.
.
.
.
لاني متأخر غالباً + الوكند هذا مافيه أي اضافه عدا اني ما رحت العمل (غائب) لذلك نرجع للخلف - للوكند السابق.
رجعت من العمل وانا من الفرحة وبطريقي للمنزل إلا الله ويشطفني.. تجاوزته وانا مسوي له علامة النصر (حبتين)
نرجع لمحور حديثنا: وصلت المنزل وانا افكر اروح لأي الامكنة المحددة مسبقاً بالدماغ.. لقيت امي تشاهد tv سلمت على كلا من: رأسها ويديها الثنتين ونزلت لرجليها صافين سرا يتنظران دورهما.. المهم: وبعد السلام قالت: يا وليدي عندي طلبات ( عرفت انها مشاوير جامدة) قلت: انت تامر بس علميني الطلبات ايش هيا!
قالت: ابغا نصف ذبيحة نايف طيب وبيجي مع أمه باسلم عليه ( نايف مسوي حادث والحمدلله طيب) قلت: مين جاي؟
قالت: بخليها مختصرة وكذا.
قلت وين قروشك (اعرف بتزعل لو ما دفعت)
عطتني ٥٠٠ ريال قلت: وعلى آل ٥٠٠ خمسمائة من عندي وخليها كبيرة. فرحت فديتها.
قالت: وابغا كمان تورته - وعلى ذوقك.
وين قروشك - عتطني ١٠٠ وقلت: وعليها مثلها واحلى تورتة لأحلى نايف مع جدته.
.
بتقوم الصلاة - اصلي وارجع اكمل الوكند الي كله عزايم وانا منظم الحفلات الغير معزوم...
.
.
.
.
ملاحظة/ المقطع +18 به مناظر حادة فأنصح مالك بالمناظر القوية لا تدخل.
.
جبت لكم فيديو من اليوتيوب وحبيت اعدل عليه بشرحي المتواضع الاصح كما اعتقد وارتب فيه المراكز ؛ بالاضافة لمعلومات ضيفها بأرشيفك قد تستعين بها في ظروف: تمام >> أجل مساء الخير مقدماً...
.
.
- المركز التاسع: Eurasian Lynx h او كما يطلق عليه الوشق مركزه نسبة للقائمة الموجودة طيب وما اختلف مع صاحب الفيديو.
- المركز الثامن Clouded Leopard او قط الاشجار نفس الرأي السابق تقريبًا.
- المركز السابع: Cheetah أو الفهد الصياد بصراحة هذا الحيوان الاسرع دون منازع المفروض يخرج من القائمة أو يطرح بقائمة يكون هو متقدم نظير موقعة الاستثنائي بين السنوريات.
- المركز السادس: Snow Leopard أو نمر الجبال هذا السنور المغامر المجنون عجبني بزحفه المجنون احوبه كثير وأنا اشوفه يستحق أن يكون من الثلاثة الاوائل يعني.
- المركز الخامس: Puma (العلامة الرياضية الاشهر) عكس صاحب الاسم الكوجر او اسد الجبال صح خطير بس هذا ليس سبب مقنع ليتقدم على نمر الجبال الثلجية.
- المركز الرابع: Leopard أو الفهد كما هو دارج .. مركزه السادس مكانه الطبعي حتى لو شبهوه بالمنشار الكهربائي.
- المركز الثالث: Jaguar العلامة المميزة في القوة بحق وحقيقة قوى وصاحب اقوى فك بالسباع .. فيه مقطع شفته حزنت ان التماسيح قطعته الظاهر اني حبيته وانا ما أدري (ههههه) مكانه الطبيعي الثالث او حتى الثاني..
- المركز الثاني: Lion او الاسد او درغام او اسامة الخ الخ الخ اللبدة المميزة هذي تكفيه ان يكون قبل الاول او ما يدخل بمقارنة.. انا اعرف ليش صاحب المقطع وضعة بالمركز الثاني عشان يقول: ان الاسد يصيد في زمرة او اللبؤات هي الي تصيد ؛ طيب هو ينطرد اقصد الاسد من وقت بلوغة خارج الزمرة وهو يكون معتمد اعتماد كلي على الزمرة طيب كيف المرحلة ذي راحت من المقيّم .. ناهيكم أن الاسد افترس كما هو موضح بالفيديو كل الحيوانات الكبيرة الي النمر لو ينقلب نمرين مع بعض ما يقدرهم.
قال إيش المركز الاول: النمر ؛ اصلاً كرهته من يوم ابو حمامة يقولون انهم نمورهههههههههههآآآي
.
.
.
.
.
أمي عندها حساسية وتعبتها ؛ عندها بنتين أكبر مني سبحان الله اليوم الاثنين قابلتهم .. وانا زعلان جداً منهم.
وحده قابلتها قبل تخرج طبعاً بعد ما سلمت عليها واخذ اخبارها قلت لها: أمي الحساسية متعبتها + تحتاجك انتي ولا بديعة.
انتي يوم واختك يوم قالت: طيب.
والثانية: مسويها البنت الباره ؛ كلمتها نفس السابقة قالت: احاول.
صليت وبعد الصلاة الكلمة رنت في أذني وزعلت .. رجعت للبيت واخذت جوالي واتصلت عليها الاتصال الثاني ردت ( الشيطان متشعبط برقبيتي )
الووو: ما سمعت اول ذكريني ويش قولتي ( واذكرها كمان ) انفاسي تتصاعد تقولي احاول!!!!!!!!!!!!!!!!!!!!!!!!!!!!!
اقولك: نسقي مع أختك يوم كامل انتي يوم كامل اختك...
وامي الضعيّفة يدها تقطعت وما ادري ايش كمان تقطع وبناتها وحده تقول: احاول...
البر صعب جداً جداً جداً ... البر بمعنى اخر أن تسلم على رجلها وانت مكسور .. تقدر تسوي كذا : ترى انت الحكم وانت تعرف أكثر من أي شخص اخر بنفسك الامارة بالسوء.
والله لو تخليني أمي اسوي مثل ما تسوي الخدامة لأسويه وانا مبسوط .. بس تستحي مني فديتها..
.
.
.
.
.
.
على طاري فسحة كلبتي الجميلة التي وحشتني كثير .. لي عنها منذو أن اعطيتها لأحد الاشخاص الذي تكفل بالاهتمام بها عني!
بعد تسعة أشهر بإذن الله بأصور فلق المقابلة وكيف تصرفها بعد الغيبة الطويلة. يكون نستني!
انتظر رد صديقي الذي يؤي فسخة!
.
.
.
.
.
توني أتذكر إن كائناتي الحيّة تحتاج لماء ؛ والذي نضب من الخزان
وايضاً متفق مع صاحب الصهريج الصباح!
- بأقوم اتلحلح واخذ ثيابي وارتجه للاستراحة انام هناك .. اتفرجت فيلم رغب مدري كيف انام!
اصلاً ما فيها نوم باشعل اللمبات كلها .. اعتقد هذا حل مؤقت.
تصبح على خير أيها العالم
01-06-2022
العرض العادي
