزي الورد ..؟
فله .../ .. ياسمينه ..!!
من يعزي بي ..
/ الطفولة ..
ودمعة فيني
../ عجوله ..
آه يابنت الطهارة والعفاف ...
قمت من بعدك .../..
أخاف ..!!
من ليالي سرمديه ..
من هموم جرهديه ..
وذكريات .. ماورى ترديدها ..
.. / غير الأذيه ..
من يعزي ه الأماني ؟
../ الدقايق
.. الثواني ...!!؟
وش أسوي ف نار
بضلوعي تأجج ..
ماعلى قدرة إله الكون
../ نحتج ..
بنت كانت في عيوني ../ كل شي ..
كانت الأرض ../ السما ../ كانت بلاد ..
عقبها ميت ../ لبس ../ إنسان حي ..
عقبها .. / ماعقبها ..(أنثى ) .... سعاد ..!!
لعنبوا قاف ../ على القومه جزوع ..
ولعنبوا حظ .. وقف .. يوم ..../ وقف له ..
شاعر يهوى ../ وباحلامه .. قنوع ..
حب له طفله ../ وماتت فيه .طفل ه ..
لاطرت في حلمه الوردي ../ يفوع ..
ياه حتى الحلم // .. مايوم انتصف له ..
شاعر لاماتت .. / أحلامه يجوع ..
يشرب من الحزن يوم إنه ..../ غرف له ..
احترف توزيع ../ شعره ../ والدموع ..
واعترف في وقت ...//...... محد يعترف له ..
ليه تتركني .../ كذا ..
في يدينك .. يالأذا ...
ياسعاد ..
ياسعاد ..
واعلن الكون الحداد ...!
واعلن النور ../ السواد ..!
ماتت سعاد ..
|
|
|
|
|
12-07-2010
|
#23
|
للحلم / للشعر / وأشياء أخرى !!!!
للحلم ابرقا ! دام حلمي رقاني !
وللمجد ابصعد سلم الصبر ... وارقاه
ماهمني لو قيل : شاعر أناني
أو قالوا إن اغروره .. اليوم .. أعماه
الله عطاني .. واحمد اللي عطاني
وكل يحمد اللي من الجود .... اعطاه
لا ماكتبت الشعر .. قصدي الغواني
لا ماكتبته .. قصدي المال .... والجاه !
ولاجيت ادور للحقيقه .... معاني !
جيت اكتم بصمتي ... سخافات الافواه
وإلا عليه اليوم ! .. ما الله حداني !
هو ابتلاني لين ماصرت ...... بلواه !
حشمت راسه عن حديث ... الطماني
وعزيت شانه يوم غيري .... تبلاه
مرات احس الشعر .. غلطة زماني
وإن غاب لجت هالحنايا ... تبي ماه !
لولاه قلي وين ..... ابلقى الأماني
بالله .. قلي .. ويش أنا اليوم لولاه !؟
بي جرح .. لامنه براني ... براني !
يحطب أمل صبري .. من اقصاه لاقصاه
وشلون ابلقى للسعاده ...... مواني ؟
وانا مثل م تشوف .. مخلوق .. للااه
الموت وينه ؟ ليت موتي ... خذاني !
تعبت انا اسأل .. وين هالوقت ... وداه !
تعال فتش عن سجين .... المحاني !
واليا لقيته ذكره بس ............. بالله !
إني عطيته .. دمعتيني ../.. حناني !
واني وهبته ... من جنوني .... معاناه
وقله مدامه راح عني ... ونساني !
مثله بسوي ! ... ببتعد عنه ... وانساه
وخله يعد اليا رحلت ..... الثواني
وخله يمول صح .. لاغبت / .. ويلاه !
واذا يبي موتي .... دخيلك تراني !
مثله أبيه ! ... وعلني بس ... ألقاه !
وقله غديت اليوم .. إنسان ثاني !
شاعر جريح ... وكل هالناس ... تقراه
وما كل شخص .. لاقراني .. قراني !
ولاكل حلم مرني ..... أطلب رضاه !
ولاجيت ادور للحقيقه ... معاني !
جيت اكتم بصمتي ... سخافات الافواه !
|
|
|
|
|
12-07-2010
|
#24
|
بدو ............ ن !!!!
يابدون ...!
قالها شخص لصديقة ..!
جاوب الثاني وقال :
أنت من ربعي .. تمون ..!
عادها الأول وقال :
يابدون !
عادها مره .. ومره ..
لين صارت حيل مره ..
قام صاحبنا بحسره ..!
صاح في لحظة جنون !
علمونا .... من نكون !؟
دام رب الكون ..
في ه الكون ..
خلانا .. نكون ..
ليه ؟ .. ماحنا بشر ؟
ليه ؟ .. مانملك عقل ؟
والا مانملك .. عيون ..!؟
حنا باللة .. وش نكون ..!؟
يازمن ..
ضايع طريقك ..
والوعي ..
عيا يفيقك ..
وحنا مازلنا بسجون ..!
صرنا للطابور ... سور ..!
ويوم جانا الدور ..
صحتوا .. بور ... بور ..!
والزمن يمشي .. يدور ..
وقلنا يالله ماعليه ..
بكرى تهون ..!
وجانا بكرى !
أردى من أمس .. الردي ..
ماستفدنا من العدي ..
حنا أصبحنا القتيل ..!
وحنا أصبحنا ... الودي ..!
ياجماعة .. من نكون ..!؟
دام صرنا لايمين ولايسار .. ولاوسط ..!
وف عيون الناس .. أصبحنا .. غلط ..!
وصرنا بالدنيا ..
هوامش ..!
هذا مافي .. وذاك .. مامش ..!
اه حنا من نكون .!؟
ياحسافة .. حلمنا ضايع سدى ..!
وكلمة ناحت .. وراحت ..
ولاجابت صدى ..
يعني حنا .. من نكون ..!؟
الأمل شمسه تنحت ... للغروب ..
الشمال اقفى ..!
وانكرنا الجنوب ..!
وينها عنا .. / رجاجيل القلوب ..!
الأمل وينه ؟ .. نبي ندخل عليه ..
دام ضاع الحق ..
في كل الوجيه .. ايييييييييييييه !
ايه ..!
هي كلمة .. ( بدو ) ..
وزودوا بس حرف ( نون ) ..
وصرنا بالدنيا ..
بدو .................... ن !!!!
|
|
|
|
|
12-07-2010
|
#25
|
هذيان ..!!! ( 1 )
طفلة تلعب على ( جال الحنايا ) ..!!
وش عليه إن وردت روحي ..
على ..
حوض المنايا ..!؟
أنت تدري من أنا ..!؟
هو هذاك ..
اللي هذاك ..
يوم قال البيت هذا :
الندم يانور عيني .. مايفيد ..
مايعيد الأمس واسألني ../ أنا ..!
هذا منه .. فيه مني ..
انت تدري ..
هو كأني ..
لا . ياخي .. وش كأني ..
أنت اسأل فيه ..
عني ..
تلقى ( ياليت ) التمني ..
تذبحه ..!!
وتسيل مني ..!
وقالها صبح تلعثم.... في شفاة الأجوديه ...
امشط الليلة هباءا .. وانتظر ( قذلة ) .... صباح ..!
أي صباح ! الله يلعن والدين .. المهمهيه ..
ترخ اهمومك .. وجغرف ../ ياوطن/ مليون صاح ...!
علمتني .. ريم .. وشلون آتوقا ..
وعلمتني هند ..
كم مني .!!
تبقى ..
وعلموني ..
لاطعنوني ..
كيف أصمد ..
وأتلقا ..
بس تدري .. مادريت ..!
إن أنا يمكن ... هذاك ..
لاتدقق ..... لو بغيت ..
اصلا (ألقاني) .. بذاك ..
حي يتسربل .. ابميت ..
موتته يعني ... حياك ..
.
.
أذكر( اني ) .. مرني مره وقال ..
أنت منهو ..؟
قلت : شاعر ..!
قال : حزني .. أكتبه .؟
قلت أسمع وش بقول ..:
هي فقط : حالة شبه ..!
يعني لو ترسم مساحة من.../ مساءات وحديقه ...
أركن أحساسك ابرف ... ضج باحزانه ../... مساء ..
أنت لون استيائك .. من صباح الهم ../.. ضيقة ..
تكبر بعين .. المشاعر ../ .. حتى لو فيها ../ غباء ..
وانطلق من صبح أبيض ../ ينتشي فيك الحقيقة ..
وانتثر لعيون بنت ... تنثر الحب.... / .....بسخاء ..
اشعل احساسك أغاني لا ! مواني / أو دقيقه ..!؟
اشعل احساسك غناوي لا ! حكاوي /... أو لاء
اشتعل كلك ياهذا ! واشعل احساسك حريقة ..!
وانحني لامن تهادت ./ صاحبة ذاك ..... الرداء ..
لبى حسنه لبى غصنه لبى تفاحه ... وريقة ..!
سندريلا هالقصايد .../ دمعتيني ../ .. والهواء ..
يعني ارسم هالمساحه / من احاسيسك حديقة
واركن الدمعة برف ../ .. حزنها بكى السماء ..
أذكر إني قلت مره :
لاتخافي ...
والله إني لجل عينك ...
لمشي فوق الدرب ..
حافي ..
ياأمل طيب .. وافي ..
بس لو تدرين ..
وش سوى الحنين ..
والأنين ..
وهم وسط الروح ..
غافي ..!؟
الهوى قام يتهجا ...حسنها ..
لين ماذابت عروقي ...... وابتدا :
ليلها المجدول يرقى.. متنها
والجمر قام يتلعثم ...... بالندى
بنت لكن ياجماعه ..... كنها :
من ملايكة السما : لكن عدى :
إنها تعطي السحايب : منها !
بس ماتاخذ : من أية ..( حدا ) !!
قمت اسولف للقصايد .. عنها
لين ..
ماطفل الشعر ..
فيني ..
غدا ...
.
.
بس لحظه ..!
ارسميني خط .. بين الشوق ..
فاصل ..!!
اكتبيني حب ..
هزي .. ه المفاصل ..!!
وإلا شاعر ..
كل همه ..
يقرا حزنه ..
في (( فواصل )) ..!!
بالنهايه ... يامهاتي ..
شاعرك ..
تحصيل حاصل ..!!
.
.
استطاع الفذ هذا اصطيادي ...!!
قلت عادي ..!!
هذا ( أبيض ) ..! جاي يطعن بي ../ سوادي ..!!
.
.
من ملل مدري أمل مدري ألم مدري... شعور ..!!
جيت متسوسن على غصن اليباس .. / وشايل الما .....!!
شايل الما .! شوف عاد ! وكل من ناديت بور !
إيه أعمى .. والمصيبة من ينادي! ....... شخص أعما......!!!
أمي تقول : الما ... نما ..!
وأنا أناظر للسما ..
وأقول ..
وبحالة أرق ..
(( جادك الغيث إذا الغيث هما )) ..
إيييييه محتاجك ..
غرق ..!!
ارتمى هاك الظلام وشق نوري ...!!
لين ماسال التعب ........./ من مقلتيني ..!!
يازعيمة حسن هالتكوين ثوري ...
أسألي عني ( معاي) إن قال ...... ويني ..!!
لاتخافين الصباح / ألحين دوري ..!!
برسمك غيمة وطن .. في نون ... عيني ..!!
بطعن غيابك / على جثة حضوري ..!!
وباخذك مني لاجل /.......... ألقاك فيني ..!!
جبت تاريخ الحزن ..
والثرثرة ...!!
ضاع مني ياحبيبي .. أكثرة ..!!
شاعر موجع نزيفه ..
قال حزني ..
وانثرة ..!!
للنور أسولف ../ عن أمل../ ذكرياتك
ولليل اسولف ../ عن ألم ../ ذكرياتي ...
ياكيف ابهرب وابتعد عن .. / جهاتك
وانتي عيونك ... / لارحلتي / جهاتي ...
هذي عيوني قبل لاقول ../ جاتك
تبكي المسافة / والصبح / وامنياتي ..
يالهف حال اللي .. حيابك ! وماتك !
فرقاك .. كلمة / مختصرها : .. مماتي ..!
ياقو قلبك .. لا .! ...... ياقو ذاتك
من غاب طيفك .. والحصيلة : رفاتي ..!
رحلة حزن ../ عنونتها ../ من غلاتك .!
عادي ! لو إن البحر هادر ...... وعاتي ...
حبيبتي وإن جيت ../ الملم شتاتك !؟
كذاب ..! يعني .. لملميلي شتاتي ..!!
وشهي حياتي .. لاخلت من حياتك !؟
أطلع غبي لو قلت ../ عايش حياتي ..!!
.
.
لو كتبتك ../ تاه عصفور السما ...!
لو شربتك ../ الظما .. يشكي / ظما ...!
علميني .. ( الليل ) ..!؟
ليه الليل ..؟
يسهر في جديلك ...!؟
وليه أنا لارحت منا أو منيا .../.. أخيلك ..!؟
علميني ياشذا ..!؟
من .. من الثاني خذا ..؟
القمر ..
وإلا جبينك ..!؟
الزهر ..
أو وجنتينك .!؟
أنا يابنت .. مابيني !!
ولاهواني .......... ولابغاني !!!
هناك ابعيد ... وديني
عن همومي ...... واحزاني
الامن رحت .. ناديني
ياسيد ...... كل اشجاني
انا بالهم ... شوفيني
وعند الياس .. ......./ألقاني !!
أنا .. للحزن ثلثيني
وثلث .../........ بات وحداني ..
أمانه فيك ... خوذيني
ولابغى شي ..... وداني !!!
أنا يابنت .. للحيني
اجمع ....... اجمل الواني
هنا للنور ... / هاتيني
ابسرق صبح ...../ تحناني
احبك .. ....شي يعنيني
وعمري .. /.......آخره فاني
ابي لي حب ... اسقيني
عطش../.... والطبع إنساني
أنا لامت .. ارثيني
وقولي حبه ........ اغواني
السحاب ..
دمعة الحب الحزينة ...
والمطر ..
هذا أنينه ..!؟
وانا .. في صمت المدينه ..!
أكتبت احساسي ..
واضيع ..
واكتم انفاسي ..
واطيع ...
هالقلم لا ضاق مني ..!
من يسولف هم ..
عني ..؟
من يفضفض اآه ..
مني .!؟
هو كاأنه ...
لا ...!!!؟
كاأني ..
طفل ضايع في زحام ...
وحل ..
بعيونه ظلام ...
وين .. ياعمي ..!!؟
ينام ..!!!؟
أممممممممم
قم لاعدمتك صحصح الشوق.... لاهنت ..
أطرب مسامع .. حيرتي .. وانفعالي ...
ما( لعوز ) أحساس المقاريد... إلا أنت ..!
ماهو بذنبك ../ بس اشوفك ... مثالي ...
أنا شمالي ..لو رحلت ....../.. وتمدنت
وتشهد على ماقول .../.. ميلة عقالي ..!
وش عاد يعني كنت أو كنت أو كنت ..!
مازلت ( عادي ) في عيون / الشمالي ..!
اااه
خوذي يدي ..!!
بقهر الغيمات ..واصرخ ..!!
منهو قدي ..!؟
.
.
تعبان مني ي ( أنا ) ..!؟
وإلا ( أنا ) .. مني .. تعب ..!؟
سؤال أعقل من جنون ..!
سؤال أقسى من حنون ..!
أنا .. أنا ...!؟
أو ..
من أكون ..!؟
|
|
|
|
|
12-07-2010
|
#26
|
ثرثرة على رصيف الانتظار
تمنى لو تبي روحي .. تجي روحي iiوراعيها
تحت أمرك ولايمكن .. بوجهك .. أرفع اصباعي
مدام إن القمر ساهر .. وشمسك ذايب فيها
أبشكر خالقي لنه .. جمعكم " ليلة iiوداعي"
وهذي .. " ليلة وداعي " .... وغني لي ... " وداعيه " ...!!
وانا بلملم ..
اوجاعي ..
وببكي ... عندك ../ شويه ..!!
.
.
.
أمانه ياطهر هذا الفضاء الرحب .. قولي لي !!؟
أنا ياكيف لارحتي ../ أسامرها ..... تعاليلي ..؟!!
أنا ياكيف لاغبتي ../ أحايلها ....... مناديلي ..؟!!
أمانه بس .. تعالي لي ...
ومدي لي .../ دفا يدك ..
أبتنفس شذا .. خدك ...
يا " ست الحسن " ... من قدك ..!؟؟
أنا للحين أبكيني !!
وخايف يوم ...
أرثيني ..!!
عزفت احلى القصايد لاجل عينك ../ مانشف حبري
ولا اهتميت لو قالوا .. ( وهذا الشاعر القادم )
أبد كل شي على خبرك ../ ولكن مو على خبري !!؟
تجيني منطوي كلك .. وتبكي لي / أنا نادم
عزفت احلى القصايد لاجل عينك ../ مانشف حبري
ولا اهتميت لو قالوا .. ( وهذا الشاعر القادم )
أبد كل شي على خبرك ../ ولكن مو على خبري !!؟
تجيني منطوي كلك .. وتبكي لي / أنا نادم
.
.
.
كيف لارحتي أطالع بالهدايا !!؟
والزوايا ..
تنده المنحوس هذا ..!؟؟
والمرايا ..
تحترق ليه ؟ ولماذا ..!؟؟
وكيف ابقوى الإنتظار .............؟
إنتظار ..!!؟
يعني شنهو .. إنتظار ..!!؟
كلمه تجمع من خليط المفردات البؤس كله ...!!
كلمة تعني ..
إحتضار ..
وإنهيار ..
وإنكسار ..
ياه ياه الإنتظار ...!!!
كل لحظاته .. مرار ....
.
.
يامساء الإنكسار ../ الصبح وينه ؟
دلني مشتاق ( أتريق ) .. صباح
يا (غريبي ) .. وين تلقالك مدينه
والفجر ( ماوطوط ) .. بعينك ولاح
ماغفيت إلا على الهم .. وسنينه
ولاصحيت إلا على صوت الجراح
مابرحت ارض الهواجيس اللعينه
ولاخذت بالي ثواني .. الإنشراح
ومانشدت البحر عن هم السفينه
دامها تجري بما يرضي .. الرياح
من يقول الحظ ( في ايدي أمينه )
علمه إن الليالي .. مو ملاح
علمه بالباب .. لاصرصر أنينه !!
علمه بالشاب .. مكسور الجناح
علمه بالااه والرحله الحزينه
علمه بالله .. عن طبع السماح
يامساء الإنكسار ../ الصبح وينه ؟
دلني مشتاق ( أتريق ) .. صباح
يا (غريبي ) .. وين تلقالك مدينه
والفجر ( ماوطوط ) .. بعينك ولاح
ماغفيت إلا على الهم .. وسنينه
ولاصحيت إلا على صوت الجراح
مابرحت ارض الهواجيس اللعينه
ولاخذت بالي ثواني .. الإنشراح
ومانشدت البحر عن هم السفينه
دامها تجري بما يرضي .. الرياح
من يقول الحظ ( في ايدي أمينه )
علمه إن الليالي .. مو ملاح
علمه بالباب .. لاصرصر أنينه !!
علمه بالشاب .. مكسور لجناح
علمه بالااه والرحله الحزينه
علمه بالله .. عن طبع السماح
أسمع الساعه تأن ..
وعاشق .. اوجاعه ..
تون ..
.
.
.
احترامي سيدي برحل ... ولا ادري !!؟
وين تسكن ..؟
في عيوني ..
وإلا صدري ...!!؟؟
الوكاد إنك سكنت ...
وإني أنسى اليوم .. حبك .. لا حبيبي !!
لسه بدري ..!!؟
.
.
.
من زمان ...
كنت اصحي الصبح .. واحلام الزمان
وكنت اسولف للهوى .. / عن سالفتنا ...
بكل أمان .. !!؟
وكنت اغنيها .. / ياليله .!!!؟
وكانت تكمل .. / .. ( ودان ) ..!!؟
وكنت .. / ألوعها .. / واولعها .. !!؟
حنان ..
كانت احلى ../ كانت ارقى .. / كانت اجمل ..
كانت اكمل ..
وكنت لاضعت ف هدبها ..
أطلق احساسي ..
وأثمل ..!!؟
كنت أنا هناك .. أنتظرها ..
وآتخيلها تجي ..
واقعد اتهجا .. شعرها ..!!؟
واقعد اترجا .. ثغرها .. !!؟
وانسكب فيها ../ معاها ..
واحترق شمعه ب هواها ..
وانتظرها تشعل أحساس المكان !!؟
آه .. أنا ومنين أبدا ...
هالطريق ..
والهوى .. مابل ريق ..
وانت ياحلمي ..
سحابك .. ماهطل ...
وانت ياصبري ..
ومسوي .. ( بطل ) .. !!؟
وانك تقاوم .. معي ... !!؟
ومانتصرت .. لمدمعي !!!
أنت تدري !!؟
بس عرفت .. الهوي ناقص وعي !!!
كل هذا .. من زمان ..!!
يوم اسولف للهوى .. عن سالفتنا ..!!
بكل أمان ..!!
.
.
.
اجمع .. اجمع ياخفوقي مابقالك .. من زهاب
والتحف صمتك .. ولم كبريائك .. للرحيل
وانت يافاضح شعوري !! ياقلم .. دوك الكتاب
سيل .. لكن لاستفاقت دمعتي .. بالك تسيل
علم اللي ذاب حبه في شراييني ... وذاب
في عروق الصبح قبلي ../ درب مجنونك طويل
وش هنا ؟ قرب وناظر .!! دمع وجنون وغياب
من هنا !! .. تبدا نهاية شاعر .. خلا خليل
الدليل إني وهبته .. قلب .. ماليه العذاب
والعذاب اللي يشوفه .. كان ( أصدقنا ) .. دليل
طير .. رفرف .. ياجنوني واقطف لعقلك سحاب !!
أنت تدري !! طير .. رفرف .. وامطر العالم .. هميل
تمتم الطفل بضلوعي .. ليه غاب ؟ وليه غاب ؟
أنت تعال ( وهد باله ) ( رد حاله ) .. يابخيل
عيش ( تشرينك ) ياقلبي قبل توصل ( شيب اب )
وحاول .. ( إتحاول ياقلبي ترسم احساسك نخيل ) !!
وش بقالك ؟ مابقالك .. بعد كل هذا زهاب
التحف صمتك .. ولملم .. إنطوائك .. للنحيل !!
اجمع .. اجمع ياخفوقي مابقالك .. من زهاب
والتحف صمتك .. ولم كبريائك .. للرحيل
وانت يافاضح شعوري !! ياقلم .. دوك الكتاب
سيل .. لكن لاستفاقت دمعتي .. بالك تسيل
علم اللي ذاب حبه في شراييني ... وذاب
في عروق الصبح قبلي ../ درب مجنونك طويل
وش هنا ؟ قرب وناظر .!! دمع وجنون وغياب
من هنا !! .. تبدا نهاية شاعر .. خلا خليل
الدليل إني وهبته .. قلب .. ماليه العذاب
والعذاب اللي يشوفه .. كان ( أصدقنا ) .. دليل
طير .. رفرف .. ياجنوني واقطف لعقلك سحاب !!
أنت تدري !! طير .. رفرف .. وامطر العالم .. هميل
تمتم الطفل بضلوعي .. ليه غاب ؟ وليه غاب ؟
أنت تعال ( وهد باله ) ( رد حاله ) .. يابخيل
عيش ( تشرينك ) ياقلبي قبل توصل ( شيب اب )
وحاول .. ( إتحاول ياقلبي ترسم احساسك نخيل ) !!
وش بقالك ؟ مابقالك .. بعد كل هذا زهاب
التحف صمتك .. ولملم .. إنطوائك .. للنحيل !!
.
.
.
أسمحولي ..!!؟
قربت لحظة .... ذبولي ..!!!
مافهمتوا .. وش أبي ..!!؟
طفل واحساسه ... غبي ..!!
يبحث لعشق بطولي ..!!!
.
|
|
|
|
|
12-07-2010
|
#27
|
نهام الحنايا
تعال اسكن مساحات الخفوق .. ودع الترحال
تعال اشعل كلام الحب .. واخمد ثورة سكاتي
تعال وقبل ( كيف الحال ) .. ناظر .. هو بقى بي حال
تعال وقبل ( سمعني جديدك ) .. أسمع آهاتي
تعال وشيل من بالي اهجوس كنهن جبال
تعبت اخضع لهذا الانهزام .. ونكس راياتي
تعال وشوف ( نهام الحنايا ) واسمع ( اليامال )
حزين مثل ... دمعات اليتامي .. لانكساراتي
لك الله .. مايقى جرح بروحي مانزف أو سال
لك الله .. مابقى هم اعرفه ... ماملى اوقاتي
أجي لك ممتطي صهوة احروفي .. شاعر خيال
أبوصل للعيون اللي .. مساها .. لملم شتاتي
على جال التعب .. أرمي جراحي .. واحسب الآمال
ولالي لالبس ... هالليل ثوبه .. غير وناتي
وش أقسى من الذبول اللي تشوفه .. لابكى رجال
وش آخر هالأفول اللي أشوف .. بكل نجماتي
دخيلك هاتي لي ( قلب ) ومعه ( صبر ) ومعاهم .. بال
دخيلك حس بجروحي .. ( أما تبكيك أناتي ) !!!
دخيلك اطعن غيابك .. تعبت احايلك .. واحتال
دخيلك .. ملني هذا الطريق ... ومل جياتي
عشقتك مثل مايعشق شعوري .. ضحكة الأطفال
عشقتك مثل مايعشق طموحي ... لمس غاياتي
عشقتك مثل ماتعشق جروحي .. صرخة الموال
عشقتك مثل ماتعشق عيوني .. حبس دمعاتي
عشقتك مثل مايعشق غرورك .. رغبة الإهمال
عشقتك مثل مايعشق خفوقي .. سجنك بذاتي
أنا بصبر .. مدام لكل عقده .. فالزمن حلال
واذا اني مت ياآخر طموحي .. عيش فابياتي
|
|
|
|
| | | | | | |
العرض العادي
